Issuu

DIAMARS 20 OCTOBER 2026

20 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

GOBIERNO TIN MIYONES PA GASTA, PERO NO PA YUDA PUEBLO PAGA GASOLIN Y DIESEL?

OM TA KEDA LUCHA DURO CONTRA POSESION DI ARMA DI CANDELA

DIAmars 20 october 2026

Chauffeur cu a hera causa varios desgracia deteni riba Pastoor Hendrikstraat

Pastoor Hendrikstraat Diadomingo anochi den careda di 11'or polis mester a para un pickup cu algun rato prome a hera dal frontal contra trafico contrario. Tawata algo cu prome cu 11'or cu un ciudadano ta avisa polis di un pickup cu por poco a dal contra autonan biniendo abou esta direccion Brazil y Savaneta. Polis despues di algun minuut a logra intercepta e vehiculo y ta stop esaki den Pastoor Hendrikstraat. Mesora nan a capta e situacion cu e chauffeur tawata den y ta solicita pa transportwagen. Mientrastanto agentenan a laga e chauffeur supla y manera tawata di spera e la surpasa e mcg stipula y ta wordo deteni.

Hopi biaha nos a trece e noticianan aki dilanti, pero algun chauffeur iresponsabel ta keda haci

e practica nan aki cu tur e consecuencia cu esaki ta bin cu ne.

DIAmars 20 october 2026

Parlamentario Dangui Oduber:

Tin solucion innovativo pa yuda hoben y famia logra nan propio cas Aruba tin un problema grandi di vivienda

Oranjestad — Mientras Aruba ta registra un surplus presupuestario di aproximadamente Afl. 700 miyon, e crisis di vivienda ta sigui ta un di e retonan mas grandi pa e ciudadanonan. Awe, ainda miles di famia ta riba lista di espera pa un vivienda, mientras cu pa e hobennan, e soño di cumpra nan prome cas ta birando cada biaha mas dificil. Segun Parlamentario Dangui Oduber, a yega e momento pa Aruba laga e manera tradicional di pensa atras y cuminsa haci uzo di tecnologia y solucionnan financiero moderno pa enfrenta e crisis di vivienda. E realidad di e crisis di vivienda “Nos mester pensa diferente y cuminsa uza tecnologia nobo. Un Gobierno cu tin un surplus di 700 miyon florin no por bisa un famia cu no tin recurso pa yuda nan logra un cas. E problema no ta solamente placa; e sistema y e mentalidad mester cambia,” e parlamentario a expresa. E realidad actual ta preocupante: Aruba ta enfrenta un demanda pa miles di vivienda, mientras cu e cantidad di tereno cla pa construccion ta limita. Na mes momento, e prijs di casnan a subi hopi mas lihe cu e salarionan, haciendo e acceso na un vivienda cada biaha mas dificil pa famianan y pa e hobennan. “Mi ta topa hobennan cu ta traha full-time, parehanan caminda tur dos ta traha, cu ta spaar y haci sacrificio, pero toch no por logra adkiri un cas. Nos no por acepta cu un generacion

completo bira huurdo pa semper, simplemente pasobra nos sistema no a modernisa,” Dangui Oduber a remarca. Bo Cas, Bo Soño Oduber ta propone e iniciativa “Bo Cas, Bo Soño”, un plan cu ta combina vivienda, tecnologia y innovacion financiero, sin e necesidad di crea belasting nobo ni di carga e pueblo cu mas debe. E plan ta basa riba e siguiente pilarnan principal: 1. Bo Placa, mas balor pa Aruba Miles di trahado na Aruba ta manda placa pa nan famianan den exterior, pagando costonan halto di transferencia y margen riba cambio di moneda. Pa e motibo aki, Oduber ta propone pa investiga un sistema digital moderno pa transferencia di placa cu por baha e costonan aki. E modelo aki por wordo desaroya bou di un supervision financiero adecuado, uzando infrastructura y licencia existente unda ta posibel. E entrada genera pa Estado mediante e sistema aki por wordo destina directamente na un fondo pa subsidia vivienda pa famianan riba lista di espera.“En bes di laga costo di transferencia sali di Aruba, nos por modernisa e sistema y uza parti di e balor genera pa yuda construi futuro aki mes,” Oduber a splica. 2. No Bende Bo Crypto pa Cumpra Cas Hobennan cu durante añanan a spaar of inverti den activonan digital manera Bitcoin mester tin e posibilidad, bou di reglanan cla y transparente, pa e activonan

digital aki (debidamente verifica) forma parti di e evaluacion di nan capacidad financiero pa haya un hipoteca. “Si un hoben a spaar cu disciplina, nos sistema financiero mester busca un manera responsabel pa reconoce e patrimonio ey, y no simplemente ignor'e,” Parlamentario Oduber a enfatisa. Innovacion cu responsabilidad y vision pa futuro Oduber ta enfatisa cu e propuesta ta pa considera e rol cu Bitcoin y e tecnologia moderno por tin pa e hobennan por yega na e financiamento di nan cas, semper bou di supervision estricto y cu reglanan cla pa crea oportunidadnan nobo. Segun e parlamentario, Aruba no por enfrenta e reto di vivienda

actual cu solucionnan di pasado: “Nos hobennan ta biba den un mundo digital, p’esey nos plan di cas mester ta digital tambe. Tras di cada cifra tin un famia cu ta warda. Nan no ta pidi un regalo; nan ta pidi un oportunidad pa construi nan propio futuro,” Oduber a declara. E parlamentario a conclui señalando cu e lo sigui desaroya e plan “Bo Cas, Bo Soño” como un propuesta legislativo, cu e meta di crea posibilidadnan real y concreto pa cada hoben y famia Arubiano logra adkiri nan propio hogar.

DIAmars 20 october 2026

Noticia di Corte

2 aña y 6 luna di prison pa homber di 63 aña cu a abusa di mucha muher di 15 ORANJESTAD – Awe mainta e homber C. (63) a presenta dilanti Hues pa scucha su sentencia den e caso penal cu Ministerio Publico a cuminsa contra dje.

tempo ey e mucha tabatin 15 aña.

