P1
DIAMARS 10 NOVEMBER 2026
10 NOVEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
HOFA mester wordo trata den Parlamento di Aruba
MEP: “E PRESIDENTE
NO POR SIGUI NENGA UN REUNION ORA CU E REGLEMENT VAN ORDE TA OBLIG’E PA YAMA E REUNION” “MANEHO NOBO DI SHORT-TERM VACATION RENTALS NO MAG BIRA UN SISTEMA CU TA CERA PORTA PA LOCAL” ZONIFICACION Y RESTRICCION RIBA TERENO DI ERFPACHT TA LANTA PREGUNTA SERIO TOCANTE IGUALDAD DI OPORTUNIDAD Y LIBERTAD DI EMPRESA NA ARUBA
P2
DIAmars 10 november 2026
Parlamentario Shailiny Tromp-Lee:
Gobierno ta purba crea un imagen falso; e realidad ta cu e proceso presupuestario a sufri un tardansa inaceptabel y alarmante Preocupacion y critica pa loke ta trata nos finansas publico y e ciclo presupuestario
Durante e tratamento di e prome Presupuesto Supletorio (OBW 2026) diabierna ultimo, 6 di november 2026, miembro di Parlamento pa fraccion di MEP, Shailiny TrompLee, a expresa su fuerte preocupacion y critica pa e forma cu Minister di Finansas, Geoffrey Wever, ta atende cu e finansas publico y e ciclo presupuestario. TrompLee a duna di conoce cu trata e prome presupuesto supletorio na luna di november ta un situacion alarmante y di lamenta. E documento aki ta mara na e realisacion y cambionan financiero di e prome mita di aña, algo cu normalmente Parlamento mester a atende y evalua den e periodo di voorjaar (prome cu e reces na juli).
aña fiscal practicamente a termina caba. Parlamento ta wordo poni den un posicion unda e ta djis formalisa gastonan cu ya a caba di wordo haci of comprometi, kitando nos funcion di control preventivo," Tromp-Lee a duna di conoce.
Kico e retraso aki ta nifica en realidad pa nos pais y kico ta e peliger pa e ciclo presupuestario?
Minister ta tira santo den wowo di pueblo
Segun e parlamentario, e tardansa aki ta nifica den practica cu Parlamento ta perde su derecho di control democrático. "Ora nos trata e presupuesto supletorio na november, e
E parlamentario a recorda cu un maneho financiero sano ta exigi un evaluacion medio di aña pa adapta rumbo pa e segundo mita di aña. El a referi na e mocion presenta na 2018 cu a percura pa introduci e tussentijdse rapportages (Voorjaars- y Najaarsnota) y e presupuestonan supletorio medio y prome cu fin di aña: "Cos tabata bayendo masha bon y mester a mantene asina."
Tromp-Lee a desacredita e argumento di Gobierno cu a cumpli cu ley pasobra a entrega e Voorjaarsnota na mei: "Minister ta tira santo den wowo di pueblo. E Voorjaarsnota ta simplemente un documento informativo y no ta sustitui e obligacion
legal di presenta un presupuesto supletorio pa Parlamento autorisa e cambionan. E prome presupuesto supletorio mes a wordo entrega te dia 21 di augustus 2026, y e Nota naar aanleiding van het verslag te dia 11 di oktober 2026. Motibo pa cual ta te den luna di november nos por a cuminsa cu su tratamento."
"Cu e minister kier acepta e critica si of no, e realidad ta cu esaki no ta un situacion aceptabel ni deseabel," Tromp-Lee a enfatisa. "Pa e minister bisa cu el a cumpli cu ley no ta kita su responsabilidad pa duna cuenta pa e tardansa aki.
Durante tur e lunanan aki, Parlamento a keda sin e informacion necesario pa haci su trabou di control.
Esey ta un echo y minister mester a informa Parlamento y pueblo con nos a yega akinan y kico ta bay haci pa percura cu esaki no ripiti su mes na 2027. Lastimamente esaki no a tuma luga durante e reunion publico".
P3
DIAmars 10 november 2026
Parlamentario Dangui Oduber:
“Maneho nobo di short-term vacation rentals NO mag bira un sistema cu ta cera porta pa local” Zonificacion y restriccion riba tereno di erfpacht ta lanta pregunta serio tocante igualdad di oportunidad y libertad di empresa na Aruba. ORANJESTAD — E maneho nobo cu Gobierno di Aruba a anuncia pa regula e industria di short-term vacation rentals, popularmente conoci como Airbnb, ta lanta preocupacion serio tocante e futuro di inversionistanan local y e posibilidad pa hobennan Arubiano participa den un industria cu ta genera actividad economico. Segun Parlamentario Dangui Oduber, Gobierno mester evita cu e maneho nobo aki di regulacion ta bira un sistema den cual solamente un grupo limita di propietarionan y inversionistanan por beneficia di e industria turistico. “Nos mester regula e industria, esey ta sigur, pa asina tur hende paga nan ‘fair share’. Pero regulacion no mag bira exclusion. Aruba no por yega na un situacion caminda un hoben Arubiano cu kier inverti den un apartamento of cas di vakantie no tin e oportunidad, mientras otro inversionista cu ya tin propiedad den zonanan permiti si por sigui beneficia.”
Zonificacion: ken ta keda aden y ken ta keda afo? Un di e preocupacionnan principal ta e zonificacion cu Gobierno ta contempla. Segun informacion cu ta circula, areanan manera Westpunt y Malmok lo por keda den e zonanan permiti pa vacation rentals, mientras
otro barionan lo enfrenta restriccion. Si esaki wordo confirma, e pregunta ta: Dicon un propietario den un bario si por participa den e industria, mientras un otro propietario den un otro bario no? Oduber ta considera cu Gobierno mester presenta e mapa completo di zonificacion, e criterionan utilisa y un analisis di impacto economico y social prome cu implementa e maneho aki. Ademas, mester investiga con e reparticion di propiedad den e zonanan permiti ta compara cu esun den otro barionan, pa determina si e inversionista local lo haya oportunidadnan igual. Tereno di erfpacht: Un otro obstaculo pa e localnan Un otro punto di preocupacion ta e intencion pa restringi uzoodi tereno di erfpacht pa vacation rentals.
