20 caso nobo 169 caso activo di COVID -19 Dialuna 7 Februari 2022
Solo di Pueblo
Aña 16 - edicion 603
E-mail: solodipueblo@gmail.
Prijs: Afl. 1.75
Porfin e dia a yega.....
Awe Benny Sevinger, Leoncita Arends y nan amigonan di AVP ta den corte pa reken af cu husticia
Sinceridad di Carlos di 24Ora ta confirma cu Patrick Paskel a faya Patrick no a suspende su trahador ora a bini acusacion di pedofiel
Pabien na lider Nel Oduber celebrando 75 aña
Dicon Rycond ta nenga pa divulga e motibo di su retiro “op staande voet” na Universidad?
2
Dialuna 7 Februari 2022
Prome Minister Evelyn Wever-Croes:
GOBIERNO NO A AUMENTA CANTIDAD DI MINISTER “A toca Gabinete Wever-Croes pa ta na timon di e pais aki na e momentonan aki. Cu determinacion y curashi nos lo percura pa haci esaki exitoso”
Ultimamente y tambe durante e reunion publico den Parlamento na unda cu e ley di Landsverordening Instelling Ministerie, LIM a wordo aproba, oposicion a vocifera cu Gobierno a aumenta e cantidad di minister den Gabinete Wever-Croes II. Prome Minister Evelyn Wever-Croes a coregi esaki den varios ocacion y tambe durante e reunion publico den Parlamento diahuebs ultimo. “Ta parce AVP y parlamentarionan aki di oposicion no ta biba na Aruba pa bisa algo asina. Gabinete Wever-Croes II a bin di un gobierno di 8 minister esta Gabinete Wever-Croes I y nos ta den un gobierno di 8 minister, esta Gabinete Wever-Croes II”, Prome Minister a duna di conoce. Den tur documento cu ta conoci pa Parlamento, por haya e informacion aki documenta, Gabinete Wever-Croes I y II a y ta consisti di 8 minister. Ningun momento a contempla pa bay na mas minister apesar cu
Aruba ta pasando den momentonan di mas dificil den nos historia politico pa motibo di un pandemia y trabounan cu esaki ta bira hopi mas y hopi mas dificil tambe. Un situacion cu sigur lo mester mas minister pa traha pa e pueblo aki. Sinemargo, esaki no tawata den plan di Gabinete Wever-Croes II y a mantene gobernacion na 8 minister. E insistencia di AVP pa bisa cu Gabinete Wever-Croes II a aumenta cantidad di minister, ta algo no comprendibel pasobra esaki no ta aparece den ningun documento den Parlamento y niun otro caminda. Durante Gabinete Wever-Croes I, na october 2020, señora Marisol Lopez-Tromp a wordo retira di su trabou como minister despues di un problema den Parlamento. Su fraccion a bisa cu nan no lo sostene mas. Y un minister cu no tin sosten di su fraccion, no por keda minister. “Mi no por a hacie un minister di MEP pasobra e no tabata riba lista di
MEP. Mi a yame pa nos papia, e no kier a papia di e topico y a keda core pa mi 3 dia largo. E ora Conseho di Minister a dicidi cu lo retire”. Gabinete Wever-Croes II a keda na 8 ministerio y Prome Minister a tuma over e trabounan di e ministerio cu a resorta bou di señora LopezTromp temporalmente mientras cu pronto lo mester a bin un gobierno nobo. Un cargo cu porcierto ta hopi pisa y complica. “Na e momento ey temporalmente mi a tuma e cartera di señora Lopez-Tromp over pero
sinceramente e no ta algo cu ta recomendabel pasobra e ta un cartera pisa. Pero cu un minister a wordo retira den Gabinete Wever-Croes I, no kiermeen cu den Gabinete Wever-Croes II a aumenta minister. Ambos Gabinete WeverCroes I y II a y ta goberna cu 8 minister apesar cu e trabounan ta hopi mas pisa y mas grandi aworaki”, Prome Minister a enfatisa. Prome Minister a expresa na henter oposicion politico y a conseha nan cu si realmente nan ta preocupa pa e pueblo di Aruba, anto oposicion mester ta hibando e
discucion di cuanto mas hende Gobierno mester pa haci e trabou asina grandi cu tin pa haci den un tempo asina dificil pa e pueblo aki. “E trabou y responsabilidad ta enormemente grandi pero ta Dios so sa pakiko a toca nos, Gabinete Wever-Croes como gobernantenan y como parlamentarionan pa ta na timon di e pais aki na e momentonan aki. E ta un responsabilidad cu nos ta tuma cu determinacion y curashi y nos lo percura pa haci esaki exitoso”, Prome Minister Evelyn Wever-Croes a enfatisa.
