P1
DIALUNA 14 SEPTEMBER 2026
14 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
ACCIDENTE FATAL CU UTV PARIBA DI KIA DIADOMINGO ATARDI Ta trata di Kimberly van Ardenne naci na Hulanda 1 november 2002
FLIPPY’S FUN PARK TA TRECE ARUBA UN CIRCUITO INFLABEL GIGANTE DI 200 METER PA VAKANTIE DI OCTOBER
P2
DIAluna 14 september 2026
Aruba ta reuni delegacion internacional di mas cu 80 participante durante AGTC 2026
Representantenan for di Norte America, Sur America y Europa lo bishita Aruba
Aruba Tourism Authority (A.T.A.), den colaboracion cu Aruba Hotel and Tourism Association (AHATA), ta orguyoso di anuncia cu e Aruba Global Travel Conference (AGTC) lo tuma luga di 14 te 18 di september 2026. E conferencia ta reuni partnernan clave dentro di e industria turistico internacional cada dos aña pa Aruba, pa intercambia conocemento, fortalece relacionnan comercial y pone enfasis riba e ultimo desaroyonan na Aruba y den e industria di turismo.
AGTC a nace for di e esfuersonan combina di conferencianan cu
anteriormente tabata wordo organisa pa medio di A.T.A. pa diferente mercadonan. Awe, e conferencia ta reuni representante di Norte America, Latino America y Europa den un solo plataforma, permitiendo cu partnernan internacional y stakeholdernan local por conecta, colabora y sigui traha hunto pa posiciona Aruba na e manera desea.
E edicion di e aña aki lo conta cu 81 participante internacional proveniente di Norte America, Latino America y Europa, incluyendo operadornan di biahe, aerolineanan y otro profesionalnan den e industria di turismo. Hunto cu stakeholdernan
local, e grupo lo participa den un programa cu ta enfoca riba intercambio di informacion, colaboracion y experiencia di e destinacion.
AGTC ta un plataforma importante unda A.T.A. y otro stakeholders local di industria di turismo ta reuni cu socionan comercial principal pa comparti informacion relevante tocante Aruba, discuti tendencianan den industria di turismo y fortalece colaboracion cu partnernan cu ta promove e destinacion den mercadonan internacional. E conferencia tambe ta crea oportunidadnan pa intercambio directo entre partnernan internacional y local durante sesionnan di marketplace (reunionnan) y diferente actividadnan di networking.
Durante AGTC 2026, participantenan lo haya e oportunidad pa conoce di cerca diferente desaroyonan cu a tuma y ta tumando luga na Aruba durante e ultimo añanan. Ademas di bishita diferente hotelnan, e programa lo destaca experiencia nobo, renobacionnan importante y innovacionnan den e oferta turistico di Aruba. Di e manera aki, partnernan internacional por mantene nan conocemento di e destinacion actualisa y conoce mas di cerca e diferente elementonan cu ta contribui na e experiencia unico cu Aruba ta ofrece na su bishitantenan.
“AGTC ta mas cu un conferencia. E ta un espacio unda nos por conecta cu nos mercadonan principal,
comparti nos prioridadnan y fortalece aliansa strategico cu e partnernan cu ta acapara hopi di esnan mas importante pa Aruba,” segun Ronella Croes, CEO di A.T.A
A.T.A. ta expresa su gratitud na AHATA y tur partnernan local cu ta contribui na e realisacion di AGTC 2026 y ta spera cu e conferencia lo fortalece relacionnan existente, crea conexionnan nobo y brinda un experiencia valioso pa tur participante. Hunto, lo continua di traha pa sigui posiciona Aruba como un destinacion di halto balor, reconoci pa su hospitalidad, calidad y experiencianan memorabel. Y sigur lo sigui destaca topiconan clave di banda di Aruba, incluyendo ‘Responsible Tourism’.
P3
DIAluna 14 september 2026
ACCIDENTE FATAL CU UTV PARIBA DI KIA DIADOMINGO ATARDI
SAN NICOLAS, Aruba — Un momento di recreacion a termina den tragedia diadomingo atardi na momento cu un accidente lamentabel cu un UTV a cobra bida di un persona pariba di Instituto Correccional Aruba (KIA).
Di acuerdo cu e prome informacionnan cu a drenta na central di polis, e vehiculo tipo (UTV) pa motibonan cu ainda ta bao investigacion a perde control y a bolter. E impacto aki a laga consecuencianan extremamente grave y fatal
pa e ocupante.
Aparentemente ta trata di un persona di edad hoben cu a ricibi slanan fuertisimo den e suceso aki, a consecuencia di cual e no a logra sobravivi e lesionnan grave.
Diferente unidad di polis y personal di ambulans a presenta cu urgencia na e sitio, pero lamentablemente no tabatin nada mas cu por a haci pa e victima. E sitio a wordo cera mesora pa
polis di trafico pa por haci e investigacion profundo y determina e causanan exacto di e desgracia aki.
