RegistRacion pa pRueba di natuRalisacion
Oranjestad, 19 di september 2025 Departamento di Enseñansa Aruba pa medio di esaki ta informa cu tin cupo habri pa e prueba di naturalisacion cu lo tuma lugar dianan 3 pa 14 di november 2025. Por inscribi pa esaki solamente si bo falta 3 of menos prueba pa ricibi bo certificado.
Por favor tene na cuenta cu e cantidad di cuponan ta limita, asina cu esaki yena nos mester cera e inscripcion.
Otro siman diaranson 24 september desde 10 or di mainta e link pa yena e formulario di inscripcion lo ta habri riba nos website ea.aw > naturalisatietoets.
Pa e inscripcion di november 2025 nos ta acepta solamente e candidatonan cu falta 3 of menos prueba pa ricibi un certificado. Esnan cu falta cu 3 prueba no ta
haya cupo pa e pruebanan cu ta tuma lugar na luna di november 2025. E personanan aki tin cu warda pa inscripcion habri na 2026.
Pa por registra online e candidato mester di un Gmail-adres. No por uza otro email adres. Tampoco no ta acepta registracion na balie of via emailadres naturalisacion@ ea.aw.
Pa registra mester upload e siguiente documentonan den pdf:
• un scan (pdf) di paspoort valido;
• un scan (pdf) di extracto di registro civil di Aruba (papel di Censo di 5 florin, no mas bieu cu 6 luna;
• un scan (pdf) di e verklaring(nan) otorga;
• un scan (pdf) di un certificado obteni prome cu 2010.
Tene na cuenta cu ta acepta y
procesa solamente aplicacionnan completo. Despues e candidato ta ricibi un email cu ta confirma cu a haya su aplicacion y cu su nomber ta riba lista pa participa na e prueba di november 2025.
Mas informacion
Pa mas informacion tocante e Prueba di Naturalisacion
Riba e website ta
Naturalisatietoets na letter (N) of Prueba di Naturalisacion na letter (P) den e menu di alfabet. Ta conseha tambe pa sigui e desaroyonan pa medio di Facebook of Instagram @educationaruba.
accidente fRontal cu basta daño y 3
auto envolvi na sabana libeR
Diabierna anochi a drenta informe di un accidente cu hende herida na e birada riba e caminda di Noord pa Sabana Liber, mesora a dirigi tanto polis como ambulans na e sitio.
Na yegada di e patruya a bin compronde cu aki ta trata di un accidente unda cu un pick-up maneha pa
un chauffeur posiblemente bao influencia a perde control a dal un Honda Accord shinishi y despues bay dal frontal riba un Honda Fit blanco y finalmente bay dal riba e "vangrails". Debi na e fuerte impacto un dama pasahero turista den e pick-up a resulta herida, na yegada di e ambulans nan a
atende e dama turista pero como cu e no kier paga nan no a transporte pa hospital. Un rato despues un familiar di e turista a yega y a transporte pa hospital.
Polis a detene e chauffeur pa a core auto bao influencia.
mester bishita e website www. ea.aw.
busca
Accident fAtAl nA KudAwechA: GiomAr heronimo A perde su bidA
den Accidente di brommer
Diadomingo madruga pa 3:30 central di polis ta wordo notifica di un brommer a accidenta den e bocht di Kudawecha y e chauffeur no ta reacionando.
Central di polis ta despacha patruya na e sitio como tambe ambulance.
Na yegada di patruya enberdad ta bin encontra cu un brommer riba caminda y e chauffeur. Ambulance ta yega na e sitio y ta duna asistencia medico na e chauffeur pero lamentabelmente no por a haci nada mas pe.
Na e sitio a presenta Specialista di Trafico y
Polis Technico pa asina haci nan investigacion.
Dr Forensico Voskuil a presenta y a constata morto di Giomar Adriano Heronimo naci 14 juni 1975 di 50 aña di edad. E curpa a wordo tuma den beslag pa mas investigacion.
Mane e investigacion keda cla lo duna mas informacion.
Departamento di Slachtofferhulp a presenta na e sitio pa asina guia e famia den e momento dificil aki.
Cuerpo Policial ta manda palabra di condolencia na famia di e fayecido.
Noticia di Corte Fiscal a exigi 10 aña di prison pa homber cu a abusa di dos mucha muher y haya cu 6 arma di candela-1-
ORANJESTAD – Awe mainta Corte di Husticia a trata e caso penal cu Ministerio Publico a cuminsa contra e homber S.K., chofer di ex Promer Minister Wever Croes.
SOLO DI PUEBLO por a compronde cu Fiscal a haya S.K. culpabel di a abusa di dos mucha muher menor di edad y tambe cu e tabatin 6 arma di candela y balanan. Fiscal a exigi 10 aña di prison. Den sala di Corte tabata presente e mayornan di e dos victimanan y familiar di e sospechoso S.K. Fiscal a bisa Hues cu tin 8 acusacion contra S.K. Entre 8 April 2015 y 2022, S.K. lo a abusa di e mucha R., kende tabata bou di 12 aña. El a cuminsa haci actonan inmoral cu R, tempo R. tabatin 5 aña y despues a tene relacion sexual cu e mucha. Entre 25 Augustus 2019 y 13 Mei 2023, S.K. a abusa di e amiga di R., W. S.K. a cuminsa haci actonan inmoral cu W. cu tabata bou 12 aña. Despues el a tene relacion sexual cu W. tambe.
Tambe S.K. ta wordo acusa cu entre 27 Juni 2022 y Maart 2025, e tabatin pornografia di mucha den su cellular.
Fiscal tambe ta acusa S.K. cu entre 2015 y 2023, e tabatin 6 arma di candela y mas cu 600 bala cayente.
Tambe e ta wordo acusa cu entre 2015 y 2023, e tabatin 6 arma di candela. Hues a hala atencion di tur den sala di Corte pa tin respet pa otro y controla emocionnan.
