Dialuna augustus 24 2026

P1

DIALUNA 24 AUGUSTUS 2026

24 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

PERMISO DI UN AÑA TA CADUCA Y TRAHADORNAN NO TA HAYA PATRON;

HOPI COMPANIA NO POR DUNA FIRMA Eduard Pieters: “SAN NICOLAS NO MESTER

MAS PROMESA;

E MESTER UN VISION CU TA SOBREVIVI GOBIERNO”.

P2

DIALUNA 24 augustus 2026

Despues di un problema dama a haya su man corta Diasabra madruga a drent informe di cu tin un dama cu man corta na Tanki Leendert, mesora a dirigi tanto polis como ambulans na e sitio.

Na yegada di e patruya a bin compronde cu un despues si un problema un dama a haya su man corta y tabata sangra hopi.

Na yegada di e ambulans nan a atende e dama na e sitio mes y no tabata necesario pa hib’e hospital.

Dama influencer local bon conoci biba na Hulanda a ser maltrata cu un boter na cabes pa otro 2 dama local Diasabra madruga a drenta informe di un caso di maltrato na Palm Beach, mesora a dirigi un patruya na e sitio.

Na yegada di e patruya a bin compronde cu aki ta trata di un dama influencer biba na Hulanda cu lo a ser agredi pa 2 dama local cu un boter na su cabes.

E dama kier a entre keho di maltrato door di e damanan.

Tuma accion pa Preveni, Proteha y Stop Dengue Con nos por stop Dengue?

P3

DIALUNA 24 augustus 2026

Permiso di un aña ta caduca y trahadornan no ta haya patron; hopi compania no por duna firma ORANJESTAD, Aruba — Mientras cu e trayecto pa regularisa e situacion di miles di persona indocumenta na Aruba ta andando, un problema serio a presenta den practica cu ta pone e proceso aki den duda.

E 5.000 personanan indocumentado cu a haya permiso pa un aña, ta enbusca pa legalisa nan permiso pa nan por keda na nos isla, un di e rekesitonan fundamental ta pa tin un patron (empleador) cu ta dispuesto pa firma pa nan y asumi e responsabilidad legal y financiero.

Sinembargo, un gran cantidad di compania no ta den posicion pa por haci esaki.

Debe na Belasting y Exigencianan Stricto E motibo principal pa e situacion aki ta cu hopi di e empresanan cu lo kier a tuma e trahadonan aki ta enfrenta debenan pendiente na Departamento di Impuesto.

Den e checklist y condicionnan pa por actua como patron oficial, e compania mester ta completamente "tax compliant" (al dia cu nan pagamentonan di impuesto y seguro social) y presenta tur e documentacionnan rekeri intacto.

Aparte

di

e

debenan

cu

Belastingdienst, e exigenianan di documentacion y papelnan legal ta resulta di ta un barera halto y complica pa hopi negoshi local cu actualmente ta pasando den situacionnan financiero dificil.

Como consecuencia, miles di indocumentado ta keda sin e firma crucial di un patron, creando un status nobo den e proceso di regularisacion.

Futuro Incierto pa e Plan Politico E situacion aki ta hiba na e pregunta inevitabel: Kico lo pasa awor cu e plan y "briyante idea" aki proponi pa Arthur Dowers, AVP y e partido Futuro?

E iniciativa aki, cu a wordo presenta como un solucion pa e problema di personal y e situacion di indocumentadonan na Aruba, awor ta topa cu e realidad di e sector comercial local. Ya cu hopi compania no por cumpli

cu e reglanan di Belasting y e exigenianan di documentacion, e pregunta ta keda si e partidonan politico envolvi lo bin cu un ahuste den e reglanan of si e proyecto aki lo keda pega den e burocracia actual.

P4

DIALUNA 24 augustus 2026

Chauffeur no a regula su velocidad ni a mantene distancia a bay dal tras di auto na Shaba Diahuebs mainta a drenta informe di un accidente na Shaba, mesora a dirigi un patruya na e sitio.

Na yegada di e patruya a bin compronde cu aki ta trata di un accidente unda cu un chauffeur no a regula su velocidad ni a mantene distancia y a bay dal tras di e auto su dilanti.

Afortunadamente ningun hende a resulta herida.

Corendon ta ofresé un krusero úniko ku salida for di Aruba Antigua & Barbuda i Boneiru. Kada un ku su propio kultura úniko, naturalesa kolorido i enkanto tropikal.

Corendon i Ambassador Cruise Line a respondé na e demanda grandi for di Aruba pa subi na Aruba riba e barku krusero Renaissance.

Renaissance ta yega Aruba riba 3 di desèmber 2026, kaminda pasaheronan por subi a bòrdu pa un krusero úniko di 14 dia den Karibe.

Durante e cruise huéspednan lo deskubrí algun di e islanan mas bunita di Karibe, inkluyendo Saint Lucia, Barbados, Guadeloupe, Martinique, Tortola, Sint Maarten,

E krusero ta terminá riba 16 di desèmber na Kòrsou, kaminda tur pasahero lo baha. Pasaheronan ku ke bolbe Aruba despues di e cruise mester organisá nan mes vuelo for di Kòrsou pa Aruba. E servisio aki por keda reglá pa medio di un agensia di biahe na Aruba of Corendon Travel Agency na Kòrsou.

Atilay Uslu, fundador di Corendon, ta konsiderá e krusero ku Renaissance komo un eksperensia úniko. “E comfort a bordo ta tremendo mientras ku e barku ta bunita i majestuoso. E ambiente personal a bòrdu i e rutanan ku a wordu selektá ta hasi esaki realmente un biahe diferente. Ta un biahe ku definitivamenta ta bale la pena.

Un otro karakterístika úniko ta ku durante e krusero tin guia di biahe

di Corendon ku ta papia Hulandes i Ingles na bòrdu. E guia ta disponibel pa yuda pasaheronan i kontestá tur pregunta durante e biahe.”

