Dialuna 9 april 2018

Dialuna April 9

Minister Oduber decepciona cu cambio den statutonan di Parke Nacional Arikok

1

URATACA CENTER

Awe 9 April

Dialuna 9 April 2018

Boonchi Corra, Pan Bati & Funchi 585 5212

Mas ilegal a drenta Aruba diasabra marduga... cu droga y posibel arma Diasabra mainta a drenta informe di cu a bin spot un boto pega na e barancanan na e costa norte pariba di Boca Mahos., Mesora a dirigi tanto e patruya di Santa Cruz como esun di polis maritimo pa e sitio. Na yegada di e patruya a bin nota un boto straĂąo registracion A2302 y cu e nomber "Dushi Yiu". E boto aki tabata mey mey di e barancanan dunando tur indicacion di cu e boto aki lo a trece hendenan, droga y hasta posiblemente arma tambe. Aunke cu e tin un number y un nomber pero e no ta un boto local.

Dos turista problematico y agresivo a resisti detencion di polis, dilanti Hilton Hotel

VENEZUELA Y HULANDA A FIRMA PA KITA MEDIDA A kima auto intencionalmente, staciona den Pascalstraat

Citgo ta presenta un Plan Positivo pa cu e Proyecto di Rehabilitacion di ReďŹ neria di Aruba

2

Dialuna April 9

Cla pa asumi un responsabilidad nobo

Conoce Chief of Staff di KPA, sr. Silvio de Mey

Cuerpo Policial Aruba ta conociendo diferente cambio, recientemente a tuma lugar traspaso di mando policial.

Desde Maart trabao nan ta andando pa un aire fresco den KPA. Cu sr. Hoo como korpschef di Cuerpo Policial Aruba, el’a apunta sr. Silvio de Mey como Chief of Staff.

Silvio de Mey ta inspector primera clase di Cuerpo Policial Aruba. Su ultimo funcion tabata Waarnemend Districtschef na districto di Santa Cruz. Awor sr. De Mey ta Chief of Staff di KPA. Sr. De Mey ta un persona cu conoce nos Cuerpo Policial di paden y pafor.

Dedicacion y pasion tabata ancra den su persona. Cu un amplio conocemente den Husticia y diferente diploma manera: Propedeuse bul in

rechtsgeleerdheid, Doctoraal bul in rechtsgeleerdheid (Titel mr. in de rechten), Meesterproef hulpofficier van justitie, Training Personal Leadership y Workshop Integrity. Sr. De Mey ta cla pa un reto nobo den e organizacion policial.

Sr. De Mey semper a sigui cu su estudio. Na aña 2009 pa 2012 sr. De Mey a dedica 3 aña na Politie Academie Nederland. El’a ricibi su diploma di Executive Master of Tactical Policing major in General Leadership. Sr. De Mey y sr. Hoo ta e unico personanan na Aruba cu tin e titulo aki. Un titulo cu tin amplio conocimento den e tereno di Husticia pero tambe den e organzsacion policial. Cu e combinacion aki nos comunidad y tambe miembronan policial y

administrativo di nos Cuerpo Policial lo mira cambionan positivo pa nos organizacion.

E retonan ta hopi pero cu

un vision firme y un plan di maneho. Sr. De Mey ta cla pa fungi como Chief of Staff di Cuerpo Policial Aruba. 600 homber- y muhernan balente

di nos organizacion lo mira cambionan sosode pa un mihor Cuerpo Policial tanto profesional y integro.

Atrobe, Hyundai i10 a subi rotonde Sasaki Diasabra marduga polis un biaha mas polis a bay rotonde Sasaki. E biaha aki tabata beurt di un Hyundai i10. Despues cu el’a subi e rotonde, el’a reverse baha bek. Pero ya e auto tabata destrui parti dilanti.

Dos dama studiante di exterior, no a pone atencion cu nan a yega e rotonde y a subi esaki. E auto a sufri hopi daño y no por a core ariba su propio forza.

Niun persona a resulta herida. Un luz grandi y cu mas indicacion grandi mester wordo poni, prome cu algo lamentabel pasa.

Chofer sunu ta kibra auto riba mata di kwihi Diadomingo Central di Polis a wordo informa cu mester tin un auto cu a accidenta na dam di Rooi Afo. Na jegada a resulta cu e chofer di un v-wagen a bin cu mucho velocidad y no a logra di tuma e birada.

Consequentemente a subi acera y a dal kibra e v-wagen riba un mata di kwihi. Pa sorpresa di esnan presente, ora e chofer

a baha for di su auto e tabata completamente sunu y ningun panja cu ne tampoko pa bisti.

Polis no a permiti pa diferente miembro di prensa jega serca di e auto pa saka potret. Un bisinja eybanda a dicidi di juda e persona aki cu algun panja pa bisti. E motibo dikon e chofer a prefera di core rond den su trahe di Adam ta desconoci pa Reportero di Solo di Pueblo.

Dialuna April 9

3

VENEZUELA Y HULANDA A FIRMA PA KITA MEDIDA

Nota di redaccion: A reina un sentimento mixto den pueblo pa cu apertura atrobe di e frontera cu Venezuela. Hopi a considera esaki como un alivio cu pa algun luna, Venezolanonan no por a bini Aruba.

Ta pensa cu e Venezolanonan ta bini Aruba y un grupo di nan ta bini cu mal intencion pa horta y comete atraco.

Gobierno di Aruba lo eherce Di otro banda tin un otro controlnan estricto y lo no grupo cu ta hopi contento, acepta ilegalidad. Tur persona pasbra via red social por a cu kier drenta Aruba mester lesa cu nan por bay bek pa cumpli cu rekisitonan legal. sea un “vakantie� cerca nan Productonan di Venezuela famianan of tambe otronan por wordo importa solamente a bisa cu awor nan por bay si tin un certificado di origen. bishita nan dokter atrobe.

Por lo general por sinti Cu esaki e medida ta keda cu e pueblo di Aruba ta elimina y relacion cu poco enfada cu e bishita di Venezuela ta normaliza.

Venezolanonan na Aruba.

Diasabra Prome Minister a ricibi informacion cu Minister di Asunto Exterior Hulandes Stef Blok a firma cu Gobierno Venezolano na Venezuela pa lanta e medida cu Venezuela a impone dia 6 di Januari.

Desde e momento aki pues e medida ta keda elimina y e trafico aereo y maritimo por continua.

Frontera pariba ta hancho habri.....

Lancha haya banda di Boca Mahos, indicando cu mas ilegal a drenta Aruba cu posibel droga y arma Diasabra mainta a drenta informe di cu a bin spot un boto pega na e barancanan na e costa norte pariba di Boca Mahos, mesora a dirigi tanto e patruya di Santa Cruz como esun di polis maritimo.

Na yegada di e patruya a bin nota un boto straĂąo registracion A2302 y cu e nomber "Dushi Yiu" e boto aki tabata mey mey di e barancanan dunando tur indicacion di cu e boto aki lo a trece hendenan, droga y hasta posiblemente arma tambe.

Aunke cu e tin un number y un nomber pero e no ta un boto local. Investigacion haci na e area por a mira pasonan di hendenan y lastramento di bulto. Esaki lo mester a sosode den e oranan di anochi pa madruga. Na e sitio expertonan a remarka cu si e ex-minister di husticia no a kita y regala un otro isla nos radarnan esakinan lo a capte sigur y awe nos lo por ta mas trankil.

4

Dialuna April 9

A kima auto intencionalmente, staciona den Pascalstraat E sospechoso ta capta riba video y ta conosi

Diasabra mainta tempran a drenta informe di un caso di intenta kima un auto den Pascalstraat.

Mesora a dirigi un patruyapna e sitio. Na yegada di e patruya a bin compronde cu aki ta trata di un caso di intento pa pega un auto na candela cu un molotov cocktail. Esaki a sosode net un

rato despues cu e doño di e auto a yega cas y a bay den cushina pa bebe poco awa el’a tende un zonido manera un explosion dof y a sali pafor y a wak un auto conoci p’e ta core bay y su auto cual ta kibra staciona dilanti su cas tabata na candela y a core grita pa yama polis. Bisiñanan

cu tambe a tende e sonido a sali pafor y a wak e auto na candela y mesora a saca ‎ su slang di awa pa paga e candela. E doño a informa polis ken ta e sospechoso den un Daewoo bieu blauw cu berde.

Polis a informe pa e bay entrega keho na recherche.

Polis a bay atende cu pelea di bisiña cu sacamento di machete A detene un persona cu a core pa polis

Informacion adicional cu Solo di Pueblo por a capta via di facebook, ta parce cu aki ta trata di un reglamento di cuenta, relaciona cu asuntonan di papeleria di permiso pa stranhero. Esnan cu a haci cierto trabao di consultant, no kier debolbe e documentonan bek na

un homber, si e no paga un suma substancial. Esaki lo a conduci cu e homber latino, enfureci riba e doño di cas cu no kier dune su papel, lo a dicidi di bay comete e destruccion aki. Awor e homber latino, kende ta conoci, lo mester bay rindi cuenta pa su actonan.

Den Avenida Alo Tromp, Oranjestad: Diasabra algo prome cu 2'or di merdia, presencia di polis ta wordo pidi den Avenida Alo Tromp pa un problema di bisiña cu sacamento di machete pa otro.

Mesora ta manda varios unidad di polis na e sitio.

Na yegada un homber actuando sospechoso, bisti cu un flanel preto ta mira polis y ta core drenta den Mofongo Bar & Restaurant. Na e sitio nan ta wordo informa cu ta den Mofongo tin un homber maltratando su pareha y e cu e homber aki lo tin un arma di candela y un machete den su poder.

Mesora polis ta rondona e establecimento aki y ta drenta paden. E mesun homber sospechoso aki ta sali na careda bay for di Mofonfo. Polis ta sigui e homber aki. E ta core

drenta Rancho y na momento cu e ta drenta den e Mall riba Zara, un security na e mall ta bisa polis cu e homber a core drenta den baño.

Den e baño polis a topa cu e homber sospechoso aki. El’a a flush algo den e baño y polis no a haya nada riba dje. El’a keda deteni y transporta pa warda di polis na Oranjestad.

Despues Polis a bay controla den Mofongo y tambe den e bañonan di e mall, pero sin resultado.

E cabayero cu a maltrata su señora y aparentemente lo tabata tin arma di candela y machete den su poder, no a wordo haya y polis a bay control na su cas patras di Kowloon pa mira si e por tabata na su cas.

Ta trata di un homber color cla y cabey largo bisti cu un flanel of camisa blanco cu un jeans.

Dialuna April 9

Padrastro a mata mucha di 3 aña na New York

5

Padrastro agresor ta di St. Maarten

Padrastro di un mucha muher di 3 aña haya morto den un apartamento na New York dialuna, a wordo acusa di su morto, di acuerdo cu oficina di fiscal na Queens.

Polis a wordo yama pa 6’or di atardi pa bay na e apartamento situa cerca di Shore Front Parkway den e bario di Queens y a haya Bella Edwards inconsciente y no tabata responde.

Su padrastro, Marc Jenkins di 32 aña, tabata dunando e victima CPR, di acuerdo cu WPIX. Jenkins tabata e unico adulto den e apartamento cu Bella y su ruman di 3 luna, pa mas of menos 8 ora dialuna.

“Tabata tin un cantidad di personal di brandweer y ambulance... purbando di

resucit’e,” bisiña Doris King a bisa.

El’a wordo hiba cu urgencia pa un hospital, unda el’a wordo pronuncia morto.

Resultadonan preliminar di e autopsia a mustra cu Bella a muri como resultado di un golpi formal den su abdomen cu otro estudionan medico pendiente.

Jenkins a wordo cupla di mordo den segundo grado.

