P1
DIALUNA 7 SEPTEMBER 2026
7 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
TA CONFIRMA CU MINISTRONAN A DUNA ORDO PA CERA CAMINDA CU BARANCA
A INICIA CU RESTAURACION DI CAS DEBROT
P2
DIAluna 7 september 2026
Accidente cu hende herida pa falta di preferencia na Palm Beach
Diasabra atardi a drenta informe di un accidente cu hende herida na e crusada di C.M.B. na Palm Beach,
mesora a dirigi tanto polis como ambulans na e sitio. Na yegada di e patruya a
bin compronde cu aki ta trata di un accidente pa falta di preferencia. Debi
na e impacto un chauffeur a resulta herida. Na yegada di e ambulans a atende e
victima y a transporte pa hospital.
Motociclista su so cu su so yegando rotonde banda di Superfood a perde control y a cay Diadomingo mainta a drenta informe di un incidente cu hende herida na rotonde Superfood, mesora a dirigi tanto polis como ambulans na e sitio. Na yegada di e patruya a bin compronde cu aki ta trata un motociclista riba un Hayabusa biniendo zuid riba Sasakiweg yegando e rotonde a baha caminda na man drechi ora di bay subi caminda bek ela perde control bula for di e brommer keda drey algun rond riba e santo resultando herida mientras e brommer mes a sigui lastra algun meter riba caminda. Na yegada di e ambulans nan a atende y a transporte pa hospital.
P3
DIAluna 7 september 2026
EVELYN WEVER-CROES TA FELICITA MARCEL DANIËLS DI HAAGSE HOGESCHOOL CU E CONDECORACION REAL PA SU TRABOU PA REINO Y PA ARUBA
ORANJESTAD – Cu hopi alegria y orguyo mi ta felicita Marcel Daniëls, docente na De Haagse Hogeschool, cu su merecido Condecoracion Real dia 25 di augustus ultimo. E reconocimento aki ta un aprecio pa su añanan di dedicacion pa aumenta conocemento y comprension na Hulanda riba nos paisnan den Caribe. Y mi ta orguyoso y contento di por a contribui na e Condecoracion aki.
Marcel a haci hopi mas cu loke normalmente ta wordo spera di un docente. El a compronde cu relacionnan den Reino no por wordo siña solamente for di buki
desde Den Haag. Pa por compronde Aruba, bo mester bin Aruba, papia cu nos pueblo, conoce nos realidad y escucha nos perspectiva.
Danki na su iniciativa, studiantenan di De Haagse Hogeschool di e materia “Koninkrijksrelaties” a bishita Aruba durante varios aña. Como ministerpresident, mi a recibi tres grupo di studiante, den 2023, 2024 y 2025. Cada aña e programa a crece y a bira mas profundo, cu participacion di mas studiante, expertonan y, eventualmente, tambe colaboracion cu Universidad di Aruba.
Esaki ta importante, pasobra tur dia tin decisionnan ta wordo tuma na Den Haag cu tin impacto directo riba Aruba, mientras cu conocemento di nos realidad no semper ta suficiente ayanan. Marcel ta contribui na prepara un generacion nobo di lidernan, conseheronan y profesionalnan cu tin un mihor comprension di e diferente paisnan den di
Reino.
Mi kier gradici Marcel tambe pa su colaboracion valioso cu nos gobierno Gabinete Wever-Croes y pa e manera profesional y constructivo cu el a contribui durante mi periodo como ministerpresident.
Su reconocimento ta bon mereci. Mi ta spera cu su ehempel lo wordo sigui door di hopi mas: construi brugnan, comparti conocemento y traha pa un relacion mas igual y respetuoso den di Reino.
Felicitacion, Marcel, y danki pa loke bo a haci pa Aruba y pa Reino.
P4
DIAluna 7 september 2026
MIENTRAS MUNDO AWE TA CELEBRA DIA DI AIRE LIMPI, NOS BARIONAN TA PIDI AUXILIO
Aruba – Awe, 7 di September, United Nations ta conmemora Dia Internacional di Aire Limpi pa un Cielo Blauw. Ta un dia dedica na algo cu tur hende mester por considera normal: habri porta di bo cas, hala
a pone cu mal holo di aire sushi por yega den nan cas y nan ambiente na cualkier momento cu cualkier direccion di biento. Pa e residentenan, esaki no ta solamente un asunto di
rosea profundamente y respira aire limpi pa un bon salud y bienestar.
un holo desagradabel. Ta e calidad di bida y salud di famia; nan muchanan y nan grandinan.
Pero pa hopi famia di Simeon Antonio, Kas Paloma, Parkietenbos, Buena Vista y Mahuma, esaki no ta nan realidad.
E realidad ta particularmente doloroso pa nos muchanan y nos adultonan mayor. Muchanan nan pulmon
For di mainta ora nan lanta, habitantenan ta sinti e biento di Aruba cu tabata fresco y limpi y nan ta
ta ainda den desaroyo, mientras cu hopi persona di edad tin condicionnan respiratorio of otro
puntra nan mes: Con e aire lo ta awe? Nos por habri bentana? E muchanan por hunga afo? Nos
condicionnan cu ta haci nan mas vulnerabel.
