P1
DIALUNA 21 SEPTEMBER 2026
21 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
CHAUFFEUR BOU INFLUENCIA TA SUBI CU SU AUTO RIBA E ROTONDE DI TURTUGA NA EAGLE BEACH
JENNIFER ARENDS-REYES
RE-ELEGI PRESIDENTE DI DOS COMISION CLAVE DI PARLAMENTO
P2
DIALUNA 21 september 2026
Dos persona herida den accidente diadomingo mainta na Palm Beach
L.G. Boulevard Diadomingo den ora di mainta polis a bay e crusada altura di Plam Beach Plaza, pa un accidente di trafico. Falta di preferencia a hunga un rol akinan. E
boksmento tawata entre dos v-car. Na e sitio nos a compronde cu e Foed Figo biniendo di nort direccion zuid a haye confronta cu e Nissan color preto cu a subi caminda.
frontal. Dos ambulance a presenta, unda cu dado momento a surgi medio discusion entre personal di ambulance y polis.
E boksmento lo tawata
Homber riba beach ta trompica cay y keda herida, cu aparentemente sla na cabes Bushiri: Diadomingo den oranan di merdia asistencia di polis y ambulance a wordo pidi cu urgencia na altura di e beach di ex Bushiri hotel, pa motibo cu un homber lo a cay hopi duro y a keda herida. Segun e persona cu a bati alarma, e homber tabata sangrando hopi y tabata sintiendo su mes malo, e homber lo a trompica cay y a dal su cabes. Na yegada enberdad bou di e
matanan dilanti di e beach, a bin topa cu e homber herida drumi riba e santo blanco. E la splica polis cu e la trompica y a cay hopi duro. Despues cu e paramediconan di ambulance a trat'e na e sitio, y despues a dicidi toch pa transporte pa hospital, pa e ricibi un checkeo medico mas avansa.
P3
DIALUNA 21 september 2026
Chauffeur bou influencia ta subi cu su auto riba e rotonde di Turtuga na Eagle Beach Spark blanco tabata biniendo for di direccion di Palm Beach, bayendo direccion di Eagle Beach. E chauffeur aparentemente no lo a pone tino cu e rotonde di e turtuga tabata net su dilanti y ya e no por a controla su velocidad
J.E. Irausquin Boulevard, Eagle: Diasabra algo
prome cu mey anochi, chauffeur di un Chevrolet
mas y cu velocidad halto a bay dal straight contra e rotonde, kibrando e rand di bloki di e rotonde.
E chauffeur no a keda herida, polis a presenta na e sitio pa tuma datos. Takelwagen tambe a
presenta pa kita e auto for di riba e rotonde y pone canto di caminda. Durante cu polis tabata tuma datos a bin nota cu e chauffeur lo tabata bou influencia y e la wordo deteni.
P4
DIALUNA 21 september 2026
Apertura oficial di Pasadia pa Adulto Mayor na: San Nicolas, un expansion di FCFPP
Señora Josephine Panthophlet di 102 aña un miembro activo di e grupo a corta sinta pa asina inaugura oficialmente e Pasa Dia cu ta carga e nomber: The Sunshine House. Your Home Away From Home.
Cu presencia di minister Mervin Wyatt Ras di asuntonan social y adulto mayor, Desireé Helder directora di Ouderenzaken, Adriaan Berg voorziter di Fundacion Centro
Famia Piedra Plat, Lila Bisslik Coördinator di e projecto, Joyce Charles activiteitbegeleider di The Sunshine House y su team di boluntarionan y demas invitadonan.
Despues cu e projecto Pasa Dia Den Famia 65+ a cuminsa den luna di januari di e aña aki (2026) na Piedra Plat, na maart na Soledad, awor a toca turno na San Nicolaas (Weverstraat 8-a) Den un corto tempo a logra
habri 3 localidad pa ricibi adultonan mayor E projecto aki ta cay bou responsabilidad di Fundacion Centro Famia Piedra Plat den estrecho apoyo cu Departamento pa Asuntonan di Adulto Mayor cu sosten financiero di Gobierno di Aruba. E programa di siman na cada Pasa Dia ta varia cu diferente actividadnan, den e posibilidad di cada adulto mayor bou coordinacion di sra. Lila Bisslik como Coördinator (trahado social) cu apoyo di un fysioterapista, 60+
specialist coach, terapia musical, obra di man y boluntarionan. Ta duna desayuno y lunch tambe. E pasadia nan ta habri for dialuna pa diabierna di 8:00 am. pa 4:00 pm. Pa mas informacion por tuma contacto na: Tel: 5855544 / 6415310 dentro di e orario di ofesina for di 9 am pa 5pm. E-mail: fcfpp50@ gmail.com Fundacion Centro Famia Piedra Plat ta traha ariba un base comunitario y social pa comunidad di Aruba sin fin di lucro.
DIALUNA 21 september 2026
P5
Accidente cu hopi daño material y hende herida na Piedra Plat
Piedra Plat - Diasabra merdia polis y ambulance a bay cu urgencia altura di Centro Kibrahacha pa un accidente serio di trafico.
Na yegada di Ambulance e Paramediconan mesora a cuminsa duna e asistencia y prepara pa lant'e y bay Hospitaal.
Chauffeur di e auto Kia Soluto cu plachi number V, tawata riba suela, tawata trata di perosna hoben masculino.
