Diamars 25 july 2017

URATACA CENTER

DIAMARS Y TOP FM TURDIAHUEBS 9:00 pm-11:00 pm

Awe Juli 25

Diamars 25 Juli 2017 -Edicion-10 Vol.2307 Sta.Cruz #111 Tel: 585-9500 Fax:585-0952 - E-mail: solodipueblo@gmail.com

ATRACO ARMA RIBA EMPLEADONAN DI TROPICANA CASINO

Curry Chicken, Aroz, Salada & Banana Tel: 585 5212

E AUTO USA PA E ATRACO UN HYUNDAI I10, KIMA

PORFIN PAUL Y SU FAMIA TA CONOCE KEN & KICO TA AVP & MIKE

Tape cu a lek den publicidad ta confirma ‘esclavitud moderno’ di Mike Eman

Jonathan Lake ta bisa publicamente cu e ta sostene AVP pasobra nan ta dune di come y e por fix su cosnan

Life Factors hunto cu Oxyplus ta invitabo pa dia 31 di Juli na Botica Santa Cruz 9:00AM Presenta bo testimonio y ricibi gratis un paki di

New Oxyplus grape flavor

of cu cada compra 20% di descuento.

Pagina 2

Diamars 25 Juli 2017

LIDER DI MEP, MR. EVELYN WEVER-CROES:

SOLUCION PA PROBLEMA CU CUIDO DI SALUD

TRECE CUIDO MAS CERCA DI PACIENTE Pero no esey so. Mester amplia e orario di sala di operacion. Si tin suficiente personal y tin suficiente material pa haci operacion, no mester warda tanto. Mescos ta conta pa e orario di haci test manera scan, MRI, etc.

Den conferencia di prensa di MEP semanal, lider di MEP, mr. Evelyn WeverCroes a elabora riba e solucionnan di MEP pa cu cuido di salud. “Nos salud a wordo neglisha, tempo di espera pa specalista of pa operacion ta demasiado largo, falta personal den enfermeria y biba saludabel casi ta impagabel. Nos mester duna salud prioridad bek.

Un pueblo sin salud, no tin nada. Con nos di MEP lo mehora e cuido di salud?

CORTA TEMPO DI ESPERA Pa mehora e cuido di salud

mester corta tempo di espera.

Pa corta e tempo cu un pacient mester warda pa mira specialista mester amplia e cantidad di specialista. Y si mester nos lo trece dokternan di exterior pa un temporada cortico, pa yuda nos propio profesionalnan waak e pacientnan. Una vez nan keda cla, nan lo bay bek y nos propio specialistanan lo sigui atende cu e pacientnan den un tempo relativamente cortico.

Naturlamente nos mester trece nos hobennan graduadonan den medicina den region bek pa traha na Aruba.

Pa logra esaki nos mester inverti mas den nos empleadonan y nan condicionnan laboral, pa haci e trabao mas atractivo pa nos hobennan. Nos mester percura pa e estudio na EPI ta cualifica pa studiantenan por drenta y traha na Hospital mesora sin problema.

Percura pa nos tin suficiente enfermeronan.

TRECE E CUIDO MAS CERCA DI E PACIENTE Awor ta un caminda di crus un paciente mester cana pa yega na cuido.

Pa por trece e cuido mas cerca di e paciente, pa cuminsa Imsan mester

bira un hospital cu tur servicio, pa asina ora un persona cu ta biba pariba di brug bira malo, e por haya tur servicio medico mas liher.

E di dos paso ta pa construi un centro medico den e area central di Paradera/ Santa Cruz. Y ohala cu un dia tur districto por haya un centro medico of centro di prome auxilio, pero nos mester ta realistico cu e situacion financiero di Aruba no ta permiti tur esaki.

PREVENCION Pa mehora e cuido riba termino largo nos mester enfoca mas riba prevencion. Importante ta pa hendenan biba saludabel, pero esey ta casi impagabel na Aruba.

Pesey nos mester baha e prijs riba productonan saludabel y educa nos ciudadanonan con pa biba un bida saludabel.

MEP lo introduci un chekeo obligatorio cada

aĂąa, pasobra asina bo por detecta problemanan den salud di tempran. Un riĂąon prome cu perde hopi di su funcionalidad, un bista prome cu Glaucoma bay cune, Cancer prome cu e bira mas grandi. Den tur e casonan aki e tratamento ta mucho mas efectivo y menos costoso si e maleza wordo detecta na tempo.

Cu salud di hende bo no ta haci wega. Nos dokter- y profesionalnan ta haciendo nan maximo esfuerzo pa mantene e cuido na un nivel halto, pero nan mannan ta mara.

MEP ta di opnion cu un pueblo salud y un pueblo educa por enfrenta tur retonan y pesey cuido di salud lo haya prioridad.

Nos lo cambia e enfoke di gobernacion cu awor ta riba estetica y embeyecimento y pone e enfoke riba e ser humano, pasobra pa un pais progesa e ser humano mester ta salud pa e por progresa tambe.

Pagina 3

Diamars 25 Juli 2017

Porfin Paul y su famia ta conoce ken & kico ta AVP & Mike Diabierna cu a pasa AVP tabata tin un di su fiestanan unda ta duna esnan presente hopi alcohol y seguramente tambe otro substancianan pa despues nan bay ranca y kibra bandera na cas di oponentenan di AVP. Un hende cu karakter y den su sano huicio hamas por cay den sorto di decadencia similar destruyendo propiedad di otro cu no ta comparti nan opinion. Un acto cu a trece hopi rabia e anochi aki, tabata e hecho cu e doñonan di AVP, esta famia Eman a duna Henny orden pa su ruman Mike informa Paul cu e NO TA BONBINI na e “bochincha” di diabierna y lubida cu e lo aparece riba lista di AVP pa e proximo eleccion.

“Nada no a pasa”? Mundo sa dal vueltanan increibel: e lider di AVP mas corupto den historia di Aruba y cu mescos cu e otro lider di AVP, tambe a hera di bay prison den e ladronicia di Fondo San Nicolas, ta duna orden pa tene otro for di lista pasobra e ta corupto?

e caminda lo mester pasa pa por contrui e caminda, awor AVP ta yame “Watty Vos Blvd” !

Simpatizantenan di e partido berde, mester “google” y busca informacion con Presidente Bill Clinton a yama e gobierno di Henny pa narco - complaciente. Un contratista Italiano a declara cu diferente biaha Henny tabata haya 50 mil dollar como “regalo”! Henny hunto cu Mike a fia 2 miyon florin na un banco y ta laga FCCA cu ta pertenece na pueblo, carga e perdida di 2 miyon florin y asina tin un cantidad di porqueria mas. Paul no ta na haltura cu ta Henny a manda pidi Hulanda pa pone su propio Minister di Husticia Watty Vos bao curatela cu un MB? Pa purba trankiliza nan consenshi, AVP awor ta bin cambia nomber di e “Ringweg” cu pa hopi aña Gobierno di MEP tabata cumprando tereno y casnan na unda

Unda abo y e otro hipocritanan tabata durante e ultimo 49 aña? Pa loke ta Paul: Paul sa cu Henny & Mike tin un odio enorme contra Betico Croes dfm y su famia y cu tarde of tempran AVP lo a destrui Paul y caba cu su carera completo. Lo no ta NADA straño cu ta e propio Mike a manda info pa OM persigui Paul, pasobra esaki ta “modus operandi” di Henny y Mike!

Pa ki motibo? Watty a traha na Domeinbeheer pero NO na e edificio pazuid di esun actual.

Henny y AVP a percura pa Watty haya un KB riba su cabez y birando e prome minister den Reino Hulandes pa ricibi un condena asina fuerte di Su Mahestad!

Watty ta un di esnan cu no tabata kere den Status Aparte y como parlamentario a VOTA CONTRA STATUS APARTE, por bay mira e notulas di e tempo ey! Ta a base di kico mester cambia nomber “Ringweg”?

Kizas mester bay puntra e Funeraria dicon Henny y AVP durante tur nan añanan a NENGA di paga e gastonan di entiero. E Scol di Polis ya a haya su nomber. Pero awor Mike ta bin haci fantochi y hipocrecia pa recorda memoria? Pa loke ta su tata mes, awor despues di 50 aña ta bin duna “homenahe” na su memoria?

No lubida loke Henny a haci cu husticia 4’or di marduga ta drenta cas y detene Minister Berlinski! Paul sa mucho bon con AVP a persigui, lastra y acusa Carl Giel como corupto y falsificador di documento na Dept. di Labor pa facilita permiso pa Chinesnan contra

balente pago, segun AVP! Paul no tabata sa cu Carl ta broma cu e ta tuma e lugar di Paul den Noord? Ministerio Publico ta acusando ex-Minister di Labor Paul di corupcion y fraude den asunto di permiso y esun cu awor ta propaga su mes como “kroonprins” di Paul, segun AVP tabata envolvi den casonan similar tempo e tabata empleado di Dept. Labor ! Wel, wel : “Soort zoekt Soort”!

Henny, Mike y esnan den AVP a considera cu nan a tuma despedida di Paul e anochi cu manera Pontius Pilatus nan a trece riba stage na Carnival Village, pero ya nan a “crucifike” dia bieu ! Lo ta realmente tristo, un falta di honor, dignidad y karakter, si un ruman di Paul lo por bay hinca den su cabez pa sigui cu AVP, despues cu AVP a “puñala” nan ruman!

Scucha bon kico Paul su suegra ta bisa pa ABO tambe haya sa ken y kico ta AVP y Mike Eman!

Den nota di voz…

Linchi Merryweather ta sinti cu AVP y incluyendo Mike Eman a laga Paul y su famia na caya Linchi ta culpa AVP di a haci hopi fiesta, pero no a yama un manifestacion dilanti Ministerio Publico

Den un nota di voz cu a circula den weekend, e suegra di Paul Croes, e carnavalista Linchi Merryweather, a expresa su desapunto den Partido AVP y Mike Eman, pa e forma con nan a trata Paul.

E grabacion ta bisa: “Mi tin Tristeza, mi ta confundi , mi no ta compronde kico ta pasando, pakico e cos mester a yega asina leu, mi no ta comprende. Mi no ta punta dede, pero tampoco mi ta sinti cu ningun persona ariba lista di AVP, e otro 28-nan y e lider Mike Eman no a para duro patras di Paul.”

Segun Linchi a sigui splica den grabacion di voz, partido AVP a laga Paul y su famia na caya. Si tur weekend AVP tin happy hours, birthday, bebemento, comemento, fiestamento, a invita cada ken pa baha bay na tal candidato, sikiera AVP por a pone un solo dia, pa ban join otro,

como un solo partido AVP y ban sostene Paul Croes, den bon y den malo. ‘ No ta fiesta, bebemento, no ta Happy Hour so mester tabata tin, bo mester ta cu bo candidato ora cu nan ta den nan dolor tambe. No tin ni un dia, cu por a yega y bisa pa ban dedica e weekend aki na Paul Croes y ban yama cada sostenedor, ban uni, pa bini abao y ban para dilanti Ministerio Publico. ‘ Linchi a sigui bisa mi no ta bisa cu esey lo a yuda, pero por a haci un diferencia si, segun Linchi, cu e opinion aki ta sali for di fondo di su curazon, pasobra loke su famia a pasa aden, no ta husto y aki Linchi a kibra den yoramento.

“E cos aki no ta eerlijk, e no ta fair y cada ken den e chatgroup di Paul, ta sinti e mes dolor di Paul.” Linchi ta bisa cu e ta sinti cu AVP y tur otro miembro incluyendo e lider a laga nan na caya.

Pagina 4

Diamars 25 Juli 2017

Xiomara Ruiz Maduro victima di Violencia Domestico

nforme cu a yega na nos mesa di redaccion ta indica cu e politico di MEP, mr.

Xiomara Ruiz -Maduro a haye envolvi den un problema domestico den fin di siman cu su esposo cual termina den agresion fisico serio na su persona.

Esaki sigur ta un caso lamentabel. SOLO DI PUEBLO a tuma contacto cu Xiomara, kende a confirma nos, bisando “Mi a pasa den un caso lamentabel di violencia domestico y m’a tuma e decision pa pone un paro na e abuso”.

Violencia Domestico no tin color politico ni tampoco raza, ni posicion, ni rico y ni pober. Ta keda un asunto cu por presenta su mes y cual mester keda rechaza contundentamente.