Na Aruba, hopi ciudadano ta depende di erfpacht pa logra construi nan propio cas of realisa un inversion. Un prohibicion general por afecta famianan cu kier genera un ingreso adicional door di huur un apartamento of un parti di nan propiedad. “Nos kier stimula negoshi local, pero alabes nos ta considera medida cu por limita e oportunidad di e mesun Arubiano pa bira empresario.
Gobierno mester splica con e maneho aki ta cuadra cu su meta di diversificacion economico y stimulacion di inversion local.”
Libertad di empresa y igualdad di oportunidad Na Aruba, turismo ta hunga un papel fundamental. E industria di vacation rentals a habri porta pa diferente tipo di empresario, desde propietarionan chikito te na personal di limpieza, companianan di mantencion y otro proveedornan di servicio. Regulacion ta necesario pa proteha barionan residencial, controla desaroyo y garantisa siguridad. Sinembargo, e medidanan mester ta proporcional, transparente y aplica segun criterionan obhetivo. Mester enfatisa cu mester proteha e inversionistanan chikito, esnan cu tin un of dos camber of un apartamento na cas, sea na Paradera, Madiki of cualkier otro districto. E pregunta fundamental ta si e maneho nobo aki lo logra un balansa entre proteccion di comunidad y libertad di empresa, of si lo bay crea bareranan nobo pa e inversionista local. Ta exigi claridad di Gobierno Parlamentario Oduber ta considera necesario pa Gobierno
contesta publicamente e siguiente preguntanan: 1. Cua ta e zonanan exacto caminda vacation rentals lo ta permiti? 2. Cua ta e fundamento pa exclui otro barionan? 3. Cuanto propiedad den e zonanan permiti ta den man di residentenan local y cuanto di noresidentenan? 4. Kico lo pasa cu inversionistanan local cu ya a inverti placa den nan propiedad? 5. Gobierno a haci un estudio di impacto economico riba empresarionan chikito y hobennan? Turismo ta e pilar di nos economia y e oportunidad pa participa den dje mester ta accesibel pa nos propio pueblo. Gobierno mester demostra cu e maneho nobo aki no ta crea un sistema caminda oportunidad economico ta concentra den man di un grupo limita!
P4
DIAmars 10 november 2026
Aruba Bank ta apoya crecemento personal durante Primero Yo Participacion na iniciativanan manera esaki ta forma parti di e compromiso di Aruba Bank pa contribui na un comunidad mas fuerte, unda cada persona tin e oportunidad di crece y prospera. “Ora bo inverti den bo mes, bo ta pone e fundeshi pa
Oranjestad, Aruba – 9 di november 2026 – Aruba Bank tabatin e placer di forma parti di e conferencia Primero Yo, cu a tuma luga diasabra pasa, 7 di november.
pa un dia yen di inspiracion, motivacion y conversacionnan valioso, cu enfasis riba amor propio, confianza den bo mes y crecemento personal.
E conferencia a reuni participantenan
Na Aruba Bank, nan ta kere cu inverti den bo mes
ta un paso importante pa construi un futuro mas fuerte y sostenibel. E mensahe di Primero Yo ta refleha e importancia di reconoce bo propio potencial, pone metanan personal y sigui desaroya cu confianza.
un mihor futuro. Pasobra tur cos ta cuminsa cu bo.” Aruba Bank ta felicita e organisadornan di Conferencia Primero Yo pa e iniciativa aki y ta gradici pa e oportunidad di forma parti di un evento cu ta promove empoderamento y desaroyo personal.
P5
DIAmars 10 november 2026
HOFA mester wordo trata den Parlamento di Aruba
MEP: “E PRESIDENTE NO POR SIGUI
NENGA UN REUNION ORA CU E REGLEMENT VAN ORDE TA OBLIG’E PA YAMA E REUNION”
ORANJESTAD, 8 di november 2026 — Fraccion di MEP a insisti awor pa e di dies biaha riba yama un reunion publico di Parlamento pa trata e proposicion di Rijkswet HOFA. E prome peticion ta fecha di 20 di maart 2026. E ultimo, di dies rappèl, a wordo manda dia 5 di november. Te awe, e reunion ainda no a wordo yama.
Pa MEP, esaki no ta un asunto di preferencia politico, sino di respeta e reglanan parlamentario y e responsabilidad democratico di Parlamento. E Reglement van
Orde no ta laga espacio pa un escogencia pa e Presidente: ora cu por lo menos tres miembro di Parlamento pidi un reunion, e Presidente ta obliga pa yama e reunion.
Esey ta haci mas remarcabel cu e debate fundamental aki tocante autonomia y futuro financiero di Aruba ainda no a tuma luga den Parlamento.
Durante e bishita di e Comision
Permanente di Parlamento Hulandes na Parlamento di Aruba na october 2026, e Comision a enfatisa cu e debate tocante HOFA mester wordo hiba na Aruba mes. Pa e Comision tabata hasta incomprendibel cu un tema di tal magnitud y importancia no ta wordo trata den Parlamento di Aruba.
MEP ta haci un yamada na e Presidente di Parlamento pa tuma su responsabilidad y yama e reunion sin mas tardansa. Un copia di e carta a bay pa Gobernador di Aruba.
Un debate tocante futuro di Aruba ta pertenece den Parlamento di Aruba.
