Issuu

DIAMARS 3 NOVEMBER 2026

3 NOVEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

HOMBER CU TABATA BENDE DROGA Y ARMANAN DI CANDELA CONDENA NA 3 AÑA DI PRISON DEFENSA TA INTENSIFICA VIGILANCIA PERMANENTE DI SIGURIDAD ROND DI PARTI CARIBENSE DI REINO

DIAmars 3 november 2026

Parlamentario Otami Thomasia ta propone servicio centralisa y mas partera pa garantisa continuidad di cuido

Parti 2 — Modelo di trabou sostenibel y plan concreto pa siguridad di mama y baby ta prioridad no por sigui depende di sacrificio personal di e profesionalnan cu ta mantene e servicio ta funciona. Descanso y reemplaso mester forma parti di e organisacion normal di cuido,” el a enfatisa.

ORANJESTAD (30 di october 2026) Parlamentario di AVP, Otami S.S. Thomasia, ta boga pa un evaluacion serio di un modelo centralisa pa servicio di partera na Aruba, combina cu un plan pa aumenta e cantidad di profesionalnan. Despues di e reunion di e siman aki cu Asociacion di Partera, Thomasia ta enfatisa cu e preocupacionnan conoci mester wordo traduci den solucionnan concreto, responsabilidadnan defini y un plazo cla pa accion. Den e prome parti di su relato, e parlamentario a aborda e reduccion den cantidad di partera y e presion cu esaki ta pone riba continuidad di cuido. Den e segundo parti aki, e ta concentra

riba proposicionnan pa fortifica e servicio y crea condicionnan di trabou mas sostenibel. “Nos conoce e problema. Awor nos mester determina kico nos ta haci pa solucional’e, ken ta asumi responsabilidad y pa ki fecha nos pueblo por spera resultado,” Thomasia a expresa. Modelo Centralisa pa Facilidad y Responsabilidad Un di e proposicionnan ta pa reorganisa e servicio segun un modelo centralisa, similar na e concepto di HOED cu ta existi pa dokternan di cas. Den e modelo proponi, parteranan por traha for di un localidad central,

comparti facilidadnan y organisa un sistema di rotacion di trabou. Esaki por permiti cu, mientras algun partera ta atende pashent na e localidad, otro ta haci bishita na cas of ta disponibel pa parto y emergencia. Alabes, e sistema mester crea espacio pa descanso programa y reemplaso durante vakantie of enfermedad. Thomasia a splica cu e proposicion ta dirigi riba un distribucion mas balansa di responsabilidad, cu continuidad di cuido y bienestar di e profesionalnan como prioridad. “Un

sistema

cuido

Pa e parlamentario, gobierno y AZV mester evalua e modelo seriamente. Si tin obstaculonan administrativo, legal of relaciona cu e manera cu AZV ta evalua e proposicion, mester aclaria esakinan pa por determina con ta supera nan. Mas Profesional Ademas di reorganisacion, Thomasia ta considera necesario pa traha riba un plan pa atrae por lo menos dos partera adicional, cu e meta di yega na un minimo di seis profesional. Segun e informacion presenta, Aruba tin actualmente cuater partera, cu e preocupacion cu e cantidad por baha pa tres na september 2027. E perspectiva aki, segun Thomasia, ta exigi planificacion anticipa pa evita cu e presion riba e servicio sigui aumenta. Pregunta y Agenda pa Solucion

Thomasia a dirigi pregunta parlamentario oficial na Ministro di Salud, drs. Melvin Wyatt-Ras, pa solicita claridad riba e posicion di gobierno y AZV respecto na un modelo similar na HOED pa parteranan, e obstaculonan cu ta stroba progreso, e necesidad di mas profesional y e posibilidad di establece un plan concreto pa implementacion. Tambe e ta solicita pa gobierno, AZV y Asociacion di Parteranan sinta na mesa cu un agenda cla, responsabilidadnan defini y un fecha concreto pa presenta solucionnan. “Mi intencion ta pa contribui na un solucion realistico y sostenibel, cu ta tene cuenta cu e realidad diario di nos parteranan y ta pone siguridad di mama y baby na prome luga,” Thomasia a declara. E parlamentario a conclui cu cuido di calidad durante embarazo, parto y despues di parto ta un necesidad fundamental pa bienestar di famianan y futuro di Aruba. P’esey, e siguimento mester ta dirigi riba decisionnan y accionnan cu por garantisa e cuido aki, tanto awe como den e añanan cu ta bin.

DIAmars 3 november 2026

Defensa ta intensifica vigilancia permanente di siguridad rond di parti Caribense di Reino

Fotografía del 20 de octubre de 2026 de una flor Pata de Guanaco en el desierto florido en el Parque Nacional Llanos de Challe en Vallenar, región de Atacama (Chile). EFE/ Sebastián Silva Ministerio di Defensa di Hulanda a ricibi e tarea permanente pa monitorea situacion di siguridad den region di Caribe, cu enfasis riba desaroyonan cu por afecta e parti Caribense di Reino. Gobierno Hulandes a anuncia e medida como parti di su esfuersonan pa fortalece e posicion di informacion y identifica posible menasa na tempo. Segun Gobierno, situacion di siguridad den Caribe a bira mas complica debi na aumento di tensionnan geopolitico. P’esey, ta considera necesario pa mantene un vigilancia continuo riba actividadnan cu por afecta estabilidad y siguridad di e islanan Caribense di Reino.

Mas informacion pa identifica menasa na tempo Desde september di aña pasa, Fuerza Armada Hulandes tabata monitorea desaroyonan den region bou di un mandato temporal. Sinembargo, autoridadnan a determina cu tin necesidad di un sistema permanente pa colecta y analisa informacion tocante situacion den Lama Caribe.

E vigilancia lo inclui actividadnan di diferente pais, organisacion y otro grupo cu ta opera den region. Un di e aspectonan importante ta monitoreo di presencia militar y movimento di fuerza arma di otro

paisnan. Cu e informacion aki, Defensa lo por identifica cambionan den situacion regional mas trempan y evalua si nan por representa un menasa pa e parti Caribense di Reino.

Segun Gobierno Hulandes, e medida lo permiti Fuerza Armada reacciona mas rapidamente na desaroyonan cu por afecta interesnan di Reino. Vigilancia permanente como parti di Defensa E responsabilidad nobo lo wordo integra den e sistema existente di preparacion y operacion di Fuerza Armada Hulandes. Esaki ta nifica cu monitoreo di siguridad regional no lo ta limita mas na un mandato temporal, sino lo forma parti di e tareanan permanente di Defensa.

