Issuu

DIAMARS 13 OCTOBER 2026

13 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

DURANTE E DEBATE PUBLICO RIBA E FONDO DI INVERSION A BIRA BISTO CU GOBERNACION TADEN “DIEPTEPUNT” NA ARUBA AINDA DEN CORTE TA TRATANDO CASO CONTRA CHOFER CU A BOLTER CU SKYLINE NA MALMOK Y UN DAMA A FAYECE

DIAmars 13 october 2026

Parlamentario Hendrik Tevreden:

E fondo di inversion a crea un sker grandi den coalicion ORANJESTAD – Durante e reunion publico tocante e Fondo General di Inversion y Desaroyo (AIOF) den Parlamento, a mustra claramente cu e sosten politico dentro di e coalicion no ta algo cu Gobierno por considera automatico. Aunke e presupuesto a keda aproba cu 11 voto pro y 7 contra, e discusion aki a laga un pregunta fundamental riba mesa: cuanto confiansa tin realmente den e manera cu Gobierno ta maneha e recursonan publico y ta duna cuenta na Parlamento? Sker visibel den coalicion E señal mas cla di e falta di cohesion a bini di Parlamentario Mike de Meza (AVP), kende a vota na fabor di e mocion di MEP pa exigi claridad di Minister Gerlien Croes tocante su vuelo den avion priva den e proximo dos simannan. Despues, el a bandona sala y no a participa den e votacion final di e presupuesto. Esey no ta significa cu e coalicion a cay, pero sí cu e unidad politico a haya un sker mas profundo y visibel. Falta di prioridad y control den AIOF Pa Parlamentario Hendrik Tevreden, e punto di salida di e preocupacion rond di e Fondo General di Inversion y Desaroyo (AIOF) ta radica den e falta di prioridad y control efectivo. El a enfatisa cu Fraccion di MEP no ta contra inversion, sino cu nan ta exigi claridad riba tres aspecto fundamental: cua necesidad di pueblo ta haya prioridad prome, riba ki criterio e escogencianan aki ta wordo fundamenta, y con Parlamento por controla e resultadonan. E preocupacion aki ta haya apoyo

di Raad van Advies, kende a cuestiona e fundeshi legal, e control riba e transferencianan di placa, e clasificacion di e proyectonan y e falta di un plan di inversion integra. Di tur dos banda di sala, tabatin duda profundo riba e maneho aki. Proyectonan scogi a base di willekeur Tin cierto criterionan cu a wordo menciona, pero e pregunta ta: con a aplica esakinan na cada proyecto? Unda e secuencia y e plan concreto ta? Cua ta e evaluacion cu ta demostra dicon un proyecto specifico ta haya prioridad, y ki resultado e ciudadano por spera? Di 8 proyecto riba lista, 7 no a pasa door di un comision pa wordo controla; nan a bini riba lista sin ningun criterio cla (willekeur). E falta di control aki lo trece problema pa e placa di e fondo, cu al final ta placa di pueblo. E nota di cambio ta presenta Afl. 59,502 miyon den inversion, di cual Afl. 33,294 miyon ta wordo financia. Gobierno ta spera di ricibi recursonan adicional y haci e ehecucion den diferente fase. Precisamente pa e motibo ey, e escogencianan mester ta transparente, manera cu propio Algemene Rekenkamer Aruba (ARA) a conseha Parlamento. Aruba no por bolbe den un mentalidad di: "tin placa, ban busca unda pa gast’e". Tampoco control di CAft por bira e unico motibo pa haci escogencianan responsabel. Nos propio Gobierno y Parlamento mester tin disciplina, prioridad y resultado. Dunamento di cuenta, transparencia y e responsabilidad

di Gobierno E debate a pone un otro problema serio riba mesa: e falta di dunamento di cuenta di Minister Gerlien Croes. Via un mocion, fraccion di MEP a pidi pa e minister entrega informacion y prueba di pago di e vuelo priva den un plaso di dos siman. E mocion no a pasa. Sin embargo, e sosten di parlamentario De Meza a mustra cu e exigencia di transparencia no ta limita unicamente na oposicion. E asunto aki awor tin un trayectoria hudicial habri pa determina ken a cubri e otro gastonan y si tabatin un regalo envolvi cu mester a wordo

declara y aproba segun e reglanan di integridad. Politicamente, e situacion ta delicado: si e falta di transparencia aki persisti, con por sostene e confiansa den e minister ainda? un mocion di desconfiansa por bira e siguiente paso. Prome Minister Mike Eman tambe tin e responsabilidad directo pa e manera cu su gabinete ta responde na Parlamento. E pueblo di Aruba merece informacion verificabel, decisionnan bon splica y lidernan politico cu ta duna cuenta. E fondo a pasa. E preguntanan tocante control y confiansa a keda.

DIAmars 13 october 2026

Parlamentario Xiomara maduro:

durante e debate Publico riba e Fondo di inversion a bira bisto cu Gobernacion ta den “diePtePunt” na aruba E manera cu e ley pa aproba proyectonan den Fondo di Inversion a wordo presenta den Parlamento y e actitud di algun minister ta un muestra cla cu gobernacion na Aruba ta den un “dieptepunt.” E presupuesto di inversion no ta cubri tur e proyectonan Gobierno a presenta un lista di proyectonan, pero no tin suficiente placa pa paga pa tur. Un gobernante responsabel no por presenta un plan cu un deficit asina na Parlamento. No tin evaluacion di e proyectonan Gobierno no por demostra cu un comision di experto a evalua e proyectonan, ni cual criterio a wordo uza pa scoge nan. Asina

ta laga caminda habri pa traha solamente riba proyectonan pa core campaña politico cune enbes di atende cu prioridad di Pueblo. Raad van Advies no a duna conseho riba mas cu mita di e proyectonan Gobierno a cambia e ley cu a keda presenta na Raad van Advies pa su conseho, di 35 miyon pa mas di 59 miyon. Di e manera aki Raad no por a duna su conseho riba un gran parti di e proyectonan. Un manera robes di traha cu ta debilita e control di Parlamento. No a hisa e capacidad pa ehecuta e proyectonan Gobierno a gaba cu inversion y ta crea speransa, pero kico gobierno a haci pa aumenta e capacidad di DOW pa por ehecuta e trabou? Placa riba papel no ta suficiente. Si no tin hende, planificacion y capacidad pa cumpli, e proyectonan por keda para y pueblo ta keda cu e speransa so. Esey no ta bon gobernacion, esey ta crea speransa falso. Minister kier para riba ley E cherry riba e bolo di mal gobernacion ta e actitud robes di

e Vice Minister-President Gerlien Croes kende ainda no kier contesta cuanto, na ken y ki dia el a paga pa su biahe di trabou den avion priva. Ta un berguensa cu pa casi un aña cu e mandatario ta wordo cuestiona, ainda e no a contesta na drechi y trece claridad den e caso “Jetlien”. E minister ta lubida cu autoridad grandi ta bin cu responsabilidad y transparencia grandi tambe. Ningun minister, ni Vice Minister-President ta para riba ley, pues e minister aki no por