Comunidad di Aruba ta keda impacta pa e trágico suceso aki. Na famia y conocirnan di e difunto ta manda palabra di mas profundo condolencia
den e momentonan dificil aki. E noticia aki ta den desaroyo y lo sigui actualisa mas tanto cu detayenan oficial wordo confirma pa autoridadnan.
P4
DIAluna 14 september 2026
Durante un pelea nan a staka un hoben di 20 aña cu un schroefdraaier!
Diasabra anochi un hoben di 20 aña a presenta na warda cu un hinka di un schroefdraaier cual a
sosode durante un pelea mesora polis a pidi pa un ambulans pa asina transporta e hoben pa
Centro Medico. Mientras tanto a avisa recherche cu ta investigando e caso.
Chauffeur a resulta herida despues di a baha caminda bay dal riba un mata y un palo di lus na Kibaima
Diasabra madruga a drenta informe di un accidente cu hende herida na Kibaima, mesora a dirigi tanto polis como ambulans na e sitio. Na Yegada di e patruya a bin compronde cu un chauffeur a perde control
baha caminda y bay dal riba un mata y un palo di lus. Debi na e impacto e chauffeur a resulta herida. Na yegada di e ambulans nan a atende e chauffeur y a transporte pa hospital.
P5
DIAluna 14 september 2026
Flippy’s Fun Park ta trece Aruba un circuito inflabel gigante di 200 meter pa vakantie di October
ORANJESTAD, — Aruba ta prepara pa un experiencia completamente nobo. Pa prome biaha na Aruba, Flippy’s Fun Park ta trece un gigantesco circuito inflabel di 200 meter na nos isla pa vakantie di October. E atraccion impresionante ta consisti di un circuito yena cu obstaculonan, desafio y slides, crea pa brinda mucha, hoben y adulto un experiencia yena di accion y diversion.
Y pa esnan cu ta busca mas adrenalina, Flippy’s Fun Park lo conta tambe cu un espectacular free-fall slide di 8 meter halto.
Algo di e magnitud aki nunca a wordo presenta na Aruba. Un parke di bounce/inflabel gigante. Durante vakantie di October, Harbour Arena lo transforma den un mundo di diversion inflabel pa henter famia.
Manera nos ta jame na Aruba, un parke di “Dino Jump” nunca antes bisto.
horario ta for di 4:00 PM te cu 10:00 PM.Mas informacion y sorpresa lo wordo revela den e dianan cu ta bin.
Flippy’s Fun Park lo ta na Harbour Arena den vakantie di October y e
Aruba, prepara bo mes… Flippy’s Fun Park ta na caminda!
P6
DIAluna 14 september 2026
Dama herida cu un arma di candela durante di un pelea formal den Koningstraat!
Diasabra anochi a drenta informe di un pelea formal unda lo tin un dama herida cu un arma di candela, mesora a dirigi tanto polis como ambulans na e sitio. Na yegada di e patruya a bin compronde cu aki lo ta trata di un problema formal entre hombernan y muher a bay mete y a ser herida cu e cabo di e arma di candela ora a dal e na su cabes. Polis a pone tur hende para cara pa muraya cu e mannan na halto y a rista nan tur. Segun por a compronde cu e persona cu lo a dal e dama cu e arma di candela ya lo a bandona e sitio caba. NA yegada di e ambulans nan a atende e dama herida y a hib'e hospital.
P7
DIAluna 14 september 2026
Premier Eman na ceremonia di conmemoracion pa e fecha di 9/11: “Nos ta para cu Merca y nos ta para cu humanidad”
“E impacto, e tristesa y e dolor cu ta bay cu e dia ey, nunca bo ta lubida,” Premier Eman a expresa.
Prome Minister Mike Eman a participa diabierna mainta na e ceremonia anual di conmemoracion di 11 di september, cu a tuma luga na U.S. Customs and Border Protection (CBP) na Aeropuerto Internacional Reina Beatrix.
Durante e ceremonia, Premier Eman a comparti cu personalmente e fecha aki tin un significado profundo. Su señora cu ta di Merca y e recuerdo di e momentonan di 11 di september 2001 ainda ta cla den su memoria.
E ceremonia ta un momento anual di reflexion riba e atentadonan di 11 di september 2001, pa honra memoria di e victimanan y reconoce e homber y muhernan cu a pone nan propio bida na riesgo pa salba otro.
Premier a recorda con nan a mira riba television cu un di e torennan ya tabata impacta y, mientras nan tabata siguiendo e acontecimentonan, nan a presencia e momento cu e segundo avion a dal e otro toren.
