Issuu

DIAMARS 27 OCTOBER 2026

27 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

POLIS DI SAN NICOLAS DEN ACCION TRAS DI SOSPECHOSO CU ARMA DI CANDELA PERSONA CARA TAPA RIBA SCOOTER A LOS VARIOS TIRO NA DE VUYST

ACCIDENTE CU BASTA DAÑO MATERIAAL DEN SANTA HELENASTRAAT

DIAmars 27 october 2026

Accidente cu basta daño materiaal den Santa Helenastraat

Santa Helenastraat Diadomingo anochi rond di 7'or varios patruya a bay Santa Helenastraat pa un accidente pisa.

Pero, danki Dios esaki no tawata e caso. Na e sitio polis a topa cu un Chevrolet S10 y un Hyundai Accent.

Informacion na e sitio tawata bisa cu un persona lo ta seriamente herida.

Ambulance a yega despues di un rato y Paramediconan a controla ambos manehador. No tawata

tin mester di transporta ningun pa Hospitaal. E impacto ta frontal[semi frontal]. Polis di trafico tambe a presenta. Daño materiaal ta considerabel.

DIAmars 27 october 2026

Cuerpo Policial Ta Informa

POLIS DI SAN NICOLAS DEN ACCION TRAS DI SOSPECHOSO CU ARMA DI CANDELA

Diadomingo anochi pa 8:35 ta drenta un yamada na Warda di Polis San Nicolas y ta informa cu lo tin un scooter sospechoso coriendo den vencindario di De Vuyst y e chauffeur lo tin su cara tapa. Di biaha ta pasa e informacion pa Central di Polis. Central di Polis ta manda diferente unidadnan policial pa e sitio menciona.

para pero e no ta sigui ordo di polis.

Na altura di crusada Mount Scenerystraat y ronde klip weg e scooter ta drenta e caminda di tera y na dado momento e chauffeur ta dal abou cu su scooter. E chauffeur ta cuminsa core pa polis y polis na pia su tras ta observa con e sospechoso ta tira un objeto den e mondi.

Na altura di Lago Heights supermarkt un patruya ta wak un scooter y e chauffeur cu un hoodie preto bisti cu ta cuadra cu informacion duna.

Polis ta yega serca y ta constata cu ta trata di un arma di candela. Polis na dado momento coriendo tras di e sospechoso a perde di bista.

Patruya ta bay su tras y ta duna indicacion pa e

Na e sitio di e sucedido a presenta Polis technico/

forensico cu a tuma e investigacion. Tambe cu sosten di mas polis uniforma di San Nicolas, Santa Cruz, trafico, K9 Unit y Flex Team E scooter como tambe e arma di candela y pertenencia laga atras a wordo confisca y Recherchenan di San Nicolas ta sigui cu mas investigacion. No ta descarta cu lo pone man riba e sospechoso den e dianan dilanti. Cuerpo Policial Aruba ta haci un peticion na nos comunidad cu sa of a wak algo yama e tiplijn di polis cu ta 11141. Bo ta keda 100% anonimo.

Persona cara tapa riba scooter a los varios tiro na De Vuyst Ey ta un nan a topa cu un scooter cu hende cara tapa riba dje den De Vuyst altura di Lago Heights supermarkt. E scooter no tawata tin number ni luz.

Diadomingo den oranan di anochi[8:35] autoridad a wordo alerta cu a scucha un of mas tiro den De Vuyst.

Ora e la mira e patruya e la cuminsa core pa polis . Polis a sigi su tras. Despues banda di Mount Scenerystraat e ta drenta un caminda di santo. E ta perde control dal abao y core drenta mondi. Mesora polisnan di San Nicolas a move bay den e direccion.

Polis a bay su tras na pia y na dado momento nan ta wak e tira algo den

mondi. Ta bay check y ta un arma di candela. Pero, lamentablemente Polis a perde e sospechoso for di bista. A solicita pa departamento tecnico di polis y despues autoridad ta confisca

tanto e scooter y e arma di candela. Un cos ta basta sigur, ta cu arma di candela ta mustra di ta masha facil mes pa haya aki na Aruba, y no cos di awor.

DIAmars 27 october 2026

Minister Geoffrey Wever:

Firmamento di MOU entre Aruba y Corsou ta avance importante pa importacion di carni for di Colombia Despues di mas di tres aña di negociacion, preparacion y perseverancia, Aruba ta marca un paso importante pa diversifica su mercado di importacion y fortalece seguridad alimenticio. Oranjestad, 26 di october 2026 – Aruba a logra un avance importante den e trayectoria pa importa carni directamente for di Colombia. Awe, Minister di Salubridad, Asuntonan Social, Cuido di Adulto Mayor y Maneho di Adiccion, Mervin Wyatt-Ras, y Minister Boekhoudt di Corsou a firma un Memorandum of Understanding (MOU), cu ta establece un paso importante den e cooperacion entre ambos pais pa facilita e proceso di importacion di carni Colombiano pa Aruba. E firma aki ta resultado di un trayectoria cu a cuminsa na 2023, ora cu Minister di Finansa, Asunto Economico y Sector Primario, Geoffrey Wever, na e momento Minister di Asunto Economico, Comunicacion y Desaroyo Sostenibel, a lidera un mision comercial na Colombia. Durante e mision aki, cu a tuma lugar di 23 te cu 27 di mei 2023, a sostene reunionnan cu autoridadnan Colombiano, incluyendo Instituto Colombiano Agropecuario (ICA) y Instituto Nacional de Vigilancia de Medicamentos y Alimentos (INVIMA), pa explora e posibilidad di importa carni di calidad na un prijs mas economico pa mercado Arubano. Desde e inicio tabata cla cu importacion di carni no ta solamente un asunto comercial. E proceso ta exigi cumplimento cu normanan sanitario internacional, evaluacion tecnico, coordinacion entre autoridadnan y diferente acuerdo juridico pa garantisa seguridad di e productonan.

