DIAMARS 5 JULI 2022 by Solo DI Pueblo

Resumen Semanal di Covid-19 na Aruba Un morto mas pa Covid-19 a keda registra

Diamars 5 Juli 2022

Solo di Pueblo

Aña 16 - edicion 713

E-mail: solodipueblo@gmail.

Prijs: Afl. 1.75

Minister di Finansa ta informa:

Mas di 60% di gasto di huur ta bay pa paga edificio traha cu e formula PPP Marisol ta bao investigacion pa actonan coruptivo cu tereno

Informacion cu ningun hende kier confirma, pero informacion persistente ta sigui drenta, cual ta bisa cu Marisol ta bao investigacion di actonan coruptivo. Algun tempo pasa, a sali na lus di dia cu tin un caso andando contra su persona, cu a wordo duna nomber CASO ALOE. Aloe no ta un nomber cu a cay di shelo, pero kisas por ta referi na varios

terenonan di huurgrond di 30 mil m2 cu Marisol a otorga contra tur regla y maneho. Despues a bisa cu e caso no yama mas ALOE, pero KUKWISA. Nada straño, pasobra ta keda indica cu tin di haber cu violacion y delito den otorgamento di tereno. SOLO DI PUEBLO a puntra Ministerio Publico, pero nan a contesta di no sa nada. Sinembargo fuentenan hopi serca di Marisol a skiribi riba

red social, indicando cu e bishita di Marisol ta veridico y mester warda pa laga e caso desaroya. Ta di compronde cu den casonan asina, tur cos ta wordo haci den silencio, pero ta yega ora si pa Ministerio Publico por asumi su responsabilidad y duna informacion. Ministerio Publico di Aruba ta uno di esnan di mas keto den Reino Hulandes, cu semper ta mantene silencio.

Bonnie a laga un morto na Nicaragua: Homber a hoga ora di yuda evacua un bus 2 Hoben tabata mishi

Chauffeur a perde

Diferente actividad

cu e fusebox di lugar

control bay dal muraya

durante vakantie

di bende number

Santa Martha

grandi na biblioteca

Diamars 5 Juli 2022

Eugene Middelhof ta tuma despedida di Wardacosta di Caribe Hulandes Riba 8 di juli 2022 Eugene Middelhof ta tuma despedida di Wardacosta di Caribe Hulandes den e Region Caribe. For di juli 2017 Eugene Middelhof ta ocupa e cargo di Director Suplente na Wardacosta. Den su puesto e tawata duna direccion na diferente proseso dentro di e organisacion, manera entre otro e ‘bedrijfsvoeringsoverleg i e ‘Gemeenschappelijke Medezeg genschapsraad’ (GMR). Siendo Director Suplente e tawata tambe Presidente di e consulta ku GMR den e organisacion. E la zorg pa e organo aki ta bon sigura den di Wardacosta. Banda di esei el a esforsa su mes pa otro facetanan importante den e organisacion, manera integridat, siguridat y medio ambiente, pero tambe el a zorg pa diferente funcion den e staf di Wardacosta a ser ocupa. Durante e ultimo 5 añanan

Eugene a desplega su mes ku hopi energia y passion pa Wardacosta y e la duna realse

na e credo ‘Samen Sterk’. E personal di Wardacosta ta gradisi Eugene pa su esfuerso

y ta dese’é hopi exito den su futuro carera.

Wega peligroso di hobennan banda di caminda durante yobida

Diasabra madruga por a mira un grupo di hoben para banda di caminda durante yobida wardando autonan pasa y spart awa riba nan, e por mustra pret pero awa vies y sushi ta bay riba bo y hasta cu bo boca habri e ta bay den bo boca cu consecuencianan

peligroso ademas si e auto perde control principalmente dor di e cantidad di awa y e vehiculo por bay dalnan. Hobennan ban ta un poco mas responsabel pa cu boso seguridad y salud.

Diamars 5 Juli 2022

Arubahuis ta remarca:

‘Situacion di camber pa studiante na 2022 ta full otro cu 12 aña pasa’ Den Haag – Arubahuis a tuma nota di reaccionan riba e comunicado di prensa riba e situacion actual cu vivienda pa studiante na Hulanda. Pa cuminsa Arubahuis ta desea na remarca cu e situacion pa cu camber of vivienda pa studiante na 2022 ta full otro cu e situacion di 12 aña pasa. Ta berdad cu Arubahuis a conoce un periodo cu tabata tin contractnan pa shortstay na diferente ciudad, manera Rotterdam, Den Haag, Utrecht, Delft y Breda. Arubahuis tabata para garantia pa e viviendanan aki y e studiante – cu no ta obliga pa tuma e camber - tin un aña pa por busca un otro vivienda. Den transcurso di tempo a bin cambionan cerca algun cooperacion di vivienda. Por ehempel Stadswonen

na Rotterdam a bai falliet y e cooperacion cu a tuma over a exigi pa cambia e contract di es manera cu Pais Aruba lo mester a haci e administracion y asina carga un peso financiero hopi grandi. Gobierno di Aruba a haya e riesgo asina grandi cu NO por a bai di acuerdo cu un deal asina. E caso na Den Haag tabata cu e shortstay nan tabata situa den un bario cu a conoce un decaida den transcurso di aña cu e studiementor a haye inresponsabel pa pone studiantenan den e casnan aki. E shortstaynan na Utrecht tabata situa na Zeist cu ta pafor di Utrecht. Hopi studiante ta experencia esaki como demasiado leu for di nan scol, universidad of centro di ciudad.

Te ainda Arubahuis ta haci uso di shortstaynan na Delft (6 camber) y Breda ( 3 camber). Esaki ta pasobra e condicionnan ta hopi mas flexibel y e riesgo financiero pa Pais Aruba ta hopi chikito. Loke ta bon pa remarca ta cu den tur e casonan di shortstay, Pais Aruba pa medio di Arubahuis ta para garantia. Den casonan cu e studiante no paga su huur e cobransa ta bin pa Arubahuis. Den pasado cu Arubahuis tabata responsabel pa e pago di “maandgeld” di Arubalening, por a usa e suma aki pa paga e retraso di huur. Actualmente e opcion ey no ta existi mas, pasobra e studiante ta ricibi e suma di su Arubalening (termijnbetaling) directo for di Aruba.

Arubahuis un biaha mas ta bisa cu semper e tey pa yuda, pero na mesun momento ta haci un apelacion riba e responsabilidad di e studiante y su mayornan pa cuminsa di tempran haci e preparacionnan nesesario pa bin studia na Hulanda. Busca

informacion door di subi riba e website di Departamento di Enseñansa unda tin informacion riba kico pa haci pa bin na remarca pa un camber. www.ea.aw/ pages/studia-na-hulanda Nota pa redaccion: E potret ta cortesia di Arubahuis

Resumen Semanal di Covid-19 na Aruba Un morto mas pa Covid-19 a keda registra - 04 di juli 2022: Segun resumen semanal di awe diabierna dia 1di juli, 546 persona a recupera den e siman aki y un total di 405 caso nobo di COVID-19 a keda registra. E cantidad di casonan activo di COVID-19 pa awe ta 327 y cantidad di fayecidonan relaciona cu COVID-19 a aumenta na 222. Forsa na famia di e fayecidonan. Datos ta ilustra casonan nobo di COVID-19 cu un averahe semanal di 58 caso positivo pa dia y un averahe di 'Positivity rate' semanal di 54% pa dia. Actualmente na Aruba tin 11 persona interna cu of debi na COVID-19 di cual 11 riba piso general y 0 ta den ICU. Na Colombia no tin ningun pashent di COVID.