SOSPECHOSO NO KIER BISA NADA Hues a puntra K. si e kier bisa algo. K. a bisa cu su abogado mr. Rosenstand ta papia p’e. Hues a haci K. diferente preguntanan pero cada vez e tabata
bisa cu e ta haci uso di su derecho di silencio. ABUSA DI DOS MENOR DI EDAD
Hues a mustra cu e victima R. a bay biba na Hulanda y na November 2024, el a haci denuncia. R. a bisa cu K. ta biba banda di dje. El a bisa cu despues K. a bay biba den un trailer ey banda mes. El a bisa cu K. tin pistol y a lag’e mira e pistool. Tambe el a bisa cu K. tin un sicatriz na su pia banda te na su lies. Hues a puntra con por ta posibel cu R. a mira e sicacriz. Segun R., tempo e tabatin 5 aña, K. tabata sunchi y pasa man. Tempo e tabatin 7 aña, K. tabata sunchi y penetr’e cada siman. Despues K. a cuminsa tin relacion sexual cun’e. E victima a bisa cu K. tabata haci’e cu un otro mucha W. y cu e victima mester a tene e mucha na su mannan y cu W. no tabata gusta. E victima R. a bisa cu e tabata sinti dolor y tabata skop K. pero K. tabata persisti. Nan tabatin miedo di papia cu mayornan pasobra K. lo rabia. E victima R. a mustra cu e tin un potret di e cu e otro mucha W. Tabatin un potret di K. hunto cu e muchanan. E muchanan tabata bay serca K. pa mira peliculanan di mucha. E mucha R. a bisa cu ora K. tin relacion sexual cu W. e tabata eynan. Un di e victimanan a bisa cu K. a bestel un bikini p’e y cu e mester tene relacion sexual cun’e.
Hues a mustra cu segun declaracion di e mama di R., e sa laga su yiu serca K. ora e tin cu traha. El a bisa cu e muchanan R. y W. tabata bay serca K. pa usa internet pa TikTok. Un testigo a bisa cu e sa mira e muchanan serca K.
Hues a bisa K. cu si na K. su opinion, tur e cosnan aki ta inventa, ta mihor e papia awor. K. a bisa Hues cu e ta laga tur cos den man di su abogado.
Hues a remarca cu K. por aclarea cosnan pasobra ta e so tabata eynan.
Fiscal a pasa un video pa e sospechoso K., Hues y abogado mira di e muchanan ta usa aparato pa huma pero K. a bisa cu e ta haci uso di su derecho di silencio.
SOSPECHOSO TA DESMENTI
Abogado a haci K. serie di preguntanan. K. a bisa cu e mama di R. tabata bay serca dje y hasta el a laga e mama cu un yabi di reserva pa asina si algo pasa, e tin un yabi pa habri e trailer. Ta asina cu e muchanan R. y W. a usa e yabi di reserva sin su autorizacion. Na Mei 2023, R. a bay Hulanda. K. a desmenti di tabatin contacto cu R. na Hulanda. Ariba preguntanan di abogado, K. a bisa cu R. a bis’e cu un di su omonan tabata abusa di dje. K. a bisa cu el a cumpra bikini pa R. pero cu R. lo pag’e. El a bisa cu no tin nada palabra di sex pa bikini. K. a bisa cu promer cu R. a bay Hulanda, el a bay despedi di K. y a bisa K. cu nan a gar’e den cas cu un otro homber. E abogado a puntra K. riba sicatris na pia y K. a mustra cu e sicatris ta di su rudia te patras di su heup.
VIDEONAN PORNOGRAFICO
K. a splica cu un amiga a mand’e link di pornografia pero K. no por habri’e y tambe potretnan screen shot. Hues a mustra cu Polis a habri e link. K. a bisa cu e link no por wordo habri y awor e no sa cu Polis a habri’e. K. a splica cu el a haya link di pornografia di hende grandi y no di mucha. 6 ARMA Y MAS DI 600 BALA
Continuacion pag. 6
minister-president mike eman ta huesped
den Wnl op Zondag
Diadomingo 21 di september, MinisterPresident Mike Eman tabata huesped den programa WNL op Zondag, un di e talkshows mas mira y influiente riba television nacional Hulandes. (Nederlandse Publieke Omroep 1) Durante e emision, bou di guia di presentador Rick Nieman, Minister President Eman a sinta hunto cu:
• Eelco Heinen, Minister di Finanzas, prominente di VVD;
• Jef Mac Mootry, Comandante di Korps
Marinier (2017–2020)
• Jacques Monasch, ex-Miembro di Tweede Kamer (PvdA) y pensado politiko
• Danka Stuijver, dokter di cas y columnista na Volkskrant
Premier Eman a usa e podio nacional aki pa enfatisa e importancia di Aruba su garantianan den Reino Hulandes como fundamento di stabilidat y di calidad di cooperacion. Ademas, el a pidi atencion pa un transicion na un modelo nobo economico, unda desaroyo no ta un meta
riba su mes, sino ta traha pa bienestar y calidat di bida, pa e bon comun. “Nos no kier hotel di 5 strea so, sino schoolnan di 5 strea, barionan di 5 strea, calidad di bida di 5 strea pa nos hendenan”.
Cu e contribucion aki, Minister-President di Aruba a logra pone atencion riba e forza di cooperacion den Reino y riba un vision pa futuro cu ta pone hende y sosiedat como prioridad.
LIDER DI MEP EVELYN WEVER-CROES TA RETA MIKE EMAN PA DEBATE RIBA LEY DI REINO HOFA
Lider di Partido MEP
Evelyn Wever-Croes ta reta minister president Mike Eman pa un debate. Motibo ta cu segun lider di MEP, Mike Eman ta coriendo pa su responsabilidad di duna cuenta na Parlamento y na comunidad. Y principalmente pasobra en bes di duna informacion e prome minister ta manipula cu informacion.
Dia 29 di augustus e gobierno di AVP Futuro a presenta un ley di reini HOFA, un documento di 46 pagina.
Segun prome minister e mester a bai di acuerdo pasobra lider di MEP a firma un acuerdo un anja prome.
Aki ta referi na e acuerdo di 3 pagina. “Con bo por bisa cu ami a mara bo na e documento di 46 pagina
siendo cu ami a firma un acuerdo di 3 pagina pa bai negocia. Cu esaki ta muestra cu ta AVP Futuro a firma e ley di 46 pagina.
Mirando cu nan ta sigui bruha tera en bes di duna cuenta, mi ta reta prome minister Eman pa un debate. Unico punto di agenda ta : ken a firma kiko! Ami ta bin cu mi pruebanan y e por bin cu su pruebanan pa asina for once and for all henter Aruba por mira e berdad: cu ami sigur no a mara e gobierno aki, mi a laga un menu atras cu dos opcion.
Ta e gobierno di AVP Futuro a scohe e opcion di ley di reino di 46 pagina.