Renaissance tin kapasidat pa akomodá mas o ménos 1.200 huésped. E bapor a wordu konstrukí na 1993 komo e barku krusero Maasdam di Holland America Line i a pasa dor di un renovashon grandi na 2023. Renaissance ta nabegá bou di bandera di Ambassador Group, kaminda Ambassador Cruise Line i Compagnie Française de Croisières ta forma parti di e totalidat. Durante

e lunanan di invierno, e bapor ta ofresé kruseronan di 8, 10, 11, 12, 13 i 15 dia ku salida for di Kòrsou.

E krusero por wordu reservá pa medio di Corendon Travel Agency na Kòrsou via e-mail sales@corendon. cw òf WhatsApp +599 966 8612, i tambe via agensianan di biahe rekonose na Aruba.

Pa mas informashon tokante Corendon su cruise, bishita e website: https://ap.lc/YMiZw i tira un bista riba e link: https://youtu. be/3EVJZ057Ocg

P5

DIALUNA 24 augustus 2026

Wendrick Cicilia:

“Era di Relevo t’un responsabilidad cu nos ta cla pa carga”

Oranjestad – E anuncio di Congreso 2026 di Partido AVP ta marca un momento importante den historia di partido. Pa Wendrick Cicilia, lijsttrekker y actual Minister di Turismo, Transporte y Labor y un di e caranan di e generacion nobo dentro di AVP, e concepto Era di Relevo ta representa mas cu un cambio di liderazgo. E ta representa responsabilidad, continuidad y e deber di un generacion nobo pa sigui sirbi Aruba.

Durante conferencia di prensa, Lider di AVP Mike Eman a anuncia cu e proximo Congreso di partido lo ta e momento caminda oficialmente lo tuma luga e traspaso di liderazgo y responsabilidad na un generacion nobo.

E Congreso lo tuma luga diadomingo 4 di october

na Aruba Marriott Resort Grand Ballroom, cuminsando 9:00 am.

Pa Cicilia, e anuncio ta un momento cu ta nifica hopi, specialmente pa e generacion nobo cu durante añanan a haya oportunidad pa crece, prepara y asumi mas responsabilidad dentro di partido y comunidad.

“Relevo no ta simplemente ocupa e luga di otro persona. Ta acepta e responsabilidad pa sigui construi riba loke generacionnan anterior a logra, pero alabes tin e curashi pa adapta na e realidad y necesidadnan di Aruba di awe,” Cicilia a expresa.

Respetando e pasado, cu responsabilidad pa futuro Cicilia ta considera cu un partido cu tin un

historia manera AVP mester por honra su pasado sin perde di bista e futuro. Generacionnan anterior a construi un fundeshi basa riba servicio, responsabilidad, solidaridad y amor pa Aruba. E reto awo ta pa traduci e mesun balornan ey na e realidad di un generacion nobo.

“Nos tin hopi pa gradici na esnan cu a cana e caminda prome cu nos. Pero e miho manera pa honra nan trabou ta pa sigui dilanti. Cada generacion tin su propio retonan y cada generacion mester tin e curashi pa asumi su responsabilidad,” segun Wendrick Cicilia.

Pa e Minister, Aruba awe ta enfrenta un realidad cu ta exigi liderazgo cu ta cerca di hende, cu ta comprende e preocupacionnan di famianan y cu ta dispuesto pa busca solucionnan

concreto. Tema manera costo di bida, oportunidad pa hobennan, enseñansa, trabou, vivienda y un economia cu ta crea oportunidad pa tur hende ta parti di e combersacion cu e siguiente generacion di liderazgo mester sigui hiba.

Un generacion cu mester ta cla pa sirbi Pa Cicilia, e palabra relevo tambe ta trece un mensahe directo na e generacion nobo: oportunidad semper ta bin compaña pa responsabilidad.

“Nos generacion no por solamente pidi un oportunidad.

Ora e oportunidad yega, nos mester ta cla pa demonstra cu nos por carga e peso di responsabilidad cu ne.

Cu humildad, disciplina y principalmente cu e conviccion cu politica ta pa

sirbi hende.”

Congreso di AVP lo brinda espacio pa e famia di partido reuni, reflexiona riba su trayectoria y formalisa e siguiente etapa den su liderazgo. Pa Cicilia, e momento aki no ta solamente importante pa e futuro di AVP, sino tambe un oportunidad pa reafirma e compromiso cu Aruba y cu e siguiente generacion.

“Un relevo no ta final di un historia. Ta un otro capitulo. Y nos responsabilidad ta pa garantisa cu e capitulo nobo ta uno cu nos pueblo por sinti representa aden.” Congreso 2026 di Partido AVP lo tuma luga diadomingo 4 di october na Aruba Marriott Resort Grand Ballroom, cuminsando 9:00 am.

DIALUNA 24 augustus 2026

A atende charla di “Public Speaking & Media Cummunication”

R e c i e n t e m e n t e ehecutivonan di e departamentonan di mercadeo y benta na Tropical Bottling Company, Brouwerij Nacional Balashi, Balashi Beer Experience y Gloria, a atende un charla riba “Public Speaking & Media Cummunication.” MarkBenson Denz a duna e charla aki na Universidad di Aruba.

Ey a repasa e ultimo tendencianan den formulanan moderno di comunicacion, con pa atende cu media en general y e mensahe cu ta uza ora di comunica na otronan. E charla tabata masha interactivo, pues e participantenan por a haci pregunta y haya splicacion al instante.

ocante Tropical Bottling Company Tropical Bottling Company, un subsidiario di MetaCorp, e empresa mas bieu di Aruba, a nace na aña 1948 den Wilhelminastraat, banda di unda awe ta El Gaucho Restaurant.

E tempo ey e planta tabatin un capacidad pa yena 10 boter di refresco pa minuut.

E planta ta situa awo na

Balashi y ta conta riba un capacidad pa yena mas o menos 1250 boter, bleki of boter di plastic pa minuut.

Awendia, separa di Coca Cola, e planta ta produci un cantidad di producto, manera Fanta, Schweppes, Dasani y mas. Tambe a añadi marcanan di bebida, manera Dewars, Bacardi, Grey Goose y hopi mas tambe cu ta resorta bou di nan maneho.