Curpa di Bella tabata mustra señalnan di golpinan consistente cu abuso, un fuente policial a conta WPIX. E fuente a bisa cu e tabata cubri cu golpi, e tabata tin golpinan nobo y varios otro bieu cu tabata curando y tabata tin señal di abuso sexual.

Un baby di 3 luna cu tabata biba den e apartamento cu Bella a wordo haya, a wordo hiba na un hospital pa evaluacion.

Den un mensahe na WPIX, mama di Bella tabata recorda cu su yiu muher como “amigabel, bunita, cu afecto, sabi y amoroso y e mihor yiu muhe cu un hende por pidi pe.”

“E tabata stima y tabata un ruman hopi amoroso cu su ruman homber baby Logan,” el’a skirbi. “E tabata wordo stima pa hopi cu a conoce.”

King a bisa cu e no conoce e mayornan di Edwards y solamente a mir’e den e edificio. “Un mucha muher hopi nice. Nunca a ripara cu algo tabata fout,” el’a bisa.

“E ta hopi perturbador, hopi tristo.”

E administracion di Servicionan di Mucha di New York City tambe ta investigando.

“Nos prioridad principal ta proteha e siguridad y bienestar di tur mucha den e ciudad di New York. Tan pronto cu e famia aki a bin na nos atencion e anochi prome, nos a cuminsa di biaha cu un investigacion cu polis di New York,” Deputy Commissioner Eric Ferrero a bisa.

Auto a kibra riba baranca

Diadomingo mainta Central di Polis a haya un yamada cu dilanti Certified Megamall na otro banda di caminda, un auto a dal riba e barancanan. Na

yegada a resulta cu e chauffeur pa motibo desconoci a baha for di caminda y a dal kibra su auto riba e barancanan banda di caminda. Afortunadamente

e chauffeur no a resulta herida, Polis a tuma datos y e chauffeur tabata di yama takelwagen pa kita su auto.

E agencia riba diamars a tene un caminata pa prevencion di abuso di mucha na Brooklyn.

Eynan, e Comisionado David Hansell no a comenta riba e detayenan di e caso di Edwards of historia cu e famia.

“Esaki ta subraya con importante un asunto di abuso di mucha ta y ta algo cu nos tur na New York tin cu pone atencion na dje,” el’a bisa.

“Ta tuma pa nos tur den New York pa percura cu tur mucha ta safe.”

6

Dialuna April 9

Minister Oduber decepciona cu cambio den statutonan di Parke Nacional Arikok

Minister Otmar Oduber a tene un encuentro cu TOPA y tambe e trahadornan di Parke Nacional Arikok, caminda cu a mustra tambe den cierto forma nan desapunto, pero tambe nan sorpresa di mira cierto memonan sali pa loke ta e statutonan cu a wordo cambia di parke Nacional Arikok.

E mandatario a splica cu na Januari a tuma nota cu e directiva actual di Parke Nacional Arikok a haci cierto cambio bastante ingrijpend pa loke ta trata e statutonan di Parke Nacional Arikok. En esencia a cambia e motibo di existencia di Parke Nacional Arikok cu su fundacion, cual tabata pa tin e maneho di e parke nacional den uno hopi mas amplio, caminda cu cierto momento hasta tabata tin cambionan asina influente cu ta cambia caracter di e fundacion, pa cual cierto momento a bishita e tempo ey gobernador, pa mustra e disgusto cu e mes tabata tin pa loke ta e

Pickup Ford a perde control y kibra cura di cas na Pos Chikito

Diasabra marduga algo pasa di 2'or polis a bay pariba di Tele Aruba, pasando e bocht.

Na e sitio polis a haya un pick up Ford, cu a perde control bolter y cay bek ariba su wielnan.

Durante cu esaki a pasa, e auto a kibra un cura di cas.

Den e auto tabata tin dos persona.

Un di nan a bira malo y polis a pidi ambulance mirando cu un rato prome el’a perde conocimento.

E chauffeur a wordo deteni na e sitio pa motibo di tabata stuur bao influencia.

El’a wordo hiba warda di Santa Cruz pa test.

Ambulance a bay direccion hospitaal cu e pasahero.

cambionan cu a tuma lugar.

Despues di esaki a sinta cu e directiva, caminda cu a haya oido. A splica e directiva cu no por ta asina cu tin un fundacion ta wordo lanta, cu e unico meta pa maneha e parke, cu ya caba ta casi 20% di e teritorio protegi pa loke ta den e caso aki e parke, den nomber di pais Aruba, caminda cu ta haya un subsidio di casi 3 miyon florin pa aña, caminda cu e trahadornan ta personanan cu ta igual cu un ambtenaar, sin sikiera notifica gobierno di e cambionan aki.

Esaki ta algo inaceptabel, segun e minister.

Den e proceso ey, a notifica parlamento tambe di loke ta pasando, pasobra no por ta asina cu cierto momento tin un stichting cu no ta actua mas conforme original pa cual nan a wordo lanta, cual ta maneho di Parke Nacional Arikok. Awor aki tin hopi cambio cu a tuma lugar, entre otro di un grupo

of un operacion di maneho, cu practicamente por bira un stichting, cual ta un actiegroep cu cierto momento por hala horea di gobierno. Ta maneha un teritorio pa gobierno y por hala atencion di gobierno otro banda y hibe Corte si ta necesario.

Ta inaceptabel cambionan den dje, caminda cu lo a cumpra terenonan den parke, cu fondonan di e parke, sin cu cierto momento gobierno tabata tin algo di bisa riba esaki. Asina un gran cantidad di cambio, manera di conseho, comisionnan cu a keda crea, caminda cu personanan cu ta forma parti di e advies-commissie aki, no tin un termino pa nan, sino cu nan por tey pa resto di nan bida mes y caminda cu cierto cambionan, a base di huishoudelijk reglement por tuma lugar, sin cu tin cu scucha gobierno y parlamento, caminda cu instruccion a wordo duna den e forma di maneho cu tin den e stichting. Ta varios di e cambionan cu a tuma lugar.

E posibilidad pa bay fia placa, etc. Cu a mustra na gobernador den e caso aki, pero tambe na e directiva cu esaki no ta cuadra cu e pensamento di gobierno y cu no ta e forma di proceder tambe elegante y segun e corporate governance cu nan ta spera di parti di parke nacional Arikok.

Mas ainda, na momento cu a reuni cu parke na November/ December, ningun dia e minister a wordo notifica di e cambionan den statuut, pa cual a cuminsa cu un ronde di conversacion, cual tabata finalizando e siman aki, caminda cu e cambionan lo wordo hala aden y ta skirbi nan den un otro forma cu e no ta atacha mucho e principionan riba cual e relacion entre fundacion di Parke Nacional Arikok y Parke Arikok lo a drenta den dje algun aña pasa. Pa sorpresa di e minister, dia 28/29 di Maart ta publica y haci conoci, mientras cu ta den e proceso di drecha di e statutonan aki bek, conforme con e mester ta, toch a mira

cu a publica esakinan. Hasta a comunica na empleadonan cu e statuut a wordo cambia. Esaki ta pone gobierno den un posicion di preocupacion, mescos cu e trahadornan, e minister a bisa cu no ta aceptabel. E lo tuma contacto un biaha mas cu e directiva cu naturalmente a haci un daño hopi grandi pa di dos biaha riba e confiansa cu mester tin den un hunta asina y cu cierto momento ta cuminsa bira dificil e ora pa bo por opera of traha cu un stichting caminda cu ta mustra cu no tin e transparencia necesario cu mester existi.

Dialuna April 9

7

Citgo ta presenta un Plan Positivo Pa cu e Proyecto di Rehabilitacion di Refineria di Aruba RdA NV a reuni cu Citgo pa haya aclareacion riba e proceso cu ta tumando lugar Diarazon ultimo Director di RdA, sr. Koolman acompaña pa e hunta di supervision di RdA, expert- y miembronan di gerencia di RdA como tambe ehecutivonan di Citgo Petroleumy Citgo Aruba a sinta na mesa pa asina haya aclareacion riba e proceso cu ta tumando lugar en conexion cu reapertura di e refineria na Aruba.

Despues di e anuncio di “slow down” na Februari ultimo debi na con e proyecto tabata ser maneha a laga un incertidumbre den comunidad pa locual ta trata e reapertura di e refineria situa na San Nicolas, conhuntamente cu e sanccionan cu Merca a impone, ta trece retonan adicional pa cu e realizacion di e proyecto pa Citgo.

Sinembargo, Refineria di Aruba NV no a para keto y a keda monitoria di cerca tur e pasonan di Citgo. Den e cuadro aki tambe a percura

pa un reunion oficial tuma lugar pa asina tur entidad necesario ta na altura di e status actual specialmente pa locual ta trata Citgo Aruba. E reunion tan anticipa a bay den un ambiente hopi profesional unda abiertamente a keda determina cu e reapertura di e refineria na Aruba ta uno importante pa tur partido na mesa.

Citgo a demostra un determinacion pa continua cu e plan pa converti e refineria den un “Upgrader” manera ta stipula den tur e acuerdonan.

Na e momentonan aki Citgo a scoge pa continua y desaroya e plan total basa riba un strategia nobo.

Refineria di Aruba NV tin como parti di su ekipo expertonan cu amplio conocimento di operacion di un refineria den tur su ramonan en general pero tambe specificamente

di e refineria di Aruba y su historia completo. RdA abiertamente a ofrece Citgo un man pa fungi como consehero, brindando un sosten adicional den henter e planificacion, percurando pa e meta keda cumpli debidamente.

Kizas te hasta esaki por acelera e proceso mirando cu ta e propio entidad aki lo tin cu controla e trabaonan pa mira si enberdad tur trabao ta acuerdo e palabracionnan haci y segun e contractonan firma. Citgo a braza e idea aki totalmente.

Cu un meta den comun tur e entidadnan envolvi ta determina pa conhuntamente traha pa e proyecto ta uno exitoso, unda ya ta comproba cu lo tin efectonan beneficioso pa Pais Aruba.Mientras cu ainda tin algun detayes tecnico cu e ekipo lo kier mas aclareacion y detaye riba

nan, RdA sigur lo keda den contacto cu e ehecutivonan di Citgo, asina e director di RdA a indica. Sr. Koolman ta sigui comenta: “Lo continua cu e tipo di reunion nan aki tur luna pa percura cu e canal di informacion keda habri.

Di e forma aki lo por preveni hopi speculacionan eroneo cu pa locual ta trata e proyecto di Citgo Aruba. Awor ta mas sigur cu tur partido ta riba e

mesun linea y tin e mesun meta. Conhuntamente nos lo sigui traha duro pa concretiza esaki.”

Despues di e reunion diarazon ultimo a nota un aire positivo unda ta mira claramente e necesidad di un union entre Citgo, RdA y Gobierno di Aruba pa percura e logro y concretizacion di e proyecto di Refineria di Aruba.

Minister Otmar Oduber

Moratorio riba kambernan di hotel y condo mas cu nunca ta un necesidad!

Minister anterior a otorga riba 7 mil kamber

“E forma desproporcional y sin maneho di e Minister encarga cu infrastructura, durante e ultimo añanan, a conduci na mas di 7 mil kamber di hotel, condominium y apartamento otorga. Esaki totalmente sin tene cuenta cu e desaroyo sostenibel y proteccion di nos medio ambiente. Mester purba frena esnan ya caba otorga y permiti solamente hotelnan tipo boutique wordo desaroya na un forma controla y planifica”, asina e Minister di Infrastructura y Medio Ambiente Otmar Oduber a duna di conoce.

“Mester pone un stop na hotelnan cu impacto negativo riba nos desaroyo teritorial. E mandatario ta

splica cu pa e area di Noord, esta Palm Beach y Eagle, definitivamente mester implementa un moratorium.