Un denuncia a wordo haci

Parlamentario di MEP, mr. Juan Ady Thijsen:

E clase trahador semper ta sufri bao tur gobernacion di AVP MEP tin solucionnan un biaha mas!

masker etc. pero tambe tin circumstancianan manera stoel, posicion di keyboard, monitor, luz den e empresa, tapijt, airco, calor cu tin cu ta ser controla pero door di otro ministerionan, esta Salubridad Publico y Husticia( Inspeccion Tecnico).

Aki mester un bon coordinacion.

Tambe e trahador mester ser cuida di su mes cu cumplimento di rusttijd y vacacion manera stipula door di ley. Pues lo mester percura pa un upgrading y mihor funcionamento di e tarea di inspeccionnan den cuadra di bienestar di e trahador.

na polis pa e situacion cu a presenta cual a conduci na detencion di su esposo H. Ruiz.

Nos ta desea Xiomara forza den e momentonan aki, cual situacion ta impedi pa algun dia su campaña politico.

Mester bisa si, cu den nos contacto cu Xiomara, su persona ta fuerte y ta encontra su mes bon di salud, recuperando di situacion. Xiomara a bisa nos tambe cu e lo sa di surpasa e momentonan dificil aki y e ta pidi e comprension di tur hende, p’e por haya e espacio necesario pa e por deal cu e situacion fastioso aki.

Nos redaccion ta desea Xiomara y su team forza!

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Parlamentario mr.

Juan Ady Thijsen como parlamentario di nos pais y como experto laboral ta constata cu atrobe bao un gobernacion di AVP e clase trahador ta bay atras.

Den pasado a mira esaki cu introduccion di cheap labor bao di gobierno di Henny Eman y tambe e abusonan cu tabata tuma lugar cu contractonan di corto duracion.

Na 1992 Partido MEP a escoge pa termina cu e problema aki y a introduci articulo 1613x. Punto di salida di MEP ta cu trabaonan fiho mester ta pa relacion di trabao fiho pa duna e trahador stabilidad den su trabao y por ehemplo por haya un prestamo. A pasa 25 aña y awor atrobe despues di un gobernacion di AVP e clase trahador ta den inseguridad. E biaha aki ta e fenomeno di uitzendkracht ta e problema principal pero AVP a permiti varios otro problema lanta cabez.

Segun Parlamentario mr. Juan Ady Thijsen MEP ta considera di suma importancia cu garantianan den ley den cuadra di continuidad di trabao keda vigente.

MEP lo no permiti pa mishi cu proeftijd ni cu art.1613x. Pa loke ta toca e uitzendkracht tin violacionnan grandi di ley ta tumando lugar.

Trahadornan di exterior ta ser permiti pa traha como uitzendkracht locual pa ley no por. MEP lo revisa e ley di uitzendkracht y haci cambionan pa duna e trahador na Aruba mas seguridad di trabao. Segun Parlamentario mr. Juan Ady Thijsen, ta constata cu e seguridad na pia di trabao ta laga hopi di desea.

Control ta plama den diferente departamento y ta actua ora algo pasa of un hende yama. Segun Parlamentario mr. Juan Ady Thijsen, Inspeccion di trabao tin cu controla uso di helm, boots,

Segun Parlamentario mr. Juan Ady Thijsen lo studia e posibilidad di introduci menos ora di trabao. Den sector hotelero tin un tendencia cu cao-nan ta ser cera pa cuarenta ora pa siman.

Lo aumenta e dianan di vakantie di sector priva, haci cambionan den ley di Cessantia na beneficio di trahador y lo adapta Landsverordening ziekteverzekering pa loke ta trata e temporada di AO. Actualmente e articulo ta bisa “Het recht op ziekengeld ter zake van eenzelfde ziekteoorzaak vervalt na twee jaren.”

Esaki segun Parlamentario mr. Juan Ady Thijsen ta inhusto y mester ser cambia.

Parlamentario mr. Juan Ady Thijsen ta pidi e clase trahador pa ta consciente cu votacion ta un medio pa para pa su derechonan y cu Parlamentario mr. Juan Ady Thijsen y partido MEP ta cla pa e reto den bienestar di e trahador manera semper. Hunto p’e cambio sin miedo!

Pagina 5

Diamars 25 Juli 2017

Tape cu a lek den publicidad ta confirma ‘esclavitud moderno’ di Mike Eman

Jonathan Lake ta bisa publicamente cu e ta sostene AVP pasobra nan ta dune di come y e por fix su cosnan Opinion publico ta rechaza e mentalidad di esclavitud di Partido AVP Jonathan Lake, futbolista y coordinador di Mike Eman a bira noticia ayera ora un tape di dje a lek den publicidad. Den e tape por tende con Jonathan Lake ta yora su dolor, riba varios decision cu AVP ta tuma, cual e no ta di acuerdo, pero e no por haci nada otro.

Segun Lake a splica, cu e mester sostene loke e partido ta haci, pasobra e partido ta dune di come.

Mientras nan ta dune di come, e no por haci otro di sigui sostene e partido.

Tambe Lake a bisa bon cla, cu mientras AVP tey, e por keda fix su cosnan personal.

Lake a sigui bisa y puntra un amigo di dje: Kico bo kier nos haci?

Si MEP bini, ta nos tur ta bay y nos ta masha hopi mes. Ta prefera pa sostene MEP unda nan lo mester bay cas of nan lo sostene AVP pa nan wanta nan salario?

Pues, Jonathan Lake mes ta hopi disgusta cu partido AVP y e ta admiti cu nan no tin nada di bisa, cu ta otronan manera Leoncita ta tuma decision den e partido. Nan tey solamente ta traha pa nan hefenan y cobra nan salario.

Esaki ta e grabacion cu a lek y cu a wordo rechaza totalmente den comunidad. Hopi hende a cuminza constata e abuseria cu Mike Eman ta haciendo, unda e ta trata tur hende rond di dje como esclavo, pasobra loke Jonathan Lake a declara ta nada otro cu esclavitud moderno combina cu sinberguenseria.

Turista a haya su celular bek

Diasabra, pa mas of menos 12’or y mey di marduga, Central a manda Marriott Surf Club pa un turista, kende a laga su celular den un taxi. Ey a papia cu e doño di e celular, C.P., kende a declara cu diahuebs, pa mas of menos 8’or di anochi, el’a subi un Taxi na Marriott Surf Club, direccion “The man Cave.” El’a laga su celular riba e taxi. Via un app di “Find My Phone”, polis a constata cu su celular ta na un adres na Sabana Liber. Polis a bay direccion Sabana Liber en busca di e telefon. Ey a papia cu e conductor di e Taxi, yama M. y hunto cu polis a bay busca e telefon den e taxi.

Despues cu a haya esaki den e auto, polis a hiba e celular bek na e doño. Central a wordo poni na altura.

A scucha tiro cerca di RCA Diasabra, pa mas of menos 2’or y 50 di marduga, un security a yama Central y a conta cu el’ a scucha mas of menos 7 pa 9 tiro panort di e edificio di RCA. Patruya a wordo manda pa controla den e vecindario, pero te asina leu, no a raporta si nan a haya algo si of no.

Segun fuentenan na altura a bisa, cu Jonathan Lake y e otro coordinadornan ta cobra 9123 florin pa luna, unda nan ta cobr’e for di dos diferente ministerio,

como contractant.

E tape di Jonathan Lake a bay viral ayera y ta mustra cla y raspa cu partido AVP ta perdiendo cabez,

cu e rechazo cu nan ta hayando rond Aruba! Tur cos ta mustra cu AVP lo perde 5 asiento dia 22 di September y lo ta e gran perdedor di eleccion 2017.

Pagina 6

Diamars 25 Juli 2017

Departamento di Enseñanza Aruba

Inscripcion pa Prueba di Naturalizacion 2017 Seccion Examenbureau di Departamento di Enseñanza Aruba ta informa tur persona cu ta interesa pa aplica pa e Prueba di Naturalizacion cu inscripcion ta habri entrante diamars dia 1 di Augustus 2017.

E Prueba di Naturalizacion ta tuma lugar dos biaha pa aña. E prome vuelta di inscripcion pa aña 2017 tabata na luna di Januari, mientras cu e di dos vuelta ta na luna di Augustus.

Inscripcion pa e di dos vuelta ta tuma lugar entre diamars dia 1 di Augustus te cu dialuna dia 21 di Augustus 2017.

Pa aplica pa e Prueba di Naturalizacion mester haci uso di e formulario di aplicacion cu ta obtenibel pa download for di riba e website Enseñanza Aruba [www.ea.aw]. Aki tambe por haya e foyeto di informacion.

Prueba di Naturalizacion desde 1 di Januari 2011 ta

consisti di 1 componente di conocimento di nos comunidad y structura estatal, 4 componente di idioma Papiamento y 4 componente di idioma Hulandes.

Departamento di Enseñanza Aruba pa medio di su Examenbureau ta encarga specificamente cu e prueba y no tin ningun participacion den henter e proceso di naturalizacion.

Pa informacion relaciona cu e Prueba di Naturalisacion por tuma contacto cu Examenbureau, mientras cu pa naturalisacion mester tuma contacto cu Gabinete di Gobernador di Aruba.

Pa mas informacion por acudi na website [ea.aw] y buska Naturalisatietoets of Prueba di Naturalisacion den e alfabet menu. Tambe por sigui e desaroyonan a traves di facebook page @educationaruba.

Ta bende BBQ –grills

Made in Aruba - Tipo Cilindro Duradero

Di fls 150, fls 250, 275, 350,Pa mas informacion: 5697787 Nos ta entrega!

Dangui Oduber di MEP:

Nunca ATRACONAN ARMA por bira algo normal den nos sociedad!

Durante e periodo di gobernacion di partido AVP cada vez e situacion pa cu criminalidad a keda bira pior. Aña 2016 a cera cu un cantidad record di atraconan arma y aña 2017 no ta diferente. Awe un biaha mas un otro atraco ARMA a tuma lugar. Esaki a bira atraco number 56 caba pa e aña aki.

Nunca antes den historia di nos pais Aruba a conoce asina tanto atraco na mitad di aña. Luna di Juli no a yega ni su fin ainda.

Si e trend sigui manera cu e ta bayendo, nos lo cera aña 2017 cu mas di 100 atraco. Envez cu e minister di husticia ta haci algo pa garantiza nos pueblo nos seguridad, nan ta campaña pa pidi pueblo 4 aña mas.

E cifranan ta papia pa nan mes y esaki ta e resultado final di 8 aña di gobernacion di partido AVP. Un pais caminda famianan ta biba den panico, den angustia y yena cu miedo. Un pais caminda criminalnan a tuma e pais over y e minister di husticia a faya barbaramente y sigur NO merece NINGUN oportunidad mas.

E ta obvio cu e gobierno di AVP y minister di husticia Dowers NO por a frena e ola di criminalidad y NO por a garantiza nos ciudadanonan trankilidad.

Na momento cu den un pais criminalnan ta tuma over ta un señal hopi peligroso. Mas peligroso aun ta e hecho cu e minister di husticia no ta atende e situacion cu man duro y a laga e situacion bay for di man completo. Minister

Dowers a priminti pueblo cu e lo kita tur arma di candela for di caya, awe despues di 8 aña tin mas arma di candela riba caya cu nunca.

Partido MEP a presenta un plan con pa atende cu e ola di criminalidad y con pa frena esaki y asina garantiza pueblo su seguridad y trankilidad.

Nos a bisa nos ta bay controla nos fronteranan manera debe ser. Nos lo haci esaki cu Radarnan, tecnologianan moderno, drones y mas personal y equipo. Nos lo percura pa mas polis riba caya. Nos lo bin bek cu e helicopter y sigur pone mas placa disponibel pa combati criminalidad.

Polisnan mester haya e respet bek cu nan merece y mester duna nan tur equipo necesario pa combati criminalidad y mantene ordo y respet riba e pais aki. Un cos ta sigur e cambio mester bin pasobra nos pueblo no merece biba den e angustia cu e ta bibando na e momentonan aki.

