P1
DIALUNA 16 NOVEMBER 2026
16 NOVEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
E DI 15 ACCIDENTE FATAL DEN TRAFICO PA 2026 Giovanni Raphael Dirksz naci na Aruba dia 25 maart 1975 di 51 aña.
VIAHE LUHOSO PA AFRICA! MALGASTAMENTO DI PLACA DI PUEBLO: BIAHE SIN SENTIDO DI PRESIDENTE DI PARLAMENTO PA NAIROBI
P2
DIAluna 16 november 2026
Vuelo di varios avion na Schiphol a perde contacto cu sistema di GPS na Hulanda AMSTERDAM — Un situacion alarmante a keda registra recientemente den espacio aereo Hulandes, despues cu multiple avion cu tabata opera riba e aeropuerto principal di Schiphol y rond Hulanda a reporta perdida di contacto y señal cu e sistema di GPS (Global Positioning System).
E incidente aki a causa preocupacion serca autoridadnan di aviacion y e controladornan di trafico aereo, ya cu interrupcion den e sistemanan di navegacion por pone presion adicional riba e siguridatd di vuelo.
Te cu awor, emotibonan exacto tras di e perdida di conexion ta bou di investigacion profundo dor di tecniconN y expertonan di siguridad aereo.
E investigadornan ta analisando si ta trata di un fayo tecnico lokal, interferencia elektromagnetico, of posibel perturbacion di señal (conocí como GPS jamming of spoofing), un fenomeno cu den añas reciente a bira mas frecuente na diferente region di mundo pa motibonan geostrategico.
E companianan aereo y e controladornan di trafico aereo a tuma medidanan di precaucion necesario. Apesar di e perdida di e señalnan di GPS, e piloto y controladornan por conta riba sistemanan di respaldo tradishonal riba tera y abordo pa guia e avionnan den forma sigur,
evitando cualkier riesgo mayor pa e pasaheronan. Autoridadnan competente na Hulanda ta sigui monitoria e situacion di cerca pa garantisa cu e trafico aereo ta sigui core na un manera sigur y sin mas inconveniente.
Algun pagina a menciona cu tin sospecho cu e interferencia aki a wordo causa pa un barco.
P3
DIAluna 16 november 2026
Cuerpo Policial Aruba Ta Informa
E DI 15 ACCIDENTE FATAL DEN TRAFICO PA 2026
Diasabra atardi pa 3:26 central di polis ta wordo notifica cu na altura di Dump na Parkietenbos un homber riba un quadracer a accidenta.
Central di polis ta despacha potruya como tambe ambulance.
Na yegada di patruya na e sitio di e sucedido polis ta topa cu un homber riba caminda cu ta mustra grave y no ta reaciona. E lo ta e chauffeur di e quadracer. Ambulance ta presenta na e sitio y personal di ambulance ta duna assistencia medico na e victima. Pero lamentabelmente no por a haci nada mas pa e victima. Dokter Rivera ta presenta y pa 4:45pm ta constata morto di Giovanni Raphael Dirksz naci na Aruba dia 25 maart 1975 di 51 aña.
Specialista di trafico y polis forensico a presenta pa haci na investigacion. Departamento di slachtofferhulp a presenta pa asisti famia di e victima den momento dificil aki. Cuerpo Policial Aruba ta manda palabra di condolencia na famia di e fayecido den e momento dificil.
P4
DIAluna 16 november 2026
Noticia di Corte
Na Februari 2027 lo trata lamentable caso di asesinato di mucha na veld di Winston ORANJESTAD – E homber Ferdinand Erasmus (23), a presenta dilanti Hues den sala di Corte pero e caso a keda pospone.
Fiscal a sigui bisa cu Ferdinand a tira diferente biaha.
SOLO DI PUEBLO por a compronde cu ainda investigacion no ta cla y tambe cu e sospechoso a bisa Hues cu e no a bisa Recherche tur cos y cu awor e kier papia e berdad.
E di dos acusacion ta cu e mesun dia hunto cu otro, Ferdinand tabata den posecion di arma di candela y balanan.
DIFERENTE ACUSACION Por a mira cu den sala di Corte tabata presente Tata di e victima Rayshon Kelly, cu un abogado.
Fiscal a bisa cu e tin diferente acusacion contra e sospechoso Ferdinand.
E promer acusacion ta cu riba 22 Juli 2026, intencional Ferdinand a tira e hoben Rayshon Kelly mata na veld di Winston.
E di tres acusacion ta cu riba e mesun dia hunto cu otro, Ferdinand a cumpra un cantidad di marihuana, transporta e droga y tabatin e droga den posecion.
TIN OTRO ENVOLVI
Polis ta bezig y ta calcula cu na fin di November 2026 e procesverbaal di Recherche lo ta cla.
un grupo mainta y e otro grupo merdia of trata un caso riba un dia y e otro caso e siman despues.
Fiscal a mustra cu tin peticion pa laga Reclasering traha raport y tambe laga Psycologo y Psychiater papia y check Ferdinand.
SOSPECHOSO PAPIA E BERDAD
TRATA E SEPARA
CASONAN
Fiscal a propone na Hues pa trata e caso contra Ferdinand riba 12 Februari 2027.
GRUPO
Fiscal a bisa Hues cu tin un otro grupo envolvi y a pospone e caso ey pa otro aña. Fiscal a sigui bisa cu e no sa cu lo ta bon pa trata e dos casonan hunto pero separa. El a bisa cu relaciona cu e caso contra Ferdinand, ainda
Fiscal a splica cu e otro grupo ta e grupo cu tabata hunto cu e victima Rayshon Kelly.
Hues a puntra si e ta practico pa trata tur dos caso hunto. Fiscal a propone cu lo por trata
Cambia perspectiva tocante obesidad: Sa bo number y midi bo peso
KIER
Hues a bisa cu anterior, miembronan di Recherche a interoga Ferdinand y el a bisa cu e tabatin e arma den man pero e no tabata sa cu e arma tabatin bala aden. El a kere cu e arma tabata bashi.