E accidente ta mustra falta di preferencia. Autonan envolvi ta Hyundai Santa Fe y e Kia Soluto v-car. Un impacto hopi fuerte den e banda di pasahero.
P6
DIALUNA 21 september 2026
Miguel Wever:
Accion contra autonan bandona ta parti di esfuerso pa recupera y ordena nos espacio publico ciudad y mehora e condicion di cayanan y espacionan publico.
E accion pa retira vehiculonan bandona cu ta ocupa caminda y espacio publico ta un siguiente paso den e esfuerso coordina pa drecha, haci limpia y pone mas orden den centro di Oranjestad. Miguel Wever, Coordinador pa Ministerio di Asuntonan General, a indica cu durante e ultimo lunanan e situacion di vehiculonan cu pa tempo largo ta para den diferente area a wordo identifica y sigui. Awo e proceso ta drentando den su fase
concreto. Doñonan di e vehiculonan ainda tin menos cu un siman pa retira nan auto boluntariamente. For di 24 di september, KPA y e instancianan concerni lo cuminsa cu accion pa retira vehiculonan bandona cu ainda ta den e areanan identifica. Segun Wever, e accion no ta un iniciativa aisla. E ta conecta cu e trabou mas amplio cu ta tumando luga pa revitalisa centro di
Un centro cu ta renoba y manteni mester tambe ta un centro limpi, accesibel y ordena. Vehiculonan cu ta keda bandona pa tempo largo den espacio publico no ta cuadra cu e direccion ey. Ultimo dianan pa actua boluntariamente Wever ta enfatisa cu e intencion di e periodo di aviso ta precisamente pa duna doñonan oportunidad pa resolve e situacion nan mes, prome cu autoridadnan mester interveni.P’esey e yamada ta pa no warda te ultimo momento. Despues cu e periodo di aviso caba, e accion lo sigui y e gastonan relaciona cu retiro di e
vehiculo lo keda pa cuenta di su doño.E prome fase ta concentra na Oranjestad. Segun Wever, esaki lo permiti e instancianan envolvi evalua e proceso den practica y atende eventual puntonan cu mester ahusta. Pero e meta no ta pa keda solamente den centro di ciudad. E intencion ta pa, despues di e prome fase, sigui amplia e accion gradualmente pa otro areanan di Aruba.
Pa Wever, e iniciativa ta finalmente un cuestion di responsabilidad comparti: Gobierno y e instancianan ta haci nan parti pa drecha y mantene espacio publico, mientras cu cada doño di vehiculo tin responsabilidad pa percura cu su propiedad no bira un problema pa comunidad. Dia 24 di september e accion ta cuminsa. E yamada na doñonan ta pa uza e dianan cu ta resta y retira nan vehiculo boluntariamente.
Chauffeur cu a hit&run mester a bay Hospitaal Cura Cabay - Diasabra anochi rond di 11'or y mey a sosode un accidente di trafico altura di Wendy's na Cura Cabay, lo tawata un hit&run.
Polis a yega y a topa cu un Renault cu un dama cu su yiu, e Hyundai Accent cu a
dal nan a core bay.
Mientrastanto na e sitio di e boksmento tawata tin basta material di Accent riba caminda benta.
Algun rato despues chauffeur di e Hyundai
Accent a yega bek na e sitio pa piki parti di e Hyundai Accent. Ey ta unda cu polis a atende cu ne.
E no kier a bisa unda e auto ta, e tawata herida tambe cu un kap basta bon na cabes. Otro patruya a tira bista rond y a topa cu e
auto para un poco mas leu den Brazil.
homber. Paramediconan a hibe Hospitaal.
Polis mester a pidi pa un ambulance mirando e seriedad di herida di e
Polis di trafico tawata necesario.
tambe
P7
DIALUNA 21 september 2026
Jennifer Arends-Reyes reelegi presidente di dos comision clave di Parlamento
ORANJESTAD (20 di september 2026) Parlamentario Jennifer Arends-Reyes a wordo reelegi como Presidente di Comision di Turismo y di Comision di Asuntonan di Reino y Relacionan Exterior di Parlamento di Aruba. E re-eleccion ta duna continuidad na un aña di trabou activo, durante cual ArendsReyes a presidi 11 reunion di comision riba diferente asunto di importancia nacional y internacional. Durante e aña parlamentario anterior, Arends-Reyes a conduci reunionnan unda dialogo, intercambio di informacion y control parlamentario tabata central. Tanto den area di turismo como den relacionan di Reino y exterior, e comisionnan a trata topiconan cu tin impacto directo riba posicion economico, social y internacional di Aruba. Den Comision di Turismo, e atencion a keda dirigi riba futuro di e sector principal di economia di Aruba. Temanan manera calidad di producto turistico, sostenibilidad, inversion, infrastructura, desaroyo di diferente proyecto y e balans entre crecemento economico y calidad di bida di pueblo a forma parti di e agenda. Arends-Reyes ta considera cu Parlamento mester keda
su interes. Dialogo ta importante, pero dialogo mester tuma luga riba base di igualdad y respet” el a indica. E re-eleccion como presidente di ambos comision ta nifica cu Arends-Reyes lo por sigui duna continuidad na diferente dossier y contacto cu a wordo construi durante e ultimo añanan parlamentario. E ta gradici e miembronan di ambos comision pa nan aporte y cooperacion, enfatizando cu un comision parlamentario ta fuerte ora tin espacio pa diferente opinion y pregunta. activamente involucra den e conversacion tocante rumbo di turismo. “Turismo ta sigui ta esencial pa nos economia, pero cada paso den desaroyo mester wordo mira den un contexto mas amplio. Nos mester wak economia, calidad di bida, sostenibilidad y oportunidad pa nos propio pueblo como parti di un vision,” Arends-Reyes a expresa.