SOLO DI PUEBLO por a compronde cu Hues a bisa cu e ta haya C. culpabel di a tene relacion sexual cu e mucha T., kende e tempo ey tabatin 15 aña. Ta asina cu e mucha ta famia di C. Hues a confirma e exigencia di Fiscal y a condena C. na 2 aña y 6 luna di prison, di cual 10 luna ta condicional cu un tempo di prueba di 3 aña.

Fiscal ta haya cu tin declaracionnan di T. cu no ta consistente. Esaki ta haci dificil pa tin un declaracion completo. El a mustra cu Polis a haci investigacion riba e declaracionnan y a bay busca prueba di sosten. Fiscal ta haya cu tin prueba di sosten. El a mustra cu tin chatnan entre C. y T. caminda por compronde cu C. kier tin relacion sexual cu T. Fiscal ta haya C. culpabel di a haci actonan inmoral cu T. y a exigi 30 luna di prison di cual 10 luna ta condicional cu 3 aña di prueba.

FISCAL A EXIGI 2 AÑA Y 6 LUNA DI PRISON

CULPABEL DI A ABUSA DI MUCHA

Algun siman pasa, e caso penal a wordo trata caminda caminda Fiscal ta acusa C. cu den e periodo di 21 October 2022 y 5 September 2024 el a tene relacion sexual cu e mucha muher T. menor di edad. Tambe C. ta wordo acusa di a purba tene relacion sexual cu e mucha muher T.

Ayera Hues a bisa cu e ta haya legalmente proba cu C. a abusa di e mucha muher T. Hues ta haya cu e victima no tabata consistente den su declaracionnan pero cu su declaracionnan ta haya suficiente prueba di sosten a base di e chatnan entre C. y T. Hues a mustra cu C. tabata chat cu T. tocante tene relacion sexual. Hues a sigui bisa cu e mucha T. a duna descripcion na Polis di e apartamentonan di cita cu C. a hib’e. Hues a bisa cu C. a admiti cu el a bay cu T. na e apartamento na Meiveld. Hues a mustra cu e mucha T. a bisa cu el a haya un I Phone di C. en cambio di tin relacion sexual cu C. Hues a bisa cu tin problema tecnico pa cu e acusacionnan caminda Fiscal ta papia di e abuso y intento di abuso. Hues a mustra cu T. ta papia di 3 caso. Hues a haci adaptacion den e acusacion ya cu a papia di tur 3 caso durante tratamento di e caso.

Fiscal a bisa Hues cu e ta haya e declaracionnan di e mucha T. no ta mucho cla y consistente. Pero por conclui cu T. tabata wordo hiba pa su omo C. school y a haya I Phone for di C. y cu cu T. mester a paga C. door di tin relacion sexual cun’e. Fiscal a mustra cu C. tabata bay apartamento di cita cu intension di tene relacion sexual pero T. a nenga. Fiscal a sigui bisa cu e mucha T. a conta otro situacion caminda atrobe a bay na un apartamento di cita, caminda C. lo a hinca dede na su parti intimo. E

Hues ta haya cu C. tabatin relacion sexual cu e mucha y dos biaha a purba di tene relacion sexual. Pa cu e castigo, Hues a mustra cu victimanan ta keda afecta. Hues a bisa cu e ta tene na cuenta cu e circumstancia personal

di C. y tambe cu e señora di C. ta malo y ta depende di C. Hues a confirma exigencia di Fiscal y a condena C. na 30 luna di prison (2 aña y 6 luna), di cual 10 luna ta condicional cu un tempo di prueba di 3 aña.

DIAmars 20 october 2026

Parlamentario Tromp-Lee: \

Gobierno tin miyones pa gasta, pero no pa yuda pueblo paga gasolin y diesel? Segun un publicacion di Awemainta, compara cu 14 di januari 2026, e prijsnan di combustibel a subi enormemente den solamente nuebe luna:

• Gasolin: di Afl. 2,107 pa Afl. 3,124 pa liter. Un aumento di 48.3%. • Diesel: di Afl. 1,885 pa Afl. 3,376 pa liter. Un aumento di 79.1%.

Pueblo ya no por mas: carteranan ta fluit y prijsnan ta sigui subi. Gasolin y diesel ta bira cada biaha mas caro, supermercado ta costa mas, y pa hopi famia ta bira cada dia mas dificil pa pone placa rende te cu fin di luna. Pero ora mi a presenta un mocion pa Gobierno tuma medida pa frena e subida di prijs di combustibel y alivia e peso riba pueblo, e mayoria den Parlamento — cu ta Fraccion di AVPFuturo — a vota contra dje. Dicon? Dicon ora famianan ta lucha pa paga nan cuenta y pone cuminda riba mesa, e mayoria den Parlamento y e Gobierno di AVP-Futuro no ta duna e problema aki e prioridad cu e merece? E cifranan ta papia cla

Kico esaki ta nifica pa bo cartera? Na januari, 50 liter di gasolin tabata costa Afl. 105,35. Awor e mesun 50 liter ta costa Afl. 156,20. Esaki ta Afl. 50,85 mas pa cada yena! Pa diesel, 50 liter a subi di Afl. 94,25 pa Afl. 168,80. Esaki ta Afl. 74,55 mas! Pensa riba esey: mas di 50 florin extra pa yena bo tanki cu gasolin. Mas di 74 florin extra pa 50 liter di diesel! Y esaki no ta keda na e pomp so. E placa extra aki ta sali for di e mesun cartera cu mester paga huur, luz, awa, cuminda y gasto di scol. Trucknan ta transporta cuminda y otro productonan pa tienda y supermercado. Ora diesel subi asina tanto, e gastonan di transporte ta pone mas presion riba e prijs di cuminda y otro productonan cu pueblo mester cumpra. E subida

aki no ta djis un number riba papel. E ta placa cu ta falta directamente den bo cas!

Gobierno tin placa pa otro cos, pero pa pueblo no? Mientras famianan ta lucha pa alcansa fin di luna, Gobierno tin miyones di florin pa diferente gasto cu, na mi opinion, no ta prioridad ora compara cu e necesidadnan urgente di pueblo. P’esey mi ta puntra: si tin placa pa e gastonan ey, dicon no tin prioridad pa proteha pueblo contra e subida di combustibel?

