DIALUNA 9 AUGUSTUS 2021

Dialuna 9 Augustus 2021

Solo di Pueblo

Aña 16 - edicion 459

E-mail: solodipueblo@gmail.

Prijs: Afl. 1.75

Diferencia entre MEP y AVP

Augustus scur 1977 pa un causa sagrado y Augustus scur 2021 pa huramente un sospechoso criminal E saga ta sigui..

Patrick Paskel a enrikese su mes a costo di Gobierno y su nv-nan manera RDA, Lotto, Utilities

E cobransanan miyonario hiba den gobierno, rda y lotto no tin pordon Pareha turista herida, Aruba ta introduci Europe Digital Corona despues cu nan a bolter cu UTV na Natural Bridge Certificate

2

Dialuna 9 Augustus 2021

HURAMENTACION MIEMBRO DI PARLAMENTO SR. O.B. (BENNY) SEVINGER

Riba diabierna 6 di augustus 2021 e ultimo miembro di Parlamento recien nombra, señor O.B. (Benny) Sevinger, a huramenta den

Entrante 9 te cu 13 augustus 2021 Departamento di Conflicto y Retiro di DAO lo brinda servicio solamente di manera digital

-

Departamento di Labor y Investigacion (DAO) ta informa cu debi na desaroyonan relaciona cu COVID-19 den DAO, nos ta adapta servicio di Departamento di Conflicto y Retiro entrante dialuna 9 di augustus 2021 te cu diabierna 13 augustus 2021.

Durante e siman aki Departamento di Conflicto y Retiro lo brinda servicio solamente di manera digital via emailadres: dao.arbeidsgeschillen@gmail.com.

Otro servicionan di DAO ta sigui normal.

Pa mas informacion di nos servicionan por sigui nos riba www.daoaruba.com of riba nos pagina di Facebook: Directie Arbeid en Onderzoek.

Nos ta pidi disculpa pa cualkier inconveniencia cu esaki por trece cune pero ta medidanan necesario pa prevencion y proteccion di nos personal y tambe di nos clientenan.

presencia di Gobernador di Aruba, Su Excelencia Alfonso Boekhoudt, na Cas Ceremonial di Gobernador.

Señor Sevinger pa e ocasion aki tabata acompaña pa tres miembro di famia.

3

Dialuna 9 Augustus 2021

Como parti di AAA su meta di sostenibilidad:

AAA, Total Services y Ecotech ta colabora riba esfuersonan di maneho sostenibel di desperdicio pa AUA Airport Aruba Airport Authority N.V. (AAA), e compania cu ta maneha y opera Aeropuerto Internacional Reina Beatrix (AUA Airport), recientemente a uni forsa cu su manehadornan di desperdicio Total Services y Ecotech pa cuminsa varios proyecto cu lo contribui na un maneho sostenibel di desperdicio na aeropuerto (“sustainable management of airport waste”).

“Como resultado di e cantidad creciente di pasahero, AUA Airport tin un cantidad mas halto di desperdicio, pero te cu awor nos no por a atende e situacion aki di forma sostenibel, mirando e complexidad

di nos operacionnan,” asina AAA su Director Health, Safety and Sustainability, Sra. Angeline Flemming a duna di conose.

“E aña aki, AAA a scohe e Sustainable Development Goals (SDG’s) di Nacionnan Uni como un di e pilarnan strategico principal, y ta ora pa nos haci loke cu nos ta bisa y cuminsa tuma accion. Pero pa por haci un cambio significante, nos tin cu asocia cu nos proveedornan di maneho di desperdicio,” segun Flemming.

Na September, AAA, Ecotech y Total Services, cu a ayudo di tur e concesionarionan di aeropuerto lo cuminsa

cu un proyecto piloto pa e separacion di carton.

Carton por wordo kibra y recicla, pues conservando energia y recursonan natural mientras cu ta proteha nos medio ambiente.

Carton por wordo separa relativamente lihe y door di saca e cartonannan for di e machinnan “waste compactors” lo yuda reduci e cantidad di desperdicio cu no por wordo recicla

tambe. Esaki ta e prome paso esencial pa por sigui separa y reduci desperdicio na AUA Airport, y AAA ta spera cu otro compania- y entidadnan tambe lo sigui e ehempel.

PROLONGACION ENCARGO DI FORMACION GOBIERNO DI ARUBA

Gobernador di Aruba, Su Excelencia Alfonso Boekhoudt riba 9 di juli a apunta señora Evelyn Wever-Croes como formador.

Durante di e simannan siguiente, e formador a informa Gobernador regularmente tocante e progreso y implementacion di e encargo di formacion.

Awe formador a informa Gobernador cu e concepto di e acuerdo di gobernacion ta completa y cu e reparticion di e carteranan ta casi finalisa.

Tambe e formador a papia cu un gran cantidad di

organisacion durante di e ultimo simannan. E control di capacidad di e candidatonan pa e funcion di minister y di minister plenipotenciario no ta completa ainda. Mirando cu ta efectua e evaluacion aki como garantia di integridad di administracion publico, ta di importancia pa esaki sosode minuciosamente.

Un screening minucioso ta tuma tempo. Ta dificil pa calcula su duracion adelanta.

Awe Gobernador di Aruba a pidi formador pa riba 27 di augustus mas

tarda, presenta na su persona e acuerdo di gobernacion definitivo, e reparticion di cartera y

tambe tur documento y conclusion relaciona cu e screening. Seguidamente Gobernador lo evalua

e documentonan y papia cu formador tocante resultado di e analisisnan.

4

Dialuna 9 Augustus 2021

Suzuki Alto a dal contra palo di luz den Vondellaan

no tawata tin ningun documento a pidi pa takelwagen cu a yega y a bay cu e Suzuki warda di polis.

Vondellaan - Diadomingo mey anochi polis a bay tegenover di Colegio Arubano, unda un auto a dal contra un palo di luz y lo tin hende herida.

Na yegada polis a topa cu un Suzuki Alto y eybanda un of mas testigo lo a conta polis kiko a sosode.

"Nan" a kita plachi number y a bay cu tur e documentonan.

Tambe e persona herida cu aparentemente ta un dama a wordo hiba Hospitaal door di un otro auto.

Algun rato despues polis a haya e auto cu nan a wordo indica na Hospitaal, unda cu si ta bon lo a busca mas informacion di kiko a sosode. Door cu e auto

5

Dialuna 9 Augustus 2021

Parlamentario Endy Croes: Diferencia entre MEP y AVP

Augustus scur 1977 pa un causa sagrado y Augustus scur 2021 pa huramente un sospechoso criminal Parlamentario Endy Croes ta amplia riba e diferencia den caracter y ideologia di partidonan MEP y AVP. Partido MEP a wordo funda na Februari 1971 pa nos Libertador Betico Croes.

Betico a hiba un lucha tenaz y a logra saca Aruba for di Antillas e tempo aya logrando nos Status Aparte 12 di maart 1983 durante conferencia di mesa rondo na Hulanda cual a drenta na vigor 1 di Januari 1986 manteniendo relacionnan estrecho cu Hulanda.

Lamentablemente Betico a accidenta 31 di December 1985 rond 9or di anochi pues 3 ora promer cu cambio di aña y nunca Betico mes por a mira of goza di su propio lucha esta e Status Aparte. Betico a cumpli su mision na e mundo aki y a laga un pueblo cu a stime asina tanto ta yore te cu awe 35 aña despues. E lucha pa logra Status Aparte sinembargo no tabata uno facil pero un lucha unda a derama SangerSodo y Lagrimas.

Augustus Scur 1977 di MEP ta parti di e causa sagrado:

Dia 17 di Juni 1977 partido MEP a gana elecion di Staten na un manera aplastante logrando 5 di e total di 8 asientonan. Formador Boy Rozendal e tempo aya a maniobra pa laga MEP pafor di gobierno di Antias. Esaki a causa un ola di protesta unda Betico a logra haña sindicatonan- comercio

y Clero tur na su banda.

Dia 10 di augustus esaki a culmina momento cu pa motibo di (1) pamfleta Ministerio Publico a laga encarcela 2 sindicalista Chinto Geerman y Juan Yarzagaray (def). WEB tambe a para hunto den e lucha aki unda 11 di Augustus Aruba a bay plat y Aruba tabata scur scur. Manifestantenan den scur a basha piedra riba warda di polis na un manera feroz exigiendo libertad di dos sindicalistanan.

Polis a basha bala bek riba pueblo y herdida algun di nos hendenan. A manda buska refuerso di riot comando di Corsow pa purba trese trankilidad.

Tur e historia aki a forma parti di e lucha tenaz cu Betico a hiba den e fase pa por a realisa nos Status Aparte. Pues Augustus Scur 1977 ta forma parti noble di un proceso grandi pa por a logra e causa sagrado esta nos Status Aparte.

MEP ta graba den e historia corecto.

Augustus Scur 2021 AVP ta huramenta un sospechoso criminal:

Cu hopi tristesa por tuma nota di un Augustus Scur di AVP pero e biaha aki den aña 2021. No solamente AVP ta conosi pa un partido cu ta apoya corupucion pero ki ora cu AVP goberna nan ta horta e pais aki di tal forma cu Ministerio Publico nan man ta keda yen yen momento AVP bay cas. Por corda Fondo di Desaroyo

Sanicolas unda tempo di Henny Eman nan a somenta 50 miyon florin y varios avepista a cay sera. Por corda recien e caso di Paul Croes cu tin condena riba su nomber pa un cantidad di fraude y corupcion. Por corda Mike Eman con e mes a ricibi diferente transferencianan di 50 mil us dollar di hendenan corupto condena na merca. Actualmente e caso di mas grandi den historia di Aruba esta e caso di corupcion cu tereno nomina como Avestruz di x minister

di AVP Benny Sevinger kende a keda 60 dia encarcela y awor a wordo laga (un rato) den libertad te momento su caso wordo trata dilanti mesa berde. Benny lo wordo condena pronto pa su actonan. Tempo ta mustra esaki. Caya ta papia! Mike Eman tras di tur esaki a laga Benny bay riba lista siendo sera den KIA. Mike Eman a dal Robert Candelaria un x hefe di Polis kende tabata bringando pa drecha cara di AVP un schop formal. Technical knockout! Mike Eman a

escohe pa Benny Sevinger un corupto dilanti Robert Candelaria.