E situacion actual ta hopi lamentabel caminda practicamente tur dia of tur siman tin un atraco ARMA y nunca nos como ciudadanonan di e pais aki MAG di acepta cu

ATRACONAN ARMA ta bira algo normal. Nos no mag di accepta cu atraconan arma a cuminsa forma parti di nos sociedad y di nos bida diario. Na momento cu esaki ta e caso caminda atraconan arma ta bira algo comun y coriente nos ta den un problema hopi serio cu mester tur atencion di nos como politiconan. Sin paz, sin trankilidad bo no tin bida.

E ta hopi lamentabel cu nos a yega na e extremo aki y e culpabelnan ta Mike man, Arthur Dowers y partido AVP. Ora e hendenan aki yega cerca bo na cas, puntra nan dicon tin 56 atraco den 6 luna di aña? Puntranan dicon aña pasa a cera cu un record di atraco?Puntra nan dicon tin tanto arma di candela riba caya?

Puntra nan dicon tur hende ta biba den panico y angustia? E hechonan ta papia pa nan mes y partido AVP a demostra caba cu nan NO por a atende cu criminalidad pasobra e situacion no a bira mihor sino pior.

E cifranan ta demostra esaki y ta momento pa un cambio pa un partido cu si a demostra di por maneha criminalidad cu man duro!

Pagina 7

Diamars 25 Juli 2017

MEP NA JEFFREY KELLY:

KICO ABO A HACI CU CASI 1 MIYON CU BO A HAYA DI GOBIERNO? Parlamentario di AVP Jeffrey Kelly, cu 40 y pico voto, ainda ta kere cu e por acusa hende drechi di cosnan malo. Pesey MEP ta recorda Jeffrey Kelly, ken ta ken.

Jeffrey Kelly, contesta e preguntanan aki.

1. Con bo situacion ta awe, compara cu 8 aña pasa, mihor of pior?

2. Con safe abo ta haya cu Aruba ta awe, compara cu 8 aña pasa, mihor of pior?

3. Con bo poder di compra ta awe compara cu 8 aña pasa, mihor of pior?

4. Con enseñanza di bo yiunan ta awe compara cu 8 aña pasa, mihor of pior?

5. Con cuido di salud di bo y bo famia ta awe compara cu 8 aña pasa, mihor of

pior?

6.

Con e situacion financiero di Aruba ta awe compara cu 8 aña pasa, mihor of pior?

Jeffrey, pa henter Aruba e situacion ta pior awe compara cu 8 aña pasa.

Tur hende a bay atras den poder di compra. Ta abo y un grupito so tin’e mihor cu 8 aña pasa. Pasobra abo y e grupito ey ta cerca di Mike Eman.

Boso ta haya tur contract di gobierno. Boso ta haya tur tereno di gobierno.

Boso ta gana tur e placa di gobierno.

Jeffrey Kelly, cu 40 y pico voto, den 4 aña den Parlamento a ranca casi 1 miyon florin di placa

Atraco arma riba empleadonan di Tropicana Casino

Dialuna mainta a drenta informe di un caso di atraco arma na Tropicana Casino. Mesora a dirigi patruyanan pa e sitio. Na yegada di e patruya a bin compronde cu aki ta trata di un atraco riba 2 empleado di e casino cu lo a bay hiba un suma di miles di dollar for di e casino pa e hotel.

Den e trayecto na pia ta aparece for di un auto 2 hoben flaco y cortico cara tapa y cu arma di candela. Nan a comete un atraco riba e empleadonan hibando e placa pa e hotel. Despues di a ricibi e suma, e atracadornan a bandona e sitio den un Hyundai i10 shinishi numera A66765 direccion pazuid.

di pueblo na salario y gasto di viahamento.

Casi 1 miyon florin pa e controla gobierno y cuida patrimonio di pueblo. Pero kico Jeffrey a haci den 4 aña? Sconde e fechorianan di Mike Eman y su gobierno; aproba y protege Mike Eman y su gobierno cu tur nan corupcion; yuda Leoncita y su grupito horta tur tereno di pueblo.

Pa esey pueblo a paga Jeffrey Kelly 1 miyon florin!

Ta tempo pa Jeffrey Kelly splica Aruba kico el’a haci pa tur e placa cu el’a haya den e ultimo 4 añanan aki y con hopi e mes a probecha di tur e corupcion di e grupito den AVP.

Pagina 8

Diamars 25 Juli 2017

Serie di 10 siman di e radio-quiz show Kibra Cabes 2

Diasabra 22 Juli a tuma lugar e final di e serie di 10 siman di e radio quiz show Kibra Cabes 2 “cash edition” cu e premio maximo di Awg. 10.000,00 cash Nos a cuminsa cu 35 participante cu a cualifica y despues di 9 siman den vueltanan eliminatorio nos a yega diasabra ultimo mainta pa e fase final cu tabata e di 10 siman cu participacion di 3 participante. E resultado tabata como lo siguiente: Prome lugar Mirla Rasmijn a gana Awg.10.000,00 di Aruba Bank NV. Mirla a representa e team di Beatz Entertainment. Di dos Lugar Elienne Riatiga a gana un Iphone 7 di Setar NV. Elienne a representa e team di King Artur. Na di tres lugar Monique Harms a gana un dual BBQ Grill di Do it center. Monique a representa e tema di Wonder Team Julie Julie.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 9

Diamars 25 Juli 2017

Exitoso lectura pa prepara studiantenan di Colegio EPI pa nan pasantia

Durante di dos siman studiantenan di EPI cu ta preparando pa nan pasantia a ricibi informacion valioso pa yudanan haci e parti di nan estudio aki mucho mas exitoso.

E lecturanan a wordo prepara pa e departamento di pasantia, directie y departamento di trabao social di EPI. E idea tras di e lecturanan aki a wordo stimula door di e constante desoroyo y cambio den nos mundo laboral y sigur pa prepara e studiantenan pa haci e experiencia aki mucho mas fructifero pa nan mes y tambe pa e companianan cu lo guia e studiantenan.

Pa EPI en general esaki ta un punto hopi importante mirando cu e parti di profesionalismo ta uno hopi importante pa e formacion di nos studiantenan.

E lecturanan a wordo presenta den 3 parti.

‘Shine Like a Star’ a wordo

presenta pa sra. Gabriella Kock-Helder, trahador social, cu a enfoca riba e parti di responsabilidad, etica y actitud corecto den e mundo laboral. E di dos parti a wordo presenta pa sr. Remigio Rasmijn, docente di ICT na EPI, cu como tema principal ‘Social Media Awareness’, mustrando e studiantenan e importancia di e uso corecto di social media y e impresion cu esaki ta causa na momento cu bo bay solicita pa pasantia of trabao. Finalmente srta.

Irina Croes, trahador social di EPI, a presenta ‘Walk the Walk, Talk the Talk’ cu a enfoca riba e actitud y presentacion personal fisico, e importancia den presenta bo mes cu bo mesun estilo pero di forma cu e lo causa e impresion corecto na e compania y den nan bida completo. Studiantenan mes a confirma cu nan a disfruta y siña hopi di e lecturanan aki cu sigur e lo duna nan extra confianza den nan mes na

momento cu nan cuminsa nan pasantia.

E ekipo cu a organiza esaki ta masha contento

con esaki a cana y ta stinti cu e meta cu nan a pone pa e lecturanan aki a wordo logra. Esaki mes tambe ta duna derecho di existencia

na e proyecto aki pa e proximo añanan pa asina duna mas enfoke riba e parti di profesionalismo di nos studiantenan.

Pagina 10

Diamars 25 Juli 2017

Boksmento pariba di rotonde di santana na Paradera

Dialuna merdia pa mas o menos 3’or polis di trafico a wordo manda pa rotonde di Paradera, na altura di e santana. Na e sitio ey un boksmento cu hende herida a sosode.

Na yegada di polis nan a topa cu un Suzuki jeep y un Hyundai Accent, ambos cu basta daño material.

Ambos auto tabata tin

daño parti robez dilanti, indicando cu un di nan lo a hala na su man robez of a tuma un bocht grandi pariba di e rotonde.

Ambulance na su yegada a trata ambos persona herida na e sitio mes.

Takelwagen mester a presenta pa move ambos auto for di caminda.

Departamento di Obra Publico:

Construccion di verkeersplateau na altura di Ponton (Tuturutustraat)

Departamento di Obra Publico ta informa pueblo di Aruba en general y specialmente nos automobilistanan cu ta haci uso di e caminda di Ponton/Tanki Leendert cu dia 25 y 26 Juli 2017 lo bay construi dos verkeersplateau.

Dia 25 Juli un verkeersplateau ta construi un verkeersplateau entre Ponton 38C y 38D y dia 26 Juli lo construi e otro dilanti di Tanki Leendert 25.

Rutanan alternativa lo keda indica cu baricaday borchinan di aviso y e orario di trabao lo ta di 7’or di anochi y ta programa pa caba 3’or di marduga.

En conexion cu e trabao menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 11

Diamars 25 Juli 2017

Ki tempo AVP ta stop cu su manipulacion?

Jeffrey Kelly kier sigui manipula mente di pueblo pa loke tabata e situacion di turismo na 2009 Ta parce cu mas e dianan ta acercando pa cu e fecha di eleccion di 22 di September, mas desespera e politiconan di AVP ta bira y un di e politiconan aki ta esun cu na 2013 a haya un cabey boto pa drenta Parlamento, esta sr. Jeffrey Kelly. Den un comunicado di prensa el’a trece un gran cantidad di manipulacion y mentira padilanti tratando di impresiona su lider y p’asina e por logra haya su postulacion riba lista di AVP pa e eleccion venidero. Ta increibel con e homber aki tin e pudor pa trece padilanti den un comunicado di prensa cu tin “un diferencia grandi y notabel entre 8 aña di gobierno di AVP y esun di MEP”.

Cifranan na 2009

positivo

Sr. Kelly a declara entre otro cu na 2009 su partido AVP a haya nos turismo den decadencia, laga atras pa gobierno di MEP. Pa contradeci e mentira aki, partido MEP ta presenta un tabel den cual por mira e desaroyo di e cifranan di turismo entre 2001 y 2009, esta durante e 8 aña di gobierno di MEP. Nos por mira cu durante di e periodo aki e cantidad di turistanan stay-over a aumenta cu 17%, e cantidad di turistanan crucero a aumenta cu 25% y e entradanan cu a ricibi di e turistanan a aumenta tambe cu casi 50%. Mirando tur e cifranan positivo aki laga atras pa e gobierno di MEP, siguramente no por papia di decadencia den nos turismo! Ta pesey como maestro di school, sr. Kelly lo mester por interpreta tur e cifranan aki tambe y realiza cu ningun momento so e

situacion di nos turismo tabata den decadencia na 2009 y esaki compara cu 2001. Si sr. Kelly tin otro cifra, lo e mester trece esakinan padilanti y stop cu su manipulacion, mentira y tiramento di para!

Carnival Lines

Cruise

Tambe sr. Kelly den su acto di desesperacion a trece padilanti cu Carnival Cruises a bay for di Aruba durante gobierno di MEP. Esaki ta un mentira flagrante ya cu tin tur prueba pa mustra cu desde 29 di Juli 2009 tur cos tabata regla pa e gobierno anterior, esta Gabinete Oduber IV pa yegada di Carnival Cruises pa Aruba. E tempo ey e Director di Port Operations di Carnival Cruise Lines, sr. Tringale a declara cu Carnival Cruise Lines lo bolbe cu e ruta di ‘deep south’ durante e periodo di 20102011. Alavez e schema di e 15 viahenan di Carnival Miracle pa Aruba a ser presenta, indicando dia y ora di yegada y salida di e barconan aki. Pues aki por mira claramente tambe cu sr. Kelly a pega cu e mesun maleza di gañamento di su lider.

Schiphol Groep

Y pa keda riba e topico di turismo lo ta bon pa sr. Kelly informa su mes y realiza cu tabata e gobierno di MEP cu a trece Schiphol Groep Aruba y cual grupo te cu awor a maneha nos Aeropuerto den forma profesional.

Sr. Kelly no ta corda con e tempo ey e politiconan di AVP a demoniza Schiphol Group y con nan a expresa nan mes den forma denigrante contra e compania Hulandes,

bisando entre otro cu MEP a bende Aruba cu Hulanda na prijs di baca flaco? Awe cu orguyo partido MEP ta mira con e gobierno di AVP a braza e grupo aki y tambe no a kibra e contract

cu Schiphol Group, pero al contrario a extende esaki cu hopi aña mas. Awe nos tur ta contento, ya cu un y tur den nos comunidad ta gana cu presencia di Schiphol Group na Aruba

y ta mira e frutanan cu e grupo aki ta laga atras.

