DIAMARS 21 JUNI 2022

Diamars 21 Juni 2022

Solo di Pueblo

Aña 16 - edicion 703

E-mail: solodipueblo@gmail.

Prijs: Afl. 1.75

Tur pais ta contento cu e resultado: Hopi piedra y cocaina confisca Paisnan den reino a haya na un cas na Brazil otro riba modelo pa e base durante razzia UN DETENCION A CAY

legal di COHO

A FIRMA CU SETAR N.V. COMO E COMPANIA ANFITRION PA PROYECTO DI CAMARA DEN AREA HOTELERO DENZEL DUMFRIES: SI BO KERE DEN BO MES Y BO SA KICO BO KIER TUR COS TA POSIBEL

Conseho di Reino lo ratifica e recorte di 12.5% diabierna awor

Aruba ta trahando full swing pa paga 5% bek na luna di Juli

2

Diamars 21 Juni 2022

Minister Maduro di Cultura: Den cuadro di preparacion Kibra Coco Edicion San Juan - Dera Gay

Scolnan a ricibi video link di produccion “Dia di San Juan - Dera Gay” Un produccion pa educa nos muchanan di nos tradicion di fiesta di cosecha

a prepara pa participa den e programa Kibra Coco – Edicion San Juan – Dera Gay y pa docentenan por tin material educativo, tur scol a ricibi un email cu informacion.

Por bishita e link: https:// w w w.y o u t u b e . c o m / watch?v=t_JB8HEFt9U of tambe e youtube channel di Minister di Cultura Xiomara Maduro. E produccion digital cu tin como titulo “Dia di San Juan - Dera Gay, Nos Tradicion”.

Tradicion ta yuda uni nos, pa e motibo aki a crea e produccion di Dia di San Juan, miho conoci como Dia di Dera Gay. Ta trata di un video informativo cu e meta pa conscientisa specialmente nos muchanan y generacion nobo, di e origen y historia di nos tradicion di fiesta

di cosecha cu ta wordo celebra dia 24 di juni. E video aki no ta solamente pa duna lus na e bunita historia di celebracion di San Juan, pero tambe con ela evoluciona y bira manera e ta awe. Ta importante pa mantene e bunita tradicion aki bibo pa asina duna honor na nos antepasadonan.

Minister Xiomara Maduro ta haci un apelacion na comunidad pa ta cauteloso ora di cende candela durante Dia di San Juan. Candela ta un elemento hopi peligroso cu facilmente por destrui naturalesa, infrastructura y hasta por causa morto. Si kier cende candela haci esaki na un manera responsabel sin perde control.

Ta bende Hyundai eon 2016

Den bon condicion Standard/airco Afl 14.500 of mihor oferta

Info & wasap

7390101

Ministerio di Cultura hunto cu Comision Celebracion Dianan Nacional lo sigui hiba un maneho caminda ta percura pa tur scol basico sigui ricibi material informativo di nos Dianan Nacional y Fiestanan Cultural pa por wordo usa den lesnan na scol. Por

ultimo e mandatario encarga cu cultura ta invita tur muchanan di scol basico pa participa den e Competencia di Kibra Coco cual lo tuma luga, diasabra 25 di juni cuminsando pa 5 or di atardi na Teleraruba.

Un danki na Ministerio di Cultura, Comision Celebracion Dianan

Nacional, Povi-Tree, Departamento di Cultura, Archivo Nacional Aruba, Telearuba, HP, SETAR y e comision forma pa docentenan di scol basico y dos graduadonan di Bachelor Papiamento pa nan contribucion pa logra otro edicion di Kibra Coco.

3

Diamars 21 Juni 2022

Tur pais ta contento cu e resultado:

Paisnan den reino a haya otro riba modelo pa e base legal di COHO Tin un direccion cu awor mester sigui wordo explora Dialuna mainta a tuma lugar na Aruba un reunion entre pais di Reino, na Aruba.

E unico punto di agenda ta e base legal, esta con legalmente e institucion COHO mester wordo regla y ancla den nos leynan pe por ta legal.

Cada pais tabatin nan obhecion y tambe nan proposicion. Despues di a scucha cada proposicion of modelo, a yega na un acuerdo, unda tur pais a pone nan schouder tras di un modelo.

Esaki ta un avanse hopi grandi, pasobra nunca antes tabatin un claridad riba e aspecto legal y e leynan entre otro di rijkswet.

E conclucion awor ta cu tin un modelo cu a wordo accepta pa tur, pero cu awor lo bay wordo anlisa mas profundo, wordo corigi y perfecciona.

Na Augustus nan lo topa otro atrobe, pa asina por sigui avansa riba e ley di Coho.

Sra. van Huffelen a bisa cu aki no

tin ningun deadline, y e desaroyo aki lo tuma e tempo cu e mester pa e wordo regla, contrario na e anterior secretario di estado Knops, cu tabata tin hopi ansha y

pura pa keda cla. Por bisa cu tur pais ta contento cu e resultado!

Hopi piedra y cocaina confisca na un cas cu ta bende droga na Brazil durante razzia UN DETENCION A CAY Project Team Drugspanden cu entrada hudicial na un cas na Weg Rooi Hundo y a detene un hende homber pa bendemento di droga

inicialnan: J.O.W. naci na Aruba di 36 aña pa bendemento di droga for di e percela menciona.

Durante razzia a confisca un cantidad di droga entre otro cocaina y piedra (Base).

Project Team Drugspanden ta un team cu a wordo lanta pa entre otro pa investiga bendemento di droga for di un percela y ariba caya.

En conexion cu un investigacion andando Project Team Drugspanden a haci entrada hudicial na un cas na Weg Rooi Hundo.

