Issuu

DIAMARS 18 AUGUSTUS 2026

18 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

ENCUESTA INDEPENDIENTE

I D 75% O L B PUE TENTO ON

C L A I D TA M O N R E I B O G CU A B U AR

TOYOTA HILUX A RANCA PALO DI LUZ DIALUNA MARDUGA

DIAMARS 18 augustus 2026

Toyota Hilux a ranca palo di luz dialuna marduga

pickup Toyota color cora pariba di caminda. Ta mustra cu e vehiculo aki pa un of otro motibo a baha caminda na su man drechi y ranca palo di luz. E chauffeur a resulta herida y tawata tin mester di asistencia medico, unda cu na yegada di Ambulance Paramediconan a hibe Hospitaal. Avenida Nelson O.Oduber - Dialuna marduga algo pasa di mey anochi polis y ambulance a bay riba

Avenida Nelson O.Oduber, pa un auto cu a accidenta. Polis ta yega y ta nota un

Polis di trafico tambe tawata necesario na e sitio y tambe Elmar.

DIAMARS 18 augustus 2026

ENCUESTA INDEPENDIENTE

75% DI PUEBLO TA MAL CONTENTO CU GOBIERNO DI ARUBA

Un gran mayoria di e pueblo di Aruba ta sinti cu e gobierno actual no ta cumpliendo cu e promesanan di campaña ni ta trahando pa e bienestar di e ciudadano comun. Solo di Pueblo ta interpreta e resultado aki na nos forma, despues di a scucha comunidad. Un resultado cu a conmove e panorama politico di nos isla a keda revela recientemente pa e portal di noticia independiente Noticia Cla. Segun e ultimo encuesta neutral realiza entre un amplio grupo di ciudadano, rond di 75% di e pueblo di Aruba a expresa di ta mal contento cu e trabounan y e maneho cu Gobierno ta hiba na e momentonan aki. E cifranan aki ta manda un señal cla y fuerte pa e lidernan na mando: e gran mayoria di e pueblo no ta constata cu Gobierno ta cumpliendo cu su compromiso—ni tampoco cu e ta trahando na fabor di e comunidad. E sentimento di frustracion y desencanto ta domina e casnan di famia na Aruba. E Factornan Clave Tras di e Discontento Generalisa Analisando e reaccion di e ciudadanonan y observando nos realidad social, tin varios punto crucial cu a hiba na e desaprobacion halto aki:

Costo di Bida Impagabel y BBO: E aumento continuo den e canasta basico ta haci cu e sueldo mensual di e trahador no ta alcansa mas. E pueblo ta sinti cu no tin alivio economico real. Falta di Resultado Visibel: Tin un percepcion fuerte cu Gobierno ta keda unicamente den palabra, reunion y promesanan, sin cu esakinan ta traduci nan mes den proyectonan concreto of mehoracion den infrastructura, scol y barionan. Crisis y Desesperacion den Cuido di Salud (AZV): Lista largo di espera, falta di remedi y e falta di dokternan di cas a

crea un ambiente di inseguridad pa e enfermonan y e hendenan grandi. Dokternan mes a trece dilanti cu debi cu a otroga mas permiso, e bishitanan di dokter a aumenta, causando mas tardansa pa cuidadano por mira dokter o specialista.

un kiebro profundo entre e prioridadnan di e politiconan na mando y e necesidadnan diario di e ciudadano comun na Aruba. E pueblo ta spera accion y no mas palabra.

Falta di Transparencia y Gobernacion Limpi: E ciudadano ta sigui cuestiona e uzo di e recursonan publico y e falta di claridad den tumamento di decisionnan di peso pa e pais.

Hopi ta opina cu Prome Minister Mike Eman ta bon pa bira director di Serlimar. Ya cu e gusta haci limpiesa, e por hunga un bon rol na dicho instancia. E rol di dje como prome minister lo mester ta otro. Pero no ta tume na malo, pero solamente cu e por yuda na Serlimar, mirando cu di berdad e tin un pasion pa tur loke ta limpiesa.

Un señal di alarma politico E resultado aki di Noticia Cla ta un señal di alarma corra pa e gobernantenan. E nivel di discontento aki ta refleha

Prome Minister di limpiesa?

DIAMARS 18 augustus 2026

Minister Geoffrey Wever:

Procedimento di seleccion transparente pa e proyecto di revitalisacion di e anterior Esso Lago pa cu un Boutique Restaurant Oranjestad, Aruba – Siguiendo e anuncio anterior pa cu e desaroyo di e anterior sitio di Esso Lago na Maria Christinastraat 1, Minister di Finansa, Asuntonan Economico y Sector Primario, mr. Geoffrey Wever, ta comparti mas informacion tocante e proceso di seleccion cu lo wordo sigui pa determina e propuesta cu miho ta alinea na e vision pa revitalisa e centro di Oranjestad. E proyecto aki ta forma parti di e compromiso di Gabinete AVP-FUTURO pa maneha propiedat publico den un forma transparente, obhetivo y responsabel. Tur interesado cu ta alcansa e condicionnan estableci por participa den e procedimiento y presenta un propuesta pa e desaroyo di un concepto horeca di calidad den centro di ciudad. Pa evalua e propuestanan, un Comision Special di Conseho lo wordo nombra, consisti pa representante di Aruba Tourism Authority (ATA), Ministerio di Vivienda, Infrastructura, Servicionan Interno y Telecomunicacion, Ministerio di Finansa, Asuntonan Economico y Sector Primario, Directie Infrastructuur en Planning (DIP), Dienst Openbare Werken (DOW) y Aruba Trade and Industry Association (ATIA). E comission lo evalua tur propuesta den un manera independiente y a base di criterianan claramente defini. E evaluacion lo basa riba un