Actualmente, Defensa Hulandes

ya tin presencia permanente den e parti Caribense di Reino, cu personal militar y ekipo di diferente departamento di Fuerza Armada. Nan responsabilidadnan ta inclui proteccion di integridad territorial di Reino, sosten na orden juridico internacional y asistencia na autoridadnan civil ora cu esaki ta necesario. E vigilancia adicional ta destina

pa fortalece capacidad di Defensa pa compronde e situacion regional y anticipa posible desaroyonan cu por pone siguridad na peliger.

Cu e decision aki, Gobierno Hulandes ta pone mas enfasis riba importancia estrategico di Caribe y necesidad di mantene informacion actualisa tocante actividadnan militar y otro situacionnan cu por afecta e region.

DIAmars 3 november 2026

Noticia di Corte

Homber cu tabata bende droga y armanan di candela condena na 3 aña di prison-1ORANJESTAD – E homber J.S. (23) a presenta recien den Corte di Husticia pa e caso penal cu Ministerio publico a cuminsa contra di dje. E ta wordo acusa di bendemento di droga y armanan di candela.

SOLO DI PUEBLO por a compronde cu apesar cu J.S. ta para riba cu e no a bende droga y tampoco armanan, Hues ta hay’e culpabel y a confirma e exigencia di Fiscal di 3 aña di prison. Fiscal a ta acusa J.S. cu riba 30 Mei 2026 e tabatin 44 gram di cocaina den su posecion, cu entre 14 Januari 2026 y Mei 2026, e tabata bende marihuana. Tambe e ta wordo acusa cu entre December 2025 y Mei 2026, e tabatin armanan den candela den posecion. Ya tin 154 dia sera den KIA.

DROGA HAYA DEN CAS Hues a bisa cu dia 18 Mei 2026, Polis a para un auto pa control y a haya holor di marihuana. J.S. tabata den auto y e doño di e auto A. Ta asina cu J.S. a core bay na pia y Polis a detene A. Ta asina cu Polis a haya cocaina den auto. A. a bisa cu e droga ta di J.S. Relaciona cu esey dia 30 Mei 2026, Polios a detene J.S. na su cas y a haya 44 gram di cocaina. A haya den su cel diferente potret di armanan di candela. Tambe chatnan di bendemento di droga y posibel armanan di candela. J.S. a bisa Hues cu e no tabatin nada den e auto. J.S. ta para riba cu e no tabatin droga den e auto. El a bisa Hues cu loke Polis a haya na su cas tabata di dje y pa propio uso. Hues a puntra J.S. pakico el a core bay. Segun J.S. e tabata bou influencia di droga y no tabata kier tin problema cu Polis. Hues a bisa cu e homber A. a bisa cu e droga tabata di J.S. J.S. a bisa Hues cu a haya A. cu e droga y loke A. a bisa no ta corecto. El a bisa cu A. a tira culpa riba dje pa A. sali di bon.

J.S. a bisa cu e no tabata stuur e auto sino A. El a bisa cu e no tin auto y a haya lift di A. El a bisa cu el a laga su cellular den e auto. Fiscal a bisa cu Polis a haya den e auto unda J.S. tabata sinta, un tubo di e chuculati M&M cu cocaina aden. J.S. ta para riba cu e no tabatin droga den e auto y cu e droga tabata di A.

hopi droganan y armanan cu J.S. tabata ofrece na diferente hende. Tambe ta mira cantidad di placanan cu J.S. tin. Segun J.S. ta solamente chat tabatin y nada mas.

Hues a remarca cu e droga cu a haya na cas di J.S. tabata basta hopi. J.S. a bisa cu e tabatin un cantidad cu e tabata usa. Hues a remarca cu 44 gram ta hopi. J.S. a bisa cu e no ta haya cu e cantidad ta asina grandi compara cu otronan cu ta gara. Hues a puntra J.S. cuanto e ta usa pa dia. El a bisa cu 4 gram di cocaina pa dia.

FISCAL A EXIGI 3 AÑA DI PRISON

ARMANAN DI CANDELA Hues a mustra cu den e cellular di J.S. a haya cantidad di chatnan tocante droga y potretnan di arma. J.S. a admiti cu e tabatin arma y cu ta videonan hopi bieu di dje cu arma. El a bisa cu e no a bende ningun arma y no a menaza hende cu arma. El a bisa cu tin potretnan manda via AI cu hende a manda p’e pa e cumpra. Segun J.S. den pasado el a bira victima di atraco cu violencia ora di cumpra marihuana y cu nan a bay cu su placa. E tabata busca pa sa kende(nan) a haci’e. Hues a mustra cu tin hopi chat di marihuana. Segun J.S. e no ta bende marihuana. El a splica cu e tabata busca pa sa kendenan a dal e y bay cu su placa. Hues a mustra cu tin chat cu un tal J. cu ta ofrece un arma y J.S. a ofrece droga a cambio. Segun J.S. esey tabata papiamento so. Hues a mustra tambe cu J.S. tabata ofrece pistol Glock y otro pistol pa bende y a menciona prijs 9 mil florin. J.S. ta para riba cu e tabata haci asina pa haya sa si tin un grupo cu ta atraca hende. Hues a menciona otro chat caminda J.S. ta ofrece Glock y droga na un otro persona. Segun J.S. esey ta un persona cu den pasado a maltrat’e. Hues a remarca cu den cel ta mira potretnan di

Fiscal a remarca na J.S. si realmente J.S. ta kere cu loke e ta bisa ta e berdad!

Fiscal a bisa cu J.S. a core bay ora di control di auto riba 18 Mei 2026. Na J.S. su cas riba 30 Mei 2026 a haya tubo di M&M cu 44,6 gram di cocaina, mas cu 500 florin y 24 dollar. Fiscal a mustra cu gran parti di prueba a haya den cellular di J.S., cu el a laga atras den e auto di A. Den e cellular tin potretnan di armanan y droganan. Tambe tin chatnan cu ta duna e indicacion cu J.S. ta bende droga y arma. Tin chatnan caminda J.S. ta ofrece armanan y droga pa bende.