Pa culmina tur esaki Benny Sevinger a sali di prison y a huramente 6 di Augustus 2021.( Augustus Scur di AVP).

Pues Parlamento awor ta wordo representa pa un sospechoso criminal.

Mike Eman y AVP ta bay den historia creando un berguensa nacional den nos estado di derecho.

Esaki ta e diferencia entre Augustus Scur 1977 di MEP y e Augustus Scur 2021 di AVP.

6

Dialuna 9 Augustus 2021

Pareha turista herida, despues cu nan a bolter cu UTV na Natural Bridge

Natural Bridge Diabierna atardi den careda di 5'or polis y ambulance y despues brandweer a bay Natural Bridge, e banda zuid parti abou.

Informacion a drenta cu un UTV a bolter a na Natural Bridge, algo cu ya a bira comun ariba e isla aki.

Por bisa cu casi tur siman esaki ta pasando.

Na yegada di polis for di ariba por a mira e UTV gebolter y un pareha turista hunto cu ne.

Segun nos a compronde na e sitio, e UTV lo a bin abou for di ariba.

Asina mes danki Dios nan a resulta herida pero no tawata mustra di gravedad.

A pidi presencia di Brandweer pa yuda hiba e pareha herida ariba unda e ambulance tawata.

7

Dialuna 9 Augustus 2021

Gobierno di Aruba:

KICO ABO POR HACI PA REDUCI BO CONSUMO DI PRODUCTONAN DAÑINO PA NOS NATURALESA? Ya a pasa 1 aña desde cu e ley di prohibicion di plastic di un solo uzo ta den efecto na Aruba.

Esaki tabata posibel despues cu na november 2019 Parlamento di Aruba a bay di acuerdo pa prohibi importacion di productonan cu ta causa bastante daño na nos naturalesa y medio ambiente entre otro: plastic di un solo uzo y tambe e ingrediente oxybenzone cu ta den algun crema contra solo (sunblock/suncreen).

Pakico e ley aki ta importante?

Plastic ta tur caminda den nos medio ambiente, esey ta e motibo primordial pakico na nivel mundial ta boga pa paisnan uza menos plastic y hasta prohibi uzo di plastic di un solo uzo. E motibo principal pa esaki ta cu plastic a wordo traha pa ta extremadamente duradero y pues e no ta disaparece/degrada completamente. E ta kibra den pidanan chikito y asina keda presente den medio ambiente, awa y asina ta yega den nos cuminda. Pues no solamente e ta causa daño na nos naturalesa y ecosistema, piscanan ta come e plastic y nos como ser humano tambe ta come esaki na momento cu nos ta alimenta nos mes.

Door di implementa e ley di prohibicion pa importa plastic di un solo uzo, e cantidad di articulonan cu ta wordo uza y benta afo cu tin consecuencia negativo pa naturalesa y medio ambiente ta reduci.

Awor por mira mas persona/comerciante ta haci uzo di producto biodegradabel pa reemplasa locual anteriormente tabata plastic di un solo uzo.

Kico mas haci?

por

A pesar cu esaki ta un gran paso, como ciudadano nos mester continuamente wak kico mas por haci pa sigui proteha y conserva naturalesa y medio ambiente. Esaki ta encera entre otro nenga di uza articulonan cu lo benta afo hopi lihe.

Por ehempel, bisa no na un straw di papel si bo tin uno di metal, cana cu bo beker di coffee y tuma bo coffee den esey enbes di esunnan di carton.

Haci mescos cu forki, cuchara y/of cuchiu, pues no tuma nan si bo ta bay come na cas y no ta necesario. Un otro tip ta pa no cumpra boter di awa, enbes inverti den un

bon boter di awa y yena esaki cu awa di kramchi y haci mescos cu pan y/ of cuminda. Si inverti den bon baki di cuminda, no ta necesario pa uza plastic, saco di papel of

foil. Limita di cumpra refresco/bebida den boter di plastic of bleki, apart cu e ta positivo pa medio ambiente, e ta bon pa bo salud tambe.

8

Dialuna 9 Augustus 2021

Parlamentario Endy Croes: Redtapes MESTER wordo elimina

Un comision entre Banco Central, Banconan, Notaris y expertonan di gobierno pa corigi varios aspecto Parlamentario Endy Croes durante henter campaña a papia masha hopi di redtapes y burocracia cu ta stroba masha hopi desaroyo.

Entreotro a amplia hopi riba redtapes cu ta stagna nos economia pero tambe a papia entre otro di redtapes na DIP, DOW DLV pa nombra algun. Den Plan di MEP cu a wordo presenta na pueblo durante elecion 2021 a dedica hopi na e puntonan aki.

Mester bin un comision cu un t a r e a specifico: Recuperacion di pais Aruba ta depende masha hopi mes di nos recuperacion economico.

Nos no por keda depende 100% solamente di turismo. Esaki Pandemia a reconfirma na henter Aruba. Den e fase di recuperacion nos mester

dedica den e promer dianan di e proximo gobierno un atencion “total” na nos systema . Parlamentario Endy Croes no ta cuestiona ningun ley y tampoko kier kibra ningun ley pero gobierno mester pone e “cuadro” di su vision y percura pa e leynan si mester modernisanan lo mester hasi esaki hopi liher pa agilisa y facilita actornan importante di nos economia. Na 2021 ta imposibel cu ta dura 2 luna pa habri un cuenta di banco mescos ta imposibel cu traspase di tereno etc ta dura asina hopi.

Lo boga pa instala un comision di imediato cu representantenan di varios stakeholders den combinacion cu expertonan apunta pa gobierno cu un tarea specifico pa sondea y recomenda gobierno e cambionan cu mester wordo hasi pa logra esaki. Aruba mester bira un facilitador cu un clima cu ta atrae entrepeuneurnan local y inversionistanan internacional pa asina crea mas pilarnan

economico cual ta crea alaves mas cupo di trabou y e spin off cu tanto nos mester di dije.

Nos mester crea un modelo di “Redcarpet” cu ta atractivo y no un systema cu ta spanta cliente. Awor den opinion di Parlamentario Endy Croes esaki no ta asina.

Ta bay hasi apelacion di tur actornan pa cumpli cu vision y deseo di gobierno y esaki mester tuma lugar “asap” manera gobierno

sinta. Dentro di esaki un comision lo mester bay traha y bin cu recomendacionnan den cuadro di “colaboracion” cu otro na un mihor manera posibel entre otro Banco Central, Banconan , Kantoornan di Notaris pa nombra algun.

Idea final ta pa agilisa tur proceso pa e cliente ta REY atrobe den cas.

Nos lo logra esaki y si na caminda mester bini cu cambionan structural

y modelonan diferente nos lo pusha den e mihor direcion pa pais Aruba. Nos no mester ta eerste van de klas pa hanja un 10 pero nos mester cumpli cu leynan local y internacional den un cuadro husto pa cu recuperacion economico di pais Aruba.

Parlamentario Endy Croes su maximo deseo ta pa logra traha den colaboracion cu tur stakeholders envolvi pa logra e vision di gobierno pa elimina redtapes .

Ban sigui proteha Siguiendo e flexibilisacion di medidanan pa cu Covid-19, Directie Voogdijraad ta informa pueblo di Aruba lo siguiente: •

lo mantene protocol di hygiena na entrada y den e spreekkamernan;

9

Dialuna 9 Augustus 2021

E saga ta sigui..

Patrick Paskel a enrikese su mes a costo di Gobierno y su nv-nan manera RDA, Lotto, Utilities

E cobransanan miyonario hiba den gobierno, rda y lotto no tin pordon Investigacionnan haci den Rda y redibonan nobo cu keto bay ta saliendo a indica caba cu un estafa grandi a sosode bao gobierno di Mike Eman, unda Patrick Paskel sin gevoel a saca masha hopi placa di pueblo y hinca den su saco cu bendicion di Mike.

Patrick Paskel y Nelson Andrade ta keda insisti cu nan kier bolbe Gobierno hunto cu AVP, pa nan bolbe cobra y biba lekker. Que abuso! Den AVP no tin ningun otro hende honesto pa gana un pan cu nan sodor di frenta? Tur placa a bay den un solo saco!

Patrick Paskel por cuminsa hinca den su cabez cu na gobierno, lotto of rda e lo no bolbe nunca mas y te hasta lo mester wordo poni riba blacklist.

E investigacionnan nobo cu lo cuminza ta bira cada rato mas hopi, no tin fin di keda cla pasobra cada biaha cu Patrick cu Nelson habri nan boca, ta duna mas caminda pa investiga.

Ta un desaster ta loke a bin topa cune!

Den e investigacion di RDA a topa cu asina tanto cosnan incorecto, sin contract, of sin contract firma, y recibonan infla, recibonan halto halto halto, sin ningun backup.

Un bon maneho financiero hamas por a conduci na e desaster cu a tuma lugar.

Imaginabo cu miyones a bay den saco di hende. Manipulacion cu recibo awe ta prueba di e ladronicia cu a tuma lugar den rda, lotto, y na tur ministerio di Gabinete Mike Eman.

E payasonan cu tabata acorda pago tambe mester bay duna cuenta riba tur loke nan a aproba pa paga.

Imaginabo cu hasta den deporte, den AVB, Arubaanse Voetbol Bond, e bandidonan aki tabata cobra 6300 florin pa luna, sin haci casi nada. Ta un contract duduso, y kisas falso, pasobra nunca por tin backup di e trabao ey. E trabao ey no ta yega 6300 pa luna! Ta spera cu AVB a bula nan afo, pasobra e practica di cobra hopi pa biba lekker, no por sigui. E ta un cancer cu mester wordo frena!

Ultimo investigacion den RDA, a bin cosnan dilanti cu a duna mas prueba di e porkeria cu tabata tumando lugar.

Cobra 100 mil pa apertura di Algen, cu nunca a produci ni 1 kw di coriente, ta indica con e ripp off tabata bay. 10 mil florin pa huur banjo portatil ta

otro indicacion di estafa.

Ministerio Publico ta studiando e rapport unda Richard Arends, Mike de Meza y Patrick Paskel y Candy Rasmijn lo te proximo sospechososonan di ladronicia den RDA. Patrick por cuminsa hinca den su cabez cu e lo no bolbe hamas y nunca den Gobierno y cu ningun chupadera ni via via of via otro, lo e no por cobra ni 1 florin mas.

