Issuu

DIALUNA 31 AUGUSTUS 2026

31 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

DEPARTAMENTO ORGANISA A DAL BAHO MUNDO DURO: TRES DETENCION, HOPI PLACA Y CANTIDAD GRANDI DROGA CONFISCA

DIAMARS HOF TA DICTA SENTENCIA SI OTMAR ODUBER, ESSER Y WEVER TA CULPABEL OF NO

DIALUNA 31 augustus 2026

Nissan Fair Lady y Suzuki Swift envolvi den accidente marduga

Avenida Nelson O.Oduber - Diadomingo pasa di mey anochi caminda panort di Superfood a wordo cera pa un accidente serio, unda cu a manda te hasta materiaalwagen. Algo prome cu 12'or y mey diadomingo informacion a drenta cu auto a bolter riba ex sasaki weg y cu ta dos auto tin envolvi. Informacion adicional a papia di hende pega den auto, unda pa e motibo ey a pidi pa brandweer. Na e sitio nos reportero a papia cu un di chauffeurnan, su version tawata cu e ta na stuur di e Nissan Fair Lady. Dado momento e la bay pasa of tawata pasando e Suzuki Swift y a touch[mishi] cu e Swift color cora.

Aki ta unda e accidente cu por a termina pio a cuminsa. E mishimento na parti di e swift lo a causa e efecto cu e Swift a perde control y e Nissan tambe.

DIALUNA 31 augustus 2026

—CUERPO POLICIAL TA INFORMA—

DEPARTAMENTO ORGANISA A DAL BAHO MUNDO DURO: TRES DETENCION, HOPI PLACA Y CANTIDAD GRANDI DROGA CONFISCA Diabierna mainta, Unidad di Crimen Organisa conhuntamente cu Recherche Samenwerkings Team (RST) a haci un total di tres detencion. Ta trata di dos homber Arubiano y un homber Jamaiquino. E detencionnan aki ta relaciona cu un investigacion grandi di crimen organisa. Durante oranan di mainta a tuma luga dos entrada hudicial: e prome na un cas na Sero Patrishi y despues na un cas na Pos Chikito. Durante e entradanan hudicial a confisca un cantidad grandi di droga como tambe placa. Investigacion ta continua y no ta descarta cu por tin mas detencion. Cuerpo Policial Aruba ta haci un apelacion na ken cu sa algo of a mira algo pa yama e tiplijn di polis cu ta 11141. Bo ta keda anonimo.

Tuma accion pa Preveni, Proteha y Stop Dengue Con nos por stop Dengue?

DIALUNA 31 augustus 2026

Noticia di Corte

Diamars Hof ta dicta sentencia si Otmar Oduber, Esser y Wever ta culpabel of no -1ORANJESTAD – Diamars 1 September 2026 pa 1.30 di merdia, Hof di Corte Superior ta dicta sentencia den caso Flamingo. SOLO DI PUEBLO por a compronde cu e intension ta cu Hof a sera tratamento di e caso y dicta sentencia di biaha. Hof lo dicidi si Otmar Oduber, e dama Esser y e dama Wever ta culpabel of no.

PG TA CONSIDERA UN ORGANISACION CRIMINAL Na Juni 2026, tratamento di e apelacion a tuma lugar, caminda Procurador General (PG) a bisa cu den caso Flamingo ta un organisacion criminal mescos cu casonan di droga. E Minister tabata paga hendenan cu a yuda den campaña y percura pa nan haya trabao den Gobierno. Segun PG, Oduber y Esser a malversa Gobierno door di duna empleadonan fantasma trabao. PG a bisa Hof cu e no ta di acuerdo cu decision di Hues cu a declara Oduber y Esser liber di mal uso di funcion. Segun PG, mal uso di funcion ta ora cu minister ta duna orden pa haci algo cu no ta bon. PG a mustra riba e caso Malmok, caminda Oduber a duna tereno na e homber F. y e dama C. door di intervencion di e pareha di C., e homber M., kende ta bon amigo di Oduber. PG a bisa cu ora Oduber a retira como minister, na Maart 2023 tanto e tereno di F. como esun di C. a wordo kita. PG a mustra cu Hues a rechaza e defensa di Oduber y Wever pa cu e asunto di pasamento di tereno na Malmok. PG ta haya cu Wever tabata sa cu Oduber no tabata actuando manera e maneho cu a keda stipula. Oduber a bisa Wever pa pasa e terenonan na F. y C., kitando esun di G. PG a mustra cu apesar cu defensa a bisa cu Wever a traha bou instruccion di Minister, Hues ta haya cu Wever ta culpabel di complice di malversacion. PG a sigui bisa cu Oduber ta wordo acusa di malversacion y mal uso di funcion door di duna

trabao na trahadornan fantasma: Phillips, Tiel y Geerman. PG a bisa cu e no ta di acuerdo cu Hues cu a declara Oduber liber di a wordo cumpra door di Phillips y Tiel. PG a mustra cu Phillips a wordo condena cu e mester paga bek e placanan cu el a haya. PG tambe ta haya cu Oduber a abusa di su funcion pa cu Tiel y Phillips. PG ta di acuerdo cu Hues cu Oduber no a abusa di su funcion pa cu Geerman.

Den caso Esser, PG ta haya cu Esser a haya placa pa yuda hendenan cu a yuda den campaña. PG ta considera esaki di a wordo cumpra den forma pasivo. PG ta haya cu Esser a wordo cumpra door di Vito Croes pa yuda Vito cu su situacion di tereno pa proyecto. PG ta haya cu Esser a yuda hendenan haya trabao den Gobierno entre otro Serlimar, DOW y DIP. PG ta considera esaki, mal uso di funcion. CASTIGONAN EXIGI PG a exigi pa Wever, 240 ora di trabao pa comunidad of 120 dia sera. Tambe PG a exigi 6 luna di prison condicional.

Pa Esser, PG a exigi 18 luna di prison mientras cu pa Oduber, PG a exigi 3 aña di prison y 6 aña Oduber no por actua como politico.