Diamars 5 Juli 2022

SDG Aruba ta haci un yamada na comunidad pa comparti cu nos:

“CON BO INICIATIVA TA CONTRIBUI PA LOGRA E 17 METANAN PA UN DESAROYO SOSTENIBEL” Comparti bo iniciativa cu Nacionnan Uni

Den september 2015, tur miembro di Nacionnan Uni (UN) unanimamente a adopta e programa internacional mas integral y ambicioso pa por crea un mundo mas sostenibel pa tur, creando 17 meta specific, Metanan Mundial pa Desaroyo Sostenibel (SDGs), pa logra un miho mundo cu nos tin awo pa 2030. Aruba tambe ta parti di e esfuerso pa por logra e obhetivo aki. Pa crea un miho Aruba y uno mas sostenibel, nos kier scucha mas di e sector educacional, negoshinan y organisacionnan no gubernamental y departamentonan, con nan ta contribui na e metanan aki. Ta requeri e esfuerso di tur pa logra e metanan. E lista di “TO DO’s” aki ta crea un agenda na unda cu e desaroyo no ta basa solamente riba e perspectiva economico pero tambe ta inclui aspectonan social y di medio ambiente. Pa por implementa un structura efectivo di e Metanan Mundial pa Desaroyo Sostenibel (SDGs) y e agenda extenso pa 2030 y crea un Aruba miho y sostenibel, ta rekeri un comunidad comprometi y mas activo. Mas uni nos ta, mas y miho nos ta logra. Realisando cu no tur por wordo realisa pareu. Pa sigui encurasha paisnan pa implementa e metanan aki, Nacionnan Uni a establece un proceso yama “SDG Voluntary National Review (VNR)” cu ta permiti paisnan reporta riba e implementacion di e metanan aki y pa esaki wordo revisa. E proceso di revision door

di miembronan, lo provee recomendacionnan riba con pa mehora e proceso di implementacion di e metanan aki riba nivel nacional. Basa riba e revision, recomendacionnan ta wordo duna pa mehora e proceso di implementacion nacional di e metanan di Nacionnan Uni. Aruba lo ta inclui den e ‘SDG VNR Report’ di Reino Hulandes. Riba 14 di juli 2022, tur pais den Reino Hulandes lo presenta na Nacionnan Uni e progreso cu nan a haci den implementacion di e SDGs y lo accentua tur e retonan cu nan tabata confronta. Tur esaki ta den e “Aruba SDG Report” cu lo wordo presenta na Nacionnan Uni. E comision di SDG Aruba, cu a keda institui pa provee un direccion strategico y pa coordina e implementacion di e SDGs, a organisa diferente sesion pa envolve e comunidad pa

identifica bon practicanan di organisacionnan local den implementacion di e metanan di Nacionnan Uni. A captura y raporta varios iniciativa. Sinembargo tin mas inicitaiva y oportunidadnan na Aruba cu por contribui den logra e SDGs. Riba e website nos ta comparti e storianan aki den un rapport mas elabora. E rapport di Reino lo wordo entrega na Nacionnan Uni den un forma digital cu un link na e website di SDG Aruba www.sdgaruba.com. Pa esaki, nos ta pidi e sector educacional, organisacionnan y/of companianan pa entrega nan storia di loke nan ta haciendo pa contribui na logro di e metanan aki. Por bishita e website di SDG Aruba y yena e formulario di e storia con bo compania ta implementando e SDGs na Aruba. Nos ta desea di siña di bo.

Diamars 5 Juli 2022

Parlamentario Alvin Molina (MEP):

FASE a yuda miles di ciudadano pa por tin pan riba mesa Siguridad ta hopi importante pa nos pais, den prome luga pa nos ciudadanonan por biba trankil. Pa nos turistanan, e siguridad ta e motibo primordial dicon nan ta scoge Aruba como nan destinacion, kiermen siguridad ta importante pa nos economia. Dimes tin hende ta scoge pa comete actonan criminal pa luho, status of poder. Pero un gran parti di hende cu ta haci algo contra ley, ta pa via di necesidad. Necesidad pa por cubri gastonan di cas, transporte, paña, scol et cetera, necesidad pa pone pan riba mesa. Durante pandemia hopi ciudadano a perde nan trabou of a sufri un reduccion den salario of a perde esaki por completo. Cada persona cu perde trabou, cu no tin un entrada mas, cu no por pone pan riba mesa di su famia ta forma un extra risico pa e bay comete actonan penal pa por sobrevivi. Y esey no ta conta solamente pa esun cu a perde su trabou, ta conta pa tur miembro di su famia y esnan cu ta depende di e 1 trabou ey. FASE a yuda miles di ciudadano pa por tin pan riba mesa. FASE a yuda preveni pa hendenan a bay comete actonan penal pa por sobrevivi. Economia di Aruba a crash completamente

door di e pandemia, pero criminaliteitscijfers no a aumenta. FASE a yuda cu nos por a preserva/ mantene e bendicion cu Aruba tin di ta un pais relativamente sigur. Aruba mester keda un pais conoci pa su siguridad, esey ta haci nos pais uno atractivo pa nos turistanan, esey ta pone cu nos economia por a crece bek asina lihe. Durante pandemia Aruba a logra di keda e pais sigur cu nos ciudadanonan y bishitantenan ta goza di dje. FASE a aporta grandemente na esaki. Un danki na nos ministernan Glenbert Croes y Rocco Tjon, ministerraad completo y tur departamentonan concerni, pa boso vision, determinacion y curashi pa eherce e proyecto FASE.

Minister Arends den reunion cu Stimson Center

Stimson Center a conduci estudio “Climate and Ocean Risk Vulnerability”

Durante e bishita na e Ocean Conference 2022, minister di Naturalesa, Sr. Ursell Arends a reuni cu representantenan di Stimson Center, cual ta esnan responsabel pa a conduci e estudio di CORVI (Climate and Ocean Risk Vulnerability Index). CORVI ta un herment importante cu ta wordo uza ora cu mester tuma

decisionnan pa realisa inversionnan cu impacto climatico. Su meta ta pa mehora e siguridad di ciudadnan cu ta encontra nan mes pega cu costa y tambe islanan, y ta yuda duna indicacion pa evalua e consecuencianan y vulnerabilidad riba nos medio ambiente, finansas y situacion

social. Esaki tabata un reunion fructifero cu ta directamente relaciona cu un di e puntonan cu minister Arends a trece padilanti durante e conferencia, cual ta e meta pa introduci un “National Climate Resilience Council” na Aruba, pa eherce e tipo di trabounan importante aki.

Diamars 5 Juli 2022

Diferente actividad durante vakantie grandi na biblioteca Pelicula pa mucha

Biblioteca Nacional Aruba cu hopi placer ta presenta un programa di vakantie hopi atractivo pa mucha. Nos ta pasa diferente pelicula den vakantie grandi pa mucha. Presentacion ta tuma lugar den Aire liber. Esaki ta completamente gratis pa mucha. Wak e fechanan bon pa biblioteca na Playa y tambe biblioteca na San Nicolas: ● Schedule di pelicula BNA Oranjestad; diahuebs 14, 21, 28 juli y 4 augustus 2022 pa 19:00 ora. ● Schedule di pelicula BNA Oranjestad; woensdag 13, 20, 27 juli y 3 di augustus 2022 pa 19:00 ora.

Siña skirbi un storia Muchanan por inscribi na # 528 1500 pa nos actividad durante vakantie grandi, ‘Siña bira un escritor’. Esaki ta cuminsa 11-15 di juli na biblioteca na Playa. Y di dia 18-22 di juli na sucursal San Nicolas. E actividad ta gratis pa tur mucha. Informacion pa e actividad aki por haye tambe den ‘Buki di Pret’ cu tur mucha a haya na scol ariba pagina 22.

Exposicion

Biblioteca Nacional Aruba ta

facilita e exposicion di artista visual Anita Hugen na juli. Esaki ta un exposicion di e potretnan cu a keda selecta pa su publicacion ‘Sacred Nature of Aruba: photoscaping shape, texture, form and color’. Esaki a keda publica recientemente. E exposicion ta habri diahuebs dia 7 di juli 6or y ta keda habri henter

luna. Por bishita e exposicion libremente y gratis.

Festival di Buki pa Mucha

Nos ta anuncia cu pa Festival di Buki pa Mucha 2022 e tema ta ‘Biba Natura-Lesa!’ y ta hiba mucha den naturalesa. E

tema ta stimula pa lesa buki di naturalesa, mata, bestia y mucho mas. Festival di Buki pa Mucha 2022 ta tuma lugar den siman di dia 7 di november pa dia 11 di november. Apertura ta tuma lugar diabierna 4 di november na Cas di Cultura.

2 Hoben tabata mishi cu e fusebox di lugar di bende number te bula e fusenan Diasabra merdia a drenta informe di cu tin 2 hoben ta mishi den e fusebox di lugar di bende number den Caya Charlie Brouns Sr., mesora a dirigi un patruya na e sitio. Na yegada di e patruya a bin compronde cu aki ta trata di 2 hoben cu tabata mishi cu e fusenan y na dado momentona pone cu esakinan a bula y e coriente a bay. Polis a haya descripcion di e muchanan aki y a sali bay wak si ta topa cu nan. Despues di un rato di buscamentonno a logra topa cu nan.