3
Dialuna 7 Februari 2022
Porfin e dia a yega.....
Awe Benny Sevinger, Leoncita Arends y nan amigonan di AVP ta den corte pa reken af cu husticia Benny, Gabri Werleman, Ninoska Nuñes, Maria Leoncita Arends, Pieter Sussebeek, Carlo Mansur, Curt Harms, Frederick Every, Rebeca Richardson, Franklin Abath, Ewald Biemens
pa enrikese nan mes y nan amigonan, tumando placa bao mesa, pa relaga patrimonio di pueblo. For di masha tempo pasa caba, tur cos tabata cla. Nan mes a reda nan mes cu tur nan e-mailsnan, tur nan cartanan y tur nan ansha pa horta terenonan di pueblo, pa djey bendenan pa miyones di dollars. E modus operandi tabata facil: Lanta un compania nv, e compania ta nobo y sin ningun valor, ta pidi un optie riba un tereno, minister ta duna e optie, cu e firma di minister e compania a haya un valor di miyones di dollars, djey ta bira bende e accionnan di dicho tereno cu un investor, y asina nan ta enrikece nan mes. Dialuna 7 di februari ta bay den historia di Aruba como un dia di husticia. Porfin e dia a yega pa
asina husticia regla cuenta cu politiconan corupto cu a probecha di confiansa di pueblo,
Tabata un realestate cu ta traha den di oficina di Benny. Algo totalmente robes y nada otro cu
corupcion. Dicon? Pasobra ningun di e personanan aki tabata tin intencion di construi nan propio edificio. Tur tabatin e doel pa haya tereno y bende tereno. Riba e lista aki, ainda falta basta comerciante
cu tambe a haci mes un practica. Nos no sa si ainda nan lo wordo yama dilanti corte, of nan lo a scapa di e investigacion aki. Tin un tal Elio cu a paga Franklin Abath 50 mil dollar. E prueba tey!
4
Dialuna 7 Februari 2022
Exhibicionista cu a bay viral riba medionan social local, deteni den oranan di atardi
Exhibicionismo ta manera birando un trend awendia, exhibicionistanan coriendo rond di scol, pidiendo alumnonan pa subi den auto cu nan, tambe mustrando nan parti intimo of haciendo actonan sexual cu nan mes dilanti alumnonan. Varios alumnonan di scolnan sa caba ken nan lo ta, aparentmente lo tin varios na Aruba. Un rato prome e tabata haci su actonan di placer sexual publicamente na
Nikky Beach Oranjestad Diabierna den oranan di merdia, algun persona na Nikky Beach, canto di lama a wordo sorpresa pa un exhibicionista. E perverso aki a yega y a baha su carson y a cuminsa mishi y hunga cu su parti intimo dilanti algun persona entre otro un dama y mucha. Un persona cu a mira e acto perverso aki mesora a yama polis y un otro a film'e pa tin e acto aki prueba. E exhibicionista mes a bay hopi lihe for di
e sitio. Un persona cu tabata banda di lama a keda corda e cara di exhibicionista. Despues den oranan di atardi e persona aki a bolbe mira e exhibicionista sinta net pariba di Biblioteca Nacional. Polis a atende cu ne, nan a detene y transport'e pa warda di polis. Nos a ricibi un informacion cu diaranson tambe algo similar a sosode banda di EPB Hato. Un mucha muher hoben, alumno
di EPB tabata wardando despues di scol pa wordo busca, e tabata sinta cara pa caminda dilanti di e oficina di seppa. Diripiente un homberr den un auto a yega para y a pidi pa subi den auto, e mucha a spanta asina hopi y a cuminsa cana, ora e la bira wak e homber den e auto tabata haciendo actonan perverso cu su mes cu porta di auto habri. Su mayornan a yama polis, e caso ta den man di recherche. Ayera a detene un homber
perverso cu tambe tabata core rond di scol pidi pa muchanan subi den auto cu ne, pero ora autoridad a puntra e mucha muher aki si ta e mesun un homber, e mucha muher a bisanan cu, no esaki ta un otro exhibicionista cu ta core rond di scol. Mayornan mester papia cu nan yiunan y alertanan di e grupo di personanan perverso cu ta circulando rond di scol y asina trata na daña bida di nos muchanan y hobennan.