P 14

Gobernacion den “dieptepunt” “Locual Pueblo por a mira y scucha durante e debate publico riba e proyectonan di e fondo di inversion, ta djis algun ehempel di e mal gobernacion di Gabinete AVP-FUTURO. Nunca antes Aruba su gobernacion tabata den un “dieptepunt” asina,” Parlamentario Maduro ta conclui. DIAMARS 13 DI OCTOBER 2026

Partido red democratico a tene su reunion anual di miembronan Dia 11 di oktober 2026

keda sin duna cuenta na Pueblo. Mas largo e dura, mas bisto su mal gobernacion ta bira.

a tuma lugar e reunion

anual

miembronan

di Red Democratico, na un forma virtual. A keda confirma e siguiente miembronan di directiva di Red Democratico: Fejite Zijlstra (presidente), Asmid Zijlstra (tesorero), y Danny Boekhoudt (secretario). Durante e reunion e tesosero a presenta un informe financiero y e presidente a duna un relato politico di

Red Democratico. A pidi esnan presente pa brainstorm riba ideanan cu ta urgente pa por goberna Aruba. E tabata un intercambio hopi interesante y Red Democratico lo sigui contribui como partido cu ideanan innovativo. Nos ta spera di por conta cu apoyo di nos pueblo pa nos ideanan. Directiva di Red Democratico

DIAmars 13 october 2026

Noticia di Corte

Ainda den Corte ta tratando caso contra chofer cu a bolter cu Skyline na Malmok y un dama a fayece -1ORANJESTAD – Ainda den Corte no por keda cla cu e investigacionnan necesario pa Hues por tuma un decision den e caso penal cu na October 2025 Ministerio Publico a cuminsa contra e homber N.T. SOLO DI PUEBLO por a compronde cu NFI na Hulanda na Januari 2026 a informa Hues Comisario cu no por a haci e investigacion y cu esaki lo bay dura hopi. Esey a haci cu siman pasa a bolbe cuminsa cu e caso y atrobe Fiscal a pidi pa laga haci mas investigacion. Den sala di Corte tabata presente mayornan di e defunto y mayornan di N.T. CASO NA OCTOBER 2025 Na October 2025 tratamento di e caso a tuma lugar caminda Fiscal ta acusa N.T. cu dia 7 Juni 2024 a causa un accidente na Malmok door di cual e dama Dariana Heredia Perez a fayece. E auto Skyline a bolter y parti den dos door di velocidad halto. Durante tratamento di e caso, e acusado N.T. a bisa Hues cu nan tabata na Arashi ta come y na dado momento e defunto Heredia Perez a bisa cu e ta mira spiritonan rond di e auto. Esey a pone cu nan a core bay for di e lugar pero na dado momento e velocidad di e auto a sigui subi y N.T. no por a para e auto. El a bisa Hues cu e tabata primi duro riba e pedal di brake pero e auto no kier a para. FISCAL Na opinion di Fiscal, N.T. ta bisa cu door di spirito, el a core duro. Fiscal ta kere cu por bien ta cu door cu N.T. a hera dal contra un patruya di Polis y Polis a core su tras cu luznan di alarma sendi, N.T. tabata core duro. Fiscal a mustra cu segun N.T., e no a mira e auto di Polis. Fiscal a bisa cu tur chofer mester sa cu core riba di 150 km ta peligroso. N.T. tabata

sa cu e auto tabatin problema y core mas cu 150 km ta un riesgo. Fiscal ta haya cu door cu N.T. a core irresponsabel, a causa morto di e defunto. El a bisa cu N.T. a keda afecta y ta hayando tratamento di psycologo. Fiscal a exigi 6 luna di prison pa N.T. y 2 aña sin rijbewijs. Tambe Fiscal a exigi pa confisca e auto. Pa loke ta e demandanan di daño, Fiscal a bisa cu e gastonan di entiero ta acceptable. Fiscal a bisa cu e no ta haya suficiente argumenta e placa cu e defunto tabata contribui. Fiscal a sigui bisa cu e ta haya cu tin diferente cos cu no a wordo splica bon pa cu e demandanan. Pa loke ta e demanda di e mama di 30 mil, Fiscal a bisa cu e ta laga na decision di Hues. E placa di pasashi di e ruman muher, ta acceptable. E demanda di e rumannan, Fiscal ta laga na decision di Hues y a exigi pa pone medida di pago.

esaki a yega di sosode. Ta asina cu dos garashi a evalua e ICU pero no por a lesa esaki. E ICU no ta controla fluho di gasoline sino aire. Asina Topar a bisa den su rapport. Hues ta haya cu no a haci mas investigacion pa check e fuel throttle. Hues kier pa un experto evalua si enberdad cu ta door di fayo technico e accidente a sosode. Hues a habri investigacion y a instrui Hues Comisario pa laga haci mas investigacion.

ABOGADO Mr. Edwards ta haya cu e accidente no tabata door di culpa di N.T. sino cu ta e mecanismo di e auto a daña y N.T. no por a para e auto mas. Na opinion di abogado, N.T. a haci tur loke ta posibel pa controla e auto y no a dal contra ningun auto of cura. E ta haya cu mester conclui cu N.T. no por a controla e auto mas door cu e mecanismo a daña y no por papia aki di cu N.T., a core irresponsabel. E abogado a pidi Hues pa declara N.T. liber di e acusacion di culpa. Mr. Edwards a bisa Hues pa tene cuenta cu N.T. a keda afecta y pa resto di su bida e lo mester carga cu el a perde un amiga. E abogado ta haya cu falta mas investigacion riba kico realmente por a spera ora cu e throttle body a daña y cual otro partinan di e auto lo a keda afecta door di esaki.

Hues a bisa cu awor lo bay sigui, caminda a keda cu e caso y no ta bay trata henter e caso di nobo. Hues a bisa cu e discusion den e caso aki ta si ta un fayo mecanico a causa e accidente y un investigacion mas profundo no a duna resultado. E discusion ta riba fayo cu e Throttle body. Hues a bisa cu e mes a bay check riba internet y a constata cu por sosode cu e Throttle body por aumenta velocidad diripiente pero ta stabilisa su mes di biaha. Hues a puntra N.T. si por ta cu N.T. tabata core duro y cu diripiente a surgi daño na e Throttle body. N.T. a bisa Hues cu e kier haci uso di su derecho di silencio. Hues a puntra di con. N.T. a bisa cu e caso ainda ta traha hopi riba dje y e no kier bisa nada mas. Hues a haci algun pregunta mas pero a mira cu N.R. a cuminsa yora. Hues a puntra si N.T. ta bao tratamento di psycologo. N.T. a bisa cu 1 vez pa luna of 2 vez e ta bay psycologo. Hues a bisa cu anterior Fiscal a exigi castigo di prison y kita rijbewijs pa un tempo. El a puntra N.T. kico e ta pensa di esey. N.T. a bisa cu esey lo ta hopi dificil p’e y su famia. E tin un yiu di 2 aña y e ta hiba e yiu unda e tin cu bay y e ta traha. Continuacionb pag. 6

HUES A HABRI INVESTIGACION Na November 2025, Hues a bisa cu e ta haya cu e investigacion no tabata completo. Hues a mustra cu N.T. a declara cu diripiente e Skyline a subi di velocidad y N.T. no por controla e auto. Tambe Hues a mustra cu N.T. a bisa cu anterior

NA 2026 AINDA NO TIN CLARIDAD Recien un otro Hues a tuma e caso pasobra e Hues anterior a bolbe Hulanda. Hues a bisa cu Instituto Forence na Hulanda (N.F.I.) na Januari 2026 a laga sa cu e investigacion no por keda realisa pasobra e ta dura largo y e chens tey cu e no tin resultado. E auto ta procedente di Japon y no por haci cierto investigacionnan.