Mi ta spera cu prome minister Eman no core pa e debate aki tambe” lider di MEP Evelyn WeverCroes a termina bisando.
Fiscal a exigi 10 aña di prison pa homber
cu a
abusa di dos mucha muher y haya cu 6 arma di candela-2-
Hues a bisa cu 6 seis arma cu peña y balanan, Polis a haya na trailer di K., durante un investigacion. Segun K. tur ta pertenece na club di tiro. K. a bisa cu tur e armanan tabata den su caha fuerte, e tin permiso pa tur. El a bisa cu tin un carta cu ta bisa cu tur e armanan ta di un club di tiro. K. a splica cu un dia promer cu Polis a haci investigacion na su cas, el a bay practica tiro y dos di e armanan tabata den un tas pafor di e caha fuerte. El a bisa cu e mester a haci e dos armanan limpi promer cu e hinca nan bek den e caha fuerte. El a bisa cu desde 2002 e ta miembro di club di tiro. Abogado a mustra cu tin un permiso di Minister di Husticia na 2007 pa miembronan di club di tiro, pa tin arma di candela na cas y mester warda e arma(nan) den caha fuerte. Segun K., su nomber ta riba e lista ey. Hues a bisa cu e tin e listanan y den un lista di 2025 tin 6 biaha e nomber di K. cu tin arma di e club di tiro.
Fiscal a confronta K. cu un video caminda ta mira e mucha R. cu un arma den man. K. a bisa Hues cu e dia ey, R. y su mama a bin serca dje. K. a splica cu el a caba di haci e arma limpi y e mama tabata papia cun’e pafor. E mucha R. a bay paden y a coy e arma. El a bisa cu e ta sigur cu e arma ta safe pasobra e no tabatin bala aden. El a bisa cu e no sa di e video cu e mucha a haci.
MAYORNAN A PIDI HUSTICIA
E tata di R.(15) a bisa cu nan a haya shock di nan bida ora cu na November 2024 a haya sa cu pa 8 aña largo nan yiu tabata victima di abuso sexual. E tata a bisa cu K. a forza R. pa tin relacion sexual y a convence R. pa busca su amiga W. pa tambe tin relacion cun’e. E tata a
sigui bisa cu nan a keda den shock ora nan a mira nan yiu R. ta hunga cu un arma di candela di K. E tata a bisa Hues cu R. ta sufriendo y tin berguenza pa loke a pasa cun’e. El a keda cu trauma. E tata a bira emocional y hasta tabata yora. E tabata keda wak e sospechoso y bise: si bo ta suficiente homber, bira wak mi den mi cara”. “Bo engañonan y manipulacionnan a caba”. El a bisa e abogado cu e mester realisa cu e ta defende un hende cu a manipula mucha. E tata a bisa cu e yiu a expresa cu K. a manipul’e y abusa di dje sin tene cuenta cu su edad. E tata a pidi Hues pa tene cuenta cu su yiu a wordo abusa cu su 5 aña. El a pidi Hues pa haci husticia pa loke K. a haci cu mi yiu. E tata a finaliza bisando cu su yiu merece husticia.
E mama di W. a bisa Hues cu e ta hunto cu su casa a kede sorprende cu loke a sali na cla. El a bisa cu Dios ta maravilloso y tur cos ta sali na cla. E mama a enfatisa cu su yiu ta un menor di edad y un persona cu ta traha cu ley na Immigracion mester sa mihor. El a remarca, Dios sa si tin mas mucha inocente cu a sali perhudica. E mama a bisa cu su yiu W. a wanta tur cos aden y awor mester di tratamento psycologico. El a mustra cu tin un calculacion di mas o menos 3 mil florin pa cuminsa cu tratamento. El a finaliza bisando: “No tin un prijs pa consola na e daño cu K. a haci na nos yiu”.
E tata di R. a demanda 84, 949 florin total. E mama di W. a mustra cu tin un calculacion di mas o menos 3000 florin pa cuminsa cu tratamento psycologico.
VICTIMA TA MALO
Abogado a bisa Hues cu K. ta sufri di curason.
K. a bisa Hues cu e caso aki ta un sla duro p’e pasobra e muchanan ta papia cosnan cu no ta e berdad. El a bisa cu su salud a bay atras. El a bisa cu tur e cos aki a perhudik’e y politica tambe a perhudik’e. El a bisa cu den politica nan ta papia di e chofer pero e ta e seguridad di ex Promer Minister.
FISCAL
Fiscal a bisa Hues cu si no tabata pa R., nunca lo a haya sa di e caso aki. Bisinja a abusa di dos mucha menor di edad. Fiscal ta haya cu tin suficiente prueba convicente y declaracion di e dos muchanan. Nan tabata hunto ora cu e abusonan tabata tuma lugar. E ta haya e declaracion di e muchanan confiabel. E ta haya cu e declaracion di R. y W. ta consistente cu ta K. a abusa di nan. E muchanan tabata yora ora nan tabata conta kico a pasa cu nan. Fiscal a mustra cu mas di 40 potret di pornografia di mucha, a haya den cellular di K. Tambe tin videonan di pornografia di mucha. 6 arma di candela y mas di 600 bala haya na cas di K. Pa cu e castigo, Fiscal a bisa cu entre 2015 y 2023, K. a abusa di dos mucha menor di edad. El a abusa di confianza di bisiña. A tacha e muchanan nan integridad y por afecta nan den nan bida. K. tabatin 6 arma ilegal den su poder. Fiscal ta tuma K. na malo cu K. ta laga e mucha R. tin un arma den man. Fiscal a exigi 10 aña di prison. Pa loke ta demamda di daño, Fiscal ta haya cu por aproba nan.
Hues, despues di a scucha e defensa di abogado, a sera tratamento di e caso y a bisa 10 October 2025 lo tin sentencia.
JacKpoT progresiVo di exQuisiTe bingo Ta bira
$28,362,-The casino na s T.regis Ta sigui Tur diasabra y diadomingo cu $5000,- na premio !
Palm Beach, Aruba 19 September 2025
Nos ta wardabo diasabra y diadomingo na “The Casino at St Regis Aruba”, porta ta habri di 7.30 AM pa asina duna oportunidad pa cumpra carchi di bingo na un balor di $20,- . Costo pa un booklet ta $20. Cumpra 2 carchi y ricibi e di 3 carchi completamente gratis.
JACKPOT PROGRESIVO A BIRA
$28,362,-Exquisite Bingo ta ofrece un total di $5,000 na premio y un Jackpot Progresivo hopi actractivo.