ABOGADO KIER INVESTIGACION
Abogado mr. D.Croes a bisa Hues cu ora e procesverbaal keda cla, e kier tin e chens pa haci peticion pa mas investigacion. E abogado a remarca cu ainda no tin investigacion con e bala a bay. El a bisa cu lo ta bon pa Recherche haci un reconstruccion di e tiramento na veld di Winston.
LO TRATA CASO FEBRUARI 2027 Ferdinand a bisa Hues cu tin algun cos cu e no a declara na Recherche. El a bisa cu el a papia cu su mayornan y awor e kier papia e berdad. Ainda e lo mester bay declara na Recherche. El a bisa cu e caso ta traha riba dje. El a bisa cu ni e, ni e victima mester tabata eynan e anochi ey.
MAS
NA
Hues a bisa cu e pregunta ta si por trata e dos casonan hunto. Abogado mr. Croes a bisa cu lo ta mihor trata nan separa. Hues ta haya cu no ta logistico pa trata e dos casonan hunto. Hues a dicidi cu 24 Februari 2027, lo trata e caso penal contra Ferdinand 8.30 mainta y e siman despues lo trata e caso contra e otro grupo cu tabata hunto cu e victima.
P5
DIAluna 16 november 2026
Grupo “The Young Voices” ta reuni pa un concierto di homenahe special na Maybelline Arends-Croes
ORANJESTAD — Diadomingo awo, 22 di november 2026, un parti importante di e historia musical di Aruba ta bolbe riba escenario. Siete excantante di e famoso grupo vocal The Young Voices lo reuni den Renaissance Convention Center pa un concierto special, dedica completamente na nan fundadora, docente y mentor Maybelline Arends-Croes.
Un legado musical rico The Young Voices a wordo funda na aña 1978 bou direccion di Maybelline
Arends-Croes y den decada di setenta y ochenta a bira un icono musical na Aruba. Cu e concierto di reunion aki, e siete exintegrantenan ta rindi un homenahe musical na e dama cu a pone e base pa nan carera di canto y cu a forma e zonido caracteristico di e grupo.
Direccion programa
musical
y
Pa e ocasion special aki, e grupo lo wordo compaña pa un banda enbibo bao direccion musical di Carlos Bislip.
di e grupo. E cantantenan cu lo forma parti: Gina Werleman, Lilian Boekhoudt, Violeta Boekhoudt, Mirigia De Cuba, Marcie Saladin, Sandra Croes, Gilda Fernandes
Preparacion: Den e ultimo simannan, e cantantenan ta train intensivamente hunto pa perfecciona nan armonianan conoci te den e ultimo detaye.
di nos herencia cultural Arubano. Unda por cumpra carchi? Entradanan pa e concierto aki ta limita y ta disponibel na e siguiente puntonan di benta na Aruba: Citgo Boulevard Citgo EssoVille
E repertorio: E programa ta consisti di alrededor di 18 cantica cu ta refleha e historia rico y e harmonianan inolvidabel
E presentacion aki ta ofrece un oportunidad unico pa fanaticonan y amante di bon musica scucha e grupo un biaha mas hunto enbibo y celebra un parti valioso
Citgo Palm Beach Online: Via e plataforma di Pay.aw of directamente cerca e integrantenan di e grupo.
P6
DIAluna 16 november 2026
Noticia di Corte
Abogado ta haya cu mester aplica castigo hubenil pa Adrian Faña culpabel di a hinca mata su tanta ORANJESTAD – Ayera merdia, abogado mr. Maduro di Adrian Faña a hiba defensa y a pidi pa aplica castigo hubenil.
SOLO DI PUEBLO por a compronde cu e abogado ta haya cu Adrian Faña no solamente tabata victima di abuso sexual pero tambe tabata wordo traumatisa y esey a causa cu el a perde cabez.
ACUSADO TABATA WORDO MALTRATA Despues cu Fiscal a exigi 15 aña di prison pa Adrian Faña (A.F.), abogado mr. Maduro a bisa Hues cu esaki ta un caso lamentable y cu a causa daño na e famia. E abogado a mustra cu A.F. mes a admiti y Fiscal a exigi castigo pa a mata y no asesinato manera ta acusa A.F. di dje. E abogado a bisa Hues cu e pregunta cu mester haci ta, kico a causa cu A.F. a actua asina. E abogado a splica cu tempo cu A.F. tabatin 4 aña, su tata cu tabata un piscado a fayece. El a bay biba serca su wela y tempo cu e tabatin 12 aña el a bin Aruba y a wordo cria door di su tanta. E tanta a percura pa A.F. bay school y a cri’e. Na dado momento A.F. a stop di bay school. E tabata traha den oranan di mainta na un lugar. El a bay traha den construccion pero e tanta a prohibi’e pasobra e ta yega cas sushi. E abogado a mustra cu psycologo a constata cu A.F. ta menos educa. E no tabatin ningun hende mas cu su tanta. E tanta a bisa A.F. cu e no ta permiti A.F. trece hende cas. A.F. a bisa cu su mama biologico tabata maltrat’e y cu su padastro tabata maltrat’e cu cabel di coriente. Na school na Aruba e tabata wordo tenta.
tin declaracion di hendenan cu ta mustra cu regularmente tabatin discusion entre e tanta y A.F. A.F. a bisa cu e tabata wordo abusa sexual door di su tanta. Ora A.F. a bisa e tanta cu e no kier, e tanta a bis’e cu esaki ta su cas y cu A.F. mester haci loke e bisa sino A.F. mester bay for di e cas. A.F. mester a sigui tene relacion sexual obliga cu su tanta. Dia di e incidente mainta nan tabatin relacion sexual. Patologo a haya mustra di relacion sexual riba e tanta.
A.F. a bisa cu den su cellular tin whatsapp caminda e tanta ta bis’e pa bay serca dje of keda lanta te ora e bin for di trabao. E abogado a mustra cu A.F. tabata den un situacion caminda un persona cu a adopt’e ta forc’e di tin relacion sexual cun’e. Abogado ta considera esaki actonan inmoral di e tanta pa cu A.F. E abogado a bisa cu tur esaki a causa trauma na A.F. El a pidi Hues pa tene cuenta riba e situacion psychico di A.F. E abogado ta haya cu tur esaki ta trece cune cu e castigo mester baha. El a mustra tambe cu psycologo y psychiater ta mustra problema mental serca A.F.