P6

Orguyosamente por menciona cu tur producto di bleki di e liña Coca Cola y Fanta bendi den e islanan ABC ta produci den e planta di Tropical Bottling na Aruba. Den añanan 90 a lansa Awa, cu a bira asina exitoso, te cu The Coca Cola Company mes a opta pa tum’e over y hacie “Dasani by Awa” … un desaroyo cu Aruba por ta orguyoso di dje!

P7

DIALUNA 24 augustus 2026

Eduard Pieters:

“San Nicolas no mester mas promesa; e mester un vision cu ta sobrevivi Gobierno”. hopi mas peso den politica: desaroyo humano, identidad, infrastrucura social y construccion di un nacion.

Suzette Dumfries: un plan nacional, no un proyecto partidario

PPA ta pone nation building, identidad, continuidad y desaroyo humano central den futuro di San Nicolas Futuro di San Nicolas no por sigui depende di e promesanan politico, e proyectonan temporal of e plannan cu ta desaparece cada biaha cu Gobierno cambia. E districto mester un vision nacional, cu por sobrevivi eleccion y periodo di gobernacion.

Esey ta un di e mensahenan principal cu lider di fraccion di PPA, Eduard Pieters, a destaca despues di un encuentro cu Suzette Dumfries, kende a presenta su investigacion, resultado y vision tocante nation building y futuro di San Nicolas.

Tambe presente tabata Rigoberto St. Jago candidato di PPA, kende a pone enfasis riba e potencial cultural extraordinario cu San Nicolas tin.

Pieters a califica e presentacion como uno sumamente balioso y interesante, particularmente pasobra e ta ratifica e vision di PPA pa San Nicolas ta un Ciudad di Herencia Cultural. Vision cu PPA tin den su Plan Nos Aruba 2050.

Ademas e ta conecta desaroyo economico cu algo cu mester haya

Durante su presentacion, Suzette Dumfries a comparti resultado di su investigacion cu anteriormente a wordo presenta durante e foro Future San Nicolas. E investigacion ta forma e base pa un vision mas amplio, cu el a describi como un plan cu mester ta carga no door di un solo partido, sino door di Aruba.

Dumfries a indica cu e encuentro cu PPA ta solamente un prome paso.

Su intencion ta pa sigui presenta e vision na e otro fraccionnan, institutonan y entidadnan.

E punto central ta continuidad: Aruba ta creando un futuro cu hopi di e personanan cu ta tumando decision awe, posiblemente no lo forma parti di dje. P’esey, e decisionnan di awe mester ta basa riba informacion, investigacion y un perspectiva cu ta mira mas leu cu un ciclo politico.

Pieters a sostene e acercamento aki y a invita habiertamente otro partido, institucion gubernamental y no gubernamental pa scucha e propuesta y participa activamente.

Un plan pa San Nicolas no mester ta propiedad di PPA, AVP, MEP of ningun otro partido. E mester ta di Aruba.

Rigoberto St. Jago: San Nicolas tin algo cu mundo no tin Rigoberto St. Jago a agrega un dimension importante na e discusion: identidad multicultural di San Nicolas. El a destaca con

e generacionnan di diferente nacionalidad a trece nan musica, instrumento, tradicion y cultura San Nicolas, creando un mezcla cu awe ta parti di e identidad unico di e distrito. Pa St. Jago, precisamente ey tin un potencial enorme.

social y desaroyo humano banda di desaroyo economico cu mester cana den un forma integral cu otro.

San Nicolas mester un vision cu sobrevivi politica

Pieters: enseñansa tambe ta nation building

E punto cu ta conecta e mensahenan di Pieters, Dumfries y St. Jago ta precisamente continuidad. San Nicolas a conoce demasiado plan y promesa cu a perde impulso, ora prioridad politico cambia. E reto awor ta pa crea suficiente consenso entre comunidad, politica, comercio y e institucionnan pa e futuro di e districto no depende di ken ta gobernando.

Pa Pieters, sinembargo, nation building no por limita su mes na turismo, economia of infrastructura.

“Nos tin e privilegio awe di tuma e decisionnan cu lo crea e futuro,” Pieters a enfatisa.

Educacion tin un rol fundamental.

E institucionnan educativo mester yuda e muchanan y e hobennan conoce, honra y salvaguardia nan identidad, historia y cultura. Segun Pieters, un pais cu no prepara su siguiente generacion pa compronde ken nan ta, ta perde un parti esencial di su capacidad pa construi futuro.

P’esey e ta pone infrastructura

Pa PPA, e discusion p’esey ta mas grandi cu revitalisacion di un districto. Ta un discusion tocante ki clase di Aruba e generacion actual kier laga atras. San Nicolas no mester otro promesa cu ta dura te proximo Gobierno. E mester un vision nacional, cu ningun cambio politico por mand’e bek den lachi.

San Nicolas no mester trata di copia otro zona turistico. E por desaroya un producto propio, basa riba su historia, diversidad, cultura y autenticidad. E rikesa cultural ey por bira un motor pa un otro tipo di turismo y desaroyo economico.

P8

DIALUNA 24 augustus 2026

Analisis di Parlamentario Dennerich Kelly:

Ora nos profesionalnan no ta bolbe, salario ta e unico problema?

ORANJESTAD E siman aki scolnan na Aruba a habri nan portanan atrobe. Pa miles di mucha y hoben, esaki ta nifica cuminsamento di un aña escolar nobo: buki, maestro y retonan nobo y, pa algun, decisionnan importante tocante nan futuro.

Pa mayornan tin preguntanan cu ta bay mas leu: Mi yiu ta haya bon enseñansa y guia? Cua direccion di estudio ta pas cu ne?

Cua oportunidadnan lo tin p’e na Aruba? Y si e mester studia den exterior, con nos lo financia esaki?

Ta preguntanan cu ta bolbe tur aña. Pero como sociedad, kisas nos mester haci un pregunta mas frecuente: kico ta pasa despues cu nos hobennan gradua?

Nos ta inverti den nan futuro Aruba ta un isla chikito y nos no por ofrece tur estudio specialisa nos mes. P’esey, hopi hoben ta sali despues di scol secundario pa Hulanda, Merca of otro pais pa sigui studia. Nos por ta orguyoso di esaki. Mayornan, hobennan y Aruba ta inverti den nan educacion y desaroyo.

