MEP inicia accion di firMa contra rijkswEt
Den un movecion relampago, partido Movimiento Electoral di Pueblo (MEP) a lansa un accion di firma contra e acuerdo di AVP/FUTURO cu Hulanda pa un Rijkswet pa control financiero.
Segun MEP, e idea di control i supervision ta importante, pero no mester bin na forma di un Rijkswet. Partido a bisa cu Aruba no por entrega su autonomia na Hulanda pa nan por manda via un ley estatal
Apelacion na pueblo
MEP a hasi un yamada na tur su militantenan y mescos na pueblo Arubano pa uni forsa i duna un señal cla:
Si pa control financiero y un maneho mas
responsable di gasto publick. No pa un Rijkswet cu ta pone Aruba bou di un sistema di supervision bao ley di Hulanda.
Señal pa Aruba i Hulanda
E partido ta bisa cu e accion di firma lo sirbi manera un mensahe cla, tanto pa gobierno di Aruba mes como pa Hulanda, cu pueblo no ta di acuerdo cu e desaroyo di un Rijkswet manera cu ta proponi, peor aun cu no a informa parlamento.
Princinpio
MEP ta sigui mantene cu autonomia i responsabilidad nacional ta fundamental. Nan ta cla: Aruba tin cu hasi su parti, pero sin perde su derechonan den Statuto.
Polisnan cu controlnan di trafico unda cu ta y
ki ora cu ta!
Chauffeurnan percura pa boso papelnan ta na ordo y bo vehiculo tambe. Si acaso bo ta bebiendo alcohol wak pa bo amigo Didi of Bar ta na stuur. Polis ta controla na tur momento. E controlnan aki no ta pa molestiabo nan ta haci esaki unicamente pa e seguridad den trafico.
AVP semPer A bAy
contrA rijkswet: dicon
Awor nAn tA Pro?
Den hopi ocacion den Parlamento, voceronan di AVP a para firme contra un Rijkswet.
Durante un debate nacional na November 2024, Mike Eman a bisa cu e ta contra.
Tur hende ta sorprendi cu e cambio di 180 grado: awor AVP ta mustra nan ta “voor”?
E pregunta grandi ta: Kico a cambia?
Den parlamento hasta nan a vota un mocion na aña 2022, unda AVP tabata contra.
E partido a perde su forsa di lucha ?
GANA DOBBEL NA CASINO DI ST. REGIS & RITZ
CARLTON DEN FIN DI SIMAN CU “WEEKEND FORTUNES”
Entrante prome di September 2025, St Regis y Ritz Carlton Casino, lo tin den fin di siman un total di $10.000 (diez mil dollar na premio).
Tur diabierna participa y gana $5000,- na The Casino di Ritz Carlton y tur diasabra participa y gana $5000, -na The Casino di St.Regis.
Acumula 80 punto na machinnan di slot of $40,- na mesanan di cada casino y ricibi un ticket pa participa y gana dobbel.
Gana $5000,Tur Diabierna na Ritz
Carlton lo saca 8 ganador di 9.30:pm-12:30 am
Gana$5000,Tur diasabra na St. Regis lo saca 7 ganador di 9:30 pm-12:30 am
Bishita cada casino y experencia servicio di calidad, y laga nos eleva cada wega na The Casino na St.Regis y The Casino na Ritz Carlton. “Double Luxury Double Win”
ARUBA BANK TA CELEBRA 100 AñA
CU E FIESTA Un celebracion
Oranjestad, Aruba – 08 di september 2025 – Aruba Bank orguyosamente ta anuncia E Fiesta, e celebracion na honor di nan 100 aña di exito y progreso.
Riba diabierna, 19 di september, nan Camacuri Branch lo transforma den un celebracion special pa tur Centennial, di 6:00 PM te 9:00 PM, treciendo hunto e comunidad henter.
Pa un siglo, Aruba Bank a conta cu bo confiansa y apoyo. E Fiesta ta un manera pa expresa nan gratitud y pa celebra ABO, nos comunidad. Lo tin entretenimento pa tur y
e programa di anochi lo inclui: musica en bibo di Touch of Steel, Buleria, Groove Masters, y DJ Yeimy.
Ademas lo tin Kid’s Corner cu Dino Jump y Little Tikes, Photobooth cu regalo y chens pa gana premio, cu hopi sorpresanan special.
Rotaract Club of Aruba, Aruba Lions Club y Kiwanis Club of San Nicolas lo percura pa un bar y cushina bon surti y un surtido di cos dushi. Entrada ta gratis y tur hende ta bonbini. E Fiesta no ta solamente un evento di celebracion, sino un tributo na nos pueblo, nos
pa tur Centennial
patrimonio y nos historia comparti.