Eman a splica cu durante su periodonan como Prome Minister, el a sigura di ta presente na e conmemoracion aki. Pa Aruba, e presencia Mericano na aeropuerto ta representa un conexion special cu Merca, y riba un fecha manera 11 di september e conexion ey ta haya ainda mas significado. “Door di ta aki, nos ta para cu Merca y nos ta para cu humanidad,” Premier Eman a expresa. Un momento cu tabatin impacto tambe riba Aruba Premier Eman a recorda cu e consecuencia di 9/11 no a limita na e enorme tragedia humano. E acontecimentonan a causa un impacto mundial riba aviacion y,
consecuentemente, un preocupacion serio pa economia di Aruba, un isla cu ta depende fuertemente di conectividad aerea y turismo. Segun Premier, den e periodo dificil ey liderazgo tabata crucial pa evita cu Aruba su conectividad cu mercado Mericano para completamente. El a recorda e esfuerso haci na e tempo ey door di su defunto ruman homber grandi Henny Eman, Prome Minister di pais Aruba e tempo ey, pa mantene vuelonan pa Aruba activo, algo cu posteriormente a contribui na recuperacion di e sector turistico. Pa Premier Eman, e experiencia ta demonstra cu den momentonan di crisis, solidaridad, cooperacion y liderazgo por haci un diferencia importante.
Honra esnan cu a perde nan bida y esnan cu a sirbi E punto central di e ceremonia a keda memoria di e victimanan y reconocimento na tur esnan cu a actua cu curashi durante e tragedia. Premier Eman a haci referencia special na e first responders cu, mientras otro tabata tratando di sali for di e torennan, a subi e trapinan pa yuda y salba bida. E conmemoracion a termina cu un mensahe di solidaridad cu e famianan cu a perde un ser keri, cu esnan cu a sirbi durante y despues di e atentadonan, y cu pueblo Mericano. Ainda 25 aña despues, Aruba ta sigui recorda e victimanan di 9/11 y honra e curashi y sacrificio di tur esnan cu a responde den un di e momentonan mas doloroso den historia Mericano.
DIAluna 14 september 2026
Filomena College MAVO na Community Pool
Como prome actividad di aña escolar nobo, Filomena College MAVO a hiba su alumnonan pasa un dia dibertido na Community Pool San Nicolas. E dia aki tur alumno, specialmente esunnan nobo di klas uno, tawatin e oportunidad di cera conoci miho cu nan coleganan studiante y cu nan maestronan nobo. Directorado y cada maestro ta gradici tur mayor y alumno pa escohe
cu confiansa nos scol pa e educacion na un scol secundario. Hopi éxito
P8
cada alumno y nos ta bay haci e aña un aña hopi educacional y activo.
DIAluna 14 DI SEPTEMBER 2026
Wardakosta i CITRO ta yuda dos boto di piskadó
e dos hòmbernan na bordo di Arca. Despues di un ratu e dos hòmbernan na bordo di Arca a logra start e motor di nobo, i komo tal nan mes a logra nabega direkshon di Playa Piskado. CITRO a bai duna
Djawebs último e Sentro di Operashonnan Marítimo (MOC) di Wardakosta a risibí un
asistensia na Charnelle, i a hiba esaki na Playa Piskado.
yamada pa asistensia di un boto di piskadó ku tabatin problema ku su motor. Na e momento ei, e boto ku yama Charnelle tabata na altura di Wèstpunt ku dos hòmber
Wardakosta ta enfatisá e importansia di bon ekipo di komunikashon na bordo di un
lokal na bordo. Abase di e notifikashon akí MOC a dirigí e helikòpter di Wardakosta pa e lokalidat di e boto pa por evaluá e situashon. E boto Charnelle no tabatin marifoon (radio VHF) na bordo. Pa e motibu ei e dos hòmbernan tabata por a komuniká solamente ku un telefòn selular na bordo pa mantené kontakto. E dos
hòmbernan a indiká ku nan a pidi amigunan pa bin asistí nan ku un otro boto di piskadó. E boto ku a bin pa yuda Charnelle ku yama Arca, na yegada na e sitio tambe a hañ’é ku problema i no por a asistí Charnelle mas. Konsekuentemente MOC a bolbe dirigi e helikòpter di Wardakosta pa e sitio pa
por hisa e dos hòmbernan for di e boto Charnelle. Tambe MOC a yama i dirigí CITRO, un Metal Shark i e avion di Wardakosta pa por duna asistensia na e boto di piskadó Arca. Na yegada di e helikòpter a hisa e dos hòmbernan di Charnelle na bordo di e helikòpter. Ademas a entrega awa i kuminda na
boto. Personanan ku ta nabegá no bai solamente ku un telefòn selular komo medio di komunikashon pasobra esaki no ta sufisiente. Den kaso ku e telefòn selular faya òf no tin señal òf e bateria a kaba, e kontakto ku e okupantenan riba boto por bai pèrdí. Un radio marino (radio VHF) na bordo ta mas konfiabel pa mantene kontakto ku
P9
Wardakosta of otro botonan riba laman na momento di problema. Wardakosta ta konsehá tur doño di boto pa mantené nan boto regularmente. Sòru pa bo tin sufisiente ekipo di seguridat i reskate na bordo manera: salbabida, flashlight, kit di promé asistensia, sufisiente awa, aparato di paga kandela, radio VHF i un telefon selular kargá. Evita ku bo boto ta daña na kaminda i kubo tin un situashon peligroso riba laman ku bo boto i bo pasaheronan. Den kaso ku bo mester di yudansa, bo por tuma kontakto ku Wardakosta riba kanal VHF 16, yama e number di emergensia 913, òf manda un mensahe via Whatsapp na 005999 510 0913. Wardakosta ta deseá bo un biahe plasentero i sigur.
