PAG. 1
DIAMARS 23 DECEMBER 2025
Afl.
Minister Geoffrey Wever:
1.25
AANGIFTE INKOMSTENBELASTING LO BAY TA DEN FORMA DIGITAL
DIAMARS 23 DECEMBER 2025
FESTIVAL DI DANDE A CELEBRA SU 53 EDICION: PABIEN NA ROBERT Y MARIA ELENA CASTIGO DI PRISON PA MASAGISTA CU A VIOLA UN DAMA Y A MISHI CU UN HOMBER Obhetivo pa logra acuerdo oficial entre dokter di cas y specialista
E DI DOS MINI DAS CLINIC CU ENFOKE RIBA PROTOCOLNAN TRANSMURAL
ARUBA A REFINANCIA UN DEBE DI USD 140 MIYON CU PRESTAMO INTERNACIONAL NA CONDICION HISTORICO
Pag. 2
DIamars 23 december 2025
Minister Wever:
Aruba a refinancia un debe di USD 140 miyon cu prestamo internacional na condicion historico gruponan financiero cu pa prome biaha a participa den un transaccion cu Aruba, y cu a tuma porcionnan significante di e financiamento total. Esaki ta fortifica e posicion di Aruba den mercado di capital y amplia su base di
Oranjestad, 22 december 2025 – Minister di Finansa, Asunto Economico y Sector Primario, mr. Geoffrey Wever, a firma e Landsbesluit cu ta finalisa y formalisa e prestamo cu Gobierno di Aruba a coloca riba mercado di capital internacional. E prestamo di USD 140 miyon ta destina pa refinancia debenan di pasado y pa garantisa cu Pais Aruba por cumpli cu tur su obligacionnan financiero den e luna di december.
financamento,” Wever a expresa.
Segun minister Wever, e proceso pa yega na e financiamento aki a conoce un trayecto largo y rigoroso, encamina door di e expertonan di Departamento di Finansas, cu un enfoke estricto riba calidad, credibilidad y di finansas publico duradero. “E bon noticia ta cu pa di 31 biaha cu Aruba a accesa mercado di capital, nos a logra e mihor “spread” den henter nos historia di
Un factor importante den e confiansa di mercado ta e hecho cu Aruba ta mantene tres rating di investment grade, otorga door di Standard & Poor’s, Moody’s y Fitch. “Mercado di capital ta reconoce e trabou cu Aruba ta haciendo y ta confirma cu nos ta un pais solido pa inversion,” minister Wever a subraya. E prestamo aki a atrae tambe inversionistanan nobo, incluyendo diferente
minister
Aruba a logra un “spread” di apenas 210 basispunten, e nivel mas abou cu Pais Aruba a registra te na momento aki, loke ta confirma e fortalesa di finansas publico di e pais. E resultado positivo aki ta, segun minister Wever, consecuencia directo di e reduccion continuo di debe, e presupuesto cu ta conta cu un surplus, y un economia cu ta keda robusto y resiliente.
lenders internacional.
E minister a anuncia cu e cuenta di Pais Aruba na New York a wordo gefund cu e USD 140 miyon, permitiendo Aruba cumpli cu tur su debenan y compromisonan financiero. “Nos ta cera e
aña 2025 cumpliendo cu nos responsabilidad y nos ta habri 2026 cla, yen di proyectonan nobo, ideanan nobo y oportunidadnan nobo pa cada ciudadano di Aruba,” minister Geoffrey Wever a conclui.
Pag. 3
DIAmars 23 december 2025
Ministerio di Turismo, Transporte y Labor
Departamento di Labor y Investigacion (DAO) O R A N J E S T A D Ministerio di Turismo, Transporte y Labor hunto cu Departamento di Labor y Investigacion (DAO) ta anuncia un cambio den e limite di salario pa cu aplicacion di e Ordenansa Laboral 2013. Entrante 1 di januari 2026 ta drenta na vigor un cambio den e ley di salario minimo. E salario minimo pa luna y pa siman lo wordo adapta pa un salario minimo pa ora y tambe lo coregi e factor pa calcula e salario pa luna. Na e manera aki tur trahado cu tin 18 aña di edad of mas tin derecho riba un salario minimo pa ora independiente di e cantidad di oranan cu e ta traha pa dia of pa siman. E suma di salario minimo pa un trahado cu tin 18 aña di edad of mas ta bira Afl. 11,58 pa ora. Cu e cambio aki entrante 1 januari 2026 tur dunado di trabou tin un obligacion pa paga su trahadonan no menos cu e salario minimo pa ora. A base di e cantidad di oranan di trabou cumbini den e contracto laboral ta calcula e salario minimo pa siman y/of pa luna. Como consecuencia di e cambio den e ley di salario minimo pa un salario minimo pa ora e limite di salario pa cu aplicacion di e Ordenansa Laboral 2013
(Arbeidsverordening 2013) tambe lo bay ta ahusta entrante 1 di januari 2026. E Ordenansa Laboral 2013 ta e ley cu ta regla e condicionnan di trabou manera entre otro e oranan maximo cu por traha pa dia of pa siman, dianan di sosiego, pago di overtime ora ta surpasa e oranan maximo di trabou y pago extra pa traha riba un dia di fiesta etc. E Ordenansa Laboral 2013 no ta aplicabel pa tur trahado pero ta conta solamente pa trahadonan cu ta cay bou di e limite di salario. E limite di salario nobo lo bira entrante 1 di januari 2026, e salario minimo pa luna (a base di un duracion di trabou di 45 ora pa siman) Afl. 2.257,93 x factor 2.5= Afl. 5.644,83 pa luna. Esaki kiermen cu trahadonan cu ta gana un salario di Afl. 5.644,83 pa luna of Afl. 67.737,96 pa aña of menos, ta haya proteccion di e Ordenansa Laboral 2013 y tin derecho riba tur e condicionnan di trabou stipula den e ley aki. DAO ta pidi tur trahado y principalmente dunadonan di trabou pa tene bon cuenta cu e cambio aki.