DEFENSA ODUBER Abogadonan mr. Illes y mr. Carlo a mustra cu na December 2019, Oduber a baha como minister y Marisol Tromp despues a haci denuncia. E abogadonan ta cuestiona cosnan no corecto cu a sosode durante investigacion. Nan a mustra cu e sentencia den Promer Instancia ta un linea cora den e caso aki. Nan ta haya cu tabatin violacion di e proceso husto. Nan ta haya cu e miembronan di Landsrecheche tabatin interes pa colga Oduber. Segun e abogadonan, e pruebanan a wordo haya den forma ilegal. Nan a mustra cu PG a ordena investigacion sin cu

tabatin denuncianan haci di entre otro Marisol Tromp y Jaime Croes, director di DIP e tempo ey. E abogadonan a mustra cu PG a hiba un fishing expedition pa asina colga Oduber caminda a keda sin scucha testigonan esencial di Oduber. Nan a pidi Hof pa declara PG no admisibel y tambe pa exclui tur e pruebanan haya door di e proceso di investigacion inhusto. E abogadonan a cuestiona e evaluacion di Hues pa cu dunamento di tereno na e homber F. y e dama C. Nan ta haya cu Hues no ta mustra kico tabata e delito cu Oduber y Wever a haci. E abogadonan ta haya cu tanto Oduber como Wever a actua segun e maneho nobo di Oduber. E abogadonan a mustra cu ta Marisol Tromp ta esun cu a crea tur e asuntonan di trahadornan fantasma como venganza pasobra el a wordo saca for di partido. Abogadonan ta haya cu no tin ningun prueba contra Oduber. Nan a bisa cu Oduber ta un politico y PG no por prueba cu Oduber a haya beneficio di ningun hende. E abogadonan a pidi Hof pa declara PG no admisibel den e caso contra Oduber.

DEFENSA ESSER Mr. Emerencia a bisa Hof cu Esser a wordo declara liber di tur acusacion y PG a apela. E abogado a pidi Hof pa mantene e sentencia. El a bisa cu PG ta purba tur forma algo pa culpa Esser di ta liga di a wordo cumpra y ta liga cu Oduber den yuda hendenan haya trabao. DEFENSA ESSER Mr. Emerencia a bisa Hof cu Esser a wordo declara liber di tur acusacion y PG a apela. E abogado a pidi Hof pa mantene e sentencia. El a bisa cu PG ta purba tur forma algo pa culpa Esser di ta liga di a wordo cumpra y ta liga cu Oduber den yuda hendenan haya trabao Continuacion pag.

DIALUNA 31 augustus 2026

Parlamentario Endy Croes:

Aruba ta perdiendo un oportunidad di oro den sector petrolero mientras Gobierno ta morto na soño

Merca ta yega na un deal di 100 aña pa maneha 65 mil miyon bari di zeta Venezolano ORANJESTAD – Parlamentario Endy Croes (MEP) a expresa su indignacion contra e falta di vision y accion di Gobierno di Aruba en conexion cu e desaroyonan petrolero historico cu ta tumando luga den nos region. Segun e parlamentario, mientras Merca ta yega na un acuerdo di 100 aña pa maneha e reservanan di petroleo na Venezuela, e gabinete actual di Aruba ta bira lomba pa e realidad aki, perdiendo un oportunidad unico pa reactiva e di dos pilar economico pa nos pais.

Sinembargo, e parlamentario a critica cu Gobierno te cu awor no a duna atencion na e mandato di Parlamento, cual el a califica como un "falta di respet total". En bes di probecha e interes di companianan Americano cu kier inverti mas di 200 biyon dollar den e region, Gobierno a opta pa firma e acuerdo HART dia 16 di juli ultimo cu Statssecretaris Van der Burg, pa laga tres experto di Hulanda dicidi riba futuro di e tereno di refineria.

Negociacionnan entre Merca y Venezuela

Croes a splica cu despues di e cambionan politico na Venezuela dia 3 di januari ultimo, e panorama regional a cambia drasticamente. E fraccion di MEP a visualisa e potencial aki mesora y a adresa e tema den mas di cinco conferencia di prensa. Ademas, den lunanan di Februari y April, MEP a presenta dos mocion cu a wordo aproba unanimamente pa Parlamento. E mocionnan aki tabata instrui Gobierno pa haci e maximo esfuerso pa sinta na mesa cu socionan strategico den e area petrolero y pa explora oportunidadnan nobo pa e tereno di refineria.

Citando e anuncio oficial di Trump di 28 di augustus 2026, confirma pa CNN, Reuters y otro medionan internacional, Croes a destaca cu Merca a cera un acuerdo historico di 100 aña cu Venezuela bou liderazgo di Marco Rubio. E deal aki lo permiti multinacionalnan Mericano maneha 17 campo di petroleo den e Faha di Orinoco y Lago di Maracaibo. E meta di e plan aki ta pa aumenta e produccion actual di mas di 1 miyon bari pa dia pa 3 miyon bari den corto tempo, y alcansa 5 miyon bari pa dia na 2030. Di e manera aki, Merca lo garantisa acceso directo na 65 mil miyon bari di petroleo di e reservanan Venezolano,

Oportunidad Aruba

ORO

reduciendo su dependencia di otro regionnan di mundo.

Posicion strategico di Aruba y e impacto economico E parlamentario a enfatisa cu Aruba ta posiciona di un forma geografico strategicamente perfecto pa forma parti di e deal aki. E pais ta conta cu wafnan profundo apto pa barconan di gran tamaño, tankinan di almacenamento substancial y infrastructura cu por wordo adapta pa e operacionnan aki. Croes a conclui enfatisando cu e

oportunidad di "ORO" aki, cu a presenta despues di 3 di januari ultimo, por bira e di dos pilar economico cu ta batiendo na porta di nos pais. Segun e parlamentario, e desaroyo aki lo por crea miles di cupo di trabou cu salarionan super bon paga y genera un impulso economico masivo, specialmente pa San Nicolas y pa e economia di Aruba den su totalidad. E parlamentario ta lamenta cu Gobierno ta bira lomba pa e realidad aki y a reitera cu e Gobierno aki mester bay cas pa nos por cambia direccion y logra cosnan grandi pa nos pais Aruba.

DIALUNA 31 augustus 2026

Diamars Hof ta dicta sentencia si Otmar Oduber, Esser y Wever ta culpabel of no -2-

E abogado a mustra cu Esser tabata un empleado di Gobierno y sa bon cu e no por haya placa of regalo pa trabaonan cu e ta haci. E abogado ta haya cu tampoco e acusacion di PG cu Esser tabata complice di Oduber den yuda hende haya trabao. El a bisa cu Esser tabata haci anotacionnan, traha cartanan pero no tin ningun prueba cu el a wordo cumpra. Mucho menos cu el a mal usa su funcion. E abogado a

remarca cu un empleado cu ta atende hendenan, yuda traha cartanan, no kiermen cu el a haci mal uso di su funcion. Pa loke ta e acusacion cu Esser a wordo cumpra, no tin nada. Na opinion di e abogado, core campaña pa un partido no ta castigabel. El a enfatisa cu Esser no tabata propone hende pa haya promocion of haya trabao.