A pesar di e esfuerzonan inicial, durante e periodo di maneho anterior no a logra finalisa e proceso. Sin embargo, Minister Wever a mantene e iniciativa riba su agenda economico, convencí di e importancia di habri mercado nobo y crea mas opcion pa importadornan y consumidornan di Aruba. Cu e entrada di e actual Gobierno, Minister Wyatt-Ras y su equipo di consehora y cu ayudo di DVG a logra identifica, hunto cu Corsou, un solucion pa haci un siguiente paso concreto. E cooperacion aki a culmina awe den firma di e MOU. “Desde 2023 nos a cuminsa traha pa habri e mercado di Colombia pa Aruba. E proceso no tabata facil, pero nos no a laga e meta cay. Cu cooperacion di Gobierno di Corsou nos a logra un solucion cu ta permiti nos sigui dilanti. Awe nos ta marca un paso importante den un trayectoria cu tin como objetivo trece mas opcion y productonan mas economico pa pueblo di Aruba,” Minister Wever a expresa. Un di e metanan principal di e iniciativa ta pa amplia e cantidad di mercado for di cual Aruba por importa productonan alimenticio, y asina crea condicionnan pa mas competencia y prijsnan mas atractivo. Aruba ta depende pa gran parti di importacion pa suministra su mercado local. Cambionan internacional den prijs, transporte y disponibilidad di producto ta afecta directamente e costo di bida di nos famianan. Segun Minister Wever, carni Colombiano ta representa un oportunidad pa introduci un producto di calidad na un prijs potencialmente mas economico cu algun di e alternativanan

actualmente disponible riba mercado Arubano. “Nos sa cu prijsnan den supermercadonan ta halto y cu desaroyonan internacional hopi biaha ta pone mas presion riba cartera di nos famianan. P'esey nos ta traha activamente pa habri mercado nobo y crea mas oportunidad pa importa productonan di calidad na prijsnan mas accesibel. Nos meta ta pa e beneficio aki eventualmente yega cerca consumidor,” Minister Wever a indica. E iniciativa ta cuadra cu e direccion di maneho di Programa di Gobernacion AVP-FUTURO 2025–2028, cu ta contempla fortalecemento di relacionnan comercial regional, diversificacion economico y mehoramento di poder di compra. Minister Wever a expresa su aprecio pa e cooperacion di Gobierno di Corsou, cu a desempeña un papel importante den e avance logra. Minister Wever ta gradici Minister Boekhoudt y su ekipo, como tambe Gobierno di Corsou, pa nan disposicion pa coopera cu Aruba den e proceso. Segun Wever, e cooperacion aki ta demostra cu e paisnan den Reino por fortalece otro y logra metanan comun compartiendo experiencia, conocimiento y solucionnan. “Nos tur ta paisnan chikito y cerca di otro. P'esey nos mester sigui busca manera pa coopera y fortalece otro. Awe Corsou ta yuda Aruba den e

trayectoria aki, y Aruba tambe ta dispuesto pa comparti su experiencia y conocemento den otro proyectonan. Hunto nos por logra mas pa nos paisnan y nos region,” Minister Wever a enfatisa. Cu e firma di e MOU, e proceso ta drenta un siguiente fase. Ainda ta resta pa finalisa e aspecto huridico y posteriormente firma un acuerdo cu e autoridadnan competente na Colombia, prome cu importadornan local por cuminsa importa carni directamente for di eynan. Minister Wever a expresa su speransa cu e pasonan cu falta por wordo completa den algun luna, pa e mercado Arubano por beneficia di e oportunidad comercial nobo aki. Finalmente, Minister Wever a expresa su gradecimento y felicitación na Minister Wyatt-Ras y su ekipo pa nan compromiso y trabow pa negocia y logra e acuerdo di cooperación aki. Tambe a gradici señora Dijkhoff-Pita di Departamento di Asunto Economico, señora Briceño di Directie Volksgezondheid, e conseheronan involucra y tur e instancianan cu a contribui pa haci e avance aki posibel.“E firmamento di awe ta un momento importante. Nos lo sigui traha pa finalisa e trayectoria, cu e meta pa nos importadornan por trece carni for di Colombia y crea mas opcion na prijsnan mas economico pa nos comunidad. Esaki ta e resultado cu nos kier logra pa Aruba,” Minister Wever a conclui.

DIAmars 27 october 2026

PARLAMENTARIO MADURO TA PIDI CLARIDAD RIBA ALCANCE DI MOCION DI AVP Y FUTURO

2020. Maduro ta considera cu un investigacion independiente por contribui na transparencia y bon gobernacion. Sinembargo, e ta señala cu e texto oficial di e mocion no ta menciona su nomber, mientras cu den declaracionnan publico di Parlamentario Ruthlyn Lindor, Maduro a wordo menciona como ex Minister di Finansa.

ORANJESTAD – Parlamentario Xiomara Maduro (MEP) a dirigi un carta na Presidente di Parlamento, sr. Alfred Sneek, solicitando

claridad formal riba e alcance di e mocion di AVP y FUTURO pa investiga posibel iregularidadnan den gastonan publico durante aña

Pa evita interpretacionnan diferente, Maduro ta solicita claridad riba cuater punto: 1. E investigacion ta general of ta enfoca specificamente riba su responsabilidad como ex Minister di Finansa? 2. E declaracionnan di Lindor ta representa su posicion personal of e posicion oficial di AVP y FUTURO? 3. E investigacion lo inclui tur instancia y persona envolvi den programa FASE? 4. Cualkier conclusion riba

responsabilidad lo ta basa riba evidencia concreto y investigacion independiente? Maduro ta señala cu e observacionnan di Algemene Rekenkamer riba FASE ta importante y merece evaluacion serio. Alabes, ta esencial pa distingui entre deficiencianan den un sistema y responsabilidad personal. “Un investigacion independiente mester tin un mandato cla, considera tur e echonan y laga e evidencia determina e conclusion.” Maduro ta solicita pa e aclaracionnan keda registra oficialmente na Parlamento, den interes di transparencia, imparcialidad y confiansa publico. “E meta mester ta claridad y berdad. Esaki ta den interes di Parlamento, Gobierno y pueblo di Aruba.”

DIAmars 27 october 2026

Aruba Bank ta apoya Masters World Championships Aruba 2026 cu orguyo

Oranjestad – 26 di oktober 2026 - Aruba Bank tabata un patrocinador orguyoso di Masters World Championships Aruba 2026, cu a tuma lugar di 23 pa 25 di oktober. E apoyo di e banco a contribui na celebra e dedicacion di e atletanan, perseverancia y e espiritu di competencia. Representante di Aruba Bank, Michelle JacobsHarms, tabata presente na e evento y a entrega premio na e atletanan,

reconociendo nan logronan y e dedicacion tras di nan prestacionnan. E programa di e campeonato a inclui actividadnan na Bushiribana, Centro Deportivo Betico Croes y Stadion Nadi Croes. E ceremonianan di apertura y clausura a tuma lugar na Centro Deportivo Betico Croes. Pa medio di su patrocinio, Aruba Bank a apoya un evento cu a pone deporte

y comunidad na e centro di e celebracion, mientras a destaca Aruba como anfitrion di competencia internacional. Aruba Bank ta felicita e ganadornan di premio y tur atleta cu a participa, y ta expresa su aprecio na e organisadornan y voluntarionan pa nan contribucion na Masters World Championships Aruba 2026.

