Diamars 11 juli 2017 by Solo DI Pueblo

Trahadornan di compania MIO Aruba preocupa

URATACA CENTER Awe Juli 11

Chicken Gordon Bleu, Aroz, Banana & Salada Diamars 11 Juli 2017 -Edicion-10 Vol.2297 Sta.Cruz #111 Tel: 585-9500 Fax:585-0952 - E-mail: solodipueblo@gmail.com

CONFIRMA!

MAS DETENCION DEN CASO PAUL CROES

Tel: 585 5212

Dangui Oduber di MEP:

Corupcion y falta di transparencia di gobierno di AVP a destrui nos pais! ARUBA DEN CONVERSACION CU AEROLĂ?NEAS ARGENTINAS PA ESTABLECE VUELONAN NON-STOP

Parlamentario mr. Xiomara Maduro:

Apertura exitoso di Sede Paradera

Pagina 2

Diamars 11 Juli 2017

Opinion Publico

PARTIDONAN CHIKITO NO TIN DERECHO DI EXISTENCIA Cu excepcion di e partidonan POR y UPP, e demas partidonan chikito manera ABO, MAS, RAIZ, RED, PPA etc. no tin derecho di existencia, “poppetje gezien, kastje dicht”. E dirigentenan di e partidonan en cuestion ta demostra mas bien un “peutergedrag” riba un ego trip, causando asina un crisis den nos democracia. Pa e partidonan chikito interes partidario ta pisa mas, contrario na e partidonan grandi cu sí tin interes general na pecho. E “kruimelpartijen” no ta realizando e efecto negativo riba e resultado di eleccion. Ta bon conoci cu e partido berde ta manda su “kornuiten” pa sostene e lista di cualkier partido “wisje wasje”, probechando asina di haya mas restzetel posibel pa e partido berde. Un “lider” orguyoso di cualkier partido chikito no lo acepta un activista di e partido berde sostene su lista pa por participa na eleccion y pa despues toch bin haya un “dikke nul op het rekest”. Mester bin cambio den esaki. Na e momento cu bo a duna tur bo sosten na un

partido pa participa na eleccion, en principio bo a vota pa e partido ey caba! “Geen water om te wassen”! E pensamento di Dangui Oduber tambe sigur mester mira luz di dia; esta e candidato cu mas voto riba un lista politico ta drenta Parlamento. Tampoco no ta un mal pensamento kizas pa vota pa un candidato di cualkier otro partido, segun bo hopi honesto y capaz pa drenta Parlamento, a pesar cu e no ta aparece riba e lista di bo partido preferi. Asina bo ta haya semper “the right man in the right place”. Den futuro bo no ta bay haya un “Donkey Tromp” of un “Bolhoed Belasquis” den Parlamento, elevando nos Parlamento asina un poco mas. Biniendo bek riba “Donkey Tromp”: Poco dia atras por a tende su persona duna un lectura sumamente elocuente na e radio di Companashi, tildando integrantenan di e partido geel di ta “POEPOELISTA” (e kier meen “populista”) Aki mester coregi

un ke otro. E palabra “populista” ta bin di e palabra Latin “populus”, cu ta significa “volk” na Hulandes. Awor ta puntra e yoncuman aki, ki kier meen e afkorting “AVP” ?! Por rey tres biaha, no ta logra? Laga nos yuda anto, Arubaanse VOLKS Partij. Duidelijk ?! Esey kier meen, cu AVP ta campeon di bin cu asuntonan dilanti cu Pueblo ta gusta tende y mira, gañando y manipulando henter un comunidad hororosamente. Ta un berguenza grandi pa nos Pais ora politiconan di Hulanda duna e siguiente comentarionan: “ De huidige Minister-President van Aruba kent geen schaamte, bescheidenheid en zelfreflectie”. “Zijn politieke strategie c.q. visie lijkt meer op een grijsgedraaide grammofoonplaat”. “Er is veel domheid voor nodig om jezelf te bewieroken als de allerslimste op deze planeet”. Ya di leu por tende e Haitiano Daikin sclama caba: “Mon Dieu, ayez pitié de mon âme et de ce pauvre peuple”!!

Pagina 3

Diamars 11 Juli 2017

Trahadornan di compania MIO Aruba preocupa

Dialuna mainta trahadornan di e compania di telefon MIO a pidi reunion cu Departamento di Labor y Mediador pa waak kico por haci pa nan. Sr. Anselmo Pontilius, Mediador di Gobierno ta splica loke ta pasando. Mediador di Gobierno y Departamento di Labor, a tuma e iniciativa pa splica e trahadornan di MIO tocante nan derecho y kico mester tene cuenta cun’e, na momento cu surgi tipo di situacionnan aki. E compania ainda ta den operacion y a splica e trahadornan cu si e compania stop mes cu e operacion, nan ta den servicio ainda cu e compania. Esaki si e compania no procede pa pidi permiso pa pidi terminacion di nan trabao. Sr. Pontilius a primintinan cu di biaha, lo tuma contacto cu SVb, den caso cu si resulta cu nan no ta bay haya salario y cu nan stop di opera. Esaki naturalmente cu tur e consecuencianan cu ta bin cun’e pa asina e trahadornan ta prepara y pa nan ta delanta pa wak kico por wordo haci pa e trahadornan di MIO. Logicamente, tur trahador ta preocupa pa nan futuro.

E trahadornan a puntra si nan ta den posicion pa bay solicita pa un trabao, considerando cu e compania siguramente lo bay stop cu operacion. Departamento di Labor hunto cu sr. Pontilius y tambe SVb lo trata pa bin bek na nan, pa splicanan kico ta nan derechonan, si e compania wordo declara bancarota, a pesar cu e compania a bisa cu nan no ta den bancarota, pero cu ta gobierno ta kita nan licencia for di nan. Otro opcion ta si tin otro accionistanan cu tin e fondo y lo kier tuma e compania over. E idea ta, na momento cu medidador di gobierno y Departamento di Labor, wordo involucra pa splica e trahadornan kico e tin cu tene cuenta cun’e ora cu un crisis manera esaki sosode. E trahadornan a cobra normal na Juni, pero ta keda e pregunta si tin salario na Juli, si of no. E problema ta bira mas grandi, si den e proximo dianan aki, e compania no tin licencia mas pa opera. Esey kier meen cu e no tin ingreso cu tur consecuencia cu esaki por tin cun’e.

CONFIRMA!

MAS DETENCION DEN CASO PAUL CROES Ministerio Publico a confirma SOLO DI PUEBLO, cu enberdad ayera mainta 5:30am, autoridad a lanta un otro empleado di oficina di Minister Paul Croes. NO TA UN CHAUFFEUR manera ta circulando, pero ta trata di un di su consehero principal, homber di confianza, cu alavez ta hinca den un fundacion di Paul, di inicial E.G.C., kende ta wordo sospecha di complice den soborno di Minister Paul Croes como tambe labamento di placa den un fundacion cu ta pertenece na Paul Croes. Segun otro fuentenan, ta trata di sumanan hopi grandi cu tabata wordo recauda pe fundacion y esaki tabata wordo logra via soborno, ora cu Minister ta firma ontheffing, pa su propio fundacion haya checknan di miles y miles di florin. No ta descarta cu tin miras riba mas actividadnan politico di Paul Croes y e fluho di placa. E nomber di e persona segun nos por haya extra

oficial, ta trata di Esmero, Giovanni Capriles, un persona cu a funciona hopi cerca di Paul Croes, tanto como consehero y vocero, pr, y tambe ta hinca den fundacion di Paul Croes. E fundacion di Paul Croes ta: Stichting for Leadership & Excelence! Un stichting pa genera fondo pa campaña di Paul Croes! Sinembargo, e recaudacion di fondo

tabata bay a base di BENDE ONTHEFFING. Es decir, cu awendia Paul Croes y AVP ta core campaña, ta cu fondo di soborno, caps di soborno, t - shirt di soborono, palo di bandera di soborno y bandera di soborno y tur cos riba actonan castigabel pa nos leynan. Por lo menos esey ta e sospecho.

Pagina 4

Diamars 11 Juli 2017

Time Travelers Camp cu “ Un biahe den tempo “

AVISO

Rifa di diadomingo 9 Juli, posponí pa otro siman diadomingo 16 Juli Motibo: Tin hopi buki afor ainda cu mester wordo colecta. Esakinan ainda mester wordo registra y controla pa tur cos cana corecto. Nos a prefera di move e fecha, en vez di regla esakinan den pura y algo bay robez. Nos ta aprecia hopi tur boso interes y aporte, nos lucha mester sigui. Ainda tin un paar buki habri y por yama of manda mensahe riba e mesun numbernan: 560-6600 of 730-4774 PS: Hopi hende ta puntra pa para na un paar di caminda stratégico. Nos lo purba wak si ta posibel pa e siman aki logra cera un grupo di voluntarionan cu por para 2 of 3 dia na cierto puntonan. Si esaki logra, nos lo informa esaki di antemano. Masha danki pa e sugerencianan! Bless you and yours, much love & light... <3

Fundacion Museo Arubano ta inicia su plan vacacional pa luna di Juli 2017. Durante e luna di Juli muchanan tin oportunidad pa pasa un mainta divertido y educativo. Cuminsando pa 8:00am te 1:00pm e muchanan ta bay viaha bek den tempo y siña mas di Aruba y su influencia na henter mundo. Abo sa dicon un Panama Hat ta asina importante? Abo sa unda tin oro na Aruba? Dicon nos tin un Paardenbaai? Bo kier bay den nos time machine? Durante e Time Travelers Camp di Fundacion Museo Arubano muchanan ta bishita Museo Historico y Museum of Industry pa viaha den tempo. Ta invita mayornan pa inscribi nan yiu pa bin experiencia un camp manera ningun otro. E

costo di e Time Travelers Camp ta AFL 5,- pa mucha. Ta inicia e dia na Fort Zoutman/ Museo Historico cu un quiz y ta sigui pa Museum of Industry unda ta ricibi lunch pa despues bolbe bek Fort Zoutman. E programa educativo aki ta posibel danki na CEDE Aruba. Di e manera aki nos por trece nos museonan y contenido educativo pa tur mucha di Aruba. En total tin 9 oportunidad pa bira un ‘time traveler’ di museo. Dianan di camp ta dialuna, diarazon y diahuebs, yama y reserva bo lugar. Pa inscripcion y mas informacion por fabor tuma contacto cu nos na: 588-5199 Museo Historico of 584-7090 Museum of Industry. Bin explora hunto cu nos y haya sa kico ta pasa den futuro.