Durante e periodo anterior, e comision a dedica atencion na cooperacion entre e paisnan di Reino, relacion cu Hulanda, supervision y asuntonan financiero, mientras cu e encuentronan di IPKO y Tripartite a ofrece oportunidad pa Aruba presenta su posicion, preocupacion y prioridadnan den dialogo cu otro parlamentonan di Reino.
Como Presidente di Comision di Asuntonan di Reino y Relacionan Exterior, Arends-Reyes tambe a sigui pone enfasis riba participacion activo di Aruba den asuntonan cu ta toca posicion di pais den Reino Hulandes.
Segun Arends-Reyes, Aruba mester sigui ocupa su luga na mesa basa riba respet mutuo. “Relacionan di Reino no mester ta algo cu nos ta sigui di distancia. Aruba mester participa, haci pregunta, presenta su punto di bista y defende
“Mi
ta
aprecia
e
confianza pa sigui carga cu e responsabilidad aki. Mi meta ta pa nos comisionnan keda activo, productivo y enfoca riba contenido. Parlamento mester ta un luga unda nos no solamente constata problema, pero unda nos profundisa, controla y contribui cu idea y solucion pa Aruba.” Cu inicio di e aña parlamentario nobo, Arends-Reyes ta indica cu lo sigui traha pa fortalece e rol di e dos comisionnan y pa tene Aruba su interes central tanto den desaroyo di turismo como den e relacionnan di Reino, regional y internacional.
P8
DIALUNA 21 september 2026
Parlamentario Otami Thomasia di AVP:
“Caribe mester pasa di reaccion pa preparacion contra sargassum” internacional y apoyo pa paisnan afecta pa desaroya medida y plan nacional y regional. E enfoque bou di Convencion di Cartagena tambe ta identifica gobernanza, investigacion, reaccion operacional, comunicacion y financiamento como elementonan esencial. ORANJESTAD (19 di september 2026) – Sargassum ya no ta solamente un problema cu ta afecta beach; e ta un reto regional cu tin consecuencia directo pa turismo, pesca, salud publico, biodiversidad y presupuesto di Gobierno. P’esey, Aruba y e resto di Caribe mester pasa di reaccion di emergencia pa un estrategia permanente di preparacion y prevencion. Informacion presenta na Parlamento Latinoamericano y Caribeño, Parlatino, ta indica cu 2026 ta un aña atipico, cu volumen grandi di sargassum cu ta pone presion serio riba henter region. E impacto ta inclui daño na coral, manglar y yerba marino, interrupcion di pesca, dificultad pa acceso na beach, gastonan recurrente di limpiesa y molester respiratorio causa pa gasnan cu ta libera ora e sargassum ta descompone. Segun parlamentario di Fraccion di AVP y presidente
di Comision di Caribe di Parlatino, Otami Thomasia, e debate no por limita su mes na con pa limpia sargassum ora e yega costa. “Nos mester pasa di reaccion pa preparacion. Sargassum no ta un incidente aisla cu nos por atende solamente ora e yega beach. E ta un fenomeno repetitivo cu ta exigi planificacion, conocemento cientifico, recurso financiero y cooperacion entre diferente instancia,” Thomasia a declara. Esaki ta nifica inverti den monitoreo continuo y sistema di alerta trempan, cooperacion cientifico y tecnico, protocolo pa recoleccion y maneho sigur, investigacion, tecnologia y un sistema nacional cu ta defini claramente ken ta responsabel pa cada parti di e proceso. Resolucion 7/4 di Asamblea di Medio Ambiente di Nacionnan Uni, UNEA, ta pidi mas cooperacion
Caribe ya tin un plan di accion y un grupo di trabou dedica na e tema. E reto awor ta transforma e acuerdonan regional den capacidad real na nivel nacional. “Un documento regional tin balor solamente ora cada pais traduci su compromiso den preparacion concreto. Aruba mester sa ken ta monitorea, ken ta coordina, ken ta recoge, con e material ta wordo transporta y almacena, y di unda e financiamento lo bin. Responsabilidad mester ta defini prome cu e sargassum yega nos costa,” Thomasia a enfatisa. Den e cuadro aki, Thomasia a manda preguntanan parlamentario na minister encarga cu naturalesa, Mike Eman, y Minister di Turismo, Wendrick Cicilia. E kier haya claridad tocante e accionnan cu Aruba ta tumando, existencia di un plan nacional, division di responsabilidad entre departamentonan, monitor y alerta trempan, protocol
pa recoleccion, transporte y almacenamento, financiamento y cooperacion regional. E parlamentario ta pidi tambe informacion tocante e impacto potencial riba turismo, ecosistemanan y salud publico, como tambe e posibilidad pa inverti den investigacion y solucionnan sostenibel. Un otro aspecto cu merece investigacion ta e posibilidad pa crea balor economico for di sargassum. Innovacion tecnologico, desaroyo di cadena di balor y economia azul por forma parti di e solucion, pero cualkier iniciativa
pa procesa of reutilisa sargassum mester basa riba evidencia cientifico, regla cla y salvaguardia ambiental y di salud. Parlamento, segun Thomasia, tin un rol importante pa crea e base legal necesario, asegura financiamento, exigi transparencia y duna stabilidad na un estrategia cu no ta depende solamente di medidanan di emergencia. “Sargassum no conoce frontera. Nos reaccion tampoco por keda limita pa frontera. E momento ta pa prepara, coopera y actua prome cu e crisis yega nos costa,” Thomasia a conclui.