Aruba Bank ta invita un y tur pa bin forma parti di e celebracion di nan 100 cumpleaño riba nos isla, 100 aña di union, colaboracion y progreso. Bin trempan, trece bo famia, y celebra hunto cu Aruba Bank.
Manera tur hende a spera nan teY BeK!
Show y mas show, hopi scuma nada di chuculati
Banda di rotonde Ponton Polis a Para y detene un chauffeur cu droga den auto!
Diasabra madruga a durante patruya polis a logra para un auto cual tabata manda holor fuerte di marihuana ora cu a par'e a logra haya basta droga den auto. Mesora polis a detene y a confisca e droga y e auto.
riBa sasakiweg chauffeur a Perde control
Baha
caminda dal un mata
y Bolter
heridando e
otro 3 Pasaheronan un di nan a ser lansa Pafo!
Diasabra madruga a drenta informe di un accidente cu hende herida banda di ex-House of Cheng, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un Hyundai bayendo nort cu velocidad halto a perde control baha caminda dal
riba un mata. E impacto tabata fuerte te cu a lansa un ocupante pafor di e auto y e otro 2 pasaheronan patras a resulta herida, pero e chauffeur mes no a ser herida. Ora cu polis a mira cuanto herido tin a pidi pa mas ambulans. Na yegada di e ambulansnan nan a atende victimanan seriamente herida y a
transporta nan pa hospital.
E auto a keda practicamente "total loss". Despues di basta rato polis ta nota un machete benta banda di e auto y polis ta kere cu esaki tabata den e auto pero e chauffeur a nenga cu ta di dje y polis a confisca esaki.
Avp bAo precion di Gerlien: tA cAmbiA
su principio pA kedA den Gobierno
Den e ultimo desaroyo poiítico, a bira conoci cu partido AVP ta bao un inmenso precion, y esey solamente pa un meta: wanta e gobierno actual pa keda goberna.
Durante hopi aña, AVP a hunga rol di opositor fuerte contra un Rijkswet. Nan palabra y votacion tabata cla: un ley hulandes no ta na beneficio di Aruba. Pero awe nos ta mira un cambio sorprendente: AVP ta cambia su opinion y ta mustra dispuesto pa sigui e caminda di un Rijkswet.
Fuente interno ta divulga
Sigun informacion di un fuente interno den partido mes, e cambio aki no ta basa riba conviccion profundo, sino riba miedo politico. Nan ta bisa cu Gerlien Croes, lider di partido Futuro, a pone bon cla: un Rijkswet mester wordo accepta. Y si AVP no sigui e ordo di Gerlien, lo no tin gobierno.
E situacion aki ta pone AVP den un dilemma: of nan ta mantene nan principio historico, of nan ta sigui un compromiso pa simplemente no perde poder.
Principio sacrifica pa poder
Pa hopi observadornan, e paso di AVP ta sin duda un desviacion di nan mes discurso. Nan mes tabata grita pa mas autonomia, pa separacion, pa defende Aruba contra e poder di Hulanda. Pero awe, pa motibo di calculacion politico, nan ta move den direccion contrario: nan ta na fabor di un ley hulandes.
E oposicion a bisa cla: AVP ta pone su prinsipionan un banda solamente pa mantene e gobierno.
Un refleho di realidad politico
Desde 2020, den mas di 6 reunion AVP a bisa pueblo cu nan ta contra. Hasta den un mocion, nan a pidi Gobierno pa no accepta rijkswet. Evelyn a cumpli y a eleimina e rijkswet RAFT. Awor ta Mike Eman mester a para duro pa Aruba y nenga e rijkswet y convence Hulanda cu esey no ta necesario.
Sinembargo ta mustra cu si Eman bay contra rijkswet, automaticamente gobierno lo cay. Pues Eman ta na Amen di Croes.
La Cabana ta CeLebra bienestar y progreso durante enCuentro di segundo kwartaaL
EAGLE BEACH - La Cabana Beach Resort & Casino presenta nan encuentro general cu empleadonan pa loke ta celebracion di segundo kwartaal bao di e tema inspirativo ‘Bibando un bida saludabel.’ Esaki a tuma luga den e hotel su ballroom. Un evento cu a trece tur empleado hunto pa un atardi di salud, empoderamento, y celebracion.
E encuentro a habri c’un bon bini caluroso hunto
cu un yamado pa accion, enfatisando e importancia di activacionnan y tambe modelo HEART pa loke ta su servicionan. E modelo HEART ta un acronimo na Ingles cu ta describi scucha, empatia, disculpa, responde y resolve, gradicimento, y tambe ta un guia di servicio pa bishitante den un forma holistico - fisicamente, mentalmente, y tambe financieramente.