Pa ricibi mas informacion riba e salario minimo pa ora cu ta drenta na vigor 1 januari 2026, por haci uzo di e siguiente instrumentonan: • E link pa SUELDO app (DAO calculator salario minimo pa ora): https://daoaruba. com/index.php/sueldo/ • D o c u m e n t o Frequently Asked
Questions (FAQ) riba e salario minimo pa ora disponibel den diferente idioma riba e website di DAO: www.daoaruba.com. • D o c u m e n t o Frequently Asked Questions (FAQ) pa e grupo specifico di personal domestico riba e salario minimo pa ora disponibel den diferente idioma riba e website di DAO: www. daoaruba.com.
• Por email na : dao.uurloon@g ma i l. com of por manda un WhatsApp:5936934 (solamente pa pregunta riba salario minimo pa ora). • Por yama na tel: 5237720 of por bishita oficina di DAO situa na Paardenbaaistraat 11 entre 7:30 am pa 12:00 pm y 1:00 pm pa 3:00 pm.
Pag. 4
DIAmars 23 december 2025
Noticia di Corte
Castigo di prison pa masagista cu a viola un dama y a mishi cu un homber -1ORANJESTAD – Corte di Husticia a trata e caso penal cu Ministerio Publico a cuminsa contra e homber B. (64). Tratamento di e caso a dura largo caminda B. tabata desmenti pero Hues a confront’e cu resultado di DNA cu ta mustra cu ta e. SOLO DI PUEBLO por a compronde cu Fiscal a exigi 3 aña y 6 luna di prison y cu pa 6 aña ta prohibi B. haci masashi. Hues no a sigui Fiscal y a condena B. na 3 aña di prison di cual 1 aña ta condicional y no prohibicion di practica masashi. Fiscal a acusa B. di a mishi y viola e dama S. durante cu e tabata haci masashi riba 10 Juni 2023. Fiscal a sigui bisa cu ta acusa B. tambe cu na Juli 2023 a mishi cu e homber T. durante cu e tabata haci masashi. VIOLACION Y MISHIMENTO Hues a mustra cu dia 10 Juni 2023, B. a mishi y viola e dama S. Na Juli 2023, el a mishi e homber T. Segun B. e no a forza y tampoco a actua contra voluntad di ningun di dos. El a bisa cu el a haci masashi relaciona cu un estudio. Hues a bisa cu e dama S. a haci denuncia e mesun dia 10 Juni 2023. E tempo ey e tabatin 23 aña. El a splica na Polis cu un Spa na San Nicolas a invit’e pa modelo pa masashi. El a bisa cu e mester a kita tur su paña. El a bisa cu tabata filma e masashi pero na dado momento a para e filmamento y B. a mishi na su parti intimo. Segun B., e no a mishi na e parti intimo. Hues a bisa cu S. a bisa cu el a sera su pia pa B. no sigui mishi cu su parti intimo. E victima a declara na Polis cu despues e mester a drumi
boca abao y B. a bay riba dje. Na dado momento B. a purba penetr’e di atras. El a pusha B. y un rato despues el a sinti cu B. a masturba riba su pia patras. Segun B., e no a bay riba S. y cu el a usa un azeta riba S. y no a masturba. B. a bisa Hues cu e ta sufri di prostata y no por masturba asina asina. DNA TA MUSTRA ACUSADO
RIBA
bisa cu con por si te na 2025, T. a haci denuncia. B. a splica Hues cu S. na December 2024 tabatin un reconciliacion cu e señora di B., cu ta wela di S. Despues S. a bay biba cerca di nan den un apartamento. Segun B. tur e cos aki ta un complot contra dje pasobra nan kier pa e kita for di su señora, pa S. haya herencia.