DIAmars 13 october 2026

DVG ta invita comunidad na EXPO Promove Salud & Bienestar 2026, un festival yen di salud, sabor y diversion!

ORANJESTAD, Aruba: Directie Volksgezondheid (DVG), den colaboracion cu Plataforma Promocion di Salud, ta invita henter comunidad di Aruba na e di 5 edicion di EXPO Promove Salud & Bienestar, cu lo tuma luga diasabra 17 di october, di 6:00 pa 10:00 di anochi, dilanti di edificio di DVG na Oranjestad. Entrada ta completamente gratis! Bou di e tema “Wellness Festival”, DVG ta trece un anochi alegre y educativo pa henter famia, yen di actividad, movecion, sabor y bienestar. Bishitantenan por disfruta di diferente stands informativo, chekeonan di salud gratis, actividadnan fisico y descubri opcionnan nobo di cuminda y bebida delicioso y mas saludable. Un oportunidad unico pa siña cu come saludable por ta sabroso,

varia y accesibel! Pa esnan cu kier pone curpa na movecion, tin un Fun Walk/ Run di 2.5 KM, organisa hunto cu Fundacion Movemento ta Bida, cu ta cuminsa pa 5:30 di atardi. Regista awo via Fundacion Movemento ta Bida pa mas informacion yama 5603975 Invita bo famia, amigonan y conocirnan! Bin disfruta, siña, move y descubri con cambio chikito por contribui na un bida mas saludable. EXPO Salud 2026, haci e escohencia saludable e escohencia mas facil! Bo Salud, Nos Prioridad Pa mas informacion, like nos Facebook page Directie Volksgezondheid DVG Aruba, follow nos riba Instagram directie_volksgezondheid_aruba, sigui nos den WhatsApp Channel,

ricibi tur informacion den Aruba Health App, bishita www.dvg.aw,

yama 5224200 of manda email na servicio@dvg.aw

Ainda den Corte ta tratando caso contra chofer cu a bolter cu Skyline na Malmok y un dama a fayece -2FISCAL KIER MAS INVESTIGACION Fiscal a bisa Hues cu 6 November 2025 Hues a habri e caso pa mas investigacion riba e Nissan Skyline pa mira si tabatin fayo cu e Throttle body. Fiscal a bisa cu lesa e computer no ta duna un resultado completo. Fiscal a bisa cu e kier pa manda e caso bek Hues Comisario pa laga check si for di computer cu por surgi problema cu e Throttle body y si por mira esaki riba e computer di e auto. E kier sa si e velocidad di mas o menos 155 km lo por a wordo causa di otro mechanism di e auto.

Fiscal a bisa Hues cu e ta realiza cu e caso a dura hopi pero e famia di e victima y e sospechoso kier un fin na esaki. ABOGADO Mr. Edwards a bisa Hues cu durante tratamento di e caso aña pasa, N.T. a contesta tur pregunta di Hues. A sali na cla cu tabatin un serie di problema na e auto. E ta haya cu e comentario riba analisis di NFI hopi vago. Esaki ta keda causa dolor na N.T. y famia. E abogado a bisa cu e no tin nada contra si

Hues dicidi pa sigui haci mas investigacion. Hues a bay evalua un rato y a dicidi cu ta necesario pa haci mas investigacion. Hues a bisa cu e ta hopi fastioso pa e sospechoso y famia di e victima. Sinembargo mester tin claridad pa por tuma un decision. Hues a dicidi cu a caso ta keda pospone atrobe. E kier haya claridad, si e auto lo por subi di velocidad asina. E caso a keda pospone pa tempo indefini.

DIAmars 13 october 2026

Minister Geoffrey Wever: AIOF a pasa for di ley na prome presupuesto y dos dia di tratamiento den Parlamento -1“Cu AIOF nos no a crea simplemente un fondo. Nos a crea un instrumento cu mester pasa door di ley, presupuesto, control parlamentario, evaluacion y rendicion di cuenta. E proceso cu nos a sigui for di juli te awe ta exactamente loke bon maneho financiero ta exigi,” minister Wever a expresa.

Oranjestad, 9 october 2026 - Cu tratamento di e prome presupuesto di Algemeen Investerings- en Ontwikkelingsfonds, (AIOF), durante dos dia den Parlamento siman pasa, Aruba a completa un otro fase importante den implementacion di su fondo di inversion. E proceso a cuminsa cu creacion legal di e fondo AIOF na juli 2026, a sigui cu preparacion y entrega di su prome presupuesto 2026–2027, un ronda amplio di 404 pregunta parlamentario a wordo haci na Gobierno, cualnan tur a wordo contesta, y finalmente un debate extensivo den Parlamento tocante e presupuesto y funcionamento di e fondo. Minister di Finansa, Asunto Economico y Sector Primario, Geoffrey Wever, ta indica cu e proceso completo ta mustra cu creacion di AIOF no tabata solamente un decision pa institui un fondo, sino pa establece un sistema legal, financiero y presupuestario pa Aruba por planifica inversionnan publico den varios aña.

L a n d s v e r o r d e n i n g Algemeen Investeringsen Ontwikkelingsfonds di 9 di juli 2026 a crea oficialmente AIOF. Cu esaki, Pais Aruba a haya un instrumento legal pa structura inversionnan publico na beneficio di desaroyo di pais y pa conecta inversion cu un agenda multianual. E creacion di un fondo di inversion tabata tambe identifica como un prioridad di maneho dentro di e planificacion presupuestario di Gobierno. Den e Memorie van Toelichting pa presupuesto 2026, institucion di un fondo di inversion ta aparece entre e prioridadnan di maneho, hunto cu otro metanan manera modernisacion di enseñanza, transicion energetico, vivienda pagabel, renobacion urbano y fortalecemento di bienestar y prosperidad. AIOF ta destina pa financia inversionnan publico na bienestar y desaroyo di Aruba. E recursonan por bini for di Presupuesto di Pais Aruba y por inclui contribucionnan di tercer partidonan. Ademas, e fondo ta conecta cu un Agenda di Inversion Multianual, precisamente pa proyectonan cu preparacion y ehecucion por extende riba mas cu un solo aña presupuestario. Despues di creacion legal di e fondo, Gobierno a prepara e prome