Gobierno ta bin haci show cu un supuesto “alivio fiscal” di Afl. 2.5 miyon. Pero pueblo mester sa cu e suma aki no ta duna e alivio cu e tin mester pa enfrenta e subida enorme di combustibel. Con un famia ta sinti un alivio berdadero si e ta sigui paga mas di Afl. 50 extra pa yena su tanki cu gasolin? Pueblo no ta bobo. Pueblo ta mira e prijsnan na pomp y e ta sinti e diferencia den su cartera. Gobierno no por tapa e realidad cu anuncio y palabra bunita. Stop di trata pueblo como si e no ta compronde loke ta pasando!

MEP lo sigui para pa pueblo Mi a presenta e mocion aki pasobra mi ta mira e presion enorme cu e subida di combustibel ta pone riba nos famianan. Mi ta kere cu Gobierno mester busca solucion y no laga pueblo carga e peso su so. Mi ta lamenta profundamente cu e mayoria den Parlamento a vota contra e mocion. Pero nos di MEP lo sigui para firme pa pueblo, pa su poder di compra y pa tur famia cu ta lucha pa por biba dignamente. Pueblo no ta pidi luho. Pueblo kier por traha, yena

su tanki di auto, cumpra su cuminda y paga su cuenta sin cu tur luna e tin cu enfrenta un angustia y lucha di nobo. E pregunta ta simpel: Unda e prioridadnan di Gobierno ta? Pa mi, e prioridad mester ta cla: traha prome riba e necesidadnan di nos pueblo! Gobierno mester tuma accion awor. E costo di bida ta bira cada dia mas dificil pa carga y e calidad di bida di nos hendenan ta deteriora. Pueblo no por sigui warda mas. Pueblo mester mira accion!

DIAmars 20 october 2026

AHATA ta apoya e futuro chefnan na EPI cu herment profesional

Aruba Hotel & Tourism Association (AHATA) a entrega 50 set di cuchiu profesional na studiantenan di prome aña di e programa culinario di EPI HORECA. Cu e aporte aki, AHATA y su miembronan ta duna e futuro chefnan di Aruba hermentnan di calidad pa cuminsa nan formacion y desaroya nan talento. Tisa LaSorte, Presidente y CEO di AHATA, a entrega un set na cada studiante den presencia di facultad di

EPI HORECA. Na nomber di e asociacion, a enfatisa cu e apoyo ta representa un señal di confiansa den e potencial di nos hobennan y e contribucion cu nan por brinda na Aruba. AHATA ta na haltura cu ta dificil pa tur studiante tin e capacidad financiero pa cumpra herment pa uso na skol. Cu e donacion AHATA ta sigura un igualdad na skol, cu cada studiante por traha cu cuchiu di calidad mientras cu nan ta siña e habilidadnan di cushina. E iniciativa ta

forma parti di AHATA su compromiso pa fortifica e conexion entre enseñansa y mercado laboral, apoyando e preparacion di talento local pa e industria culinario y turistico.

riba e dianan mas dificil. Cada gran chef a cuminsa cu un prome les, un prome intento y e curashi pa sigui siña. Den cushina, erornan por bira les y practica ta bira confiansa.

Pa e studiantenan cu ta cuminsa e trayecto culinario, AHATA ta comparti e siguiente mensahe:

Aruba tin su propio sabor, y awor ta boso turno pa agrega algo unico na dje. Na nomber di AHATA y su miembronan, nos ta desea boso un caminda yen di descubrimento, perseverancia y orguyo. Sigui cultiva boso habilidadnan y nunca

“Laga curiosidad ta boso guia, disciplina ta boso base y pasion ta e candela cu ta sigui cende, hasta

lubida e ingrediente mas importante: e amor cu boso ta pone den loke boso ta haci.” AHATA tin mas di 160 miembro; companianan cu ta ofrece diferente servicio y producto den industria di turismo, of cu ta sirbi e industria di turismo. Meta di e asociacion ta pa promove productividad y exito duradero pa Aruba su industria di turismo y e bienestar socio-economico di henter nos comunidad Arubano.

DIAmars 20 october 2026

OM ta keda lucha duro contra posesion di arma di candela

Ministerio Publico ta sigui lucha duro contra posesion di arma di candela. Arma di candela ta forma un peliger grandi pa seguridad publico. Pesey ta consecuentemente exigi castigonan halto di prison pa posesion di arma di candela. Asina a keda demonstra tambe den casonan ultimamente.

E siman aki Corte den Prome Instancia a condena un sospechoso den asina yama snelrecht pa un castigo di prison di 24 luna, di cual diesdos ta condicional, y un tempo di prueba di tres aña. E homber aki tabatin un mitrayador den su poder pa añanan largo y tabata warda esaki bao su cama. E otro sospechoso den e mes caso aki tambe lo mester presenta pronto dilanti Huez. A haya foto y video di e mesun mitrayador den su poder. Sa pasa regularmente cu casonan relaciona cu arma di candela ta sali na cla door cu hende ta warda foto y video riba nan celular. E siman aki Corte den Prome Instancia lo bolbe trata un caso di arma di candela den cual e sospechoso tabatin foto di diferente arma di candela riba su celular, entre nan un pistool, un revolver y un mitrayador. Den e caso aki tambe

lo aplica snelrecht.

den un auto of un boto.

Mas of menos dos siman pasa atrobe un otro sospechoso a wordo condena pa posesion di un revolver carga den su tas. El a haya un castigo di prison di 21 luna, di cual seis ta condicional, y un tempo di prueba di tres aña.

Pa armanan di candela mas pisa of automatico tin criteronan di referencia mas severo pa loke ta e demanda di castigo. Tambe recidivismo, caminda un persona a yega di wordo condena caba pa posesion di arma di candela, ta wordo considera un circunstancia agravante.

Ora di determina e exigencia di castigo pa posesion di arma di candela, fiscal ta sigui e Richtlijn vuurwapens en munitie, cu a ser ancra pa Procurador-General na februari 2021. Punto di salida di e richtlijn aki ta cu posesion di arma di candela, municion y magazijnnan di bala ta forma un gran peliger pa orden publico y seguridad.