PROBLEMA MENTAL A EXPLOTA E abogado a mustra cu psychiater ta haya cu e problema mental tabata afecta A.F. den su comportacion. Psycologo y psychiater ta haya cu A.F. ta menos responsabel pa su actonan. E abogado a pidi Hues pa tene cuenta cu e raportnan di psycologo y psychiater na cuenta. E abogado a mustra cu segun e expertonan, e problema mental a sigui crece y a explota den e accion cu A.F. a tuma contra su tanta. Psycologo y psychiater ta conseha tratamento largo pero no sera den un institucion.
WORDO OBLIGA PA TIN RELACION SEXUAL CU TANTA E abogado a sigui bisa cu A.F. a declara na Recherche cu su tanta tabata grit’e y ta dal’e cu wanta of un pida palo. E abogado a mustra cu
Mr. Maduro a pidi Hues pa no evalua e castigo riba loke a sosode sino tambe e situacion den cual A.F. tabata. E tabata victima di abuso
sexual y problema mental.
IMPONE CASTIGO HUBENIL Mr. Maduro a bisa Hues cu dia di e incidente A.F. tabatin 20 aña y investigacion ta mustra cu A.F. tin mentalidad di menos edad. El a wordo abusa tempo e tabatin 14 aña y tabata isola. E abogado a pidi Hues pa usa castigo hubenil contra A.F.
Pa loke ta demanda di daño, e abogado a mustra cu tin demanda no ta mustra kende a paga. El a mustra tambe cu gastonan di entiero, AZV ta paga un parti di esaki. E gastonan di e cas, e placanan di huur lo cubri e gastonan. E asunto cu ta pidi herencia di A.F., esaki ta un asunto civil y no por atende den un caso penal.
E abogado ta conclui pa Hues wak e caso den su totalidad. E abogado a bisa Hues cu e no ta un asesinato sino culminacion di situacion cu a causa cu A.F. a perde cabez y a actua asina. E abogado a pidi pa aplica e castigo hubenil. En todo caso un castigo hopi mas abao di loke Fiscal a exigi.
ACUSADO A PIDI FAMIA DISCULPA Na final di tratamento di e caso, A.F. a bisa cu e ta compronde cu famia ta tume na malo. El a pidi disculpa na famia y a pidi e famia pa compronde su situacion. Hues a sera tratamento di e caso y dia 4 December 2026 tin sentencia.
P7
DIAluna 16 november 2026
VIAHE LUHOSO PA AFRICA! Malgastamento di Placa di Pueblo: Biahe sin sentido di Presidente di Parlamento pa Nairobi
E decision di Presidente di Parlamento di Aruba pa haci un biahe caro pa Nairobi, na Afrika, ta hopi cuestionabel y ta mustra con ta malgasta placa di pueblo.
ciudadano comun na nada. Ta trata di reunionnan internacional hopi leu di cas cu no ta resolve ningun di e problemanan real cu nos tin riba nos isla.
Placa di pueblo tira afo: Mientras cu hopi famia na Aruba ta pasando duro pa yega fin di luna pa motibo di bida caro, nos politiconan ta uza fondo di gobierno pa haci biahe cu ta parce mas un vakantie di luho cu un trabou necesario. Dicon e biahe aki ta haya tanto critica: E no ta trece ningun beneficio pa Aruba: E biahe pa Nairobi aki no ta yuda e
Pasashi di avion den clase di luho, hotel di luho y tur e gastonan di biahe ta wordo paga cu placa di belasting. E placa ey lo por a wordo uza pa cosnan mas importante, manera mehora enseñansa, cuido medico of baha costo di bida. Falta di gevoel pa e pueblo: E politiconan ta mustra cu nan ta leu for di e realidad di e ciudadano. Mientras
cu e pueblo ta sinti e peso di gastonan halto tur dia, e lidernan di Parlamento ta prefera di bula bay otro banda di mundo pa asuntonan cu no tin
ningun resultado concreto pa Aruba.
E tipo di accionnan aki ta pone hopi hende
pidi pa mas control y responsabilidad den gobernacion. Biahenan caro cu no ta trece nada bek pa nos isla mester stop di biaha.
medidanan di precaucion pa dianan di calor E temperatura di curpa ta sigui subi mas cu 40° grado Celsius y ta perhudica e centro di control cu ta regula e temperatura corporal den nos celebro.
Kico pa haci den caso di un Heatstroke ? • Busca asistencia medico mesora yama 911 • Tene e persona trankil y den fresco
Sintomanan di un heatstroke ta: • Temperatura corporal halto den corto tempo • Cara y cuero cora y seco • No ta soda mas • Curazon ta bati dura • Dolor di cabez • Mente ta bira confuso y por cay flow • Por cuminsa saca of haña diaree
•
Los e pañanan na su curpa.
• Fria e curpa cu un serbete/paña muha (cu awa friu of di cranchi) • Por pone ijs of icepack bou di brasa, na nek, lomba, riba stoma y/of memey di e pianan. • Si persona ta consciente lag’a bebe awa no mucho friu.
P8
DIAluna 16 november 2026
Advertencia Publico Banco Central di Aruba (BCA) a constata cu diferente entidadnan ta keda ofrece proposicionnan di inversion via medionan social, manera Facebook y Instagram, sin tin un permiso of dispensacion di BCA. Cada biaha, nan ta uza un metodo similar. Nan ta purba crea confiansa door di: tuma trahadornan local den servicio, sin cu e entidad ta registra na Camara di Comercio y Industria Aruba; propone cu nan ta traha hunto cu banconan Arubiano, usando nan nomber y logo sin permiso; propaganda nan mes den idioma local, uzando video clips cu por a wordo genera cu AI; uzando nombernan (similar) di entidadnan existente. Nan ta propone rendimento hopi halto, of ta ofrece posibilidad pa inverti den cryptocurrency.