Aki a detene un hende homber di

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141.

Nos ta garantisa cu bo ta keda anonimo pa bendemento di droga.

4

Diamars 21 Juni 2022

Wardacosta ta tou botonan Diabierna ultimo Centro di Rescate y Cordinacion di Wardacosta a risibi un notificacion via VHF canal 16, di un boto ku tawata tin problema. E capitan a notifica ku su boto di piscado tawata tin problema y ku e no por a sigui nabega. RCC mes ora a informa steunpunt Aruba, ya asina por a sali un Metal Shark, ku a bai na localidat di e boto Mishaili.

Una bes ku a yega na e localidat di e boto, e boto patruyero Metal Shark di Wardacosta a tou e boto y a nabega den direccion di Pir na Bali, caminda Mishaili por a mara ku siguridat. Na yegada na Pir na Bali e agentenan di Wardacosta a eherse un control rutinario riba e boto di piscado.

Ayera tambe RCC a risibi un notificacion di e boto piscado Joandra, ku tawata tin problema ku su baterianan. Un Metal Shark a bai nabega banda di Joandra y a tou esaki y nabega den direccion di Spaanslagoen Rancho Carion. Na yegada na Rancho Carion e agentenan di Wardacosta a eherse un control rutinario riba e boto di piscado.

Wardacosta ta avisa doñonan di boto pa hasi mantencion regular na nan botonan. Pa nan propio seguridat na bordo mester tin: sufisiente chaleco di salbabida, un flashlight ku bateria y un pitu, un EHBO kit, sufisiente awa, aparato pa paga candela, VHF radio of un cellular full di charge.

Evita e chens di un accidente of situacion peligroso riba lama

kubo boto of seadoo. Den caso kubo mester di yudansa bo por

yama Wardacosta riba 913 of e whatsapp number 005999 510

0913. Gosa di lama y beachnan na un manera safe.

5

Diamars 21 Juni 2022

Conseho di Reino lo ratifica e recorte di 12.5% diabierna awor

Aruba ta trahando full swing pa paga 5% bek na luna di Juli Tur condicion ta den proceso pa wordo completa Ayera Secretario di Estado van Huffelen a informa cu Hulanda a bay di acuerdo pa cuminza duna bek 12.5%.

E proceso aki mester wordo haci dor di cada pais.

Cu Aruba, nan tin acuerdo.

Aruba mester cumpli cu 4 punto y ta den proceso.

Promer Minister di Aruba a bisa cu Aruba ta hasiendo todo lo posibel pa keda cla y cu pa Juli lo paga 5%, hasiendo e salario atrobe na 100%.

Gobierno di Reino diabierna awor:

por dicidi pa Aruba so. Esaki si encaso cu Curacao y Sint Maarten no ta cla ainda of ta asina leuw.

Diabierna awor lo trata e recorte di 12.5% y aki no ta depende di Curacao ni StMaarten.

Pues

Sindicatonan na Aruba: No por spera otro cu sindicatonan

na Aruba ta keda sin confiansa, y manera custumber ta keda manera incredulo, di tur loke Promer Minister Wever trece dilanti. Semper nan ta sali cu otro rasonamiento.

Pesey mes e rueda enconhunto tabata di sumo importancia pa asina tur dos mandatario, por a splica, kibrando e storianan di sindicato.

Prome Minister Evelyn Wever-Croes: Premiernan di Aruba, Corsou y Sint Maarten

TA SATISFECHO CU E REUNIONNAN CU SECRETARIO DI ESTADO DI REINO TA REUNI E reunionnan extenso na unda cu pa e di prome biaha Premier di Aruba, señora Evelyn WeverCroes, Premier di Corsou, señor Gilmar Pisas, Premier di Sint Maarten, señora Silveria Jacobs y Secretario di Estado di Reino señora Alexandra Van Huffelen tawata hunto presente na Aruba, a termina cu un conferencia di prensa na unda cu prensa di e 4 paisnan den Reino por a dirigi nan preguntanan na e premiernan y na Secretario di Estado di Reino.

Ya for di diasabra 18 di juni e reunionnan a cuminsa na unda cu Premier di Aruba y Minister di Finansa y delegacion a reuni

cu Secretario di Estado di Reino van Huffelen y su delegacion.

Diadomingo 19 di juni anochi, e reunionnan a continua cu Premiernan di Corsou y Sint Maarten tambe hunto cu nan delegacionnan. Y dialuna henter dia e reunionnan a continua sigui pa un conferencia di prensa en conhunto. Premiernan di Aruba, Corsou y Sint Maarten a expresa cu nan ta satisfecho con e reunionnan cu secretario di Estado van Huffelen a bay.

Secretario di Estado tambe a expresa di ta contento con e reunionnan na e nivel aki a tuma luga.

Na final di e conferencia, Prome

Minister Evelyn Wever-Croes a gradici Coleganan Premier di Corsou y Sint Maarten y Secretario di Estado di Reino pa nan presencia y cooperacion den e reunionnan hopi positivo tras di lomba na unda a tuma luga dialogonan hopi constructivo.

Tambe Prome Minister a gradici Ministernan presente di e diferente gabinetenan como tambe e delegacionnan y tur esnan cu a haci e reunionnan posibel.

Prome Minister a enfatisa cu Gobierno di Aruba su meta ta pa sali for di e crisis aki mas lihe posibel y sigur mas fuerte y mas resiliente y ta trahando duro

tambe pa logra esaki pasobra esaki ta e compromiso cu e pueblo di Aruba.