Comision cu ta atende cu peticionnan pa uitzendvergunning ta bay cu reces Departamento di Labor y Investigacion (DAO) ta informa cu e comision interno cu ta duna conseho riba otorgamento di un uitzendvergunning ta bay cu reces pa 4 siman entrante 14 Juli proximo. Ultimo dia pa entrega un peticion pa un uitzendvergunning lo ta diabierna 14 Juli 2017. Peticionnan cu a wordo entrega caba lo sigui cana e procedura normal. Entrante dialuna 14 Augustus 2017 e comision lo tey bek pa tuma peticionnan nobo. Nos ta pidi publico en general pa tene bon cuenta cu esaki y nos disculpa pa e inconveniencia.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Diamars 11 Juli 2017

Dangui Oduber di MEP:

Pagina 5

Corupcion y falta di transparencia di gobierno di AVP a destrui nos pais! Aki 74 dia pueblo di Aruba ta haya e oportunidad pa bay urna electoral y scoge su gobierno na un manera democratico. Ta importante pa nos como politiconan duna pueblo informacion y ta transparente tambe cu e votadornan. Un cos ta sigur riba 22 di September 2017, e gobierno di AVP NO por bolbe!

E grupito ELITE di AVP, e grupito ELITE rond di Mike Eman y Benny Sevinger!

E gobierno di AVP ta e gobierno di mas crrupto den historia di pais Aruba. Un gobierno cu a inverti den infrastructura pa crea un netwerk di corupcion nunca antes bisto na e pais aki. Mike Eman como minister presidente a insisti pa ehecuta proyectonan grandi manera Green Corridor, Watty Vos Boulevard y renobacion y ampliacion di hospital. E insistencia aki ta pasobra hopi placa a wordo reparti tras di cortina. Esey ta e realidad. Pa esnan cu no sa mi ta sugeri nan pa subi e website di Camara di Comercio https://www. a r u b a c h a m b e r.c om/ y busca e nomber di e compania cu ta maneha Green Corridor cu ta costa nos pueblo 400 miyon florin. Busca e compania CARIBBEAN I N F R A ST RUC T U R E COMPANY (CIC) y wak pa bo mes kende ta un di e managing directornan. Nada mas y nada menos cu sobrina di Leoncita Arends. E mesun Leoncita Arends cu a haya mas di 120.000 M2 di tereno, NO pa desaroya sino pa pone na venta y specula cu tereno di pueblo. Leoncita hunto cu Benny Sevinger a kita tereno for di pueblo pa nan haci negoshi cu nan. Di e manera aki na un manera structura y organiza a abusa di fondonan publico, abusa di terenonan di pueblo cu e unico meta pa enrikece

Na e momentonan aki tin ex - minister of minister, nos no sa mas, Paul Croes, en todo caso un minister sin cartera ta cana cas ta pidi pueblo sosten, sabiendo cu e NO ta ministeriabel na e momentonan aki, mirando cu e ta bao di un investigacion penal. Un investigacion riba soborno y corupcion caminda ta tilda e minister di ta meti den bendemento di permiso. Hecho ta cu e minister en cuestion a duna 1800 ONTHEFFING y asina a kita pan di 1800 persona cu ta biba riba e pais aki. Elâ€™a duna ontheffing pa jardinero, pa security, pa waitress, pa kokki y asina na un cantidad di profesion cu NO mester busca hende di afor pa nan. Un decadencia total caminda politiconan cu mester duna e bin ehempel ta duna e mal ehempel, canando buscando voto manera nada NO a sosode siendo cu keto bay e NO a wordo declara liber di e acusacionnan hopi serio cu tin den su contra! Tin varios keho a wordo entrega na Ministerio Publico contra minister Benny Sevinger relaciona cu speculacion cu tereno y te dia di awe Ministerio Publico no a haci nada nada riba e casonan aki. Tin bendemento di permiso di labor, tin bendemento di permiso di estadia, casa di ministernan mes ta fungi como tramitadora, casa di minister ta bende santo y

E problema mas grandi cu tin na Aruba banda di e costo di bida haltisimo, e problemanan social, e cuido medico mediocre, e criminalidad for di man ta e GRADO di corupcion na Aruba.

piedra na Green Corridor y tur esaki e pueblo mester guli manda abao y acepta. Un gobierno corupto mester wordo manda cas pasobra politiconan tey pa sirbi pueblo, sirbi pais, sirbi interes general y no pa sirbi nan propio interes, interes di nan cartera y interes di e grupito ELITE di Canal 90. E pueblo aki su hendenan NO a progresa y ora bo mira con ministernan ta biba, con e grupo Elite ta biba, nos tur tin cu para keto un rato y puntra nos mes, unda tur e biyonesnan cu Mike Eman a endeuda nos pais a bay? Kende ta esnan cu realmente e beneficia di 8 aĂąa di AVP! E contesta ta simpel, e grupo Elite di AVP cu a haya tur loke nan a pidi. Un gobierno cu ta corupto y no ta transparente no merece sosten y confianza mas di pueblo. Un gobierno

cu NO kier duna cuenta na pueblo y cada vez ta sconde informacion na pueblo y ta core pa asumi nan responsabilidad mester bay.

Corupcion a caba cu hopi pais na mundo, BAN NO LAGA ESAKI SOSODE CU NOS DUSHI ARUBA!

Pagina 6

Diamars 11 Juli 2017

BENNY NISBET DI PPA:

POBREZA NA ARUBA NO A HAYA ATENCION NI DI GOBIERNO EMAN (AVP) MENOS DI PARLAMENTO DEN SU TOTALIDAD! Hopi ta esnan den nos comunidad cu ta cay pa palabra di gobernante manera ‘nos tin un sociedad di cinco (5) streya’. Pero e realidad ta cu e sociedad di cinco streya aki tin hopi problema social serio incluso un pobreza enorme y lamentablemente nan no ta ricibi e atencion cu nan merece. Esaki ta contradeci e ponencia di un sociedad di 5 streya. Cuanto vez gobierno y parlamento a reuni pa discuti e pobreza riba nos Isla durante e ultimo 4 aña? Cuanto vez a bin cu cierto adaptacion pa mehora e nivel di bida di esnan cu menos entrada den nos sociedad ? Con bin e pensioen di nos grandinan a keda atras cu f 248,00 mientras cu casi no tabata tin discusion riba esaki den parlamento. Con bin esnan cu ta biba parti di nos isla pero cu ta traha pabao mester gasta rond di f. 300,-- na ‘Transporte publico’ cual ta 20 % di nan ‘take-homepay’ y ningun fraccion den parlamento cu ta AVP, MEP y Dem Real y independientenan no a dedica atencion na e problematica aki? Con bin tin un rapport di 2005 di I.L.O. (International Labour Organization) cu ta indica cu ‘Aruba tin un sistema cu ta crea pobreza y ta mantene pobreza’ un mensahe hopi pisa y ningun hende no a dedica atencion pa analiza e mensahe aki y eventualmente mehora e problematica aki ? Awor cu ta eleccion algun ta grita mientras cu nan ta move rond ta pidi pueblo pa pone nan bandera y sticker como sifuera cu nan ta preocupa pa e señal hopi cla di un pobreza enorme dentro di un Isla cu un entrada nacional y un GDP per capita relativamente halto cual ta significa cu no ta un reparticion balanza di nos crecemento economico no tin husticia social na Aruba!! No cabe duda cu esaki tambe ta consecuencia di e posicion cu mayoria di pueblo ta tuma durante eleccion votando pa partido politico ciegamente den ‘bon of den malo’ cu consecuencia cu situacion no ta cambia pa nan. Bo ta tende e grito …… ’ex partido tur tempo’…’ex partido tur dia’…etc. etc. Pero realidad di bida ta cu e ex - partido a goberna tanto vez y e famia pober a keda pober… al contrario e situacion pobreza e bira pior. PPA tabata pafor di parlamento pa varios periodo sinembargo nos a laga nos voz rezona for di oposicion pafor di parlamento. Nos a observa con Aruba a wordo goberna pa un gobierno tras di otro … un mas malo cu otro…. un cu tabata sirbi mas interes aheno cu otro… mientras problema social y pobreza delanta a keda crece den nos comunidad. PPA ta un partido ‘social democrata’ unda e ser humano ta central!

1. PPA lo hiba un maneho pa lucha directamente contra pobreza riba nos Isla. 2. PPA ta desea pa tene e discusion nacional cu I.L.O a propone unda lo mester discuti e efecto di un sistema C.P.I. versus un sistema N.AW.I.(CPI no ta duna e trahador locual e tin derecho riba dje y no ta laga e trahador participa den e crecemento economico di nos pais NAWI segun ILO si ta garantiza esaki !) 3. PPA lo ta dispuesto pa aumento salario minimo, pensioen pa nos grandinan, Onderstand y bijstand!! 4. PPA lo inverti 6.5 % den nos enseñanza. (Enseñanza ta prioridad number uno pa PPA) 5. PPA lo baha e edad di pensioen bek pa 62 aña e edad cu cual PPA a inicia cu e ley di A.O.V. 6. PPA lo introduci e un asina yama

‘transport bonus’ of aumenta e subsidio na ARUBUS…. esaki pa contribui ‘extra’ na esnan cu ta biba leu for di nan trabao y ta gasta p.e. (salario minimo) f. 300,-riba transporte… locual ta 20% di salario minimo esaki no ta corecto pa e keda asina y perhudica e trahador biba na San Nicolas pero cu ta traha den e sector hotelero)! 7. PPA lo dedica parti di e actual ‘Bushiri Beach Hotel’ pa un fundacion por ofrece nos grandinan un sitio unda nan por pasa un vacacion anualmente…! Gobierno di AVP ta na punto di basha esaki abao pa stroba e.o. PPA pa mustra cu tin alternativa serio pa e sitio aki. a. Un sitio di vacacion pa nos grandinan!! b. PPA lo crea varios sitio di e combinacion ‘creche/ opvang’ pero unda tin ‘huiswerkbegeleiding ’ tambe pa alumno despues di school si nan mayornan ta trahando. 8. PPA lo bin cu un maneho pa bin cu parke y sitio pa hoben y grandi por pasa nan tempo na forma positivo… recreacion/ weganan … sitio pa conversa etc. den mas hopi districto posibel riba nos isla. 9. PPA lo baha e edad pa cobra pensioen for di 65 aña pa 62 aña!! 10. PPA lo bin cu un maneho unda nos grandinan (riba 62 aña !) ta bin na remarca pa un subsidio di p.e. tanto porciento riba nan cuenta di awa, coriente y telefon esaki mara naturalmente na cierto regla!! 11. Lo mester yega na un mihor palabracion ….. ora un grandi drenta un cas di anciano cual porcentahe por wordo kita como su contribucion na e cas di anciano y cual porcentahe lo mester keda pa e persona por gasta na otro debernan pa un bida di calidad!! Esaki ta djis un paar di e puntonan di accion di PPA cu lo ta den nos programa Aruba…. pa e Proximo Nivel…. keda pendiente!!

