Issuu

DIALUNA 28 SEPTEMBER 2026

28 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

CHAUFFEUR YEGANDO ROTONDE CU VELOCIDAD HALTO A DAL E ROTONDE KENTEL Y LASTRA BAY OTRO BANDA DI CAMINDA

NA PARADERA CHAUFFEUR A PERDE CONTROL BAY RANCA SOSTEN DI PALO DI LUS Y RESULTA HERIDA

DIALUNA 28 september 2026

Den marduga un metsla burachi a dal den auto y basha cura abao na Paradera

Paradera Tabata Diadomingo marduga pa 12:50 am, cu chauffeur masculino di un Ford EcoSport color shinishi cu number A-75657 moviendo di Tanki Leendert direccion Paradera, a baha di caminda banda robez, y bay dal direct y duro riba un Suzuki Swift Sport color blauw para dilanti un cas. E impacto a pusha

e Suzuki bay dilanti, y na mesun momento e Ford a bay dal den cura di e cas, bashando esaki abao, pega riba 2 pilar, y benta e gate di hero abao. Paden di cura por a mira bloki benta tur caminda como tambe glas. Tanto Polis y tambe Forensys a yega na e lugar, como cu tabatin indicacion cu e chauffeur tabata trata di start e auto bek y purba bandona e lugar.

Polis a yega y atende e chauffeur riba loke a socede, y mesora nan a ripara cu e tin caracteristica di un persona cu ta bao influencia. Nan a pidi su cooperacion pa e haci un test di supla, sinembargo e no por a haci’e. Pues a keda Polis nada otro di pone boei na su man, y busca Vehiculo di Transporte pa hibe Warda di Polis, unda el a ser presenta

dilanti Fiscal Auxiliar, kende a duna ordo pa e

keda encarcela pa saca su wayaba.

DIALUNA 28 september 2026

Na Paradera chauffeur a perde control bay ranca sosten di palo di lus y resulta herida

Diasbra madruga a drenta informe di un accidente cu hende herida na altura di e Iglesia Odres Nuevo, mesora a dirigi tanto polis como ambulans na

e sitio. Na yegada di e patruya a bin compronde cu e chauffeur a perde control baha caminda y bay dal un palo di sosten banda di caminda y kibra

esaki. Debi na e impacto e chauffeur a resulta herida. Na yegada di e ambulans nan a atende e victima y a transporte pa hospital.

Problema familiar na un cas a pone homber staka su mes na barica Diasabra atardi a drenta informe di un caso unda un homber lo a staka su mes na su barica, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un problema familiar cu a escala te cu un homber lo a staka su mes na barica. Na yegada dibe ambulans nan a atende e persona y a transporte pa hospital.

DIALUNA 28 september 2026

DNM - Digitalisacion di e Archivo Meteorologico di Aruba, Corsou, Sint Maarten, Boneiro, Sint Eustatius y Saba Si dado caso por crea un plas di lodo cu nan por baña No lubida cu porco no ta soda Dado caso por tuma contacto cu un veterinario disponibel pa consulta di heat stress.

Aruba ta den un periodo di calor extremo y secura prolonga. Temperatura ta riba 34°c y falta di awasero ta afecta nos mata, nos bestia y nos piscado. Damnan ta seco practicamente. Departamento di Agricultura, Cria y Pesca, Santa Rosa ta alerta tur Agricultor, Criado y Piscadonan pa tuma medida preventivo awo. Tema mundialmente pa e aña aki ta Innova Awe, Alimenta Mañan. Den tempo di crisis climatico, inovacion ta e mihor defensa. Tin scarcedad di awa di Dam pesey nos ta pidi comprencion pa cu esaki. Pa e motibo aki nos ta ofrece algun segerencia cu por yuda den e calor y secura aki 1. Agricultura: Wardaccada gota di Awa Secura ta mata cosecha lihe. Nos ta recomenda: a) Maneho di Awa: Sistema di Irrigacion: Stop di sproei den solo di merdia. Uza Sistema di Irrigacion mainta trempan (5am-9am) of atardi laat (6pm-8pm). Esaki ta spaar 60% di awa. Mulching: Cubri tera cu yerba seco, blachi of mulch. E ta mantene tera muha y frieu 5 grado menos. Recoleccion di Awa: Limpiesa di dak y goot y prepara pa proximo awasero. Si dado caso no tin goot purba instala un. Purba na colecta awa di washmashine Pa esnan cu tin meter di awa