grandinan por sinta den patio? Mientras e mal holo di Ser’I Teishi, Barcadera y Dump na Parkietenbos cu ta drenta cas no ta pidi permiso. Durante hopi aña, e barionan aki a keda confronta cu consecuencia di actividadnan di mal maneho di desperdicio den nan cercania sin tene cuenta cu e habitantenan di e barionan. E dump bieu na Parkietenbos, deramento di sushi na Ser'i Teishi y actividadnan relaciona cu maneho di desperdicio na Barcadera
Tin famia cu, pa proteha salud y bienestar di nan sernan keri, ta biba separa di nan grandinan. Tin tambe caso reporta di miembro di famia cu mester uza mashin di oxigeno. GOBIERNO TIN E DEBER DI CUIDA Y PROTEHA SU PUEBLO Mientras na otro parti di mundo hende ta papia di cielo blauw y importancia di aire limpi, den Simeon Antonio, Kas Paloma, Parkietenbos, Buena Vista y Mahuma tin famianan cu simplemente ta pidi: “Laga nos hala rosea di aire limpi.” Nos no ta pidi luho ni
trato special. Nos ta pidi e mesun calidad di bida cu tur otro famianan na Aruba ta disfruta di dje. Ta deber di Gobierno cuida y proteha su pueblo. Ora un situacion ta afecta salud, bienestar y calidad di bida di un comunidad, Gobierno tin responsabilidad di investiga loke ta pasando, coregi loke ta robes y percura pa e problema no sigui causa sufrimento pa e comunidad.
cura di nan cas, halando rosea di aire limpi. Nos ta pidi pa famianan por habri nan porta y bentana sin miedo di cu un mal holo lo yena nan cas. Nos ta pidi pa hende cu problema respiratorio por sinti nan mes protegi den nan propio hogar.
Y, riba tur cos, nos ta pidi pa e famianan di Simeon Antonio, Kas Paloma, Parkietenbos, Buena Vista y
Nos ta pidi pa un mucha por hunga pafo sin cu su mayornan mester preocupa di e aire.
Mahuma por bolbe biba un bida normal.
Nos ta pidi pa nos grandinan por sinta den
AUXILIO
Stichting Parkietenbos ta spera cu awe cu ta Dia Internacional di Aire Limpi y Shelo Blauw 2026 no lo pasa como simplemente otro fecha riba calendario. Laga e dia aki marca e momento cu nos pais a scucha e grito di auxilio di e barionan y Gobierno cuminsa cu e trabou necesario pa yuda e habitantenan di e barionan concerni recupera nan derecho di biba y hala rosea normal di aire limpi. Stichting Parkietenbos R e p r e s e n t a n d o habitantenan di Simeon Antonio, Kas Paloma, Parkietenbos, Buena Vista y Mahuma.
DIAluna 7 september 2026
P5
P6
DIAluna 7 september 2026
Preparacion pa benta di klapchi:
ANUNCIO FECHA PA ENTREGA FORMULARIO PA PERMISO PABENTA DI KLAPCHI PA AÑA 2026 entrega solamente na Warda di Polis situa na Shaba. Por entrega e formulario desde awor te cu diamars 17 november 2026.
Santa Cruz, ARUBA: Cuerpo Policial Aruba ta informa na tur persona cu kier bende klapchi pa aña 2026, pa
tene bon cuenta pa e fecha cu por cuminsa entrega esaki. Tene bon cuenta cu e aña aki e formulario por wordo
Cuerpo Policial ta informa cu despues di e fecha menciona, no lo acepta ningun formulario pa peticion pa permiso
pa
benta
di
klapchi. Ta pidi tur hende pa por fabor tene bon cuenta di
e cambio menciona. Pa despues bo no hayabo cu sorpresa desagradabel of perdida financiero.
Polis a detene chauffeur di pick-up cu tabata pata pata y cu a core riba 3 wiel y a accidenta
Diasabra madruga a drenta informe di un accidente na Boegoeroei, mesora a dirigi patruyanan na e sitio. Na yegada di e patruya a bin compronde cu aki ta trata di un pick-
up coriendo riba 3 wiel y a perde controla bay banda robes ranca poco matanan djey bay banda drechi bay para hera dal un cura di cas. E chauffeur tabata patapata cu tabata
mester 4 polis pa sak’e for di e pick-up y pon’e den e vehiculo di transporte di detenidonan. Polis a keda busca e wiel cu a kita y no a logra hay’e den madruga.
P7
DIAluna 7 september 2026
Ta confirma cu ministronan a duna ordo pa cera caminda cu baranca Durante fin di siman un berdad cruel a sali na cla despues cu Sr. Greg Peterson di Aruba Birdlife Conservation a duna un entrevista. Den e entrevista aki, el a confirma cu e ceramento di e camindanan pa bay costa noord a wordo haci pa ordo di e ministronan di gobierno di Aruba. Den e mesun declaracion, el a duna di conoce cu e ministronan ta hopi confundi y cu tin un problema di comunicacion interno entre nan, pero a remarca cu ningun hende por cera un caminda
si no ta pa ordo directo di un ministro.
Cu e declaracion aki a sali na cla un berdad nobo cu ta contradici locual Wendrick Cecilia y ministro Baaba Herde a declara anteriormente. Locual nan a bisa, cu nan no a cera e camindanan, tabata un mentira, pasobra awor ta keda confirma cu sí tabatin ordo di parti di e ministronan pa cera e camindanan ey.
DIAluna 7 september 2026
A inicia cu restauracion di Cas Debrot
protegi. E proyecto lo ta financia pa Nationaal Restauratiefonds na Hulanda y Aruba Bank N.V.
Historia Cas Debrot
Dialuna 31 di augustus a duna inicio na e di dos fase di e proyecto di restauracion di Cas Debrot na Caya Betico Croes 98. E proyecto lo ta bou di guia di Hoevertsz ArchiDesign N.V.. E contratista General Property Services lo ta encarga cu e ehecucion di e trabounan di restauracion hunto cu e bouwteam consistiendo di Protec, Hecom, Smart Systems, CCC plumbing, Emre Carpentry yAbeso.
Ta planea pa termina e proyecto na principio di 2027. Una bes finalisa Stichting Monumentenfonds Aruba lo muda pa nan oficina nobo na e prome piso y e piso di abou lo keda di huur cu otro organisacion. Na 2024 Stichting Monumentenfonds Aruba a cumpra e edificio for di famia Debrot y Monumentenbureau a apunta e edificio como monumento
Jose Maria (Boy) Debrot, un comerciante di Boneiro debi na e boom economico di Aruba, cu e yegada di e refineria, a dicidi di bin biba akinan cu su mayornan. Ora cu nan a yega Aruba na 1929, nan a habri un general store na Nassaustraat 94, banda di e parcela unda despues lo a construi Cas Debrot. E tienda tabata opera bou di e firma E.F. Debrot Sucs Inc., nombra pa su tata, Eduard Ferdinand Debrot. E negoshi di importacion y exportacion na Aruba, tabata bende entre otro rum, gin, jukebox te cu mueble pa oficina y air conditioners.
