Prome minister mike eman ta ricibi autor hoben anthony carvajal rivera
E hoben escritor Anthony Carvajal Rivera, studiante di Ibero American High School y autor di e buki “Mi Brillante Esplendor”, a bishita Prome Minister Mike Eman pa presenta su prome obra literario, cu a publica recien internacionalmente cu sosten di Europa Editions di Madrid.
E reunion a brinda un oportunidad special pa reconoce talento, dedicacion y perseverancia di un hoben cu a logra converti su pasion pa scirbi den un publicacion internacional. Anthony a comparti cu e decision pa bishita Prome Minister Mike Eman a bin despues cu el a ricibi e copianan oficial di su buki.
“Despues cu mi a logra publica e obra internacionalmente, mi a pensa ken tabata e persona indicada pa comparti e logro aki. Mi a considera cu e Ministerio encarga cu Cultura tabata e luga corecto, pasobra e buki aki ta un muestra di talento cu ta desaroya na Aruba,” Anthony a expresa.
Prome Minister Mike Eman a felicita Anthony pa e logro importante logra na un edad asina hoben y a subraya cu su exito
ta un ehempel positivo pa otro hobennan.
"Ta un honor pa ricibi e hoben
Anthony Carvajal Rivera, autor di “Mi Brillante Esplendor”. E publicacion aki ta un muestra di hopi trabou, creatividad y perseverancia. Nos ta orguyoso di su logro y nos ta spera cu e lo sigui desaroya su talento y su carera literario," Prome Minister Eman a bisa.
Anthony Junior Carvajal Rivera a nace na Bogotá, Colombia, dia 7 di juni 2010. Segun e biografia publica den su buki, for di un edad hopi jong el a descubri den poesia un manera special pa expresa emocion, reflexion y experencia di bida. Su prome versiculo a sirbi como un refugio creativo caminda el a explora temanan manera amor, falta di amor y e diferente emocionnan cu ta parti di crecemento personal. Cu tempo, e pasion aki a sigui crece te ora cu el a culmina den su prome publicacion literario, “My Brilliant Splendor”.
Durante e encuentro, Anthony a comparti cu e obra ta enfoca principalmente riba e concepto di prome amor. Sinembargo, segun e, e nificacion di amor den e buki ta mucho mas amplio cu djis amor romantico.
"Mi ta kere cu nos tur tin un prome amor. E por ta amor pa un persona, pero tambe e por ta amor pa un hobby, un arte, un profesion of algo cu realmente ta conmove bo. Esey ta e mensahe principal cu mi kier comparti," Anthony a splica.
Anthony a conta cu su interes den scirbimento a cuminsa como un hobby. Inicialmente el a scirbi su
pensamentonan y poemanan na man, den un notebook, y despues a transferi nan pa formato digital. Tambe el a comparti cu e proceso pa publica un buki a dura mas o menos un aña y cu durante e trayecto el a siña hopi di e industria di publicacion y di su mes. E ta un experencia cu ta yuda bo crece como escritor y como persona,” el a comenta.
Anthony a informa cu despues di a investiga diferente posibilidad pa publica su obra, el a haña un cas di publicacion Europeo y a manda su manuscrito pa
evaluacion. Finalmente, e esfuerso a produci resultadonan positivo cu a culmina den e publicacion oficial di “Mi Brillante Esplendor”. Un di e mensahenan principal cu Anthony kier comparti cu otro hobennan ta cu nan mester durf di sigui loke nan ta gusta y no laga miedo stroba nan. E ta kere cu cada persona tin e derecho pa desaroya nan talento.
Anthony a califica su encuentro cu Prome Minister Mike Eman como hopi positivo y inspirativo.
Parlamentario Hendrik Tevreden (MEP):
"Futuro di cuido di salud na aruba mester wordo basa riba echo, no riba percepcion"
ORANJESTAD – Parlamentario
Hendrik Tevreden ta reafirma su compromiso cu un di e temanan mas crucial pa nos comunidad: e futuro di cuido di salud na Aruba y e necesidad di sigui fortalece nos sistema medico.
Recientemente, den su funcion como miembro di Comision Fiho di Salud, parlamentario Tevreden a bishita Instituto Medico San Nicolas (ImSan) pa asina observa di cerca e desaroyo cu e institucion a logra den ultimo añanan.
Tevreden a destaca cu ImSan no ta simplemente un centro medico comun. E ta un institucion cu a logra algo cu hopi hospital den nos region ainda no a logra: e acreditacion prestigioso di Joint Commission International (JCI), considera mundialmente como e norma mas halto den calidad y siguridad di cuido di salud. Pa e parlamentario, e certificacion internacional aki no tabata un regalo ni un fabor politico, sino e resultado directo di añanan di trabou duro, liderazgo solido, inversionnan strategico y un compromiso profundo cu calidad.
E bishita aki a haci e parlamentario reflexiona riba algun pregunta clave:
• Awor cu ImSan a alcansa e nivel aki, ki pasonan mas por tuma pa fortalece su contribucion na nos sistema di salud?
• Tin bareranan administrativo y/of limitacion den financiamento?
• Tin decisionnan strategico
cu AZV por tuma pa permiti ImSan amplia su servicio y yuda baha presion riba otro institucionnan?
Fusion HOH-ImSan: echonan, retonan y e necesidad pa dialogo E propuesta pa un fusion entre HOH y ImSan a genera un debate necesario pa nos democracia. Sinembargo, prome cu yega na cualkier conclusion, nos mester analisa e echonan y evalua e rendimento, exitonan y retonan actual di nos sistema di salud. Pa esaki, ta crucial pa conoce e vision di gobierno riba salubridad publico, tanto pa ImSan como pa HOH.