Homber deteni pa menasa di morto di un funcionario di inmigracion Wayaca Diasabra atardi recherchenan (DAR1) ariba orden di Ministerio Publico a detene na su cas na Kustbatterij e homber di inicialnan A.Y.L. naci na Republica Dominicana di 35 aña di edad pa menasa di morto di un funcionario di inmigracion. Mesora ela wordo hiba warda pendiente di mas investigacion. Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.
5
Dialuna 7 Februari 2022
Partido MEP:
BENNY SEVINGER (AVP) MAS 10 SOSPECHOSO MAS MESTER ENFRENTA HUSTICIA DIALUNA AWOR
E candidato prominente di AVP cu mester a bira Mike Eman su successor como Lider Benny Sevinger, e candidato prominente di AVP cu mester a bira Mike Eman su successor como Lider, mester presenta dialuna awor dilanti mesa berde (e color cu nan gusta) pa bay convence Husticia cu e ta inocente. Embergadura di e caso aki tin di haber cu soborno di empleado publico, falsificacion, estafa y abuso di funcion, labamento di placa y abuso di funcion. Y e suma mas grandi envolvi den un solo transaccion ta di 1 miyon florin pa benta di tereno di pueblo. E tristo ta cu ta un berguensa pa wak con candidatonan jong y prominente di e Partido berde manera, Gerlien Croes y Ryçond do Nascimento diahuebs ultimo den reunion publico di Parlamento di Aruba, a defende cu alma y curpa e corupcion di nan Partido AVP. Candidatonan cu por tabatin un futuro politico, pero p’e solo hecho cu nan ta pro corupcion (pasobra pa tur otro cosnan bon pa Aruba nan ta contra), nan a mancha nan imagen y posibel trayectoria politica. Profesor Ryçond, Hurista Gerlien, hobennan studia cu prominencia ta opta pa tira nan carera afo defendiendo e coruptonan y
actonan di corupcion di nan Partido AVP. MIKE EMAN A PIDI PA VOTA BENNY SEVINGER En todo caso awe e caso ta bin dilanti. Cu un total di 11 sospechoso, di cual esun principal ta e candidato cu Mike Eman a vota p’e, esta Benny Sevinger, cu sumanan miyonario di 1 miyon florin pa un solo transaccion di benta. Corda cu tabatin hopi mas benta pa cual Leoncita so lo
tabata cobra mey miyon atrabes di diferente construccionnan di NV uzando hasta su pober yiu siñand’e ta corupto cu solamente 19 aña.
Un caso hopi tristo pero cu na mes momento tin Pueblo cu hopi rabia pasobra tin hende tin años cu kier un tereno y no por haya pasobra Benny Sevinger a bende tur cu tin pa enrikece sum es.
6
Dialuna 7 Februari 2022
Un biaha mas: Varios patruya a drenta Tarabana pa atende cu hobennan
Fiyostraat - Diasabra merdia den careda di 2'or pasa patruyanan di Playa a bay Fiyostraat, unda cu lo tawata tin desordo ariba caya. Entrenan e conoci di nan conoci bou e nomber Calbas. Segun informacion, un grupo di hoben y entre nan un bon conoci di polis lo tawata den un
discusion formal. Segun testigonan te hasta palabra di menasa a cay "abo a h..de". Momemnto cu patruya lo a yega un of mas lo a core bay. Polis lo tin ordo di detencion pa un di e hobennan aki pero no ta mustra cu polisnan a haye of si e tawata entre e grupo.
