Issuu

DIALUNA 5 OCTOBER 2026

5 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

DI 11 MORTO DEN TRAFICO Ta trata di mucha homber Noah Ian Hietbrink naci na Aruba dia 10 november 2008 (17 aña).

MOTOCICLISTA TRANSPORTA PA HOSPITAAL CU URGENCIA DESPUES DI HIT&RUN NA PALM BEACH

DIAluna 5 october 2026

Chauffeur a perde control dal den berm riba Watty Vos Boulevard Diasabra anochi a drenta informe di un accidente cu basta daño material riba Watty Vos Boulevard na Cumana. Mesora a dirigi un patruya na e sitio. Na yegada di e patruya a bin compronde cu un Lincoln SUV lo a perde control y dal den e berm. E impacto tabata fuerte y tabata tin hopi daño material. Polis a tuma datos di e accidente aki.

Chauffeur di un Kia Rio ta perde control dal na e berm y bolter riba e caminda di E.J. "Watty" Vos rumbo pa Sero Patrishi

Diadomingo madruga a drenta informe di un accidente cu hende herida riba e caminda di E.J. "Watty" Vos di Cumana rumbo pa Sero Patrishi, mesora a dirigi tanto polis como ambulans y

bomberonan na e sitio. Na yegada di e patruya a bin compronde cu aki ta trata di un accidente unda e chauffeur di un Kia Rio debi na velocidad halto a dal na e berm kap tire perde control bolter. Na

yegada di e ambulans a bin compronde cu e chauffeur a resulta levemente herida

y a ser atendi na e sitio mes. Na yegada di bomberonan a nota cu tur hende cu

tabata den e auto ya a logra sali y no a mira peliger di candela.

DIAluna 5 october 2026

Cuerpo Policial Ta Informa

DI 11 MORTO DEN TRAFICO Ta trata di mucha homber Noah Ian Hietbrink naci na Aruba dia 10 november 2008 (17 aña).

Diadomingo madruga pa 00:02 central di polis ta wordo notifica di un accidente cu brommer riba e caminda di Westpunt. Prome informe na polis ta cu e chauffeur di un manera of otro a dal den piedranan (baranca) banda di caminda y no ta reacciona. Central di polis ta despacha patruya y ambulance na e sitio di e sucedico. Na yegada di e prome patruya ta topa cu e chauffeur di e brommer cu a accidenta y no tabata reacionando. Ambulance a presenta y ta duna assistencia medico na e chauffeur masculino pero lamentablemente no por a haci nada mas pe. Dr.Forensico ta constata morto di e mucha homber Noah Ian Hietbrink naci na Aruba dia 10 november 2008 (17 aña). Specialista di trafico a presenta y polis technico pa haci investigacion. Departamento di slachtofferhulp a presenta pa asina brinda sosten na famia di e fayecido. Cuerpo Policial Aruba ta manda palabra di condolencia na famia di e fayecido. Tambe nos ta pidi nos comunidad pa ban trankilo den trafico!

DIAluna 5 october 2026

Bucuti & Tara ta uni cu Fundacion ABO pa Make Aruba Pink y comparti "The Gift of Rest"

Conscientisacion di cancer di pecho, conexion cu naturalesa y un estadia gratis di cuater anochi ta trece e spirito di cuido di e resort na bida e luna aki di october. Eagle Beach, Aruba - 2 di october 2026 - E luna aki di october, Bucuti & Tara Beach Resort ta uni cu e campaña di Make Aruba Pink di Fundacion ABO, organizando sesionnan educativo tocante chekeo preventivo pa su empleadonan, un experiencia special den naturalesa y The Gift of Rest, un estadia gratis di cuater anochi pa un persona cu ta enfrentando cancer di pecho. Hunto, e iniciativanan aki ta conecta conscientisacion cu cuido significativo. Ademas, nan ta anima hende pa cuida nan salud y ta yuda esnan afecta sinti sosteni. Pa e resort local y independiente, e colaboracion aki ta un extension natural di su compromiso cu su empleadonan, su comunidad y e herencia natural di Aruba. "Como resort nos tin un prioridad hopi simpel: cuida hende," Crescenzia Biemans ta bisa. "P'esey

aña pasa nos a introduci un chekeo di salud anual, adapta na e necesidadnan di salud di muhe y di homber. Nos colaboracion cu Fundacion ABO ta un extension di e compromiso ey. E ta anima e damanan den nos ekipo pa saca tempo pa nan salud, y e hombernan pa siña y sostene e damanan den nan bida. Nos kier pa nos empleadonan sinti cu e cuido cu nan ta duna nos huespednan ta extende tambe na nan y nan famia." Conscientisacion cu accion Fundacion ABO lo guia sesionnan informativo cu lo duna e empleadonan oportunidad pa haci pregunta, siña tocante e recursonan disponibel y haya asistencia pa traha cita pa chekeo. Pa un ekipo dedica na cuida otro hende, esaki ta un sosten practico pa nan duna nan propio bienestar e mesun atencion. Detayenan discreto ros lo dorna e resort durante henter october: e team ta bai bisti cintanan ros hunto cu nan uniform, e orkidianan den e cambernan lo ta ros enbes di blanco, e entrada di e resort lo wordo ilumina ros cada anochi y un mocktail ros special lo carga e mensahe di e