Pa San Nicolas por permiti un desaroyo controla, cu e meta di fomenta y incentiva actividadnan economico pa e area y cu pa e area mas central mester papia di crecemento modera di boutique hotelnan cu cantidad di kambernan modera. Aki mester pensa tambe riba incentiva acomodacionnan den centro di ciudad pa asina crea desaroyo economico pa e area comercial. ”E mandatario a sigui mustra riba e hecho cu mester haci un esfuerzo maximo pa limita e impacto di e propiedadnan grandi aki

otorga y comprometi pa e Minister y Gobierno anterior.

E mandatario ta reconoce cu di un banda tabata tin hopi esfuerzo pa evita locual awe ta un realidad, pero di otro banda a keda corto. “Unda gremionan y otronan tabata durante e ultimo añanan aki” e Minister actual ta puntra su mes. Mientras mandatarionan di e Gabinete anterior tabata tuma e gruponan aki haci, primintiendo cu lo protege ereanan y yenando nan wowo cu accion nan sin berdadero contenido, miles y miles di kamber tabata wordo otorga y comprometi den zonanan berde y di naturaleza, pa no papia mes di esnan den

“wetland”.

Minister Otmar Oduber a mustra riba e hecho cu for di basta aña pasa caba a bati alarma riba e practica aki di e Minister anterior di infrastructura, pero ta contento cu awor voz nan ta lanta y realiza cu mester pone un fin na e practica aki hiba pa

hopi aña. E mandatario ta keda di opinion cu un crecemento sostenibel mester wordo logra atraves di un balansa entre e desaroyo infrastructural y e proteccion di su medio ambiente, cual maneho ta hancra den e maneho di e actual Minister di desaroyo teritorial, infrastructura y medio ambiente.

8

Dialuna April 9

Parlamentario EndyCroes di MEP:

DestefanoWernet, director di Lotto y henter e Bestuur kier legaliza fraude cu fondonan di Lotto

Parlamentario Endy Croes ta hopi preocupa cu Lotto pa Deporte. Tin pruebanan palpabel cu entre otro DestefanoWernet a enrikece su mes cu hopi pero masha hopi placa di deporte. Full e

bestuur ta na altura pero ta complice como cu diferente miembro di Bestuur tambe ta haci un of otro negoshi personal cu Lotto. Nos por corda con Minister Dangui Oduber den conferencia

di prensa a presenta un documento cual el’a ricibi for di CBN (Canada) cual ta ilustra cu Bestuur ta ricibi Afl.600 Mil florin pa aña. Hunto cu un professor Kunneman a cambia structura di Lotto.

Bagamunderia den Lotto Un set di sinberguenza (no pa mucho tempo mas) ta probechando ycorumpiendo Lotto pa deporte. Lo laga Minister Dangui Oduber bin dilanti y splica den e dianan nos dilanti. Ta imposibel ki nivel e hendenan aki ta malgastando placa di Lotto.

Nos ta corda e “World Trip” di Da Sousa y su chick e tempo aya y awe su casa, ex - Parlamentario di AVP, Desiree Croes a haci cu placa di Lotto. Mas di Afl.100 mil florin di deporte

Dedicacion na nos mama stima:

Teresita Perez - Blanca Madre, sé que en el cielo estás bien, que ya no sufres, pero aquí nos haces mucha falta.

Gracias por todo y descansa en paz que aquí se te recuerda mucho.

pa nan a bay Las Vegas, London, Italia, Amsterdam.

Prohibi pa lubida! Mesun sinberguenzanan aki a chica Afl.80 mil florin di Lotto pa pone camaranan na cas priva. Ta na Aruba so cosnan aki por pasa.

Mesun Bestuur aki ta ricibiendoAfl.600 MIL florin pa aña. Wel mesun Bestuur aki ta hacienda practicanan mucho pero mucho mas pior cu locual nos a menciona aki riba. No por pensa con e hendenan aki por drumi trankil anochi.

Plumamento di Lotto Seleccionnan cu mester biaha te cu awe no ta ricibiendo ni placa ni contesta mientras e malandronan aki ta chicando Lotto pa enrikece

usando un professor cu ta cobra 1000 florin pa ora pa ‘trek recht’legalmente nan fechorianan pa no bisa locual nan a horta. Lo no dura mucho mas cu lo cuminsa publica tur dia e posibel “LADRONICIANAN” aki den corant. Lo mustra pueblo e culpabelnan cu nomber y fam pa asina comunidad wak ta ki tipo di hende Mike de Meza y Mike Eman a pone maneha Lotto y desgracia nos deporte.

Poco mas pasenshi. Endy Croes ta termina bisando, si tin hende a sinti nan mes ofendi cu e artikel aki nan por pidi rectificacion.

Dilanti corte den cualkier posibel caso lo trece filenan na cantidad como prueba pa mustra Huez de que se trata.

Dialuna April 9

9

Momo Tires tabata presente na actividad di speedracing

Den fin di siman, e marca di tire renombra, Momo Tires, tabata presente durante di un actividad di speed racing na Palo Marga. Ariba e fotonan por aprecia e “chicanan momo” kendenan a haci

un bunita propaganda pa e tirenan aki.

Momo Tires ta tirenan di calidad halto, for di Italia, prijsnan directamente di fabrica, cual ta beneficia abo cu prijsnan di mas economico

na Aruba.

Ya no mester pone tire segunda mano, pasobra na All to Cars, bo ta haya tire nobo nobo!

10

Dialuna April 9

Accidente cu basta daño material na Macuarima

Diadomingo atardi algo prome cu 4:30 un accidente serio y cu basta daño material a sosode poco panort di 88 Foodstore. Mirando cu tabata trata di un accidente serio, a manda mas unidad pa e sitio.

Na yegada di e patruyanan, nan ta constata un caos. Por a nota cu palo di luz a wordo ranca completamente. Ariba caminda para nan a haya un Hyundai color cora, cu cara pazuid. Banda di cura di un cas pabao di caminda un Mini Cooper kibra, para cara pazuid.

Segun esnan den Hyundai, nan tabata bayendo pazuid y e Mini Cooper cu dos homber den dje, tabata bayendo panort cu velocidad hopi halto.

Posiblemente e mesun velocidad halto a causa cu nan a perde control, bay na man robez, rancando borchinan di trafico y tambe e palo di luz. Na final e ta dal un parti dilanti di Hyundai, pa despues bira para cara pazuid.

Momento cu e Mini Cooper a stop, un homber a baha core bay y segun testigonan e lo tabata tin un laptop cune.

Polisnan a busca rond, esta e area caminda el’a core bay panort pero no ta logra haye.

Dos ambulance a presenta na e sitio, pa controla algun mucha cu tabata den Hyundai.

Polisnan a haya un tip cu e homber cu a baha core bay ta na altura di un Supermarket pabao di e oficina di Notaris Tromp.

Mesora e patruya a sali direccion unda e homber a wordo señala, cu ta basta leu di unda e accidente a sosode.

Bayendo pa Hooiberg polista

haya e homber full soda y a detene. Pakico el’a cora bay

na warda, nan lo haya sa.

Dialuna April 9

11

Bishita di Blok ta finaliza cu apertura di frontera na Venezuela Den dianan recien, contactonan diplomatico a gana su momento.

Esaki a haci posibel pa bishita Caracas pa firma e acuerdo cu e blokeo di frontera por a wordo lanta. Den su conversacion cu autoridadnan di Venezuela, Minister Blok tambe a discuti e situacion actual na Venezuela.

Despues di su bishitanan na Sint Maarten, Aruba, Corsou y Colombia, Minister Blok a biaha pa Caracas, capital di Venezuela.

Eynan, hunto cu vice presidentenan El Aissami y Soteldo, a firma un acuerdo pa asina lanta e blokeo di frontera cu Venezuela a impone mas durante principio di aña.

Esaki mester hiba na e restoracion di tur trafico regular entre mas parti Aruba y Corsou cu pais bisiña, Venezuela. E acuerdo aki tambe ta significa cu actividadnan di contrabanda riba e rutanan

aki ta activamente preveni door di e paisnan envolvi. E ceramento di frontera tabata hopi halto riba agenda den e dialogo di Minister blok cu e prome ministernan di e partinan Caribense di Reino.

Minister Blok: “Door di usa nos conexionnan diplomatico, mi por a desblokea e ciere di frontera.

Esaki ta bon pa e region di Caribe y e relacion cu Venezuela.”

Prome cu el’a bay Hulanda, Minister Blok a papia cu su colega Venezolano Arreaza. Nan a acorda pa haya un solucion rapido.

Refugiadonan economico Hulanda ta duna su sosten incondicional na e maneho fuerte di expulsion di Venezolanonan door di e tres paisnan autonomo den Caribe di Reino. Esaki a sali na cla despues cu siman pasa tabata tin un reunion na Willemstad entre e minister y prome ministernan di Corsou, Aruba y Sint Maarten. E migrantenan mester bay bek, pasobra nan no ta refugiadonan politico, pero a bandona nan pais pa motibonan economico. “E mayoria no ta cumpli cu e criteria di e tratado di refugiado di Nacionnan Uni, segun Blok. Corsou nunca a firma e tratado aki, Hulanda y Aruba si.

Pa varios tempo caba Venezuela ta den un crisis economico.

12

Dialuna April 9

Minister Glenbert Croes:

E Crisis Plan Social ta den pleno ehecucion

Minister Glenbert Croes su vision y meta principal ta di encamina e proceso di rescate di nos Pais di e crisis social cu ta afectando e existencia di hopi famia aki na Aruba.

E ta tristo pa constata cu unda cu bo lesa den reportahenan p.e. di Hulanda, locual cu mas nan ta enfatiza ta e problema social na Aruba, ademas di e estado financiero sumamente delicado di nos Pais. “Y esaki ta haci ami como e Minister encarga cu Asunto Social hopi dolor”, Minister Glenbert Croes a expresa.

“Na mes momento e ta molestia mi con politiconan por a permiti esaki. Con nan por a para mira nos país hundi dje forma aki. Cu ora nan a tende grito di auxilio nan no kier a scucha. Ta mira pobreza den pueblo pero ta prefera bira cara. Nan sa cu tin mucha ta bay school sin come, ta pasa hamber, pero ta prefera sigui hacinegoshi cu permiso y tereno. E cosnan aki ta indigna mi pasobranan a sinta hunga grandi riba stoel di Minister lubidando riba esun cu a pone nan ey”,

tabata expresion di Minister Glenbert Croes.

Pero nos kier pa nos pueblo sa cu tur stakeholder envolvi a cera cabez hunto y pone man na obra. Diabierna ultimo e di dos reunión di ehecucion di e Crisis Plan Social a tuma lugar. “Nos no ta papia so.

Nos ta actua tambe”.

“Locual cu socialmente nos haci awe, ta nos futuro generacion nos ta proteha. E paso- y decisionnan cu nos tuma awe ta pa saca Aruba for di e abismo y pone para bek cu orguyo riba su pia pa nos yiunan por goza di dje.

Abo y ami probablemente lo no mira su fruto pero si nos lo tin e consenshi limpi y tranquil cu nos a actua na e momento cu mas Aruba y nos pueblo tabata tin mester di nos”, un Minister Glenbert Croes consciente dje reto, a expresa.

Pero unda tin voluntad, hunto nos lo logra e mihor pa nos Pais.

Dialuna April 9

13

Parlamentario Richard Arends

CITGO semper a keda den e cuadro di su obligacion contractual CITGO ta cumpliendo cu su obligacionnan cu Aruba cual informacion a wordo confirma pa gobierno siman pasa loke sin duda ta un informacion sumamente positivo pero ta algo cu nos a keda señala, Parlamentario Richard Arends a declara.