Pa mas informacion, por tuma contacto cu e Casino VIP Desk na +297 281 2374.
The Casino at St. Regis ArubaPlay Exquisite
Hues a dicta cu Gerlien a abusa di su poder brutalmente; a orden’e pa pone sabine bek na trabao
Corte di husticia a dicta un sentencia contundente contra minister Gerlien Croes, despues di su intento pa despidi ilegalmente Sabine de Groot, un hoofdcoördinator na programa Ensefiansa pa Empleo. Un retiro sin motibo
De Groot a cuminza su trabou cu contrato firma riba 1 di februari 2025. E Ministerio a paga su salario mensual mas toelagen, i tabata prueba cla cu su nombramento tabatin respaldo financiero. Apesar cu tur cos a wordo formalisa, Croes a manda un carta riba 31 di juli 2025 pa despidí De Groot, alegando cu no tabatin base legal ni presupuesto.
Segun corte, esey ta un motibo inventa. “Ta cla cu un contrato a wordo firma, trabou a cuminza i pago a wordo hasi. Gobierno no por nenga realidad,” hues a indica den su motivacion.
Corte: “Abuso di poder”
E sentencia no laga espacio pa duda: Croes abusa di su poder. E hues a resalta cu minister Croes ni siquiera a tene cuenta cu situacion personal di De Groot: un mama soltera cu dos yiu adolescente, dependiente riba e salario pa mantencion di su famia.
Hues a agrega cu manera cu Gerlien a trata e
asunto ta “poco empatico i inaceptabel”, un falta di respet no solamente pa De Groot, sino tambe pa regla basico di bon gobernacion. E sentencia duro contra Croes
Corte a ordena:
Restitucion inmediato di De Groot den su posicion, Pago di su salario atrasa mas tur toelagen desde 30 di augustus 2025, Un multa di Afl. 500 pa dia si Croes no cumpli, te un máximo di Afl. 250.000, Pago di tur gasto di proceso.
Reputacion di Gerlien den duda
E caso ta un golpi duro pa reputacion politico di minister Gerlien Croes. Pa hopi, e manera cu el’a trata un empleada leal ta un ehempel di arrogancia, falta di empatia i abuso di autoridad. Den un isla caminda confianza den liderazgo ta fragil, e accionnan di Croes solamente ta profundisa e duda den su maneho di ministerio.
Si un minister ta trata un mama soltera asina, kicl por spera e pueblo di Aruba?
E sentencia ta un victoria importante pa Sabine de Groot, pero mas ainda un recordatorio pa gobierno: poder no ta licencia pa haci abuso.
Pa minister Gerlien Croes, e caso aki ta un berguenza historico cu lo sigui persigui su nomber politico pa hopi tempo. Texto exacto di hues contra Gerlien: “HET KOMT ER DUS OP NEER DAT DE OPZEGGING NAAR VOORIOPIG OORDEEL INDERDAAD MISBRUIK VAN BEVOEGDHEID OPLEVERT EN DAT DIT NAAR MAATSTAVEN VAN REDELIJKHEID EN BILLIJKHEID KENNELIJK ONAANVAARDBAAR IS JEGENS DE GROOT.”
Vibration cultural Vol. 2 - di lama pa tayo! saVaneta, aruba
CEDE ARUBA ta orguyoso pa sigui su Vibracion Cultural cu e Festival di cuminda di lama y Torneo di pesca! E evento vibra aki, organisa hunto cu Aruba Tourism Authority (A.T.A.) y Fundacion Savaneta Prome Capital, ta celebra e rikesa cultural di Aruba y ta duna sosten pa iniciativa local.
E serie Vibracion Cultural ta diseña pa duna mas poder na comunidad via evento sostenibel y creativo. E prome edicion, den colaboracion cu Centro di Bario Noord a reuni hendenan pa un festival alegre cu banda local y musica original. Pa e di dos edicion aki nos ta enfoca riba Savaneta. E meta principal ta pa duna mas poder na comunidad di piscado door di renoba e pier y mercado di pisca.
Bishitantenan lo por gosa di pisca fresco prepará directamente di torneo; “Di lama pa tayo”. Tambe ta bay tin mas di 20 tent cu ta ofrece seafood. Lo tin un mercado di arte nan local, actividad pa famia y musica en bibo.
Tur ganashi ta bai na reparacion di e piernan di Savaneta.
Evento: Vibracion Cultural Vol. 2 – Festival di cuminda di lama & Torneo di pesca
Fecha: Diadomingo 28 di September, 2:00–9:00 anochi
Luga: Pier Ex Brisas del Mar, Savaneta, Aruba
Entrada: Gratis
Atractivo: Mas di 20 tent di cuminda, torneo di pesca, arte local y musica
Organisadornan di evento:
CEDE ARUBA – Fortaleciendo desaroyo di comunidad door di strategico partnernan. Aruba Tourism Authority (A.T.A.): Promove turismo na Aruba y na mes momento preserva bienestar local. Fundacion Prome Capital Savaneta: Revitalizando Savaneta pa medio di participacion di comunidad
Informacion pa medionan di comunicacion: paulien@cedearuba.org | +297 582 7666
Proceso Pa inicia construccion di un Prizon nobo ta den su fase di estudio
Na e momento aki e facilidad Korrectie Instituut Aruba (KIA) no ta factibel, y ta practicamente afgekeurd. Minister di Husticia mr. drs. Arthur Dowers a duna di conoce cu locual ta tumando luga awo aki ta un analisis pa sigura cu ningun hende ta core riesgo directo, como tambe haya un indicacion di e condicion cu e luga ta aden.
E mandatario a indica cu no por descarta e echo cu lo tin posibilidad cu na cierto parti di e facilidad esaki lo por bin abao na cualkier momento. Mirando e riesgo aki mes ta bay percura pa esaki lo keda mitiga.
Despues di un analisis profundo lo tin cu tuma decision riba e siguiente procedura. Ta mira si yega na e determinacion
cu berdaderamente tin cu muda e prizon, cual ta algo cu Minister Dowers a indica anteriormente caba. Despues di a laga diferente raport atras pa e gobernacion anterior riba e situacion di e prizon, a constata cu no a tuma paso pa construccion di un prizon nobo, maske cu ta algo cu nan mes a vocifera na varios ocasion.