DIAmars 27 october 2026

MEP TA EXIGI ACCION URGENTE PA PROBLEMATICA DI PARTERANAN: MINISTER WYATT-RAS TIN TE 12 DI NOVEMBER PA CONTESTA implementacion, y kier sa cua medida di emergencia Gobierno lo tuma si no yega na un acuerdo cu AZV. E minister tin tres siman pa contesta e preguntanan: e fecha limite ta 12 di november 2026.

ORANJESTAD Fraccion di MEP a entrega preguntanan parlamentario na e minister di Salubridad tocante e situacion alarmante di cuido di partera na Aruba.

E cantidad di partera a baha di 8 na 2024 pa 4 na 2025, y pa 2027 por keda solamente 3, mientras cu Aruba tin mester di 6 pa 7 partera. Desde april 2024, e sector a alerta AZV y a presenta diferente proposicion, pero ainda no tin un solucion definitivo.

MEP ta exigi claridad y accion urgente pa garantisa continuidad, calidad y seguridad di cuido pa mama y baby.

MEP a puntra, entre otro, pakico e solucion cu parteranan a propone ainda no ta implementa, con ta trata e tardansa di

11 pa 12 luna pa AZV paga declaracionnan, y dicon no ta dunando atencion na e investigacion di PLUS Accountants. Tambe MEP ta exigi medida pa preveni burnout, falta di personal y riesgo pa seguridad di mama y baby.

MEP a pidi un plan di accion concreto, cu financiamiento, responsabel y fecha di

MEP ta considera cu cuido di partera ta demasiado importante pa keda sin solucion. Dos bida ta depende di e cuido aki. Aruba no por sigui warda.

DIAmars 27 october 2026

Minister Geoffrey Wever:

ta prepara transicion di flota gubernamental pa vehiculonan electrico pa reduci gasto publico y fortifica sostenibilidad di Aruba Proyecto Green Overseas di Union Europea a finalisa cu un plan concreto pa modernisa flota gubernamental, reduci dependencia di combustibel importa y contribui na transicion energetico di Aruba. Oranjestad, 26 october 2026 - Minister di Finansa, Asunto Economico y Sector Primario, Geoffrey Wever, a presenta na Conseho di Minister e resultadonan final di e proyecto Green Overseas (GO) entre Gobierno di Aruba y Union Europea hunto cu un proposicion pa inicia un transicion gradual di flota gubernamental pa vehiculonan electrico. Cu esaki, un proceso di investigacion y cooperacion internacional cu a cuminsa na augustus 2025 a yega na un fase importante unda cu mester tuma decision. Gobierno awor tin un plan concreto pa modernisa su flota, reduci gastonan operacional y contribui na un futuro mas sostenibel pa Aruba. E proyecto a wordo realisa cu un contribucion di €190,000 di Union Europeo, bou di coordinacion di Expertise France y cu asistencia tecnico di empresa Aleman Energynautics GmbH. Localmente, DEZHI a coordina e proyecto den colaboracion cu diferente instancia gubernamental, incluyendo DOW, CBS y ELMAR. Durante e ultimo aña, expertonan a analiza e flota gubernamental, cu na inicio di e proyecto tabata consisti di aproximadamente 510 vehiculo bou di lease y 37 vehiculo den propiedad di Gobierno. Tambe

a monitor seis vehiculo electrico y compara informacion di 80 vehiculo convencional pa evalua nan uzo, costo y eficiencia. E investigacion a resulta den un plan di transicion, un proposicion pa modernisa e maneho di compra y lease di vehiculonan gubernamental, y un plan pa maneho responsabel di baterianan electrico. Un di e obhetivonan principal di e iniciativa ta pa reduci dependencia di combustibel importa y e gastonan structural relaciona cu transporte gubernamental. E analisis a mustra cu vehiculonan electrico por spaar den gasto di energia y mantencion. Pa algun departamento cu ta uza nan vehiculonan intensivamente, e spaarmento potencial den costo total di propiedad por yega te na 15%. E proyecto ta introduci tambe un manera mas eficiente di evalua inversionnan gubernamental, considerando no solamente e prijs di compra di un vehiculo, sino tur su gastonan durante su periodo di uzo. “Nos kier un Gobierno cu ta opera mas eficiente y cu ta uza cada florin publico di manera responsabel. E proyecto aki ta permiti nos tuma decisionnan basa riba informacion tecnico y costo real, mientras nos ta reduci dependencia di combustibel importa y inverti den un futuro mas sostenibel,” Minister Wever a indica. Basa riba e resultado di e investigacion, Energynautics a recomenda un transicion cu ta

contempla electrificacion di 50% di flota gubernamental pa 2030. Minister Wever a presenta na Conseho di Minister un proposicion pa establece un maneho di transicion gradual, cu ta permiti considera un porcentaje mas ambicioso, dependiendo di viabilidad tecnico, financiero y operacional. E proposicion ta contempla cu, na momento di renoba vehiculonan gubernamental, departamentonan mester considera preferiblemente compra of lease di vehiculonan electrico, tanten cu e tipo di nan trabou ta permiti esaki. E implementacion lo rekeri coordinacion cu DOW y ELMAR pa sigura cu e infrastructura di carga y capacidad di red electrico ta prepara pa e transicion. E iniciativa ta conecta directamente cu e Programa di Gobernacion AVP-FUTURO 2025–2028, particularmente cu e compromiso pa modernisa sector publico, aplica un maneho financiero mas eficiente y promove un transicion energetico sostenibel y inclusivo. Banda di e beneficio financiero, electrificacion di flota gubernamental lo contribui na reduccion di emision di CO2, menos dependencia di combustibel fosil y oportunidadnan economico nobo pa empresanan local den mobilidad electrico, infrastructura di carga y servicio tecnico. E conseho ta contempla tambe unplan pa coleccion, reutilisacion y

reciclahe responsabel di baterianan electrico, pa sigura cu e transicion ta tene cuenta cu su impacto ambiental riba termino largo. Cu finalisacion di e investigacion y presentacion di e recomendacionnan na Conseho di Minister, Gobierno di Aruba ta prepara e siguiente fase: transforma e plan den un maneho concreto y un implementacion gradual. “Transicion energetico no ta solamente un cuestion ambiental. E ta tambe un oportunidad pa modernisa Gobierno, reduci costo y fortalece nos economia. Cu e proyecto Green Overseas, nos a crea e base tecnico pa tuma e siguiente pasonan di manera responsabel y planifica,” Minister Wever a enfatisa. Cu e iniciativa aki, Gobierno AVP-FUTURO ta sigui traha riba un aparato gubernamental mas eficiente, un maneho mas responsabel di recurso publico y un Aruba mas resiliente y sostenibel pa generacionnan di futuro.