Na entrada di Fiyostraat parti zuid, polisnan a para dos hoben y a ristanan, mientras por a mira e grupo cu lo tawata haci desordo a move bay
nort. Despues di algun rato polisnan a bay na un adres den e caya mes, parse cu na e cas aki un di hobennan aki
problematico lo sa usa coriente di e habitante sin su permiso. Polisnan tur a bandona e sitio pa continua cu nan surveillance.
Accident pa falta di dunamento di preferencia, un persona herida
Santa Helenastraat, Oranjestad Diasabra den careda di 11'or di anochi a sosode un accidente riba Santa Helenastraat, entre Toyota Tercel blanco y un BYD shinishi, pa falta di dunamento di preferencia.E BYD a sali
dilanti di e ToyotaTercel. Mesora a pidi pa presencia di polis y ambulance. E dama den e Toyota Tercel a keda herida cu golpi na cabes.
Varios unidad di polis a yega na e sitio pa cera e caminda y pa atende cu e accidente. Ambulance a yega na e sitio y e paramediconan mesora a bay atende cu e dama y despues transporte pa Hospitaal.Na final takelwagen a yega pa move e Tercel cu no por a core ariba su propio forsa.
7
Dialuna 7 Februari 2022
Patrick a gaña: e no a weg trahador ora el’a haya holor
Sinceridad di Carlos di 24Ora ta confirma cu Patrick Paskel a faya Patrick no a suspende su trahador ora a bini acusacion di pedofiel Patrick Paskel a faya di tuma decision rapido y decisivo pa suspende su trahador na Februari 2021! Esey t’e confirmacion cu SOLO DI PUEBLO a haya den weekend, for di e ex fotografo Carlos di 24Ora. Tur cos a cuminza ora cu Patrick Paskel a acusa Edmond Croes di ta pro-pedofiel pa motibo di Elvis Weert. Edmond Croes a rechasa e acusacion aki, mustrando cu riba mes un dia, 17 Januari 2019, el’a suspende Elvis Weert di e programa radial y nunca mas a bolbe. Den caso di 24Ora, ora cu dia of rond 11 di Februari 2021 a sali na claridad cu tin kehonan publico contra nan trahador, Patrick no a suspende. Aki Patrick a faya y a mustra su moral pro pedofiel. Aki no ta bay pa e caso riba su mes! Aki ta bay pa e decision tuma na e momento ey!
Segun Patrick cu asina cu el’a haya holor el’a weg’e Patrick a bisa na radio, cu na momento cu el’a haya holo di e keho di pedofiel, el’a weg Carlos mesora. Gran mentira! Mentira Grandi. E fotografo a desmenti e ponencia di Partrick, pasobra e no a wordo suspendi na februari 2021 pa motibo di e kehonan
di pedofiel, ni kita di trabao. Pues e no a wordo geweg pa holor di pedofilia, pero te na Augustus 2021 pa otro motibo. El’a wordo suspendi na Augustus 2021, bao di e sospecho cu e tabata bende alcohol den toque de queda cu auto di 24Ora cu tabata tin permiso pa ta riba caya y tambe pa e motibo cu Carlos a divulga riba social media, algo contra un polis, cu ta leak informacion pa 24Ora.
Patrick a weg e trahador? Ningun momento a weg e trahador. A yega na un acuerdo cune y ainda a dune 3 luna di salario. Asina por lesa den e convenio di retiro, publica pa e trahador.
Essentia di e caso: Na Carlos, nos ta bise, cu nos no a acuse ni yame pedofiel. Nos a referi na e acusacion! Nos solamente ta di opinion, cu ora e kehonan grave a bin dilanti, Patrick Paskel mester a suspende e trahador mesora, pa laga esclarece e caso. Esey no a sosode y tesey ta nos unico punto. Nos a tuma nota cu Carlos a bisa cu no tin ningun keho entrega contra dje, pa cual segun Carlos el’a clear su nomber.