“Aruba ta comprometi pa haci e reformanan cu nos a compromete nos mes pa haci. No tin duda cu Covid a dal nos hopi duro pa e motibo aki tambe nos ta reconoce y nos ta gradicido pa e ayudo cu nos a haya di Hulanda y for di awo en adelante nos ta compremeti pa percura pa haci miho posibel pa reforma pa asina Aruba por sali mas fuerte y mas resiliente y asina garantisa progreso y bienestar pa tur ciudadano di nos pais”, Prome Minister Evelyn Wever-Croes a expresa.

6

Diamars 21 Juni 2022

Parlamentario Marco Berlis (MEP):

Tatanan di famia tin un rol importante den desaroyo di nan yiu Celebracion dia di Tata ta uno importante

Ser un tata no ta djis traha un yiu. E ta ora un homber ta responsabel y ta cuida, protege, provee, duna amor, ta tuma tempo cu su yiu, ta cubri su necesidadnan financiero pero tambe esnan emocional. Un tata ta envolvi den e desaroyo y bienestar di su yiunan. E ta asina importante pa un homber siña pa ta un tata responsabel pa asina nos muchanan por tin un bon futuro. Ta pesey, mas cu nunca e ta importante pa tatanan

den nos sociedad ta wordo encurasha y celebra riba nan dia y cada otro dia cu por.

Tatanan di diferente nacion y cultura ta parti di nos pais. Nos ta celebra bo como tata.

Bo influencia den famia y den nos sociedad ta uno necesario. Danki tatanan pa boso trabao duro, boso esfuersonan, perseverancia, diligencia, pasenshi, proteccion, amor, atencion, siguridad, y asina hopi otro cos mas

cu cada un ta haci pa nan yiunan. Corda semper bo yiunan ta busca un ehempel pa sigui den bo. Nunca cansa di haci loke ta corecto pa bo yiunan y bo pareha.

Como tata di dos yiu muher mi ta reconoce e responsabilidad, desafio, y bendicion grandi di ta un tata.

Siguramente un tata cu ta mantene y cultiva amor y unidad den su famia.

Pesey, mi ta contento di mira con hopi di nos

a celebra e dia aki den compania di famia.

Mamanan, esposanan y yiunan, no lubida di haci bo esposo y tata sinti balora, stima y cu e tambe tin balor agrega!

Si pueblo desea mas informacion di e articulo aki, contact mi na tel: 528-4639 of email mi na: marco. berlis@parlamento.aw / Bo parlamentario y sirbidor di pueblo na bo ordo semper, sin nada di sconde!

Parlamentario Ricky Hoek (MEP):

Parlamento Hubenil ta desaroya e hoben pa aporta na comunidad Ultimamente diferente miembronan di Parlamento di Aruba a asisti na e desvelo di e logo nobo di Fundacion Parlamento Hubenil Aruba.

Parlamento Hubenil ta preparando pa celebra nan di 20 aniversario den 2023. Pa cuminsa cu e celebracion aki, Parlamento Hubenil su prome evento tabata e presentacion di nan logo nobo. Un logo cu ta refleha e hoben di awendia y tambe kico ta e metanan di Fundacion Parlamento Hubenil Aruba.

Un ‘Parlamento Hubenil’ ta un simulacion di un parlamento, pero cu ta wordo forma pa hobennan.

E parlamento hubenil aki tin bes por tin influencia riba e decisionnan di un pais of areanan cu ta concerni e hobennan.

K i c o Parlamento H u b e n i l ta ofrece e hoben?

Desde e existencia di Fundacion Parlamento Hubenil Aruba, varios hoben a haya e oportunidad pa ta miembro di e organisacion y participa na diferente tayer (workshop) di entre otro liderazgo, debate, presentacion y mas. Adicionalmente, e hobennan na diferente ocasion a ‘gosa’ di e oportunidad di representa nan organisacion y Aruba den exterior.

Parlamento Hubenil pa medio di su cursonan y e oportunidad cu e fundacion ta brinda na e

hoben pa ta miembro di e organisacion, ta contribui na e desaroyo personal di e hoben. Ora cu e hoben bira miembro di e organisacion, e ta sera conoci cu otro hobennan y asina ta engrandece su netwerk. Durante di curso di debate, e hoben ta desaroya su autoestima y su habilidad di papia dilanti un grupo of den publico. Banda di esey, e hoben ta bira un ciudadano critico y consciente na momento cu e ta haci bishita na diferente instancia, instituto y fundacionnan.

Asina nan ta haya un conexion cu e realidad di nos isla y por vocifera nan pensamentonan y vision pa futuro cu ta regarda nan.

E balor agrega

di Parlamento Hubenil pa Parlamento di Aruba

Parlamento di Aruba ta contento cu Fundacion Parlamento Hubenil ta logrando nan di 2 decada di existencia. Parlamento Hubenil ta un plataforma cu ta representa e hubentud di Aruba y pa medio di e plataforma aki por intercambia nan

experiencianan y vision cu Parlamento di Aruba.

Di e manera aki un participacion activo di banda di e hubentud di Aruba ta bira mas concreto y asina por stipula maneho cu ta na e deseo y realidad di nos hobennan.

Finalmente Parlamento di Aruba ta manda un palabra di felicitacion na tur hoben miembro, directiva y coordinadora di Fundacion Parlamento Hunenil Aruba.

7

Diamars 21 Juni 2022

Minister Rocco Tjon:

A FIRMA CU SETAR N.V. COMO E COMPANIA ANFITRION PA PROYECTO DI CAMARA DEN AREA HOTELERO

Semper tawata tin cierto retonan pa concretisa un proyecto asina, y ora a wak e “track record” di Setar caminda ya caba a ehecuta tipo di proyectonan asina, exitosamente, pa companianan di magnitud manera Aeropuerto, e decision tawata logico pa bay di acuerdo cu e oferta cu a ricibi di Setar.