Pagina 7

Diamars 11 Juli 2017

YMCA ta cla pa cuminsa cu nan Summer Camp 2017 Ainda tin cuponan pa inscribi muchanan

E aña aki un biaha mas YMCA Aruba lo ta organizando nan summer camp, cual nan ta organiza anualmente. Directora di YMCA, Rachel Croes, a splica cu e summer camp ta pa un periodo di 1 siman, pero YMCA lo ta ofreciendo 4 siman di e camp. E summer camp ta inicia dia 10 di Juli, e di dos siman ta inicia dia 17 di Juli, e di tres siman lo inicia dia 24 di Juli y e ultimo siman lo ta dia 31 di Juli y ta termina dia 4 di Augustus. YMCA Aruba lo ta aceptando muchanan pa siman ya cu e camp lo ta pa 1 siman y e mayornan por scoge pa inscribi e muchanan pa 1 siman, 2 siman, 3 siman of 4 siman. “Durante e camp akinan nos lo bay tin diferente actividad”, Rachel Croes a expresa. Cada siman tin un schedule diferente i ta parti den tema . E

actividadnan lo ta basa riba e tema. E biaha aki YMCA Aruba a scoge e tema di paisnan, unda cu e muchanan lo tayer di baile di cultura di cierto pais, lesnan di cushinamento di cierto pais, etc. E actividadnan lo ta educativo, divertido, deportivo. Lo tene actividadnan den YMCA, pero tambe lo tene actividadnan pafor di YMCA. “Durante e summer camp, nos ta trata pa tin e muchanan mas bezig posibel y duna nan e oportunidad pa cera conoci cu diferente deporte, diferente otro organizacion, diferente otro lugar”, Rachel Croes a enfatiza. YMCA Aruba ta traha hunto cu otro lugar cu ta duna nan un man pa asina nan por bay cu un grupo grandi di mucha. YMCA ta acepta un cantidad di maximo 100 mucha pe “Kids

Camp” y pe “Youth Camp” nan tin un lugar pa 20 hoben. E summer camp pa mucha lo ta di 4 te cu 11 aña, mientras pe youth camp e edad lo ta di 12 te cu 15 aña. Pa participa den e summer camp tin diferente prijs. Muchanan cu ta den e programa di Y’s CARE lo paga 75 florin pa siman, e muchanan cu ta paga miembrecia pa luna y ta haci uso di e facilidad y descuento cu YMCA tin ta paga 100 florin pa siman, mientras esnan cu no ta miembro ta paga 125 florin pa siman. Esnan cu no ta miembro tin e oportunidad pa bira miembro y por haya descuento riba e camp pe simannan cu ta bin y pe Oktober camp y otro actividadnan cu tin durante e aña. Durante e camp e prijs ta encera transporte y tur diferente sorto di actividad. Personanan

cu ta duna les di baile lo t ey, nan lo siña toca diferente instrumento y tur esaki ta keda cubri di cual mayornan no mester paga nada acerca. Tambe e muchanan y hobennan lo ricibi cuminda cayente cual lo ta cushina tur dia pe kokki cu YMCA tin. Adicional e muchanan lo haya snack y cos di bebe durante henter dia. E orario di e camp lo ta di 8:00 AM te cu 4:00 PM, pero mayornan por baha e muchanan prome

cu 8:00 AM y YMCA lo tin un tempo di espera pa mayornan por busca e muchanan despues di e camp. Pa inscripcion por pasa na YMCA Dakota situa na Calabasstraat 1 of na YMCA San Nicolas situa na Pastoor Hendrikstraat 55. Pa pregunta por tuma contacto cu e personal di YMCA na 5823072 (Dakota) of 5845303 (San Nicolas).

Homber burachi ta molestia bisiñanan cu musica duro Diadomingo, pa mas of menos 3’or di marduga, Central a manda patruya na un cas situa pariba di Centro di Bario Jara, caminda un persona tabata toca musica duro. Na e sitio a constata cu berdad tabata tin musica duro den un cas. Diripente e volumen di e musica a baha. Un homber a sali pafor y a acerca polis. A papia cu e homber kende tabata M.K. El’ a wordo poni na altura cu e musica tabata causa molester cerca e bisiñanan y pa baha e volumen di e musica. M.K. a declara cu e tabata sinta ta chill y cu e sa cual di e bisiñanan a yama polis p’e. Polis a constata cu e tabata bao di influencia di alcohol. M.K. tabata papia cu un lenga pisa y no tabata por a papia drechi. M.K. a sigui bisa

cu e ta bebe alcohol na su cas y a puntra polis si nan tabata kier pa e bebe alcohol riba caya y haci fastioso. Polis a pone M.K. na altura riba e consecuencia di volumen halto. M.K. a keda papia bruha y despues a cana drenta su cas. Na e momento ey e musica tabata abao. Despues di esey polis a bandona e sitio. Un rato despues central ta bolbe manda patruya na e mesun adres, mirando cu M.K. a bay na un di e bisiñanan y a molesti’e y papia palabranan menos netchi den su direccion. M.K. a bolbe hisa e volumen di e musica. Na e sitio, polis a constata cu e volumen di e musica un biaha mas tabata halto. M.K. di biaha a sali pafor di

su cas y tabata tin un postura hopi agresivo. A papia cu M.K. y a puntre kico el’a bay haci na e bisiñanan. M.K. a bira agresivo y a cuminsa grita cu e no a haci nada. El’a keda puntra polis kico ta nan problema. Mientras cu e tabata papia por a scucha cu e tabata bira mas agresivo. Cada biaha e tabata tira mannan den laira. A pidi’e algun biaha pa e mantene su mes calmo. M.K. no a razona y a keda grita. A base di esaki, no a keda nada otro pa su propio seguridad y di otro, pa deten’e como sospechoso. El ‘a bira hopi onrustig y a lucha cu polis. Polis a logra pone na boei. Mirando cu e no kier a coopera, tabata necesario pa pone forza riba dje.

Na un manera tactico a mand’e suela por medio di un greep. Ey ta caminda cu a pone na boei. Transportwagen a bin na e sitio y a hiba e sospechoso na

warda di San Nicolas. Ey el ‘a keda presenta dilanti di fiscal auxiliar pa despues encarcela pa mas investigacion, interogacion y tambe pa dune un proces verbaal.

Ministro di Husticia ta anuncia cu entrante 12 juli 2017 segun Ley di Molestia, durante 30 dia lo tin oportunidad pa un y tur tuma conocemento na Departamento di Legislacion y Asunto Huridico, Schotlandstraat 53 di un peticion y anexo cu a ser haci pa obtene un instalacion pa un tanki di gas (150 gln) na Savaneta 125-K. Durante dicho periodo aki tur hende por expresa por escrito nan obhecion contra dunamento di e permiso menciona, dirigi na e Ministro di Husticia, via director di Departamento di Legislacion y Asunto Huridico, Schotlandstraat 53.

Pagina 8

Diamars 11 Juli 2017

Parlamentario mr. Xiomara Maduro:

Apertura exitoso di Sede Paradera

Diasabra ultimo e Sede Paradera di MEP a keda inaugura den un forma festivo cu musica y tambe cu discurso politico di lider di MEP, mr. Evelyn y di mi persona Parlamentario Xiomara Ruiz-Maduro kende ta encarga cu eSede. Eleccion ta mas cu bandera y sticker. Informacion ta crucial pa por forma nos propio opinion y tuma un bon decision pa eleccion 2017 dia 22 diSeptember proximo. MEP kier cumpli

cu e deseo di Pueblo pa ta mas cerca den nan districto cu informacion y asina bao encargo y responsabilidad di algun candidato di MEP den diferente districto lo tin Sede di MEP. Pa Sede Paradera mi persona Xiomara Ruiz-Maduro lo ta encarga. Den un ambiente masha ameno y masal, nos a brinda esnan presente informacion riba e Vision di MEP pa Aruba y nos a duna motivacion di nos

presencia den politica di nos Pais. Un danki di curzon ta bay na Team Xiomara pa e tremendo trabao desplega pa organiza un evento asina exitoso. Danki tambe na tur sponsor cu a yuda nos. Y un palabra di profundo gratitud na tur persona cu a acudi na e Apertura Sede Paradera pa demostra nan sosten y apoyo na MEP y na mi persona en especial. Nos ta cla pâ€™e cambio cu bo por confia aden!

Pagina 9

Diamars 11 Juli 2017

A scoge a base di su virtudnan

A eligi Darlene Laveist como empleado di luna na Hospital

Hospital a celebra cu su empleado di luna di Juni 2017 den persona di Darlene Laveist. A nomina Darlene Laveist a base di puntonan, virtudnan cu nan a manda dilanti pa asina e por yega na remarca y pa keda eligi como empleado di luna.

Locual cu ta resalta den Darlene como empleado ta cu e ta un persona cu ta gusta siña y desaroya su mes, manager di Human Resources, sra. Sheila Kelly a expresa. “E ta un persona hopi dinamico y yena di energia. Tambe e ta duna tur su apoyo y coopera cu otronan.” Darlene ta un persona cu semper ta mira cosnan na e banda positivo, pa asina e por drecha cosnan, procesonan, por ehempel den e departamento di Human Resources.

posibel”, sra. Kelly a indica di e cualidad di su colega Darlene Laveist.