DEFENSA WEVER Mr. Odor a bisa cu Wever tabata traha riba instruccion di Oduber. E no a haya beneficio di esaki. Segun e abogado, Wever a haci tur cos a base di orden di Oduber. E abogado a remarca cu Wever no por nenga instruccion di Oduber sino lo sufri consecuencia. El a haya instruccion di Oduber pa haci cambio den e double booking

y e cambio no a causa consecuencia pa Aruba. E abogado a bisa cu riba indicacion di Oduber y director di DIP, Wever a haci cambio den carta pa G. E abogado a presenta na Hof e sentencia di caso Avestruz, caminda Abath cu a wordo declara liber di tur acusacion. E abogado a bisa Hof cu Abath a sigui instruccion di minister Sevinger e tempo ey. E abogado a bisa cu e director di DIP, Croes, a firma e carta cu Wever mester a cambia di double booking. Tabatin palabracion cu G. y Oduber a bisa cu mester corigi e double booking. E abogado no ta haya cu Wever intencional a falsifica carta y mucho menos a haci malversacion. El a pidi Hof pa declara Wever liber di tur acusacion.

Diamars pa 1.30 di merdia, lo haya sa kico ta e decision di Hof.

SETAR cu aporte na Fundacion Ban Uni Man Pa Cria Nos Muchanan en conexion cu Back to School SETAR pa hopi aña tabata tin su proyecto di Back to School pa yuda nos muchanan cu tas di scol y material pa cuminsa e aña escolar nobo. E aña aki SETAR a enfoca su proyecto di Back to School cu otro meta pa yuda Fundacion Ban Uni Man Pa Cria Nos Muchanan cu ta provee nos muchanan di menos recurso cu desayuno na scol. Un programa cu a cuminsa na e aña escolar 2001/2002, ofreciendo 138 mucha un desayuna, esta

un sandwich y un juice of lechi, tur dia na scol. Actualmente, e fundacion ta yuda mas cu 800 mucha na scolnan rond nos isla incluyendo muchanan di traimerdia. Como nos compania nacional di telecomunicacion, SETAR ta orguyoso di por aporta cu AWG 15.000 na e fundacion pa nan por sigui cu nan bunita meta di provee nos muchanan cu desayuno tur dia na scol, cu ta esencial pa nan crecemento y desaroyo.

DIALUNA 31 augustus 2026

Parlamentario Eduard Pieters (PPA):

“Pa 8 miyon pa aña nos ta dispuesto pa entrega nos autonomia y kibra nos Constitucion?” Cuanto realmente Aruba lo spaar cu Rijkswet HOFA? Y mas importante ainda: kico Aruba mester entrega a cambio? Esey ta e pregunta cu lider di fraccion di PPA, Eduard Pieters, ta pone central den e debate tocante Rijkswet HOFA y Landsverordening Waarborging Houdbare Overheidsfinanciën (LWHO). Segun Pieters, Gobierno ta presenta e cifranan di yen di miyon florin, pero sin splica suficientemente cu e montantenan aki ta calcula riba un periodo largo.

aña.

“Si bo ta papia di cifranan grandi cu prome tabata 800 miyon florin y awo ta apenas 100 y pico miyon florin, bo mester bisa pueblo tambe basa riba cuanto aña e cifra aki ta parti.”

Pieters no ta minimisa e importancia di reduccion di interes. “Claro cu nos kier paga menos interes. No tin ningun politico ni Arubiano cu no kier esey.” Pero, e pregunta no ta si Aruba kier spaar placa. E pregunta ta: Na ki prijs nos ta bezig ta spaar e placa aki? E pregunta fundamental ta: Nos kier kibra nos Constitucion pa haya un reduccion di interes?

No duna pueblo solamente e cifra grandi Pieters ta reacciona riba e declaracionnan reciente di vice premier Gerlien Croes, kende a menciona un beneficio financiero di aproximadamente Afl. 136 miyon, relaciona cu lening di COVID y despues di cumpli cu varios criteria kisas Hulanda lo refinancia e otro prestamonan cu Aruba tin. Pieters a señala cu e presentacion cu Parlamento a haya di minister di Finansa, Geoffrey Wever, ta pinta un imagen completamente diferente. Segun e calculacion presenta door di Pieters, reduccion di interes riba e debe di COVID por representa aproximadamente Afl. 128 miyon, pero parti den un periodo di 16

“Esey no ta 128 miyon pa aña. Ta alrededor di ocho miyon florin so pa aña!”

Spaar placa a costo di kico? Su conclusion politico ta, cu e beneficio real anual, dependiendo di e calculacion- y facilidadnan cu Aruba finalmente haya, ta fluctua alrededor di Afl. 8 miyon pa aña pa loke ta trata e COVID lening.

21 Criteria cu Aruba tin cu cumpli cu ne Pieters a señala cu e facilidadnan financiero pa refinancia e otro debenan di pais Aruba no ta bin automaticamente, paso Aruba mester cumpli cu varios di e 21 criterianan. P’esey e ta cuestiona e manera cu ta coriendo p’e debate publico relaciona cu e berdadero beneficio financiero, mientras e condicion- y consecuencianan institucional ta haya hopi menos atencion. “Nos mester papia bon documenta. No solamente papia di un saco chikito di placa.” Segun Pieters, entre e puntonan

cu mester ta analisa, ta e violacion di nos Constitucion, e facilidad di prestamo, e futuro di supervision financiero y e condicionnan bou cual Aruba supuestamente lo por sali for di e Rijkswet. Pa PPA, esakinan no ta detaye tecnico, ya cu nan ta mishi directamente cu futuro di autonomia di Aruba y Aruba su Constitucion.

Supervision si, pero no na cualkier prijs Pieters ta enfatisa cu PPA no ta contra supervision financiero. E debate tampoco ta entre responsabilidad y iresponsabilidad. Aruba mester tin disciplina presupuestario, supervision y finansa publico sostenibel. Pero segun Pieters, esey por regla sin entrega innecesariamente poder cu Aruba

tin como pais autonomo ancra Aruba su Constitucion y Statuto di Reino. Y precisamente aki el a lansa e pregunta cu Gobierno mester contesta: Si beneficio financiero real ta alrededor di 20 te 22 miyon florin pa aña, esey ta e prijs pa kibra nos Constitucion y compromete autonomia di Aruba pa e siguiente generacionnan?

Pa Pieters, un decision di e magnitud aki no por ta bendi cu un cifra di “400 y pico miyon” sin cu pueblo ta compronde e periodo, e condicion- y consecuencianan completo. “Nos kier e reduccion di interes. Claro cu si. Pero no bende nos un cifra grandi sin bisa nos kico nos ta paga na cambio,” Pieters a enfatisa. Pasobra e debate tocante HOFA no ta solamente tocante placa. Ta tocante ken lo tin poder riba futuro di Aruba.