presupuesto di AIOF pa añanan di servicio 2026 y 2027. Riba 6 di augustus 2026, Gobierno a entrega oficialmente na Parlamento e Ontwerp-landsverordening tot vaststelling van de begroting van het Algemeen Investeringsen Ontwikkelingsfonds voor de dienstjaren 2026 en 2027. Esey a marca e momento cu AIOF a pasa for di creacion legal pa su prome aplicacion presupuestario concreto. E prome presupuesto proponi ta dirigi inversionnan den areanan manera infrastructura, facilidadnan di enseñanza, renobacion di bario, facilidadnan publico, fortalecemento di servicio di Gobierno y desaroyo sostenibel. Minister Wever ta enfatisa cu e importancia di AIOF ta precisamente cu e instrumento ta permiti Gobierno mira inversion publico mas leu cu un solo aña. “Un proyecto publico no ta solamente un suma riba papel. Tin preparacion, diseño, evaluacion y ehecucion. Tur esaki ta tuma tempo. AIOF ta duna Pais Aruba un structura pa planifica esaki riba varios aña y pa conecta recurso cu ehecucion y resultado.” Como parti di e proceso parlamentario, Parlamento a entrega su Verslag riba 14 di september 2026, conteniendo un total di 404 pregunta tocante e prome presupuesto AIOF. Gobierno a prepara contestacion riba tur e preguntanan y a entrega su Nota naar aanleiding van het Verslag, permitiendo cu tratamento parlamentario por sigui. Pa Minister Wever, e cantidad di pregunta no mester wordo mira como algo negativo, sino como parti di control parlamentario y

obligacion di Gobierno pa duna claridad. “E cantidad di pregunta no ta problema. Transparencia y rendicion di cuenta ta parti di e proceso. Parlamento mester haya e informacion necesario pa por cumpli cu su rol, y Gobierno mester ta prepara pa contesta, splica y aclara,” minister Wever a comenta. Durante preparacion di e contestacionnan, Gobierno a amplia riba diferente aspecto di AIOF: funcionamiento di e fondo, preparacion y evaluacion di proyectonan, financiamento, control, relacion cu presupuesto di Pais y e manera cu inversionnan lo wordo sigui durante nan ehecucion. Siman pasa, tratamento di e prome presupuesto AIOF a continua durante dos dia den Parlamento. Den e prome ronda, miembronan di Parlamento a presenta nan preguntanan, observacionnan y preocupacionnan tocante e presupuesto, funcionamiento di e fondo y e proyectonan proponi. Despues, Minister Wever y e otro ministernan di Gobierno presente a haya oportunidad pa responde, splica y pone den contexto e puntonan presenta durante e debate. E dos dianan di tratamento a permiti un discusion amplio tocante no solamente e cifranan di e presupuesto, sino tambe e filosofia tras di AIOF: dicon Aruba mester un instrumento pa inversion multianual, con control ta wordo incorpora, con proyectonan mester wordo prepara y evalua, y con Parlamento ta mantene su rol den autorizacion y control di recursonan publico. Continuac;ion pag. 8

DIAmars 13 october 2026

Minister Gerlien Croes:

ARUBA ACTIVO 2026 A HACI HISTORIA COMO E FESTIVAL DI DEPORTE MAS GRANDI DI ARUBA

un programa varia pa diferente edad y nivel. E meta principal tabata cla: inspira Aruba pa move mas, conoce diferente disciplina deportivo y stimula un estilo di bida mas activo y saludabel. Minister di Deporte, sra. mr. Gerlien Croes, a expresa su satisfaccion cu e resultado di e prome edicion y especialmente cu e entusiasmo cu comunidad a demonstra.

ORANJESTAD, 12 di october 2026 – Dos siman pasa Aruba a biba un dia historico cu e prome edicion di Aruba Activo 2026, un festival deportivo cu a reuni comunidad, federacionnan, organisacionnan y amante

di deporte den un ambiente yena di energia, movecion y union. For di mainta trempan te anochi, Bushiri Beach a transforma den un centro grandi di actividad fisico y deporte, ofreciendo

“Aruba Activo a mustra nos loke ta posibel ora deporte uni un pais. Nos a mira mucha, hoben, adulto y famia completo move, participa y disfruta hunto. Esaki no ta solamente un evento; nos kier crea un movecion cu ta inspira Aruba pa keda activo durante henter aña,”

Minister Gerlien Croes a expresa. E festival a brinda un plataforma importante na federacionnan, clubnan, gymnan y organisacionnan deportivo pa presenta nan disciplina, conecta cu comunidad y motiva mas persona pa incorpora actividad fisico den nan bida diario. Na mes momento, Aruba Activo a pone den evidencia e gran cantidad di talento, conocemento y dedicacion cu tin den sector deportivo na Aruba. Minister Gerlien Croes ta extende un danki special na IBiSA, tur organisador, federacion, club y organisacionnan deportivo, e grupo di voluntario Believe In Yourself, partnernan, stakeholders y tur persona cu di un manera of otro a contribui na realisacion di

e evento. Un gradecimento special ta bay tambe na cada participante y famia cu a forma parti di e dia y a contribui na e ambiente excepcional. E exito di e prome edicion ta confirma e potencial di Aruba Activo pa sigui crece como un plataforma nacional pa promove deporte, actividad fisico, bienestar y un estilo di bida saludabel. “Aruba Activo no ta solamente un evento; e ta un movecion. Un movecion pa un Aruba mas activo, mas saludabel y mas uni.” Ministerio di Deporte ta mira bek cu hopi satisfaccion riba Aruba Activo 2026 y ta gradici Aruba completo pa a haci e prome edicion un experiencia inolvidabel. ARUBA ACTIVO – No solamente un evento, sino un movecion!

DIAmars 13 october 2026

Minister Geoffrey Wever: AIOF a pasa for di ley na prome presupuesto y dos dia di tratamiento den Parlamento -2-

“E debate den Parlamento ta importante, pasobra AIOF no ta un fondo cu mester funciona sin pregunta of sin control. Hustamente lo contrario: nos kier un sistema unda proyectonan mester ta bon prepara, recursonan mester ta autorisa y e resultado mester por wordo sigui.” AIOF tin su propio presupuesto cu entrada, obligacionnan financiero y gastonan. E presupuesto di e fondo ta forma un parti separa di Presupuesto di Pais Aruba, mientras su cuenta anual ta wordo consolida cu esun di Pais Aruba. Administracion di e fondo ta cay dentro di e structura financiero

di Gobierno, mientras control y rapportage ta forma parti integral di e sistema. Ademas, proyectonan di inversion por wordo evalua riba criterianan manera efectividad, sostenibilidad, ehecutabilidad y alineacion cu maneho publico. E filosofia tras di esaki, segun Minister Wever, ta pa move e discusion di simplemente “cuanto placa Gobierno ta gasta” pa e pregunta mas importante: con inversion publico ta wordo prepara, financia, controla y transforma den resultado pa comunidad. “Bon inversion no ta cuminsa cu gasta placa. E ta cuminsa cu prepara un proyecto bon. Y bon

maneho financiero no ta termina ora presupuesto ta aproba. E mester sigui te ora proyecto ta ehecuta y resultado ta visibel.” Den apenas algun luna, e proceso di AIOF a pasa door di diferente fase: creacion legal di e fondo na juli, preparacion y entrega di e prome presupuesto na augustus, 404 pregunta parlamentario y contestacion di Gobierno na september, y dos dia di tratamento parlamentario na october. Minister Wever ta indica cu cada fase tin su propio funcion den e proceso y cu e siguiente desafio ta mantene e mesun disciplina ora e fondo pasa pa fase di ehecucion.