Na 1929 Jose Maria a casa cu Elia Capriles, di Puerto Cabello, Venezuela y a bay un luna di miel largo na Europa. Probablemente durante e periodo aki, e construccion di nan cas di famia combina cu un espacio comercial a inicia y a keda completa despues di nan regreso. Ora e cas tabata cla, a muebl’e cu articulonan cumpra na Europa. E artista Pandelis a pinta e storia di Red Riding Hood riba e murayanan di e camber di Edward y su ruman Oswald, pero lamentablemente, a verf riba dje ora a huur e cas. Famia Debrot a biba den e cas te na 1941 prome cu a muda pa Venezuela durante di Dos Guera Mundial.
E edificio a pasa pa varios cambionan den historia y a sirbi un rol importante den bida comercial di
P8
Oranjestad como entre otro oficina di Hollandsche Bank Unie, consolado di Venezuela, Debrot Hardware Store, Nassau Shoe Shop, Theresita’s Beauty shop y mas. Den aña 1950, e piso abou a bira e oficina di Hollandsche Bank Unie N.V., mientras cu consulado Venezolano tabata localisa na e di dos piso te cu añanan 70. Su estilo arkitectonico actual ta refleha un impresionante diseño NeoBarok Latino-Americano. E diseño original tabata contene un balcon dilanti cu portanan dobel, tres set di porta dobbel na e piso di abou y un set di porta dobbel pa bay na e piso di ariba. Na e parti west tabata tin un bunita hardin di rosa cu decoracion di hekwerk di hero.
P9
DIALUNA 7 DI SEPTEMBER 2026
Minister Rene Herdé:
Dialogo constructivo cu sector di tours ta habri caminda pa solucion balansa y representantenan di departamentonan concerni. Durante e encuentro a duna amplio espacio na e presentenan pa expresa nan preocupacionnan, comparti nan experiencia y presenta sugerencianan pa atende e situacion. Segun Minister Herdé, e dialogo a transcuri den un ambiente habri y constructivo, cu diferente sugerencia valido cu Gobierno lo tene debidamente na cuenta den e siguiente pasonan.
Minister di Vivienda, Infrastr uctura, Servicio Interno y Te l e c o m u n i c a c i o n , Rene Herdé, a tene un encuentro amplio cu
representantenan di e sector di tours pa dialoga riba e situacion actual relaciona cu acceso y rutanan alternativo pa operacion di tours na Noordoostkust. E encuentro a conta cu un participacion grandi di representantenan di e sector, cu a yena e sala completamente. Minister Herdé tabata acompaña pa su colega, Minister di Turismo, Transporte y Labor Wendrick Cicilia, como tambe diferente consehero
Di banda di Gobierno, e ministernan y departamentonan concerni a brinda e splicacionnan posibel riba e situacion y e proceso andando. Minister Herdé a enfatisa cu prioridad ta pa busca un solucion lo mas pronto posibel, pero na mes momento haci esaki di forma responsable y cu debido atencion pa tur e interesnan envolvi. Grupo di trabou pa sigui cu dialogoUn resultado importante di e encuentro ta cu un grupo di representantenan di e operadornan di UTV/ ATV a yega na acuerdo pa participa den un grupo di trabou, pa sigui cu e dialogo riba tur aspecto di
e operacion di UTV/ATV awor y den futuro. E intencion ta pa mantene contacto cu e sector mientras Gobierno ta sigui atende e diferente aspectonan cu ta forma parti di e situacion. Como siguiente paso, Gobierno lo reuni dialuna awor cu Aruba Birdlife Conservation (ABC) cu e intencion di explora posibilidad pa yega na un acuerdo. Den caso cu no logra yega na un entendemento, Gobierno ta prepara pa defende su posicion den Corte y despues sigui e proceso cu e tour operators pa yega na acuerdonan concreto pa nan actividadnan. Meta ta balansa
un
solucion
Minister Herdé a enfatisa cu Gobierno su meta ta pa yega na un solucion cu ta tene cuenta cu e diferente interesnan envolvi, incluyendo continuidad di e tournan, e trabou di tur e hendenan cu ta traha como tourguides, pero tambe traha den cuadro di ley y proteccion di naturalesa y medio ambiente di nos isla. E participacion grandi y e intercambio di idea durante e encuentro a demonstra e importancia di mantene e dialogo habri. Gobierno di Aruba ta sigui traha cu sentido di urgencia pa yega na un solucion realistico, balansa y sostenibel, cu por brinda claridad na e sector y atende debidamente e situacion actual.
P 10
DIALUNA 7 DI SEPTEMBER 2026
DIASABRA DIA 5 DI SEPTEMBER 2026
tabata director di Departamento di Labor pa cual e tabata hopi bon den e tereno di asuntonan laboral. Sr.Marco tabata presidente di Stichting International Raceway Park Palo Marga y a dirigi esaki pa 8 Aña largo y hopi stima y aprecia pa e coredornan pa loke e la haci pa e deporte di Dragracing na Aruba un baluerte grandi. Sr.Marco I.Bislip tabata director di Plan E Desaroyo San Nicolas y Vecindario cu ta parti di Plan Sasaki na unda a ehecuta hopi projectonan grandi entrenan e Community Pool San Nicolas y e Pisina Olimpico Roly Bisslick na Savaneta. Sr.Marco Bislip a funda Lotto Pa Deporte hunto cu Roy van Putten y Remy Zaandam na unda awe ta ofecina di gobierno panort di Filomena Colege. Sr.Marco I.Bislip ta un persona cu semper a dedica su bida na su patria Aruba y semper a yuda tur hende, un persona hopi social, un tremendo tata, un rol model pa henter su famia y pa Aruba.