P9
DIALUNA 21 september 2026
Parlamentario di AVP, John Hart:
“Mescos cu HOFA, MEP a laga e problema di HOH 90% cla” ORANJESTAD (20 di september 2026) – Fraccion di AVP a reuni cu directiva di Hospital Horacio Oduber (HOH) pa discuti e ultimo desaroyo, necesidad y preocupacionnan relaciona cu situacion financiero di hospital y continuidad di cuido medico na Aruba. Segun parlamentario John Hart, acceso na cuido ta esencial pa cada ciudadano y e retonan financiero cu HOH ta enfrenta mester haya un solucion structural, sostenibel y responsabel. “Laga mi pone e asunto aki bon cla: acceso na cuido no ta un luho. Hospital mester tin e recursonan necesario pa sigui brinda cuido sigur y di calidad, pero esaki mester sosode dentro di un sistema cu ta financieramente sostenibel y unda responsabilidadnan ta defini claramente,” Hart a declara. Durante e reunion, HOH a indica cu actualmente tin mas di Afl. 29 miyon na gasto acumula pa cuido
brinda na personanan cu ta keda na Aruba, pero cu no ta cay bou di AZV y cu, den hopi caso, no tin posibilidad pa paga nan tratamento. Segun hospital, esaki ta trata di costo real di cuido, sin margen di ganashi. E gastonan aki a aumenta considerablemente durante e ultimo añanan: di aproximadamente Afl. 1,4 miyon na 2017 pa Afl. 5,1 miyon aña pasa. Te augustus di e aña aki, mas di Afl. 3 miyon adicional a acumula. “E cifranan ta mustra cu esaki no ta un problema cu a nace awe. Durante añanan e problema a crece sin cu gobierno anterior a presenta un solucion definitivo. MEP a laga e situacion di personanan indocumenta y e impacto financiero riba nos sistema di cuido sin un solucion structural. Mescos cu HOFA, nan a laga e problema 90% cla,” Hart a expresa. Actualmente, Minister di Salubridad a reuni cu directiva di HOH y
AZV pa evalua diferente scenario. Parti di e proceso ta un analisis financiero independiente pa determina e necesidad real di fondo y e medidanan necesario pa garantisa continuidad di cuido. Hart ta considera esencial cu resultado di e analisis wordo presenta na parlamento y forma parti di un debate amplio y transparente. Parlamento mester haya claridad tocante e magnitud real di e necesidad financiero di HOH, e causa di e gastonan acumula y obligacionnan existente, y e medidanan necesario pa garantisa continuidad y calidad di cuido. Ademas, mester analiza con financiamento di cuido medico por keda pagabel, accesibel y sostenibel, tanto pa generacion actual como pa esnan futuro. “Nos mester evalua si e marco legal actual ta duna suficiente claridad tocante responsabilidad di cada actor, sostenibilidad di
Tuma accion pa Preveni, Proteha y Stop Dengue Con nos por stop Dengue?
financiamento y proteccion di acceso na cuido. E situacion actual ta un oportunidad pa habri un discusion mas amplio riba futuro di nos sistema di salud, incluyendo e legislacion di AZV,” Hart a indica. Dentro di e discusion aki, e parlamentario ta considera importante pa evalua establecimento di un supervision independiente pa AZV. Un instancia di supervision independiente
por contribui na mas transparencia, control efectivo y cumplimento cu ley. “Nos meta mester ta un sistema di cuido cu ta accesibel pa pueblo, pagabel pa pais y sostenibel pa futuro. E crisis actual no mester wordo uza solamente pa tapa un buraco financiero, sino pa atende e problemanan structural cu durante demasiado tempo a keda sin solucion,” John Hart a conclui.
