Diaranson atardi Minister di Turismo y Salud Publico sr. Dangui Oduber a reuni cu CEO di AHATA sra. Tisa La Sorte pa dialoga tocante e di dos serie di e campaña di conscientisacion, “Ami Ta Turismo”. E mandatario a duna di conoce cu esaki ta un campaña cu sigur tin e sosten total di su Ministerio. Un campaña cu ta bay yuda inspira, motiva y conscientisa henter e comunidad di Aruba riba e oportunidadnan cu e industria di turismo ta brinda den e mercado laboral.
Segun Minister Oduber esaki ta un bunita
proyecto caminda por medio di testimonionan di esnan cu ta trahando den turismo ta splica kiko ta e trabounan cu nan ta haci den e indutria. Kiko ta tur e oportunidadnan cu e industria ta brinda pa nan propio carera. E mandatario ta convenci cu e industria di turismo ta brinda oportunidadnan grandi pa nos localnan y tur esnan cu ta biba riba nos dushi pais. Oportunidad pa haya un trabou, desaroya nan mes y tin un carera hopi bunita den e industria. Pa es motibo e mandatario ta sostene e campaña di conscientisacion inicia pa AHATA.
Tambe durante e encuentro aki e mandatario a intercambia riba pensamento con e aña 2022 a bay pa cu turismo. A papia riba kiko ta e proyeccionnan cu tin pa aña 2023 y tambe kiko ta e retonan di mas grandi cu e secto tin pa e aña aki.
Minister Dangui Oduber ta gradici sra. La Sorte pa e encuentro aki. Finalmente e mandatario ta pidi henter comunidad pa wak e programa interesante aki caminda ta bay comparti cu comunidad tur e oportunidadnan cu nos industria di turismo tin pa ofrece.
Diahuebs merdia Minister Ursell Arends, minister di Transporte, Integridad, Naturalesa, y Asunto di Grandinan a informa cu a firma contract cu varios ploegnan di "Bo Bario".
Manera SOLO DI PUEBLO por corda, Bo Bario tabata e projecto di Mike Eman unda a gasta 1 biyon florin sin documentacion ni aprobacion. E tempo ey a pone como 50 ploeg (pickup) na Serlimar.
E ploegnan aki a costa Serlimar masha hopi placa y por bisa cu ta e dolor di cabes di Serlimar ya cu nan ta costa miyones pa aña. Segun por compronde, e ploegnan a firma pa asina nan por wordo re aloca unda tin mester. Minister Ursell Arends a splica cu 6 ploeg a bay traha ba Bureau City Inspector. Den nan prome dia di trabao nan a haci santana di playa limpi y asina nan lo keda traha cu City Inspector ( BCI)
pa haci trabaonan di limpiesa etc. etc.
Cu e retiro aki for di Serlimar, ta un otro paso pa asina por yuda Serlimar hala rosea. Mas cu claro cu dor di kita e ploegnan, lo reduci gasto di Serlimar y dje forma ey lo por convence huez cu Serlimar a corta gasto y cu e lo por para riba su pia.
tur recurso di pueblo pa engaña un pueblo. ( Asina el a usa Speed cu Patrick, kendenan a ranca mas di 6 miyon di pueblo sin paga belasting).
Secretario General di MEP ta splika cu ta prohibi pa lubida e politica di engaño y corupcion di Mike Eman y AVP. Awe solamente kier recorda pueblo con Mike Eman a usa prensa cumpra ( Speed cu Patrick kendenan a cobra mas di 6 miyon di plaka di pueblo y te awe sin paga belasting) pa asina manipula henter un pueblo. Nan strategia di retorica esta keda ripiti un mentira multiple ves pa asina hasi comosifuera cu ta berdad. Hopi biaha e mente di un ser humano ta capta algo momento bo ripitie cantidad di biaha sin tene na cuenta si ta berdad of no.
Un otro prueba dia a gara Mike Eman y AVP ta gaña y manipula:
Secretario General di MEP ta splika cu e oportunidad cu pueblo a brinde pa sirbi pueblo como Parlamentario (20172021) a dune “toolsnan” legal den Parlamento pa por desenmascara AVP cu prueba. Mike Eman y AVP constantemente desde 2009 a gaña pueblo cu manera nan drenta gobierno nan tin e formula pa baha prijs di awa y coriente cu 45.5%. Esaki tabata nan campaña pa desacredita MEP e tempo aya. Momento AVP a drenta gobierno y hunto cu nan satelitenan (Speed y Patrick) nan a kenda engaña pueblo cu nan a logra baha prijs di awa y coriente . Constantemente Mike Eman y henter AVP tabata ripiti cu AVP a reduci
prijs di awa y coriente from day one cu 16.6%. Esaki tabata nan retorica. Wel manera MEP a logra drenta gobierno su Parlamento a bay hasi un investigacion legal riba expresionnan di AVP y manipulacion di nan prensa comprometi. Investigacion cu data real: Como Parlamentario na 2018 a manda puntra WEB schriftelijk e prijsnan di awa y coriente desde 2009 pa 2018 incluyendo e prijs pa bari di fuel pa e mesun periode. Basa riba e informacionnan ricibi official di WEB NV por a hasi e investigacion aki uno sumamente exitoso pa desenmascara Mike Eman y AVP. Mike Eman ta synonimo di Profeta falso Hananias.Pues un Profeta di mentira y ta usa
Cifras y Data saca di rapport di WEB cu a wordo manda pa Parlamento na 2018: Prijs pa kWh ( kilowattuur) na 2009 tabata 0.2713 cent y na 2017 esaki tabata 0.3681 cent. ( Bron WEB). Pues ora Bo calcula a base di Data official di WEB pa lokual ta trata prijs di coriente den comparacion unda AVP a haña esaki na 2009 (0.2713) y unda AVP y Mike Eman a entrega esaki na aña 2017 (0.3681) despues di 8 aña di e desaster di AVP, por tuma nota cu Mike Eman y AVP a percura pa un aumento di 35.7% di prijs di coriente durante 8 aña. Nos por corda con AVP a kita e brandstofclausule te hasta for di e recibo y scondie den e prijs. Nos por corda manifestacion masal di pueblo contra e aumento 1 di october 2014 y unda Mike a forsa bruto contra pueblo. Pues lokual awe nos kier mustra cu prueba y
cifrasnan real di WEB ta cu Mike Eman, AVP y prensa cumpra (Speed cu Patrick) pa 8 aña largo a engaña pueblo cu AVP a redusi prijs di coriente cu 16.6% ( grabacionnan tey) y cifras y realidad ta totalmente otro. Pesey Secretaris di MEP ta hasi apelacion na henter pueblo pa ta “atento” cu e mentiranan cu e grupo di lobonan aki.
Pa nan yega na poder nan ta disppuesto pa keda usa mesun strategia. Finalisando pa con lihe e mentira ta semper e berdad ta alkanse. Esaki ta un prueba con e berdad a alkansa e mentira di Mike y AVP.
Diabierna mainta a drenta informe di un accidente cu hende herida na e Paperclip rotonde, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un auto saliendo for di e rotonde rumbo Paradera no a mira e dama crusando riba e zebrapad di banda robes a drechi y a dal e dama. E impacto no tabata
fuerte pero toch a manda ambulans pa atende e dama.