“Nos a pone e base legal. Nos a prepara e presupuesto. Nos a contesta Parlamento su preguntanan y nos a trata e presupuesto ampliamente. Pero e fondo no ta e meta final. E meta ta inversion cu ta mehora Aruba y resultado cu pueblo por mira, sigui y evalua.” Cu AIOF, Pais Aruba ta pone un estructura pa planifica inversion publico riba varios aña y pa crea mas continuidad entre vision, presupuesto, proyecto, ehecucion y resultado.

Dama chauffeur a brake perde control baha caminda dal riba un boto riba tera y un mata!

Diadomingo mainta a drenta informe di un accidente cu hende herida riba Sasakiweg yegando ex-House of Cheng for di Superfood, mesora a dirigi tanto polis como ambulans na e sitio. Na yegada di e

patruya a bin compronde cu aki ta trata di un accidente unda cu un auto su dilanti lo a haci un maniobra su dilanti pone perde control baha caminda bay dal un boto riba tera y un mata mientras e otro auto a sigui

bay manera nada a pasa. Debi na e impacto e dama a keda hopi herida tambe na su cara. Na yegada di e ambulans nan a atende e dama y transporte cu urgencia pa hospital.

DIaMARS 13 DI OCTOBER 2026

Nissan Versa a bolter dilanti Bright Bakery na Piedra Plat

Na yegada polis a constata un Nissan Versa color blanco berdad gebolter ariba e pad panort di caminda. Danki Dios cu no tawata tin hende ariba e pad e momento ey.

Piedra Plat - Diadomingo anochi algo prome cu 10'or

polis di Santa Cruz a bay altura di Brighy Bakery na

Piedra Plat, eynan un auto a bolter.

Un poco mas pabou un Toyota Corolla. Na e sitio nos a compronde di testigo cu e Corolla tawata bin cu velocidad halto for di Paradera y a pasa over di e rotonde y dal patras di e Nissan Versa. E impacto tawata asina

fuerte cu e la causa cu e Versa a bay dilanti y bay links ranca mata y bolter kedando riba su banda. Polis a laga chauffeur di e Corolla supla, y pa un 1microgram e no a wordo deteni. Pues e chauffeur a bebe of tawata bebi pero no por a wordo deteni debi na e resultado di e AlcoSensor. Ambulance a presenta pero ambos chauffeur tawata ok e ora ey. Polis di trafico tambe a presenta na e sitio.

P 10

DIAMARS 13 DI OCTOBER 2026

FUNDACION VIRGINIA DEMETRICIA Riba 1 di juli 2026, dia di Emancipacion, a keda oficialisa e “Fundacion Virginia Demetricia Aruba” na New Leaf Notary. E fundacion lo enfoca riba e historia, bida y legado di Virginia Demetricia, y lo keda encarga cu un amplio cantidad di asuntonan cu ta regarda e personahe historico aki. Dialuna 12 di october, continente Americano – inclusive Aruba - ta conmemora Dia di Indigenidad, pues ta un bon momento pa presenta e informacion aki pa comunidad di Aruba. E prome parti di America cu Europa a conoce na 1492 tabata Caribe, y e cultura indigena cu tabata aki pa varios milenio caba tabata e prome pa confronta e choke di culturanan cu a sigi. Virginia, naci na 1842 tabata un muchamuher esclavisa y, segun informacion for di documentonan di Archivo Nacional (ANA), di origen mas tanto indigena Arubano. Ela protesta na varios manera y varios biaha contra e opresion di sclavitud Hulandes bou di cual e y su hendenan tabata sufri. Ela ricibi castigonan pisa y despues a wordo bendi y exilia pa Corsou. Tur esaki na e edad fragil di un hobencita di 16 aña. Awe, pa su edad hoben y pa su consciencia y activismo fuerte pa husticia y igualdad, Virginia por wordo compara cu Anne Frank durante segundo guera mundial, y tambe cu Greta Thunberg, conocido activista global hoben di awendia. Esaki teniendo cuenta cu circunstancianan

hopi diferente. E idea pa e fundacion a cuminsa na 2023 ora cu na Hulanda (Ymere, Amsterdam) a traha un bario cu e tema di “ V r i j h e i d s s t r i j d e r s ”. Virginia, hunto cu Tula y Anton de Kom, a haña un edificio grandi cu su nomber y imagen, y tambe un caya yama “Virginia Straat”. A peticion di Hulanda, Archivo Nacional a tuma contacto cu famia di Virginia, sra. Shanoulle Bikker, y despues hunto cu sra. Wilma KuiperiJansen y demas famia a coopera pa un proyecto pa un imagen di Virginia mas corecto posibel . Esaki a coincidi cu e tempo cu Premier Rutte y Rey Willem Alexander di Hulanda a pidi despensa y pordon pa e era y consecuencianan di sclavitud pa e culturanan indigena y Africano. A base di tur esaki a crea un fundacion na Aruba cu a nase for di seno di descendientenan directo di Virginia su famia. Prome, e famia grandi Bikker y demas famianan casa a bin hunto pa promer biaha na Archivo Nacional pa un reunion grandi di informacion y concientisacion. Un aña despues, a crea e fundacion cu su directiva consistiendo di sra. Wilma Kuiperi-Jansen, Presidente, sra. Nadine Krosendijk, Secretaria, y sra. Giselle Pichardo, Tesorera, y miembronan sr. Benny Bikker y sra. Shanoulle Bikker. E fundacion depues a organisa otro evento di introduccion pa invitadonan y Gobierno.