Sinembargo, algun aña despues nos ta confronta escasez di personal cualifica y e dificultad pa logra cu profesionalnan bolbe Aruba.

Recientemente, den combersacion cu ex coleganan, docentenan y otro expertonan, e tema aki a surgi specialmente den sector di cuido. Un punto importante tabata salario atractivo pa profesionalnan Arubiano cu ta traha den exterior.

E discusion ta valido, tanto pa esnan cu ta afo como pa esnan cu a scoge di keda Aruba. Un dokter, enfermero of otro profesional specialisa cu a construi mihor condicionnan laboral den exterior, naturalmente lo evalua e aspecto financiero ora e considera un regreso. Pero e storia no ta caba ey.

No ta djis comparacion di salario Ora un persona considera bolbe Aruba despues di dies of diescinco aña den exterior, e no ta compara simplemente dos recibo di pago. E ta compara dos bida.

Tempo cu ami mes tabata evaluando pa bin Aruba bek, mi a considera perspectiva di carera, vivienda, desaroyo profesional, condicionnan laboral y calidad di bida. Aruba tin algo special cu ta dificil expresa den placa: famia, cultura, beach y e paz di cas. E sentimento cu bo por aporta na bo propio isla tambe ta conta, pero mester bay hunto cu un perspectiva realistico pa futuro.

E ta cuminsa mas trempan P’esey nos mester amplia e discusion. No solamente pregunta dicon nos profesionalnan no ta bolbe, sino tambe con nos a organisa e trayecto for di escogencia di estudio te cu un posibel regreso.

Cu rason nos ta dedica hopi atencion na escogencia y financiamento di estudio. Pero nos tin un structura cla pa loke ta pasa cinco, dies of diescinco aña despues? E forma di fia y paga bek na Hulanda a cambia drasticamente. Na Aruba, nos ta prepara hoben y mayornan suficientemente pa comprende e impacto financiero riba nan futuro?

Nos hobennan sa cua profesionnan Aruba lo tin mester den algun aña? Durante nan estudio y prome añanan di trabou, nos ta mantene suficiente contacto cu nan? Nan conoce e oportunidadnan cu Aruba por ofrece si nan kier bolbe?

Gobierno y departamentonan ta bay Hulanda pa feria di empleo, algo cu ta di aplaudi. Pero nos mester evalua e resultado: con efectivo e esfuerzonan ta, kico mester adapta y con nos ta sigui cu nan den futuro?

Ta bon cu Aruba ta inverti

den salida di nos hobennan pa bay studia. Pero nos ta inverti cu mesun conciencia den e posibilidad pa nan bolbe?

No ta responsabilidad di gobierno so Gobierno tin un responsabilidad importante den enseñansa, financiamento di estudio, maneho di mercado laboral y creacion di condicionnan basico. Pero e asunto no por keda exclusivamente den man di gobierno.

Dunadornan di trabou den cuido, enseñansa y sector empresarial tambe mester pensa tocante kico nan por ofrece profesionalnan.

Tin biaha esaki lo exigi mihor salario. Pero por trata tambe di condicionnan laboral creativo, orario flexibel, posibilidad pa sigui studia of specialisa, un ruta cla pa desaroyo di carera y sosten durante e proceso di regreso.

No tur grupo profesional tin mester di e mesun solucion. Loke un specialista medico tin mester no necesariamente ta mescos cu loke un maestro, ingeniero, specialista di ICT of enfermero tin mester. Precisamente p’esey, Aruba mester crea un vision comparti cu no ta carga di gobierno of un sector so.

Di escogencia di estudio pa escogencia di futuro Ora miles di mucha drenta klas atrobe, nos ainda no sa ken lo bira dokter, maestro, ingeniero, enfermero, empresario, hurista of specialista di ICT. Pero un cos nos sa sigur: Aruba lo tin mester di nan.

P’esey, maneho di enseñansa no por trata solamente di cuanto hoben nos ta logra gradua. Y maneho di mercado laboral no por cuminsa solamente ora un sector ta enfrenta escasez. Mester tin conexion entre loke nos ta siña nos hobennan, cua conocemento Aruba lo tin mester den futuro y

cua perspectiva nos por ofrece nan despues.

Esaki no ta nifica cu tur studiante Arubiano ta obliga pa bolbe.

Hobennan ta liber pa scoge nan propio futuro, y experiencia internacional por tin un balor enorme. Nos responsabilidad ta percura pa Aruba tambe por ta un escogencia atractivo.

E pregunta nos dilanti Ora nos yiunan sali pa bay studia, nos ta spera cu nan lo bolbe cu conocemento, experiencia y ambicion. Pa logra esaki, nos tin mester di mas cu un salario atractivo. Nos mester un isla caminda enseñansa, oportunidadnan di carera, vivienda pagabel, desaroyo profesional y perspectiva pa futuro ta bin hunto den un vision duradero.

P’esey, e pregunta no ta solamente dicon nos profesionalnan ta keda afo. E pregunta mas importante ta: kico nos mester haci awe pa percura cu mañan Aruba ta un lugar caminda nan ta desea di bolbe?

Y despues tin un reto ainda mas grandi: si nos, como pais, ta logra transforma e vision ey den accion y ehecuta nos plannan di un forma duradero.

P9

DIASABRA 22 DI AUGUSTUS 2026

Minister Gerlien Croes:

Ministerio di Educacion ta lansa e proyecto piloto di ‘Educacion Personalisa’ na Juliana School MAVO ORANJESTAD, 21 di augustus 2026 – Ministerio di Relacionnan den Reino, Educacion, Hubentud, Innovacion y Deporte, conhuntamente cu Juliana School MAVO y e Talent Development Scheme (TDS) di Arubaanse Voetbal Bond (AVB) a desaroya e proyecto piloto innovativo titula "Proeftuin Gepersonaliseerd Onderwijs". Den un colaboracion strategico, e iniciativa aki a wordo diseña pa crea un balansa harmonioso entre enseñansa secundario formal y e desaroyo intensivo di talento deportivo di alto rendimento pa e futbolistanan hoben na Aruba.

E programa ta basa riba e concepto caminda scol y deporte di alto rendimento no ta competi cu otro, sino ta complementa otro.