P 10
DIALUNA 14 DI SEPTEMBER 2026
Fraccion di AVP:
EDUCACION SUPERIOR TA ESENCIAL PA FORMA TALENTO LOCAL Y FORTALECE COMUNIDAD DI ARUBA
sostenibel. “Cada studiante cu ta sigui desaroya su mes ta contribui na un Aruba mas fuerte, prepara y resiliente. Educacion ta habri porta, crea oportunidad y duna nos hobennan e conocemento y confianza pa aporta activamente na progreso di nan pais,” Fraccion di AVP a expresa.
ORANJESTAD (12 di september 2026) Fraccion di AVP, representa pa lider di fraccion Jennifer ArendsReyes y parlamentario John Hart, tabata presente na apertura oficial di e aña academico nobo di Universidad di Aruba.
E ceremonia a marca un momento importante pa studiantenan, rector, docentenan y tur e profesionalnan y colaboradornan cu ta contribui diariamente na calidad y desaroyo di educacion superior den nos pais.
Segun Fraccion di AVP, Universidad di Aruba tin un rol esencial den formacion di nos hobennan, desaroyo di talento local y preparacion di e profesionalnan cu nos pais tin mester pa enfrenta e desafionan di presente y construi un futuro
Pa Fraccion di AVP, inversion den enseñansa y desaroyo di conocemento mester keda un prioridad nacional. Educacion superior mester sigui conecta cu e necesidadnan real di mercado laboral, sin perde di bista e cambionan tecnologico y e retonan social y economico cu Aruba ta enfrenta. E fraccion ta considera importante pa sigui fortalece colaboracion entre Universidad di Aruba, gobierno, sector priva y otro institucionnan educativo. Un conexion mas estrecho entre
educacion y practica por crea mas oportunidad pa studiante, stimula innovacion y contribui na un mercado laboral cu ta prepara pa futuro. Na ocasion di apertura di e aña academico nobo, Fraccion di AVP ta desea tur studiante, rector, docente y colaborador di Universidad di Aruba hopi exito, sabiduria y perseverancia. E fraccion ta reitera su compromiso pa sigui sostene iniciativa cu ta amplia oportunidad educativo y fortalece capital humano di Aruba.
PUEBLO A HHAÑA SU PEN BEK
Pa kualkier informacion solodipueblo@gmail.com of
☎ 585-9500
P 11
DIAluna 14 DI SEPTEMBER 2026
Fundacion Pa Nos Comuidad cu un presentacion na Aruba Lions Club
Recientemente durante e ultimo Aruba Lions Club su club meeting di dia 26 di augustus e guest speaker tawata sr. Gabriel Marchena representando e Fundacion Pa Nos Comunidad (FPNC) E fundacion cu ta un “non-profit organization”, ta e banco di cuminda official di Aruba cu ta traha cu mas di 40 diferente organisacion social. FPNC tambe a ricibi un donacion for Aruba Lions Club pa nan trabao di yudansa na famianan den necesidad cu un pakete di cuminda. Esaki ta den cuadro di un di e Global causes di LCI cu ta Humanitarian cause. Di e forma aki Aruba Lions Club tambe ta contribui un
poco pa yuda mas o menos 350 famia haña nan pakete di cuminda semanalmente. Despues di e presentacion di sr. Marchena e president actual Lion Gerardo Figaroa a gradicie pa su presentacion hopi al caso y a felicita FPNC pa nan
bao di auspicio di Lions Club Internacional cu ta consisti di mas cu 46 mil club den mas di 200 pais y ta conta cu mas di 1.4 miyon miembro rond mundo y a cumpli 109 aña di existencia cu ta hacie e organisacion
gran trabao.
di servicio mas bieuw y mas grandi mundialmente.
Pa e siguiente club meeting dia 23 di september e guest speaker lo ta un representante di YMCA cu lo duna
Por ultimo Aruba Lions Club ta compromete su mes pa sigui traha hunto cu su partnernan pa yuda mehora
un presentacion na miembronan di e club.
e calidad di bida di e pueblo pa medio di su diferente programa di servicio manera esun di Hospital Bed y
Aruba Lions Club ta un club di servicio cu pa casi 80 aña caba ta trahando pa e comunidad di Aruba y ta
Wheel Chair, Smile Mobile, Feria di Salud, Back to School Food Bags.
Ta pidi pa pueblo keda pendiente pa Aruba Lions Club su siguiente actividad. “WE SERVE”
Na nomber di Aruba Lions Club nos ta gradici e cooperacion pa e publicacion.