campaña. Comunicacion pa huesped y medio social lo splica e proposito tras di e accionnan aki, mientras cu e beach clean up mensual di e resort lo conecta su tradicion conoci di cuida e costanan di Aruba cu sosten pa su hendenan. Conexion cu naturalesa Un encuentro planea hunto cu Fundacion ABO pa 25 di october na e Bucuti & Tara–GMC Nature Preserve lo duna bonbini na hende afecta cu cancer di pecho pa un experiencia enfoca riba naturalesa, reflexion y apoyo. Meimei di e flora y fauna salvahe di Aruba, e participantenan lo disfruta di meditacion special pa calma nan mente y conecta cu tera (mindfulness y grounding), siña tocante yerba local y nan luga den e tradicionnan di bienestar di e isla, y planta mata nativo hunto. Nan matanan lo contribui na e restauracion continuo di e reserva, y lo laga un pida di nan cu lo keda eynan pa semper. Den e paisahe protegi aki, cuido pa e herencia natural di Aruba ta bira un oportunidad pa cultiva un sentido di pertenencia y sosiego emocional.

Meritza van der Biezen a gradua como Bachelor den Organization, Governance and Management (OGM) =ORANJESTAD – Dia 30 di September 2026, Meritza van der Biezen a defende su tesis exitosamente y a obtene e titulo di ‘Bachelor of Arts’ for di e programa Organization, Governance and Management, Facultad di Arte y Ciencia. Meritza van der Biezen a defende su tesis titula: HOUSING AFFORDABILITY: POLICY AND REGULATORY RESPONSES FOR NONRESIDENT PROPERTY INVESTMENT IN SHORT-TERM VACATION RENTALS Meritza van der Biezen a investiga regulacion pa inversionistanan no-residente den mercado di short-term vacation rentals(STVR) y nan impacto riba mercado di vivienda residencial na Aruba. E commision di graduacion tawata consisti di:

● ● ●

Niels Wiskerke, MA Ahmet Talan, MsC Nilo Swaen, Bac

Ta gradici e docentanan di e departamento di OGM y profesional cu a yuda of guia Meritza van der Biezen como studiante. Tambe ta gradici tur esnan na y pafo di Universidad di Aruba cu a contribui na un manera of otro na e acontecimento aki. Pa mas informacion tocante e estudio OGM, bishita e website di Universidad di Aruba na http://www.ua.aw/ogm, e pagina di Facebook @UniversityofArubaOGM.MGL y e pagina di Instagram @ua_ogm.mgl.

DIAluna 5 october 2026

Motociclista transporta pa Hospitaal cu urgencia despues di hit&run na Palm Beach

Palm Beach - Diasabra anochi rond di 9'or y 45 ta sosode un caso di hit&run altura di Citgo Palm Beach. Polis y ambulance a wordo dirigi mesora pa e sitio, unda cu un motociclista a wordo laga atras gravemente herida.

Ta asina cu di ayera caba por a mira basta brommer entre nan Harleys moviendo rond riba nos isla. Diasabra anochi un grupo di Harley Davidson moviendo altura di Citgo Palm Beach unda cu un motociclista conoci ta wordo alcansa pa un Kia

Picanto.

E pia lo a sufri hopi daño.

E Kia Picanto cu dos ocupante aden a para na prome instante y te hasta a cende e hazard lights. Pero den un rato a dicidi di bandona e sitio, siendo cu un multitud di hende rond di dje a mira tur locual a sosode.

Cu urgencia e la wordo transporta pa Hospitaal unda cu e lo mester haya tratamento specialisa cu urgencia. Caminda dilanti Citgo Palm Beach mester a wordo cera den ambos banda.

LOCUAL A PASA E Kia Picanto lo pasa ranca e pia robes di e motociclista di inicial A. Segun amigonan e motociclista a perde masha hopi sanger y tawata sclama di dolor.

KIA PICANTO WORDO LOCALISA

Durante cu e Kia Picanto a huy di e sitio e la wordo sigui mesora pa varios motociclista. Dado

momento parse cu e te hasta e la manda auto riba un motociclista testigo cu a mira locual a pasa y a sigui'e. E la bay staciona altura di Fisherman Hut, banda di otro dos vehiculo, te ora cu polis a yega y a confronta nan y lo a hayanan ta bebe manera nada un pasa. Chauffeur di e Kia a wordo deteni y hiba warda. Amigonan di e motociclista seriamente herida a keda na e sitio y a papia cu polis y a keda warda polis di trafico y Forensys.