SR.MARCO ISMAEL BISLIP A CUMPLI 5 ANJA DI SU FAYECIMIENTO Tabata ariba un Diadomingo mainta trempan entre 5’or di mainta pa 5:30 am di mainta ariba Dia 5 di September 2021 cu Sr.Marco I.Bislip un baluarte grandi y luchador a bai sosega pa semper. Sr.Marco I.Bislip ta naci Dia 19 di November 1943. Sr.Marco I. Bislip a bai LTS y a bishita John F.Kennedy Tecnische School. Despues di a caba su Technische School Marco I.Bislip a bai traha na un tienda hopi conoci den caya di San Nicolas esta Fanny Shop un trahador ehemplar y hopi confiansa di Fanny Shop . Sr.Marco tabata tambe den su tempo liber sirbidor di pastor na Misa Sta.Teresita na San Nicolas. Sr.Marco tabata tambe miembro di Oranje Kruis di Rode Kruis e la traha voluntariamente como safeguard na Eagle Beach den e torennan di observacion pa tira bista na e publiconan cu tabata bishita nos beach y lama na Eagle Beach. Sr.Marco ta un baluerte di nos carnaval un carnavalista grandi e la participa den e dos gruponan di su famia y reina di grupo di carnaval esta Sidonia e la participa den e grupo africano y chines cu a gana como grupo di carnaval ganando Tivoli y Caribe. Sr.Marco tabata tambe presidente di e team di beisball Pepsi Cola tabata tambe presidente di ABBA Amateur Beisball Bond Aruba. Sr.Marco tabata gusta e tereno di weight lifting y tabata train hisa barbell. Sr.Marco ta un musico tambe y a forma parti di e orguesta di maestro Fred Muller y tabata toca na hotel. Sr.Marco mescos cu su tata ta musico specialisa den percusion pa cual famia Bislip ta conoci pa ta bon.Sr.Marco ta musico dor di su
tata cu tabata tin e prome orguesta musical na Aruba. Sr.Marco I. Bislip a bai traha despues na Elmar.Na Elmar Marco I. Bislip a inicia como magazijn meester y despues a sigi pa e departamento di administratie.
Sr.Marco I.Bislip a bai den sindicalismo e ta funda UEA Union Electricista Arubano mihor conoci como e sindicato di trahadornan di Elmar.Sr.Ridderstad y Sr.Bislip ta e fundadornan di UEA.Sr.Marco I.Bislip a bai studia sindicalismo na Venezuela esta CLAT. Sr.Marco I.Bislip ta un baluarte cu a dirigi e welga na 1972 na unda a pone Aruba plat pa hanja derecho di trahadornan Sr.Marco I.Bislip tabata hunto cu Clarens Richardson di FTA. Sr.Marco I.Bislip a drenta e mundo di politica na 1971 y tabata fundador di partido MEP Movimiento Electoral di Pueblo hunto cu Betico Croes.Sr.Marco I.Bislip awordo aserca pa Sr.Maty Vrolijk pa e por bai den e tereno politico y Sr.Watty Vos.Sr.Marco I.Bislip tabata hunto cu Sr.Watty Voz den Jaycees Aruba Junior Chamber Leadership trainining. Sr.Marco I.Bislip ta sali for di un famia hopi humilde semper e la yuda tur hende esunnan mas den necesidad social.
Betico Croes a mira algo grandi den Sr.Marco I.Bislip un homber di confiansa y na hopi ocacion e la pone e confiansa den Sr.Marco I.Bislip como lider di fraccion di MEP Movimiento Electoral di Pueblo. Na 1971 Sr.Marco I. Bislip no por a bai ariba lista paso e tabata traha na Elmar y ta na 1972 cu Sr.Marco I.Bislip a bai ariba lista di MEP Movimiento Electoral di Pueblo.
Sr.Marco I.Bislip tabata exeilandstraatlid di gobierno di territorio insular di Aruba y tabata fractieleider di MEP un politico grandi den su forma pa trece su ponencianan y discursonan y kere semper den e lucha pa Aruba ta liber Independiente Gemenebest cu Hulanda commonwealth. Sr.Marco I.Bislip tabata diputado di gobierno insular di Aruba. Tambe statenlid di Antiyanan Hulandes.Sr.Marco I.Bislip den e periodo di Anja 71 pa Anja 1985 Sr.Marco I.Bislip tabata eilandstraatlid, diputado di gobierno insular di Aruba y statenlid di Antiyanan Hulandes. Sr.Marco I.Bislip tabata den tur comision y gruponan di trabou. Sr.Marco I.Bislip ta un di e miembronan di delegacion di Mesa Rondo 1981 y Mesa Rondo 1983 hunto cu Betico Croes na Hulanda. Sr.Marco I.Bislip hunto cu Betico Croes, Daniel Leo, Frans Figaroa, John van der Kuyp, Roland Lacle y otronan a lucha pa awe Aruba na 1976 a hanja su himno, su bandera, su ortografia papiamento y su moneda y placa arubiano. Na 1972 e lucha di Satus Aparte a inicia y na 1976 a inicia cu e lucha pa Aruba su Independencia Gemenebest cu Hulanda na unda pueblo di Aruba pa medio di un referendum a vota cu un mayoria pa Aruba por bira pais liber Independiente Gemenebest cu Hulanda. Sr.Marco I.Bislip tabata tambe presidente di ABA Aruba Amateur Boxing Asociation.Sr.Marco
E perdida di Sr.Marco I.Bislip ta grandi y esei nos como famia a sinti esaki tambe den comunidad na momento cu e noticia tristo a keda conoci den comunidad y con henter un pueblo a lamenta e fayecimiento di Sr.Marco I.Bislip via telefon, na radio, via what’s app, messenger y facebook y te ainda nos ta ricibi jamadanan y mensage ariba social media esei ta mustra con grandi e amor y aprecio di pueblo ta pa Sr.Marco I.Bislip. Sr.Marco I.Bislip awordo interna na hospital Dia 27 di Augustus 2021 hunto cu su you homber mayor pa e variante Delta Covid pero Sr.Marco I.Bislip no a fayece di e variante Delta y Covid paso ya e medicamento a trata e variante Sr.Marco I.Bislip a fayece di curason cu tabata swak y no tabata tin forsa mas pero asina mes Sr.Bislip a lucha te na final pero a perde e bataya su deseo tabata di sigi biba pa wak su bisanietonan crece pero su sonjo no por awordo cumpli paso su curason a stop di traha.