P 10
DIALUNA 21 DI SEPTEMBER 2026
EXPEDICION INKFISH ARUBA A COMPLETA E SONDEO MULTIBEAM MAS EXTENSIVO DEN LAMA DI ARUBA TE AWENDIA Despues di tres siman riba lama, Expedicion Inkfish Aruba a conclui su operacion di sondeo dia 12 di september 2026. E ekipo di cientifico, trahando for di e barco di investigacion RV Hydra, a completa e sondeo di ‘multibeam’ mas extensivo cu a yega di conduci den lama di Aruba, a scan tur obhetivo conoci y a identifica di por lo menos nuebe obhetivo nan ubicacionnan cu anteriormente no tabata conoci na e costa west di e isla. Aunke, e expedicion a conclui, ainda tin trabao substancial pa haci. E expedicion a genera gran cantidad di informacion cartografico, datonan fotografico y cientifico cu lo ser procesa awo y di cual e resultadonan lo ser presenta na maart/april 2027. E expedicion a inclui traha mapa extensivo cu ‘multibeam’, tuma muestranan di ‘environmental DNA’ (eDNA) y ‘photogrammetry’ na sitionan di barconan cu a sink y di rifnan. A scan tur obhetivo conoci cu exito, uzando e sonar ‘multibeam’, y por lo menos nuebe obhetivo adicional a ser identifica na areanan costal west di Aruba. E expedicion tambe a conduci e prome sondeonan di eDNA na Aruba. E muestranan aki lo yuda investigadornan pa compronde miho e relacion entre sitionan di herencia cultural bou awa y e medio ambiente marino cu ta rondona nan. E expedicion tabata un cooperacion entre Museo Arqueologico Nacional Aruba (MANA), Imagination for Development and the Nature of Values Aruba (IDNOVA), the Aruba Conservation Foundation (ACF) y e organisacion internacional filantropico marino Inkfish. E
trabou tabata posibel door di preparacion extensivo di MANA, basa riba e ‘desk-based research’ di arkeologo Arubano Raymundo Dijkhoff. E investigacion aki a yuda e ekipo di Inkfish identifica y prioritisa e sitionan pa e sondeo. Durante e expedicion, arkeologo Arubano Harold Kelly di MANA y ecologo Arubano Oriana Wouters di IDNOVA a traha hunto cu e team internacional di investigacion. Door di nan participacion nan a haya experiencia hopi balioso cu metodonan di sondeo hopi avanza y a sigura Aruba su involucracion directo den colecta y interpreta e data. Un ‘Memorandum of Understanding’ (MOU) firma pa Minister di Cultura sr. Mike Eman ta sigura cu e data cientifico cu a colecta durante e expedicion ta keda accessible pa Aruba. Esaki lo sostene investigacionnan den futuro, educacion, e maneho a termino largo y e proteccion di e herencia cultural bou awa di nos isla.
P9
DIALUNA 21 DI SEPTEMBER 2026
Minister Gerlien Croes:
Ministerio di Educacion ta ofrece diferente workshops y conferencia via e plataforma Learning Cities den September y October
ORANJESTAD, 17 di september 2026 – Cu e meta pa sigui inverti den desaroyo profesional di nos educadornan y mehora e calidad di educacion na Aruba, Ministerio di Educacion, den colaboracion cu e iniciativa Learning Cities, ta anuncia diferente actividad den e siguiente periodo. E plataforma di learning cities lansa recientemente lo tin diferente curso riba e area di conscious discipline, un sesion tocante aliniacion entre formacion profesional cu mercado laboral, y tambe un conferencia tocante entrenamento di apoyo pa TOS (Trastorno di Desaroyo di Idioma). Conscious Interactivo
Discipline:
Tayer
E tayer aki lo tin un enfoke central riba e adulto pa cu educacion socio-emocional. Esakinan lo tuma luga riba dia 17 y 23 di september y lo wordo facilita door di Departamento di Enseñansa Aruba & Fundacion Educador Consciente Aruba. Durante e sesionnan aki, e educadornan y mayornan lo wordo ekipa cu strategianan practico pa prome maneha bo mesun emocionnan y asina guia e muchanan miho den
nan desaroyo socio-emocional. E sesion di dia 17 ta pa educador y e sesion di dia 23 ta pa mayor, e sesionan aki ta completamente gratis. Por registra via e plataforma www.learningcitiesaruba.org Aliniacion entre programanan di formacion profesional cu demandanan di mercado laboral local y pasantia E sesion aki lo tuma luga riba dia 5 di october. Durante e sesion aki, lo discuti y intercambia idea riba con pa conecta enseñansa mas miho cu e necesidadnan di nos merca di trabou y habri porta pa e studiantenan pa medio di pasantia. E sesion aki ta enfoca pa crea mas colaboracion y aliniacion entre e institutonan cu ta ofrece formacion profesional, esta SPO, EPI, EPB, OABA. Entrenamento di Apoyo pa TOS (Trastorno di Desaroyo di Idioma) Dia 5 di october lo tin un conferencia di desaroyo profesional pa educadornan pa identifica y apoya studiantenan cu trastorno di desaroyo di idioma. Dia 6 di October lo tin e
Congreso Nacional di Trastorno di Desaroyo di Idioma habri pa publico. E evento aki lo brinda mas informacion, profundisa bo conocemento y ofrece hermentnan practico pa uza. E conferencia aki ta wordo organisa door di Foundation for the Hearing Impaired Aruba (FEPOH). Nos ta invita tur educador pa participa dia 5 y henter comunidad pa participa dia 6 di october. Bin intercambia experiencia cu otro profesionalnan di enseñansa y den comunidad. E conferencia aki ta completamente gratis y por registra via e plataforma w w w.learningcitiesar uba.org. Conferencia y tayer tocante didactica di Enseñansa Multilingual. Dia 19 di October lo tin un conferencia pa maestro di scol preparatiorio, klas 1,2 y 3 riba enseñansa di idioma den un contexto multilingual. Riba e dianan 20 pa 22 di October lo tin diferente tayer pa haci e transferencia di e teoria den practica. E siman di profesionalisacion aki lo brinda y profundisa bo conocemento y lo
ofrece strategianan di siñamento pa enseñansa multilingual. E siman di conferencia y training aki lo ta na encargo di Centro pa Desaroyo Profesional Continuo di IPA y lo tin como orador y guia prof. dr. Joana Duarte di universidad di Groningen, cu ta un experto riba inclusion y enseñansa multilingual. Nos ta invita tur maestro di principalmente pa participa na e training y conferencia aki. E conferencia y e tayernan ta completamente gratis y por registra via e plataforma www.learningcitiesaruba.org. E actividadnan aki ta un oportunidad unico pa educadornan, mayornan y henter e comunidad di Aruba sigui crece y fortalece nos enseñansa hunto. Inverti den nos conocemento ta e miho manera pa garantisa e exito y bienestar di nos muchanan. No perde e oportunidad valioso aki! Bisita www.learningcitiesaruba. org awe mes, registra gratis y sea parti di e iniciativa pa eleva e calidad di educacion na nos pais. Hunto nos ta haci e diferencia.