DIAluna 5 october 2026

Lider di fraccion, Jennifer Arends-Reyes:

“Honra nos pilarnan ta tambe pasa nan enseñansanan na e siguiente generacion”

AVP a reconoce René “Baba” Herde, Lorna Varlack y Norman Roos ORANJESTAD (4 di oktober 2026) — Durante Congreso AVP 2026, celebra na Marriott Ballroom, lider di fraccion parlamentario Jennifer Arends-Reyes a dirigi un momento di reconocemento pa coleganan di partido René Gervais “Baba” Herde, Lorna Varlack y Norman Roos, como miembronan honorario di conseho di e partido. E homenahe a reconoce nan añanan di entrega, contribucion y compromiso cu AVP y cu pueblo di Aruba. Den su discurso, ArendsReyes a destaca cu e historia di un partido ta wordo construi door di hende cu ta dedica nan tempo, energia y conocemento na un causa comun. El a describi e tres homenaheado como pilarnan di AVP, cu nan trayectoria a laga un marca den e organisacion y den bida di esnan cu a comparti e caminda cu nan. “Tin momentonan den bida di un partido cu nos mester para un rato pa reconoce e hendenan cu a yuda construi su historia. Awe ta un di e momentonan especial ey,” Arends-Reyes a expresa. Pa e lider di fraccion, e

homenaje tabatin tambe un significado personal. El a comparti cu e oportunidad di traha hunto cu Baba, Lorna y Norman como colega di partido y den Parlamento, y di siña di nan contribucion na enseñansa, a forma parti di su propio caminda di formacion.

e lider nobo sabiduria y guia di nos Creador pa e responsabilidad cu ta dilanti. Arends-Reyes a cera cu un mensahe di gratitud na Baba, Lorna y Norman: “Boso contribucion tin balor. Boso historia tin un lugar den AVP. Y boso ehempel ta sigui inspira nos pa sirbi Aruba cu seriedad, humildad y amor pa nos pueblo.”

“Cada uno di boso, den boso propio manera, a contribui na mi formacion y na mi comprension di e responsabilidad cu servicio publico ta trece cu ne. Mi ta carga e enseñansanan ey cu mi te awe,” el a señala. Arends-Reyes a subraya cu den politica, aprendisahe ta tuma lugar door di preparacion, scucha y debate, pero tambe door di e ehempel di coleganan cu experiencia: con nan ta enfrenta retonan, defende nan conviccionnan y sigui traha den momentonan dificil. El a gradici e tres homenaheado pa e intercambionan, experiencianan y enseñansanan cu nan a comparti cu ne. Den e contexto di e Era di Relevo cu AVP ta biba, Arends-Reyes a pone enfasis riba e balor di pasa conocemento y experiencia di un generacion pa otro. Mira dilanti cu energia

y ideanan nobo ta cana hunto cu honra e trabou di esnan cu a trece e partido te na e momento actual. “Un partido ta crece cu e esfuerzo di diferente generacion. Cada generacion ta aporta algo, y cada generacion tin e deber di pasa su conocemento y experiencia pa esnan cu ta sigui,” el a afirma. Durante su intervencion, Arends-Reyes a reconoce tambe tur lider anterior di AVP y a expresa un gradicimento special na lider di Partido Mike Eman pa su compromiso di tanto aña cu Aruba y su pueblo. Na e congreso, caminda

liderazgo di e partido a pasa di Mike Eman pa Wendrick Cicilia, el a desea

E reconocemento como miembronan honorario di conseho ta honra nan legado y ta reafirma e aprecio di AVP pa nan entrega y pa e enseñansanan cu ta sigui guia e siguiente generacion.

DIAluna 5 october 2026

Presidente di Comision di Turismo, Jennifer Arends-Reyes:

“Progreso den turismo mester refleha den bienestar di nos pueblo”

ORANJESTAD (2 di october 2026) — Parlamentario Jennifer Arends-Reyes, presidente di Comision di Turismo di Parlamento di Aruba, a enfatisa cu e progreso di turismo mester traduci den oportunidad y bienestar pa e pueblo di Aruba. El a expresa esaki durante e reunion rutinario di e comision cu Aruba Tourism Authority (ATA), den cuadro di e aña parlamentario nobo. Durante e encuentro, Arends-Reyes y su coleganan parlamentario a ricibi un presentacion tocante e estado actual di turismo na Aruba. E intercambio a ofrece parlamento informacion

actualiza pa sigui e desaroyonan den e sector y cumpli cu su responsabilidad di evalua e rumbo di turismo y haci e preguntanan necesario. “Nos kier un turismo cu ta trece bienestar pa Aruba y su pueblo. Esaki ta nifica cu, ademas di e cifranan, nos mester wak con e desaroyo di e sector ta contribui na calidad di bida, oportunidad di trabou y crecemento di nos empresarionan local,” Arends-Reyes a expresa. Segun e parlamentario, turismo ta toca hopi aspecto di bida diario na Aruba. P’esey, e evaluacion di su progreso mester inclui con e sector

ta crea oportunidad pa empleadonan, empresarionan local y hobenan cu kier construi un futuro den turismo. Na mes momento, e crecemento mester tuma luga cu atencion pa proteccion di nos naturaleza, capacidad di nos infrastructura y calidad di bida den nos barionan. Como presidente di Comision di Turismo, Arends-Reyes a destaca e importancia di mantene un dialogo continuo cu ATA y e diferente partinan involvi den e sector. Informacion actualiza y un intercambio constante ta esencial pa identifica retonan, evalua oportunidadnan y determina cua asuntonan ta merece mas atencion di parlamento. “Nos

hendenan

curason di nos turismo. Nan dedicacion, hospitalidad y talento ta contribui na e experiencia cu nos bishitantenan ta aprecia. P’esey, e bienestar di nos pueblo mester keda central den e rumbo cu nos ta sigui,” el a subraya.

Arends-Reyes lo sigui duna siguimento na e desaroyonan den turismo y traha pa un sector fuerte, cu ta contribui na un Aruba prospero y cu su logronan ta refleha den bida di nos pueblo.