Algo cu ta pone Darlene destaca ta cu e no ta ria pa haci extra trabao, cu ta tareanan cu normalmente no ta pertenece na su encargo. “E ta un persona cu ora e hinca algo den su cabez pa ehecuta, e ta bay pe y haci’e mas mihor

Darlene Laveist ta un persona pro-activo na su pia di trabao y e ta kere cu otronan tambe mester haci mescos. Keda haci pa alcanza cosnan mihor, di ta multi-tasking y semper keda siña algo nobo.

Secretaria di Human Resources di Hospital, Darlene Laveist, a keda scogi como empleado di luna di Juni. Darlene Laveist tabata emociona pasobra e no a spera cu nan a scoge su persona. “E tabata un sorpresa hopi bunita di mi coleganan cu a nomina mi como empleado di luna”, Darlene Laveist, kende tabata contento, a bisa.

Pagina 10

Diamars 11 Juli 2017

Na Biblioteca

Presentacion di pelicula gratis pa mucha

Durante vakantie grandi tin diferente presentacion di pelicula den aire liber na biblioteca. Cada diahuebs anochi tin presentacion pa mucha cuminsando 7’or den aire liber patras di biblioteca na Playa. Presentacionnan ta tuma lugar dia 13 di Juli, 20 di Juli, 27 di Juli y e ultimo presentacion ta diahuebs dia 3 di Augustus. Biblioteca Nacional Aruba ta invita tur mucha pa bin disfruta di e proximo presentacion cu ta e cartoon ‘Sing ’, ‘Beauty and the beast’, ‘Smurfs ‘y ‘Boss baby’. Presentacionnan ta gratis pa tur mucha. •

13 Juli, 7’or: Sing

•

20 Juli; 7’or: Beauty and the beast

•

27 Juli, 7’or: Boss baby;

•

3 Aug., Smurfs.

7’or:

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 11

Diamars 11 Juli 2017

ARUBA DEN CONVERSACION CU AEROLÍNEAS ARGENTINAS PA ESTABLECE VUELONAN NON-STOP Bishita recien di ATA y AAA a enfoca riba posibilidadnan concreto pa vuelo non-stop Buenos Aires – Aruba

Cu e meta pa diversifica e mercado turistico di Aruba, siman pasa Aruba Tourism Authority como tambe Aruba Airport Authority a bishita Argentina. Durante e bishita, A.T.A. a pone enfasis riba e importancia di aviacion y cantidad di asiento aereo pa e mercado Argentino -cu te cu Mei di 2017- a conoce un crecemento di 63% di bishitante. E mercado di Argentina ta e di 6 mercado mas importante pa Aruba y a conoce un cantidad di bishitante record aña pasa, surpasando Brazil pa promer biaha. Ta wordo spera cu den 2017 Aruba lo ricibi mas di 24 mil bishitante Argentino y cu den 2018 lo ricibi aproximadamente 30 mil bishitante. Mihor conexion nan aereo y mas opcion lo brinda posibilidad pa sigui capitaliza di e mercado fuerte aki. “Pa locual ta aña 2017, mas di 800 pasahero Argentino ta yega Aruba semanalmente cu vuelonan di conexion. Vuelonan semanal nonstop, for di entre otro Buenos Aires, ta como tal sumamente viabel, sigur y rendabel”, CEO di A.T.A. Ronella Tjin Asjoe-Croes, ta remarca tras di su bishita na Buenos Aires. Aki tabata tin un agenda marca pa encuentronan cu autoridadnan di e mundo di venta di viahe pa entro otro Aruba y tambe tabata tin reunion cu Aerolíneas Argentinas. Conversacionnan cu Aerolíneas Argentinas tabata fructifero y a duna inicio na negociacionnan cu por conduci na vuelonan non-stop entre e dos paisnan. Aerolíneas Argentinas ta bulando desde 1949 y desde 2014 a wordo adkeri 100% pa gobierno Argentino, un aerolinea stabil cu ta bula mas di 56 destinacion rond mundo y ta consisti di un flota di aproximadamente

56 avion. E flota ta consisti di avionnan Boeing 737-300 y 737-800 pa vuelonan regional. Pa vuelonan intercontinental y distancianan largo esaki tambe ta consisti di ekiponan Airbus 330 y 340. Desde 2012 Aerolíneas Argentinas ta forma parti tambe di Skyteam, dunando pasaheronan mas beneficioy recompensanan pa cu otro aerolineanan mundial ora di biaha. E desaroyo positivo di e bishitante Argentino ta danki na aerolineanan Latino Americano cu rutanan pa Aruba. Aki por mira un dominio significante di e viahero Argentino cu ta 34.3% di tur pasahero di COPA Airlines, 18.8% di Aires/ LATAM y 17.7% di Avianca Airlines. No obstante e demanda creciente pa Aruba di e mercado Argentino, actualmente e trayecto di viahe for di entre otro Ezeiza International Airport (Buenos Aires) y Aeropuerto Internacional Reina Beatrix ta uno cu ta rekeri transito na otro ciudadnan manera Bogota, Panama y hasta Miami. Esaki ta implica duracion di entre 13 pa 14 ora di biahe. Considerando e demanda Argentino pa e isla di Aruba, un vuelo directo EZE-AUA di un duracion di aproximadamente 6.5 ora, naturalmente ta haci e propuesta di un vuelo directo uno mas atractivo pa e consumidor Argentino. E estadia di e bishitante Argentino, ta consisti di un averahe di 9.3 anochi riba nos isla, un averahe halto, compara cu p.e. bishitantenan di Merca (averahe di estadia di 6 anochi / 7 dia). 23% di bishitantenan Argentino ta ripiti nan bishita. Despues di Santo Domingo y Cuba, Aruba ta a destinacion cu

ta ricibi mas bishitante for di Argentina, den Caribe. E destinacion popular di Cancun, Mexico ta ricibi mas bishitante cu Santo Domingo den e caso aki. Cu e viahe exitoso pa Argentina y reunion cu entre otro Aerolíneas Argentinas, Aruba Tourism Authority ta enfatiza e importancia di keda evoluciona esfuerzo di Aruba como un destino pa asina crea oportunidadnan nobo, sigui expande mercadonan cu potencial y duna mas estimulo na Aruba su Turismo. Dialogo cu Aerolíneas Argentinas a bin ta tuma lugar pa varios luna y e encuentro ta continuacion di e negociacionnan. Un encuentro cu a bay hopi positivo. Partidonan lo sigui traha riba e

posibilidad di vuelo nonstop entre Argentina y

Aruba.

OPPA ta invita su miembronan pa un Mainta di Charla ‘Otro forma pa come saludabel’ Fecha: Diasabra, dia 22 di juli 2017 Ora: 10.00 am – 1.00 pm Luga: Simar Entrada ta gratis E charla aki lo ta bou di encargo di: sra. Angelique Salsbach cu ‘Bista riba nutricion saludabel’ y sra. Marie Larmonie cu ‘Con pa come cuminda di tera’. Lo tin oportunidad pa purba cuminda di tera haci door di sra. Marie Larmonie. Fecha pa registracion: 10 pa 20 di juli 2017 entre 9:00 am – 12:00 pm na kantoor di OPPA. Registra pa bo keda bon informa riba topiconan cu ta hopi importante pa bo salud. Registracion pa e mainta di charla aki ta obligatorio. Comishon di Actividad Cobito Hernandez Presidente

Pagina 12

Diamars 11 Juli 2017

Concierto “Canto y Harmonia”, bunita y conmovedor

Diadomingo mainta tres grupo coral a presenta un concierto dirigi pa e inigualabel Mayra Kock di Asociacion Coral Ars Nova. IPA Koor, un coro nobo consistiendo di miembronan di Instituto Paedagogico Aruba, a haci nan debut publico despues di apenas algun luna di practica cu sra. Mayra. Batiendo nan man y cantanado “Clap your hands” mientras nan a cana drenta e sala chikito di Cas di Cultura, e grupo a haci nan entrada gracioso. E programa hopi varia a duna tur presente algo pa nan gusto musical. Ivirgna Hernandez a canta “Beauty and the Beast” pa cera un debut exitoso di IPA Koor. Cantare, un coro femenino “ruman di Ars Nova” tin 7 aña ta actua. Bisti cu nan uniform bunita (blusa salmou y carson preto) nan tambe a presenta un programa varia cu musica di obranan teatral, jazz, sacro y piesanan tradicional di Aruba, Corsow y Cuba. Melissa Werleman, otro studiante di canto di sra. Mayra a duna un bunita interpretacion di “Memory” di Andrew Lloyd Webber. Nan pianista ta sr. Jeremy Lanooij. E atraccion principal Ars Nova, aunke cu nan tabata canta cu solamente tres soprano, a impresiona manera semper. Cu obranan di Bach, Padú. Handel, Mozart, Webber,

Behilia, Romero, etc., e publico no por a keha pa falta di diversidad. E hit di e atardi tabata “Si mach’n kier”, un cantica di pueblo cu ta data di epoca di guera mundial. Cu un areglo di Sergio Morales y presenta pa Ars Nova bao di direccion di Mayra Kock, e cantica a haya un bon acogida. E duo Loella Hernandez y Clyde Milliard a duna un rendicion impresionante di “All I ask of you”. Mientras e gruponan Ars Nova y Cantare tabata organizando pa canta hunto e ultimo pieza di e programa, diripente nan a stop y sra. Jane Lanooij, kende ta canta pa tur dos coro, a duna un discurso na nomber di Asociacion Coral Ars Nova pa reconoce e trabao di un persona cu a bira parti di e asociacion. Y cu esaki a cuminsa un conmovedor homenahe y tributo na sra. Suzanne Dings, pianista di Ars Nova. Pasobra el’a perde su trabao aki, sra. Dings lo viaha bek pa Hulanda na cuminsamento di otro luna. Sra Lanooij a bisa entre otro: ... “Suzanne, bij welk verzoek dan ook, heb jij nooit ‘nee’ gezegd. Je was altijd bereid om jouw onvoorwaardelijke ondersteuning te geven aan onze beide koren. Je was altijd optimistisch, je was altijd verantwoordelijk en hoe druk je het ook had, je kwam altijd jouw afspraken na.”... ...

