DIAMARS 14 SEPTEMBER 2021

Covid Aruba

caso nobo 13, caso activo 321 Diamars 14 September 2021

Solo di Pueblo

Aña 16 - edicion 489

E-mail: solodipueblo@gmail.

Prijs: Afl. 1.75

Inacceptabel

Un parlamentario a haci expresionnan extremo di kier laga venena otro parlamentarionan Ayera durante reunion di parlamento, Parlamentario y alaves Premier Wever Croes a elabora riba e nivel di parlamento. Den su discurso el’a trece dilanti cu no ta acceptabel cu tin un parlamentario ta hasi expresionnan extremo, cu e kier laga venena otro parlamentarionan.

Esaki no ta algo corecto ni pa joke y ta merece di wordo investiga.

Segun SOLO a bin compronde, aparentemente ta expresionnan hasi

dor di Miguel Mansur.

Como politico y parlamentario, ta realmente inacceptabel cu expresionnan asina ta wordo treci dilanti. Miguel Mansur mester aclara e informe aki, y e mester compronde cu e expresionnan aki no ta wordo accpeta di den wega.

PROME MINISTER TA FELICITA PRESIDENTE DI PARLAMENTO PA PERIOD 2021-2022

“Sr. Edgard Vrolijk ya a mustra di ta un Presidente pa henter e Parlamento”

Ministerio di Asuntonan Social y Labor Departamento di Labor & Investigacion (DAO) ‘Beslag’ riba salario di empleado door di su dunado di trabou articulo 632ª Codigo Civil di Aruba

Accidente entre 3 auto na Camacuri, un di e autonan a dal 2 auto estilo carambola

2

Diamars 14 September 2021

Enseñansa pa Empleo a cuminsa cu cursonan na KIA Enseñansa pa Empleo (EPE) ta informa cu nan a cuminsa cu e prome cursonan na Instituto Coreccional di KIA. E meta, nan ta splica, ta pa ta pa yuda coregi y resocialisa personanan cu pa un motibo of otro a cay den man di husticia.

E miho forma pa logra esaki ta di duna nan e oportunidad pa sigui curso y studia durante nan estadia den KIA. Cursonan cu EPE a prepara pa esnan den KIA ta: Manicure y Pedicure Basico, les di Metsla, Alfabetisacion (na nivel di estudio basico pa por sigui un estudio MBO 1 of Mavo), les di Computer y curso ‘Cuminsa cu mi propio negoshi’, Waiter y Bartender.

Plannan ta pa den futuro cercano cuminsa cu curso basico Electro, Koelmonteur, y

algun otro curso mas.

Den pasado EPE tabata brinda

varios curso na presonan den KIA y nan ta convenci cu e manera aki lo yuda mehora e

calidad di bida di nos pueblo y lo yuda resolve hopi problema social na Aruba.

Polis a bay busca doño di un auto laga staciona for di den oranan di merdia den Aureolastraat

A drenta informe di un auto laga atras for di oranan di merida den Aureolastraat, mesora a dirigi un patruya na e sitio. Na yegada di e patruya a bin encontra cu e Toyota Yaris laga

atras. Polis a controla e number y a haya un porta di auto habri y a check e papelnan.

Polis a keda di bay check cu e doño kiko por a pasa cu su auto.

3

Diamars 14 September 2021

88% di e cantidad di pasaheronan cu a biaha for di Aruba na Augustus 2109 a wordo recupera den Augustus 2021 99,093 pasahero a biaha for di Aruba na Augustus 2021

– Aruba Airport Authority N.V. (AAA) ta raporta riba e prestacion di AUA Airport den Augustus 2021; un otro luna di recuperashon fuerte compara cu e mesun periodo na 2019.

Na Augustus 2021, AUA Airport a procesa 99,093 pasahero cu a biaha for di Aruba. Esaki tabata 9% menos compara cu e luna anterior. Durante e ultimo luna AUA Airport a recupera 88% di e cantidad di pasaheronan cu a biaha for di Aruba den e mesun luna na 2019. Na Augustus 2021 80,571 pasahero a biaha pa Merca, 9,302 pasahero a biaha pa Europa, 3,387 pasahero a biaha pa Antiyas Hulandes, y 5,833 pasahero a biaha pa Latino America.

Un averahe di e passenger load factor

(PLF) na salida (cantidad di asiento ocupa en comparacion cu e cantidad total di asiento dispobibel abordo di un avion na momento di sali for di AUA Airport) pa e mercado Mericano di 87% a keda raporta den Augustus 2021, mientras cu e averahe di PLF

pa tur mercado tabata 86% durante e mesun temporada (comparando cu 2019 unda e PLF averahe pa tur mercado tabata 85%).

Durante e ultimo luna, AUA Airport a procesa un averahe di 29 buelo pa dia, esaki ta menos

Persona cu problemanan di salud mental tabata molestia bisiñanan na Cashero

A drenta informe di cu tin un persona bao influencia molestiando bisiñanan, mesora a dirigi un patruya

na e sitio. Na yegada di e patruya a bin compronde cu aki lo ta trata di un persona cu tin problemanan di

salud mental. Polis a intermedia den e asunto y a re-establece paz den e bario.

compata cu e averahe di 35 buelo pa dia durante e mesun temporada den 2019. Den e mesun temporada na 2020

AUA Airport a procesa solamente 218 buelo mientras cu e frontera a habri na Juli 2020 pa tur operacion comercial.

4

Diamars 14 September 2021

Accident pa falta di prefencia na Pacifico Restaurant San Nicolas

Dialuna mainta a sosode un accident basta fuerte cu herido na altura di Pacifico riba Pastoor Hendrick straat.

Na e sitio por a compronde, cu e Chevorlet

shinishi tabata bin di direccion pabou y e Ford color bruin tabata bin for di Vuylstekestraat y no a para na e crusada.

E consecuencia tabata cu el a causa un accidente y a dal cu hopi forsa den e

Chevorlet.

Ambulance y polis a presenta, debi cu ta tin hende leve herida y a keda atendi, pero no transporta pa hospital.

Homber cu a menasa persona cu arma di candela deteni na Pos Abou

Anochi patras di corte di husticia un homber den un kia rio a dal den un auto y a saca un arma di candela y menasa e doño y despues dal den un tubo.

E chauffeur a dal un buelta y a bolbe saca e arma y bay for di e sitio.

Un persona a sigui e kia rio aki y tabata informa polis y na Pos Abou a

logra di para e auto aki unda e chauffeur a dal den un palo di luz tambe.

Polis a logra saca e homber y a ristra y topa cu e arma di candela y aki a bay over na detene e homber di biaha. A notifica departamento tecnico pa saca potret y tuma e arma di candela den beslag.

5

Diamars 14 September 2021

Ministerio di Asuntonan Social y Labor Departamento di Labor & Investigacion (DAO) ‘Beslag’ riba salario di empleado door di su dunado di trabou articulo 632ª Codigo Civil di Aruba Entrante 1 di september 2021 e regulacion tocante ‘beslag’ riba e salario di empleado door di su dunado di trabou, pa motibo cu e empleado debe placa na un tercera persona of compania, ta como lo siguiente: A. Si un empleado tin un salario riba Afl. 50.000 bruto pa aña por pone ‘beslag’ riba su salario te cu un maximo di 33% di e salario netto.

Por ilustra e regla aki cu e siguiente ehempel:

Un empleado tin un salario di Afl. 4.500 bruto pa luna (Afl. 54.000 pa aña) cu ta cu mas o menos Afl. 4.000 netto. Por pone ‘beslag’ riba su salario netto te cu Afl. 1.320. E empleado ta keda cu Afl. 2.680 despues di ‘beslag’.

B. Si un empleado tin un salario te cu Afl. 50.000 bruto pa aña por pone ‘beslag’ riba su salario te cu un maximo di 25% di e salario netto. Sinembargo e empleado semper mester keda cu 90% di e salario minimo netto.

(E salario minimo actual ta Afl. 1.815,35 pa luna. Despues di kita e primanan di AOV/ AWW y AZV etc. e empleado ta keda cu un salario netto di Afl. 1.700).

Por ilustra e regla aki cu e siguiente ehempelnan: (Tene na cuenta cu e salarionan menciona no ta refleha e salario exacto di un empleado, pero nos ta uz’e solamente cu e meta pa ilustra con mester calcula e ‘beslag’ maximo.

E compania su HR y payroll master lo mester calcula e sumanan exacto pa cada empleado y ta calcula esaki basa riba e salario anual).

Scenario 1

Un empleado ta gana salario minimo cu ta Afl.

1.815,35 bruto pa luna (Afl. 21.785 pa aña), cu ta mas o menos Afl. 1.700 netto. Por pone ‘beslag’ riba su salario te cu maximo Afl. 170 pa luna (cu ta 10% di e salario netto). Esaki kiermen cu Afl. 1.530 mester keda ‘beslagvrij’.