DIAluna 5 october 2026

AVP TA HABRI UN CAPITULO NOBO: WENDRICK CICILIA TA TUMA LIDERAZGO DEN CONGRESO HISTORICO

DIaLUNA 5 DI OCTOBER 2026

Ministernan hunto den bario:

Traspaso di compromiso cu comunidad na siguiente generacion

Den Juwana Morto Complex, Accion di Bario e siman aki tabatin un significado adicional. Pa Prome Minister Mike Eman, bolbe den e bario no tabata solamente un oportunidad pa scucha habitantenan y mira e trabou cu diferente instancia ta haciendo, pero tambe pa bolbe na un lugar cu ta carga un parti di su

propio trayectoria den servicio publico. Eman a recorda e proceso di renobacion cu Juwana Morto a pasa aden añanan atras. Durante e recorido, algun residente a mustr’e potret di e tempo cu Reina Beatrix a bishita e complex despues di su renobacion. Pa Prome Minister, e recuerdo ey a conecta pasado cu presente,

pero specialmente cu e responsabilidad pa no laga e trabou den comunidad para. E bishita a tuma luga hunto cu Minister Rene Herdé y Minister Wendrick Cicilia, ademas di diferente instancia y organisacionnan cu ta participa den Accion di Bario. E presencia di e tres mandatarionan a trece tambe un otro elemento dilanti: continuidad entre generacionnan den e compromiso pa keda cerca di comunidad. Prome Minister Eman a expresa cu, den e momento di transicion actual, e ta considera importante pa e generacion nobo di dirigente no solamente asumi responsabilidad, pero tambe sinti y comprende e compromiso cu tin cu bario y cu ciudadano. El a describi e recorido hunto cu Cicilia como un forma di traspasa responsabilidad pa e trabou den bario por continua. Den e sentido ey, e bishita ta conecta discretamente cu e idea di “Era di Relevo” cu ta

tomando forma dentro di partido: un relevo cu, den e vision expresa pa Eman, no ta trata solamente di liderazgo, pero tambe di pasa experiencia, responsabilidad y e disposicion pa sirbi pueblo na un siguiente generacion. Minister Rene Herdé a enfoca su aporte riba loke ainda mester haci concretamente na Juwana Morto Complex. El a señala diferente aspecto di e complex cu, segun e, durante e ultimo añanan no a haya e atencion necesario, entre nan mantenimiento di casnan, riolering, iluminacion y cuido di espacio publico. Pa Herdé, habitantenan merece un bario den bon condicion y cu un bon calidad di bida. El a expresa e compromiso pa, hunto cu FCCA, sigui traha riba renobacion di e complex y atende e puntonan cu mester mehora. “Nos hendenan merece un bon bario,” tabata e mensahe clave di Herdé, conectando e trabou na Juwana Morto cu e esfuerso mas amplio pa mehora calidad di bida den bario na diferente parti di Aruba. Minister Wendrick Cicilia,

na su turno, a pone enfasis riba e manera di gobernacion cu Accion di Bario ta representa. Segun Cicilia, e iniciativa ta permiti dirigentenan no solamente bishita un bario, pero realmente comparti cu habitantenan, scucha nan preocupacionnan y trece diferente departamento hunto pa atende situacionnan den comunidad. Cicilia a describi Accion di Bario como un ehempel cu Prome Minister Eman a mustra di con Gobierno por traha memey di comunidad, cerca di ciudadano y hunto cu ciudadano. El a expresa tambe su compromiso pa e iniciativa sigui. E imagen di Eman, Herdé y Cicilia hunto na Yuwana Morto ta refleha asina dos cos na mes momento: e trabou concreto cu ainda tin dilanti den bario y e importancia di continuidad. Pa Eman, esey ta parti di e legado cu mester pasa dilanti: cu generacionnan por cambia, pero e compromiso pa sali den bario, scucha pueblo y sirbi comunidad mester continua.

P 10

DIaLUNA 5 DI OCTOBER 2026

Juwana Morto Complex: Accion di Bario hunto cu instancianan pa cuida y fortalece comunidad

Accion di Bario a yega e siman aki na Juwana Morto Complex na San Nicolas, caminda diferente instancia y organisacion a uni forsa pa acerca nan servicio directamente na habitantenan, scucha nan necesidadnan y atende diferente situacion den bario. Prome Minister Mike Eman, Minister Rene Herdé y Minister Wendrick Cicilia a haci

e recorido acompaña pa representantenan di Serlimar, City Inspector, DVG, KPA, GKMB, DOW, Departamento di Asunto Social, Luna Foundation y FCCA. E composicion multidisciplinario a permiti cu diferente asunto cu residentenan treci dilanti por yega directamente cerca e instancia cu ta traha den e area concerni. Un di e señalnan positivo

cu a sali durante e recorrido ta e progreso den limpiesa. Michael Raymond, Operations Manager na Serlimar, a indica cu compara cu aña anterior, Juwana Morto Complex ta considerablemente mas limpi y cu e cantidad di peticion cu Serlimar ta ricibi relaciona cu sushi den e area a baha. Raymond a resalta tambe e beneficio di tene diferente stakeholder presente na mes momento. Segun e, esaki ta haci posibel pa

cada departamento atende e necesidadnan cu ta cay bou di su responsabilidad y, caminda ta posibel, busca solucion hunto cu e residente. Na mes momento, Bureau City Inspector tabata activamente envolvi den e accion di limpiesa. Robert Ras a indica cu durante e prome dia ya a yena dos baki cu sushi, mientras varios pickup a ser uza pa retira mas desperdicio. E trabou lo continua e siguiente dia pa atende e

restonan cu ainda a keda atras. Ras a destaca cu reaccion di habitantenan ta positivo. Ademas di mira accion concreto den nan bario, residentenan ta haya oportunidad pa comparti nan preocupacionnan y peticionnan directamente cu Prome Minister y e diferente instancianan presente. Cuido di bario tambe ta prevencion CONTINUA PAG. 11