DIAMARS 27 OCTOBER 2026

UN TREMENDO LOGRO CU TA HACI NOS INCREIBLEMENTE ORGUYOSO! Reconocemento internacional pa HOH di IHF awards Revenue into Social Impact". Pa medio di e iniciativa aki, HOH ta demostra cu e responsabilidad di un hospital ta bay hopi mas leu cu simplemente brinda cuido medico. HOH ta apoya educacion specialisa pa muchanan cu discapacidad, aporta na cuminda pa muchanan di famianan cu menos recurso y ta yuda garantisa cuido medico esencial pa personanan no documenta, esta sin seguro medico haciendo uzo di un parti di e entradanan genera pa turistanan cu mester di cuido medico cu yega Hospital y otro fuentenan cu no ta di e presupuesto regular cu HOH ta ricibi pa brinda cuido. Y na e mesun momento, HOH tambe ta sigui inverti den e desaroyo y calidad di nos hospital.

Durante e di 49 Congreso Mundial di Hospital na Seoul, South Korea, Horacio Oduber Hospital (HOH) a ricibi un 'Honourable Mention' na e prestigioso IHF Awards 2026, den e categoria di ‘Excellence Award for Social and Environmental Responsibility’. Un reconocemento internacional cu ta yena HOH cu hopi orguyo mirando cu e aña aki,

International Hospital Federation (IHF) a ricibi mas cu 750 postulacion for di 38 pais. Y pues mirando cu nos hospital di Aruba wordo reconoci entre tantisimo institucion di cuido di salud rond mundo ta algo cu nos por ta sumamente orguyoso di dje. HOH a ricibi e reconocemento aki pa e proyecto yama "From Tourism to Community: Transforming Healthcare

desaroya e iniciativa aki y a prepara nos postulacion pa e IHF Awards. Danki na nan dedicacion, compromiso y tremendo trabou, nos esfuersonan a ricibi e reconocemento internacional aki.

Nos cada uno cu ta forma parti di HOH tin motibo pa ta orguyoso di loke hunto ta logrando y ainda tin hopi mas pa wordo haci.

Nos conoce mihor cu cualkier otro persona e retonan cu cuido di salud ta enfrentando na Aruba. E presion riba nos personal, e aumento di e demanda pa cuido y e limitacionnan financiero cu ta significativo. Pues e reconocemento internacional aki ta significa mas ainda, pasobra e ta

HOH ta compromete pa sigui construi un hospital mas fuerte y un miho sistema di cuido di salud cu ta accesibel y sostenibel pa tur hende na Aruba. Paso HOH semper t’ey!

Paardenbaaistraat 10, Oranjestad, Aruba Tel.: (297) 525 - 7555 www.lottoaruba.com

Resultado: Sorteo di Merdia ☀ - October 26, 2026

Sorteo # 5138

Paso bon cuido di salud no ta solamente loke ta pasa paden di e murayanan di un hospital. E ta ta tambe e comunidad cu nos ta parti di dje y e responsabilidad cu nos tin pa nos hendenan. E reconocemento aki ta di nos tur. Pa nos empleadonan y profesionalnan den cuido cu diariamente ta dedica nan mes na nos pashentenan y na comunidad di Aruba. Un palabra special di aprecio ta bay na e coleganan cu a

demostra cu apesar di e retonan aki, nos como un team ta sigui bay dilanti, mehorando y invertiendo den nos futuro.

8636 8605 7309

Joker

Sorteo # 0 x Jackpot 0 x Match 4+ 0 x Match 4 0 x Afl. 12,00

Letter Proximo Jackpot

475.000,-

X2 Sorteo # 5138

5412

Proximo Jackpot

Sorteo #

0 x Jackpot 0 x Match 4

65.000,-

0 x Afl 8,00

FP Sorteo # 3194

4631

Sorteo # 5138

Sorteo # 0 x Jackpot 0 x match 4 0 x Afl. 500,00 0 x Afl 50.00 0 x Afl.15,00

945 X2

250.000,-

Afl. 350.000,-

9668

Cancer

Sorteo # 2012

Mega Ball Proximo Jackpot

Sorteo #

#VALUE!

P 10

DIAmars 27 october 2026

Minister Geoffrey Wever ta celebra 50 aña di Santa Rosa y ta reafirma compromiso pa fortalece Sector Primario

Oranjestad, 25 di oktober 2026 – Minister di Finansa, Economia y Sector Primario, mr. Geoffrey Wever, a participa na e celebracion y a felicita Santa Rosa pa su trayectoria y contribucion na desaroyo di nos Sector Primario. Den un ambiente festivo, yen di tradicion, producto local y aprecio pa nos Sector Primario, Departamento di Agricultura, Cria y Pesca, Santa Rosa, a celebra su aniversario di 50 aña cu un Open Dag special. E celebracion a reuni cunukeronan, criadonan, piscadonan, productornan, comerciante y bishitantenan cu hunto a conmemora cinco decada di servicio na comunidad Arubiano. Durante e Open Dag, publico a haya oportunidad pa conoce y aprecia e diversidad di productonan local, encontra e personanan tras di nos produccion y celebra e tradicionnan cu ta forma parti di nos identidad Arubiano. E participacion di diferente vendors y productornan local

a demonstra e dedicacion y potencial cu ta existi den nos sector primario. Un momento special durante e celebracion tabata e entrega di reconocimentonan, dedica na personanan y organisacionnan cu durante añanan a contribui na e departamento y na fortalecemento di nos Sector Primario. Entre e reconocidonan tabata WEB Aruba representa pa Sr. Robert Croes. Sra. Rachelle Peterson, Sr. Francisco Franken, Sr. Anthony Bello, Sr. Benjamin Romero, Sr. Franklin van der Linde y Sr. Arthur Giel, kende nan contribucion y cooperacion ta representa e importancia di compromiso, participacion y sosten na nos agricultura, cria y pesca. Minister Wever a extende un felicitacion y agradecimento special na señora Nathalie Maduro, directora di Santa Rosa durante e ultimo 16 aña, pa su dedicacion y compromiso cu e departamento. E mandatario