Fiscal a bisa cu J.S. a bisa cu e cocaina ta di dje y ta pa propio uso. Den auto di A. a haya tubo di M&M cu 4 gram di cocaina. A. a bisa cu e droga ta di rasta, kende ta J.S. Fiscal a mustra cu J.S. ta wordo yama Rasta. E ta haya cu for di e chatnan por conclui cu J.S. tabata ofrece droganan. Fiscal a menciona chatnan y prijsnan cu J.S. tabata menciona. Fiscal ta haya cu durante 4 luna, J.S. a ofrece 5 hende droga pa cumpra. Fiscal no ta kere declaracion di J.S. cu e tabata pruba di haya sa kende(nan) a dal’e abao. Fiscal a mustra cu a haya hopi potretnan di J.S. cu armanan. Tambe tin videonan di J.S. cu armanan. Tabatin videonan cu J.S. cu pistool den cada man. Tabatin chat caminda J.S. ta ofrece armanan pa bende y ta menciona prijs. Tambe J.S. tabata menciona cu tin municion y silenciador. Continuacion pag.6

DIAmars 3 november 2026

SETAR cu e dushi ambiente di Pasco na rotonde di Seroe Blanco esnan den e bario di Seroe Blanco y becindario cu bunita decoracion di luz.

E tema di e aña aki ta Candy Wonderland, treciendo asina un dushi alegria colorido na e rotonde.

Manera ta tradicion, SETAR ta decora e rotonde di Seroe Blanco durante

e temporada di Fin di Aña p’asina trece e dushi ambiente di Pasco cerca di

Diahuebs atardi, SETAR a cende e luznan na e rotonde acompaña pa e dushi ambiente di musica navideño y partiendo mangel pa automobilistanan cu a pasa admira e rotonde.

Nos ta invita comunidad di Aruba pa pasa disfruta di nos Candy Wonderland na e rotonde di Seroe Blanco. Y no lubida di pasa na nos Teleshopnan rond Aruba pa saca bo potret cu e candy pot.

DIAmars 3 november 2026

Homber cu tabata bende droga y armanan di candela condena na 3 aña di prison -2Fiscal ta haya legalmente proba e acusacionnan di bendemento di droga, posecion di armanan di candela y ofrece armanan di candela pa bende. Fiscal a remarca cu na October 2025, J.S. a caba di sali for di KIA pa asunto di arma di candela y algun luna despues e ta bolbe cay pa arma di candela. Fiscal a bisa cu e ta considera J.S. residivista di arma di candela. Fiscal a exigi 36 luna di prison di cual 6 luna ta condicional y 3 aña di prueba. Fiscal tambe a exigi pa e cellular keda confisca y tambe e placanan cu a confisca na e cas di J.S.

ABOGADO Mr. Canwood a bisa Hues cu J.S. a admiti cu e cocaina cu a haya na su cas ta di dje. E cocaina cu a haya den auto di e homber A., J.S. ta desmenti cu ta di dje. Abogado ta haya cu e homber A. a tira culpa riba J.S. y no por kere A. su declaracion. Pa loke ta e armanan, J.S. a splica cu el a bira victima di atraconan y tabata kier sa kendenan a haci’e cun’e. Pesey e tabata haci ofertanan. E abogado a bisa cu no a haya ningun arma di candela na J.S. su cas. E cantidad di cocaina cu a haya na cas, ta pa J.S. su propio consumo y cu esey lo dura 9 dia. Na opinion di abogado, for di e chatnan di droga, no tin ningun chat cu e bendemento a keda conclui. Mesun cos tabata sosode cu e armanan. Abogado ta haya cu mester declara J.S. liber pa e asuntonan di armanan. E abogado ta haya cu solamente por castiga J.S. pa e cocaina na su cas. Abogado ta haya e castigo exigi di Fiscal demasiado halto. Fiscal a reacciona cu tin chat

caminda hende ta bisa cu un dama ta busca e droga serca J.S. pa bende y trece e placa pa J.S. Tambe tin un hende ta bisa cu e tin miedo di J.S. pasobra J.S. ta bende arma cu no ta sirbi. J.S. a bis’e pa trece e arma bek y evita cu e tin mal nomber.

SENTENCIA Hues a dicta sentencia di biaha. Tocante e cocaina den e auto, Hues a bisa cu a haya cocaina den e auto y tabatin un otro hende den auto. No por prueba cu J.S. ta doño di e cocaina. Na J.S. su cas si a haya cocaina. Pa loke ta e acusacionnan di bendemento di marihuana y diferente armanan, Hues a mustra cu tin potretnan di marihuana y armanan. Hues a remarca cu tin masha hopi chatnan den cellular di J.S., caminda J.S. ta papia di prijsnan y tabata haci palabracionnan. Hues a mustra cu J.S. a bisa cu e tabata haci manera cu e ta deal pero no ta asina. Hues a bisa cu no tin prueba cu J.S. a tuma hende haci. Hues a bisa cu e no ta kere J.S. Al contario, Fiscal a prueba cu tabatin palabracion cu a bay busca e droga y cu a yega di cumpra arma. Tambe Hues ta haya prueba posecion di arma pasobra ta mira video y potretnan cu J.S. tabatin armanan den man. Hues a remarca na J.S. cu esakinan ta casonan hopi serio! Especialmente armanan cu ta un problema serio na Aruba. Hues a bisa cu mester actua cu man duro contra esaki! Ademas no ta mucho tempo pasa cu J.S. a sali liber di posecion di arma.

Hues a bisa cu e ta haya cu no por reclama e exigencia di Fiscal.

Hues a confirma e exigencia di Fiscal. Hues a condena J.S. na 3 aña di prison di cual 6 luna ta condicional cu un tempo di prueba di 3 aña. Por a mira cu J.S. tabata keda sacudi cabez ora cu Hues

tabata bisa e castigo. J.S. a reclama pakico e ta haya asina hopi castigo y otronan no. E miembro di CEA a hala su atencion pa keda trankil y a bay cun’e.

DIAmars 3 november 2026

Minister Herbert ta bishita Aruba, Corsou y Boneiro Na Boneiro e minister ta papia cu personal di ‘Prinses CatharinaAmalia Space Innovation Park’, unda e Stacion di Censor di Galileo nobo, ‘Galileo Sensor Station’ (GSS), ta activo desde comienso di e aña aki. E sistema ta sostene e sistema Europeo di nabegacion di satelite Galileo y ta contribui na autonomia strategico di e area Caribense, Hulanda y Europa.

Den Haag, 17-02-2026 Heleen Herbert, minister van Economische Zaken en Klimaat Foto Martijn Beekman en Valerie Kuypers

entre otro ministernan presidente, gobernadornan, ministernan di economia, empresarionan y representantenan di sector financiero y energetico.

Minister Herbert (Asuntonan Economico y di Clima), e siman benidero, ta haci un bishita di introduccion na e parti Caribense di Reino y lo papia cu gobierno y sector empresarial tocante stimulacion di crecemento economico.

Na Aruba e minister ta bishita entre otro e Refineria di Aruba na San Nicolas y ta topa cu sector di turismo.