DIALUNA 31 augustus 2026

Fraccion di AVP:

Desaroyo inmobiliario mester beneficia comunidad local

ORANJESTAD (30 di augustus 2026) - Fraccion di AVP, representa pa parlamentario Clifford Heyliger, lider di fraccion Jennifer Arends-Reyes y parlamentario Stephany Sevinger, ta participa na Aruba Real Estate Summit 2026. E summit ta un encuentro importante cu ta reuni representante di gobierno, sector inmobiliario, inversionista y otro actor clave pa dialoga tocante futuro di desaroyo na Aruba. Pa fraccion di AVP, e dialogo no por trata solamente inversion y crecemento economico. E preocupacionnan cu ta biba den comunidad tambe mester ocupa un lugar central, entre otro e prijs halto di cas, oportunidad

pa famianan local pa cumpra of huur un cas, e crecemento di short-term rental y su impacto riba disponibilidad di vivienda. “Desaroyo ta necesario, pero mester tuma lugar cu vision y responsabilidad. Nos mester percura pa e hoben y famia Arubiano tambe por haya un oportunidad husto riba mercado di vivienda,” segun Fraccion di AVP. Otro tema importante ta un mihor distribucion entre construccion, proteccion di naturaleza y calidad di bida. Aruba tin espacio limita, y p’esey cada decision tocante desaroyo mester considera e impacto riba infrastructura, trafico, medio ambiente y comunidadnan existente.

Participacion na Aruba Real Estate Summit 2026 ta brinda Fraccion di AVP e oportunidad pa tende diferente vision, intercambia idea y sigui boga pa solucionnan mas sostenibel.

Crecemento economico mester crea oportunidad y prosperidad, pero semper cu interes di pueblo di Aruba central.

DIALUNA 31 DI AUGUSTUS 2026

Parlamentario Edgard Vrolijk

Biahe cu jet priva pa Corsou: Rendicion di cuenta di un Minister

Ki ora si y ki ora no?

E discusion actual no ta riba con un minister ta gasta su salario priva. E punto ta otro: esaki tabata un biahe di trabou oficial aproba pa Conseho di Minister. Y p'esey tin un deber di transparencia. Loke ta haci e asunto ainda mas relevante ta cu nos tin awo e confirmacion for di e ministerio mes. Den un e-mail di 19 di november 2025 e Chief of Staff di e ministerio a confirma oficialmente cu e minister a sali "awe", esey tawata 19 di november 2025”, pa Corsou den funcion oficial. E e-mail ta bisa literalmente: "Zoals zojuist telefonisch besproken, bevestig ik hierbij per e-mail dat de dienstreis van Minister Croes naar Curaçao, oorspronkelijk gepland van 20 t/m 22 november, met één dag is vervroegd. Minister Croes zal reeds vandaag afreizen naar Curaçao." Esey ta e propio ministerio cu ta confirma: esaki tabata un dienstreis, un biahe di trabou oficial. No un biahe priva manera e minister kier insinua. Su biahe pa Corsou, inicialmente planea pa 20 di november 2025 cu avion comercial, a wordo hala 1 dia mas trempan. Pues e minister a haci un biahe

oficial riba 19 di november 2025 den un jet priva. Sinembargo loke a confundi pueblo ta cu splicacion di e minister mes a cambia diferente biaha. Prome, minister tabata papia di un "lift." Despues e minister a bisa cu el a paga e vuelo completo for di su mesun saco. Despues minister a insinua cu a "share cost." Awor recientemente minister a bisa publicamente cu ta un landing fee di menos di Afl. 1.000 el a paga. Dus for di un "lift", pa paga e vuelo completo, pa comparti gasto y pa paga solamente un landing fee no ta mescos. Cada un di esakinan ta un construccion financiero diferente y nan tur no por ta berdad na e mesun momento. Un landing fee ademas no ta e costo total di un jet priva. Combustibel, crew, handling, costo operacional: ken si a paga esakinan? Si e minister a paga solamente e landing fee, kende a paga e resto di e costonan di un jet priva registra na Merca sin certificacion AOC? Articulo III.17 di e Staatsregeling ta duna cada parlamentario e derecho di haci pregunta na ministernan. Definitivamente nos no ta

papiando di Parlamento cu kier biba bida priva di e minister. Parlamento ta controla un biahe oficial, confirma pa e propio Chief of Staff di e ministerio, cu a wordo haci riba un avion sin certificacion legal. Esey ta control parlamentario. No persecucion politico. E Bezwaaradviescommissie LAR a confirma den su conseho tambe: e minister tin e obligacion legal pa duna e informacion cu a wordo pidi. E comision a declara e bezwaar cu MEP a entrega GEGROND y a ordena e minister mester pa cumpli cu su deber di transparencia. Cinco pregunta por caba e discusion hopi rapido: 1. Ken a ofrece of organisa e biahe den

jet priva sin AOC pa e dienstreis oficial?

di e costonan cu e landing fee no ta cubri?

2. Kico tabata e costo total di e vuelo?

Un contestacion cla y documenta por sera e discusion aki den un dia. E propio ministerio a confirma cu esaki tabata un dienstreis oficial. Un comision independiente a confirma cu e minister tin e obligacion pa contesta. Awor e pregunta ta, minister tin boluntad pa contesta?

3. C u a n t o exactamente e minister a paga personalmente? 4. Na ken e pago a wordo haci y tin documentacion verificabel di esey? 5.

Ken a paga e resto

P 10

DIALUNA 31 DI AUGUSTUS 2026

Minister Geoffrey Wever ta fortalece proteccion di consumidor cu protocol entre Gobierno y AFTA Oranjestad, 25 augustus 2026 Dialuna atardi dia 24 di augustus 2026, Minister di Finansa, Asunto Economico y Sector Primario, Geoffrey Wever, a firma un protocol di cooperacion entre Pais Aruba y Aruba Fair Trade Authority (AFTA), representa pa drs. F.R. Sint Jago. Cu e acuerdo aki Gobierno ta crea un structura mas fuerte, transparente y eficiente pa proteccion di consumidor y pa un funcionamento mas ordena di mercado Arubano. E firmamento di e protocol ta un siguiente paso concreto den implementacion di e Landsverordening bestuursrechtelijke handhaving consumentenbescherming, cu a drenta parcialmente na vigor dia 15 di maart 2026. E ley ta duna AFTA responsabilidad pa supervision di cumplimento di normanan legal den cuadro di proteccion colectivo di consumidor, mientras cu Departamento di Asunto Economico, Comercio y Industria ( DEACI) ta encarga cu tratamento di kehonan individual, registracion di e kehonan y brinda informacion, conseho huridico y mediacion caminda ta necesario. Cu e protocol nobo, ambos instancia ta establece acuerdonan claro riba intercambio di informacion, coordinacion di maneho y supervision, alineacion di procesonan y proteccion di informacion confidencial. Esaki ta crea un cadena di proteccion mas completo: for di e consumidor individual cu presenta un keho, te na supervision mas amplio ora tin indicacion cu un problema ta afecta un grupo di consumidornan.