E haltura di e exigencia ta wordo determina, entre otro, pa e tipo di arma di candela, e circunstancianan bao di cual e arma a wordo haya y eventual condenan anterior di e sospechoso. E richtlijn ta haci diferensia entre locual ta yama “posesion pasivo” (rustig bezit) y tin un arma di candela den e dominio publico, manera riba caya of, por ehempel,

Den casonan unda ley ta permiti, Ministerio Publico por haci uso di snelrecht. Snelrecht ta encera cu e sospechoso ta wordo presenta

dilanti hues den un tempo hopi cortico, pa por tuma accion rapido y visibel contra posecion prohibi di arma di candela. Pa loke ta bay 2026, diez sospechoso a wordo condena via snelrecht pa motibo di posesion di arma di candela.

Posecion di arma di candela no ta wordo tolera. Ken cu dicidi di tin un arma di candela den su poder mester conta cu e chens di castigo di prison. Pesey, Ministerio Publico lo sigui actua cu firmeza contra tur persona cu haci su mes culpabel na posesion di arma.

Corte di Prome Instancia 19 oktober 2026 Horario Sospechoso Acto Castigabel 08.15 V.E.C. C. ta wordo acusa di a tene relacion cu un persona bao 16 aña bieu den e periodo di 21 di oktober 2022 te 5 di september 2024 y di intento di destruccion. 08.30 F.C.D.G. D.G. ta wordo acusa di, hunto cu otronan, contrabanda di diez persona of mas riba 8 di september 2023 dor di transporta nan cu boto di Venezuela pa Aruba den situacionnan peligroso. 09.05 R.S.A.C. C. ta wordo acusa di menaza cu cirmen riba 2 di oktober 2025. 09.40

D.L.L.G.

G. ta wordo acusa di a maltrata un persona riba 7 di april 2025 dor di dal e wanta na su cabez.

10.20

M.R.W.

W. ta wordo acusa di posesion di cocaina y marihuana riba prome di juli 2025.

10.50

S.R.W.

11.30

L.R.J.v.d.B.

W. ta wordo acusa di a intencionalmente maltrata un persona riba 19 di oktober 2025 dor di dal e varios biaha cu moketenan na su cara y curpa y a pushe cu forza. E ta wordo ademas acusa di ladronicia di television di e persona aki riba 31 di oktober 2025. V.d.B. ta wordo acusa di a planta cannabis den e periodo di prome di april 2024 te prome di april 2026.

Corte di Prome Instancia 22 oktober 2026

DIAmars 20 october 2026

Aruba Bank a patrocina Aruba Mini Sailboat TeamNa e di 59 edicion di Bonaire Sailing Regatta

Oranjestad – 19 di oktober 2026 - Aruba Bank a sostene Aruba Mini Sailboat Team cu orguyo como patrocinador di nan participacion den e Mini Sailboat Competition durante e di 59 edicion di Bonaire Sailing Regatta, cu a tuma lugar di 11 te 16 di oktober 2026.

E team a representa Aruba cu cuater participante

y seis micro sailboats, compartiendo nan pasion pa nabegacion cu otro competidornan na e evento regional aki. E patrocinio di Aruba Bank a yuda haci nan participacion posibel.

“Representa Aruba hunto cu mi compañeronan di team tabata un momento di orguyo pa mi. Nos ta gradici Aruba Bank pa sostene nos team y pa

yuda haci e experiencia aki posibel,” participante di e team, Glenda Franken, a expresa.

Tuma accion pa Preveni, Proteha y Stop Dengue Con nos por stop Dengue?

Aruba Bank ta felicita e team pa a representa Aruba y ta contento di a contribui

na un oportunidad pa participantenan local demostra nan entusiasmo y dedicacion pa nabegacion.

DIaMARS 20 DI OCTOBER 2026

Parlamentario Eduard Pieters:

“Gobierno kier papia di calidad di enseñansa, pero ken ta ekipa e maestro pa e realidad di awe?” Un maestro ta para dilanti klas, un mucha no por concentra, otro ta patras ta lesa of conta. Un otro no por regula su emocionnan. Tin mucha cu ADHD, autismo, dificultad visual of auditivo y otro cu simplemente mester hopi mas atencion individual pa por sigui e lesnan. Y tur esaki por ta den e mesun klas, na e mesun momento, cu un maestro cu ta responsabel pa enseñansa di tur. Esey ta e realidad cu parlamentario Eduard Pieters kier Gobierno mira, ora ta papia di calidad di enseñansa. Despues di reunion publico di siman pasa, Pieters a cuestiona Minister di Enseñansa, Gerlien Croes, particularmente despues cu, e Minister a pidie pa splica un asunto relaciona cu zorgstructuur den enseñansa. “Mi ta haya esaki hopi grave. Enseñansa no ta algo cu nos por hunga politica cu ne. Enseñansa ta futuro di e pais aki.” Ken mester splica ken? Pa Pieters, un Minister di Enseñansa tin un aparato profesional rond di dje: Departamento di Enseñansa, Dienst Inspectie

van het Onderwijs, e profesionalnan, e conseheronan y instancia cu mester por guia maneho educativo. Parlamento, di otro banda, tin deber di controla Gobierno. P’esey Pieters ta lansa un pregunta incomodo: “Si un Parlamentario mester splica na Minister con e sistema di cuido mester funciona, kico ta pasando cu e conseho profesional rond di su ministerio? Y si e conseho ta existi, Minister ta scuch’e?” Realidad di klas a cambia Pieters su mensahe ta toca directamente e realidad cu hopi maestro ta reconoce. E maestro di awe no ta solamente dunando les. E ta tratando di mantene atencion di un klas, atende diferencia grandi den nivel, guia mucha cu dificultad di comportacion, yuda un alumno cu no ta domina e habilidadnan basico, calma otro cu no por regula su emocion y na mesun momento, garantisa cu e resto di klas ta sigui siña y haya les di calidad. Tin momento cu un mucha mester atencion uno-pa-uno, pero tin otro mucha wardando riba e mesun maestro.