Scenario 2

Un empleado tin un salario bruto di Afl. 2.000 pa luna (Afl. 24.000 pa aña), cu ta mas o menos Afl. 1.800 netto.

Kitando Afl. 1.530, cu ta 90% di e salario minimo netto cu semper mester keda ‘beslagvrij’, por pone ‘beslag’ riba e restante completo di Afl. 270 (Afl. 1.800 - Afl. 1.530). Esaki pasobra den e scenario aki e suma di ‘beslag’ eigenlijk lo mester ta Afl. 450 (cu ta 25% di Afl. 1.800).

Pa e salarionan net riba salario minimo te cu un salario menos cu Afl. 2.040 netto pa luna no por aplica 25% completo pa ‘beslag’, sino e empleado no ta keda cu 90% di e salario minimo netto.

Scenario 3

Un empleado tin un salario bruto di Afl. 3.000 pa luna (Afl. 36.000 pa aña), cu ta mas o menos Afl. 2.700 netto. Mester kita Afl. 1.530, cu ta 90% di e salario minimo netto cu semper mester keda ‘beslagvrij’ di cual e restante ta Afl. 1.170 (Afl. 2.700 – Afl. 1.530).

Den e scenario aki por pone ‘beslag’ riba e salario te cu maximo Afl. 675 (cu ta 25% di Afl. 2.700). E empleado ta keda cu

Afl. 2.025 despues di ‘beslag’.

Departamento di Labor & Investigacion ta pidi tur trahado y principalmente dunadonan di trabou pa tene bon na cuenta e informacion aki. Pa pregunta por yama nos na 523-7720 of manda nos un email na: directiearbeid@aruba.gov. aw. Tambe por sigui nos riba www.daoaruba.com of riba nos pagina di Facebook: Directie Arbeid en Onderzoek.

6

Diamars 14 September 2021

Accidente entre 3 auto na Camacuri, un di e autonan a dal 2 auto estilo carambola

Dialuna mainta a durante patruya un oficial di e brigada motoriza a bin topa cu un accidente riba e caminda di Camacuri pa ser exacto dilanti di Drive Motor World, mesora a e oficial a baha pa atende e accidente.

A bin resulta cu aki ta trata di un accidente unda cu e dama chauffeur di e Nissan Altima no a regula su velocidad ni a mantene distancia a bay dal tras di un Kia Picanto djey ela kita bay dal den banda patras di un Mazda s.u.v. cu tabata dilanti di e Kia Picanto.

Na prome instante a bisa cu no tin hende herida pero despues e dama chauffeur di e Altima a cuminza keha. 2 Personal di ambulans bayndo trabao a pasa atende pero a descubri cu e chauffeur ta unicamente sustia y esey despues di un rato ta pasa.

Ban sigui proteha Siguiendo e f lexibilisacion di medidanan pa cu Covid-19, Directie Voogdijraad ta informa pueblo di Aruba lo siguiente: •

lo mantene protocol di hygiena na entrada y den e spreekkamernan;

•

uso di tapaboca na momento cu bo persona tin un cita ta obligatorio.

Si tin cualkier pregunta, por tuma contact cu nos na 582-1262 of por manda un e-mail na directie.voogdijraad@ aruba.gov.aw y nos lo tuma contacto cu bo persona mas pronto cu ta posibel.

Nos lo keda monitor e situacion y lo informa debidamente segun e desaroyonan.

Por ultimo nos ta enfatisa e responsabilidad individual di un y tur pa preveni e contagio di Covid-19.

7

Diamars 14 September 2021

Prome Minister Evelyn Wever-Croes:

PROME MINISTER TA EXPRESA 3 DESEO PA E PARLAMENTO NOBO

Dialuna mainta, durante e reunion publico den Parlamento riba e Clausura di aña Parlamentario 20202021, Prome Minister Evelyn Wever-Croes a duna entrega palabranan di motivacion deseando tur Parlamentario hopi exito den e Aña Parlamentario 20212022. Prome Minister a comparti 3 deseo cu e tin pa e Parlamento nobo. Ya caba e fundeshi a wordo poni den e Parlamento den e aña 2020-2021 y Prome Minister a expresa su deseo pa esey continua den e aña Parlamentario nobo.

INDEPENDISACION DI NOS PARLAMENTO E prome deseo ta un Parlamento fuerte. Pa finalisa cu e plan di independisacion di nos Parlamento den e aña Parlamentario nobo nos dilanti na e modelo cu Parlamento ta scoge p’e, pero un Parlamento fuerte cu por bringa cabes na retonan cu Aruba ta enfrentando.

Esfuersonan a wordo

haci pa logra independisa Parlamento y e deseo ta pa pronto esaki por wordo realisa.

C R I S T A L I S A OMBUDSMAN E di dos deseo ta di mira e ombudsman cristalisa.

A cuminsa cu esaki pero lamentablemente pa algun diferencia di opinion no por a keda cla cu esaki. Prome Minister ta expresa su confiansa cu e Parlamento aki, cu a demostra cu ta esun cu a bin cu e iniciativa pa bin cu un ombudsman, unanimamente lo accepta e ley di Ombudsman.

Aworaki ta na e momento crucial di demostra cu nos ta kere den un Ombudsman, ancra den constitucion.

“Ohala cu nos por pone nos diferencianan un banda y logra cu esaki por pasa y asina duna pueblo loke pueblo ta pidi di e Parlamento aki, esta pa e Ombudsman por ta ancra den nos constitucion y pa e por funciona como defensor di pueblo”.

M A

N T E N E

REGLANAN INTEGRIDAD HALTO

DI NA

E di tres deseo grandi ta pa Parlamento aki mantene e reglanan di integridad asina na halto. A papia hopi di dje, tin un ley di integridad cu ta den tratamento y ohala cu hopi trempan den e aña parlamentario nobo, e ley aki por pasa pasobra pueblo kier esaki. Pueblo ta pidi pa tin regla pa asina por atene su gobernantenan y Parlamentarionan na nan.

“Si e ley aki pasa, tur Parlamentario cu ta bou di investigaion actualmente lo tin cu bandona nan cargo na e momentonan aki anto e ora ey porfin por hala rosea akiden y bisa cu e Parlamento berdad ta para pa reglanan di integridad”.

Prome Minister a termina deseando cada Parlamentario exito den e aña Parlamentario 2021-2022 y cu e 3 deseonan aki biba tambe

den curason di cada Parlamentario pa asina nos pueblo por conta

cu un Parlamento cu ta digno di confiansa di un y tur.

8

Diamars 14 September 2021

Comicion recupera OAA

Comicion recupera OAA kier a manda un palabra di felicitacion y exito na Gabinete WEVER-CROES II y principalmente jama bonbinina nos minister di Enseñanza y Deporte Sr. Endy Croes Nos ta pensa caminda bo pone bo curazon y voluntad pa traha semper resultado lo sali bon.

Sr. Endy Croes a demostra esey como parlamentario y nos no tin duda cu como Minister elo hasi esey tambe.

mas di 60 aña di existencia Openbare Avondleergangen Aruba (OAA), lo haya alta prioridad den proximo dia nos dilanti.

Awo cu Aruba tin su minister nobo di eseñanza nos di comicion recupera OAA ta spera cu nos unico scol di ofishi cu tin

Un biaha mas hopi Exito y Bendicion pa Gabinete Croes-Wever II.

GOBERNADOR BOEKHOUDT INVITADO NA CELEBRACION 15 AÑA CAS MARIE

Cas Marie, e centro di encuentro na Savaneta pa persona cu demencia y nan famia, riba dialuna 13 di September a celebra nan di 15 aniversario. Gobernador di Aruba, Su Excelencia Alfonso Boekhoudt, tabata presente como invitado na e celebracion.

Na su yegada, directora di Cas Marie, señora Lisette Does a ricibi Gobernador Boekhoudt.

Señor Boy Escalona, un di e fundadornan, a combersa cu Gobernador splicando tocante e origen di Cas Marie y e desaroyo di e fundacion e ultimo 15 añanan. Despues di e combersacion señora Does a duna Gobernador un recorido door di e compleho.

Finalmente Gobernador a presencia un parti di e celebracion chikito

tumando luga na Cas Marie.

Fundacion Cas Marie ta brinda diferente servicio cu e meta pa mehora e calidad di bida di personanan cu demencia y nan famia: servicio di pasadia, servicio di informacion, servicio di sosten y guia na famia of individual y servicio di test Neuro-psychologico riba peticion di specialista.Pa mas informacion por mira www.casmarie.com.