Diamars 5 Juli 2022

Prome Minister Evelyn Wever-Croes:

UITVOERINGS AGENDA DI LANDSPAKKET PA E DI TRES KWARTAAL DI 2022 i, Gobierno di Aruba a firma e Uitvoerings agenda pa loke ta trata e Landspakketnan pa e di tres kwartaal di 2022. Landspakket ta e palabracion cu Gobierno di Aruba a yega na dje cu Hulanda na November 2020 riba algun area kico ta e trabounan cu Gobierno lo haci pa trece reforma, cambionan cu tin mester na Aruba pa asina nos por tin un economia hopi mas fuerte y resiliente. Prome Minister Evelyn Wever-Croes a indica cu ta palabracionnan cu Gobierno di Aruba a haci riba 8 diferente area: 1. Finansa publico, 2. G a s t o n a n di personal y otro gastonan, 3. Impuesto, 4. Sector financiero, 5. Reformanan economico, 6. Cuido, 7. Enseñansa, 8. Husticia, E sistema di e Landspakket aki ta cu cada kwartaal ta yega na palabracionnan con pa yega na e meta final cu ta un meta hopi ambicioso cu no ta den 1,2,3 lo keda cla cu ne. Y den cada kwartaal, ta palabra exactamente kico ta e pasonan cu lo tuma. Prome Minister a duna di conoce cu pa e kwartaal aki, juli, augusus y september, a yega na palabracion di un total di 48 diferente tarea cu lo bay tuma luga. Riba e area di maneho financiero, pa e kwartaal aki lo bay traha riba modelonan fiho di presupuesto y

cuenta anual. Tambe tin diferente otro tema den e columna di finansas di cuminsamento di aña te cu fin di aña. E maneho di subsidio tambe ta wordo menciona den e columna aki. Na Aruba tin hopi instancia cu ta depende di subsidio. Ta di lamenta si, Prome Minister a expresa, cu e mesun area aki ta reparti den varios fundacion cu ta haya tiki subsidio y Gobierno mester fiha unda mester inverti mas den duna subsidio na instancianan. Pa loke ta trata e gastonan di personal, Prome Minister a duna di conoce cu ta trahando riba un ‘roadmap’ cu ta hopi extenso cu tin tur aspecto di personal entre otro con ta evalua un persona cu ta traha na un departamento di Gobierno, con e ta haya su compensacion y promocionnan. Den e kwartaal aki tambe, lo tuma luga e consultacion cu stakeholders pa loke ta trata e roadmap aki. Tambe lo mehora maneho den caso di kiebro di integridad. Pa Gabinete WeveCroes, Integridad ta hopi importante. Tur siman den tur Conseho di Minister, tin casonan disciplinario riba agenda cu ta algo cu ta duna preocupacion. E di tres area, e area di Impuesto, ta trahando riba e reforma fiscal y den e kwartaal aki mester tuma e decision den ki direccion kier bay cu e sistema di impuesto. Pa loke ta trata sector financiero, ta trahando

riba e aspecto di habrimento di cuenta di banco cu actualmente ta hopi complica na Aruba. Mester hacie mas facil y mas lihe Riba Reformanan economico, ta trahando riba e cantidad di persmiso cu un comerciante mester tin prome cu habri su negoshi. Actualmente, e mester regla su permisionan na diferente departamento. Gobierno kier centralise na un caminda na unda e comerciante ta pidi su permiso y tras di cortina cada departamente por haci nan trabou. Lo pone mas atencion riba e mercado laboral y riba e sistema social cu tin. E sistema di bijstand no ta yuda mucho pasobra no ta mucho placa. Sinembargo nos tin cu alinea e mercado laboral y bijstand mas pa asina duna mas proteccion na nos trahadonan.

Pa loke ta e tema di cuido, lo traha riba traha mas hunto y busca mas remedi y ekipo hunto pa baha gasto. Riba e tema di enseñansa, ta bay haya e raport final pa loke ta trata e doorlichtingen cu a wordo haci den e ultimo lunanan y a base di e raport final tuma accionnan.

Pa loke ta trata e refuerso di nos estado di derecho, riba e parti huridico, lo traha riba con pa traha hunto cu e diferente paisnan. Y lo pone mas atencion tambe riba e ‘gaming board’ (kansspellen autoriteit) pa asina tin un miho bista y control riba tur loke ta gaming aki na Aruba.

OM cera riba diaranzon Relaciona cu un actividad pa personal OM ta cera henter dia riba 6 di juli 2022. E fiscal cu tin piket ta keda semper accesible.

Diamars 5 Juli 2022

E COMPLEHO DI ARUBA MARRIOTT UN EVENTO SPECIAL DI PRIDE TALK DEN HONOR DI PRIDE MONTH

Juni 2022 – Den honor di Pride month, e compleho di Aruba Marriott a organisa un sesion educativo y interactivo di ‘Pride Talk’ pa nan asociadonan den Aruba Marriott su Amsterdam Ballroom. Oradornan special tabata Miguel Mansur, Erin Croes y Veer Alwani kendenan a wordo invita pa asina comparti nan experencianan personal di con nan a navega nan trayectoria como un persona LGBTQ+ dentro di nos comunidad, cual sigur a conmove y inspira cada un asociado presente. Endy Croes tabata invitado special como maestro di ceremonia y sigur tambe a comparti informacion valioso abase di su

experencianan personal. Marriott International ta promoviendo diversidad, igualdad y inclusion pa hopi tempo como parti di nan cultura di “We Put People First” y “We Serve Our World” y awo e compromiso ta mas fuerte cu nunca pa asina crea un medio ambiente inclusivo pa tur hende. Eventonan manera esaki ta celebra y mustra e apoyo na e comunidad di LGBTQ+ y alaves extende tur bishitantenan y asociadonan e comfortabilidad pa ta nan mes. Esaki no ta un excepcion pa e compleho di Aruba Marriott. Como parti di Marriott International, Aruba Marriott ta pone prioridad na e

luna di Pride pa asina crea conscientisacion y amplia e sosten na e comunidad di LGBTQ+. Adicionalmente, Aruba Marriott a ilumina e entrada di e hotel cu lusnan colorido representando e bandera di regenboog di Pride pa di cuater aña consecutivo, como tambe a organisa un evento special di Pride Night Brunch y a ofrece gelato

decora cu colornan di e regenboog na Gelato & Co., pa asina amplifica e apoyo na e comunidad LGBTQ+.

Mas di Aruba Marriott:

Aruba Marriott Resort & Stellaris Casino a habri na aña 1995 cu 411 camber. Na aña 1999 a habri Ocean Club cu

311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado

Diamars 5 Juli 2022

Minister di Finansa ta informa:

Mas di 60% di gasto di huur ta bay pa paga edificio traha cu e formula PPP

Re c ientemente Departamento di Finansa di Gobierno a haci un analisis di e gastonan di huur di edificio den e periodo di aña 2015 pa 2021 y esaki ta mustra cu e gasto di huur di edificio a subi cu 25 miyon florin. Den e articulo aki ta duna un splicacion riba e subida aki. E analisis ta indica cu e gastonan mas grandi di huur ta bay pa paga edificionan di Centro di Husticia Santa Cruz, KPA Shaba, MFA Noord, MFA Paradera, MFA Savaneta, MFA Santa Cruz, BelFin cu ta Departamento di Impuesto y Departamento di Finansa, Infra gebouw cu ta edificio di DOW y DIP. Nan ta edificionan traha cu e formula di Public Private Partnership PPP, na unda e edificio ta wordo traha pa compania priva y Gobierno ta paga nan un suma di huur pa paga pa e inversion haci.

Segun e analisis haci, e huur pa e edificionan traha cu e formula PPP ta tuma un 60% di e gastonan total di huur di Gobierno. Banda di esaki, tin gasto di huur halto na edificio di Aduana, Archivo Nacional Aruba, Censo y tin gasto halto pa mantencion di scolnan. Den aña 2022 e edificio di John F. Kennedy Education Center cu tambe ta un PPP a drenta den servicio pa por acomoda Departamento di Enseñansa, UNESCO y Departamento di Cultura y esaki tin un costo adicional di 2,2 miyon florin na gasto di huur. Manera por mira mayoria gasto halto di huur di Gobierno ta pa motibo di e escogencia pa haci uzo di e formula di PPP pa yega na edificio propio pa por brinda e servicio cu comunidad ta demanda.

Diamars 5 Juli 2022

Chauffeur a perde control bay dal muraya kibra casi drenta apartamento na Santa Martha

Diasabra madruga a drenta informe di un accidente cu hende herida na Santa Martha, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Nissan March a perde

control bay dal e muraya di un apartamento kibra casi drenta te den e apartamento. E accidente aki ta casi in-explicable. Debi na e impacto e chauffeur a resulta herida. Na yegada dibe ambulans a transporta e victima pa hospital.