Na yegada di e ambulans nan a atende e dama levemente herida na e sitio mes. Como cu e dama tabata sinti poco dolor y mirando su edad polis a considera y a hiba e dama pa su cas cual no ta biba mucho leu di eynan.
en luna di december Aruba Softball Bond a organisa un anochi special na Club Primavera, unda a entrega tanto premionan di campeon y sub-campeon di liga: AA Masculino Liga Kibrahacha, AA Femenino Liga Flamboyant y A Klas Masculino Liga Kwihi.
Directiva di ASB representa pa su presidente Sra. Zuleyka Willems, secretario Sr. Andresito Krozendijk, tesorero Sra. Juraima Maduro y miembro di bestuur Sr. Rensley a habri e anochi di e evento special aki, unda e presidente a gradici cada ekipo, cada ganador individualmente y ekipo di Umpires y Scorers pa nan tremendo trabou. Alabes a reconoce presencia di Minister di Enseñansa y Deporte Sr. Endy Croes y tambe representante di ASU Sr. Kenneth Vrolijk, kendenan a percura pa entregamento di medaya.
Minister di Deporte Sr. Endy Croes a duna un discurso y a
gradici e directiva di ASB y ekipo di Umpires y Scorers. Durante e discurso, Minister Endy Croes a splica cu realmente ASB tabatin un aña complica cu hopi reto. Pa motibo di awacero constantemente mester a cancela diferente wega, pero a logra yega final unda tur finalnan a wordo hunga. Alabes a felicita e ekiponan campeon y sub-campeon di tur 3 liga y a duna palabra di pabien na cada hungado cu a destaca durante e campeonato y cu a hiba titulonan, manera “Champion Batter”, “Champion Home Run”, “Champion Pitcher” y “MVP”. Despues di esaki, Sr. Andresito Krozendijk a tuma encargo pa asina yama e ekiponan campeon, sub-campeon y cada hungado cu a sobresali pa ricibi nan premio.
Liga Kibrahacha AA masculino:
Ekipo di Royal Power (ultimo campeon na 2019) ta retene nan titulo di campeon den e prome campeonato oficial despues di
pandemia y e ekipo di Macuarima Indians ta titula sub-campeon. Minister di Deporte Endy Croes a entrega varios premio. Jomark Flanegin di e ekipo di Royal Power ta titula “Champion Pitcher” cu 3 wega gana y 0 perdi y alabes ta bay cu e “MVP”. Giandrick Lacle di ekipo di Royal Power a bay cu e premio di “Champion Home Run”. Xavier Croes di e ekipo di Macuarima ta bay cu e titulo di “Champion Batter” cu un averahe di 700.
Liga Kwihi A Klas Masculino: Den categoria di A-Klas tanto Minister Endy Croes y tesorero di ASU Sr. Kenneth Vrolijk a entrega varios premio. Redskins ta titula campeon, mientras Prodigies ta bay cu e titulo di sub-campeon. Ozzi Webb di Redskins a bay cu e titulo di “Champion Batter” cu un averahe di 636. Juan Chirino di ekipo di Redskins a bay cu e titulo di “Champion Pitcher” cu 4 wega gana y 0 perdi, mientras Saul Illidge ta reclama e titulo di “Champion
Home Run” cu 2 “cuadrangular”.
Liga Flamboyant AA Femenino:
Den categoria femenino Minister Endy Croes a entrega diferente premio.E ekipo di Aruba Bank Lady Tigers ta titula campeon y nan tambe ta retene nan titulo di 2019 den e prome campeonato despues di pandemia y ta bay cu e titulo maximo y e ekipo di Eagles ta bay cu e titulo di sub-campeon. Rudlyn Ras ta bay cu 3 titulo esta di “Champion Pitcher” cu 5 wega gana y 0 perdi, tambe e titulo di “Champion Home Run” y e premio di “MVP”. Ilajay Tromp ta reclama e titulo di “Champion Batter” cu un averahe di 750.
Despues di a entrega varios permio, Minister Endy Croes a bolbe felicita Aruba Softball Bond y a continua pa su proximo compromiso riba un dia bastante ocupa. Deporte den pleno desaroyo!
urante fin di siman, Minister di Endy Croes tabata di bishita di trabou na Nashville, Tennessee, unda a tuma luga un mega Expo Trade Show organisa pa ABCA. Un di e Expo Trade Show di mas grandi cu Merca conoce unda cu mas di 300 compania rond Merca tabata presente pa expone nan producto y informacionnan.
Ta trata di tur sorto di productonan di baseball desde bala te na traha un stadion, programanan
y software moderno y innovativo pa cu e deporte.
Banda di esaki diferente College y Universidadnan tabata presente den nan “booth” pa papia di nan programa pa futuro studiantenan. Minister di Deporte a tuma tempo pa bishita tur “booth” como tambe a reuni cu varios CEO di diferente companianan renombra y cu College y Universidadnan cu tabata presente pa asina cera bon contacto pa
Aruba creando oportunidadnan nobo. Minister Endy Croes a enfatisa di por mira atras riba un biahe hopi exitoso den ambos aspecto tanto pa deporte pero tambe pa enseñansa unda a habri caminda pa nos studiantenan cu tin talento den deporte tambe por ricibi oportunidadnan unico.
E Trade Show cu tabata super, pero super bon bishita y sigur hopi fructifero pa Aruba.
Net prome cu Pasco e ekipo di Royal Power Tat Fat Softball Team, kende a caba di titula campeon di Fastpitch 2022 a tene nan cena di Pasco hunto cu e organisacion di Cross Fit esta Isla Fit. Un tremendo anochi unda e banda Tsunami a pone un ambiente total. Por a sigui di cerca con tanto e atletanan y directiva di Royal Power a gosa di nan evento mientras e atletanan di Isla Fit tabata “on fire”.
Mas cu claro ex presidente di Royal Power Softball Team, Minister Endy Croes riba invitacion special a asisti un rato y a hiba palabra. Minister Endy Croes a conta poco di e trayecto di Royal Power kende tin 17 titulo di campeon di campeonatonan oficial di Fastpitch, 10 titulo di campeon y 2 sub campeon den 12 aña di Champ of the Champs, 3 titulo di campeon den 3 torneo
di Fastpitch na Curaçao, 6 titulo di campeon den Copa Noord pa nombra e mayoria. A splica alabes e “motto” di 4D esta Deseo, Desciplina, Dedicasion y Determinacion cu ta e exito di Royal Power. Alabes e Mandatario di Deporte a desea e hungadonan nobo den proceso di renobacion di ekipo hopi suerte pa futuro. Sr. Poy Flanegin tambe a hiba palabra sigur e pilar cu a hiba Royal Power na diferente titulo a conta e hobennan poco di su trayecto alabes e trayecto di Royal Power y a pidi tur atleta pa traha duro y haci nan maximo esfuerso ora bo tin bo uniform bisti. Mester accentua na final e ambiente bunita entre dos organisacion esta tanto Royal Power, Isla Fit di Dijendrick Croes y nan miembronan tabata fabuloso. A termina pidiendo tur e atletanan den nan respectivo disciplina pa traha duro pa por tin un bon aña 2023. Un aña di union y positivismo.
ORANJESTAD – E ultimo dia pa paga impuesto di vehiculo di motor di aña 2023 ta 31 di januari 2023. Aki ta sigui mas informacion.
Plach’i number Departamento di Impuesto lo no bay otorga plachi di number nobo ni sticker pa aña 2023. Pues tur automobilista lo keda uza e plachinan cora cu blanco di aña 2020 den aña 2023.