sistema di puntuacion cu un maximo di 100 punto. Den esaki lo wordo analiza, entre otro, e experiencia y referencianan di e participante den explotacion di horeca di calidad, e concepto di architect y e grado den cual sostenibilidad ta incorpora den e diseño, e balor agrega cu e concepto culinario ta ofrece pa centro di Oranjestad y e capacidad financiero pa realisa e inversion. Ademas, cada participante mester presenta un estudio di factibilidad cu ta mustra cu e proyecto propuesto ta financieramente, tecnicamente y operacionalmente realizabel. Un componente importante di e procedimiento ta e ‘integridadstoets’. Como parti di esaki, participante mester identifica su Ultimate Beneficial Owner (UBO), ta inscribi na Camara di Comercio di Aruba y ta sujeto na un screening di su directivanan y di e origen di e recursonan financiero cu lo wordo usa pa e inversion. E exigencianan aki ta contribui na un proceso transparente y confiabel, apropia pa e desaroyo di un proyecto di interes publico. Participacion den e destaho publico ta wordo conduci conforme e disposicionnan describi den e Selectieleidraad, e Maneho di Gronduitgifte di februari 2018 y e condicionnan general y special vigente pa erfpacht di Pais Aruba. Tur documento oficial, incluyendo e reglamento di inscripcion, e raport di taxacion y e concepto

di acto di erfpacht, ta disponibel riba peticion na e notario instrumentante, via e-mail richard@notarishelmeyer.com. Interesadonan tin te diabierna 18 di september 2026 pa entrega nan propuesta den un envelop sera entre 11:00'or y 11:30'or mainta den e auditorium di Camara di Comercio y Industria di Aruba. E envelopnan lo wordo habri inmediatamente despues pa e notario den presencia di e Comision Special di Conseho. Despues di e evaluacion, e Comision lo presenta su conseho na e Minister-nan dentro di cuatro siman. Basa riba e conseho aki, e Minister-nan lo tuma un decision y, conforme e Didam-arresten

di Hoge Raad, lo publica e intencion pa duna e derecho di erfpacht na e participante cu a presenta e propuesta cu miho a logra e criterianan di seleccion, respetando e procedimiento legal correspondiente. Minister Geoffrey Wever a enfatisa cu e procedimiento ta mustra e importancia cu Gobierno ta duna na bon gobernancion y transparencia. "Revitalisacion di centro di Oranjestad no ta solamente trata di construccion. E ta trata di crea oportunidadnan pa inversion responsabel, cu un proceso cla, igual y confiabel. Nos kier cu tur interesado por participa riba e mesun base cu un proceso transparente”

DIAMARS 18 augustus 2026

Minister Rene Herdé:

“Asumi responsabilidad ta compromete bo mes pa busca solucion pa pueblo” Asumi responsabilidad di diferente cartera ministerial ta trece un reto grandi, pero tambe e oportunidad pa pone man na obra y crea cambio. Pa Minister Rene Herdé, e decision pa nos pais di acepta e responsabilidad aki a bin cu un compromiso cla: conoce e realidad di cada departamento, identifica e desafionan existente y forma un team cu por traha riba solucionnan concreto. Desde inicio, Minister Herdé a dedica tempo pa profundisa den e diferente retonan bou di su responsabilidad y dialoga cu e departamentonan y profesionalnan cu diariamente ta traha den e sector. Segun e

minister, pa por tuma bon decision, ta esencial pa prome comprende unda e dificultadnan ta y kico ciudadano ta experimenta den practica. E proceso tambe a inclui e formacion di un team cu ta combina conocemento, experiencia y capacidad pa atende cu e diferente prioridadnan. No tur problema por wordo soluciona di un dia pa otro, y precisamente pa Herdé ta importante pa Gobierno ta transparente y efectivo. E minister ta enfatisa cu gobernacion responsabel no ta solamente anuncia proyecto of presenta solucion, sino tambe ehecuta esakinan y informa pueblo abiertamente tocante

loke ta posibel, loke ainda mester wordo traha riba dje y e caminda necesario pa logra resultado. “Responsabilidad ta nifica cu bo mester ta dispuesto pa scucha, conoce e

Aunke no ta haya e Manta den nos awa teritorial, e ta proteha pa nos leynan local

problemanan y traha cu transparencia riba solucionnan cu finalmente mester beneficia pueblo,” segun Minister Herdé. Cu e base aki, e ministerio

ta sigui traha paso pa paso pa modernisa su servicio, fortalece e departamentonan y crea solucionnan cu por trece un diferencia concreto den bida diario di ciudadano.