A lo largo di añanan, pueblo di Aruba a inverti miyones di florin den nos hospital nacional. Sinembargo, regularmente ta surgi preocupacionnan tocante e costonan operacional, escasez di personal, listanan di espera, e presion financiero y e estado di e proyectonan cu ainda falta pa completa. Esaki no ta nifica cu cosnan ta bayendo malo, sino cu haci pregunta ta necesario pa busca mehoracion. Pa e motibo aki, Tevreden a presenta un serie di pregunta na e Minister di Salubridad Publico y a solicita formalmente pa e Comision Fiho di Salud organisa un encuentro awor cu directiva di HOH. E parlamentario a enfatisa cu e obhetivo no ta un bishita protocolario, sino un combersacion habri y transparente riba e reto- y oportunidadnan cu e hospital ta enfrenta.
Conclusion
Transparencia ta un obligacion. E pueblo di Aruba tin derecho di sa con nos institucionnan di salud ta funciona, con recurso publico ta wordo inverti y cua ta e vision pa futuro. Tevreden a enfatisa cu e debate aki no ta un lucha entre HOH y ImSan, ni un competencia entre Oranjestad y San Nicolas. E enfoke mester ta riba un pregunta mucho mas importante: con nos por mehora y construi e miho sistema di salud pa Aruba?
Si colaboracion, coordinacion of tecnologia ta necesario, laga nos
uzanan. Pero tur decision mester ta basa riba evidencia, resultado y interes di e pashent, no riba emocion ni politica.
Na final, e pashent no ta interesa den ken ta gana un debate institucional. E pashent kier pa ora e of su famia tin mester di cuido, esaki ta accesibel, sigur, rapido y di calidad. Precisamente pa logra esey, mester tin un vision cla, sigui innova y sigui exigi transparencia di institutonan pa funciona riba e mihor manera pa nos cuidadanonan.
Minister Geoffrey Wever: Di Dos eDicion Di Fiesta Di cunucu a resulta Den un Dia Di celebracion pa nos granDinan y sector primario
Oranjestad, 28 di juni 2026 - E di dos edicion di Fiesta di Cunucu a resulta un exito rotundo.
Diadomingo ultimo, Santa Rosa a bira e punto di encuentro caminda nos adultonan mayor a wordo honra y nos herencia agricola a wordo celebra den un ambiente autentico di cunucu. E evento a reuni famia, cultivadornan y ciudadanonan di tur edad den un dia yena di cuminda crioyo, producto local fresco, musica y momentonan di reconocemento. E Fiesta di Cunucu ta un colaboracion entre Ministerio di Finansa, Asuntonan Economico y Sector Primario, Ministerio di Asuntonan Social y Cuido di Adulto Mayor, Directie Ouderenzaken y Departamento di Agricultura, Cria y Pesca Santa Rosa. E colaboracion aki a combina dos misionnan cu ta complementa otro na un forma unico, fortalecemento di produccion local y promocion di bienestar, alegria y sentido di comunidad pa nos grandinan. E resultado di e iniciativa aki a papia pa su mes. Centenares
di personanan a pasa na Santa Rosa, pa disfruta y comparti momentonan cu lo keda graba den memoria.
E programa a inclui benta di diferente producto local y reconocemento special “Amigonan di Santa Rosa” di nos adultonan mayor cu pa hopi aña ta apicultor, agricultor/cunukero, horticultor, piscado y/of criado di bestia y den bon colaboracion cu Santa Rosa; Sr. Luis Beltran Winterdaal, miho conocí como Luee Bee, un apicultor conoci rond full Aruba, Sr. Francisco Simon Croes, mihor conocí como Chico, un agricultor di e bario di Tanki Leendert, Sr. Yasheng Li, un horticultor cu ta cultiva diferente berduranan oriental, Sr. Elauterio Briesen, miho conocí como “Techi”, kende ta un piscado for di su 16 aña y Sr. Gregorio Wolff kende ta un cunukero y criado di bestia chikito desde aña 1978 na Palm Beach, den cunucu cu tabata di su welo.
E evento a stimula contacto
genuino entre generacionnan y a pone den practica e mision di dos ministerio. "E Fiesta di Cunucu a demostra loke por ta posibel ora dos ministerio traha hunto cu un vision comparti. Nos a celebra nos grandinan, nos cuminda local y nos tradicionnan den sector primario y nos a haci esey den e lugar mas apropia: nos cunucu. E energia di e dia aki ta nos inspiracion pa sigui," Minister
Geoffrey Wever a comenta . Minister Geoffrey Wever ta gradici tur persona cu a contribui na e exito di e di dos edicion di Fiesta di Cunucu. Danki na Directie Ouderenzaken, Departamento di Agricultura, Cria y Pesca Santa Rosa, tur criador, boluntario y cada famia cu a pasa su diadomingo hunto cu nos. Un pueblo uni ta haci forsa y e Fiesta di Cunucu a prueba esakiun biaha mas.
Minister Geoffrey Wever: Prome gruPo di hoben ta logra nan certificado di Programa Piskechi
ORANJESTAD –
Ministerio di Finansa, Asuntonan Economico y Sector Primario Geoffrey Wever ta celebra e exito di e prome grupo di 10 hoben cu a completa e prome curso di Programa Piskechi, un iniciativa di Gobierno di Aruba cu ta inverti den e siguiente generacion di nos sector di pesca y fortalece e futuro di sector primario na Aruba.
Durante e clausura di e prome curso di Programa Piskechi, e participantenan a ricibi nan certificado como reconocemento di nan experiencia nobo, facilita pa partner Oasis Fishing & More di senor Chito Rasmijn, un persona pasiona cu pesca y cu hopi expertisio. Programa Piskechi ta ofrece hoben entre 10 y 17 aña e oportunidad pa conoce di cerca e arte di pesca na man, y asina aumenta nan aprecio y participacion den esaki.