Esaki tabata danki na e vision y determinacion di partido MEP y cual sr.

Kelly no mester ignora.

Pagina 12

Diamars 25 Juli 2017

Pelea cu arma na Barcelo

Departamento di Obra Publico:

Construccion di verkeersplateau na altura di Caya Maguey na Ponton

Diasabra, pa mas of menos 8’or y 50 di anochi, Central a dirigi patruya di Strandpolitie, e unidad disponibel di RRT y e patruya disponibel di Shaba na Barcelo pa un pelea cu arma/ cuchiu, unda cu e causante mester a core bay direccion panort for di Barcelo. E causante tabata un trahador di cushina di e hotel, bisti cu un carson preto y camisa blanco y un namtag di e hotel. Mientras tanto un otro partuya a bin pa reforza, a meld via portofoon cu e causante a wordo haya y tambe a haya e cuchiu. Tambe Central a meld cu lo tabata tin dos persona envolvi y cu un di nan ta profugo y alavez lo mester tin e cuchiu cun’e.

Poco rato despues, e di dos persona tambe a presenta na e sitio. Polis di strandpolitie tambe a presenta na e sitio. Na e sitio, e homber C., bisti cu un carson bruin y un camisa y tambe e homber yama V.H., bisti cu un carson scur y un camisa blanco. Ey un security di e hotel yama R., a saca un cuchiu grandi di cushina di mas of menos 30 cm. Dicho cuchiu tabata tin un cabo blanco cu blauw cla. R. a declara cu el’ a mira C. ta core bay door di e gang y cu .H. a core su tras cu e cuchiu. Riba ordo di R., V.H. a dune e cuchiu.

Na e sitio V.H. a declara cu C. lo a menaz’e cu un spatula di hero for di cushina, unda cu V.H. a coy un cuchiu y a cuminsa core su tras. C. a declara na su turno cu debi na un discusion encuantro trabao cu a tuma lugar, a haci cu V.H. a bira di cabez y a ataca C. cu un palo di basora. Door di esey, C. a coy un spatula y consecuentemente V.H. a core tras di C. Ambos a wordo deteni pa menaza y maltrato cu arma. Recherche lo sigui cu e investigacion.

RESULTADO DIALUNA 24 JULI

DI MERDIA Sorteo # 1924

3491 8990 5354

RESULTADO Paardenbaaistraat 10, Oranjestad, Paardenbaaistraat Aruba Tel.: 10,(297)5257555 Oranjestad, Aruba Tel.: (297)5257555 www.lottoaruba.com www.lottoaruba.com DIALUNA 24 JULI Resultado di Sorteo Resultado 24 Jul 2017 di Sorteo Merdia 24 Jul 2017 Anochi

DI ANOCHI

Sorteo # 6234 Sorteo # 0 x Jackpot 0 x Match 4+ ` 0 x Match 4 0 x Afl. 12,00

6224 2863 2146

2

Sorteo # 1924

8884 Sorteo # 1924

5418 Sagitario DIARIO 2301 4404 Sorteo # 1055

Sorteo # Sorteo0#x5278 Jackpot 0 x Match 4 0 x Afl. 8,00

5557

`

0 0 0 0

x x x x

Joker Sorteo # Jackpot Match 4+ Match 4 Afl. 12,00

Letter Joker

Letter

120.000,120.000,07-10-18-26-27

2

Sorteo # 4124Proximo Jackpot 0 x Jackpot 3 x Match 4 157 x Afl. 8,00

Proximo Jackpot

89.000,93.000,-

Departamento di Obra En conexion cu e trabao Publico ta informa pueblo Rutanan alternativa lo menciona Departamento Sorteo # 4037 di Aruba en general keda indica cu baricada- di Obra Publico ta pidi Sorteo # Sorteo Mega # Ball Mega Ball y specialmente nos y borchinan di aviso y e pa tene cuenta cu e 0 x Jackpot 0 x Jackpot orario di trabao lo ta di 7’or inconveniencianan cu lo cu ta 0 x match 4 automobilistanan 0 x match 4 haci uso di e caminda di por surgi pa cual nos ta 0 x Afl. 500,00 0 x Afl. 500,00di anochi y ta programa pa Caya Maguey na Ponton caba 3’ or di marduga. pidi nos disculpa.

0 x Afl 50.00 0 x Afl 50.00 CORSOU y x28Afl.15,00 di Juli 0 x Afl.15,00 cu dia 27 0 2017 lo bay construi dos 4601 verkeersplateau.

7978 Piscis

2873 Sorteo # 1776 0016

4601 SUPER 4 9227 2873 LOTTO DI DIA 07-10-18-26-27 0016

320.000,320.000,-

Dia 27 Juli lo construi un verkeersplateau dilanti di Caya Maguey 2 y dia 28 di Juli lo construi e otro Caya Maguey 11.

PUEBLO A H HAÑA SU PEN BEK

Afl.420.000,Afl.420.000,Pa kualkier informacion solodipueblo@gmail.com of

☎ 585-9500

Pagina 13

Diamars 25 Juli 2017

Sue-Ann Ras di MEP:

Papiamento, fundeshi pa mehora enseñanza!

Un maneho di idioma relevante pa nos muchanan ta di sumo importancia Enseñanza ta hopi mas cu djis inverti den renobacion y construccion di edificio y awor ta yega momento pa realmente pa haci un inventarizacion y analiza con nos por mehora e calidad di enseñanza den su totalidad.

Desde aña 2000 a registra un enorme progreso den e meta relativo di educacion primaria universal. Na Aruba nos ta carece di cierto informacion basa riba investigacion concreto, pa analiza e situacion real. E meta pa logra un educacion di calidad pa tur, ta basa den e conviccion cu educacion ta un di e motornan mas poderoso y proba pa garantiza un desaroyo berdaderamente sostenibel.

Maneho di idioma cu ta relevante pa Aruba: No tin duda cu idioma ta algo bibo den un pais y mundialmente ta comproba cu un mucha ta siña mihor

den su idioma materno.

UNESCO incluso ta boga pa esaki y actualmente na Aruba tin 2 school cu e sistema curicular di school multilingual, unda cu a demostra cu nos muchanan tin un resultado significativamente mihor, specialmente riba e area emocional.

Papiamento ta un fundeshi sumamente importante y nos no mester pensa, cu introduciendo Papiamento den enseñanza, ta un menaza pa idioma Hulandes.

E mitonan tocante cu: Papiamento NO ta un idioma of cu Papiamento bo no ta yega leu toch, no ta berdad! Papiamento ta un idioma y net contrario, Papiamento si por yuda nos muchanan yega mas leu cu idioma Hulandes y cualkier otro idioma.

Ta comproba

cientificamente y UNESCO ta

para completamente tras di esaki, cu: si un mucha desaroya su idioma materno riba nivel academico, e por siña cualkier otro idioma, usando su idioma materno como su base. E problematica di idioma na Aruba, ta hopi mas grandi cu nos ta pensa y nos tin e solucion nos dilanti. Nos mester djis kere y confia den loke ta cientificamente y empiricamente comproba y loke ta mihor pa tur nos muchananan. Djey nos mester brinda nan e espacio realmente pa desaroya tur nan potencialnan.

No tin dato concreto ni investigacion tocante cuanto mucha ta faya den enseñanza, pa motibo di e idioma. Pero mi por garantiza boso, for di experiencia, cu hopi alumno ta na un nivel di school actual, cu no ta door di nan inteligencia of capacidad, sino cu e problema cu idioma

cu nan a encontra.

Si realmente nos kier mira un desaroyo positivo y exitoso den enseñanza, nos mester brinda nos muchanan e oportunidad pa nan por florece y siña nan idioma materno riba un nivel academico y no limita nan oportunidad, door di pensa cu nos ta stroba otro idioma of cu nan no ta yega leu cu nos idioma Papiamento.

Djis pa mi cita 1 ehempel: Pa 2 aña consecutivo, e mihor graduadonan na nos school secundario Filomena College Mavo, ta alumno cu a bin for di Prins Bernhard School. Nan a haya pa 1 of 2 aña les di idioma Hulandes, di cual e alumnonan aki ta usa nan base di idioma materno pa siña Hulandes riba nivel academico. Ambos alumno ta scoge ‘exact pakket’ den examenklas y ta logra resultado sumamente positivo.

Idioma ta algo bibo y continuamente ta den desaroyo y nos mester crea un desaroyo cu ta complimenta e necesidadnan di nos presente, sin compromete e habilidad di nos futuro generacion pa nan complementa nan propio necesidad.

BENNY NISBET DI PPA:

MANEHO ECONOMICO DI PPA LO TIN UN ‘SPIN OFF EFECT’ FINANCIERO POSITIVO RIBA NOS PAIS !!

Aruba ta den un crisis financiero economico hopi serio !! E pregunta cu ta wordo haci ta …. con bo partido tin intencion pa soluciona e problematica aki - goberna Aruba- y garantiza un desaroyo economico den futuro ? Segun PPA masha poco di e partido politiconan cu ta bay eleccion a contesta e pregunta aki te na e momento aki !!

E crisis financiero PPA a splica cu primeramente lo mester decreta cu Aruba ta den un crisis!! PPA lo bin cu un forma nobo di traha e presupuesto. Sigui pa un maneho di crisis!! * Baha cantidad di Ministro pa siete (7) * stipula plafond pa staf y personal di un ministerio. *stipula e terenonan na unda NO lo baha gasto pa PPA esaki ta A. Enseñanza cu lo mester aumenta pa 6.5 %. B. e lucha contra criminalidad C. Salud Publico y D. Inversion den maneho economico. Por lo demas departamento lo mester hiba un lucha forma pa baha gasto pa un porcentahe cu lo worde stipula. E. Maneho di Ministro y staf lo wordo limita na un presupuesto limita!! D. Consultancy solamente ora ta strictamente necesario. E. Lo decreta un ‘personeelstop’ pa un periodo !

Maneho Economico PPA lo hiba un maneho economico dinamico dentro di e limitenan cu a wordo stipula. Aruba pa 31 aña NO a logra planta semiya cu por crece pa un of mas

pilar economico. Esaki lo ta e meta principal pa partido PPA, esta crea un of mas pilar economico cu lo por hiba Aruba pa e Proximo Nivel.

Un partido kier hiba Aruba dilanti door di planta ‘canabis/ marihuana’….. PPA ta desea di hiba Aruba dilanti door di e.o.: 1. Un Aruba Word Trade Center combina cu un Universidad y 2 business hotels. * PPA ta mira cu primeramente gobierno lo mester larga haci un ‘estudio’ riba e materia aki cu cual estudio lo por bay en busca di inversionista cu lo por ta interesa de inverti den sea e AWTC of e edificio pa un Universidad International y dos business hotels. 2. Diversifica e producto turistico di Aruba door di stimula e.o. cu Convention tourism, Golfersdestination y un Health & Wellness Tourism. Esaki lo ensera un Golf Course International na Seroe Colorado mara na maximum 3 hotel den un periodo di DIEZ (10) aña basa riba crecemento di e Mercado laboral di nos pais. Un di e hotelnan aki lo mester ta un SPA hotel ! * Pa inicia e desaroyo aki PPA ta di opinion cu gobierno p/m di un compania 100% di gobierno lo mester inicia pa eHecuta un International golfcourse. Seguidamente lo tin espacio pa maximalmente 3 hotel pero mara na DIEZ aña y e Mercado Laboral. 3. PPA lo crea un concept aparte di un ‘Education Village y un

Education Free zone’ cual lo crea un sitio apart di desaroyo y un knowledge center. Aki tambe PPA tin intencion di funda un Aruba Education Village & Real Estate Company’ cu gobierno lo pasa un tereno grandi como propiedad pa asina esak sirbi como ‘colateral’ pa haya fondo pa inverti. E spinoff lo ta enorme pa nos pais. 4. PPA lo inverti p/m di APA NV den nos haf …. lo expande e sitionan di nos haf di 3 pa 4 pa 6 of 7 cual lo porsignifica un 350.000 turista cruc ero mas pa Aruba! 5. PPA lo hiba un maneho di stimula nos hafnan e.o. nos haf na barcadera en cooperacion cu esnan encarga cu e haf menciona y PPA lo stimula desaroyo di e aerea di Barcadera cu e spinoff di e haf aki! 6.