“Un economia fuerte no ta solamente un economia cu ta crece. Mester tin confiansa, reglanan cla y institucionnan cu ta funciona. Consumidor mester conoce su derechonan, mester tin acceso na informacion corecto y mester sa unda acudi ora algo no ta bay manera mester ta. Cu e acuerdo aki nos ta pone e responsabilidadnan cla y ta conecta e instancianan cu mester tuma accion. Esaki ta bon gobernacion y esaki ta manera nos ta fortalece economia,” Minister Wever a indica. Un elemento importante den e cooperacion ta e Consuloket, e loket digital pa consumidor. AFTA ta responsabel pa financiamento, contenido, maneho y mantencion di e loket, mientras cu DEACI ta encarga cu e sistema pa registra y procesa e notificacionnan di consumidor cu drenta via Consuloket. E sistemanan lo wordo alinea pa ambos instancia por dispone di informacion relevante pa cumpli cu nan responsabilidadnan di forma

eficiente.

riba informacion concreto.

E forma di traha aki ta cuadra directamente cu e direccion di Programa di Gobernacion AVPFUTURO 2025-2028, caminda fortalecemento di poder di compra, estimulo di actividad den sector priva, aumento di bienestar y prosperidad y modernisacion di Gobierno ta prioridadnan importante. Digitalisacion y un servicio publico mas eficiente, transparente y orienta riba e ciudadano ta forma parti di e mesun direccion.

Poder di compra no ta solamente un cuestion di prijs. E ta tambe un cuestion di proteccion. Un consumidor mester por tuma decision informa y mester tin un sistema cu ta funciona ora su derechonan no ta wordo respeta. E meta ta un mercado cu ta funciona miho pa consumidor y pa empresario serio cu ta cumpli cu e reglanan,” Minister Wever a subraya.

Segun Minister Wever, proteccion di consumidor mester wordo mira como un parti integral di maneho economico. Un mercado caminda consumidor ta informa y proteha, y caminda empresanan conoce e reglanan cu ta aplica, ta crea mas claridad y confiansa pa tur partido. Na mes momento, registracion y intercambio di informacion ta crea e condicionnan pa Gobierno identifica problema recurrente den mercado y basa su maneho

E protocol ta establece tambe un forma structural di supervision riba e cooperacion mes. Directornan di AFTA y DEACI lo reuni por lo menos cuatro biaha pa aña pa evalua ehecucion, progreso y eventual obstaculonan. Na nivel operacional, funcionarionan lo mantene contacto cu e frecuencia necesario. Ademas, e acuerdo y su ehecucion lo wordo evalua por lo menos un biaha pa aña pa determina si adaptacion ta necesario pa sigui mehora tratamento di kehonan y proteccion di consumidor.

P 11

DIALUNA 31 DI AUGUSTUS 2026

Minister Wever:

Gobierno ta sigui lidera transicion pa un Aruba mas sostenibeL Oranjestad, 28 augustus 2026 - Gobierno di Aruba ta sigui duna direccion na e transicion pa un pais mas sostenibel, eficiente y menos dependiente di combustibel fosil. Como parti di e proceso aki, Gobierno ta amplia electrificacion di su fleta di vehiculo, cu awor tambe vehiculonan electrico pa e ministernan, como un siguiente paso concreto den un transicion di energia cu ya ta andando den diferente instancia publico. Como minister di Asunto Economico, minister Geoffrey Wever a duna inicio na e transicion den Gobierno. Diferente departamento y compania estatal bou di su liderazgo ya ta haciendo uso di vehiculo electrico, entre otro Directie Economische Zaken, Handel en Industrie (DEZHI), Servicio na Defensa di Consumidor (SEDECO), Centraal Bureau voor de Statistiek (CBS), Dienst Telecommunicatie Zaken (DTZ) y Post Aruba N.V. y awo tambe pa Conseho di Ministers di Aruba. E paso aki no ta un iniciativa aisla. E ta forma parti di un proceso mas amplio pa modernisa operacion di Gobierno, reduci gasto, haci uso mas eficiente di energia y prepara Aruba pa un

futuro unda sostenibilidad y independencia energetico ta ocupa un posicion cada biaha mas importante. Gobierno su rol ta esencial den e proceso di transicion aki no solamente door di traha maneho, pero tambe door di ehecuta esaki. Electrificacion gradual di e fleta publico ta un ehempel concreto di con Gobierno mes ta implementa e cambio cu e kier stimula den comunidad. Cu esaki gobierno ta demostra su compromiso pa lidera e transicion aki. Den e cuadro aki ta cumpli tambe cu palabracionnan haci den Programa di Gobernacion AVP-FUTURO riba pagine 19, unda cu a keda acorda cu auto di trabou pa minsternan no mag di ta mas caro cu EVs y/ of hybrid na balor di Afl. 70.000. E proceso a conoce diferente fase. Despues di un consulta di mercado y un destaho publico, compania Green Wheels a wordo selecciona pa entrega e vehiculonan electrico pa e ministernan, cu excepcion di Promer Minister Eman. E resultadonan inicial ta mustra cu e cambio no solamente tin un beneficio ambiental, pero tambe financiero. Segun dato practico di e fleta di CBS durante e prome seis lunanan, gasto di

combustibel a baha cu aproximadamente 70%, di un promedio di AWG 1.500 pa AWG 405 pa luna pa cada vehiculo. Pa Aruba, e transicion aki tin un importancia strategico. Como isla, nos pais ta altamente dependiente di combustibel fosil importa y, consecuentemente, ta vulnerabel pa fluctuacion di prijs y desaroyo internacional fuera di nos control. Cada paso pa reduci e dependencia aki ta contribui na mas stabilidad, mas eficiencia y un economia cu ta mihor prepara pa futuro. Minister di Finansa, Asuntonan Economico y Sector Primario, Geoffrey Wever, ta enfatisa cu Gobierno tin e responsabilidad di mustra liderazgo den e proceso. “Transicion pa sostenibilidad mester wordo converti den accion concreto. Como Gobierno, nos kier duna e ehempel y implementa e cambionan cu nos mes ta considera necesario pa futuro di Aruba. Electrificacion di nos fleta ta yuda baha gasto, reduci dependencia di combustibel fosil y crea espacio pa haci mas uzo di energia sostenibel produci localmente. Esaki ta un transicion cu nos ta dirigi paso pa paso y cu mester genera beneficio duradero