“Iemand hebben leren kennen zoals jij en met jouw ervaringen hebben kunnen delen, maakt deze wereld zoveel meer waardevol en wonderschoon, zoals de titel van ons volgende lied luidt “What a wonderful world”. Suzanne a keda conmovi y nos por a mira lagrimanan den su wowonan. Entre e publico tambe, hopi di nos mester a saca nos lenso pa seca nos wowonan. Un gesto sumamente conmovedor y bunita di e integrantenan di Ars Nova y Cantare. Despues di e pieza precioso aki cu Satchmo Armstrong a pone den Hall of Fame Musical y diadomingo a wordo dedica na Suzanne, e publico a sclama pa mas, y e coronan a complace cu un reprise di “Si machi’n kier”. Tabata un ceramento contento di un atardi musical inolvidabel. Danki, Mayra y Edwin Kock. Danki Ars Nova, Cantare y IPA KOOR.

Danki Suzanne, het ga je goed! cydeharms@yahoo. com

LEYENDA E coro Ars Nova bao di direccion di Mayra Kock cu acompañamento na piano di Suzanne Dings. Mayra Kock ta dirigi Cantare tocando piano. E solista ta Melixa Werleman .

IPA Koor a debuta cu un bunita programa varia. Na piano ta sr. Jeremy Lanooij. Nan solista tabata Ivirgna Hernandez. Suzanne Dings ta brasa Mayra Kock despues di ricibi un tremendo homenahe di Ars Nova y Cantare. Hunto nan a canta “What a wonderful world” pa dispidi di Suzanne kende ta bay bek Hulanda.

Pagina 13

Diamars 11 Juli 2017

Decoratie Commissie Aruba

“Comision Condecoracion Real Aruba” “DUNA HONOR NA ES(NAN) CU MERECE HONOR “

OPORTUNIDAD PA ENTREGA PROPOSICIONNAN PA CONDECORACION REAL 2018 Comision Condecoracion Real Aruba (Comision) ta informa e pueblo di Aruba cu mescos cu den añanan anterior na aña 2018 atrobe, na ocasion di celebracion di Aña di Rey na April 2018, lo tin e posibilidad di haci proposicionnan pa personanan ricibi un Condecoracion Real. Pa un persona por wordo considera pa haya un condecoracion real mester tene cuenta cu e hecho cu e accento ta cay riba prestacionnan particular pa y den comunidad. Tanto riba tereno voluntario, pues trabaonan pa cual e persona no a/ta ricibi salario y pa prestacionnan particular cu un persona a haci contra pago, pues den su trabao, si nan ta di un caliber y nivel di e halto ey cu nan tabata di balor excepcional pa desaroyo di Aruba y nan ta surpasa locual normalmente ta wordo spera di su trabao. Condecoracionnan real ta wordo trata na Hulanda door di e organo cu ta carga e nomber di “Nederlandse Kapittel voor de Civiele Orden”. Tur persona of instancia cu conoce un persona cu na su opinion ta merecedor di un condecoracion real por entrega un proposicion. E entrega di un proposicion pa un condecoracion real mester wordo haci pa medio di Decoratie Commissie Aruba y mester wordo entrega den un envelop cera na Bureau di Minister Presidente di Aruba (Bureau Minister van Algemene Zaken), na atencion di Decoratie Commissie Aruba, Bestuurskantoor, L.G. Smith Boulevard 76, Oranjestad, Aruba.

Semper un peticion mester wordo manda hopi luna adelanta, casi un aña adelanta, pa por keda cla cu tur tramite na Aruba y na Hulanda. E aña aki e ultimo dia pa entrega un proposicion pa un condecoracion real pa aña 2018 ta diabierna 11 di Augustus 2017. Pa haci e proposicion aki mester haci uso di DOS FORMULARIO SPECIAL. E formularionan aki ta obtenibel entrante 13 di Juli 2017 na balie abao na entrada na Bestuurskantoor na Playa of cerca e miembronan di Decoratie Commissie Aruba. Ademas di esaki e formularionan ta obtenibel tambe via emailadres: decoratieciearuba@ hotmail.com E formularionan aki mester wordo yena completo y detayadamente y mester wordo firma door di e persona, instancia cu ta haci e proposicion (“voorsteller”). E motivacion di e peticion ta di crucial importancia! Pa evalua e meritonan di un persona cu ta wordo proponi pa un condecoracion real ta di sumo importancia pa duna tur informacion pidi riba e formularionan y pa menciona tur dato y informacion cu por duna realce na e trabao(nan)/actividad(nan) desplega door di e persona en cuestion. Comision Condecoracion Real Aruba ta haci un apelacion pa sea asina bon di pone hopi atencion na esaki. Por fabor tuma nota cu proposicionnan incompleto of cu a drenta laat lamentabelmente

Brenton ta molestia turistanan cu bendemento di droga Diadomingo, pa mas of menos 7’or y 25 di anochi, personal di security di un Low Rise hotel a yama warda di polis pa e conocido bendedor di droga “Brenton Balgrove”, kende un biaha mas tabata riba tereno di e hotel. Mirando cu e ta molestia turistanan cu droga, polis a wordo yama. Na yegada di polis, personal di security di e hotel a informa polis cu “Brenton’ a bandona e tereno y ultimo biaha e tabata den cercania di e Low Rise Hotelnan, pero no por a bisa despues unda ‘Brenton’ a sigui bay. Un biaha mas nan a wordo poni na altura pa tira un bista riba Brenton, sin cu e sa, pa asina polis por gare y control’e. Tambe a wordo bisa na e security pa prohibi entrada na Brenton pa e no bin mas riba nan tereno pasobra si e haci esaki, e por causa mas problema. A base di esaki, mirando cu un biaha mas el ‘a core bay, polis a controla den vecindario rond di Tamarijn, Divi Dutch y Bushiri, pero sin resultado. Central a wordo poni na altura.

no por wordo trata. E “Nederlandse Kapittel voor de Civiele Orden” ta trata solamente e proposicionnan completo y cu a drenta na tempo. “Nederlandse Kapittel voor de Civiele Orden” cu ta e organo cu ta duna e conseho definitivo pa cu e condecoraconnan real, ta hopi estricto. Por ehempel den caso cu un persona tin tremendo logronan pa comunidad, pero e tin por ehempel boetnan habri, pues boetnan no paga, un persona asina lamentablemente, no ta bin na remarca pa un condecoracion. Ta deseo di Comision pa mira hopi persona den nos comunidad ricibi un condecoracion real na 2018, ta pesey un peticion na un y tur, pa haci un esfuerzo pa esaki bira realidad y nos por honra nos hendenan valioso. Comision Condecoracion Real Aruba ta spera cu pa Aña di Rey 2018 tambe comunidad lo reacciona cu hopi entusiasmo pa reconoce esnan cu ta haci trabao importante pa y den nos comunidad. Den caso cu tin cualkier pregunta of pa mas informacion por tuma contacto cu e siguiente miembronan di Comision Condecoracion Real Aruba: sra. Filomena Perez-Lopez, tel 583-8425 y 5938425, sra. Freda CroesRodriguez tel 582-1790 y sr. Vivienno (Vi) Frank, tel 587-4979 y 740-7071, of via email: decoratieciearuba@hotmail.com.

Decoratie Commissie Aruba

Pagina 14

Diamars 11 Juli 2017

BON DIA YEN DI ALEGRIA

Skirbi pa Ruthy”Lady Ruth”Vrieswijk-Bergen

Shonnan, asina tambe e Expo “Caranan di Ruthy” a yega na su final . E ultimo dia Ruthy a sinta mey mey di su en total 17 caranan pinta pa varios artista local y internacional, inspirando un crenchi mas y pensando seriamente pa bin den futuro cercano cu un “One woman show” Alegria di Ruthy #2 - E expo unico aki den su estilo tabata un parti bunita di Lady Ruth su “One woman show”Alegria di Ruthy “ cu den luna di Mei a alegra su dushi publico presente cu su canto, baile y su poemanan a la Ruthy. Y despues por a goza di e show aki varios vez na nos planta di television Tele Aruba 13 & 23, danki na Biblioteca Nacional y Tele Aruba. Algun cu a puntra Lady Ruth pakico hopi di su coleganan poeta y of artista no a bay wak y apoya Lady Ruth tin cu tende como contesta cu Lady Ruth ta comparti, e semper a gusta, ta gusta y lo sigui gusta “comparti” y no competi manera varios di otro artistanan ta gusta haci y kizas talvez toch nan a sinti un sorto di competencia? E ta zona hasta un tiki pret, pasobra, ta su talentonan ricibi di su Creador cu el’a desaroya, Lady Ruth no a bay ningun academia di arte, solamente e ta gusta

canta, skirbi y baila. Locual el’a comparti durante ya 44 aña den farandula. Pero e.o. si el’a sigui lesnan despues cerca e Maestro Pintor King Lie Kwie, kende e siman aki ta bay tin un tremendo expo di su alumnonan den e salanan di Unoca. Lady Ruth tin aanleg y hopi gevoel pa tur locual ta arte y ta pesey e por luci den nan den su mesun manera unico, toch? Di su humilde curazon Ruthy ta gradici si e coleganan poeta artista cu tabata t’ey, specialmente Beach Lama, sra. Munye Winklaar Oduber y Edjean Semeleer, kendenan a bise cu su show ta un “Waaaaaw” !!Y cu nan a keda impresiona con bunita, simpel y directo e tabata. Otronan a expresa na Ruthy cu Ruthy tin hopi durf y a tribi subi stage cu no un, pero 3 disciplina di arte sin hopi disciplina, ufffff, es decir, sin tabata stijf cu miedo di haci fout of di algo cu por a bay robez. Hasta Lady Ruth a tende for di un colega artista e palabranan mas o menos un dos siman prome cu e show “What if you fail”? Ufffff, no ta tur hende tin e mesun positivismo. Tin artista cu despues a bisa Ruthy cu “e a haci dolor” cu e no a bay.....

tja, e tabata anuncia den tur corant, pero no ta tur hende ta lesa corant. Pero..... awe nos ta sigui briya cu nos curazon yen di gradicimento pa tur tur cos tur dia, cada momento, cada les, cada experiencia. Nos si lo sigui apoya coleganan poeta artista, cantante, bailador etc. etc...... segun nos salud y tempo ta duna. Y atrobe lieve mensen, Lady Ruth no ta competi, e ta comparti!!!! ”Get it ?” Y awe den nos relato nos ta comparti mitar di e 17 caranan, segun espacio den corant y spera di manda e otro mitar otro siman Dios mediante, pasobra mi no sa cuanto espacio esakinan lo tuma den nan tamaño escogi. Pa esnan cu a desea di bay bishita e expo, pero no tabata tin transportacion of moda di bay, specialmente pa boso, mi dushi amanan di cas.... ”Cu elegancia”!!!

