DIAMARS 8 MAART 2022

GANA!!! 500 florin

Lesa pag. 2 Diamars 8 Maart 2022

Solo di Pueblo

Aña 16 - edicion 624

E-mail: solodipueblo@gmail.

Prijs: Afl. 1.75

Fito Croes deteni dialuna mainta durante inval na su cas Caso Flamingo

Dia internacional di Hende muhe ta un dia pa nos refleha riba nos accionnan pa kita cualkier prehuicio

AHATA: Reforma fiscal real mester ensera menos gasto gubernamental

2

Diamars 8 Maart 2022

SINTONISA CANAL 22 AWENOCHI What’s On: e funcionalidad mas 8.30 E PROGRAMA PUEBLO TA PUNTRA CU INVITADO MINISTER nobo riba IPTV ENDY CROES

Pa un tempo caba SETAR a introduci e servicio di IPTV pa clientenan cu por ricibi esaki. E sistema di IPTV cu su mesh ta mehora e cobertura di Wi-Fi na cas y tambe ta cambia e experiencia di wak television, cu un user interface completamente nobo, moderno y interactivo.

SETAR ta trahando duro pa cambia tur su clientenan di Cable Digital pa IPTV y ta cambiando clientenan pa e sistema nobo di bario pa bario. Nos enfoke ta pa keda mehora e calidad di nos servicio di television y Internet y brinda e cliente locual e ta desea.

Pa e clientenan cu tin IPTV caba, SETAR ta anuncia un funcionalidad nobo riba e menu cu ta yama What’s On. Clientenan cu un pakete di IPTV Extended Basic of cu un pakete mas halto lo ricibi acceso na e beneficio nobo aki. Clientenan di IPTV ta conoci caba cu e beneficionan di VOD, START Over y Recordings.

Y awor What’s On ta bin acerca.

Cu What’s On e cliente tin acceso na un archivo amplio cu diferente programacionan cu ta pasa durante dia na television. Si bo a perde un programacion, bo por bay busc’e bek den e archivo aki y cuminsa wak e programacion for di comienso. What’s On ta mantene bo na altura di kico ta pasando riba e diferente canalnan durante dia of siman. E archivo ta categorisa den Deporte, Noticia, Musica, Cultura y mucho mas, cual ta haci’e mas facil pa e cliente nabega den e menu di contenido. Nos ta invita tur cliente cu tin e servicio di IPTV na cas pa ‘check it out’.

SETAR tin como meta pa cambia hopi mas cliente e aña aki pa IPTV p’asina tur cliente por experiencia e ultimo den tecnologia di television.

Minister di Enseñansa y Deporte sr. Endy Croes ta invitado awenochi den programa Pueblo ta Puntra.

Den un entrevista amplio y extenso cu sr. Ofo Escudero a toca varios tema importante riba e tereno di enseñansa,

deporte y mas. Aruba ta keda cordialmente invita pa sintonisa aweanochi, pa 8:30 PM na Canal 22.

Sintonisa e programa aki cu hopi bon informacion.

3

Diamars 8 Maart 2022

Mas dentencion di caso Flamingo

Fito Croes deteni dialuna mainta durante inval na su cas

E conocido comerciante Fito Croes, cu ta negosha den realestate, compra y benta di tereno y condominiums a wordo deteni dialuna mainta tempran na su cas na Noord. Tur indicacion ta mustra cu husticia ta druk bezig cu caso Flamingo, unda ta investiga si durante 2017 pa 2019, Ex Minister Otmar Oduber a otorga tereno comercial, na forma ilicito.

Ya caba Sra. Aysha Esser a keda deteni y awor ta Fito Croes.

Fito Croes ta ruman homber di Ex minister Tico Croes como tambe ex lider di AVP. Fito Croes tin hopi aña ta negosha den desaroyomento di edificio of proyectonan di cas. Na Eagle Beach recientemente el'a desaroya mas cu un proyecto.

E tin contactonan amplio na New York y na Venezuela unda e ta logra bende tur e apartamentonan tipo condominium.

Aparentemente e lo a haya tereno y awor ta bao investigacion si encaso el'a paga bao mesa pa logra yega na esaki.

Informacion cu SOLO DI PUEBLO a haya ta bisa cu tabatin dos inval.

Uno na cas di Fito Croes y otro na su oficina.

4

Diamars 8 Maart 2022

Caso di kiebro y ladronicia for di un auto na Linear Park

Diasabra madruga a drenta informe di un caso di kiebro y ladronicia for di un auto na Linear Park, meaora a dirigi un patruya na e sitio. Na yegada di e patruya a bin compronde cu aki ta trata di un caso unda cu desconocidonan a kibra drenta den e auto reboltea tur cos. No ta conosi kiko nan por a bay cun’e.

Na Jaburibari un pickup pasando cu 3 tipo nan a hibami te Andicuri mara’mi y golpeami mi a cana te Ayo Rock Formation, pero si boso djies por a ‘nami un lift pa Sero Lopes Diasabra mainta tempran a drenta informe e di un caso di maltrato, mesora a a dirigi un patruya na e sitio. Na yegada di e patruya a bin conpronde cu aki ta trata di un caso di maltrato unda cu suspuestamentw e victima lo a ser rapta pa 3 individuo na altura di Jaburibari y a bay cun’e te na Andicuri una nan lo a mare y golpie sin fin. Ta cu hopi trabao despues di varios ora ela logra los y a cana di Andicuri te na Ayo Rock Formation. Pero lo mas gracioso ta cu e supuesto victima no kier ni ambulans ni bay hospital pero simplemente un lift pa cas, pero polis conose bon bon y a bis’e si ta su cas e kier bay mihor e cuminsa cana bay pabao. Polis a scual e y a core cun’e for dibe sitio.

5

Diamars 8 Maart 2022

Parlamentario Shailiny Tromp-Lee (MEP):

Dia internacional di Hende muhe ta un dia pa nos refleha riba nos accionnan pa kita cualkier prehuicio Dia internacional di hende muhe ta un dia cu nos tur mester tuma pa refleha riba e hende muher, su aporte, su balor y tur loke un hende muhe ta ofrece.

Riba tur nivel, den famia, como educador, como profesional, como lider, enfin tur tur tereno y den diferente rol. E tema di e aña aki a enfoca riba un aspecto cu ta toca cada un di nos. Pa nos cuestiona profundamente, ki parcialidad (bias) of descriminacion cada un di nos por tin, hasta inconcientemente.

Un mundo unda igualidad ta reina, ta un mundo mas husto. Cu mas libertad, mas progreso, mas

dialogo y un mundo unda hunto ta progresa. Ta un hecho cu mundo a cambia y ta cambiando riba kico ta e posibilidadnan y e rol cu cada uno ta aporta y cu esaki no por ta limita na bo genero.

Pesey ta importante pa nos kibra cu "bias" scondi cu nos por tin ainda. Si ainda inconcientemente ta pensa cu no, esey un hende muhe no por haci, anto abo tin pa tuma accion y trece cambio pa esaki.

Awe, 8 di maart 2022, ta Dia Internacional di Hende Muhe. Ban celebra esaki cu un reflexion propio.

Mas ainda, compromete bo mes pa

tuma accion, no solamente pa detecta parcialidad of prehuicio pero pa elimina e pensamento descriminativo cu kisas bo a lanta cune y sin sa bo a bin ta biba aden. Nos tur tin di aporta pa mehora nos mundo pa nos tur por biba den e mundo di igualdad, progreso y libertad cu tanto nos ta desea.

Alabes riba e dia aki ta bon nos recorda e lucha incansabel cu a ser hiba pa e hende muhe por a adkeri derechonan laboral y social, pa asina nos por a alcansa un sociedad mas husto y cu igualdad den posibilidad. Un lucha caminda hasta hopi bida a keda perdi. Durante añanan a bin ta lucha pa e hende muhe por ehempel por a haya derecho di voto y derecho riba salario y condicionnan laboral igual. Aspectonan cu awentempo mas ta haya atencion ta e parti di violencia contra y abuso di e hende muhe. Esaki sigur ta necesario y como pais nos mester sigui atende pa por elimina e situacion indesea y castigabel aki.