Tarifa di impuesto E tarifa di impuesto di vehiculo di motor di aña 2023 ta keda igual cu aña 2022. Contribuyentenan cu no ta corda e suma di impuesto cu e mester paga, por consulta e comprobante di registracion di e vehiculo di motor, cu el a ricibi di Departamento di Impuesto ora el a registra su vehiculo. Por download e app di Departamento di Impuesto tambe pa haya sa e suma di impuesto cu mester paga.
Costo di e plachinan E contribuyentenan existente no tin mester di paga e costo di e plachinan, debi cu no tin plachi nobo pa aña 2022. E contribuyentenan nobo cu a caba di registra un auto y cu mester un number nobo, si mester paga e costo di e plachinan. E costo di e plachinan pa aña 2023 ta Afl.14,- pa e plachinan grandi y Afl. 10,- pa e plachinan chikito. Pa brommer e plachi ta costa Afl.
10.
Haci pago
Por haci e pago di impuesto na oficina principal na Camacuri, MFA Noord, MFA Paradera, MFA Santa Cruz, MFA Savaneta y tambe na e oficina na San Nicolas situa den e edifico di Postkantoor San Nicolas.
Pa esnan cu ta haci pago na cualkier oficina di Departamento di Impuesto, mester tene cuenta cu por paga unicamente cu debit card. Solamente e personanan no-comerciante di edad 60+ por paga nan impuesto cu cash na Camacuri. Ta importante pa tene na cuenta cu no ta posibel pa paga e impuesto di aña 2023, si no a paga e impuesto di e aña(nan) anterior completamente. Pago online via banco Ta recomendabel pa haci pago online via banco uzando e metodo di Bill Payment den cual di un manera facil por yena e informacion rekeri. Via
Bill Payment transaccionnan di pagonan online via Aruba Bank, Banco di Caribe of Caribbean Mercantile Bank ta pasa den e sistema di Departamento di Impuesto den un dia. Pagonan haci via otro banco ta tarda por lo menos 5 dia di trabou pa registra den e administracion di Departamento di Impuesto.
Pa contribuyentenan cu no ta haci uzo di Bill Payment e ta recomendabel pa duna un discripcion detaya pa asina Departamento di Impuesto por registra e pago corectamente. E contribuyente ta duna e siguiente informacion: persoonsnummerperiodo-number di plachi. Por ehempel: 500012342023-A92345. Encaso tin debe habri di añanan anterior e pago lo wordo procesa riba esakinan prome y e restante riba e aña 2023. Si e contribuyente ta bay paga mas cu 1 number via ban-
co, e mester haci un transaccion di pago separa pa cada plachi di number. No ta posibel pa paga un solo suma den un solo transaccion, debi cu esaki lo trece tardansa ora di procesa y aloca e pago.
Pidi recibo di pago online Tur contribuyente cu haci pago via banco, por pidi e recibo di Departamento di Impuesto online via e link: https://www.impuesto. aw/uw-digitale-formulieren-snel-en-gemakkelijkonline-invullen-en-verzenden
Despues ta scoge e opcion: Aanvraag kwitantie motorrijtuigbelasting. Departamento di Impuesto lo manda e recibo pa e contribuyente via e-mail. Boet pa incumplimento Pagonan cu drenta despues di dia 31 di januari 2023 ta laat. Pagonan hasi riba 31 di januari 2023 depues di e “cut-off time” di banco lo pasa pa e siguiente dia y ta wordo considera laat. Pa e “cut-off time” di cada
banco por consulta nan website. Den e caso cu un contribuyente ta laat e lo tin cu paga tambe e boet pa incumplimento. E suma di e boet ta 50% di e suma cu no a wordo paga. Ehempel: Impuesto pa aña Afl. 300 Impuesto pa mita aña Afl. 150
Si acaso no haci pago di e mitar aña di Afl. 150 promer cu dia 31 di januari 2023, e boet pa incumplimento lo ta Afl. 75. Den e caso aki e cliente su debe pa e prome mita di aña 2023 lo ta Afl. 225. Departamento di Impuesto ta recomenda pa haci e pago di impuesto mas lihe posibel y no warda te na ultimo momento. Pa mas informacion por consulta https://www.impuesto. aw/wanneer-moet-u-motorrijtuigbelasting-betalen Gerencia di Departamento di Impuesto 6 di januari 2023
Kico ta “Green Waste” y pakico e mester wordo procesa?
Desde 1 di januari 2023, Dump di Parkietenbos a cera su porta pa publico. A bin algun siman ta informa caba tocante diferente localidad posibel unda por hiba diferente tipo di desperdicio.
Den e articulo aki nos lo enfoca riba “Green Waste”, esta, sushi organico. Kico ta green waste? Unda por entrega esaki? Kico ta e impacto riba e prijs pa procesa Green Waste? Y cua ta e metodo con esaki ta wordo procesa pa recupera recursonan.
Kico ta Green Waste? Ehempelnan di Green Waste ta entre otro: yerbe, blachi di mata, palo y troncon, y pallet blanco (no blauw).
Unda por entrega esaki? Green waste por wordo entrega na Johnsons of Ecotech Freezone.
Kico ta e impacto riba e prijs pa procesa Green Waste?
Ora ta trata prijs ta importante pa aclarea cu na Aruba nos no ta conoci cu costonan di procesamento di desperdicio. Locual a paga tur e añanan na Dump tabata simplemente pa deshaci y acumula desperdicio. E impacto riba bo cartera por varia entre
spaar (compara cu dump) of costo adicional pa procesa. Actualmente dos compania tin e capacidad pa por procesa green waste y ta premira cu mas compania lo drenta e mercado di procesa desperdicio durante 2023.
Cua ta e metodo con esaki ta wordo procesa pa recupera recursonan?
Tin varios opcion pa converti Green Waste den un recurso pa sector prima-
rio. Por ehempel, palo of pallet blanco por wordo converti den mulch pa uzo den agricultura. E mulch ta percura pa menos awa vapora.
E otro forma ta pa kima e green waste den incinerator of den e air-curtain burner, unda e as tambe lo por wordo uza pa enrikese e tera. Den futuro, tambe lo tin opcion pa converti tur Aruba su green waste hunto cu food waste den compost cu lo ta e miho
di tur otro tipo di sushi), pa asina no solamente yuda tene Aruba limpi, pero contribui tambe na nos agricultura local.
Diahuebs mainta 5 di januari, Ministerio di Naturalesa a duna un splicacion amplio na trahadonan di Serlimar encuanto e maneho di desperdicio, como tambe e rol di Serlimar den esaki. A duna espacio pa haci pregunta critico, vocifera nan preocupacion y aclara confusion cu a surgi. Di principio Minister Ursell Arends a asumi su puesto pa cuminsa traha un plan di accion con ta bay rescata Serlimar alabes trece un solucion pa e problematica di desperdicio cu e isla completo ta biba cu ne.
Redirigi desperdicio for di Dump ta solamente e co -
mienso cu ta forma parti di e restructuracion di nos sector di desperdicio.
Aunke desperdicio no lo ser acepta mas na Dump, e area ta rekeri atencion pa sanea y converti den un parke solar cu ta parti di e vision di Minister Arends.
E trahadonan di Serlimar a ricibi splicacion ariba e blueprint pa asina atende cu cliente cu acerca Dump pa informacion di e maneho di desperdicio nobo. Ademas, a instala un borchi pa trece aclaracion riba e diferente tipo di desperdicio y unda por deshaci di esakinan. E proceso ta sigui pa stimula procesador di des-
perdicio nobo, introduci regulacion y ley ademas di trece un cambio cultural den nos manera di anda
cu desperdicio.