“CITGO a bin ta cumpliendo cu su obligacionnan contractual y hasta e retraso cu tin actualmente pa loke ta trata rehabilitacion di e refineria ainda ta den e cuadro di tempo pa loke ta e periodo di rehabilitacion.

E retraso actual por a sosode cu cualkier gobierno di cualkier signatura, hasta si AVP a haya un di tres termino di gobernacion.

Nos lo tabata tin sigur un actitud mucho mas proactivo pa loke ta trata di operador nobo aki.

CITGO, cu ta doño di tres refineria na Merca y cinco terminal y nan ta huur e refineria aki na Aruba, ta keda comprometi pa loke ta e rehabilitacion di nos refineria.

No ta usual cu gobierno ta bay para banda di actividadnan puramente priva of,- actividadnan comercial di un compania priva, pero den e caso aki ta trata di un empresa cu ta representa un empuhe enorme pa nos forza laboral, cu ta contribui riba 7% di e constelacion di nos GDP, na finanzas publico, actividadnan economico paralelo, e ta fortifica e posicion financiero, e posicion monetario di nos florin.

Como gobierno bo mester actua cu e metanan aki, -como partner real di un empresa cu ta significa asina hopi pabo y no posiciona bo mes como un simpel partido comercial,” Parlamentario Richard Arends a mustra.

Ta importante pa menciona cu e actividadnan economico aki no ta meramente un refineria pero e ta un ‘upgrader’

caminda cu crudo extra pisa Venezolano ta wordo extrai y un crudo sintetico ta wordo traha aki na Aruba

cu por wordo bendi riba mercado internacional.

14

Dialuna April 9

Glenbert Croes su vision ta:

Inclusion di tur e Centronan di Bario den e rescate social di nos Pais

Minister ta realisa con profundo nos problema social ta. Minister ta realisa cu djis papia no ta suficiente mas. Y cu mester pone accion tras dje palabra.

Minister ta compronde cu su so no por logra un cambio lihe.

Minister ta compronde cu hunto cu tur partners envolvi por logr’e. Minister su vision ta inclusion, inclui tur stake holders pa conhuntamente nos logra rescata nos Pais socialmente.

Y den e Vision di Minister, e Centronan di Bario lo bay hunga un rol cardinal pasobra e vision ta, pa ademas di ta Centro di e Bario cu nan ta representa, cu e facilidad aki bira tambe un centro pa servicionan na e comunidad di e bario.

Anticipando esaki, diahuebs ultimo na Casa del Mar a tuma e prome paso den e direccion aki,iniciando cu un encuentro di gratitud.

di Centronan di Bario tur a bini hunto.

Minister a expresa su gratitud na tur reconociendo nan rol di ta na hopi ocasion e extension di apoyo den nan bario unda Gobierno no ta yega, accentuando cu nan ta e brasa di ayudo unda Gobierno ta faya.

Y pa esaki Minister Glenbert Croes cu cooperacion di Casa del Mar a brinda un encuentro pa cera conoci cu otro, intercambia cu otro pa hunto cu miras padilanti, traha pa rescata nos Pais.

Na mes momento Minister Glenbert Croes a expresa su compromiso y apoyo total pasobra den e meta di Gobierno di rescata nos mucha-, hoben- y grandinan, e rol di un Centro di Bario ta bay ta di vital importancia.

Minister Glenbert Croes ta gradici tur e directivanan cu a asisti como tambe ta gradici Casa Del Mar cu tambe kier aporta na e rescate social di nos Pais.

Den un ambiente ameno e directivanan

Pastoor Hendrikstraat, San Nicolas:

Atraco riba lugar di bende number E atracador a papia Spaño

Diasabra anochi algo prome cu 8:30 un atraco arma a tuma lugar riba un lugar di bende number, situa banda di Abraham De Veer School.

Ta trata di Lucky Shag one and All Lottery. December

24 e mesun lugar aki a wordo atraca. Diasabra e atracador tabata tin un bivak muts bisti y full na preto.

Arma cu el’a usa tabata un Meat Cleaver. El’a drenta net momento cu e señora tabata

controla e placa. Despues el’a bandona e sitio ariba un bicicleta color preto.

Segun nos a compronde e atracador a papia Spaño.

Instancianan concerni manera Atraco Team a wordo notifica.

Dialuna April 9

15

Parlamentario di MEP, Sue-Ann Ras:

KICO A PASA CU E VELD XANDER BOGAERTS?

Temporada di Little League a inicia algún siman atras y cu masha entusiasmo e muchanan hunto cu nan famia ta bishita diferente veld pa presencia y apoya e weganan di baseball. “Como mama mi tabata presente pa apoya mi yiu homber y su team tur siman. Pero na mes momento, como parlamentario, mi a puntra mi mes kico a bay robez cu e parti di tereno na Xander Bogaerts Ballpark na Centro di Bario Lago Heights, unda cu e publico mester presencia e wega, ya cu e ta den un estado inhumano”, parlamentario Sue-Ann Ras a comenta den fin di siman . Aki sra. Ras tareferi na e falta di facilidad pa por wak e wega agradablemente, unda entre otro, e tribune NO tin un dak y cu e mayornan y famia mester sinta den auto, of para wak e wega den higra di solo na muraya. Esaki ta un decepcion y disgusto cerca henter un grupo di mayor, cu no ta nada contento cu e estado di veld, unda nan yiunan mester hunga wega di bala.

DECEPCION Pa ta exacto bayendo bek den noticia, el’a bin corda riba e grandioso apertura na December 2013, na momento di e dedicacion di Xander Bogaerts Stadium cu a inaugura e evento di ‘Dare to Dream’. Aki 2 ex - mandatario, esta Alex Schwengle (deporte) y De Meza (como ciudadano di

San Nicolas), tabata presente y a hiba palabra, elogiando un ballpark completamente renoba pa e bario y cu e veld aki lo bira un joya di veld pa e muchanan como e bario di Lago Heights.

“Tristo y realidad ta, cu awendia ta parce, cu no a haci absolutamente nada riba e parti menciona y e veld su situación ta leu di ta uno di gaba y mas decepcionante ta, cu e ta carga nomber di un di nos mihor peloteronan actualmente”, sra. Ras a sigui bisa.

“Con por ta posible cu for di 2013 te cu 2017, no por a percura pa e veld haya su debido atencion y promesa, di ta un joya di veld? Con por ta posible cu e tribune no tin un afdak ainda? Con por ta posible cu hasta e borchi cu ta carga e nomber di nos orguyo nacional ta den asina un mal estado, mientras cu a usa uno hopi bunita durante inauguracion?”, sra. Ras a sigui puntra su mes, mientras cu e ta sostene y admira e logro di e hoben pelotero, cu den fin di siman tabata hopi exitoso na Merca. E ta spera cu ta algo ‘temporal” y cu tin ayudo na caminda pa e parti ey. “Pasobra si esey no ta e caso, mi lo kier sa kico tin cu sosode y kico a bay robez cu awe e parti ey ta den un estado, manera mi mes como mama y parlamentario a experencia”, sra. Ras a sigui bisa.

E ta lamenta cu muchanan

ta tur motiva tur diasabra y diadomingo, ta luci den nan uniform bunita, ta hunga un tremendo wega, mientras cu e mayornan cu ta bin tur wega fielmente, no tin un lugar

adecua pa presencia esaki den un forma minimo. A yega di bisa cu pa hobennan hunga bon, nan mester tin un bon tereno pa hunga ariba. Pero tambe mester tin facilidad

minimo pa esnan cu ta sostene e muchanan tur fin di siman.

Potret di e desvelo di borchi ta cortesia di Morning News.

16

Dialuna April 9

Parlamentario Endy Croes di MEP:

Marlon Sneek kier pospone reunion cu 3 siman pa e por bay Parlatino anticipa.

Reunion a hera sali for di man CAFT y Hulanda, comprondiendo e situacion, a bay di acuerdo mesora momento nan tambe a pone nan mes na altura di e desaster cu AVP a ocasiona y a bay over na duna e gobierno nobo tempo pa inventariza tur cos y traha un begroting nobo y realistico cu un deadline di 30 di April 2018.

Sinembargo durante reunion di Comision Central cos a hera bay for di control. Marlon Sneek na un manera sarcastico y cu un arogancia tabata exigi pa wanta e presupuesto di Pais Aruba pa 3 siman como cu e mester bay Parlatino medio April. Esaki a ricibi apoyo total di su colega

Parlamentario Endy Croes ta hopi decepciona cu e forma di proceder di Parlamentarionan di AVP. Diabierna ultimo tabata tin un reunion di Comision Central (CC) unda normalmente Parlamentarionan di tur partido ta bini hunto den sala di Parlamento den e mesun setting cu un Reunion Publico pero esaki ta wordo trata cu porta cera. Durante e tipo di reunionnan aki ta debati na un manera sano pa yega na un acuerdo pa pone fecha pa un reunion publico. Tambe ta pone un fecha unda Parlamentarionan por haci nan preguntanan por escrito. Alavez si bo no haci pregunta por escrito, bo por haci esaki durante e reunion publico.

Deadline pa aproba presupuesto 2018 Durante di e reunion di Comision Central di diabierna ultimo a trata e topico pa establece un fecha pa

parlamentarionan por entrega pregunta riba Presupuesto 2018 di Pais Aruba y alavez pone un fecha pa cuminsa trata esaki den un reunion publico. Coalicion a bin cu un proposicion pa diabierna 13 di April entrega preguntanan y inicia cu e reunion public dia18 di April. Nos tur sa cu tin un deadline di Hulanda cual ta 30 di April cu e begroting mester ta aproba. Di acuerdo cu e Ley di LAFT en realidad e begroting 2018 mester tabata aproba caba riba ultimo dia15 di December 2017. Ta debi na e disaster financiero cu AVP a laga atras y cu e Coalicion a hereda, a bin un cambio. Momento cu AVP a bandona gobernacion17 di November 2017 a bin sali na cla cu 2017 tin un deficit di 130 MIYON y no lo cera aĂąa cumpliendo cu e Ley di LAFT cual mester ta un deficit di -0.5% cu ta igual na -25 Miyon.

E desaster tabata mucho mas grandi y mas horibel cu por a

Richard Arends. Mester puntra bo mes ta con serio AVP por ta al respecto un tema asina importante pa cu henter e pais.

Fraccion di MEP mediante su lider di Fraccion RoccoTjon a bisa AVP pa nan duna un otro fecha tentative pero den cuadro di e realidad pa nos trata y aproba e begroting prome cu 30 di April.

Interes personal di Marlon Sneek AVP no kier a propone un fecha tampoco y ta keda insisti cu Marlon Sneek mester bay Parlatino of ta vakantie y wanta esaki por lo menos pa 3 siman.

Mesora Hendrik Tevreden, EdgardVrolijk y Endy Croes a cay aden cu tononan hopi fuerte pa pone Marlon Sneek para straight cu aki ta

tratando di un interes di un Pais y ningun interes personal lo bay dilanti esaki. Vice Presidente di Parlamento, sr Alan Howell a actua inteligentemente pa por a domina emocionnan di e diferente Parlamentarionan kendenan a mustra AVP cu nan ta den oposicion y pa nan actua conforme e regla nobo, esta “een toontje lager�. AVP a lubida tempo cu nan tabata den gobierno con nan a abusa di entre otro MEP e tempo aya dunando solamente dos dia pa studia presupuesto 2014 trapando riba tur regla di bon gobernacion y Budgetrecht.

Wel, Coalicion a pone e stempel den Parlamento cu cos a cambia y Bo ta Sinti E Cambio .

a g e M r e p u S TO! N E U C S E D ! ! ! i a b u c Tur cos tin

Cuminsando na 30% te cu 70%!! ariba tur panja..