Pa sconde nan identidad, nan ta comunica via numbernan di celular cu ta cambia regularmente, Facebook Messenger y plataforma cu ta dificil pa rastrea manera Telegram. Ademas, regularmente nan ta crea un profiel of pagina nobo riba rednan social. Actualmente QuickPromo Aruba ta activo riba rednan social, sin cu tin un permiso of dispensacion di BCA. Wak e imagen abou: E entidad aki no ta registra na Camara di Comercio y Industria Aruba, tampoco na BCA, y consecuentemente ta viola leynan di Aruba. BCA ta pidi pueblo pa no acepta oferta di inversion di QuickPromo Aruba y pa por fabor actua hopi cauteloso na momento cu wordo acerca via rednan social cu proposicionnan di inversion. Den caso cu a haci un transferencia na QuickPromo Aruba caba, BCA ta conseha pa entrega
un denuncia na Korps Politie Aruba.
Aunke no ta haya e Manta den nos awa teritorial, e ta proteha pa nos leynan local
Aruba, 14 di november 2026
P9
DIABIERNA 14 DI NOVEMBER 2026
Minister Geoffrey Wever:
Gobierno di Aruba ta fortalece cooperacion nacional pa proteha integridad di nos sistema financiero y economico
ORANJESTAD — Minister di Finansa, Asunto Economico y Sector Primario, mr. Geoffrey B. Wever, a reuni awe mainta, 11 di november 2026, cu e Grupo Directivo Nacional pa Preveni y Combati Labamento di Placa y Financiamiento di Terrorismo (National AML/CFT Steering Group). E reunion a centra riba e cooperacion y coordinacion nacional necesario pa actualisa e documento cu ta contene e resultadonan di e Evaluacion Nacional di Riesgo (NRA) di 2020. E evaluacion di 2020 lo forma e base pa e actualisacion, pa asina haci bon uzo di e structura y e instrumento uza den e proceso cu Aruba a pasa aden entre 2018 y 2020. E enfoke ta pa conserva e resultadonan cu ainda
ta valido, actualisa loke a cambia y corigi e aspectonan cu mester mehoracion. Alabes, lo efectua un analisis integral di e datos y informacion nobo, cu e meta di publica un documento actualisa di Evaluacion Nacional di Riesgo na 2028. E meta ta pa logra un comprension mas profundo di e riesgonan cu Aruba ta enfrenta y di e manera cu nan ta relaciona cu otro. Esaki lo yuda determina cua medidanan ta mas efectivo y caminda mester dirigi e recursonan disponibel. E resultado mester ta un base solido pa establece prioridadnan nacional y tuma accion concreto contra criminalidad financiero. Gobierno di Aruba a institui un Secretariado Nacional bao di liderazgo
di e Unidad di Inteligencia Financiero (FIU-Aruba), cu ta asisti Gobierno cu e coordinacion nacional riba e tereno aki. Minister Wever a accentua cu e exito di e proceso pa elabora un documento actualisa di Evaluacion Nacional di Riesgo ta depende di datos y informacion confiabel y di cooperacion activo di, entre otro, Ministerio Publico, FIU-Aruba, Banco Central di Aruba, Cuerpo Policial, Cuerpo di Aduana, Departamento di Impuesto, Departamento di Asunto Economico, Departamento di Legislacion, Camera di Comercio, Freezone, NCTVI y representantenan di e sector priva. Ta trata di un responsabilidad comparti, cu ta requeri compromiso di tur esnan envolvi. E plan ta pa reevalua e riesgonan riba tereno di labamento di placa den e 16 sectornan. Pa haci esaki di un manera eficiente, lo uza cuestionarionan pa compila datos y informacion. Varios grupo di trabou lo reuni pa revisa y valida e informacion
recopila, cu e meta di identifica y categorisa e nivel di riesgo di cada sector y, finalmente, determina e riesgo general pa Aruba. E documento lo contene tambe recomendacionnan y un plan di accion. E intencion ta pa tur esnan cu tin un rol den salvaguardia di e integridad di nos sistema financiero uza e Evaluacion Nacional di Riesgo como base pa formula nan mesun enfoke basa riba riesgo. E proceso lo sigui uza e instrumento di evaluacion di Banco Mundial. Segun e plan presenta, e recopilacion y analisis di informacion lo continua den 2027, sigui pa validacion y finalisacion den 2028. E meta ta pa publica e evaluacion actualisa den e tercer trimestre di 2028, suheto na entrega di informacion na tempo, e pasonan di validacion y aprobacion formal. Minister Wever ta expresa su agradecimento na DWJZ, cu durante varios aña a carga e responsabilidad pa e secretariado y coordinacion nacional. En particular, e ta
gradici Sr. George Croes y Sr. Marcel ’t Mannetje pa nan dedicacion y contribucion valioso durante e añanan, cu a forma parti importante di e esfuerzonan nacional cu a contribui na e resultado positivo di Aruba durante e evaluacion mutuo di CFATF na 2021. Tambe, Minister Wever ta extende su agradecimento na FIUAruba pa su disponibilidad y compromiso pa asumi e responsabilidad adicional di secretariado y coordinacion nacional, y ta enfatisa e importancia di un cooperacion continuo entre tur e organisacionnan representa den e Stuurgroep. Cu e trayecto aki, Aruba ta traha pa fortifica e integridad di su sistema financiero y economico. Cooperacion entre Gobierno, supervisornan, instancianan encarga cu investigacion y aplicacion di ley, y e sector priva ta esencial pa preveni y combati criminalidad financiero y pa prepara Aruba pa e proximo ronda di evaluacion mutuo internacional.