Conclucion ta: Den caso di Weert, Edmond Croes a tuma
20 caso nobo y caso activo 169 di COVID-19 ORANJESTAD- 6 februari 2022. Segun resumen di awe 61 persona a recupera y un total di 20 caso nobo di COVID-19 a keda registra di cual 3 ta no-residente. E cifranan aki ta representa un 'Positivity rate' bou di nos residentenan di 42%. E cantidad di casonan activo di COVID-19 pa awe ta 169 y cantidad di fayecidonan relaciona cu COVID-19 ta 195. Datos ta ilustra casonan nobo di COVID cu un averahe semanal di 49 caso pa dia y un averahe di 'Positivity rate' semanal di 37% pa dia. Actualmente na Aruba tin 19 persona interna cu of debi na COVID di cual den ICU tin 2 persona y riba piso general tin 17. Na Colombia tin actualmente 7 persona den ICU y ninguno (0) riba piso general.
un decision contundente, fuerte, decisivo, pa suspende na e prome denuncia publico. Patrick Paskel no a haci esey. Door di no a actua desisivo, ta mustra cu 24Ora y Paskel a faya y ta mustra riba un tolerancia y di ta pro pedofiel, irrespecto cu despues a bin sali na cla, cu no tin nada riba trahador, pasobra e damitasnan no a bay entrega keho na polis. Sinceramente nos no kier a trece ningun hende den incovenciencia, pero nos mester a mustra Patrick Paskel si, riba su actonan, unda e no por lansa acusacion falso contra otro, sin wak con e mes a atende cu un caso similar den su negoshi. No punta dede riba otro, siendo tin 10 ta punta riba bo!
8
Dialuna 7 Februari 2022
MINISTER ENDY CROES A BISHITA FUNDACION CENTRO FAMIA PIEDRA PLAT Diahuebs atardi Minister Endy Croes hunto cu colega Minister di Husticia y Asuntonan Social Rocco Tjon a haci bishita na Centro Famia Piedra Plat en conexion cu lanzamento di nan website y ‘billboard’ nobo. E fundacion a wordo estableci na aña 2008 door di sr. Adriaan Berg & Dr. Maikel Kelly. E fundacion tin como meta pa sirbi e bario di Paradera / Piedra Plat y vecindario riba base comunitario, educativo y social. E mandatario a sigui bisa cu Fundacion Centro Famia Piedra Plat tin actualmente tres proyecto: 1. Oansa, cu ta un club pa mucha di edad di 3 te cu 13 aña. Tin un averahe di 50 mucha ta atende e club y 10 lider. Lesnan ta wordo duna riba diabierna. 2. Cas di Musica, un scol di musica cu un averahe di 62 alumno y 6 docente di musica. Lesnan ta di dialuna pa diasabra. 3. Centro di Education Creativo (CEC) te programa di mas grandi cu e fundacion ta ofrece pa muchanan y hobennan despues di scol. Un averahe di 60 alumno ta atende e CEC y tin un total di 6 docente, 4 ayudante y un coordinadora cu ta traha full time pe proyecto. Samenwerkende Fondsen y CEDE Aruba a bin ta duna sosten ne fundacion e ultimo cuater aña pa nan draai e proyecto di CEC exitosamente cu ta dunando bon resultado serca e hobennan na scol. Minister Endy Croes a gradici Fundacion Centro Famia Piedra Plat pe invitacion y bunita recepcion alabes ta gradici e ekipo di boluntarionan dynamico y profesional cu ta guia nos muchanan y hobennan.