PPA lo stimula desaroyo en general rond di nos telecomunicacion/Setar lo haci lo maximo pa stimula proyectonan cu por haci Aruba un HUB riba tereno di Telecomunicacion. E maneho aki lo crea cupo di trabao di calidad! Y lo tin un efecto financiero - economico positivo pa nos pais. Un vez mas e informacion di demas partido con nan lo kier stimula desaroyo economico di nos pais ta sumamente limita… fuera di planta cannabis/ marihuana nos no a tende mucho.

PPA su maneho financiero- economico ta basta cla y nos ta spera cu si pueblo ta desea pa mehora nan status…..nan LEVELUP….Switch & vote PPA !!

Pagina 14

Diamars 25 Juli 2017

Departamento di Na Glitz Casino bo tin e oportunidad Aduana ta sigui di gana un Auto y 40 mil dollar registra articulo prome cu viaha

Departamento di Aduana ta recorda publico en general cu ta sigui cu e proceso di registración di articulo personal electrónico manera laptop, Tablet y celular prome cu biaha.

Departamento di Aduana ta splica cu den ley ta stipula cu tur articulo cu yega Aruba mester paga derecho. Pero tin excepcion riba e ley aki.

Pa evita discusión entre e viahero y Aduana na yegada na Aruba, Departamento di Aduana ta facilita e proceso aki pa medio di e formulario di registración.

Den caso cu por tin duda riba e articulo Aduana por pidi e viahero na yegada pa un comprobante (schriftelijke bewijs) cu e tabata tin e articulo aki prome cu el’a sali for di Aruba. Di experiencia Aduana sa cu hopi hende no ta warda of cana cu factura di su articulonan.

Pa e motibo aki Departamento di Aduana ta ofrece e formulario di registracion aki pa facilita e viahero pa ora e yega Aruba back, e no encontra su mes cu friccion cu Aduana.

Departamento di Aduana ta sigui tuma registracion na oficina di Aduana

tanto na Aeropuerto y na Aerocargo. E pasahero por download e formulario di registracion riba e website www.douane.aw, e ta yena esaki y ta trece e articulo personalmente na e oficina di Aduana na aeropuerto of aerocargo pa e haya un validez. Pa e registracion di e articulonan ariba menciona Departamento di Aduana no tin niun gasto envolvi, como cu esaki ta un facilitacion pa e viaheronan.

Departamento di Aduana ta conseha tur biahero cu ta pensa cu lo por tin friccion cu Aduana na momento di regresa Aruba cu un articulo c uta mustra relativamente nobo pa e por registra esaki pa medio di e formulario na un di e oficinanan ariba menciona cu anterioridad di e biahe. Esaki ta evita cualkier mal ententido of problema cu por surgi na momento di jega Aruba back.

Gerelateerde afbeelding Gerencia di Departamento di Aduana y su empleadonan ta spera cu e splicacion aki tur duda y inseguridad cu pueblo en especial e biaheronan por tin por a wordo clarifica. Si tin cualkier duda of mester di informacion adicional por bishita nos website www.douane.aw of contact nos via di email: info@douane. aw.

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

Na Glitz Casino bo ta un ganador tur fin di siman, for di 5’or di atardi te cu 10’or di anochi cada pasa un ora bo por ta un feliz ganador di premio cash.

Tur miembro di Glitz Casino por participa na e Sizzling Summer Car and Cash campaign, banda di e premionan di dia.

Cu solamente 25 punto bo por haya un ticket pa participa pa un rifa y si bo ta hunga mesa no ta un problema, tambe bo ta participa pa e primo gordo di Sizzling Summer Car and Cash campaign cu solamente 250 punto, hungando cualkier wega di mesa na Glitz Casino.

Si bo ta presente tur diarazon disfrutando di e bingo gusta di Glitz Casino tampoco no ta problema pa participa na e rifa grandi.

Cu compra di bo ticket di bingo, bo por ricibi bo ticket tambe. Na Glitz Casino riba diabierna, diasabra y diadomingo tin ganador for di ‘or di atardi te 10’or di anochi y e ultimo premio cu ta keda saca pa 1’or di anochi ta e premio gordo di dia.

Pasa un dia ameno cu bo famia, amiga of amigo na Glitz Casino y bo ta den wega pa e premionan

di fin di siman, pero specialmente pa e campaña andando for di 7 Juli te cu 5 Augustus di e premio gordo di Sizzling Summer Car and Cash

campaign na Glitz Casino.

Pa bo por ta un feliz ganador, bo mester ta presente!

Pagina 15

Diamars 25 Juli 2017

Daphne Lejuez di MEP:

Cobra Turista “Verkapte Belasting” pa cubri gasto di AruParking!

“Gobierno tin un plan pa Aruparking y special pa tur auto di huur, esta V-auto”, esaki gobierno a publica recientemente den un matutino local. cada kamber di hotel.

Awor kier propone pa cobra e mesun turista por medio di e carrentals un fee adicional di $1.00 pa dia extra riba nan fee di huur, pa asina paga pa AruParking, poniendo e responsabilidad di cobra cerca e carrentals cu ya caba ta operando den un mercado basta competitivo.

Mientras ‘paid parking’ no ta un fenomeno straño pa hopi turista, cobrando nan pa algo cu kizas nan lo ni opta pa usa ta husto?

Esaki ta sin considera cu ya caba e sector turistico ta ser cobra un environmental levy cu te ainda no tin claridad unda e fondo aki ta wordo aloca ..(e ta bayendo realmente pa medio ambiente?), na unda carrentals actualmente ta cobra e turista $1.00 pa dia pa cada carrental y hotelnan ta cobra $3.00 pa dia pa

Cu esaki gobierno ta papiando tambe di amplia e area di parking paga pa e sector di hotelnan tambe, cu lo no ta un desaroyo deseabel pa e turista, pero tampoco pa esnan cu ta bishita of labora den e area di Palm Beach.

Un grupo grandi di companianan di carrental a comunica cu gobierno por escrito rechazando e proposicion aki mirando

su posibel efecto negativo pa cu e turista y cu ta trata aki mas bien di un “verkapte belasting”, muy en particular si considera cu lo ta cobrando pa algo cu kizas e turista lo ni usa of te hasta sin por garantiza cu lo por haya un lugar di parkeer ya cu e ta pa uso publico. Carrentals ta percura pa informa e turista cu mester paga pa parking den centro di ciudad, pero ta sinti cu e escogencia mester por

keda na e turista si e lo haci uso di e “paid parking” of no, envez di cobra esaki adelanta sin mas.

S i n e m b a r g o , recientemente por a bolbe scucha gobierno ta papia encuanto e plan aki na radio, pues pa turista paga adelanta pa parking, pa por cubri gastonan di AruParking y cu lo kier pasa e decision aki via parlamento a corto plazo.

Kizas ta bira ora pa revisa

e proyecto di AruParking den su totalidad y admiti cu e implementacion a laga hopi di desea prome cu bay pone e peso riba nos turista y carrentals cu ainda mas fees/ verkapte belasting?

E lo ta un proposicion cu ta lanta hopi preocupacion y pregunta, mirando nos mercado turistico actual cu ya caba ta haya cu Aruba ta bira dia pa dia mas caro.

E auto usa pa e atraco na Tropicana Casino ta un Hyundai i10 A haya esaki kima na veld di Bubali Dialuna mainta net despues di e informe di e atraco a drenta un otro informe cu tin un Hyundai i10 shinishi na candela banda di e veld di Bubali.

Mesora a dirigi tanto polis como bombero pa e sitio.

Na yegada di e patruya a bin encontra cu e Hyundai i10 completamente kima.

Ta trata aki di un vehiculo cu a ser reporta como un auto horta den weekend.

Bomberonan a presenta na e sitio y a paga e candela.

Pagina 16

BACK to school!

Mega Outlet a caba di ricibi articulo pa school!

Diamars 25 Juli 2017

etui agenda schrift od o l t o p n gum pe ts h g i l h g i h marker t u o e t i h w jm i l p a m stift s! a m o h c Y mu

! o b a d r a w a t os

N

Store Hours: Dialuna pa diabierna 3:00 – 7:00 pm Diasabra 11:00 am – 7:00 pm y diadomingo 10:00 am – 2:00 pm

Pagina 17

Diamars 25 Juli 2017

PROME SIMAN DI ARUBA BANK GOOD4THENEIGHBORHOOD BUILDING ENTREPRENEURS TA COMPLETA Prome siman di Aruba Bank Good4theNeighborhood Building Entrepreneurs ta completa E prome siman di Good4theNeighborhood ta tras di lomba. Un grupo di studiante hopi entusiasma a registra pa presenta 8or riba dialuna mainta pa cuminsa e proyecto di G4N Building Entrepreneurs. Riba e prome dia nan a ricibi un “break the ice” session cu Charisse Hoen, di E.E. ventures pa

asina e studiantenan conoce otro mihor. Na final di e prome dia e gruponan a wordo forma.

Francielle Lacle, un young entrepreneur di Yabi Consultancy, a presenta e “Business Model Canvas” na e grupo, unda cu e studiantenan a siña e importancia di defini nan producto y nan target market.

‘Nos tin un tremendo mix di studiante cu durante e prome siman a traha hopi duro pa duna nan pro-

ducto un forma, y tambe pensa kico ta e added value pa e cumprador” Roxanne Croes, coordinadora di e proyecto ta menciona. ‘nan a bin cu 8 producto basta diverso cu nan a presenta na e panel di hurado’.

E studiantenan a pitch nan idea na e huradonan cu na nan turno a duna feedback pa asina e studiantenan por sigui desaroya durante e proximo simanan.

Pagina 18

Diamars 25 Juli 2017

DOUANERONAN ARUBIANO A PARTICIPA NA VIERDAAGSE DI NIJMEGEN ariba invitacion di e Cuerpo di Douane di Hulanda.

Directora di Cas di Aruba Shandra John a presencia na e centro di congreso Berg en Dal e entrega di medayanan na e participantenan di Douane.

Sra. John a haci entrega di medaya na Marlon Ruiz cu a participa e aña aki pa di 13 biaha y Giovanni Davelaar cu a cana e aña aki pa di 11 biaha. Tambe Oliver Wever a haya un medaya pa a cana e Vierdaagse pa di 3 biaha. Finalmente Jerrold Tromp cu a participa e aña aki pa di prome biaha.

Den Haag – E aña aki atrobe un grupo di cuater oficial di Cuerpo di Douane

di Aruba a cana e di 101 edicion di e 4-daagse di Nijmegen. Nan a participa

Shandra John a gradici Douane di Hulanda pa nan hospitalidad y a felicita e cuater douaneronan di Aruba cu nan participacion na e Vierdaagse di Nijmegen. Despues di e ceremonia a sigi un encuentro informal unda Shandra John por a sigui papia cu e douaneronan tocante di nan experencia cu e caminata aki.

Den e grupo di Douane a participa funcionarionan di douane for di varios

pais manera, Alemania, Luxumburgo, Curaçao, Italia, Finlandia y Belgica.

BRANDWEER ARUBA AWOR TA DISPONE DI 4 AUTO NOBO NOBO!

YRAUSQUIN A ENTREGA BRANDWEER ARUBA 4 AUTO MITSUBISHI Recientemente a tuma lugar entrega di 4 auto Mitsubishi na Brandweer Aruba. Yrausquin ta sumamento contento y orguyoso di por entrega e autonan aki pa reforsa Brandweer Aruba y asina yuda nos bomberonan den nan trabou diario.

“Den cuadro di celebracion 100 aña aniversario di Mitsubishi Automobiles. Un Siglo di Innovation! Unda pa 65 aña caba nos di Yrausquin ta agencia exclusivo di Mitsubishi na Aruba y asina mantene nos comunidad mobiel.

Pa nos ta un honor di por yama Brandweer Aruba tambe un bon bini na e famia grandi di Yrausquin!” Christina Yrausquin di e departamento di mercadeo di Yrausquin a cuminsa ta bisa. “ Den

cuadro di nos celebracion nos ta haya esaki un excelente oportunidad pa brinda un aporte genuino y entrega 4 auto nobo nobo na nos Korps di Brandweer Aruba.”