P 11

DIaLUNA 5 DI OCTOBER 2026

Juwana Morto Complex CONTINUACION PAG. 10 dimension importante na e bishita: prevencion y conscientisacion. Nan trabou ta inclui bishita cas pa cas pa informa y educa habitantenan con nan por evita criadero di sangura rond di nan propiedad. E enfoke ta specialmente riba elimina recipiente y otro obheto cu por acumula awa, y mantene patio y rond di cas bon cuida. E representante di GKMB a expresa satisfaccion cu e cooperacion cu nan ta haya di habitantenan, resaltando cu prevencion ta algo cu comunidad y instancia concerni mester haci hunto. Zoey Konijn di Luna Foundation a enfoca riba otro aspecto di un comunidad bon cuida: bienestar di animal y responsabilidad di doñonan di mascota. A indica cu Juwana Morto Complex ta ehemplar den cuido di nan mascota, mayoria ta den cura y bon manteni. E fundacion a haci un apelacion na demas habitantenan pa cuida nan

mascota, tene nan bou control y no laga cachonan cana liber riba caya, caminda nan por causa molester of crea situacion peligroso pa otro hende. E mensahe ta simpel: loke un hende mester pa ta bon cuida, un mascota tambe tin su necesidadnan. Luna Foundation a recorda habitantenan cu nan ta disponibel pa brinda orientacion y ayudo caminda ta posibel. Scuchando habitantenan na porta di nan cas Pa FCCA, Accion di Bario ta brinda oportunidad pa acerca directamente e habitantenan di su propiedadnan. Maroushka Rafini di FCCA a splica cu durante e bishitanan, nan ta bati na porta, scucha loke habitantenan tin di bisa y registra eventual sugerencia of

keho relaciona cu FCCA pa por sigui traha riba nan internamente. Segun Rafini, residentenan ta probecha e presencia di FCCA den bario pa trece nan puntonan dilanti. Na Juwana Morto, entre otro, a papia tocante cambio di e “percolanan”, un asunto cu segun Rafini ya ta den planificacion como parti di un proyecto pa 2027, cu e speransa cu esaki por concretisa mas pronto posibel. E recorido na Juwana Morto Complex a mustra asina e balor di reuni diferente expertise den un solo bario. Mientras Serlimar y City Inspector ta contribui na limpiesa, GKMB ta enfoca riba prevencion, Luna Foundation riba bienestar di mascota y FCCA riba contacto

directo cu habitantenan, e otro stakeholdernan presente ta completa e enfoke multidisciplinario di Accion di Bario. Mas cu un bishita, e iniciativa ta crea un oportunidad pa instancia y comunidad mira, scucha y actua hunto. E progreso cu ya por mira den limpiesa y e reaccion positivo di residentenan ta mustra cu ora cada

stakeholder aporta for di su propio responsabilidad, e resultado por ser sinti directamente den bario. Accion di Bario ta asina tambe un momento pa reconoce loke ta bayendo bon, tende loke ainda mester atencion y sigui traha hunto pa un comunidad mas limpi, cuida y conecta.

P 12

DIALUNA 5 DI OCTOBER 2026

MINISTER SCHWENGLE A ASISTI NA CONGRESO ANUAL DI VNG

Den Haag – Minister Plenipotenciario Mildred Schwengle a presencia e congreso anual di Vereniging Nederlandse Gemeente (VNG) na Oost Gelre y Winterswijk. Aruba mescos cu e otro paisnan den Reino y e islanan BES

ta miembro di VNG. Invitadonan special na e congreso tabata Reina Maxima y Prome Minister di Hulanda Rob Jetten. Presidente di VNG Sharon Dijksman a habri e congreso como e

prome orador, pa despues e programa a sigi cu un discurso di Premier Jetten. Reina Maxima a hiba palabra como patronicadora di Oranjefonds den cual discurso Maxima a papia riba e bon trabao cu Oranjefonds a bin ta haci na sostene initiativanan social den henter Reino Hulandes. E programa oficial a sigi cu un discurso di Jonathan Holslag, burgemeester di Tienen na Belgica, Sandra Philippen, hefe sostenibilidad na ABN AMRO y un entrevista cu Esther Vergeer, campion paralimpico y Chef de Mission pa e team di atletanan Hulandes na e

Weganan Paralimpico Despues di e programa oficial tabata tin un momento cu e participantenan di Caribe por a topa otro y na cual ocacion president di VNG Sharon