E obhetivo principal ta pa ofrece e alumnonan aki e hermentnan pa nan por desaroya nan talento deportivo sin mester sacrifica nan exito academico.

Pa medio di guia personalisa, cada alumno-atleta ta haya un mentor stipula cu ta yuda cu planificacion y mantencion di e balansa entre scol, entrenamento, competencia y descanso. E programa por adapata por media di licenties na diferente nivel academico di e alumno. E ehecucion di e trayecto, e ritmo y e schedule di estudio ta wordo adapta na e calendario deportivo di e atleta. E programa piloto aki lo haci uzo di hermentnan digital y ‘learning analytics’ pa sigui e progreso academico di cerca y brinda apoyo necesario ora cu e alumnonan ta topa reto den nan

progreso academico. Por ultimo, Juliana School, e staf di TDS y e mentor lo tin reunion regularmente pa monitorea y evalua e bienestar integral di e alumno.

E "Proeftuin Gepersonaliseerd Onderwijs" aki tin un funcion dobel: e ta sirbi como un solucion sostenibel pa e atletanan di TDS, pero tambe como un laboratorio di innovacion pa e sistema di enseñansa na Aruba.

E experiencianan, evaluacionnan y conocemento cu wordo acumula durante e proyecto aki lo sirbi como base pa futuro desaroyo di maneho di educacion personalisa, flexibilisacion y digitalisacion den mas scol na nos isla, sirbiendo como un modelo pa futuro di enseñansa den e sistema Hulandes na Aruba pa transforma den un sistema di educacion mas digitalisa y personalisa pa e alumnonan.

Minister Gerlien Croes y Ministerio di Educacion completota gradici Juliana School MAVO y e Talent

Development Scheme (TDS) di Arubaanse Voetbal Bond (AVB) pa e colaboracion den haci e programa piloto aki posibel y un realidad. Esaki ta un paso mas

den e compromiso cu nos veld di educacion y e meta pa construi un entorno educativo mas fuerte, na bienestar di e generacionnan di awe y esnan cu ta bin den futuro.

P 10

DIASABRA 22 DI AUGUSTUS 2026

Grupo Adulto Activo Piedra Plat a mira “E Bruha, Bruhá” E siman cu a pasa e grupo di adulto “Adulto Activo Piedra Plat” a bay cu nan miembronan mira e dos peliculanan Arubano “E Bruha, Bruhá 1 y E Bruha, Bruhá 2”.

Den e cunucu di Ruben Croes na Sero Pita e grupo di mas cu 52 persona a disfruta di e pelicula traha y actua pa Desiree Croes.

E crew ta Mirto Tromp, Yvonne Tromp, Addonsito Croes, Yolanda Croes, Ruben Croes, Edwin Duineveld, Semi Chahmi, Shajir Croes, Lelicia Tromp, Egmond Molina y Saraquita Offringa.

Berea Productions ta gradici grupo Adulto Activo Piedra Plat p’e honor di bishita nos produccionnan local y apoya nos di e forma aki. September ta start filmacion di E Bruha, Bruhá 3.

P 11

DIASABRA 22 DI AUGUSTUS 2026

Centro di Bario Noord ta honra memoria di Sra. Dora Croes Tromp NOORD — Cu profundo tristesa, Directiva y staff di Centro di Bario Noord (CBN) ta anuncia nan sentimento di duele pa e fayecimento di Sra. Dora Croes Tromp, kende a fayece ayera na edad di 79 aña, lagando un legado di cariño, compromiso y servicio comunitario cu lo keda graba den memoria di hopi hende.

Sra. Dora tabata un persona sumamente activo y dedica na trabou comunitario y tambe suegra di nos Lider di Programa, Sra. Ligia Roza Croes. Nos ta expresa nos profundo condolencia na Sra. Ligia Roza, su famia y tur sernan keri di Sra. Dora, deseando nan hopi forsa, consuelo y serenidad durante dianan dificil aki.

e

Durante hopi aña, el a brinda su tempo, energia y experiencia na Centro di Bario Noord, semper dispuesto pa yuda unda cu tabata necesario.

Su presencia constante y su entusiasmo

comunidad cu a conoc’e y comparti cun’e.

Pa CBN, Sra. Dora no tabata simplemente un colaborador. E tabata un persona cu tabata forma parti di e esencia di e trabou comunitario. Cu su actitud positivo, semper presente cu su bunita sonrisa y su deseo sincero pa yuda otro, el a contribui na varios trabou y actividad di Centro di Bario Noord. Su dedicacion tabata un refleho di su profundo amor pa comunidad y su conviccion cu cada persona por haci un diferencia.

Su fayecimento ta un perdida doloroso pa su famia, amigonan y pa tur esnan cu a comparti momento cun’e.

Specialmente pa Directiva y staff di CBN, e despedida di Sra. Dora ta un momento di hopi emocion, pasobra durante tanto tempo el a forma parti di e grupo di persona cu a duna nan aporte na beneficio di e comunidad di Noord.

pa sirbi comunidad a haci di dje un persona hopi aprecia tanto pa Directiva como pa staff y pa e

E legado di un persona no ta solamente den loke el a haci, sino tambe den e manera cu el a

diferente miembronan di

toca bida di otro. Sra. Dora

a laga atras memoria di un hende cu tabata dispuesto pa pone su man na e obra, cu tabata interesa den bienestar di su comunidad y cu a contribui cu cariño na e trabou di Centro di Bario Noord.

Directiva y staff di CBN ta honra su memoria cu gratitud y respet. Nos ta gradici tur e aña di servicio, dedicacion y amistad cu Sra. Dora a comparti cu nos. Su presencia y sonrisa lo haci

falta, pero su aporte y e bon recuerdo cu el a laga atras lo sigui biba den curason di nos

Dora, danki pa tur loke bo a haci pa nos comunidad.

Bo legado lo keda graba pa semper”

comunidad.

—Directiva y staff di Centro di Bario Noord.

Centro di Bario Noord ta expresa su mas sincero condolencia na famia Croes Tromp. “Sra.

Leyenda di e foto: Sra. Dora Croes Tromp celebrando su cumplimento di 75 aña di edad.