DIAMARS 18 augustus 2026

Artista Elvis Tromp ta bolbe duna color na Sunrise City 12 aña despues

— un contribucion di su talento na un isla cu su hospitalidad y amabilidad ta un di e puntonan fuerte cu ta haci Aruba diferente den region. E idea tras di e mural tabata mustra netamente e cualidadnan cu Aruba ta conoci p'e. Pa Elvis, hospitalidad ta algo cu ta biba den nos hendenan y ta parti di loke ta yuda Aruba crece como destinacion turistico.

Na 2014, e artista Arubiano Elvis Tromp a acepta un encargo di Aruba Tourism Authority (ATA) pa crea un mural na entrada di San Nicolas. E mision tabata hopi mas cu djis pinta un

muraya: e mural mester representa hospitalidad, amabilidad y e dedicacion di e pueblo Arubano na turismo. Elvis a mira e trabou como un manera pa duna bek na pueblo

Pa crea e diseño, Elvis no a copia un imagen existente. El a cuminsa di cero, trahando cu sketch tras di sketch, te ora cu e concepto a bira e mural cu ta conoci awe na entrada di San Nicolas, Sunrise City. E mural ta conta diferente aspecto di San Nicolas y Aruba. Den e obra bo ta mira e paisahe di nos isla, cadushi y e seronan, e turistanan explorando cu mapa den man, y e momentonan di hospitalidad unda un persona ta comparti algo cu un turista. Tambe tin un escena di laman cu ta reforsa e conexion

entre Aruba, turismo y hospitalidad. Pero pa Elvis, e mural tabata tambe un manera pa pone San Nicolas riba mapa. Na momento cu Elvis Tromp tabata pinta e mural, San Nicolas tabatin masha poco muraya artistico. Durante e proceso, hopi hende a para pa wak, y nan a expresa nan alegria di porfin tin algo bunita y diferente riba caya. E mural a bira un punto di interes pa Sunrise City. Turista y local a cuminsa para pa saca potret dilanti di dje. E turistanan tabata wak e trabounan y saca potret di dje. Pa Elvis, esey tabata un muestra cu e mural tabata cumpli cu su proposito: pone atencion na San Nicolas, mustra su identidad y duna bishitantenan un mirada riba e hospitalidad y cultura di Sunrise City. 12 aña despues Despues di mas cu un decada, Elvis Tromp ta haya su obra atrobe. E mural cu Elvis a crea na 2014 awe ta haya un

retouch danki un biaha mas na aporte di ATA impulsa pa Minister di Turismo, Transporte y Labor Wendrick Cicilia. E iniciativa ta cay perfectamente den e vision di Prome Minister Mike Eman pa revitalisa e casnan di Benrhardstraat na San Nicolas. Pa e artista esaki tin un nificacion special. Durante e trabou, Elvis ta mira cu hopi hende ta para atrobe pa observa e mural, ta saca potret y comenta riba e trabou. Aunke e mural tabata den un estado cu mester di atencion, e reaccion di publico y bishitantenan ta mustra cu e obra nunca a perde su importancia. Awor e ta haya su bida bek. Pa Elvis, e momento tambe ta un confirmacion di algo cu tabata den e idea original di e mural: hospitalidad, comunidad y orguyo di San Nicolas. E mural cu a nace 12 aña pasa como un regalo na pueblo, awor e ta haya color nobo for di e mesun artista cu a soñ'e, diseñ'e y pint'e.

DIAMARS 18 augustus 2026

EAMARU a cuminsa prepara pa Weganan Olimpico Los Angeles 2028 Jonathan Wever y Monica Fajardo ta participa na forum di Solidaridad Olimpico pa LA28

Cu menos di dos aña prome cu inicio di e Weganan Olimpico di Los Angeles 2028, tur Comite Olimpico Nacional a cuminsa nan preparacionnan pa participa na e evento mas grandi di deporte na mundo, e Weganan Olimpico. Den e caso di Comite Olimpico Arubano (COA), a participa na e Forum di PanamSports conhunto cu Solidaridad Olimpico cu e nomber “ Para los CONs de las Americas, Preparacion para los Juegos LA28”. Solidaridad Olimpico ta e organisacion di Comite Olimpico Internacional (IOC) cu ta maneha e parti administrativo y financiero pa tur cos Olimpico y ta percura pa provee tur informacion y otro temanan relevante

na e diferente paisnan cu ta participa na e Weganan. Den e caso aki, e organisacion contintenal PanamSports hunto cu Olympic Solidarity a prepara un forum special pa e paisnan di nos continente pa asina hunto cuminsa e proceso di preparacion pa e Weganan LA28. Na e forum aki a participa Jonathan Wever como Chef de Mission pa e Weganan LA28 y Monica Fajardo como Director Tecnico di COA. E obhetivo principal di participa na e forum aki ta pa ricibi tur informacion relevante pa cu participacion na e Weganan Olimpico Los Angeles 2028 pa asina por organisa TEAMARU cu participacion na LA28

den e manera mas eficaz posibel. Participacion na un evento di e tamaño manera e Weganan Olimpico, unda ta mira mas di 50 disciplina deportivo den accion cu mas di 11 mil atleta, ta un gran reto logistico grandi cu ta rekeri hopi preparacion y planificacion pa percura logra un participacion exitoso. Cu esaki, TEAMARU su preparacion pa e Weganan Olimpico LA28 a inicia! Sigui nos rednan social di cerca unda nos lo sigui comparti tur informacion importante.