Rene Wild a guia e sesion riba ‘physical wellness’,
motivando e empleadonan pa nan move, hala rosea, y trece mas energia pa nan curpa. E tambe a lansa loke ta un Weight Loss Challenge 2025 invitando e empleadonan pa join esaki pa siña biba un bida mas saludabel.
Centro di Desaroyo
Humano a sigui c’un presentacion riba salud mental, subrayando e recursonan cu La Cabana Beach Resort & Casino ta ofrece pa sostene bienestar emocional. Nan
mensahe ta riba enfatisa cu bo mester cuida bo mente pasobra e ta mesun importante cu cuido di bo curpa. Plan di Bida a guia e empleadonan riba aspectonan financiero, ofreciendo herment practico y conseho pa yuda nan tuma decisionnan informa pa un futuro sigura.
Junior Learning & Development Manager, Henry Diaz a presenta un discurso hopi poderoso riba loke ta e modelo HEART y La Cabana su cultura di servicio. Sudi Guda, Human Relations Manager a recorda tur hende cu ‘Nos ta Celebra Abo’ ta hopi mas cu djis un slogan bunita - e ta un cultura completo. Tur promocion, cumpleaños, como tambe iniciativanan ta reconoci y aprecia. E aña aki so e resort a celebra 16 promocion y transfers, cada uno representando un storia di ambicion,
crecemento personal y oportunidad.
Sudi ta enfatisa cu e compromiso di e hotel ta keda den celebra su hendenan, bisando cu: ‘Nos ta mira boso. Nos ta balora boso, y nos ta celebra boso.”
General Manager, Joe Najjar a comparti algun updates hopi positivo tambe riba loke ta renobacionnan andando anto a introduci Lillian Britten como La Cabana su Assistant General Manager - un adicion fuerte den e team di liderazgo. E evento a conclui cu un mensahe di orguyo, for di fisico pa mental, financiero pa cultural - e encuentro aki tabata un celebracion di cada parti di e identificacion di e resort aki, stimulando un aprecio grandi pa miembronan di comunidad.
poLis y bombero a bay Zeewijk pa un CandeLa di mondi basta grandi!
Diabierna anochi a drenta informe di cu tin un candela di mondi basta grandi na Zeewijk banda di e santana, mesora a dirigi tanto polis como bomberonan na e sitio. Na yegada di e patruya a bin haya e candela di mondi patras di e cura di un cas. Na yegada di e bomberonan nan a combati y a paga e candela cu un atake duro y directo.
Parlamentario Endy Croes: AVP a laga Desiree cay manera patia berde!
Stephany Sevinger di avp a pidi Fraccion di avp pa vota contra nombramento di deSiree croeS
Parlamentario Endy Croes a keda asombra siman pasa den e ultimo Reunion Publico. Durante dicho reunion Parlamentario Croes den nomber di Fraccion di MEP a entrega un mocion pa gobierno nombra Desiree Croes pa ocupa e posicion di ‘Gevolgmachtig Minister’ na Den Haag Hulanda y lo splica esaki.
Diabierna 29 Augustus AVP y Futuro a entrega nos Libertad na Hulanda
Diabierna 29 di Augustus e traidornan di Patria, Mike , Gerlien y Geoffrey a bay Parlamento pa un reunion publico pa brinda informacion riba negocacionnan cu Hulanda riba un posibel Rijkswet financiero. Manera entreguista y traidornan di marca mayor Mike Eman, Gerlien Croes y Geoffrey Wever a informa Parlamento cu nan ya caba a bay di acuerdo cu
Rijkswet y cu esaki mesun dia a wordo trata caba den Rijksministerraad na Hulanda. Tur esaki sin a consulta cu Parlamento. Es mas, Aruba no tin un Gevolgmachtig Minister na Hulanda y nos a compronde cu ta Gevolgmachtig Minister di Corsou a representa y papia pa Aruba den e proceso durante Rijksministerraad. Esaki a lanta e precupacion mas aun den MEP cu Aruba “mester” tin su Gevolgmachtig Minister primordialmente pa atende un tema asina gevoelig manera Rijkswet.
Parlamentario Endy Croes a entrega un mocion pa Desiree Croes bira minister
Durante Reunion Publico siman pasa den nomber di Fraccion di MEP
Parlamentario Croes a presenta un mocion pa Gabinete AVP-Futuro
nombra Desiree Croes como Gevolgmachtig
Minister pa representa Aruba na Den Haag Hulanda. Primordialmente kier a pone dos nomber den e mocion, Juan Ady Thijsen y Desiree Croes.