P 10
DIABIERNA 14 DI NOVEMBER 2026
Como consecuencia di interupcion di trafico aereo na Merca Gobierno di Aruba a activa centro nacional di maneho di crisis (CMO) pa atende cu aproximadamente miles di pasahero afecta Diabierna, 13 di november 2026, Gobierno di Aruba a activa e centro nacional di maneho di crisis (CMO) como consecuencia di e situacion di trafico aereo na Merca, debi na un problema den e sistema di control di trafico aereo. E situacion a afecta aproximadamente 10 vuelo entre Aruba y Merca, representando un total di alrededor di 1.500 pa 1900 pasahero cu no por continua nan biahe segun planificacion. Durante conferencia di prensa, Prome Minister Mike Eman, acompaña pa Minister di Turismo, Transporte y Labor, mr. Wendrick Cicilia, a brinda un actualisacion riba e situacion, e coordinacion entre diferente instancia y e preparacionnan cu ta tumando luga pa atende cu e necesidadnan di pasaheronan cu mester keda na Aruba. E mandatario a explica cu, considerando e magnitud di e situacion y e posibel impacto riba disponibilidad di acomodacion turistico, a duna e situacion un denominacion di crisis, activando asina e structura nacional di maneho di crisis. Prioridad ta acomodacion y bienestar di pasaheronan afecta Prome Minister Mike Eman a indica cu e prioridad inmediato ta pa localisa acomodacion pa e aproximadamente 1.500 pa 1900 pasahero cu
tabatin planifica pa sali di Aruba durante e atardi y anochi di diabierna. E mandatario a splica cu, considerando cu otro bishitante a yega Aruba y tin reservacion den diferente hotel, e disponibilidad di camber por representa un reto adicional. Pa e motibo aki, e centro nacional di maneho di crisis ta realisando un inventarisacion intensivo di disponibilidad di acomodacion den hotelnan, apartamentonan y otro facilidadnan turistico riba nos isla. Prome Minister a señala cu Aruba tin un sistema bastante centralisa den sector hotelero, loke ta facilita contacto directo cu e diferente hotelnan y permiti pa haya un bista mas cla di e capacidad disponibel. Paralelo, ta tumando contacto cu otro localidad di acomodacion turistico pa identifica capacidad adicional y atende cu e necesidadnan cu por surgi durante e anochi. Preparacion di facilidadnan alternativo Como parti di e maneho di crisis, Gobierno ta contempla diferente scenario pa garantisa cu pasaheronan afecta por pasa e anochi den un ambiente sigur. Prome Minister Eman a splica cu, en caso cu e disponibilidad di acomodacion convencional no resulta suficiente, lo evalua posibilidad di habilita otro facilidadnan pa acomoda pasaheronan temporalmente. Entre e alternativanan cu ta contempla, ta
uzo di salanan grandi di hotel, centro di convencion, facilidadnan na aeropuerto, centronan deportivo y otro espacio cu por wordo adapta pa e proposito aki. E preparacionnan aki ta forma parti di un acercamento preventivo, pa asina por actua oportunamente en caso cu e situacion rekeri capacidad adicional di acomodacion. Coordinacion entre Gobierno y diferente instancia Durante e reunion di e ekipo nacional di maneho di crisis, diferente departamento, instancia gubernamental y representante di sector turistico a reuni pa centralisa informacion y coordina e esfuersonan necesario. Entre e instancianan involucra tin CMO, Aruba Airport Authority, Aruba Tourism Authority, Departamento di Asunto Social, Cuerpo Policial Aruba y otro instancia cu tin un responsabilidad den maneho di e situacion.
Prome Minister a destaca e importancia di e colaboracion entre tur stakeholder, pa asina por atende cu e situacion di manera sistematico, eficiente y responsabel. E mandatario a reconoce cu e inventarisacion y coordinacion ta representa un ehercicio intensivo, pero necesario pa garantisa contesta adecua na e desafionan cu e situacion ta trece cu ne. Aruba ta prepara pa brinda su hospitalidad Prome Minister Mike Eman a enfatisa cu, den situacionnan manera esaki, Aruba ta conta cu e hospitalidad, solidaridad y capacidad di colaboracion cu ta caracterisa nos isla. E obhetivo ta pa brinda pasaheronan afecta un ambiente sigur y hospitalario durante e periodo cu nan mester permanece na Aruba, mientras cu ta sigui monitorea e desaroyonan relaciona cu trafico aereo na Merca. Gobierno ta tene cuenta tambe cu e posibel impacto riba vuelonan cu mester
yega Aruba, loke por influencia e disponibilidad di acomodacion durante e siguiente oranan. Gobierno ta sigui monitorea e desaroyonan Gobierno di Aruba, hunto cu e centro nacional di maneho di crisis y tur instancia concerni, ta sigui monitorea e situacion di cerca. Ta recomenda pasaheronan cu tin un biahe planifica pa Merca pa mantene contacto directo cu nan compania aereo y sigui e informacion cu ta wordo comunica via e canalnan oficial di Aruba Airport Authority. Gobierno lo mantene comunidad informa conforme cu informacion adicional bira disponibel y e situacion di trafico aereo na Merca desaroya. E prioridad di Gobierno ta pa atende cu e situacion di manera coordina y responsabel, cu siguridad y bienestar di pasaheronan afecta como punto central, demostrando un biaha mas e hospitalidad cu Aruba ta conoci p’e.
P 11
DIABIERNA 14 DI NOVEMBER 2026
Cla pa inicia nan carera policial:
12 STUDIANTE A HURAMENTA Y TA CLA PA SIRBI PAIS ARUBA
Oranjestad, ARUBA: Diahuebs 6 di november 2026 a tuma lugar huramentacion di e klas N2-2026 na Centro di Bario Brazil. E ceremonia a tuma lugar den presencia di Minister di Husticia drs. Arthur Dowers, Procurador General mr. sra Amalin Flanegin, altocomisario drs. Ramon Arnhem, hefe di Scol pa Polis sra.Sherina Arrindell, mando policial y famia di e agentenan. Cada un a hiba palabra na e 12 studiantenan den formacion pa polis y a deseanan forsa, sabiduria y exito pa e carera cu nan a scohe pe. Ta trata di e studiantenan: Tromp, M.R. Nunez Garcia, A. Henriquez, R. Slenders, E. G.R.
Tromp, L. A. Tromp J.A. Geerman, B. J. Ignacio, J. J.J. Bufalini, A. R. van der Linde, K. A. Tromp, J. C.S.
Boekhoudt, R. J. Cuerpo Policial Aruba ta felicita cada un di e studiantenan cu awo lo sigui pa e proximo etapa den nan formacion como polis
P 12
DIABIERNA 14 DI NOVEMBER 2026
SETAR ta amplia su portfolio di solucionnan corporativo como reseller oficial di HPE na Aruba
SETAR ta orguyoso pa anuncia cu nos ta oficialmente reseller di Hewlett Packard Enterprise (HPE), un lider mundial den solucionnan tecnologico pa companianan.
SETAR a organisa un business lunch exclusivo den colaboracion cu Westham Trade Company, sales partner di HPE, treciendo asina hunto representantenan di nos comunidad corporativo.