Dialuna mainta, durante un conferencia di prensa na oficina di Setar Seroe Blanco, Minister di Husticia y Asuntonan Social Sr. Rocco Tjon, a firma e Ministeriële Beschikking (MB) pa otorga na Setar NV e proyecto di camara di siguridad den area hotelero.

Esaki den presencia di Director di Setar N.V. Sr. Roland Croes.

Combati criminalidad na

diferente manera door di haci uso di tecnologia ta un topico sumamente importante, y ta ancra tambe den e vision y e maneho di parti di Ministerio di Husticia y Asuntonan Social. Segun e mandatario, Setar tawata un escogencia logico pa e proyecto aki, mirando cu den pasado intentonan a wordo haci pa por cristalisa e tipo di proyectonan aki, pero nunca a wordo concretisa por completo.

E proyecto aki ta uno cu por keda amplia riba dje, y te cu awo lo conta cu un total di tres fase, e prome fase ta e instalacion di e sistema di camara y for di Ministerio di Husticia y Asuntonan Social ta planiando pa fase dos y tres pa asina practicamente na tur localidad strategico na Aruba por tin e camaranan aki instala.

Banda di esaki, na comienso di Juli, Ministerio di Husticia y Asuntonan Social lo instala un comision cu ta bay sigui monitorea henter e desaroyo di e proyecto aki, pa motibo cu e proyecto aki lo conta cu un trayecto di seis pa shete luna. Es decir, e comision aki lo keda monitorea e proceso, pa asina percura cu e ehecucion ta uno exitoso.

Na mes momento e comison aki hunto cu Setar lo traha hunto, pa asina cu fase un ta completamente ehecuta por sigui mesora pa fase dos y consecuentemente pa fase tres.

Mientras e proyecto aki ta wordo ehecuta, ambos huristanan di Ministerio di Husticia y Asuntonan Social conhuntamente cu huristanan di Setar N.V. lo sigui delibera pa yega na un “service level agreement”, cual ta hopi importante, pa asina garantisa cu e proyecto aki lo por keda haya mantencion, dado caso un camara of un part daña, esaki por wordo reemplasa of drecha mesora.

Pa finalisa, Ministerio di Husticia y Asuntonan Social ta den combersacion cu Ministerio di Turismo y Salubridad Publico, pa un otro parti importante, cual ta e borchinan cu lo bay wordo instala den e area hotelero, pa anuncia cu e area lo ta bou di vigilancia di camara, y na mes momento tambe lo percura pa “infomercials” wordo saca, pa asina conscientisa pueblo di

Aruba en general cu e area ta bou di vigilancia.

E comision lo keda encarga tambe pa bin cu un proposicion pa asina evalua con e imagennan aki ta bay wordo vigila y con esaki ta bay wordo comparti tambe cu e unidadnan pa despues por reacciona tambe ora cu algo wordo capta riba e camaranan aki. A haci un evaluacion cu otro paisnan den exterior, pa cu e parti di vigilancia di e camaranan, y a opta pa otro organisacionnan of fundacionnan cu tin e autoridad cu ta mara na diferente regla lo bay keda encarga cu esaki, pa di e forma aki por percura cu nos agentenan policial por sigui ehecuta nan core business.

Por ultimo, ta gradici tur trahado di Ministerio di Husticia y Asuntonan Social cu a haci esaki posibel den un tempo relativamente cortico pero tambe e personal di Setar kende a traha hunto cu Ministerio pa percura cu por firma e MB caminda ta aloca tur e fondonan. Esaki ta e prome di hopi proyecto mas pa bin na bienestar di pais Aruba.

8

Diamars 21 Juni 2022

Gobierno di Aruba:

DENZEL DUMFRIES: SI BO KERE DEN BO MES Y BO SA KICO BO KIER TUR COS TA POSIBEL Exito na tur muchanan participando den Weganan Escolar 2022

Diabierna 17 di juni na ocasion di apertura di Weganan Escolar 2022, WE Aruba, E hoben deportista profesional Denzel Dumfries a hiba palabra na tur muchanan presente y desea nan exito durante e weganan escolar.

Sr. Dumfries a haci uzo di e oportunidad pa gradici Prome Minister Evelyn Wever - Croes y tambe Minister encarga cu deporte Endy Croes pa e oportunidad di ta presente. “Mi ta hay’e sumamente fantastico pa ta aki y pa mira cuanto mucha lo participa na e weganan aki.” El a sigui bisa cu e ta un honor pa e por ta na Aruba unda cu el a biba algun tempo y unda cu semper e ta sinti’e na cas unabes cu e tey bek.

“Mi ta haye interesante pa mira tur e felisidad di muchanan y cuanto gana e muchanan tin pa participa na e weganan.”

Sr. Dumfries a splica di e bunita ruta cu el a encamina pa yega na

hunga pa Inter Milan y tambe pa forma parti di e team nacional di Hulanda y aworaki den preparacion pa WK na december.

“Tur esaki mi a logra door di traha duro, kere den mi mes, confia den mi mes y semper busca retonan nobo pa mi mes.

Algun dia bo ta logra y otro dianan no, pero un cos cu mi semper tabatin ta cu mi ta kere den mi mes. Si bo ta kere den bo mes, den bo mesun cualidadnan y bo sa loke bo kier, e orey tur cos ta posibel. Esey ta loke a semper pusha mi durante henter mi carera te dia di awe,” sr. Dumfries a bisa.

Por ultimo, el a gradici un y tur cu a haci posibel pa e por tabata presente na e apertura di Weganan Escolar 2022. “Mi ta haye fantastico pa mira cuanto hende a presenta na e ocasion”. Alabes sr.