Bow precensia di Minister Sr. Arthur Dowers, Marcela Yrausquin di departamento di “Fleet & Lease” di Yrausquin tabata tin e honor di entrega e 4 Mitsubishi aki na Comandante di Brandweer Aruba Sr. Edward de Cuba.

Ta trata aki di 2 modelo L200 Sportero 4x4 Diesel y 2 modelo Montero Sport 4x4 Diesel. E 4 autonan aki ta suficientemente capacita pa carga cu e trabao pisa di Brandweer. Combati candela no mester wordo subestima. E trabou ta uno masha amplio cu ta concisti di diferente

divicion.

E motibo mas importante cu a e dicidi di kies pa e autonan aki ta e “waterwading capacity” di 700 milimeter. Den caso di emergencianan durante temporada di awacero pisa of tropical storm, ora barionan ta inhunda nan por jega facilmente na terenonan difícil y por core den awa te cu 700 milimeter.

Mitsubishi ta conoci pa su autonan duradero y di calidad. Nan ta autonan facil pa maneha cu un interior espacioso y sin lubida riba e technologia avansa cu cada auto ta bini cune. Ta nifica cu maneha auto riba tereno dificil y caminda den mal condicion no ta un problema mas. Cu e 4x4 tanto e L200 Sport-

ero y e Montero Sport por cambia di 2WD pa 4WD sin ningun problema cu e systema “Shift-on-the-fly” te cu un speed di 100km pa ora sin cu mester para e auto pa cambia e speed.

Ambos modelo ta usa Diesel pues ta autonnan economico den uzo. Ambos auto ta espacioso, cada pasahero di e L200 Sportero y Montero Sport lo bai sinti e diferencia y e comodidad cu eta duna sin lubida riba e seguridad pa

cu e coredo como tambe e pasahero. Yrausquin ta spera cu Brandweer Aruba hasi bon uzo di e autonan y cu sigur nan lo ta di gran adkisicion na nan ekipo di trabou.

Pa keda altanto di tur promocion of oferta di Yrausquin like nan pagina di Facebook www.facebook. com/ Yrausquin A r uba/ como tambe bishita nan website www.yrausquin. com

Pagina 19

Diamars 25 Juli 2017

JACKY VAN PUTTEN DI POR

PROBLEMA CU DEPORTE NA ARUBA TA CU TIN MUCHO PLACA Na aña 1972 a lanta e departamento di deporte escolar cu tabata bou encargo di sr. Dominicus Flemming (dfm) na bestuurskantoor despues cu a muda e departamento aki na Watertoren na Playa unda Schoolsportcommissie bou encargo di sr.

Flemming cu sosten di sr. Rudy Leysner tabata reuni.

Gobierno a nombra despues sr. Frans van Gastel (dfm) pa cuminsa un oficina di deporte (sportburo).

Mi defunto tata Roy van Putten na 1979 a wordo nombra director y cuminsa ehecuta e maneho di deporte y a cambia e nomber di sportburo den IDEFRE cu su meta “ DEPORTE PA UN Y TUR” .

E obhetibonan tabata pa bin cu actividadnan cu lo promove deporte den comunidad tanto local y internacional. Un di a tareanan principal di IDEFRE tabata promove deporte escolar unda deporte escolar tabata wordo maneha door di un comision voluntario. Na 1981 e la stop di existi debi cu miembronan di e comision a haya cu deporte escolar mester wordo profesionalisa mirando cu deporte escolar a bay riba un nivel internacional cu weganan interescolar. Na 1997 e minister di deporte a duna sr.

Jerry Gomes (dfm) e encargo pa realisa un fusion entre ASU y COA cu lastimamente mester a stop cu e intentonan aki pa motivo cu ASU y COA no por a haya otro te cu dia di awe.

Hopi empeño a wordo haci pa haya e fondonan aproba riba e presupeusto pa IDEFRE por sigui promove y desaroya programmanan nacional y internacional.

Na 1982 gobierno bou encargo di diputado di deporte sr. Remie Zaandam conhuntamente cu sr.Roy van Putten a bin cu un idea pa funda un lotto cu e proposito pa provee e fondonan necesario pa cu esaki. Lotto a wordo crea y nos por a waak un inversion grandi den e maneho di deporte. A crea facilidadnan, a cera un combenio cu e.o. Springfield College pa yuda cu formacion di lidenan den diferente ramo di deporte y a manda trainernan local pa exterior manera e.o Andresito Krozendijk, Jerry Gomes (dfm), Doc Williams, Winston Ashby, Maria Luisa Croes, Rudy Leysner y Candido Tromp. a inverti hopi placa den prepara hendenan, educadornan, instructornan, entrenadornan. Awe hopi tin un carera den deporte danki na e programanan aki.

Lotto a cuminsa crece y a

cuminsa produci miyones pa inverti den deporte.

Ata aki e problema a cuminsa, ken ta maneha un fondo asina lucrativo, ken ta bay dicidi unda kico ta bay. Desde e tempo ey nos a cuminsa scucha escandalo tras di otro bou di tur gobierno. Placa tabata bay destinonan no apropia.

Tur a keda na escandalo pasobra ningun hende a bay cera. Awe nada no a cambia, tin manera un man secreto riba e fondo aki na unda ley tey pero pa esnan cu no ta liga.

Fondonan aki ta wordo maneha a base di “wie betaald bepaald”. Esnan cu ta cay den e “cartel “ta haya tur cos. Biahe, auto, compensacion, etc . Pero si bo no ta aden, tin tur regla cu bo mester cumpli cu ne pa haya subsidio.

E no ta un secreto, tur dia mi ta encontra deportistanan y mi a papia cu varios miembronan di federacionnan deportivo cu ta sclama. Cierto deporte cu tin un patrona ta haya sumanan grandi y otronan mester depende di rifa y BBQ. Pa e ultimo 8 aña deporte a conoce su pio temporada. Tur cu a wordo logra a termina den eventonan deportivo y nada di maneho. Minister Schwengle ta honesto si, e ta reconoce cu pa 3 aña y mey e no a haci nada, pero

prome cu e temporada di gobernacion termina e kier logra de todo. Placa a bira e caida di deporte.

Un sin fin di proyectonan deportivo cu a keda bandona y cu uzo minimal. E condicionnan ta deplorabel te insigur. Asina mes politiconan kier traha mas facilidad pero no ta realisa cu esaki no lo crea mas deportista. Nos mester bay bek na e base, e maneho.

Pone un hende eynan cu sa y cu no ta warda despues cu e baca hoga pa cuminsa papia deporte.

Lo bay atende pa lanta entrante di 1 di januari 2018 un stichting di Sportsubsidie Auba, pero ken lo wordo apunta? friends and family atrobe, e mesun cartel di deporte di semper? Cuminsa door di habri tur e bukinan di

Lotto, no lague na papia so sino demostra transparencia, demostra cu e no ta un friends and family door di laga tur federacion cu ta interesa mira e cifranan y splica dicon un si y otro no.

Ta lastima cu awor cu tin placa, Minister Schwengle mes a admiti, no tin maneho eficiente pa asina nos scolnan, nos hubentud por probecha di dje. Deporte no ta caminata, careda di caya so si no e ADER importante pa e salud di un pueblo. Ta bira tempo pa bin cu claridad den finansas deportivo, no por exigi di otro si bo mes no ta transparente. Ademas mester termina e persecucion politico si bo no ta parti di e cartel financiero di deporte aki na Aruba.

Pagina 20

Diamars 25 Juli 2017

PRENSA Y FAMILIARNAN A RICIBI E TEAM DI BRAZIL TAEKWONDO STICHTING CU A YEGA FOR DI KOREA Dialuna atardi e team di Brazil Taekwondo Stichting a wordo sorpresa pa un multitud di hende y un grupo di prensa cu a bay airport pa yamanan bon bini na Aruba for di Korea. Nan familiaresnan a ricibinan cu tur alegria, despues di 4 siman na Korea y ta hopi contento cu

nan logro.

E team di Train Hard Fight Smart a logra gana 2 medaya di Oro, 1 medaya di Plata y 1 medaya di Brons. Nan a haña felicitacion for di e Director di Lotto pa Deporte, Presidente di Aruba Taekwondo Bond, Prensa y nan fa-

miliaresnan. Un otro logro cu a wordo logra y cu a pone Aruba su Bandera un biaha mas na Korea ariba e plataforma.

E team a logra di presencia 2 dia di e campeonato mundial y nan a train hunto cu ex campeon Mundial. E team a logra

trece 4 medaya Aruba y nan a train na un di e miho High Schoolnan na Korea.

Nan a probecha di saca potret pa e calender di aña 2018 di Brazil Taekwondo Stichting na diferente luga na Korea.

Nos ta gradici tur esnan cu a bay Airport masal-

mente pa ricibi e team.

Awor e team lo haña 1 dia pa descansa pa despues nan cuminsa diaranson bek cu training pa e Pan Americano na Costa Rica unda cu Záhyon Klabér a clasifica. Joshua Klabér lo haci su debut tambe.

Diamars 25 Juli 2017

Pagina 21

Pagina 22

Diamars 25 Juli 2017

Gym nobo, WarriorHouse a habri su porta na Sta. Cruz, den edficio di Club Trappers.

Grandi y Moderno!

Pagina 23

Diamars 25 Juli 2017

MILO MARTES, PARTIDO POR

MESTER BIN CU UN LOCALIDAD PA WORDO USA COMO DOORSTROOM SCHOOL Despues di a tuma nota di e comunicado di prensa, na unda SKOA ta mustra riba e scarsedad di cupo pa studiante na e schoolnan di Mavo ta algo cu nos di POR a adverti gobierno riba dje.

E scarsedad aki ta consecuencia directo di e prioridadnan robes di Gabinete Eman II. Un parti grandi di e problematica di scarcedad di localidad na schoolnan ta debi na consecuencia di ponemento di show pafo y no wak e realidad.

Añanan di negligencia door di e gobernacion actual pa cu e crecemento alarmante di e grupo di muchanan cu ta cabando schoolnan basico den e

diferente barionan ta pone cu e aña escolar nobo nos dilanti tin falta di espacio pa por tuma studiantenan entre otro di Mavo.

Ta pesey mi persona a y ta sigui boga pa un localidad mas central cu por wordo uza como un DOORSTROOM school parti mainta y cu por a alivia e problema pa cu e 500 studiante cu lo tin cu drenta Mavo y tambe pa cu e problema di cupo den e kleuterschoolnan na Playa, Paradera y Noord .

Cu DOORSTROOM school nos kiermen un localidad caminda cu e scol (nan) cu ta den renovacion of temporal tin falta di espacio por ubica nan alumnonanan y haci uso di e localidadnan aki cu ta central y

BENTANA DI AUTO A WORDO KIBRA NA SAVANETA Diasabra, pa mas of menos 10’or y 45 di mainta, patruya a wordo manda na Savaneta pa un destruccion. Un dama a declara cu e dia prome, pa 11’or di anochi, el ‘a staciona su auto un Mitsubishi Space Wagon color preto na altura di un percela na Savaneta. E dia siguiente pa 9’or di mainta su casa a yam’e.

El’ a bis’e, cu e homber O., doño di Flying Fishbone a yam’e y a bis’e cu un di

su trahadornan di Flying Fishbone a core mainta tempran na Savaneta y a mira cu dicho auto tres di su bentananan a wordo kibra. Ora cu a caba di papia cu su casa, el ‘a bay di biaha pafor y a nota cu en berdad, desconocidonan a kibra dos di e bentananan patras y e bentana chikito dilanti na man robez a wordo kibra. Keho a wordo tuma.

UN YARIS BLANCO CU STICKER DI A.V.P. A PASA NA PARADERA, JABURIBARI Y BLOEMOND KIBRA BORCHI Y BANDERA DI M.E.P. Den fin di siman a bin ta nota un Toyota Yaris blanco cu e backshield full tapa cu sticker grandi di A.V.P. a pasa destrui banderanan di M.E.P. den Bloemond y Paradera.

Dialuna madruga a bolbe señala e vehiculo aki atrobe y e biaha aki hasta na Jaburibari. Polis a ser avisa y ta na altura caba di su fechorianan.

adecua.m Esaki na lugar di huur localidadnan, container of trailer cu ta costa miyones di florin y cu ta crea situacionnan peligroso na cierto localidadnan cu no ta adecua pa cu e proposito di un scol.