a reconoce tambe e trabou di henter e team di Santa Rosa, tanto personal actual como esnan cu durante e añanan a forma parti di su historia. Durante e discurso di Minister Wever, Minister Wever a recorda cu diputado defunto señor Daniel Leo cu tabata tin e vision pa bin cu un departamento manera Santa Rosa y cu awe nos por celebra 50 aña di Santa Rosa ta danki na e vision aki. Un agradecimento special a bai tambe na tur cunukeronan, criadonan, piscadonan, productornan, vendors, organisacionnan y colaboradornan cu diariamente ta contribui na nos Sector Primario y cu a forma parti di e celebracion. Ademas di celebra e historia di Santa Rosa, e aniversario a brinda oportunidad pa destaca diferente desaroyonan cu ta den proceso pa fortalece e departamento y e Sector Primario. Minister Wever a indica cu Gobierno di Aruba a inicia un proceso pa cuater contrato di servicio pa mantencion, renobacion y mehoracion di diferente seccionnan di Santa Rosa. E meta ta pa fortalece capacidad di e departamento

y mehora e servicionan cu e ta brinda na nos cunukeronan, criadonan y productornan local. “Ora nos inverti den Santa Rosa, nos ta inverti tambe den e productornan cu ta depende di su asistencia y den futuro di nos alimentacion local. Nos ta inverti den un sector crucial,” Minister Wever a expresa. Entre otro desaroyonan importante ta e introduccion di bestia nobo di cria na Aruba despues di 14 aña, cu e obhetivo di fortalece diversidad genetico y calidad di cria local. Esaki a ser logra mediante cooperacion entre Gobierno di Aruba, Santa Rosa y Comision Pro Cunukeronan Arubiano. Tambe e proyecto Cunucu Butucu a ricibi aprobacion di Conseho di Minister pa sigui cu su desaroyo. E iniciativa aki ta enfoca riba crea condicionnan pa facilita produccion agricola y cria, incluyendo acceso na tereno y infrastructura apropia. Hunto cu e proyecto Agri-Innovation Park, e desaroyonan aki ta forma parti di e esfuerzo pa combina agricultura tradicional cu innovacion y oportunidadnan nobo.

E mandatario a enfatisa cu pa fortalece produccion local y contribui na seguridad alimentario di Aruba, cooperacion y dialogo cu e personanan activo den e sector ta esencial. Nan experiencia y conocemento ta indispensable pa identifica retonan y desaroya solucionnan cu ta funciona den practica. Cu cinco decada di servicio, Santa Rosa a acompaña diferente generacionnan di cunukeronan, criadonan y piscadonan, brindando orientacion, asistencia y sosten na e sector. E aniversario aki ta un momento pa honra e trayectoria di e departamento, pero tambe pa reafirma e importancia di sigui inverti den su futuro. “E sector primario no ta solamente parti di nos pasado y nos tradicionnan. E ta forma parti di nos futuro, nos identidad, nos seguridad alimentario y nos desaroyo economico,” Minister Wever a enfatisa. Minister Wever ta felicita Santa Rosa cu su aniversario di 50 aña y ta gradici tur esnan cu a contribui na e celebracion, asina tambe na e desaroyo di nos Sector Primario durante e ultimo cinco decada

P 11

Minister Gerlien Croes:

DIAmars 27 october 2026

Gobierno di Aruba ta realisa inversion den infrastructura di Scol Preparatorio Tarcicius pa bienestar y futuro di nos muchanan

ORANJESTAD, 26 di october 2026 – Un dia yena di celebracion, progreso y orguyo na Scol Preparatorio Tarcicius den bario di Mabon. Minister di Educacion, sra. mr. Gerlien Croes, a participa den e desvelo oficial di e logo nobo di e scol y inauguracion di un area di hunga completamente renoba, cu un inversion pa un dak adecua y structuranan recreacional pa e muchanan. E inauguracion ta marca realisacion di un compromiso cu Minister Gerlien Croes a tuma durante su bishita na e scol aña pasa, ora a identifica e necesidad pa mehora e facilidadnan recreacional y particularmente pa provee un dak adecuado pa proteha e muchanan durante nan actividadnan diario. E proyecto di inversion y instalacion di e dak y mehoracion di e area recreacional a wordo financia completamente door di Gobierno di Aruba, bou di responsabilidad di Ministerio di Educacion. Cu e inversion aki, Gobierno ta reafirma su compromiso pa mehora e condicionnan fisico di nos scolnan y crea ambientenan mas sano, comfortabel y adecuado pa desaroyo di nos muchanan. “Durante mi bishita na Scol Preparatorio Tarcicius aña pasa, nos a mira e necesidad pa mehora e espacio caminda nos muchanan ta hunga y desaroya. Na e momento ey nos a compromete pa busca e recursonan necesario y realisa e trabounan. Awe, cu hopi satisfaccion y orguyo, nos

por mira e resultado di e compromiso aki. Pa mi, esaki ta e importancia di no solamente scucha e necesidadnan di nos scolnan, sino tambe transforma nan den accion concreto,” Minister Gerlien Croes a expresa. Inversion den bienestar y desaroyo di nos muchanan E area recreacional renoba ta brinda e muchanan un espacio mas adecuado pa hunga, move, socialisa y desaroya nan habilidadnan fisico y social. E dak ta contribui na un ambiente mas comfortabel y protegi, permitiendo cu e muchanan por disfruta di nan actividadnan recreacional den miho condicionnan. Minister Gerlien Croes ta enfatisa cu inversion den infrastructura escolar no ta limita solamente na mehoracion di edificionan, sino cu ta directamente conecta cu calidad di educacion, bienestar y desaroyo integral di cada mucha. “Un scol ta mucho mas cu un luga pa siña lesa y scirbi. E ta un ambiente caminda nos muchanan ta descubri nan talento, forma amistad, desaroya confianza y siña pa convivi cu otro. P'esey, cada mehoracion cu nos haci den nos scolnan ta un inversion directo den felicidad, bienestar y futuro di nos muchanan,” Minister Gerlien Croes a destaca. Cooperacion cu partners pa un enseñansa moderno Como parti di e celebracion, e scol a ricibi tambe digiborden nobo, entrega door di e partnernan ASTEC y APA, cu ta contribui na modernisacion di e ambiente educativo y ta crea mas posibilidad pa un proceso di siñamento interactivo. E entrega aki ta complementa e inversion di Gobierno den infrastructura escolar y ta demostra e importancia di cooperacion entre Gobierno, sector priva y diferente partnernan pa sigui fortalece educacion na Aruba. Minister Gerlien Croes a expresa su gradicimento na ASTEC y APA pa nan contribucion, y a destaca e balor di iniciativanan cu ta sostene e desaroyo