Como cu nos sa cu Coalicion tin mayoria y nos tin e urgencia pa Aruba tin un Gevolgmachtig Minister na Hulanda nos a opta pa bay por lo sigur pa pone solamente nomber cual ta Desiree Croes y a kere cu
Wiel di un Suzuki SWiFt a kita durante
Diadomingo mainta a drenta informe di un incidente dilanti Tur Dia Supermarket na Tanki Leendert, mesora a dirigi un patruya na e sitio. Na yegada di e patruya a bin compronde cu aki ta trata di un incidente unda e wiel di patras banda robes a kita sali mientras e chauffeur ta core. Afortunadamente ningun hende a resulta herida.
AVP sigur lo bay sostene esaki. Desiree Croes banda di ta un docente di school e ta un Abogado, a sirbi Aruba como
Parlamentario y tabata
Director na Arubahuis y ta un bon candidato cu hopi conocemento pa e puesto aki.
MEP a keda den ‘Shock’:
Stephany Sevinger di AVP a lanta para den sala como unico Parlamentario di
AVP cu a hiba un ‘stem motivering’ pidiendo AVP pa vota CONTRA e mocion pa Gabinete AVP-Futuro nombra Desiree Croes como Gevolgmachtig Minister. MEP a sostene e mocion aki y ta lamenta masha hopi cu AVP a vota CONTRA Desiree Croes. Mike de Meza ta e unico Parlamentario di AVP cu a sostene e mocion y a sostene desiree Croes. Mi amigo Ady Thijsen tin un dicho popular “Politica ta cruel”!
Chauffeur buraC hi a yega riba
Caminda sera unda e aCC idente a pasa y polis a detene!
Diasabra madruga durante cu polis ta atendiendo un accidente cu hende herida y tin e caminda sera, un
chauffeur burachi ta yega y para eynan mesora polis a bay atende. A bin resulta cu e chauffeur ta bao
influencia y a ser deteni. Un rato despues e vehiculo di transporte a bin busca e chauffeur deteni.
SABIDURIA DEN NOS ALEGRIA
Skirbi pa Ruthy”Lady Ruth” Vrieswijk-Bergen
Ta ken no ta desea di tin independencia financiero ? Pa tin algo di placa cu bo mes por maneha responsablemente ?
Hopi di nos ta gusta tin placa, pero no sa maneha locual nos tin na un manera responsabel. Of no tin e confianza entre parehanan pa hasi esaki hunto. Y tin tambe cu no tin acceso na placa mes, pero cu ta un so ta maneha e entrada, cumpli cu pagamento di e gastonan etc. y duna su pareha locual e mester, locual ta necesario, pues locual e tin mester pa por ejemplo paga pa e kipashi, beleg, webo y juice y ni un florin mas . Ta tema y topiconan cu a wordo trata durante un tremendo charla den e edificio di Educampus, ex Bon Bini Bazar den centro di Oranjestad recientemente organisa pa e fundacion Soroptimist cu su dinamico direktiva encabesa pa e simpatico y carismatico sra. Magaly Maduro Koolman. Un fundacion di y pa hende muhe, trahando pa stop violencia contra hende muhe. Sra. Paloma Tromp, un tremendo orador y conosedor di e tema crenchi delicado aki.