Esey no ta falta di boluntad di maestro. E ta un realidad educativo, cu ta exigi otro tipo di sosten. P’esey Pieters ta cuestiona si Aruba ta inverti suficientemente den e profesional, cu cada dia mester maneha e diversidad compleho ey. Un diploma no por ta final di formacion Segun Pieters, maestro no por termina su formacion despues di cuatro of cinco aña y wordo laga su so cu un klas, cu ta cambia constantemente. E ta boga pa formacion continuo: no solamente curso di materia di idioma, sino capacitacion practico pa maneha un klas diverso, pa reconoce e necesidadnan diferente y sa con pa actua. Pero e capacitacion su so tampoco ta suficiente. E maestro mester tin un sistema rond di dje:

leerlingenzorg, guia interno, direccion escolar y acceso na e profesionalnan specialisa, cu por interveni ora cu tin necesidad di un mucha. Mas di 200 profesional: scucha nan Pieters a recorda cu, mas di 200 profesional a contribui anteriormente na trabou rond di e visiestuk di zorgstr uctuur, basa tambe riba investigacion y cooperacion externo. P’esey su critica ta directo: “No cambia sistema educativo simplemente pa cambia. Analisa. Planifica. Y scucha e profesionalnan cu conoce e klas y nos realidad na Aruba”. Problema di enseñansa di awe por bira problema social di mañan Pa Pieters, esaki ta hopi mas grandi, cu

un discusion den Parlamento. Un mucha cu no haya sosten awe, no ta desaparece for di sistema mañan. Problema cu no ta atendi na tempo, por crece hunto cu e mucha. P’esey e ta conecta inversion den enseñansa cu prevencion social, sosten di famia y hasta e lucha contra delincuencia. E pregunta politico, pues, no ta solamente si Aruba tin suficiente maestro. Ta si nos ta pidi maestro carga cada bes mas responsabilidad, sin duna nan suficiente formacion, sosten y profesionalnan rond di nan pa yuda carga e responsabilidad ey. Y ey ta unda Pieters su mensahe na Gobierno ta bira dificil pa ignora: “Si nos kier un mihor Aruba mañan, nos no por sigui laga maestro su so cu e problemanan di awe”.

P 10

DIAMARS 20 DI OCTOBER 2026

Parlamentario Eduard Pieters (PPA):

“Gobierno tin placa pa show, pero no tin boluntad pa drecha nos camindanan y e automobilista ta paga miyones na impuesto” Pueblo ta paga y gobierno ta cobra. Pero ora automobilista sali riba caminda, unda e ta mira su placa bek? Cu e pregunta ey, parlamentario Eduard Pieters a confronta Gobierno riba e estado di nos camindanan y e prioridadnan cu coalicion ta pone. Segun Pieters, entrada relaciona cu vehiculo ta genera miyones pa pais. P’esey PPA a presenta un mocion concreto na mei 2026: no pa gasta tur e placa na caminda, pero pa Gobierno studia y presenta na Parlamento, den seis luna, un plan pa destina un parti structural di e entrada ey na reparacion y asfaltamento. Pero un biaha mas, e proposicion ey no a pasa. Y pa Pieters, ey ta unda e problema

politico ta cuminsa. “No tin boluntad” PPA no a pidi pa Gobierno drecha tur caminda di Aruba di un dia pa otro. Segun Pieters, e proposicion tabata simplemente pa crea un sistema: cobra placa di automobilista y laga parti di dje bolbe visiblemente den infrastructura di caminda. “Nos tur kier mihor caminda. E problema ta, cu Gobierno no tin boluntad.” Pieters su argumento ta, cu ciudadano ta mas dispuesto pa acepta e contribucionnan, ora e por mira resultado. Pero ora Gobierno cobra impuesto, mientras caminda ta sigui deteriora, e pregunta inevitabel ta: “Kico Gobierno ta haci cu e prioridadnan di pueblo?”

“Puro show, un Gobierno di fiesta” Pieters a subi tono di su critica y a acusa Gobierno di confundi visibilidad cu gobernacion. “Show, puro show. Ban bek caya, fiesta aki aya… pues un Gobierno di fiesta.” Segun Pieters, mientras ciudadano ta sinti costo di bida, prijs di supermercado y deterioro di infrastructura, demasiado energia politico ta bay na e actividadnan publico y bendemento di imagen. El a critica incluso prioridad di liderazgo politico durante ora di trabou, cu ta demostra un contraste di actividad simbolico cu dossiernan cu, ta hopi mas fundamental pa futuro di Aruba. Su

mensahe: pueblo no ta paga Gobierno pa haci show. Pueblo ta paga Gobierno pa tuma decision. FUTURO ta tene Gobierno AVPFUTURO “hostage” Pero Pieters su acusacion mas fuerte tabata dirigi na relacion interno di coalicion. Segun Pieters, e partido mas chikito, FUTURO, a logra un posicion caminda e tin demasiado influencia riba direccion di Gobierno, mientras AVP, e partido mas grandi den coalicion, no ta mustra e liderazgo cu Pieters ta asocia cu su historia. El a describi Gobierno como “hostage” di e relacion ey. Pieters incluso a expresa su decepcion den AVP:

“Ami no conoce AVP asina. AVP semper tabata un partido cu ta mustra direccion y cu ta tuma accion.” Pa Pieters, e problema no ta solamente ken tin mas poder dentro di coalicion. E pregunta ta kico pueblo ta haya como resultado. Finalmente PPA ta pone un propuesta riba mesa pa trece solucion sostenibel y duradero, pero coalicion a rechase. E camindanan ta sigui exigi inversion y mientrastanto, segun Pieters, show ta continua. “Gobernacion no ta fiesta, no ta verfmento y no ta djis potret cu yen di fanfaria. Gobernacion ta tuma decision y laga pueblo mira unda su placa ta bay.”