Gran parti di e inversionnan descabeya cu ultimo añanan a wordo ehecuta door di e gobierno actual hunto cu companianan local y internacional den e forma di P.P.P ta un di e motibonan di e debe grandi cu tin riba cabez di nos hubentud y pa cual motibo no por haya un localidad awe y cu consecuencia cu mañan nan tin cu paga p’e Ta pesey cu POR den gobierno nos lo para pa scolnan tin un base infrastructural minimo, teniendo

cuenta cu e cantidad di alumno, material, ekipo y facilidadnan ( por ehempel cantidad di klaslokaal , cantidad di banki y stul pa cada klas, smart TV, cantidad di laptop , conexion di internet, cantidad di baño y un gym local adecua cu

tur su facilidadnan pa tur scol.

POR su vision ta basa riba e siguinte puntonan; pragmatismo, progresividad, integridad y comunitario y participativo.

DAMANAN DI CURAÇAO TA BRINGANDO PA TITULO DEN BOSS OF THE RING #4 Mirando e preparacionnan di atletanan di cerca pa dia 25 Augustus awor, “Boss of the Ring #4” ta un di e peleanan di damas cu sigur lo capta hopi atencion!

E pelea aki ta uno cu pa motibo cu el’a wordo can-

cela, e lo tuma lugar aki na Aruba. E dia di e pelea aki di dama di Corsou y Surinam hopi fanatico tanto di Corsou y Surinam lo bin pa presencia esaki. E pelea ta promete di ta un hopi duro. Boss of the Ring #4: poco poco

nos lo keda presenta tur e ateletanan cu lo aparece e dia aki den e peleanan di siglo, dia 25 AUGUSTUS na Aruba!

No laga hende conta bo !

Waak bo tey!

Pagina 24

Diamars 25 Juli 2017

UN BIAHA MAS E BANDA HOT-ONES A REGALA TASNAN FULL ROND DI ARUBA Ayera 24 di Juli e banda Hot-Ones band a regala 247 tas rond di Aruba na famianan den necesidad.

Esaki ta pa 8 aña consecutivo cu Angelo Richardson y su banda ta haci esaki, pero semper ta full aña activo den comunidad.

E aña aki loke nan a haci diferente ta cu nan a inclui Favi y Inloophuis (rehab) y a duna un speech na a rehab. Angelo Rich-

ardson ta splica e motibo cu nan a inclui e rehab ta pa motiva a adictonan cu ta purbando pa nan regala nan yiunan un tas nobo.

Asina nan yiu por wak cu" mi mama/tata ta purbando" haci hopi mas pa community por medio di eventonan. Ta plania di parti di e banda.

CAS DI ARUBA CU GRATITUD PA E TRABAO DI E POC DEN OPVANG DI STUDIANTE Den Haag – Na Cas di Aruba a tuma lugar fin di siman cu a pasa un encuentro informal cu miembronan di e Plaatselijke Opvangcommissie (POC). E POC ta consisti di studiantenan Arubiano cu ya caba ta studiando na Hulanda y conhuntomente cu e studiementor ta organiza e opvang pa e grupo di studiante cu ta biniendo Hulanda pa cuminsa cu nan estudio.

Directora di Cas di Aruba Shandra John a yama e miembronan di e POC nan y e studiementornan bon bini y a bisa di ta contento cu hopi miembro di e POC a acepta e invitacion. Sra.

John a acentua e importancia di e trabao di e POC nan den guia di nos studiantenan den nan prome dianan na Hulanda. Alavez sra. John a bisa cu e meta di e encuentro aki ta pa e POC nan for di diferente ciudadnan haci conoci cu otro y intercambia riba idea- y sugerencianan pa e opvang di e aña aki.

E idea pa e encuentro aki a bin dilanti durante di e anochinan cu studiantenan rond di Hulanda.

Tur presente a expresa cu nan a haya e encuentro hopi exitoso y tabata contento di e haya e oportunidad pa conoce otro y intercambia idea y experencia.

Pagina 25

Diamars 25 Juli 2017 MINISTER DI SALUD PUBLICO, CUIDO DI NOS GRANDINAN Y DEPORTE, DR. CARLOS “ALEX” SCHWENGLE

A FIRMA UN LOI CU MINISTERNAN DI CORSOU Y SINT MAARTEN ARUBA, CORSOU Y SINT MAARTEN LO TRAHA HUNTO PA MEHORA SALUD PUBLICO Recientemente Minister di Salud Publico, Cuido di Nos Grandinan y Deporte, Dr. Carlos “Alex” Schwengle, tabata na Corsou unda cu el a reuni cu Minister di Salud Publico, Desaroyo Social y Labor, Emil Lee di Sint Maarten y Minister di Salud Publico, Medio Ambiente y Naturalesa, Suzanne Camelia-Römer di Corsou. Durante e encuentro aki nan a trata e topico di volksgezondheid. Cada minister a splica kico ta nan vision pa cu salud publico. Na final di e reunion Ministernan a firma un LOI, “Letter of intent”, pa asina por sigui traha hunto mas di cerca pa asina tin un miho salud publico.

E reunion a bay bon unda cu tur minister ta di kere cu e 3 islanan por traha hunto riba e terenonan di salud publico. Minister Schwengle ta contento di por traha cu ministernan di Corsou y Sint Maarten pa asina mehora salud publico. E ministernan lo bay presenta e top 3 prioridad riba tereno di prevencion, algemene ziektekostenverzekering y ziekenhuiszorg, unda cu lo mira con e 3 islanan lo por traha hunto.

Minister di Lee a indica cu e lo kier pe programa di “biba amor” keda implementa. Tambe e seguronan medico a papia riba e parti con pa tin un cuido “slimmer/goedkoper”.

Ministernan a tuma diferente punto den consideracion pa asina nan por traha mas di cerca hunto.

Algun punto di consideracion ta e disposicion di desaroya un cooperacion entre e 3 islanan den e tereno di salud y cuido medico, considera e importancia y conocemento di e balor di cooperacion

entre e participantenan pa sigura un enfoke riba e importancia di salud publico manera pa preveni enfermedadnan no transmisibel, tuma nota di e protocol di e cooperacion di salud publico di Reino Hulandes firma pa gobiernonan di Hulanda, Aruba, Corsou y Sint Maarten na September 2016 y otro consideracion.

E participantenan tin e plan pa expande e cooperacion riba areanan di interesnan mutuo. Te cu awo nan a yega na e prome topiconan di interes mutuo cu ta coordina hunto proyectonan den e area primario di prevencion den cuido, pa aumenta esfuerso mutuo ora di trata retonan grandi, pa den e proximo 3 luna traha riba e “Terms of Reference” pa e comision di audit di cuido integral cual ta consisti di partnernan internacional cu ta traha pa un solo vision y hopi mas. Tur e topiconan menciona por extende den varios topico mutuo.

E ministernan lo reuni un biaha mas hunto pa sigui traha pa tin un bon cuido integral. Mimister Schwengle tabata compaña pa director di IMSan; AZV; Hospital; WGK y IVA.

Pagina 26

Diamars 25 Juli 2017

BON DIA YEN DI ALEGRIA

SKIRBI PA RUTHY”LADY RUTH”VRIESWIJK-BERGEN Diadomingo Lady Ruth a mira un programa na un di e kanalnan hulandes di televishon, encuanto ken ta pro of contra pa nan “stem” y of nan “bida” continua den robot den futuro, pa asina e generacion cu ta bin por sigui tin cotacto y sigui hanja conseho for di nan grandinan entre otro cu ya ta morto.

Hopi stranjo e cos aki ta, pa a tende e varios contestanan di e hobennan adulto di tur sorto di profeshon entre nan dokter y artista kiko ta nan pensamentonan.

Hopi interesante pa tende e contestanan den nan filosofia cu un professor cu a guia e grupo aki den nan debate, si nos por jamele asina. Ta bon pa por combersa di e temanan aki tambe claro, y ki interesante si mi por a sigui scucha nan riba nan website, pero , net e ora ei a bai busca algo di bebe den cushina. Nan a djies menciona tambe e discriminacion di rasa y sexo, cu sigur tambe lo impacta.

Locual a ser menciona den e programa aki, cu pa varios si ja ta funciona,ta pa hanja un pareha den bida via e programanan di computer, ora ta busca un pareha cu ta pas pa bo, cu entre otro tambe ta gusta wak peliculanan cu abo ta gusta wak. Uffffff, lagami akibanda sin robot den mi bida, naaaaah,no ta necesario pa tin “Ruthy robots” hahahahha. Un Ruthy so ta hopi ! Lagami sigui bishita actividadnan social cultural y sigui inspira poemanan cu por sigui inspira otronan den e tempo y espacio aki di bida.

Un rato Lady Ruth a sinti, cu ta manera tin entre e grupo cu a intercambia di pensamento y idea den e programa di filosofia, cu ta algo normal cu tin mas cu tin miedo di muri y kier hasi manera den pelicula, algo pa asina biba y of bira inmortal den bida carnal.

Mientras tin hopi cu den nan mesun midi di fe, ta kere den bida despues di morto, den un bida spiritual.

Y ta bunita pa mientrastanto nos sigui duna danki na Dios pa nos salud y bida. Un biaha hopi anja pasa mi a jega di topa cu un poema encuanto e autor en busca di su mes den tur cos den dje y rond di dje, pakiko e ta hala rosea, pakico e ta tosa, pakico e ta hari, pa kico e ta cana etec, etec.

Un poema asina stranjo, cu a termina cu si e sigui puntra pakico e ta na bida e lo por bira loco. Hopi di nos sa pakiko nos ta na bida y ta comprende nos mission den bida. Nos ta feliz y ta hasi nos best dia pa dia.

Pero tin ainda eifornan cu no sa ku ta nan mes ta nan mesun felicidad y pa no envidia otronan pa motibo di no ta manera nan y di no tin locual otronan tin. He, Lady Ruth ta zona manera un politico kizas, cu kier priminti cos bon so na su lectornan, mientras e mes no sa ainda pa cua partido y of pa ken e vota e anja aki. E no ta ricibi bishita di ningun politico tampoco, cu tur respet pa

nan maneranan di hiba campanja. E lo crusa e brug ei ora e jegele dia 22 di September.

Ela hanja algun jamada telefonico di campajadornan pa varios partidonan cu nan invitacion, pero ta spera cu nan respeta su privacidad y no purba di forzele den tuma su decision, su decision lo ta esun cu ta esun bon pa su consenshi. Mientrastanto Lady Ruth lo sigu bishita e expo na Unoca di e alumnonan di Master Painter King Lie Kwie pa admira e obranan crea pa mentenan y curasonan creativo. Y..... no kibra cabez cu un dia lo tin un Robot ta cana den nos cayanan principal pa contesta nos preguntanan cu ainda no a wordo contesta ! Mientrastanto pasa un dushi dia yen di alegria !!! Pa dorna nos relato di awe, potretnan di e apertura di e expo di e alumnonan di King Lie Kwie.

Bunita berdad ? ! Riba un di e bunita picnan nos por mira “The golden girls” sisters Lie Kwie, entre nan

e simpatico y dinamico talentoso A -Jien Lie Kwie, cu a duna 23 anja profeshonalmente di su bida na SAMBA, cu hopi amor y carino. DANKI lieve AJien pa a duna Aruba 23 anja na excelente servicio di conseho y inspiracion y mas ! Bo a yuda hopi hende hanja nan mes bek....

God bless you !!! Bo sate cu pindasaus ta master, un di e mihornan cu mi a come te awor !!!! Love you !!

Pagina 27

Diamars 25 Juli 2017

BINGO DI POR CU FULL HOUSE TOTAL Y TREMENDO AMBIENTE

SOSTEN PA E FORSA NOBO CRECIENDO MAS DIA PA DIA Diadomingo a tuma luga e gran “Bingo Fundraising Event� di Plataforma Politico Pueblo Orguyoso y Respeta (POR), den Club Caiquetio. Cu un full house total y un tremendo ambiente esnan presente por a goza di un anochi cu e team di POR.

ma di un recaudacion di fondo, unda cu famianan, amistadnan, sostenedornan y fanaticonan di bingo por a reuni y disfruta den bon ambiente. Encuentronan manera cu a tuma luga diadomingo ta refleha e union y positivismo cu tin den E Forsa Nobo.