E tardansa den proceso ta debi hopi biaha na e stagnacion cu ta tuma luga den diferente signatura, pero ta ocho aña mas leu, tin hopi cambio tecnologico rond mundo cual ta tene cuenta cu ne pa cu e proceso y asina duna inicio na e construccion di un prizon nobo pa pais Aruba.
chauffeur a Perde control bolter cu auto
na Kudawecha, 3 auto y 4 heridos envolvi!
Diasabra madruga a drenta informe di un accidente cu hende herida na KUdawecha, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente
unda cu un hoben chauffeur di un Kia Rio a perde control bay banda robes dal semi-frontal riba un Toyota Corolla di direccion contrario baha caminda dal auto staciona y bolter. Debi na e impacto 4 persona
a resulta herida den cual 3 dama y un mucha. Na yegada di e ambulans nan a atende e 4 heridonan y a transporta unicamente 1 pa hospital e otronan a ser atendi na e sitio mes.
Prome minister eman ta buscando alternativa Pa e area di refineria
E bishita di Prome
Minister mr. Mike Eman na Hulanda tin un obhetivo significativo pa nos comunidad y Eman ta haciendo tur esfuerso pa logra cosnan grandi pa Aruba.
Asina Premier Eman a haci un bishita diabierna cerca Sandor Gaastra, Secretaris Generaal di Ministerio di Asunto Economico y Clima na Hulanda.
Prome Minister Eman a comparti e diverso plannan pero tambe ta sondea con por desaroya e tereno di refineria. Tin estudionan intensivo pa haci prome cu haci cualkier movecion riba e tereno di refineria, pero esaki no ta kita afo cu e trabao ta bay ta hopi grandi pa sanea y desaroya e area den futuro. Hulanda ta dispuesto pa yuda Aruba mirando cu nan tin e capacidad y varios entidad cu experticio riba e tereno aki.
Segun Gaastra, mirando tur locual ta pasando rond mundo, ta hopi importante
pa tin un bon relacion cu tur pais, pero specialmente cu e partnernan den Reino Hulandes.
Pa Prome Minister Eman, e ta importante pa sa kico ta bay pasa cu e area di e refineria. Recientemente, Parlamentario Mike de Meza, a presenta un mocion historico den Parlamento den cual a dicidi cu mester drenta un otro epoca pa e area di refineria. Esey ta nifica cu mester sanea e area por completo y busca pa desaroya esaki cu otro actividad comercial economico.
E proceso aki no ta facil y ta rekeri hopi experticio y profesionalismo y transparencia. Cu sosten cu a ricibi for di Hulanda pa e proyectonan PPP di Green Corridor y Watty Vos Boulevard, a haya for di Rijkswaterstaat di Hulanda expertonan cu a yuda formula tur detayes di con mester atende cu proyectonan di e embergadura asina.
Ta e tipo di apoyo ey Gobierno kier for di Ministerio di Asunto Economico di Hulanda. Banda di Haskoning, cu ta un compania experto cu ta acesora den e tipo di temanan asina, tecnologicamente ta bisabo kico por y ta evalua con ta haci e limpiesa di e area. Ademas ta busca sosten riba nivel di legislacion y di organisacion di destahonan publico di e tamaño aki den cual mester garantisa tur transparencia pa haya e miho oferta.
Awe nos ta para dilanti otro oportunidad grandi
pa desaroyo nobo pa tanto San Nicolas como pa Aruba completo. E area tin un potencial pa Aruba su economia, si por realisa desaroyo moderno y limpi cu lo trece mas empleo, tanto den e desaroyo nobo como durante e periodo di limpiesa. Kico lo haci den a area no ta difini ainda, pesey ta sondea experticio di Hulanda pa yuda cu e desaroyo di e area grandi aki. Tin hopi oportunidad pa desaroya un cantidad di actividad comercial economico cu lo trece desaroyo pa San Nicolas y Aruba completo.
Aruba a perde hopi tempo balioso cu
contratonan "overnight" cu companianan cu no tin e capacidad pa maneha nada riba e area ey. No tin tempo mas pa traha cu companianan amateur y pesey ta necesario pa busca sosten cu companianan di nivel halto. Ademas di companianan manera Haskoning, PWC, y KPMG y otro entidadnan grandi, Aruba kier tin un capa di "governance" di hendenan cu capacidad cu sa con huridicamente ta hinca tipo di contratonan di destahonan asina grandi den otro pa garantisa un proceso di nivel halto.
accidente semi-frontal cu un Persona
herida y un nissan march a drenta mondi!
Diasabra madruga a drenta informe di un accidente cu hende herida na e "T-weg" di Meivel pa Pavia, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente semi-frontal unda despues di e impacto e Nissan March a bay drenta mondi. Afortunadamente e ningun hende den e March a resulta herida cu excepcion di e chauffeur di e pick-up cu si a resulta herida. Na yegada di e ambulans nan a atende e vidtima di e pick-up.
ADDONSITO TA FELICITA SV BRITANNIA DAMAS CU PRE CAMPEONATO 2025
Den compleho deportivo Franklin Bareño completamente yen cu fanaticada di SV Estrella y SV Britannia damas, mi tabata honra di tabata e MC principal di e final di Copa Sharin Gomes - Tineke Jansen 2025 organisa pa SV Britannia pa prome biaha na Aruba. E score final, despues di penalties, a keda 3 – 2. E prome sace di bala tabata pa Tineke Jansen. Despues cu Thyara Doornkamp a interpreta nos himno nacional Aruba Dushi Tera, a honra e damanan Sharin Gomes y Tineke Jansen pa nan
sosten di mas cu 30 aña na Britannia damas y futbol femenino na Aruba. Un dia prome, Youth Britannia tambe a sa di skirbi e titulo aki riba nan nomber. Contra Estrella nan a gana cu 4 – 0. Organisador Thyara Doornkamp, Mylenne Croes, Tracy Pieters, Angelle Winklaar y coach Jean Pierre Fingal, ta gradici cada persona cu a sa di contribui haciendo e evento exitoso den september 2025. Gradicimento special pa masahista Gustavo Rojas, segundo coach Edemis Pirona, keeperstrainer
Josthan Maduro y e filmado Live Noraima de Windt.
Na final su excelencia minister di deporte Gerlien Croes a haci
entrega di e copanan na sub campeon SV Estrella y campeon SV Britannia.
Cadena di CaC ho di bisiña a pasa riba
pia di persona riba rolstoel y a C orte
Diabierna mainta a drenta informe di cu na Bubali e cadena di un cacho di bisiña a pasa riba e planta di pia
di un persona riba rolstoel y a corte, mesora a dirigi
un ambulans na e sitio. Na yegada di e ambulans nan a atende e persona riba rolstoel.