Dumfries a desea tur mucha hopi exito cu e weganan y spera cu cada mucha duna e miho di nan mes, “Doe jullie best”.

Diamars 21 Juni 2022

9

10

Diamars 21 Juni 2022

Ekipo di Bubali titula campeon di Aruba Bank Liga Plata Division Damas

022 - Diadomingo atardi na veld di Britannia a tuma lugar e ultimo wega di e Campeonato Aruba Bank Liga Plata-Division Damas.

E ekiponan, Bubali y Dakota, a subi veld conhuntamente cu miembronan di Arubaanse Voetbal Bond (ABV), y representante di Aruba Bank.

Miembro di directiva di AVB Mildred Wever y Tamara Waldron, Marketing and PR Manager di Aruba Bank a hiba palabra.

Nan a gradici tur e nuebe ekiponan cu a forma parti di e Campeonato, mayornan y coachnan pa a kere den organizacion d un campeonato di voetbal pa damas..

Despues di un tremendo partido e ekipo di Bubali a titula campion.

Aruba Bank, e banco di deporte na Aruba, ta compromoti pa promove deporte den comunidad y ta sumamente honra di sostene hende muhernan den deporte na Aruba. For di inicio e banco pionero a kere den e campeonato di damas den voetbal y ta satisfecho di mira e interes creciente den e torneo.

Masha Pabien na tur participante, na e equipo campeon, orgaizadornan, mayornan y coach pa haci e Campeonato Aruba Bank Liga Plata-Division Damas un exito.

11

Diamars 21 Juni 2022

Aruba un biaha mas ta e scenario pa recluta mas miembro nobo

TRAINING DI TEAM DI ARESTO A TERMINA CU EXITO

Aruba un biaha mas tabata anfitrion pa un traning pisa pa recluta miembronan nobo pa e Team di Aresto. Team di Aresto ta considera un team profesional cu ta infoca riba diferente area pero un di e areanan importante ta pa pone man riba sospechoso cu ta considera peligroso.

Ta pesey a yega e momento un biaha mas pa recluta mas miembro nobo pa e Team elite aki.

Ta pesey comunidad di Aruba por a mira y biba diferente acontecimento riba nos pais e ultimo lunanan aki. Tur esaki tin di haber pa mira e calidad y habilidad di cada cursista cu a participa den e training aki.

E training aki ta den cooperacion cu tur pais den Reino Hulandes esta Hulanda, Aruba, Corsou, Boneiro y Sint-Maarten.

Tambe a conta cu sosten di Polis profesional for di cada Pais den Reino pa ayuda den e entrenamento pisa aki.

E training aki tabata bou guia di Team di Aresto di Aruba conhuntamente cu tur coleganan di Reino Hulandes cu a yuda prepara e training na Aruba. Nos ta yama danki pa e team di DSI Hulanda y Mareniers Kazerne pa nan sosten y apoyo.

“E tabata un opleiding pisa pero boso mester ta orguyoso cu tur e trabou y esfuerso duro cu boso a logra yega e final y a logra caba e opleiding cu exito! Masha pabien dimi parti y tambe tur e altcomisarionan”, tabata palabra di Sra. Irma Gordon altocomisario suplente di Cuerpo Policial Aruba cu tabata presente riba e ultimo dia di training. Alavez Sra. Gordon a hiba palabra dilanti tur cursista y alavez a informanan cu nan a logra termina e opleiding cu exito.

Cada pais den Reino Hulandes ta conta cu miembronan nobo pa yuda reenforsa nan Team di Aresto.

12

Diamars 21 Juni 2022

Prome Minister Evelyn Wever-Croes:

PROME BIAHA CU E MINISTERNAN DI ARUBA, CORSOU Y SINT MAARTEN Y SECRETARIO DI ESTADO DI REINO TA REUNI

“Aruba, Corsou y Sint Maarten tin e meta comun pa sali for di e crisis aki mas lihe posibel y sigur mas fuerte y mas resiliente” Diadomingo 19 di juni anochi, a continua e reunionnan cu Premier di Aruba, señora Evelyn Wever-Croes, Premier di Corsou, señor Gilmar Pisas, Premier di Sint Maarten, señora Silveria Jacobs y Secretario di Estado di Reino señora Alexandra Van Huffelen.

Esaki ta e prome biaha cu e Ministernan di Aruba, Corsou y Sint Maarten y Secretario di Estado di Reino ta reuni, reunionnan cu ta tumando lug ana Aruba.

E reunionnan aki a cuminsa desde diasabra nochi na unda cu Prome Minister di Aruba y Minister di Finansa Xiomara Maduro y delegacion di Aruba a reuni cu Secretario di Estado di Reino y su delagacion. Diadomingo e delegacionnan di Corsou y Sint Maarten a yega Aruba y e encuentro a tuma luga den oranan di anochi.

E anochi aki a delibera riba diferente aspecto, entre otro riba reunionnan cu lo tuma luga henter dia dialuna tocante di COHO y tocante relacion den Reino. Tambe a delibera riba e recorte di 12.6%.

“Reunionnan ta bayendo bon, no ta temanan facil pero e deliberacionnan ta bayendo bon”, Prome Minister a expresa.

Reunionnan intenso riba topiconan relevante pa e tempo dificil cu paisnan di Reino ta enfrentando pa motibo di Covid. Diasabra a

toca e tema di RAFT, diadomingo a toca e tema di 12.6% y dialuna ta toca e tema di COHO y futuro relacionnan den Reino y lo termina cu un conferencia di prensa.

Pa Aruba, Corsou y Sint Maarten e reunionnan aki ta importante

tambe pasobra tur tin e meta comun pa sali for di e crisis aki mas lihe posibel y sigur mas fuerte y mas resiliente.