Nos ta habri den siman 3-7 y diasabra 12:00-7:00

Pagina 17

Dialuna 09 April 2018

Homber cu droga banda di un nightclub na Palm Beach a keda deteni

Chauffeur coriendo cu velocidad halto a bay pega tras di auto na Paradera

Diasabra atardi a drenta informe di un accidente Dilanti di Pacifico na Paradera. Mesora a dirigi un patruya pa e sitio. Na yegada di e patruya a bin compronde cu aki ta trata di un accidente unda cu un chauffeur no a regula su velocidad ni a mantene distancia abay dal tras di e auto su dilanti. Afortunadamente ningun hende a resulta herida.

Chauffeur a subi rotonde y pasa ranca borchi y pega den mata di kwihi

Diadomingo madruga polisnan atento patruyando y controlando banda di un di un di e nightclubnan na Palm

Beach a bin logra encontra cu un persona cu tabata tin droga den su poder, mesora a confisca esaki y a detene e sospechoso.

Nan a hib'e warda di polis na Shaba unda despues e lo ser pasa pa interogacion na e seccion di crimen organiza di polis.

Diadomingo madruga a drenta informe di un accidente cu hende herida na e turbo rotonde banda di Wendy's riba L.G. Smith blvd. Mesora a dirigi tanto polis como ambulance pa e sitio. Na yegada di e patruya a bin compronde cu aki ta trata di un accidente unda cu e chauffeur di un Honda CRV bayendo panort no a ripara cu e ta yegando e turbo rotonde na ultimo momento a reacciona y a aplica e brake pero e velcidad tabata asina fuerte cu ela subi e rotonde ranca un borchi di trafico baha e rotonde sigui bay subi acera y bay dal fuertemente contra un mata di kwihi. E impacto tabata fuerte y manera por mira riba e foto e chauffeur a dal su pecho riba e stuurwiel. Na yegada di e ambulans nan a atende y transporta e victima pa hospital.

Pagina 18

Dialuna 09 April 2018

Fundacion CINEARUBA cu programanan educativo pa mucha, hoben y adulto

E club hubenil ‘Into Acting Youth Club’ ta bek! Na 2015 e club a nace y pronto el a bira e club number uno bao di su miembronan. Na banda di ta un plataforma pa desaroya talento, e club tambe a fungi manera un di dos cas pa su miembronan.

E aña aki e ‘Into Acting Youth Club’ ta forma parti di ‘Youth Can’ Programa di Desaroyo Hubenil Positivo.

Involucrando hobenan den actividadnan productivo. Proveyendo oportunidadnan pa desaroyo di habilidad.

‘Youth Can’ ta promove un desaroyo positivo cu ta duna e hobennan e hermentnan pa nan por construi un futuro exitoso.

Miembronan di e ‘Into Acting Youth Club’ 2018 lo tin e oportunidad pa presenta un programa di television hubenil online y tambe actua den un novela pa radio.

Ademas di siña actua e miembronan tambe lo siña ‘multitasking’ cu ta masha practico na

momento di crea videonan pa YouTube. E focus di e club ta riba desaroyo di talento, desaroyo di habilidad y desaroyo personal. E club tin un duracion indefini y cada aña tin proyectonan nobo unda cu e miembronan por participa.

‘Into Acting Youth Club’ ta ofrece e siguiente desaroyo di habilidadnan: tecnicanan di actuacion pa camera y actuacion di voz, tecnicanan di presentacion, tecnicanan di camera y audio, tecnicanan di conta storia, tecnicanan di mercadeo y diseño.

Riba e aspecto di desaroyo personal, ‘Into Acting Youth Club’ ta fomenta: autoestima, autodisciplina, autodeterminacion, a u t o c o n t r o l , comunicacion, ‘teamwork’ y capacidad pa resolve problema.

E ‘Into Acting Youth Club’ ta consisti di dos grupo: grupo 1 ta pa mucha for

8 te cu 15 aña, grupo 2 ta pa hobennan for di 16 te cu 25 aña. E club ta inicia diabierna 20 di april. Pa mas informacion y pa aplica por bishita e pagina web www.cinearuba.com/ youthclub.

Fundacion CINEARUBA ta ofreciendo tambe cursonan di duracion di seis luna cu certificado na final. E prome curso ta di ‘Screenwriting’ cu ta enfoca riba desaroyo di storia pa cine y e contamento di storia den e aspecto visual.

Participantenan lo siña e aspectonan tecnico di scirbi script pa cine, pero tambe e apecto creativo y narativo di skirbi script. Durante e curso e participantenan lo skirbi

nan propio script.

E curso di ‘Screenwriting’ ta ofrece e siguiente desaroyo di habilidadnan: tecnicanan di desaroya storia, contamento di storia via e medio visual y tecnicanan di skirbi script.

E curso di ‘Screenwriting’ ta inicia diasabra 21 di april y e ta pa hobennan di 15 aña bay ariba incluiendo adulto. Pa mas informacion y pa aplica por bishita e pagina web w w w. c i n e a r u b a . c o m / courses.

E di dos curso ta di ‘Sound and Music’ cu ta enfoca riba e aspectonan fundamental di zonido y musica pa cine, entre otro zonido di localidad, diseño di zonido, musica pa pelicula, mescla di zonido

di pelicula y ‘mastering’.

Participantenan lo siña diferente tecnicanan con pa graba zonido sin interferencia, tambe participantenan lo explora diferente conceptonan di ‘film scoring’ y diseño di zonido.

E curso di ‘Sound and Music’ ta ofrece e siguiente desaroyo di habilidadnan: tecnicanan di grabacion di zonido, tecnicanan di composicion, tecnicanan edicion y post-produccion di zonido.

E curso di ‘Sound and Music’ ta inicia diasabra 21 di april y e ta pa hobennan di 15 aña bay ariba incluiendo adulto.

Pa mas informacion y pa aplica por bishita e pagina web www.cinearuba.com/ courses.

Pagina 19

Dialuna 09 April 2018

Lo recauda fondo pa Fundacion pa Hende Muher den Dificultad

Aruba Bank ta sostene Wente Vineyards & Papiamento Restaurant Golf Tournament

E aña aki dia 7 di April lo tuma lugar e competencia di Wente Vineyards & Papiamento Restaurant Golf Tournament na Tierra del Sol. Aruba Bank lo sponsor e evento aki, cual tin como meta

pa recauda fondo pa Fundacion pa Hende Muher den Dificultad (FHMD).

E torneo aki ta pa yuda FHMD sigui cu nan trabao na yuda hendenan muhe hunto

cu nan yiu cu ta victima di violencia domestico. E meta di e fundacion ta pa yuda e posicion di hende muhe na Aruba, yuda lucha contra violencia den famia, specialmente hende muher, y yuda den e tipo di situacionnan asina aki.

FHMD a trece diferente conscientizacion riba e topico di violencia domestico, networking pa hendenan muhe y hopi mas. Y pa sigui cu e causa aki, Aruba Bank ta sostene e trabao di FHMD door di sponsor e competencia di golf cu Wente Vineyards & Papiamento Restaurant lo organisa.

Aruba Bank no ta sostene solamente deporte, pero tambe fundacionnan cu ta traha na bienestar di Aruba.

Engravings Elegance

TRAINING TAAL&REKENEN WORKSHOP “BEGRIJPEND LEZEN & TOETSTRAINING” All types of Cemetery works, Tumbstones, Awards, Glass, Mirrors, Champagne flutes, Marble & Granites and much more….

Hooiberg 81B, Tel: 586-1908/593-4757…Fb

(pa: alumnonan di 6de klas di school basico) Dianan di training: feb. 16,17,23,24;maart 2,3 Ora: 3:00-6:00 (feb. 16,23; maart 2) 1:00-4:00 (feb. 17,24; maart 3) Lugar: Club Don Bosco Docente : drs. Rudolf R. Kelly

Informacion: 562-2119/ 594-9771/ 585-9774.

Email: rr_kelly@yahoo.com

Pagina 20

Dialuna 09 April 2018

Neglishando e prioridadnan den nos pueblo, AVP kier a hunga pa sheik cu su proyectonan biyonario di PPP Den un acto di desesperacion, haciendo tur intento pa controla e daño sumamente grandi cu a ser cometi contra nos finansa publico y aparentando cu awor si e kier ‘give a damn’, ex-ministro Benny Sevinger a trece siman pasa padilanti algun punto pa trata di hustifica tur e debenan cu tin cu ser paga ainda pa e proyectonan PPP durante e proximo 25 pa 29 aña. Entre otro el a declara cu “PPP ta brinda espacio pa ehecuta proyectonan cu no tabata por a wordo ehecuta financieramente”.

Un gobierno iresponsabel E solo declaracion aki ta ilustra caba con iresponsabel e gobierno di AVP a maneha nos finansa publico, ya cu si gobierno no tabata tin e fondonan necesario pa ehecuta e proyectonan aki y tambe no tabatin un idea unda lo saca placa pa paga esakinan den e proximo añanan, anto nan no mester a bin cu tanto proyecto biyonario asina den un solo tiro, pues hungando pa sheik riba custia di pueblo. Y tur esaki mientras cu nan plan original di introduci e Financial Transfer Tax (FTT) pa paga pa e proyectonan aki a cay na awa debi na obhecion di e mundo financiero, bancario y comercial di Aruba. Y te cu awe nan no a presenta un plan alternativa pa por paga e debenan di PPP aki.

Gastonan fiho di 300 miyon Pero locual ta mas condenabel ainda ta cu AVP tabata bon na altura cu nos pais ta pagando

caba 216 miyon florin tur aña na interes di tur e debenan cu Gabinete Eman a crea durante e ultimo 8 añanan. Anto ainda e politiconan iresponsabel di AVP tabatin e curashi di añadi un extra 80.5 miyon florin fiho tur aña riba e 216 miyon florin aki!

Pues den total un suma di casi 300 miyon florin (25%) na gastonan fiho riba un entrada anual cu gobierno ta haya di total 1.2 biyon florin. Hecho ta tambe cu e entradanan total di gobierno no a aumenta durante e ultimo 4 añanan y esaki pa motibo cu nos pais no a conoce crecemento economico desde 2014 en adelante. Un otro muestra di incapacidad di Gabinete Eman tabata cu hayando 2 biyon florin extra na entrada debi na creacion di e Megadebe, nan no a logra crece nos economia, segun e filosofia di nan idolo Paul Krugman y cual filosofia a ser desbarata recientemente pa e Comision di Supervision

CAft. Pues un daks den wowo pa Mike Eman!

Pisca ta muri pa su boca Un otro punto ironico cu sr. Sevinger a trece padilanti ta cu “Sistema di PPP ta scapa gobierno gastonan di mantencion pa hopi aña”. Aki nos por mira claramente cu sr. Sevinger su mente ta poco retrasa, ya cu tabata hustamente su persona kende na 2007/2008 a critica fuertemente e concepto PPP pa cu construccion di e edificionan di gobierno y wardanan di polis. E tempo ey e gobierno di MEP responsabelmente a bin cu e forma di financiamento y principalmente

mantencion di e edificionan y wardanan di polis mediante SOGA. Nos tur por corda ainda con sr. Sevinger a lastra e gobierno di MEP yamando henter e concepto di PPP como algo corupto y cu lo no beneficia nos pueblo.

Y awe cu brasa habri e ta gara na e concepto di PPP aki y ta haya cu e mantencion continuo di e edificionan ta hopi necesario. Pero locual ta remarcabel si ta cu tur e proyectonan PPP di Gabinete Eman, nan tur ta hayando mantencion caba y esaki prome cu termina cu e construccionnan mes.

Esaki ta pa demostra e nivel y calidad abao

di construccion di e proyectonan aki bao di Gabinete Eman.