Un danki na e directora y trahadonan di Serlimar pa nan cooperacion den e
proceso aki pa fortifica e compania y trece un cambio nacional pa un miho futuro.
Diabierna mainta un patruya di Noord a topa cu accidente cu hende herida cu a caba di sosode dilanti di Napa na Shaba, mesora
a pidi pa polis di trafico y ambulans. Locual a sosode ta cu un auto a bira dilanti di e brommer y e motociclista a bay dal riba dje y ela resulta herida y hasta cu su man a kibra.
Na yegada di e ambulans nan a atende e victima y a
transporte pa hospital.
Partido AVP su mensahe di fin di aña, a captiva atencion di nos comunidad algun ora prome cu cambio di aña. Discurso(nan) di Lider di Partido, candidato y Parlamentario(nan) a inspira nos comunidad cu speransa, ma alabes a reflecion ariba e contexto politico di e aña anterior. Parlamentario, Ing. Mike de Meza a destaca cu un discurso enfoca ariba e progreso comparti cu nos comunidad merece.
Parlamentario Ing. Mike de Meza a condena e maneho di castigo ariba nos pueblo, bisando ; “ Despues di cinco aña consecutivo di medida y niun atencion pa necesidadnan di Pueblo y comercio, un bes mas gobierno di MEP y RAIZ ta escohe e caminda di medida.. Tanto Pueblo como negoshinan mediano y chikito lo sinti e efecto destructivo di e medidanan. “, condenan-
do e reforma fiscal cu ta contene aumento di BBO cu 1% cu lo cu lo drenta na vigor entrante 1 di Januari 2023.
Parlamentario Ing Mike de Meza e refleciona ariba varios decision iresponsabel cu ta forma un peliger directo pa nos producto turstico bisando: “Pa culmina e mal desicionnan gobierno di MEP y RAIZ lo aumenta belasting pa turistanan y kita 43% di entrada di ATA pa caha di gobierno. E desicionnan aki ta sumamente iresponsable.”. E manera dictatorial di impone sin consulta y sin premira e posibel efecto nan devastador pa turismo,economia y calidad di bida di nos hende ta birando cada dia mas insoportabel.
E coalicion di MEP-RAIZ a firma nan programma di gobernacion na San Nicolaas, y e promete San Nico -
laas un desaroyo cu nunca a materialisa. Parlamentario Ing. Mike de Meza a subraya den su discurso di fin di aña cu; “Pueblo y particularmente San Nicolas y besindario, ta sumamente desapunta den e maneho di MEP y RAIZ. SanNicolas y becindario no ta haña e a atencion cu e merece. E situation na parti pariba di nos isla ta un precupacion grandi y
cu mester atencion y urgente!” vociferando asina e disgusta cu ta biba den nos comunidad na San Nicolaas, cu ta siniti nan mes engaña pa e coalicion di MEP-RAIZ.
Parlamentario Ing. Mike de Meza ta desea nos co -
munidad un felis aña 2023 y ta enfatisa cu den e aña 2023 henter pueblo mester traha hunto pa asina por trece e cambio cu Pueblo tin mester di dje, esta estblece bek e Bon Comun como base pa tur decision.
9or
ORANJESTAD - Diabierna 6 di januari, Gobierno di Aruba a organisa e prome Conseho di Minister pa aña 2023 na San Nicolas, pa asina atende cu e tema di diferente proyecto na San Nicolas. Hunto cu San Nicolas Business Association (SNBA), DIP, DOW y Ministernan, a haya presentacion di 5 diferente proyecto hopi interesante y cu lo genera fluho di turista y di persona na San Nicolas.
Meta di e proyectonan ta pa crea cupo di empleo specialmente pa esnan pariba di brug, y crea desaroyo economico pa Aruba.
Prome Minister Evelyn
Wever - Croes na e ocasion a expresa cu e proyectonan ta hopi interesante y tabata encera proyecto di vivienda, proyecto turistico, presentacion di agricultura y mas. ‘Mi ta sumamente agradecido na SNBA pa a yuda nos setup e reunion y cu a traves di nan por a haya e presentacionnan.
Mi tin tur confiansa cu e proyectonan lo bira realidad y asina crea e progreso y bienestar cu ta buscando pa Aruba en general, pero specialmente pa San Nicolas.’
Durante Gabinete WeverCroes I y II, esaki ta e di cuatro biaha cu a organisa
un Conseho di Minister na San Nicolas, pa asina atende specificamente cu temanan di San Nicolas. Tin hopi trabou pa haci ai-
nda, e pandemia a stroba den hopi cos, e situacion financiero delicado di Aruba tambe a hacie dificil. Pero tin e fe, vision y
determinacion pa logra e desaroyo cu e pueblo di San Nicolas ta desea, Premier Wever - Croes a termina bisando.
Den luna di december 2022, presentado y maestro Addonsito Croes, tawata invitado special di e TV show online WHAT’S COOKING di presentado Carolina Albertsz. E edicion di Addonsito, a ricibi mas cu 25.000 views.
Den 2022, Carolina tawatin personahenan local manera Piero Pimienta y
su famia, Dj Karixon, Sandra Brown y e modelonan campeon di Fundacion Sea Bunita, Sea bo mes Ilaijah Croes y Shawndré Geerman.
Algo sumamente special tambe t’e regalo cu e invitadonan ta ricibi den forma di un cuadra dibuha na man pa artista local Gairo Tromp. Addonsito a presenta den e ultimo show di 2022 y a presenta su creacion navideño cu tawata E Batata Navideño.
Cu e articulo aki, Addonsito, ta gradici Carolina y su team di Abraham y Maribel, p’e honor di tawata den nan show. Tambe tur persona di Aruba cu a wak e show. Tur clase di y sabiduria exito den 2023.
den futbol infantil. E ta hopi activo tambe den Club RCA. Den bida diario Irene Dake ta yuda hende spontaneamente den tur forma cu por. Irene a ricibi e Premio Bon Comun pa tur esaki y en especial pa su dedicacion incansabel pa e muchanan.
Erick Gomez ta simbolo di voluntarismo na Aruba. E a ricibi e premio pasobra den tur loke e ta haci como voluntario e ta personifica e nificacion di “bon comun”: duna di Bo mes sin busca of spera niun beneficio pa Bo mes.
lidad grandi pa tur su muchanan. Pa su servicio na nos comunidad sin niun interes propio ela ricibi e reconocemento di ta un bon ehempel di valor di “bon comun”
Durante di un anochi pa sera e aña 2022, Partido AVP a tene un actividad special den cua a haci entrega di e “PREMIO BON COMUN”. Cu e principionan Christian Democrata di partido AVP den mente y e metanan di “BON COMUN” su dilanti, partido AVP a introduci e premio BON COMUN pa duna reconocemento na hende y organisacionnan cu den nan trabou diario of den nan iniciativanan pa nos comunidad, ta biba e idealnan di sirbi interes general, sin interes of beneficio propio. Nos comunidad chikito tin hopi hende cu den nan trabou, den nan tempo liber, den nan hobby y den actividadnan riba propio iniciativa, ta haci un sin fin di cos pa otronan den comunidad, sin cu nan ta spera di haya algo bek. Nan ta haci e cosnan aki cu amor, cu dedicacion y cu un motivacion simpel di haci bon pa otro y contribui na un miho bida y un miho comunidad. Partido AVP kier stimula e actitud di sirbishi voluntario aki. Cu e premio di reconocemento di “BON COMUN” kier gradici e hendenan y organisacionnan pa loke nan a y ta haci y stimula nan ta sigui cu nan bon trabou.