educativo di nos muchanan. “Ora Gobierno, nos scolnan y partnernan uni forsa, nos por logra mas pa nos muchanan. Cada aporte, sea den infrastructura, tecnologia of conocemento, ta contribui na un ambiente educativo cu ta brinda mas oportunidad pa siña y crece,” Minister Gerlien Croes a indica. Compromiso cu mehoracion di nos scolnan E inauguracion na Scol Preparatorio Tarcicius ta forma parti di e compromiso mas amplio di Ministerio di Educacion pa sigui identifica y atende necesidadnan di infrastructura den nos scolnan, teniendo cuenta cu siguridad, bienestar y calidad di e ambiente educativo. Segun Minister Gerlien Croes, e prioridad ta pa sigui traha cu un acercamento practico y responsabel, caminda e necesidadnan identifica por wordo traduci den mehoracionnan concreto cu ta beneficia directamente nos muchanan y educadornan.

E minister a felicita directiva, educadornan, personal y alumnonan di Scol Preparatorio Tarcicius cu e desvelo di nan logo nobo y e inauguracion di nan facilidadnan recreacional, deseando nan un aña escolar yena di exito y oportunidadnan nobo. “Awe nos ta celebra mucho mas cu un logo nobo, entrega di digiborden y un area di hunga renoba. Nos ta celebra progreso, cooperacion y un compromiso cu a bira realidad. Mi gradicimento ta bay na henter comunidad escolar di Tarcicius, na tur educador, partner y stakeholder cu diariamente ta contribui na formacion di nos muchanan. Nos muchanan merece e miho condicionnan pa siña, hunga y desaroya. Y ta precisamente pa nan futuro cu nos ta sigui inverti y traha cu dedicacion. Pasobra ora nos inverti den nos scolnan, nos ta inverti den futuro di Aruba,” Minister Gerlien Croes a conclui.

P 12

DIAmars 27 october 2026

Aruba Bank ta apoya bienestar mental y famianan mas fuerte Durante “One Family Generation At A Time” di FADA

Oranjestad – 26 di oktober 2026 – Aruba Bank a participa cu orguyo na e evento “One Family Generation At A Time” organisa pa Fundacion Anti Droga Aruba (FADA), reafirmando su compromiso pa apoyo bienestar mental, fortalece lazonan familiar y contribui na un comunidad mas saludabel. E evento a resalta e importancia di salud mental y e papel esencial cu famianan ta hunga den construccion

di un sociedad fuerte y resiliente. Tambe, e evento a brinda un oportunidad valioso pa crea mas conscientisacion tocante e importancia di bienestar emocional, apoyo familiar y un ambiente positivo pa generacionnan futuro.

A traves di su pilar We Care, Aruba Bank ta sigui comprometi na apoya iniciativanan cu ta haci un diferencia positivo den bida di personanan

y famianan na Aruba. E banco ta reconoce cu famianan fuerte ta forma e base di un comunidad prospero y cu promove bienestar mental ta un paso importante pa un futuro mas saludabel y briyante.

Aruba Bank ta extende su agradecimento na FADA pa organisa e iniciativa

significativo aki y pa su esfuersonan continuo pa crea conscientisacion y stimula cambionan positivo den nos comunidad.

Hunto, nos por sigui construi un Aruba mas fuerte, mas saludabel y mas uni pa generacionnan venidero.

P 13

DIAMARS 27 OCTOBER 2026 Pag. 15 22 Pagina

FORTALEZA PA FAMIA SOPI DI LETRANAN Scirbi pa Pastor Marcel Balootje.

BO BIDA MES TA REFLEHA, KEN BO TA SIRBI Bida ta dushi, bunita, agradable, yen di goso y pas, pesey ta bon pa nos tuma tempo y samina nos mes, y wak bon ken ta goberna nos bida. Pasobra e bida cu nos tin , nos a ricibi di Dios, y pa e motibo ey nos tin cu tene bon cuenta, ken kier drenta y danja locual Dios a crea. Ningun hende no por sirbi dos Dios, un bida mitar cu Cristo Hesus, y mitar cu scuridad, ta trece un cansancio mental, cual awendia ta wordo yama stress y depresion. Pesey hopi no ta compronde dicon nan ta discuti, dicon nan ta pleita, dicon tin rabia, pero ora nos haci un saminacion, nos ta bay ripara cu ta pa motibo cu nos mes ta bula di aki pa aya den nos bida, sin tene cuenta cu Dios, asina situacion ta transforma y bira delicado. Hopi biaha bo ta puntra kico a pasa, con bini e situacion a yega asina lew, y na e momento nan ey nos tin cu corda cu ta Dios ta manda, y tin decision cu a wordo tuma sin consulta cu Dios, y awor nos tin cu bini bek serca Dios.

den bo bida, Si bo ta wanta hende na curason. Si bo ta pensa cu bo tin derechi di castiga hende. Si tur momento bo ta mas sabi, y no bo por cu orden ni coreccion.. Chek bo rabia, y wak cuanto bo ta cunsumi, pero tene cuenta cu esey ta aleha bo for di Dios. Stop di hunga victima ora bo sa masha bon, cu locual bo kier haci no ta den boluntad di Dios. E ta parce increibel, pero hopi biaha ta e manera cu hende ta trata Dios y nan prohimo ta causa di nan depresion. E bida cu Dios a duna bo ta bunita, no lubida cu bo tin un enemigo cu kier horta bo bida ( Juan 10:10). Pesey ora bo ta den bon , e enemigo ta haci tur manera pa bo no mira bondad, pero sigi cu e truconan di e bida pasado. Palabra di Dios ta bisa den Mateo 5:16: Laga boso lus briya dilanti di hende,di tal manera cu nan por mira boso bon obranan,y glorifica boso ta cu ta den cielo.