Pero ami sigur ta uza e dia aki pa reconoce otro hende muhenan den mi bida. Hende muhenan cu di un manera of otro ta inspira mi, ta motiva mi y cu diairiamente ta forma parti di mi desaroyo y progreso. Mas y mas nos mester sostene otro hende muhenan den ki posicion of rol cu nan ta. Asina nos ta bay sigui logra mas igualdad di genero aki na Aruba. Feliz Dia di Hende Muhe Aruba. Laga nos tuma tempo pa bishita e diferente actividadnan cu tin riba e dia aki.

6

Diamars 8 Maart 2022

Entrante awe 7 di maart 2022

Segundo ‘Boostershot’ disponibel pa e grupo di risico di 70+ 2022. E virus di COVID lo sigui tey presente meimei di nos pa hopi tempo mas, pa cual motibo esnan na risico mester sigui proteha nan mes contra dje. Pa e motibo aki cu entrante awe dialuna dia 7 di maart lo ta posibel pa e grupo di risiconan 70+ y tambe pa es cu downsyndroom cu tin edad mas cu 18 aña por pasa busca nan di 2 boostershot di Pfizer na edificio di Departamento di Salud Publico. Pa mayoria di e grupo menciona aki riba, esaki lo ta e di 4 vacuna. Pa e persona riba 70 aña y tambe es cu downsyndroom por pasa busca nan di 2 booster ta nesesario pa e persona a ricibi su prome booster minimo 3 luna anterior of mester a cura di un infeccion cu COVID 3 luna pasa.

Tambe entrante awe 7 di maart e di tercer dosis lo ta disponibel pa hobennan entre edad di 12 cu 17 aña. Esaki despues cu e agencia di medicina Europeo (EMA) recientemente a aproba e di tercer dosis di e vacuna di BioNTecch/Pfizer pa hobennan.

E agencia Europeo di medicina ta di opinion cu e vacuna di Pfizer ta suficientemente sigur y tambe efectivo pa wordo duna na muchanan entre 12 cu 17 aña como “Boostershot”.

Pa ricibi e boostershot e hoben mester a ricibi su di dos vacuna minimo 3 luna anterior of mester a cura di un infeccion cu COVID 3 luna pasa.

Localidad pa vacuna ta na edificio di Departamento di Salud Publico situa na

Caya Ing. Roland Lacle # 4 for di 8or di mainta te cu 4:00 di atardi ‘NON STOP’di dialuna pa diabierna, den weekend DVG ta cera of tambe por vacuna na e Unidad Mobiel di Bureau

Rampen Bestrijding cu su schadule por ser encontra riba facebook di Directie Vol k s ge z ond he id DVG Aruba y tambe Facebook page di Bureau R ampenbestr ijding

Aruba.

Pa mas informacion like nos Facebook page Directie Volksgezondheid DVG Aruba, subi nos website www.dvg.aw of yama nos na 5224200

Minister Maduro ta na Hulanda pa atende cu e Vierlandenoverleg (4LO) riba Cultura Na 2019 e Ministernan di Cultura di e paisnan den Reino a explora e posibilidad pa intensifica e cooperacion cultural entre e 4 paisnan den Reino. Den cuadro di esaki e paisnan a palabra pa bay traha hunto riba 4 tereno di cultura: 1. Crea un fondo pa stimula y aporta na proyectonan di investigacion y documentacion riba e tema di cultura y historia di e parti Caribense di Reino. 2. Traha un plan di Educacion di Cultura riba tereno formal y informal den Reino. 3.

Implementa e Convenio pa Salvaguardia

Herencia Cultural Intangibel y 4. Prepara e peticion pa por ratifica e Convenio pa Salvaguardia Herencia Cultural Sub-Aquatico.

Aruba ta 'trekker' pa e trabounan pa Fondo di Cultura y Educacion di Cultura.

E pandemia a pone cu e Ministernan no por a reuni mas den persona durante 2020 y 2021, y pesey awor cu tur Pais den Reino a flexibilisa, Hulanda a tuma e iniciativa pa organisa e consulta riba nivel ministerial pa e mandatarionan por

bolbe topa den persona cu otro pa concretisa e trabounan necesario.

Banda di e compromiso di 4LO, Minister Maduro

ta reuni cu persona y instancia pa e trabounan riba e tereno di finansa.

7

Diamars 8 Maart 2022

MINISTER ENDY CROES A REUNI CU PARLAMENTO HUBENIL ARUBA

Varios tema cu ta di importancia pa nos hobennan a wordo trata : Recientemente Minister Endy Croes y colega Minister Rocco Tjon den un encuentro ameno a cera conoci y reuni cu directiva y miembronan di Parlamento Hubenil Aruba.

Nos a hiba combersacion interesante unda a scucha e preocupacionnan y a trata diferente topico cu ta regarda hobennan di Aruba.

Durante e reunion a intercambia y presenta ideanan, plannan, sugerencia y posibel solucion riba temanan importante manera salud mental, sistema di enseñansa y ayudo social pa muchanan y hobennan.

Minister Endy Croes a sigui bisa cu nos a compromete cu tur luna lo reuni cu Parlamento Hubenil pa scuchanan y pa papia di temanan di interes y Gobierno di Aruba lo actua riba e temanan aki. E proximo reunion lo tuma luga den luna di april.

AHATA: Reforma fiscal real mester ensera menos gasto gubernamental Aruba – 7 Maart, 2022: Aruba Hotel & Tourism Association a participa den reunion di departamanto di impuesto cu stakeholders pa ricibi informacion relaciona cu e plan di gobierno pa reforma fiscal segun landspakket di Aruba. Despues di analisa e informacion presenta na gremionan, AHATA ta expresa un reaccion preliminario riba e proposicion ricibi.

E reforma fiscal manera presenta lo haci Aruba hopi mas caro pa bishitante y residente, segun Presidente y CEO di AHATA Tisa LaSorte. Factornan di compensacion no ta iguala y balansa e cantidad di impuesto agrega.

En bes di un reforma real cu

lo crece entrada pa gobierno pa medio di un sistema mas indirecto y simpel cual ta causa cu mas hende y compania lo cumpli, e reforma presenta ta agrega un cantidad di impuesto y gasto pa esnan cu ya ta cumpliendo cu impuesto.

Mas alarmante ainda ta cu no a presenta ningun informacion tocante rebaho di gasto di e aparato gubernamental.

Den landspakket no ta solamente exigi pa reforma e impuestonan, pero ta exigi tambe pa gobierno baha gasto di un forma structural. E dos proyectonan mester bai man den man. Kiermen, mester baha e peso financiero di aparato gubernamental riba comunidad prome cu por determina e cantidad di entrada cu e reforma

fiscal mester genera.

Ademas di señala cu e proposicion di reforma presenta na nos ta aumenta e peso financiero riba comunidad y bishitante, ta bisto cu tempo ta demasiado cortico pa implementacion di un cambio grandi asina.

Analisando e informacion presenta, AHATA ta nota varios punto cu no ta di acuerdo cun’e. Lo keda en espera di e siguiente reunion pa repasa gobierno su plan pa corta gasto y nos preocupacion y recomendacionnan.

AHATA ta spera cu gobierno lo integra comentario y sugerencia di gremio manera priminti.

8

Diamars 8 Maart 2022

Aruba Bank a yuda engrandece nos cultura Festival un Canto pa Aruba, su Himno y Bandera Existoso

7 di maart 2022: Durante fin di siman a tuma lugar e Festival un Canto pa Aruba, su Himno y Bandera Infantil, Hubenil y Adulto riba Plaza Betico Croes.

E festival aki su meta ta pa promove nos cultura y engrandece e conocemento cultural bou di nos muchanan, hobenan y adulto abase di demonstra nan talento pa nos patria.

Un fin di siman exitoso cu a conta cu un participacion grandi di nos talentonan local y ademas un bon sortido di pasa boca y arte tipico di Aruba.

Aruba Bank ta felicita organisadornan y tur participante y e ganadornan cu a forma parti di e Festival.