Contrario na esey, tur e proyectonan PPP bao di Gabinete Oduber a ser ehecuta sin ningun problema, sin tardansa, sin gastonan extra (meerwerk) y di un nivel y calidad halto cu no tabatin mester di ningun mantencion mes durante e construccion.

Finalmente, un suplica ta bay na sr. Sevinger y otro politiconan di AVP pa splica porfin na pueblo di unda e gobierno actual mester saca e fondonan pa paga pa tur boso locuranan di PPP!

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 21

Dialuna 09 April 2018

Parlamentario Alan Howell honra di realisa apertura di mini cancha di futbol na Cura Cabay Zuid

Siman pasa parlamentario Alan Howell tabatin e honor di realisa e apertura oficial di e bunita mini cancha di futbol na e bario di Cura Cabay Zuid. Ta trata aki di un proyecto sumamente bunita di FCCA cu a costa 350 mil Florin.

Teniendo na cuenta e importancia cu Alan Howell ta duna no solamente na deporte, pero tambe na combatimento y prevencion di criminalidad, e echo cu e por a realisa e apertura di e mini cancha aki tabata sumamente special pe.

Mas ainda mirando cu ta trata di un bario pariba di brug, area

cu ta hopi yega na su curason.

E ta considera e proyecto aki uno importante pa mantene nos muchanan ocupa cu cosnan positivo y pa stimulanan haci deporte.

Ademas e scolnan den cercania manera St. Michael School, Colegio Cristo Rey y Caiquetio School tambe lo por haci uzo di e cancha aki durante orario di gym.

Howell ta felicita henter e bario di Cura Cabay Zuid cu e bunita proyecto aki.

"Un deportista mas ta un delincuente menos.

Together we can make it better".

PUEBLO A HHAĂ‘A SU PEN BEK

Pa kualkier informacion solodipueblo@gmail.com of

☎ 585-9500

Pagina 22

Dialuna 09 April 2018

Banda di Alhambra‌.

Taxista a bira sin a duna motociclista preferencia

Diasabra atardi a drenta informe di un accidente cu hende herida na e cruzada banda di Alhambra Mesora a dirigi tanto polis como ambulans pa e sitio. Na yegada di e patruya a

bin compronde cu aki ta trata di un accidente unda cu un taxista a bira sin a duna preferencia na un motociclista y nan a accidenta. Debi

na e impacto y e caida e motociclista a resulta herida. Na yegada di e ambulans nan a atende e victima.

Pagina 23

Dialuna 09 April 2018

DE 50 GEBODEN VAN GOED BESTUUR

(deel 17)

en een duivelse misdaad tegenover de Arubaanse kiezers die zij dienden te vertegenwoordigen.

Als Aruba fatsoenlijke AVPparlementariёrs had gehad van 2009 tot 2017 was Land Aruba en de Arubaanse bevolking veel leed bespaard gebleven; fatsoenlijke, integere, goed opgeleide parlementariёrs hadden de regering allang gecorrigeerd en het wanbeleid en de fraude en corruptie gestopt.

In deze serie afleveringen in Solo di Pueblo belicht Jan de Ruijter, vaste columnist bij Solo di Pueblo en voorzitter van Stichting Nos Ta Aruba elke week een interessant artikel over goed bestuur.

Voor commentaar: janderuijter@yahoo.com en zie Facebook Jan de Ruijter VECHTEN MET DE OPPOSITIE IN PLAATS VAN DE REGERING CONTROLEREN 42. EEN FUNCTIONEREND PARLEMENT Een functionerend parlement is de zevende karakteristiek van een participatieve democratie want het parlement is dé plaats bij uitstek waar volksvertegenwoordigers de belangen van de burgers dienen.

Aruba kent een parlement vanaf 1 januari 1986 maar nog nooit heeft het Arubaanse parlement zelfstandig, los van de regering gefunctioneerd en namens de bevolking de regering gecontroleerd zoals dat zou moeten. Het parlement als hoogste orgaan van het land, heeft als allereerste taak de regering te controleren.

Parlementsleden moeten het functioneren van de regering

controleren, controle uitoefenen op het beleid van de regering.

We noemen zo’n functioneren tussen een regering en een onafhankelijk, controlerend parlement een dualistisch stelsel; ministers mogen geen lid zijn van het parlement, regering en parlement moeten strikt gescheiden zijn en de één controleert de ander. Het parlement als wetgevende macht controleert de regering als uitvoerende macht.

HET ARUBAANSE PARLEMENT ALS APPLAUSMACHINE VOOR DE REGERING In grove afwijking daarvan wordt in meerdere officiёle rapporten o.a. van de commissie De Ruiter en A. Koerten het functioneren van het Arubaanse parlement vanaf 1986 terecht en helaas als monistisch betiteld. Het Arubaanse parlement is helemaal niet onafhankelijk van het kabinet van ministers en dat gaat ten koste van de controle op het kabinet.

Parlementariёrs blijven hoe dan ook het kabinet van ministers steunen, zeker als het gaat om bewindslieden van de eigen partij. Dit gebeurt dikwijls uit angst dat een kritische houding ten opzichte van de partijgenoten in het kabinet de

partij schade zal berokkenen en in Aruba worden kritische parlementariёrs ook nog eens keihard afgestraft door de partij; ze komen dan een volgende keer niet eens meer op de lijst van kandidaten!

In Aruba zet de regering met behulp van haar meerderheid, het parlement naar haar hand.

Niet langer is de regering de uitvoerende commissie van de parlementaire meerderheid, maar de parlementaire meerderheid is de applausmachine van de regering.

DE REMEDIE, EEN TUSSENOPLOSSING Het enige dat parlementariёrs van de ene grote partij doen is ruzie maken en ruzie zoeken met parlementariёrs van de andere grote partij. De domste ruzies op het laagst mogelijke niveau.

De reden om dit allemaal zo uitvoerig uit te leggen is om de volkomen absurdheid aan te tonen van het functioneren van het Arubaanse parlement en de schade die daardoor aan de bevolking van Aruba is aangedaan. Ik noem het monistisch functioneren van het Arubaanse parlement, hoogverraad door de betreffende Arubaanse parlementariёrs, landsverraad jegens de Arubaanse bevolking

Allerlei geleerden, professoren en doctoren bieden twee oplossingen aan tegen het monisme, die beide nergens op lijken, puur theorie zijn en geen schijn van kans maken in de praktijk. De eerste oplossing zou zijn een beroep te doen op politici om eerbaar en onafhankelijk te handelen in het bewustzijn dat het goed functioneren van het parlement van hem afhangt. Nou ik vind dat maar heel erg naïef, ik zie ons al een beroep doen op een volkomen ongeschoolde en totaal ongeletterde hansworst als Melvin Tromp, die nota bene een strafregister heeft wegens winkeldiefstal, om de belangen van Land Aruba en de Arubaanse bevolking te laten prevaleren boven de belangen van Mike Eman!

DAT HEEFT TOTAAL GEEN ZIN!! Daarom vind ik dit soort geleerden ook zo oerdom.

Het is een zinloze exercitie die tot niets leidt! Als die geleerden nu eens het thema van functieeisen zoals een HBO-opleiding en HBO– denk en –werkniveau zouden opbrengen, bewezen geleverde prestaties in de maatschappij en een blanco strafregister......... maar nee, daar denken deze geleerden niet aan. De tweede oplossing zou zijn om de constitutionele rechten van volksvertegenwoordigers te beschouwen als de rechten van uitsluitend de oppositie. Hoe bedenken ze de nonsens!

Wordt vervolgd in de Solo di

Pagina 24

Dialuna 09 April 2018

Tur hende a disfruta di un competencia amistoso di volleyball Team di huesped a gana e team di Riu Palace Aruba y Riu Palace Antillas

E team dinamico di recreacion di Riu Palace Aruba y Riu Palace Antillas a tene un competencia amistoso di volleyball cu huespednan. Durante e competencia aki tanto e empleadonan di ambos hotel y huespednan a pasa un momento agradabel.

E combinacion di e team dinamico di ambos hotel

tabata activo y a demostra cu nan ta traha den team y espirito contra e huespednan. Tur hende a disfruta y e huespednan para na banda tabata apoya ambos team. Na final di e wega e team di huesped a bay cu e victoria, unda nan a demostra miho tecnica contra e team dinamico di Riu Activities.

Riu Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014.

Hunto e dos hotelnan aki ta maneha mas o menos 25 mil huesped pa luna, cu un nivel di

grado di ocupacion mas halto riba nos isla. Entre e dos hotelnan RIU na Aruba, nan ta emplea riba

800 trahado, brindando huespednan e miho nivel di servicio.

Hammershark y Aruba Juniors trahando cu Curaçao Baseball Academy

Un total di 100 mucha participando den “1st International Youth Baseball Camp”

E organisacionnan di Hammershark y Aruba Juniors a organisa e “1st International Youth Baseball Camp”, di cual nan a invita Curaçao Baseball Academy (CBA) pa participa na esaki.

E camp di baseball ta desde 4 te cu 7 di April, unda cu 100 mucha a inscribi pa asina participa na esaki. durante e camp aki e muchanan a ricibi training y tipnan for di diferente coach.

Coachnan boluntario cu a participa na e baseball camp ta Kenneth Desbarida, Leroy Antionia, Ando Cientje, Jairo Quandt y Luigi

Yañez. E cantidad di mucha cu a inscribi pa participa ta algo cu Curaçao Baseball Academy ta custumbra di atende, asina Jairo Quandt, coordinador di Curaçao Baseball Academy, a expresa. E organisacion aki tin coachnan cu ta di seleccion nacional di Corsou. Pa participa den e 1st International Youth Baseball Camp na Aruba, pa nan esaki ta un reto nobo y ta premira cu cosnan lo bay bon. A parti e grupo den dos orario di cual e prome training ta di 8:30am-1:00pm y 2:30-6:30pm unda cu a conta cu 50 mucha respectivamente na veld di Aruba Juniors.

Awo Curaçao Baseball Academy ta traha cu e organisacionnan aki di Aruba, pero nan tin afiliacion cu otro academianan. E academianan aki ta haci uzo di CBA den parti di Caribe.

“Aruba a bini Corsou pa un torneo y nan a mira nos operacion. Nan a gusta y nan kier a bin Corsou”, asina Jairo Quandt a expresa. A conseha nan pa no bay Corsou, pero nan a bin Aruba pa asina brinda un clinica mas barata.

Tambe a invita mayornan cu tin aspiracion pa siña mas di baseball durante e clinica aki, unda nan lo por mira e training. Tur coach di baseball di Aruba tambe ta bon bini pa presenta na e clinica aki, unda nan lo participa.

E coachnan cu a bin di Corsou tin nan certifica di MLB den CDP y nan ta trece nan conocemento dilanti. Tambe nan ta trece tur faceta cu a cambia den baseball. Esunnan cu presenta na e clinica aki ta siña mas y despues por bay cu tur informacion bek na nan organisacion pa asina aki siña nan muchanan.

Dialuna 09 April 2018

TA BUSCA

un bon auto di mas o menos 7 mil 8 mil fls Ta busca Toyota Yaris pa cumpra 2010 of 2012 Yama na 569434 Ta busca tereno unda cu ta pa cumpra ,Yama na 5694343

Pagina 25

Pagina 26

Dialuna 09 April 2018

Robert Candelaria di AVP:

Un ons di prevencion bal mas cu un liber di sanacion Mester inverti mas den prevencion den trafico y den droga

E dicho “Un ons di prevencion bal mas cu un liber di sanacion ta bin di e ex Presidente di Merca, Benjamin Franklin. E ta hiba na e pregunta si Bo a yega di pensa di prevencion den e cuadro ey? Ami semper a kere den prevencion.