Minister Geoffrey Wever a felicita tur participante y a enfatisa cu inverti den e generacion nobo ta esencial pa sigui fortalece e capacidad y resiliencia di sector primario, pa e por sigui crece y bira mas fuerte.
“Nos sector primario ta
fundamental pa Aruba su futuro. Door di involucra e generacion nobo na un edad jong den agricultura, pesca y otro actividadnan den e sector, nos ta preserva conocemento tradicional, stimula interes den e profesionnan aki y ta crea un fundeshi mas fuerte pa Aruba su Sector Primario,” Minister Wever a expresa.
“Mi ta gradici senor Chito Rasmijn cu su team pa ofrece e serie di curso aki na nos hobennan y juda nos pa sigui promove pesca bow di nos hubentud.
Senor Chito Rasmijn a haci e curso na un forma hopi profesional, cu hopi dedicacion y pasenchi y mi ta sumamente agradecido na senor Chito Rasmijn y su team”, segun Minister Geoffrey Wever.
E programa lo ripiti mensualmente, unda un weekend un grupo nobo di 10 hoben lo participa den e curso cu ta consisti di practica y teoria.Ainda tin algun cupo pa mas hoben participa, via e link riba Facebook di Minister Wever.
Programa Piskechi ta forma parti di e compromiso di Gabinete AVP-Futuro pa fortalece sector primario, promove seguridad alimentario y
sigui inverti den desaroyo. Door di combina tradicion cu enseñansa practico, e programa ta contribui na forma e siguiente generacion di esnan cu ta stima e arte di pesca y tambe lidernan den sector primario di Aruba.
CMO huntO GObiernO ta COOrdina preparaCiOn lOGistiCO pa MisiOn
huManitariO na Venezuela
Ekipo certifica lo establece e base pa Aruba por brinda mas ayudo medico y humanitario
For di e momento cu e fuerte temblor a dal Venezuela, Crisis Management Office (CMO) Aruba a activa su preparacion pa coordina e apoyo cu Aruba por brinda. Durante e ultimo dianan, CMO a traha intensivamente pa prepara e mision logistico cu ta
permiti cu e prome ekipo di asistencia humanitario
sali rumbo na Venezuela.
Prome Minister Mike Eman tabata presente na Aeropuerto Internacional
Reina Beatrix (Jet-TNCA FBO) pa e salida di e prome 11 boluntario.
Diadomingo mainta director di CMO, Rino Hermans tambe tabata presente, e
preparacionnan a enfoca riba manda e personal cu tin e conocemento y certificacion necesario pa haci un bon evaluacion di e situacion y prepara e siguiente fase di e operacion. “For di cu e temblor a tuma luga, nos a cuminsa inmediatamente cu e preparacionnan logistico.
Den e prome fase nos a decidi di manda persona certifica pa maneha logistica den un situacion di desaster, pa asina prepara e trabou pa e ekipo medico cu lo sigui.” E dos specialista di CMO cu a sali awe ta certifica den coordinacion y logistica di desaster y a sigui entrenamento specialisa na Hulanda. Durante nan mision, nan lo reuni informacion importante riba e necesidadnan den e area afecta y lo mantene contacto continuo cu e
“back office” na Aruba. “Nos ta creando e base pa e siguiente dos buelo cu ta planea pa otro siman. Den vez di manda hopi material sin sa exactamente kiko mester, nos kier manda solamente loke realmente tin necesidad.”
Segun Hermans, e prome 72 ora despues di un desaster normalmente ta enfoca riba rescate di e victimanan. Awor cu e fase ey ta pasando, e enfoke ta cambia pa asistencia humanitario y cuido medico. “E fase aki ta dura aproximadamente dies dia. Pa esey e ta importante pa e prome ekipo haci un bon evaluacion, pa asina e siguiente ekipo por yega completamente prepara.”Hermans a destaca cu e capacidad cu Aruba a mustra ta confirma cu, a pesar di ta un pais chikito, e tin e conocemento y e
capacidad pa responde na emergencia internacional. “Nos ta sigui prepara nos profesionalnan y nos ta sigui fortalece nos capacidad.
Esaki ta mustra cu Aruba tin e conocemento y e capacidad pa actua rapidamente, tanto localmente como den misionnan internacional.” E mision aki a bira posibel danki na e coordinacion estrecho entre Crisis Management Office (CMO), Cruz Cora Aruba, y diferente partner nacional como internacional. Bou di liderazgo di Prome Minister Mike Eman, Gobierno di Aruba a coordina tur e preparacion logistico, administrativo y diplomatico necesario pa haci posibel cu e prome ekipo di asistencia humanitario Arubiano por sali rumbo na Venezuela.
Prome ekiPo di asistencia humanitario di aruba a yega na Venezuela
Diesun
boluntario lo cuminsa cu nan mision pa brinda cuido medico
E prome ekipo di asistencia humanitario di Aruba a yega Venezuela. E avion Dash8 di Wardacosta a aterisa na Aeropuerto Internacional di Maiquetia cu e 11 boluntario cu lo participa den e prome fase di e mision humanitario. Na yegada e delegacion Arubiano a wordo ricibi pa representante di Embahada di Reino Hulandes na Caracas. Tambe representante di United Nations Office for the Coordination of Humanitarian Affairs (OCHA), e oficina di Nacionnan Uni cu ta coordina e respuesta humanitario durante emergencia y calamidad, tabata presente pa ricibi e ekipo y integra nan den e coordinacion internacional di e operacion.