9

Diamars 8 Maart 2022

Minister Dangui Oduber

ARUBA TAWATA TIN OTRO WEEKEND EXITOSO PA CU RECUPERACION DI NOS TURISMO

Aruba ta mira otro weekend grandi tras di lomba unda cifra ta mustra cu mas di 9000 turista a jega nos dushi isla. Riba diasabra a yega un total di 5757 turista via nos aeropuerto di cual

5144 tabata procedente di Estados Unidos.

Diadomingo tambe a mira un subida di yegada di turista unda a drenta Aruba 3619 di cual 3000 procedente di Estados Unidos. Estados Unidos

ta keda Aruba su mercado di mas importante, pesey semper ta keda monitoria e ruta nan aki di serca.

asina recupera e economia y crea oportunidadnan cu pais Aruba tin mester di dje.

Gobierno a tuma e decision cu Aruba ta bolbe bek na normalidad y asina elimina tur restriccion cu tawata existi. Cu esaki kier focus pa Aruba su recuperacion di turismo pa

Minister di Turismo y Salud Publico Sr. Dangui Oduber ta satisfecho di mira un weekend caminda hopi turista a yega nos isla. Un weekend cu hopi trabou pa nos taxista, tour

operators, restaurantnan y tiendanan.

Aruba ta recuperando y progresando, y tin tur confianza cu e aña 2022 ta e aña cu Aruba lo recupera turismo bek na e nivelnan di aña 2019.

Turismo ta keda e driver principal di nos economia.

10

Diamars 8 Maart 2022

For di Maart 8 te cu Maart 11, e Unidad Mobil di Vacunacion BRA lo ta staciona na e parkinglot di CENTRO DI BARRIO DAKOTA Na e Unidad Mobil aki, nos ciudadanonan -cuminsando for di 12 aña- por ricibi nan prome of di dos dosis, y ciudadanonan -cuminsando for di 18 aña- nan prome, di dos of e boostershot.

E vacuna disponibel riba e Unidad Mobil di BRA ta unicamente Pfizer.

Orario di atencion lo ta for di 8'or di mainta te cu 12'or di merdia y for di 1'or di atardi te cu 4'or di atardi.

Bringamento cu hende herida na Jan Steenstraat

Diasabra atardi a drenta informe di un caso di bringamento cu hende herida na Jan Steenstraat, mesora a dirigi tanto polis como ambulans na e sitio.

Na yegada di e patruya a bin compronde cu 2 persona a presenta riba nan mesun bisiña y a agredie. A consecuencia di e agresion e victima a resulta herida cu un kap na cabes, na yegada di e ambulans nan a atende e victima y a transporte pa hospital. E agresornan mes manera tabata di spera a bandona e sitio, polis ta en busca di nan pa e asina yama “openlijk geweldpleging” esta bringa cu mas persona riba caminda publico y pa maltrato.

11

Diamars 8 Maart 2022

Minister Dangui Oduber

Hopi turista bishitando e Visitor Information Center na San Nicolas

E recuperacion di Aruba su turismo ta den ful swing y San Nicolas tambe ta hayando su fair share segun cifranan di e Visitor Information Center (VIC) na San Nicolas, asina Minister di Turismo Sr. Dangui Oduber a trece dilanti.

Despues cu e VIC a keda renoba y activa conforme e maneho di turismo, por a mira hopi movecion di turistanan cu ta bishita e oficina di turismo pa obtene informacion di kiko tur San Nicolas tin di ofrece.

Cada luna e cantidad di bishitante ta keda crece y bira mas hopi y esaki ta demostra con importante e oficina aki ta pa Turismo na San Nicolas. Den luna di

januari cu tabata un luna slow debi na e situacion di omicron a ricibi mas o menos 350 bishitante.

Den luna di februari por a mira cu bishitante nan a aumenta y surpasa 600 bishitante. E espectativa pa luna di maart ta mustra cu e cantidad di bishitante lo sigui aumenta aun mas.

E oficina ta fungi como e curason y centro di informacion pa turista na San Nicolas unda nos bishitantenan por difruta di “walking tours” y tambe por siña mas di nos dushi isla riba e television nan interactivo.

Minister Oduber ta kere firmemente cu si bo añadi e instrumentonan corecto, un resultado

existoso so ta di spera.

Esaki ta e caso cu e VIC unda cu asta riba websitenan renombra turistanan ta laganan bon comentario di nan experiencia na San Nicolas. Danki na e vision di Minister Dangui Oduber pa cu

e proyecto aki awe por wak mas movecion den San Nicolas.

E mandatario lo sigi monitor e oficina aki di serca pa asina por sigui innova y asina por sigui contribui postivamente na economia di pariba

di brug. Turismo ta nos forsa y e driver principal di nos economia.

Minister Dangui Oduber ta convenci cu e aña aki aun mas turista lo bishita e oficina y esaki ta contribui na e desaroyo economico na San Nicolas.

Accidente cu hende herida na Weg Fontein, mesora a dirigi tanto polis Como ambulans na e sitio Na yegada di e patruya a bin compornde cu aki ta trata di un accidente entre un auto y un scooter pero ni e motociclista ni e scooter ta na e sitio. Por a compronde cu algun persona a bay cu e motociclista den auto direccion Imsan mientras otro mirones a mira e otronan bay cu e scooter.

12

Diamars 8 Maart 2022

Partido MEP: Riba dia internacional di hende muhe partido MEP

TA GRADICI PROME MINSITER PA TUR LOGRO DEN SU GOBERNACION 8 di maart ta Dia Internacional di Hende Muhe. Aruba a conoce un desaroyo grandi di hende muhe den posicionnan prominente den e ultimo añanan. Den Partido MEP tin diferente hende muhe ocupando posicionnan clave den Partido, Parlamento y den Gobierno. Nos tin diferente hende muhe den Directiva. Y tambe nos Partido tin 3 Parlamentario femenino.

Nos Partido tin Minister di Finansa y Cultura femenino. Y desde 17 di november 2017, Partido MEP a marca historia di nos pais momento cu Lider di MEP, señora Evelyn Wever-Croes a bira e prome Prome Minister femenino di nos pais. Y na 2021, atrobe e ta marca historia como e prome ‘votegether’ femenino den historia politico di nos pais.

Nos Lider di Partido, un ser femenino balente y luchado pa e bienestar di nos pueblo, a goberna nos

pais marca pa crisis tras di crisis. Un hende muhe para firme den su sapato y determina pa vence tur reto cu nos pais a wordo confronta cu ne.

Prome cu 13 di maart 2020, Lider di MEP y Gabinete Wever-Croes a logra trece nos finansas publico riba e rumbo di stabilidad despues di 2 aña di gobernacion despues di a haya un situacion financiero bastante dificil causa door di e gobierno di AVP. Bou liderazgo di señora Evelyn Wever-Croes, Gabinete Wever-Croes a atende cu e retonan social y financiero cu tur prioridad poniendo e ser humano central.

Despues cu Covid-19 a dal nos pais, como Lider di nos pais, señora Evelyn Wever-Croes, hunto cu su gabinete, a lora manga y cuminsa traha ainda mas duro pa saca Aruba for di e crisis aki tambe.

Awe nos ta wak fruto di su maneho durante Covid.

Un maneho responsabel

cu a pone Aruba como ehempel pa varios pais den region y pa paisnan den Reino. Sin miedo el a enfrenta situacionnan hopi dificil tumando desicionnan firme y duro pero si necesario pa sobrevivi e crisis di mas grandi cu Aruba a pasa aden.

Nos Lider, e prome Minister President di Aruba, e prome ‘votegether’ femenino di Aruba, ta sigui traha.

Ta sigui lucha pa nos pueblo recupera di e

crisis di Covid. Poco poco, Aruba ta saliendo for di e crisis. Y nos lo bay bek na e normalidad nobo y recupera. Esaki bou liderazgo di un ser femenino cu tin su curason na e luga corecto pa lucha pa e pueblo aki.

mas resiliente.

Riba Dia Internacional di Hende Muhe, Partido MEP ta gradici Prome Minister Evelyn WeverCroes, pa cada logro, pa su lucha pa Aruba recupera di e crisis aki y pa guia nos pueblo pa un Aruba cu un economia mas fuerte y

Partido MEP ta felicita tur hende muhe na Aruba riba un dia especial aki na unda cu e ser femenico ta wordo honra pa tur loke nan ta contribui na dje pa e desaroyo di nan famia, sociedad, pais y mundo henter.