P 12
DIALUNA 21 DI SEPTEMBER 2026
AGTC 2026 a destaca e vision comparti pa un futuro di turismo cu mas balor y responsabilidad A.T.A. a comparti direccion strategico pa un turismo cu ta crea balor pa Aruba, su comunidad y su huespednan Durante e apertura oficial di Aruba Global Travel Conference (AGTC) 2026, cu a tuma luga dia 15 di september, lidernan di industria di turismo a comparti nan vision pa e futuro di turismo na Aruba. Entre e oradornan tabatin Minister di Turismo, mr. Wendrick Cicilia, Ronella Croes, CEO di Aruba Tourism Authority (A.T.A.), y Sanju Luidens, CMO di A.T.A., kende a comparti prioridadnan y strategianan cu lo guia Aruba den e añanan binidero. Un mensahe central cu a resona durante e apertura tabata cu exito den turismo no por wordo midi solamente den cantidad di bishitantenan, sino tambe den e balor cu e ta crea pa Aruba y su comunidad. Durante su presentacion, Ronella Croes a enfatisa e importancia di mantene un industria turistico fuerte y resiliente, mientras cu Aruba ta sigui proteha su recursonan natural, su cultura y calidad di bida. Aruba ta sigui enfoca riba un modelo di turismo responsabel cu ta pone sostenibilidad y bienestar di comunidad na centro di su desaroyo como destinacion.
destination weddings, biaheronan multigeneracional y huespednan ‘eco-conscious’. E direccion aki ta contribui na un economia di huesped cu ta crea mas balor pa Aruba y ta apoya e salud di e destinacion a largo plazo. Mester reconoce cu e demanda pa Aruba ta sigui ta sumamente fuerte y no mester tuma esaki como automatismo y mester cuid’e, mientras cu ta traha riba maneho pa stabilisa fluho di bishitante cu ta drenta via e dos puertonan, esta aereo y maritimo.
Cu bista riba futuro, Ronella Croes a enfatisa e importancia di fortalece e resiliencia di Aruba su industria turistico a traves di diversificacion di mercadonan y atraccion di huespednan cu ta alinea cu e vision di turismo responsabel. E enfoke no ta riba aumenta cantidad di bishitantenan pero stabilisa esaki, y riba atrae e huesped adecua, incluyendo segmento manera
Complementando e vision aki, Sanju Luidens a presenta con mercadeo ta hunga un rol importante den e futuro di nos destinacion. E strategia actual ta bay mas aya cu promociona Aruba como un destinacion turistico y ta enfoca riba construi un relacion mas fuerte entre Aruba y su huespednan. Bou di e plataforma “When You Love Aruba, It Loves
You Back”, A.T.A. ta comunica un mensahe consistente den tur mercado, invitando huespednan pa conoce, aprecia y proteha e isla mientras nan ta disfruta di tur loke Aruba tin pa ofrece.
di colaboracion cu socionan internacional, e industria local y comunidad, Aruba ta sigui traha riba un modelo di turismo cu ta crea beneficio tanto pa residente como pa huespednan.
E concepto di ‘Reciprocal Tourism’ comparti durante e conferencia ta reconoce cu turismo ta un relacion di beneficio mutuo entre e destinacion y su huespednan. A traves di comunicacion mas consciente y experiencianan cu ta importante, A.T.A. ta busca pa fortalece e conexion entre Aruba y su huespednan, mientras cu ta fomenta comportacion responsabel y respetuoso cu nos isla, nos cultura y nos comunidad.
A.T.A. ta gradici tur aerolinea, operadornan y agentenan di biahe y otro socionan comercial cu ta participando na AGTC 2026 y cu ta sigui contribui na e posicionamento fuerte di Aruba como un destinacion lider den Caribe.
E mensahe comparti durante AGTC 2026 ta refleha un vision comun: sigura cu turismo ta sigui genera oportunidad economico mientras cu ta preserva loke ta haci Aruba unico. A traves
E intercambio di conocemento y colaboracion durante AGTC ta reforsa e compromiso comparti pa un futuro di turismo cu ta enfoca riba calidad, responsabilidad y creacion di balor a largo plazo. Aki nos socionan internacional ta clave den yuda transmiti nos mensahe.Por bishita www.ata.aw pa copia di e discurso di Ronella Croes, CEO di A.T.A.