P 11
DIALUNA 7 DI SEPTEMBER 2026
Parlamentario Ing. Carlos Bermudez ta sigui cu su compromiso pa acceso liber na beach, sostenibilidad, economia y bienestar di pueblo Parti 2
ORANJESTAD (6 di september 2026) – Como continuacion di su evaluacion na apertura di e aña parlamentario nobo, Parlamentario di AVP, Ing. Carlos Bermudez, ta destaca otro temanan importante cu a forma parti di su trabou durante e periodo anterior y cu lo sigui haya atencion den e lunanan cu ta bin.Den e prome parti, Bermudez a enfoca riba transporte, derecho laboral y infrastructura. Den e segundo parti aki, e parlamentario ta amplia riba proteccion di acceso liber na beach y palapanan, naturaleza, sector primario, diversificacion economico, salud, empleado publico y otro reto strategico pa futuro di Aruba. Proteccion di acceso liber na beachnan y un maneho husto di palapanan a forma un parti importante di su agenda. Bermudez a entrega un mocion pa solicita un beach policy cla,
transparente y aplicabel, cu ta salvaguardia e derecho di localnan y bishitantenan pa disfruta libremente di nos beachnan.E parlamentario ta satisfecho cu gobierno a duna oido na e preocupacion aki y a anuncia ahuste di e politica existente. Sinembargo, e lo sigui monitor implementacion, pa evita confusion, apropiacion indebido di espacio publico of un situacion caminda hende mester paga of mendiga pa haya acceso na un beach of palapa publico. “Nos beachnan ta patrimonio natural y cultural di Aruba. Desaroyo turistico ta importante, pero acceso liber di pueblo mester keda proteha,” Bermudez a declara.Den e mesun espirito di balans, Bermudez a participa den dialogo cu operadornan di UTV/ATV tocante proteccion di naturaleza, siguridad y continuidad di trabou local. Su posicion ta cu naturaleza mester wordo proteha seriamente, pero cualkier medida mester ta cla, proporcional y prepara den dialogo cu e sector. Pa Bermudez, e solucion no ta scoge entre naturaleza of economia. Aruba mester busca un modelo cu ta proteha areanan vulnerabel, garantisa siguridad y comportacion
responsabel, mientras e ta ofrece empresarionan y trahadornan local un marco cla pa funciona. Den sector primario, e parlamentario a sostene inversion den piscamento, incluyendo instalacion di boeinan artificial na punto strategico pa atrae mas pisca. Bermudez, kende personalmente conoce e realidad di piscamento via experiencia cu su difunto tata, Dominico “Do” Bermudez, ta considera cu fortalece piscamento ta inverti den produccion local y siguridad alimentario. El a destaca cu piscadonan ta enfrenta costo di combustibel, mantencion di boto, riesgo y incertidumbre cada biaha cu nan subi lama. P’esey, politica y publico mester reconoce nan contribucion y promove dialogo entre piscadonan, gobierno y defensornan di medio ambiente y bida marino.Riba tereno economico, Bermudez a destaca incentivonan fiscal pa starters, profesionalnan cu kier bolbe Aruba, revitalisacion di San Nicolas y Oranjestad, Freezone y oportunidadnan den FinTech.E incentivonan aki por yuda crea negoshi nobo, atrae inversion y ofrece hobennan profesional un motibo pa regresa Aruba. Segun Bermudez,
diversificacion economico ta esencial pa Aruba no keda depende exclusivamente di turismo.Tambe el a sostene un vision nobo pa e extereno di refineria, combina cu desmantelamento, saneamento, transicion energetico, innovacion y actividad economico nobo. E posibilidadnan menciona a inclui sector comercial, cultural, industrial y tecnologico, incluyendo FinTech y bitcoin mining, semper bou di condicionnan responsabel y sostenibel. “Si nos kier retene nos hobennan, nos no por sigui pensa solamente den modelonan di ayera. Nos mester crea espacio pa innovacion, creatividad y oportunidad nobo,” Bermudez a enfatisa. Su trabou a inclui tambe preparacion pa embehecemento di poblacion. E tendencia aki tin implicacion serio pa salud, infrastructura, pensioen y mercado laboral. Bermudez ta sostene mas flexibilidad pa grandinan cu kier sigui activo despues di pensioen y condicionnan cu reconoce nan experiencia y contribucion. Na mes momento, e ta considera esencial crea un programa structural pa profesionalnan Arubiano cu a studia den exterior por bolbe cas. Salario, costo di bida, oportunidad laboral y perspectiva di futuro ta factornan cu mester wordo atende si Aruba kier recupera su talento.Otro tema ta trato husto pa empleadonan publico y funcionamento di Departamento di Recurso Humano. Bermudez a pidi mas transparencia, revision di casonan pendiente y solucion pa procesonan of
promocionnan cu a keda tranca durante aña.“Respet pa empleado publico no ta un luho. Ora profesionalnan ta sinti nan mes balora y trata hustamente, e aparato gubernamental henter ta funciona miho,” el a expresa. Den area di salud, su bishita na Hospital Internacional de Colombia na Bucaramanga a permitie conoce mas di cerca e tratamento, tecnologia y servicio specialisa disponibel pa pashentnan Arubiano. E experiencia a confirma e importancia pa Aruba mantene contacto y cooperacion cu institucionnan cu ta atende nos ciudadanonan den exterior.Riba tereno internacional, Bermudez a solicita claridad tocante un eventual reapertura di frontera cu Venezuela. E parlamentario ta sostene cu cualkier decision mester wordo prepara responsabelmente y tene cuenta cu siguridad, economia, trafico maritimo y aereo, y e realidad geopolitico den region y Reino Hulandes.Durante e aña parlamentario nobo, Bermudez lo sigui acerca e ministernan concerni y monitor si mocionnan, preguntanan y compromiso ta conduci na resultado concreto. “Mi compromiso ta pa sigui scucha, sigui puntra, sigui controla y, mas importante, sigui busca solucion. Pueblo no ta spera solamente palabra; pueblo ta spera resultado. Cu dialogo, determinacion y trabou serio, nos por sigui construi un Aruba mas husto, sigur, ordena y sostenibel pa nos tur,” asina Parlamentario Carlos Bermudez a conclui.