agricola por uza esaki b) Proteccion di Mata: Uza sombra/net (50%) pa berdura sensitivo manera lechuga, tomate y comcomber. Planta variedad resistente na secura: boonchi, pampuna, patia local, y maishi rabo. 2. Cria di Bestia: Suficiente Awa, Sombra y Cuido Calor ta causa stress, menos lechi y por causa morto cerca bestia. Algun sugerencia cu por tene na cuenta: Awa Fresco Semper: Bestia mester tin acceso na awa limpi 24/7. Un baca ta bebe 80 liter pa dia den calor. Cabrito of Carne ta bebe 1015 liter di awa pa dia Sombra: No laga bestia den solo di 10am pa 4pm. Uza dak, mata grandi, sombra of net y ventilisacion. Cuminda: Duna cuminda den oranan mas fresco (mainta trempan) of atardi poco laat. Evita transporta bestia merdia durante cu ta mas calor y cayente. Señalnan di Heat Stress: Halamento rapido, no come, no ta move mucho, si bo mira esaki, move bestia pa sombra y duna awa liher. Temperatura normal di Cabrito y Carne ta 38-39°c. Si tuma nota cu eta mas halto, tuma medida Den caso di Criansa di Porco basicamente ta keda mescos: Suficiente awa, sombra, net, dak y vetilisacion Porco ta bebe entre 25-40 liter di awa pa dia

3. Pesca Lama ta bira mas cayente. Esaki por afecta pisca cerca di costa. Revisa y adapta oranan di pesca: sali mas trempan mainta. Purba na evita ta directo den solo y purba na cubri mas tanto posible pa no kima Kisas por uza crema contra solo manera “Sun Block” Percura pa por tin suficiente awa pa bebe durante bo trayectoria di Pesca Den temporada di secura nos mester innova. Cada gota di awa ta conta. Nos no por controla tempo, pero si con nos ta prepara. Cada Agricultor, Criado, Piscado y comunidad henter tin un rol. Conseho final: Spar awa na cas y na cunuco. No kima yerba seco, riesgo di candela ta halto. Yuda bo bisiña agricultor/ criado. Cuida bo mes di e calor y solo pabo por cuida otro Nos ta spera y tin speransa cu den e lunanan venidero Aruba lo por haya un poco yobida pa baha e calor y trasforma e secura aki den un ambiente mas agradabel posibel caminda tur nos productornan local por disfruta di poco yobida yudando nan cultivo. “Nos no ta planta solamente mata; nos ta planta futuro. Cada sistema hydroponico, cada hoben cu siña, cada piscado cu nos sostene, ta

DIALUNA 28 september 2026

Mucha muher di 16 aña a corta su mes na su man despues di a discuti cu su mayornan Diabierna anochi a drenta informe di cu un mucha muher di 16 aña lo a corta su mes na su man despues di un discucion cu su mayornan, mesora a dirigi tanto polis como ambulans na e sitio. Na yegada di e patruya a bin compronde cu e mucha lo tabata

discuti cu su mayornan y como desacuerdobe yiu a corta su mes na su man. Na yegada di e ambulans nan a atende e mucha su herida na su man na e sitio mes. Polis a papia cu e mucha y a mustr’e cu su mayornan tin rason.

Chauffeur yegando rotonde cu velocidad halto a dal e rotonde kentel y lastra bay otro banda di caminda

Diasabra madruga a drenta informe di un accidente cu hende herida na e rotonde di Tanki Leendert banda

di Acero, mesora a dirigi tanto polis como ambulans na e sitio. Na yegada di e patruya a bin compronde

cu e chauffeur di un Suzuki Jimny biniendo for di pabao cu velocidad halto pa un of otro motibo a lubida di e rotonde y a bay dal riba e muraya di e rotonde kentel lastra riba caminda bay subi acera na banda di e rotonde. Debi na e impacto e chauffeur a resulta herida. Na yegada di e ambulans nan a atende e victima y a transporte pa hospital.

DIALUNA 28 september 2026

Minister Geoffrey Wever:

Aruba ta inicia Proyecto Cunucu Butucu pa fortalece produccion local y seguridad alimenticio Oranjestad, 24 september 2026 – Minister di Finansa, Asunto Economico y Sector Primario, Geoffrey Wever ta anuncia inicio di e trayecto pa desaroya Cunucu Butucu den un Area Strategico di Produccion Agricola. Cu e proyecto aki, Gobierno kier crea condicionnan pa agricultor y criador di bestia por produci na un manera mas eficiente, sostenibel y comercial. E meta ta pa aumenta produccion local, fortalece seguridad alimenticio, crea actividad economico y reduci gradualmente e dependencia grandi di Aruba riba importacion di cuminda.

cu ta contribui na seguridad alimentario y diversificacion economico di Aruba.