Museo Arquelogico Aruba a habri su salanan pa e fundacion, y Archivo Nacional a duna un presentacion tocante e ultimo desaroyonan genealogico encuanto Virginia Demetricia. Minister Wyatt-Ras y Minister Herdé, representando Minister di Cultura Eman, tabata presente Sr.Edric Croes di A.N.A. a propone tambe pa e fundacion introduci un evento anual cu e.o. lecturanan bou nomber di Virginia, cu cual sigur e fundacion lo bai cumpli. E publico presente a expresa hopi aprecio y entusiasmo pa e iniciativa aki. Lo re-introduci, investiga, y promove e legado corecto di Virginia na e comunidad local y internacional, entre otro como simbolo di e resiliencia historico di e pueblo di Aruba. Investigacion lo haña un luga importante, manera p.e. e recien investigacion tocante e relacion di Cas Real Hulandes cu sclavitud. Lo coopera e.o. cu Archivo Nacional, Gobierno y otro instancianan y investigadornan internacional. Ademas por conta riba e amplio experiencia pedagogico y di maneho cultural di e directiva nobo. Fundacion Virginia ta desea di gradici pa nan contribucion sr. Raymond Hernandez, Director, y sr. Edric Croes, investigador di Archivo Nacional, sr. Harold Kelly Director interino y personal di Museo Arquelogico, Notario sra. Chamila Tromp y personal di New Leaf Notary, sra. Marilis

Becker pa su bunita obra teatral. Tambe sra. Diana Bikker MC, sra. Sharla Koolman y demas voluntarionan, Sra. Lara Kuiperi pa su diseño di e logo oficial, y sra. Kat Fowler y Nadine Krosendijk pa e livestreaming internacional. Finalmente kier gradici

tur miembro di e famianan envolvi pa sostene e fundacion cu nan interes, informacion y dedicacion. Fundacion Virginia Demetricia Aruba ta urgi pueblo di Aruba pa tuma contacto via email fundacionvirginiaaruba@ gmail.com. pa cualkier pregunta of informacion.

P 11

DIAMARS 13 DI OCTOBER 2026

Centro di Bario Noord, Dia Mundial Di Agricultura y Alimentacion 2026:

Hunto pa un futuro mas sigur y saludabel NOORD — Riba diabierna 16 di October 2026, Centro di Bario Noord lo ta e punto di encuentro pa un dia yen di enseñansa, conciencia y participacion comunitario, den ocasion di Dia Mundial di Agricultura y Alimentacion. E actividadnan ta prepara pa muchanan, mayornan y famianan cu tin interes pa siña mas tocante agricultura, alimentacion y e importancia di siguridad di alimento. E iniciativa ta enfatisa cu agricultura ta un parti importante di nos bida diario y manera cu nos por construi un futuro mas saludabel y sostenibel. Door di educa tanto nos muchanan como nos mayornan, nos por crea mas conciencia tocante di unda nos alimento ta bini y e importancia di tin acceso na alimento saludabel. Workshop di Agricultura pa Muchanan Durante mainta, muchanan entre 5 y 12 aña ta invita pa participa den un workshop educativo y interactivo. E actividad lo tuma luga di 9:00 or di mainta te 11:00 or di mainta, y ta ofrece e muchanan un oportunidad pa descubri nivel basico di plantamento di berdura y fruta. Cu un contribucion di solamente Afl. 3,50 pa cada mucha, e workshop ta

hopi mas, tur fresco y, naturalmente, “LOCAL”! Hunto pa un futuro mas sigur y saludabel E Dia Mundial di Agricultura y Alimentacion ta brinda un oportunidad pa henter famia participa den un experiencia educativo y significativo. Door di involucra tanto muchanan como mayornan, e actividadnan ta invita nos comunidad pa pensa riba su importancia. E organisadornan ta haci unylamado na famianan pa bin participa, siña y comparti hunto. Hunto nos por planta e simianan pa un futuro mas sigur, saludabel y consciente. enfoca riba enseñansa di un manera practico y creativo. E muchanan lo por siña mas tocante e proceso di planta, crecemento y cuido di cultivo, mientras nan ta discubri e balor di agricultura y di produci nos propio alimento. E tipo di experiencia por yuda planta e simianan di conciencia ambiental desde trempan di edad, mientras ta fortalece e curiosidad y e interes di muchanan pa naturalesa y alimentacion saludabel. Workshop y Dialogo pa Mayornan Atardi, e programa ta continua cu un Workshop y Dialogo pa Mayornan, cu lo tuma luga di

3:00 or t’e 5:00 or. E actividad ta un oportunidad pa mayornan tuma un momento pa reflexiona y informa nan mes mas bon tocante e significado di “Dia Mundial di Agricultura y Alimentacion.” E participacion tin un contribucion di Afl. 15,00 pa cada mayor. E dialogo ta busca crea un

espacio pa comparti conocimento, intercambia idea y aumenta conciencia tocante e rol cu cada persona y comunidad tin pa promove un sistema di alimentacion mas sigur y saludabel. For di 10:00 AM or pa 2:00 PM comunidad di Aruba por bin discubri y disfruta di un variedad di mata, fruta, berdura y

Fecha: Diabierna 16 di October 2026 Lugar: Centro di Bario Noord Workshop pa muchanan: 9:00 a.m. – 11:00 a.m. | Afl. 3,50 Workshop y dialogo pa mayornan: 3:00 p.m. – 5:00 p.m. | Afl. 15,00 —Noord Creciendo Hunto!

P 12

DIAMARS 13 DI OCTOBER 2026

PROME MINISTER MIKE EMAN A BISHITA NA JEWISH MUSEUM CURAÇAO

Durante su bishita di trabou na Corsou, Prome Minister di Aruba, Mike Eman, a bishita Jewish Museum Curaçao, caminda el a haya oportunidad pa profundisa den e historia di comunidad Hudio den Caribe y descubri varios conexion importante cu su propio herencia familiar. E presidente di e museo, Michèle Russel-Capriles a ricibi Prome Minister Eman, kende a expresa su satisfaccion cu finalmente por a ricibi Eman. E dos ta comparti un laso familiar cu ta conecta nan cu un parti importante di historia di Aruba y Corsou. Durante e bishita, Mike Eman a comparti algun descubrimento reciente cu el a haci durante su investigacion tocante su bisabuelo Cornelis Hendrik Eman y su esposa Petronila Capriles. E investigacion aki a revela informacion nobo tocante e historia di su antepasadonan, incluyendo nan conexion cu comunidad Hudio y e periodo di esclavitud.

Un di e descubrimentonan cu mas a impacta e Prome Minister ta e hecho cu Petronila Capriles tabata descendiente di un persona cu a biba den esclavitud. E informacion aki a sali for di investigacion historico cu asistencia di Archivo Nacional. Eman a splica cu anteriormente el tabata pensa cu su herencia Hudio tabata bin principalmente di parti di su mama, cu su famia tin bin for di Surnam y cu a establece na Aruba durante añanan 30 di siglo pasa. Sin embargo, e investigacion reciente a revela cu tambe di parti di famia Capriles tin conexionnan historico cu comunidad Hudio. Un otro aspecto importante di e investigacion ta e historia di Juan Bautista Capriles, un antepasado relaciona cu famia di Eman, kende su nomber ta aparece riba un carta historico di protesta contra maltrato di personanan den sclavitud. Segun e Prome Minister, e contenido di e carta ta particularmente

i mpr e s ion a nte , considerando cu den e periodo ey ya tabata expresa preocupacion tocante dignidad y derecho humano, den un tempo cu e conceptonan aki ainda no tabata ampliamente reconoci. Eman a reconoce cu historia familiar por contene capitulonan dificil, incluyendo e hecho cu den su propio famia e tempo ey tabatin tambe persona cu tabata doño di esclavo. E descubrimentonan aki ta contribui na un comprension mas completo di e pasado y e diferente realidad cu ta forma parti di historia di nos region. Durante su recorido den e museo, e Prome Minister a dedica atencion special na e historia di Ana Frank y George Maduro, dos figura cu nan bida ta relaciona cu e acontecimentonan di Segunda Guerra Mundial. E historia di Ana Frank a brinda oportunidad pa reflexiona riba e consecuencianan di discriminacion,

opresion y persecucion. Eman a relaciona e experiencia historico aki cu edesafionan cu ainda ta existi den sociedad moderno, incluyendo bullying, odio y polarisacion. Tambe e historia di George Maduro, un heroe di Segunda Guerra Mundial cu a nace na Corsou y cu a lucha contra ocupacion Aleman, a forma parti di e recorrido. Su historia ta un ehempel di curashi y resistencia durante un di e periodonan mas dificil di historia mundial. E bishita a destaca e importancia di conserva y comparti historia, no solamente pa conoce e pasado, pero tambe pa compronde e responsabilidad cu cada generacion tin pa promove respeto, tolerancia y amor pa prohimo.