Un dia fructifero y cu e luz di Cristo por briya den cada un di nos

" ... Pasobra tur hende cu halsa nanun mes, lo keda humilia, ma no esun Ora hende su consenshi, tacu reclame humilia su mes, lo keda halsa". Lucas 18,14

Pero tin algo masha peligroso, cu ningun nada, esey ta nifica cu su contacto cu Dios hende no tin cu haci esey purba chercha ditahumildad kibra. y reconoce nos faltanan. Nos Aweynos ta lesa e importancia ta manera e fariseo husgando otro y halsando su mes of manera e Dios of haci bofon por di Dios. cobrado di belasting ta reconoce su falta y su necesidad di compasion. Si bo ganja un hende, bo tin cu drecha e Ora un hende ta usa triki y malicia, pa e Cu humildad nos ta sirbi otro sin busca recompensa; scucha mas y papia asunto y pidi despensa , sina bobalora usa nomber mes tin pa Dios,y menos, e otronan pa lokeno nan ta tempo y no pa loke nan tinasina of ta causa di ta.cuReflexionando continuamente yuda evitapa na Dios, cay den di Dios, pa ganja,aparenta ta resulta na final cu otronan notatin tempo su bida y na mantene nos mirada fiho den e mision cu Señor a confia cu ta bo mes bo ta orguyo ganja ,pasobra ningun spiritual a fria. nos. Biba cu berdadero humildad ta nifica rechasa e mascaradanan cu hende no por ganja Dios. Ora unof tata of mama, noNo tabiba bibaunsegun hopi biaha nos ta pone pa impresiona pa competi cu otro. Tuma bon nota di e direccion cual bo bida palabra y ta stroba bida superficial of di falsedad, sea undiluzDios, pa mundo unda e of luzno di ta dirigi Cristo ta briya den bo. Loke ta importa no ta con otronan ta mira ta bay; nan yiunan den caminda di nos, Dios,nan sino con Dios ta mira nos. Ser bo mes y cu humildad ta acerca nos na e mester arepenti y bin bek completamente berdadero esencia di nos fe y esey ta haci nos un instrumento den e Si tur momento tin discucion. serca Senjor. man di Dios. Si tur momento tin murmuracion. Oracion : Señor Hesus, haci miNo curason pareu den na bobo curason. Manso Si bo no ta agradecido. laga nada bida, ta mas ygrandi humilde y obedecido na bo Santa boluntad. Si bo ta manipula. cu Dios cu a duna bo bida. Si bo kier usa un autoridad cu Dios no a Amen. duna bo. Sinceramente, Pastor Marcel Balootje. Si bo no ta duna Dios e lugar cu e merece

DIaRaZON JaNUaRI 2026 Diasabra 1528 November 2025

SUDOKU

Pag. P 14 1618 November 2024 Diasabra

DIaLUNa JaNUaRI 2026 Pagina 23 DIAmars 275 october 2026

Descubri alimentonan imprescinDibel cu no por falta Den bo Dieta Nos lo mustrabao algun alimento imprescindibel di cual propiedadnan nutricional ta haci nan necesario pa un dieta sano y balansa. Pa suerte, nan ta alimentonan habitualmente facil pa haya y pa inclui den cualkier plato. Tomati Un dieta balansa mester contene un poco di tur cos, pero nunca mester falta tomati. E tin antioxidante, cu ta yuda na e rehubenecimento celular, y vitaminanan A, C y E. E tomati aprecia antes tabata wordo como un mata decorativo, te cu den siglo XVIII, a cuminsa consumi'e como alimento. Ademas, tomati ta di puro awa, loke e ta bira ideal pa mantene e peso. E ta posee tambe un substancia fantastico pa e organismo, Licopeno, cu ta preveni e aparicion di cierto cancernan, manera di pulmon y di prostaat.

sumo ta yuda mehora e problemanan chikito di memoria vincula cu edad. Selder tambe ta posee un porcentahe halto di hero, pesey e ta un aliimento imprescindible contra anemia. Por ultimo, como curiosidad, e juice di selder ta yuda supera e trastornonan di soño. Chuculati Aunke ta acus'e di faborece e ganamento di peso, chuculati tin mas virtud cu defecto. E ta energetico, ya cu consumiendo un cntidad chikito ta gana hopi den energia. nan grandi di Omega-3, un substancia cu ta preveni malestarnan cardiaco. Lo mas recomendabel ta incorpora e pisca aki den e dieta infantil pa su fantastico aporte nutricional. Yoghurt Un yoghurt pa dia ta yuda cualkier adulto pa fortalece e calcium den e organismo y na mucha pa preveni infeccion. Ademas, e ta un producto hopi recomendabel pa dietanan abao den caloria. Vol of sin vet, yoghurt ta un producto perfecto pa bo alimentacion.

Awacati E dushi awacati tin un espectro di beneficio cu ta yuda for di un muhe na estado, pa un homber adulto. E ta posee acido folico, necesario pa preveni malformacion den e fetus y su vetnan ta impedi e desaroyo di colesterol. Knoflok E alimento imprescindible, aromatico y fresco aki, ta un protector natural di e organismo. Ta miho consumi'e fresco, ya cu ta e forma cu e ta mantene tur su propiedadnan. Ademas, e ta un excelente regulador di presion arterial y ta yuda e digestion. Di un otro banda, hopi chef ta recomenda saca su parti interior berde, pasobra e por resulta pisa pa e digestion. E resto di e djente di knoflok por wordo consumi completo. Ademas, como curiosidad, knoflok por tin cierto efectonan afrodisiaco. Selder Selder ta famoso pa stimula e potencia sexual. Ademas, su con-

Ademas, solamente 100 gram di chuculati scur, ta posee 375 miligram di fosforus. Di un otro banda, e polifenolnan cu e chuculati ta posee, ta convirti'e den un protector cardiaco y un agente preventivo di cancer. Spinazie Spinazie no solamente ta duna forza, sino cu ta yuda na mantene un bon bista. Ademas di ta un fuente basico di hero, spinazie ta asina bon of miho pa e bista cu un wortel, ya cu e ta concentra un bon cantidad di luteina, un substancia cu ta fortalece e retina. Appel Appel ta e fruta pa excelencia. E alimentonan imprescindibel aki

ta reduci e cantidad di proteina y lipido y ta posee un porcentahe halto di vitamina, awa y salo. Ademas, tambe ta actua contra e daño di celnan celebral. Rasenchi Ta berdad, rasenchi tin bastante concentracion di sucu, pero net esey ta hustamente loke ta convirti'e den un maraviyoso motor di energia pa mucha, adultonan mayor y deportista. Ademas, den su espacio reduci, e ta posee un balans casi perfecto di cinco importante mineral: calcium, magnesium, fosforus, hero y potasium. Alimentonan imprescindibel: Salmao Salmao, specialmente esun silvestre of salvahe, ta posee cantidad-

Brocoli Brocoli ta un bon fuente di vitamina A (principalmente den forma di beta-karonteen), di vitamina C y di acido folico. Esaki ta asina te na e punto cu un racion di 200 gram, ta aporta mas di tres biaha mas di e recomendacionnan diario di vitamina C y e mita di e ingesta recomenda di acido folico. Berries Nan ta wordo considera un fuente di vitamina C y K, ademas di su rikesa den manganeso. Berries ta alimentonan imprescindibel perfecto pa come nan so of como parti di un receta, por ehempel, cu yoghurt. Ya sea di color cora, preto, no lage di purbe como acompañamento pa smoothies, tert of otro dessert.