Tambe Partido MEP ta gradici tur hende muhe di Partido cu di un of otro forma ta trahando pa Partido y ta duna di nan tempo pa engrandece nos Partido.

Presencia di polis pidi na E Boco prome cu cos a bay for di man y homber dal e muher un cant’i man Dialuna madruga a surgi un problema pafor di E Boco na Bubali unda cos lo por a bay for di man y homber lo a dal e muher un canto di man.

Polis a yega na ora y a splica tur esnan eynan con e situacion ta si algo bay robez.

Afortunadamente e asunto a keda resolvi y tur hende a bay cas

13

Diamars 8 Maart 2022

Minister Rocco Tjon:

DEN E BATAYA CONTRA TRAFICACION DI HENDE Y ABUSO SEXUAL; A FIRMA MOU CU ORGANISACION “OPERATION UNDERGROUND RAILROAD” Diahuebs mainta den un bon esfera a firma un acuerdo di colaboracion entre Gobierno di Aruba y e organisacion “Operation Underground Railroad”. E organisacion aki ta basa na Merca, y tin como meta pa combati e fenomeno di traficacion di hende como tambe abuso sexual den e sentido mas amplio di e palabra. “Operation Underground Railroad” ta opera na diferente parti di mundo entre otro, paisnan situa na Europa, Africa y Sur-America.

Durante un reunion entre Minister di Husticia y Asuntonan Social Sr. Rocco Tjon, Minister President Sra. Evelyn Wever-Croes y “Operation Underground Railroad” a logra intercambia ideanan y a tene combersacionnan interesante.

E organisacion “Operation Underground Railroad” ta traha hunto cu e departamentonan di Husticia den cuadro di combatimento di traficacion di hende y abuso sexual.

Actualmente, e organisacion ta opera y tin un colaboracion cu 48 estadonan di Merca y 28 pais mundialmente.

E ekipo cu ta opera “Operation Underground Railroad” ta profesionalnan cu tin experencia den e tereno di Husticia, Militar y Inteligencia. E obhetivo principal di “Operation Underground Railroad” ta pa establece un colaboracion extenso y a largo plaso cu gobiernonan pa asina yuda combati tur tipo di traficacion di hende y abuso sexual.

Por ultimo, e Mandatario a expresa di ta sumamente contento cu a base di e reunionan aki, a logra firma un acuerdo (MOU) cu e organisacion aki, caminda a concretisa e colaboracion. E acuerdo aki no solamente ta ensera intercambio di ideanan y strategia, pero tambe lo colabora

den e parti di training riba e dos fenomenonan aki. Esaki ta un

otro paso importante pa Gabinete Wever-CroesII den e lucha di

combatimento di traficacion di hende y abuso sexual.

14

Diamars 8 Maart 2022

Minister van Economische Zaken in overleg met de private sector over de economische hervormingen

In het kader van de economische hervormingen voor het verbeteren van het ondernemings- en investeringsklimaat in Aruba, heeft Minister Geoffrey Wever, afgelopen week een informatieve meeting georganiseerd waarin hij de bestuursleden van Aruba Trade and Industry Association (ATIA), Kamer van Koophandel en Nijverheid Aruba (KvK), Aruba Hotel and Tourism Association (AHATA), Comerciantenan Uni Aruba (CUA) en San Nicolas Business Association (SNBA) heeft uitgenodigd voor een presentatie van de vier projecten: 1.

Versnellen en verbeteren vergunningenbesluiten; 2.

Een coherent verg unningenstelsel achter één loket; 3.

Implementatie Aruba Fair Trade Authority; en 4. Efficiënt een bankrekening openen.

De directeur van het

Economisch Bureau Amsterdam (EBA), dhr. Koert van Buiren, heeft de resultaten van hun onderzoek en de aanbevolen vier prioritaire projecten gepresenteerd.

De informatieve meeting heeft in Nicolaas Store plaatsgevonden.

Minister Geoffrey Wever: “De overheid heeft aangegeven meer commerciële aandacht te gaan geven aan San Nicolaas. Hierdoor is voor het presenteren van de projecten voor verbeteren van het ondernemingsen investeringsklimaat in Aruba, symbolisch, de o nd e r ne m i n g s w e r e ld naar San Nicolaas uitgenodigd”.

De bestuursleden waren positief over de vier projecten. Vooral de projecten over de vergunningenbesluiten, fatale termijnen voor vergunningenbesluiten en één virtueel digitaal

loket voor ondernemers (project 1 en 2), hebben het bijzonder de aandacht van de bestuursleden.

Omdat in het verleden veel plannen niet zijn geïmplementeerd, heerst er een zorg hiervoor bij de bestuursleden. Minister Geoffrey Wever geeft aan dat de implementatie van de projecten een

“governance structure” heeft die juist zorgt voor aansturing en bewaking van de implementatie.

Minister Geoffrey Wever: “Vandaag is duidelijk gebleken dat er draagvlak is vanuit de commerciële sector voor deze projecten”.

“Door uit te leggen hoe de “governance

structure” ter aansturing en bewaking van de implementatie eruit ziet en door te informeren dat de implementatie als begonnen is, geeft dit hopelijk het gevoel van vertrouwen aan de commerciële wereld dat dit keer de implementatie wel van de grond zal komen.

15

Diamars 8 Maart 2022

Prome Minister Evelyn Wever - Croes:

MI TA CONVENCI CU E PAPEL DI HENDE MUHE, AINDA POR WORDO DESAROYO MAS DEN HENTER NOS COMUNIDAD

Diadomingo a tuma luga un “Expo - Feria” na Centro di Bario Dakota den conexion cu Dia Internacional di Hende Muhe cu ta e siman aki 8 di maart.

Prome Minister Evelyn Wever - Croes a hiba palabra expresando gran felicidad na e ocasion pa mira comunidad bini hunto y sostene otro. Ademas a enfatisa riba e importancia pa pone atencion riba Dia Internacional di Hende Muhe y reconoce con leu e ser femenino a yega, kico tur e tin acceso di dje y tur locual e por logra.

“Mester reconoce cu hende muhe a logra hopi, falta ainda pero nos a logra hopi cual nos por ta orguyoso di dje. Loke cu nos a logra ta danki na nos propio esfuerso, pero si no ta pa e sosten cu nos a haya, por ehempel di nos mama y/of abuela, nos lo no ta para akinan.”

Realidad ta cu si nan no a kere cu hende muhe por haci tur locual cu nos por haci, awe nos no ta akinan. No ta hopi tempo pasa, cu no ta tur mucha muhe tabata haya oportunidad di por ehempel bay scol of bay traha, pero aworaki e ta normal.

“E pandemia a dal nos duro, y pesey den e dianan aki e ta bunita pa mira con nos ta haya espacio atrobe, nos por sali atrobe, no mester bisti tapaboca tur caminda y hasta nos por brasa otro atrobe.” Realidad ta, cu e pandemia a afecta e gruponan mas vulnerabel den comunidad hopi mas. Ta papiando di hende muhe, muchanan, nos grandinan y esnan cu no ta documenta na nos pais. Awor ta keda na cada ciudadano pa duna di su parti pa yuda e gruponan aki, Prome Minister a expresa.

Prome Minister a sigui bisa cu si no pone atencion aworaki na con hende muhenan a

sufri den pandemia, nos por perde hopi di locual cu nos mayornan y abuelanan a logra. “Ami no ta dispuesto pa acepta esey y mi ta convenci cu e papel di hende muhe, ainda por wordo desaroyo mas den henter nos comunidad.”

Terminando Prome Minister a expresa di ta orguyoso di ta e prome Minister Presidente femenino di Aruba y su compromiso ta pa no ta e ultimo. Pa esaki ta necesario pa keda stimula nos muchanan hobennan y hende muhe adulto. Ta gradici cada un persona pa a forma parti di e dia y e actividad y tambe na e organisadonan pa bin cu algo asina grandi.