RESULTADO DIALUNA 9 JULY

DI MERDIA Sorteo # 1908

0478 9756 6105

RESULTADO Paardenbaaistraat DIALUNA 9 JULY Resultado

DI ANOCHI

Sorteo # 6222 Sorteo # 0 x Jackpot 0 x Match 4+ ` 0 x Match 4 0 x Afl. 12,00

7621 0833 1830

Sorteo # 1908

4224 Sorteo # 1908

4991 Cancer DIARIO

9896 9916 Sorteo # 4011

Sorteo # Sorteo0#x5266 Jackpot 0 x Match 4 0 x Afl. 8,00

8368

Sorteo # 4025 Sorteo # 0 x Jackpot 0 x match 4 0 x Afl. 500,00 0 x Afl 50.00 CORSOU 0 x Afl.15,00

5585 Cancer 9052 8891 Sorteo # 1763 5321

9052 SUPER 4 2955 8891 LOTTO DI DIA 01- 10-14-18-26 5321

Pagina 15

Diamars 11 Juli 2017

Cacalaca Blanco ta Directiva nobo di Aruba Lions Club, gaña cumpra auto y ta presidi pa Lion, Bibi Arends, instala sali trip cun’e na Alhambra Ballroom Diadomingo, pa mas of menos 11’or di mainta, e homber M. a presenta na warda y a informa polis cu e ta doño di un Toyota Altezza, cual e ta bendiend. El’ a pone e auto den varios medio entre otro Vraag en Aanbod. El’ a declara cu diadomingo pa 8’or di mainta, el’ a ricibi un mensahe riba whatsapp cu e persona en cuestion kier cumpra e auto. Despues e persona a bin y a bisa cu e yama .L. y a declara cu e lo cumpra e auto. L. a duna M. su paspoort pa e por skirbi un recibo. L. a declara na M. cu e ta bay cu e auto pa busca e placa, mientras tanto e ta test e auto. M. a bay di acuerdo y a laga L. bay cu e auto. Despues M. a cuminsa yama e homber varios biaha. El’ a manda un mensahe via e number di L. Mirando cu L. (Cacalaca Blanco) ta conocido di polis, M. a wordo manda pa recherche. Central y comandante na warda a wordo poni na altura. Despues di basta ora e Toyota Altezza , maneha pa Cacalaca Blanco a wordo gespot ta core rond den De La Sallestraat. Pa controla e auto, polis a haci un señal pa e conductor por para, cual el’ a haci caba. E conductor, manera ya a ripara, tabata Cacalaca Blanco. El‘a declara cu un amigo di dje a prest’e pa asina e por bende. Door cu ningun keho a wordo haci, polis a coy e yabi for di L. y hiba e auto warda di Playa. Ey e doño di auto a wordo yama pa bin busca su vehiculo. Central a wordo poni na altura.

Cu immenso dolor Recherche Samenwerkingsteam ta anuncia fayecimento di colega:

Tino Ruiz

Na bida un colega hopi stima di Cuerpo Policial Aruba. Di parti staff y coleganan di RST nos kier a extende nos mas profundo condolencia na famia y coleganan di Tino Cu Tino sosega na paz

Den un ceremonia sumamente placentero, diadomingo merdia, e directiva nobo di Aruba Lions Club pa e aña leonistico 2017-2018, a keda instala. Presidente eligi ta Lion Bibi Arends. Vice presidente: Lion Ivan Croes, Secretario: Lion Randolf Vrolijk, Tesorero: Lady Lion Gabriela Kock, Director Comitiva di Miembro: Lion Gerardo Figaroa, Director pa 2 aña: Lion Anthony Roccini, Director pa 1 aña: Lady Lion Magaly Franken y Leo Adviser: Lion Igor Croes. Lion Francis Leo a tuma e funcion di Lion Tamer y Tail Twister y tambe a fungi como Maestro di Ceremonia. Invitadonan special tabata e President di Lions Club Curaçao, Lady Lion Claudia Prodan y e president di Bonaire Lions Club, Lion Marlon Bermudez. Durante e weekend pasa caba President di Aruba Lions Club cu su First Lady Lioness Vanessa a viaha y a participa na e ceremonia di instalacion di tur e dos clubnan aki. Varios miembro di Aruba Lions Club a bin den compania di nan yiu y familiarnan. Life Member

Lion Maiky Croes tabata encarga cu e destitucion di e directiva saliente y instalacion di e directiva nobo. Tambe el’a haci entrega di plakkaatnan di merito na: Lady Lion Magaly cu exitosamente a maneha e administracion di e Club su reciente Rifa di Cas. Na Lion Carlos Maduro cu a bende mas hopi (106) buki di e Rifa di e Cas. Y “last but not least”, un plakkaat a wordo otorga pa un di Aruba Lions Club su ehemplar ex-Leo, Roderick Tapia, cu ya ta bon conoci, di a caba su VWO na Colegio cu e puntacionnan di mas halto entre su colega alumnonan. Den su discurso na final di e ceremonia, President Lion Bibi Arends, cu na 2004-2005 tabata tin e encargo di president caba, a splica cu na 2009 cu el a bai cu pensioen, tambe el a dicidi di bai menos activo cu su actividadnan den Lions Club. Sinembargo 2 anja pasa, a dicidi di bolbe bira activo y a re-integra su mes den directiva, eherciendo e funcion nan di president di e cometiva nan di: Monumento y Edificio, Miembrecia, Cama di hospital y Rolstoel, y finalmente

Vice Presidente. Finalmente Lion President Bibi a gradici e directiva saliente cu nan tremendo trabao y a priminti tur presente cu maske cu e aña aki Aruba Lions Club ta celebra 70 aña ta sirbi nos comunidad y Lions Club International ta celebrando 100 aña di existencia, e lo dedica su aña principalmente na nos ancianonan, cu den su experiencia den su maneho di cama di hospital y rolstoel, ta falta masha hopi atencion di nos autoridadnan ariba tereno medico, social, financiero y cuido general. E ta enfatiza cu nos comunidad mester bira mas consciente cu nos grandi nan (ancianonan) cu tabata e creadornan di e dushi Aruba cu nos ta disfrutando di dje awe, mester mas reconocimiento y atencion. Lion Bibi a recorda tur presente cu ta awor nos ta drentando e pik di “vergrijzing” aki na Aruba y cu nos tambe ta bay yega e edadnan ey. Pues si nos yuda drecha nan situacionnan, na final di dia, nos mes lo bay tin beneficio di esakinan.

Pagina 16

Diamars 11 Juli 2017

New ArrivAls

Paña di calidad y na un Bon prijs

Nos ta situa na Santa Cruz 60 schuin tegenover Taco Bell Store Hours: Dialuna pa diabierna 3:00 – 7:00 pm Diasabra 11:00 am – 7:00 pm y diadomingo 10:00 am – 2:00 pm

Pagina 17

Diamars 11 Juli 2017

Existoso dia di famia organiza pa Team Evelyn na Parke Arawa... fotonan riba pag 19,21,23,25

Campeonato HEINEKEN di Aruba Softball Bond a continua Logros ta baha fuerte riba Celebrities y Blackhawks ta take care di Black Yoker

Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan” Helder a continua riba veld di Dragon Hitters na Baracadera. Den categoría di A-Klas e equipo di Logros ta baha fuerte riba e muchanan di Esy Kelly y ta propina nan

un knockout 13-3. Logros 13 careda, 9 hit, 0 error. Celebrities 3 careda, 6 hit, 3 error. Pitcher ganador ta resulta Edgar Batista kende a cubri henter e ruta mientras Genaro Girigorie cu a ricibi relevo di Hildward Geerman ta bay cas cu e derota. Mihor bateadornan pa Logros ta Manuel Salado

di 2-2, Jose Rosario di 4-2. Pa Celebrities a luci cu e madera den man Wendsley Kock 2-2 y Jason Albus di 1-1. wDen e di dos wega di anochi Blackhawks ta derota Black Yoker cu score di 117. Blackhawks 11 careda, 12 hit, 0 error. Black Yoker 7 careda, 11 hit, 1 error. Un wega di bastante hit.

Harold “Jochi” De Luvia ta resulta pitcher ganador y Brayen Webb ta bay cas cu e derota. Mihor bateadornan pa Blackhawks ta Sergio Laurant 3-3, GiandrickTromp 1-1, Leo Dirksen, Rodymar Geerman 3-2, Yerick De Kort 3-2 incluyendo un cuadrangular. Pa Black Yoker a destaca

na bate Giovany Maduro 1-1, Brayen Courtar 4-3, Xander Castro 3-2, Oslin Bergrok 4-2, Ingomar 2-1 cu un homerun. Weganan di campeonato lo continua tur dia e siman aki riba veld di Dragon Hitters mientras diabierna lo tin wega tanto na Dragon Hitters y tambe Flatstone. Softball den pleno rotación.