P6
DIAmars 10 november 2026
Exprodesk ta organisa Workshop di 4 Dia “E-Commerce Bootcamp 2026: Build, Connect & Sell Online” ORANJESTAD - Departamento di Asunto Economico, Comercio y Industria (DEACI), pa medio di su unidad Exprodesk, ta organisa e workshop di 4 dia “E-Commerce Bootcamp 2026: Build, Connect & Sell Online.” E workshop aki tin como meta pa yuda empresarionan local haya conocemento y hermentnan practico pa cuminsa bende online, mehora nan presencia digital, y haci nan negoshi online crece. Participacion ta completamente gratis! E-commerce ta ofrece oportunidadnan nobo pa empresarionan na Aruba pa bende nan productonan of servicionan, tanto na nivel local como internacional. Sin embargo, hopi empresario ainda tin preguntanan tocante con pa crea un webshop, acepta pagonan online, organisa entrega di producto y atrae clientenan via internet. Pa yuda empresarionan supera e desafionan aki, Exprodesk a organisa un programa di 4 dia cu participacion di diferente expertonan cu lo comparti nan conocemento y experiencia. Durante e workshop, participantenan lo haya informacion practico riba e siguiente temanan: E prome dia lo enfoca riba oportunidadnan y e sosten cu ta disponibel pa empresarionan. Free Zone Aruba lo brinda informacion tocante e oportunidadnan pa negoshinan cu kier opera for di Free Zone, mientras cu Qredits lo presenta nan posibilidadnan di
microfinanciamento y sosten pa empresarionan cu kier cuminsa of expande nan negoshi. Durante e segundo dia, Denzo Designs lo splica e aspectonan importante pa crea un webshop profesional y facil pa uza. Participantenan lo siña tocante structura di un website, diseño y e elementonan necesario pa inspira confiansa cerca clientenan cu ta cumpra online. E tercer dia lo enfoca riba dos aspecto esencial di e-commerce: pago y entrega. Sentoo lo splica con empresarionan por acepta pagonan online y conecta solucionnan di pago cu nan webshop. Mientras cu Post Aruba lo brinda informacion tocante e proceso di envio y entrega di productonan na nivel local y internacional. Durante e ultimo dia, JZ Marketing lo enfoca su presentacion riba marketing digital y con pa atrae clientenan na bo webshop. Participantenan lo explora strategianan di social media marketing, Facebook y Instagram Ads, visibilidad riba Google y otro maneranan pa genera trafico y bentanan online. E workshop aki ta dirigi na empresarionan cu kier cuminsa bende online, dunadornan di servicio, negoshinan existente cu kier fortalece nan presencia digital y empresanan cu tin interes pa alcansa clientenan internacional.
Orario: 6:00 PM – 8:00 PM Luga: Wilhelminastraat 7, Oranjestad (Cas Veneranda – Oficina di DEACI)
Detayenan di e Evento
Organisa pa: Exprodesk – Departamento di Asunto Economico, Comercio y Industria (DEACI)
Fecha: 16, 17, 18 y 19 di november 2026
Costo: Participacion completamente gratis
Registracion: www.cutt.ly/ EcomBootcamp2026 Contacto: g.pais@deaci.aw Exprodesk ta invita tur empresarionan interesa pa registra y participa den e workshop aki. E cantidad di luga disponibel ta limita, p’esey registracion adelanta ta obligatorio.
P7
DIAmars 10 november 2026
Parlamentario Xiomara Maduro:
"Ora bo traha bruha, resultado ta bruha"
Den e debate riba e prome cambio di presupuesto 2026, Maduro ta alerta: sin un sistema fiho pa informa Parlamento, caos ta bin pa pais. Oranjestad, 5 di november 2026. Durante e reunion publico di Parlamento riba e prome cambio di presupuesto 2026, Parlamentario Xiomara Maduro (MEP) a splica pakico e manera cu gobierno AVPFuturo ta maneha finansa publico ta un peliger pa pais.
"Nan ta gasta e placa prome, despues nan ta bin pidi permiso," Maduro a bisa.
Sin sistema, ta caos Maduro a recorda cu desde 2023, Minister di Finansa tabata bin na Parlamento cu e cambionan di presupuesto na comienso di aña, y cu un najaarsnota na fin di aña. Asina Parlamento y pueblo tabata sa unda e placa ta, unda pais ta para y kico ta e plannan pa resto di aña. "Ora un minister di Finansa no por bin na comienso di aña cu e cambionan, y no por bin na fin di aña cu un najaarsnota, ora bo no por wanta na e sistematica ey, caos ta bini," Maduro a bisa. E prome cambio di presupuesto 2026 a wordo entrega na augustus, y Parlamento ta trat'e awe, 5 di november, cu menos di dos luna pa aña caba.
Un coalicion cu ta contesta otro
publicamente Maduro a señala cu e caos no ta keda den e cifranan. "Ora bo Minister-President ta tira palabra pa su partner di coalicion na Aruba, ta caos bo ta creando pa pueblo," Maduro a bisa. Despues di e declaracionnan cu Minister-President Mike Eman a haci riba television nacional, Minister Gerlien Croes di Futuro a contest'e den un entrevista na radio: "Bo ta bay Hulanda bay dialoga, pero e dialogo na Aruba ta mas importante. E dialogo cu bo gremionan, e dialogo cu bo hendenan."
"Ora e Minister-President y su mes minister ta contesta otro den media, ken ta gobernando e pais?" Maduro a puntra.
Un chupa bebe pa pueblo Segun Maduro, no ta basta pa anuncia proyecto. "Ora bo bisa bo ta bin cu esaki of esaya, pero bo no ta sigui un procedura, bo no ta percura pa e placa ta aki, y bo no tin e aprobacion di Parlamento, bo ta mustra pueblo un chupa bebe cu ningun hende por chupa," Maduro a bisa. Pueblo mester compronde cu si Parlamento no ta haya informacion
na tempo, Parlamento no por haci su trabou.
Kico a pasa cu e Afl. 15 miyon pa caminda? Maduro a duna un ehempel concreto: e caminda di e brug di Rooi Afo. Den presupuesto 2025, MEP a laga Afl. 15 miyon disponibel pa drecha caretera. Bisiñanan di e area ta pidi pa e caminda wordo drecha, y colega parlamentario Carlos Bermudez a bay para cerca nan pa haci e reclamo publicamente. Maduro a manda pregunta na e minister responsabel tocante e caminda aki. "Un gobierno tin Afl. 15 miyon pa drecha caretera, y e caminda di Rooi Afo ta keda mescos. Kico
a pasa cu e 15 miyon?" Maduro a puntra. E ta pidi Minister di Finansa Geoffrey Wever y e minister di Infrastructura pa splica unda e placa a bay.