Semper mi a propaga prevencion tambe. Prevencion ta bal mucho mas cu deal cu e problema despues cu el a tuma luga caba.

Un baca cu a hoga den pos, no por wordo resucita. Durante campaña mi a papia di prevencion continuamente. Aki mi ta referi naturalmente na prevencion di crimen. Pero prevencion ta aplicabel no solamente pa cu criminalidad pero tur caminda.

Recientemente Ministerio Publico di Aruba a anuncia riba nan

website e sumanan di multa cu hende por haya pa diferente infraccion. Esaki ta un bon ehempel di prevencion. Mi tin sigur cu hopi hende cu a wak esaki a pensa cu nan lo mester cambia nan conducta den trafico pa evita di haya e multanan aki. E suma ta halto.

Ta bon pa pueblo sa cu e intencion di un multa nunca ta pa Polis of Ministerio Publico kita placa di pueblo den forma di multa.

E intencion ta pa nos tur cu ta den trafico ta consciente cu nos mester mantene nos mes na leinan di trafico y ora nos

faya pa cumpli cu esaki, nos lo mester paga multanan halto.

Pues multa of boet mester tin un efecto preventivo esta pa nos no kibra lei pa nos no mester paga.

Y ora bo mantene bo mes na ley, automaticamente lo no tin tanto accidente y peliger den trafico.

Mi ta pone e informacion di e website di Ministerio Publico aki pa tur hende refleha riba dje.

Un otro ehempel di prevencion

ta den e manera cu ta duna forma na e infrastructura di nos pais. Gobierno anterior a laga proyectonan atras pa construi casi 20 rotonde adicional na Aruba.

Mi ta gradici e Gobierno nobo cu a sigui cu e proyectonan di rotonde di e Gobierno anterior. Den cuadro di ‘Gobernacion ta continuacion’ esaki ta algo di aplaudi. E motibo cu construccion di rotonde ta algo preventivo den cuadro di nos infrastructura ta pasobra rotonde ta pone cu e chauffeur mester baha su velocidad, duna preferencia prome cu subi e rotonde y despues drenta e bocht cu cautela cu ta pone cu e riesgo di accidente ta baha. Pues esaki tin un efecto preventivo riba accidente cu danki Dios ta yuda pone cu e cantidad di morto den trafico tambe a baha considerablemente.

consumo di tur tipo di droga y tambe mester sigui lucha contra abuso di alcohol na Aruba.

E reduccion aki ta danki na esfuersonan di Cuerpo Policial, Ministerio Publico pero tambe di DOW y otro partners. Den tur area mester traha riba prevencion na bienestar di nos pais. Mas siguridad den trafico ta nifica menos accidente. Esaki ta e Aruba mas safe y mas sigur cu nos tur ta desea.

Un area cu tambe mi ta kere mester haya mas atencion ta e area di prevencion

di adiccion. Adiccion na alcohol y droga ta un peso pisa pa nos pais. E ta costa hopi placa, pero tambe e ta destrui hopi famia. E ta costa hopi placa pasobra adiccion ta bay man den man cu ladronicia, violencia, kiebro di famia, malesa etc cu ta nifica hopi gasto na nos cadena hudicial, sectornan gubernamental manera den e mundo medico y social pa djis menciona algun. Mester keda enfoca

riba yuda esunnan cu ta den adiccion caba pa guia nan con pa sali di e adiccion. Mester yuda y stimula esunnan cu ya ta trahando den e ramo aki pa ta mas eficiente y mas exitoso posibel. Mester yuda esunnan cu a wordo libera di nan adiccion pa nan haya trabou y integra den comunidad y bira un ciudadano productivo pa Aruba. Tambe mester sigui combati tur forma di importacion, benta y

Algun siman pasa mi a papia tambe tocante e topico di cultivacion di marihuana aki na Aruba.

Mi a splica cu esaki no mester wordo considera como un posibel pilar economico. Ban stimula plantacion di fruta y berdura pa consumo local y si ta posibel como un pilar economico y no marihuana.

Hasta si e idea ta pa bini cu esaki medicinalmente, mester pensa pa importa e producto ey di luganan cu ya ta produci esaki. Cultiva cannabis aki na Aruba y despues bisa e pueblo pa no bay hum’e pasobra e ta malo pa bo no ta ‘make sense at all’.

Mester inverti mas den campaña di prevencion y

conscientisacion pa nos hobennan pa nunca ni purba droga. Si nos wak cu un isla cerca di nos cu ta Jamaica ta den problema economico y su sector turistico ta den problema serio, siendo cu esaki ta un pais cu ta conoci pa cu su consumo di marihuana, mi ta kere cu nos mester pensa cu un ‘gewaarschuwd man telt voor twee’. Laga nos keda leu di legalisa marihuana.

Mescos cu Aruba ta riba un bon caminda pa ta un isla cu ta lider den region den produccion di energia sostenibel, laga nos ta un isla modelo den nos region cu ta lider den otro cosnan positivo manera menos morto den trafico, menos hende adicto na droga y alcohol. Tur esaki ta cuminsa cu haci prevencion central den nos maneho.

Pagina 27

Dialuna 09 April 2018 Ki alegria, ora nan a bisa mi: "Ban cas di Señor!"

I awor, ata mi aki para na bo porta Señor.

Salmo 122

Parlamentario di AVP Arthur Dowers:

E screening di ministernan a wordo usa pa chantahea

Cu inmenso tristeza na nos curazon, nos ta anuncia fayecimento di:

Sra. Vda. Teresita Perez-Blanca

Mihor conoci como “Tere” of “Mamita” *21-03-1930 - †04-04-2018 Na nomber di su: Casa: †Ernesto Perez Yiunan: Sra. Vda. Lourdes Dijkhoff Perez y famia

Anna Perez y famia

Mary Perez y famia

Esther y Leopoldo Erasmus Perez y famia

Rayza Perez y famia

†Hayro Perez

Lucy Perez y famia

Ernest y Linda Perez Fingal y famia

Lindon y Rubyne Perez Peters y famia Nieto y nietanan: Ivan Dijkhoff, Ivette Chirino, Giano Leysner, Rajan Couthiño,

Alan Couthiño, Lily Bramskamp, Raywalt de Cuba, Alvin Dania, Kelv in Dania, Alisson Perez, Marc Perez, Jayden Perez Bisanieto(a) : 11 Ruman : William y Gladys Blanca Cruz Sobrino(a)nan: Annie Wilson

Andre Wilson

Mylene Blanca

Minouska van den Berg

Joël Blanca Amigonan di cas : Robby y Carmen Robles, Mina Harms, Roland y Jeanette Harms Bisiñanan: Mary, Jeanette, Duffie Wever y Famia Persaud Demas famia: Blanca , Perez, Dijkhoff, Rodrigues, Leysner, Erasmus, Couthiño, de Cuba, Fingal, Peters, Dania, Chirino, Trimon, Maduro, Bramskamp, Blanca, Wilson, Cruz, Harms, Robles, Figaroa.

Ta invita pa acto di despedida cu lo tuma lugar na Aurora Funeral Home dialuna 9 di April 2018 di 9’or pa 11’or di mainta. Cremacion lo tuma lugar despues den seno familiar.

Disculpa nos si den nos tristeza nos por a lubida algun famia of conocir.

Despues di cremacion no tin bishita di condolencia na cas.

Un di e temanan cu a wordo trata den e reunion ultimo di LIM, caminda cu fraccion di AVP a haya confirmacion cu partido MEP y den e caso aki POR y RED a bisa un cos den campaña y haci otro cos den gobernacion. E ta sigui e mesun liña cu sr. Nelson Oduber a bin cun'e den pasado.

Segun Parlamentario Arthur Dowers, tin tres partido cu a cera cabes hunto y cu tur tres e partidonan aki tabata tin den nan programa di gobernacion, cu nan lo traha cu 7 minister. Dado momento, nan a bay forma un gobierno y a resulta awo cu nan tur a bay di acuerdo pa bay cu 8. Por a corda cu sra.

Wever-Croes a bisa cu ningun hende por forma un gobierno, cu si nan no ta dispuesto pa keda na 7 y awor a resulta cu sra. Wever-Croes tabata dispuesto pa cera un gobierno y bay cu 8.

Loke ta straña AVP y a haci pregunta riba dje, cu den pasado sra. Wever-Croes a haci burla di ex -minister presidente Eman, cu ta bin cu un screening cu no ta sirbi, pasobra cu Eman a nombra sr.

Oduber, den e caso aki Otmar Oduber, awor aki miho conoci como Scorpion, cual nomber a wordo duna pa sr.

Nelson Oduber, a bira minister, bao di gobierno di AVP. E tempo ey tabata tin un relacion entre sr. Oduber y e famoso Strawberry gate, cual a pone cu e no por a bira minister.

Awor aki sa cu a haci denuncia contra sr. Oduber y cu e strawberry gate no a bay tampoco. Te dia di awe no a tende e resultado di e Strawberry Gate. Sra. Wever-Croes no a bin dilanti kico ta su ponencia riba esaki. Loke a sorpresa AVP ta ora cu a puntr'e den Parlamento, con a bay su e screening, el a bisa cu e screening ta mucho mas riguroso.

Conoce sra. Wever-Croes como un persona cu no ta papia berdad. Sra. Wever-Croes ta lubida cu el a pidi e screening, bao di responsabilidad di gobierno di AVP. No ta asina cu sra. Wever-Croes a haci e screening, sino cu el a wordo haci pa e mesun departamentonan den e gobernacion di AVP, siendo cu Wever-Croes a bisa cu e screening aki ta uno diferente.

Dowers a splica cu esaki no ta diferente.

Ta hayando indicacion cerca di MEP, cu ta papiando, sacando informacion, ta mustra cu e screening e biaha aki a wordo mal uza. E screening cu mester uza normalmente ta yega na un conclusion si un hende ta ministeriabel si of no, ta wordo usa pa chantagea cierto hendenan. E screening a duna como resultado y sra. Wever-Croes, nunca lo saca esaki, tampoco bisa berdad di e screening. E screening a saca afo cu tabata tin personanan bao di criterianan cu no ta ministeriabel.

Sinembargo, awor aki ta e minister presidente, mescos cu sra. Wever-Croes a bisa den pasado, ta e ta dicidi hunto cu gobernador, si toch nan ta haci e persona aki minister si of no. Loke tin di compronde ta, cu e screening aki a wordo uza pa chantagea pa menasa cierto hendenan, cu si e no tuma e cartera cu bisa, si e insisti riba cualkier cos cu no kier pa haya, e ora ey ta saca e screening aki y ta divulga e relacionnan cu cierto hendenan y tambe duda cu tin pa loke ta e diferente servicio di e pais aki. Lo bay haya dentro di algun tempo e detayenan cu tin den esakinan. Si hendenan cuminsa bisa cu nan a wordo uza pa chantagea cierto ministernan, e ora ta kere e momento lo yega cu lo sa kico precies loke ta den dje.

Pagina 28

Dialuna 09 April 2018

EPI lo educa nan y Hospital lo guia Nursenan den profesionalnan medico Hospital y EPI ta formaliza educacion profesional pa enfermero

ta ricibi na Hulanda ta rekeri pa Hospital mester adapta su mes, pa loke ta e educacion di su enfermeronan. E relacion estrecho cu scolnan na Hulanda ta haci cu Hospital ta bay engrandece e nivel di conocemento di su enfermeronan asina nan por traha mas estrecho cu e dokternan specialisa. E cuido medico lo tin su avance den dje.