Diamars 5 Juli 2022

Comision di Recuperacion Economico a cuminsa traha

Minister Geoffrey Wever cu iniciativa pa bin cu pakete di incentiva fiscal y economico Minister di Asuntonan Economico, Comunicacion y Desaroyo Sostenibel, Mr. Geoffrey Wever a institui e Comision Recuperacion Economico (Commissie Economisch Herstel) cu a inicia su promer reunion. E meta di e comision aki ta pa "brainstorm" riba ideanan concreto di incentiva fiscal y economico pa asina stimula inversion nobo y stimula crecemento economico pa Aruba. “DEZHI a prepara un documento cu varios idea con pa stimula economia y pa haya input di sector comercial cu conoce nos economia y con nos business community ta opera, a institui e Comision Recuperacion Economico, pa asina hunto produci un pakete di incentiva cu ta conta cu aprobacion y participacion di ful sector comercial. Mi a invita pa participa den e Comision Recuperacion Economico: 5 fiscalista, un abogado, un accountant, Freezone Aruba NV, ATIA, AHATA, KvK, CUA y SNBA. Mi mes tambe lo participa den tur e reunionan di e comision aki, hunto cu representantenan di Departamento di Asunto Economico” - Minister Geoffrey Wever. Stimula no solamente foreign

direct investment, pero tambe inversion local ta e meta. Minister Wever ta contento cu e prome session cu tawata hopi fructifero y ta premira algun siman di intercambio di idea nos dilanti, asina tambe mustrando e compromiso di tur e gremionan y demas stakeholders pa hunto cu Gobiero di Aruba traha riba e recuperacion economico di nos Pais. E economia di Aruba ta recuperando na un forma stabiel segun e economic

outlook di Departamento di Asunto Economico, Comercio y Industria, cu ta premira cu na fin di 2022 Aruba su Gross Domestic Product (Bruto Binnenlands Product) lo ta na 96.5% nominal, esta Afl. 5.904 miyon, compara cu 2019, cu tabata Afl. 6.118 miyon. Segun e economic outlook di Departamento di Asunto Economico, Comercio y Industria ta premira cu Aruba su Gross Domestic Product (Bruto Binnenlands Product) na 2023 lo ta na 99.7% nominal, esta Afl. 6.101 miyon, compara

Ta bende Hyundai eon 2016

cu 2019, esta Afl. 6.118 miyon. Na mes momento tin señalnan alarmante cu por afecta Aruba su cifranan aki. Situacion externo, manera contratiempo di logistica, presion riba prijs di comestibles, y desaroyo den e mundo petrolero lo tin inflacion como resultado. Pa es motibo aki Minister Wever a institui e Comision Recuperacion Economico pa por trata na crea forma di stimula mas inversion y crecemento economico.

Den bon condicion Standard/airco Afl 14.500 of mihor oferta

Info & wasap

7390101

Diamars 5 Juli 2022

Directiva di Sindicato di Trahadornan di Aruba a firma acuerdo cu e compania "Carribean Palm Village Resort " E acuerdo ta ensera un adelanto substancial den e empleado nan salario mescos pe placa di cuminda, dianan di vacacion extra, tambe e bonus di fin di aña a wordo aumenta. Mayoria di e empleadonan ta contento cu e logro aki y aparte di esaki tur empleado lo ricibi un backpay ariba sumanan reteni durante e crisis/pandemia. Conhuntamente cu e delegadonan directiva di STA cu sosten di su miembronan a toch sa di logra un adelanto den tempo nan dificil. Dios mediante tur cos normalisa awor cu den un futuro muy sercano por sera un contrato colectivo pa un duracion mas largo. E acuerdo firma ta pa un periodo di 2 aña cuminsando awe 1 di juli 2022 te cu 30 di Juni 2024. Directiva di STA kier a gradici gerencia di CPVR , tambe e abogadonan Wix y Perse sin lubida e delegadonan y e miembronan pa nan perseverancia y pasenshi. Pabien cu boso CAO nobo.

Diamars 5 Juli 2022

Despues di St. Eustatius, awor ta e muchanan y hobenan di e isla di Saba ta ricibi ayudo for di Telefon pa Hubentud Aruba Desde 16 di maart ultimo e muchanan y hobenan na e isla di St. Eustatius ta yama tur dia di 2:00 pa 6:00 di atardi e number 918 Guana Chat y ta ricibi oido, informacion, guia y conseho for di e mentornan di Fundacion Telefon pa Hubentud Aruba. Tur esaki ta den cuadro di e ‘kenniscentrum’ di Fundacion Telefon pa Hubentud Aruba cu ta exportando conocimiento den region. Desde awe 27 di juni 2022 pa 2:00 di atardi e muchanan y hobenan di e isla di Saba tambe ta bai cuminsa ricibi oido, informacion, guia y conseho for di e mentornan di Fundacion Telefon pa Hubentud Aruba. Mescos cu na Aruba, e yamada lo ta gratis y anonimo. Mescos cu Openbaar Lichaam St. Eustatius, Openbaar Lichaam Saba tambe a haci un peticion na Fundacion Telefon pa Hubentud Aruba pa ricibi e yamadanan di e muchanan y hobenan

di e isla di Saba y duna e muchanan y hobenan ayudo. Tambe durante un combersacion cu e Secretario di Estado di ‘Volksgezondheid, Welzijn en Sport’ di Hulanda di e tempo ey, drs. Paul Blokhuis, e a haci un biaha mas e peticion na Fundacion Telefon pa Hubentud Aruba pa ricibi e yamadanan di e muchanan y hobenan di Saba. Diasabra ultimo e Secretario di Estado nobo di ‘Volksgezondheid, Welzijn en Sport’ di Hulanda, Maarten van Ooijen, a firma un acuerdo di cooperacion cu Fundacion Telefon pa Hubentud Aruba den cual e servicio door di Fundacion Telefon pa Hubentud Aruba na e muchanan y hobenan di St. Eustatius, Saba y Bonaire ta regla. Prome cu e muchanan y hobenan di e isla di Saba por a cuminsa haci uzo di e servicio di Fundacion Telefon pa Hubentud Aruba, e mentornan di Fundacion Telefon pa Hubentud Aruba a ricibi un training tocante

e aspectonan etnico, cultural, enseñanza y educacion di e isla di Saba. Tambe testnan tecnico a tuma lugar pa sigura cu e yamadanan ta drenta manera mester ta. E servicio na e muchanan y hobenan di e isla di St. Eustatius y awor e isla di Saba ta den cuadro di e ‘kenniscentrum’ di Fundacion Telefon pa Hubentud Aruba cu ta exportando conocimiento. Despues di 22 aña di existencia Fundacion Telefon pa Hubentud Aruba como un ‘Kenniscentrum’

ta exportanando conocimiento na organisacionan gubernamental y nogubernamental den region. Banda di crea conocimiento y comparti conocimiento, awor Fundacion Telefon pa Hubentud Aruba como un ‘Kenniscentrum’ ta bai sigui exporta conocimento. Un gradicimento ta bai na Aruba Airport Authority N.V., Web Aruba N.V., Setar N.V., Satel, Openbaar Lichaam Saba, Ministerie van Volksgezondheid, Welzijn

en Sport Nederland y Ministerie van Binnenlandse Zaken en Koninkrijksrelatie. Pa mas informacion tocante di e servicio cu Fundacion Telefon pa Hubentud Aruba ta dunando na e muchanan/ hobenan di e isla di Saba por tuma contacto cu Fundacion Telefon pa Hubentud Aruba via nos facebook: https:// w w w. f a c e b o o k . c o m / telefon.hubentud/, email: tel hubent ud@g ma i l. com of telefon 5886138/ 5884011.

Diamars 5 Juli 2022

E IMPORTANCIA DI NORMA & BALOR DEN BIDA DI UN MUCHA Y SU FAMIA Norma y balor, dos palabra cu cana hunto man den man y cu den hopi ocasion ta wordo uza pa e mesun proposito. Pero nos sa e kico ta realmente significa norma & balor? Nos lo por splica nos yiu(nan) kico norma y balor ta encera? Kisas cu e contesta ta un si of kisas simplemente no, nos no sa con y kico pa splica. Pa siguransa Tienda di Educacion ta splica e diferencia y tambe duna algun ehempel den e relato aki. Norma & Balor Kico nifica norma realmente? Un norma ta un regla di comportacion cu ta wordo acepta dor di henter un comunidad, por ehempel nos no ta dal otro, nos no ta grita otro of nos no ta uza violencia verbal. Y awor ta kico balor lo significa e ora? Un balor ta un concepto di locual ta wordo desea (un ideal) por ehempel nos ta respeta otro; nos tin tolerancia pa otro, nos tin amor pa nos prohimo. Pues simplemente un norma ta un comportacion cu ta wordo spera di un (grupo di) persona y balor ta e ideal tras di locual ta importante pa un (grupo di) persona. Tur persona, sea mucha of adulto, tin derechonan fundamental den un sociedad, pero tambe no por keda sin menciona cu tin varios obligacion pa cumpli cu ne den e mesun sociedad. Akinan ta caminda unda norma y balor ta sumamente importante ora ta trata educacion y lantamento di un yiu den e sociedad. Por bisa esaki ta un obligacion cu tur mayor of educador mester aplica den lantamento di un mucha. Corda un adulto ta un ehempel pa muchanan y muchanan ta refleho di locual adultonan ta proyecta. Tuma por ehempel nos actuacion den trafico vooral ora tin mucha(nan) den cercania. Tin varios ocacion cu errornan ta wordo cometi dor di otro automobilista(nan). Nos como adulto responsabel tin opcion pa reacciona pasivo of escohencia pa e otro extremo pues agresivo. Un otro opcion ta pa ignora e

error y sigui bo caminda. Den hopi paisnan grandi, caminda cu tin trafico pisa constantemente ta papia di e fenomeno di “road rage”, caminda cu violencia ta tuma lugar entre automobilistanan na momento di infraccion den trafico. Tin hasta casonan caminda cu ta termina den aggression pisa. Lamentablemente tur esaki ta sosode den presencia di muchanan di tur edad. Norma & balor, e base di un bon educacion pa famia!