pa nos pais,” Minister Wever a remarca. E direccion aki ta wordo fortalece tambe mediante e GO Programme, un programa financia pa Union Europeo pa acelera transicion di energia den islanan. Den e programa aki Aruba ta ehecuta e proyecto “Reducing Transport-Related Carbon Emissions and Fuel Costs from the Car Fleet of the Government of Aruba.” E proyecto, implementa pa e empresa di asesoria Aleman Energynautics, cu manehamento di proyecto di Expertise France, ta sostene Aruba den preparacion di un plan pa electrificacion completo di e fleta di Gobierno. Esaki ta inclui un maneho di compra pa vehiculonan electrico, un plan pa manejo di baterianan, desaroyo di infrastructura di carga, analisis di

impacto riba e red electrico y instrumentonan di maneho pa facilita un adopcion mas amplio. E trabou ta wordo haci den colaboracion cu partnernan local, incluyendo ELMAR y DOW. E transicion ta construi riba pasonan cu a wordo inicia anteriormente y cu Gabinete AVP-FUTURO ta continua, amplia y acelera. Asina Gobierno ta sigura continuidad den un proceso strategico cu mester fortalece Aruba riba termino largo. Minister Wever a gradici tur partner y stakeholder cu ta contribui na e proceso. Segun e minister, e meta ta cla: Gobierno mester sigui lidera cu ehempel, crea e condicionnan necesario y sigui converti sostenibilidad for di un vision den resultado concreto pa Aruba.

P 12

DIALUNA 31 DI AUGUSTUS 2026

7 ALIMENTO CU POR MEHORA BO BEIS E alimentonan cu bo ta come no solamente ta determina con bo ta zit eruit, sino cu tambe ta inﬂui bo pensamento, emocion y accionnan. Hopi ta e alimentonan cu por desahusta bo sistema nervioso, treciendo como consecuencia mal beis, cansancio, ansiedad y depresion. Purba e siguiente alimentonan cu por mehora bo humor. P'esey, si bo a nota cu semper bo ta di mal humor of bo ta sinti un disgusto. Ta un opcion mas saludabel, economico y simpel na luga di usa remedi. Solamente tene na cuenta cu si bo emocionnan no ta stabilisa, ta un bon idea pa bishita un psicologo. Algun biaha e problemanan cu no tin di haber cu loke nos ta come, sino cu e hendenan cu ta rond di nos y e situacionnan cu nos ta biba aden. 1. Cacao of chuculati puro E prome di e alimentonan cu ta mehora bo humor, ta cacao. E tin un efecto stimulante di felicidad, debi na e teobromina. E kimico aki ta yuda na: ● Aumenta e nivelnan di serotonina y dopamina den e organismo ● Ta relaha e sistema nervioso ● Ta disminui e estadonan di ansiedad y depresion Cacao tambe ta contene triptofano, un kimico cu ta fomenta e liberacion di serotonina. Pa tur su beneﬁcionan, nos ta recomendabo come un pida repi di chuculati puro

telep di simiya di sesamo den bo saladanan of usa su azeta como parti di bo platonan. 5. Salmao y otro pisca Otro di e alimentonan cu ta mehora bo beis pasobra nan ta rico den acidonan graso omega 3, ta salmao, tuna of sardin. Esakinan ta incidi directamente den e

of cacao pa dia, pa asina mehora e estadonan di depresion y ansiedad. Lo unico cu bo mester vigila ta cu e chuculati scogi, ta di un contenido halto di cacao. Idealmente e mester ta riba 65%. 2. Noot of nechi E di dos di e alimentonan cu ta mehora bo beis ta noot of nechi. E ta aporta na e organismo acidonan graso omega 3, cu esaki no ta produci door di su mes. Ora cu bo curpa no obtene suﬁciente omega 3, e por drenta den estadonan depresivo. Nootnan tambe ta contene triptofano, di cual ya nos a menciona caba. ● Nos ta recomenda consumi 5 noot pa dia pa asina mantene un beis mas stabil. ● Corda cu bo por añadi nan na bo batidonan, na bo desertnan of simplemente come nan como colacion. 3. Bacoba Bacoba ta otro di e alimentonan cu ta mehora bo beis y cu bo tin cu inclui den bo dieta diario of por lo menos dos biaha pa siman. Su beneﬁcio na bo

emocionnan ta debe na e contenido halto di vitamina B6. Esaki ta interveni den e proceso di transformacion di e compuestonan proteicos di serotonina. Ademas, door cu e ta contene acido folico, vitamina C y ﬁbra vegetal, e ta mehora bo defensanan. 4. Simiya di sesamo E simiyanan aki ta un di e alimentonan cu ta mehora bo beis pasobra e ta aporta na treonina. Esaki ta un aminoacido esencial cu e organismo no por produci y sintetisa di su mes di forma natural. Ora cu tin nivelnan abao di treonina, bo por experiment tristesa cronico. ● Pa obtene e nutriente aki, nos ta recomendabo inclui un

eﬁciencia di e movimento di algun neurotransmisor, cual deﬁciencia por provoca estadonan depresivo. ● Ta recomendabel inclui por lo menos un porcion di e piscanan aki na bo dieta semanal. ● Si ta posibel, inclui nan tres biaha pa siman compaña pa berdura. Sigura cu e pisca cu bo cumpra ta di bon calidad y liber di contaminante. Esaki ta specialmente importante cu salmao, ya cu algun specimen obteni di criaderonan ta alimenta cu kimico cu por afecta bo humor. Si bo ta opta pa consumi tuna, percura pa eligi e opcionnan den pidanan natural. Aunke e ta hopi economico come tuna di bleki, esaki ta contene

nivelnan halto di salo y di BPA, tambe conoci como bisfenol. 6. Alimentonan rico den ﬁbra Alimentonan rico den ﬁbra soluble ta yudabo na cambia e estado di animo ora cu esaki ta debe na e alteracionnan den bo nivelnan di suco den sanger. Si bo ta diabetico, controla bo nivelnan corespondiente. Corda cu e glucose eleva no solamente ta afecta e funcionamento di bo organonan interno: tambe lo ponebo experimenta diverso emocionnan negativo den cuestion di minuut. Ora cu bo ta sinti cu esaki ta sosodiendo, realisa un revision di glucose pa determina si esey ta e problema. 7. Carni cora magro E ultiom di e alimentonan cu ta mehora bo beis ta carni magro. Esakinan ta rico den acido linoleico, un vet natural cu ta yuda combati stress y e acumulacion di vet den curpa. E carninan aki tambe ta aporta na hero y omega 3 cu ta yuda mehora e salud celebral. ● Ademas, ta hopi recomendabel cu ora di cushina e carninan, haci'e cu e menor cantidad di salo y vet posibel. Asina, nos lo ta consumiendo e producto sin cosnan añadi y nos lo evita otro problemanan asocia. Manera por ehempel hipertension of aumento di peso.