Dijksma a hiba palabra, gradiciendo e presencia di e representantenan di e parti Caribense di Reino y e importancia di ta miembro di VNG. Nota pa redaccion: E potretnan ta cortesia di Gabinete di Aruba

CONOCEMENTO PA ACCION:

HEART & KNOWLEDGE GOVERNANCE CONFERENCE 2026

Oranjestad, Aruba – Caribbean Mercantile Bank (CMB), den colaboracion cu CEDE Aruba y Universidad di Aruba, ta invita fundacionnan, organisacionnan y profesionalnan pa e di dos edicion di Non-Profit Leadership & Governance Conference, cu lo tuma luga diasabra 31 di october, di 9:00 am pa 4:00 pm na Aruba Marriott Resort Stellaris & Casino. Continuando riba e exito di aña pasa, e conferencia di e aña aki

lo enfoca riba, good governance, liderazgo y capital humano, sostenibilidad y co-creacion y colaboracion. E programa lo conta cu diferente oradornan local y internacional, incluyendo keynote speaker Dr. Paul Stansbie di Grand Valley State University, Michigan, USA. Tambe Dr. Sulima Geerman Directora di SABA cu lo elabora mas tocante e topico di good governance. E lo ta un dia combina cu sesionnan

Dr. Sulima Geerman, PhD.

Dr. Paul Stansbie PhD, M.B.A. interactivo unda participantenan por haya conocemento y e hermentnan practico pa aplica den nan organisacion. Participacion ta Afl. 25 pa cada representante di fundacion of

organisacion. Personanan interesa por registra via e QR code indica den e invitacion. Hunto nos ta sigui traha pa organisacionnan mas fuerte y pa un comunidad mas fuerte.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

P 13

DIALUNA 5 DI OCTOBER 2026

MEP-FRACTIE: STABILISERING VAN TOERISME VRAAGT ACTIEVE REGIE VAN DE REGERING Oranjestad, 2 oktober 2026 – Vandaag heeft op verzoek van de MEP-fractie de eerste vergadering plaatsgevonden binnen de vaste commissie voor Toerisme over de staat van het toerisme in Aruba. De Staten sprak met de Aruba Tourism Authority (ATA) over de groei van het aantal bezoekers, de zorgen rondom overtourism en de noodzakelijke transitie naar een model van “High Value, Low Impact”. Uit de vergadering werd duidelijk dat ook ATA zich zorgen maakt over de voortdurende groei van het toeristische volume. ATA streeft naar stabilisering van het aantal bezoekers, met slechts beperkte ruimte voor verdere groei. Tegelijkertijd blijkt dat niet alle stakeholders binnen de toeristische sector deze visie delen en dat sommige partijen blijven inzetten op een verdere, grotere groei van het aantal bezoekers. “Un isla dushi pa biba ta un isla dushi pa bishita” De visie van ATA sluit aan bij het uitgangspunt dat “un isla dushi pa biba ta un isla dushi pa bishita”: een eiland dat aantrekkelijk is om te wonen, is ook aantrekkelijk om te bezoeken. Daarbij richt ATA zich op het aantrekken van zogenoemde high valuebezoekers, die meer waarde toevoegen aan de economie, maar

tegelijkertijd een low impact hebben op de gemeenschap, de natuur en de leefomgeving. Het gaat onder meer om bezoekers die de natuur en cultuur van Aruba waarderen. Voor de MEP-fractie bevestigt deze vergadering dat er een fundamenteel vraagstuk ligt dat niet door ATA alleen kan worden opgelost. Minister moet trekkersrol nemen “ATA kan dit niet alleen,” aldus MEPfractievoorzitter Evelyn Wever-Croes. “Als verschillende stakeholders verschillende richtingen opgaan en sommigen blijven inzetten op steeds grotere groei, dan is het uiteindelijk de verantwoordelijkheid van de regering om richting te geven en de noodzakelijke balans te bewaken.” Volgens de MEP-fractie is daarom een actieve trekkersrol van de minister van Toerisme noodzakelijk. Zonder duidelijke regie dreigt het aantal bezoekers verder te blijven groeien, terwijl juist stabilisering nodig is om de draagkracht en leefbaarheid van Aruba te bewaken. De MEP-fractie benadrukt dat het model “High Value, Low Impact” niet nieuw is. Het kabinet WeverCroes heeft tijdens zijn regeerperiode reeds de koers van het toeristisch

beleid in deze richting gewijzigd. Dialoog moet verbreed

worden

De MEP-fractie wil het ingezette parlementaire dialoog voortzetten en verbreden. In een volgende fase moeten ook stakeholders uit de luchtvaart en scheepvaart, evenals AAA N.V. en APA N.V., bij het gesprek worden betrokken. De verschillende onderdelen van de toeristische keten zijn immers met elkaar verbonden. De keuzes die worden gemaakt op het gebied van lucht- en zeevaart hebben direct invloed op het aantal bezoekers dat Aruba kan ontvangen en daarmee op de druk die op het eiland ontstaat. “Als Staten moeten wij actiever op zoek gaan naar oplossingen,” aldus Wever-Croes. “Vanuit de oppositie zijn wij hiermee begonnen. Wij willen niet alleen constateren dat er een probleem

is, maar samen met de stakeholders onderzoeken welke grenzen, keuzes en maatregelen nodig zijn om Aruba leefbaar én economisch sterk te houden.”