9

Diamars 14 September 2021

Prome Minister Evelyn Wever-Croes:

PROME MINISTER TA FELICITA PRESIDENTE DI PARLAMENTO PA PERIOD 2021-2022

“Sr. Edgard Vrolijk ya a mustra di ta un Presidente pa henter e Parlamento” Dialuna 13 di September, durante e reunion publico den Parlamento, Prome Minister Evelyn Wever-Croes a felicita y gradici Sr. Edgard Vrolijk pa su nombracion como Presidente di Parlamento di Aruba pa e period 2021-2022.

E posicion di Presidente di Parlamento ta esun mas halto den nos constitucion cu tin su retonan cu ne. Gobierno di Aruba y Fraccion di MEP tin tur confiansa cu Sr. Vrolijk, pa medio di su conocemento y experiencia, lo haci un bon trabou. Sr. Vrolijk ta un persona husto y firme y esey nos mester pa mantene e orden den sala di Parlamento. Ya caba den e ultimo dos lunanan a mustra cu a gana confiansa den comunidad y cu e voto di dialuna mainta ta un confirmacion di esaki cu Sr. Vrolijk lo sigui haci un bon trabou.

Prome Minister a expresa cu den comunidad tambe tambe ta wordo sinti caba e alegria di

esnan cu ta siguiendo e reunion.

Den dos luna, sr. Vrolijk a mustra cu e lo ta ta un Presidente pa henter e Parlamento. Den pasado, tempo cu Partido MEP tawata den oposicion, a conoce Presidentenan di Parlamento cu tawata solamente pa un parti di Parlamento y e parti den oposicion tabata wordo lubida y stroba di eherce e trabou. Sr. Vrolijk a demostra di ta husto y ta permiti tur dos banda haci nan trabou manera mester ta y esakinan ta puntonan cu ta hopi importante den e temponan aki.

Prome Minister a dirigi su mes na Sr. Edgard Vrolijk bisando: “Mi ta desea bo hopi exito y hopi forsa. Tambe na e Vice Presidente actual, Sr. Ursell Arends pa e temporada aki. Cu nos bon Dios por bendiciona no solamente nos pais pero cu nos por logra cu den e dirigencia cu boso ta mustra den e Parlamento aki por sigui gana e confiansa di comunidad manera boso a bin ta haciendo”.

Resumen pa awe di casonan di COVID-19 na Aruba

13 september 2021. Segun resumen di awe 45 persona a recupera y un total di 13 caso nobo di COVID-19 a keda registra cual tur ta residente. E cifranan aki ta representa un 'Positivity rate' bou di nos residentenan di 16%. E cantidad di casonan activo di COVID-19 pa awe ta 321 y cantidad di fayecidonan relaciona cu COVID-19 ta 155. Datos ta ilustra casonan nobo di COVID cu un average semanal di 33 caso pa dia y un averahe di 'positivity rate' semanal di 15% pa dia.

Actualmente na Aruba tin 30 persona interna debi na COVID di cual 8 ta den ICU y 22 riba piso general y na Colombia tin actualmente 24 persona den Cuido Intensivo.

10

Diamars 14 September 2021

E BMW Serie 7, den cual e rapper Tupac Shakur a wordo tira, ta na benta pa 1.75 miyon dollar

LAS VEGAS, NEVADA, USA: E BMW den cual e conocido rapper di 90's, Tupac Shakur a wordo tira y despues a perde su bida ta na benta. E auto ta completamente drecha y gespuit.

Tupac Shakur tabata un rapper hopi conoci den añanan 90. Dia 7 di september 1996, despues cu Tupac a bay mira un pelea di bokseo, Tupac hunto cu

su amigo Suge Knight di Death Row records, tabata den su BMW serie 7, na momento cu un persona desconoci for di un Cadillac blanco a los varios tiro riba e auto di Tupac Shakur.

Tupac a ricibi 4 impacto di bala, un na su brasa, e otro na su dij y dos den pecho. Tupac no a fayece mesora, pero a wordo hiba hospital cu urgencia, E la keda interna 6 dia den hospital, despues a muri di un sangramento

interno. Tupac Shakur tabata tin 25 aña. Nunca autoridad no a logra soluciona e caso di asesinato aki.

E auto ta un BMW 750iL cual Death Row Records a lease na cuminsamento di 1996. E auto tabata un model nobo y tabata full equip. E tabata un auto full top, cu black leather Interior te na un telefon den e auto. E auto aki tabata capta hopi atencion.

E auto a pasa despues di e tiramento fatal den man di algun persona, tambe despues di e tiramento, e auto a keda un tempo largo confisca pa autoridad. Actualmente e auto a wordo drecha y

ta den top condicion bek, solamente a laga e cuater buraconan chikito unda e 4 balanan a perfora e auto y asina a kita bida di e conocido rapper.

E cuater buraconan riba e auto ta pa keda recorda e anochi tragico, con e guerra entre gangnan a kita bida di un di e rappernan mas prominente di e tempo ey.

Celebrity Cars Las Vegas, a haya e BMW aki pa bende y ta pidiendo 1.75 Dollar pa esaki. Segun e car dealer e auto ta den hopi bon condicion y tin 121,043 miyas corie. Tur su wielnan ta original y tur cos ta funciona, e

auto ta den un estado perfecto.

E doño nobo di e auto lo ricibi e auto plus un documentacion como prueba di e historia aki y tambe ken tabata su propietarionan.

Celibrity Cars Las Vegas tin e vehiculo aki den su showroom y ta na benta.

Segun e car dealer, pa haci un bid, mester pone 20 mil dollar como deposito y nan ta premira cu e prijs final lo bira rond di 1.75 miyon dollar.

Mirando e historia cu tin tras di e auto aki, segun e car dealer, e ta un bon deal, si acaso un persona ta desea di tin un auto cu un historia asina conoci.

11

Diamars 14 September 2021

DOW TA INFORMA: Entrante awe 14 di september 2021, departamento di Infra & Verkeer lo cuminsa cu trabounan di preparacion di caminda sigui pa asfaltamento Trabounan di preparcion di caminda lo cuminsa mayan te cu 17 di september 2021 y asfaltamento lo tuma lugar dia 20 y 21 di september 2021.

Caminda cu lo wordo asfalta lo ta di Savaneta 123 Do it Center Aruba te cu Savaneta #227.

Orario di trabou lo ta for di 8’or di mainta te cu 4’or di atardi.

Alabes diaranson dia 15 di september 2021, departamento di Riolering lo bay haci un trabou di mantencion na Curiestraat #11.

Orario di trabou lo ta 7:30 te cu 4’or di atardi.

Ruta di desviacion lo keda indica cu borchi y baricadanan di aviso.

Minister Xiomara Maduro:

Un aplicación riba cobransa di belasting y FASE FASE ta un yudansa di emergencia. Ora cu a bin cune e meta tabata pa yuda di biaha pa hende no mester keda sin un entrada y pasa hamber. E ora eynan no a bay pensa riba ki belasting bo mester bay paga. A pensa riba con pa yuda y evita caos.

Awor manera tur aña ta yega momento di haci aangifte riba e entradanan cu bo tabata tin den e aña.

FASE ta un forma di entrada cu mester wordo menciona. Si ta FASE so a haya claramente e suma ta keda bou di e belastingvrije voet y pesey no mester paga belasting riba esaki. Locual awor Minister di Finansa a pidi DIMP ta pa calcula e impacto di e parti di locual ta e primanan social cu mester wordo paga pa evalua si ta un gasto cu Gobierno lo por cubri pa esnan cu no por cubri esaki.

Esey ta e splicacion pa e asunto aki di cobransa di

belasting riba FASE. Laga nos no lubida cu ta trata aki di un entrada cu a wordo crea di emergencia y pesey no ta tur detaye por a wordo decifra y

splica promer cu a brinda e yudansa di emergencia aki.

Ma si a tarda of no a duna FASE ta un grupo grandi di hende lo a keda sin un entrada.

Asina cu tin un decicion riba e parti di e primanan, lo brinda e informacion aki na publico. #MinFEC

12

Diamars 14 September 2021

Esaki ta e siman pa entrega Formulario di Scol pa aña escolar 2021/2022

Por medio di esaki Departamento di Asunto Social (DAS) kier recorda tur persona den bijstand cu awe dialuna 13 di september 2021 a cuminsa e siman di entregamento di Formulario di Scol pa aña escolar 2021/2022.

Importante Tur persona den bijstand a ricibi e ‘Schedule di Entrega’ pa asina sa riba ki dia bo persona mester acudi na DAS San Nicolas pa entrega esaki. E orario ta for di 8:00 am te 11:00 am y di 1:00 pm te cu 4:00

pm.

Ta hopi importante pa bo persona wak riba bo carnet di bijstand e letter despues di e letter O pa asina sa riba ki dia bo persona mester acudi cu e Formulario di Scol yena hunto cu e carnet di bijstand.