P 13

DIALUNA 31 DI AUGUSTUS 2026

Des militaires français s’entraînent à Curaçao pour renforcer la coopération régionale Un peloton militaire français en provenance de Martinique a achevé cette semaine une période d’entraînement à Curaçao. Ces militaires appartiennent à la 2ᵉ compagnie du 33ᵉ Régiment d’Infanterie de Marine (33ᵉ RIMa), basé au Fort Desaix en Martinique. À Curaçao, le peloton français s’est entraîné aux côtés du peloton nautique et des militaires de Curaçao (CURMIL). Lors de l’exercice conduit avec le peloton nautique, les soldats ont perfectionné différentes capacités amphibies. Ils se sont notamment exercés aux transferts entre embarcations à différentes vitesses et ont réalisé des débarquements depuis la mer. L’entraînement s’est conclu par un scénario mettant l’accent sur la manœuvre et le repli rapide. Par ailleurs, un entraînement conjoint avec le CURMIL a été mené dans les locaux de l’ancien hôpital Sint Elisabeth Hospitaal (SEHOS). Les participants y ont mis en œuvre diverses techniques tactiques liées aux opérations en zone urbaine. Cette formation illustre la qualité de la coopération

entre les deux partenaires. En travaillant ensemble, en partageant leurs connaissances et en échangeant leurs expériences, les unités militaires renforcent leurs liens et développent leur capacité à agir conjointement. Cette

coopération contribue au renforcement des relations entre les partenaires militaires de la région. Le partage des savoir-faire et l’entraînement commun constituent des éléments essentiels pour soutenir la sécurité et la stabilité régionales.

P 14

DIALUNA 31 DI AUGUSTUS 2026

Santa Rosa kier avisa cu durante temporada di yobida, tin e probabilidad cu lo por nota e presencia di e Giant African Snail, den alfun area na nos isla Di 2011 gobierno di Aruba ta na altura cu e Giant African Snail (GAS) ta akinan. DLVV por medio di email a ricibi confirmacion di Dr. Robinson, malacologist, awendia retira di United States Department of Agriculture (USDA), di e tres conchanan cu DLVV a mand’e. Ariba un boletin di media social Departamento di Agricultura, Cria y Pesca (DLVV) a tuma nota di mencion di presencia di GAS awor cu awa ta yobe. Slaknan por lo general, pa sobrevivi secura, ta estiva, esta bai den dormancia anto ora cu humedad aumenta, manera awor, bolbe bira activo. DLVV kier conscientisa hendenan cu mira e GAS pa awor pikinan cu un man cubri cu un saco di plastic sin buraco anto herbenan mata. E resto, cu ta comestibel, despues por composta of cria cacho of pushi cu’ne. Sin embargo DLVV kier pa hendenan tuma bon nota di GAS su carecteristicanan pa evita mata slak indigeno pasobra Aruba tin 18 sorto. Un GAS por bira hopi grandi, te 1 kg, su carni por varia di color di crema te bruin scur. Dr. Roda di USDA den un webinar cu DLVV a atende na 2022 a mustra ariba e diferente “color morph” cu e GAS por tin. Asina esun cu e estado di Florida, Merca, a combati na añanan 60 tabata hopi scur den su cuero y concha. Esun na 2022 haya tin un cuero hopi cla y su concha tambe ta hopi cla strepia bruin. E GAS por pone di 100 pa 500 webo den un solo biaha. Su webonan ta rond pa ovaal, ongeveer 5 mm den largura, di color crema te geel. E concha ta conico, tin mas cu 7 draai y por midi te 30 cm pero normalmente ta 5 pa 13 cm. E slaknan di Aruba por lo general sa ta mas chikito cu 5 cm. Asina mes ora e GAS ta recien naci e por ta dificil di distingui di e esun di Aruba. Por

lo general GAS ta esun cu hende lo haya den areanan urbano debi cu e construccion lo a elemina esun di Aruba. Recomendacion DLVV ta conseha herbe of vries mata. Pa vries ta recomenda seranan den dobbel saco di plastic y pone un dia largo pa sigur. Dal nan mata por spat nan webonan rond cu e consecuencia cu mester keda vigila e spot pa ora e webonan broei despues di dos pa tres siman. Aplicacion di quimico pa deshaci di GAS tambe sa resulta cu nan ta pone webo prome cu nan muri. Aserca ta bin cu mester vigila unda nan ta pa tira e quimico. Despues keda pendiente cu cacho of mucha no ta mishi cu e quimico. Anto ora awa yober mester bolbe tira. P’esey DLVV su conseho. Usa salo pa deshaci di GAS tin e problema cu e cantidad di salo lo depende ariba e cantidad di peso di GAS. Aserca ta bin cu e salo ta bira un probabel contaminacion pa e suelo den cua lo deshaci di e GAS morto. Importante tambe ta pa hende evita transporta tera unda a haya GAS. E motibo ta cu e lo por contene webo di GAS y lo bira un manera di infecta otro areanan. Asina DLVV aña pasa a pidi un cliente pa hiba su matanan back pasobra e potchinan tabata contamina cu GAS. Principalmente awor cu hopi ta haci cura limpi pa ricibi bishita di Pasco, mester mira bon cu e resto no ta contene slak. Caribe GAS ta dificil pa elimina. Asina Florida na 2020 a declara su mes liber di GAS, despues di 9 aña di combati’e pa na 2022 bolbe hay’e. Rosimar Morales di USDA-Animal and Plant Health International Service Plant Pest Quarantine Puerto Rico a elabora ariba con

nan a sondea pa e GAS enbista cu otro nacionnan den Caribe cerca di Puerto Rico a raporta su presencia. Nan a inspecciona na 330 lugar di cua 321 no tabata tin incidente. Esunnan cu nan a haya nan a tene un 200 m di radius di centro cu nan a inspeciona intensivo y 400 m di radius di buffer cu nan a inspeciona ariba bista solamente. Ora nan a haya e slak nan a combati esaki te saca vegetacion cu suelo y incinera esakinan. Jason Stanley di Florida Department of Agriculture and Customer Services tambe a mustra ariba e teamnan di cacho cu tabata sali pa detecta si por tin GAS y teamnan cu tabata traha anochi ora cu e GAS tabata sali. Pa deshaci di tera y vegetacion contamina nan tabata colecta esaki den dobbel saco di sushi y deshaci na landfillnan asigna. Na Aruba ta un so tin y apenas e tin un incinerador. Mescos Bret Taylor senior agriculturalist Officer, Ministry of Agriculture Food & Nutritional Security di Barbados a participa cu su ministerio a ofrece lokaas, metaldehyde, por nada na habitantenan pa combati e GAS. Nan a conduci bioassays pa evalua e quimico cu mihor ta caba cu e