Pa realisa crecemento, e islanan ta trahando pa haci miho uzo di e oportunidadnan economico. Cu lantamento di e Plataforma di Crecemento Economico Caribense, Economisch Groeiplatform Carib (EGC), caminda ta conecta empresario y capital miho cu otro, Gabinete ta sostene e ambicion aki.

Durante e bishita di cuater dia (2 – 5 di november), minister Herbert lo bishita Aruba, Corsou y Boneiro y lo tene encuentro cu

E sector aki ta importante pa crecemento economico y empleo riba e isla. Tambe e ta papia cu personal di ‘Impact Hub’, cu ta sostene empresarionan principiante, cu conocemento y experticio.

Durante e bishita na Corsou e minister lo keda informa tocante desaroyamento di nobo di e tereno di e refineria (2Bays) pa energia duradero, industria y economia circular. Ademas tin un tour cu boto den haf di e capital riba programa.

Ademas e minister tin un encuentro cu Camara di Comersio y ta presente na celebracion di e di 500 credito di fundacion Qredits, cu ta yuda empresarionan den nan crecemento y desaroyo, cu montantenan te 100.000 dollar.

Minister Herbert: “Cresementu economico ta forma e base pa un comunidad sano y sigur.

No awor solamente, sino pa generacionnan despues di nos tambe. Economianan fuerte ta crece pa medio di innovacion y pa e motibo ey por wanta un sla. Esaki ta hopi importante, awor cu nos ta mirando cu mundo ta birando mas dificil pa sa kico ta bai pasa. Mi ta ansioso pa papia tocante esaki durante mi bishita di introduccion.” P

DIAmars 3 november 2026

Casa del Mar: 40 aña di recuerdonan na Aruba

Cuarenta aña ta un periodo largo den bida di un hotel, pero pa Casa del Mar Beach Resort, e ta representa mucho mas c’un aniversario. E ta historia di un resort cu a crece hunto cu e industria turistico di Aruba, y cu a bira un hogar leu di cas pa generacionnan di doñonan fiel di timeshare. Casa del Mar a celebra su di 40 aniversario na october 2026, marcando cuater decada desde cu el a habri su portanan dia 4 di october 1986 como e di dos resort di timeshare na Aruba. E celebracion a reuni miembronan, b i s h i t a n t e n a n , empleadonan y hendenan cu a contribui n’e historia di e resort. Gerentenan general anterior tambe a reuni pa comparti recuerdonan di nan añanan na e propiedad.

Desaroya pa Development bou

Sun di e

vision di Raymond Maduro, Casa del Mar tabata entre e pioneronan di timeshare na Aruba, den un epoca cu e concepto ainda tabata relativamente nobo. E idea tabata simpel, pero di gran impacto: duna famianan e oportunidad di regresa na nan isla faborito, na e mesun acomodacion, aña tras aña.

Actualmente, Casa del Mar tin 147 suite, y su historia ta refleha den e lealtad di doñonan cu ta regresa pa casi henter e cuater decada. Algun a pasa nan timeshare na nan yiunan, creando tradicionnan familiar cu ta continua cu un generacion nobo.

Durante e celebracion, tambe a reconoce e empleadonan cu nan dedicacion, a yuda mantene e resort den excelente condicion y conserva su ambiente

acogedor durante tur e añanan. Ronella Croes, CEO di ATA a disfruta di haci e honornan.

y e hendenan cu ta haci cu bishitantenan kier regresa.

Pabien na Casa del Mar y na tur esnan cu a forma Mientras e industria turistico di Aruba ta sigui evoluciona, e di 40 aniversario di Casa del Mar ta recorda nos cu hospitalidad exitoso ta bay mas leu cu edificionan y bunita localidadnan na canto di lama. Ta trata di relacionnan, recuerdonan

parti di su trayectoria excepcional. Cu e proximo capitulo trece ainda mas recuerdonan inolvidabel na Aruba!

DIAmars 3 november 2026

A gradua di Universidad di Aruba, Irene A. Croes

ORANJESTAD – Diabierna 30 di oktober 2026, a gradua na e Facultad di Ley na Universidad di Aruba, Irene Angelyne Croes. El a gradua defendiendo su tesis titula:

Miembronan di e comision di examen tawata:

“Vuilnisbak kenhonden. Een onderzoek naar de juridische bescherming van het hondenwelzijn in Aruba.”

Universidad di Aruba ta felicita Irene Croes cu su logro.

mr. Abida Abarkan Prof. mr. Bröring

dr.

Herman

mr. dr. Ruth Bonneville

Tuma accion pa Preveni, Proteha y Stop Dengue Con nos por stop Dengue?

P 10

DIAmars 3 november 2026

PAPA MAIKY

DIANAN DI PASCO DI NACEMENTO DI CRISTOHESUS MESTER WORDO RESPETA Semper den e dianan di Pasco ta wordo prepara y celebra den luna di November y December y pa fin di anja ta celebra e Anja Nobo. Y pa dia 6 di Januari ta celebra e Dia di e Tres Reynan. Despues di 6 Januari ta cuminsa inicio di Carnaval. E dianan di preparacion, e Misa di Aurora cu ta e Nobena di Pasco y e Pasco di Nacemento di Cristo-Hesus, mester wordo respeta. Ta di unda ta bini, cu ta hinka actividad di Carnaval den e temporadanan di Pasco.

Meymey di su amante pueblo di bon musica y alegria presente e ta Awe nochi cu su grupo Grupo di Betico Un fiel musico cu clase y curason cu hopi dedicacion

Canta y bayla cu Grupo di Betico, nos sa pakico Den boso bunita halanan bulandi di tradicion pa momentonan unico dushi y bon, saliendo como rayonan talentoso di oro fey boso humilde curason

Pa Aruba un bendicion Su herencia cultural musical special Den scochi di su isla natal Un shon di hende

Pa Papa Maiky awe nos respet aprecio y amor , Cu Dios den su bida tur cos e tawata por

Un cabayero

Su oracionnan entrega y scucha

Un sonrisa

Awe un bes mas ta ilumina

Un movecion

Su alma precioso yen di gradicimento

Un alegria

Awe Aruba contento

Un fe Hopi sabiduria Papa Maiky, masha danki Pa anyanan comparti

alegria

Pa nos tur goza y diverti

completo

Cu un dushi concierto di Grupo di Betico Zjeito rico !!!

Ruthy Lady Ruth Vrieswijk Bergen

Tin hendenan cu no ta Cristian, cu kier cambia e temporada di Pasco den actividad di mundo. Ta ki ehempel esey ta pa e pueblo Cristian y pa nos hubentudnan? Esey ta un ofensa contra Dios mes.