Cumpli cu nos pa nos por cumpli cu bo Pa tur persona cu pa un of otro motibo no a logra riba su dia stipula, por haci uzo di e ultimo dia esta diabierna 17 di september 2021, pa entrega esaki. Si

bo persona no entrega e Formulario di Scol riba e ultimo dia cu ta diabierna 17 di september 2021, lamentablemente ta perde e derecho di ricibi e ayudo financiero extra pa aña escolar 2021/2022.

Final Durante e siman aki e seccion completo di bijstand ta bay ta hopi ocupa y si bo persona tin cualkier pregunta, ta consehabel pa por fabor presenta riba bo dia stipula y haci bo pregunta(nan)

personalmente na e persona cu ta atende bo persona.

DAS kier invita bo pa ‘like’ nos pagina di Facebook “Departamento di Asunto Social” y keda bon informa.

Mundo ta birando mas cayente, segun expertonan di Naciones Unidas di cambio climatico RAPPORT NOBO CAMBIO CLIMATICO; Awe Naciones Unidas, su pannel di expertonan di cambio climatico a emiti un rapport nobo; cu ta indica cu mundo lo bira mas cayente, si no frena emision cu 50% na 2030 y na 100% na 2050.

Temp. mundial lo subi cu 1.5 grado te cu 5.7. Lama (zeespiegel) tambe lo por subi entre 30 cm cu 100 cm, depende di ijs cu smelt na antartica.

Mundo ta mira cu precupacion e rapport nobo aki y lo ta e cuadro cu gobiernonan mester traha riba.

E subida actual den pro medio ta na 1.1 grado. (0.6 grado riba lama, 1,6 grado riba tera).

13

Diamars 14 September 2021

Lider di MEP sra. Evelyn Wever-Croes:

PARTIDO MEP CU CAMPAÑA PA YENA FORMULARIO DI IMPUESTO 2020

Lo tene cuenta un biaha mas cu reglanan di prevencion di Covid Mescos cu tur aña, Partido MEP e aña aki tambe ta brinda ayudo cu yenamento di formulario di impuesto di entrada 2020. Debi na Covid e procedura e aña aki tambe lo ta diferente, al estilo ‘drive thru’. Lider di MEP, Sra. Evelyn Wever-Croes ta invita tur ciudadano cu tin mester e yudansa pa yena nan formulario di impuesto, pa pasa libremente riba e fechanan cu lo brinda e servicio aki na Cede di MEP na Sta. Cruz.

FECHA PA FORMULARIO CEDE DI MEP:

YENA NA

Dianan diamars 21, diahuebs 23, diasabra 25, diamars 28, diahuebs 30 september y diasabra 2 october. Diamars y diahuebs, parti mainta 9:00 am pa 12:00 pm y parti atardi 6:00-9:00 pm.

Diasabra 9:00 am pa 1:00 pm.

HACI CITA:

Mescos cu aña pasa, biaha aki tambe e proceso lo bay solamente cu cita. Por haci un cita na number 5941977 y dia di e cita e persona ta entrega e formulario estilo “drive tru” y den minimo 20 minuut e formulario ta yena y duna bek den man di e persona.

E formularionan no ta keda atras na Cede di MEP, pasobra ta trata di informacion confidencial, y no por core riesgo cu nan ta perde.

Durante e cita e persona ta warda den su auto y despues e por sigui haci su diligencianan. Debi na e procedura aki, no por atende mes hopi hende pareu, pero lo haci tur lo posibel pa atende tur hende.

DOCUMENTONAN:

Pa por yena e formulario ta importante pa bo tin comprobante di entrada anual, sea di trabou of di pensioen, tambe di SVB. Y si bo tin debe cu bo ta paga interes, mester di comprobante di e interes paga den 2020. Tambe por inclui comprobante di prima di seguro di bida paga den 2020.

Finalmente si tin yiunan ta studia den exterior, mester inclui comprobante di inscripcion di e yiu na e scol den exterior.

CONTACTO CU SOSTENEDORNAN DI MEP:

“Pa Partido MEP, ta primordial pa sigui den contact cu nos sostenedornan. Y specialmente e temporada di impuesto ta un temporada importante pa nos

partido y pa nos sostenedornan. E aña aki atrobe lamentablemente nos mester tene poco distancia, pues no por duna otro man ni brasa manera nos ta custumbra, pero ta pa nos propio bienestar y di henter pueblo di Aruba.

Mi kier un biaha mas recorda cada ciudadano, paga impuesto ta deber di nos tur, pero no paga dimas impuesto. Yena bo formulario y entreg’e na tempo”, Lider di MEP, Evelyn WeverCroes a expresa.

14

Diamars 14 September 2021

15

Diamars 14 September 2021

BEST GRANT pa organisacionnan den Media Bo ta un periodista freelance of ta traha como periodista den un organisacion di media y tin pasion pa nos naturalesa?

Oficina pa relacionnan di Union Europeo y di Reino kier a invita tur periodista cu tin gana di expande nan horizonte y coopera ‘riba nivel internacional pa tuma nota di e siguiente subsidio di Union Europeo pa e iniciativa BEST. BEST – un iniciativa pa biodiversidad y servicio di ecosistema den e teritorionan ultramar di Europa – tin como obhetivo pa apoya e conservacion di biodiversidad y e uzo sostenible di servicionan di e ecosistemanan, incluyendo enfokenan basa riba adaptacion y mitigacion di cambio climatico di ecosistemanan den e regionnan ultraperiferico (UPG) di y e paisnan y teritorionan ultramar (LGO) di Union Europeo.

Como mecanismo financiero BEST ta duna sosten na actividadnan ‘riba tereno di biodiversidad cu e meta final pa aumenta visibilidad di e teritorionan aki como contribuyentenan clave pa logra obhetivonan di biodiversidad ‘riba nivel internacional y di Union Europeo.

E Secretariado di e fondo di subsidio BEST a lansa un Programa di subsidio pa media den LGO-nan, un plan cu ta subsidia un cantidad maximo di 10.000 EUR na periodistanan individual (feelancers), un consortio di periodista individual, y periodistanan laborando den organisacionnan. Esaki pa por garantisa cu informacion relaciona cu conservacion di biodiversidad den media local y regional den algun di e teritorionan ultramar ta di calidad, sosteni y basa ‘riba hechonan.

E meta di e subsidio aki ta pa duna y

stimula cobertura di e proyectonan impactante financia pa e fondo BEST cu ta trata iniciativanan di interesandonan local como tambe iniciativanan di conservacion di biodiversidad den LGO-nan.

Interesadonan cu ta desea pa entrega un peticion por manda nan preguntanan no mas laat cu 11 october 2021 pa 23:59 CET (18.00 ora local) na BESTmediagrants@ iucn.org.

E solicitud di propuesta final ta cera 25 october 2021 pa 23:59 CET (18.00 ora local).

Tur detaye y document relavante ta disponibel ariba e website di e organisacion IUCN. Pa mas informacion por tuma contact tambe cu Oficina pa relacionnan di Union Europeo y di Reino na info@arubagovernment. eu of por bishita nos website www. europehousearuba.org

Chauffeur burachi a kita cay riba Watty Vos Boulevard

Un ciudadano canando dialuna den oranan di marduga a bati alarma na Polis pa un homber tira na suela den area di Tanki Leendert.

Segun por a compronde, mainta tempran e ciudadano a sali cana cu su cacho. Diripente el a topa cu un homber benta na suela, banda di un KIA

Rio color blanco. Mientras cu el a keda para eybanda pa preveni cualkier accidente, el a bati alarma na Polis.

E patruya a yega di biaha cu auto di transporte tambe. Pero tabata un problema pa lanta e homber y ora cu el a lanta for di suela, casi e no

tabata por a cana pa yega e vehiculo di transporte.

A yud’e subi e vehiculo y despues a bay warda cu ne pa e haya un cuarto unda e por sigui sosega su curpa.

16

Diamars 14 September 2021

FUTURO MAESTRONAN A HAYA INSTRUCCION DEN FORMA DI UN SEMINARIO RIBA EDUCACION EFECTIVO DI DROGA DEN KLAS Uso di droga ta sigi crece y e resultado ta mas y mas hende cu adicción na droga. E mihor manera pa lucha contra e aumento drastico aki ta educación di loke droga realmente ta pa asina nos hobenan por hasi desicionan bon pa por biba nan bida sin uso di droga. Esaki ta e meta di e programa educacional The Truth about Drugs.

Y pesey Freewinds ta sponsor esaki den región di Caribe y awor ta pone esakinan obtenibel na nos futuro maestronan di educación Físico na Instituto Pedagógico Arubano.

educacional di droga fácil pa usa y presentacionan audiovisual hopi aclama cu ta informa e muchanan debidamente pa asina nan dicidi di aleha nan mes di droga voluntariamente, no ta importa cuanto presión nan haya di nan amigonan.