DIAMARS 18 augustus 2026

Fraccion Parlamentario di AVP:

Re-acreditacion JCI di IMSan ta un logro grandi pa cuido di salud na Aruba

durante e celebracion oficial na IMSan. E re-acreditacion, cu ta valido for di 25 di juli 2026 te cu 24 di juli 2029, ta confirma cu IMSan ta sigui cumpli cu normanan internacional exigente den areanan manera calidad di cuido, seguridad di pashent, prevencion di infeccion, maneho di medicamento y funcionamento general di e institucion.

AN NICOLAS (16 di augustus 2026) - Fraccion AVP ta felicita Instituto Medico San Nicolas (IMSan) cu e logro importante di a obtene su re-acreditacion como

hospital door di Joint Commission International (JCI). Diabierna, 14 di augustus, parlamentario Jennifer Arends-Reyes y Dennerich Kelly a representa Fraccion AVP

“Esaki ta mas cu solamente un certificado. E ta representa confianza pa cada pashent y famia cu ta acudi na IMSan pa cuido. Tambe, e ta un reconocemento di e disciplina, dedicacion y profesionalismo di tur empleado cu diariamente

ta pone bienestar di pashent na promer luga,” Fraccion AVP a declara.

persona a cumpli un rol importante den e exito colectivo.

Desde su acreditacion inicial na 2023, IMSan a sigui posiciona su mes como un institucion importante den cuido di salud na Aruba y den region. E re-acreditacion ta demostra cu calidad no ta un meta cu bo ta alcansa un biaha so, sino un compromiso cu mester wordo manteni y mehora continuamente.

Pa Fraccion AVP, cuido di salud sigur, accesibel y di calidad mester keda un prioridad nacional. Inversion den nos profesionalnan, tecnologia moderno, capacitacion continuo y bon cooperacion entre nos institucionnan medico ta esencial pa sigui fortalece e servicio cu pueblo di Aruba ta merece.

Fraccion AVP ta extende un felicitacion sincero na directiva, tur dokter, enfermero, personal medico, tecnico, administrativo y di sosten, como tambe na tur partner cu a contribui na e resultado aki. Cada

“E re-acreditacion di IMSan ta un logro pa San Nicolas y pa Aruba henter. E ta mustra loke nos por logra ora vision, dedicacion y compromiso cu excelencia ta bay man den man. Pabien na IMSan y henter su team cu e logro prestigioso aki.”

DIAMARS 18 DI AUGUSTUS 2026

E kantante YdK Ephrem J ta sigui fortalesé su posishon riba merkado internashonal di músika Latino ku un serie di presentashonnan na Oropa i Latinoamérika. Den apenas algun siman e artista a presentá su músika pa públiko na Peru, Belgika, Italia i Spaña, mientras ku simultáneamente el a lansá su bachata nobo “Es Una Aurora.”

industria Latino, entre nan Joe Veras, Alexandra di Monchy & Alexandra, Henry Santos, Grupo Extra i Daniel Santacruz. Pero e serie di konsernan di 2026 ta mustra algu mas importante: presensia internashonal no ta solamente un logro di pasado. Ephrem J ta sigui aktivo den e merkado, ta lansá músika nobo i ta sigui presentá dilanti di públikonan den diferente parti di mundu. Pa un artista for di Kòrsou, esei tin un balor ku ta bai mas leu ku e karera individual. Kada biaha ku un artista YdK subi un esenario internashonal, Kòrsou tambe ta subi e esenario.

E gira resien di presentashonnan na Oropa a kuminsá dia 6 di ougùstùs na Antilliaanse Feesten na Hoogstraten, Bélgika, un di e festivalnan Karibense mas konosí na Oropa. Pa Ephrem J, esaki no tabata su promé partisipashon na e festival. El a presentá anteriormente na Antilliaanse Feesten na 2016, 2018, 2021 i 2022, loke ta hasi su partisipashon di 2026 su di sinku aparishon riba tarima na e festival. E siguiente dia, 7 di ougùstùs, Ephrem J a sigui pa Italia pa un presentashon na Dolce Vita na Salerno. Dos dia despues, dia 9 di ougùstùs, e gira a sigui na Spaña, kaminda el a presentá den Bonamara Latin Dance na Madrid, den un ambiente dediká na bachata, salsa i kizomba. E presentashonnan aki ta sigui riba e eksitoso regreso di Ephrem J na Latinoamérika mas tempran e aña aki, ku un presentashon na Lima, Peru. E konsierto na Peru tabata importante tambe for di un perspektiva stratégiko: Lima ta un

Ku “Es Una Aurora” i ku mas proyektonan musikal na kaminda, Ephrem J ta sigui su trayekto ku e mesun meta ku a karakterisá gran parti di su karera: hasi músika for di Kòrsou, pero sin pone frontera na unda e músika por yega. di e siudatnan kaminda músika di Ephrem J ta sigui atraé un públiko konsiderabel di amante di bachata. “Es Una Aurora”: músika nobo den mitar di e gira E aktividat internashonal riba tarima ta bai man den man ku lansamentu di músika nobo. Na yüli Ephrem J a lansá “Es