Durante e intercambio cu directiva di e museo, a surgi tambe e posibilidad pa den futuro dedica un espacio na e historia di comunidad Hudio na Aruba, considerando e conexionnan historico, familiar y comercial cu ta existi entre e dos islanan. Jewish Museum Curaçao ta desempeña un papel importante den conservacion di patrimonio cultural y religioso di comunidad Hudio, cu durante siglonan a contribui na desaroyo economico y social di Corsou y e region Caribe.

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

P 13

DIaMARS 13 DI OCTOBER 2026

Prome Minister Mike Eman y Secretario di Estado Eric van der Burg a dialoga tocante cooperacion y oportunidad nobo den Reino Prome Minister mr. Mike Eman, hunto cu Minister di Relacionnan den Reino, mr. Gerlien Croes, a tene un reunion cu Secretario di Estado di Hulanda, Eric van der Burg, na Bestuurskantoor. Durante e encuentro a intercambia idea tocante diferente proyecto di cooperacion entre Aruba y Hulanda, cu enfoke riba desaroyo economico, inversion, enseñansa y fortalecemento di relacionnan den Reino. Un di e temanan principal tabata continuacion di cooperacion den cuadro di Landspakket. Segun Prome Minister Eman, Aruba tin experencia positivo cu e programa aki y Gobierno ta desea di continua cu e cooperacion. El a expresa su aprecio pa e sosten di Secretario di Estado Van der Burg den e proceso aki. Otro tema importante tabata e futuro di e tereno di e tereno di e ex-refineria, caminda Aruba ta ricibiendo sosten tecnico di Hualda pa entre otro preparacion pa limpiesa di e tereno, acercamento riba e mercado internacional y futuro proceso di destaho

publico pa actividadnan economico nobo cu lo por haci den e are aki. Durante e reunion a papia tambe tocante oportunidadnan pa atrae inversion di institucionnan y empresanan Hulandes na Aruba. Prome Minister Eman a menciona e presencia di Wageningen University & Research (WUR) na Aruba como un ehempel di e cooperacion aki. Gobierno di Aruba lo continua e

combersacionnan aki durante un proximo bishita na Hulanda otro siman. Ademas, a trata e posibilidad di cooperacion cu HVC di Hulanda den campo di maneho di desperdicio, como tambe e importancia di varios fondo Europeo pa financia proyecto di desaroyo na Aruba. Di su banda, Secretario di Estado Eric van der Burg a destaca e importancia di fortalece e pensamento di un Reino, caminda e cuater pais ta traha hunto pa crea mas oportunidad y fortalece otro. Den e contexto aki, a papia señal riba e proximo Kingdom Summit cu lo tuma luga na Sint Maarten na november, caminda e paisnan di Reino lo reuni.

Tambe a dedica atencion na e retonan den enseñansa na Aruba y e importancia di cooperacion den e sector aki. Ambos mandatario a califica e encuentro como constructivo, cu un enfoke comun riba fortalecemento di cooperacion y desaroyo di oportunidad concreto pa Aruba y e Reino Hulandes.

P 14

DIAmars 13 october 2026

Parlamentario di AVP, Dennerich Kelly:

Regulacion di vacation rentals mester proteha turismo y acceso na vivienda Haci distincion entre propietario individual y operador comercial

ORANJESTAD (11 di oktober 2026) — Parlamentario di AVP, Dennerich Kelly, ta pidi Gobierno di Aruba pa duna claridad tocante e implementacion di su politica pa Short-Term Vacation Rentals (STVR). Segun Kelly, Aruba tin mester di un maneho cla cu ta reconoce e contribucion economico di vacation rentals, mientras ta proteha disponibilidad di vivienda accesibel pa hendenan cu ta biba y traha na nos isla. Kelly a recorda cu na april 2024, gobierno a comunica cu e politica pa vacation rentals tabata den su fase final. E maneho anuncia tabata inclui registracion di propietario, un proceso di permiso, inspeccion di higiene y siguridad, y cumplimento cu impuestonan relevante. Awor cu nos ta na 2026, e parlamentario ta considera necesario pa gobierno informa pueblo unda e proceso ta para y cua medidanan concreto ta implementa. Pa Kelly, regulacion efectivo mester reconoce cu no tur propietario tin e mesun tipo di operacion ni e mesun impacto riba mercado di vivienda. “Un ciudadano cu ta huur un camber den su propio cas of un propiedad adicional no necesariamente tin e mesun impacto cu un operador cu ta maneha varios vivienda exclusivamente como negoshi turistico,” Kelly a expresa. E parlamentario ta enfatisa cu e diferencia aki mester forma parti di e analisis pa determina

un maneho apropia pa Aruba. Un ciudadano cu ta genera un entrada adicional y un operacion comercial cu varios unidad no mester wordo trata automaticamente como si nan ta representa e mesun situacion. Den e contexto aki, Kelly ta pidi gobierno pa analisa si Aruba tin necesidad di instrumentonan manera zoning, diferenciacion entre tipo di operador y otro mecanismo pa evita concentracion excesivo di vacation rentals den areanan residencial. E evaluacion mester ta basa riba data y riba e realidad di cada area. “Regulacion inteligente ta reconoce diferencia. E meta no mester ta pa castiga e ciudadano cu ta purbando di genera un entrada extra. E meta mester ta pa nos sa exactamente kico ta pasando den nos mercado y evita cu vivienda lo bira algo cu e propio hende cu ta biba y traha na Aruba no por paga,” Kelly a enfatisa. Pa por tuma decisionnan fundamenta, e parlamentario ta pidi cifranan actualisa tocante cantidad di STVR, nan concentracion pa area y e tiponan di propiedad cu ta wordo ofreci. Alabes, e ta pidi informacion tocante disponibilidad di vivienda pa huur di largo plazo y e desaroyo di prijs di vivienda. Segun Kelly, e informacion aki ta necesario pa evalua e relacion entre crecemento di vacation rentals y e retonan den mercado di vivienda, sin saca conclusionnan

un lugar accesibel pa biba. Kelly ta considera tambe cu e discusion mester continua cu participacion di gobierno, sector turistico, sector inmobiliario, representantenan di STVR y residentenan cu ta confronta dificultad pa haya vivienda. Un maneho sostenibel mester tene cuenta cu e diferente interesnan y cu e realidad di esnan cu ta sinti e presion den mercado. di antemano. E importancia economico di e sector mester wordo considera hunto cu e necesidad di residentenan pa haya

“Nos no mester specula. Nos mester midi. Y for di e realidad cu e data ta mustra, nos mester determina cua ta e balans sostenibel pa Aruba,” Kelly a conclui.