De MEP-fractie zal zich daarom blijven inzetten voor een brede dialoog over de toekomst van het toerisme en voor een duidelijke koers richting High Value, Low Impact.

P 14

DIaLUNA 5 DI OCTOBER 2026

Parlamentario Eduard Pieters (PPA):

“Awe nos ta reconstrui Centro Patriotico;

mañan nos ta reconstrui pais Aruba.” PPA ta lanta su centro na San Nicolas bek y ta habri porta pa tur hende cu kier contribui na futuro di Aruba Mas cu 20 aña Centro Patriotico di PPA na San Nicolas a keda den deterioro. PPA mes a pasa alrededor di dos decada sin representacion den Parlamento. Awor, despues di su regreso den Parlamento, e partido ta reconstruyendo su centro. Pa parlamentario Eduard Pieters, e paralelismo tin un significado politico cla: PPA a bolbe pa construi. “Awe, den forma simbolico, nos ta reconstruyendo Centro Patriotico. Y mañan, cu Dios su poder y pueblo su boluntad, nos lo reconstrui pais aki bek.” Un centro pa acerca pueblo na politica Segun Pieters, trabou pa recupera Centro Patriotico a cuminsa despues di eleccion 2024 ora PPA a logra e votonan necesario pa bolbe den Parlamento despues di 20 aña. E meta no ta solamente renoba un edificio. PPA kier crea un espacio, caminda ciudadano por acerca partido, haya informacion, conoce su representantenan y su candidatonan. Y aunke e centro ta na San Nicolas, Pieters ta enfatisa cu su funcion lo ta pa

henter Aruba. “Nos mester di un centro caminda nos por duna informacion na nos sostenedornan, pero tambe na pueblo di Aruba.” Mike de Meza: porta habri, pero no tin decision Durante conferencia di prensa, Pieters a haya e pregunta tambe tocante speculacion riba un posibel regreso di sr. Mike de Meza, kende a cuminsa su carera politico den PPA. Pieters no a anuncia ningun regreso, pero si el a expresa cu: “E opcionnan semper ta keda habri.” Pero tambe el a enfatisa cu e invitacion aki ta hopi mas amplio cu djis pa un solo persona. “E invitacion aki no ta conta solamente pa Mike de Meza. Esaki ta pa tur hende cu kier bin traha, yuda pais Aruba y defende e pida baranca aki, ta bonbini den PPA.” Pa Pieters, PPA tin un legado y trayectoria den desaroyo di Aruba, pero awor e partido ta mira dilanti: pa fortalece su organizacion, sigui crece y reuni hende cu kier contribui.

Di reconstruccion di un edificio pa reconstruccion di pais Centro Patriotico, pues, ta bira mas cu cement y bloki. Tabata trata di un edificio cu tabata den deterioro y

Oracion Di Dia

awor ta lanta bek. Un partido cu tabata pafor di Parlamento durante dos decada y a bolbe. Y segun Pieters, e siguiente paso ta transforma e regreso ey den trabou.

“Awe nos ta reconstrui Centro Patriotico. Mañan, cu poder di Dios, pueblo su boluntad y sosten, nos lo reconstrui pais Aruba bek,” Eduard Pieters a finalisa bisando.

Un feliz dia yena di bendicion y misericordia di Dios. E ora ey Pedro a acerca Hesus y puntr’E:”Señor, cuanto biaha mi mester laga mi ruman peca contra mi y toch pordon’e? Te shete biaha?” (Mateo 18, 21) Hesus a bisa no shete biaha, pero setentishete biaha shete, mester pordona otro tur dia di nos bida. Si un hende no ta dispuesto na haci bon cu su prohimo, e no por ta un Cristian berdadero, e no ta digno pa tuma parti na e mesa na cua Hesus ta combida siguidonan. Solamente esnan cu a trata na pordona otro ta capaz na ofrece Dios un sacrificio den su bista. Dios no lo mustra misericordia ora e husga esun cu no tawatin misericordia cu otro hende, pero esun cu si tawatin misericordia lo sali victorioso na momento di huicio.(Hacobo 2, 12-13) Misericordia mi kier y no sacrificio. Mi no a bini pa yama hende husto, ma pa yama pecado.( Mateo 9,13) Oracion: Señor Hesus Abo cu ta misericordioso y cu ta cla pa pordona nos y cu ta bisa nos cu boso mentalidad mester cambia henteramente y boso mester bisti e bisti di un hende nobo, siña nos con pa pordona y pa ta misericordioso cu nos prohimo pa medio di Cristo nos Señor. Amen.