E bay cumpra boto pa pisca, of

sigui grita “yo no fui” den su programa pa purba manipula e pueblo cu awendia tin un mentalidad diferente y no ta laga ningun hende tuma nan haci. Of e sigui pidi “papa pluma” pa sigui sponser e!

Patrick lo causa mas daño na Papa Pluma su negoshinan.

Afpakteam - Belasting; Un cos cu Patrick ta campeon den dje ta di sconde pa belasting. E miyonesnan cu ela cobra y placa cu ela gana y enrikese su mes, el’a paga belasting? Claro cu no!

10

Dialuna 9 Augustus 2021

Parlamentario Endy Croes: X Directeurnan di WEB a faya barbaramente

Entreotro a duna empleadonan 6% bek cual ta pone gobierno den problema grandi cu Hulanda Parlamentario Endy Croes ta splika encuanto algun desicion di X Directeurnan di WEB cual ta pone Aruba den un posicion peligroso pa cu Hulanda. Parlamentario Endy Croes kier ta hopi kla cu den su curason e lo ta hopi contento si tur empleadonan tanto esnan publico y empleadonan di companianan estatal por haña nan 12.6% bek pero lamentablemente nos no ta eynan ainda. E dia lo yega sigur!

Kiko ta un di e descicionnan cu X directornan di WEB a tuma ?

Nos por a sigui e desaroyo di WEB di serca y por a cosntata cu X Directornan enrealidad a faya barbaramente den diferente desicionnan crucial. Uno di nan entreotro ta e desicion cu nan a tuma pa duna empleadonan 2 dia extra di vakantie. Esaki ta traduci su mes den alrededor 6%. Pues di e palabracion cu Hulanda pa Aruba yega na remarke pa keda ricibi entreotro Loonsubsidie Aruba mester cumpli pa corta salarionan di ambtenaar y empleadonan di companianan estatal cu 12.6% tot “nadere orde”.

Cu e desicion aki WEB ta desviando di palabracion di gobierno di Aruba cu gobierno di Hulanda.

Nos no por permiti na e momentonan aki pa drenta den polemica ennesesario cu Hulanda door di keda sin cumpli cu palabracionan. No pa motibo cu nos No kier para duro contra Hulanda pero hecho ta cu tin palabracion entre (2) gobierno. Mester remarka cu e plaka di

Hulanda ta cubri desde 2020 aldededor di 21 mil empleado cu tabata riba Loonsubsidie.

Berdad cos ta drechando y esaki a baha bastante recientemente pero nos no ta ainda unda nos mester ta. Pior awor cu Covid ta aumentando atrobe y tin nos precupacion.

Gobierno a establese un cuadro ( marco) pa WEB:

Manera Promer Minister a accentua cu como Minister e No ta mete den WEB pero si a establese un cuadro esta un ( marco) dentro di cual gobierno kier mira WEB traha y cumpli asina cu e vision di gobierno.

WEB tin tur libertad pa asina traha y sondea tur maneranan pa logra e vision aki. Uno (1) tabata pa percura pa reduci prijs di awa y coriente pa pueblo y dos (2) tabata pa buska alternativa pa traha cu energia mas limpi y no keda depende solamente riba HFO. Tur esaki teniendo na cuenta tratadonan internacional manera tratado di Paris 2050 pa baha emision di CO2 den aire pa contruibi como pais pa combati global warming y climate change.

Reducion di prijs di awa y coriente a drenta na vigor desde Januari 2020 pero lamentablemente e parti pa traha cu energia mas limpi WEB no a logra. Desde 2010 WEB ta studiando materia manera LNG gas unda WEB a gasta miyones na companianan internacional pa tur sorto di conseho sin un desicion final y un rumbo fiho.

Blackout di 3 di Juli 2021 a pone

direc teurnan den mas mal spot:

Di 3 di Juli 2021 Aruba a conose un black out total net na momento cu turismo a cuminsa florese.

Comercio y economia a sufri un perdida enorme.

Gobierno unico shareholder di e compania estatal WEB a hasi 3 pregunta na Directornan di WEB. (1) Kiko a pasa? (2) Kiko nos a hasi pa evita cu el a pasa? (3) Kiko nos ta hasiendo pa evita cu e lo bolbe pasa? Den e promer pregunta kiko a pasa te cu awe gobierno no a haña un contesta oficial. Pa cu e di dos pregunta a ricibi un

contesta cu WEB no a hasi nada pa evita cu el a pasa. Contesta pa e di (3) pregunta kiko WEB ta hasiendo pa evita cu esaki ripiti por a compronde cu WEB no a hasi nada tampoko.

Directuernan no por ta gana tanto plaka anto no ta carga responsabilidad.

Hedging ta caba na December 2021 :

WEB a hedge na 2020 na un prijs hopi abou esta na $38 dollar pa bari.

Contrario na Mike De Meza cu a causa desaster den WEB causando 300 miyon di perdida e tempo aya. E hedging aki di $38 us dollar pa bari ta termina december 2021

consecuentemente a resulta cu Directeurnan no a hasi nada alcambio te ainda y awe ya caba prijs di petroleo ta na $74 us dollar pa bari. Aki tambe ta constata mas fayo den desicionnan crucial di Directeurnan.

Tur esakinan a convoca cu a manda yama e Directeurnan aden pa un reunion pero Directuernan mes a prefera di usa clausulanan den nan contracto pa entrega nan retiro promer cu e fecha di dicho reunion.

WEB ta para dilanti retonan grandi pa tuma desicionnan grandi y corecto na beneficio di WEB pero tambe pa henter comunidad.

Dialuna 9 Augustus 2021

Suzuki Alto a dal contra palo di luz den Vondellaan Vondellaan -

Diadomingo mey anochi polis a bay tegenover di Colegio Arubano, unda un auto a dal contra un palo di luz y lo tin hende herida.

Na yegada polis a topa cu un Suzuki Alto y eybanda un of mas testigo lo a conta polis kiko a sosode.

"Nan" a kita plachi number y a bay cu tur e documentonan. Tambe e persona herida cu aparentemente ta un dama a wordo hiba Hospitaal door di un otro auto.

Algun rato despues polis a haya e auto cu nan a wordo indica na Hospitaal, unda cu si ta bon lo a busca mas informacion di kiko a sosode.

Door cu e auto no tawata tin ningun documento a pidi pa takelwagen cu a yega y a bay cu e Suzuki warda di polis.

11

12

Dialuna 9 Augustus 2021

TIENDA DI EDUCACION:

ALGUN TIPS PA PREPARA PA BACK TO SCHOOL Tienda di Educacion ta na caminda pa su 10 aña di existencia brindando servicionan gratis na henter comunidad di Aruba.

Tin varios servicio cu ta wordo duna pa e expertonan di Tienda di Educacion ora ta trata sosten y guia na mayor of educador. E servicionan ta consisti di duna charla, tayer of informacion na diferente scol y tambe gruponan meta. Un otro servicio importante cu Tienda di Educacion ta brinda ta sosten y guia telefonico via 161 di dialuna pa diabierna di 8 am – 7 pm. Mayor of educador por tuma contacto cu Tienda di Educacion pa cualkier pregunta ora ta trata lantamento di un mucha. Tambe si ta desea un conseho con pa comunica of disciplina un yiu.

Por yama of bishita Tienda di Educacion tambe pa un consulta gratis na nan oficina situa den edificio di Centro pa Hoben y Famia, adres Wayaca 68-C. Algun dia mas y nos muchanan y hobennan lo regresa scol bek despues di un vacacion bon mereci. Sigur un aña escolar tras di lomba cu hopi reto pa nos muchanan y maestronan.

Un pabien ainda na mayornan di esnan cu a logra pasa e aña cu exito y na esnan cu no a logra, no laga e obstaculo aki kibra nan soñonan pa futuro. Prome cu aña escolar nobo cuminsa Tienda di Educacion ta comparti algun tips cu mayornan y pueblo di Aruba.

Con pa yuda bo yiu prepara pa bay scol bek of bay un scol nobo?

Vacacion escolar ta yegando na su final y scol ta bay cuminsa bek.

Nos ta duna algun tips pa yuda abo como mayor sostene bo yiu ora di bay scol. Sea ta cu e ta bay crèche prome biaha, un otro klas y lo siña conoce otro muchanan, cambio di scol manera di crèche pa kleuter, kleuter pa scol basico of scol basico pa scol secundario.

Tur esakinan ta cambio cu ta bon pa para keto na dje. Asina bo por pensa cual efecto e cambio aki por tin riba bo yiu y con bo lo por sostene bo yiu pa e por anda miho cu e cambio.

Recorda tempo cu abo mes a pasa

den e cambionan di scol. Para keto na con bo tabata sinti ora abo mester a bay scol bek of bay un scol nobo. Con bo mayornan a yuda abo y kico bo necesidad tabata? Mas tanto bo lo tabata tin e necesidad pa sa cu ta bay ta oke, pa siguridad. Bo tabata kier haya sa kico ta spera bo y con bo lo por anda cu e situacion.

Ora cu bo ta recorda abo lo por sa mihor con bo lo kier y por yuda bo yiu.

Traha tempo pa papia cu bo yiu tocante e cambio pa bay scol. Bo lo por haci uzo di un kalender pa mustra bo yiu cual dia e lo bay scol. Ta bon pa bo repasa con e dia of rutina nobo lo mustra. Bo lo por papia tocante e ora pa lanta ,baña, bisti, come, wordo hiba scol y wordo busca atrobe pa bay cas, na famia of un traimerdia.

Palabra ken ta hibe of trece pa e por sa ken pa spera.

Palabra con bo yiu lo kier pa abo sostene riba su prome dia(nan). E kier pa e mayor cu ta hibe baha cu ne of e lo kier baha su so? Porta e ta mas comodo si e mayor ta warda un rato cu ne sinta den auto. Kiermen ta importante pa check pa haya sa kico bo yiu lo desea. Esaki ta depende tambe cuanto aña bo yiu tin. Dimes esun nan mas chikito lo mester di hopi mas sosten cu esun nan mas grandi.