P 12

DIASABRA 22 DI AUGUSTUS 2026

Prome Minister Eman:

“Proteha nos monumentonan ta conserva identidad y historia di Aruba”

Conservacion di nos casnan historico y nos monumentonan ta esencial pa proteha identidad di Aruba y garantisa cu e siguiente generacionnan por sigui conoce e historia di nan pais. Cu e mensahe aki, Prome Minister Mike Eman a destaca importancia di e charlanan cu Monumentenbureau Aruba ta organisando di bario pa bario pa acerca informacion tocante proteccion di monumentonan directamente na comunidad.

Durante un di e charlanan mas recien na MFA Savaneta, Minister Wyatt Ras tambe tabata presente, como tambe propietario y interesadonan a bin hunto y a haya informacion tocante e proceso pa un cas of edificio haya status oficial di monumento, kico e proteccion ta implica y ki pasonan mester sigui.

Prome Minister Eman a splica cu e iniciativa tin un meta importante: acerca

Monumentenbureau na comunidad y elimina diferente duda cu ainda ta existi tocante declaracion di un propiedad como monumento.

Segun Prome Minister, tin mas cu 350 cas y edificio na Aruba cu ta bin na remarca pa eventualmente haya proteccion como monumento.

P'esey, Gobierno kier intensifica e proceso den e lunanan venidero y acerca propietarionan directamente pa splica nan posibilidadnan.

Monumentonan ta conta ken nos ta Pa Prome Minister Eman, e importancia di conserva patrimonio ta bay mucho mas leu cu arkitectura.

Casnan tipico Arubiano ta conta con generacionnan anterior a biba y adapta na condicionnan di nos isla. E murayanan hancho, posicion di cas pa beneficia di biento y diferente forma di construccion pa mantene interior fresco ta

mustra e conocemento y creatividad cu tabata existi den otro epocanan. Eman a destaca cu precisamente e elementonan aki ta forma parti di Aruba su identidad.

Proteccion legal ta permiti conserva e caracter di e propiedad y procura cu e historia cu e representa no perde cu pasa di tempo.

Monumentonan

cu awe Aruba ta reconoce y aprecia ta resultado di e mesun tipo di esfuerso di conservacion. Prome Minister a menciona, entre otro, Willem III Toren y Fort Zoutman, mientras cu otro patrimonio importante ta pasa door di proceso di restauracion.

Cada proyecto ta contribui na conserva un parti di

historia cu Aruba no por reemplasa na momento cu e perde.

Aclara duda propietarionan

di

Raul Gei di Monumentenbureau Aruba a splica cu durante e charlanan nan ta duna CONTINUA PAG. 11

P 13

DIASABRA 22 DI AUGUSTUS 2026

CONTINUACION PAG. 10 informacion amplio tocante kico ta un monumento, ki caracteristicanan ta evalua y con e proceso legal pa proteccion ta funciona.

PROTEHA NOS MONUMENTONAN

Un parti importante di e trabou ta precisamente atende pregunta y preocupacion di propietarionan.

Segun Gei, proteccion di casnan historico ta importante pa evita cu Aruba gradualmente perde elementonan cu ta forma parti di su cultura y identidad.

P'esey, Monumentenbureau ta orienta propietarionan tambe riba con nan por inicia e proceso si nan propiedad tin e caracteristicanan necesario.

Bario pa bario E intencion ta pa e charlanan continua den diferente bario, haciendo e informacion mas accesibel y dunando propietario oportunidad pa plantea nan pregunta directamente.

Prome Minister Eman a elogia e trabou di Monumentenbureau y di Raul Gei pa conscientisa comunidad, pero particularmente pa brinda claridad na propietarionan cu tin inkietud tocante locual status di monumento significa pa nan propiedad.

Eman a invita esnan cu tin un cas of edificio cu posiblemente tin balor monumental pa acerca Monumentenbureau y informa nan mes riba e proceso. “Ta importante pa nos conserva nos casnan y proteha nan pa futuro,” Prome Minister a enfatisa.

Pa Gobierno, cada cas tipico, edificio historico

y monumento cu Aruba logra conserva ta un parti di su historia cu ta keda bibo. Proteha nan awe ta garantisa cu

generacionnan di mañan ainda por mira, conoce y compronde di unda Aruba a bin.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

P 14

DIASABRA 22 DI AUGUSTUS 2026

Parlamentario Jennifer Arends-Reyes:

“Aruba mester keda scohe cada biaha pa un mihor turismo” ORANJESTAD (23 di augustus 2026) — No tur trabou parlamentario por wordo midi den cantidad di reunion. Tin biaha cu un pregunta den Parlamento por pone un tema importante riba agenda. Otro biaha, un combersacion cu un trahado di hotel of un empresario local por duna un bista cu ningun rapport por transmiti completamente.

Pa Parlamentario Jennifer Arends-Reyes, Presidente di Comision di Turismo di Parlamento di Aruba, esey tabata e hilo central durante aña parlamentario 2025–2026: sali, tende, observa, cuestiona y sigui e trabou.

“Turismo ta e motor principal di nos economia, pero tras di cada cifra tin hende. Tin e trahado di hotel, e taxista, e artista local, e guia turistico y e famia cu ta depende directo of indirectamente di turismo. P’esey, ora nos papia di futuro di turismo, nos mester papia tambe di futuro di nos pueblo,” Arends-Reyes ta expresa.

Un momento cu a keda cu ne tabata e bishita na Radisson Blu Aruba.

E transformacion di e propiedad tabata impresionante, pero loke mas a hala su atencion tabata e team gerencial

completamente local.

“Mi a mira profesionalnan Arubiano liderando cu orguyo, capacidad y vision. Pa mi, esey ta e tipo di progreso cu turismo mester trece: no solamente mas camber of mas bishitante, sino mas oportunidad pa nos propio hende crece.”

Den su trabou formal, Comision di Turismo a ricibi Aruba Tourism Authority, ATA, pa presentacion di su Corporate Plan & Budget 2026. E plan a pone enfasis riba “high-value, low-impact tourism”: un turismo cu no ta mira solamente cantidad di bishitante, sino tambe impacto economico, social y ambiental.