Paloma ta un profesional y a inspira nos tur presente na e charla interesante aki. Placa, un topico of tema delicado pero necesario pa papia di dje. Paloma, un coach financiero y director di fundacion Plan di bida. Lady Ruth tambe a sinja hopi e mainta aki, pasobra, e tambe tin un “buraco” den su man ora e bay supermercado cu su lista di compras cu 7 producto nota pa cumpra pero ta bin cas bek cu 12 di cual algun e no tawatatin mester, pero a cay den e tentacion pasobra e prijs tawata bon. Paloma a comparti e.o. con ta bon y bunita pa sigui bo sonjo y realisa esaki, si bo ta bon den traha buscuchi, traha y bende esaki pa un crenchi mas entrada of pa un entrada pa bo si bo no tin ningun entrada, pero ta depende solamente riba e casa cu tin biaha no ta laga su sra. sa unda tur e placa ta bay. etc. (E palabra buscuchi a zona hopi dushi mes den Lady Ruth su orea, corda e tempo di su infancia come buscuchi, awor cu e nomber koekie.). Cosnan cu ta pasa ketobay den e siglo aki. Doloroso pero berdad. Lady Ruth a hasi
conosi e mainta ey cu nos flamante Miss Universo Aruba 2025 Hannah Arends cu a bin duna su apoyo y sosten na tur esnan presente. Danki na fundacion internacional Soroptimist Aruba pa un exitoso charla hopi informativo y educativo. Nos ta conclui nos relato mandando palabranan di pabien na amiga colega Poeta escritor Ivy Goeloe Peterson cu su solo expo na scol di arte San Nicolas . E bunita expo aki “Word in art” lo por wordo admira durante henter e luna aki di September durante e orarionan habri di e scol di arte San Nicolas. Su apertura tawata riba Dia di Prensa, dia 1 di September cu dushi coi bebe y snacks y cu presencia e.o. di Sra. Tromp-Frans, e bunita mama di Marisol y Lelicia, cu segun un paharito a bisa Lady Ruth, ta na caminda pa estrena den e capitulo 2 di e pelicula local “E bruha bruha”, Yosmar Maduro di Biblioteca Nacional, Verna y Lady Ruth,y amiganan y famianan di Ivy. Un anochi agradabel y hopi gezellig. Despues di scol di arte Verna y Ruthy a bay bishita e anochi di apertura tambe di e expo
“E lens di mi wowonan” di Leo Vrolijk, un cabayero den e ramo aki di filmacion y saca potret pa hopi anja caba pa Tele Aruba, na BNA, pero e parti di apertura oficial ya a pasa caba. Nos a yega na ora si pa felicita Leo y cana rond y admira e potretnan y brinda cu nan tambe cu un wijntje y un super dushi snackbox traha pa bunita amiga Eta, ruman muhe di Leo Vrolijk. Eta bo ta master !!! Despues nos lo bin cu nos version di e bunita anochi aki tambe. Un proyecto cu ta existi ya pa hopi anja, patrocina pa RBC bank y cu participacion di varios fotografonan den
prensa. E expo aki tambe lo ta habri pa publico pa varios siman den e luna di September. Shonnan, danki pe atencion duna na nos relato di e siman aki y pasa un bon dia yen di sabiduria den nos alegria ! Un “bearhug” di Ruthy”Lady Ruth”.
Fraccion aVP: n ingun cambio den cantidad di dia di siman laboral Pa awo
ORANJESTAD (5 di september 2025)
– Recientemente
Parlamento di Aruba a pasa un mocion cu ta referi na e tema di reduccion di cantidad di dianan di siman laboral. Fraccion AVP ta kere cu ta importante pa informa pueblo cu e no ta trata di un ley y cu ningun cambio den cantidad di dianan di siman laboral ta plania pa implementa di biaha. En realidad e mocion aki ta simplemente manda un señal na Gobierno pa cuminsa habri e dialogo cu gremionan tocante e modelo existente di orario semanal riba e mercado laboral.
Mester keda cla cu un mocion no ta un ley. Un mocion cu ta pasa den Parlamento por tin dos destino: Sea gobierno ta inclui e mocion den su maneho (beleid) of gobierno ta haya un mandato pa prepara un concepto di ley. Den e caso aki, ta e di dos.
E intencion ta pa habri e discusion riba e posibilidad di algo asina pa Aruba den futuro. Esey ta nifica cu hurista lo mester traha riba un caso completo cu ta inclui, entre otro, best practices di otro paisnan y estudio di factibilidad prome cu un concepto concreto por keda presenta. E proceso aki no ta simpel y lo por tuma su tempo hasta añanan – prome cu un concepto yega Parlamento bek.
Despues, e concepto ta bay na Raad van Advies (RvA)
pa evaluacion y consulta cu stakeholders. RvA ta presenta recomendacion cu despues mester revisa pa gobierno, cu por haci adaptacion segun nan consideracion. Solamente despues di tur e paso largo aki, un propuestanan di ley por bay bek na Parlamento pa votacion, y si ta pasa, e por bira ley oficial.
Esaki ta mustra cu no tin ni un fecha of plan concreto ainda pa implementacion. Ta simplemente un deseo manifesta den Parlamento, inspira riba desaroyo na otro paisnan, cu e bienestar y salud mental di trahadonan den mente. Sin embargo, Fraccion AVP ta pone enfasis cu
no tin cambio inmediato, pa cual no mester crea confusion den pueblo ni alarma innecesario den mundo laboral.
AVP kier aclaria tambe cu e mocion aki no tin absolutamente nada di haci cu aumento di salario minimo pa ora cu recientemente a keda aproba. Ta dos asunto totalmente separa y un no tin relacion cu e otro. E ta mas bien un pensamento colectivo riba e modelo existente den e mercado laboral.