Traha tempo pa bay bishita scol pa asina bo por mustra bo yiu unda e lo bay. Si ta den auto lo ta bon pa core bay hunto pa e por sa e ruta. Si ta bay via bus lo ta bon pa tuma un bus hunto cu ne pa e por wak con esey lo bay. Bay e scol para pafo pa con e ta mustra. Pa mucha chikito cu ta bay crèche bo por palabra pa bo bay cu bo yiu un rato drenta paden pa hunto por discubri e luga nobo. Bo lo por palabra pa haya dianan pa bo yiu por custumbra. Esaki lo por wordo haci den palabracion cu e crèche. Bo lo por palabra cu e prome dia ta djis wak rond hunto e por hunga si e kier. Di dos dia por bay cu ne keda 15 pa 30 minuut y bay pa laga bo yiu 1 of 2

ora. Asina abo lo por tuma algun dia pa bo yiu por custumbra poco poco na keda na e crèche en bes di laga bo yiu ful un dia di golpi.

Bo lo yuda bo yiu ta mas sigur y e proceso lo bay mas trankilo pa boso tur. Splica con e dia lo bay na scol. Papia tocante reglanan di scol. Papia tocante e bel cu lo ring y kico e ta nifica, sea ta pauze of ta cambio di klas. Papia tocante pone atencion y hisa man si e no ta compronde algo pa puntra si juffrouw of meneer por splica di nobo, splica bo yiu cu e juffrouw of meneer t’ey pa yuda e compronde e materia.

Cuminsa cambia rutina bek. Den vacacaion escolar e muchanan por a keda lanta mas laat y tabata tin mas tempo liber. Pa yuda nan ahusta poco poco bay bek na rutina di scol. Pa mas conseho of sosten semper por yama Tienda di

Educacion na 161. Por comunica cu nan tambe via info@tdearuba. com, bishita e pagina di Facebook y YouTube channel of subi ariba e website www.tdearuba.com pa mas informacion.

Tienda di Educacion ta sostene mayor, educador of cualkier persona cu tin e tarea pa lanta un mucha cu cualkier preocupacion of pregunta. Tur yamada na 161 ta anonimo. Un sonrisa den cara di nos yiu(nan) por haci milager. Ta importante pa mayor of educador trece alegria pa nos yui(nan) por tin un infancia sano y desaroya positivamente.

Bienestar y siguridad di nos muchanan ta responsabilidad di nos tur! Ban cuida y lanta nos muchanan cu hopi amor y compasion pa asina crea futuro generacion sano y di bon boluntad. Ta un bon ehempel pa nos muchanan y haci un diferencia positivo den nan bida.

13

Dialuna 9 Augustus 2021

Aruba ta introduci Europe Digital Corona Certificate Dentro di poco Aruba lo ta lansando su Digital Corona Certificate (DCC) cu ta un systema digital cu ta contene certificadonan oficial relaciona cu COVID- 19 conforme reglanan Europeo.

E diferente certificadonan cu por ser encontra den e DCC ta entre otro.

• DCC pa comproba cu e persona ta vacuna debidamente (disponibel desde 9 augustus) • DCC Test negativo pa comproba cu e persona a test negativo pa Covid-19 (disponibel fin di augustus) • DCC Test positivo pa comproba cu e persona a recupera di COVID-19 (disponibel fin di augustus) E diferente Digital Corona Certificate (DCC) ta conforme reglanan Europeo pero no por wordo confundi cu un corona passport y tampoco e certificado aki no ta un garantia pa por drenta tur pais na

Europa. Cada pais tin nan mes un condicionnan y exigencianan pa por drenta e pais. Riba www. reopen.europa.eu por check e condicion di cada pais den Europa.

Aruba ta cuminsa cu e DCC di vacunación cu ta disponible for di 9 augustus 2021.

Tin differente forma con bo por ricibi bo Digital Corona Certificate.

Pa ricibi bo DCC di vacunacion, bo DCC test negativo pa biaha of bo DCC positivo pa comproba recuperacion, bo por drenta den bo Aruba Health App of bo por print esaki via www.dvg.aw . Si bo persona no tin acceso na internet tambe por yama 280.0101 of pasa personalmente na DVG situa na Caya Ing. Roland Lacle #4 na Oranjestad pa un copia di esaki. Pa ricibi bo DCC test negativo den bo Aruba Health App ta importante pa acudi na un laboratorio cu ta conecta

cu Aruba Health App pa e resultado por drenta den bo app of bo lo mester print esaki via www.dvg. aw of yama 280.0101 of pasa personalmente na DVG. Ta importante pa nota cu na momento cu bo print e DCC e mester ta un PDF file, screenshot no ta wordo asepta como comprobante.

Pa haci uzo di bo DCC controla e condicionan di e pais cubo ta bay bishita riba www.reopen.europa. eu Ta importante pa controla cua sorto di test ta wordo accepta, si tin test additional cu a e pais ta exigi y con largo bo DCC ta valido na e pais(nan) cu bo kier bai bishita.

Paisnan na Europa pero tambe otro Pais por verifica e EU-DCC como un comprobante sigur.

E DCC tambe por worde exihi pa hanja acceso na cierto eventonan of pa drenta etablesimentonan na cierto paisnan

Polis a para chauffeur cu ta core banda robes di caminda den Dakota

Caya Papa Juan Pablo II (Rondweg) Diasabra anochi 10:45 p.m patruya di Playa drentando ex Rondweg a topa un pick up coriendo ariba su banda robes.

Polis drentando ex Rondweg ta topa cu un pick up saliendo di Potreroweg bay links.

Locual a pone polis actua mesora tawata cu e chauffeur a subi caminda pero a keda core na man robes, poniendo e trafico contrario den peliger grandi.

Nos ta bisa peliger grandi, debi cu den e caya

principal aki di Dakota autonan ta core/coriendo hopi duro mes.

Polis mesora a cende su zwaailicht y bay tras di pick up cu no a para mesora tampoco.

Pariba di e crusada di Druivenstraat polis a logra stop e.

E ora e chauffeur a splica polis algun cos. E vehiculo no tin handrem y un agente para patras di e pick up a purba wante pa e no bay atras dal e auto di polis. Mesora a subi hala e patrouille wagen pa e no dal e.

Por a scucha polis bise pa move y sigui su destino y nan lo bay su tras. Parse cu ta den un caya eybanda mes e lo tawata bayendo.

Locual e agentenan no tawata na altura di dje ta cu e homber aki tur dia ta trece trafico den peliger den e caya aki di Dakota.

E ta sali di potreroweg y enbes di core ariba su banda drechi e ta gewoon core ariba su banda robes cu tur e consecuencianan cu esaki por tin cu ne.

Autonan ta core hopi duro mes den e caya aki.

Na varios ocasion a pidi instancia concerni pa

pone verkeers drempels pa obliga esnan cu ta core auto duro baha velocidad pero te cu awe nada a wordo haci.

Solamente un parti chikito na final di ex Rondweg a haya verkeers drempels.

14

Dialuna 9 Augustus 2021

‘Rotary Container Sales’ tabata un evento exitoso pa Rotary Club Aruba

asina keda na altura di e preparacion nan pa “Fiesta Rotaria 2022”.

President Frederick Nuboer kier a duna un danki na tur esnan cu a bishita nos y contribui

na comunidad di Aruba.

Un gradicimento na tur compania cu a sa di haci un donacion di tur e productonan cu por a wordo bendi.

Un danki na tur miembronan di Rotary

Club Aruba, Rotaract Club Aruba, Interact Club Aruba y Interact Club Colegio Arubano.

Tur boluntarionan un danki pa boso ayudo. Y un danki special na Club Kibrahacha 60+.

Centronan di Vacunacion Centro Deportivo Betico Croes Rotary Club Aruba ta sumamente agradecido na e acohida y sosten grandi cu nos a ricibi tur e cuater diadomingo nan na e “Rotary Container Sales” 2021 cu a tuma lugar na Club Kibrahacha 60+. Cu cada compra, nos bishitante y fiel clientenan a aporta na un bon causa den nos comunidad. Nos ta hopi satisfecho cu e resultado di e evento.

E “Container Sales” tawata un actividad temporal cu a logra su meta. E directiva y miembronan di Rotary

Club Aruba awor aki ta den pleno preparacion pa por organisa un posibel “Fiesta Rotaria 2022”, den e manera cu pueblo di Aruba conoce. En conneccion cu esaki, y a pesar di e peticionan pa ripiti e "Rotary Container Sales", nos ta lamenta cu esaki no lo ta posibel pa awor. Nos ta gradici boso pa e comprension pa cu esaki y ta spera di por ricibi boso na "Fiesta Rotaria 2022" un biaha mas den e ambiente di custumber.

Sigui bishita nos Facebook Page 'Fiesta Rotaria Aruba' pa

Santa Cruz Dia Dialuna pa Diabierna 8:30 am - 11:30 am ImSan San Nicolas Di Dialuna pa Diabierna 8:30 am - 11:30 am Pa haci un cita pa vacuna Aruba Health App www.dvg.aw

Tel. 280-0101 of 522-4200

15

Dialuna 9 Augustus 2021

Premier Wever - Croes:

RETIRO DI E DOS PERSONANAN TA UN ASUNTO CU A TUMA LUGA ENTRE UTILITIES CU WEB

Lo atende cu e retonan cu tin cu WEB pa e no bira problema grandi pa Aruba Durante rueda di prensa di Gobierno cu a tuma luga diahuebs 5 di augustus, Prome Minister Evelyn Wever - Croes a duna un splicacion di e situacion cu ta andando cu WEB. Pa locual ta e retiro di e dos personanan, Prome Minister a splica cu esaki ta un asunto cu a tuma luga entre Utilities cu WEB y tin un palabracion haci cu no ta papia di e detayenan di e retiro. Sinembargo prome cu a dicidi di papia di e tema durante di e rueda di prensa, a acerca e organisacion pa check si por papia di esaki y e contesta tabata si.

Premier Wever - Croes a inicia ta splica cu desde cu a tuma over e Ministerio di Energia, el a tuma over un imperio di sr. Mike de Meza, Mike Eman y esnan rond di nan. E tabata masha dificil pa como Minister yega na informacion. Na cierto momento tabata tende informacion di sr. de Meza prome cu tende esaki di e companianan. E regla di Gobierno anterior tabata cu por a comunica cu WEB solamente via Utilities, esey a cambia despues cu sr.