Prome Minister a remarca cu esaki ta e prome biaha cu e Ministernan di Aruba,

Corsou y Sint Maarten y Secretario di Estado di Reino ta reuni.

Na Aruba a yega di tuma luga reunionnan tripartiet entre Prome Ministernan di Aruba, Corsou y Sint Maarten y awor pa prome biaha Secretario di Estado van

Huffelen ta presente.

Dialuna atardi, por sintonisa e conferencia di prensa Live via TeleAruba y riba pagina di Facebook di Gabinete Wever-Croes.

13

Diamars 21 Juni 2022

The Ritz – Carlton Aruba tambe ta compromete pa certifica 150 ‘Ladies and Gentlemen’ por medio di A.C.P. Program durante luna di Augustus 2022 En coneccion cu e campaña cu Aruba Excellence Foundation (A.E.F.) a lansa siman pasa, ‘E efecto di bo Zjeito’, a conmove mas hotel pa tuma e paso pa compromete y registra un gran parti di nan team pa certifica.

No menos cu 150 ‘Ladies and Gentlemen’ di The Ritz Carlton Aruba lo certifica cu e programa di certificacion di Aruba A.C.P. den luna di Augustus 2022.

Pa dos aña consecutivo The Ritz Carlton Aruba a sa di brinda oportunidad y flexibilidad di e schedule di operations na tur nan Ladies and Gentlemen pa asina por a sigui e programa di certificacion online.

E aña aki The Ritz Carlton Aruba lo participa den tur e 6 sessionnan face to face, pues ‘in-person’.

A.E.F. ta gradici tanto e Multi-Property Director of Learning & Talent Acquisition, sra.

Desiree Bikker y Human Resources Manager, sra.

Kim Geurtsen cu a haci

nan sumo esfuerso pa haci esaki un realidad.

E programa di certificacion A.C.P. ta conta cu sosten di CEO di A.T.A. sra. Ronella Croes, como tambe di CEO di AHATA sra. Tisa LaSorte cu ta encurasha nan miembronan pa certifica y uni na e gran famia di embahadornan di Aruba cu orguyosamente por comparti informacion corecto y consistente di Aruba.

Aunke cu nos ta den fase di recuperacion nos por nota cu Aruba ta ricibiendo un fluho grandi di bishitantenan cu ta encanta nos isla y cu ta bastante satisfecho cu e servicio cu nan ta ricibi. Aruba ta sigui score halto den diferente aspecto cerca e bishitantenan, entre otro den e parti di ‘cleanliness’ y tambe e parti di ‘Guest Experience’.

Pa es motibo ta evidente cu nos manera di brinda servicio excelente cu Zjeito ta indespensabel

pa nos industria di Turismo. Na Aruba cada bishitante mester sinti su mes na cas, comodo y trankilo, esaki ta pone cu nan lo scohe pa bolbe nos isla pa experencia e mesun sentimiento cada bes nan tey.

E programa di certificacion ta beneficioso no solamente pa esnan cu ta labora directamente den e industria di Turismo, sino tambe pa tur otro organisacion cu tambe tin e papel di brinda servicio na clientenan, sea cu ta pa local of bishitante di exterior.

Durante luna di Juli te cu October 2022 por registra pa participa cu e programa di certificacion na e prijs reduci Awg. 50,persona, embes di Awg. 100,- pa persona.

Pa mas informacion y registracion por tuma contacto cu oficina principal di Aruba Excellence Foundation na number 280 2924 of email info@acp.aw Tambe por bishita www. acp.aw pa registracion online y usa e discount code ‘zjeito’.Aruba Excellence Foundation a wordo institui door di Aruba Tourism

Authority na juni 2018 y ta e fundacion encarga pa entre otro ehecuta e Aruba Certification Program (A.C.P.) como tambe e programa di Happy Information Officers (H.I.O.). Meta principal di e fundacion ta pa sigui desaroya y implementa A.C.P. y H.I.O. como tambe otro programanan specialmente diseña pa certifica personanan cu ta traha den sector di servicio y hospitalidad, p’asina percura cu e nivel di servicio excelente di Aruba ya bon conoci, por keda riba un nivel halto.

Dera Gay na Centro di Bario Playa Pabao cu: Rincon Boyzzzzz Playa Pabao – Diabierna, 24 di juni, directiva di Centro di Bario Playa Pabao ta organisa e fiesta di Dera Gay den su Centro. E actividad aki ta cuminsa anochi pa 8’or y ta termina pa 12’or. Directiva di Centro di Bario Playa Pabao ya tin algun siman preparando pa e actividad aki.. Ya tin dos grupo a confirma nan participacion cu ta Grupo Folclore di Santa Cruz bou di direccion di sra Lia Lopez

y Dazzling Dancers. E musica lo ta den man di Rincon Boyzzz.

Bar y cushina lo ta bon sorti y no ta cobra entrada. Directiva di Centro di Bario Playa ta desea e pueblo di Aruba un dushi dia San Juan y ta invitanan pa participa activamente den e celebracion aki. Laga nos proteha nos fiesta cultural di San Juan pasobra si nos

mes no hasiele niun hende lo hasiele pa nos.

Directiva di Centro di Bario Playa Pabao tambe ta hasi un suplica pa no kima mondi y asina destruyendo nos naturalesa. Pues diabierna 24 di juni nos ta topa na Centro di Bario Playa Pabao pa celelebra e fiesta di Dera Gay.

14

Diamars 21 Juni 2022

YES a ilustra resiliencia y determinacion di San Nicolas Minister Geoffrey Wever ta enfoca riba futuro potencial economico Durante fin di siman a termina e seminario di YES San Nicolas.