Una Aurora”, un bachata nobo ku ta sigui den e liña romántiko ku durante añanan a bira un di e karakterístikanan di su repertorio. E single ta disponibel riba e diferente plataformanan digital internashonal. Un artista di Kòrsou riba podium internashonal Durante su karera Ephrem

J a logra loke ainda ta poko komun pa un artista ku ta operá for di un isla chikí manera Kòrsou: konstruí un públiko den diferente pais i kontinente. El a presentá den mas ku 20 pais i tabata un di e promé artistanan YdK ku a drenta e Billboard Latin Tropical Charts. Durante añanan el a traha i kolaborá ku diferente artista den e

P 10

DIAMARS 18 DI AUGUSTUS 2026

ImSan ta mantene acreditacion JCI: un logro pa calidad di cuido na Aruba

Oranjestad – Instituto Medico San Nicolas (ImSan) a logra su reacreditacion pa Joint Commission International (JCI), reafirmando su compromiso cu calidad di cuido y seguridad di pashent segun standardnan internacional. Na 2023, ImSan a marca historia como e prome hospital den Caribe Hulandes cu a logra acreditacion JCI y a ricibi e Gold Seal of Approval for Hospital Accreditation. E acreditacion internacional aki ta confirma cu ImSan ta cumpli cu standardnan di JCI relaciona, entre otro, cu calidad di cuido, seguridad di pashent, control di infeccion, cualificacion di personal y liderazgo. Minister di Salubridad, Asunto Social, Cuido di Adulto Mayor y Maneho di Adiccion, sra. drs. Melvin Wyatt-Ras, a felicita Hunta di Directiva, gerencia y henter famia di ImSan cu e logro importante aki. “E reacreditacion aki ta un momento di gran orguyo pa ImSan, San Nicolas y Aruba. Mantene un acreditacion internacional ta exigi dedicacion na calidad, seguridad di pashent y mehoramento continuo. Tras di e reconocemento aki tin profesionalnan cu cada dia ta transforma standardnan riba papel den calidad di cuido den

practica,” Minister Wyatt-Ras a expresa. E Minister a destaca cu e logro aki ta resultado di un esfuerso colectivo di dokternan, enfermeronan, profesionalnan di salud, personal tecnico, personal administrativo y henter e team di ImSan. Tambe el a recorda cu profundo respet e aporte di difunto director Drs. Joël Rajnherc, bou di kende su liderazgo ImSan a logra su prome acreditacion JCI na 2023. E reacreditacion ta demostra cu e compromiso cu calidad a wordo manteni y fortalece den e

organisacion. E logro aki ta conecta cu e vision comparti pa eleva calidad di cuido na Aruba. Un vision cu a sigui wordo construi riba dje desde e periodo cu Richard Visser tabata Minister di Salubridad y cu awe ta sigui forma parti di e direccion pa fortalece nos sistema di salud. E vision aki ta alinia cu e direccion di Ministerio pa un sociedad saludabel, resiliente y inclusivo, unda cuido y sosten ta contribui na bienestar di cada ciudadano den cada fase di bida.

Minister Wyatt-Ras a enfatisa cu reacreditacion no ta final di e proceso, sino un compromiso cu calidad cu mester wordo manteni tur dia. “E reto ta pa mantene e nivel alcansa y sigui eleva calidad y seguridad di cuido, semper poniendo e pashent central.” Gobierno di Aruba ta reconoce e logro importante aki y e dedicacion di henter famia di ImSan pa sigui contribui na un cuido di calidad pa nos comunidad.

P 11

DIAMARS 18 DI AUGUSTUS 2026

TRAHANDO DEN EQUIPO

REFORSANDO LASONAN: CUERPO POLICIAL ARUBA Y CUERPO DI BOMBERO ARUBA PROFUNDISA COLABORACION Santa Cruz ARUBA: Cuerpo Policial Aruba ta traha estrechamente hunto cu Cuerpo di Bombero Aruba. Den un reunion regular, altocomisario Ramon Arnhem y comandante Jair Tromp a tene un combersacion tocante colaboracionnan den futuro, tanto na nivel operacional como strategico. Altocomisario Arnhem su vision ta pa por keda reuni y mantene e lasonan cu diferente organisacion

BENDICION Un dia nobo na nos regala Bo ta gradicido? Bo ta aprecia ? Bo rosea, bo bida cu oportunidadnan nobo na bo duna pa mas di un motibo, pa mas di un rason Pa medio di Dios su misericordia y gracia Nos no ta comprende di con Si nos ta sigi faya y no ta comporta nos bon Nos ta busca den nos curason Nos Dios ta bon Dios ta bondad y amor Tur cos E por Dios su luz ta sigi rondona nos cu su infinito amor y alegria Di nobo den cada dia Di nobo den cada famia Scoge pa ta un bon hende,

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pordona bo mes y pidi Dios pordon Bida no ta solamente cumpra y bende Bida ta lesnan y experiencianan cu bo tin cu hasi bo esfuerso pa comprondele bon . Ruthy Lady Ruth

P 12

DIAMARS 18 DI AUGUSTUS 2026

Hunto pa Progreso: E prome permisonan ta caduca na october

Minister Dowers ta apela pa completa regularisacion na tempo Cu e prome permisonan temporal brinda den ultimo fase di Hunto pa Progreso cu lo cuminsa caduca na final di october, Minister di Husticia, Integracion, Transporte Publico y Energia, mr. drs. Arthur Dowers, ta haci un apelacion na participantennan pa no warda te ultimo momento pa completa nan proceso di regularisacion.

regla nan documentacion prome cu e fecha di vencemento.