Hoeverstz a bay.

Unabes cu por a reuni cu WEB, nan a pidi pa porfabor no mete den WEB manera cu gobierno anterior tabata mete. Pa cual Prome Minster a splica nan cu e no ta mete den e organisacion y e no ta su sistema pa mete den ningun compania. Es mas, solamente lo presenta e cuadronan pa traha aden di e Gobierno aki cual ta: cu prijs di awa y coriente mester baha y cu mester traha cu energia mas limpi.

Tarifa di awa y coriente

E tema di tarifa di awa y coriente a drenta na vigor na comienso di aña pasa net prome cu e pandemia door di esfuersonan grandi haci na WEB cu e Raad y Directie. Sinembargo, e esfuersonan pa bay traha energia mas limpi lamentablemente no a duna resultado. Nan ta trahando riba dje y tin masha hopi aña ta studia pa bay over na LNG.

Situacion Blackout

Segun Premier Wever – Croes, dia cu tabatin e blackout, 3 di july 2021, Gobierno a haya masha hopi critica di sector comercial.

Netamente awo cu turismo a cuminsa lanta bek, hopi restaurant mester a manda e turistanan bek pa motibo cu no por a sirbi nan.

Mesora a haci 3 pregunta pa asina por haya informacion di e suceso: Kico a pasa?

Kico a haci pa evita cu e a pasa? Y kico lo haci pa e no bolbe pasa?

E contesta riba e prome pregunta semper ta tarda hopi, pero riba e otro dos preguntanan e contesta tabata nada. Cual no ta acceptabel pasobra suminstro di coriente mester ta uno cu por depende riba dje. Y esaki no tawata e caso cu ta duna motibo pa cuestiona e motibo pa cua nan no kier Gobierno mete.

‘Price Hedging’

Prome Minister Wever Croes a sigui splica cu desde aña pasa el a wordo informa door di WEB cu nan a hedge e prijsnan pa 2020 y 2021.

Mester recorda cu e acuerdo cu tin ta, cu e decision

aki ta di compania y niun minister por mete den esaki manera otro minister a haci den pasado.

Mirando cu e ta un tema politico nan a informa na 2020 cu nan a haya un bon prijs pa 2020 y 2021 y p’esey nos prijs ta hopi mas abou aworaki cu e prijs di HFO riba mercado.

‘Esaki ta un noticia cu tin nos tur contento pero ya desde comienso di aña ta puntrando kico ta bay pasa 1 januari 2022. Cada biaha e contesta ta cu no tin plan, ta djis bay den rood y Gobierno mester hisa prijs. Mi a contesta nan cu mi no ta acepta esey. Awe ya ta augustus y lamentablemente mester constata ora cu a puntra con ta para cu esaki, cu ainda no a haci nada. Gobierno lo yuda si busca solucionnan, pero e compania mester cuminsa haci algo prome,’ Prome Minister a expresa.

Condicion di Hulanda Un punto hopi imortante ta cu pa Aruba por a haya sosten di likides di Hulanda, a pone como condicion cu mester corta

12.6% den salario di sector publico y semi publico.

Desde 1 di mei 2020 tur ambtenaar a entrega parti di nan salario. Premier Wever a sigui splica cu Hulanda a pone e condicion (tot nadere orde) pa sector semi publico tambe cu ta encera companianan di Gobierno y fundacionnan cu ta wordo subsidia pa Gobierno entre orto WEB. Locual cu a compronde ta cu na WEB den directiva a yega na palabracion cu ta duna cierto compensacion pa esaki, den dianan di vakantie cual si calcula e balor den porciento e ta na 6%, cual ta mitar di locual mester corta. Esaki ta pone Gobierno den un situacion serio cu Hulanda treciendo

WEB y henter Aruba den problema y Gobierno mester bay mira con lo soluciona esaki. Lo atende cu e retonan cu tin cu WEB pa e no bira problema grandi pa Aruba Por ultimo Premier Wever Croes a bisa, e ta importante pa nos pone tur cos den balansa, Transparencia ta importante, pero e personan cu a entrega retiro tin palabracion haci cu nan y nan mester mantene nan confidencialidad y nos tin cu respeta esaki. Di awo en adelante mester atende cu e temanan cu tin riba mesa pa e no bira un problema grandi pa Aruba.

16

Dialuna 9 Augustus 2021

Cosecha ta organisa workshops di painting riba 19 y 26 di augustus (06 di augustus, 2021) – Cosecha na Oranjestad ta habri tur diahuebs di 15.00 20.00 en conexion cu anochi di compras. Den e tienda di Cosecha situa den e edificio historico y monumental tin un surtido varia di arte y artesania cu tin e seyo nacional di artesania di Aruba. Cosecha tambe tin un centro den e edificio di Oranjestad cu ta brinda un espacio creativo unda hende por bin hasi arte. Special pa dia 19 y 26 di augustus, Cosecha ta organisa dos workshops di painting cu e artista local Erika Moran.

E prome diaheubs 19 di augustus tin un workshop unda lo combina flora y fauna.

Participantenan ta bai pinta un vlinder riba un flor. Material cu lo husa pa e workshop aki ta crayon, un material cu ta consisti di wax y color. Pa e workshop aki nos lo pinta riba papel special pa por siña con pa domina e uso di crayon.

Diaheubs 26 di augustus, participantenan ta bai pinta cu verf di aceta y charcoal un paisaje di Aruba. Atrobe e materialnan cu nos ta bai husa ta special. Y e biaha aki lo combina dos tipo y lo pinta riba canvas.

E workshopnan ta di 18.00 - 20.00. E prijs pa por participa ta AWG 65.00 pa cada workshop y ta inclui material y bebida alcoholico (pink moscato). Edad pa por participa ta 18 aña bai ariba.

Pa mas informacion por tuma contacto cu Cosecha Oranjestad na telefoon 5878709. Tambe por manda un email na cosechaworkshop@ gmail.com.

Pa por keda informa di Cosecha su workshopnan, artesanonan, artistanan y nan webshop nobo por bishita nan Facebook page: ArubaCosecha, Instagram page: cosecha_aruba y Webpage: www.arubacosecha.com.

Pagina 17

Dialuna 9 Augustus 2021

TENE NA CUENTA E USO DI TAPABOCAS

Hoben herida despues di a accidenta cu quadracer den Potreroweg

Potreroweg/Dakota - Diasabra merdia algo prome cu 12:30 polis y ambulance a bay Potreroweg na Dakota, eynan un hoben a accidenta cu un quadracer.

Informacionnan cu a drenta tawata papia cu un mucha homber coriendo cu un quadracer, y a perde control dal contra acera y bay termina den un cura di cas.

señora cu bon curason a wanta un paña habri over di su cabes protehando e di e solo fuerte.

Ambulance a presenta y paramediconan a opta pa transporte pa Hospitaal.

Na yegada di polis e hoben tawata den cura di cas sinta y visiblemente herida.

Por a mira sanger na su pia y tambe cabes. Algun

LA PODEROSA Salma Chisoy Es hora de cambiar su vida y lograr lo que siempre a deseado, Amor, Salud y éxito.

No espere más y llama ya o escríbeme por whatsapp 7411517 para una consulta personalizada completamente GRATIS por teléfono, le dire su pasado su presente y su futuro, aleje las malas energías y termine con tanto sufrimiento.

Llámame 7411517

Pagina 18

Dialuna 9 Augustus 2021

Fraccion di AVP buscando informacion

Riba opcion duna pa gobierno di Julianaschool y Beatrixschool na instituto priva Mester conserva y restaura momumentonan di país Aruba y pa tal motibo lider di partido y lider di fraccion di AVP den Parlamento, Mike Eman a efectua un bishita na Monumenten Bureau relaciona cu e estado di deterioro cu e edificionan di Juliana School y Beatrix School ta aden actualmente.

Na e ocasion aki e miembro di partido AVP, Wendrick Cicilia tambe a compaña Mike Eman den e bishita na Monumenten Bureau y nan a wordo acompaña pa e ocasion aki pa dos ex director di Beatrixschool den persona di Richard Frank y Maurits Taytelbaum pa pone nan mes na altura di e situacion di e dos edificionn aki di cual Beatrixschool ta marca como monumento.

“Despues cu siman pasa hunto cu varios ex director di Julianaschool y Beatrixaschool nos a bishita e dos monumentonan aki caminda hunto nos a ripara y reflexiona tambe riba balornan grandi di e dos scolnan, e dos monumentonan aki, caminda nos a comparti un preocupacion cu e docentenan, maestronan di scol cu a yega di sirbi na Julianaschool y na Beatrixschool, cu e momumentonan aki, lo por bay perdi, mirando nan estado.

Pa nos haya mas informacion riba e edificionan aki, colega Wendrick Cicilia hunto cu mi persona pero acompaña tambe cu ex directornan Maurits Taytelbaum y Ricard Frank, nos a hiba un combersa-

cion cu sra Yvonne Webb, directora di Monumenten Bureau y dos miembro di e staff impresionante di Monumenten Bureau, kendenan a forma parti di e reunion cu nos a hiba.

For di e reunion aki nos por a deduci cu na e momentonan aki Beatrixschool ta un monumento cu a wordo protehi dor di Monumenten Bureau pero Julianaschool e decision ey no a cay ainda y nos a propone n Monumenten Bureau pa haci Julianaschool tambe un monument y nos lo bay hiba e mensahe aki tambe pa Gobierno via di Parlamento logicamente, pasobra cu nos ta kere cu ambos scol ta un monumento y si no declara Julianaschool un monumento, esunnan cu tin plannan pa e scol aki, sea gobierno of sector priva, lo por cambia e edificio aki di tal forma cu nan ta perde e identidad di nan aspectonan cu ta asina historico pa Aruba.

Nos a sinti cu Monumentum Bureau tin atencion completo sigur pa loke ta Beatrixschool cu ta un monumento declara na 2010 y pa nan tambe e scol aki si algo lo bay wordo haci cune, e tin cu wordo restaura bek den su forma mas original posibel. Esey caba ta un paso hopi importante pa e trankilidad cu tanto e ex docentenan, e ex directornan tabata en busca di dje y nos tambe.