P 11

DIAMARS 20 DI OCTOBER 2026

AVA ta habri Campeonato Nacional di Volleyball 2026–2027 Oranjestad, Aruba — 19 di oktober 2026 — Aruba Volleyball Association (AVA) ta anuncia cu e Campeonato Nacional di Volleyball 2026–2027 ta cuminsa riba diabierna, 23 di oktober. E competencia ta habri cu volleyball femenino hoben, cu e categoria U-17 y U-19 riba e cancha. E prome weganan di diabierna ta cuminsa pa 6:00 p.m. na POVA. Riba diasabra, 24 di oktober, e categoria U-13 mixto y U-15 ta hunga cuminsando pa 2:00 p.m. na Compleho Deportivo Frans Figaroa, Noord. Programa di apertura Diabierna, 23 di oktober: U-17 y U-19 — 6:00 p.m. — POVA Diasabra, 24 di oktober: U-13 mixto y U-15 — 2:00 p.m. — Compleho Deportivo Frans Figaroa, Noord E weganan di ronda regular ta wordo hunga den formato best of 3 sets. E prome dos sets ta bai pa 25 punto. Si e resultado ta 1–1 den sets, un tercer set decisivo ta wordo hunga pa 15 punto. E weganan di diasabra lo sigui na Compleho Deportivo Frans Figaroa te cu 12 di december. Desde 15 di januari, e weganan di diasabra lo tuma lugar na Centro Deportivo Betico Croes. E categoria masculino y e categoria senior lo cuminsa na januari 2027. AVA ta invita hobenan, mayornan, famia, amistatnan y tur fan di volleyball pa bin mira e weganan y anima e atletanan. E campeonato ta

un oportunidad pa e hobenan di Aruba mustra nan talento, disciplina y amor pa e

deporte. Prensa y publico ta bonbini pa

cubri y apoya e Campeonato Nacional.

P 12

DIAMARS 20 DI OCTOBER 2026

Curso di Baseball5 duna door di WBSC a inicia na Aruba cu 25 participante Awemainta a duna inicio na e curso di e Deporte Baseball 5, cu tin como instructor 2 profesional di “World Baseball Softball Confederation” (WBSC). Pa e curso aki ta conta cu Pablo Leone y Andrea D’Auria cu ta bishita tur pais cu ta miembro di WBSC y ta capacita e federacionnan local pa asina por tin instructor y entrenadornan di Baseball5. E curso aki a ser organisa a traves di IBiSA, hunto cu Comite Olimpico Arubano (COA) y WBSC. E curso aki ta conta alrededor di 25 cursista, unda ta mira un gran cantidad cu ta docente di movecion y salud, hunto cu e instructornan di IBiSA y miembronan di e federacionnan local Aruba Baseball Association (ABBA) y Aruba Softball Bond (ASB). E grupo aki lo ta encarga pa asina desaroya y promove e deporte di Baseball 5 na scolnan basico y pa e comunidad en general. Baseball5 lo ta parti di e deportenan den Weganan Escolar ademas di a bira parti di e programa di e Weganan Interinsular, cuminsando cu e Weganan na Boneiron na inicio di 2027. Hunto cu e instructor

di Baseball5, ta conta cu presencia di Victor Isola (liaison di Americas pa WBSC) y Marco Ienna (Chief Operating Officer WBSC), cu a bin Aruba pa e curso, pero mas importante aun pa reuni cu federacionnan local di Baseball y Softball pa asina yuda desaroya e maneho di e deportenan. Como parti di WBSC tambe a conta cu Randolph Oduber cu ta forma parti di e ekipo di di Aruba cu ta traha e desaroyo di Baseball5 na Aruba. COA ta contento pa mira e deporte di Baseball5 ta haya atencion, como e ta un deporte hopi accesibel y ta rekeri poco material y tereno, un combinacion ideal

pa usa como deporte recreativo na scolnan y den barionan. Banda di esaki,e ta un disciplina deportivo cu ta wordo hunga Inter naciona lmente

y pronto lo ta riba e programa di Weganan multideportivo. Ta desea WBSC y tur cursista hopi éxito durante e proximo 3 dia di curso, y cu esaki

ta e prome paso den un Aruba cu ta hunga Baseball5 den cada skina di nos isla. #COA #WBSC #Baseball5 #ABBA #ASB

P 13

DIaMARS 20 DI OCTOBER 2026

IPA ta tene su anochi di informacion tocante 21+ Toets dia 26 di october

Bo ta desea di haci e estudio pa Maestro di Enseñansa Primario pero pa motibo di circumstancia di bida bo no a logra termina sea havo, vwo of mbo nivel 4? Cu 21+ Toets bo deseo por bira realidad! Tur persona cu desde 1 di september 2027 tin minimo 21 aña y cu kier haci un estudio na IPA, pero no tin diploma di sea havo, vwo of mbo nivel 4, por inscribi pa haci e asina yama 21+ Toets. E 21+ Toets ta midi si bo tin nivel di havo cu ta necesario pa por studia na IPA. Si bo logra pasa e 21+ Toets cu exito, bo por inscribi pa e estudio pa Maestro di Enseñansa Primario cu IPA lo ofrece durante aña academico 2027-2028. Asina cu bo inscribi bo ta bin na remarke pa participa na e test di admision (beroepstest) y e programa preparatorio (voorprogramma) cu lo tuma luga durante aña academico 20262027. Si bo logra pasa e test di admision cu exito y completa e programa preparatorio bo por cuminsa cu bo estudio na augustus 2027. Anochi di informacion Dialuna dia 26 di october 2026 lo tin un anochi di informacion na IPA. Bo lo haya splicacion di kico

21+ Toets ta encera. Alabes lo elabora riba contenido y trata ehempel di tarea di diferente materia cu ta forma parti di 21+ Toets. E anochi di informacion ta di 7:00 pm - 8:30 pm y lo tuma na Sala Madonna di IPA (Isaac Wagemakerstraat 11, San Nicolas). Inscripcion Tur persona cu ta

interesa pa haci 21+ Toets por inscribi via e website w w w.ipaar uba.com. Pa por inscribi mester cumpli cu e pago di AWG 100,- y pone como anexo copia di comprobante di pago den formulario digital di inscripcion. Tene na cuenta cu e comprobante mester tin bo nomber riba dje, p’asina nos sa na ken e pago ta pertenece. E ultimo

dia pa inscribi pa 21+ Toets ta 18 di januari 2027. Despues di e fecha aki no tin posibilidad mas pa inscribi. Pa keda altanto di e

ultimo desaroyonan di IPA bishita www. ipaaruba.com y sigui nos riba pagina di facebook Instituto Pedagogico Arubano.