Despues di diferente dia di preparacion y coordinacion intensivo, e ekipo a cuminsa su mision cu e obhetivo di brinda cuido medico y apoyo na esnan afecta pa e temblor fuerte di diaranson ultimo. E prome grupo ta consisti di profesionalnan y boluntario cu tin experiencia den atende cu calamidad, incluyendo specialista di Crisis Management Office (CMO) y Cruz Cora Aruba. Den e prome fase, e ekipo lo evalua e situacion, instala e facilidadnan logistico necesario y brinda prome asistencia medico. E informacion cu nan lo reuni lo sirbi como base pa e siguiente ekipo medico cu Gobierno di Aruba ta preparando pa sali den e siguiente dianan. Durante e preparacion di e mision, Gobierno di Aruba a traha den
coordinacion estrecho cu CMO, Cruz Cora Aruba, Embahada di Reino Hulandes na Caracas y diferente partner internacional pa garantisa cu e asistencia por yega rapidamente y di un forma efectivo.
Gobierno di Aruba ta confirma cu e yegada di e prome ekipo ta solamente e prome fase di e esfuerso pa brinda ayudo humanitario. Den e siguiente dianan, mas ayudo ta na caminda. Un siguiente ekipo medico y otro material di apoyo lo wordo movilisa segun e necesidadnan cu e prome ekipo ta identifica na Venezuela. Asina, Aruba ta sigui aporta den un forma coordina y efectivo na e esfuerso humanitario internacional.
Prome Minister Mike Eman a expresa su aprecio pa tur e
profesionalnan y boluntario cu a acepta e reto di representa Aruba den un momento di necesidad grandi pa e pueblo Venezolano.
“Aruba tin un relacion historico y humano cu Venezuela. Den momento dificil manera esaki, ta nos deber di brinda apoyo unda cu nos por. Nos ta orguyoso di e profesionalnan y boluntario cu ta representa nos pais cu
compromiso, humanidad y nivel halto di preparacion.”
Gobierno di Aruba ta desea e 11 miembro di e prome ekipo hopi exito den nan mision y ta sigui monitor e desaroyo di e situacion den estrecho coordinacion cu e autoridadnan competente y e organisacionnan internacional cu ta participa den e operacion humanitario.
Boluntarionan a sali rumbo pa Venezuela
DISASTER RESPONSE TEAM DI CRUz
CORA ARUBA TA BON EKIPA PA PA
BRINDA PROME ASISTENCIA MEDICO NA E vICTIMANAN DI TEMBLOR NA LA GUAIRA
Nuebe boluntario di Cruz Cora Aruba a sali diadomingo mainta rumbo na Venezuela como parti di e prome mision di asistencia humanitario despues di e fuerte temblor cu a afecta e pais. E ekipo ta consisti di boluntario cu a pasa diferente training y cu tin experiencia den respuesta di desaster. Segun Marylaine Lopez, coordinador di desaster pa Cruz Cora Aruba, e prome mision tin un dobel proposito. Ademas di brinda asistencia inmediato, e ekipo lo evalua e situacion riba tereno pa prepara e siguiente fase di e operacion.
“Di parti di Cruz Cora, nos ta nueve boluntario cu ta sali. Cada boluntario tin su training y su experiencia. E plan ta pa bay brinda sosten, pero tambe pa evalua e situacion y reuni informacion cu nos por trece bek Aruba pa prepara e siguiente ekipo.”
E boluntarionan cu ta participa forma parti di e Disaster Response Team di Cruz Cora Aruba. Nan a recibi training specialisa pa actua durante desaster natural y emergencia humanitario. Den e grupo tin varios persona certifica manera Emergency Medical Technician (EMT)
y Emergency Medical Responder (EMR), capacita pa brinda prome asistencia medico. “E prome grupo lo instala e hospital temporario y prepara tur e logistica. Asina e siguiente ekipo medico por cuminsa cu su trabou mas lihe y di un manera organisa.”
Lopez a expresa su orguyo den e compromiso cu e boluntarionan a mustra pa acepta e reto di representa Aruba den un mision internacional. “Mi ta hopi contento cu mi coleganan a acepta e reto aki. Mi ta sigur cu nos lo haci un bon trabou y cu nos lo hiba no solamente bandera di Cruz Cora, sino tambe bandera di Aruba hopi halto na Venezuela.”
Segun Lopez, a pesar cu Aruba ta un pais chikito,
e apoyo cu ta brinda tin un gran significado pa e pueblo Venezolano y tambe pa e comunidad Venezolano cu ta biba na Aruba. “E tiki ayudo cu nos ta bay brinda ta significa hopi pa Venezuela. E ta mustra solidaridad y e deseo sincero di yuda den un momento dificil.”
Cruz Cora Aruba ta inverti durante henter aña den training, practica y preparacion di su boluntarionan pa por responde na emergencia tanto na Aruba como den Caribe.
“Nos ta sigui entrena y mantene nos boluntarionan activo. No solamente pa emergencia na Aruba, pero tambe ora un pais vecino tin necesidad di apoyo.” Lopez a haci uzo
di e ocasion pa invita nos comunidad pa bira boluntario di Cruz Cora Aruba. “Cruz Cora semper ta buscando boluntario nobo. Esnan cu kier aporta na comunidad por uni cu nos, sigui entrenamiento y forma parti di un ekipo cu ta cla pa yuda ora mas tin necesidad.”
E mision aki a bira posibel danki na e coordinacion estrecho entre Cruz Cora Aruba, Gobierno di Aruba, Crisis Management Office (CMO) y diferente partner internacional. Bou di liderazgo di Prome Minister Mike Eman, tur e preparacion logistico y administrativo necesario a wordo completa pa haci posibel cu e prome ekipo por sali rapidamente rumbo pa Venezuela.
Cinearuba Cu Cena di apreCio pa raphaela y addonsito
E siman cu a pasa, Cinearuba su bestuur a tuma despedida di 2 miembro activo cu despues di 13 aña no lo ta forma parti mas di e fundacion.