E ultimo fase di Hunto pa Progreso a brinda alrededor di 1.500 persona un permiso temporal cu duracion maximo di un aña. E intencion tabata pa brinda e grupo aki un oportunidad pa drenta mercado laboral formal, haya un dunado di trabou y, dentro di e periodo brinda, pasa pa e trayecto regular di permiso.

Paralelamente, Gobierno ta tumando pasonan pa facilita e conexion entre personanan cu ta buscando trabou y empresanan cu tin necesidad di personal.

Minister Dowers a enfatisa cu e permiso temporal ta duna derecho pa permanece legalmente na Aruba solamente durante e periodo cu e ta valido. P'esey, participantennan cu ainda no a completa nan trayecto mester actua na tempo. Segun e mandatario, e prome cantidad di permiso lo cuminsa caduca na final di october. Esnan cu ainda no tin un dunado di trabou mester percura activamente pa haya uno y

“No warda te ultimo dia. Si bo permiso ta caduca, percura na tempo pa bo tin un dunado di trabou y por drenta den e trayecto regular,” Minister Dowers a enfatisa. Gobierno ta conecta buscadonan di trabou cu dunadonan di trabou

Minister Dowers a indica cu actualmente tin un base di dato cu personanan cu ta buscando empleo. Ora un dunado di trabou presenta necesidad di personal den un determinado area, Gobierno ta haciendo esfuerso pa conecta e empresa cu candidatonan cu ya ta disponibel na Aruba. E enfoke aki ta forma parti di e esfuerso pa ordena y formalisa mercado laboral, mientras cu ta brinda oportunidad na personanan cu ta dispuesto pa traha y cumpli cu e condicionnan legal. Minister a aclara cu tur persona tin derecho di solicita un permiso.

Sinembargo, otorgamento di un permiso di trabou ta evalua conforme cu e reglanan vigente y necesidad real di mercado laboral. Evita cay bek den ilegalidad Dowers a enfatisa cu e intencion di Hunto pa Progreso nunca tabata pa crea un permiso permanente, sino pa brinda un caminda temporal pa regularisacion. Si un participante no logra completa e trayecto regular prome cu su permiso caduca, recomendacion ta pa bandona Aruba boluntariamente y evita cu su estadia bira ilegal. Esaki no ta un castigo. Un persona cu sali na tempo por, si den futuro e haya un dunado di trabou y cumpli cu e condicionnan vigente, solicita un permiso nobo pa bolbe Aruba via e proceso regular. Minister Dowers a adverti, sinembargo, cu e situacion ta diferente ora un persona conscientemente keda na Aruba sin estadia legal. Si e persona posteriormente wordo deteni y deporta, esaki por trese consecuencia adicional, incluyendo un prohibicion pa drenta Aruba durante un periodo determina. Responsabilidad tambe pa

dunadonan di trabou Gobierno ta intensifica tambe atencion riba dunadonan di trabou cu emplea persona sin permiso valido. Minister Dowers a indica cu empleadornan cu conscientemente ta facilita trabou na persona cu no tin derecho legal pa traha por enfrenta multa severo. Dependiendo di e circunstancianan, Gobierno por evalua tambe si un caso mester wordo presenta na Ministerio Publico. Segun e mandatario, formalisa mercado laboral ta un responsabilidad comparti. No solamente e empleado, sino tambe e dunado di trabou tin obligacion pa verifica cu e persona cu e ta emplea tin e documentacion necesario. DIMAS ta sigui mehora tempo di procesamento

Minister Dowers a informa tambe cu DIMAS ta registra progreso den tempo di procesamento di permiso. Actualmente tin peticionnan nobo cu ta wordo procesa den aproximadamente tres pa cuatro siman, dependiendo di e tipo di peticion y si documentacion ta completo. Na mes momento, tin caso di prolongacion cu, ora tur documento ta na ordo, a logra wordo procesa den un periodo considerablemente mas corto. Segun Dowers, esaki ta resultado di e esfuerso continuo pa aumenta eficiencia y mehora servicio na ciudadano. Gobierno ta sigui traha pa crea un sistema migratorio y laboral cu ta brinda oportunidad, pero cu na mes momento ta exigi cumplimento cu e reglanan.