16

Diamars 8 Maart 2022

Prome Minister Evelyn Wever-Croes:

Durante conferencia virtual di COPPPAL:

PROME MINISTER EVELYN WEVER-CROES A ELABORA RIBA E AVANSENAN DI HENDE MUHE DEN E ULTIMO DECADANAN

“Mi ta e prome Minister President di pais Aruba pero mi no kier ta e ultimo” 8 di maart ta Dia Internacional di Hende Muhe. Pa e ocacion aki, COPPPAL a organisa un conferencia virtual cu diferente hende muhe prominente den nan pais.

Durante e conferencia virtual di COPPPAL, Prome Minister Evelyn Wever-Croes a elabora riba e avansenan di hende muhe durante e ultimo decada. Durante añanan 2006-2018, Latino America a conoce un desaroyo grandi den liderazgo di hende muhe como lidernan di diferente pais latino.

Na aña 2006 Michelle Bachelet a ser eligi como presidente di Chile y despues di esaki varios otro hende muhe a ocupa posicionnan clave den Latino America. Na Argentina, Cristina Fernandes de Kirchner a resulta vice presidente, Laura Chinchilla Miranda tabata presidente di Costa Rica, y Dilma V.Rousseff presidente di Brazil.

Bolivia, Ecuador, Nicaragua y Panama tambe tabata tin gobierno encabesa pa lidernan femenino prome cu e ‘boom’ aki.

Un experiencia unico pa Prome Minister recientemente tabata e oportunidad cu e tabata tin como lider femenino di pais Aruba di presencia e instalacion di Xiomara Castro como presidente di Honduras.

Pero no ta solamente den

region latino lidernan femenino ta creciendo sino tambe na Merca na unda na 2017 Kamala Harris a ser eligi vicepresidente di e pais.

Prome Minister a enfatisa cu e lucha di cada un di e ser femeninonan aki no tabata, no ta y lo no ta uno facil y pa yega na poder no tabata automatico sino un trabou duro y di hopi sacrificio. Sacrificionan di bida priva, familiar y di carera profesional combatiendo prehuicio y den cierto casonan hasta discriminacion di sexo.

Sinembargo cada un di nan a logra y e ta un sensacion di orguyo pa mira sernan femenino logra posicionnan clave den comunidad.

Na Aruba tambe e ser femenino ta exitoso y di prome cu e pandemia caba. Na aña 2018 e exito di e muhenan Arubano a ser studia y publica den The New York Times.

Durante e pandemia e actornan principal den e maneho pa cu e crisis di Covid tabata hende muhe. Asina mes ta solamente 25% di e cargonan den gobierno y 38% di e asientonan den Parlamento ta ocupa pa hende muhe.

Prome Minister a expresa cu un di su prioridadnan ta pa wak e porcentahe di hende muhe den posicionnan clave crece.

Segun Premier Wever-Croes un pais ta beneficia

hopi mas si cantidad di ser masculino y femenino den gobierno y parlamento ta den balans y pa na momento di tuma decisionnan clave.

Na final Prome Minister a dedica algun palabra di

inspiracion en conexion cu Dia Internacional di Hende Muhe; “Mi kier pidi tur e dama y cabayeronan pa no laga un banda e desaroyo di lidernan femenino. Ban ta mas activo y alerta den logra pa mas hende muhe asumi cargonan politico

y gubernamental. Mi ta e prome Minister President di pais Aruba, pero mi no kier ta e ultimo. Ban haci esaki no solamente pa nos laga un miho planeta pa nos yiunan sino miho yiunan pa e planeta”.

Diamars 8 Maart 2022

Pagina 17

TENE NA CUENTA E USO DI TAPA BOCAS

Polis a scual homber cu a busca problema bisando cu un grupo di dama a tira algo riba su cabez

Diasabra madruga a drenta informe di cu nan lo a dal un hende cu un botter na cabes na South Beach, mesora a dirigi un patruya na e sitio. Na yegada di e patruya a bin compronde cu locual e homber ta bisa no ta cuadra pero mas bien ta busca problema y molestia e grupo di dama.

Locual a sosode ta cu accidentalmente un bleki a ser manda y esaki lo a raka

un persona pero esaki no tabata nada intencional.

Polis a scual e homber pa a busca problema.

Diamars 8 Maart 2022

Pagina 18

Polis a bay pa un bringamento na Tortuga Loco

Diadomingo madruga a drenta informe di un caso di bringamento na Tortuga Loco, mesora a dirigi 3 patruya na e sitio. Na yegada a bin compronde cu aki ta trata di un pelea di muher unda un cliente a dal un waitress, como cu e

waitress victima a resulta herida polis a puntr’e si e ta entrega keho pa e bay hospital y busca un declaracion medico di e lesion ricibi. Polis a detene e cliente cu a agredi e waitress

Pagina 19

Diamars 8 Maart 2022

Minister Endy Croes: TA FELICITA ERICK LAURENCE CU A LOGRA DI CINCO LUGA DEN TOP 10 ‘OVERALL’ 10 KM NA MELBOURNE, FLORIDA ORANJESTAD: Siman pasa Minister Endy Croes a ricibi bishita di cortesia di e atleta sr. Erick Laurence ken den luna di februari ultimo a participa den cuatro careda na Merca.

Dos careda a tuma luga na e ‘Life Time Miami Marathon’ di cual sr. Laurence core 5km y e Half Marathon.

E otro dos caredanan a tuma luga na Orlando Florida esta e ‘Run4Love’ 6.4km como tambe sr.

Laurence a participa den e careda cu a tuma luga na Melbourne Florida di cual a logra di 5 luga den e top 10 ‘overall’ den 10km.

Den nomber di Gobierno di Aruba y Ministerio di Deporte Minister Endy Croes a haci entrega di un detaye na sr. Laurence como mustra di aprecio y gratitud pa e logro aki.

Masha pabien na sr. Laurence pa su participacion y laga Aruba su nomber resona den exterior.

Pagina 19

Diamars 8 Maart 2022

Minister Endy Croes: TA FELICITA ERICK LAURENCE CU A LOGRA DI CINCO LUGA DEN TOP 10 ‘OVERALL’ 10 KM NA MELBOURNE, FLORIDA ORANJESTAD: Siman pasa Minister Endy Croes a ricibi bishita di cortesia di e atleta sr. Erick Laurence ken den luna di februari ultimo a participa den cuatro careda na Merca.

Dos careda a tuma luga na e ‘Life Time Miami Marathon’ di cual sr. Laurence core 5km y e Half Marathon.

E otro dos caredanan a tuma luga na Orlando Florida esta e ‘Run4Love’ 6.4km como tambe sr.

Laurence a participa den e careda cu a tuma luga na Melbourne Florida di cual a logra di 5 luga den e top 10 ‘overall’ den 10km.

Den nomber di Gobierno di Aruba y Ministerio di Deporte Minister Endy Croes a haci entrega di un detaye na sr. Laurence como mustra di aprecio y gratitud pa e logro aki.

Masha pabien na sr. Laurence pa su participacion y laga Aruba su nomber resona den exterior.

Diamars 8 Maart 2022

Pagina 21

FOR SALE

Commemorative coins for collection 75 anniversay Aruba Bank Silver 75 anniversay CMB Bank Silver 50 anniversary Lago 1924-1974 copper Best offers

Cel 5972155

OPORTUNIDAD PA TRABAO Tin oportunidad pa trabao pa un kokki/cocinera y helper di cumindanan crioyo pa un Take Away.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

FOR SALE - FOR SALE - FOR SALE Pa informacion por wasap 746-3571

E HENDE MUHE E hende muhe cu caracter ta fuerte y balente.

E hende muhe independiente mayoria ta inteligente.

E hende muhe orguyoso cu por ta rebelde, pero generoso.

E hende muhe cu curason di oro cu amor complaciente y profundo.

E hende muhe amoroso cu ta un mama perseverante y exitoso.

E hende muhe un ser humano special, un persona pa semper den nos mente y curason.