P 13
DIALUNA 21 DI SEPTEMBER 2026
Evacuacion medico for di un barco di carga
Diasabra atardi 19 di september, Centro Operacional Maritimo (MOC) di Wardacosta a ricibi un mensahe for di un barco di carga den necesidad di asistencia medico. E barco tawata nabega den nos area di responsabilidad di rescate. Ta trata di un hende homber di nacionalidad Filipino di 56 aña di edad, cu no por cana. No tin un medico riba e barco y pa e motibo ei tabata tin necesidad di un evacuacion medico. Personal di MOC a tuma contacto cu e medico di CITRO na Corsou, cu a constata cu e persona mester ricibi tratamento medico mas lihe cu ta posibel. Inmediatamente a alerta personal di e helicopter di Wardacosta pa sali den direccion di e barco, pa asina por hiba e pashent Queen Beatrix International Airport na Aruba. Miembro nan di ambulance tawata presente na aeropuerto pa asina hiba a turista hospital pa ricibi tratamento medico. -FINMedische evacuatie vanuit een vrachtschip Op 19
zaterdagmiddag september heeft
het Maritiem Operatie Centrum (MOC) van de Kustwacht een melding ontvangen van een
vrachtschip dat medische assistentie nodig had. Het schip bevond zich in ons
P 14
DIALUNA 21 DI SEPTEMBER 2026
Siman di Cultura
Fundacion Salvaguardia e Herencia Cultural di Aruba (FSHCA) ta anuncia en conexion cu su prome aniversario, su prome Siman di Cultura cu lo tuma luga di dia 19 di september pa dia 26 di september, y cu lo termina cu un tremendo manifestacion cultural na Scol di Arte na San Nicolas. E Siman di Cultura, ta un actividad cu ta celebra nos patrimonio nacional, pero tambe prepara personanan pa nan por bay den barionan y continua promocionando nos Arte y Cultura. Un siman unda no solamente lo celebra nos identidad, pero unda un y tur por siña mas di nos Arte, Cultura y Folklore. Den e
siman aki lo tin tayernan di baile, teatro, musica, arte culinario, charlanan y hopi mas. Cada interesado por bay e tayernan y na final di e siman, lo presenta loke nan a produci. Pues tur dia lo tin un tayer of charla y tur persona por inscribi pa esaki gratis. E ta pa tur edad. Por inscribi na nos e-mail: fundacionsalvaguardia@ gmail.com. Nos invita expertonan di Curaçao pa bin duna nan experticio den cuadro di Arte y Cultura. Nos tin Sr. Cesáreo Jean Louis cu lo duna charla di bailenan folklorico riba dia 19 y 21 di september 2026. Tambe nos tin Sra. Ruby Eckmeyer cu lo duna charla di e proceso pa
trahenan nacional di un pais riba dia 22 di september 2026. Y pa culmina e charlanan nos a invita e pionero, e persona cu a introduci e siman di cultura na Curaçao, cu ta Sr. René Rosalia. Sr. Rosalia lo presenta su buki nobo cu ta titula “Dalia” y e lo duna un analisis historico di e palabra Dalia. Tambe con e musiconan di Curaçao, Aruba y Bonaire a canta Dalia. E charla aki lo wordo presenta riba dia 24 di september 2026. Tur e charlanan lo tuma luga na e edificio di UNOCA den stadionweg # 21. Hunto cu e exptonan local, lo trece diferente charlanan cu topiconan di nos Folklore. Nos ta contento di por tin
e scol di baile Harmonia y Goso bou direccion di Erno y Nilva Cordelia, nan lo bin Aruba pa trece e baile di Quadrilla bek. Manera ta conoci cu pa hopi aña e baile a bay perdi, pero danki na e colaboracion cu nos hermana isla, nos lo trece e baile aki bek den nos Folklore. Cu e actividad aki nos kier na prome luga celebra nos Arte y Cultura. Na di dos nos ta desea pa tur persona sinti nan mes un biaha mas orguyoso di a nace y ta biba na un isla encanta manera Aruba. Na di tres luga pa trece tayernan, charla y asina tur
persona por siña algo di nos Arte, Cultura y Folklore Arubano. Y tambe nos tin e meta di “train the trainers” y asina nos por prepara e “trainers” nan aki pa nan bay den nan bario y propaga y conserva nos Arte y Cultura. Nos ta duna un danki special na nos patrocinado UNOCA cu semper ta sostene nos cultura, un danki na tur persona cu ta haci e actividad aki posibel y nos ta haci un yamada na tur instancia, compania y persona cu ta desea di haci un donacion, nan por haci esaki riba nos cuenta di Aruba Bank # 7689910190. Pueblo di Aruba, boso tur ta cordialmente invita!