P 12
DIALUNA 7 DI SEPTEMBER 2026
2 corto metrahe Arubano cu estreno Internacional
E PESO DI MUNDO Y ADRIFT WAK LEU LO TIN NAN ESTRENO EUROPEO NA NEDERLANDS FILM FESTIVAL Siman pasa riba e pantayanan di seis edicion di Playa Film Festival tawata tin e estreno mundial di e corto Metrahenan Rubiano E PESO DI MUNDO di director renombra Juan Francisco Pardo y e estreno International di ADRIFT WAK LEU di director debutante Velvet
Zoé Ramos den salanan sold-out! E PESO DI MUNDO tawtata tin su estreno Mundial, ADRIFT WAK LEU a estrena na April na e Curaçao International Film Festival caba, haciendo esaki su estreno I nter n ac ion a l. S T U DIO CARIBE
28 di September ambos pelicula lo presenta den e programa di Studio Caribe films na e Nederlands Film Festival na Utrecht, hunto cu e tres pelicula di Corsow cu a financia cu fondonan di e programa special di Nederlands Film Fonds. Studio Caribe ta un programa cu tin e meta pa apoya y profesionalisa e industria cinematografico di Caribe Hulandes. Na 2024 a scohe 12 projecto for di mas cu 60 peticionnan pa drenta ae fase di desaroyo. Banda di un apoyo financiero a ofrece tayernan y coahcing activo. Di e 12 proyecto, na 2025 a scohe 6 pa bay den produccion. E PESO DI MUNDO a realisa cu fondonan adicional di Het Cultuurfonds Caribisch gebied, Y ADRIFT WAK LEU a haya un extra apoyo financiero di Subway Aruba. FESTIVALSDi e peliculanan desaroya y produci den e programa di Studio Caribe, ADRIFT WAK LEU, y MANE
HOMBU dirigi pa Ango Lourens di Corsow tawata tin nan estreno mundial na Curaçao International Films Festival April 2026. E dos pelicula aki hunto cu E PESO DI MUNDO a screen na Playa Film Festival fin di augustus pasa, y fin di September lo añadi e animacion ALA di Stephanie van Heijningen y PERDÍ di QD Navarro
(ambos tambe di Corsow) pa completa e programa STUDIO CARIBE PREMIERES na Het Nederlands Film Festival. ADRIFT WAK LEU lo tambe estrena na Trinidad and Tobago Film Festival 23-27 di September y na October na Conch Shell International Film Festival na New York.
P 13
DIALUNA 7 DI SEPTEMBER 2026
FORTALEZA PA FAMIA Scirbi pa Pastor Marcel Balootje.
SEA AGRADECIDO NA DIOS Duna gradicimento na Senjor invoca Su nomber, haci Su hechonan conoci den e pueblonan.( Salmo 105:1)Oranos duna testimonio di locual Dios a haci, no ta pa nos halsa nos mes, pero ta pa nos halsa e nomber di Dios, Su poder, Su misericordia y Su compasion cu e tin cu nos , y tur locual nos papia ta pa Dios ricibi tur honor y gloria, pasobra nos no por a logra si Dios no a interveni.Hende no por biba independiente di Dios, pasobra Dios tin control y Dios ta riba tur cos, pesey tur dia 24/7 nos mester ta agradecido na Dios pa tur locual cu E a haci den nos bida y tur locual E ta bay haci den nos bida. Nos confiansa den Dios, ta haci Dios contento, pasobra esey ta demostra cu no solamente nos ta papia di Dios, pero cu nos ta kere den Dios cu E ta capas y E tin tur poder. Pa Dios no tin nada imposibel, ta hende mester kere, tur cos ta posibel pa esun cu ta kere, no lubida locual ta para scirbi den Lucas 1:37.Gratitud ta boluntad di Dios, hende mester keda gradici Dios tur momento, e palabra di Dios ta bisa den Filipensenan 4:6-7: No preocupa pa nada,ma den tur cos,pa medio di oracion y suplica cu gradicimento,
Dios tur momento, pasobra Dios ta donjo di nos bida, y nos rosea. E tin poder pa halsa hende y E tin poder pa baha hende, pesey hende nunca mester lubida locual Dios a haci pa nan. Cuanto biaha un hende ta riba cama di malesa, y e ta grita Senjor, Senjor, yudami por fabor, pero ora e lanta for di e cama, segun tempo ta pasa e ta lubida riba e Dios cu a sane, y e no ta bishita cas di Dios ni sikiera pa gradici. laga boso peticionnan ta conoci dilanti di Dios. Y e pas di Dios, cu ta surpasa tur comprondemento, lo warda boso curason y boso mente den Cristo Hesus No preocupa ora bo haci algo pa un hende, y e hende lubida, no tira nada na cara di ningun hende, kico bo a haci pa nan. Pasobra den cielo Dios mes ta nota tur locual nos haci bon of malo. Pasobra na final E mes lo regla cuenta cu nos di tur locual nos a haci sea bon of malo.Si un hende mester paga bo cu malo y abo a haci bon cune, no preocupa, sigi pusha pa bo bay dilanti, laga esey ta un piedra pa bo trapa riba dje pa bo alcansa bo meta, nunca stop di haci bon pa motibo di hende malagradeci. Sigi perservera, y riba tur cos no paga malo cu malo. Pesey nos tin cu gradici
Tin biaha hende ta comporta nan mes cu Dios, manera un mucha cu a wordo bon cria den cas, y cu semper su mayornan a para na su banda y dune tur cos, y awor cu e bira grandi, su mayornan ta yame pa un bishita, e no ta worry cu telefon, tur momento e ta ganja cu e lo pasa, pero e no ta pasa. Nos tin cu corda cu ta Dios tin nos man tene, wak kico su palabra ta bisa den Salmo 119:105.Wak kico su palabra ta bisa den Juan 15:5 y para keto un rato y sea agradecido na Dios, Kende hasta den bo sonjo E ta cuida bo. Duna gradicimento na Senjor, pasobra E ta bon, pasobra Su misericordia ta pa semper.(Salmo 136:1). Sea agradecido na Dios den tur cos.Sinceramente, Pastor Marcel Balootje.