Feliz dia Internacional di hende muhe 2022 Lady Ari

Ford Shuttle Bus 2006 ~ E450 diesel Prijs reduci: Afl. 15.000 Perfecto pa snack truck

739-0101

Diamars 8 Maart 2022

Pagina 22

PRONOSTICO DI TEMPO VALIDO TE DIAMARS 08 DI MAART 2022, 18:00 ORA. TEMPO: AWE ANOCHI: PARCIALMENTE NUBLA CU UN AWACERO PASAJERO DEN MARDUGA I MAYAN: PARCIALMENTE TE TEMPORALMENTE HOPI NUBLA CU UN AWACERO PASAJERO TE BREVE TEMPERATURA MAXIMO 31 GRADO CELSIUS TEMPERATURA MINIMO 26 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 32 PA 35 GRADO CELSIUS UV INDEX: 11 BAHADA DI SOLO : 6:50 PM SUBIDA DI SOLO : 6:51 AM BIENTO: MODERA FOR DI OOST; FORSA 3 TE 4 (12 TE 30 KM/ORA, 7 TE 16 NUDO).

DEN DIA BASTA FUERTE TE FUERTE DEN RAFAGA; FORSA 5 TE 6 (31 TE 50 KM/ORA, 17 TE 27 NUDO).

SITUACION GENERAL DI TEMPO PA PROXIMO 24 ORA: DEN PROXIMO 24 ORA TEMPORALMENTE HOPI NUBIA LO BAI PASA RIBA REGION LOCAL. PRINCIPALMENTE DEN ORANAN DI MARDUGA Y MAINTA DI DIAMARS POR SPERA UN AWACERO PASAJERO TE BREVE RIBA CIERTO PARTINAN DI E ISLA. CONDICIONAN MARITIMO/ ESTADO DI LAMA: NA PARTINAN PROTEJE DI COSTA: LEVE NA PARTINAN ZUID: TRANKIL TE MODERA NA PARTINAN OOST TE NOORDWEST DI COSTA: MODERA TE LOCALMENTE POCO BRUTO. OLANAN LO TA ENTRE 4 PA 7 PIA AVISO/ ALERTA: UN AVISO PA BOTO CHIKITO PA PARTINAN OOST TE NOORDWEST DI COSTA Y LAMA HABRI LO KEDA NA VIGOR TE CU DIARANSON MAINTA 6'OR. FENOMENONAN SPECIAL NINGUN POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 31 / MIN 26 / 0.0 MM WESTPUNT: MAX 31 / MIN 25 / 0.7 MM STA ROSA: MAX 31 / MIN 25 / 1.1 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI OOST- NOORDOOST Y MODERA; BASTA FUERTE TE FUERTE DEN RAFAGA; TEMPERATURA (GRADO CELSIUS) MAX / MIN LO TA: 31 / 26

Pagina 23

Diamars 8 Maart 2022

obituario

CHAPI, VERF, CORIENTE Ta hasi trabao di corriente verf

Publica serka nos anuncio di fayecimento di bo ser keri.

Nos tin 2 pakete pa ofrece Pakete 1: Anuncio di fayecimento te dia cu e defunto ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia Na Canal 22 1x prome cu Noticiero 22 Afl 400,00 Pa mas informashon por tuma contacto cu oficina na 585-9500 of na 741-4554 puntra pa Jamila Henriquez

TA HUUR den CENTRO COMERCIAL NOORD un localidad di 120M Bon situa, pa mas info yama:

592-3327

welder plumbing metsla carpinte drecha dak hasi cura limpi y kap mata

yama: 5608568

Diamars 8 Maart 2022

Pagina 24

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

911 100 102 104 105 107 11141

Ambulance San Nicolas Ambulance Sasaki Ambulance Wayaca

584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Servicio nan

Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Koningin Wilhelmina Fonds Fundacion pa nos mucha nan

582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Diasabra 6 November 2021

Polis a topa cu chauffeur drumi den auto riba caminda publico na Sabana Liber

Dialuna madruga polisnan bayendo pa un asistencia na Calbas a topa un auto para riba caminda publico y e chauffeur profundamente na soña. Polis a pasa trabao pa lant’e, ora nan a logra a ofrece un lift pa su cas pa su mesun seguridad y di otronan.

MUHE Den silencio di mainta tempran Un orashon ta bay shelo Un Muhe na rudia

Pagina 25

Desconocidonan a kibra glas di auto na Paradera

Diabierna anochi a drenta informe di un kiebro y ladronicia for di un auto na Paradera. Mesora a dirigi un patruya na e sitio.

Na yegada di e patruya a bin compronde

cu desconocidonan lo a kibra glas na banda drechi dilanti di un SUV blanco. Y nan lo a bai cu algun articulonan. Polis a tuma datos di e susedido aki y tin e caso bao investigacion.

Chauffeur di un Jeep a comete un infraccion

E mente ta prepara Pa otro dia enfrenta Cu bendicion pa su famia E batimento di curason Ta canta alabanza Acceptando cada reto y bendicion Cu lagrima na wowo E alma ta entrega Sigui sondea y transforma E muhe ta lanta firme Su cancion ta murmura Compania pa un dia nobo Bon Dios ta contesta Cu yobida di awasero Bida y e hende muhe den union celebra !

Ruthy”Lady Ruth”Vrieswijk-Bergen Maart 2022

Diadomingo madruga polisnan atento a tuma nota cu e chauffeur di un Jeep a comete un infraccion y a bay su tras y a par’e. Polis a atende pa su malcomporta-

cion den trafico. Esaki ta pa tur hende sa cu polisnan ta alerto te hasta den oranan laat di madruga.

Diamars 8 Maart 2022

Pagina 26

Lotto MERDIA MAART 7

Lotto ANOCHI MAART 5

Lotto MERDIA MAART 5

Pa abona na SOLO DI PUEBLO

Yama 585 9500

of manda nos un e-mail na solodipueblo@gmail.com

n e d e t a i d r a tu cas g e r t t’i En r o p bo

Pagina 27

Diamars 8 Maart 2022

Origen di dia Internacional di Hende Muhe Na 1911 “Dia internacional di Hende Muhe” a worde celebra pa prome biaha internacionalmente. Esaki a sosode na: Alemania, Austria, Dinamarca, Swisa y Merca. Hulanda a celebra e dia aki na 1912 pa prome biaha.

Como cu “Dia di Hende Muhe” tawata ser celebra riba diferente fecha den diferente pais, tawata te na aña 1922 cu un fecha fiho a ser escohi, esta 08 maart.

Ta existi diferente storia pa e scohencia di e fecha 08 maart.

Tin controversia si esaki tawata debi na acontecimentonan na Rusia of Merca.

Tin historia cu ta mustra cu e fecha 08 di maart ta debi na e welga di e obreronan di un fabrica di textiel na New York na aña 1857. Riba 08 maart 1908 tambe caminda un welga a tuma luga pa e obreronan cu a subi caya na Lower East Side di New York pa demonstra contra e.o. orarionan largo di trabao, salario abao y condicionnan malo di trabao.

Ta posibel cu e aclaracion pa e scohencia di e fecha 08 maart a origina den añanan 50. Den e periodo di “Guerra Frieu”, tawata dificil toch pa duna honor na un pais comunista?

Tambe por bay na e demostracion y e welga grandi di hende muhenan riba 08 maart 1917 na St. Petersburg.

En todo caso a keda dicidi na 1910 cu anualmente riba e fecha 08 maart lo organisa Dia Internacional di Hende Muhe.

E PROME CONFERENCIA INTERNACIONAL SOCIALISTA DI HENDE

MUHE (1907) Na e “Tweede Internationale” (= esaki ta un organisacion internacional di obreronan socialista cu tawata tin como meta solidaridad internacional) na 1889 na Paris tawata presente Clara Zetkin (1857-1933) cu tawata representante di e partido socialista aleman. Clara tawata manifesta constantemente cu socialismo no por a existi sin e hende muhe, cu hende homber y hende muhe mester lucha hunto pa e derechonan di hende muhe. Na Alemania mes, Clara tawata bringa pa derecho di hende muhe como parti di e lucha di clase social. Como cu Clara no tawata haya oido, e’la tuma e initiativa pa bin cu un movimento di hende muhe socialista.