Ta pakiko bosonan ta cuminsa cu e actividad di Carnaval den luna di November y mientras cu e pueblo Cristian ta prepara nan mes spiritualmente pa e Pasco di Nacemento di Cristo-Hesus? Hendenan Cristian di berdad, no ta hinka e actividad di Carnaval den temporada di Pasco, pero ta esnan den scuridad kier hinkele, pa stroba loke ta di Dios. Bijbel

Mateo 15: 3; “Y bosonan Hesus ta bisa: Pakiko boso ta kibra un Mandamento di Dios, den nomber di boso tradicionnan?” Bijbel Hacobo 4: 4-5; “Hendenan infiel! Boso no sa cu amistad cu mundo ta significa, enemigo di Dios? Esun cu kier bira amigo di mundo, ta bira enemigo di Dios! Boso ta kere cu ta pornada Scritura ta bisa: Dios kier e spirito cu El a pone den boso, p’E so.” Bijbel 2 Corinthionan 6: 1418; “No sera amistad cu hendenan cu no ta creyente. Kiko Santidad tin di haci cu maldad? Kiko lus tin di haci cu scuridad? No por tin harmonia entre Cristo y satanas? Kiko un creyente tin di haci cu un incredulo? Bijbel Hebreeuwnan 10: 2627; “Si nos a sinja conoce e berdad di Dios y deliberadamente nos a keda haci pika, anto no tin ningun sacrificio mas pa kita nos pikanan. Sino solamente un teribel huicio y un candela ardiente cu lo devora esnan rebelde.” Un mensahero di Dios. Seferino Tromp 57.11.22.40

Koyari 13-D

Id.

E-Mail: etajuni@yahoo.com cell: 5931157 / 5870048

P 11

DIAmars 3 november 2026

Prome Minister Mike Eman y Minister Heleen Herbert ta explora oportunidadnan nobo pa economia di Aruba

Prome Minister Mike Eman a ricibi Minister di Asuntonan Economico y Clima di Hulanda, Heleen Herbert, awe na Bestuurskantoor. E encuentro ta un continuacion di e combersacionnan cu ambos a tene siman pasa durante e bishita di trabou di Prome Minister Eman na Hulanda. Durante e reunion, nan a intercambia idea tocante e oportunidadnan economico cu Aruba tin den Reino Hulandes, cu enfasis riba diversificacion economico, innovacion y e posibilidad pa atrae mas empresa y institucion di Hulanda pa Aruba. Prome Minister Eman a expresa cu Aruba kier fortalece su posicion como un pais cu ta ofrece balor strategico pa Reino Hulandes. Segun Eman, ta importante pa na Hulanda, incluyendo den circulonan politico

di Den Haag, reconoce e oportunidadnan y balor adicional cu Aruba por ofrece. Den e contexto aki, Eman a menciona e presencia di Schiphol den maneho di aeropuerto di Aruba, e funcion di Aruba como hub di KLM y e presencia di Wageningen como ehempelnan di cooperacion cu por contribui na desaroyo di Aruba. Prome Minister Eman a enfatisa cu Aruba kier bira un ehempel di un "new reason why" pa Reino, caminda cooperacion entre Aruba y Hulanda ta crea oportunidad nobo y beneficio mutuo. Di su banda, Minister Heleen Herbert a expresa su satisfaccion di por bishita Aruba personalmente, despues di a tende anteriormente e vision y ambicionnan di Prome

Minister Eman. Durante su estadia na Aruba, Herbert lo bishita un organisacion cu ta enfoca riba turismo sostenibel, como tambe e tereno di refineria, caminda tin plannan pa den un futuro trece desaroyo nobo den area. Ademas, e minister lo reuni cu diferente miembro di Gabinete, Gobernador di Aruba y representantenan di Impact Hub, un iniciativa cu ta stimula innovacion y emprendemento. Herbert a indica cu e ta spera di conoce e desaroyonan di cerca y mira e oportunidadnan cu Aruba tin pa ofrece. E encuentro ta forma parti di e esfuersonan pa fortalece cooperacion economico entre Aruba y Hulanda, stimula innovacion y crea mas oportunidad pa diversificacion di economia Arubano.

P 12

DIAmars 3 november 2026

ART RAP FOUNDATION TA LANSA OPEN CALL PA RECLAIMING COLONIAL STREETS

Seis artista lo wordo selecta pa investiga historia, memoria y identidad di San Nicolas a traves di arte contemporaneo.

Art Rap Foundation ta anuncia e Open Call oficial pa Reclaiming Colonial Streets, un proyecto di arte contemporaneo cu ta invita artistanan pa investiga e relacion entre espacio publico, historia y identidad cultural di San Nicolas.

Na San Nicolas tin diesun caya cu ta carga nomber di pintornan Hulandes. E nombernan aki ta forma parti di e paisahe urbano di e ciudad. Sin embargo, e experiencianan, recuerdonan y contribucionnan di e comunidadnan cu a yuda forma San Nicolas no semper ta haya e mes visibilidad den e historianan cu ta wordo conta di e luga. Reclaiming Colonial Streets ta ofrece artistanan contemporaneo un oportunidad pa explora e relacionnan aki a traves di investigacion artistico y imaginacion. Bou di e lema “Their Names. Our Stories.”, lo selecta seis artista pa investiga seis di e cayanan aki y desaroya propuestanan original pa intervencion artistico, tomando na cuenta e contexto historico, social y cultural di cada caya. Ken por participa? E Open Call ta habri pa artistanan contemporaneo di diferente disciplinanan, incluyendo arte visual, fotografia, instalacion, performance, medio digital, arte di sonido y otro formanan di expresion artistico interdisciplinario.

Lo duna prioridad na artistanan cu ta bin di San Nicolas of cu por demostra un conexion cu San Nicolas. Despues ta sigui artistanan di otro parti di Aruba y artistanan naci pafo di Aruba cu tin por lo menos cinco aña di practica artistico profesional estableci na Aruba.

Curadornan y representantenan autorisa por manda aplicacion na nomber di un artista, di acuerdo cu e condicionnan oficial di participacion. Investigacion y desaroyo artistico Un comision independiente di seleccion, consistiendo di tres miembro, lo selecta e seis artistanan cu lo participa den e proyecto.