Riba peticion di minister Geoffrey Wever, dia 18 di september Conseho di Minister a aproba Proyecto Cunucu Butucu. Cu e aprobacion aki, Gabinete AVPFUTURO a duna luz berde pa sigui cu preparacion y ehecucion di e proyecto.

Ta un realidad cu Aruba ta importa alrededor di 99% di tur producto alimenticio cu ta wordo consumi. E dependencia aki ta haci nos pais vulnerabel pa crisis internacional, interupcion den cadena di suministro y aumento di prijs. Agricultor y criadornan di bestia local, ademas, ta enfrenta reto manera falta di tereno adecuado y pagabel, costo halto di awa y cuminda pa bestia, acceso limita na mercado y falta di asistencia tecnico. Proyecto Cunucu Butucu ta busca atende e retonan aki mediante un plan integral y realistico den cooperacion cu tur partnernan relevante.

E esencia di Proyecto Cunucu Butucu ta pa fortalece sector primario di Aruba, creando espacio pa agricultornan y criadornan di bestia por dispone di tereno pa produccion local. Esaki ta nificia cu cada participante lo haya un pidi tereno den Cunucu Butucu. Banda di esaki, Gobierno lo inverti den e infrastructura y facilidadnan necesario pa crea condicionnan adecuado pa produccion, incluyendo entre otro suministro di awa, energia sostenibel, facilidadnan pa procesa y mihor acceso na mercado. Asina, hunto ta traha pa Cunucu Butucu bira un area strategico di produccion agricola

Proyecto Cunucu Butucu ta forma parti di e prioridadnan di Programa di Gobierno AVP– FUTURO 2025–2028 pa fortalece sector primario, diversifica economia y promove desaroyo economico inclusivo y sostenibel. E proyecto ta complementa AgriInnovation Park: mientras cu AIP ta enfoca riba cultivo tecnologico, Cunucu Butucu lo crea espacio pa agricultura den tera, criamento di bestia, procesamento, innovacion y acceso na mercado.

Proyecto Cunucu Butucu ta encere entre otro investiga posibilidad pa un sistema confiabel y pagabel di awa, combina cu uzo y almacenamento di awa di yobida, generacion di energia limpi, entre otro mediante energia solar, zonificacion pa agricultura, criamento di bestia

y procesamento di producto, un centro pa compost, vermicultura y produccion di blokinan di alimento pa bestia, un mercado central por mayor pa venta di producto local y un centro di cooperacion, capacitacion y conocemento, den colaboracion cu DLVV Santa Rosa. Como prome paso, lo instala e Werkgroep Cunucu Butucu. E werkgroep tin como tarea coordina e preparacion, vigila progreso y segura dialogo continuo cu e sector. “Diversificacion di nos economia ta exigi cu Aruba desaroya y uza plenamente e potencial di su sector primario. Cunucu Butucu por crece den un centro strategico pa agricultura, criamento di bestia, innovacion y actividad economico local. Pa realisa e potencial aki, colaboracion ta indispensabel. Gobierno, agricultornan, criadornan di bestia, institucionnan publico, sector priva, centro di conocemento y partnernan nacional y internacional mester traha hunto.

Solamente cu un esfuerzo coordina nos por crea e condicionnan necesario pa aumenta produccion local, fortalece nos seguridad alimenticio y construi un economia mas diversifica y resistente segun Minister Geoffrey Wever”. Cu Proyecto Cunucu Butucu, Gabinete AVP-FUTURO ta pone contenido concreto pa desaroyo di sector primario mas fuerte, profesional y resistente, cu ta ofrece oportunidad real pa productornan local y ta contribui na seguridad alimenticio di Aruba.

DIALUNA 28 september 2026

Parlamentario Jennifer Arends-Reyes:

“E oportunidadnan despues di scol mester crece hunto cu nos hobennan” ORANJESTAD (27 di september 2026) Parlamentario Jennifer Arends-Reyes ta felicita Bureau Traimerdia cu su 30 aña di servicio na muchanan y famianan di Aruba. Durante tres decada, Traimerdia a ofrece muchanan un luga sigur despues di scol, caminda nan por haci tarea, hunga, move y descubri nan talento. E aniversario ta un oportunidad pa reconoce tur e trahadornan cu, durante añanan, a contribui cu dedicacion na e programa. Pa Arends-Reyes, e celebracion ta invita nos tambe pa wak dilanti: ki oportunidadnan tin pa hobennan cu ta atende