E prome recipientenan di e premio “Bon Comun” ta bin di tur skina di nos pais y di practicamente tur sector di bida. Nan ta ehempelnan di ciudadanonan cu
di nan propio boluntad ta traha pa interes general.
Monique Trappenberg ta cabesante di scol basico Rosario College. Ela ricibi e premio di reconocemento pa su bon trabou como maestro, den scol y pafor di scol. Monique a accepta e premio pa tur e maestronan di su scol, cu hunto ta haci e experiencia di enseñansa pa tur nan alumnonan uno special.
Irene Dake ta un conocido lider deportivo specialmente activo
Silo Tromp ta conoci como trainer di futbol, pero e ta haci hopi mas cu djis train y organisa su club Nacional. Silo a haya e reconocemento di Premio Bon Comun pa tur e añanan cu den forma ehemplar, continuo y cu amor ta dedica na guia hobennan den deporte y den nan bida.
Zelda Steenen, un jeffrouw di scol di enseñansa special ta bon conoci pa e forma cu e ta traha incansabel y cu un sentido di responsabi-
Deaxo Croes a bira e simbolo di disciplina, persistencia y dedicacion continuo pa henter un generacion di hobennan cu ta busca direccion y stabilidad den un mundo cada dia mas complica. Pa su contribucion incalculabel pa inspira hobennan y su contribucion na otronan den nos comunidad cu su landamento di distancianan largo, Deaxo a ricibi e reconocemento cu e premio “bon comun”.
Anouk Balentina, un señora profesional hoben y persistente, a lanta para apesar di tur contratiempo y resistencia, pa lucha pa un medio ambiente mas limpi y sostenibel. E tin hopi aña ta lucha pa un forma mas limpi y responsabel di deshaci di desperdicicio na Aruba, en especial na e dump na Parkietenbos. Pa su curashi y persistencia na interes di nos comunidad, Anouk a ricibi e premio “bon comun”.
Fundacion pa nos Comunidad E iniciativa pa yuda otronan y e sentido di responsabilidad pa tur hende den nos comunidad ta wordo ilustra perfectamente den e trabou di e FUNDACION PA NOS COMUNIDAD. Pa hopi aña, e organisacion aki ta yuda miles di individuo y famianan cu ta cay den pobresa y no por cubri e necesidadnan mas basico riba nan mes. Pa e bunita trabou na servicio di nos comunidad, FPNC a ricibi e reconocemento aki di premio “bon comun”.
Jean-Miguel Loepstok y Jeanuar Loepstok ta dos ruman hoben cu na e edad hoben ya ta demostra un disponibilidad espontaneo pa yuda otro hende y sirbi esnan rond di nan sin spera nada pa nan
mes. Cu esaki nan ta yena nos cu speransa cu e balor di sirbi sin interes propio lo sigui biba y crece den nos comunidad. Pa esaki nan na ricibi e premio “bon comun” 2022.
Adonsito Croes Incansabelmente y cu un alegria contagioso Adonsito Croes ta dedica su tempo na desaroyo y diverticion di mucha y hobennan den nos comunidad, sin spera niun elogio of beneficio pa esaki. Tanto den scol como maestro, como pafor di scol, e ta sirbi nos comunidad den e forma ehemplar aki. Pa esaki e a ricibi e reconocemento di e premio “bon comun”.
Jareth y Tristan Vermeulen Dos ruman deportista cu ta destaca den nan ramo di deporte, pero tambe pa nan trabou voluntario cu hobennan, ta demostra e balornan di sirbi como bon ehempel y di sirbi otro
sin interes propio. Pa esaki Jareth y Tristan a ricibi e premio “bon comun”.
Giovanni Villamizar Hunto cu otro hobennan e a scohe pa bira polis y sirbi nos comunidad den su trabou y pafor den comunidad. E sirbishi aki di traha sin busca beneficio of reconocemento propio ta e motibo pakico Gionanni a ricibi e premio “bon comun”.
Melvin Dabian Como organisador y guia pa hoben y adulto den deporte y ehercicio Melvin Dabian ta wordo mira como un ehempel pa guia y yuda otronan den su tempo liber, sin busca niun interes propio. Pa esaki Melvin Dabian a ricibi e premio premio “bon comun” cu gradicimento y estimulo pa e sigui cu e bon trabou aki.
Karyme Acosta Hoben, deportista y activo den yuda spontaneamente den comunidad ta loke ta caracterisa Karyme awor
caba. E ta un deportista prometedor, pero mas aun e ta promete di ta un ciudadano cu semper ta cla pa yuda otronan sin busca of spera nada pa su mes. Pa e actitud aki cu ta ilustra e espirito di sirbishi, e ta ricibi e premio “bon comun”.
Saraquita Offringa
Su triumfonan di mas cu 20 aña a inspira hende y hobennan rond di mundo. Su actividadnan voluntario cu hobennan ta motiva nos cu hendenan asina exitoso ta dedica nan tempo liber pa yuda comunidad den formanan bunita sin busca beneficio of interes propio. Pa esaki Saraquita a ricibi e premio “bon comun”.
Kamilah Dammers Kamilah a logra exitonan grandi den ultimo añanan den su ramo di deporte di “bowling”. Cu esaki e a motiva otronan pa haci deporte. Su iniciativanan pa dedica tempo di su mes pa guia otro hobennan sin interes propio ta e motibo pakico a reconoce e dedicacion di Kamilah cu e premio “bon comun”.
Jourraine Halabi Como enfermera e ta traha incansabel y cu profesionalismo y dedicacion pa sirbi enfermonan na Aruba. Pa su coleganan y pa enfermonan e ta e ehempel di sirbi otronan cu amor, sin importa ta ken of den cua situacion. E sirbishi na otronan den forma excepcional aki ta e motibo pakico Jourraine a ricibi e premio “bon comun”.
Terrence Ras
E ta maneha un negoshi chikito cu tin cu lucha pa tene cabez riba awa den tempo dificil. Apesar di esey e a dedica tempo y recursonan di su negoshi pa crea facilidadnan cu ta yuda otro hende biba miho. E ta haci esaki sin busca beneficio propio of reconocemento. A reconoce e bon trabou di Terrence Ras y su compania
na sirbishi di nos comunidad cu e premio “bon comun”.
Jeannine Rodriguez E ta haci su trabou diario den un forma ehemplar, semper cu entusiasmo y dedicacion continuo. Cu esey e ta demostra cu por sirbi nos comunidad sin interes propio y cu entusiasmo den nos trabou mes. Pa su dedicacion y gana di sirbi otronan sin busca beneficio propio a reconoce Jeannine cu e premio “bon comun”.
Brian Dorothal Pa un hoben cu tin hopi posibilidad su dilanti scohe pa sirbi su comunidad den e ramo dificil di husticia ta remarcabel. Brian a haci esaki ora ela scohe pa bira polis. E ya a demostra un gana di sirbi su comunidad sin busca elogio of beneficio propio. Den su trabou e kier sigui demostra esaki. Ta pesey a reconoce y stimula e gana
di sirbi si interes propio cu e premio “bon comun”.
Annelien Tromp-Diaz Persistencia y dedicacion ta loke Annelien TrompDiaz a y ta sigui demostra cu mas di 40 aña di guia y educacion di mucha muhernan hoben den “padvinderij”. Tur siman pa tur e añanan aki caba e ta dedica su tempo liber pa guia y educa mas cu 150 mucha muhernan den diferente districto di Aruba. Pa e dedicacion y sirbishi voluntario aki e a wordo reconoci y gradici cu e premio “bon comun”.