Loke bo planta bo ta cosecha Si bo ta exigi di un mucha pa practica norma y balor den su bida abo como adulto tin e tarea di ilustra y proyecta esakinan tambe. Pues sea consciente di bo actuacion y escohencia di

palabra. Muchanan lo observa tur movecion y actuacion cu su mayornan ta haci y lo copia sea algun of tur esakinan den un forma of otro. Sea semper alerta kico un mucha ta observando, kisas ta for di bo mes persona of otro adulto. Comunica y splica e mucha asina bo ta ripara cu e tin duda of pregunta di un topico of actuacion. Muchanan ta mescos cu un spons, nan ta absorba hopi cos y lo crea un pensamento incorrecto si acaso no ricibi un contesta concreto. Ta pa e motibo aki mayornan y tambe educador tin un tarea importante pa cu formacion di futuro generacion di hoben y adulto. Tienda di Educacion Mayor bo no ta para pa e retonan aki boso. Ta tareanan cu por mustra dificil pero Tienda di Educacion t’ey na disponibilidad

di comunidad di Aruba pa duna abo sosten y guia gratis. Por contact Tienda di Educacion na 161 cu ta disponibel di dialuna pa diabierna di 8 am pa 6 pm non-stop. Tambe por bishita nan Facebook page pa comunica of pa keda informa di nan servicionan. Tienda di Educacion ta situa den edificio di Centro pa Hoben y Famia na Sabana Blanco 68-C y ta na servicio di henter comunidad. Nos muchanan ta nos futuro. Ban crea un futuro caminda norma y balor ta wordo practica constantemente. Ban nos tur trata otro cu respet y duna e mihor di nos cu e bon ehempel. E lo ta un inversion den nos mesun perspectiva di mañan y di tur otro dia cu lo sigui despues.

Diamars 5 Juli 2022

Por medio di es comunicado aki DTI ta informa pa tin bo documentonan na ordo y haci bo afspraak na ora pa asina bo tin un keuringskaart valido DTI su balie ta habri di Dialuna pa Diabierna; di 07:45am-11:30am y di 13:00-15:30pm. Alavez DTI ta informa cu pa traha un afspraak pa keur un vehiculo di motor mester presenta personalmente na balie cu e siguiente documentonan; 1. Registracion di e vehiculo (Registratie DIMP). 2. Polisa di seguro di e vehiculo. (Imprimi, no digital). 3. E keuring ta costa Awg. 50,- y mester wordo paga ora traha e afspraak. 4. Vergunning (si ta un vehiculo di transporte publico). Dia di keuring e cliente mester trece e siguiente documentonan: 1. Registracion di e vehiculo (Registratie DIMP). 2. Polisa di seguro di e vehiculo valido. (Imprimi, no digital). 3. Recibo di DTI cu e fecha di

afspraak. 4. Vergunning (si ta un vehiculo di transporte publico). Companianan lo por tin e posibilidad pa keur nan fleta ariba un diasabra pero pa esaki mester traha afspraak y por contact Chef Voertuigkeuring na Tel: 5937949. Ki ora bo mester keur bo auto? Si bo a cumpra un vehiculo nobo di fabrica pa uzo personal bo tin cu añadi 3 aña ariba e bouwjaar y es aña ey bo persona lo tin cu keur bo vehiculo pa prome biaha. Por ehempel es aña aki e vehiculonan pa uzo personal cu bouwjaar 2019 lo mester bin keur pa prome biaha. Despues di e prome biaha e vehiculo di motor pa uzo personal mester wordo gekeurd cada 2 aña. Pa transporte publico (personenvervoer) ta conta otro

duracion: Vehiculonan cu uzo como autobus, bus, taxi, tour-operators (T-O) etc, tin cu keur cada aña y e vehiculonan nobonan prome cu nan subi caminda nan lo mester keur esakinan. Den caso cu si nan a haci cambionan na e vehiculo of tabata den un accidente lo tin cu

bin pa keur esakinan un bez mas prome cu haci uzo di nan ariba carretera. Pa vehiculonan di compañia (bedrijfsauto’s), trucks, pickup tin cu keur cada 1 aña. DTI ta boga pa e seguridad y ta haci e petición pa tin un keuringskaart valido!

Diamars 5 Juli 2022

MINISTER ENDY CROES TA FELICITA 71 GRADUADONAN DI MON PLAISIR COLLEGE MAVO

Diadomingo ultimo Minister Endy Croes a presencia e ceremonia di graduacion di Mon Plaisir College MAVO cu a tuma luga den Grand Ballroom di Marriott Resort & Stellaris Casino. Den un ambiente festivo di graduacion, hunto cu mayornan y docentenan

Minister Endy Croes a dirigi su mes na e graduadonan bisando lo siguiente. Pa mi ta un gran honor y placer pa por dirigi mi mes na un momento asina special na bosonan, Minister Endy Croes a expresa. Awe Mon Plaisir College ta celebra e hecho cu 71

alumno a gradua, cual ta refleha e porcentahe di 96%. Waw! Durante di e anochi festivo yena cu speransa y alegria mas aki rato cada alumno ta ricibi nan diploma. Ki satisfaccion! Nos tin e deber como Gobierno pa brinda tur hoben e oportunidad pa tin acceso na enseñansa. Awe nos ta contento como cu a mustra di a haci bon uzo di e oportunidad aki. Mi kier pa boso sa cu tanto mi persona como Minister di Enseñasa y Deporte pero alabes den nomber di Prome Minister Evelyn Wever - Croes y Gobierno di Aruba nos ta hopi orguyoso di cada un di bosonan. Mi ta hopi sigur cu boso mayornan y famianan ta hopi contento y orguyoso di bosonan. Deseo di un mayor semper ta pa nan yiu studia y prepara nan mes bon pa nan por para den nan propio sapato y contruibi di manera

positive na comunidad. Locual cu bo a logra awe esta bo diploma ta basa riba bo esfuerso y meritonan propio. E diploma aki ta di bo y ningun hende nunca mas por kite for di bo. Bo tin e yabi di bo futuro den bo man. Algun di boso lo sigui studia y otronan ta dicidi pa bay traha. Exito na ambos. Mi conseho sinembargo ta pa bo sigui studia. Enseñansa ta e motor y fundeshi di un pais. Enseñansa ta hopi importante pa desaroyo di un pais. S u s t a i n a b l e Development Goals di Nacion Uni Agenda 2030 SDG 4 ta para alabes pa Competencianan di Siglo 21 esta ‘21 First Century Skills’. Hopi importante ta e 4-C nan esta 4 C’s cu mi ta desea boso agrega den boso agenda diariocomunicacion colaboracion-

creatividad y pensamento critico pa por soluciona problema. Mi kier a gradici inmensamente SPCOA MP College na tur e docentenan cu a stimula y pusha e alumnonan aki, danki pa boso bunita trabou. Danki na mayornan pa kere den boso yiu y stimulanan pa nan studia. Esaki ta e resultado: esfuerso, disciplina, dedicacion y determinacion cual a desemboca den un diploma pa 71 studiante awenochi. E cinco miho graduadonan di Mon Plaisir College MAVO: Sherlly Huang, Jorick Croes, Nathan Dirks, Kayden Figaroa y Jealdyne Yarzagaray. ‘Everybody has talent, but ability takes hard work’- Micheal Jordan. Pues traha duro pa locual bo kier logra den bida. Masha pabien y hopi exito!

Pagina 17

Diamars 5 Juli 2022

Defensornan di maldad kier gaña pueblo cu nada a sosode den RDA

Ex-Minister Mike de Meza hunto cu otronan a sconde hopi documentonan di RDA Segun pagina 28 di Rapport forensico

Tin cierto hendenan lunatico y narcista, cu kier sigui pretende cu nada a bay robes den RDA. Con ciego nan por ta? Ta existi un rapport forensico di 150 pagina, unda ta mustra un cantidad di delito y violacion cu a tuma lugar. Pa no bisa "pone prueba", nos si ta cumpli cu pone prueba: Riba pagina 28, por lesa cu amigonan di Mike de Meza a gaña, a sconde documentonan di reunionnan di aandeelhouder. Mientras a tuma lugar 7 reunion, nan a raporta solamente 4 reunion y tene 3 reunion scondi. Den un di e reunionnan scondi, nan a nombra Richard Arends na trabao, cu un contract super luctrativo. Tambe por lesa, cu statuut ta bisa cu ora bo haci gastonan riba 100 mil florin, bo mester autorisacion di Raad van Bestuur. Pagonan tabata sali pa amigonan di Mike de Meza sin nigun sorto di autorisacion, violando statuut, Good Governance Code y asina incumpiendo cu un administratie segun ley. Pues, ora cu "amigonan" ta trece dilanti, cu no tin "nada", nos mester

haci nos mes e pregunta:

Narcista nan ta?