Cada artista selecta lo haya un caya asigna y lo participa den un proceso di seis luna di investigacion y desaroyo artistico. Durante e periodo aki, cada artista lo investiga e caya, su historia y e comunidadnan cu tin un conexion cu e luga. E resultado lo ta un plan di intervencion artistico (blueprint) cu ta inclui e concepto y e especificacionnan necesario pa un posible realisacion den futuro. Den e fase aki di e proyecto, e artistanan no ta obliga pa produci of instala nan intervencion fisicamente den espacio publico. Fecha y requisito pa aplica Aplicacionnan ta habri: 1 di november 2026 Ultimo fecha pa aplica: 30 di november 2026, pa 11:59 di anochi (ora di Aruba) Anuncio di e artistanan selecta: planifica pa december 2026 Pa aplica, cada artista mester entrega: Un CV artistico di maximo tres pagina. Un texto di motivacion di maximo 500 palabra. Un idea artistico inicial relaciona cu un di e cayanan, di maximo 500 palabra. Linknan na ehempelnan di su trabou artistico. Tur aplicacion mester wordo manda unicamente via e formulario oficial online. Aplicacionnan cu drenta despues di e fecha y ora limita no lo wordo considera. E documento completo cu e reglanan y

condicionnan di participacion ta disponibel pa download prome cu manda e aplicacion. Pa aplica y pa ZEERTROPISCH.COM

mas

informacion:

Tocante Reclaiming Colonial Streets Reclaiming Colonial Streets ta un concepto crea y diseña pa Nelson Gonzalez, kende tambe ta encarga cu e curaduria di e proyecto. Art Rap Foundation ta e organisacion responsable pa e proyecto.

E iniciativa ta uza investigacion artistico contemporaneo pa bolbe examina con nombernan historico di caya, espacionan publico y experiencianan di habitantenan ta contribui na identidad di San Nicolas. En bes di determina un solo interpretacion artistico, e proyecto ta habri espacio pa seis diferente manera di explora e relacion entre e cayanan cu nos a hereda di pasado y e historianan di e personanan cu ta biba den e ciudad. E proyecto ta ricibi sosten a traves di e programa Legacy to Future Funds.

pag. 14 22 pag. 14 Pag. 15 Pag. 15 Pagina 22 Pagina DIAMARS 3 NOVEMBER 2026

SOPI SOPI DI DI LETRANAN LETRANAN

Un feliz dia yena di hopi fe y speransa Un feliz dia yena di hopi fe y speransa den nos bon Dios den nos bon Dios ”…sino conta e generacion venidero: esta gloria di Señor, su

”…sino e generacion venidero: esta (gloria di78, Señor, poder, conta ye cosnan milagroso c’El a haci.” Salmo 4bc)su poder, ye cosnan milagroso c’El a haci.” ( Salmo 78, 4bc) E Evangelio di awe ta cuadra, manera semper, tempo cu ami E Evangelio di awe ta cuadra, manera semper, tempo cu ami tabatamucha. Mi mayornan semper tabata educa mi tocante tabatamucha. Mi mayornan semper educa no mi tabata tocante di Dios, CristoHesus y Spirito Santo.tabata Y un Bijbel di Dios, CristoHesus y Spirito Santo. Y un Bijbel no tabatae haci falta. Haci oracionta cos di tur dia. Y sin falta bishita haci falta. Haci oracionta cos di tur dia. Y sin falta bishita e cas di Dios. di Dios. di awo, no tin mucho Awendia nos ta ripara ecas generacion Awendia nos taPero ripara e generacion di awo, no tin mucho balor pa cuDios. anos a sigui conta nos yiunan tocante balor pa cuDios. Pero anos a sigui conta nos yiunan tocante di Dios manera nosgrandinan a haci? Anos a siña e hubentud di Dios manera nosgrandinan a haci? AnosHesus a siña ae haci? hubentud tocante e milagronan ysacrificio cu Cristo Of e milagronan ysacrificio Cristo Hesus a haci? ditocante e donnan cu Spirito Santo tinpacu nos? Y anos a tene manOf di di eyiunan, donnanhibando cu Spirito Santo nos? Y anos a tene man di nos nan, tur tinpa siman, pacas di Dios pa scucha nos yiunan,Ban hibando nan, tur siman, pacas di Diosgrandinan pa scucha su Palabra? sigui cu e bunita custumber cunos sua Palabra? sigui bunitageneracion custumberariba cunos grandinan haci. BanBan sigui hibacue efuturo ecaminda acu haci. BanHesus sigui hiba e futuro generacion ecaminda Cristo a traha pa nos. ”…pa nanariba tambe confia cu Cristo Hesus a traha ”…pa grandi…”(Sal nan tambe confia denSEÑOR, no lubida Diospa sunos. obranan 78, 7) denSEÑOR, nomi lubida su obranan 78, di 7) Oracion: Señor DiosDios motiva mi y guiagrandi…”(Sal mi, cu yudansa SpiritoSanto, ariba mi responsabilidad pami, conta y educa edi Oracion: Señor mi Dios motiva mi y guia cu yudansa nobo di pa conta y educa e SpiritoSanto, aribageneracion mi responsabilidad Bo Maraviya. generacion nobo di Y inspira nan pa nan sigui conta na e siguiente Bo Maraviya. generacion. Y inspira nan pa nan sigui conta na e siguiente Amen. generacion. Amen.

P 13 DIarazon aprIl DIarazon 88 aprIl 2026 DIahuebs 2018 november DIahuebs 20 2025 Diasabra 18november November 2024 Diasabra November 2024

SUDOKU

P 14

DIAmars 3 november 2026

ACF: E COMPLEHIDAD DI MANEHA IMPACTO DI BISHITANTE NA MANGEL HALTO Como e organisacion di maneho di Aruba su areanan protegi terestre y marino, Aruba Conservation Foundation (ACF) kier elabora riba e proyecto di renobacion cu a wordo conduci riba e palapanan existente na Mangel Halto. Un di e desafionan crecente y compleho di nos tempo ta maneha e balansa entre turismo y conservacion di naturalesa, specialmente ora cu ta bin na e impactonan social y di medio ambiente di infrastructura di bishitante, manera e renobacionnan na Mangel Halto. Mangel Halto mas y mas ta birando un area hopi bishita pa local y bishitantenan di afo y e subida den bishitante ta representa menasanan mas grandi ainda ariba e medio ambiente y e comunidad den e area. Den e ultimo lunanan, ACF tawata den contacto di cerca cu varios di e representantenan di e comunidad di Mangel Halto kende a trece dilanti nan preocupacionnan, cu ta inclui e situacion di deterioracion di e palapanan, pero no limita na esey so. E renobacion di e palapanan y gazebonan na Mangel Halto ta parti di un colaboracion mas amplio entre Aruba Tourism Authority (A.T.A.), primordialmente dirigi na reduci e impacto humano riba e sitio ecologicamente sensitivo akinan, y asina maneha bishitantenan activamente y crea espacio pa naturalesa. E renobacion na Mangel Halto a cuminsa na november 2022 como parti di un proyecto multi annual bou di e gabinete anterior na areanan di Boca Catalina, Mangel Halto y Rodgers Beach, financia pa A.T.A., maneha pa un empresa ingeniera contrata, den colaboracion cu ACF pa recomendacionan medio ambiental. E obhetivo di e proyecto di Mangel Halto ta pa responde na e necesidadnan di naturalesa, e comunidad di Mangel Halto, y bishitantenan di e area, pa renoba e palapanan deteriora riba lama y riba e costa, e brug, e trapi, y ultimamente e dek, den un manera cu ta mas alinea na metanan di conservacion y sostenibilidad a termino largo. Fase I a encera e reemplaso di palapanan existente riba beach cu gazebo pa asina miho maneha e fluho di bishitante asina respondiendo na e cantidad di bishitantenan na Mangel Halto. E aumento grandi di bishitante local y internacional na e area akinan a causa