P 14

DIAMARS 20 DI OCTOBER 2026

HALLOWEEN TA UN TRADICION DIABOLICO E actividadnan di Halloween a origina for di hopi siglonan pasa, for di Inglatera na e islanan Britanico. Den realidad den e tempo ey, Halloween ta un ceremonia satanico di e druidesnan, nan ta satanistanan y awendia nan ta wordo yama celticsnan y ariba 31 di oktober nan ta haci nan ceremonianan di “human sacrifice”. Nan ta scohe nan victimanan den rapto, den secuestro etc.. E tradicion satanico aki di Halloween a wordo pasa pa Merca y Europa pa medio di imigrantenan. Halloween ta un festival di e celticsnan tambe yama samhein y awendia e ta wordo organisa pa esnan cu ta miembronan den ocultismo y esnan den organisacionnan satanico, esnan den illuminatienan,

esnan den New Age etc. Tur e gruponan aki, tin nan simbolonan y nan pentagramnan diabolico y bo por reconoce nan awendia. Den luna di

oktober na Merca, na Europa y na otro paisnan, hende y muchanan ta desaparece of secuestra y nunca mas nan ta aparece. Halloween ta dianan di fiesta pagano. No participa na ningun eventonan di Halloween, pa bo no ta complice y culpabel di loke ta pasando na mundo y pa bo no apoya nan actividadnan di fiestanan di disfras. Pasobra na Aruba tambe tin diferente di esnan cu ta den organisacionnan diabolico bao di un capa, pa nan no wordo descubri cu nan ta satanista y den nan asamblea nan ta adora diferente diosnan pagano y satanas “himself”. No participa na ningun eventonan di Halloween, pa cu inocentemente bo ta bira complice di nan actividadnan, pasobra bo ta gusta nan ambiente, nan “trick and treat bags”, nan fiestanan, nan disfrasnan etc.y asina bo ta bira simpatisante di e demonionan. Hendenan ta tuma un cultura y

tradicionnan diabolico pagano di otro paisnan y sin pensa ta kiko e ta significa? Hendenan desvia, nan no ta obedece e prome Mandamento di Dios Tata cu ta bisa: “Di stima bo Senjor y bo Dios di henter bo curason, di henter bo alma, di henter bo ser y di henter bo sintir y mas cu tur cos den mundo.” Stima Dios ta significa, di aleha bo mes di tur actividadnan y di fiestanan pagano. Den Bijbel Efesionan 5: 7 – 14; Dios Tata ta bisa:“No mete boso cu hendenan den scuridad. Bosonan ta

lus den Senjor. Comporta boso manera yiunan di lus. E frutanan di lus ta, bondad, husticia y berdad di tur forma. Busca di haci loke ta gustoso na Senjor y no participa den actonan inutil di hendenan cu ta biba den scuridad, pero trece nan na claridad. Loke e hendenan aki ta haci den scuridad, ta hopi berguensa di menciona. Ma tur esnan cu ta den scuridad, nan lo wordo aclaria pa medio di esnan cu ta den claridad di lus.” Corda bon, cu nos tur ta tempel di Dios Spirito Santo cu ta biba den cada un di nos. P’esey no ofende bo Senjor y bo Dios, cu bo pikanan di ignorancia. Den Bijbel 2 Tessalonicensenan 1: 8-9; “Den vlamnan di candela pa castiga esnan cu no ta reconoce Dios y na esnan cu no ta obedece na Evangelio di nos Senjor. Nan lo paga pa esey cu perdicion eterno lew for di presencia di Senjor y for di Su poder glorioso.” Scirbi pa Seferino Tromp Koyari 13-d Tel. 5931157 / 5870048 ID. 57.11.22.40 E-mail: etajuni@yahoo. com

P 15

DIAMARS 20 DI OCTOBER 2026

FORTALESA PA FAMIA Scirbi pa Pastor Marcel Balootje.

DIOS TA NOS TATA, RESPETA DIOS, BALORA HENDE For di principio di mundo Genesis 1:26-27 Dios ta identifica Su mes como nos creador, nos ta crea den Su imagen y Su semehansa. Den Testament nobo Hesus ta sinja nos e Oracion di Nos Tata cu ta na cielo, kiermen cu mesun Dios cu ta Tata di Hesus, E ta nos Tata tambe. Nos identidad como yiu di Dios ta para scirbi den Juan 1:12-13. No tin ningun hende independiente di Dios riba e mundo aki, hende pa su mes a crea yen di forma di separacion, pa asina evita cu nan por wordo supuestament domina door di otro persona. Mundo a yega asina leu, cu aunke cu un hende ta bay completamente contra Dios Su Palabra y Dios su naturalesa , toch e persona mester wordo respeta como hende y nos mester comunica cune como ser humano. Dios tin misericordia, Dios ta pordona, Dios ta duna oportunidad, Dios tin compasion, pero na e momento cu Dios bin busca su pueblo, lo tin separacion, pasobra e palabra ta bisa cu un lo bay y e otro lo keda. (

Mateo 24:40-41) pero e separacion ey ta algo cu Dios so por haci. Pasobra e bon y e malo lo crece hunto, pero na final Senjor lo separa nan mescos cu carne for di cabrito.( Mateo 25:31-33). Respet pa Dios ta algo masha importante, pasobra un hende cu no ta respeta Dios, no ta respeta hende tampoco, den un palabra bisa e no tin temor di Dios, ni tampoco respet pa hende. Anto hopi biaha nos ta mira esaki den nos bida diario, y pa falta di conocemento di e palabra di Dios, nos no por discerni cu ki sorto di hende nos ta trata. Tene bon cuenta cu e diabel su plan ta pa hinca hende asina tanto den scuridad pa nan ta totalmente bao di influencia diabolico, e ta usa: Hende amarga, Hende herida, Hende egoista, Hende jaloers, Hende inmoral, Hende Rebelde, Hende cu no kier pordona,ta herment facil pa e diabel usa. Notabel ta ora un hende caba di haci malo, e ta bin realisa cu ta malo e haci.