Recientemente Dr. Horacio E. Oduber Hospital y Educacion Profesional Intermedio (EPI) Sector Salubridad & Servicio a cera un acuerdo pa studiantenan di enfermeria wordo guia debidamente den practica na Hospital durante nan ultimo 2 añanan di estudio mientras nan ta ricibiendo e parti teoretico na EPI. Hospital, EPI y Minister di Enseñansa ta contento cu e logro aki, unda cu e studiante den enfermeria por integra e parti teoretico di biaha den practica, sin e necesidad di bay studia di biaha den exterior. Hospital a cuminsa cu e proyecto aki cu Ministernan di Enseñansa anterior mr.

Drs. Arthur Dowers y Michelle HooyboerWinklaar, di cual e actual Minister di Enseñansa, Dr. Rudy Lampe a firma e acuerdo final.

Pa Hospital e acuerdo aki ta bay crea un graduado

cu ta miho ekipa pa sigui un estudio specialisa den enfermeria, asina Director encarga cu Cuido di Hospital, sr. Ezzard Cilié a duna di conoce. Aki na Aruba, EPI ta encarga cu e pari teoretico y awor cu e acuerdo aki, Hospital lo percura pa den practica entrena e studiantenan debidamente durante nan estudio. E acuerdo ta un forma hopi mas estrecho cu nan a palabra riba con nan ta bay traha hunto pa asina Hospital haya un miho calidad di studiante, cu bista pa futuro.

Sr. Cilié a duna di conoce cu ya pa hopi aña Hospital tin acuerdonan cu VuMC y Amstel Academie cu ta brinda oportunidad pa specialisa den diferente ramo den enfermeria.

Riba tereno medico Hospital no por keda atras. E realidad ta cu Hospital ta hayando hopi mas dokternan specialisa for di Hulanda. Mirando e estudio cu e dokternan

Minister di Educacion, Ciencia y Desaroyo Sostenibel, Dr. Rudy Lampe, a duna di conoce cu e momento aki ta di satisfaccion hopi grandi pa firma e acuerdo entre Hospital y EPI p’e formacion di enfermeronan di Aruba.

E ta un combinacion di practica y teoria cu na final e pashent lo beneficia hopi di e sistema aki.

EPI ta un instancia na nivel MBO cu ta forma enfermeronan y Hospital tin mester di nan pa por sigui opera y brinda cuido.

E acuerdo ta formalisa e cooperacion aki. Rond mundo tin scarsedad di enfermeronan, esaki ta nifica cu Aruba no por depende di enfermeronan stranhero.

Aruba mes mester produci enfermeronan y p’esey e acuerdo ta yuda suministra e demanda grandi cu tin di enfermeronan cualifica pa por sigui duna e servicio aki na Aruba.

TA BENDE

"BBQGRILLS" made in Aruba.

100-150-175-200 250-300florin.

Info: 5697787(nos por entrega)

TA BENDE Edificio comercial situa na Sta Cruz, conoci como Rowigini’s y su complex di apartment.

TA BENDE UN AUTO 1990 Toyota Corola blanco Standard full overhaul bateria nobo Afl 800,00

Cell:741-0123

(Ta core pone bo number y bai cune)

TA HUUR Apartamento na Seroe Colorado. 2 kamber cu airco / banjo / cushina sala comedor.

Interesadonan por jama

5698007

Pagina 29

Dialuna 09 April 2018

Dos turista problematico y agresivo a resisti detencion di polis, dilanti Hilton Hotel

Diasabra marduga den careda di 2'or patruya di districto di Noord a wordo informa cu tin un problema na Gusto.

E problema tabata cu e bouncernan lo a saca dos homber turista for di e establecimento, mirando cu nan lo tabata haciendo problema.

Despues di un rato, a pidi e polisnan cu mas urgencia paso e dos hombernan aki. Cu mes ora por a mira cu nan ta bao influencia di alcohol y posiblemente tambe droga.

Na e sitio un taxista ta bisa polis cu nan (e dos turistanan) lo a causa daño na su auto tambe parti patras, pero e no por a warda e ora ey paso e tin turista den auto pa hiba.

Segun nos a compronde, pero no por a confirma e momento eynan, un otro taxista tambe a wordo gedal door di un di e hombernan aki.

Na yega nos por a wak un di nan ariba vloer full soda.

Despues di un rato, e prome patruya cu a yega a wordo mustra door di bouncernan di Gusto unda y ken e dos hombernan ta.

Den algun minuut un agente a sali cu e homber bisti na cora geboei.

Problema a start Momento cu e agente a bay pa hinke den e patruya y asina warda pa transportwagen bin buske.

Normalmente esaki lo a bay sin problema, pero e biaha aki e homber a cuminsa haci hopi fastioso.

Un cantidad di palabranan insolente y falta di respet e agente a wanta, asina mes ela keda hopi calmo.

Despues di un rato cos a bay full for di man y mester a bay tera cu e homber pa por a domine.

Un otro homber turista a core bin yuda e agente, wantando e homber agresivo abao mientras refuerzo tabata yegando.

Un poco mas panort, esun na blanco lo tabata resistiendo cu e otro colega polis, pero esaki lo a sa di pone den boei y trece pazuid unda e borchi di I Love Aruba ta.

Transportwagen a yega y mes ora a cuminsa na hinca den e auto pa movenan di e sitio. Eynan un biaha mas esun na color cora tabata falta e agentenan respet, cu cantidad di palabra malo tanto na Spaño como na Ingles.

Polis a bise cu e mester respeta nos leynan, pero asina mes a papia yen cos.

Ambos a wordo hiba warda di Shaba.

Chauffeur coriendo cu velocidad halto no a logra bira e birada y a bay dal riba un palo di luz na Sabana Blanco

Diadomingo madruga a drenta informe di un accidente na Sabana Blanco Mesora a dirigi un patruya pa e sitio.

Na yegada di e patruya a bin compronde cu un chofer a bay tuma un birada cu velocidad halto y a bay dal riba un palo di luz. Aunke e impacto tabata fuerte ningun hende a resulta herida.

Un feliz siman bendiciona rumannan cu hopi gozo sabiendo cu Señor nos Dios ta hunto cu nos tur momento.

Awe Iglesia Catolico ta celebra e solemnidad di Anunciacion di Señor na La Birgen Maria. Isaias 7,10-14 ta duna nos e mensahe : Señor mes lo duna boso un señal: Mira, e mucha muher hoben lo sali na estado y lo duna lus na un yiu homber. L'e yam'e 'Emanuel, Dios cu nos '. Salmo 40 ta bisa nos : Ata mi aki, Señor pa haci Bo boluntad. Den e Evangelio di awe Lucas 1, 26-38 ta papia di e anuncio di Hesus su nacemento.

Dios semper ta tene cuenta cu libertad di hende.

Nunca E no ta impone su intencionnan. E ta trece

nan como un invitacion, un mensahe y no un ordo.

Nos por acepta, pero nos por nenga tambe. Hasta e binimento di su Yiu Hesus como Salbador El a haci dependiente di e sí di Maria.

Oracion: Tata amoroso, Bo mensahe di amor y salbacion te awendia ta bini diariamente cerca nos pa medio di hende y circunstancia rond di nos.

Cu nos curazon por ta humilde y semper habri pa acepta Bo boluntad y sigui e ehempel di Mama Maria y bisa sí na Bo yamada.

Amen.

Pagina 30

Dialuna 09 April 2018

TA BENDE

Resultado di Number

LOTTO ANOCHI 7 DI APRIL

LOTTO MERDIA 7 DI APRIL

6 DI APRIL

Store display table For sale!

700,- florin

1. 6407 2. 6455 3. 4749

Si bo ta interesa pa cumpra, por yama na

748- 8280

3565

SERVICIO SEPTIC

6 DI APRIL

LOTTO MERDIA 8 DI APRIL

1. 4750 2. 8988 3. 6897

Servicio di Septic Tank – Chica Pos

Yos Septic Tank

Tel: 566-6144 / 748-2689 Yos ta yega mesora y sigur!

08 DI ABRIL

1. 4227 2. 3730 3. 8502

TA BENDE

TA HUUR

Pa mata nan fuerte y berde Gordura di bon calidad Afl 8,00 pa saco randi.

Cas na Pos Chiquito 4 kamber/baño cura sera cu hopi lugar pa parkeer. Bon pa

Nos ta deliver riba 10 saco

Pa mas info yama 592-6209

oficina of residencia. Serka di caminda Afl 2500,00 pa luna

Pa mas info yama 733-1201

VERF DAK Painting Welder Roofing Carpentry All in one bon prijs pa mas info yama

6309246

TA BUSCA

Security guard masculino, edad 25-45 aña

Mester tin MAVO diploma of equivalente Mester por papia y scirbi papiamento hulandes ingles y spaño. Mester tin propio transporte

Pa mas info por yama entre 8am cu 4 pm pa un cita na 5883677

JAZZ JAZZ Piano School 21 Buki tur informashon pa bira Jazz Piano Player pa afl 460,00.

Tin cupo pa piano les.

Pa INFO yama 5608629

Pagina 31

Dialuna 09 April 2018

Sudoku

PRONOSTICO DI TEMPO VALIDO TE DIALUNA 09 DI APRIL 2018 COMPILA: DIADOMINGO 08 DI APRIL 2018 17:00 (21:00 UTC) TEMPO: AWE ANOCHI: LEVEMENTE TE PARCIALMENTE NUBLA I GENERALMENTE SECO DEN MARDUGA I DIALUNA: LEVEMENTE TE PARCIALMENTE NUBLA CU CHENS PA UN AWACERO PASAJERO TEMPERATURA MAXIMO 32 GRADO CELSIUS Y TEMPERATURA MINIMO 26 GRADO CELSIUS. SOLO LO BAHA AWE NOCHI 06:51 PM Y LO SALI MAYAN MAINTA 06:31 AM. BIENTO: MODERA FOR DI DIRECCION OOST TE OOST- NOORDOOST; FORSA 3 TE 4 (12 TE 30 KM/ORA, 7 TE 16 NUDO) DEN DIA BASTA FUERTE TE POSIBLEMENTE FUERTE DEN RAFAGA; FORSA 5 TE 6 (31 TE 50 KM/ORA, 17 TE 27 NUDO) SITUACION GENERAL DI TEMPO:

Tipline: 585-9500

UN AUMENTO TEMPORAL DI HUMEDAD DEN PROXIMO 24 ORA LO PONE CU LO BAI TIN MAS NUBIA DEN REGION LOCAL. DEN ORANAN DI MARDUGA I MAINTA TIN CHENS E ORA EI PA UN AWACERO LOCAL MIENTRAS SOBRA DI DIA TEMPO LO KEDA GENERALMENTE SECO. CONDICION DI LAMA: OLANAN DI LAMA LO TA FOR DI DIRECCION OOST CU HALTURA DI 3 TE LOCALMENTE 6 PIA; E OLANAN DI MAS HALTO LO TA NA COSTANAN OOST, NOORD TE NOORDWEST DI E ISLA. TEMPERATURA DI SUPERFICIE DI LAMA: 26 GRADO CELSIUS. FENOMENONAN SPECIAL: NINGUN POTENCIAL DI AWACERO PA PROXIMO 24 ORA: 1 MM OF MENOS; REGISTRACION DI TEMPERATURA (CELSIUS) Y AWACERO (MM) DEN ULTIMO 24 ORA: AIRPORT MAX 32 / MIN 26 / 0.0 PRONOSTICO DI TEMPO PA PROXIMO DIANAN DI SIMAN: LEVEMENTE TE PARCIALMENTE NUBLA I GENERALMENTE SECO. BIENTO LO TA FOR DI DIRECCION OOST I

MODERA TE BASTA FUERTE; DEN DIA FUERTE DEN RAFAGA; TEMPERATURA MAX / MIN LO TA: 32/26 E PROXIMO BULLETIN LO WORDO PUBLICA DIALUNA 09 DI APRIL 2018 17:00 (21:00 UTC)

Pagina 32

Dialuna 09 April 2018