Gaña

riba gaña, pa asina scapa

nan mes?

Pagina 18

Diamars 5 Juli 2022

SABIDURIA DEN NOS ALEGRIA Skirbi pa Ruthy”Lady Ruth”Vrieswijk-Bergen

Pa nos, e musica di anjanan sesenta setenta ta e mihor musica cu tawata tin y cu nunca ta bay perdi. E impacto riba nos como teenager di 14, 15 y 16 anja tawata inmenso. E letranan cu bunita y dushi melodia y cada cancion di e temponan ey cu nan bunita mensahe. E dushi fiestanan di e temponan ey, entre otro den Commandeursbaai club na Savaneta. E club biuew, no e nobo di awor. Nos a conose hopi di e bandanan musical di anjanan sesenta setenta, entre otro INRI, Golden Treasures y mas. UN di e caranan y curason cu a forma parti di mayoria di e bandanan e temponan ey , ta e conosido musico, “the best drummer and singer ever” Ito Stamper. Un musico cantante humilde cu curason grandi yen di gradicimento pa bida y alegria. Y semper cu mas y mas canticanan den su repertorio. E dos canticanan favorito di Lady Ruth cu Ito Stamper ta toca drums y canta fantasticamente, a keda Jambalayah, na spanjo e cantica Cabayo y Love hurts di e grupo Naza-

reth. Pero ta hopi ta e dushi canticanan toca y canta pa nos gran amigo Ito Stamper, e.o. Taxi, Pretty woman, Satisfaction, Venus y hopi mas ! Ki dushi ambiente su banda “Back on Track” den anja 2022 a trese den Caage Nite club den King Plaza recientemente den fin di siman cu ta tray lomba. Oh, bunita energia den e lugar cu su respetable publico presente, amantenan di e dushi musica di anjanan 60 y 70. Manera ta nos custumber, ora nos bay sin nos pareha, nos “ladies” ta bayla den grupo grupo expresa nos dushi alegria y pasa bon ! Nos no tawata sa cu bunita amiga Coleta Zuschen su cabey a crese bira asina largo y bunita. Hopi nice pa a topa cu Lady Ella Vis y e mayornan dinamico di Edjean Semeleer, Rosaura y Eddy, kendenan tambe ta gusta bayla e dushi musica di anjanan 60 & 70. Nos no por ganja y bisa cu e lugar tawata rand rand hepak di hende, paso no tawata asina y esey no tawata e intencion tampoco . Pero si un grupo hopi inspira, cu dushi espacio riba e

dansvloer. Asina cu “Back on Track” cu su integrantenan Randy de Kort, Gino Polak, Ito Stamper mes y e hoben adulto Ryan Maduro, tremendo guitarista cu a bayla cu su melodia di guitara electrico asina bunita a cuminsa toca nan prome cantica cu tawata Jambalayah, Lady Ruth a subi pista su so cu su so y bayla expresa su mes artisticamente cu su mesun dushi alegria y gradicimento pa bida. Poeticamente bisa, Ryan a pone e guitrarra yora y hari melodicamente ! Y Lady Ruth su curason a sigui e melodianan bunita ey. Super contento di a topa cu su amiga di tempo di su hubentud, e simpatico y beautiful Sandra Jacobs di Dakota tur dia y bayla un crenchi den grupo cu ne y su otro amiganan. Cu un danki diki gordo grandi na un di Ruthy su bon “sister friend” Laureen Eman pa e dushi compania y alegria comparti. Nos a pasa hopi pret cu hopi harrimento ! Aki ta dos amiga a topa otro den algo cu nos tur dos ta gusta, esta, canta y bayla.

Y esey nos a hasi “uit volle borst” canta huntu cu Ito tur e canticanan cu nos conose y subi dansvloer pa accentua nos alegria y zjeito pa bida ! Ni cu e dushi wals, a peticion di e publico, cu Ito y su tremendo banda “Back on track” a toca, a scapa nan dos. Cu briyo y cu hopi alegria nos tawata riba e pista di baile atrobe. DANKI lieve Ed y Arthur di Go Cultura pa boso bunita energia y talentonan pa organisa actividadnan asina bunita, y esnan cu tawatatey cu a goza y pasa bon sigur ! Dushi pa a mira e pista di baile yen cu

amantenan di musica di anjanan 60 & 70. Ito Stamper, “You are the blessing”, bo a keda fiel na bo talentonan y passion pa nan semper ! You do what you love and you love what you do ! Cu Architecto di Universo sigui bendiciona’bo y bo famia. Blessings pa nos tur !!! Shonnan, stay safe.....love you too !! (Pa a bay bek un rato den tempo, nos a pasa cumpra batata cu saus di pinda na truck, prome cu a bay cas. despues di un anochi asina bunita inspira)

Pagina 19

Diamars 5 Juli 2022

Chauﬀeur drumi den pick-up memey riba caminda dilanti su cas na Tanki Leendert

Diadomingo madruga a drenta informe di cu tin un homber drumi tras di stuur cu auto memey riba caminda pero dilanti su cas na Tanki Leendert, mesora a dirigi un patruya na e sitio. Na yegada di e patruya a bin compro-

nde cu e homber tabata tin asina hopi soño cu ela pega aoñobden su auto mes. Como cu e homber a lanta trankilo a bise para su auto bon y bay drumi. Locual e homber a cumpli cabalmente cun’e y e patruya a sigui su caminda.

Solo di pueblo pagina social Ba hasi aña? Bo kier publica un felicitashon den corant. FREE Manda nos un email cu informashon y maximo 6 potret na

solodipueblo@gmail.com of Yama 585-9500

Pagina 20

Diamars 5 Juli 2022

Jaarverslag Gemeenschappelijk Hof van Justitie aangeboden aan Arubaanse Minister Tjon Op donderdag 30 juni 2022 werd het jaarverslag van het Gemeenschappelijk Hof van Justitie aangeboden aan de Minister van Justitie van Aruba, de heer Rocco Tjon. Het thema voor dit jaarverslag is ‘Retrospectus pro futuro’; terugblikkend voor de toekomst. In 2020 bestond het Hof 10 jaar als zelfstandige entiteit belast met de rechtspraak in onze zes eilanden. Deze zelfstandigheid bracht met zich dat het Hof niet langer gebruik maakt van de stafdiensten van de Landen, maar zelf zorg moet dragen voor het beleid en implementatie ervan op de gebieden zoals hrm en ﬁnanciën en andere bedrijfsvoering specialismen. Omdat het jaarverslag 2020 in het teken stond van de corona pandemie, wordt alsnog bij dit jaarverslag van de gelegenheid gebruik gemaakt om terug te blikken op, te reﬂecteren over en om vooruit te kijken naar de positie van het Hof zoals ingebed in de constellatie die vanaf 2010 geldt. Ook wordt in het jaarverslag aandacht besteed aan de wisselingen in het Bestuur, de ontwikkelingen van het aantal zaken waarmee het Hof, zowel in eerste aanleg als in hoger beroep, in 2021 te maken kreeg en de spraakmakende zaken op de verschil-

lende vestigingen van het Hof. Foto van links naar rechts: Minister van Justitie van Aruba de heer Rocco Tjon, lid van de Beheerraad van het Gemeenschappelijk Hof van Justitie namens Aruba mevrouw Luzina de Greef, Vice President van het Gemeenschappelijk Hof van Justitie de heer mr. Jacques Keltjens.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 21

Diamars 5 Juli 2022

Polis a detene pareha turista cu a drenta fiesta priva y busca problema

Diadomingo madruga tabata tin un fiesta priva na Plaza Daniel Leo, un pareha turisa a logra drenta paden y

a cuminsa haci fastioso buscando problema, ora security a nota esey mesora a saca nan afo.

E pareha turista no a gusta y a kibra e hekinan pa sera e area, no a keda nada otro cu avisa polis.

Na yegada di e patruya a bin nota cu e pareha ta incontrolable y a bay over pa detene nan y a bay cu nan na

warda. Na tur momento nan tabata haci fastioso.