Futuro maestronan di educación físico di IPA a atende un seminario di Truth About Drugs duna dor di e Port Captain di Freewinds. Tur studiante a ricibi su mes Truth About Drugs Educator Kit, proveendo nan cu e hermentnan necesario pa duna les na scol.

Mayornan den su mayoría tin miedo pa nan yuinan cai den uso di droga, y cu razón pasobra acceso na droga y alcohol ta hopi fácil. Tin hopi información falso di droga y alcohol, sea di amigonan, e vendedor di droga, medionan social y hasta miembronan di famia,consecuentemente muchanan por tuma desicionan robes. Pesey ta di importancia pa e información correcto yega na nos hobenan prome cu nan tuma e dirección malo.

E educador di IPA SR. Peter Simon a aprecia masha cu Freewinds ta trece e iniciativa aki pa e studiantenen y ela bisa:” Den nomber di e studiantenan y e Instituto Pedagógico Arubano mi kier a gradici e Port Captain di Freewinds, Sr. Ken Weber, pa e training y e material educativo di droga cu nos a ricibi.

Nos ta hopi agradecido pa e donación.

E ta importante pa e futuro maestronan di Salud y Educación Físico concientisa nos studiantenan.”

Freewinds ta yuda nos hobenan tuma desicionan bon encuanto uso di droga den región di di Caribe apoyando e programa The Truth About Drugs.

Drug Free World Foundation a desaroya e programa The Truth About Drugs y e ta duna maestronan hermentnan importante pa educa nos hobenan.

E ta e iniciativa educacional preventivo, no-gubernamental mas grandi na mundo.

E programa ta usa publicacionan

Pa asistencia pa organisa un Truth About Drugs Seminario pa bo scol of un grupo di hoben por fabor contact e Port Captain di Freewinds na email: ken.weber@ freewinds.org. Whatsapp +727-666-0645 of na celular 297 747 1605.

Pa haya sa di e programa The Truth About Drugs, bishita e Foundation for a Drug Free World website na www.drugfreeworld. org

Pagina 17

Diamars 14 September 2021

TENE NA CUENTA E USO DI TAPA BOCAS

Al menos 14 persona di un famia a muri a causa di lamper

Al menos 14 persona di e mesun famia a muri y tres mas a resulta herida pa un lamper cu a cay riba un sero na noordwest di Pakistan, autoridadnan local a informa diadomingo.

E hecho aki a tuma luga den e districto di Torghar, den e provincia Pakhtunkhwa, cu for di diaranson ta wordo suta pa yobidanan torencial y lodo.

“Al menos 14 persona di un famia a muri despues cu e lamper a cay riba dos

cas banda di otro,” Kamran Bangash, vocero di e provincia a duna di conoce.

Entre e fayecidonan tin cinco mucha, di cual cuatro ta mucha muhe.

E tipo di yobida aki cu ta wordo yama monzon, cu ta causa problema entre juni y september, ta escencial pa muha e cultivonan y yena e reservanan di awa na e continente Indio, pero tur aña e yobidanan ta causa victima y ta causa hopi daño.

Pelea dilanti di Blue Moon a caba cu detencion Den fin di siman polisnan a haya nan mes ta duna mas cu un asistencia dilanti di Blue Moon, unda cu personanan bou di influencia ta acumula.

Un di e asistencianan aki tabata diadomingo marduga. Varios unidad policial mester a bay un biaha ms na Blue Moon na TankiLeendert pa un pelea, segun e persona cu a yama, a bay completamente for di man.

Na yegada di e polisnan, a detene un homber cu a wordo señala como e persona cu tabata haci fastioso y a transport’e pa Warda di Polis.

Ya caba un dia prome tabatin un problema basta grandi pafo, riba caya.

Pagina 18

Diamars 14 September 2021

Diasabra centro di bario noord Eagles 5/6 a bautisa unifor na Jaburibari Parke Curazon danki na sponser anonimo y coach Matos y tur otro coach Cu a hasi tur cos pa logra esaki Danki Aruba

Pagina 19

Diamars 14 September 2021

Real Madrid ta gana Celta Vigo den La Liga Santander

Weganan di La Liga Santander a continua den fin di siman unda cu ultimo wega di diadomingo tabata entre Real Madrid y Celta Vigo.

Real Madrid a mira accion atrobe den Santiago Bernabeu despues cu e tabata cera pa renovacion y awor a keda cla pa wega di futbol.

Celta Vigo no a inicia e campeonato akin a e mihor manera ya cu tin acumula solamente 1 punto y ta na di 18 lugar riba tabla di posicion mientras cu Real Madrid tabata tin 7 punto na comienzo di campeonato.

Celta Vigo den e wega aki a subi cu hopi animo y na di cuater minuut di wega ta bay ariba cu score di 1-0 despues di fayo den defensa di Real Madrid, gol a wordo anota pa Santi Mina cu asistencia di Iago Aspas.

Despues di e gol aki Real Madrid a pone presion di biaha pa busca manera di empata e wega y tabata na di 24 minuut, Karim Benzema ta empata e wega 1-1 cu asistencia di Federico

Valverde.

Real Madrid a sigui pone presion, pero na di 31 minuut tabata Franco Cervi ta duna Celta Vigo ventaha un biaha mas den e wega aki haciendo e wega 2-1.

Asina tambe prome mitar a bay den descanso cu score di 2-1 na fabor di Celta Vigo.

Den di dos mitar, apenas 1 minuut di wega, Real Madrid ta empata e wega aki un biaha mas cu un tremendo gol di cabez di parti Karim Benzema.

E gol aki a cay manera baño di awa friew pa esnan di Celta Vigo y Real Madrid a tuma rienda di e wega, na di 58 minuut, Vinicious Jr. ta haya un tremendo pase for di Karim Benzema cu ta usa su velocidad pa laga defensa y deposita e bala den net pa haci e wega 3-2.

Na di 72 minuut, Eduardo Camavinga kende a debuta cu Real Madrid ta logra un debud di soño ora cu e ta anota di 4 gol pa asina practicamente sentencia e wega cu score di 4-2.

Na di 87 minuut, Real Madrid ta haya un tiro penal

na su fabor y aki Karim Benzema ta logra anota su di tres gol di e wega pa asina haci e wega 5-2 na fabor di Real Madrid.

Asina tambe e wega a termina cu score di 5-2 na fabor di Real Madrid cu ta yega 10 punto, mientras cu Celta Vigo ta keda na di 18 lugar cu solamente 1 punto.

Resultado di otro wega tabata entre Espanyol y campeonnan di aña pasa Atletico Madrid y aki Atletico Madrid ta gana cu

score di 2-1, Valencia ta gana Osasuna 4-1 y Real

Sociedad ta gana Cadiz cu score di 2-0.

Pagina 20

Diamars 14 September 2021

Segun WHO, cada aña ta registra 132.000 caso

E uso excesivo di rayonan UV pa tratamento di huña por causa cancer di cuero

E exposicion excesivo di e rayonan ultravioleta (UV) cu ta wordo usa pa pone gel riba huña, tambe conoci como gelish, por detona e formacion di celnan cancerigeno, dr.

Raul Rivera Marquez a adverti.

"Cancer di cuerto ta mas frecuente di e resto di e tiponan di cancer, anualmente ta detecta 16 mil caso nobo unda cu e cancer basocelular of escamoso ta esunnan di mas frecuente pa e exposicion constante y sin proteccion na solo of rayonan UV," e oncologo di e Instituto Mexicano di Seguro Social (IMSS), a bisa den un boletin.

Segun cifranan di WHO, ta calcula cu cada aña ta produci na mundo 132 mil caso di melanoma maligno (e cancer di cuero mas dañino cu ta ex-

isti) y ta muri aproximadamente 66 mil persona pa causa di esaki y otro tipo di cancer di cuero.

E specialista a splica cu e exposicion na solo durante niñes, ta un factor cu por ta relevante, pues e afectacion na e capanan di cuero ta mantene y ta yega na e edad adulto ta debilita y vulnerabel pa e aparicion di e enfermedad.

"Nos no por sigura cu tur cos cu ta haci uso di e tecnica ta bay sufri di cancer di cuero, sino cu tin otro factornan cu ta aparece manera edad, color di cuero pasobra esnan cu cuero mas cla, tin un mayor riesgo, personanan cu defensa abao debi na enfermedad of pa e uso di algun medicamento, entre otro," e oncologo a puntualisa.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Rivera Marquez a recomenda na muhernan e uso di un sunblock riba e mannan mey ora prome cu pone e material, ya cu ta aplica di manera directo na e mannan.