Bisa pueblo e berdad Maduro a puntra gobierno directamente si e sistema di voorjaarsnota y najaarsnota lo keda, of si e intencion ta pa bin solamente na fin di aña pa pasa e cambionan. "Bisa pueblo di biaha, pa nos sa. Si ta asina, nos lo bolbe bay atras como pais," Maduro a bisa. "Pueblo tin cu compronde kico ta pasando awe. Ora bo traha bruha, bo ta haya resultado bruha. Y e cos di awe ta bruha."
P8
DIAmars 10 november 2026
Patrick Melchiors
Mas di 80% di pasaheronan ta subi crucero pasobra Aruba ta den e itinerinario
ORANJESTAD — Aruba tin un influencia importante riba e decision di pasaheronan pa scoge un crucero. Segun e Cruise Survey 2025, presenta door di Patrick Melchiors di Aruba Tourism Authority (ATA) durante Cruise Connect 2026, un total di 81% di e personanan encuesta a indica cu Aruba a influencia nan escogencia di crucero. Esaki ta un aumento compara cu e 78% registra na aña 2024.
E resultado ta mustra e atractivo di Aruba como destinacion den itinerario di cruceronan. Pa e sector local, esaki ta representa un oportunidad pa converti e interes den experiencia di calidad, mas actividad economico y beneficio pa comunidad. Patrick Melchiors, kende ta Destination Services Manager di ATA, a presenta datonan tocante perfil, preferencia, satisfaccion y gastonan di pasaheronan, hunto cu proyectonan pa mehora e producto turistico di Aruba. Pasaheronan ta pasa mas tempo na teraE encuesta ta indica un cambio modesto den e tempo cu pasaheronan ta pasa riba e isla. Na aña 2025, un total di 57% di e encuestadonan a pasa cinco ora of mas na tera, compara cu 54% na aña 2024. E proporcion cu a pasa solamente un pa dos ora a baha di 11% pa 8%. Esaki ta ofrece mas espacio pa tournan, bishita na comercio y restaurant y actividadnan den diferente parti di Aruba. Sinembargo, pa probecha e oportunidad, e experiencia mester ta bon organisa y adapta na e tempo cu e pasahero tin disponibel.
Den e grupo encuesta, un total di 62% tabata residente di Merca, sigui pa Caribe cu 13%, Latino America cu 11% y Canada y Europa cu 6% cada un. Baby Boomers y Generacion X hunto a representa 75% di e encuestadonan. Tournan mester ta mas visibel online prome cu e biahe
Un di e mensahenan mas relevante pa operadornan local ta cu hopi pasahero ta planifica nan actividadnan prome cu nan yega Aruba. Segun e presentacion, un total di 63% di e encuestadonan semper ta participa den tournan of cu hopi frecuencia, mientras cu 61% ta reserva nan excursion bastante tempo prome cu e biahe di crucero mes. Ademas, 47% ta uza e website di e compania di crucero como fuente pa planifica tournan. Esaki ta subraya e importancia di relacionnan comercial cu e companianan di crucero y di presenta e oferta di Aruba den e canalnan cu e pasahero ta consulta prome cu su vakantie. Patrick Melchiors a presenta tambe e tipo di experiencia cu companianan di crucero ta buscando: experiencia culinario, bienestar, actividadnan mas exclusivo, transportacion priva y tournan adapta na deseo di e cliente. Experiencianan autentico y local tambe ta figura entre nan preferencianan. Pa negoshinan di Aruba, esaki ta ofrece posibilidad pa desaroya producto cu ta conecta e bishitante cu nos cultura, gastronomia y comunidad. Beachnan y hospitalidad ta haya evaluacion halto
E resultadonan di satisfaccion ta mustra mehoracion den tur e aspectonan compara cu aña 2024. Riba un escala di un pa cinco, nos beachnan a haya 4.74, siguridad 4.72 y hospitalidad local 4.71. Tournan a ricibi un evaluacion di 4.66, mientras centro di Oranjestad a haya 4.59. E relacion entre prijs y loke e bishitante ta ricibi a haya e puntuacion mas abou di e aspectonan midi, cu 4.15. Aunke esaki tambe a mehora compara cu 4.08 na aña 2024, e resultado ta indica cu percepcion di balor ta un punto pa sigui atende. Den gastonan, e presentacion ta situa e promedio general rond di US$ 190 pa persona. E promedio ta varia entre e diferente companianan di crucero, cu pasaheronan encuesta di Carnival Cruiselines como esunnan mas ghalto, gastando US$ 252 pa cada pasahero. Entre e categorianan di gasto ta e tournan paga adelanta abordo, manera artesania local, cuminda y bebida, y tour reserva riba nos isla. Inversion den sitio turistico proteccion di naturalesa
y
Fuera di e datonan di crucero, Patrick Melchiors a presenta e plan di desaroyo, mehoracion y mantencion di producto turistico pa e periodo 2025–2027. E plan ta inclui facilidadnan publico, organisacion di trafico y parkeerplaats, borchinan y proteccion di areanan natural. Entre e actualisacionnan presenta ta e canchanan di tennis y uzo multiple na Baby Beach, cual ta den fase final y un solucion temporario pa baño publico na e beach. Tambe a presenta proyectonan relaciona cu Rodgers
Beach, Mangel Halto, borchinan na Ayo y renobacion di trapi y barancanan den Parke Arikok. Otro puntonan den e plan ta inclui maneho di acceso di bishitante, proteccion di costa, mantencion di palapa y gazebo y mehoracion di maneho di sushi y reciclahe. E presentacion a inclui tambe e Smart Crowd Project. E proyecto aki ta brinda e oportunidad pa maneho di fluho di turistanan na e atraccionnan y luganan mas bishita. E direccion strategico presenta door di ATA ta pone enfasis riba un maneho integral di destinacion, atraccion di huespednan cu ta aporta na balor y cu ta respeta Aruba y preservacion di cultura, herencia y naturalesa. E bienestar di comunidad ta forma parti di e mesun enfoke. Casi un miyon di pasahero di crucero den 2025 E importancia di e sector ta refleha den e cifranan di Aruba Ports Authority. Na aña 2025, Aruba a registra 970.803 pasahero di crucero y 376 calls di barco, compara cu 897.273 pasahero y 347 calls den 2024. Esaki ta representa un aumento di aproximadamente 8,2% den cantidad di pasahero.