9
Dialuna 7 Februari 2022
Esaki Gerlien Croes y Rycond Dijkhoff ta defende
E caso grandi di corupcion di Benny Sevinger “Avestruz” ta dilanti mesa berde awe Secretario General di MEP Sr. Endy Croes ta splica cu a tuma su tempo pero poco poco pero sigur Ministerio Publico ta atendiendo cu casonan gigantesco di corupcion di x ministernan di AVP. Paul Croes x minister di AVP recien a wordo condena den un otro caso di corupcion pa cu permiso di trabou esta caso IBIS unda 3 hues den hoge beroep a condene na 4 aña di prison. Pues ta den sanger di AVP corupcion ta core y ta di lamenta cu te hasta un Alto Inspector y Hefe di recherche manera Robert Candelaria segun informacion a wordo soborna pa subi lista di AVP na 2017, a sostene Benny te final pa despues Benny dal E un scop drenta Parlamento na su lugar lagando Candelaria sin salario. Tur esaki cu bendicion di Mike Eman kende a grita 19 di Juni 2021 den campaña “Hamas vote para yo mismo, siempre vote por Benny Sevinger y voy a votar otraves para Benny Sevinger”. Caso historico di Benny Sevinger dilanti mesa berde dialuna mainta: Dialuna mainta 830 am e caso “Avestruz” di Benny Sevinger x minister di AVP lo ta dilanti mesa berde. Manera ta conosi cu desde Februari 2018 a entrega un keho official na Ministerio Publico hopi bon documenta cu corupcionnan masal den otorgamento di tereno. Pruebanan manera esun di Deshaun N.V. unda 5540m2 di tereno comercial a wordo otorga na un empleada di Leoncita Arends. Carta ta
traha riba fecha 20 di Augustus 2015, Benny su oficina ta stempel e carta cu kantoor a ricibie 7 di Augustus 2015 (pues 13 dia promer cu e carta a wordo traha), despues Benny ta firma akkoord gaarne Uw medewerking y Benny ta pone fecha cu su handschrift 14 Augustus 2015, (6 dia promer cu e carta a wordo traha), despues oficina di Benny a pone un stempel fecha 14 di Augustus 2015 cu e carta a sali for di nan kantoor. E amiga empleada di Leoncita Arends a firma e peticion como Director di Deshaun Development VBA. Ora mira e fecha cu e compania Deshaun Development VBA a wordo lanta ta constata cu esaki a wordo lanta 30 di September 2015 esta mas cu un luna despues cu e peticion a bay pa Benny te cu Benny a firma pa nan hanja e tereno. Ora lesa e statutonan por constata cu Leoncita Maria Arends tin 100 aandelen y ta doño di e compania aki. E tereno aki despues a wordo bendi na 2016. Aki e comisionnan grandi tabata core. Tin prueba cu a Leoncita herself a ricibi plaka riba un cuenta na Miami Springs Florida. Asina e modus operandi tabata ta y un grupo previlegia tabata haña tur sorto di “opties” riba terenonan comercial pa hasi negoshi y bira rico cu patrimonio di pueblo cu cooperacion y consencia di Benny Sevinger e gran amigo di Mike Eman. Gerlien Croes y Rycond Dijkhoff na defensa di e corupcion di AVP:
Ta e tipo di fraude y corupcionnan aki Gerlien Croes y Rycond Dijkhoff ta defende den Parlamento cu alma y cuerpo. Awor Rycond kier kita atencion di e caso di Benny purbando di tira riba Mandatario Croes cu un rapport di E&Y di 11 aña pasa cual rapport (3) hues den Hoge beroep y (5) Hues den Cassatie a vernietig declarando den ambos vonnis cu prueba cu E&Y a comete un onrechtmatige daad jegens Croes y pa esaki ta den corte bek contra E&Y actualmente pa cobra un daño. Lo ta bon pa pueblo mes sigui e caso “highprofile” di Benny Sevinger Parlamentario di AVP kende ta den corte dialuna mainta.
E organisacion di ingenierionan KIVI ta organisa su di dos actividad tocante eficiencia di energia ora ta diseñando un edificio
Despues di su prome actividad na fin di november 2021, cu tabata un exito unda mas cu 40 ingeniero di Aruba a participa, e circulo Caribeño di
KIVI (“KIVI Kring Caribbean”) ta organisa su di dos actividad dia 17 di februari 2022 di 6 pa 7 p.m. cu lo ta un webinar. E webinar aki ta carga e titulo “Energy Efficient Building Design for a tropical climate” y ta ofrece e ingeniero profesional informacion tocante con pa diseña un edificio mas eficiente cua energia cu ta posibel. E webinar lo wordo duna pa Dr. Richenel Bulbaai, actualmente decano di e faculdad di ingeneria di
Universidad di Corsou. Dr. Richenel Bulbaai a obtene su doctorado na aña 2019 na Universidad Tecnico Twente na Hulanda, despues di a termina su studio den ingeneria electrico na Universidad di Corsou y na Universidad Technico na Eindhoven Hulanda. Ademas Dr. Bulbaai ta un Master in Business Administration. E titulo di e disertacion di Dr. Bulbaai ta ta “Toward 100% Sustainable