Master yosh M ar Wever y Zahyon
Klaber a s C oge e atletanan di a ruba pa b est of the b est 2025
Master Yoshmar Wever y Zahyon Klaber trainer y coach di Taekwondo Team Aruba a scoge e miho atletanan cu a participa den e 3 campeonatonan nacional organisa pa Brazil Taekwondo Stichting pa representa Aruba den e di 30 Best of the Best 2025 cu lo tuma luga den Centro di Bario Brazil.
Best of the Best ta conta cu participacion di 8 Pais
Internacional y e atletanan selecta lo bringa contra di e Paisnan Internacional. E siman aki tur scol di Taekwondo cu a participa den campeonatonan nacional lo haña e lista di nan atletanan pa nan por preparanan pa enfrenta e Paisnan Internacional. Best of the Best ta conta cu refereenan Olimpico y nos refereenan di Internacional di Aruba.
Best of the Best 2025 ta bay duna Honor na Grand Master Henk Meijer Campeon Mundial na aña 1985.
Grand Master Henk Meijer tabata presente na e prome Best of the Best organisa pa Brazil Taekwondo Stichting na aña 1995 y awo ta cla pa celebra 30 aña di Best of the Best.
Anuncio di Identidad Visual
Awe B A nco c entr A l di Aru BA tA introduci un identidA d visuA l no B o
Banco Central di Aruba (BCA) a yega na un momento crucial cu ta rekeri un cambio den su identidad visual. E cambio aki tin como meta pa reahusta e representacion visual di CBA cu su mandato, su responsabilidad pa cu e comunidad Arubano y tambe enfoke continuo riba integridad y sostenibilidad.
A reemplasa e colornan anterior di nos logo cual ta blauw, oro y blanco cu un palet di colornan di
tera. E colornan nobo aki ta refleha cuido, confiansa y responsabilidad, cu ta hunga un rol fundamental den proteccion y integridad, mientras tambe reinforsa e rol di BCA como e instituto responsabel pa proteha e sistema financiero di Aruba.
Den e ultimo añanan, Aruba a demostra resiliencia y capacidad di adaptacion remarcabel dilanti di retonan global. BCA ta reconoce cu stabilidad financiero
y sostenibilidad ambiental mester ta metanan interconecta cu mester bay tras di nan conhuntamente.
E identidad di nos “brand” nobo ta refleha pa medio di e tononan natural cu ta transmiti autenticidad, conexion cu e medio ambiente y un vision a largo plaso pa logra crecemento sostenibel.
E renobacion visual aki ta enfatisa mas ainda e balornan di integridad, maneho y responsabilidad
cu ta guia CBA. E ta señala e intencion di BCA pa sigui adapta na cambionan rapidamente riba nivel global y local, mientras ta sigura cu e decisionnan actual ta den liña cu e necesidadnan di futuro generacion. Como parti di e transicion aki a rediseña e pagina di entrada di e website di BCA pa refleha e identidad visual nobo, ofreciendo un experiencia nobo pa e comunidad.
E identidad actualisa ta fortifica e imagen publico di Banco Central di Aruba
su balornan door di refleha visualmente su mandato di proteha stabilidad monetario, promove un sistema financiero saludabel y sostene crecemento economico sostenibel, mientras keda cumpli cu e balornan cu ta guia su maneho diario y su vision riba termino largo.
Cu e paso aki, BCA ta sigui posiciona su mes como un institucion cu mira pa dilanti, cu ta operando cu claridad, proposito y cuido pa e futuro prosperidad di nos isla.
Prome Minister e man a reuni cu Minister di relacionnan e xterior, Asilo y Migracion, d avid van weel
Durante su bishita na Hulanda, Prome Minister
mr. Mike Eman, a haci un bishita formal cerca
Minister David van Weel di Relacionnan Exterior, Asilo y Migracion. Minister van Weel a remarca cu Prome Minister Eman tin bon conocemento di Hulanda y a keda contento di por a cera conoci cu Prome Minister Eman.
Durante su encuentro, Van
Weel a sigura cu Hulanda tin wowo riba e situacion na Venezuela y den region y tin e obligacion pa duna sosten cu defensa pa e islanan den Caribe Huandes si acaso e situacion escala pero te awo no tin motibo pa esaki. Apesar cu tin movecion di barconan Americano den e area pero esaki ta relaciona cu e operativo contra traficacion di droga for di Venezuela y nada mas, pues
no tin un situacion agudo cu mester intervencion di defensa Hulandes.
Prome Minister Eman ta reafirma cu defensa Hulandes tin bista riba e region den Caribe pa tene e trankilidad den area. No tin motibo pa preocupacion, otro cu e operativo contra traficacion di droga for di Venezuela. Cu tin traficacion di droga for di e pais bisiña cu ta pasa den nos region, no ta nada nobo, y ta hustamente pa combati esaki, a trece Kustwacht Aruba y a instala radar rond di Aruba pa intercepta esaki. Tin un sentido grandi di trankilidad pa locual ta trata e atencion cu Reino Hulandes ta duna riba e tema aki.
Ta bon pa pone esaki den contexto pa locual ta e discusion riba e Rijkswet. Ta importante pa evalua kico ta e diferencianan di opinion y disputanan cu bo kier como pais, cu hustamente esnan cu ta duna e garantia di e trankilidad den e region y siguransa di proteccion basa riba e statuut cu nos tin. E interes pa trankilidad
y den relacion constructivo y positivo cu ta habri porta economico y conocemente y portanan di estadistanan grandi manera ex-Prome Minister Balkenende cu ta mira e postura optimista y ta dispuesto pa yuda, ta pisa hopi mas cu weganan politico. No tin tempo
pa weganan politico ora ta papia di siguridad y trankilidad den un pais. Esakinan ta temanan importante cu Aruba mester carga su responsabilidad, den e mundo grandi, cu conocemento, sabiduria, reflexion profundo y madurez.
MALCONTENTO CONTRA MINISTER
GERLIEN CROES DEN VELD DI ENSEÑANSA TA CRECIENDO
Fraccion di MEP den reunion cu maestronan laborando den scol basico, a expresa nan malcontento cu e minister di enseñansa.