P 12
DIAluna 14 DI SEPTEMBER 2026
Un legado di 45 aña den turismo di Aruba: A.T.A. ta gradici Amayra Boekhoudt Aruba Tourism Authority (A.T.A.) ta expresa su mas profundo agradecimento na señora Amayra Boekhoudt, cariñosamente conoci como “Amachi”, cu despues di un carera excepcional ta bay disfruta di su pensioen merecidamente. Cu casi 35 aña na A.T.A. y mas cu 40 aña contribuyendo na turismo di Aruba, Amayra a dedica gran parti di su bida profesional na e desaroyo y promocion di nos isla. Prome cu su trayectoria na A.T.A., Amayra a traha durante 10 aña na Divi Resort & Dutch Village, na unda el a brinda servicio na huespednan na Hospitality Desk. Na 1992, el a cuminsa den Database na aeropuerto di Aruba. Despues, Amayra a bira parti di ekipo di oficina di turismo, na unda el a ocupa diferente posicion den Special Events, Public Relations y, mas recientemente, como Trade Relations Liaison. Den cada rol, el a sa di sobresali cu su energia positivo y contagioso, gran pasion, relacionnan y amor profundo pa Aruba y su industria turistico. Durante su carera, Amayra a forma parti di un cantidad impresionante di evento y proyectonan importante, entre otro Aruba Tennis Pro-Am, Catamaran Regatta,
Caribbean Sea Jazz Festival, Golf Pro, 50 Years of Tourism, Watapana Festival, Jazz and Latin Music Festival, Sinbad, Aruba Music Festival y Festival de las Américas. Tambe, el a desempeña un papel importante den coordinacion y organisacion di diferente conferencianan cu A.T.A. a organisa pa socio clave internacional for di diferente mercadonan. Sinembargo, Amayra su contribucion no ta limita na evento, conferencia of posicionnan profesional. Su impacto mas grandi tabata riba e personanan cu el a guia, train y inspira durante e añanan. Como mentor, Amayra a comparti su conocemento y experiencia cu hopi colega, yudando nan desaroya nan
capacidad pa coordina y ehecuta nan trabou. Amayra tambe ta hopi conoci pa su compromiso cu comunidad di Aruba. Pa medio di e proyecto A.T.A.’s Elves, el a organiza coleccion di regalo di fin di aña pa muchanan den necesidad cu sosten di Bureau Slachtofferhulp. Ademas, el a reuni cuminda, paña y otro articulo pa personanan den necesidad, sostene iniciativanan manera Hope 4 Paws y a carga e proyecto di Carnaval pa A.T.A. durante e ultimo añanan, permitiendo empleadonan disfruta di e paradanan. Mas recientemente, Amayra a involucra su mes den e iniciativa di BanSerio! y diferente proyecto comunitario hunto cu banda cultural
Zjeitu. Pa marca e ultimo parada di su ‘Retirement Tour’, A.T.A. a reuni famia, amigonan y coleganan pa celebra su trayectoria y e gran impacto cu Amayra a laga den e organisacion y den turismo di Aruba. Durante e celebracion, Ronella Croes, CEO di A.T.A., a destaca cu Amayra no solamente a cumpli cu su trabou, sino cu el a laga un legado humano y profesional cu lo forma parti di e historia di turismo di nos isla. “Algun hende ta yega na un compania y laga un trabou atras. Otro hende ta yega y laga un legado. Amayra ta un di esnan cu ta laga un legado. Amayra no ta solamente parti di A.T.A. su historia. Amayra ta
parti di Aruba su historia di turismo,” Ronella Croes a expresa. Amayra su conocemento, experiencia, contactonan y recuerdonan ta forma parti di A.T.A. su historia institucional. Su amor y pasion pa Aruba ta inigualabel, y durante henter su carera el a semper bay e ‘extra mile’ pa contribui na Aruba su turismo y pa yuda nos isla sobresali y briya. A.T.A. ta sumamente agradecido na Amayra Boekhoudt pa su entrega, amistad, apoyo y dedicacion durante tur e añanan. E ekipo completo ta desea Amayra felicidad y hopi aventura nobo den e siguiente capitulo aki di su bida.
P 13
DIAluna 14 DI SEPTEMBER 2026
Gobierno y Aruba Birdlife Conservation ta habri dialogo pa busca solucion y yega na acuerdo
Minister di Vivienda, Infrastr uctura, Servicio Interno y Telecomunicacion, drs. Rene Herde, a tene un prome encuentro cu Aruba Birdlife Conservation (ABC), cu e proposito pa habri un dialogo y busca punto di encuentro riba e caso cu a wordo pospone. Ambos partido a bay di acuerdo pa e encuentro aki tuma luga pafo di edificionan di gobierno, cual a pasa diabierna merdia. Pa minister Herde e luga no tabata importante, tampoco e momento di dia, loke tabata importante ta pa e gobierno y ABC sinta hunto na mesa pa yega na un solucion y na mes momento, busca un forma
pa por tin co-existencia entre conservacion di nos naturalesa y e desaroyo di actividadnan turistico. E mensahe di Gobierno ta cu nos tin cu busca solucion: Aruba mester proteha su naturalesa,
y na mes momento nos mester bira un lugar sigur pa turismo y pa recreacion. Gobierno di Aruba y Bird Life Conservation lo analiza e puntonan internamente pa despues sigui cu e dialogo y busca solucionan concreto.