Pa hopi aña Clara tawata redactora di e corant “Die Gleichheit” socialista aleman pa hende muhe. Clara tawata di pensamento cu internacionalmente tambe e hende muhe mester por influencia e partidonan socialista. Danki na dje cu na aña 1906 hopi hende muhe socialista for di diferente paisnan europeo a bini hunto na Mannheim pa prepara un encuentro internacional. Tur e hende muhenan socialista aki a dicidi hunto pa tene na aña 1907 na Stuttgart un conferencia Internacional di Hende Muhe.

Esaki a tuma luga un dia prome cu e encuentro di e “Tweede Internationale”.

Na e prome conferencia aki, un resolucion a worde accepta, esta pa entrega e dia siguiente un mocion na e conferencia di “Tweede Internationale”, caminda ta exigi di e partidonan envolvi pa lucha

pa derecho di voto di tanto hende homber como hende muhe. E mocion aki a worde accepta.

E DI DOS CONFERENCIA INTERNACIONAL SOCIALISTA DI HENDE MUHE (1910) Na 1910 a tuma luga na Kopenhagen e di dos conferencia di hende muhe.

Como cu den practica

tawata parce cu e partidonan socialista no tawata insisti pa e derecho di voto pa hende muhe, mester a busca un otro medio pa involucra mas hende muhe den e lucha aki.

Riba proposicion di Clara Zetkin a keda palabra cu cada aña lo tene un Dia Internacional di Hende Muhe, e.o. pa e derecho di voto general pa hende muhe.

Riba e dia aki lo haci propaganda y tene demostracion y reunionan. E secretariado internacional di hende muhe a keda di revela e dia cu a keda escohi - pasobra no tawata tin un fecha fiho ainda – y tambe (pa motibonan tactico) na e partidonan na mando. E gobierno lo jama e dia aki como “Dia di hende muhe”. Y asina a CONTINUA PAG, 28

Pagina 28

Diamars 8 Maart 2022

Origen di dia Internacional di Hende Muhe

CONTINUACION PAG, 27 sosode tambe.

TEMPO DI PROME GUERRA MUNDIAL Na 1911 e prome Dia International di Hende Muhe a worde celebra na diferente pais.

Na Hulanda esaki a sosode riba 12 di mei 1912 pa prome biaha.

E “Tweede Internationale” a cay den otro pa motibo di e prome Guerra mundial na 1914, pero e organisacion internacional di hende muhe a keda existi. Na 1915 a tuma luga na Swisa un conferencia di hende muhenan for di e paisnan participante den e Guerra cu e meta pa pone fin na e Guerra. Anualmente e Dia di hende muhe a keda existi. Nan Lucha tawata pa paz mundial particularmente.

Na 1916 Clara Zetkin, Rosa Luxemburg y Karl Liebnecht a lanta un bond revolucionario “Spartakus”.

Despues di e revolucion na Rusia na aña 1917 e bond aki a culmina den un partido comunista aleman.

Clara Zetkin a keda e guia di e secretariado internacional di hende muhe cu na aña 1919 a bay forma parti di e “Derde Communistische Internationale”.

UN FECHA FIHO PA DIA INTERNATIONAL PA HENDE MUHE Na 1921 e secretariado international di hende muhe a propone pa stipula un fecha fiho pa Dia International di Hende Muhe. E scohencia a cay pa e fecha 08 maart.

Riba 08 maart 1917 bou guia di Alexandra Kollontai e hende muhenan a lanta masalmente pa protesta contra scarsedad di cuminda y e horrornan di

e guerra. Nan welga y demostracionnan a culmina den un welga general di trabao. E desaroyo aki a bira banda di Dia International di Hende Muhe tambe un dia official di fiesta comunista, caminda ta recorda e welga general di trabao como e prome paso pa revolucion.

Na Hulanda na maart 1912, e prome Dia International di Hende Muhe a worde celebra. Esaki tawata organisa pa e clubnan di hende muhe social democrata. Nan revista “De Proletarische Vrouw” a sali cu un numero special festivo.

Despues di e revolucion Ruso, e band international, en particular e band entre Clara Zetkin y e hende muhenan social democrata a kibra.

E dia nacional di hende muhe toch a keda organisa y celebra for di 1920 te cu 1924. Despues di esaki e Dia International di Hende Muhe a worde celebra atrobe pasobra e social democratanan tambe a lanta un organisacion internacional den cual hende muhenan tawata forma parti.

Den e “interbellum” (periodo entre dos Guerra), e hende muhenan social democrata a keda celebra Dia International di Hende Muhe riba fechanan varia.

DIA INTERNATIONAL DI HENDE MUHE DESPUES DI SEGUNDO GUERRA MUNDIAL Despues di Segundo Guerra mundial e hende muhenan comunista NVB a keda celebra Dia International di Hende Muhe riba 08 maart.

Na 1960 NVB a celebra 50 aña Dia Internacional di Hende Muhe publicando e buki – “Baanbreeksters – Levensgeschiedenissen van strijdbare vrouwen”.

Den e buki aki ta recorda e origin di e fecha 08 maart na e welga masal di hende muhenan na e industria di textiel na New York riba 08 maart 1908.

Durante e “Tweede feministische golf” na Merca y West Europa e tradis-

hon di celebra riba dia 08 maart a bolbe worde restableci cu tur honor, basa riba e welga di aña 1908 na New York.

Na comienso di añanan 70 rond Hulanda diferente gruponan di hende muhe ta celebra riba 08 maart Dia Internacional di Hende Muhe. Y cada aña mas hende muhenan migrante tambe ta uni pa celebra esaki.

E meta ta pa riba e dia aki

conhuntamente e hende muhenan pone na atencion nan lucha. Ta scohe diferente temanan e.o. independencia economico, pobresa, hende muhe migrante of abuso seksual.

Desde 1975 mundialmunte ta celebra riba 08 maart Dia Internacional di Hende Muhe.

Na 1978 e fecha di 08 maart a worde oficialmente reconoci pa Nacionnan Unie.

Diamars 8 Maart 2022

Pagina 29

Pa medio di esaki nos kier a gradici tur esnan cu di un manera of otro a sostene nos na momento di fayecimiento y entierro di nos defunto stima:

Jacobo Joachim Gavidia

Mihor conoci como Coochi, Loods Gavidia y Opa *25 – 07 –1940 - †23 – 02 – 2022 Un danki na tur famia, bisñanan, amigonan y conocirnan cu a companja nos y cu a duna nos gran sosten durante dianan hopi duru y dificil.

Na tur esnan cu a manda flor, kaarchi, mensaje, facebook, whatsapp y jamada nn di telefoon, boso muestra di atencion, sosten y/of presencia a nifica hopi pa nos y tabata gran consuelo pa nos y lo keda graba den nos memoria y curason.

Un bes mas danki na Edmund Harms E. Foundation pa e bon trabow y cuido. Y alaves ta pidi encarecidamente cu por sigui haci donation na RBC Royal Bank # 30.44.432 na nomber di Edmund Harms E. Foundation.

Un danki special na Aurora Funeral Home pa su excelente servicio.

Na mes momento nos ta invita famia y tur conocirnan pa compaña nos na 3 santo sacrificio di misa na San Fransisco di Asis ProCathedral na Playa ariba: Diamars: 08 maart 2022 - 7 pm di anochi Diawips: 10 maart 2022 - 7 pm di anochi Diasabra: 12 maart 2022 - 7 pm di anochi Boso presencia lo ta altamente aprecia.

Familia Gavidia – van Ingen

Parokia di Paradera ta anuncia cu e preparacion pa Sacramento di Confirmacion aña 2022 ta bay cuminsa E lesnan di preparacion ta conta pa e hobennan di klas 6 di Maria Goretti College, Colegio Pastoor Kranwinkel y pa e hobennan cu no ta bay scol di Paradera, pero cu ta pertenece na Parokia di Paradera.

Tene bon cuenta cu e fechanan di inscripcion ta awe, diamars 8 di maart, diahuebs 10 y diabierna 11 di maart. E orario ta di 5.30 pa 6.30 na Pastorie di Paradera.

Sea asina bon di trece copia di e certificado di Bautismo di e hoben. Tambe bin cu e nomber completo di madrina/ padrino. Madrina of padrino mes mester ta batisa, ricibi y confirma. Por fabor entrega un prueba di Confirmacion di e madrina of padrino.