Icho Matos Conoci como masahista, Icho ta yuda otronan den tur forma cu e por. Ehemplar den su trabou y dedica den sirbi otronan sin busca niun beneficio propio, ta loke ta haci cu Icho ta un di e prome recipientenan di e premio “bon comun” 2022.
Brandweer 911
Polis 100
Polis Oranjestad 102
Polis San Nicolas 104
Polis Santa Cruz 105
Polis Shaba 107
Tiplijn 11141
Ambulance San Nicolas 584-5050
Ambulance Sasaki 582-5573
Ambulance Wayaca 582-1234
Horacio Oduber Hospital 527-4000
Centro Medico San Nic. 524-8833
SVB AO Ziekmelding 527-2782
Elmar storingdienst 523-7147
Web storingdienst 525-4600
Setar storingdienst 117
Digicel 145
Reina Beatrix INT Airport 524-2424
Serlimar 584-5080
Arugas 585-1198
Guarda nos costa 913
Aurora Funeral Home 588-6699
Royal Funeral Home 586-4444
Ad Patres Funeral Home 584-2299
The Olive trees Funeral Home 582-0000
Rode Kruis 582-2219
Fada 583-2999
Fundacion Respetami 582-4433
Fundacion Guiami 587-1677
Muhe den dificultad 583-5400
Telefoon pa hubentud 131
Centro Kibrahacha 588-3131
Stichting Bloedbank 587-0002
Mary Joan Fundation 588-9999
Koningin Wilhelmina Fonds 582-0412
Fundacion pa nos mucha nan 583-4247
Siguiente dia Hesus a dicidi di bay Galilea. El a contra Filipo y a bis’e: ”Sigui Mi”(Huan 1-43)
Tur loke nos mira riba e mundo aki ta ilusion, pasobra nan ta pasa bay. E cosnan di mundo ta atrae nos,…. Nan ta gana nos, y hasta nan por pone nos comete locura. Pero ora bo haya chens, leu for di e boroto di mundo, pa scucha Palabra di Dios, scucha Hesus Su Yamada: ”Sigui Mi” anto bo ta descubri cu tin hopi mas cos, Mucho mas importante cu e cosnan Ganado di mundo. Hende ta mata curpa pa logra exito y progreso material. Pero di kico tur esaki ta sirbi. Nos ta manera sin cabes, ta hunga core coy biento, un mundo di fantasia, cu ta pasa bay. Tin un berdad grandi cu hamas lo pasa bay. Esey ta Hesucristo, Yiu di Dios, y Su Palabra: ”Shelo y tera lo pasa bay, ma Mi Palabranan si lo no pasa bay” (Marco 13,31).”Mi ta cu boso tur dia, te na fin di mundo”( Mateo 28,20) Hesus ta cu nos, bou di tur circunstancia! Hesus t’ey, specialmente den nos momentonan di soledad, di tristesa pa erornan cu nos a comete. Rumannan, cerca Hesus nos ta haya tur cos cu ta importante pa bida esta: felicidad, amor, sabiduria, paz. Su amor t’ey pa semper.
Oracion: Dios Tata Todopoderoso, yuda nos pone nos bida mundano un banda y sigui riba Bo caminda, caminda nos ta prospera di berdad. Amen.
Diabierna atardi a drenta informe di un accidente dilanti di Prikichi Supermarket den Steenweg, mesora a dirigi un patruya na e sitio.
Na yegada di e patruya a bin compronde cu aki ta trata di un accidente unda cu un chauffeur bibando na Hulanda y a bin di vakantie na Aruba y a dal
algun bitter di mas no a regula su velocidad y a bay dal tras di un autobus cu a caba di subi su pasaheronan un rato prome na e bushalte banda di Doña Clara na Wilhelminastraat.
Afortunadamente ningun hende a resulta herida. Ora polis a pone e chauffeur di e auto supla esaki
a sali malo pa e chauffeur di vakantie polis a detene
mientras un otro autobus a pasa piki e pasaheronan
Scirbi pa Pastor Marcel Balootje.
Dios tene misericordia, e mundo ta yena cu Odio, Vengansa, Rabia, Orguyo, Enemistad , y mas cu tur cos falta di pordon, cual ta separa hende for di otro y tambe ta dividi famia.
Falta di pordon ta asina obvio cu e no por wordo scondi mas , pasobra hasta den un speech y forma di expresa bo ta nota si un persona tin falta di pordon y amargura a ataca su curazon.(Marco 11 v 25)
Hopi tristo ta e falta di pordon cu ta existi entre mayor y yiu , pasobra un mucha mester di su mayornan pa un bon crecemento spiritual y social.( 2 Corintionan 2 v 10-11)
Di otro banda nos ta mira cu dia pa dia hende ta papia malo di otro, acusa, insulta,bully, rebaha, y rechasa otro manera ta un celebracion, pasobra tin hende ta kere cu ora bo rebaha bo prohimo bo ta wordo premia como un bon persona.( Proverbionan 24 v 17)
Den Mateo capitulo 5 vers 22 Hesus ta bisa : Ken cu bisa ‘’Bobo’’ lo ta culpabel pa bay den candela di fierno. Si nos wak bon awendia ofensa mas fuerte cu bobo ta cay contra otro ,y hende no tin temor di Dios.
1 Juan capitulo 3 vers 14 ta bisa : Esun cu no ta stima ta permanece den morto, saca bo cuenta cuanto hende tin ta cana rond masha bunita, pero nan ta morto spiritual pasobra den nan curazon tin odio contra nan prohimo.
Dios ta wak e asunto hopi mas serio cu nos ta mire, pasobra Dios su palabra ta bisa cu sin paz y sin santidad ningun hende lo mira cara di Dios.( Hebreonan 12 vers 14). Asina ta cu nos
relacion cu Dios no por ta bon si tin falta di pordon den nos curazon.
1 Juan capitulo 3 vers 15 ta bisa : Ken cu ta odia su ruman ta un matado, y boso sa cu ningun matado no tin bida eterno ta permanece den dje.
Awor esaki ta hala nos atencion, pa cambia nos vocabulario y wak bon kico nos ta papia den cas,oficina, scol , etc y con nos ta expresa nos mes contra otro, pasobra sembrando odio bo ta aleha bo mes for di hende y for di Dios.
Efesios capitulo 4 vers 29 ta bisa: No laga ningun palabra dañino sali for di boso boca, sino solamente palabra cu ta bon pa edificacion, conforme e necesidad di e momento, pa esaki por duna gracia na esnan cu ta tende.
Mateo capitulo 6 vers 14 +15 ta splica nos cla cu si nos no pordona , Dios tampoco ta pordona nos, un hende cu no ta pordona, no ta crece spiritualmente, ni tampoco un persona cu ta odia no por drenta cielo pasobra bida eterna no ta permanece den dje.
Si bo no ta pordona ta abo mes ta esun prome cu ta sali perhudica, bo tin cu pordona y laga los, for di e cosnan bieuw , pa bo curazon por ta limpi dilanti di Dios.( Colosensenan 3 v 12+13).
Na e momento cu un hende pordona di curazon, su wowo lo habri pa e mira e monton di bendicion cu Dios tin pa su bida.(Lucas 6
PRONOSTICO DI TEMPO VALIDO TE DIALUNA 09 DI JANUARI 2023, 18:00 ORA
TEMPO:
AWE NOCHI: PARCIALMENTE NUBLA Y GENERALMENTE SECO DEN MARDUGA Y MAYAN:PARCIALMENTE TE TEMPORALMENTE HOPI NUBLA CU LOCALMENTE UN AWACERO PASAJERO TE BREVE.