E
Hues a mustra cu a haci investigacion riba S. y a manda muestra di DNA na Instituto Forence Hulanda (NFI). NFI a constata cu tabatin masturbacion y DNA di un homber. Despues a sigui investiga y a haya DNA di B. Hues a sigui bisa cu S. a sigui declara na Polis cu B. tabata masashi rond di su parti intimo. S. a cera su pianan y B. tabata purba mantene S. su pianan habri. Hues a mustra cu tin un testigo, homber R., cu a declara na Polis cu el a papia via video call cu S. y el a mira cu S. tabata yora y a bisa R. kico a pasa cun’e. ACUSADO TA DESMENTI Hues a bisa cu e homber T. a haci denuncia te na Februari 2025 di loke pasa na Juli 2023. E tambe a bisa cu tabata masashi di theoria. E mester a kita tur su paña y na cierto momento el a sinti cu B. tabata mishi cu su parti intimo y T. a para e masashi. Despues B. a bise cu no ta nada malo. B. a sigui masashi y ora T. a bira boca abao, B. a subi riba dje. Segun T., na dado momento el a sinti B. a masturba riba dje. B. a bisa Hues cu S. a busca apoyo di T. pa haci un denuncia contra dje. Hues a
VICTIMA A EXPRESA SU MES Un homber R. a presenta den Corte cu e demanda di su pareha S., victima di violacion. Hues a mustra cu e demanda no ta menciona suma. R. a bisa Hues cu su pareha S. no kier placa. E kier husticia. Ta asina cu e victima a manda un carta pa Hues, caminda e ta expresa su mes di tur loke el a pasa aden. Hues a bisa cu S. a expresa cu el a keda
malo mentalmente. E ta sinti cu e no kier biba mas. E victima a expresa den e carta cu e kier bay psycologo of ayudo professional. E no ta come mes. El a bisa cu e ta sinti hopi malo pasobra su wela ta pareha di B. FISCAL A BAHA PISA Fiscal a bisa cu e dama S. no solamente a wordo mishi, sino tambe viola. Fiscal ta haya e declaracionnan di S., confiabel. El a mustra cu e declaracion di S. ta cuadra cu e declaracion di e testigo R. Tambe e raport di NFI ta confirma e declaracion di S. Na opinion di Fiscal, e homber T. su declaracion ta consistente cu declaracion di S. Tur cos ta mustra cu e declaracion di tur dos victima ta confiabel. CONTINUACION PAG. 6
Pag. 5
DIAmars 23 december 2025
Minister Geoffrey Wever:
Aangifte inkomstenbelasting lo bay ta den forma digital Oranjestad, 22 december 2025 – Minister di Finansa, Economia y Sector Primario, Geoffrey Wever, ta anuncia cu e formulario di declaracion di inkomstenbelasting proximamente lo bay conoce un cambio grandi y hopi importante. Entrante aña fiscal 2025, e formulario aki lo wordo digitalisa den su totalidad brindando asina mayor eficiencia y rapidez den procesamento di e resultadonan. “Mi ta sumamente contento cu nos ta cuminsa cu e proyecto importante aki y cu Conseho di Minister di Gabinete AVP-FUTURO a aproba alocacion di Afl. 3.1 miyon pa por ehecuta e proyecto aki y pa e trabou importante cu e profesionalnan di Departamento di Impuesto ta haciendo y lo bay haci pa por logra cu den 2026 tur ciudadano por haci nan aangifte inkomstenbelasting digital”, segun Minister Geoffrey Wever. Automatisacion di e proceso di inkomstenbelasting ta marca un otro paso importante den e trayecto di digitalisacion y modernisacion di Departamento di Impuesto y ta brinda bentahanan significativo tanto pa e contribuyentenan como pa gobierno por ehempel: 1. Un sistema di declaracion online cu ta facil pa uza y sigur.