P9
DIAmars 10 DI NOVEMBER 2026
A.T.A. a celebra YOU Anniversary na Norte America Cinco colega honra pa nan añanan di dedicacion y compromiso
Recientemente, Aruba Tourism Authority (A.T.A.) a celebra cu orguyo e aniversarionan di servicio di cinco miembro di su ekipo di Norte America durante YOU Anniversary NA 2026. E celebracion special aki ta un momento pa reconoce e dedicacion, compromiso y contribucion di empleadonan cu durante añanan a aporta na A.T.A. y na posicionamento di Aruba como destinacion. Durante e ocasion, A.T.A. a honra Marie Iervolino, kende a celebra 30 aña di servicio, Natasha Lee Soy, Sherry Bidgood-Flanegin y Liliana Mancini, cada uno cu 10 aña di servicio, y Lea Giaquinto, cu a celebra 5 aña di servicio. Durante e celebracion di YOU Anniversary NA 2026, e ekipo a reuni pa un anochi special dedica na reconocimento y aprecio. E programa a inclui un mensahe di apertura di CEO di A.T.A., Ronella Croes, sigui pa videonan cu mensahenan di aprecio di coleganan y momentonan individual pa reconoce cada uno di e cinco coleganan cu ta celebrando nan aniversario. Como parti di e reconocimento, e coleganan a ricibi un pintura personalisa. E ceremonia a finalisa cu un celebracion hunto cu CEO di A.T.A., CMO, Area Director di Norte
America, ekipo di HR, e ekipo completo di Norte America, y famia di esnan honra. Cu nan experiencia y dedicacion, nan ta fortalece presencia di nos destinacion y ta representa e balornan y identidad cu ta haci nos isla unico. Nan aporte ta bai mas leu cu promocion; ta crea oportunidad, cultiva relacionnan y comparti e esencia di Aruba cu ta laga un impresion duradero. Tur esaki conforme e vision cu A.T.A. ta para p’e, cu ta “Un Aruba dushi pa biba, ta un Aruba dushi pa bishita”. “Celebra añanan di servicio ta mucho mas cu marca paso di tempo. Cada aña ta representa experiencia, compromiso y contribucion. E cinco coleganan aki ta representa diferente areanan di nos organisacion, demostrando cu exito di A.T.A. ta resultado di un esfuerso colectivo. Cada idea genera, cada reto supera, cada proyecto realisa y cada logro alcansa ta agrega na e balor unico cu cada uno ta aporta na A.T.A.,” segun CEO di A.T.A., Ronella Croes. Mirando pa dilanti, A.T.A. lo sigui enfoca riba loke ta haci Aruba special, mientras ta traha hunto
pa crea oportunidad y prosperidad, preserva loke ta haci nos isla unico y contribui na un futuro fuerte y sostenibel pa generacionnan cu ta sigui. A.T.A. ta felicita Marie Iervolino, Natasha Lee Soy, Sherry BidgoodFlanegin, Liliana Mancini y Lea Giaquinto pa nan logro y ta gradici nan pa
nan dedicacion, pasion y compromiso continuo cu
A.T.A. y Aruba. Masha danki!
P 10
DIAmars 10 DI NOVEMBER 2026
Varios grupo di alumno di Fundacion Educar pa Transformar a presenta nan examen di Facial Nivel Profundo
Oranjestad, Aruba – Fundacion Educar pa Transformar ta sigui comprometi cu educacion y desaroyo profesional na Aruba. Recientemente, varios grupo di alumno a completa un etapa importante den nan formacion di Facial Nivel Profundo, na momento cu a presenta nan examen teorico y practico. E formacion ta combina conocemento teorico cu experiencia practico, pa prepara e participantenan pa traha cu mas conocemento, seguridad y profesionalismo den e area di estetica facial. Durante e curso, e alumnonan no solamente ta ricibi les di teoria, sino tambe nan tin un dia special
di demostracion, unda nan por observa e tecnica nan, siña e procedimentonan y compronde e aplicacion corecto di e conocemento cu nan a ricibi durante e lesnan. E examen teorico ta evalua e conocemento cu e participantenan a desaroya durante nan formacion, mientras cu e examen practico ta duna nan e oportunidad pa demostra nan habilidad, tecnica y preparacion den practica. Fundacion Educar pa Transformar ta felicita tur e participantenan cu a dedica tempo, esfuerzo y perseverancia pa yega na e etapa aki. Nos ta sigui traha pa ofrece formacion cu ta combina teoria y practica,
creando oportunidad pa mas hende desaroya nan talento y fortalece nan habilidad profesional. Inscripcion pa Januari 2027 Pa tur esnan cu tin interes pa sigui un formacion
den area di estetica facial completamente gratis, Fundacion Educar pa Transformar lo tin cupo disponible pa grupo nobo na Januari 2027. Personanan interesa por haya mas informacion of
registra via: 📧 info@fundacionfet.org 🌐 www.fundacionfet.org Fundacion Educar pa Transformar Siña. Desaroya bo talento. Crea oportunidad nobo.
P 11
DIAmars 10 DI NOVEMBER 2026
Addonsito Croes ta gradici Cas Princesa y Prensa di Aruba
Tawata durante dje final di Miss Beauty Aruba 2026 den ballroom di Hyatt Regency, cu e MC Addonsito Croes a ser honra. Como cu tawata e di 15 edicion di su certamennan di Miss Beauty Aruba, Cas Princesa Aruba, representa p’e presidente Jessica Anthonij, a honra tur esnan cu a sostene ultimo añanan. Addonsito tawata un di nan y a ricibi su premio cu tur honor. E ta un bunita
reconocimento, inespera, cu ta anima y ta demostra cu e trabou di MC ta ser aprecia. Mayoria di biaha, e MC na Aruba, su trabou no ta ser mira como importante siendo cu esaki t’e cara y esun cu ta carga e evento. Si algo bay malo, e prome pa ta huzga t’e MC. Tawata desde 2013 cu Addonsito a fungi como e maestro di ceremonia principal y PR di Fundacion Cas Princesa Aruba. “Danki y pabien Cas
Princesa Aruba cu e 15 aniversario y conta cu mi pa hopi aña mas. Mi
gradicimento ta grandi sigur pa Prensa di Aruba cu pa tanto aña ta coopera
cu nos. E premio aki ta dedica tambe na Prensa di Aruba, ” segun Addonsito.