E desaroyo importante aki ta marca un otro logro den e compromiso di SETAR pa sostene e transformacion digital di e comunidad corporativo na Aruba door di brinda acceso na solucionnan di IT avansa, confiabel y future-ready. Pa celebra e logro aki,
Hewlett Packard Enterprise ta reconoci globalmente pa su solucionnan innovatico den enterprise computing, data storage, hybrid cloud, networking y inteligencia artificial (AI). HPE ta yuda organisacionnan rond mundo pa modernisa nan
IT environment, mehora eficiencia operacional, fortalece proteccion di data y acelera innovacion digital. Como un reseller oficial di HPE, SETAR awo por ofrece companianan na Aruba un portfolio mas amplio di solucionnan di IT corporativo, combinando e tecnologia avansa di HPE cu SETAR su presencia local, experiencia y servicio na cliente. Durante e evento, Director di SETAR, Roland Croes, a enfatisa e importancia pa continuamente expande e
Cambia perspectiva tocante obesidad: Sa bo number y midi bo peso
servicionan di SETAR pa cumpli cu e necesidadnan di companianan local cu ta sigui evoluciona. Ismael Hernandez di Westham Trade Company a introduci e tecnologianan innovativo di HPE y a splica con e solucionnan aki por yuda organisacionnan mehora eficiencia, fortalece proteccion di data y modernisa nan infrastructura di IT. E logro aki ta reenforsa e posicion di SETAR como e proveedor confiabel di solucionnan di ICT, ofreciendo companianan
mucho mas cu solamente servicionan tradicional di telecomunicacion. Cu HPE su expertisio global y e presencia local di SETAR, companianan na Aruba por tuma e siguiente paso cu confiansa pa un futuro mas conecta, sigur y innovativo. Bo ta interesa pa sa con e solucionnan aki por yuda bo compania? Tuma contacto cu bo Account Manager di SETAR of manda un email na sales@setar.aw pa mas informacion.
P 13
DIABIERNA 14 DI NOVEMBER 2026
DIANAN DI PASCO DI NACEMENTO DI CRISTO-HESUS MESTER WORDO RESPETA November y mientras cu e pueblo Cristian ta prepara nan mes spiritualmente pa e Pasco di Nacemento di Cristo-Hesus? Hendenan Cristian di berdad, no ta hinka e actividad di Carnaval den temporada di Pasco, pero ta esnan den scuridad kier hinkele, pa stroba loke ta di Dios. Bijbel Mateo 15: 3; “Y bosonan Hesus ta bisa: Pakiko boso ta kibra un Mandamento di Dios, den nomber di boso tradicionnan?” Bijbel Hacobo 4: 4-5; “Hendenan infiel! Boso no sa cu amistad cu mundo ta significa, enemigo di Dios? Esun cu kier bira amigo di mundo, ta bira enemigo di Dios! Boso ta kere cu ta pornada Scritura ta bisa: Dios kier e spirito cu El
Oracion Di Dia Semper den e dianan di Pasco ta wordo prepara y celebra den luna di November y December y pa fin di anja ta celebra e Anja Nobo. Y pa dia 6 di Januari ta celebra e Dia di e Tres Reynan. Despues di 6 Januari ta cuminsa inicio di Carnaval. E dianan di preparacion, e Misa di Aurora cu ta e Nobena di Pasco y e Pasco di Nacemento di Cristo-Hesus, mester
wordo respeta. Ta di unda ta bini, cu ta hinka actividad di Carnaval den e temporadanan di Pasco. Tin hendenan cu no ta Cristian, cu kier cambia e temporada di Pasco den actividad di mundo. Ta ki ehempel esey ta pa e pueblo Cristian y pa nos hubentudnan? Esey ta un ofensa contra Dios mes. Ta pakiko bosonan ta cuminsa cu e actividad di Carnaval den luna di
a pone den boso, p’E so.” Bijbel 2 Corinthionan 6: 14-18; “No sera amistad cu hendenan cu no ta creyente. Kiko Santidad tin di haci cu maldad? Kiko lus tin di haci cu scuridad? No por tin harmonia entre Cristo y satanas? Kiko un creyente tin di haci cu un incredulo? Bijbel Hebreeuwnan 10: 26-27; “Si nos a sinja conoce e berdad di Dios
y deliberadamente nos a keda haci pika, anto no tin ningun sacrificio mas pa kita nos pikanan. Sino solamente un teribel huicio y un candela ardiente cu lo devora esnan rebelde.” Un mensahero di Dios. Seferino Tromp Koyari 13D Id. 57.11.22.40 E-Mail: etajuni@yahoo. com cell: 5931157 / 5870048
Laga cu Dios ta e caminda cu e ta laga nos sigui riba dje ”Pa hende, esey ta imposibel, ma pa Dios tur cos ta posibel” Mateo 19,26 E reaccion entre e hendenan cu a scucha e combersacion entre e hoben rico y Hesus a pone hopi duda paso e palabranan tabata duro y cla. Hopi biaha Hesus a adverti contra obstaculonan manera rikesanan cu ta stroba nos drenta den e Reino di Dios. Hesus ta stima hendenan rico ya cu rikesa mes no ta malo, sino si el a wordo gana inhustamente of si ta uze abundantemente sin tene cuenta cu otronan den necesidad, of si cera e curason pa e balornan spiritual. Ta ken anto por haya salbacion? Hesus a responde ”Pa hende, esey ta imposibel, ma pa Dios tur cos ta posibel” Señor conoce e hendenan bon, con nan ta interpreta y suavisa e Palabra di Dios. Laga nos pidi Hesus pa yuda nos y converti nos curason. E hoben rico a bay tristo paso e ta pega na su rikesa. Ta momentonan asina den nos bida nos tin cu pidi Hesus pa capacita nos pa por laga cosnan di mundo atras y sigui Señor. Su promesanan ta cu nos lo sinta cu E Yiu di Hende den e Reino.Oracion:Oh Señor, duna nos e capacidad pa laga nos ”rikesanan” di mundo atras y sigui Bo. Duna nos un futuro feliz, abundancia di bida y e plenitud divino. Conduci nos na e dia aki! Amen.