Pagina 18

Diamars 11 Juli 2017

Champ of The Champs HEINEKEN a termina Royal Power Tat Fat Home Depot ta derota Mariners den den final titulando CAMPEON Champ of the Champs 2017 den su di 11 edicion dedica na Bibiano Croes a termina fin di siman riba veld di Dragon Hitters na Barcadera. E torneo internacional cu un acogida unico den un Dragon Hitters ballpark repleto cu fanaticada tabata testigo di un gran final cu un wega yena cu emocion cu hungadanan sensacional pa ambos banda cual a termina cu e score minimo di 1-0 pa Royal Power. Despues cu Royal Power Tat Fat a elimina Suffisant Eagles di Corsow 7-3 den or-

anan tempran di merdia e equipo di Mariners a manda nan bisiña y rival e fuerte equipo di Redskins cas ganando 8-4 y asina garantisa nan cupo pa e gran final. Mariners ta yega final pa di dos biaha den su trayectoria. Royal Power a derota Mariners 3-2 algun aña atrás den final di Champ of the Champs y ta ripiti e hasaña aki unda mesun equiponan aki ta topa otro den e gran final. Royal Power den su trajectoria a hunga den 11 final den 11 aña ganando 9 titulo di Campeon y 2 Sub

Campeón. Esaki tambe ta un record den bukinan di historia di softball. Mariners a inicia cu pitcher estrea Glen Munelo di Venezuela cual pitcher porcierto a jega di gana Royal Power den un final lanzando e tempo aya pa Federales de Venezuela. Royal Power a start cu Eudomar Toyo. Un duelo di pitcheo fenomenal. Hungadanan sensacional di tanto Mariners y Royal Power. Right Fielder Luis Pelayo na dos ocasión ta bay di cabez na un manera espectacular pa lanta cu dos

line drive cu por a extende pa extra base. Segunda base di Mariners Perez tambe ta para algún tremendo bataso. Mariners ta menasa na dos ocasión cu coredor na tercera cu un out y no por a remolca pa trece a coredor cas. Den di 6 inning 0-0 Royal Power ta haña un “break” momento cu Kelvin Silvania ta habri cu un dobble pa leftfield. Dayson Croes ta drenta como pinch runner pa Kelvin Silvania. Joshua Ramada ta drenta pinch hitter pa Gordo Cannister y ta conecta un hit pa left unda Dayson ta jega tercera. Cu coredor na tercera y primera Kenny Hart ta conecta un rolling pa short unda e shortstop di Mariners Aaron Ballestros ta bay segunda pa doublé play y den e hungada aki Dayson Croes ta score e único careda cual después ta resulta e careda di victoria. Royal Power 1

careda, 5 hit, 0 error. Mariners 0 careda, 2 hit, 2 error. Eudomar Toyo ta resulta pitcher ganador mientras Glen Munelo ta bay cas cu e derota. Pa Royal Power Tat Fat a destaca na bate Franco Wouters y Joshua Ramada ambos di 1-1, Kelvin Silvania y Joshua Ramada di 2-1, y Eldrick Dijkhof di 3-1. Pa Mariners a conecta e único 2 imparablenan di wega Jose Lovera y Nicomendes Louiza di 3-1. Esnan na cas por a sigui e wega via Top Fm 95 cu un tremendo transmisión di Poy Flanegin y Chipen Chirino hungada pa hungada te final. Que emoción. Pabien na organizadornan. Pabien na Royal Power y tambe pabien na Mariners cu gran final brinda na fanaticada. Tanto Panama y Corsow a reconfirma Mesora nan participación pa 2018. Deporte di softball a la carga!!!!

Diamars 11 Juli 2017

Pagina 19

EXITOSO DIA DI FAMIA DI EVELYN NA ARAWA

Pagina 20

Diamars 11 Juli 2017

Malapráxsis médica Dr. Horacio Oduber Hospital

Primer comunicado oficial de Anónimo Aruba Se le notifica a la sociedad civil de Aruba en general que somos un grupo de personas que estamos iniciando el proceso de dar a conocer una serie de casos que han venido sucediendo acá en la isla, casos que tratan acerca de abusos laborales, abuso sexual y/o pedofília, malapráxsis médica, discriminación, corrupción, entre otro tipo de casos, los cuales iremos publicando y así las personas tengan un espacio para dar a conocer su experiencia, garántizando su anonimato. Es nuestro deber como ciudadanos exponer este tipo de situaciones y así las personas sepan en qué tipo de sociedad nos estamos conviviendo, no somos tan One Happy Island como nos reconocen a nivel mundial, aquí pasan cosas, y graves. Es por ello que decidimos crear este espacio para ese determinado grupo de personas que han sufrido y han sido afectadas por dichas situaciones anteriormente nombradas. Nuestra información es correcta, verificada, veraz, sin tinte político y sin exponer a las fuentes involucradas. A continuación nuestro primer caso; Desde hace algún tiempo un doctor del Dr. Horacio Oduber Hospital, ha venido practicando cirugías con un tipo de solución la cual al ser mezclada con alcohol y aplicada en los ojos produce daños severos y permanentes, como con-

secuencia el paciente sufre de ceguera total (Ciego). Existe una comisión denominada "Seguridad de Informes de Incidencias" que traducido al idioma holandés es "VIM Veilig Incident Melden Commissie" esta se encarga de los protocolos y manejos en la sala de operaciones. Vale la pena destacar que tanto el doctor, esta comisión y el hospital, estan conscientes del daño que se realizó, pero los pacientes afectados no tienen conocimiento de lo que se les ha causado, han sido tres los pacientes que se encuentran totalmente ciegos y existe otro con un 70% de pérdida de la vista. En el primer paciente se trabajó un reporte especificando que dicha solución no puede ser mezclada con alcohol sino con otro tipo de sustancia y el doctor hizo caso omiso a tal advertencia hasta llegar al punto de destruir la vista de estas cuatro personas. Próximamente publicaremos el nombre del doctor y mantendremos anónimos a los afectados para proteger nuestra fuente , pero necesitaremos la ayuda de la comunidad para localizarlos, es nuestro deber como seres humanos informarles la razón del porqué perdieron la vista. Este es uno de los muchos casos que los ciudadanos de Aruba desconocen, existiendo otro en el cual un paciente perdió la vida a falta de un instrumento que se necesitaba para colocarse en su cabeza ,el reporte de incidencias indicaba otra causa de muerte

ocúltandole toda la verdad a sus familiares. ¿Cómo podemos ayudar a estas personas? Una de nuestras fuentes preocupada por esta situación se acercó a nosotros con el objetivo de hacer público este tipo de delítos e injusticias, existen mas casos que han llegado a nosotros, y tenemos muchos más acerca de pedofília y abusos. Es preocupante que existan tales situaciones y que no salgan a la luz pública por miedo a replesalías, pero es absolutamente necesario y urgente que los Arubianos estén conscientes de lo que esta sucediendo en el país para así poder ayudarnos entre todos y evitar que esto siga ocurriendo. Como una comunidad pequeña que somos dependemos de este tipo de informaciones para que la verdad salga a luz y no quede escondida como ha venido sucediendo. Si eres unas de esas personas que han sido víctimas por situaciones similares de abuso, discriminatorias o si quieres denunciar otro caso, puedes anónimamente comunicarte con nosotros, verificaremos su validez y posteriormente lo publicaremos. Sigue nuestra página de Facebook para continuación de nuestro primer caso de malapráxsis médica en Dr. Horacio Oduber Hospital. Atentamente, Anónimo Aruba

!Cushina Arubiano! MENU PA AWE, 11 di Juli ‘17

Mixed Seafood Stoba Aros, Pan bati of Funchi Salada, Banana, Batata F17,50 HEALTHY: #1 Grill Chicken Breast F12,50 #2 Grill Beef Pinchos F13,50 #3 Grouper Ala Plancha F13,50 Healthy: Fresh Salad, Green Beans,

REGULAR: #1 Chicken Tenders C/Sauce F12,50 #2 Grill Beef Pinchos C/Teriyaki of pinda Sauce F13,50 #2 Grouper Hasa C/Sauce Crioyo F13,50 Regular: Aros, Pan Bati Of Funchi, Salada, Batata, Bnana

Soppi Carni c/Pan Bati, Funchi of Arros 16oz - F 8,50 24oz - F 12,50

Pan Cu: Keri Keri Gutu Lenga Baka, Carne Mechada, Cocolishi Stoba, Sanger Yena, Bakijouw, Mix Seafood, Striploine Horna,

Beef Cutsmall, Carni Stoba, Curry Chicken, Chicken Cutsmall, Spam C/Banana, Higra, Ham & Egg, Hamburger

Por Yama Nos Libremente na 582-6553 / 592-0567 / 592-6572 Nos ta situa na KAS PALOMA #27

DIALUNA - DIABIERNA 6.30am - 2.00pm DIASABRA: 7.00am - 1.00pm

Diamars 11 Juli 2017

Pagina 21

Parke Arawa tabata yen di ambiente cu Evelyn

Pagina 22

Diamars 11 Juli 2017

Rumor ta circula:

Gobierno kier kita Dolfi Richardson y pa nombra un tal Candelaria como hefe di polis Envista di e ola di atraco y crimen cu tin den nos pais, awor Gobierno y Minister Dowers aparentemente kier busca un culpabel pa cu e situacion y awor nan kier kita Dolfi Richardson for di trabao. Asina parce e rumor ta circula. Ta ser bisa cu ya caba ministernan a reuni cu un tal Candelaria, cu na 2009 tabata traha na polis, pero cu a retira. Awor nan kier pa Candelaria tuma over pa asina purba na bay drecha e pais cu actualmente a bay for di man cu un cantidad di atracao y crimen. Kico tin di berdad den e esaki? Ta Minister Dowers so lo por aclaria nos esaki. Hecho ta cu e situacion na Aruba ta for di control. Tin arma den tur skina y cada rato tin tiramento unda te hasta tin morto. Pa Dowers tira culpa awor riba Dolfi, ta un forma di skop cu e ta duna Dolfi. Mas tristo ta cu Dolfi mes a cana man den man cu Dowers pa awor Dowers tras di su lomba ta buske pa colge e culpa. Pa haya mas claridad den e rumornan aki, ta pidi Dowers pe sali y aclaria si e conoce Candelaria y ki dia ela papia cu Candelaria y kico ta su intencion macabro pa core cu Dolfi. SOLO DI PUEBLO ta pensa net lo contrario: Ta Dowers mester bay, pasobra ta Dowers nunca por a maneha e cartera di husticia. Peor ta cu e ta campaĂąa y kier bolbe atrobe! Ta keda na pueblo mes pa core cu Dowers dia 22 September! Un voto pa Dowers ta un voto pa mas arma, atraco y crimen den nos pais.

Diamars 11 Juli 2017

Pagina 23

Ambiente di Cambio a reina na Arawa

Pagina 24

Diamars 11 Juli 2017

Pagina 25

Pagina 26

RECOMPENSA pa e persona cu por duna information na unda e cacho ta y pa e por bolbe back safe na su cas!