Nos a haya tambe un otro informacion cu mientras tanto riba 16

di juni a wordo otorga den opcion ambos scol na un intidad legal na Aruba cu ta eherce e trabou di un universidad medico na Aruba pero nos no sa kico ta e plannan exacto di e instituto aki cu a haya e opcion dia 16 di juni y pa nos e ta importante pa nos sigui averigua kico ta e plannan di e instituto aki pa cu e scolnan aki.

Esaki pa motibo cu nos kier conserva nan, ya cu nan por ta instituto educacional naturalmente cu lo por tin un otro proposito den enseñansa, e por ta un universidad y nos ta kere cu cada cos na su tempo mester por ta den practica algo cu ta realisabel tambe y den e sentido ey nos no tin problema cu e pensamento cu e scolnan aki lo por bira universidad, maske cu nos sa cu esunnan cu ta na e scolnan aki na e momentonan aki, den otro edificio.

Si diferente di nan a expresa na nos e deseo pa Beatrixschool y Julianaschool lo por regresa un dia bek den nan edificio original y nos tin

cu tene cuenta cu e sentimentonan ey pero e realidad ta cu gobierno riba 16 di juni, a otorga den opcion, ambos scol na un instituto educacional cu no ta di gobierno.

Sin duda nos tin cu haci mas investigacion riba kico ta e plannan di e instituto aki y si esey ta bay ta e garantianan cu nos lo kier mira tambe caminda e institutonan aki ta wordo conserva como parti di e opcion aki. Nos no tin copia di e opcion den nos man pero lo solicita na gobierno pa presenta esaki.

Sin duda nos ta hopi contento di por sigui eherce e trabounan cu nos tin cu haci pa salvaguardia e scolnan aki y cual esfuerso ta wordo haci en colaboracion cu ex directory docentenan di e dos scolnan aki, personahenan cu a carga e scolnan aki cu hopi amor pero tambe personahenan cu despues parti importante di enseñansa na Aruba pa nan aporte riba tur tereno,” lider di fraccion di AVP, Mike Eman a trece dilanti.

Pagina 19

Dialuna 9 Augustus 2021

Aruba One Happy Island Lions Club ta invita comunidad:

CONTRIBUI CU PROYECTO BACK 2 SCHOOL 2021 BAN YUDA NOS MUCHANAN DEN NECESIDAD !

-Un otro aña escolar ta bay inicia y di parti Aruba One Happy Island Lions Club nos ta desea tur alumno y nan famia hopi exito y sabiduria den e aña escolar 2021-2022. Como tambe hopi pasenshi, dedicacion y guia di parti nos docentenan.

Den e temporada aki tambe tin hopi famia cu ta pasando den situacion dificil pa motibo cu no tin un entrada fiho of entrada a bay atras pa e.o e pandemia cu nos ta pasando aden.

Aruba One Happy Island Lions Club a wordo acerca un biaha mas pa diferente famianan den necesidad, como tambe maestro y maestranan di diferente scol, pa nos por duna un man na alumnonan cu tin mester di tas, uniform y articulonan escolar. Nos muchanan ta futuro di nos pais y cada mucha mester tin e trankilidad y e articulonan escolar pa nan por studia den un ambiente sano y sin preocupacion. Nos organisacion ta haci un apelacion na nos comunidad y comercio pa ban duna un man y yuda nos muchanan pa nan tin nan articulonan pa scol. Un y tur por yuda door di haci un donacion riba e cuenta di banco di Aruba One Happy Is-

land Lions Club, Aruba Bank nr 6005880190 cu e discripcion Back2School 2021. Tur donacion ta yuda di chikito te grandi.

Cu e donacion ricibi nos

organisacion lo prepara tasnan di scol, cu uniform y articulonan escolar y e muchanan lo ricibi esakinan prome cu scol inicia.

Bo gesto y contribucion

ta haci soño di un mucha realidad. Contribucion di cada uno ta wordo aprecia. Pa mas informacion por tuma contacto via email ohilclubaruba@

gmail.com of na whatsapp 562-9129. Un biaha mas masha danki pa yuda nos yuda esnan den comunidad cu ta den necesidad.

Pagina 20

Dialuna 9 Augustus 2021

Canada Campeon di Futbol Damas Weganan Olimpico Tokyo 2020

Diabierna den oranan di mainta a tuma lugar e wega final di futbol damas pa loque ta trata weganan Olimpico Tokyo 2021.

E gran final tabata entre Canada y Suecia pa mira kende lo keda cu medaya di oro den futbol di damas.

Den prome mitar, seleccion di Suecia ta bay ariba 1-0 cu gol anota pa Blackstenius na di 34 minuut.

Asina prome mitar a bay den descanso cu score di 1-0 na fabor di Suecia.

Den di dos mitar Canada tabata hunga mihor futbol cu den prome mitar y tabata na di 64 minuut ta haya un tiro penal caminda cu Jessie Fleming ta tuma e tiro akin a su encargo pa empata e wega 1-1.

Asina aki tambe e wega a termina cu score empata 1-1 y a pasa pa tempo ex-

tra.

Den tempo extra ambos seleccion a presiona pa score e gol di victoria, pero no a logra esaki den tempo extra tampoco y asina aki e wega a pasa pa tironan for di punto penal.

Aki e suerte di e tironan a bay na fabor di Canada cu a gana esaki cu score final di 3-2 y asina ta bira campeon Olimpico den futbol di damas na Tokyo, lagando asina Suecia cu e titulo di sub campeon.

Celebracion di e canades nan tabata grandi ariba tereno y e alegria tabata notable den cara di e hungadornan.

Awe mainta lo tin e gran final di caballeros unda cu Brazil lo ta den busca pa defende su titulo contra di Spaña y e wega aki lo inicia pa 7:30 mainta ora local.

Pagina 21

Dialuna 9 Augustus 2021

“IBiSA Kamp 2021 a clausura den gran forma”

Diabierna merdia a culmina e IBiSA Kamp 2021 den gran forma unda cu muchanan a disfruta di ultimo siman di IBiSA

Kamp na Water Park na Hooiberg.

Durante 3 siman largo IBiSA a organiza su IBiSA

Paga bo cuenta online ta facil

Kamp caminda hopi mucha a participa na esaki, a siña diferente ramonan di deporte y tambe a haya varios demostracion di instancianan na Aruba.

Sea Abonnement of Aviso Cuenta di Banco: Sunmax Printers Sta.Cruz 110 RBC: 7700000100152447

Pago online, facil y lihe

IBiSA kier a gradici tur mayornan cu a pone nan confianza y inscribi nan yiu (nan) na e IBiSA Kamp 2021 y ta spera otro aña lo tin IBiSA Kamp 2022.

IBiSA ta desea tur mucha di Aruba un bon resto di temporada di vakantie y exito cu hopi energia pa cuminsa e aña escolar nobo.

Pa mas informacion por sigui IBiSA riba medionan social tanto facebook

como tambe Instagram pa mas potret di IBiSA Kamp 2021.

Pagina 22

Dialuna 9 Augustus 2021

Kico mi por haci si mi tin diabetes?

No ta existi un plan di alimentacion cu ta adapta na tur hende cu ta sufri di diabetes. Sin embargo, controla e zetmeel cu ta come ta fundamental pa mantene e glucose den sanger dentro di e nivelnan desea.

Pa esey ta preciso conoce a fondo e distinto clase di alimento y por eligi esunnan mas adecuado di acuerdo con bo sucu ta den cada momento.

Ademas, ta necesario tene na cuenta cu no tur zetmeet ta eleva e sucu den sanger di e mesun manera.

Esaki ta depende di su indice glucemico, esnan cu tin un indice glucemico halto ta subi e nivelnan di sucu mas rapidamente cu esunnan cu tin nivelnan medio of abao.

Sta e ultimonan aki ta loke tin cu conseha tuma pa esnan cu ta sufri di diabetes y den e caso di

consumi algun cu tin un indice glucemico halto combin'e cu otro cu uno abao.

Aporte nutricional ta hopi importante Pa por planific adecuadamente bo alimentacion y eligi e ingredientenan mas conveniente ta necesario sa e tipo y cantidad di zetmeetl cu cada grupo alimentario tin.

E berduranan ta dividi entre esunnan cu ta contene cornstarch y esunnan cu no. Entre e promenan nos ta haya batata, maishi y petit pois, esaki ta e grupo di berdura cu ta aporta mas na zetmeel pa cual tin cu modera su consumo.

En cambio berduranan sin cornstarch manera snijbiet, bloemkool, tomati y wortel ta contene hopi poco zetmeel y su indice glucemico ta abao.

Ademas, nan ta aporta cu hopi vitamina, mineral y fibra loke ta convertinan den aliadonan grandi den e dietanan di esnan cu tin diabetes.

Fruta ta contene zetmeel, pero mayoria di nan tin un indica glucemico abao.

Expertonan ta recomenda incorpora nan den e alimentacion door di e nutrientenan cu nan ta aporta.

Un bon opcion ta raspberry, strawberry y blueberry, cu tin un contenido abao di zetmeel y ta aporta na antioxidante y vitamina.

Den e caso di eligi fruta seco na uga di fresco, ta necesario pone mas atencion na porcionnan: cu solamente dos cuchara di rasenchi, bo por incorpora te hasta 15 gram di zetmeel.

Cereal (trigo aros, avena) y su derivadonan manera hariña ta un di e principal fuentenan di zetmeel.

Pesey ta hopi importante limita e cantidadnan cu ta consumi y pone atencion na su grado di refinamento.

Como regla general, ta recomenda semper eligi cereal y hariña integral cu ta aporta hopi mas nutriente y tin un indice glucemico mas abao.

Si e obhetivo ta controla e nivelnan di glucose den sanger, e productonan procesa a base di hariña refina no ta consehabel, vooral si tene na cuenta cu hopi biaha ta contene cantidadnan grandi di sucu añadi.

Consehonan pa mantene diabetes bao di control Pa por gestiona bo diabetes ta necesario pa bo tuma control di bo alimentacion. Nos ta ofrecebo algun conseho pa yudabo haci'e: ● Planifica un menu semanal y calcula e racionnan di zetmeel di cada plato. ● Haci un lista di compra cu ingredientenan saludabel y trata di adkirinan cu anticipacion pa por tin nan na ora di cushina. ● Si ainda ora bo caba di come bo tin hamber, bo por coy un

salada di berdura sin cornstarch cu un dressing light. Lo bo sinti bo mes sacia incorporando hopi poco zetmeet. ● Eligi productonan integral na luga di refina.