enseñansa secundario ora scol caba? E necesidad di guia y sosten no ta termina ora un mucha pasa di scol basico pa secundario. Den e etapa ey, un hoben por beneficia di yudansa cu tarea, deporte, cultura y un ambiente positivo caminda e por desaroya su interesnan y pasa su tempo di un manera constructivo. “Mi a papia hopi aña tocante importancia di programanan despues di scol. Pa mi, esaki ta un di e yabinan pa duna nos muchanan y hobennan mas oportunidad. Si nos kier yuda nan crece cu confianza y prepara nan pa futuro, nos mester sa tambe con nos ta sostene nan despues cu e bel

di scol zona,” Arends-Reyes a expresa. E parlamentario a dirigi preguntanan na minister competente pa haya claridad riba e programanan despues di scol cu actualmente ta disponibel pa hobennan den enseñansa secundario. E ta pidi informacion tocante na cua scolnan of den cua barionan e programanan ta funciona, cuanto hoben ta participa y con nan ta bayendo. Arends-Reyes kier sa tambe si tin investigacion of evaluacion cu ta mustra cua scolnan tin mas necesidad di un oferta asina, cua grupo di hoben ainda no ta wordo

cubri y ki obstaculo ta existi pa amplia e oportunidadnan. Segun e parlamentario, e contestanan aki ta necesario pa por desaroya un plan basa riba e necesidadnan real di scolnan, famianan y hobennan mes. “Nos por felicita Traimerdia pa su 30 aña di servicio y, na

mes momento, wak dilanti. Mi deseo ta pa mas hoben di Aruba haya un luga caminda nan por siña, descubri nan talento y sinti cu nan tin sosten. E topico aki semper a importa pa mi y e ta keda importante pa desaroyo di Aruba,” Arends-Reyes a conclui.

Accidente hit & run na Venezuelastraat, un auto a pasa dal 2 otro auto staciona! Diadomingo madruga a drenta informe di un accidente hit & run na Venezuelastraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente hit & run unda un auto pasando a pasa dal un Kia Picanto pushe dal un Kia Rio staciona su dilanti. Despues di esaki ela core bay bandona e sitio. Polis ta buscando e auto despues di a wak e riba e video di seguridad di un cas den cercania.

DIALUNA 28 DI SEPTEMBER 2026

Rigo Arrindell, Tamara Erasmus, Quinten Klabér y Mauricio Gomez a sali Best Fighter

Caribbean Gardenscapes Taekwondo Cup tabata tin su reto entre e bringadonan cu a participa representando nan scol di Taekwondo na Aruba. Grand Master Marilu de Veer tabata tey presente pa mira tur e peleanan di e atletanan un tras di otro. Nos Refereenan

Internacional Master Augy Tromp y Master Moises Dumfries a guia tur e peleanan y e publico presente por a gosa di un Diasabra cu peleanan di nivel den Centro di Bario Brazil. Durante di e dia Grand Master Marilu de Veer a scoge e miho atletanan.

Grand Master Marilu de Veer a scoge Rigo Arrindell, Tamara Erasmus, Quinten Klabér y Mauricio Gomez como Best Fighter di Caribbean Gardenscapes Taekwondo Cup 2026 y automaticamente nan a clasifica pa Ultimate Fighter 2026 cu lo tuma luga na luna di November.

P 10

DIALUNA 28 DI SEPTEMBER 2026

Accion di Bario ta acerca Gobierno na realidad, historia y necesidadnan di cada comunidad

Cada edicion di Accion di Bario ta brinda un oportunidad pa conoce un comunidad for di cerca, no solamente pa identifica necesidadnan cu ta pidi atencion, pero tambe pa tende directamente di habitantenan, conoce iniciativa local y descubri e historia cu ta forma identidad di cada bario. Durante e recorrido mas reciente den Socotoro y Rancho, e contacto directo cu residentenan a bolbe mustra e impacto di e forma di traha aki. Caminando

den e barionan y papia cu e hendenan cu ta biba ey, ta sali informacion cu no semper ta visibel for di un oficina: preocupacionnan di bida diario, luganan cu tin balor pa comunidad, historia di famia y hasta elementonan historico cu ainda ta conserva den e area. Den Socotoro, por ehempel, Comision Sokotra a comparti e investigacion cu nan ta haciendo pa documenta pasado di e bario. Nan trabou ta inclui informacion relaciona

cu agricultura, aloe y crecemento di Socotoro como comunidad, demostrando con iniciativa di propio habitantenan por contribui na conservacion di memoria local. Na Rancho, e recorido a brinda otro ehempelnan. Na Koningstraat, atencion a bay pa casnan tradicional cu ta carga historia di diferente generacion y cu famianan tin interes pa conserva. Durante e caminata den e bario, habitantenan a comparti tambe informacion