P 15
DIALUNA 21 DI SEPTEMBER 2026
BON NOTICIA NINGUN HENDE CU MARKANAN Y TATUAHENAN RIBA CURPA, NAN LO NO DRENTA DEN E REINO DI DIOS
Dios Tata ta bisa den Bijbel, Levitico 19: 28: “No haci cortanan riba boso curpa pa e mortonan y no marca boso curpa cu tatuahenan.” Compronde bon, cu tatuahenan riba curpa ta un marca e ta y un marca ta significa, bo ta di mi, bo ta di e mundo aki etc. Por ehempel un wardador tin, carnenan, cabritonan, bacanan etc., y e wardador ta marca su animalnan pa mustra cu e animalnan ta di dje. Tatuahenan riba curpa tin diferente simbolonan di un persona difunto, di recuerdo y promesanan haci y esey ta habri e caminda pa e mal spiritonan drenta den bo bida. Den Bijbel Deuteronomio 14: 1-2, Dios Tata ta bisa: “Dios di bosonan tin boso pa Su yiunan. No marca boso curpa y ni corta boso cabey pelon pa un morto.” Compronde bon, cu tur sorto di tatuahenan riba curpa, ta ofendiendo Dios Spirito Santo cu ta biba
den boso. Bosonan no sa, cu boso curpa tin e seyo di Dios Spirito Santo, pa medio di bautismo y bosonan a wordo ungi cu e azeta bendiciona Crisma, cu bosonan ta pertenece na Dios Tata. Den Bijbel 1 Corinthionan 6: 19-20, San Pablo ta bisa: “Boso no sabi cu boso curpa ta tempel di Spirito Santo? Dios a duna boso Spirito Santo y E Spirito Santo ta biba den boso. Boso no ta di boso mes. Dios a cumpra boso y e prijs ta paga. Usa boso curpa anto pa glorifica Dios.” Boso no sabi, cu curpa y alma ta igual? Boso curpa cu tin tatuahenan na ora di morto, e alma ta sali tambe cu e marcanan di e tatuahenan. Compronde bon, e almanan cu e tatuahenan no por drenta den e Reino di Dios, pasobra den Bijbel Levitico 19: 28 y den Deuteronomio 14: 1-12, Dios Tata ta bisa bon cla, no marca boso curpa cu tatuahenan. Den Bijbel Mateo 5: 18, CristoHesus ta bisa bon cla: “Mi ta sigura boso: Prome cu cielo y tera pasa bay, cu ningun gota y ningun puntacion di Ley lo no bay perdi, prome cu tur cos a sosode.” Hesus ta bisa bon cla, cu Su palabranan lo wordo cumpli y nada no ta wordo kita. Bijbel 1 Corinthionan 3: 15: “Si un hende su obra a kima y a
bira shinishi, e persona mes tin cu paga. E lo salba, pero pasando pa medio di candela.” Den e Palabra di Dios aki, si un hende cu a cuminsa cu su bida Cristian haciendo obranan pa Dios, pero na ultimo momento el a desvia den picanan vinial, den bida imperfecto y sin obra pa Dios of el a marca su curpa cu tatuahenan etc. Anto tur su trabaonan Cristian y e obranan pa Dios a caba na nada. Prome cu morto e persona a ricibi Sacramento di Santa Oleo y a confesa su pikanan. Na ora di morto lo e ta
Oracion Di Dia
salba, pero su alma lo bay den purgatorio, na unda e alma ta wordo purifica di tur impuresa y pa kita e tatuahenan, pa e alma por drenta den e Reino di Dios. Den Bijbel Revelacion 21: 27: “Ningun hende impuro no por drenta den Reino di Dios.” Purgatorio ta wordo comprendi, un lugar na unda e almanan cu a muri den gracia di Dios, pero nan no a muri totalmente purifica, pesey e almanan aki tin di bay den un proceso di purificacion prome cu drenta den e Gloria di Dios. Esaki no ta un lugar di castigo eterno, pero e ta un purificacion temporario, pa paga debenan di e picanan vinial y pa esnan imperfecto y pa e marcanan di tatuahe wordo kita etc. Pa esnan cu tin tatuahenan cu simbolonan satanico, pentagram satanico, e marca di anti-cristo 666, simbolonan di dragon, di devil horn, black panter, di carpachi etc. Tur e
tatuahenan satanico aki, nan mester wordo kita mas pronto posibel, pasobra na ora di morto e alma lo bay den fierno di biaha, lesa Bijbel Apocalipsis 14: 9-11; “Ken cu adora e bestia y su imagen y laga pone e marca riba su frenta of su man, esun ey lo bebe di e binja di Dios Su rabia, cu ta prepara puro den copa di Su ira y lo e keda tormente cu candela y zwavel dilanti di Angelnan, Santonan y di E Lamchi.” Esaki ta esnan cu tin marcanan y tatuahenan satanico riba nan curpa. Awor bo por mira, cu ningun hende cu marcanan of tatuahenan riba curpa, nan no por ta dilanti di e Trono di Dios Tata. Pasobra den e Reino di Dios Tata no tin nngun hende impuro. Un Mensahero di Dios. Seferino Tromp Koyari 13-d tel. 5931157 / 5870048
"E simia cu a cay den bon tera, ta e hendenan cu ta scucha e palabra y ta ricibi’e cu un curason noble y bon." (Lucas 8, 14) Den e Evangelio di awe Hesus ta splica tocante e parabola di e sembrado.Hesus ta e sembrado cu ta sembra e simia cu ta e palabra di Dios den nos curason. Awo e simia a cay den diferente tereno. E pregunta ta: ki tereno nos curason ta ? Nos curason ta duro manera baranca y ta stek e palabra di Dios of nos curason ta yena di cosnan di mundo y ta stroba e palabra di Dios di tira rais of nos ta scucha e palabra di Dios cu nos horeanan y no ta lag’e drenta nos curason y despues di un rato nos ta lubida tur cos. Pa nos por duna fruta nos curason mester ta tera fertil, un curason noble y humilde cu ta obediente y dispuesto pa cumpli cu e palabra di Dios. Asina aunke nos por haya nos den tur sorto di pruebanan nos ta keda tene duro na e palabra y ta persevera y ta duna fruta y fruta na abundancia. Oracion: Tata amoroso y bondadoso, duna mi e gracia pa mi por tin un curason semper habri pa bo palabra por penetra te den tutu di mi wesonan y duna fruta na abundancia pa medio di Cristo nos Señor.
Amen.
P 16
DIALUNA 21 DI SEPTEMBER 2026