E Young Entrepreneur Summit aki, organisa pa Ministerio di Asuntonan Economico, Comunicacion y Desaroyo Sostenibel, a conta cu participacion di varios personanan renombra den comunidad pa nan experiencia y conocemento empresarial, especialmente den e area di San Nicolas.

Den e parti di mainta a organisa un Youthpreneur event, den colaboracion cu Kiwanis San Nicolas, unda tabata tin un workshop di con pa traha un business plan, y tambe un iChoose workshop cual a enfoca riba e deseo y gusto di e participantenan, y con nan por "put your dream to work".

Ta notabel cu tabata tin hopi bon idea y presentacion di e grupo aki consistiendo di participantenan entre 12 y 17 aña di edad.

Despues di un dia largo di workshops, a clausura e evento anochi cu un "panel discussion", unda e tema central tabata "The economic future of San Nicolas & Aruba".

Durante e presentacion, varios di e panelistanan a trece puntonan valioso padilanti.

Minister di Asuntonan Economico, Comunicacion y Desaroyo Sostenibel, Sr. Geoffrey Wever, tambe a forma parti di e panel. Minister Wever a keda sumamente contento di e calidad di e combersacion riba puntonan cu ta actual y relevante.

"Feedback ta necesario", segun minister Wever, pa asina por crea of modifica legislacion cu lo por sostene desaroyo economico moderno.

Entre otro topiconan cu a toca durante e anochi tabata 1) Economic Development 2) Sustainable Development, Energy Policy and Innovation

3) Port of San Nicolas 4) Adult Entertainment and Tourism Industry. Topiconan relevante y al caso cu mester ser discuti pa por yega mas cerca di solucionnan duradero, no solamente pa San Nicolas pero pa Aruba henter tambe.

Minister Wever a enfoca cu lo sigui hiba e combersacionnan aki dentro nos comunidad, y lo sigui crea colaboracion entre sector publico y sector priva, pa asina facilita nan y brinda nan e oportunidad pa por lidera e esfuersonan di recuperacion economico pa nos pais.

15

Diamars 21 Juni 2022

Proyecto “Foodforest” na Scol Prinses Amalia simiyanan pa nan por planta den e Proyecto aki. Algun stek di yuca tambe nan a haya pa nan por planta.

E docente na cabez di e proyecto ta sra. Maureen Roa kende ta un di esnan cu a sigui e curso aki cu a wordo presenta luna pasa na Aruba.

Tabata algun siman di planificacion pa asina realisa un bunita proyecto pa introduci esaki na scol. Den e caso aki e prome scol cu a tuma e iniciativa aki ta Prinses Amalia Basisschool. Esaki segun e tecnica di agricultura recien introduci na Aruba yama “Syntropic Agroforestry”. E proyecto tin como meta pa inculca concientisacion den e muchanan pa planta y come di nan plantacion.

Mas den futur e muchanan mes lo tra ha den e plantacion y tur producto lo ta pa e muchanan mesun consumo.

Departamento di Agricultura, Cria y Pesca Santa Rosa pa medio di su minister sr.Ursell Arends encarga cu Sector Primario cu placer a duna luz berde pa asina nos departamento por duna un man na e proyecto aki di “Foodforest” na dicho scol. Durante di siman a percura pa hasi un bishita na e scol cu nos ekiponan pisa pa asina cuminsa cu trabounan di los e tera y kita piedranan cu por tabata tin riba e tereno di scol. Santa Rosa a percura tambe pa nan por haya matanan di Bacoba y otro tipo di

Hunto cu diferente boluntario y algun mayor di alumnonan a bini hunto pa realisa e proyecto aki for di mainta trempan marcando e tereno. A coba canalnan y despues sigui cu ponemento di gordura y na final pa plantamento di e matanan y organisa tur cos segun e concepto di “Syntropic Agroforestry”.

Durante mainta aki a conta cu presencia di minister di Sector Primario sr.

Ursell Arends kende a bin admira e Proyecto. E minister a wordo ricibi pa e docente encarga cu e Proyecto cu ta sra.

Maureen Roa kende a splica e minister e Proyecto riba su mes y kico tur tabata tumando lugar. Minister sr. Ursell Arends a pone man na otro tambe pasando man pa un shovel y cuminsa duna un man.

Di parti di minister sr.

Ursell Arends conhuntamente cu Santa Rosa nos ta felicita Prinses Amalia Basischool pa e bunita iniciativa di e Proyecto aki “Foodforest” cu sigur lo bai inculca esaki hunto cu e alumnonan pa nan por mas conciente riba nos seguridad di cuminda. Deseanadonan hopi exito cu nan proyecto y pronto nos lo mira benificio di esaki.

Pabien na tur esnan involvi cu realisacion di e proyecto aki.

16

Diamars 21 Juni 2022

Embahadora di India cu bishita di cortesia cerca Minister Besaril Den Haag – Minister Plenipotenciario Guillfred Besaril recientemente a ricibi bishita di e embahadora di India na Hulanda sra. Reenat Sandhu. Tambe presente na e bishita aki ta Representante di Aruba na Union Europeo mr.

Juan Ady Thijsen.

Embahadora Sandhu a bishita e representante di Aruba na Hulanda pasobra su persona tambe ta representante di India pa Reino Hulandes den su totalidad.