slaknan y abou di cua tempo e ta mas efectivo. Asina Barbados di 2009-2013 a ofrece bounty pa cada slak morto y a destrui 392 ton. Ariba un slide DLVV por a mira con hende a coba un pit 30 cm hundo anto cubri hopi slak cu hopi palet pa kimanan. Ora awa a yobe e pit a yena cu awa. Laga cu net esey ta e periodo cu e slak ta bira activo. Ainda e GAS ta persisti na Barbados. Dr. Janil-Gore Francis di Antigua & Barbuda na 2008 pa Antigua & Barbuda a reporta presencia di GAS na IPPC pasobra e ta un “notifiable pest”. Te awe ainda GAS no a pasa pa Barbuda. Dr. Francis a mustra ariba e corelacion di GAS cu e tempo. Asina na Antigua durante secura ta colecta 160 slak pa ora mientras den temporada di yobida e ta 500. Nan a conduci un Impact Assessment survey di November 2021 pa Juni 2020 cu a mustra cu e average di e gasto pa luna ta 140 US$. Curaçao a menciona cu di 2016 tin e. Banda di e GAS Dr. Roda tambe a menciona otro 3 slaknan famia di Achatina cua, Dr. Albert Mead segun Dr. Roda, ta predeci cu e Limicolaria aurora lo bira un peste mas grandi. Ya tin lugarnan unda ela reemplasa e GAS.

P 15

DIALUNA 31 DI AUGUSTUS 2026

FORTALEZA PA FAMIA. Scirbi pa Pastor Marcel Balootje.

Si un hende ta ganja y ta persigi su ruman no ta boluntad di Dios.

CANA DEN BOLUNTAD Y SABIDURIA DI DIOS

Si un homber / muhe ta den adulterio no ta boluntad di Dios.

Nos tur mester cana den boluntad y sabiduria di Dios, pa asina nos por agrada Dios, y alcansa nos meta den bida.

Si un mucha ta rebeldia contra su mayornan , no ta boluntad di Dios.

E mundu ta purba tur manera di aumenta inteligencia, pero locual ta para scirbi no ta cambia:

1 Corintionan 1:25 ta bisa lo siguiente: Pasobra e locura di Dios ta mas sabi cu hende, y e debilidad di Dios ta mas fuerte cu hende.

Dios su creacion ta asina grandi cu hende no por compronde, te ainda tin parti di flora y fauna cu hende no conoce, pasobra mundu ta asina grandi , cu te ainda tin parti di mundo, caminda hende no a pone nan pia.

Asina tambe ta e amor di Dios pa hende, te ainda ta falta gran parti di humanidad pa reconoce e amor di Dios y kere den Su Yiu unigenito cual ta Cristo Hesus.

Si nos wak cuanto cos ta pasando den mundo, nos tur ta mira cu e locual

ta naturalesa cual Dios a crea no por wordo domina cu sabiduria di hende, pasobra e forsa di e naturalesa ta surpasa conocemento di hende.

Pesey mira con boso ta cana, no manera hende bobo, ma manera hende sabi, haciendo bon uso di boso tempo pasobra e dianan ta malo;Pesey anto no sea bobo,ma comprende kico ta e boluntad di Senjor. ( Efesionan 5:15-16-17).

Cada biaha cu nos como hende rechasa e boluntad di Dios pa nos bida, nos ta cana den bobedad y no den sabiduria. Pasobra e boluntad di Dios ta bon, puro, y agradabel pa nos bida y e ta trece pas den nos bida.

Tin biaha hende mes por samina nan bida, y wak si nan ta den boluntad di Dios, pasobra awendia si bo kier coregi un persona, bo tin hopi chens cu e ta bisa bo cu bo ta husga,

E enemigo ta purba tur manera pa mantene hende den scuridad:

Si un hende a sali for di droga y bolbe bay bek den droga no ta boluntad di Dios.

Si un hende no ta acepta e sexo den cual Dios a crea su persona , no ta boluntad di Dios.

Esaki ta un simpel ehempel di cosnan diario cu nos tur ta mira, y nos tin di tene cuenta cune, pa ora e furia di Dios lanta, nos sa y ta comprende ta pa kico.

Tin tesoro precioso y zeta den cas di e sabi,ma un hende bobo ta dispidi tur loke e tin.(Proverbionan 21:20).

Hende cu ta cana cu arma, no ta den boluntad di Dios.

Caminda tin dictadura y opresion no ta boluntad di Dios.

Si un hende ta bebe y stuur y causa accidente no ta boluntad di Dios.

Caminda hende ta biba den pica y no kier arepenti no ta boluntad di Dios.

Ma si cualkier di boso tin mester di sabiduria, lage pidi Dios, Kende ta duna na tur hende generosamente y sin reproche, esaki lo wordo duna na dje. ( Santiago 1:5).

Si un hende ta maltrata su famia, su casa y su yiunan esey no ta boluntad di Dios.

Caminda hende no ta respeta ni tampoco pordona nan no ta den boluntad di Dios.

Sabiduria di Dios tey pa nos tur.

Si un hende ta arogante y ta sinti su mes mas cu otro no ta boluntad di Dios.

Caminda tin idolatria , no tin boluntad di Dios.

Oracion Di Dia

Sinceramente, Marcel Balootje.

Pastor

Un feliz dia fructifero cu hopi bendicion y gracia di Dios. Hesus ta bisa pa tene cuidou cu e doctornan di ley y e Fariseonan! Mateo 23, 23-26 Dios ta spera di nos pa nos tin un curason di amor y compasion pa nos prohimo, autentico no di apariencia. Loke ta conta pa Dios ta un curason limpi. Den e Evangelio di awe Hesus ta adverti nos firmemente contra hipocresia. E ta pidi nos pa nos no ta manera e fariseonan, kendenan tabata preocupa hopi cu e normanan externo, y ta laga un banda loke si ta mas importante di Ley: husticia, misericordia y fe. Hesus ta exigi pa nos ”limpia prome e parti paden di e copa”, pasobra e berdadero conversion ta cuminsa den curason. E limpiesa interior aki ta locual ta duna nos paz y firmesa cu San Pablo ta pidi nos den e prome lectura p’asina nos no laga ningun temor di mundo tambalia nos fe. Ora nos curason ta sano, nos por canta cu alegria mescos cu e Salmo 96: "Ban canta pa Señor, E ta rey di universo!” Oracion: Señor nos Dios, haci nos interior limpi di hipocresia. No laga nos biba djis di aparencia, ma laga nos practica amor y compasion cu nos prohimo. Concede nos un spirito firme pa mantene nos uni na Bo enseñansanan y haci di nos bida un canto di alabansa na Bo grandesa. Amen.

P 16

DIALUNA 31 DI AUGUSTUS 2026

SUDOKU