2. Mayor calidad di data y miho cumplimento pa cu debernan di impuesto. 3. E procesamento di e declaracion ta sosode den un periodo mucho mas cortico y cu menos gasto administrativo. 4. E ta forma un base solido pa digitalisacion di otro procesonan, manera un mailbox digital. Dentro di poco lo start cu e proyecto di digitalisacion di e declaracion di inkomstenbelasting cual lo wordo finalisa den transcurso di aña 2026 na momento cu mester otorga e declaracion di inkomstenbelasting di aña 2025. Introduccion di e formulario di declaracion digital lo sosode a traves di e portal “BO impuesto” (BOi), den cual ta bay integra datonan di e registro di Censo hunto cu e sistema digital di Departamento di Impuesto. Esaki lo permiti pa henter e proceso, desde entregamento di e declaracion, sosode completamente den forma automatisa y rapido. Minister Wever tin un relacion di trabou estrecho cu Departamento di Impuesto y conhuntamente a encamina e proceso pa adkiri e fondonan di inversion necesario den presupuesto di Pais Aruba, pa asina por realisa e
proyecto importante aki. Minister Wever ta gradici henter e ekipo di Departamento di Impuesto pa tur e trabounan riba tereno di digitalisacion
y pa realisacion di e proyecto di digitalisacion di e declaracion di inkomstenbelasting den 2026 y ta garantisa henter e pueblo di Aruba cu realisacion
di e proyecto aki lo contribui directamente na mehoracion di e eficiencia administrativo, brinda transparencia y servicio di calidad na e ciudadanonan contribuyente.
Pag. 6
DIAmars 23 december 2025
Castigo di prison pa masagista cu a viola un dama y a mishi cu un homber-2Fiscal a bisa cu tin resultado di NFI cu ta mustra cu a haya masturbacion di B. riba pia parti patras di S. Aunke cu B. ta desmenti, NFI a bisa cu a haya DNA di B. riba curpa di S. Fiscal ta conclui cu B. a mishi y viola e dama S. Fiscal a bisa cu e homber T. na Februari 2025 a haci denuncia contra B. di a mishi cun’e na Juli 2023. Fiscal ta haya cu ta e mesun forma B. a haci. Fiscal a mustra cu segun ley, e solo hecho cu a mishi na parti intimo, ta wordo considera penetracion. Fiscal pa cu e castigo a bisa cu hechonan asina ta afecta e victima pa temponan largo. Fiscal a exigi 42 luna ( 3 aña y 6 luna) di prison y tambe a exigi pa prohibi B. pa eherce masashi pa 6 aña. ABOGADO Mr. Carlo a bisa Hues cu B. no tabatin e intension di abusa ni mishi. E abogado ta haya cu no tin prueba suficiente y cu mester declara B. liber. El a bisa cu si Hues ta haya cu tin indicacion, e abogado ta haya cu no tin prueba di sosten manera ley ta exigi y mester declara B. liber. Mr. Carlo a mustra cu S. a bisa cu di biaha despues di a sali for di B., el a yama R. Segun R., el a nota cu S. a keda yama y ora el a caba di traha, el a yama S. E abogado ta haya cu esaki ta mustra cu no tabatin urgencia. Na opinion di abogado, S. a declara na Polis cu B. a purba penetr’e y cu el a sinti cu B. a masturba riba dje. Abogado a mustra cu serca R., S. a bisa cu e ta kere cu B. a masturba y na Polis si S. ta duna declaracion hopi detaya. E abogado a bisa Hues cu e no ta haya declaracion di R. confiabel. R. lo a bisa cu el a mira S. su garganta cora. Esey lo ta cu B. lo a tene S. na su garganta. S. mes na Polis no a bisa nada di esaki. Esaki ta haci cu
R. su declaracion no ta confiabel. E abogado a mustra cu S. y R. tin bon relacion cu otro.
Hues pa duna B. castigo igual cu loke e ta sera y un tempo di prueba.
E abogado ta haya cu nan lo por a palabra con pa haci denuncia. Pa loke ta investigacion DNA, e abogado a bisa cu Fiscal ta bisa cu e masturbacion y DNA ta di B. E abogado a bisa cu segun conclusion di NFI ta papia cu e muestra por ta di B. El a mustra cu NFI a mustra cu tin DNA di dos persona S. y B. E abogado a mustra cu B. mes a bisa cu e no a usa mascara na cara y e tabata malo y por bien ta cu ta liquido di nanishi a cay riba S. El a mustra cu a dura basta tempo promer cu T. a haci denuncia. E abogado ta haya cu S. y T. lo por a palabra pa haci denuncia. Mr. Carlo a pidi Hues pa tene cuenta cu e situacion di salud di B. El a pidi
Hues a sera e tratamento y a pospone e caso pa mas laat. El a bisa cu e ta bay studia e caso y ta dicta sentencia mas laat. SENTENCIA Hues ta haya e homber B. culpabel di a viola e dama S. y a mishi cu e homber T. Hues a condena B. na 3 aña di prison di cual 1 aña ta condicional cu tempo di prueba di 3 aña. Hues no a pone prohibicion di eherce trabao di masashi contra B.