P 15

DIaLUNA 5 DI OCTOBER 2026

“Señor ta mi Wardador, pues mi’n tin falta di nada; Den cunuku di yerba berde, E ta pone mi sosega. E ta hiba mi na awa trankil, pa mi bolbe haña forsa. E ta guiami den caminda drechi fiel na su nomber.” Salmo 23

Cu immenso tristesa na nos curason nos ta anuncia fayecimento di nos ruman:

Sr. Richard Romeo Tromp Mihor conoci como Shati + 08-08-1965 + 20-09-2026

Na nomber di: Su tata + Dominico Tromp Mama + Fortunata Lopez-Tromp Su juinan Jerilaine Gomez y Danny Koolman Milenia Tromp Su nieto(a)nan Carly-yenne, Maverick, Julia Rumanan: + Robert Tromp +Neris Tromp Siegfried Tromp Marjorie Tromp Freddy Tromp Marion Antersijn-Tromp Marisol Tromp Sobrino(a)nan: Rodney Tromp y juinan Jenard Gomez y famia Xiarenne Tromp y famia Joenard Gomez y juinan Ferdinand Tromp y jui

Padrino y Madrina:

Richard Antersijn +Jose Tromp y famia +Ina Koolmam y famia

Mama di su juinan:

Jeritza Mirlanda

Tanta y omo nan na Aruba y Venezuela, Primo y Primanan Bisiñanan y conociernan Mihor amigo(a)nan: Urvin Richardson Eric Vos Ronald Piña Roland Maduro Danny Tonny Maria Clark Ludmilla Werleman Marcus Dorival Demas famia: Lopez, Tromp, Antersijn, Gomez, Maduro, Quandus, Kelly, Croes, Lampe, Geerman, Dorival, Eckmeyer, Bermudez, Koolman, Martis, Ridderstaat, Krozendijk, Ridderstap, Zievinger, Nicolina, Feliciana, Orman, Holsman, Aparicio-Esaa, Winklaar, Canwood, Werleman, Willems, Rodriguez, Henriquez, Lacle, Matos.

Danki na Dr. Tromp, Dr. Schwengle y piso 4 di H.O.H. Acto di entiero lo tuma lugar: 5 Oktober 2026 di 2:00 - 4:00 na misa St. Anna na Noord sigi pa santana Catholico di Noord. Despues di entiero nos no ta recibi bishita di condolencia na cas. Despensa nos, si den nos tristesa nos por a lubida algun famia.

P 16

SUDOKU

DIALUNA 5 DI OCTOBER 2026

PPA TA REAFIRMA SU SOSTEN Y APOYO NA OTMAR ODUBER COMO LIDER POLITICO Y SU DERECHO PA SIGUI DEFENDE SU POSICION Oranjestad, Aruba — 28 di september 2026 Directiva di Partido Patriotico di Aruba (PPA) ta considera necesario pa expresa publicamente su posicion despues di e sentencia di HOF den e caso di Sr Otmar Oduber y e proceso cu ta continua via e camindanan legal correspondiente. Despues di e veredicto di HOF, directiva di PPA a hiba un combersacion cu Sr. Otmar Oduber y el a pidi directiva 2 siman pa e por tuma un decision segun nos Estado di Derecho pa bay Casacion y sigui busca su derecho. Directiva a dun'e su espacio y mientrastanto nos sa ki decision Otmar Oduber a tuma. PPA ta respeta e institutonan di Estado di Derecho y naturalmente ta respeta e veredicto dicta door di corte apelacion pasobra, respeta un decision di corte ta un obligacion institucional y democratico. Na mes momento respeta un veredicto no ta nifica cu un persona, un partido politico of un organisacion mester renuncia na su derecho di por expresa cu e no ta comparti e conclusionnan den e sentencia y cu e ta considera legitimo y husto pa cana e caminda legal disponibel pa defende su posicion. Otmar Oduber a declara publicamente cu e ta respeta e decision di hueznan, pero cu e no ta accepta y ni considera e decision uno husto y cu e lo continua su defensa y buskeda di su derechonan mediante

corte di Casacion. PPA ta reconoce y ta sostene su derecho den esaki. Pa nos organisacion, e situacion aki nunca lo por elimina e trayectoria politico di su persona ni e sosten cu su persona a ricibi di miles di ciudadano na urnanan electoral. Den e ultimo eleccion na december 2024, Otmar Oduber a optene un cantidad di 2.419 voto personal, siendo e candidato di PPA cu mas voto personal y e di seis vote getter di ful Aruba, mientras cu e partido, como organisacion, a optene 3.538 voto, bon pa un asiento den Parlamento despues di un ausencia di 20 aña den e instituto legislativo di Aruba. PPA ta considera importante pa separa tres elemento for di otro cu no mester wordo confundi: respet pa husticia, derecho pa defende y e posicion politico di un persona of un partido. Nos organisacion como partido politico desde un inicio tabata sa cu sr. Otmar Oduber tabata den su proceso pa busca su derecho, pa defende y limpia su nomber den corte y nos a sostene e tempo ey caba pa e por ta parti di PPA y bira lider politico riba lista di PPA. No ta nos so a pensa asina, sino pueblo

tambe a sostene sr. Otmar Oduber y PPA masalmente. Awe nada a cambia, nos lo sigui sostene Otmar Oduber durante e siguiente etapa cu ta sigui, caminda e lo sigui busca su derecho, respetando na mes momento e institutonan y e procedimentonan estableci pa ley. Nos no ta pidi privilegio. Nos no ta pidi impunidad. Nos ta defende un principio fundamental di cualkier sociedad democratico: esta cu tur persona tin derecho pa defende su mes, pa cuestiona huridicamente un decision y pa percura cu su caso ta wordo trata conforme e garantia cu e ley ta establece. PPA lo sigui e siguiente pasonan di e proceso cu hopi atencion y lo mantene nos sostenedornan y e pueblo di Aruba informa na un manera responsabel. Partido Patriotico di Aruba (PPA) Na nomber di Directiva