hopi daño na e mangelnan pasobra personanan tawata bay den e mangelnan pa asina busca sombra di solo, asina destrosando habitat di por ehempel e soldachi (Fiddler Crab), ta colga tasnan y serbete na e ramanan di e mangel, y ta laga atras mas sushi ainda den e raiznan di e mangelnan. Fase II, cu a cuminsa na januari 2025, cu e reemplaso di palapanan existente riba e costa cu a wordo completa luna pasa. Pa fase I y fase II, e proyecto a tuma lo siguiente den consideracion prome cu ehecusion: • A reduci e number total di palapa, y no a bin cu mas palapa. • A kita e structura reduntante. • A realoca e palapanan pa areanan menos ecologicamente sensitivo: a kita palapa di area unda cu tin mata ta crece pa asina mester stop di corta e mata y laga vegetacion natural pa regenera, trahando mas especio pa naturalesa. • A realoca e palapnan riba costa mas leu di e liña di costa pa reduci e chens cu sushi ta cai dibiaha den lama. • A restaura habitat costal door di crea mas espacio na e costa pa especienan costal manera e Sternchi of Bubi por unabes mas cuminsa usa e costa pa broei den futuro. Por observa caba Sternchinan den e area. • A diseña e palapnan cu un fundeshi fuerte y solido pa por wanta e biento costal fuerte y asina garantisa e siguridad di bishitantenan, mientras a incorpora cu e parti ariba di e palapa por facilmente wordo mateni sin mester atrobe stroba e fundeshi of e naturalesa cu ta rond di e palapa. Mescos cu tur otro proyecto cu ACF ta envolvi aden, esfuersonan activo ta wordo haci pa por involucra stakeholders, y pa e proyecto akinan, ACF a sigura di involcra e comunidad di Mangel Halto. Localidadnan di e palapanan a wordo escoge cu sugerencia y den presencia di representantenan di e comunidad. Tumando den consideracion e complehidadnan akinan, ta un momento curcial pa nos para keto y refleha con, hunto cu e gobierno nobo ta bay maneha e infrastructura y actividadnan turistico, y nan impacto riba naturalesa. Bayendo dilanti, ACF como un organisacion di maneho di conservacion ta keda comprometi na tuma e pasonan necesario pa fortalece protocolnan y sigura cu un sorto di Evaluacion di Impacto Ambiental (EIA) ta central na tur

proyecto, carga pa ACF of haci den colaboracion cu ACF. Como parti di e compromiso aki, tur palapa y gazebo lo tin regla, regulacion, y mensahenan cu ta enfatisa e balor di naturalesa integra como parti di nan structura locual cu ta hacie mas facil pa usuarionan por compronde y adopta comportacion responsabel den e area akinan. Mientras cu tur esfuerso a wordo haci pa cumpli cu e consideracionan medio ambiental, tambe a haci esfuerso pa integra e necesidad di ambos naturalesa y e ser humano. E momento aki ta pone enfasis riba e complehidad di un realidad mas amplio y urgente. Aruba mester defini con e lo maneha turismo y su impacto riba naturalesa awo y den futuro. Di palapa, pier, y actividadnan di recreacion, persigui balansa ya no ta un opcion mas, e ta esencial den e contexto di cambio climatico, un populacion cu ta sigui crece, perdidad di biodiversidad, y e number di bishitante pa nos isla cu tambe ta sigui crece. Conservacion di naturalesa no por wordo haci door di ACF so. Nos ta conta riba e comunidad di Aruba pa ta e wowo y e oreanan di naturalesa hunto cu nos y avisa di cualkier problema na momento cu e ta pasando. E naturalesa aki ta di nos tur y ACF semper ta habri pa cualkier persona trece su preocupacionan of preguntanana dilanti, of duna feedback critico pa asina accion por wordo tuma den e momento y no despues.

P 15

DIAMARS 3 NOVEMBER 2026

Cu dolor den nos curazon pero conforme cu

Paardenbaaistraat 10, Oranjestad, Aruba Tel.: (297) 525 - 7555 www.lottoaruba.com

Resultado: Sorteo di Merdia ☀ - November 02, 2026

Sorteo # 5145

4229 7835 0703

Joker

Sorteo # 0 x Jackpot 0 x Match 4+ 0 x Match 4 0 x Afl. 12,00

Cu dolor den nos curazon cu boluntad di Dios boluntad di Diospero nos conforme ta anuncia fayecimento di:nos ta anuncia fayecimento di:

Letter Proximo Jackpot

550.000,-

X2 Sorteo # 5145

4809

Proximo Jackpot

Sorteo #

0 x Jackpot 0 x Match 4

50.000,-

0 x Afl 8,00

FP Sorteo # 3201

8745

Sorteo # 5145

Sorteo # 0 x Jackpot 0 x match 4 0 x Afl. 500,00 0 x Afl 50.00 0 x Afl.15,00

Virgo

606 X2

270.000,-

Afl. 370.000,-

6438

Sorteo # 2019

Mega Ball Proximo Jackpot

Sorteo #

#VALUE!