TEMPERATURA MAXIMO 30 GRADO CELSIUS TEMPERATURA MINIMO 25 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 31 PA 34 GRADO CELSIUS UV INDEX: 8
BAHADA DI SOLO : 6:29 PM SUBIDA DI SOLO : 7:04 AM.
BIENTO: MODERA FOR DI DIRECCION OOST; FORSA 3 TE 4 (12 TE 30 KM/ORA, 7 TE 16 NUDO) DEN DIA BASTA FUERTE TE POSIBLEMENTE FUERTE DEN RAFAGA: FORSA 5 TE 6 (31 TE 50 KM/ORA, 17 TE 27 NUDO)
SITUACION GENERAL DI TEMPO PA PROXIMO 24 ORA: HUMEDAD DEN NIVELNAN MAS ABOU DI ATMOSFERA LO POR BIRA SUFICIENTE PA PRODUCI PRINCIPALMENTE DEN ORANAN DI MARDUGA I MAINTA LOCALMENTE UN AWACERO PASAJERO TE BREVE.
CONDICIONAN MARITIMO/ ESTADO DI LAMA: NA PARTINAN PROTEJE DI COSTA: LEVE, ENTRE 0 Y 1 PIA. NA PARTINAN ZUID: TRANKIL, ENTRE 1 PA 2 PIA. NA PARTINAN OOST TE NOORDWEST DI COSTA: MODERA, ENTRE 4 PA 5 PIA.
AVISO/ ALERTA: NINGUN
FENOMENONAN SPECIAL: NINGUN
POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR VARIA.
REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM):
AIRPORT : MAX 30 / MIN 24 / 2.2 MM WESTPUNT: MAX 30 / MIN 25 / 0.2 MM STA ROSA: MAX 30 / MIN 25 / 1.2 MM
PRONOSTICO DI TEMPO PA PROXIMO 3 DIANAN: LEVE TE PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI DIRECCIONAN OOST- NOORDOOST Y MODERA TE BASTA FUERTE, POSIBLEMENTE FUERTE DEN RAFAGA; TEMPERATURA (GRADO CELSIUS) MAX / MIN LO TA: 30 / 25
Wever mirando su legado como jui di mayornan cu a crea un empresa chikito, ta subraya “Ora Bo kibra negoshinan chikito y kibra forsa di compra di Pueblo, Bo ta kibra nos economia y nos bida mes! Kibrando e companianan mediano y chikito ta pone cuponan di trabao tambe na peliger”.
Muzaninn Wever a elabo -
ra eloquentemente tocante e inspiracion pa e maneho cu lo mester brinda perspectiva positvo y alivio na nos comerciante y nos consumidornan bisando: “ E Bon Comun, e pensamento di traha na beneficio di tur, ta reta nos pa fiha un maneho cu ta brinda oportunidad pa tur ! Nos consumidornan y nos comerciantenan mester di
un alivio y un pespectiva positivo.”.
Muzaninn Wever ta desea comunidad di Aruba un Bon aña y ta anima nos tur pa hunto lucha pa e cambio contra medida y destruccion. Hunto nos lo trece e cambio necesario cu lo haci e aña nobo aki un BON AÑA.
Durante e mensahe di fin di aña di Partido AVP, candidato Muzaninn Wever a refleciona a riba e maneho financiero/economico inadecua di e aña anterior cu a causo hopi precupacion serca comerciante(nan). Embes di enfoca ariba diversificacion di nos economia, inversion strategico pa impulsa economia y ofrece oportunidadnan nobo ta castiga comerciante y cuidadano nan cu medida doloroso.
E dolor y agonia aki a wordo vocifera pa Muzaninn Wever durante su discur-
so di fin di aña: “Gobierno simplemente ta kibrando empresanan. E weso di lomba di nos economia ta wordo fractura pa medida tras di medida cu na final di dia ta afecta henter e pueblo”, segun Muzaninn Wever candidato di Partido AVP.
No tin atencion pa mehora poder di compra di nos cuidadanonan cu tin su efecto directo pa economia di nos Pais, sinemebargo ta impone mas medida cu ta inhusto, contra efectivo y sin nuin forma di consulta. Muzaninn
Diadomingo despues di mey anochi y e parada di Fakkel pasando algun hende a dicidi pa daña e cuenta y cuminsa tira botter 2 di e sospechosonan
aki a ser deteni mientras e otronan a core bay. Tin carios camara den e area cu lo a capta tur e sospechosonan. Y sigur sigur polis lo bay tras di nan!
Diadomingo despues di mey anochi di diasabra polis a logra haya e Hyundai Accent V3301 dilanti
Diadomingo madruga a drenta informe di un pelea banda di Royal Plaza, mesora a dirigi patruyanan na e sitio. Na yegada di
e patruya a detene e agresor mientras e victima a resulta herida.
Un bida aleha for di Dios, y hopi falta di oracion, ta pone nos consenshi na peliger, ta pone nos pensa solamente riba nos mes, bira orguyoso y arogante, y lubida cu nos tin mester di otro.
Cada decision cu un hende mester tuma e no mester pensa riba awe so, pero tambe tuma un rato y pensa , kico lo pasa si e bala bay rond y bin cay bek serca dje mes, pasobra hopi biaha decision ta wordo tuma pensando cu ami ta bon, ami ta cla, mi no ta worry, cada ken saca nan som.
Especialmente ora ta trata asunto di famia y matrimonio, nos mester pensa hopi bon, ora nos ta tuma decision, pasobra decision robes ta causando, hopi problema y dolor, y e consenshi su rol ta grandi.
Un hende cu bon consenshi ta tuma bon decision, un hende cu mal consenshi ta tuma mal decision.
Ora bo ta gaña hopi , diabel ta cumpra bo consenshi, y sin bo nota bo ta hanja un consenshi corupto, cu ta balia manera un yoyo, complaciendo aki y aya cu hende y lubida riba e temor di Dios.
Den Daniel capitulo 6 , Daniel a mustra rey Dario claramente cu e por ta su doño di trabao, pero ora ta trata di su consenshi y su fe den Dios, ta dificil pa e ninga Dios, y sirbi diabel.
Ora como mayor nos tin cu tuma decision pa bienestar di nos yuinan, nos mester tin un consenshi corecto cu no ta apoya maldad, pero cu ta para riba e palabra di Dios, y no aplica sistema di mundo den cas, pa asina pas y bondad por reina.
Un mayor cu ta serio , ta keda para firme den tur circumstancia, y no ta dobla pa ningun clase di manipulacion, pasobra su consenshi
ta limpi, y e sa kico tin den futuro pa su yuinan,
Den 1 Timoteo 4:1 ta para scirbi: Ma e Spirito ta bisa claramente ( Spirito Santo) cu den ultimo temponan algun lo cay for di Fe, door di paga atencion na spiritonan engañoso y doctrinanan di demoñonan.
Pa medio di hipocrecia di gañadonan, kende nan mes consenshi a wordo kima, como si fuera esaki ta cu hero cayenta a wordo haci.
Cuanto hende ta mira bondad, pero toch ta sigi haci maldad?
Cuanto hende ta tuma risico cu nan bida, door di alcohol, droga, arma, etc?
Cuanto hende kier bay contra boluntad y prncipionan di Dios?
Cuanto hende no a perde respet pa nan mes bibando den inmoralidad?