Ta trata di Raphaela Mahadeo y Addonsito Croes. Ambos miembro a cera conoci cu e fundacion 13 aña pasa, tempo cu e pelicula clasico Arubano ABO SO tawata lansa na Aruba. Hunto cu un elenco grandi consistiendo di eo. Miguel Genser, Tyron de Freitas, Daphny Martijn, Lionel Dorothal y Valerie Croes, tanto Raphaela Mahadeo como Addonsito Croes a hunga rolnan importante den ABO SO. Hasta tata di nos cultura Padu Lampe dfm. tawata parti di e pelicula. Aki
particularmente Addonsito a participa den su prome pelicula como actor. Esaki tawata e comienso di e serie di e total 9 otro peliculanan cu a sigui despues.
Desde e tempo ey e fundador Juan Fransisco
Pardo a invita Addonsito, Raphaela y Luty Martinez pa forma parti di fundacion Cinearuba.
Despues di e bunita aporte brinda na e fundacion, e dos miembronan a dicidi cu ta tempo pa brinda otro persona e oportunidad pa ta den e bestuur.
Pa e motibo aki, e fundacion a organisa un cena special pa nan dos. Presente tawata Juan Fransisco
Pardo, Luty Martines, Adriano Nanof, Raphaela
Mahadeo y Addonsito Croes. Tanto Addonsito como Raphaela a desea Cinearuba tur exito di mundo y a gradici pa cada un di e oportunidadnan ricibi.
Tres aña pasa, Cinearuba a honra Addonsito y Raphaela pa nan 10 aña di miembresia activo.
CelebraC ion Dia D i San Juan y Dera Gay 2026 no me S ter tin impaC to ne G ativo pa bo SaluD ni meD io ambiente
ORANJESTAD - Directie Natuur en Milieu (DNM) ta desea pueblo feliz dia di Dera Gay y pa e celebracion di San Juan ta uno consciente cu amor pa e tradicion cu tin di haci cu cosecha, pero respetando naturalesa y medio ambiente. Alabes kier recorda con nos antepasadonan a promove tradicionnan y custumbernan cu te dia di awe ta forma parti di nos cultura.
E tradicion di Dera Gay mes ta uno cu ta bin di e celebracion di agricultura cu ta reflexion di un cosecha exitoso. Den e ultimo tempo nos no por papia di cosecha exitoso mas, como cu tin retonan manera yobida hopi limita. Esaki ta nifica cu no lo tin mucho restonan organico pa kima e biaha aki.
Antes tawata kima e restonan organico (resto di mata) pa asina por reuza e tera cu e sas den dje pa e siguiente cosecha. No mester clasifica e resto di material organico como sushi. Hendenan a bin ta confundi e practica di kima resto organico cu kimamento tradicional di resto di sushi no-organico. Consecuentemente hende a cuminsa kima hopi material hunto y esaki ta forma un problema di kimamento sin control riba e dia di Dera Gay. DNM
ta desea cu e practica di kima resto di cosecha y agricultura keda uno cu tin haci cu celebracion cultural y no kima desperdicio no-organico sin control.
Kimamento no kiermen cu nos mester actua contra ley of causa daño na nos salud, naturalesa y medio ambiente. Pa e motibo aki DNM kier avisa pueblo pa pone atencion na e siguiente puntonan.
• Ta prohibi pa cende candela riba caminda publico. Esaki ta prescribi den ley, articulo 14 di e ordenansa di polis (APV).
• Articulo 8 di APV, ta prohibi pa causa molester na bisiña por ehempel door di cende candela y molester di huma.
• Pone atencion na unda ta cende candela. Tin tereno di naturalesa cu ta protegi pa ley y ta prohibi pa cende candela den e areanan aki. Manera Spaans Lagoen, Parke Nacional Arikok, nos areanan di parke marino. E motibo pa esaki ta cu e candela ta causa daño na nos flora y fauna, cu ta nos patrimonio.
Celebracion nacional Dia di Dera Gay 2026 mester ta uno responsabel. Yuda reduci e impacto cu kimamento tin riba nos naturalesa, medio ambiente y salud, ta e mas sincero deseo di DNM.
Oranjestad, Aruba, 28 de junio de 2026. - El Gobierno de Aruba despidió hoy a la primera delegación humanitaria que viajará a Venezuela para brindar asistencia tras el devastador terremoto que ha dejado cientos de víctimas y una urgente necesidad de atención médica. La misión está integrada por once voluntarios de la Cruz Roja de Aruba. Nueve de ellos conforman el equipo especializado de respuesta a emergencias, mientras que dos voluntarios estarán a cargo de la preparación logística del hospital de campaña (facilidad medica movil) que servirá para recibir posteriormente a una segunda misión integrada por médicos, especialistas y cirujanos de Aruba.
Antes de la partida de la delegación, el Primer Ministro Mike Eman destacó que esta primera misión tiene como objetivo evaluar las necesidades más urgentes sobre el terreno y coordinar con la Cruz Roja de Venezuela la llegada del siguiente equipo médico.
“Hicimos un esfuerzo para poder asistir al pueblo de Venezuela en estos momentos de tantos desafíos, de tanto
Arub A enví A primer A deleg Ación hum A nitA ri A A v enezuel A
Once voluntarios parten para preparar hospital movil y coordinar próxima misión médica
duelo y de tanta necesidad de atención médica. Este primer equipo prepara el camino para que muy pronto podamos enviar una misión médica que atienda a las personas que más lo necesitan”, expresó el Primer Ministro.
Eman señaló que el equipo de la Cruz Roja de Aruba cuenta con amplia experiencia en atención de emergencias y que su labor será fundamental durante las primeras fases de la respuesta humanitaria.
“Sentimos que podemos hacer un aporte que, aunque sea pequeño, tiene un gran valor, porque nace del corazón de los voluntarios de la Cruz Roja y del Gobierno de Aruba”, afirmó.
El Primer Ministro también reconoció la valentía y el compromiso de los once voluntarios, quienes viajarán a una zona afectada por condiciones complejas para brindar apoyo humanitario a la población.