Hyacinto Ernesto Ernesto Bareño, Hyacinto Bareño, 2 november 1939 - † 28 october 2026 2 november 1939 - † 28 october 2026 Mihor conoci como Nis, Ex-Taxi-44 Mihor conoci como Nis, Ex-Taxi-44 Su mayornan: Su mayornan: † Hendrik Bareño y †Julia Bareño-Wouters † Hendrik Bareño y †Julia Bareño-Wouters Na nomber di su: Na nomber di su: Yiunan: Ukshi Bareño Yiunan: Hendrik (Junior) Bareño y Desiree Maduro Ukshi Bareño

Rumannan: Hendrik (Junior) Bareño y Desiree Maduro †Bernadeto (Dedechi) Wouters y famia †MariaRumannan: (Ija) De Cuba-Wouters y famia †Joaquin (Fefe) Bareño famia y famia †Bernadeto (Dedechi)yWouters Luisa (Chichi) van der Linden-Bareño y famia †Maria (Ija)Schwengle-Bareño De Cuba-Wouters y famia †Avelina (Lina) y famia Emeterio (Theo) Bareño †Joaquin (Fefe) Bareñoyyfamia famia Victor (Vito) Bareño y famia na Hulanda (Chichi) van der Linden-Bareño y famia †ReginaLuisa Fingal-Bareño y famia Harry Bareño y famia †Avelina (Lina) Schwengle-Bareño y famia Emeterio (Theo) Bareño y famia

Consuegra: Linda Maduro Tromp Victor (Vito) Bareño y famia na Hulanda

Demas subrino y subrinananan, Primo y Primanan †Regina Fingal-Bareño y famia

Harry di Bareño Bon amigo cas:y famia Ybi y famia / Antonio Ras y famia Tur suConsuegra: bisiñananLinda y exMaduro coleganan taxista Tromp subrino y subrinananan, y Primanan DemasDemas famianan: Bareño, Wouters,Primo v/d Linde, Schwengle, Fingal Bon amigo di cas: Ybi y famia / Antonio Ras y famia

Disculpa nos cu si den nos tristesa nos por a lubida un o mas famia. Tur su bisiñanan y ex coleganan taxista

Oportunidad pa duna condolencia acto diSchwengle, despedida lo tuma Demas famianan: Bareño, Wouters,yv/d Linde, Fingal lugar riba diaranson 4 di November 2026 di 9.00 am - 11.00 am Disculpa nosHome cu si den nos tristesa nos por a lubida un o mas famia. na Aurora Funeral Oportunidad pa duna condolencia y acto di despedida lo tuma

Cremacion lo tuma lugar despues den seno familiar.

lugar riba diaranson 4 di November 2026 di 9.00 am - 11.00 am na Aurora Funeral Home Cremacion lo tuma lugar despues den seno familiar.

P 16

FORTALESA PA FAMIA

DIAMARS 3 NOVEMBER 2026

Scirbi pa Pastor Marcel Balootje.

E ORGUYO Y AROGANCIA DI BO CURASON TA ENGANJA BO Kico ta nifica arogancia , of un hende arogante segun e Palabra di Dios: Esey ta un persona cu ta sinti su mes mas halto cu otro hende, cu no ta respeta, cu ta kere den cu rikesa of sabiduria of poder, y asina ta sinti su mes independiente, mescos cu e no tin mester di ningun hende.(Isaias 13:11). Un hende orguyoso segun e Palabra di Dios, ta un persona cu den su mes bista e ta sabi, e ta bon, e ta feliz, no tin respet pa Dios, tampoco tin temor di Dios,e ta kere den su mes y lubida cu e ta creacion di Dios, e no ta haya necesario pa reconoce Dios den su bida,(Romanonan 1:28-32).tur cos ta mustra manera bon, pero su conducta ta hiba na su propio destruccion, pasobra Dios no tin relacion cu e hende orguyoso, pero e stima e hende humilde.( Santiago 4:6 & 1 Pedro 5:5). Un persona orguyoso y arogante su relacion cu Dios ta kibra. Y Bijbel ta mustra esey den varios parti di scritura por ehempel: Aaron y Miriam den Numbernan capitulo 12. E Fariseo den e tempel Lucas 18:9-14. Rey Nabucodonosor den buki di Daniel. Rey Senakerib y Rabsakes den Isaias 37:913. Awendia tin hopi caso di arogancia y orguyo, den politica, den deporte, casnan di Famia,Negoshi,y hasta bao di esnan cu conoce Senjor. Hende nan cu no kier reconoce otro, cu ta kere cu nan ta grandi, cu ningun otro no por crece, y cu Dios ta funciona pa nan so. Den bida di tur dia nos ta mira arogancia y orguyo ta funciona bao di hubentud. Hoben cu no ta respeta su mayornan. Hoben cu ta sigi haci malo, aunke cuanto bon conseho a wordo duna na dje. E uso di droga y alcohol sin kier stop pensando cu esey ya bon.

E canamento den gang cu arma, y e tiramento riba otro.Bao di adultonan e orguyo y arogancia ta manifesta. E asunto di inmoralidad y adulterio. E asunto di tin placa pero no ta cria yiu. E asunto di divorcio y laga muher cu yiu riba caya. E asunto di kita yiu for di mama of tata. E asunto di lanta un yiu contra su propio tata of mama. E asunto di laga un propiedad bay perdi pa un otro no hanje. E asunto cu aunke tempo a pasa, sigi venga otro, sigi kibra otro. En general arogancia y orguyo ta un gran mentira cu ta pone hende kere cu nan ta haci algo, trece cambio den nan bida, cambio den nan naturalesa , haci cherche di Dios, y pensa cu nada no ta pasa. Pesey den Jeremias 49:16 Senjor ta papia cu un pueblo, pero awendia e ta conta pa cada hende, cu ta hunga rol di arogante y orguyoso, Pasobra mayoria hende arogante ta orguyoso. E ta bisa asina aki: E teror pa bo, y e arogancia di bo curason a ganja bo. Abo cu ta biba den e holnan di baranca,cu ta ocupa e haltura di e serito. Maske bo traha bo neishi bo mes , hunto cu esun di aguila. Lo mi baha bo for di eynan Senjor ta declara. Maske un hende traha un cas grandi cu muraya halto tur na alarma y camera, pa asina e comete su bagamunderia scondi , Dios si ta mira, y Dios lo regla cuenta cune. Ora hende ta haci malo, dal auto corre bay, comete crimen y sconde, haci malo y tapa cos. Dios ta mira y Dios lo atende cu nan. Ningun hende no por sconde /scapa for di e bista di Dios.

”UN DIA POBERNAN LO COME TE YENA, ESNAN CU BUSCA SEÑOR LO ALAB’E; NAN CURASON SEA PA SEMPER CONTENTO!” SALMO 22, 26 Ruman ki bunita ta ora nos ta confia nos bida na Señor. E ta nos salbador y E sa kico ta e miho pa nos cada un.

Nos tin cu tuma ehempel di nos grandinan y Santonan con nan a confia riba e binida di Señor. Ningun momento nan a tambalia, al contrario den prueba mas nan a resa y confia.

Oracion: Dushi Hesus yuda mi pa mi tambe haya mas fe. Pa mi tambe conoce Bo mas.

Pa mi confia mas riba e plan di bida cu Bo tin pa mi. Laga e bida di Santonan por duna mi e curashi pa sigui kere y sigui confia den Dios pa medio di Cristo nos Señor. Amen.