Diamars 11 Juli 2017

Botica na Warda: TE CU 8 Juli 2017

Botica Noord Botica AloĂŤ Dokter na Warda Na IMSAN

Dr. Tromp Numbernan di Emergencia:

A ser perdi diasabra 20 Mei 2017 mainta na Balashi, Sta. Cruz (Franse Pas) Jamanota aerea. E ta un hembra y e tin un klier grandi rondo di vet riba su heup patras!!! Si e por a bin na bo cas of bo a wak e of bo tin information di dje, please jama na 5856419 of 5949370 of 5930504.

Central di Brandweer Polis Sanicolas Sta Cruz Oranjestad Shaba Tip Line

911 100 104 105 102 107 11141

Hospitaal Centro Medico San Nicolas Ambulance Wayaca Sanicolas

527-4000 524-8833 582-1234 584-5050

Diamars 11 Juli 2017

Pagina 27

Ambiente na apertura di Sede di MEP- Paradera

Pagina 28

Diamars 11 Juli 2017

Gradicimento y Invitacion

Famia Krozendijk ta gradici tur persona cu a mustra atencion y a duna nan sosten durante fayecimento y entiero di nos Mama stima, Wela, Bisawela, Ruman y Cuña.

Sra Viuda. Cleotilda Agata KrozendijkKrozendijk Ta gradici famia, amigonan, bisiña y conocirnan. Boso atencion y boso presencia tabata un gran consuelo pa nos. Un danki special na Aurora Funeral Home pa e bon servicio. Un danki special na Dr. Mungra pa e atencion y cuido. Semper a atende nos mama cu cariño y cu pasenshi. Na Sr. Nelson Sprock pa su bunita muziek di caha di orgel, Sr. Max Hasell pa su cancionnan bunita den misa. Danki pa tur ﬂor, krans, yamada, whatsapp’s, mensahenan, kaarchi y emails Danki na Sita Roos pa su poesia bunita y tambe na Eliza y Tanhee pa nan tremendo dedicacion na nan wela stima! Nos ta invita tur famia, amigo, bisiña y conocirnan pa compaña nos na tres (3) Santo Sacriﬁcio di Misa na misa Inmaculada Concepcion na Sta. Cruz. E dianan ta lo siguiente: Diamars 11 di Juli pa 7.00 p.m. Diamars dia 11 di Juli, despues di misa, lo resa un Rosario na cas. Adres: Sero Biento 43.

Nestor tey Tur diadomingo cu su tremendo

Bbq loin ribs so (2 pida loin ribs) 15,Lomito

16,- Pork Chop 13,-

1/2 Galiña 13,- Choriso Sate di galinja

Bbq mix ( galinja y loin ribs) 14,Bbq galinja so (2 pia di galinja) 14,-

4,-

3,- (pa palo)

Mi ta cuminsa desde 11 or di mainta te 4 or y mei por yama pa pedido na 5690131 of pasa na Siribana 45A na St Cruz.

Yos Septic Tank Service

Chica pos y habri tuberia Pa un bon servicio y mas informacion tuma contacto cu Nena Dirksz na 7482689 of Jose Dirksz na 5666144 Paradijs #09 - Oranjestad, Aruba.

Prome cu bo cera telefon, nos ta para dilanti bo cas! Mas rapido cu YOS no ta existi!

Pagina 29

Diamars 11 Juli 2017

Mientras tin pobreza den pueblo...

Mike ta paga 180 mil na Juan Sebastian pa conseh’e cu Facebook

Mike Eman ta un ‘sin escrupulo’

Aki e contract spantoso cu Mike a firma cu un tal Juan Sebastian. E contract ta pa e tal Juan Sebastian duna conseho y yuda Mike cu red social, esta facebook. E lo mester siña Mike con pa yega na mas votador y convence nan. Juan Sebastian a firma contract dia 26 di April, pero e contract mes ta valido desde 16 di Maart. E ta cobra 27 mil florin pa luna pa un total di 180 mil florin. Pa haci esaki posibel, Juan Sebastian aparentemente a busca un amigo pa lanta un compania p’e na KVK. Dje forma aki e contract ta bay riba nomber di e compania local, Social Pop Aruba. Mientras cu tin masha hopi hende sin trabao, sin awa, sin coriente, pasobra placa no ta yega, awor Mike ta paga Juan Sebastian 180 mil florin. Gastamento di placa ta sigui sin piedad!!!!!!!!!!!!!!!!!

Hopi persona ainda no kier kere, wel ata e contract aki: 27.000 pa luna !!!!

Diamars 11 Juli 2017

Muchanan a goza den pool di Parke Arawa

Pagina 25

Pagina 30

Diamars 11 Juli 2017

AD PATRES FUNERAL HOME “Señor ta mi wardador, mi n’tin falta di nada; Den cunucu di yerba berde, E ta ponemi sosega. E ta hibami na awa tranquil, pa mi bolbe hanja forsa. Salmo 23:1,2,3.

Ningun hende sa kico ta BIDA Solamente cu bo a hay’e. Y di tur e misterio aki Bo sa cu Dios ta e comienso y e fin. No recorda mi den e dianan tristo Recorda mi den e splendor di solo Recorda con mi tabata Ora ainda mi tabata por a haci tur cos.

A fayece tragicamente Cu inmenso dolor na nos curason, pero conforme cu boluntad di Dios nos ta anuncia fayecimento di:

Ave F. Bisslik-Sweetnam Mihor conoci como: “Mama Ave” *28-07-1941 † 10-07-2017

Ta invita tur famia, bisiña, amigo y conocirnan pa asisti na acto di entiero cual fecha y ora lo wordo anuncia despues.

Veiligheidsdienst Aruba Staf y Personal di VDA ta extende nan mas sincero condolencia na mayornan, demas famia y coleganan cu fayecimento di

Sr. Tino Ruiz Na bida miembro di Cuerpo Policial Arubano Cu Dios duna su famia y coleganan di Cuerpo Policial hopi forza na e momento dificil aki. Cu Tino sosega na paz den braza di Señor.

Tino Ruiz

Nos Tino stima, lagrima- y flornan por seca Pero bo imagen y recuerdonan Lo keda semper bibo den nos memoria Na nomber di su mayornan: Mary (Mira) Ruiz-Ramos Tino Ruiz omo- y tantanan: †Anglo y †Nini †Seferina (Duduchi) Beto, Helen y famia Frans (Pancho), Carla y famia Aurelio, Rosa y famia Maria, Maiky y famia Anna, Rolando y famia Armando y famia Sheddy y famia amiga: Liza Leest padrino y madrina: Nico Duarte y Chimé Münzenhofer primo- y primanan, amigo- y amiganan, famia Ruiz, Ramos, Maduro, Farro, Tromp, Franken, Curiel, Kelly, Henricus, Sjaw Akian, Roga, Boekhout, tur colega di KPA y amigonan di Gym 2BFit y demas famia ta participa cu acto di entiero lo tuma luga diarazon 12 di Juli 2017 di 2’or pa 4 ‘or di atardi na misa Santa Anna na Noord y despues pa santana catolico di Noord. . Nos ta aprecia den e momento dificil y doloroso aki pa por fabor no usa intencionnan politico (braza- y sunchimento). Despues di entiero no por ricibi bishita di condolencia na cas.

Diamars 11 Juli 2017

Pagina 31

Pagina 32

Diamars 11 Juli 2017

QUALITY DEALER cu specials

Modelo aña 2005

TOYOTA RAV4

Standard mescos nobo esaki garantiza limpi, netchi bo ta haye pa core

Si e auto cubo ta busca no ta aki ariba e pagina ? Yama nos y puntra pa loke bo ta busca nos tine! Yama awo 5694343

CHEVROLET SPARK

NISSAN TIIDA

Aña 2009 cumpra na 2014 Modelo aña 2009 automatic 3 cyl., gasoline, standard fully loaded used and new

BYD Modelo aña 2014

Afls. 14,500 Honda Hrv Modelo aña 2016

Afls. 14,000 Afls. 11,000 Afls. 9,500 CELTA 2003

SUZUKI VITARA

airco standart core tur dia bin 2005 Automatic /air-conditioning / transmishon & motor guaranteed cu 2500 fl y bai cune

Afls 3,000

SUPERIOR HONDA PILOT Modelo aña 2008 Prijs negociable

Afls. 2,500 Afls. 10,500 Afls. 23,000 AUDI A6 Modelo aña 2014

HYUNDAI TUCSON Modelo aña 2011

CHRYSLER Modelo aña 2005, AC/AUTOMATIC

hopi options

Benz Convertible Ata koi hunga aki mescos nobo bin core.systema di dak ta habri y sera. WhatsApp riba 7418669 pa risibi in video di e Benz aki

mescos nobo

HYUNDAI SONATA Modelo aña 2016

hopi options

Afls 40,000

Afls. 35,000 Afls. 19,999 Afls. 5,500

TOYOTA YARIS

TOYOTA PRADO 2004 LINCOLN MRX LEXUS Adventures & Reliable Modelo aña 2008 Modelo aña 2011, automatic 4x4 Diesel uza y core manera nobo uza y manera nobo Afls. 22,000

Manera nobo, automatic

Modelo aña 2014

Afls. 19,999 Afls. 15,500 Afls. 23,500

CHEVROLET CAMARO MERCEDES BENZ GLA200 Modelo aña 2015 Model 2015 den perfecto condicion, Engine 1.5 turbo

MESCOS NOBO JEEP WRANGLER Modelo aña 2008 4 porta . cu airco . 4 wheel drive

Afls. 15,500

HYUNDAI TUCSON Modelo aña 2008 standart cu airco

Afls. 22,500 TOYOTA COROLLA

uza y core mesco nobo airco automatic. Ta accepta oferta

MITSUBISHI LANCER Cu airco, automatic ta accepta oferta

Afls. 77,000 Afls. 11,000 Afls. 7,000 Afls. 7,000 Cameranan di seguridad Bo cas 24/7 bou bo control Awor bo por wordo notifica via bo android den bo camber ora nan drenta kibra paden dibo cas danki na e technologia avanza di e motion detectors nan cu e camera nan aki di color tin pa capta tur movicion straño. Esaki den conbinashon cu e night vision special pa capta tur movishon scerpi scrip den anochi .

Yama na 5694343 pa mas info.