P 14
DIABIERNA 14 DI NOVEMBER 2026
James Finies: un lider visionario ku ta ninga sakrifiká su integridat pa poder polítiko karisma? . Tin un sistema di kasta bou di e élitenan di Boneiru, kaminda solamente esnan ku nan ta aprobá dor di e élitenan so por bira lider?
Den un publikashon di 5 di novèmber den korant, un artíkulo ku ta kompará James Finies ku otro polítikonan a deklará ku Sr. Finies no tin e karisma ni e arte di tene atenshon di un multitut. Bon liderazgo, guiá pa responsabilidat, humildat en bes di ego, i un vishon progresivo pa futuro di un pueblo, ta difísil pa haña i no ta presentá su mes hopi biaha den bida di un hende. Esakinan ta e kualidatnan ku mi ta mira den Sr. James Finies. Mi a mir’é bandoná su karera bankario despues di a traha pa kasi 25 aña, protestá ku kurashi dia i anochi sin stop pa 222 dia eksigiendo un referèndem, i dirigí su mes na Nashonnan Uni
mas ku 50 biaha for di 2016 - 2026 dilanti di representantenan di 196 pais rònt mundu. Mi a mir’é enbolbí mas ku un biaha ku Promé Ministernan di Barbados, St. Lucia, St. Vincent and the Grenadines, Dominica, St. Kitts and Nevis, Grenada, Antigua and Barbuda, The Bahamas and Belize, Presidentenan di Panama, Mexico, Cuba, Surinam, Bolivia, i liderazgo di Argentina, Chile, Bolivia, Uruguay, Pararguay, Venezuela, Colombia, Honduras, Costa Rica, Brazil. E korant ta sugerí seriamente ku un hòmber kapas pa dirigí su mes na públiko internashonal I lidernan mundial asina no por ta un lider òf falta
Na desember 2003, na Plaza Hotel, Raymundo Saleh, Evert Piar ku SEP, Fundashon Plataforma Ekonomiko i Gobernador di Antia Hulandes Jaime Saleh a presentá e idea i plan di kibra Antia Hulandes - na mas ku 200 persona, inkluyendo lidernan I doñonan di negoshi, e elite lokal di Boneiru. Ami a wòrdu invitá personalmente pa e gerente di Ennia Insurance i a presensiá James Finies ku tabata ey en representáshon di e banko ku e tabata traha p’e, I e lanta para i opone kontra e proposishon I plan aki. El a argumentá ku Boneiru no mester separá for di su islanan ruman pa drenta un relashon ku un pais Oropeo míles di miya leu, ku otro kultura I mas, partikularmente ora Union Oropeo mes e tempu ei tabata trese paisnan bisiña huntu. Miéntras ku e lidernan boneriano i otronan a keda ketu, James Finies a para su so defendiendo interes di pueblo di Boneiru.
Mi tabata testigu kon el a topa ku SekretarioGeneral di Nashonnan Uni António Guterres varios biaha, na Sürnam, Antigua i Barbuda, Barbados i New York, kaminda el a papia elokuentemente tokante e pueblo di Boneiru i kon a hinka e isla den e Konstitushon Hulandes sin nan konsentimentu, apesar di e rechaso di 65,5% di e status konstitushonal den e referèndem di 2015 ku el a bringa p’e. Mi tabata presente tambe ora el a dirigí su mes na e Embahadornan di Nashonnan Uni C24 i desenas di Mishonnan di Nashonnan Uni di paisnan na New York, splikando Boneiru su situashon i defendiendo su derecho di wòrdu protehá dor di Nashonnan Uni. Tambe e artíkulo a kompar’é ku Sedney Marten, su sostenedó di hopi tempu, un hòmber di integridat i fieldat ku a para banda di dje pa mas ku 10 aña, asta riskando su trabou pa sostené e vishon di James Finies di pone Boneiru bek riba e lista di Nashonnan Uni di Teritorionan NoAutonomo. Kiko ta e motivashon tras di e tipo di komparashonnan ey?
Ta sugeríendo ku pasobra James Finies ta yu di un piskadó, e no por ta un lider? Sr. Finies a traha pa kasi 25 aña den e sektor finansiero, inkluyendo banko komersial. Su eksperensia profeshonal, kombiná ku dékadanan di kompromiso internashonal, meresé rekonosementu. Na 2017, partidonan polítiko UPB, MPB, M21, i Clark Abraham a sostené ankrá Boneiru den Konstitushon Hulandes, un desishon ku, mas a mina e pueblo su derechonan pa goberná su mes meskos ku promé ku 10-10-10. Nos ta bisando ku karisma i e abilidat pa konvensé un multitut ta importá mas ku integridat, kualifikashonnan i defendé e derechonan di e pueblo? Daisy Coffie, Nina den Heyer, Thielman, e lider di M21, i Clark Abraham tur a haña oportunidat pa drecha Boneiru su situashon. Tòg e problemanan ta keda. Ta trata aki di polítikonan resiklá ku a haña nan chèns kaba i ta faya pa protehá i defendé e pueblo di Boneiru. Na e outor di e artíkulo mi ta kere ku ta parse ku ta abo ta falta vishon i komprondementu di kiko ta un bon lider loke ku James Finies ta.
P 15
DIABIERNA 14 DI NOVEMBER 2026
Minister Geoffrey Wever y Gobernador di Estado Falcón ta fortalece cooperacion economico entre Aruba y Venezuela ORANJESTAD — Minister di Finansa, Asuntonan Economico y Sector Primario, Geoffrey Wever a ricibi Gobernador di Estado Falcón, Venezuela, Sr. Víctor Clark, durante un bishita oficial na Aruba cu e obhetivo di fortalece e lasonan di amistad, cooperacion y relacion economico entre Aruba y Venezuela. E bishita aki ta marca un paso importante den e relacion entre ambos pais, mirando cu ta e prome bishita oficial di un gobernador Venezolano desde e reapertura di frontera entre Aruba y Venezuela na augustus 2026. Durante e encuentro, Minister Wever y Gobernador Clark a intercambia idea tocante diferente oportunidadnan pa fortalece cooperacion
economico y stimula desaroyo sostenibel di ambos pais. Un di e temanan principal cu a wordo discuti ta e importancia di stimula oportunidadnan comercial, incluyendo organisacion di misionnan comercial y ampliacion di posibilidadnan di importacion y exportacion entre Aruba y Venezuela. Ambos mandatario a enfatisa e importancia di sigui traha na un manera consistente y coordina pa stimula actividad economico, identifica oportunidadnan nobo y atende hunto cu retonan cu por afecta crecemento economico. Otro tema importante durante e encuentro tabata e posibilidadnan pa fortalece cooperacion den e area di turismo medico. Gobernador Clark a comparti informacion
tocante desaroyonan y mehoracionnan den e sector medico di Venezuela, particularmente den Estado Falcón, y a reafirma e interes pa bolbe brinda na residentenan di Aruba acceso na un variedad di tratamentonan medico specialisa, manera tabata
Tuma accion pa Preveni, Proteha y Stop Dengue Con nos por stop Dengue?