Ta pidi un deposito di 45 florin. E suma aki ta encera e.o. gastonan di les, certificado.

E hoben mester tin un bijbel pa asisti na les.

E prome reunion pa mayor lo ta dialuna 10 di mei na Misa pa 7 or anochi. Durante e reunion aki lo duna tur e informacion necesario. Danki di antemano pa e cooperacion.

Pagina 30

Diamars 8 Maart 2022

Ora boso ta tristo y ta hayando mi falta, busca otro y corda riba e amor cu mi a comparti cu bosonan.

Haya mi falta, pero lagami bay.

Cu inmenso dolor na nos curazon, pero conforme cu boluntad di Dios, nos ta anuncia fayecimento di nos ser stima,

Orlando Eduardo Arends Cariñosamente yama “Omero” y “Apa” *07-09-1951 - +03-03-2022

Na nomber di su: Esposa: Yiunan:

Preto di wowonan: Su rumanan:

Sobrina/o(nan):

Swa y cuñanan:

Sobrina/o(nan):

Judith Y. Arends - Pimienta Orlando “Dito” “Pirate” E. Arends Yanais J. Arends Cici “Raven” y Ethan “Pucci” Arends +Jacobo “Neco” y Dina Arends-Nicolaas +Velia Arends Amelinda Arends Karel “Lito” y Maybeline Arends-Croes Igor y Zuleyka Arends-Lacle y famia Giaira Arends y famia Juan Carlo Arends Elizabeth “Betty” Pimienta na Hulanda Lydia y Miguel Funez-Pimienta Maria Elena Pimienta Aineres Pimienta na Colombia Mirlangela y Jairo Alegria-Wernet Jeanine y Augustin Maduro-Wernet y famia Miguelito Funez y famia, Melvin Funez y esposa Luis Carlos “Lucho” y Mimi Dangond-Lobo y famia Amparo Escobar y famia Demas sobrino/a (nan) na Colombia

Su omo, primo y primanan Mescos cu yiu: Elisha y Brian Gardner-Josepha Su ihanan: Marlon Jose Dangond y famia, Roxanne Rengifo na Hulanda Amigo/a (nan) di cas: Octavio Garcia, Gwenn Davelaar, Freddy “Potchi” Maduro, Fleur Tromp Mama di su nietonan: Ambar Maduro y famia Famianan: Arends, Martinez, Krozendijk, Hintz, Pan, Mansur, Pimienta, Funez, Alegria, Maduro, Dangond, Wernet, Tromp, De Cuba, Murcia, Koolman, Kock, Gravenhorst.

Nos disculpa si den nos momento di tristeza nos por a lubida un of otro famia.

Oportunidad pa condolencia: diaranson 9 di maart 2022 na Aurora Funeral Home di 7’or pa 9’or di anochi.

Ta invita pa e acto di despedida cu lo tuma lugar diahuebs 10 di maart 2022 na Aurora Funeral Home di 9’or pa 11’or di mainta, sigi pa cremacion den seno di famia.

E deseo di e difunto tabata pa bisti paña di color pa su despedida.

Enbes di manda krans of flor lo tin un box disponibel pa donacion pa Casa Cuna.

Despues di entiero no ta ricibi bishita di condolencia na cas.

Pagina 31

Diamars 8 Maart 2022

“Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haña forsa”.

Salmo: 23

Maria Salome Angela Geerman

Carinosamente Yama: “Mama, Mayra, Tanta Maya of Tanchi Maya” *22–10-1960 +03-03-2022

Su mayornan: +Epifaino “Pief” y +Gregoria “Goya” Geerman Koolman Su Esposo stima : Venancio “Chonai ” Angela Su princeses nan stima : Marylaine y Reangelo Koolman Angela Marianne “Emily” Angela y John Rijke

Sra. Vda Juliana “ Checha “ Geerman-Wernet

Su Nietanan stima : Zlaine Koolman y Kendrick Jansen Jayrienne Rijke Jaymilaine Rijke Jayxilienne Rijke

Suegro/a nan di su yuinan: Maria “ Liza “ y Elvis Werleman-Irausquin y yuinan Francisco “ Toy “ Koolman y yuinan Omayra Lampe y yuinan John D. Rijke y yuinan

Su Unico Nieto stima : Zyon Koolman

Su Yuinan sin Dolor: Di Sluggers Connection SBT

Su Mascota stima: Tubi

Su Yuinan y Nieto/a Nan sin Dolor : Di Sabana Grandi Jets Baseball Org.

Su Rumanan: +Sotero “ Eti” Geerman Juana Francisca “ Nani” y Hendrick “ Iki” Donata -Geerman Semilina “ Linchi” y Mirto Rasmijn -Geerman Shaida Geerman Angelcancio “ Boys” y Lucia Geerman-Boekhoudt Timoteo “Theo” y Sandra Geerman- Verhaar Su Subrina/o nan: Gregory Donata y yuinan Lisette Donata y Norman “ Juni “Provence y yuinan + Gerald Donata Luigi y Jemine Rasmijn-Daal y yuinan Angelo y Melisa Rasmijn-Vrolijk y yuinan Giali Rasmijn y Gillianne V/D Biezen y yuinan Suhaili Clarissa Shaira Clarissa y Kyle Perkins y yuinan Shadira y Jordano Blanco-Clarissa y yuinan Shayen y Carlos Quandt – Clarissa y yuinan Joangelo “ Giovanni” y Lisette Geerman-Gomes y yui Angelic Geerman y Rodney Kelly y yuinan Lugelca Geerman y Alex Da Silva Menezes Ayrton Geerman Senna Geerman Suegro y Suegra : + Johanes “ Janshi” y + Martha Angela -Koolman Su Swa y Cunja nan: + Luis “ Wicho” Angela Lelia y Dion Croes – Angela Juan “ Poy “ y Rosa Angela – Maduro Grace y Albert “ Al” Yrausquin – Angela Manera Subrino/a nan : Angelo Angela Aissa Angela y Francis Croes y yui Ruthlaine Croes y Julion Loopstok Jermaine Angela y Lindsay Werleman Jerral Angela y Alisha Croeze y yui Leonard Yrausquin Ghislaine Yrausquin Su Tanta nan di Respet : Sra. Vda. Joana Geerman-Angela

Su amiga / Rumanan; Bettina , Emy , Maria , Jurisa , Luz Divina , Genoveva Su amiga di bebe Coffee: Filomena y Lucio Geerman-Thiel y yuinan Amigo/a nan cu la conoce na : Bogota,Cali, Medelin , Riohacha , Bucaramanga Primo y Prima nan stima , Comer y Comper nan stima , Su Ihanan stima , su Bon Bisinja nan stima , y conocirnan Di Veld di Softball, Baseball, y Castigala Crew Y demas Famia: Angela, Geerman, Koolman, Rijke , Jansen , Donata , Rasmijn , Boekhoudt , Clarissa , Verhaar , Croes , Yrausquin , Maduro Irausquin , Werleman , Croeze, Provence , Daal, Curiel, Vrolijk, Blanco , Perkins, Gomes , Kelly, Quandt , Da Silva Menezes , Ramirez , Tromp , Erasmus , Peterson , Willems , Stamper , Kock, Schwengle , Becker , v/d Biezen , Krozendijk, Don , Flanegin , Greaux , Manuel, Beaz , Pers , Lampe , Gonzalez ,Bislik , Wever , Robert , Ta Invita pa e acto di entiero cu lo tuma lugar Diavierna 11 Maart 2022 E Resto nan Mortal di “ Mayra “ lo reposa for di 2 or pm pa 4 or pm di atardi na misa Imaculada Conecption na Santa Cruz Despues pa Santa Catolico De Vries Lo tin condolencia Diahuebs 10 Maart 2022 na Aurora Funeral Home pa 7 or pm – 9 or pm Enbez di flor of krans lo tin un box Desponible den Misa pa un bon Causa Nos ta pidi nos disculpa si den nos tristeza nos por a lubida un of mas famia Despues di entiero nos no ta recibi bishita di condolencia na cas

Pagina 32

Sopi di Letranan

Diamars 8 Maart 2022