P 15

DIAmars 27 october 2026

DVG ta celebra talento y responsabilidad durante entrega di premio di “Doño Responsabel” Oranjestad, Aruba 26 oktober 2026- Directie Volksgezondheid (DVG) conhuntamente cu Ministerio di Salud Publico a celebra cu hopi alegria entrega di premio na 12 ganadonan di e Competencia di Arte Escolar “Doño Responsabel”. E ceremonia a tuma luga diabierna 23 di october na Bestuurskantoor, unda e muchanan a ricibi reconocimiento pa nan creatividad y mensahe di amor pa nos animalnan. E 12 ganadornan a keda den nomber di:

•

Alessa Semeleer

4e klas Princes Amalia Basisschool • Scarlys Diaz Sanchez 4e klas Princes Amalia Basisschool •

Anne-Mary Pereira

5e klas Maria Goretti College •

Sofia Buunen

5e klas Princes Amalia Basisschool •

Jobriel Lacle

6e klas Maria Goretti College •

Jayda Heidweiller

1e klas Mon Plaisir School SN • Juan Vicente Rodriguez Quintero 1e klas Sint Franciscus College • Jaiden Mathias Ayala Sigcha 2e klas Colegio Hilario Angela •

•

Liane Geerman

6e klas Colegio San Hose

E competencia a conta cu un participacion di 725 pintura di 17 scol basico, demostrando e entusiasmo di nos muchanan pa contribui na un Aruba cu mas cuido y responsabilidad pa mascotanan.

Jeremiah Jacobs

2e klas Colegio San Hose

Ganador absoluto.

• Mayaleah Rodriguez

Durante e ceremonia, Sofia Buunen den 5e klas na Princes Amalia Basisschool a wordo anuncia como e ganadora absoluto. Su pintura lo wordo transforma den un mural riba e futuro Centro di Rescate y Control, como

3e klas Colegio Bon Bini • Nathalia Becerra Pabon 3e klas Colegio Frere Bonifacius

un simbolo duradero di cuido, proteccion y amor pa animalnan. DVG ta felicita tur e ganadonan y ta gradici cada mucha cu a participa. Cada pintura ta contribui na un mensahe comun: un mascota ta un ser bibo cu merece cuido durante henter su bida. Un danki di curason na e directornan, maestronan y mayornan pa nan dedicacion y apoyo. Un reconocimiento special ta bay na Colegio San Hose, Colegio Hilario Angela y Mon Plaisir School San Nicolas, e tres scolnan cu e participacion mas grandi. Naturalmente DVG a prepara un certificado pa gradici tur 17 scol pa nan participacion grandioso. Pa tur scol cu no a cay den premio DVG a prepara un premio di consuelo pa e miho pintura di e scol tambe. DVG ta invita comunidad pa sigui e ehempel di nos muchanan y transforma amor pa animalnan den accion, previniendo

abandono y maltrato. Planta amor, proteha nan bienestar y sea un doño responsabel. Pa un comunidad harmonioso, un doño responsabel alabes. Bo Salud, Nos Prioridad Pa

mas

informacion,

like nos Facebook page Directie Volksgezondheid DVG Aruba, follow nos riba Instagram directie_ volksgezondheid_aruba, sigui nos den WhatsApp Channel, ricibi tur informacion den Aruba Health App, bishita www. dvg.aw, yama 5224200 of manda email na servicio@ dvg.aw

P 16

MAS CU UN TAS BUNITA UN HENDE MUHE MULTIFACETICO CU SA CON PA STIMA Nos dushi hendenan talentoso Un famia bendiciona y inspira Cu curason di nan bunita esposa y mama Un artista disenyador glorioso di e outfitnan di mas bunita di colornan alegre y bibo Raisnan di Caribe y Africa cu ta destaca Raisnan fuerte di mi y di bo, E artista disenyador CELESTE RICHARDSON Humilde yen di gradicimento A hasi Lady Ruth tambe hopi contento cu un tas super nice ariba peticion di su curason a la Emperial Designs Pa tin algo di nos mesun hendenan traha Un tas cu ta sigi inspira Pa nos como Poeta sigi expresa Dunando Cesar loke ta di dje, e merece Conosi pa nan johnny cake super dushi den nan espacio "I love baby beach" hopi gusta Mi mester a comunica Felicita bunita amiga artista Celeste Richardson Cu deseo pa exito cu su talentonan unico CELESTE, you are beauty inside out with a shining soul, Thank you for being you ! We are proud of you ! We thank you ! We love you ! Ruthy Lady Ruth Vrieswijk-Bergen Oktober 2026

DIAMARS 27 OCTOBER 2026

Hesus a sigui bisa: “Kico reino di Dios ta parce? Cu kico lo Mi compara reino di Dios?’’Lucas 13, 18 Hesus ta puntra: ”Cu kico lo Mi compara reino di Dios?" El a uza dos ehempel: e simia di mosterd y e zuurdeeg. Notabel ta cu tur dos ta cosnan cu ta cuminsa chikito pero cu ta bira hopi mas grandi. E simia ta crece bira un palo di mata y e zuurdeeg ta plama den e mansa pone reis. Tin biaha nos tin miedo y duda pa tuma cierto pasonan. Nos ta kere cu nos ta mucho chikito, mucho simpel y cu nos no ta suficiente pa logra cosnan grandi. Berdad ta cu nos no por logra cosnan grandi riba nos mes! Pero si ora nos pone nos metanan den man di Dios, E por haci cosnan grandi pa nos. Tur cos ta cuminsa na stapnan chikito: un oracion chikito, un gesto di bondad, un decision pa pordona un ruman, curashi pa kere den Dios. Pasobra loke ta mustra mas insignificante pa nos, por tin e proposito di mas grandi den e plan di Dios. Oracion: Señor, fortalece mi Fe. Guia mi pasonan y siña mi kere cu Abo por haci cosnan grandi, for di comiensonan chikito. Mi ta confia cu Bo ta trahando hasta na momentonan cu ta keto. Ora cu mi ta sinti mi zwak y ta sinti cu mi no tin hopi pa ofrece, laga mi corda riba e simia di mosterd. Amen.