P 13

DIAMARS 18 DI AUGUSTUS 2026

Pa di 12 aña consecutivo 131 a organisa 131 Den bo Bario den diferente bario na Aruba Durante 131 Den bo Bario e personal di 131 ta hiba informacion tocante e servicionan di 131 pa e mayornan. E motibonan pakiko e mucha/ hoben por tuma contacto, orario, dianan cu por tuma contacto y cu e servicio ta anonimo y gratis, ta informacion cu durante 131 Den bo Bario ta ser duna na e mayornan. 131 ta un aliado di e mayornan den educacion di nan yiunan. Banda di duna informacion tocante e servicionan di 131, e personal di 131 ta tene un combersacion cu e mayornan tocante diferente desaroyo bao di nos muchanan y hobenan, y retonan cu mayornan ta encontrando pa cu educacion di nan yiunan. Na e adresnan cu encontra

mayronan ta hiba un combersacion tocante e servicionan di 131. Tambe ta laga un pamfleta cu informacion tocante e serviconan di 131 na tur adres. E aña aki e personal di 131 a bishita 10 bario den diferente districto. E barionan cu a bishita ta Semelerstraat y vencindario, Bushiri, Madiki, Madiki Kavel, Seroe Patrishi, Tarabana, Cura Cabai Zuid, Village y De Vuyst. Durante 131 Den bo Bario a logra di bishita 1126 adres. E personal di 131 ta ser ricibi calurosamente den e barionan. E mayornan/ adultonan cu cual a logra hiba un combersacion a

expresa nan sosten na e servicionan di 131 y aprecio pa e sosten di 131 na nan. 131 ta sumamente contento pa e manera cu nos a ser ricibi den e barionan. E servicio na nos muchanan y hobenan por ser duna danki na sosten di Setar N.V, Aruba Airport Authority N.V., The Salamander Group, Web Aruba N.V, Aruba Hotel and Tourism Association y ASTEC N.V.. Pa mas informacion tocante di 131 Den bo Bario por tuma contacto cu 131 via nos website: 131.aw, facebook: https://www. facebook.com/aruba.131/, email: 131aruba@gmail. com of telefon 5886138/ 5884011.

P 14

DIAMARS 18 DI AUGUSTUS 2026

Indice di Percepcion di Negoshi a subi durante e segundo trimester di 2026 Banco Central di Aruba (BCA) a conclui e encuesta di percepcion di negoshi pa e segundo

trimester di 2026. E encuesta di percepcion di negoshi ta evalua e percepcion economico di

e negoshinan local. E asina yama ‘Business Perception Index, cu ta

consisti di e indicenan di condicion economico a corto plaso y condicion economico actual, a subi

cu 3,2 punto di indice te na 107,5 den e segundo trimester di 2026 (mira Grafico 1) .

P 15

DIAMARS 18 DI AUGUSTUS 2026

FORTALEZA PA FAMIA. Scirbi pa Pastor Marcel Balootje.

RESPETA Y BALORA INFANCIA DI NOS MUCHANAN Laga e palabra aki wordo memorisa pa cada un di nos cu ta hende grandi, cu ta yama pa ta hende responsabel door di Dios, pasobra ta boluntad di Dios pa tur mayor ta responsbel. Salmo 127:3 ta para scirbi: Mira, yuinan ta un herencia di Senjor, e fruta di barica ta un recompensa. Mateo 18:5-6-7 ta un advertencia hopi cla cu ta bini directamente for di boca

di Hesus bisando: Y ken cu ricibi un mucha asina den Mi nomber, ta Ami e ta ricibi, ma ken cu haci un di e chikitonan aki, cu ta kere den Mi trompica,ta miho pe cu un piedra di molina pisa, wordo cologa na su garganta, y cu e wordo hoga den profundidad di laman. Ay di e mundo pa motibo di tentacionnan. Pasobra ta inevitabel cu tentacion lo bini,ma ay di hende ey pa

ALEGRIA Nos alegria por ta amargura pa bo Nos alegria abo no por sinti y comprende Si nunca bo a invita Jesus den bo bida Sinya di Su amor fiel con pa stima E ta tur cos bon den tur Bo strea den anochinan scur, Dun'E un chens bo conose bo mes mihor E ta amor di tur amor No ta algo religioso E ta e prueba palpable di mi alegria y mi goso !

Ruthy Lady Ruth

medio di ken e tentacion lo bini. Hopi ta papia tocante proteccion di mucha, pero nan no kier cohe e toro na su cacho, nos muchanan ta den peliger constantemente, door di mentenan maligno, perverso, cu no ta worry cu futuro di e mucha keda traumatisa. Ta di berdad cu maldad a aumenta, pero awor e abuso di mucha a bisti bachi y dashi, y ta meti tur caminda, e malbado ta structura, e ta scondi, wardando su momento pa haci danjo. Pero nos tambe como mayor mester duna nos parti, den e educacion di nos yuinan, pa asina haci e trabao di e diabel dificil, door di sinja nos yuinan e palabra di Dios, hunto cu orden, respet, disiplina y especialmente sinja nos muchanan balora nan mes. Laga nos no haci mucha grandi prome cu su tempo,