P 14
DIALUNA 7 DI SEPTEMBER 2026
Dokter Miguel Genser a test e atletanan di Taekwondo Team Aruba
Den fin di siman Dokter Miguel Genser di Chaco Taekwondo Academy a haci un chekeo medico cu e atletanan di Taekwondo Team Aruba na Cuts & Curves Gym situa na Sero Patrishi cu asistencia di Señora Cindy Wernet.Un di e plannan di Taekwondo Team Aruba ta pa controla e atletanan cada cuartal, specialmente nan fysieke bouw cu ta algo cu no por ignora. E preparacion di e atletanan
di Taekwondo Team Aruba ta cuminsa for di infantil te cu adulto. Dokter Miguel Genser a check nan Statura, Peso, BMI y controla nan Sistema Cardiovascular y tur siman despues di training ta check nan Peso. Algun atleta a haña informacion di kiko tur nan mester tene cuenta cune den nan bida normal y pa nan preparacionnan pa nan proximo campeonatonan.
P 15
DIALUNA 7 DI SEPTEMBER 2026
REFLECCION
BO TA PAPIA DI HESUS, PERO BO NO TA PAPIA CU BAUTISMO MESTER TA NA BABY Bijbel Echonan 2: 38 y 39; “Pedro a contesta: Comberti y laga cada un di boso ricibi bautismo den nomber di Hesu-Cristo pa pordon di boso pikanan. Y Dios lo duna boso E Spirito Santo, pasobra e promesa ta pa bosonan y pa boso yiunan y pa tur e hendenan cu Senjor ta yama.” E palabra comberti pa pordon di boso pikanan, esaki ta pa e hudiunan y tur hende cu no a ricibi e bautismo di Hesus. Hendenan y hudiunan nan mester kere den Cristo-Hesus y nan mester confesa nan pikanan, pa despues nan por ricibi e bautismo. Pero e bautismo di Cristo-Hesus tambe ta pa e yiunan, yiunan tambe ta inclui e babynan recien naci, pa nan tambe por ricibi e promesanan di bira tempel di Spirito Santo y pa nan bira yiunan di Dios Tata y heredero di e Gloria Eterna. Bijbel Echonan 16: 29 -32; “E wardador di preso a pidi lus, e’l a core bay paden y a cay temblando na pia di Pablo y Silas. Despues e’l a hibanan pafor y a bisa: Shonnan kiko mi tin di haci pa mi haya salbacion? Nan a contesta: Kere den Senjor Hesus y tanto abo como bo hendenan di cas
lo ta salba. Despues nan a predica e palabra di Senjor na e wardador di preso y tur hende cu tabata tin den su cas. E mes ora di anochi ey, e’l a bay cu nan y a laba nan heridanan. Despues e wardador di preso y tur su famia den cas a ricibi bautismo.” Despues cu e wardador di preso y su famia a scucha e palabra di Senjor y nan a kere den Cristo Hesus, nan tur incluyendo yiunan y babynan a ricibi e bautismo, pasobra famia ta yiunan y babynan. Bijbel Mateo 28: 18 -20; “Hesus a yega cerca y a bisanan: Na Mi ta duna tur poder den Cielo y na tera. Bay pues y haci tur pueblo bira Mi discipel y bautisa nan den Nomber di Tata y di Yiu y di Spirito Santo y sinjanan warda tur loke Mi a manda boso. Mira, Mi ta cu bosonan tur dia te na cabamento di mundo.” Akinan Hesus a manda Su Apostelnan pa bay predica, pa tur pueblonan di mundo kere y bira discipel di Hesus. Pero e palabra di sinja hendenan y di warda e palabranan di Dios, esaki ta pa e mayornan, tatanan y mamanan cu nan mester sinja nan yiunan y nan babynan ora cu nan crece, di warda e Palabranan
di Dios. Pesey, akinan Hesus ta pone e Bautismo prome pa e babynan y despues e ensenyansanan cu e tatanan y e mamanan mester duna nan yiunan y nan babynan ora cu nan crece. Bijbel Huan 3: 5 y 6; “Hesus a responde: Enberdad, enberdad Mi ta bisa bo: Si un hende no nace di awa y spirito, e no por drenta den Reino di Dios. Loke a nace di carni, ta carni y loke a nace di Spirito, ta Spirito.” Akinan
Oracion Di Dia
Hesus ta bisa bon cla, si un hende of un baby no a ricibi bautismo pa medio di awa y Spirito Santo cu ta e Sacramento di Bautismo, e no por drenta den e Reino di Dios. Pasobra, si un hende of un baby no a bautisa, e ta keda alma y curpa so, pero si un hende of un baby ta bautisa, anto e Spirito Santo ta bin biba den dje, e ta bira tempel di Spirito Santo, e ta bira yiu di Dios Tata, su bida eterna a cuminsa, e ta bira miembro di e pueblo nobo di Israel di Dios Tata, e ta bira miembro di Cristo Hesus Su unico Iglesia Universal y e hende of e baby ta
bira heredero di e Gloria eterna di Dios Tata. Den e Evangelionan aki, Pablo, Silas y e otro Apostelnan (ta prome Obisponan). Pedro (ta prome Obispo y Papa). Den Bijbel Mateo 3: 13-17, na unda Hesus a wordo bautisa pa Juan Bautista. E bautismo di Juan Bautista ta pa combercion di pecadornan y Hesus no tin ningun pika pa confesa. E bautismo di Hesus ta simbolisa Su entrega na e Tata Su deseo. Su indentificacion cu e humanidad y e comienso di Su mision pa trece salvacion pa mundo. Seferino Tromp