P 14
DIAluna 14 DI SEPTEMBER 2026
Minister Cicilia ta intensifica esfuersonan den mercado Europeo Amsterdam y e mercado Europeo.
Oranjestad – Minister di Turismo, Transporte y Labor, mr. Wendrick Cicilia, a reuni cu Head of TUI Dutch Caribbean, Antoine Klein Hofmeijer, pa dialoga ampliamente tocante e plannan pa aumenta conectividad aereo entre Aruba,
Durante e reunion, a confirma cu entrante april 2027, TUI lo aumenta su frecuencia entre Amsterdam y Aruba di dos pa tres vuelo pa siman. E expansion aki ta forma parti di e maneho di Minister Cicilia pa fortalece e posicion di Aruba den mercado Europeo y crea mas oportunidad pa atrae bishitantenan cu ta contribui na un turismo responsabel y sostenibel.
“Mercado Europeo ta recobrando relevancia y ta representa un oportunidad unico pa Aruba. E aumento di frecuencia di TUI ta crea un brug mas fuerte entre nos isla y Europa, mientras cu e ta sostene nos esfuerzonan pa diversifica nos mercadonan,” Minister Cicilia a declara. Segun e minister, den ultimo añanan Aruba a registra un reduccion den cantidad di bishitante procedente di Europa. P’esey, Gobierno lo
Parlamentario Hendrik Tevreden:
Un Plan Nacional pa Salud Mental no por cuminsa solamente na 18 aña E anuncio di Minister Mervin Wyatt-Ras cu Gobierno ta trahando riba un Plan Nacional pa Salud Mental y Prevencion di Suicidio ta un paso cu mi ta sostene. Salud mental no ta un tema di oposicion contra gobierno. Si tin un plan serio cu por preveni sufrimento, identifica problema mas trempan y salva bida, Parlamento mester yuda haci’e mihor. Pero tin un pregunta cu no por keda sin contesta: dicon e encuesta nacional ta cuminsa solamente for di 18 aña?
Esaki ta importante especialmente ora nos mira e informacion cu Aruba mes tin caba. E ultimo Follow-up PostCOVID Jeugdmonitor, un estudio nacional haci door di IPA y Vrije Universiteit Amsterdam, a inclui 2.344 alumno, principalmente mucha entre aproximadamente 10 y 14 aña. E investigacion no a midi suicidio directamente, pero e resultadonan tocante salud mental ta imposibel pa ignora. Casi 29% di e alumnonan ta preocupa frecuentemente. Casi 34% ta preocupa
pa nan futuro. 24% ta nervioso frecuentemente. 18% ta sinti nan so y casi 18% ta sinti tristesa frecuentemente. Entre muchanan muhe, e problema ta claramente mas grandi. E mesun estudio ta conclui cu salud mental di e alumnonan a deteriora compara cu e medicion anterior, y e investigadores ta recomenda pa repeti e monitor cada tres aña y considera extend’e pa enseñansa secundario, pasobra problema di salud mental y comportamiento di riesgo por aumenta den pubertad.
intensifica su esfuersonan y destina mas fondo pa stimula e mercado aki. E bishitante Europeo ta cuadra cu e vision pa futuro di turismo di Aruba: un bishitante consciente cu ta aprecia y conserva naturalesa, ta keda mas largo riba nos isla y ta contribui mas ampliamente na economia local.Durante e combersacion, Minister Cicilia y TUI a explora diferente iniciativa y areanan di colaboracion.
TUI ta un socio importante pa Aruba pa mas cu 20 aña, tin presencia permanente riba nos isla y ta desempeña un papel vital den e cadena turistico y economia nacional. Minister Cicilia a expresa satisfaccion cu e resultado di e deliberacion y a indica cu Gobierno lo sigui traha hunto cu partnernan strategico manera TUI pa aumenta conectividad, fortalece turismo y conkista mas oportunidad den mercado Europeo.
Pues e pregunta ta simpel: si nos sa cu problema di salud mental ta cuminsa hopi prome cu 18 aña, con nos por prepara un Plan Nacional pa Prevencion di Suicidio sin tin data actual y specifico di nos menorennan? Mi no ta pidi pa simplemente habri e mesun encuesta 18+ pa mucha. Esaki mester wordo haci profesionalmente. Un encuesta pa menor di edad mester tin pregunta adapta na edad, proteccion di privacidad, consentimiento adecuado, y sobre tur cos un protocolo inmediato pa yuda un mucha si e indica cu e ta den riesgo.
12 y 23 aña. Esaki ta un oportunidad perfecto pa conecta e esfuerzonan en bes di crea dos sistema separa.
Pero precisamente pesey Gobierno mester crea un componente separa pa juventud.
Un Plan Nacional mester mira e problema prome cu e yega na crisis.