Pag. 7
DIAmars 23 december 2025
Obhetivo pa logra acuerdo oficial entre dokter di cas y specialista
E di dos Mini DAS Clinic cu enfoke riba protocolnan transmural
Diasabra a tuma luga na HOH Academy e di dos mini DAS Clinic, esta e Dutch Antillean Southamerican Clinic den version mini, organisa door di dos internistanan di HOH, esta dr. Sandro Waterloo y dr. Bert Rodenburg. E evento aki ta conta cu participacion di diferente specialismo den cuido medico, dokternan di cas, pra k t ijkondersteuners, enfermeronan specialisa y demas profesional den cuido pa asina keda upto-date. Recientemente dokternan di cas y specialistanan a yega na un acuerdo pa loke ta tratamento y referencianan di pashent. Y durante e dia aki a enfoca mas profundo den identifica ki tipo di pashent ta pertenece na cua liña di cuido. Na final esaki ta mas eficiente y na bienestar di e pashent y comunidad di Aruba completo. Bert Rodenburg, internista y infecciologo na HOH, a duna di conoce cu e intencion di e acuerdo aki ta pa clarifica cua pashent
ta bay dokter di cas y cua pashent mester bay un specialista. E meta ta pa haci uzo mas eficiente di cuido medico na Aruba. Hopi biaha e pashent por keda na su dokter di cas pasobra e dokter tin e protocol pa duna e tratamento necesario of despues di tratamento na specialista e pashent por bay bek su dokter di cas pa sigui cu control. E pashent asina lo tin mas accesibilidad na cuido, banda di un reduccion di gastonan di AZV. Durante e dia tabatin presentacion riba diferente area di specialisacion medico entre otro nefrologia, ortopedia, cardiologia, oftalmogia, medicina interno, urologia y mas. Mayoria presentacion tabata den man di specialista hunto cu’n dokter di cas pa papia tocante e protocolnan. Meta tabata pa duna clarificacion di e protocolnan y a papia di diferente ehempel di tratamentonan cu dokter di cas mes por haci y con
por mehora e colabracion. Pa dokter di cas, Dennis Rasmijn, e acuerdo aki a cay den masha bon tera cerca e dokternan. E ta contento cu por a reuni pa hunto papia tocante protocolnan pa uniforma e sistema y hacie mas eficiente. Dr. Rasmijn ta aprecia di a haya mas informacion tocante con e protocol ta hinca den otro, pa siña di otro y keda na altanto di desaroyonan pa bienestar di e pashent. Nefrologo di HOH, Hardjit Kharagjitsing, a expresa cu e DAS Clinic ta un bon plataforma mirando cu e ta un brug entre cuido di e prome y di dos liña. Esaki ta hopi importante pasobra mas colaboracion tin den cuido medico, miho por organisa e cuido tanto riba termino cortico, como tambe a termino largo. Di e manera aki por brinda un miho cuido na e pashentnan cronico, cu un maneho mas cla entre e specialistanan y e
dokternan di cas. Un dia hopi interactivo y cu e meta primordial pa tur esnan cu a participa a siña di e protocolnan cu alfinal lo hisa e eficiencia
y calidad di cuido medico na Aruba. Ta gradici tur orador, Hospital y parti di e team di organisacion pa e trabou duru pa por a logra haci esaki posibel un biaha mas.
Pag. 8
DIamars 23 december 2025
Ban Bek Caya cla pa sigui den 2026
Caya Grandi bon bishita pa temporada di Pasco y aña nobo!
E ultimo edicion di Ban Bek Caya, Christmas Edition a transforma Caya Grandi den un verdadero ambiente di fiesta, union y alegria di Pasco. Desde tempran, e comunidad a responde cu entusiasmo, creando un fluho constante di bishitantenan cu a bin disfruta di ofertanan especial, entretenimento y e calor di e temporada.
Corner y Kidspreneur Bazaar, creando un espacio interactivo pa mucha. Plaza Cultural a trece e ritmo di Vallenato Plus, mientras cu Plaza Nikkie Habibe a celebra tradicion cu Aguinaldo Flor di Pasco y Dushi Vibes. E experiencia a completa cu musica riba e Tram, cu DJ Ritmo manteniendo e energia pa henter Caya Grandi.
Tur plaza a aporta su propio vibe y atraccion. Na Plaza Daniel Leo e publico a disfruta di presentacion musical cu Katatumbo, DJ Devin, Muchanan di Mama Rosa y DJ Steve Andreas. Plaza La Linda a combina musica, moda y cultura cu DJ Splash, Chicas Gaiteras y un fashion show vibrante. Na Ana Catharina, DJ Doble R y Grupo Melodia a pone e tono musical di e anochi.
Comerciantenan a prepara cu promocionnan special di Pasco y a
Pa e famianan, Plaza Pro Fashion a ofrece un Kids
expresa nan gratitud pa e sosten di e comunidad. Gobierno ta sigui respalda iniciativanan manera Ban Bek Caya pa fortalece comercio local y revitalisa e centro di ciudad. Cu esaki, Ban Bek Caya, Christmas Edition a cera e aña di un manera bunita, celebrando comercio, cultura y union comunitario. Danki pa celebra huntu cu nos. Te proximo aña!