P 15

DIAMARS 13 DI OCTOBER 2026

HALLOWEEN TA UN TRADICION DIABOLICO E actividadnan di Halloween a origina for di hopi siglonan pasa, for di Inglatera na e islanan Britanico. Den realidad den e tempo ey, Halloween ta un ceremonia satanico di e druidesnan, nan ta satanistanan y awendia nan ta wordo yama celticsnan y ariba 31 di oktober nan ta haci nan ceremonianan di “human sacrifice”. Nan ta scohe nan victimanan den rapto, den secuestro etc.. E tradicion satanico aki di Halloween a wordo pasa pa Merca y Europa pa medio di imigrantenan. Halloween ta un festival di e celticsnan tambe yama samhein y awendia e ta wordo organisa pa esnan cu ta miembronan den ocultismo y esnan den organisacionnan satanico, esnan den illuminatienan, esnan den New Age etc. Tur e gruponan aki, tin nan simbolonan y nan pentagramnan diabolico y bo por reconoce nan awendia. Den luna di oktober na Merca, na Europa y na otro paisnan, hende y muchanan ta desaparece of secuestra y nunca mas nan ta aparece. Halloween ta dianan di fiesta pagano. No participa na ningun eventonan di Halloween, pa bo no ta complice y culpabel di loke ta pasando na mundo y pa bo no apoya nan actividadnan di fiestanan di disfras. Pasobra na Aruba tambe tin diferente di esnan cu ta den organisacionnan diabolico bao di un capa, pa nan no wordo descubri cu nan ta satanista y den nan asamblea nan ta adora

aclaria pa medio di esnan cu ta den claridad di lus.” Corda bon, cu nos tur ta tempel di Dios Spirito Santo cu ta biba den cada un di nos. P’esey no ofende bo Senjor y bo Dios, cu bo pikanan di ignorancia. Den Bijbel 2 Tessalonicensenan 1: 8-9; “Den vlamnan di candela pa castiga esnan cu no ta reconoce Dios y na esnan cu no ta obedece na Evangelio di nos Senjor. Nan lo paga pa esey cu perdicion eterno lew for di presencia di Senjor y for di Su poder glorioso.” diferente diosnan pagano y satanas “himself”. No participa na ningun eventonan di Halloween, pa cu inocentemente bo ta bira complice di nan actividadnan, pasobra bo ta gusta nan ambiente, nan “trick and treat bags”, nan fiestanan, nan disfrasnan etc.y asina bo ta bira simpatisante di e demonionan. Hendenan ta tuma un cultura y tradicionnan diabolico pagano di otro paisnan y sin pensa ta kiko e ta significa? Hendenan desvia, nan no ta obedece e prome Mandamento di Dios Tata cu ta bisa: “Di stima bo Senjor y bo Dios di henter bo curason, di henter bo alma, di henter bo ser y di henter bo sintir y mas cu tur cos den mundo.” Stima Dios ta significa, di aleha bo mes di tur actividadnan y di fiestanan pagano. Den Bijbel Efesionan 5: 7 – 14; Dios Tata ta bisa:“No mete boso cu hendenan den scuridad. Bosonan ta lus den Senjor. Comporta

boso manera yiunan di lus. E frutanan di lus ta, bondad, husticia y berdad di tur forma. Busca di haci loke ta gustoso na Senjor y no participa den actonan inutil di hendenan cu ta

Oracion Di Dia

biba den scuridad, pero trece nan na claridad. Loke e hendenan aki ta haci den scuridad, ta hopi berguensa di menciona. Ma tur esnan cu ta den scuridad, nan lo wordo

Scirbi pa Seferino Tromp Koyari 13-d Tel. 5931157 / 5870048 ID. 57.11.22.40 E-mail: etajuni@yahoo. com

Laga cu Dios ta e caminda cu e ta laga nos sigui riba dje ”Pa hende, esey ta imposibel, ma pa Dios tur cos ta posibel” Mateo 19,26 E reaccion entre e hendenan cu a scucha e combersacion entre e hoben rico y Hesus a pone hopi duda paso e palabranan tabata duro y cla. Hopi biaha Hesus a adverti contra obstaculonan manera rikesanan cu ta stroba nos drenta den e Reino di Dios. Hesus ta stima hendenan rico ya cu rikesa mes no ta malo, sino si el a wordo gana inhustamente of si ta uze abundantemente sin tene cuenta cu otronan den necesidad, of si cera e curason pa e balornan spiritual. Ta ken anto por haya salbacion? Hesus a responde ”Pa hende, esey ta imposibel, ma pa Dios tur cos ta posibel” Señor conoce e hendenan bon, con nan ta interpreta y suavisa e Palabra di Dios. Laga nos pidi Hesus pa yuda nos y converti nos curason. E hoben rico a bay tristo paso e ta pega na su rikesa. Ta momentonan asina den nos bida nos tin cu pidi Hesus pa capacita nos pa por laga cosnan di mundo atras y sigui Señor. Su promesanan ta cu nos lo sinta cu E Yiu di Hende den e Reino.Oracion:Oh Señor, duna nos e capacidad pa laga nos ”rikesanan” di mundo atras y sigui Bo. Duna nos un futuro feliz, abundancia di bida y e plenitud divino. Conduci nos na e dia aki! Amen.

P 16

SUDOKU

DIAMARS 13 DI OCTOBER 2026

RECORDATORIO PA MAYORNAN Y MAESTRONAN Laga nos muchanan pinta un mundo cu mas paz!

Tin un mucha cu ta gusta dibuha of pinta? Aruba One Happy Island Lions Club (OHIL) ta invita mayornan y maestronan pa anima nos muchanan pa participa den Peace Poster Contest 2026–2027, cu e tema “Harmony in Humanity” — “Harmonia den Humanidad.”

Pa hobennan cu tin 11 pa 13 aña na 15 di november 2026 Participacion gratis y lunch inclui

Esaki ta un bunita oportunidad pa nos muchanan desaroya nan talento, expresa nan ideanan y comparti un mensahe di paz, respet y union, cu guia di e artista local Elvis Tromp.

Inscripcion ta cera 14 di october. Cupo ta limita! Email” ohilclubaruba@gmail.com WhatsApp: 568-0829

Diasabra, 17 di october 2026 MFA – Santa Cruz 9:00 AM – 4:00 PM

E ganador local lo ricibi un premio y avanza pa e siguiente etapa, cu oportunidad pa sigui te na nivel internacional!

Mayornan, maestronan y scolnan: boso apoyo por anima un mucha pa descubri su talento y laga su mensahe di paz yega leu. Inscribie y comparti e invitacion aki!