“Ellos saben que enfrentarán grandes desafíos y riesgos, pero han decidido dar un paso al frente para marcar una diferencia en la vida de muchas personas que hoy necesitan la solidaridad del mundo”, manifestó.
Finalmente, Eman reiteró que Aruba mantiene un profundo vínculo de hermandad con
Venezuela y que el apoyo brindado responde a ese compromiso histórico entre ambos pueblos.
“Aruba está al lado de Venezuela. Nos unen muchos años de historia, de cercanía y de solidaridad. Hoy reafirmamos nuestro compromiso de tender una mano y contribuir donde más se necesita”, concluyó. La primera delegación permanecerá en coordinación permanente con la Cruz Roja de Venezuela para determinar las necesidades prioritarias y facilitar la llegada de la siguiente misión médica que partirá desde Aruba en los próximos días.
Cu varios decada di experiencia den cuido medico y atende cu situacion medico den tempo di un calamidad, e nurse Ruben Croes ta preparando e siguiente fase di e asistencia medico cu Aruba lo por brinda na Venezuela. Su amplio experiencia den diferente mision internacional ta forma un parti importante di e apoyo cu Aruba ta ofrece despues di e fuerte temblor cu a sinti den region di La Guaira. Croes a explica cu e prome ekipo cu a sali lo determina e necesidadnan den e area afecta. Riba base di nan informacion, e siguiente ekipo medico lo por wordo activa. “Nos ta depende di e informacion cu e prome ekipo lo trece bek. Nan ta haci e evaluacion y, a base di esey, nos lo prepara e siguiente ekipo medico.”
Durante su trayectoria, Croes a participa den diferente mision internacional, incluyendo varios biahe den tempo di calamidad na Haiti, Colombia, Sint Maarten y otro pais cu a wordo afecta pa calamidad. E experiencia ey ta permiti cu Aruba por mobilisa lihe ora emergencia manera esaki sosode. “Mi a bay Haiti cinco biaha y tambe na otro paisnan. Esaki a duna nos hopi experiencia den atende desaster.” Segun Croes, a pesar cu Aruba ta un pais chikito, e nivel di preparacion y experiencia di su profesionalnan ta comparabel cu hopi ekipo internacional. “Nos tin un experiencia cu hopi pais, inclusive pais grandi, no semper tin. Nos a traha hunto cu ekipo internacional manera Belgian First Aid and Support Team (B-FAST) di Belgica, Urban Search and Rescue Nederland (USAR-NL) y otro
Exp E rticio Arubi A no d E n r E gion tA r E sA ltA
Ruben Croes ta preparando team di asistencia medico den siguiente fase di ayudo humanitario pa Venezuela
grupo grandi. Esaki a duna nos hopi conocemento riba e tereno.”
E siguiente ekipo cu lo eventualmente prepara lo por consisti di doctor, nurse y personal di sala di operacion, cu lo brinda cuido medico specialisa segun e
necesidadnan cu e prome ekipo identifica. Croes a destaca cu e forsa di Aruba no ta solamente den conocemento tecnico, sino tambe den e compromiso humano di su profesionalnan. “E parti humano ta hopi importante pa nos. Nos tin e deseo di
yuda y e experiencia cu nos a acumula ta permiti cu nos por haci un diferencia real.” Segun Croes, e capacidad di Aruba pa mobilisa su profesionalnan cu experiencia internacional ta demostra cu e isla ta cla pa brinda apoyo no solamente na nivel local, pero tambe den emergencia den nos region. E participacion di e profesionalnan medico den e mision humanitario aki a bira posibel danki na e coordinacion entre Gobierno di Aruba, Crisis Management Office (CMO) y Cruz Cora Aruba. Bou di liderazgo di Prome Minister Mike Eman, asina Aruba a logra moviliba rapidamente su conocemento, experiencia y capacidad pa brinda asistencia na e pueblo Venezolano den un momento di necesidad grandi.
Nan ta haci huramento den nan iniciacion ritual, Bijbel Mateo 5: 34-36: “Ma Ami ta bisa boso, pa no hura mes pa ningun motibo. Ni pa Cielo, pasobra Cielo ta Trono di Dios, ni pa tera, pasobra tera ta banki di Su pianan, ni pa Herusalem, pasobra esaki ta e stad di E Rey Grandi. Tampoko no hura pa bo cabes, pasobra bo no por haci ningun draachi di bo cabei preto of blanco.” Bijbel Corinthionan 6: 14-18: “No uni boso mes cu hendenan cu no ta creyente. Kiko Santidad tin di haci cu maldad? Kiko lus tin di haci cu scuridad? No por tin harmonia entre Cristo y satanas. Kiko un creyente tin di comun cu un incredulo?” Nan ta rechasa e unico berdad di Dios Tata, Bijbel Romanonan 1: 21: “Pasobra ainda cu nan tabata conoce Dios, nan no a mustra Dios es honor y gratitud cu E merece. Nan a bai entrega nan mes den speculacionnan bano y nan spirito cu a nenga di compronde, a bira henteramente scur.” Nan ta nenga cu CristoHesus ta Senjor y Salbador y nan ta promove good works, charity, based on salvation, Bijbel Huan 14: 6: “Hesus ta contesta: Ami ta E caminda, berdad y bida. Ningun hende no ta jega cerca Tata, si no pa medio di Mi.” Bijbel Efesionan 2: 8: “Pasobra boso ta salba pa medio di gracia di Dios, pa medio di fe den Cristo. Anto boso no ta haya salbacion pa medio di boso mes esfuerso (of meritonan), ma e ta un regaldo di Dios.” Bijbel Huan 12: 48: “Pasobra esun cu ta rechasa Mi y no ta acepta Mi palabranan, e tin algo cu ta conden’e, e palabra cu Mi a papia, lo conden’e na e ultimo dia.” Nan ta ignora e Bijbel di Dios y nan ta compara e Bijbel mescos cu nan textonan pagano, Bijbel 2 Timoteo 3: 1617: “Tur loke ta para scirbi den Scritura, a keda inspira pa Dios y ta util pa instrui, defende, coregi y pa educa hende pa husticia, pa un hende di Dios sea perfecto.” Nan ta promove doctrinanan di diosnan pagano, Bijbel 1 Corinthionan 10: 20-21: “Ma loke e paganonan ta ofrece, nan ta ofrece na e demonionan