P 12
DIAmars 10 DI NOVEMBER 2026
Inscripcion pa Prueba di Naturalisacion 2027 Oranjestad, 9 di november 2026 Seccion Examens en Toetsen di Departamento di Enseñansa Aruba (DEA) ta informa cu inscripcion pa e Prueba di Naturalisacion 2027 ta habri entrante 9 di november 2026 pa 8’or di mainta te cu diabierna 13 di november 2026 pa 4’or di atardi. Inscripcion E biaha aki por inscribi pa e 4 pruebanan di Papiamento nivel A2, cu ta Lesa, Scucha, Skirbi y Papia. Tambe por inscribi pa prueba di OC & OE (Orientacion Comunidad y Orientacion Estatal). Pa inscribi pa e Prueba di Naturalisacion 2027 mester yena un formulario di inscripcion online cu por haya door di click riba e link aki: https:// w w w. e a . a w/p a g e s/ naturalisatietoets/ of por bay riba nos website www. ea.aw. Riba e website ta busca Naturalisatietoets na letter (N) of Prueba di Naturalisacion na letter (P). Pa bo por inscribi bo tin mester di un Gmail adres. No por uza otro e-mail adres pa inscribi. Nos no ta acepta inscripcion na balie of via e-mail adres nat ura lisat ietoets.aw@ gmail.com ni t a m p o c o naturalisatietoets@ea.aw. Inscripcion ta habri dia 9 di november 2026 pa 8’or
di mainta te cu diabierna 13 di november 2026 pa 4’or di atardi. Tin solamente 80 cupo pa cada prueba. Na momento cu esaki yena, ta cera inscripcion. Tene na cuenta cu na momento di inscribi mester upload e siguiente documentonan den pdf: • un scan (pdf) di paspoort valido; • un scan (pdf) extracto di registro civil di Aruba (papel di Censo di 5 florin, no mas bieu cu 6 luna); • un scan (pdf) di e verklaring(nan) otorga anteriormente (si acaso esaki ta aplicabel pa bo persona); • un scan (pdf) di e Certificado di Prueba di Naturalisacion di Papiamento/Hulandes otorga te cu 2010 (si acaso esaki ta aplicabel pa bo persona); • un scan (pdf) di bo diploma obteni na Aruba y
bo lista final di cifranan (si acaso esaki ta aplicabel pa bo persona). Di e inscripcionnan cu drenta nos ta acepta y procesa solamente inscripcionnan cu ta completo. Tene bon cuenta cu esaki. E candidato ta ricibi un e-mail pa confirma cu a haya su inscripcion. E pruebanan di Naturalisacion lo tuma lugar entre 27 januari 2027 y 11 februari 2027. WWW.EA.AW, WWW. PAPIAMENTO.AW, +297 528 3400, STADIONWEG 37, ORANJESTAD, ARUBA Mas informacion Pa mas informacion tocante e Prueba di Naturalisacion por lesa e foyeto di informacion cu por haya riba e website www. ea.aw. Riba e website www.ea.aw mester busca Naturalisatietoets
na letter (N) of Prueba di Naturalisacion na letter (P) den e menu di alfabet. Tambe ta sugeri
pa sigui e desaroyonan pa medio di nos pagina di Facebook of Instagram @ educationaruba.
P 13
DIAmars 10 DI NOVEMBER 2026
COA - TEAMARU na Dakar 2026, entrevista Nicole Hoevertsz
E Weganan Olimpico di Hubentud Dakar 2026 sigur ta algo special pa experiencia, sea como ekipo di apoyo, entrenador y mas aun como atleta. Pa hopi di e hobennan presenta, e ta e prome biaha cu nan ta forma parti di un Weganan na nivel Olimpico, cu ta conta cu
e participacion di mas di 200 pais di rond di mundo. Pa conta mas di e evento special aki y di nos TEAMARU cu ta na DakarSenegal, a combersa cu Secretaria General di Comite Olimpico Arubano (COA) y miembro di Comite Olimpico
Internacional (IOC), Sra. Nicole Hoevertsz. Cu su trayectoria largo den e mundo Olimpico representado Aruba riba e nivel mundial mas halto cu tin pa cu deporte, Nicole ta conta e historia di e “Youth Olympic Games” (YOG), ademas di comparti un mensahe cu nos pueblo, pa nos apoya nos atletanan di TEAMARU cu ta na Dakar 2026.