Pag. 9
DIAmars 23 december 2025
The Cultuurfonds Caribisch Gebied (CCG), together with the Rasmussen Henriquez family, was Proud to host the first-ever Belva Award Ceremony
On December 21st, 2025, the Rasmussen Henriquez family, together with The Cultuurfonds Caribisch Gebied (CCG) was proud to host the first-ever Belva Award Ceremony, honoring outstanding emerging contemporary artists in Aruba. This year’s Belva Award will be presented to Ms. Kim Violenes, who is recognized for her exceptional artistic vision and contributions to the island’s cultural landscape. In addition to the Belva Award, a Belva Honorable Mention will also be awarded to Ms. Carolyn Geerman, acknowledging the exceptional quality of her work. This distinction is granted in years when submissions demonstrate remarkable overall strength and may be awarded in future years when merited. The Belva Award was created in honor of Mrs. Belva Rasmussen Henriquez. Belva is a native of Aruba. Born to parents Mr. Benjamin (Benny) Titus Henriquez, the first managing director of Carribbean Mercantile Bank (CMB) on Aruba, and Mrs. Henriette (Etty) Adelaida Henriquez. After marrying her husband, Mr. Walter Rasmussen, and moving to the USA, Belva
returned to Aruba multiple times a year with her family, maintaining her home and connection to her place of birth, until her passing in 2024. Her lifelong passion for culture, art, and her deep love for her native island of Aruba inspired her son, Ben Rasmussen, to establish a fund supporting local emerging artists. “Art and culture have played such an important role in the lives of my mother and our family, and are such a vital piece of Aruba’s heritage. Creating a sustainable way to support and encourage local artists to grow was the ideal and most meaningful way to honor my mother. Bringing together a few of the things she believed in most, “art & culture, and giving back to your community”, Belva’s son, Ben Rasmussen, shared. This annual award aims to encourage new talent to grow and contribute to Aruba’s cultural future—reflecting Belva’s enduring legacy. Media Contact: Melanie Sloot – Chef de Bureau CCG T: +5999 767 1584/6866266 / E: m.sloot@cultuurfondscg.com w w w . cultuurfondscaribischgebied.com h t t p s : / / cu lt uur fond sc a r ibischgebied. com/logo-downloads/
Diasabra Pag. 1018 November 2024
Pagina 17 DIamars 23 december 2025
Festival di daNde a CeleBra su 53 ediCioN
Cede di BBQ Cushina di Nestor Diadomingo 7 di dec.
Menú Ham di pasco 1/2 galinja jena Roast beef mushroom sauce Lomito mushroom sauce Bbq mix Galinja Loinribs Lomito Pincho Special Salada batata Aros con pollo
Pa pedido por jama riba 7497071.
Of pasa na Siribana 45b St Cruz. Nos kier desea un y tur un felis dianan di fiesta
Pag. 11 18 Pagina
DIamars december 2025 Diasabra23 18 November 2024
Festival di Dande a celebra su 53 edicion:
Pabien na RobeRt y MaRia elena
disfruta di presentacion / agrupacionnan manera: Tipico Colegio Arubano, Tipico Ayo, Sabor Criollo, Enkura, Alma Folklorico y Los Hermanos. Durante e anochi a presenta diferentes Dande tipico y composicionnan propio, entre nan “Bendiciona”, “Carmelita”, “Potpourri Alma”, “Stop di Papia, Wak Bo Hasi” y “Di Nos Eta”. Cu e Festival di Dande, Aruba no solamente ta celebra musica, pero tambe historia, identidad y union comunitario. E evento ta forma parti di e esfuersonan continuo pa preserva y
Aruba a prepara pa un anochi yen di tradicion, cultura y orguyo nacional cu e celebracion di su 53 edicion di Festival di Dande, Secuencia Adulto.
E festival a tuma lugar dia 21 di december 2025, na Plaza Inmaculada Curazon di Maria, cu entrada completamente gratis pa henter e publico cu a bin
sostene cada participante. Festival di Dande ta un evento cultural emblematico cu a sigui fortalece y transmiti e tradicion di Dande, di generacion pa generacion. E edicion aki a presenta varios agrupacion di dande cu composicionnan tipico y propio, interpreta pa cantante y musiconan adulto cu hopi trayectoria y pasion pa nos herencia cultural. Prome Minister y Minister di Cultura mr. Mike Eman tambe tabata presente pa e anochi cultural aki caminda e publico a
promove e patrimonio cultural inmaterial di nos isla. Festival di Dande 2025 ta un caminda a habri porta pa henter famia bin gosa, canta y celebra hunto, e tradicion cu ta uni nos como pueblo. Na final di anochi Minister di Cultura a entrega e corono na e ganadornan absoluto di Rey y Reina di Dande, cu a keda den persona di Robert Maduro y Maria Elena Croes. Laga nos tradicion keda bibo y ban celebra Dande, un simbolo di nos cultura Arubano.