Consulta e labelnan pa sigura bo mes cu su principal ingrediente ta integral. ● Busca reemplas ingredientenan cu mayor indice glucemico pa otro cu menor indice. Tin bon substituto, manera por ehempel, por reemplasa un guarnicion di batata pa uno di batata dushi cu tin menor indice glucemico. ● Comproba bo nivel di glucose prome cu cada cuminsa pa scoge e alimentonan mas conveniente, di acuerdo con bo ta na e momentonan ey. Ta bon si bo por uza e glucometro tradicional, ta existi tecnologianan nobo cu ta facilita e tarea aki.

Un di nan ta e mididonan continuo di glucose cu ta recoge datonan di nivel di sucu atrabes di un sensor implanta den e brasa y manda nan directamente na e celular di e pashent.

Pagina 23

Dialuna 9 Augustus 2021

Parlamentario Mike de Meza

Prome cu a drenta gobierno Ursell Arends y RAIZ bira lomba pa pueblo Den bida tin ora un hende tin cu tuma decisionnan pa proteha su mes y su hendenan y como politico tin ora tambe bo tin cu para pa bo pueblo, pa bo mes y pa bo partido.

Parlamentario Mike de Meza sinembargo ta mustra cu ta incomprensibel, con un politico manera Ursell Arends y su partido RAIZ, por a sinta mira cosnan incorecto tuma luga pa despues bira laba man den un forma asina cobardo y asina falso cu ta tumando luga contra su pueblo.

“Nos por a para mira cosnan increibel pasa den politica pero pa un lider di un partido cu un luna y mey pasa a haya confiansa di votadonan cu dos asiento den Parlamento, ya caba ta laga e poder aki subi pa su cabes y opta pa para un banda y laga Prome Minister demisionar, awor su partnet den proximo coalicion, permiti un compania di pueblo wordo entrega practicamente na un grupo comercial.

Ursell Arends kisas kier hunga e rol di ta inocente ainda den e

mundo politico y di gobernacion pero e ta mustrando riba un marioneta grandi e lider di MEP, sin cu ainda oficialmente e ta formando parti di un gobierno, ya cu ainda no tin un gobierno forma.

Ora cu como un representante di pueblo oficial, ya cu el a huramente mescos cu su partner Geoffrey Wever, ta opta pa no asumi nan responsabilidad y bisa prensa cu nan no tin nada di bisa riba retiro di dos Director di WEB y pa bay puntra Prome Minister Wever Croes, ta mustra cu nan a bira lomb pa pueblo.

No solamente a bira lomba pa pueblo pero a laga pueblo cay totalmente y kier laba man di algo, sabiendo bon bon, cu loke ta tumando luga ta fi xmento di un grupo comercial cu lo haya hopi pero hopi di bisa den WEB Aruba NV. Tur dia tin informacion disponibel riba e desaroyo aki, riba e crimen aki cu ta tumando luga na WEB, ehecuta pa e Presidetne interino di Utilities NV, Richard Eman y como miembro di Parlamento oficial, tanto Arends como Wever

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

mester ta bon na altura di kico ta pasndo pa awor bin pretende cu nan no tin nada di bisa den loke e Prome Minister demisionario di e gobierno anterior ta haciendo cu e compania di pueblo aki.

Esey nos ta yama combardia, esey

nos ta yama traicion di un pueblo cu dilanti Gobernado dia 7 di Juli ultimo, Ursell y Geoffrey a hura pa sirbi su interes y awor di repente ta laba man pa evita cu nan lo tin algo di bisa den e asunto aki cu simplemente no ta bon,” Parla-

Pagina 24

Dialuna 9 Augustus 2021

Ta buska cas pa huur

Call 5645064

Ta buska cas pa cumpra

OBITUARIO Publica serka nos anuncio di fayecimento di bo ser keri.

Nos tin 2 pakete pa ofrece Pakete 1: Anuncio di fayecimento te dia cu e defunto ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia

CLASIFICADO e-mial: solodipueblo@gmail.com

Cel.585 9500

Na Canal 22 1x prome cu Noticiero 22 Afl 400,00 Pa mas informashon por tuma contacto cu oficina na 585-9500 of na 741-4554 puntra pa Jamila Henriquez

Abona na

A BO NO MESTER SALI DI CAS Yama

5859500 of

e-mail nos na

solodipueblo@gmail. com Tur marduga nos ta entrege den bo porta di cas!

Noticia cayente, ta aki bo ta haye!

Pagina 25

Dialuna 9 Augustus 2021 PRONOSTICO DI TEMPO VALIDO TE DIALUNA 09 DI AUGUSTUS 2021, 18:00 ORA. ELABORA DIADOMINGO 08 DI AUGUSTUS 2021 17:00 (21:00 UTC) TEMPO: AWE ANOCHI: PARCIALMENTE NUBLA CU UN AWACERO PASAJERO DEN MARDUGA I MAYAN: VARIABLEMENTE NUBLA CU UN AWACERO PASAJERO TE BREVE TEMPERATURA MAXIMO 34 GRADO CELSIUS TEMPERATURA MINIMO 28 GRADO CELSIUS BAHADA DI SOLO : 7:03 PM SUBIDA DI SOLO : 6:27 AM BIENTO: MODERA TE BASTA FUERTE FOR DI DIRECCION ENTRE OOST Y OOST- ZUIDOOST; FORSA 4 TE 5 (20 TE 39 KM/ORA, 11 TE 21 NUDO).

DEN DIA FUERTE TE POSIBLEMENTE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO PA PROXIMO 24 ORA: HUMEDAD LAGA ATRAS PA UN OLA TROPICAL LO CAUSA TEMPORALMENTE MAS NUBIA PA PASA RIBA AREA LOCAL DURANTE PROXIMO 24 ORA. ESAKI LO INDUCI ALGUN AWACERO PASAJERO TE BREVE RIBA CIERTO PARTINAN. DI E ISLA CU UN CHANCE CHIQUITO PA LAMPER CU STRENA. CONDICIONAN MARITIMO/ ESTADO DI LAMA: UN ESTADO DI LAMA LEVE NA PARTINAN PROTEJE, Y LEVE TE MODERA NA PARTINAN ZUID TA WORDO SPERA DEN PROXIMO 24 ORA. NA PARTI OOST TE NOORDWEST LAMA LO TA MODERA CU OLANAN ENTRE 2 PA 4 TE LOCALMENTE 5 PIA. AVISO/ ALERTA: NINGUN FENOMENONAN SPECIAL: NINGUN TEMPO TROPICAL SIGNIFICANTE: UN OLA TROPICAL DEN PARTI WEST- CENTRAL DI ATLANTICO TIN UN CHANCE MEDIO DI SIGUI DESAROYA DEN PROXIMO 2 DIA Y BIRA UN CYCLON TROPICAL. UN OLA TROPICAL DEN PARTI CENTRAL DI ATLANTICO TIN UN CHANCE MEDIO DI SIGUI DESAROYA DEN PROXIMO 5 DIA Y BIRA UN CYCLON TROPICAL. POTENCIAL DI AWACERO PA PROXIMO 24 ORA: 1 TE 5 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 33 / MIN 26 / 0.2 MM WESTPUNT: MAX 33 / MIN 28 / 0.5 MM STA ROSA: MAX 33 / MIN 28 / 0.3 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI DIRECCION OOST I MODERA TE BASTA FUERTE; FUERTE TE POSIBLEMENTE DURO DEN RAFAGA; TEMPERATURA (GRADO CELSIUS) MAX / MIN LO TA: 34 / 28

Nos no ta bay baby-sit mas!! Tur hende: Bay vacuna!

Representante di DVG, durante di e rueda di prensa a bisa cu nan lo no bay baby sit ningun hende mas.

Ta keda na cada ken pa bay vacuna.

Aworaki no tin lista di espera, ni tempo di espera. A caba di haya 12 mil vacuna.

E vacunanan cu a yega, no por bay sinta warda den freezer.

Ta haci un yamada na cada ken, pa acudi pa vacuna. Tin un capacidad pa vacuna 1000 hende pa dia. Bo no ta page pe, pues ta gratis bo ta haye.

Tuma contacto cu DVG, tuma contacto cu e numbernan menciona y acudi pa tuma e vacuna.

Tin varios storianan di esnan cu promer, no tabata kere den va-

cuna, te ora cu nan a pasa aden, nan mes awor ta pidi nan conocirnan pa bay vacuna.

Mister Aruba Supranational 2021 Derrel Lampe ta sali otro siman pa representa Aruba na Poland na Mister Supranational 2021 ORANJESTAD - Derrel Lampe, Mister Aruba Supranational 2021 desde Februari ta den preparacion extenso pa representa Aruba pa prome biaha na e certamen masculino Mister Supranational 2021 cu lo tuma lugar na Poland di 12 pa 22 di Augustus 2021.

Derrel su tarea principal como Mister Aruba Supranational ta pa promociona Aruba riba un plataforma internacional cu alrededor di 40 pais participando y cu un audiencia rond mundo.

Derrel, un hoben di 29 aña, ta un persona cu ta convenci cu empatia ta e yabi pa trese union den tur situacion: “Door di mustra empatia nos por laga e otro persona sinti cu por pone nos mes den su sapato pa compronde tur situacion mihor y sin huzga. Esaki lo ta mi mensahe cu mi lo hiba cu mi na Poland ora cu mi papia tocante mi mes y mi isla,” asina Derrel a expresa.

Derrel a ricibi guia pa su apariencia físico y tambe a enfoca riba loke e certamen masculino ta busca, un persona cu aspiracion y cu por inspira otro persona.

Ya caba por LIKE e Facebook page “Mister Supranational” y/of e Instagram page

“officialmistersupranational” pa mustra apoyo pa ARUBA na momento cu e competencia cuminsa otro siman.

Keda pendiente pa cobertura di Derrel su participacion na Poland cu lo cuminsa diaranson 11 di Augustus ora cu Derrel sali rumbo pa Poland pa representa Aruba na Mister Supranational 2021.