#YOG
#DAKAR2026
#COA
#TEAMARU
P 14
DIAmars 10 DI NOVEMBER 2026
Prome Minister Mike Eman ta destaca progreso di ley pa muchanan cu necesidad intensivo di cuido: Parlamento lo trata proposicion dia 3 di december Durante e segundo sesion informativo tocante e proposicion di ley pa muchanan cu necesidad intensivo di cuido, cu a tuma luga diahuebs anochi na MFA Paradera, Prome Minister Mike Eman a expresa su satisfaccion cu e iniciativa ta acercando un momento importante den su proceso legislativo. Segun e informacion anuncia, Parlamento di Aruba lo trata e proposicion di ley dia 3 di december venidero. E Prome Minister a destaca cu e iniciativa ta resultado di varios aña di preparacion, dialogo y perseverancia, cu e obhetivo di brinda sosten financiero na famianan cu diariamente ta enfrenta responsabilidadnan adicional relaciona cu cuido di nan yiunan. E proposicion di ley ta contempla un contribucion di Afl. 500 mensual pa cada mucha cu ta cumpli cu e criterianan estableci, independientemente di entrada di e famia. E aspiracion ta pa e sosten por cuminsa yega na famianan elegibel na januari 2027, semper y cuando Parlamento aproba e ley y e preparacionnan necesario por finalisa na tempo. Participacion di mayornan ta esencial pa mehora e proceso Durante su discurso, Prome Minister Eman a pone enfasis special riba e importancia di participacion di e mayornan den e sesionnan informativo. El a recorda cu durante e prome sesion, organisa na YMCA San Nicolas, e organisadonan a identifica algun aspecto
di e formularionan di aplicacion cu por mehora. Como ehempel, el a menciona informacion di contacto, manera number di celular, cu mester tene na cuenta pa facilita comunicacion cu e famianan. Segun e Prome Minister, e observacionnan y sugerencianan di e mayornan ta valioso, pasobra nan ta permiti e profesionalnan responsabel haci ahustacionnan prome cu e proceso di aplicacion cuminsa. El a invita e participantenan na MFA Paradera pa comparti nan experiencia y comentario, cu e intencion di logra un sistema cu ta tanto accesibel como practico pa e famianan cu lo haci uzo di dje. Un sosten cu por evoluciona den futuro Prome Minister Eman a splica cu, una bes cu e ley drenta na vigor, e aplicacionnan lo permiti Gobierno haya un bista mas concreto di e cantidad di muchanan cu ta cumpli cu e criterianan. E informacion aki lo ta importante pa determina e impacto financiero total di e medida y evalua su desaroyo riba termino largo. Durante su discurso, e Prome Minister a menciona tambe e posibilidad pa, den futuro, evalua si e contribucion financiero por wordo aumenta. Sin embargo, esaki lo depende di e experiencia cu e implementacion di e ley, e cantidad di beneficiario y e capacidad presupuestario. El a destaca cu e prioridad actual ta pa establece un base legal solido y logra
cu e sosten presenta por yega na e famianan cu tin necesidad di dje. Aruba ta sigui amplia su sistema di proteccion social Den su discurso, Prome Minister Eman a coloca e iniciativa den un contexto mas amplio di desaroyo social di Aruba. El a referi na e introduccion di seguro medico general y e sistema di pension pa empleadonan den sector priva como ehempelnan di pasonan cu Aruba a tuma durante añanan anterior pa fortalece proteccion social di su ciudadanonan. Segun e Prome Minister, e proposicion di ley pa muchanan cu necesidad intensivo di cuido ta representa un siguiente paso den e direccion aki, enfocando riba un grupo di famianan cu ta enfrenta desafionan particular y cu por beneficia di un sosten adicional. El a expresa su orguyo cu Aruba ta sigui busca solucionnan social cu ta tene cuenta cu e necesidadnan real di su comunidad. Un momento importante den e proceso legislativo Cu e anuncio di tratamento di e proposicion di ley
den Parlamento dia 3 di december, e iniciativa ta acercando un siguiente fase importante. Prome Minister Eman a expresa su esperanza cu e proposicion por conta cu apoyo amplio di parlamentarionan, teniendo cuenta cu su obhetivo principal ta pa brinda un alivio concreto na famianan cu muchanan cu necesidad intensivo di cuido. El a invita e mayornan y otro ciudadanonan interesa pa sigui e tratamento parlamentario, destacando e importancia cu e comunidad por laga su bos wordo scucha durante e proceso democratico. Pa e Prome Minister, e posibilidad pa mira e iniciativa bira realidad ta un momento di significado personal y social. El a
expresa su satisfaccion cu un proyecto cu a rekeri varios aña di esfuerso ta acercando e fase den cual e por cuminsa brinda beneficio directo na famianan. E segundo sesion informativo na MFA Paradera a brinda un oportunidad adicional pa comparti informacion, aclaria pregunta y reuni observacionnan di mayornan, mientras e preparacionnan pa un eventual implementacion di e ley ta continua. E proposicion di ley ainda ta pendiente di aprobacion di Parlamento. Solamente despues di aprobacion y drenta na vigor por cuminsa cu e proceso formal di aplicacion y otorgamento di e sosten financiero.
P 15
DIAmars 10 DI NOVEMBER 2026
DIANAN DI PASCO DI NACEMENTO DI CRISTO-HESUS MESTER WORDO RESPETA REMITIDOSemper den e dianan di Pasco ta wordo prepara y celebra den luna di November y December y pa fin di anja ta celebra e Anja Nobo. Y pa dia 6 di Januari ta celebra e Dia di e Tres Reynan. Despues di 6 Januari ta cuminsa inicio di Carnaval. E dianan di preparacion, e Misa di Aurora cu ta e Nobena di Pasco y e Pasco di Nacemento di Cristo-Hesus, mester wordo respeta. Ta di unda ta bini, cu ta hinka actividad di Carnaval den e temporadanan di Pasco. Tin hendenan cu no ta Cristian, cu kier cambia e temporada di Pasco den actividad di mundo. Ta ki ehempel esey ta pa e pueblo Cristian y pa nos hubentudnan? Esey ta