tocante posnan historico cu ainda ta accesibel den e area, agregando un otro elemento na e historia di Rancho cu merece pa sigui documenta. Pero Accion di Bario no ta trata solamente di pasado. E contacto cu habitantenan ta brinda oportunidad pa tende tambe kico ta pasando awe: unda tin necesidad, kico por mehora y cua asunto ta importante pa calidad di bida den e comunidad. E informacion cu ta sali durante cada recorido ta yuda crea un imagen mas completo di cada bario y di e puntonan cu merece seguimiento. E balor di Accion di Bario ta precisamente den e combinacion aki: sali afo, cana e comunidad, scucha su hendenan y mira e realidad cu propio wowo. Na mes momento tambe brinda e ayudo na e habitantenan cu e parti di

limpiesa y embeyecimento di e bario. Cada esfuerso ta yuda na encurasha mas bario ta envolvi den mantene nan area limpi. Socotoro y Rancho a bolbe demonstra cu cada bario tin mucho mas cu solamente su cayanan y casnan. Cada comunidad tin su propio memoria, identidad, necesidadnan y potencial, y contacto directo cu su habitantenan ta esencial pa comprende con por sigui traha hunto pa fortalece e bario y Aruba.

P 11

DIALUNA 28 DI SEPTEMBER 2026

Lider di fraccion AVP, Jennifer Arends-Reyes:

“E hende tras di nos turismo ta Aruba su mayor fortalesa” ORANJESTAD (27 di september 2026) — Riba Dia Mundial di Turismo, parlamentario Jennifer Arends-Reyes ta expresa su aprecio pa tur hende cu, dia tras di dia, ta duna bida na hospitalidad di Aruba. Segun e parlamentario, mester construi e futuro di turismo cu e trahadornan y emprendedornan di e sector na centro di atencion. “Ora nos papia di turismo, nos ta papia di hende: e trahadornan na hotel y restaurant, e guia turistico, e chauffeur, e emprendedor chikito y tur esnan cu ta ricibi nos bishitantenan cu cariño y profesionalismo,” Arends-Reyes a expresa. E tema internacional di e aña aki, “Digital Agenda and Artificial Intelligence to Redesign Tourism,” ta invita paisnan pa pensa con tecnologia digital y inteligencia artificial

por cambia e manera cu turismo ta funciona. Pa Arends-Reyes, Aruba mester probecha e oportunidadnan aki cu un meta cla: haci turismo mihor pa e hendenan cu ta traha den dje y pa comunidad Arubiano. Hermentnan digital por yuda un empresa local yega na mas bishitante, facilita servicio y aporta informacion pa plania desaroyo turistico. Nan por yuda tambe pa cuida nos luganan natural y crea oportunidadnan turistico den diferente parti di e isla. Pero pa tur hende por beneficia di e cambionan, trahadornan y emprendedornan mester tin acceso na capacitacion, tecnologia y oportunidad pa participa. “Mi kier mira un Aruba caminda un hoben por prepara su mes pa e profesionnan di futuro,

caminda un emprendedor chikito por haci su negoshi crece y caminda un trahado cu hopi aña di experiencia por siña uza herment nobo cu confianza. Esey ta innovacion cu tin balor pa nos pais,” Arends-Reyes a declara. Como presidente di Comision di Turismo di Parlamento, Arends-Reyes ta considera importante cu sector publico, enseñansa y empresanan sigui traha hunto pa fortalece capacitacion digital y habri porta pa talento local. Alabes, decisionnan tocante tecnologia mester tene cuenta cu privacidad, calidad di trabou y e impacto di turismo riba nos comunidad y naturaleza. Arends-Reyes ta cera cu un palabra di gratitud pa tur persona cu ta representa Aruba cada dia: “Inteligencia artificial por yuda nos traha mas eficaz,

pero e no por reemplasa e calor humano cu ta haci un bishita na Aruba inolvidabel. E hende tras di nos turismo ta Aruba su

mayor fortalesa. Laga nos inverti den nos hendenan, scucha nan y percura cu nan tambe por crece hunto cu futuro di turismo.”

P 12

DIALUNA 28 DI SEPTEMBER 2026

Minister Herdé: BESS II ta haci e ambicion energetico di Aruba bira un realidad

Durante e ceremonia oficial pa marca e inicio di e proyecto Battery Energy Storage System (BESS II) di WEB Aruba, Minister di Vivienda, Infrastructura, Servicio Interno y Telecomunicacion, drs. Rene Herdé, a enfatisa e importancia di e proyecto pa e futuro energetico di Aruba y pa e transicion na un sistema di energia mas sostenibel. Den su discurso, Minister Herdé a señala cu e idea di un sistema grandi pa almacena energia ta un soño cu Aruba a papia di dje durante decada y cu awe e soño ta cuminsa bira realidad. Segun Minister Herdé, BESS II lo yuda Aruba bira menos dependiente di combustibel fosil y na mesun momento, ta trece nos mas cerca di e meta pa na aña 2030 un promedio di 50% di nos necesidad anual di energia bin di fuentenan renovabel. E proceso di sostenibilidad a nace na 2009 durante Gabinete Mike Eman I, cu a bin cu e vision pa Aruba ta 100% sostenibel pa 2020 y pa guia esaki a bin cu e conocido Green Conference. Gabinete