NO DRENTA DEN ORGANISACION DEMONIC CULT
y no na Dios. Mi no kier pa boso drenta den communion cu e demonionan. Boso no por bebe for di e copa di Senjor y tambe for di e copa di demonionan. Boso no por participa na mesa di Senjor y tambe na mesa di e demonionan.” Nan ta nenga di menciona e nomber di Hesus den nan asamblea, Bijbel Philipensenan 2: 10-11: “Pa cu den nomber di Hesus tur rudia lo dobla, di habitantenan Celestial, habitantenan terenal y spiritonan infernal y tur lenga lo profesa na honor di Dios, cu Cristo-Hesus ta Senjor.” Bijbel Echonan 4: 12: “Den CristoHesus so por haya salbacion, riba mundo no tin ningun otro nomber duna na hende, cu por
salba nos.” Nan ta promove idolatria y nan ta adora diosnan pagano, Bijbel Exodo 20: 3: “No adora ningun diosnan cu no ta Ami.” Bijbel 1 Huan 5: 21: “Yiunan, aleha boso mes for di e diosnan falso.” Tambe di e diosnan falso di e antiguo Egipto, cu trapinan di piramide pa jega nan destino final den fierno. Nan ta haci pactonan satanico, osea nan ta firma contract cu nan sanger y nan ta wordo marka riba nan man of riba nan frenta cu e number di e bestia y tambe e microchip cu e marka di e bestia ta wordo implanta den nan man, Bijbel Apocalipsis 14: 9-11: “E di tres Angel a sclama na bos halto: Kende cu adora e bestia y
su imagen y laga pone e marka riba su frenta of su man, esun ey lo bebe di e binja di Dios Su rabia, cu ta prepara puro den copa di Su ira y lo e keda tormenta cu candela y zwavel dilanti di Angelnan, Santonan y di E Lamchi. Y huma di nan tormento ta subi bai halto den siglonan di siglonan. Ni di dia, ni anochi nan no tin sosiego na esnan cu ta adora e bestia y su imagen y kende cu ta acepta e marka di su nomber.” Bijbel Mateo 10: 28: “No tene miedo di esnan cu por mata curpa, pero no alma, mas bien tene miedo di Dios cu por tira e alma y e curpa den fierno.”
Un mensahero di Dios
Seferino Tromp
Parlamentario Ing. Carlos A. Bermudez cu pregunta oficial tocante
Estado deplorabel di caminda entre rotonde di Super Food y rotonde di Palm Beach
ORANJESTAD (26 di juni 2026) - Parlamentario di AVP, Ing. Carlos A. Bermudez, a presenta pregunta oficial na Minister di Infrastructura, drs. Rene Herde, pa haya claridad tocante e estado deplorabel di e caminda cu ta conecta e rotonde banda di Super Food cu e rotonde di Palm Beach. E iniciativa aki a sigui despues cu Bermudez a ricibi varios keho di residente, automobilista y chauffeur di taxi tocante e condicion di e ruta.
Segun Bermudez, e caminda ta mustra desgaste serio, cu hopi buraco, iregularidad den e asfalt y falta di mantencion, loke no solamente ta afecta comodidad di conductor, sino cu tambe ta crea situacionnan peligroso pa siguridad di trafico. Considerando cu esaki ta un di e camindanan mas transita di Aruba, e parlamentario ta considera cu accion rapido ta absolutamente necesario.
Den su preguntanan oficial, Bermudez ta pidi e titular di infrastructura pa informa si e ministerio ta na altura di e mal estado di e caminda, ki plan concreto tin pa ehecuta mantencion y si tin intencion pa pone un capa nobo di asfalt riba e ruta. Ademas, e ta solicita
un indicacion di e fecha cu e trabou lo cuminsa y ki tempo ta proyecta pa su finalisacion.
"Nos infraestructura vial mester brinda siguridad y confianza na tur usuario. Ora un caminda di tanto importancia ta bira un fuente di preocupacion pa conductor y residente, ta deber di gobierno pa actua cu rapidez," Bermudez a declara.
Parlamentario Bermudez ta expresa su speransa cu e preguntanan oficial lo contribui na un solucion rapido, pa asina garantisa un infraestructura di calidad, digno di un pais cu ta depende tanto riba mobilidad, turismo y siguridad vial.
Bermudez a conclui su declaracion cu e siguiente mensahe: "Cu union, dialogo y energia positivo, no tin reto cu nos no por supera."
FORTALEZA PA FAMIA
Scirbi pa Pastor Marcel Balootje.
CRISTO HESUS A PAGA E PREIS PA NOS TUR
Placa por cumpra hende, pero placa no por cumpra tur hende.
No ta tur hende ta bende nan mes pa placa, of nan consenshi por wordo cumpra pa placa.
Tin hende a yega asina leu di sconde abuso pa placa, Tin hende a acepta placa pa bay contra di husticia.
Tin hende ta bende na mes curpa pa placa.
Tin hende ta bende nan idea y vision pa placa.
Tin hende ta paga castigo di otro den prison pa placa.
Tin hende ta bende nan famia pa placa.
Tin hende ta lubida riba nan yuinan pa placa.
Tin hende ta soporta abuso anja aden anja afo pa placa.
Tin hende ta sconde malbado pa placa.
Placa a hinca hopi hende den inmoralidad, kibra hopi matrimonio.
Crimen ta wordo cometi pa motibo di placa.