Aparte di kehonan cu e minister ta mete directamente den casonan individual di alumno, awor tin keho di mas conflicto di interes. E minister ta creando un cartel pa loke e veld ta sinti como un pelea contra e veld.
STRUCTURA SALARIAL
Maestronan ta hopi malcontento cu e proyecto aki no ta cla ainda siendo cu e gobierno y e minister di finansas ta broma cu tin surplus y cu e surplus ta bira mas grandi. Maestronan no ta compronde dicon e ora gobierno no por cumpli cu nan. Maestronan ta condena cu e minister di enseñansa en bes di continua cu gobernacion, ta parse di kier stop tur cos, sin worry cu maestronan ta bira victima. Locual cu a crea mas rabia ta e hecho cu coordinadornan den Cocolishi y hasta chauffeur di minister ta gana mas cu maestronan.
SCARSEDAD DI MAESTRO
Mientras cu tur hende sa cu tin scarsedad grandi di maestro, e minister ta saca
maestronan cu ta para dilanti di klas, pa sea bira coordinador - cu salario astronomico - of pa asumi otro cargonan, lagando un bashi abrupto na scolnan. Y esun cu tribi di reclama ta haya un minister mandona y gritona.
Fraccion di MEP su tarea ta pa scucha loke ta biba den e veld y trece e preocupacionnan dilanti den speransa cu gobierno por recapacita. Fraccion di MEP lo manda preguntanan pa e minister duna aclaracion.
Un feliz dia fructifero colma cu hopi gracia di Dios.
’Ningun hende no por bini cerca Mi, si mi Tata cu a manda Mi no hal’e
cerca Mi’. (Huan 6, 44)
Cristo ta bisa cu ta via di Dios so un hende por yega cerca djE. Mescos tambe den e lectura ta pa medio di un angel di Dios Felipe a
topa cu e africano. Cristo mes ta splica cu E ta e pan cu ta duna biba. Esaki ta nifica cu nos tin di sigui busca Cristo pa medio di oracion, pa medio di lesa Bijbel, cumpli cu e 10 mandamentonan, haci
bon obra, haci sacrificio y scucha e Palabra di Dios. Busca pa por conoce e Palabra di Dios, laga Pastoornan y Diacononan splica e Palabra di Dios ja asina nos por yega cerca di Dios y Cristo Hesus. Felipe a splica e homber di Etiopia e loke e tabata lesa di profeta Isaias y ora el a compronde el a wordo batisa mesora. Rumannan nos tin di sigui y busca e pan cu ta duna bida cu ta Cristo. Haciendo esaki nos tin sigur di haya bida eterno.
Oracion: Dios Tata laga Spirito Santo inspira nos pa nos por sigui busca e pan cu ta duna nos bida cu ta Cristo. Amen.
Polisnan a toPa cu un
Pelea dilanti un club nocturno na tanki
leendert a Pidi Patruya di tur distrito!
Diasabra madruga durante cu patruyanan di Oranjestad tabata pasando dilanti un club nocturno na Tanki Leendert a topa cu un pelea andando, mesora nan a pidi refuerso y a baha atende e pelea. Polisnan di tur distrito a bini cu un total di 8 patruya. Polis despues
di basta rato a normalisa e pelea y a solicita un ambulans pa atende un herido y un vehiculo di transporte pa transporta e detenido. Na yegada di e ambulans nan a atende e victima na e sitio mes mientras na yegada di e vehiculo di transporte a hiba e detenido pa warda di polis.
Mira con Dios a salva mi, Tur mi confianza ta den djE, Señor Dios ta mi forsa, mi refugio. E mes t’Esun cu a salva mi. Isa as 12:12
Cu inmenso tristeza na nos curason, pero conforme cu boluntad di Dios, nos ta anucia fayecimento di nos mama, wela, bisawela, ruman y tanta:
Sra. Vda. Maxima E. Semeleer - Paesch
Cariñosamente yama “Shomina”, “Mamina” *01-02-1934 - 13-09-2025
Casa:
Rafael Semeleer
Na nomber di su yuinan:
Marcia Paesch y yiunan
Cadia Paesch y yiu
Francisco (Scnt) y Gina Semeleer – Jansen y yiunan
Antonio (Tony) y Alva (Jolanda) Semeleer - Geerman y yiunan
Dominico Semeleer y compañera y famia
Magaly y Pedro Zievinger- Semeleer y yiu
Rafael (Ito) Semeleer
Johnny Semeleer
Elvis y Esther Semeleer y yiunan
Vda. Glenda y †Ildo Vrolijk -Semeleer y yiunan
Nieto- y nietanan:
Carina y Jeffrey Rojer-Figaroa y yiunan
Javier Flanders
Eldrick Noèl
Kimberly Semeleer y Tim Remijn
Franky Semeleer
Shuraima Henriquez y yiunan
Jeffrey Semeleer y Joanne Vrolijk y yiunan
Samantha Semeleer y Kevin Tromp yiunan
Militza y Jeffrey Croes-Zievinger y yiunan
Eunice Semeleer y Yakira Gabriel-Torres
Priscylla Semeleer y Janine Nicolaas
Zeick Larmonie y yiunan
Hiram Vrolijk
Rumannan:
Brunilda Paesch y famia
Margarita Paesch y famia
Vdo. Johan (Buchi) y Emila Paesch-Jacopucci y famia
Helena y Ronny Brete-Paesch y famia
Carmen Paesch y famia
Maria Paesch y famia
Amiganan di cas: Maria Marin, Dina Geerman.
Su bisanieto- y bisanietanan, sobrino- y sobrinanan, sua y cuñanan, primo- y primanan, Ihanan, comer y compernan, bon bisiñanan, amistadnan y demas famia: Paesch, Semeleer, Jansen, Geerman, Zievinger, Vrolijk, Figaroa, Rojer, Flanders, Noel, Croes, Remijn, Larmonie, Kelly, Henriquez, Werleman, Ras, Jacopucci, Brete, Ruiz, Flanegin, Chung, Eckmeyer, Tromp, Marin.
Un danki special ta bay pa dr. Christianne Zuijerdhoudt, dr. Carolina Becker, dr. Karina Kelly, Asst. Yadira Britten y tur otronan cu a yuda Shomina.
Oportunidad pa condolencia lo tuma luga na: Aurora Funeral Home Diamars 23 september 2025 anochi di 19:00 pa 21:00.
Ta invita tur demas famianan, amigonan y conoci nan pa asisti na acto di entiero cu ta tuma luga: Diaranson 24 september 2025 mainta di 9:00 pa 11:00 na Parokia St. Anna, Noord.