Un feliz dia y cu Dios bendiciona boso ricamente
”P’esey obedece y sigui tur cos cu nan bisa, ma no haci manera nan ta haci si! Pasobra nan mes no ta haci loke nan ta bisa. Mateo 23,1 Rumannan e Palabra di Dios ta siña nos cu nos mester ta atento, hopi hende ta papia bunita pero nan bida ta mustra e contrario.Nos mester purba sigui e bida di Hesus. E no ta facil pero e recompensa ta Bida Eterno. Awo cu ta tempo di Cuaresma ban pidi Hesus laga nos cana hunto cu nE. Si nos conoce su Palabra ban bibe. Ban cana cu Hesus, ora nos trompeca pidi’E lanta nos bek. Bunita ta cay y lanta bek y reconoce cu nos a comete un eror y pidi pordon. Sea humilde. Oracion: Dushi Hesus nos kier ta humilde, cana den Bo pasonan. Guia nos y mustra nos cua ta e obra cu Bo kier nos haci den e Cuaresma aki. Laga nos papia y ta un ehempel di Bo den obra y nos bida diario. Amen.
P 16
DIALUNA 7 DI SEPTEMBER 2026
SUDOKU
FORTALEZA PA FAMIA Scirbi pa Pastor Marcel Balootje.
MATRIMONIO TA DI DIOS, BIBA HUNTO SIN CASA TA PICA Tempo ta cambia, hende ta cambia, pero palabra di Dios no ta cambia.
ya nos ta den e proceso di matrimonio entre hende cu robot.
Dios a establece for di principio e matrimonio entre homber y muher, bisando den Genesis 2:24 kico lo pasa, y den Mateo 19:5 E ta bolbe confirma esey.
Pero nada di e cosnan aki no por pasa riba locual Dios a establece, pasobra e ultimo palabra den bida di cada ken ta Dios tine, y tur hende mester duna cuenta na Dios na final.
Ora dos persona ta drumi cu otro of mihor bisa nan tin relacion sexual cu otro y nan no ta casa, nan ta den fornicacion cual ta pica.
Pero e berdad mester wordo predica, sinja, scirbi, bon presenta di tur manera pa evita cu hende lo cay den decepcion.
Ora un homber of muher casa ta tene relacion cu un otro persona cu no ta su esposo of esposa, e ta comete adulterio y esey ta pica. Maske cu ley cambia of cos wordo tolera aki riba tera , tur hende mester corda kico ta sosode na cielo. No ta importa ken nos ta, ni tampoco cuanto placa nos tin, ni tampoco religion, si Dios su palabra ta bisa cu locual nos ta haciendo ta pica, ta pica e ta keda. Awendia tin hopi sorto di matrimonio cu hende a forma aki na tera, pero un pregunta ta bini, e locual hende a forma con Dios ta mire den cielo, e ta aproba of e no ta aproba? E sistema di mundo a yega asina lew cu nos tin matrimonio entre homber cu homber, muher cu muher, hende cu bestia, y
Awendia hopi hende jong ta cuminsa frei of namora y di eynan den un tempo record nan a cuminsa biba cu otro, pasobra asina relacion sexual drenta den e asunto ta bibamento tin, tin hopi tipo di show mara na e cos moderno aki, nos ta bay shop hunto, nos ta bay supermercado hunto, e ta bin keda na mi cas, ami ta bay keda na su cas, tur esey ta nifica cu nos ta bezig cu fornicacion. Y nos a yega den un tempo cu hopi hende ta manera nan tin miedo di papia, pa otro no rabia. Cristo Hesus a bisa den Mateo 11:28 : Bin serca Mi tur cu ta cansa y carga, y lo Mi duna boso sosiego. Hende a agrega un slogan tremendo banda di dje bisando “Bini manera bo ta” Tene cuenta e cu e slogan no ta para scirbi den
Bijbel, pasobra hopi hende ta bini serca, nan kier Salbacion, nan kier bida eterna, pero nan no ta desea transformacion, pasobra transformacion ta nifica, renoba bo mente manera ta para scirbi den Romanonan 12:2 pa bo sa kico ta e boluntad perfecto di Dios pa bo bida. Efesionan 5:1-7 ta duna un gran splicacion di locual ta inmoral y cu inmoralidad no tin entrada den cielo. Si bo ta respeta y balora e persona cu bo conoce y bo kier pa e ta hunto cu bo, casa cune completo no solamente na gobierno pero laga pastor bendiciona boso matrimonio, pa asina Dios tuma control y fortifica boso bida matrimonial. E wega di biba hunto, ta duna diabel e oportunidad pa manipulacion sexual,manipulacion financiero,falta di respet, y hasta violencia, jaloersheid pasobra e desconfiansa tambe tey. Matrimonio mester wordo respeta , e cama matrimonial mester wordo respeta ( Hebreonan 13:4) y no lubida riba Juan 4; 1618. Tene cuenta cu aunke mundo por cambia,Dios no ta cambia. Sinceramente, Marcel Balootje.
Pastor