actual, AVP-FUTURO ta sigui boga pa un Aruba mas sostenibel y ta gradici e ingenieronan di WEB pa sigui cu e vision cu a inicia na 2009. Pa Minister Herdé, e proyecto no solamente ta importante pa e capacidad di produccion di energia, sino tambe pa e manera cu Aruba ta uza e energia cu ta disponibel. E meta di almacenamento ta pa uza e energia genera pa biento y solo na momento cu tin necesidad di dje. BESS II lo tin un capacidad di 35 megawatt (MW) y 70 megawatt-hour (MWh) di almacenamento. E sistema lo contribui na integra mas energia di biento y solo, alabes yuda fortalece e stabilidad di e red electrico. Minister Herdé tambe a menciona cu e beneficionan di BESS II ta bay mas leu cu e sector energetico. Un suministro di energia confiabel ta importante

pa tur famia y negoshi na Aruba y ta esencial pa e planificacion di vivienda nobo, mehoracion di facilidadnan publico y e futuro desaroyo di infrastructura. Segun e Minister, Aruba su infrastructura mester por acompaña e ambicionnan di e isla den area di turismo, vivienda y infrastructura. Den e contexto aki, BESS II ta un paso importante den e direccion aki. Minister Herdé a felicita WEB, Elmar y tur e companianan di utilidad cu a yega na e momento importante aki. El a reconoce tambe e trabou persistente di e ingenieronan y administradornan di WEB Utilities y Elmar pa continuamente busca innovacion den produccion di energia, awa y servicio na comunidad. Minister Herdé a enfatisa cu e proyecto no ta simplemente un innovacion

tecnico, ni solamente un proyecto pa logra e sistema di almacenamento mas grandi den Caribe. Segun e vision cu el a comparti durante su discurso, e meta mas grandi ta pa contribui na seguridad energetico y un futuro mas sostenibel pa Aruba. Cu BESS II, Aruba ta planifica pa tin e sistema di almacenamento di energia mas grandi den Caribe pa 2028. Pa Minister Herdé, esaki ta un refleho di e vision y determinacion di Aruba, no obstante di ta un isla chikito, pa sigui busca manera pa logra trece solucionnan cu por mehora e calidad di bida y fortalece e futuro di nos

comunidad. Minister Herdé a expresa su gratitud na Gobierno di Hulanda pa e apoyo duna na Aruba su meta pa logra un calidad di bida mas sostenibel, specificamente pa contribui na un mix energetico mas sostenibel pa nos isla.

P 13

DIALUNA 28 DI SEPTEMBER 2026

Mayra su regalo

semper”. “Lizette tin pasion pa skirbi storianan, poema y versje. Hunto cu famia y conocinan por lesa su storianan y pasa leuk.” Lizette Winterdal a nace dia 12 di april 1979 na Aruba y a lanta na San Nicolas. Su idiomanan materno ta Ingles y Papiamento. Lizette ta bin di un famia di 7 ruman muhe y e ta e ruman mas chikito. Banda di su trabou el a bay avondhavo San Nicolas y a logra su Havo diploma. Lizette su deseo ta pa bira docente y awe ta studia na e Instituto Pedagogico di Aruba (IPA). Lizette a

‘Mayra su regalo’ ta un buki di Lizette Winterdal cu ilustracion di Roman Gibbs. Autora di buki pa mucha Lizette Winterdal a presenta su buki e siman aki na biblioteca y regala 5 ehemplar pa biblioteca su lesadornan hoben por

conoce Mayra. “Biento di december ta supla suave den e cayanan yen di holor di fiesta y speransa. Tur caminda bo ta mira luz di Pasco riba e casnan. Cantica di alegria ta yega for di tur skina. Famianan ta prepara pa un tempo

magico. Pero den un bario yen di mucha, tawata tin un yiu cu su curason tawata tristo, pasobra e aña aki parse cu Pasco lo ta sin briyo, kerstboom y magia. Pero Mayra no tawata sa cu un encuentro inespera lo cambia su fiesta pa

tuma e decision pa cambia di estudio. E estudio actual cu e ta haci ta Bachelor Nederlands als Vreemde Taal. E ta gusta musica y baila. Su hobbynan ta: skirbi storia, poesia y rima. E ta bisa cu ora bo lesa un buki ta manera bo ta haya un pasashi gratis pa bishita lugarnan bunita. Bo ta conoce personahenan nobo. Lizette tin 4 yiu. 1 yiu homber, Brandon y tres yiu muhe, Crystal, April y Gili. Esaki ta e di dos biaha cu Lizette ta participa den Festival di buki pa mucha y ta contento pa por conta storia pa e muchanan. Lesamento ta haci nos contento.