El a bisa cu e sunblock mester tin un factor di proteccion solar 30 y mester identifica cu e signonan di alerta manera e lesionnan anormal riba e cuero, ya sea ta un man-

cha of lunar cu ta cambia

di forma of color.

CLASIFICADO e-mial: solodipueblo@gmail.com

Tipline: 585 9500

Pagina 21

Diamars 14 September 2021

Cuba a cuminsa vacuna muchanan di 2 aña y Merca ta cuminsa na 5 aña

Gobierno Cubano a cuminsa vacuna muchanan di apenas dos aña, contra COVID-19, asina por a lesa den prensa estatal di e pais. Esaki cu e meta pa e muchanan por cuminsa asisti na scol atrobe.

Awe scol lo mester a habri na Cuba, pero a cancela apertura debi cu e cantidad di casonan di coronavirus a aumenta na Cuba.

Aunke cu otro paisnan a bisa cu nan lo vacuna e muchanan, ta calcula cu Cuba ta e prome pa duna e vacuna contra coronavirus na e muchanan chikito.

En bes di bay scol, e muchanan ta mira programa educativo na television durante oranan di scol tur dia. Internet na cas no ta algo normal riba e isla dirigi pa e Partido Comunista. Mayoria di e lesnan presencial a wordo para durante e pandemia.

E vacunacion di muchanan a cuminsa for di luna di augustus ultimo. E luna aki, Cuba a informa cu nan vacunanan ta sigur pa muchanan di dos aña.

Na inicio di e pandemia, e funcionarionan Cubano a anuncia cu nan lo traha den creacion di nan mesun vacuna, en bes di depende di otro paisnan pa haya nan remedinan.

E cientificonan Cubano ta bisa cu nan vacunanan fabrica na Cuba ta sigur y efectivo, pero te na e momentonan aki a duna poco dato pa e observadornan

externo. E pais a informa tambe cu nan lo busca aprobacion di OMS pa nan vacunanan.

Te cu aworaki, segun Ministerio di Salud di Cuba, mas cu cuatro miyon di persona a haya ambos dosis di e vacuna. Gobierno ta spera di vacuna mas cu 90% di e poblacion di 11.2 miyon di persona prome cu nan habri nan frontera internacional memey di november. Nan a registra te cu awo 6.056 fayecido a causa di coronavirus.

MERCA Di otro banda, fundadonan di e compania biofarmaceutico Aleman BioNTech, hunto cu e farmaceutico Mericano Pfizer, desaroyadonan di un di e vacunanan contra COVID-19, tambe tin noticia positivo. Nan ta conta cu nan por duna nan vacuna entrante otro luna na menornan di entre cinco y diesun aña.

“Ya den e proximo simannan nos lo presenta na autoridadnan di henter mundo e resultadonan di nos estudio pa loke ta menornan di entre cinco y diesun aña. Y nos lo pidi autorisacion di e vacuna pa e grupo di edad aki, tambe pa Europa,” co-fundador di BioNTech, Özlem Türeci a bisa.

Ya caba ta preparando e produccion y cu e vacuna lo ta e mesun, pero cu un dosificacion menor pa muchanan.

Y pa luna di november lo tin disponibel e datonan di estudio relaciona cu menornan di seis luna bieu bay ariba.

Comision Permanente

di Vacunacion (Stiko) di Alemania a recomenda di forma general e vacuna contra COVID-19 cuminsando cu 12 aña for di memey di augustus caba.

Prome cu esey e recomendacion tabata solamente pa muchanan di 12 aña cu malesa y for di 16 aña bay ariba.

TENE NA CUENTA E USO DI

TAPA BOCAS

Pagina 22

Diamars 14 September 2021

PRONOSTICO DI TEMPO VALIDO TE DIAMARS 14 DI SEPTEMBER 2021, 18:00 ORA. ELABORA DIALUNA 13 DI SEPTEMBER 2021 17:00 (21:00 UTC) TEMPO: AWE ANOCHI: PARCIALMENTE NUBLA Y GENERALMENTE SECO DEN MARDUGA I MAYAN: PARCIALMENTE NUBLA CU UN AWACERO PASAJERO TE BREVE TEMPERATURA MAXIMO 33 GRADO CELSIUS TEMPERATURA MINIMO 27 GRADO CELSIUS BAHADA DI SOLO : 6:42 PM SUBIDA DI SOLO : 6:29 AM BIENTO: MODERA TE BASTA FUERTE FOR DI DIRECCION GENERALMENTE OOST; FORSA 4 TE 5 (20 TE 39 KM/ORA, 11 TE 21 NUDO).

DEN DIA FUERTE TE POSIBLEMENTE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO).

SITUACION GENERAL DI TEMPO PA PROXIMO 24 ORA: DEN PROXIMO 24 ORA NO TA SPERA CAMBIONAN GRANDI DEN E WEER CU TIN ACTUALMENTE. HUMEDAD DISPONIBLE POR PRODUCI UN AWACERO PASAJERO RIBA CIERTO PARTI DI E ISLA DURANTE MARDUGA I MAINTA; SOBRA DI DIA TEMPO LO KEDA SECO. CONDICIONAN MARITIMO/ ESTADO DI LAMA: TA SPERA UN ESTADO DI LAMA LEVE NA PARTINAN PROTEJE, Y LEVE TE MODERA NA PARTINAN ZUID. NA PARTINAN OOST TE NOORDWEST LAMA LO TA MODERA CU OLANAN ENTRE 3 PA 4, LOCALMENTE 5 PIA. AVISO/ ALERTA: NINGUN FENOMENONAN SPECIAL: NINGUN TEMPO TROPICAL SIGNIFICANTE: TORMENTA TROPICAL NICHOLAS TA MOVIENDO ZUID DI PORT OCONNER NA TEXAS DEN DIRECCION NOORD. NICHOLAS NO TA UN PELIGER PA AREA DI CARIBE. POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 33 / MIN 27 / 0.0 MM WESTPUNT: MAX 33 / MIN 28 / 0.0 MM STA ROSA: MAX 33 / MIN 28 / 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI DIRECCION OOST I MODERA TE BASTA FUERTE; FUERTE TE POSIBLEMENTE DURO DEN RAFAGA; TEMPERATURA (GRADO CELSIUS) MAX / MIN LO TA: 33 / 28

Pagina 23

Diamars 14 September 2021

Ta buska cas pa huur

Call 5645064

OBITUARIO

Ta buska cas pa cumpra

Publica serka nos anuncio di fayecimento di bo ser keri.

Nos tin 2 pakete pa ofrece Pakete 1: Anuncio di fayecimento te dia cu e defunto ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia Na Canal 22 1x prome cu Noticiero 22 Afl 400,00

Construction

Pa mas informashon por tuma contacto cu oficina na 585-9500 of na 741-4554 puntra pa Jamila Henriquez

Drecha dak, coriente, verf, Welder, plumming, metsla, Carpinte y hasi cura limpi

TA HUUR

Apartamento Muebla na Bakval Alf 775.00 Yama: 740-5370

FOR SALE - FOR SALE - FOR SALE Chevrolet Equinox 2017

Yama 560-8568 PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

CLASIFICADO

50km top condishon mesco nobo na mitad di prijs 40 mil fls

e-mial: solodipueblo@gmail.com

call 5694343

Cel.585 9500

for test drive

Pagina 24

Diamars 14 September 2021

Brazil Taekwondo Stichting a reuni pa prepara pa fin di aña Den fin di siman Brazil Taekwondo Stichting a reuni cu algun miembro tocante e plannan cu tin pa fin di aña na Centro di Bario Brazil.

Brazil Taekwondo Stichting su directiva a para keto un rato pa mira te ki dia cos lo normalisa bek pa asina por sigui cu tur e actividadnan.

Dianne Ponson y Michaël-

lo Martilia lo presenta nan plan pa 2022 den e proximo reunion prome cu fin di aña pa Brazil Taekwondo Stichting por tin un plan pa 2022.

Mirando e situacion cu nos ta aden cu Covid, e unico actividad ta e Cena di Pasco.

Locual ta actividadnan pa recauda fondo lo plania

esaki pa 2022, mirando cu no kier plania nada pa e aña aki mas.

Examen pa e atletanan si lo bay door, mirando cu e grupo ta un grupo chikito.

Surinam y Corsou lo no organisa nan actividadnan pa e aña aki mas y ta warda te ora cu aña bolter pa nan wak e situacion di cerca.

Homber a sconde curpa di su mama defunto un aña largo, pa asina por a cobra su pensioen nnsbruck-Land, Austria: Polis di Austria a detene un homber cu a sconde curpa di su mama pa asina por a cobra su pensioen y un sorto di subsidio di salud. Polis a detene e homber cu a sconde e curpa sin bida di su mama pa asina por a cobra su placa.