Oracion Di Dia

pasobra ta eyden e peliger ta sinta , ora abo como mayor haci e mucha grandi prome cu su tempo, bo ta forsa su curpa na crece na un nivel cu su mente no ta prepara pe. No ta cumbini ningun mayor pa pinta hunja y lipstick boca di un mucha cu ta den su infancia ainda, tur cos tin su tempo.Tampoco ta cumbini ningun mayor laga un mucha cuminsa bisti panja cu no ta pa su edad, pa asina e cuminsa mustra grandi, pasobra asina bo ta habri wowo grandi riba dje, y e tin cu responde na cosnan cu su mente no ta prepara pe. Fundamenta bo yiu , prome cu tur cos den e palabra di Dios, sinja bo yiu balora su mes, mustre e meta cu mester wordo logra den bida, mustre cu obedencia ta trece respet, y cu decencia ta habri tur porta. Bisti bo yiu decente, esaki ta conta pa mucha homber y mucha muher pa asina hende tin respet pe, aparta palabra

sushi for di su boca, pasobra si palabra sushi tabata haci hende rico, mundo lo no tabatin lugar pa pone miyoniario. Awendia no tin asunto mas di laga un mucha haci locual cu e kier, bay caminda cu e kier, cana cu hende mas grandi cune, y bisa cu ta mucha homber e ta, no ganja bo mes como mayor tur dos ta corre mesun peliger.Mescos cu tin hende malbado, perverso, sinberguensa, cu no tin curason ta wak mucha muher, asina tin tambe cu nan bista riba mucha homber, pasobra maldad no tin distincion. ( Juan 10:10). Ningun hende no por balora bo yiu mas cu bo mes cu ta mayor, corda cu e ta bo simia como tata, y fruta di bo barica como mama.Cristo Hesus ta abogado di tur mucha,E a bisa esey, pesey nos como mayor, mester obedece Su palabra tur momento. Sinceramente, Pastor Marcel Balootje.

Un feliz dia y cu Dios bendiciona boso ricamente

”P’esey obedece y sigui tur cos cu nan bisa, ma no haci manera nan ta haci si! Pasobra nan mes no ta haci loke nan ta bisa. Mateo 23,1 Rumannan e Palabra di Dios ta siña nos cu nos mester ta atento, hopi hende ta papia bunita pero nan bida ta mustra e contrario.Nos mester purba sigui e bida di Hesus. E no ta facil pero e recompensa ta Bida Eterno. Awo cu ta tempo di Cuaresma ban pidi Hesus laga nos cana hunto cu nE. Si nos conoce su Palabra ban bibe. Ban cana cu Hesus, ora nos trompeca pidi’E lanta nos bek. Bunita ta cay y lanta bek y reconoce cu nos a comete un eror y pidi pordon. Sea humilde. Oracion: Dushi Hesus nos kier ta humilde, cana den Bo pasonan. Guia nos y mustra nos cua ta e obra cu Bo kier nos haci den e Cuaresma aki. Laga nos papia y ta un ehempel di Bo den obra y nos bida diario. Amen.

P 16

DIAMARS 18 DI AUGUSTUS 2026

REVITALISACION DI BERNHARDSTRAAT TA UN ESFUERSO DI COMUNIDAD Maria ta cushina cada diasabra pa sostene e boluntarionan cu ta verf Bernhardstraat Pa varios siman caba, Prome Minister Mike Eman, hunto cu un grupo di boluntarionan, ta dedica nan diasabra mainta te cu merdia pa sigui cu e revitalisacion di Bernhardstraat na San Nicolas. Mientras algun ta verf y drecha casnan, otro hendenan den comunidad ta aporta na nan propio manera pa sostene e esfuerso. Un ehempel special ta Maria Garcia Hernandez, kende cada diasabra ta lanta tempran pa cushina pa tur e boluntarionan cu ta traha na Bernhardstraat. Maria a conta cu ora el a mira con e boluntarionan ta dedica nan tempo gratuitamente pa pone e bario mas bunita, el a sinti cu tambe el kier pone man na obra. Su manera di aporta ta door di prepara cuminda y bebida pa e grupo. “No ta posibel cu mi no sali duna un tiki cuminda, un juice, algo pa motiva nan mas,” Maria a bisa. Cada siman el ta prepara algo diferente. El a cushina entre otro sopi, aros moro y spaghetti, ademas di percura pa awa y bebida. Pa logra tin tur cos cla na tempo, Maria ta lanta seis

or di mainta pa cuminsa cushina. “Mi ta lanta seis or pa cushina, prepara tur cos pa ora nan ta bini,” el a conta, destacando cu el ta haci esaki cu hopi amor. E aporte di Maria ta mustra cu boluntarismo no ta solamente e trabou cu ta wordo haci cu verf of material. Tambe e persona cu ta cushina, trece awa, yuda cu material of brinda un man extra ta forma parti di e mesun esfuerso. Pa Maria, e importante ta cu comunidad mes participa y aprecia loke Aruba tin.

El a expresa su gratitud pa e boluntarionan cu ta haci e trabou di curason y cu ta contribui pa pone Aruba mas bunita. Asina, e revitalisacion di Bernhardstraat ta bira un esfuerso verdaderamente comunitario. Mientras e boluntarionan ta pone man na obra cas pa cas, Maria ta percura cu nan haya un plato di cuminda prepara cu amor. Su ehempel ta mustra cu cada aporte tin balor y cu ora comunidad traha hunto, cambio ta bira visibel.

SUDOKU