P 14

DIALUNA 28 DI SEPTEMBER 2026

Gratitud y gradicimento:

CENTRAL DI POLIS TA YAMA SR.ALWIN HARMS DANKI

Oranjestad, ARUBA: Recientemente, coleganan di Central di Polis (OCC) a reuni pa despedi y expresa nan mas profundo gratitud na Hoofdagent Eerste Klasse sr. Alwin Harms, kende pa

24 aña largo a dedica su mes cu alma y cuerpo na e departamento aki. Sr.Harms ta keda reconoci como un centralista ehemplar kende cu su voz calmo y sereno tabata

dirigi e unidadnan di polis den situacionnan dificil y di gran presion. Despues di mas di dos decada di servicio den Central di Polis sr. Harms ta pasa pa traha den un otro departamento di Cuerpo Policial Aruba (KPA). Pa e ocasion special aki, su coleganan den Central di Polis a prepara un

momento ameno y di hopi fraternidad. Famia di sr. Harms tambe a keda invita pa forma parti di e homenahe na unda a haci entrega di un reconocimento y un bunita regalo pa tur e añanan di dedicacion y compromiso na e departamento. E tabata un atardi yena di alegria, anecdotas

memorabel y recuerdonan bunita cu a keda comparti entre coleganan y famia. Cuerpo Policial Aruba y coleganan di Central di Polis (OCC) ta gradici sr. Alwin Harms pa su servicio ehemplar y ta desea sr. Harms tur clase di exito den e proximo etapa di su carera policial. Masha danki

P 15

DIALUNA 28 DI SEPTEMBER 2026

Accion di Bario ta acerca representantenan di pueblo na realidad y necesidadnan di Rancho

Durante e recorido di Accion di Bario den Rancho, contacto directo cu habitantenan a forma un parti esencial di e mainta. E bishita a brinda espacio pa tende experiencia, preocupacion y necesidadnan di residentenan, pero tambe pa comparti momento di gratitud y aprecio pa cambionan cu nan ta percibi den nan comunidad. Parlamentario Dennerich Kelly a destaca cu un di e aspectonan mas importante di e recorido ta precisamente e oportunidad pa scucha pueblo directamente. Durante e combersacionnan, habitantenan a papia tocante diferente situacion cu nan ta enfrenta den bida diario, entre otro asunto relaciona cu salubridad, scol y otro necesidadnan den comunidad. Segun Kelly, e contacto directo ta permiti pa comprende miho kico ta biba bou di habitantenan y kico nan ta considera

importante. El a indica cu scucha pueblo y mantene e cercania aki ta un elemento cu mester sigui forma parti di e manera di traha den comunidad. Parlamentario Stephany Sevinger tambe a participa den e recorido y a describi Rancho como un bario caminda e ta sinti su mes na cas. E bishita a trece recuerdo personal di su tata y, segun Sevinger, a haci e momento ainda mas special. Sevinger a enfatisa cu cercania cu pueblo no mester limita na momentonan di campaña electoral, pero mester

continua durante henter un periodo di gobernacion. P’e, ta importante pa sigui den contacto cu hende, tende kiko ta nan necesidadnan y comprende e realidad di cada bario directamente for di e personanan cu ta biba aden. El a señala cu particularmente den un comunidad manera Rancho, e propio habitantenan por brinda un perspectiva importante tocante e situacionnan cu nan ta enfrenta y loke nan ta mira como necesario pa nan bario. E recorido, segun Sevinger,

ta contribui na un forma di traha caminda comunidad tambe ta forma parti di e dialogo pa hiba Aruba dilanti. Un recibimento cu calor di comunidad Entre e residentenan cu a comparti nan experiencia tabata Luz Marina Fonseca Flores, habitante di e area. Cu hopi entusiasmo, a expresa su satisfaccion di mira su comunidad limpi y a comparti su gratitud pa e cambionan positivo cu e ta experimenta. Fonseca Flores a menciona tambe cu un aumento cu el a ricibi a representa un yudansa importante p’e den su bida diario. Su palabranan a refleha e impacto cu medidanan concreto por tin den

realidad cotidiano di un persona. E encuentro a termina cu un gesto simpel pero significativo: Luz Marina a prepara awa di panela cu hopi amor pa comparti cu esnan cu tabata pasando den bario. E recorido di Accion di Bario den Rancho a mustra e importancia di no solamente wak e necesidadnan di un comunidad, pero principalmente tende nan directamente for di e hende cu ta biba ey. E combersacionnan cu residentenan ta brinda un imagen mas cercano di loke ta bay bon, unda tin preocupacion y unda ainda tin espacio pa sigui traha hunto.