Pag. 1218 November 2024 Diasabra
Pagina 19 DIamars 23 december 2025
Festival di dande a celebra su 53 edicion
Pagina 20 DIAMARS 23 DECEMBER 2025
PAG. 13
Diasabra 18 November 2024
Pag. 14
DIamars 23 december 2025 Pagina 21
Diasabra 18 November 2024
Descubri alimentonan imprescinDibel cu no por falta Den bo Dieta Nos lo mustrabao algun alimento imprescindibel di cual propiedadnan nutricional ta haci nan necesario pa un dieta sano y balansa. Pa suerte, nan ta alimentonan habitualmente facil pa haya y pa inclui den cualkier plato. Tomati Un dieta balansa mester contene un poco di tur cos, pero nunca mester falta tomati. E tin antioxidante, cu ta yuda na e rehubenecimento celular, y vitaminanan A, C y E. E tomati aprecia antes tabata wordo como un mata decorativo, te cu den siglo XVIII, a cuminsa consumi'e como alimento. Ademas, tomati ta di puro awa, loke e ta bira ideal pa mantene e peso. E ta posee tambe un substancia fantastico pa e organismo, Licopeno, cu ta preveni e aparicion di cierto cancernan, manera di pulmon y di prostaat.
sumo ta yuda mehora e problemanan chikito di memoria vincula cu edad. Selder tambe ta posee un porcentahe halto di hero, pesey e ta un aliimento imprescindible contra anemia. Por ultimo, como curiosidad, e juice di selder ta yuda supera e trastornonan di soño. Chuculati Aunke ta acus'e di faborece e ganamento di peso, chuculati tin mas virtud cu defecto. E ta energetico, ya cu consumiendo un cntidad chikito ta gana hopi den energia. nan grandi di Omega-3, un substancia cu ta preveni malestarnan cardiaco. Lo mas recomendabel ta incorpora e pisca aki den e dieta infantil pa su fantastico aporte nutricional. Yoghurt Un yoghurt pa dia ta yuda cualkier adulto pa fortalece e calcium den e organismo y na mucha pa preveni infeccion. Ademas, e ta un producto hopi recomendabel pa dietanan abao den caloria. Vol of sin vet, yoghurt ta un producto perfecto pa bo alimentacion.
Awacati E dushi awacati tin un espectro di beneficio cu ta yuda for di un muhe na estado, pa un homber adulto. E ta posee acido folico, necesario pa preveni malformacion den e fetus y su vetnan ta impedi e desaroyo di colesterol. Knoflok E alimento imprescindible, aromatico y fresco aki, ta un protector natural di e organismo. Ta miho consumi'e fresco, ya cu ta e forma cu e ta mantene tur su propiedadnan. Ademas, e ta un excelente regulador di presion arterial y ta yuda e digestion. Di un otro banda, hopi chef ta recomenda saca su parti interior berde, pasobra e por resulta pisa pa e digestion. E resto di e djente di knoflok por wordo consumi completo. Ademas, como curiosidad, knoflok por tin cierto efectonan afrodisiaco. Selder Selder ta famoso pa stimula e potencia sexual. Ademas, su con-
Ademas, solamente 100 gram di chuculati scur, ta posee 375 miligram di fosforus. Di un otro banda, e polifenolnan cu e chuculati ta posee, ta convirti'e den un protector cardiaco y un agente preventivo di cancer. Spinazie Spinazie no solamente ta duna forza, sino cu ta yuda na mantene un bon bista. Ademas di ta un fuente basico di hero, spinazie ta asina bon of miho pa e bista cu un wortel, ya cu e ta concentra un bon cantidad di luteina, un substancia cu ta fortalece e retina. Appel Appel ta e fruta pa excelencia. E alimentonan imprescindibel aki
ta reduci e cantidad di proteina y lipido y ta posee un porcentahe halto di vitamina, awa y salo. Ademas, tambe ta actua contra e daño di celnan celebral. Rasenchi Ta berdad, rasenchi tin bastante concentracion di sucu, pero net esey ta hustamente loke ta convirti'e den un maraviyoso motor di energia pa mucha, adultonan mayor y deportista. Ademas, den su espacio reduci, e ta posee un balans casi perfecto di cinco importante mineral: calcium, magnesium, fosforus, hero y potasium. Alimentonan imprescindibel: Salmao Salmao, specialmente esun silvestre of salvahe, ta posee cantidad-
Brocoli Brocoli ta un bon fuente di vitamina A (principalmente den forma di beta-karonteen), di vitamina C y di acido folico. Esaki ta asina te na e punto cu un racion di 200 gram, ta aporta mas di tres biaha mas di e recomendacionnan diario di vitamina C y e mita di e ingesta recomenda di acido folico. Berries Nan ta wordo considera un fuente di vitamina C y K, ademas di su rikesa den manganeso. Berries ta alimentonan imprescindibel perfecto pa come nan so of como parti di un receta, por ehempel, cu yoghurt. Ya sea di color cora, preto, no lage di purbe como acompañamento pa smoothies, tert of otro dessert.