Durante e presentacion, miembronan di Parlamento a pidi claridad riba distribuimento di presupuesto, resultado cu mester logra y manera cu ATA lo midi e beneficio concreto pa comunidad.

“Nos responsabilidad no ta solamente tende un presentacion. Parlamento a tuma su tempo pa cuestiona, controla y percura pa e inversionnan realmente beneficia pueblo di Aruba.”

Aña parlamentario tambe a conoce momentonan doloroso.

Despues di

varios incidente tragico na beach, Arends-Reyes a presenta preguntanan oficial y un mocion tocante introduccion di personal salbabida. E preguntanan a trata responsabilidad i n s t i t u c i o n a l , e n t r e n a m e n t o , certificacion, borchinan di advertencia y reaccion durante emergencia.

“Un destinacion di calidad mester ofrece no solamente un bunita experiencia, sino tambe proteccion y preparacion.

Siguridad di nos beachnan mester forma parti structural di nos politica turistico.”

Otro tema importante tabata e crecemento di short-term vacation rentals, manera Airbnb.

Arends-Reyes a sigui pidi atencion pa competencia husto, pago corecto di impuesto, normanan di siguridad y impacto riba vivienda.

“E sector por crea entrada pa hopi famia, pero libertad economico mester bay hunto cu responsabilidad.

Crecemento turistico no mester pone presion desproporciona riba nos barionan of haci vivienda menos accesibel pa nos propio hende.”

Durante tratamento parlamentario di e contract di ATA pa maneho di desperdicio, Arends-Reyes tambe a

enfatisa cu un Aruba limpi ta parti esencial di un bon producto turistico, pero principalmente di calidad di bida di su habitantenan.

mira con cooperacion por transforma desperdicio den un recurso nobo y contribui na produccion local.”

Como Presidente di Comision, el a mantene contacto directo cu sector door di bishita Gateway 2030 na aeropuerto, Radisson Blu Aruba y RIU Palace Aruba, cu recientemente a completa un renobacion di aproximadamente US$106 miyon. E bishitanan a crea espacio pa dialoga tocante inversion, experiencia di pasahero, talento local, sostenibilidad y competitividad.

Pa Arends-Reyes, e trabou no ta caba cu e cierre di aña parlamentario. Hopi tema ainda ta exigi seguimiento y resultado concreto.

Na Alto Vista Winery, participacion den e Compost Alliance a mustra con hotelnan por transforma resto di cuminda y desperdicio organico den compost.

“Sostenibilidad no mester keda solamente un palabra. Aki nos a

“Mi no kier solamente papia tocante turismo ora tin un inauguracion of un cifra positivo. Mi kier sigui presente tambe ora tin pregunta dificil of preocupacion den comunidad. Liderato, pa mi, ta presenta, tende y sigui e trabou te cu tin resultado.”Su vision ta keda cla: Aruba ta den demanda y por scoge pa nos tin cada biaha un miho turismo. Un turismo cu ta proteha nos naturaleza y cultura, inverti den siguridad, crea oportunidad pa talento local y pone bienestar di pueblo di Aruba den centro di cada decision.

P 15

DIASABRA 22 DI AUGUSTUS 2026

FORTALESA PA FAMIA Scirbi pa Pastor Marcel Balootje.

AMOR DI DIOS TA CORRE CU REDO Y FALSEDAD Esaki ta dos flecha cu e enemigo ta usa pa miles di anja pa destrui amistad, famia, matrimonio, trece gera entre paisnan, den un palabra bisa trece desunion y division, Redo: Ta algo cu ta wordo papia of haci tras di lomba di hende, algo cu no por wordo bisa den cara di un persona, cual mayoria biaha, ta un mentira of algo cu a wordo confia, pero cu awor ta wordo plama riba caya cu e fin di halsa aki banda y kibra aya banda.

Falsedad: Ta algo cu ta wordo bisa den cara di e persona, cu e fin di pone sinti su mes bon, cu ta pone e persona kere den un amistad cu no ta existi, pasobra locual e boca ta papia, no ta sali di curason.

Ta mescos cu manera bisa un persona bay haci algo, mi ta cu bo, y ora e kere esey e ta hanje para su so.

Tin hopi violencia, desunion, division y hasta morto ta cay pa motibo di redo y falsedad, Na prome lugar ningun di nan dos ta bini di Dios, pasobra tur dos ta un mentira, y nos tur sa cu diabel ta tata di mentira.

Cristo Hesus ta e caminda di e berdad y e bida, e diabel solamente a bini pa horta mata y destrui, e

no tin amor pa nada ni pa ningun hende.

Pa motibo di redo y falsedad tin problema den hopi famia, den negoshi, den hopi organisacion, y hasta den cas di Dios tin hende no kier bay pa motibo di redo y falsedad.

Redo y falsedad ta un arma, flecha of veneno cu e enemigo ta usa hasta den e yiunan di Dios, pa asina trece desacuerdo, pasobra caminda tin redo, falsedad y falta di confiansa no por tin union den oracion.

Bao di nos hubentud tambe e asunto aki, ta bayendo for di man, hopi pelea, cu ta tuma lugar, ta pa motibo di redo y falsedad, ta cuenta cu e di, cu nan di, su esaki ta frei esaki, esaki ta cu e saya, y na final ningun hende sa kico a pasa, pa cual motibo nan ta haci danjo na otro.

Redo y Falsedad ta dos spirito malo, cu mester reprende for di principio, pasobra tur dos ta pica, redo y falsedad ta kita pas di Dios, y Dios ta odia cosnan cu ta trece desunion entre ruman. ( Proverbionan 6:16-19).

Un hende perverso ta sembra pleito, y un hacido di redo ta separa amigonan intimo.( Proverbionan 16:28).

Esun cu ta cana haci redo,ta saca secreto,pesey, no asosia cu esun cu tin lenga los.( Proverbionan 20:19).

Un lenga mentiroso ta odia esnan cu e ta lastima,y un boca cu ta labia ta obra ruina.( Proverbionan 26:28).

Hende cu ta haci redo, ta halsa maldad, y hende falso ta sirbido di e maligno, laga nos no lubida con e diabel a drenta Hudas Iscariot y di eynan e a cuminsa busca forma pa bende Hesus.( Mateo 26:14 y Lucas 22:3-6).