Pagina 26

Dialuna 9 Augustus 2021

Lotto Merdia AUG 7

Lotto Merdia AUG 8

Lotto ANOCHI AUG 7

Pagina 27

Dialuna 9 Augustus 2021

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

Ambulance San Nicolas Ambulance Sasaki Ambulance Wayaca

911 100 102 104 105 107 11141 584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Servicio nan

Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan

582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247

Botica na Warda

Augustus 9, 2021 P’abou di brug: Botica Trupiaal P’ariba di brug: Botica San Nicolas

Oracion di dia Un siman yena di bendicion y cu Dios colma nos cu Su gracia na abundancia “ Mi ta sigura boso: e ora lo yega, si, el a yega caba….” Huan 5, 25 Awe cu nos ta recorda esnan cu a bay nos dilanti cerca Tata, ta bon pa nos corda, cu e Evangelio segun San Huan cu nos ta lesa awe, ta otro for di tres Evangelionan cu nos conoce. E Evangelio ta revela un dimension mas profundo, e ta un Evangelio spiritual den e sentido cu ta Spirito Santo mes ta laga nos descubri den e palabranan y e gestonan di Hesus loke ta pa nos. Den e versiculonan di Hn 5, 25-29 e Evangelista ta bisa nos cu e Resureccion ya ta tumando luga, pasobra …”esnan cu ta morto” (Hn 5, 25) esey ta nos tur cu te ainda no ta habri nos mes pa E Palabra di Hesus, cu ta bini di Tata. San Huan ta sigui bisa nos “… e ora lo yega, si, el a yega caba…”. Rumannan, nos ta bibando e momento ey caba, caminda cu e mortonan lo scucha e boz di Hesus “y esnan cu tende di djE, lo haya bida!” Cu E Palabra di Señor Hesus nos ta bira un creacion nobo. Animo mi rumannan, ya e ta pasando.

Oracion: Oh Señor, pa intercesion di Bo Santisimo Mama di Misericordia, nos ta pidi Bo, pa tur esnan cu a y ta sigui haci bon pa e Pueblo di Dios haya bida eterno.

Amen

Pagina 28

Dialuna 9 Augustus 2021

Pagina 29

Dialuna 9 Augustus 2021

FORTALEZA PA FAMIA. Scirbi pa Pastor Marcel Balootje.

MORTO NA BIDA 1 JUAN 3: 15.

Antes hopi cos cu ta para scirbi den Beibel tabata wordo scondi pa hende y hende tabata keda den nan tradicion, pa falta di conocemento , pero awor manera ciencia ta aumenta y maldad ta aumenta ta bon pa tur hende conoce e Berdad pa asina nan no keda pega den tempo, y na final wordo decepciona.

Hopi biaha famia ta keda den tradicion di antepasado, y ta wordo stroba pa avansa den bida, y hasta hende cu ta studia, si nan ta mara na tradicion nan ta wordo stroba y nan ta strobacion pa otro..

Beibel ta siña nos den 1 Juan 3 vers 14 : Ta para scirbi cu esun cu no ta stima ta permanence den morto, esey ta nifica cu esun cu no ta pordona , no tin bon relacion cu Dios, pasobra nos Dios ta un Dios bibo.

1 Juan 3 vers 15 ta para scirbi: Ken cu ta odia su ruman ta un matado,y boso sa cu ningun matado, tin bida eterno ta permanence den dje.

Awel aki nan hopi wega y hopi excuus mester caba, pasobra con bo ta haci maneha,bo cas, bo famia, bo negoshi of un pais si bo no ta pordona, pasobra tur locual hende ta haci ta sali for di nan curazon.

Y pa bienestar di nos Famia , Hogar, Negoshi of pais , nos mester pordona, pa asina drecha nos relacion cu Dios, y nos por avansa.

Un hende por tin hopi plan y hopi Proyecto riba papel, pero su relacion cu Dios mester drecha, pa asina e

por avansa, ora bo relacion cu Dios ta bon , lo bo ricibi sabiduria , gracia y favor Dios y banco lo manda puntrabo si nan por sirbi bo cu algo.

Tur bo proyectonan lo ta asina exelente cu inversionista lo sali di tur parti di mundo y tur hende kier traha cu bo, y esey ta bini door cu bo relacion ta bon cu Dios.

Bo crecemento no ta bini solamente di bo estudio, of bon a mistad, pero e ta depende di e parti cu hopi hende no ta mira of kere den dje , y esey ta bo relacion cu Dios, 1 Juan 2 vers 9+10 ta para scirbi : Esun cu ta bisa cu e ta den luz y e ta odia su ruman ta den scuridad e ta ainda .Esun cu ta stima su ruman ta permanence den luz , y no tin motibo den dje pa trompica .

Ma esun cu ta odia su ruman , ta den scuridad, y e no sa na unda e ta bay , pasobra e scuridad ta ciega su wowo nan.

Hende yena cu odio, cu no kier pordona cu ta wordo dirigi pa tradicion, mester laga los for di odio pa asina nan por guia nan famia y tur otro organisacion cu nan ta den , pa asina por tin progreso.

Tin hopi hende ta cana na bida pero nan ta morto, pasobra e curazon ta yen di Odio. Y aparta di Dios.

Cristo Hesus solamente por sana bo curazon y pa asina bo por avansa den bida.

Sinceramente, Pastor Marcel Balootje.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

“Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haña forsa”.

Salmo: 23 Nos ta anuncia fayecimento di:

Jorge R. Maduro Mihor conoci como: “Ronny” Taxi -82 *17-11-1950 - †06-08-2021 Acto di entiero lo wordo anuncia despues.

Special wholesale prices - precio especial de mayorista Atencion SuperMercado, tur snack truck y take away restaurants..

Take away boxes resistente; 8 x 8 - 3 compartimiento - afl 80.00 ( 200x) / cumpra 10 haya 1 free 9 x 9 - 3 compartimiento - afl 90.00 ( 200x ) / cumpra 10 haya 1 free 6 x 6 - hamburger/ frenchfries afl. 135.00 ( 500x) 9 x 6 - snackbox/ hotdog / salads afl 95.00 ( 250x)

Entrega gratis Credito 30 dia na clientenan aproba Pa pedido;

wsp 744-0444 / 739-0101 Agem Outlet Wholesales

Pagina 30

Dialuna 9 Augustus 2021

Señor ta mi wardador, mi no tin falta di nada. Den cunucu di yerba berde e ta pone mi sosega.

E ta hiba mi na awa tranquil. Pa mi bolbe haña forsa.

(Salmo 23) Cu profundo tristesa den nos curazon, nos tin e deber di anuncia cu a bai laga nos, nos inolvidable esposo, ruman, omo,

Flaviano Demetrio Yarzagaray (Flavio) *22-12-1940 - †02-08-2021

Na nomber di su: Esposa: Rumannan:

Swa y cuñanan:

Sobrino(a)nan:

Adriana M. Yarzargaray-Brokke †Lucia y Benky Fowler-Yarzagaray Elizabeth Yarzargaray †Haime y †Maria Yarzagaray-Geerman †Horacio Yarzagaray Ima y †Rudolfo De Tita-Yarzagaray Milton y Hilma Yarzagaray-Lasten (Cur) †Sally Yarzagaray Rudy y Ana Yarzagaray-Angela Orvind y Swinda Yarzagaray-Tromp Marisela y Albertico Trimon-Tromp †Mimi y †Doy Kelly-Brokke y fam.

Emma y Carl de Kort-Brokke y fam.

Lucia Brokke Wouter y Glenda Brokke-Croes y fam.

Jossy y Ivonne Brokke-Janssen y fam. (NL) Maria Brokke y yiu Johnny Van Meeteren y fam.

Eddy y Mary Fowler y fam.

Eloise y Roland Schwengle-Fowler y yiu (Bon)

Mark Fowler y yuinan Anthony y Loraine Yarzagaray y yuinan Greta y Fredsel Giel-Croes y Yuinan Jeta y Sergio Maduro-Croes y yuinan

Junior y esposa y yuinan (Cur) Yara Yarzagaray (Cur) Louisanne Yarzagaray Henriette y Jacques Odryzinsky-Yarzagaray Rudy y Eva Yarzargaray y yiu.

Fritzgerald Yarzagaray y Christine Croes Charles David Yarzagaray Stacey Trimon Primo y primanan: Yarzagaray, Oduber.

Demas famia. Brokke, Falconi, Kelly, de Kort, Croes, Janssen, van Meeteren Su bon bisiña, Felipe y Ethelmira Ridderstaat y yiunan.

Acto di despedidada a tuma lugar Augustus 7 2021, den seno familiar.

Ta lamenta di no ta risibi bishita di condolencia na cas.

Si ta desea di comparti palabranan di condolencia por comunica na e sigiente email adre nana1@setarnet.aw

Pagina 31

Dialuna 9 Augustus 2021

Marc Anthony Mejia *21-04-2002 - †07-07-2021 Yiu: Mama di su yiu: Tata: Mama:

Dalia Daislymar Decuba Casimiro Mejia Danuby Mejia

Rumannan:

Francisco Mejia y esposa y yiu nan Alexander Mejia Jasmine Mejia y Famia Rauomir Mejia Alexmir Mejia y Famia Shamira Mejia Dayerling

Wela:

†Marco Mejia †Frida Mejia †Hector Flores †Nancy Flores

Tanta y omonan:

Ramona Freiles Arnoldo Freiles y esposa y Famia Luisa Mejia y Teo y famia Haime Mejia y Famia Carmen Mejia y esposo y famia Orlando Mejia y esposa y famia Alexander Mejia y esposa y famia Mary y Elvis Mackay y famia Nelson Mejia y esposa y famia Magaly Mejia y famia

Demas famia: Mejia-Flores-Martines-Zuninga-Freiles-Mackay-Vrolijk-Muyale-Tromp-Paech-Aparicio-WalterWelerman-Burgos-Hernandez-Cuevas-Perez-Bermundez-Inosencia-Lara-DeCuba-Gil-Vanderlinden-RosarioTorres-Kock

Ta invita pa e acto di entiero cual lo tuma lugar Diamars 10 diAugustus 2021 di 2’or pa 4’or na misa San Franscisco na Playa, sigi pa acto di cremacion.

Pagina 32

Dialuna 9 Augustus 2021

Crossword puzzles