Durante di e bishita a papia riba e tema di medicina generico pa cual India ta reconoci pe. Tambe a bai den extenso riba e tema educacion unda a menciona cu Aruba tin dos pa tres Universidad, di cual Xavier University School of Medicine

ta uno di nan cu ta mas grandi y conoci, pero tin otro dos tambe cu ta duna pre-med. Aruba tin un comunidad di decendiente di India hopi grandi y cu hopi di nan ta bin haci e estudionan aki pa asina nan por drenta den Universidad na Merca. A papia pa expande e facultadnan na e Universidadnan aki den e ramo di computacion y technologia, pasobra India ta hopi leu den loke ta innovacion. ‘Mas di iniciativanan asina bin Aruba ta mas mihor pa nos comunidad, nos hubentud cu tambe via di e Universidadnan aki por haci uso di conocemento di India. Nos a papia tambe di un manera pa yega na mas cooperacion entre e Camara di Comercio di Aruba y di India pa explora kico ta e posibilidadnan y nesesidadnan di tanto India como di Aruba,’

asina Minister Besaril a bisa.

Por ultimo Minister Besaril a bisa cu a papia riba e lasonan cu e comunidad di India na Aruba y e sosten cu embahadora Sandhu a pidi Aruba, como un di e paisnan den Reino, pa na

momento cu India haci e cambio di e trabaonan consular di Venezuela pa Panama cu Aruba lo sostenen nan ora cu esaki keda presenta na nivel di Reino Hulandes.Nota pa redaccion: E potret ta cortesia di Arubahuis

SER ta risibí informashon riba ròl di PAHO den reformanan den sistema di salubridat públiko Ta rekerí partisipashon di tur interlokutor sosial pa apoyo i un implementashon efektivo

20 di yüni 2022 - ,,E reformanan nesesario den organisashon i finansiamentu di e sektor di kuido pa hasi e sektor aki mas flèksibel i resiliente a largo plaso, konforme loke a ser akordá ku Hulanda den e Pakete di Pais (Landspakket), tin posibilidatnan grandi di éksito si ta eksistí un grado altu di sentido di urgensia, enfoke i un kompromiso inkondishonal di tur aktor envolví, inkluso e partnernan sosial representá den Konseho Sosial Ekonómiko (SER). Un strategia di komunikashon efikas, ku ta rekonosé diálogo sosial komo hèrmènt pa optené apoyo i un alto grado di kompromiso i aseptashon pa ku e reformanan ku tin un impakto sosioekonómiko, por kontribuí di un forma balioso na alkansá e ophetivo ei."

Esaki ta un di e konklushonnan prinsipal ku a yega na e durante un seshon informativo ku SER a risibí djabièrnè, dia 17 di yüni último, di un delegashon di e organisashon di maneho di ministerio di Salú, Medio Ambiente i Naturalesa (GMN), asistí pa un ekipo di ekspertonan di e Organisashon Pan-Amerikano di Salú / Organisashon Mundial di Salú (PAHO/WHO), despues ku SER a risibí djárason, dia 15 di yüni último, den Hotel Renaissance, riba rekomendashon di ministerio di GMN, un presentashon amplio riba reformanan den sektor di salubridat públiko i kon PAHO/ WHO ta brinda asistensia tékniko na e proseso aki. E presentashon aki tabata kontinuashon di e reunion ku SER tabata tin ku Minister di GMN, Sra. Dorothy Pietersz-Janga, djabièrnè dia 3 di

yüni último, durante kua a duna un splikashon mas detayá riba e proposishon pa redusí e pakete di Seguro Básiko di Salú (BVZ), ku de minister a presentá na SER pa konseho.

Na base di e reformanan den sektor di kuido, di kua algun ya kaba ta den fase di implementashon, tin e strategia di intervenshon den kuater fase manera aprobá dor di Konseho di Ministernan (KdM) durante e promé kuartal di e aña aki, pa garantisá sostenibilidat di e sistema di kuido na Kòrsou manera proponé den e informe "Kopzorgen over de zorg" di 26 di yanüari 2022. E strategia di intervenshon den kuater fase ta konstituí base di maneho di e gabinete aktual pa hasi sostenibel: kalidat, aksesibilidat i finansiamentu di kuido médiko na Kòrsou.

E motibu prinsipal pa e strategia di intervenshon den kuater fase aki, manera aprobá dor di KdM, ta e gastunan operashonal haltu di hòspital nobo (Curaçao Medical Center, CMC). E motibu indirekto di e strategia tin di aber ku garantisá a mediano plaso sostenebilidat di kontribushon di pais (Landsbijdrage) na e fondo di BVZ. Durante e presentashon na SER, djárason dia 15 di yüni último, e ekspertonan di PAHO/WHO, basá riba nan konosementu tékniko i den nan ròl komo asesor di ministerio di GMN, a duna nan vishon riba kon, i na ki punto, Kòrsou lo por uza e aserkamentunan metodológiko ku a keda demostrá di ta efisiente, basá riba investigashonnan empíriko komparativo di paisnan, en partikular

paisnan den region di Karibe i Latinoamérika, pa redusí oumentu di gastunan di kuido manteniendo e sektor di kuido aksesibel, pagabel i di kalidat altu.

E seshon informativo na SER di djabièrnè dia 17 di yüni último a konsentrá su mes prinsipalmente riba viabilidat práktiko di e enfokenan metodológiko den e konteksto spesífiko di Kòrsou i riba e kondishonnan primordial nesesario ku mester kumpli kuné pa oumentá grado di éksito i un implementashon efektivo. A rekonosé e nesesidat di kompromiso sosial kontinuo, en partikular di e partnernan sosial.

Riba e potrèt: sintá na e mesa prinsipal: presidente den funshon di SER, sr. mr. John Jacobs i kabesante di e tim di eksperto di PAHO/WHO dr.

Erica Wheeler. Pará nan tras: algun miembro di SER, kompañá pa ekspertonan di ministerio di GMN i esnan di PAHO/WHO.