Desculpa nos si den nos tristeza nos por a lubida di menciona un of otro famia.
Nos ta lamenta cu despues di entiero nos no por ricibi bishita di condolencia na cas.
BON NOTICIA
CUAL TA E IGLESIA CU HESUS A LANTA NA HERUSALEM, CU TIN
MAS CU 2000 ANJA?
Bijbel Mateo 26: 26 – 28, den e ultima cena Hesus a bisa Su apostelnan: “Boso tur bebe for di e copa di binja aki, esaki ta Mi Sanger, e Sanger cu ta confirma e Aliansa cu Mi ta derama pa hopi hende, pa pordon di pikanan.” Akinan Hesus ta confirma Su Sacrificio y morto na crus, deramando Su Sanger precioso, pa e Aliansa Nobo di Dios Tata, cu ta e pueblo Nobo di Herusalem.
Bijbel Lucas 1: 32 – 33, ta bisa: “Senjor Dios lo duna Hesus e trono di Su antepasado Rey David y te den eternidad lo E ta Rey di e descendientenan di Jacob y Su Reino lo no tin fin.” Bijbel Mateo 16: 15 – 19: “Hesus a puntra Su apostelnan: Anto boso mes, ta ken boso ta bisa Mi ta? Simon a contesta: Bo ta E Mesias, E Yiu di Dios bibo! Hesus a bis’e: Felis bo ta Simon yiu di Huan, pasobra no ta hende a revela bo esaki, ma Mi Tata cu ta den Cielo. Mi ta bisa bo: Abo ta Pedro (o sea baranca) y riba es baranca aki, lo Mi lanta
Mi Iglesia y forsanan di fierno lo no podera di dj’e. Lo Mi duna bo e yabinan di Reino di Cielo y loke bo prohibi na tera, ta prohibi den Cielo tambe y loke bo permiti na tera, lo ta permiti den Cielo tambe.” Akinan Hesus ta bisa bon cla, Mi Iglesia, osea un solo Iglesia y no Iglesianan. E demonionan den fierno lo lanta diferente sectanan na mundo, pa podera y pa kibra e Iglesia di Hesus, pero nan lo no logra. Hesus a duna Simon e nomber Pedro, cu ta significa baranca, cabes visibel di Su Iglesia. Hesus a duna Pedro e yabinan di Reino di Cielo y esaki ta significa, cera y habri e portanan di Reino pa laga e almanan drenta den Reino di Cielo. Den e unico Iglesia di Cristo-Hesus, tin e yabinan di e portanan di Reino di Cielo. Hesus a duna e autoridad na Pedro pa dirigi Su Iglesia, di loke ta permiti y di loke ta prohibi. Bijbel Marco 16: 15 – 16, aki Hesus ta bisa Su apostelnan: “Sali pasa na henter mundo y predica e Evangelio pa henter
humanidad.” E palabra, sali pasa na henter mundo y predica e Evangelio pa henter humanidad, ta significa, Universal, Hesus Su Iglesia mester ta Universal. E Iglesia Universal di Hesus, ta e pueblo Nobo di Israel. Awor, tur hendenan na mundo, sectanan y e Hudiunan mes, nan mester kere den CristoHesus y nan mester drenta y bautisa den E Unico Iglesia Universal di Hesus, pa nan por drenta den e Reino di Cielo. Hesus a institui tambe, Su doctrinanan di Gracianan di salbacion pa Su Iglesia: Bautismo Mateo 28: 19 –20, Confirmacion Echonan di Apostelnan 2: 1 – 4, Confesion Huan 20: 23, Eucaristia Lucas 22: 19 –29, Matrimonio Mateo 19: 4 – 6, Apostolado Marco 3: 13 – 19, Enfermonan Hacobo 5: 14 – 15. Awor puntra bo mes, ta di con tin tanto sectanan na mundo y mientras ta un Iglesia Hesus a lanta? Awel na anja 1521, Martin Luthero un frere, teologo aleman a bai contra di e Iglesia Universal di CristoHesus. El a inventa e theoria di e interpretacion liber di Bijbel. E interpretacion liber aki, a produci 36.000 diferente sectanan y oposicionnan na mundo. Tur e sectanan aki, ta pretende di ta di Hesus. Durante tempo a trece hopi division y hopi di nan a lanta nan mesun religionnan, sectanan y predicando e Bijbel den nan mesun manera y buscando hendenan debil den fe pa sigi nan. Martin Luthero a bira Protestant, pasobra el a
protesta contra e Papa di Iglesia Universal di Cristo Hesus. Den Bijbel Echonan Apostelnan 20: 28 – 30, carta di San Pablo na su coleganan Apostelnan: “Cuida boso y di henter e rebanjo na cual Spirito Santo a pone boso como Obisponan pa warda e Iglesia di Senjor, na cual E’l a gana cu Su propio Sanger. Mi sabi cu despues di mi partida, lo drenta lobonan feros cu lo no tene compasion cu e rebanjonan y cu denter di boso mes, lo surgi hendenan cu lo sinja doctrinanan robes y nan lo gana discipelnan nan tras.” Ta manera cu Hesus a bisa den Bijbel Mateo 16: 18, cu forsanan di fierno lo purba podera y kibra e Unico Iglesia
Universal di Hesus, pero nan lo no logra. Den Bijbel Revelacion 21: 1014, ta bisa, di e ciudad Santo di Herusalem cu ta bahando di Dios for di
Cielo, briyando di Dios
Su Gloria. E muraya di e ciudad tabata tin diesdos piedra di fundeshi grandi y riba nan, e diesdos nomber di e diesdos Apostelnan di E Lamchi tabata scirbi. Esaki ta e diesdos nombernan scirbi riba e diesdos Portanan di Reino di Cielo. Awor husga pa bo mes, e Unico Iglesia Universal aki di CristoHesus, tin mas cu 2000 anja y a wordo lanta pa medio di e 12 Apostelnan di Hesus. Nan tabata e prome Obisponan y San Pedro tabata e Prome Papa, e prome cabes visibel di Cristo-Hesus Su Iglesia. E palabra Universal ta significa, Catolica. Compronde bon, ta un Iglesia so tin pa drenta Gloria di Dios y Hesus a institui Su doctrinanan aki pa nos cumpli cu nan. Nunca no ta laat pa compronde y pa sa e berdad. Scirbi pa Seferino Tromp