Cuanto hende grandi , sabi, cu bon educacion ta biba den scuridad y ta kere cu ta luz?
Cuanto hende nan consenshi no ta reacciona cu ta malo nan ta haci?
Cuanto hende no ta pone placa y paranda na prome lugar enbes di busca cara di Dios?
Ora bo ta apoya algo , contra boluntad di Dios, y bo ta sostene inmoralidad, ta nifica cu bo fe a tambalia, bo no ta para firme riba e principionan di Dios.
Laga esun cu ta stima bida,y mira dianan bon, frena su lenga di loke ta maldad , y su lipnan di papia engaño.
Lage aparta su mes di maldad y haci bon, lage busca pas y siguie. Pasobra wowo di Señor ta riba e hustonan, y Su horea nan ta atento pa scucha nan oracion. Ma cara di Señor ta contra esnan
cu ta haci malo.
Nos consenshi por wordo limpia ora nos arepenti y aparta di maldad.
Esun cu confesa su pica Dios ta
fiel y husto pa pordona ( 1 Juan 1;9).
E tempo ta dificil pero nos bista mester permanece riba Dios.
Minister di Turismo y Salud Publico sr. Dangui Oduber ta anuncia cu durante aña 2023 lo cumpli cu un reto mas den salud publico. Durante aña 2022 e mandatario a supervisa hopi di e trabounan haci pa asina por logra cu den aña 2023 por logra baha e lista di espera pa haya un cita na un specialista.
E mandatario a duna di conoce cu durante 2022 a percura pa amplia nos cuido di prome liña cu ta nos dokternan di cas. E idea cu ta considerando pa bin cune ta pa amplia e cantidad di dokter di cas cu tin na nos Huisartsen Post (HAP) na hospital. E concepto pa tin mas dokter di cas disponibel bou un solo dak ta un concepto
cu ya caba a demostra di ta uno cu ta funciona. Tambe esaki lo zorg pa tin e continuidad di e cuido medico.
Mester añadi cu e logro di AruBIG caminda porfin por registra nos propio yuinan di teranan cu a studia den region pa dokter sigur a yuda na amplia e cantidad di dokter di cas na Aruba.
E mandatario a splica cu pa busca specialistanan di afor semper tabata un reto grandi mirando e scarcedad cu tin den e profesionalnan medico den e mercado laboral. Pero den aña 2023 tin presupuesto pa busca mas specialista den servicio pa cierto
specialismonan. Ta bay amplia den specialistanan di entre otro specialista di wowo, specialista den urologia, specialista di dolor y specialistanan di stoma y tripa. E mandatario ta convenci
cu e ampliacion aki den dos liña di cuido ta bay yuda na reduci e cantidad di personanan cu lo mester bay un specialista. Cu e ampliacion den e specialistanan den aña 2023 lo por trata
mastanto pashent y asina reduci e lista di espera considerabelmente.
Minister Dangui Oduber ta premira un aña 2023 hopi positivo pa cuido medico y lo sigui traha duro pa mehora esaki aun mas.
Colegio EPI ta den su aña di celebracion den cuadro di e di cinco lustro di e scol. Ki manera mas bunita pa sigui cu e celebracion organisando un eleccion di reina. Pa e materia di Bewegingsonderwijs (BO), e studiantenan tin como tarea pa organisa e eleccion di reina, como meta pa recauda fondo pa un studie reis pa New York cu lo tuma luga den luna di februari. E ta mas bien pa siña mas riba e tereno di ‘Organisatie en Leiding.’
E eleccion di reina di Colegio EPI, organisa pa e studiantenan di BO-Groep lo tuma luga riba diasabra 14 di januari 2023 den Entertainment Center. Porta lo habri pa 6:30 pm y show ta ranca sali pa 7:00 pm. Desde diahuebs awo, 5 di januari 2023 por cumpra ticket cerca Bo candidata
E candidatanan ta entusiasma pa dia di eleccion. Nan trahe lo ta uno di material recicla. E eleccion ta conta e biaha aki cu dos categoria: Studiante
y Docente. Candidata: Pa categoria di studiante; Jennely Winklaar, Ariadna Harewood, Heily Giel y Judienne Celaire.
Pa categoria di docente; Rosmery Rondón cu lo representa unit Economia
y Geraldine Shera Albertsz cu lo representa unit Salubridad y Servicio.
E invitacion ta n’e pueblo pa sostene nos candidatanan y cumpra Bo ticket n’e puntonan di benta menciona mirando un gran show cu lo tin otro siman
diasabra. Diabierna awo, 6 di januari 2023, lo trek lot den e programa Den Dje na TeleAruba. Si tin cualkier pregunta, por tuma contacto cu nos libremente via nos Facebook Page: BO-Groep – EPI Unit Economia.
Ponton: Diasabra den oranan di merdia riba e caminda di Ponton na altura di Boca Dushi Snack, un poco mas pazuid di Wema a sosode un accidente cu 5 auto envolvi y un persona levemente herida.
Chauffeur di un Mitsubishi a reverse y a dal contra un Kia Rio cu tabata pasando, pa bay e otro banda di caminda y e esaki a pasa a dal contra un Suzuki Vitara cu tabata staciona.
Un Toyota Corolla cu net tabata pasando den e impact a wordo gedal y un ford cu tambe tabata pasando. Tur e autonan envolvi tabata biniendo di zuid direccion panort.
Polis di trafico a presenta hopi lihe na e sitio y a pidi pa presencia di ambulance pa trata un persona di edad cu tabata den e Mitsubishi, e persona tabata levemente herida y a wordo trata na e sitio pa e paramediconan di ambulance.
Unidad motorisa a tene su control durante y despues di Parada di Flambeu
Diasabra e unidad motorisa a tene control riba velocidad y despues ariba maneha bao influencia di alcohol.
E controlnan a tuma lugar
na diferente luga strategico rond Aruba. A controla mas o menos 60 auto y na unda a duna 24 multa pa velocidad halto y 3 pa maneha auto bao influencia di alcohol.
Loke mester remarka cu hopi persona a haci uzo di amigo Didi.
No ta un secreto cu aña 2022 tabata un hopi bon aña pa Aruba su Turismo! E tabata un aña cu a cuminsa poco slow door di COVID, pero asina cu Gobiero a anuncia nos Exit Strategy cu a resulta un hit tur cos a cuminsa cana pa mihor. Den aña 2022 nos a surpasa tur proyeccion pa locual ta e recuperacion di nos turismo.
Turismo crucero no ta un excepcion, aki tambe nos
a surpasa locual a wordo proyecta y na final di aña 2022 Aruba a ricibi un total di 610.474 turista crucero. Esaki tabata un recuperacion di 73.4% den comparacion cu aña 2019.
Esaki sigur ta un excelente recuperacion despues di 2 aña di pandemia. Den aña 2022 Aruba a ricibi varios calls pa prome biaha di Mega Cruise Ships. Esaki a bira posibel despues di e inversion grandi cu a
wordo haci pa draga na nos waf pa asina por acapara nan. E mega cruceronan aki ta yega nos isla cu mas di 5 mil turista y ta trece hopi actividad economico pa nos isla cune. Tabata
tin dianan cu tabata tin 4 barco crucero mara na nos waf y mas di 10 mil hende den Oranjestad.
Finalmente Minister Oduber a duna di conoce
cu aña 2023 lo ta aun un mihor aña pa Aruba su turismo. Pa nos turismo crucero ta premira cu lo ricibi alrededor di 810 mil turista den aña 2023.