E homber Austriaco di 66 aña di Innsbruck-Land su

wega a sali na cla, na momento cu un postbode a trece un carta pa e mama cu e pensioen di e mama den dje, e postbode a bisa e yiu cu e mester entrega esaki den man di e mama.

E yiu homber su actitud sospechoso, a pone cu e postbode a bati alarma y esaki a conduci na un investigacion cu a termina

den descubrimento di locual e yiu tabata haciendo.

Durante un entrada hudicial den kelder di e cas nan a bin topa cu e curpa di su mama. E yiu hopi lihe a admiti, cu e la sconde e curpa di su mama, pa asina por a sigui cobra su pensioen y e subsidio di salud. E muher tabata

mas cu un aña morto caba.

E yiu di 66 aña a keda demanda pa fraude y perturba sosiego di un morto.

E lo a cobra mas cu 50mil euro riba costiya di su mama morto den kelder di e cas.

Pagina 25

Diamars 14 September 2021

Lotto Merdia

SEPTEMBER 12

Lotto ANOCHI SEPTEMBER 11

Lotto MERDIA SEPTEMBER 13

Pagina 26

Diamars 14 September 2021

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

Ambulance San Nicolas Ambulance Sasaki Ambulance Wayaca Horacio Oduber Hospital Centro Medico San Nic. SVB AO Ziekmelding

911 100 102 104 105 107 11141 584-5050 582-5573 582-1234 527-4000 524-8833 527-2782

Servicio nan

Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan

582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247

SEPTEMBER 14

P’abou di brug: Botica Eagle P’ariba di brug: Botica San Nicolas

Pagina 27

Diamars 14 September 2021

Venezuela denuncia nuevo ataque al Sistema Eléctrico Nacional Autoridades trabajan en la recuperación de la carga eléctrica en los estados afectados de manera parcial.

vo ataque en el marco del plan de sabotaje que llevan acabo agentes externos contra los servicios públicos del país.

El Vicepresidente Sectorial de Obras Públicas y Servicios, Nestor Reverol, informó la noche de este domingo que el Sistema Nacional Eléctrico de Venezuela sufrió un nue-

"Queremos informar sobre un nuevo ataque terrorista al sistema eléctrico nacional dentro de este plan de sabotaje permanente que forma parte de la guerra multiforme que

Venezuela rechaza nuevas declaraciones del pdte. de Colombia

hemos recibido constantemente" denunció Reverol.

El vicepresidente sectorial recalcó "Uno de los aspectos importantes de esta guerra multiforme es la

guerra eléctrica".

Reverol, además, informó que se encuentra trabajando junto al presidente de la corporación eléctrica (Corpoelec), Luis Betan-

Pa abona na SOLO DI PUEBLO

Yama 585 9500

of manda nos un e-mail na solodipueblo@gmail.com “Rechazamos las calumnias y falsas acusaciones sin fundamento de Iván Duque. Es desde Colombia, la fábrica de mercenarios, que se destruye la región y otras latitudes”, afirmó el canciller venezolano Félix Plasencia en su

cuenta de la red social de Twitter.

“Es en Colombia, la cuna de la violencia, desde donde se amenaza a su propio pueblo”, manifestó el jefe de la diplomacia del país suramericano.

n e d e t a i d r u t a g s e a c i ’ Entr t r bo po

court, para la recuperación de la carga eléctrica en Zulia, Mérida, Táchira, Nueva Esparta y Falcón, estados que fueron afectados de manera parcial.

Pagina 28

Diamars 14 September 2021

Coronavirus: qué se sabe de la variante mu, detectada en varios países de Suramérica y que la OMS vigila La nueva cepa ha sido nominada como “de interés” por los expertos en la salud. A continuación, la BBC News Mundo explica los datos que se conocen sobre ella

Esto significa que tiene diferencias genéticas con las otras variantes conocidas y está causando infecciones en múltiples países, por lo que podría representar una amenaza particular para la salud pública.

bios genéticos de mu la hagan más transmisible, le permitan causar una enfermedad más grave y la hagan más capaz de escapar a la respuesta inmunitaria provocada por las vacunas o la infección con variantes anteriores.

Es posible que los cam-

Esto, a su vez, podría hac-

erla menos susceptible a los tratamientos. Nótese la palabra podría.

Una VOI no es una variante preocupante (VOC), que es una variante que se ha demostrado que adqui-

ere una de esas características, lo que la hace más peligrosa y, por tanto, más importante.

WhatsApp transcribirá los mensajes de voz en iOS Hasta ahora la función solo era posible con aplicaciones de tercero. Para obtenerla el usuario tendrá que aceptar permisos adicionales

La transcripción de mensajes de voz será posible en dispositivos Apple como una función opcional en WhatsApp, como informó el portal WABetaInfo. En la página aseguran que los mensajes no pasarán por los servidores de Facebook, pero contribuirán a mejorar la tecnología de reconocimiento de voz de la compañía de la manzana.

Precisamente por el papel que tendrán las transcripciones en la tecnología de Apple, la función requerirá aceptar un permiso adi-

cional. Allí se explica que los datos de conversación de esta app se enviarán a Apple para su procesamiento.

Pagina 29

Diamars 14 September 2021

FORTALEZA PA FAMIA Scirbi pa Pastor Marcel Balootje.

E SIGURIDAD DI NOS YIUNAN

Mateo 18:10 ta para scirbi : Mira pa boso no despresia un di e chikitonan aki, pasobra mi ta bisa boso, cu nan angelnan den shelu continuamente ta contempla cara di Mi Tata cu ta den shelo.

E siguridad di nos yiunan mester bini na prome lugar.

No lagabo yiunan keda na cas di hende cu no ta di confiansa djis pa bo sali, of bay cu vacantie.

No lagabo yiunan menor di edad sali cu hende cu bo no conoce.

Bo tabata sa cu ta contra ley sinta bebe cu un mucha bao di 16 anja of sinja un mucha bebe?.

Como mayor bo deber ta di proteha bo yiu social y spiritual y no sinta laga cosnan sosode .

Nos tin un deber sagrado como mayor di displina nos yiunan pa asina nan por lanta como homber y muher integro pa nos cumunidad .

Proverbio 3 vers 12 ta bisa: Pasobra esun cu Señor ta stima e ta disiplina , mescos cu un tata ta reprende e yiu cu e tin delisia den dje.

Nos deber cu Dios y comunidad ta hopi grandi, Dios ta yama nos pa nos ta sincero den educacion di nos yiunan, y no djis laga cosnan pasa y despues bisa e palabra “ ay no ta mucha e ta lage” y depues nos cosecha lo ta berguensa ora e mucha bira grandi y sali for di man.

Bo tabata sa cu tin mayor cu tin yiu entre 7 pa 12 anja

cu ta bisa publicamente cu nan no por cu e mucha, awor ora un e mucha asina cumpli 16- 18 con bo ta kere nan por cune.

Ta pesey nos mester para firme riba e educacion di nos yiunan, pa nan mes bon, pa bon di nos como mayor, y pa bon di comunidad.

Proverbio 20:7 ta bisa : Un hende husto ta cana den su integridad,ki bendiciona su yiunan ta despues di dje.

Como mayor bo comportacion den comunidad ta hooi importante, especialmente bo fieldad matrimonial, no permiti cu na caminda di scol un mucha por tira na cara di bo yiu tocante di bo comportacion matrimonial.

Ta hopi tristo ora un mucha mester defende su mayor den un situacion asina cu hopi biaha ta caba cu violencia.

Tur anochi como mayor ta bo deber di cana den cas wak bon cu tur porta ta sera, y ademas bo mester ta sigur cu tur bo yiunan ta na cas, y si ta falta un yiu bo mester sa na unda e ta.

Ta bo deber di sali bay busca un yiu cu ta riba caya y cu no ta mayor di edad, y si e ta mayor di edad bo mester sa na unda e ta y ki ora e tin pensa di bin cas.

Hopi biaha pa motibo di negligencia nos ta yora.

Un mayor cu tin temor di Dios, semper lo ta atento, pasobra e ta respeta e mandato cu Dios a dune .

invita tur pariokanonan, debotonan, un y tur pa un tridium na honor di Señor de Los Milagros Pastoor Jairo Maduro y Pader Jose Miquel hunto cu debotonan di Señor de Los Milagros ta invita tur pariokanonan, debotonan, un y tur pa un tridium na honor di Señor de Los Milagros y e Birgen Dolorosa. Cu lo ta .