Cuanto hende cu no ta cana cu arma, ta despues cu nan caba di tira, nan ta realisa, nan a mira hende robes, nan kier arepenti, of nan kier sconde, pasobra despues di e hecho, nan a bini na nan sano huicio, prome cu esey nan tabata bao di dominio di mal influencia diabolico, y hasta combina cu uso di droga of alcohol. Y lo mi ta un Tata pa boso,y boso lo ta e yiu hombernan y yiu muhernan pa Mi, Senjor Todopoderoso ta bisa.( 2 Corintionan 6:18). Ma awor O Senjor abo ta nos Tata,nos ta e klei y Abo

Oracion Di Dia

ta nos alfarero, y nos tur ta obra di Bo man.( Isaias 64:8). Si boso ta invoca como Tata,Esun cu imparcialmente ta husga di acuerdo cu cada ken su obra,comporta boso mes cu temor,durante di e tempo cu boso ta pasa riba mundo.( 1 Pedro 1:17). Balora otro ta nifica asina aki: No haci nada, cu un actitud di egoismo of orguyo,ma cu humildad,laga cada un di boso, considera e otro mas importante cu e mes,No busca boso interes personal so,ma busca

tambe interes di otronan.( Filipensenan 2:3-4). Hobennan balora boso mayornan; Respeta tur hende, honra bo tata y bo mama, trata nan bon, pa tur cos bay bo bon y lo bo tin bida largo.( Efesionan 6:1-4). Balora bida di hende, no haci nada cu hende, locual bo no kier nan haci cu bo.( Mateo 7:12). Drecha cuenta cu Dios. Awe! Sinceramente, Marcel Balootje.

Pastor

Laga cu Dios ta e caminda cu e ta laga nos sigui riba dje ”Pa hende, esey ta imposibel, ma pa Dios tur cos ta posibel” Mateo 19,26 E reaccion entre e hendenan cu a scucha e combersacion entre e hoben rico y Hesus a pone hopi duda paso e palabranan tabata duro y cla. Hopi biaha Hesus a adverti contra obstaculonan manera rikesanan cu ta stroba nos drenta den e Reino di Dios. Hesus ta stima hendenan rico ya cu rikesa mes no ta malo, sino si el a wordo gana inhustamente of si ta uze abundantemente sin tene cuenta cu otronan den necesidad, of si cera e curason pa e balornan spiritual. Ta ken anto por haya salbacion? Hesus a responde ”Pa hende, esey ta imposibel, ma pa Dios tur cos ta posibel” Señor conoce e hendenan bon, con nan ta interpreta y suavisa e Palabra di Dios. Laga nos pidi Hesus pa yuda nos y converti nos curason. E hoben rico a bay tristo paso e ta pega na su rikesa. Ta momentonan asina den nos bida nos tin cu pidi Hesus pa capacita nos pa por laga cosnan di mundo atras y sigui Señor. Su promesanan ta cu nos lo sinta cu E Yiu di Hende den e Reino.Oracion:Oh Señor, duna nos e capacidad pa laga nos ”rikesanan” di mundo atras y sigui Bo. Duna nos un futuro feliz, abundancia di bida y e plenitud divino. Conduci nos na e dia aki! Amen.

P 16

SUDOKU

DIAMARS 20 DI OCTOBER 2026

FORTALEZA PA FAMIA Scirbi pa Pastor Marcel Balootje.

SEA AGRADECIDO NA DIOS Duna gradicimento na Senjor invoca Su nomber, haci Su hechonan conoci den e pueblonan.( Salmo 105:1)Oranos duna testimonio di locual Dios a haci, no ta pa nos halsa nos mes, pero ta pa nos halsa e nomber di Dios, Su poder, Su misericordia y Su compasion cu e tin cu nos , y tur locual nos papia ta pa Dios ricibi tur honor y gloria, pasobra nos no por a logra si Dios no a interveni.Hende no por biba independiente di Dios, pasobra Dios tin control y Dios ta riba tur cos, pesey tur dia 24/7 nos mester ta agradecido na Dios pa tur locual cu E a haci den nos bida y tur locual E ta bay haci den nos bida. Nos confiansa den Dios, ta haci Dios contento, pasobra esey ta demostra cu no solamente nos ta papia di Dios, pero cu nos ta kere den Dios cu E ta capas y E tin tur poder. Pa Dios no tin nada imposibel, ta hende mester kere, tur cos ta posibel pa esun cu ta kere, no lubida locual ta para scirbi den Lucas 1:37.Gratitud ta boluntad di Dios, hende mester keda gradici Dios tur momento, e palabra di Dios ta bisa den Filipensenan 4:6-7: No preocupa pa nada,ma den tur cos,pa medio di oracion y suplica cu gradicimento,

Dios tur momento, pasobra Dios ta donjo di nos bida, y nos rosea. E tin poder pa halsa hende y E tin poder pa baha hende, pesey hende nunca mester lubida locual Dios a haci pa nan. Cuanto biaha un hende ta riba cama di malesa, y e ta grita Senjor, Senjor, yudami por fabor, pero ora e lanta for di e cama, segun tempo ta pasa e ta lubida riba e Dios cu a sane, y e no ta bishita cas di Dios ni sikiera pa gradici. laga boso peticionnan ta conoci dilanti di Dios. Y e pas di Dios, cu ta surpasa tur comprondemento, lo warda boso curason y boso mente den Cristo Hesus No preocupa ora bo haci algo pa un hende, y e hende lubida, no tira nada na cara di ningun hende, kico bo a haci pa nan. Pasobra den cielo Dios mes ta nota tur locual nos haci bon of malo. Pasobra na final E mes lo regla cuenta cu nos di tur locual nos a haci sea bon of malo.Si un hende mester paga bo cu malo y abo a haci bon cune, no preocupa, sigi pusha pa bo bay dilanti, laga esey ta un piedra pa bo trapa riba dje pa bo alcansa bo meta, nunca stop di haci bon pa motibo di hende malagradeci. Sigi perservera, y riba tur cos no paga malo cu malo. Pesey nos tin cu gradici

Tin biaha hende ta comporta nan mes cu Dios, manera un mucha cu a wordo bon cria den cas, y cu semper su mayornan a para na su banda y dune tur cos, y awor cu e bira grandi, su mayornan ta yame pa un bishita, e no ta worry cu telefon, tur momento e ta ganja cu e lo pasa, pero e no ta pasa. Nos tin cu corda cu ta Dios tin nos man tene, wak kico su palabra ta bisa den Salmo 119:105.Wak kico su palabra ta bisa den Juan 15:5 y para keto un rato y sea agradecido na Dios, Kende hasta den bo sonjo E ta cuida bo. Duna gradicimento na Senjor, pasobra E ta bon, pasobra Su misericordia ta pa semper.(Salmo 136:1). Sea agradecido na Dios den tur cos.Sinceramente, Pastor Marcel Balootje.