Placa a pone hende bay perdi, mental y fisicamente, Den e tempo trabahoso cu nos ta biba aden , Placa a bira un arma contra decensia, respet y dignidad y hopi hende a perde nan integridad pa motibo di nan amor pa placa.
Y ta pesey nos no por lubida. nos tin di corda e preis cu Cristo Hesus a paga pa nos tur na crus, y no solamente esey: Nos tin di corda cu Dios a stima mundo asina tanto cu e a duna Su yiu unigenito pa ken cu kere den dj”E no bay perdi ma tin bida eterno.
E a paga un preis cu placa no por paga, e preis di nos salbacion no tin moneda na mundo ni tampoco, plata, oro of diamante of cualkier otro piedra precioso, cu por cumpra salbacion.
Den un palabra bisa placa no por cumpra cosnan di Dios, pasobra e poder di Dios ta manifesta den humildad, pasobra pa e rico drenta den presencia di Dios, e tin di pone su rikesa, su orguyo y su arogancia un banda , bira
humilde pa e por drenta den presencia di Dios.
Un malbado ta acepta placa pasa bao di mesa , pa trose e caminda di husticia ( Proverbionan 17:23).
Pesey Cristo Hesus a bisa: Ami ta e caminda, e berdad y e bida, ni un hende por yega serca e Tata si no ta pa medio di Mi.
Esey ta nifica cu e caminda pa cielo no por wordo cumpra, e ta exigi un entrega total na Dios, caminda Dios tin e prioridad den nos bida pasobra nos mester tin temor di Dios.
Ora un hende no kier tende e nomber di Dios wordo menciona hopi biaha, esey ta nifica cu tin falta di conocemento, rechaso di Cristo, y tambe e no kier reconoce Dios y kier sigi biba den scuridad.
Of boso no sa cu boso curpa ta tempel di Spirito Santo,Kende ta den boso,kende boso tin di Dios,y cu boso no ta pertenece na boso mes.Pasobra boso a wordo cumpra pa un preis, pesey glorifica Dios den boso curpa.( 1 corintionan 6:20).
Pasobra amor pa placa ta rais di tur sorto di maldad, y algun hende door di desea esaki,a desvia for di e fe, y a traspasa nan mes cu hopi dolor.( 1 Timoteo 6:10).
Pesey tur mayor mester spierta nan yiu pa no bende nan mes pa placa, no laga hende cumpra nan ni cu placa tampoco cu cos, sinja bo yiu mantene su balor, su integridad, desencia y puresa.
Hende mester tin dominio riba placa, y no placa ta domina hende, ora bo tin placa keda un hende normal . Mescos cu ora bo no tin placa.
Pasobra Dios ta mas grandi cu placa.
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”.
Salmo: 23
Nos ta anuncia fayecimento di:
Jeanemarc van der Biezen
*27-01-1994 - †25-06-2026
Acto di entiero lo wordo anuncia despues.
ORANJESTAD, 26 di juni
2026 - Ya ta algun luna cu Ministerio di Relacionnan den Reino, Educacion, Hubentud, Inovacion, y Deporte a anuncia oficialmente e establecimento di ‘Ban Studia’, e punto central pa enseñansa nacional integral, diseña pa facilita e transicion di enseñansa secundario pa avansa.
Reconociendo cu Aruba su futuro ta depende di un forsa laboral sumamente cualifica y adaptabel, ‘Ban Studia’ ta sirbi como un “one-stop-shop” pa sigura cu cada studiante na Aruba tin e oportunidad igual pa haya informacion y sosten pa tin un trayecto cla pa exito academico, sea na cas of den exterior.
Atendiendo e complehidad di Enseñansa Avansa E transicion despues di un scol secundario hopi biaha ta un proceso fragmenta y desalentador. Studiantenan di Aruba frecuentemente ta enfrenta un caminda di diferente rekisito di admision, structuranan di financiamento compleho, y proceduranan di visa den diferente region. ‘Ban Studia’ a wordo crea/diseña specificamente pa sostene:
• Studiantenan di scol secundario (HAVO/VWO/ EPB) y esnan den añanan di transicion.
• Studiantenan di prome generacion y esnan sin rednan di sosten social fuerte.
• Studiante adulto cu ta bolbe drenta e sistema di enseñansa.
• Mayornan y tutornan cu ta busca pa sostene nan yuinan su trayectoria academico. Un tienda pa exito di studiante ‘Ban Studia’ ta provee un set di servicio centralisa pa garantisa cu studiantenan no solamente ta wordo admiti na programanan pero tambe ta prepara nan. Funcionnan clave ta inclui:
Guia Independiente: Conseho personalisa pa cuadra e talentonan di studiantenan cu e necesidadnan di mercado
Minister Gerlien Croes:
Arub A A introdu C i ‘ bA n
Studi A’ y ‘Edu CAtion u SA’: u
En SE ñ A n SA AvA n SA
laboral na Aruba.
Navega Procedura di Admision:
Conseho di experto riba proceduranan di aplicacion pa institucionnan na Aruba, Hulanda, Merca, Caribe, y Latino America.
Conseho Financiero: Bista amplio di beca local y internacional, fiansa y analisis di costo y beneficionan.
Sosten Logistico: Yudansa practico cu visa, vivienda, seguro y preparacion cultural.
Sosten Continuo: Monitoreo y “after-care” durante e prome aña di estudio pa reduci e cantidad di dropouts.
Integracion Strategico di Educacion na Merca Den un movemento pa sigui centralisa recursonan, ‘EducationUSA’ lo ta completamente integra den Ban Studia. Mientras ta mantene su normanan di calidad y acreditacion internacional, ‘EducationUSA’ lo sirbi como e centro di experticio specialisa pa studiantenan cu ta busca pa sigui nan estudio na Merca, garantisando un experencia mas cohesivo pa e studiantenan.