Energy Production and a structural decrease in energy demand: Curaçao, as a case study of Small Island Developing States”. E ta masha interesa den con pa diseña y construi edificionan teniendo cuenta cu clima tropical. Durante su presentacion Dr. Bulbaai lo duna mas informacion con pa uza
e principionan pa un diseño tropical manera ta ilustra aki abao, teniendo cuenta cu e movecion di aire den un edificio. KIVI Kring Caribbean ta invita tur ingenieronan profesional pa atende e webinar aki y inscribi via e link
10
Dialuna 7 Februari 2022
Prome Minister Evelyn Wever-Croes:
APERSAR CU TA GOBERNA CU 8 MINISTER, E GASTONAN A KEDA IGUAL NA 7 MINISTER
Diahuebs 3 di februari, den un reunion publico den Parlamento e ley di Landsverordening Instelling Ministerie, LIM a wordo aproba. Den e ley di LIM por mira cu a yega na un reparticion di 8 minister pa Gabinete Wever-Croes II. Prome Minister Evelyn WeverCroes durante e reunion den Parlamento a splica cu apersar cu ta goberna cu 8 minister, e gastonan a keda igual na 7 minister trahando cu un cantidad limita di personal pa cada bureau di minister. Mientras cu Aruba a yega di conoce gobiernonan di 7 minister, di 9 minister y e gobierno di AVP te hasta casi 11 minister, Gabinete WeverCroes I y II a y ta goberna cu 8 minister. Na 2017, como Partido MEP, a campaña cu ta bay baha e cantidad di minister di 9 pa 7 pasobra loke AVP a haci na 2013 tabata un crimen contra e pueblo di Aruba. AVP a redobla nos debe y asina mes nan a bay di 7 pa 9 minister despues di eleccion 2013. Un motibo cu AVP a haci esaki tawata e presion cu dos candidato riba e lista berde a pone riba lider di e partido pasobra nan mester
a bira minister. Señor Mike Eman e tempo ey no por a bisa no tampoco a worry cuanto e e gasto extra tabata y ni cu el a redobla e debe di nos pais, el a pone 9 minister asina mes. Den e formatie opdracht cu Gobernador a duna e formador e tempo ey, señor Mike Eman, el a indica pa no amplia e cantidad di ministernan pasobra e situacion di pais Aruba ta malo. Señor Eman no a worry cu Gobernador tampoco. El a bay cu su 9 ministernan despues un a baha a bin un di 10 y despues otro a baha y a bin un di 11. Na 2017 pueblo no a duna Partido MEP e confiansa completo pero a opta pa un coalicion despues di e 8 aña di Gabinete Eman. Negosacionnan a cuminsa pa un coalicion y a purba mas tanto cu ta posibel na yega na 7 minister. Pero esaki no a logra na un forma balansa. A yega e ora na 8 minister pero cu e palabracion cu ta keda na e nivel di gasto di 7 minister cual Gabinete WeverCroes I a haci tambe. MIKE EMAN TABATIN 400 HENDE RIBA SU PAYROLL Señor Eman tabatin 400 hende
riba su payroll y Gabinete WeverCroes tawata tin un maximo di 25 hende. No ta tur Minister a y ta traha cu 25 hende na su bureau pero e ta un maximo cu Gabinete Wever-Croes I y II a mantene na dje. Den e cantidad aki tin esnan di limpiesa, secretariat, conseheronan, y siguridad. E segundo decision ta cu e salarionan di nos hendenan ta conforme e salario di gobierno cual tambe a yuda pa baha e gastonan y mantene e nivel di gasto di 7 minister. Elecion 2021 pueblo atrobe ta vota pa un coalicion y a base di esaki a yega na palabracionnan pa un coalicion stabiel entre partido MEP y RAIZ. Y a forma un gobierno stabiel di 8 minister. Ningun momento a contempla pa bay na mas minister apesar, Prome Minister a enfatisa, cu e trabou aworaki ta hopi mas hopi cu e tabata na 2017. “Aworaki no ta goberna normal manera den pasado sino nos tin cu nabega e crisis aki, sali di e crisis y nos no tin placa”. Tambe
Prome
Minister
a
enfatisa cu otro cos cu ta haci goberna den e tempo aki dificil ta e palabracion cu Hulanda den cuadro di Landspakket. Y e ehecucion di Landspakket ta tuma hopi mas tempo di nos ambtenaarnan y di nos ministernan. Ta proposicion tras proposicion ta bin y como minister, mester maneha esaki y haci e miho escogencia pa e Landspakket wordo ehecuta. “Tur esaki no a pasa si den pasado gobernantenan prome cu nos, den e caso aki, e gobierno di AVP, a carga su responsabilidad y no hinca nos den un debe asina grandi. Awe nos lo ta mas fuerte para pa sali di e crisis. Pero e gobierno aki, Gabinete WeverCroes II, ta consisti di hende homber y muhe determina pa saca Aruba di e crisis aki na un forma exitoso. P’esey cada un di nos ta dedica alma y cuerpo, 24 ora, 7 dia pa siman na e trabounan cu mester wordo haci y e trabou ta hopi mas pisa. Ami ta di 2 biaha Minister President y e trabou ta hopi mas pisa”, Prome Minister Evelyn Wever-Croes a enfatisa.