Aruba ta den proceso di desaroya un Jeugdmonitor nobo pa hobennan entre
Mi peticion na Minister Wyatt-Ras ta constructivo: sigui cu e encuesta 18+, pero integra tambe un investigacion scientificamente valida pa nos muchanan y hobennan.
Prevencion ta precisamente esey: no warda te ora e mucha cumpli 18 aña pa cuminsa tende su bos.
P 15
12 NOMBERNAN ZODIAC DI DIABEL DEN HOROSCOPO
Pakiko tin hendenan ta lesa horoscoponan? Pasobra tin hendenan incredulo y inconciente kier sa nan deseo, di sa riba nan futuro, suerte, kiko ta bay pasa y destino etc.. Astrologia ta un creencia bieuw, cu hende nan destino y suerte ta wordo determina pa medio di streanan y planetanan etc.. Horoscopo ta trata di entrepreta destino y a wordo introduci den mundo pa medio di diferente pueblonan pagano y creencianan satanico. Profeta Isaias ta papia cu e Rey di Babilonia, den Bijbel Isaias 47: 13 – 14: “Bo ta cansa bo curpa consultando astrologonan. Wel, laganan presenta awor y bin salba bo, na esnan cu ta describi cielonan y ta observa e streanan y ta predici cada luna loke ta bay sosode. Nan tur lo ta manera yerba seko cu lo kima den candela y ningun di nan lo no salba di e poder di e candelanan.” Den e palabra aki, Dios Tata
ta condena den fierno tur e astrologonan cu ta predici futuro den horoscoponan y na tur esnan cu ta lesa horoscoponan. Pasobra tur esakinan ta un ofensa den Dios Su ensenjansanan. Den Bijbel ta bisa, cu ta Dios so tin e poder pa crea bo bida y e plan pa revela bo futuro y destino. Den Bijbel ta bisa, pa nos pone nos bista riba CristoHesus y kere den Dios so. Ta Dios so tin e caminda di nos bida. Consulta den horoscoponan, ta un violacion contra Dios Su comunicacion cu Su yiunan. Astrologia ta bini di practicanan supersticion, mistica y tambe horoscopo ta bini di raisnan di ocultismo. Den Bijbel Samuel 15 : 23 : “Rebeldia contra Dios, ta mes malo cu mira destino. Terkedad ta mes malo cu adoracion di Diosnan falso.” E raisnan di astrologia ta bini di e antiguo paganismo di Babylonia, na unda nan ta adora e planetanan manera diosnan. Astrologia ta un berdad, cu ta bini di origennan di esnan cu ta traha pa e ocultismo satanico. Den Bijbel Efesionan 5 : 11 : “No participa na e actonan inutil di hendenan cu ta biba den scuridad, pero expone nan actonan.” Mayoria di e astrologonan, nan tambe ta involvi den e practicanan di New Age Ocult.
Consulta cu un astrologo riba horoscopo, ta algo cu bo ta ricibi spiritual di e diabel. Hopi siglonan pasa den tempo di Babylonia, nan tabata adora diferente diosnan falso. Nan tabata tin 12 astrology zodiac symbol, cu ta nombernan di 12 diabelnan den fierno. E sumerian astrology tablet ta data di 2300 B.C. Nombernan di antes: Nombernan cambia: Gu.an.na Taurus Mash.tab.ba Gemini Dub Cancer
Oracion Di Dia
DIAluna 14 DI SEPTEMBER 2026
Ur.gula Leo
Den Bijbel Deuteronomio 18 : 10 – 12 : “Cu no tin meimei di bo cu ta ofrece su yiu homber of su yiu muher pa sacrificio di candela, cu no tin adivinonan, ningun hende cu ta consulta na e astronan, ni bruheria, cu no haya ningun hende cu ta practica medium of cu ta consulta na e spiritonan, cu no haya ningun hende cu ta consulta na e mortonan. Pasobra Dios Yahve ta condena na esnan cu ta haci e abominacionnan aki y pa medio di esaki, Dios ta expulsa nan for di dj'E.”
Ab.sin Virgo Zi.ba.an.na Libra Gir.tab Scorpio Pa.bill Sagittarius Suhur.mash Capricorn Gu Aquarius Sim.mah Pisces Ku.mal Aries Horoscopo por ser mira algo inofensivo, pero den actualidad e ta un triki di satanas, cu ta pone tur cos den un manera, cu actualmente poco poco e ta kita bo di Dios y di Dios Su ensenjansanan.