e caso anteriormente. Durante e reunion, Minister Wever y Gobernador Clark a reconoce e importancia di mantene comunicacion continuo y coordinacion entre ambos parti, cu e obhetivo di fortalece un cooperacion bilateral stabiel, constructivo y
fructifero. E bishita di Gobernador Clark ta reafirma e compromiso comparti pa mantene bon relacionnan diplomatico y economico, explora oportunidadnan nobo di cooperacion y contribui na desaroyo economico sostenibel di Aruba y Venezuela.
P 16
SUDOKU
DIABIERNA 14 DI NOVEMBER 2026
ACTIVIDADNAN DI CARNAVAL TA UN TRADICION PAGANO Y DI LOKE BIJBEL TA BISA Carnaval a origina na Europa, Italia, Roma durante “Middle Age” den anja 500 pa anja 1500, como parti di un ritual. E Lupercalia tabata un festival pagano den e tempo ey na Roma y nan tabata dedica e festival na honor di e dios falso, Lupercus, cu tabata e “Roman god of fertility”, tambe jama, “She-wolf, who nured the twins Romulus and Rumus”. Den e festival aki, e Romanonan tabata bisti, mascara, bistimento di trahenan, nan ta baila den cayanan, nan tabata come y bebe binja y den nan deseonan di curpa den sexualidad etc. Lupercalia ta e festival di fertilidad y tabata wordo celebra den Februari na Roma y Europa y e paranda ta dura 40 dia. Den e anjanan 1800, ora cu e Francesnan y e Spanjonan a bin colonisa e Islanan di Caribe, nan a trece tambe e tradicion pagano aki den e Islanan den Caribe. Den Caribe, e tradicion di festival di Europa, a mescla cu e tradicion cultural musica di Caribe. Nan a cambia e ritmo di tocamento cu diferente instrumentonan. Tambe e bailamento riba caya, e mascaradanan y e kostuumnan y bistimento inmoral a bin na moda etc. Den hopi temponan pasa, Iglesia a cambia e dianan di e festival mundano aki mas cortico. Y Iglesia a bin cu e temporadanan di Cuaresma pa stop cu e actividadnan aki y pa tur hende por arepenti di tur nan actonan cu no ta bon den bista di Dios. Pesey den Caribe, nan a bin cu e nomber, Carnaval, cu ta significa, “Farewell to the flesh”. Den Latin, Carnisvale, cu ta sigmifica, “Flesh-Farewell”. Na Merca New Orleans, nan ta celebra e Carnaval, cu jama, Mardi-Gras. Na unda nan ta baila den cayanan, bebemento di alcohol, usamento di droga, bistimento inmoral, comemento, libertinahe sexual, abuso sexual, crimen, inmoralidad etc. Na Brasil tambe tin Carnaval, cu tur su actividadnan den libertinahe sexual, crimen, droga, alcohol, inmoral y deshonesto den Samba etc. y cuanto baby di Carnaval no ta nace despues di 9 luna? Compronde bon, cu tur e actividadnan di Carnaval aki, ta bini di e raisnan antiguo, di festivalnan pagano na e dios falso di fertilidad. Awor, kiko Bijbel ta bisa tocante e tradicion paganonan aki? Bijbel Yeremias 10: 1-2 : “Scucha loke Senjor ta bisa na e pueblo di Israel. No sigi
e custumbernan di e paganonan y no tene miedo di e senjalnan di Cielo, cu nan ta spanta boso.” Bijbel Mateo 15: 3: “Y bosonan Hesus ta bisa: Pakiko boso ta kibra un Mandamento di Dios, den nomber di boso tradicionnan?” Bijbel Mateo 15: 8-9: “E pueblo aki ta honra Mi cu nan boca, pero nan curason ta lew di Mi. E adoracion cu nan ta haci pa Mi, no ta sirbi pa nada. Y nan ensenjansa no ta nada mas cu tradicion di hende.” Bijbel Hacobo 4: 4-5: “Hendenan infiel! Boso no sa cu amistad cu mundo ta significa, enemigo cu Dios? Esun cu kier bira amigo di mundo, ta bira enemigo di Dios! Boso ta kere cu ta pornada Scritura ta bisa: Dios kier e spirito cu E’l a pone den boso, p’E so.” Bijbel Hebreonan 10: 26-27: “Si nos a haci pikanan boluntariamente despues di a conoce e berdad di Dios, anto no tin ningun sacrificio mas pa kita nos pikanan. Sino solamente un teribel huicio y un candela ardiente cu lo devora esnan rebelde.” Bijbel 2 Corinthionan 6: 14-18: “No sera amistad cu hende cu no ta creyente. Kiko santidad tin di haci cu maldad? Kiko lus tin di haci cu scuridad? No por tin harmonia entre Cristo y satanas. Kiko un creyente tin di comun cu un incredulo? E tempel di Dios no tin nada di haci cu diosnan falso y anos ta e Tempel di Dios bibo. Escritura ta bisa: Lo Mi biba den nan y lo Mi anda mei mei di nan. Lo Mi ta nan Dios y nan lo ta Mi pueblo. Pesey, sali for di mei mei di nan y tene boso lew for di nan, Senjor ta bisa”. Seferino Tromp Mensahero di Dios. Koyari 13-D tel. 5931157 / 5870048 ID. 57.11.22.40
PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500