Despues di 2 dia sin wak su amiga a yega su cas y a hay’e sin bida Diasabra anochi a drenta informe si cu un dama a yega cerca su amiga despues di 2 dia sin wak e y no ta contesta telefon ela bay na e cas di amiga y a haya tur lus paga y a bati alarma ya cu e amiga tin problema cu su salud mental, mesora a dirigi patruyanan na e sitio. Na yegada di e patruyanan nan a logra drenta paden y a bin haya e juffrouw sin bida y a pidi ambulans cu urgencia.

2 Ambulans a presenta mesora pero nan no por a haci nada mas y a pidi un dokter. Polis a solicita presencia di tur autoridad competente. Na yegada di dokter a constata morto di e juffrouw M. de J. di 54 aña naci na Hulanda. Nos di awe24.com ta manda nos mas sincero palabranan di condolencia na famianan, coleganan y tambe alumnonan di Mon Plaisir School unda e fayecida tabata traha.

Pagina 22

Diamars 5 Juli 2022

Pagina 23

Diamars 5 Juli 2022

AVP TA SIGUI DEN BARIO; ENCUENTRO EXITOSO CU PUEBLO DI TARABANA

Partido AVP ta continua cu reunionnan den bario pa asina comparti e vision di e BON COMUN cu nos comunidad. Ayera atardi den e bario di Tarabana lider di Partido mr. Mike Eman y demas colega di Partido tabata presenta na cas di famia Sonia Westerburger na Mamoticastraat 26 pa asina scucha e dolor y retonan cu ta biba den e hogarnan di Tarabana. E racha di reunionnan den bario ta habri oportunidad pa comunidad por expresa y participa. E bario di Tarabana a responde grandemente na e yamada di partido AVP . Ciudadanonan di Tarabana y Dakota a asisit y a expresa cu nan ta precupa cu e rumbo di Aruba. Den bario di Tarabana e problema nan social ta aumentando, e pobresa ta creciendo y electricidad y awa di cuidadanonan ta wordo desconecta y pensionado nan ta precupa pa cu aumento cruel di costo di bida.

Lider di partido mr. Mike Eman, parlamentario drs. Mervin Wyatt Ras, mr. Gerlien Croes, acompaña pa demas colega nan di partido Wendrick Cicilia, Clifford Heiliger, Denn-

erich Kelly, Abigail Arends y Juni Croes a comparti sentimientonan y mensahe cu un grupo di cuidadano di Tarabana precupa pero motivo cu Aruba mester un cambio y un vision distincto enfoca ariba e bon comun. Tur orador a enfatisa e necesidad di un cambio di vision y liderazgo y a subraya cu e decisionnan di gobernantenan mester siribi e BON COMUN. E trayectoria di logranan politico di partido AVP ta evidencia cu un pais ta desaroya na momento cu Gobernante nan ta wordo inspira pe concepto di e BON CO-

MUN. Lider di partido mr. Mike Eman e enfatisa cu e Bon Comun mester ta e fundamento pa tur decision politico. E BON COMUN ta guia gobernante nan pa sirbi cada cuidadano y no un grupo selecto di persona den nos comunidad. Lider partido AVP mr. Mike Eman a comparti un reflexion profundo cu e vision di BON COMUN ta impone un tarea riba e gobernantenan pa crea un calidad di bida pa nos cuidadanonan semenante na reino di shelo. E calidad di bida cu nos tin cu

aspira pa nos cuidadano nan mester un digno pa e motibo aki Partido AVP a redobla pensioen, a introduci un pensioen general, a introduci schoolkinderentoslag, reparatie toeslag, y a inverti den infrastructura, scolnan y barionan den nos comunidad pa menciona algun projectonan inspira pa sirbi e BON COMUN. Un gobierno cu un orientacion profundo riba e BON COMUN ta imperativo pa crea felicidad y prosperidad pa nos pueblo. Aruba y pueblo ta confrontando un cantidad di dolor y re-

tonan. Nos cuidadano no por mas cu e medidanan cu Gabinete Wever-Croes ta impone y ta ocasiona cu su mal maneho. AVP ta uniendo nos comunidad, bayendo bario pa bario pa crea e union y forsa necesario pa asina nos por rescata nos Pais y establece un vision cu ta sirbi e BON COMUN. E BON COMUN di cada cuidadano di nos pais mester ta e guia y inspiracion pa asina nos por sali for di a abismo cu Gabinete Wever-Croes a hinca nos pais aden.

Pagina 24

Diamars 5 Juli 2022

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

911 100 102 104 105 107 11141

Ambulance San Nicolas Ambulance Sasaki Ambulance Wayaca

584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Servicio nan Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation

582-2219 583-2999 582-4433 587-1677 583-5400 131 588-3131 587-0002 588-9999

Pagina 25

Diamars 5 Juli 2022

THE ARUBA INTERNATIONAL REGATTA LO TUMA LUGAR ENTRE 19 CU 21 DI AUGUSTUS

pago cu cash ta wordo accepta. Despues lo sigui un captain’s meet y opening oficial di Aruba International Regatta 2022 pa 8’or di anochi. Caredanan di sailing lo cuminsa e siguiente dia, Diasabra 20 di Augustus na Surfside Beach, henter un dia pa deporte, musica y divercion.

ORANJESTAD – Durante un encuentro recien entre e hunta di Aruba International Regatta a finalisa e programa di evento y actividadnan pa loke ta e caredanan na caminda. Participantenan mester registra online riba

w w w. a r u b a - r e g a t t a . o r g prome cu Diasabra 20 di Augustus pa 9’or di mainta. E evento lo habri oficialmente na Universidad di Aruba riba Diabierna 19 di Augustus cu registracion entre 5’or di atardi pa 7’or di anochi, solamente

E PROGRAMA PA 20 AUGUSTUS: 08:00 – 09:00am: Ultimo oportunidad pa registra ‘last minute’, ta accepta cash solamente. 08:30: Safety & race meet, sunfish, beach cat, F11, Opti, & Qube na Surfside Beach. 09:00am – 05:00pm: Caredanan di Sailing 12:00pm: Lunch Break 04:00pm – 07:00pm: Live

Music 05:00pm – 06:00pm: Happy Hour! E PROGRAMA PA 21 AUGUSTUS: Diadomingo 21 di Augustus, na Surfside Beach, henter un dia di sport, musica y divercion.

09:30am – 5:00pm: Sailing Races 12:00pm: Lunch 04:00pm – 07:00pm: Live Music 05:30pm: Junior Awards 05:00pm – 06:00pm: Aruba Regatta Happy Hour 07:00pm: Closing Ceremony & Awards

Pagina 26

Diamars 5 Juli 2022

SORTEO 1 JULI 2022 Anochi

SORTEO 4 JULI 2022 Merdia

SORTEO 3 JULI 2022 Merdia

Pagina 27

Diamars 5 Juli 2022

PRONOSTICO DI TEMPO VALIDO TE DIAMARS 05 DI JULI 2022, 18:00 ORA TEMPO: AWE ANOCHI: PARCIALMENTE NUBLA Y GENERALMENTE SECO DEN MARDUGA I MAYAN: PARCIALMENTE TE HOPI NUBLA CU UN AWACERO BREVE TEMPERATURA MAXIMO 33 GRADO CELSIUS TEMPERATURA MINIMO 27 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 35 PA 37 GRADO CELSIUS UV INDEX: 12 BAHADA DI SOLO : 7:09 PM SUBIDA DI SOLO : 6:19 AM. BIENTO: MODERA TE BASTA FUERTE FOR DI DIRECCIONAN OOST; FORSA 4 TE 5 (20 TE 39 KM/ORA, 11 TE 21 NUDO). DEN DIA FUERTE TE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO PA PROXIMO 24 ORA: UN OLA TROPICAL LO ACERCA Y PASA DEN PARTI OOST DI CARIBE BAYENDO WEST, DURANTE PROXIMO 24 ORA. E SISTEMA AKI LO TRECE HUMEDAD DEN AREA CUAL POR PONE MAS NUBIA DESAROYA Y PASA RIBA REGION LOCAL. ESPECIALMENTE DEN ORANAN DI MARDUGA I MAINTA ESAKI POR PRODUCI LOCALMENTE UN AWACERO PASAJERO TE BREVE CONDICIONAN MARITIMO/ ESTADO DI LAMA: NA PARTINAN PROTEJE DI COSTA: LEVE NA PARTINAN ZUID: MODERA NA PARTINAN OOST TE NOORDWEST DI COSTA: MODERA TE LOCALMENTE POCO BRUTO AVISO/ ALERTA: UN AVISO PA BOTO CHIKITO TA NA VIGOR. TA SUPLICA OCUPANTENAN DI BOTO CHIKITO PA EJERCE CAUTELA ESPECIALMENTE NA PARTINAN OOST TE NOORDWEST Y TAMBE RIBA LAMA GRANDI. FENOMENONAN SPECIAL: AWE MAINTA 11:05 A SINTI UN TEMBLOR MENOR NA ARUBA. E EPICENTRO TABATA NA 34 KM ZUIDOOST DI CABO SAN ROMAN RIBA PENINSULA DI PARAGUANA. E MAGNITUD TABATA DI 3.1 NA 34.6 KM DI PROFUNDIDAD. TEMPO TROPICAL SIGNIFICANTE: NINGUN POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 32 / MIN 27 / 0.0 MM WESTPUNT: MAX 32 / MIN 27 / 0.0 MM STA ROSA: MAX 32 / MIN 27 / 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO BREVE. BIENTO LO TA FOR DI DIRECCION OOST I MODERA TE BASTA FUERTE; FUERTE TE POSIBLEMENTE DURO DEN RAFAGA; TEMPERATURA (GRADO CELSIUS) MAX / MIN LO TA: 33 / 27