Den Bijbel Levitico 20 : 27: “Si un homber of un muher ta un medium of un adivino, nan mester muri. Nan lo wordo piedra y nan sanger lo cay riba nan.” Awor, “Who like to play devils advocate?” Ken kier hunga pa abogado di diabelnan? Un mensahero di Dios. Seferino Tromp
Un feliz dia y cu Dios bendiciona boso na abundancia. Stima boso enemigonan, haci bon y fia sin spera nada bek.”Lucas 6,35Un amor cu no ta spera nada bek.Kisas e deseo di mas natural di humanidad ta pa biba un fabor pa un fabor, stima esnan cu ta stima nos, y yuda esnan cu ta yuda nos. Pero Hesus ta reta nos pa kibra e custumber ey. E ta pidi nos pa responde na odio cu amor, na maldicion cu bendicion, y na egoismo cu generosidad. E ley general cu Hesus ta duna den versiculo 31 ta e clave: "Trata otro hende manera boso kier pa nan trata boso." Esaki no ta depende di con otro hende ta comporta cu bo, sino di e escogencia cu abo ta haci pa biba den paz y amor. Ora nos stima sin condicion y ta fia sin spera nada bek, nos ta mustra e caracter di Altisimo, kende ta bondadoso hasta cu esnan malagradecido. Na final, e yamada di mas grandi ta un den versiculo 36: "Sea misericordioso, mescos cu boso Tata ta misericordioso. Oracion: Señor Hesus duna mi e gracia pa por imita Bo y agrada Bo p’asina mi por biba mi bida di acuerdo cu bo boluntad pa medio di Cristo nos Señor. Amen.
P 16
DIALUNA 14 DI SEPTEMBER 2026
SUDOKU
FORTALEZA PA FAMIA Scirbi pa Pastor Marcel Balootje.
MATRIMONIO TA DI DIOS, BIBA HUNTO SIN CASA TA PICA Tempo ta cambia, hende ta cambia, pero palabra di Dios no ta cambia.
ya nos ta den e proceso di matrimonio entre hende cu robot.
Dios a establece for di principio e matrimonio entre homber y muher, bisando den Genesis 2:24 kico lo pasa, y den Mateo 19:5 E ta bolbe confirma esey.
Pero nada di e cosnan aki no por pasa riba locual Dios a establece, pasobra e ultimo palabra den bida di cada ken ta Dios tine, y tur hende mester duna cuenta na Dios na final.
Ora dos persona ta drumi cu otro of mihor bisa nan tin relacion sexual cu otro y nan no ta casa, nan ta den fornicacion cual ta pica.
Pero e berdad mester wordo predica, sinja, scirbi, bon presenta di tur manera pa evita cu hende lo cay den decepcion.
Ora un homber of muher casa ta tene relacion cu un otro persona cu no ta su esposo of esposa, e ta comete adulterio y esey ta pica. Maske cu ley cambia of cos wordo tolera aki riba tera , tur hende mester corda kico ta sosode na cielo. No ta importa ken nos ta, ni tampoco cuanto placa nos tin, ni tampoco religion, si Dios su palabra ta bisa cu locual nos ta haciendo ta pica, ta pica e ta keda. Awendia tin hopi sorto di matrimonio cu hende a forma aki na tera, pero un pregunta ta bini, e locual hende a forma con Dios ta mire den cielo, e ta aproba of e no ta aproba? E sistema di mundo a yega asina lew cu nos tin matrimonio entre homber cu homber, muher cu muher, hende cu bestia, y
Awendia hopi hende jong ta cuminsa frei of namora y di eynan den un tempo record nan a cuminsa biba cu otro, pasobra asina relacion sexual drenta den e asunto ta bibamento tin, tin hopi tipo di show mara na e cos moderno aki, nos ta bay shop hunto, nos ta bay supermercado hunto, e ta bin keda na mi cas, ami ta bay keda na su cas, tur esey ta nifica cu nos ta bezig cu fornicacion. Y nos a yega den un tempo cu hopi hende ta manera nan tin miedo di papia, pa otro no rabia. Cristo Hesus a bisa den Mateo 11:28 : Bin serca Mi tur cu ta cansa y carga, y lo Mi duna boso sosiego. Hende a agrega un slogan tremendo banda di dje bisando “Bini manera bo ta” Tene cuenta e cu e slogan no ta para scirbi den
Bijbel, pasobra hopi hende ta bini serca, nan kier Salbacion, nan kier bida eterna, pero nan no ta desea transformacion, pasobra transformacion ta nifica, renoba bo mente manera ta para scirbi den Romanonan 12:2 pa bo sa kico ta e boluntad perfecto di Dios pa bo bida. Efesionan 5:1-7 ta duna un gran splicacion di locual ta inmoral y cu inmoralidad no tin entrada den cielo. Si bo ta respeta y balora e persona cu bo conoce y bo kier pa e ta hunto cu bo, casa cune completo no solamente na gobierno pero laga pastor bendiciona boso matrimonio, pa asina Dios tuma control y fortifica boso bida matrimonial. E wega di biba hunto, ta duna diabel e oportunidad pa manipulacion sexual,manipulacion financiero,falta di respet, y hasta violencia, jaloersheid pasobra e desconfiansa tambe tey. Matrimonio mester wordo respeta , e cama matrimonial mester wordo respeta ( Hebreonan 13:4) y no lubida riba Juan 4; 1618. Tene cuenta cu aunke mundo por cambia,Dios no ta cambia. Sinceramente, Marcel Balootje.
Pastor