Pag. 15 Pagina 22
DIamars 23 december 2025 Diasabra 18 November 2024
SOPI DI LETRANAN
Ta bon pa observa Hesus cuidadosamente y scucha su bos. Asina nos por siña for di djE y permiti’E guia nos. Manera Hesus mes a bisa nos: ”Ami ta e caminda, berdad y bida”. Ta Hesus so por mustra nos e caminda pa Tata. P’esey ta logico pa nos haci esfuerso pa observ’E y scuch’E. Tin hende cu ta observa Hesus y scuch’E den un intento pa haya algo pa acus’E di dje. Ta parce cu esaki ta loke ta motiva e observacion estrecho den Evangelio di awe tambe. Nos por conclui esaki for di e echo cu ora Hesus haci nan un pregunta tocante sanacion, tur hende ta keda keto. Si nan tabata di berdad interesa pa siña di djE nan lo a ofrece algun opinion di nan mes y nan lo tabata ke siña di djE kico tabata su contesta. Un actitud di arogancia y falta di confiansa. Nos tin cu haci esey semper den e actitud di humildad y di obediencia. Nos tin di scucha e bos di Dios pero tambe sigui’E. Sigui’E ta un palabra importante pa nos awe, uno cu ta sondea nos consenshi. Nos ta humilia nos mes sinceramente y scucha loke Dios ta bisa nos? Oracion: Maria, forma mi curason pa mi por ta un oyente humilde y un discipel obediente di Señor. Amen.
SUDOKU
Pag. 16
DIamars 23 december 2025 Pagina 23
Diasabra 18 November 2024
YoBIDA TA TRECE SANGURA Y SANGURA PoR TRECE MAlESA
Corda tira bista rond di cas y bolter tur awa para ARUBA- 05 december 2025. Aruba ta experenciando ultimo simannan hopi yobida y manera pueblo di Aruba sa, yobida por ta un bendicion pero tambe tin su peligernan pa salud di hende ora cu awa limpi keda para. Aedes Aegypti, e sangura pata blanco por transmiti diferente malesa, por ehempel e malesa Dengue cual por ocaciona sintoma nan hopi fuerte di keintura, dolor di cabes, curpa y weso y por te hasta conduci na morto. Na momento cu awa di yobida of cualkier awa keda para e ta bira un luga unda sangura por pone webo y broei. Mas awa para tin rond di un cas, mas molester di sangura e habitantenan di e cas mes lo tin y tambe esnan cu ta biba den sercania. Mas cas cu criadero di sangura tin den un area, mas grandi e problematica di sangura lo ta den un bario hisando asina tambe e posibilidad di transmision di Dengue, Zika of Chikungunya. Personal di seccion di Gele Koorts Muskiet Bestrijden (GKMB) di Departamento di Salud Publico (DVG) ta canando tur dia cas pa cas den diferente districto treciendo informacion na comunidad y tambe ta yuda educa habitantenan pa reconoce e potencial criaderonan rond di nan
pa sangura pasobra na momento di spuit unicamente e sangura cu ta bulando ta muri. Si comunidad no deshaci di e criadero nan rond di cas, e baby sangura (larva) den awanan para rond di cas lo sigui nan cyclo di bida y den menos cu 1 dia lo tin e mesun problematica atrobe.
cas. Di e forma aki cada ciudadano por sigui nan mes yuda mantene e cantidad di sanguranan rond di su cas y den su bisindario abou. Tambe GKMB ta cumpliendo cu su tarea di bishita areanan y terenonan publico pa sana of deshaci di awanan para cu ta potencial criaderonan di sangura. E origen di e problematica di sangura ta e criadero di sangura. Mas criadero tin, mas sangura lo tin. P’esey cada ciudadano den comunidad tin e responsabilidad di activamente yuda den e proseso pa deshaci di criaderonan di sangura, cuminsando den nan mes un cas y cura. GKMB lo spuit solamente den
caso si tin un outbreak
di un malesa transmiti
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_ volksgezondheid_aruba, subi nos website www. dvg.aw, yama nos na 5224200 of mail nos na servicio@dvg.aw