Pagina 28

Diamars 5 Juli 2022

Joshua Klaber a perde den rond 16 for di Merca

Den fin di siman tabata tin e Pan Am Series II na Heredia Costa Rica y Joshua Klaber a participa den e categoria di -58 kilo cu un total di 20 atleta for di diferente Pais. Esaki ta Joshua Klaber su di dos Pan Am Series y su di dos evento den e categoria adulto y G events. Joshua Klaber a topa den su prome salida cu e Canades Mark Pashnin y Joshua Klaber a gana dos di e 3 rondnan, lagando e Canades den veld ariba su rudia. Den e di dos sal-

ida Joshua Klaber a topa cu Melvy Alavarez for di Merca y Joshua Klaber a perde tur dos rond. Melvy Alvarez a sigui y a sali campeon den e categoria di -58 kilo. Monica Pimentel a coach Joshua Klaber y ta contento cu Joshua Klaber a gana su prome pelea den G events cu ta un adelanto pa su desaroyo den e categoria adulto. Awo lo sigui prepara pa e siguiente G event pa sigui subi e trapi.

Pagina 29

Diamars 5 Juli 2022

Cu profundo tristeza na nos curason, nos ta anuncia fayecimento di nos mama, esposa, wela, bisa wela y ruman stima:

Florita Kock-Boekhoudt *22-12-1945 †30-06-2022

Na nomber di su: Esposo: Yiunan: Nieto y nietanan: Bisanietanan: Rumannan: Swa y cuñanan:

Juan Eugenio “Nene” Kock Gladys y Ruben Kock Richard “Chato” Kock Edgard “Popy” Kock Frances Kock Oslien Kock Eugene Kock Liandro “Osho” Kock Aishma Kock na Hulanda, Ruald Kock, Sherman Kock, Aquim Kock na Australia, Jaden Kock, Ozzie Webb, Ashanti Geerman, Zahira Kock, Zoe Kock, Jaden Dijkhoft, Shaniqua Kock, Alysha Kock Aiszienne y Agishma Chefa Kelly y famia Chanita y Poli Hernandez y famia Mathilda Paskel y famia Buchi Boekhoudt Chichi Boekhoudt Celsa y Donny Tjen A Kwoei Nestor “Nene” Henriquez Nicomeda Boekhoudt-Ruiz y famia Ramona Boekhoudt-Kelly y famia Annie y Tony Brete y famia Sebastiana “Chaba” Thiel-Kock y famia Juan Pablo “Padu” y Brigida Kock y famia Eloiza y Buchi Koolman y famia Rita Kock y famia

Tur su ihannan, bon bisiñanan Irma Curiel y famia, demas bisiñanan, subrino y subrinanan, primo y primanan, comer y compernan, tur u conocir nan y amistadesnan Demas famia: Kock, Boekhoudt, Thiel, Kelly, Hernandez, Paskel, Tjen A Kwoei, Ruiz, Henriquez, Dirksz, Tromp, Clement, Lampe, Maduro, Geerman, Paesch, Donata, Briezen, Simon, Rozenber, Croes, Damian, Flanegin, Baroud, Ras, Giron, Sheikh, Rasmijn, van der Biezen Nos disculpa cu den tristesa nos por a lubida un of otro famia. Acto di entiero lo tuma lugar Diabierna 08 di juli 2022 for di 2:00 pa 4:00 pm na misa Inmaculada Concepcion na Santa Cruz y despues lo Sali pa santana Catolico na Santa Cruz.

Pagina 30

Diamars 5 Juli 2022

Gradicimento / Invitacion Na nomber di esposa, yui nan, nieto y nieta nana, bisa nieto nan, nos kier a gradici tur cu a asisti na entiero di:

Roman Dominico Loopstok

Na rumannan, sobrino(a)nan y demas familiarnan, amistadnan y conocirnan cu a sostene nos den e momentonan dificil, un Danki di curason. Na e team di Aurora Funeral Home cu a ofrece nos un bon trato y servicio cu e entiero. Nos kier a invita boso pa asisti na Santo Sacrificio di misa na Misa Santa Filomena na Paradera dedica na nos defunto stima Diamars 5 di Juli pa 7’or di amochi Diaranson 6 di Juli lo tin un santo rosario na piedra plat 57 Apa 7’or di anochi

Bo(so) presencia lo ta altamente aprecia.

Un feliz siman colma cu bendicion di Dios na abundancia. Hesus a draai wak y ora El a mira e muhe El a bis’e:” Curashi , mi yiu, bo fe den Mi a cura bo”………(Mateo 9, 22) E muhe a pensa ”Mishi so mi mishi cu Su paña, mi ta cura” y el a acerca Hesus di atras y mishi cu un punta di Su paña. Pues, e muhe a reconoce Hesus como Señor (Hoseas2: 20) y sa cu ‘Señor ta scucha su oracionnan y cu Señor ta contesta su oracionnan’(Hoseas 2:21). E muhe a haci e acto di fe: mishi cu punta di Hesus Su paña y el a cura. E muhe a cura y Hesus a reconoce con grandi e fe di e muhe ta. E cabesante di snoa a reconoce Hesus como Señor y a pidi Hesus pa pone Su man ariba e yiu cu a caba di muri. Un acto di fe door di un tata pa su mesun yiu. Hesus a coge e man di e yiu y el a lanta para. Pa Dios nada ta imposibel. Nos tin cu practica nos fe pa por ricibi locual Dios kier duna nos. Oracion: Señor aumenta nos fe pa asina nos por ricibi, virtudnan, gracianan y donnan y sirbi Bo tambe. Amen

Pagina 31

Diamars 5 Juli 2022

Cu inmenso tristesa pero agradecido pa tur locual el a nifica pa nos tur. Nos ta anuncia cu a bai sosega den brasa di Señor:

Marcolina Werleman-Kelly 27 juli 1938 - + 30 juni 2022 Cariñosamente yama “Colin” of “Mama Colin” Viuda di + Roberto “Bebe” Werleman

Na nomber di su yuinan: Rafaela Eli Kelly Mariella Judith Gina Werleman y Elvin Croes y famia Manera yui: Amy, Raybert y Rayon Unico tanta grandi: Louisa Henriquez Su nietonan: Joel Rodriguez y Jaimy Schwengle Joally Rodriguez Kyon Arends Mary-Jane Winklaar Juni Maduro Su bisanietonan:Jaydon Dania, Jovan Rodriguez, Jadeson Rodriguez, Jomar Martinez Su bisanieta:Alina Rodriguez Rumannan: Eduardo “Do” y Delfina Kelly y famia Ursulita Giel y famia Lucia Kelly y famia Manuel Kelly y famia Editha Kelly y Ricardo Maduro y famia Luisa Kelly Tur su sobrino (a) nan, primo (a) nan, acto primo (a) nan, su iha nan, comer y comper nan, swa y cuñanan, tur su conocirnan, su amiga nan di cas, su ruman nan di Cristo, su ex coleganan di Drive Inn Theater y The Olde Molen Restaurant. Demas famia: Kelly, Werleman, Geerman, Henriquez, Rodriguez, Schwengle, Dania, Arends, Winklaar, Martinez, Maduro, Giel, Koolman, Kwidama, Webb, Colina, Croes, Curiel, Cavinato, Brehen, Elliot, Antoine, Tromp, Wong, Wever, Liu, Boekhoudt, Tham, Dirksz, Greaux, Cornett, Everon, Weller, Wester, Faro,Simon, Swords, Damian, Rasmijn,Wouters, Ras. Oportunidad pa condolencia lo ta diaranson 6 di juli 2022 for di 7:00 pa 9:00 pm na Aurora Funeral Home. Acto di entiero lo tuma lugar diahuebs 7 di juli 2022 for di 2:00 pa 4:00 pm na misa Inmaculada Concepcion na Santa Cruz y despues pa cremacion. Nos disculpa cu den tristesa nos por a lubida un of otro famia. Despues di entiero no ta risibi bishita di condolencia na cas.

Pagina 32

Sopi di Letranan

Diamars 5 Juli 2022