AVP ta kere cu pueblo merece un informacion completamente honesto y transparante, y nos ta sigui comprometi pa orienta comunidad den tur paso di e proceso.
Descubri alimentonan imprescin D ibel cu no por falta D en bo D ieta
Nos lo mustrabao algun alimento imprescindibel di cual propiedadnan nutricional ta haci nan necesario pa un dieta sano y balansa. Pa suerte, nan ta alimentonan habitualmente facil pa haya y pa inclui den cualkier plato.
Tomati
Un dieta balansa mester contene un poco di tur cos, pero nunca mester falta tomati. E tin antioxidante, cu ta yuda na e rehubenecimento celular, y vitaminanan A, C y E.
E tomati aprecia antes tabata wordo como un mata decorativo, te cu den siglo XVIII, a cuminsa consumi'e como alimento.
Ademas, tomati ta di puro awa, loke e ta bira ideal pa mantene e peso. E ta posee tambe un substancia fantastico pa e organismo, Licopeno, cu ta preveni e aparicion di cierto cancernan, manera di pulmon y di prostaat.
Awacati
E dushi awacati tin un espectro di beneficio cu ta yuda for di un muhe na estado, pa un homber adulto. E ta posee acido folico, necesario pa preveni malformacion den e fetus y su vetnan ta impedi e desaroyo di colesterol.
Knoflok
E alimento imprescindible, aromatico y fresco aki, ta un protector natural di e organismo. Ta miho consumi'e fresco, ya cu ta e forma cu e ta mantene tur su propiedadnan.
Ademas, e ta un excelente regulador di presion arterial y ta yuda e digestion.
Di un otro banda, hopi chef ta recomenda saca su parti interior berde, pasobra e por resulta pisa pa e digestion.
E resto di e djente di knoflok por wordo consumi completo. Ademas, como curiosidad, knoflok por tin cierto efectonan afrodisiaco.
Selder
Selder ta famoso pa stimula e potencia sexual. Ademas, su con-
sumo ta yuda mehora e problemanan chikito di memoria vincula cu edad. Selder tambe ta posee un porcentahe halto di hero, pesey e ta un aliimento imprescindible contra anemia.
Por ultimo, como curiosidad, e juice di selder ta yuda supera e trastornonan di soño.
Chuculati
Aunke ta acus'e di faborece e ganamento di peso, chuculati tin mas virtud cu defecto. E ta energetico, ya cu consumiendo un cntidad chikito ta gana hopi den energia.
Ademas, solamente 100 gram di chuculati scur, ta posee 375 miligram di fosforus.
Di un otro banda, e polifenolnan cu e chuculati ta posee, ta convirti'e den un protector cardiaco y un agente preventivo di cancer.
Spinazie
Spinazie no solamente ta duna forza, sino cu ta yuda na mantene un bon bista. Ademas di ta un fuente basico di hero, spinazie ta asina bon of miho pa e bista cu un wortel, ya cu e ta concentra un bon cantidad di luteina, un substancia cu ta fortalece e retina.
Appel
Appel ta e fruta pa excelencia. E alimentonan imprescindibel aki
ta reduci e cantidad di proteina y lipido y ta posee un porcentahe halto di vitamina, awa y salo. Ademas, tambe ta actua contra e daño di celnan celebral.
Rasenchi
Ta berdad, rasenchi tin bastante concentracion di sucu, pero net esey ta hustamente loke ta convirti'e den un maraviyoso motor di energia pa mucha, adultonan mayor y deportista. Ademas, den su espacio reduci, e ta posee un balans casi perfecto di cinco importante mineral: calcium, magnesium, fosforus, hero y potasium.
Alimentonan imprescindibel: Salmao
Salmao, specialmente esun silvestre of salvahe, ta posee cantidad-
nan grandi di Omega-3, un substancia cu ta preveni malestarnan cardiaco. Lo mas recomendabel ta incorpora e pisca aki den e dieta infantil pa su fantastico aporte nutricional.
Yoghurt
Un yoghurt pa dia ta yuda cualkier adulto pa fortalece e calcium den e organismo y na mucha pa preveni infeccion.
Ademas, e ta un producto hopi recomendabel pa dietanan abao den caloria.
Vol of sin vet, yoghurt ta un producto perfecto pa bo alimentacion.
Brocoli
Brocoli ta un bon fuente di vitamina A (principalmente den forma di beta-karonteen), di vitamina C y di acido folico.
Esaki ta asina te na e punto cu un racion di 200 gram, ta aporta mas di tres biaha mas di e recomendacionnan diario di vitamina C y e mita di e ingesta recomenda di acido folico.