Diasabra 11 di September pa 5.50 pm Diadomingo 12 di september pa 5.20 pm Dialuna 13 di September pa 5.50 pm Tur dia sigi pa e Santa Misa segun e orario stipula. Durante e tridium y misa dia 14 september por trese petishon y ofrenda den u envelop y deposite dilanti. Durante e misa dia 14 di September Pastoor lo resa pa tur e intenshonnan confia na Señor de Los Milagros y na e Birgen Dolorosa.

Diamars 14 di September, Exsaltashon di e Santa Cruz, fiesta na honor di Señor de Los Milagos, lo cuminsa

pa 6.30 pm cu un homenahe y canto na Señor de Los Milagros sigi pa un misa di sanashon pa 70r anima pa un koor. Rejoyce Diaranson 15 di September, misa na honor di e Birgen Dolorosa. Invitashon ta bay na tur mamanan pa bin entrega nan dolornan na e Birgen Doloroso, sea cual sea e dolor por ta.

Lo cuminsa 6.30 pm cu e Rosario di e 7 dolornan di e Birgen Doloroso sigi pa e misa 70r pm, anima pa un koor.

Laga nos bini hunto pa resa y entrega tur nos petishonnan na Señor de Los Milagros y e Birgen Dolorosa.

Un feliz comienso di siman yena di bendicion y cu Dios yuda nos fe crece Hesus no tawata mucho leu for di e cas, ora cu e capitan a manda bis’E: ”Señor, no molestia, pasobra mi no ta digno pa Bo drenta mi cas. P’esey mi no a considera mi mes digno di bini cerca Bo; djis bisa un palabra y mi cria lo ta cur”. Lc 7, 6-7 Den Evangelio di awe Hesus kier mustra nos con bunita y fuerte e poder di Fe ta. E capitan no tawata sinti su mes digno pa bay cerca Hesus of pa Hesus bin su cas.

Pero su Fe tawata asina grandi cu e no tawata tin nodi presencia con Hesus a sana su cria.

Hopi bes nos tambe ta pidi Señor pa yuda nos den nos necesidadnan, pero nos ta perde pasenshi y ta ansha.

Nos no ta laga nos Fe obra. Nos mester purba ta mas manera e capitan, nos mester kere sin mira. No mester siña kere cu manera nos pidi Señor Su yudansa, ya e yudansa a wordo concedi.

Oracion: Danki Señor pa haci nos Fe cada dia mas grandi. Pa yuda nos pa kere sin tin nodi mira.

Amen

Pagina 30

Diamars 14 September 2021

“QUEEN OF HEARTS”

SELVIA MONICA BERGEN -PONSON “CHICHI “

02 -09-1940 * 30-07-2021 Nan yuinan talentoso y bendiciona lo no keda sinta keto den un hoeki Nan ta riba nan pianan stabiel y fuerte, aunke e bashi nunca lo muri Den nan humilde y bunita curason ta biba nan “Queen of hearts” Hunto cu nan kerido tata Mario Jose “Joy”, nan bon ehempelnan den tur cos Awor lo custuma di sinti y tende den e dushi biento of awasero nan vos

Nos kebrante di salud no a permiti nos bay despedi Di “Tia Chichi”un bunita elegante dushi hende, hopi keri Pero, awe mainta, a lanta cu ne na mente, alma y curason Dirigiendo mi, pa manda palabranan di forza y consolacion Na su 4 yuinan, adultonan responsabel, cu respet, bon studia y bon capacita Na tur su nieto- y bisa nietonan sabi, inspira y hopi stima Tia Chichi tawata un hende muhe fuerte cu hopi amor Su di dos yui muhe bunita Sabrina, ta traha su dushi bolonan awor Manera e bolo di frigidair di Chichi, cu no tin dos mescos

Tia Chichi su deseo pa bay keiro regularmente y pasa tempo cu su famia na Hulanda Sin lubida y sin pone e resto di su bunita y dushi famia na Aruba un banda Su “Curason di Reina”, of e como “Reina di Curason” tawata manda E tawata biba cu hopi confianza, dedicacion y fe den Dios Cu mi mama Mercedes “Tia Chede”,nos tawata bishitele na su cas na San Nicolas Tempo cu ainda su casa Omo Joy tawata na bida Sinta hari y combersa cu un dushi kopie thee cu bolo of koekie Awe, Tia Chichi , reuni cu Omo Joy, cu tanto ela stima

Uni hunto cu e amor di naturalesa universal, den nan bunita luz Cu Tata Dios sigui rondona, cuida y guia nan yuinan, nieto y bisanietonan Cu nan sigui tey pa otro den tempo duro y suave cu amor, forza y energia positivo di ruman Cu nos “Queen of hearts” Beautiful Lady Chichi’ Joy, sosega na paz.

Den reino celestial cu nan

otro sernan keri cu a bay nan dilanti Sigui luci y briya den tur buniteza cu ta rondona nos tur, dia pa dia Y pa hunto cu e solo cayente radiante, nos sigui sinti nan presencia den silencio y den alegria !

Cu un “bearhug” pa Guido, Luigi, Debra y Sabrina.

Boso prima Ruthy”Lady Ruth” Vrieswijk-Bergen Aruba, 5 September 2021

Pagina 31

Diamars 14 September 2021

FORTALEZA PA FAMIA Scirbi pa Pastor Marcel Balootje.

E BASHI DEN BO CURAZON Tur hende tin un lugar bashi den nan curazon, y a base di locual abo permiti yena bo curazon, bo bida ta wordo dirigi.

Pasobra locual ta biba den bo curazon, ta esey ta dirigi bo mente, pasobra tur cos ta cuminsa den bo curazon , y bay na bo mente, y di eynan e traha riba bo comportacion.

Pesey Señor semper ta trata cu nos curazon, Dios ta traha di paden bini pafor, pasobra no bal nada si un hende su aparencia cambia, mientras cu su curazon ta keda mesun cos.

Ora e muher cu a wordo gara den adulterio a wordo hiba serca Hesus, Hesus a ofrece pordon , pa asina e tin paz den su curazon, Hesus no a condene,E a bise bay y no peca mas.( Juan 8 vers 1-11) Awendia hende ta laga maldad goberna den nan curazon, y ta pesey tin asina tanto cos straño ta sosode , cu hopi biaha bo ta puntra bo mes ta con por ta posibel.

Mundo ta pasando bao di un ola di scuridad,

den cual tur hende tin cu warda nan curazon, pa nan no wordo afecta, pesey ta hopi importante , pa bo sa ken ta goberna bo curazon, pasobra si bo curazon tin Cristo bo ta obedece Cristo, pero si cos nan di mundo ta biba den bo curazon ta esey bo ta obedece.

No ta importa ken bo ta , cuanto scol bo tin, cuanto fama bo tin , si bo no entrega bo curazon na Cristo Hesus bo ta keda core peliger, pasobra e enemigo por influencia bo.

Ta pesey Dios a duna e mandato di lanta nos yuinan den e dispilina y amor di Dios, pasobra prome cos cu e enemigo ta busca ta e curazon di nos yiunan.

Y cu cooperacion di technologia, e enemigo tin tanto curazon di mucha y hende grandi domina.

Mayoria maldad, y desorden awendia ta yena curazon di hende via internet, via nan telefon y otro sistema di comunicacion, y hasta for di tur locual nan por mira y scucha, y

Solo di pueblo pagina social Ba hasi aña? Bo kier publica un

asina e comportacion ta cambia.

Un curazon bashi sin Cristo, ta tereno fertil pa atake y dominio di e maligno. ( Juan Capitulo 10 vers 10.

Y no lubida riba Mateo Capitulo 11 vers 28-30).

Efesionan Capitulo 6 vers 12 ta bisa : Pasobra nos lucha no ta contra carni y sanger , sino contra gobernantenan, contra podernan, contra e forsa nan mundial,di scuridad aki, contra e forsa nan spiritual di maldad den e lugarnan celestial. Y esaki ta conta pa nos tur cu ta biba riba e mundo aki.

Awor abo como mayor ta

mira e importancia di tin Cristo Hesus den bo curazon y tambe den curazon di bo yiunan.

Como mayor bo ta yama pa cuida y proteha bo famia, pero e unico forma

pa bo tin Victoria , ta ora abo y bo famia ta biba pa Señor .

Corda cu nos ta biba den tempo trabahoso 2 Timoteo capitulo 3 ver 1-9.

Sinceramente

Astros Softball Organization kier anuncia fayecimento di:

Juana Casimiri Ras Mihor conoci como “Mirna”

felicitashon den corant. FREE Manda nos un email cu informashon y maximo 6 potret na solodipueblo@gmail.com

*15-5-1955 – + 06-09-2021 Na bida esposa di nos hungador Desiderio 'Horry' Thode y alaves miembro honorario di nos organisacion Astros Softball. Astros Organization ta extende palabranan di mas sincero sentido di pesame y forza na famia

Pagina 32

Sopi di Letranan

Diamars 14 September 2021