un ofensa contra Dios mes. Ta pakiko bosonan ta cuminsa cu e actividad di Carnaval den luna di November y mientras cu e pueblo Cristian ta prepara nan mes spiritualmente pa e Pasco di Nacemento di Cristo-Hesus? Hendenan Cristian di berdad, no ta hinka e actividad di Carnaval den temporada di Pasco, pero ta esnan den scuridad kier hinkele, pa stroba loke ta di Dios. Bijbel Mateo 15: 3; “Y bosonan Hesus ta bisa: Pakiko boso ta kibra un Mandamento di Dios, den nomber di boso tradicionnan?” Bijbel Hacobo 4: 4-5; “Hendenan infiel! Boso no sa cu amistad cu mundo ta significa, enemigo di Dios? Esun cu kier bira amigo di mundo, ta bira enemigo
di Dios! Boso ta kere cu ta pornada Scritura ta bisa: Dios kier e spirito cu El a pone den boso, p’E so.” Bijbel 2 Corinthionan 6: 14-18; “No sera amistad cu hendenan cu no ta creyente. Kiko Santidad tin di haci cu maldad? Kiko lus tin di haci cu scuridad? No por tin harmonia entre Cristo y satanas? Kiko un creyente tin di haci cu un incredulo? Bijbel Hebreeuwnan 10: 26-27; “Si nos a sinja conoce e berdad di Dios y deliberadamente nos a keda haci pika, anto no tin ningun sacrificio mas pa kita nos pikanan. Sino solamente un teribel huicio y un candela ardiente cu lo devora esnan rebelde.” Un mensahero di Dios. Seferino Tromp Koyari 13D Id. 57.11.22.40 E-Mail: etajuni@yahoo. com cell: 5931157 / 5870048
Oracion Di Dia
Laga cu Dios ta e caminda cu e ta laga nos sigui riba dje ”Pa hende, esey ta imposibel, ma pa Dios tur cos ta posibel” Mateo 19,26 E reaccion entre e hendenan cu a scucha e combersacion entre e hoben rico y Hesus a pone hopi duda paso e palabranan tabata duro y cla. Hopi biaha Hesus a adverti contra obstaculonan manera rikesanan cu ta stroba nos drenta den e Reino di Dios. Hesus ta stima hendenan rico ya cu rikesa mes no ta malo, sino si el a wordo gana inhustamente of si ta uze abundantemente sin tene cuenta cu otronan den necesidad, of si cera e curason pa e balornan spiritual. Ta ken anto por haya salbacion? Hesus a responde ”Pa hende, esey ta imposibel, ma pa Dios tur cos ta posibel” Señor conoce e hendenan bon, con nan ta interpreta y suavisa e Palabra di Dios. Laga nos pidi Hesus pa yuda nos y converti nos curason. E hoben rico a bay tristo paso e ta pega na su rikesa. Ta momentonan asina den nos bida nos tin cu pidi Hesus pa capacita nos pa por laga cosnan di mundo atras y sigui Señor. Su promesanan ta cu nos lo sinta cu E Yiu di Hende den e Reino.Oracion:Oh Señor, duna nos e capacidad pa laga nos ”rikesanan” di mundo atras y sigui Bo. Duna nos un futuro feliz, abundancia di bida y e plenitud divino. Conduci nos na e dia aki! Amen.
P 16
SUDOKU
DIAmars 10 DI NOVEMBER 2026
FORTALEZA PA FAMIA Scirbi pa Pastor Marcel Balootje.
MATRIMONIO TA DI DIOS, BIBA HUNTO SIN CASA TA PICA Tempo ta cambia, hende ta cambia, pero palabra di Dios no ta cambia.
ya nos ta den e proceso di matrimonio entre hende cu robot.
Dios a establece for di principio e matrimonio entre homber y muher, bisando den Genesis 2:24 kico lo pasa, y den Mateo 19:5 E ta bolbe confirma esey.
Pero nada di e cosnan aki no por pasa riba locual Dios a establece, pasobra e ultimo palabra den bida di cada ken ta Dios tine, y tur hende mester duna cuenta na Dios na final.
Ora dos persona ta drumi cu otro of mihor bisa nan tin relacion sexual cu otro y nan no ta casa, nan ta den fornicacion cual ta pica.
Pero e berdad mester wordo predica, sinja, scirbi, bon presenta di tur manera pa evita cu hende lo cay den decepcion.
Ora un homber of muher casa ta tene relacion cu un otro persona cu no ta su esposo of esposa, e ta comete adulterio y esey ta pica. Maske cu ley cambia of cos wordo tolera aki riba tera , tur hende mester corda kico ta sosode na cielo. No ta importa ken nos ta, ni tampoco cuanto placa nos tin, ni tampoco religion, si Dios su palabra ta bisa cu locual nos ta haciendo ta pica, ta pica e ta keda. Awendia tin hopi sorto di matrimonio cu hende a forma aki na tera, pero un pregunta ta bini, e locual hende a forma con Dios ta mire den cielo, e ta aproba of e no ta aproba? E sistema di mundo a yega asina lew cu nos tin matrimonio entre homber cu homber, muher cu muher, hende cu bestia, y
Awendia hopi hende jong ta cuminsa frei of namora y di eynan den un tempo record nan a cuminsa biba cu otro, pasobra asina relacion sexual drenta den e asunto ta bibamento tin, tin hopi tipo di show mara na e cos moderno aki, nos ta bay shop hunto, nos ta bay supermercado hunto, e ta bin keda na mi cas, ami ta bay keda na su cas, tur esey ta nifica cu nos ta bezig cu fornicacion. Y nos a yega den un tempo cu hopi hende ta manera nan tin miedo di papia, pa otro no rabia. Cristo Hesus a bisa den Mateo 11:28 : Bin serca Mi tur cu ta cansa y carga, y lo Mi duna boso sosiego. Hende a agrega un slogan tremendo banda di dje bisando “Bini manera bo ta” Tene cuenta e cu e slogan no ta para scirbi den
Bijbel, pasobra hopi hende ta bini serca, nan kier Salbacion, nan kier bida eterna, pero nan no ta desea transformacion, pasobra transformacion ta nifica, renoba bo mente manera ta para scirbi den Romanonan 12:2 pa bo sa kico ta e boluntad perfecto di Dios pa bo bida. Efesionan 5:1-7 ta duna un gran splicacion di locual ta inmoral y cu inmoralidad no tin entrada den cielo. Si bo ta respeta y balora e persona cu bo conoce y bo kier pa e ta hunto cu bo, casa cune completo no solamente na gobierno pero laga pastor bendiciona boso matrimonio, pa asina Dios tuma control y fortifica boso bida matrimonial. E wega di biba hunto, ta duna diabel e oportunidad pa manipulacion sexual,manipulacion financiero,falta di respet, y hasta violencia, jaloersheid pasobra e desconfiansa tambe tey. Matrimonio mester wordo respeta , e cama matrimonial mester wordo respeta ( Hebreonan 13:4) y no lubida riba Juan 4; 1618. Tene cuenta cu aunke mundo por cambia,Dios no ta cambia. Sinceramente, Marcel Balootje.
Pastor