Berries
Nan ta wordo considera un fuente di vitamina C y K, ademas di su rikesa den manganeso. Berries ta alimentonan imprescindibel perfecto pa come nan so of como parti di un receta, por ehempel, cu yoghurt.
Ya sea di color cora, preto, no lage di purbe como acompañamento pa smoothies, tert of otro dessert.
SUDOKU SOPI DI LETRANAN
Un feliz comienso di weekend colma cu hopi amor y bendicion di Dios.
Stima Señor, bo Dios, di henter bo curason, cu henter bo alma, cu henter bo mente, y cu tur bo forsa. E di dos mandamento mes importante: ”Stima bo prohimo manera cu bo ta stima bo mes. No tin ningun otro mandamento cu ta mas importante cu esakinan.” (Marco 12, 30-31)
Dios a crea bo segun su imagen, a duna bo e mesun capacidad pa stima, a supla den bo e mesun rosea di amor. Si bo ta cristian, bo tin cu tuma e antorcha di amor for di Cristo, carge cendi durante henter bo bida, y pase despues na bo yiunan, na bo amigonan y coleganan. E antorcha di amor aki tin cu pasa di man pa man, tin cu cende cas pa cas, ilumina curason pa curason y mente pa mente. Scuridad tin miedo di e antorcha di amor aki. Unda e antorcha aki ta cendi scuridad ta dirti bira nada, manera pida ijs. T’esaki ta amor: no ta nos a stima Dios prome, sino t'E a stima nos y a manda su Yiu pa E bira sacrificio pa pordon di nos picanan. (1Huan 4,10) Solamente ora bo ta descubri e tesoro cu ta den bo paden cu yama amor y solamente ora bo ta entrege na otro, lo bo ta feliz.
Oracion: Señor guia mi y proteha mi den Bo cosnan di haci di tur dia. Pa bo Amor ta semper hunto cu mi. Bo promesa ta real! No obstante ki tribulacion mi haya mi aden, mi sa cu Dios no ta laga mi bandona, den nomber di Hesus di Nazaret. Amen.
FORTALEZA PA FAMIA Scirbi pa Pastor Marcel Balootje. E FABOR DI DIOS TA RESTAURA NOS BIDA
E fabor mas grandi cu nos por ricibi di Dios ta bida eterna, pasobra pa gracia nos ta salba ( Efesionan 2:8-9).
Fabor di Dios, di Dios no ta algo cu ningun hende por kita for di bo, pasobra locual Dios bisa ta pa bo, ta pa bo e ta.
Noe a ricibi gracia y fabor di Dios y a construi e Arca, riba palabra y obedencia na Dios.
Awendia nos tambe por ricibi fabor di Dios, ora nos pone nos fe den Cristo Hesus, y confia den e palabra di Dios cu ta restaura bida di hende.
Dios mes ta haci nos limpi di nos pasado y ta duna nos un futuro briyante den Cristo Hesus.( 2 Corintionan 5:17).
Locual Dios ta haci pa nos, ningun hende no por haci pa nos,pasobra
hende ta priminti y lubida, Dios semper tey cu nos, Dios nunca lo bandona nos.
Pasobra wowo di Senjor ta move bay bin door di henter tera,pa e por sostene fuertemente esnan cu nan curason ta completamente di dj’E. ( 2 Corintionan 16;9).
Y nos sa cu Dios ta haci tur cos obra hunto pa bon, pa esnan cu ta stima Dios,pa esnan cu ta yama segun su proposito,( Romanonan 8;28).
Den Isaias 37 nos por mira con Rey Ezequias a ricibi fabor di Dios, cu a salba su bida y henter un pais.
Den e buki di Esther nos por mira con Esther ta ricibi fabor di Dios y henter un pueblo ta wordo salba.
Ora nos ta busca cara
hende.
Ta cu gracia Dios ta habri porta pa nos den bista di hende, porta cu ningun hende por sera, pasobra esey ta keda demostra door di Dios mes ora su man ta riba nos bida.
E wowonan di Senjor ta riba e hustonan y Su horea ta atento pa scucha nan sclamacion.( Salmo 34:15).
Pasobra Abo Senjor ta bendiciona e hende husto, manera cu un escudo bo ta rondone cu fabor.( Salmo 5:12).
Pa medio di fabor di Dios, nos ta alcansa metanan grandi den nos bida, cual ni placa, tampoco estudio por compara cune.
Pasobra tur sabiduria puro y santo cu ta bini di cielo ta pa motibo di favor di Dios.
Tur don y talento, ta un expresion di gracia y fabor di Dios den nos bida, pasobra tur cos bon ta bini di ariba for di nos Tata todopoderoso cu ta den cielo.