Faltando un poco menos cu 2 luna pa eleccion 2017, por mira cu e cantidad di actividadnan politico a cuminsa aumenta. Tur siman ta mira candidatonan di E Forsa Nobo Pueblo Orguyoso y Respeta (POR) tur rond Aruba treciendo e bon mensahe cu POR tin pa henter pueblo di Aruba pa e proximo gobernacion. Memey di e diferente bishitanan di cas y encuentronan cu diferente gruponan, a dicidi di organisa un i Bingo den for-

E team di POR casi na final di e anochi a subi riba stage hunto pa gradici e sosten masal na E Forsa Nobo. A probecha presencia di un gran multitud pa lansa jingle di POR cual a a wordo bon ricibi. .

Henter team di POR kier duna danki na cada un persona cu a duna nan contribuicion den un forma of otro. POR lo sigui cu e trabou duro di hiba e vision di POR pa e proximo gobernacion cerca cada ciudadano.

Pagina 28

Diamars 25 Juli 2017

GANANDO VIA INSTAGRAM

MIKEL HENRIQUEZ A RICIBI 200 FLORIN CASH DI CASI NOBO Riba Instagram Casi Nobo tabata tin un di su campañanan di mas gusta: Thanks God It's Monday!

Cu e campaña aki abo tabata tin e chens di "Like & Share" pa asina gana e bunita premio di Afl.

200,- cash.

calidad cu e meta di por brinda na su clientenan un luga mas espacioso y cu mas variedad. Casi Nobo ta situa den e edificio unda antes tabata Crown Furniture & Electronics na Dakota, den avenida Milo Croes.

Esnan cu a participa tabata hopi emociona pa gana 200 florin cash. Por a ripara esaki den e comentarionan. Manera semper, Casi Nobo a haci un revision di e comentarionan aki y na final a scoge e ganado cu a resulta Mikel Henriquez.

Mikel a pasa na Casi Nobo pa busca su premio y e tabata hopi contento di por a participa den e campaña aki.

Keda pendiente pasobra Casi Nobo lo anuncia su siguiente campaña riba Social Media.

Casi Nobo ta un tienda unda bo por haya tur sorto di articulonan electrodomestico, mueblenan, aparatonan electronico, instrumentonan musical, computernan, laptop y hopi mas, na prijs masha economico mes. E variedad grandi aki cu Casi Nobo ta ofrece na su clientenan ta inclui articulonan nobo pero tambe restaura den condicion perfecto.

Despues di e apertura di Crown Furniture & Electronics riba L.G. Smith Boulevard 156, Casi Nobo, compania ruman, a dicidi di tambe expande su lo-

E personal amabel y atento di Casi Nobo ta warda bo di dialuna pa diasabra di 9:00am - 6:00pm. Pasa bishita nan awe mes, cera conoci cu tienda y ricibi 25% riba bo cumpra cash.

Casi Nobo tambe ta duna bo facilidad pa cumpra credit y 0% di downpayment.

TRAINING REKENEN E BOLETIN AKI TA UN RECORDATORIO PA TUR STUDIANTE CU TA INSCRIBI PA PARTICIPA NA E TRAINING REKENEN CU TA CUMINSA DIALUNA 24 DI JULI 2017.

ORA: 9:00 AM – 12:00 PM - LUGAR: CLUB DON BOSCO – SALA CHIKITO (NOORD) Riba e promer dia di e curso, nos ta pidi tur studiante pa ta presente 8:45 am.

TRAINING “REKENEN” ta tuma lugar riba e siguiente dianan: Fecha Juli 24, 2017(dialuna) Ora: 9:00 am – 12:00 pm Juli 25, 2017(diamars) Ora: 9:00 am – 12:00 pm Juli 26, 2017 (diaranson) Ora: 9:00 am – 12:00 pm Juli 27, 2017(diahuebs) Ora: 9:00 am – 12:00 pm Juli 28, 2017(diabierna) Ora: 1:00 pm – 4:00 pm Juli 29, 2017(diasabra) Ora: 9:00 am – 12:00 pm Lugar: Club Don Bosco - sala chikito (NOORD) Trainer: drs. Rudolf R. Kelly (onderwijskundige, rekenspecialist)

E studiante tin cu trece: *tas, *agenda, *pen, *potlood, *etui, *slijper Cada studiante ta haya un map di trabao (werkmap) cu e contenido of leerstof di e programa.

Pauze Durante di e training lo tin un pauze cortico.

Nos mes lo percura pa e studiante haya algo light di come y bebe pa tene stoma.

REMARCA : E lokaal ta airco. Por fabor no bin “licht” bisti pa bo haya friu. Bin cu un jacket of trui por si acaso bo haya of sinti friu Pa cualkier informacion adicional tuma contacto cu drs. Rudolf R. Kelly na: *cell 562-2119, *cell 594-9771, *tel 585-9774 of *email rr_kelly@yahoo.com

TRAINING TAAL &REKENEN TRAINING: “REKENEN”

(pa: alumnonan di 6de klas di school basico) Dianan di training: Juli 24,25,26,27,28,29, 2017 Ora: 9:00 am – 12:00 pm Lugar: Club Don Bosco (Noord) Docente : drs. Rudolf R. Kelly Informacion: 562-2119/ 594-9771/ 585-9774.

Email: rr_kelly@yahoo. com

Pagina 29

Diamars 25 Juli 2017

PRONOSTICO DI TEMPO VALIDO TE DIAMARS 25 DI JULI 2017 COMPILA: DIALUNA 24 DI JULI 2017 17:00 (21:00 UTC) TEMPO: DIALUNA ANOCHI: LEVEMENTE TE PARCIALMENTE NUBLA I GENERALMENTE SECO DEN MARDUGA I DIAMARS: LEVEMENTE TE PARCIALMENTE NUBLA CU UN AWACERO PASAJERO TEMPERATURA MAXIMO 34 GRADO CELSIUS Y TEMPERATURA MINIMO 27 GRADO CELSIUS. SOLO LO BAHA AWE NOCHI 07:08 PM Y LO SALI MAYAN MAINTA 06:24 AM. BIENTO: FOR DI POR LO GENERAL DIRECCION OOST I MODERA TE BASTA FUERTE; FORSA 4 TE 5 (20 TE 39 KM/ORA, 11 TE 21 NUDO) DURANTE DI DIA FUERTE TE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO: DURANTE DI PROXIMO 24 ORA LO NO BAI TIN DISTURBIONAN CU LO AFECTA E WEER DEN REGION LOCAL. SINEMBARGO, DEBI NA HUMEDAD DEN ATMOSFERA REGIONAL POR SPERA UN AWACERO PASAJERO I BREVE RIBA ISLA DI ARUBA. CONDICION DI LAMA: OLANAN DI LAMA LO TA FOR DI DIRECCION OOST CU HALTURA DI 4 TE LOCALMENTE 7 PIA NA COSTA NOORDWEST DI NOS ISLA. TEMPERATURA DI SUPERFICIE DI LAMA: 28 GRADO CELSIUS. FENOMENONAN SPECIAL: NINGUN SISTEMANAN SIGNIFICANTE DI WEER TROPICAL: NINGUN REGISTRACION DI TEMPERATURA (CELSIUS) Y AWACERO (MM) DEN ULTIMO 24 ORA: AIRPORT HADICURARI

MAX 33 / MIN 27 / 0.0 MAX 32 / MIN 27 / 0.0

PRONOSTICO DI TEMPO PA PROXIMO DIANAN DI SIMAN: PARCIALMENTE NUBLA I GENERALMENTE SECO BIENTO LO TA FOR DI GENERALMENTE DIRECCION OOST Y MODERA TE BASTA FUERTE, DE BES EN CUANDO FUERTE TE DURO DEN RAFAGA;

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Un feliz dia rumannan y cu Dios bendishona nos ricamente.

ORACION DI DIA Un feliz dia rumannan cu hopi amor y paz di Señor.

Awe Iglesia ta celebra e Fiesta di Apostel San Hacobo. Hacobo tawata pertenece na e tresnan privilegia bou di e apostelnan. E tawata testigo di loke a pasa riba Cero di Tabor (Mc. 9,2 ) y di e agonia di Hesus den hofi di Olijfi. ( Mc. 14, 33 ) Su caracter tawata haci cu e tawata dilanti semper. Impulsivo, no sin ambicion, e tawata desea un luga di honor ora Hesus drenta su Reino ( Mc. 10, 35 ) Hesus tawata sa di dirigi e caracter fervoroso aki den bon caminda. E la bira un misionero activo cu tawata sigui fielmente caminda di su Señor. E tawata e prome di e apostelnan cu a muri morto di martirio ( Ech. 12,2) Dios Todopoderoso y Eterno yuda nos cu nos por mira den Hacobo un modelo di un misionero activo cu ta dispuesto di sigui fielmente e caminda di su Señor. Amen.

Pagina 8 Pagina 30

Diamars Juli2017 2017 Diamars 2525Juli

Cu honda pena pero conforme cu boluntad di Dios, Giselle Department Store ta participa fayecimento di nan querida ruman,

Gisela Imelda Jaramillo-Figaroa

Mihor conoci como Elsie, Directora General di Giselle Department Store

Nos lo haya hopi falta di dje y cu e drumi dushi den braza di SeĂąor Acto di entiero ta diamars 25 di Juli na Aurora Funeral Home pa 11:00 am y despues pa Santa Catolico Santa Anna na Noord E defunto lo ta reposa di 9:00am pa 11:00am na Aurora Funeral Home Condolencia dialuna 24 di Juli di 6:00pm pa 9:00pm na Aurora Funeral Home, Diamars 25 di Juli Giselle Department Store ta cera henter dia.

Pagina 9 Pagina 31

Diamars 25 Juli 2017

Diamars 25 Juli 2017

“Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haya forza”.

Salmo: 23

Cu honda pena, pero conforme cu boluntad di Dios, nos ta participa fayecimento di :

Na nomber di su: Mama stima: Carmen Figaroa-Ruiz Yiunan stima: Gisela y Jean Carlos Arends-Jaramillo Arends Geomar (Chui) y Evelyn Jaramillo-Ramos Sebastian Ramos Rumannan stima: Greta Posner-Figaroa y famia Posner Tina Figaroa Jossy y Jane Figaroa-Semeleer Frans y Gemma Figaroa-Simileer Evelina y Frenk Lacle Juni y Maira Figaroa-Jacobs Manera ruman: Maria Punselie Olivia Figaroa Sarita Lambrinos

Nietonan stima: Gio y Jordy

Gisela Jaramillo-Figaroa

Mihor conoci como: ‘Elsie of Mama Elsie’ *12-05-1952 - †20-07-2017 Isabella Jaramillo Vda. di Omar Jaramillo Daniel y Sobrino y sobrinanan: Omaira y Albert Franken-Figaroa y famia Francis Figaroa Aveline Figaroa y Gino Vis Celeste Figaroa y Jozef Carlo Lilienne Figaroa Ubalguis Salazar Marly Obredor Demas sobrinonan na Colombia y Venezuela

Mama di su nieta: Beverly Angela Hijastronan: Leonardo Jaramillo y famia Deymar Jaramillo Omar Elias Jaramillo y famia Jorge Jaramillo y famia Victor Henry Ibarra y famia Erika Ibarra y famia Nayibe Rodriguez

Ihanan: Marly Obredor Sharina Figaroa Aveline Figaroa

Amiga(o)nan stima: Jeanette y Sam Kelly Iris y Django Simoons Ricky Kelly

Tanta y omonan Primo y primanan Cuñanan y swanan na Colombia y Venezuela

Consuegranan: Clara Arends Gladys Ramirez

Ayudantenan: Juana Martinez, Yenny Joven y Cecilia Joven Simona Lacle Empleadonan di Giselle Department Store Demas famia: Figaroa, Jaramillo, Arends, Ramos, Posner, Lacle, Semeleer, Simileer, Jacobs, Ruiz, Punselie, Lambrinos, Franken, Angela, Britten, Vingal, Salazar, Obredor, Ibarra y demas famia na Colombia y Aruba Ta invita pa acto di entiero cual lo tuma lugar diamars 25 di Juli na Aurora Funeral Home di 9:00 pa 11:00 di mainta, despues saliendo pa Santana catolico na Noord.

Oportunidad pa condolencia: dialuna 24 di Juli di 6:00 pa 9:00 di anochi.

Lo tin un box disponibel pa donacion na Wilhelmina Kankerfonds.

Pagina 32

Diamars 25 Juli 2017