Oracion Di Dia

Pesey den nos hogar, nos mester tin Cristo Hesus na prome lugar y E mester ocupa e prome lugar den nos curason.

No laga redo y falsedad bira un custumber, pero corta cu e cosnan ey asina cu nan cuminsa, y no particpa den nan pasobra tur dos ta obra di scuridad.

Educa nos yuinan bon pa ora cu nan bay scol no cay den e trampa ey, no papia riba ningun hende,mantene pas y bon amistad cu tur hende.Laga e pas di Dios, goberna bo bida, cas y famia,laga amor goberna tur momento.

Sinceramente, Marcel Balootje.

Pastor

Laga cu Dios ta e caminda cu e ta laga nos sigui riba dje ”Pa hende, esey ta imposibel, ma pa Dios tur cos ta posibel” Mateo 19,26 E reaccion entre e hendenan cu a scucha e combersacion entre e hoben rico y Hesus a pone hopi duda paso e palabranan tabata duro y cla. Hopi biaha Hesus a adverti contra obstaculonan manera rikesanan cu ta stroba nos drenta den e Reino di Dios. Hesus ta stima hendenan rico ya cu rikesa mes no ta malo, sino si el a wordo gana inhustamente of si ta uze abundantemente sin tene cuenta cu otronan den necesidad, of si cera e curason pa e balornan spiritual. Ta ken anto por haya salbacion?

Hesus a responde ”Pa hende, esey ta imposibel, ma pa Dios tur cos ta posibel” Señor conoce e hendenan bon, con nan ta interpreta y suavisa e Palabra di Dios. Laga nos pidi Hesus pa yuda nos y converti nos curason. E hoben rico a bay tristo paso e ta pega na su rikesa. Ta momentonan asina den nos bida nos tin cu pidi Hesus pa capacita nos pa por laga cosnan di mundo atras y sigui Señor. Su promesanan ta cu nos lo sinta cu E Yiu di Hende den e Reino.Oracion:Oh Señor, duna nos e capacidad pa laga nos ”rikesanan” di mundo atras y sigui Bo. Duna nos un futuro feliz, abundancia di bida y e plenitud divino. Conduci nos na e dia aki! Amen.

P 16

DIASABRA 22 DI AUGUSTUS 2026

SUDOKU

FORTALEZA PA FAMIA Scirbi pa Pastor Marcel Balootje.

MANTENE BO FE Y SIGI PERSERVERA Nos ta bibando den un tempo, cu ta masha hopi cos ta bay sali na cla, cosnan cu nos tin cu prepara nos curason pe, pasobra si un hende no perservera, y mantene su wowo riba Cristo Hesus lo e wordo decepciona.

Tene masha cuidao cu kere den hende, Cuidao cu idolatria, Cuidao cu trosemento di palabra, Masha cuidao cu dobbel animo, Tene cuenta cu hende cu ta papia so y no ta hacido.

Tene cuenta cu falso profeta, cual hopi hende ta kere cu ta awor nan ta bay sali, pero Cristo Hesus a menciona esey mas cu dos mil anja pasa.

Tin cosnan cu mester sosode pa habri wowo di hende, y pa hende bira fuerte den Senjor y rechasa mentira di diabel, pasobra e tempo ta yegando cu tur mascarada lo cay, tur locual ta dobla lo sali na lus.

Pero laga nos corda riba lo siguiente: Pablo a bisa den Filipensenan 3:12-14: No cumi a alcansa esaki caba,of cu mi a bira perfecto caba,ma mi ta haci tur mi esfuerso,pa mi por gara e loke pa cual

ami tambe a wordo gara door di Cristo Hesus, Rumannan mi no ta pretende cu mi mes a gare caba, ma un cos mi ta haci: Lubidando loke ta keda atras, y aspirando na loke ta dilanti,mi ta haci tur mi esfuerso pa alcansa e meta, pa hanja e premio di e yamada celestial di Dios den Cristo Hesus.

Ningun hende no por haci nada na nan pasado, pesey e palabra di Dios ta bisa den 2 Corintionan 5:17: Pesey si un hende ta den Cristo ta un criatura nobo e ta, e cosnan bieu a pasa caba, ata tur cos a bira nobo.

Un hende no por tin bida nobo y sigi cana cu panja bieu bisti, bo no por pone binja nobo den saco bieu. Una bes bo ta den Cristo, laga cosnan bieu bay, tur locual ta tradicion,cultura, idolatria, cosnan cu Dios ta rechasa, pone nan un banda y pone bo bista riba Cristo Hesus, nos unico Senjor y Salbador.

Si un hende ta bon na altura cu den su cultura cu e a lanta cune, por ehempel cosnan cu su antepasadonan tabata haci, cu no ta boluntad di Dios, awor cu su wowo a habri, y e conoce Cristo Hesus como Senjor y Salbador, ta tempo pa

pone cultura y custumber di fabula y fantasia un banda y recorda cu carni y sanger no ta drenta cielo.

Tur hende mester muri pa nan yega dilanti di Dios, y wordo husga.

Bendiciona ta un hende cu ta perservera den prueba , pasobra una bes cu e a pasa e prueba, e lo lo ricibi e corona di bida , cu Senjor a priminti na esnan cu ta stim’E.( Santiago 1:12).

Laga perserverancia tin su resultado, perfecto, pa boso por ta perfecto y completo sin falta di nada. ( Santiago 1:4).Den cada meta den bida di hende, e hende mester perservera, pe balora locual e ta bay ricibi, no worry cu esun cu no ta kere, esun cu ta balota, y esun cu ta haci cherche, wak pa abo ta firme den bo fe , y Dios lo bendiciona bo ricamente, pasobra bo a kere cu Dios ta capas pa haci tur locual cu E a bisa.

Laga nos perservera y sigi haci bon na tur hende, laga nos ta disponibel, tur ora pa bon obra, pa saca man yuda, pa predica e palabra di Dios completo manera e mester ta , sin cambia nada, pasobra Cristo Hesus ta nos fundeshi, e baranca riba cual nos bida ta hancra.

Sinceramente , Marcel Balootje,

Pastor