E bendicion y favor di Dios, ta alcansa nos bida, ora nos bida ta dedica na Dios, apartando nos mes di tur orguyo y falsedad, di tur arogancia, y tur inhusticia y malicia.
Ta dificil pa pone binja nobo den saco bieu, ta dificil hanja cosnan nobo, sin busca prome locual ta nobo den Cristo Hesus.
Busca fabor di Dios.
Gradicimento y Invitacion
di Dios , di henter nos curason, nos ta ricibi fabor di Dios, pasobra Dios ta bendiciona esnan cu ta dune prome lugar den nan bida.
Awendi pa falta di temor di Dios, hende ta keda sin ricibi fabor di Dios, pasobra Dios ta buscando bida limpi, puro, y dedica caminda e por derama su gracia y su fabor,
Pesey e palabra di Dios ta bisa nos: Ma busca prome e reino di Dios y su husticia y tur e cosnan aki lo wordo anadi na boso.( Mateo 6:33).
Ta nos fieldad na Dios ta demostra tur cos, pasobra ora nos no ta fiel na Dios, nos no tin stabilidad spiritual, nos ta tambalea y e enemigo ta stroba nos crecemento.
Hesus tabata crece den sabiduria y estatura,y den gracia serca Dios y
Pa medio di esaki famia kier a gradici tur esnan cu na un manera of otro a duna nos sosten, consuelo y forsa durante e tempo dificil cu e fayecimento y entiero di nos defunto stima:
ZELDA
MIRIAM STEENEN
Boso muestra di atencion ta di hopi aprecio y un gran sosten pa nos. Un danki na un y tur cu a manda carchi, krans, whatsapp, email y a hasi yamada nan telefonico. Tambe na Aurora Funeral Home pa cu su bon servicio y atencion.
Boso muestra di atenshon tabata un gran consuelo pa nos.
Na mes momento nos ta invita famia, bisiña-, amigo- y conocirnan pa compaña nos na 3 Santo Sacrificio di Misa Birgen di Fátima, Dakota dia:
Diadomingo 7 di september 2025 pa 6or pm
Diabierna 12 di september 2025 pa 7or pm
Diadomingo 14 di september 2025 pa 6or pm
Boso presencia ta altamente aprecia.
UN CHISPA DI EXTRA VITAMINA CELESTIAL PA NOS DOKTERNAN SPECIAL
Awe nos danki di curason Pa tur nos dokternan bon
Profesionalnan cu curason Trahando cu dedicacion Lady Ruth cu ta move aki aya den pueblo, ta scucha y No por para keto Hopi ta super contento Pa e.o. 3 dokter hopi atento Yudando tur patient Manera priminti den nan profesion di yuda y salba bida, pasobra nan ta stima Awe den nomber di pueblo Nos danki di curason Na e cabayeronan Dr. Aljaf, Dr. John Kock y na nos bunita y hopi lief Dr. Suyan Sneek, cu nos ta desea pa nan sa na bida, cu boso nos ta stima, nos ta gradici bon Dios pa boso bon trabaonan tur dia Yuda patientnan den famia Mas mihor nan ta bira cada dia, cu e tratamento y remedinan ricibi Aruba ta gradici Boso cada un pa boso experticio y capacidad Boso talentonan riba
tereno di remedi, trato cu amabilidad Boso ta e chispa di remedi Cu ta wordo bon usa Boso ta e chispa di vitamina cu ta inspira Duna patientnan mas speransa pa sigui enfrenta lucha y carga nan crus Pasobra na horizonte tin lus cu ta alegra Un lus na ken cada un di nos un dia lo wordo entrega Mientrastanto boso ta parti di e lus aki den tur sinceridad Unico den boso humilde manera cu specialidad Danki pa traha y sirbi pueblo cu amor pa prohimo den boso yamada y escogencia pa ta un bon Dokter tin biaha sin sosega suficiente, pero dispuesto Cu mente, alma y curason ora boso tende e grito di un of mas patient cu mester di boso ayudo cualkier ora di dia y boso bira pa nan e lus cu ta briya den malo y
den bon, Pa boso awe y semper Hopi bendicion di e Dokter riba tur dokter, nos bon Dios, cu ta den cada un di nos, nos sigui dun'E danki pa tur cos. Pa su guia, yudansa y intervencion Hunto cu Dios boso ta nos divino inspiracion. Un bearhug pa tur nos Dokternan na Aruba Y specialmente na beautiful y carismatico Dr. Suyan Sneek, Dr. Aljaf y Dr. John Kock sin duda Lady Ruth Den nomber di pueblo di Aruba