P 16

DIALUNA 28 DI SEPTEMBER 2026

FORTALEZA PA FAMIA Scirbi Pa Pastor Marcel Balootje.

Gloria den Cristo Hesus.( Filipensenan 4:19).

NO HALSA PLACA , Y LUBIDA RIBA DIOS Riba e mundo aki placa ta locual nos tur mester, pa nos por biba, cune nos ta cumpra , cune nos ta paga y cune nos ta cumpli cu nos debernan. Pero e no mester bira un obheto di adoracion, caminda placa tin dominio riba hende caminda hende su amor pa placa ta bira asina grandi cu nan ta perde control di nan mes ora nan no tin placa. Mescos tambe ora hende tin hopi placa, nan ta bira manera robot, tur cos ta nan placa, y hasta nan ta lubida riba Dios, pasobra e efecto cu placa ta haci riba nan bida, nan ta lubida for di unda Dios a saca nan. Laga boso karakter ta liber di amor pa placa,y sea contento cu loke boso tin,pasobra e mes a bisa: Nunca lo Mi no bandona bo y nunca lo mi laga bo desampara.( Hebreonan 13:5). No laga placa kita bo bista for di riba Dios, no biba bao di dominio di placa, pasobra placa no ta tur cos. No ta tur ora rikesa ta nifica felicidad. Placa no por sana hende , pero Dios si ta nos sanador. Ora un hende su bida ta kibra, placa no por restaura su bida, pero

Dios di por. Un hende por tin hopi placa drumi riba un cama di malesa, pero su placa no por lante, pero Dios si por. Placa no ta mantene un famia uni, pero e poder di Dios si ta trece amor y union den cas.

no laga placa move bo bida, bo no por sirbi Dios y placa. E lugar mas halto den bo bida, mester wordo ocupa door di Dios, y no wordo domina pa placa. Mi Dios lo provee tur locual boso tin mester, segun Su rikesa den

Awor nos tin cu compronde cu rikesa y bondad, amor y pas ta bini di Dios. Hopi rico no por drumi anochi, pasobra nan ta pensa kico ta haci cu nan placa, pero ora Dios ta na prome lugar den bo bida, lo bo drumi, den tur pas y trankilidad. Ma di berdad santidad acompanja pa contentamento ta di gran ganashi, pasobra nos no a trece nada den mundo,y nos no por hiba nada for di dje tampoco.(1Timoteo 6:6-7). Rikesa por hiba hende den tentacion extremo,

y malicia y inmoralidad ta coopera cu esey, pa mantene hende den scuridad, Hopi hende ta lanta nan yiu cu un conocemento financiero hopi amplio,y no ta preocupa pa e conocemento spiritual. No custumbra bo yiu , cu pa tur cos cu e haci mester dune placa, sinja bo yiu pa e balora Dios, cas y famia, estudio y bon conducta mas cu placa. Pasobra amor pa placa ta rais di tur sorto di maldad,y algun hende, door di desea esaki, a desvia for di fe, y a traspasa na mes cu hopi dolor. ( 1 Timoteo 6:10). Sinceramente, Pastor Marcel Balootje.

Hopi hende ta bringa pa placa, pero despues nan ta nota cu ta tempo perdi. No stima placa mas cu bo famia, especialmente no benta bo yuinan afo y bay tras di placa.

Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”. Salmo: 23

E necesidad di hende den bo bida, placa no por reemplace.

Cu inmenso tristeza na nos curason, pero conforme na boluntad di Dios, nos ta anuncia cu a bay drumi dushi den brasa di Señor

E berdadero carinjo y amor no por wordo cumpra, placa no por pone hende stima bo. Pa motibo di placa hopi hende ta bira materialista, y ta lubida riba Dios. Esnan cu ta balora nan amistad cu placa, no conoce berdadero amistad. Un matrimonio basa riba placa,ta un matrimonio sin base. No traha mata bo curpa pa placa, y lubida riba Dios y bo famia. No bende bo mes pa placa,

José Mariano Figaroa Mihor conocí como: “Jossy” *04-12-1944 - †21-09-2026

Acto di entiero lo wordo anuncia despues.