11
Dialuna 7 Februari 2022
Dicon Rycond ta nenga pa divulga e motibo di su retiro “op staande voet” na Universidad? E parlamentario di AVP Rycond Santos a wordo retira "op staande voet" for di Universidad di Aruba. Retiro op staande voet ta algo grave y peor ainda e nunca a acudi na corte pa bringa e retiro.El’a guli manda abao, y awe e ta keto y no kier contesta. Mas straño te hecho cu e ta papia tur siman cu AVP24.com, pero nunca nan ta hasiele e pregunta ey. Ta parce cu AVP24ORA kier tapa pa Rycond, pasobra ey nan no ta busca pa trece e berdad pa pueblo. Pues ta reina un silencio hermetico. Informacion a cuminza drenta cu ta indica den direccion di comportacion indebido, unda no por descarta acoso sexual di un of otro forma. Ta bira ora cu mester divulga dicon el’a accepta su retiro boca
keto, cual ta igual cu accepta culpabilidad, sin ril pa bay corte? Y dicon te awe e no kier duna pueblo cuenta?
E por para 1000 ves dilanti camera cu rapport Ernst & Young y papia riba e caso di Lotto, pero Endy Croes no a keda keto, pero a bringa contra tur acusacion
falso. Sikiera algo Rycond por siña di Endy Croes. Si e tabata inocente, lo e mester a cuminza un caso contra Universidad. Ta ora pa e esclarece e motibo!
Prome Minister Evelyn Wever-Croes: Minister Endy Croes a pasa screening pa bira Minister
E NO TIN UN CASO CONTRA LOTTO PA DEPORTE Durante e reunion den Parlamento diahuebs ultimo na unda cu e e ley di Landsverordening Instelling Ministerie, LIM akeda aproba, Prome Minister Evelyn Wever-Croes a splica cu debidamente Minister Endy Croes a pasa screening pa bira Minister. Oposion a trece e punto dilanti cu Minister Endy Croes no por tin Lotto pa Deporte bou di su encargo mirando cu tin conflicto di interes pasobra señor Endy Croes tin un caso contra Lotto pa Deporte. Den su dicertacion y na varios otro ocacion prome, Minister Endy Croes a splica detayadamente y cu documento cu e no tin ningun caso contra Lotto
pa Deporte sino contra Ernst and Young. Prome Minister a reitera esey tambe y a enfatisa tambe cu señor Endy Croes a pasa den un screening caminda tur e aspectonan aki a bin dilanti na unda cu a yega na e conclusion cu e caso di Minister Endy Croes no ta contra Lotto pa Deporte. Prome Minister a expresa cu den un caso contrario, lo a tuma pasonan directo na bienestar di bon gobernacion. “Si esaki tabata e caso lo nos mester a tuma cierto paso. Lotto pa Deporte tin su propio director y directiva cu ta tuma decision. E tin su propio hunta cu ta controla loke directiva ta haci y e rol di
minister mes ta minimo den esaki. Ademas nos tin palabracion den e gabinete aki cu ora un minister ta sinti cu tin un
conflicto of si constata cu tin un conflcito, lo trece esaki dilanti y acudi cerca Minister President y hunto nos ta dicidi
con nos ta bay actua pa evita e conflicto”, Prome Minister Evelyn WeverCroes a duna di conoce.
12
Dialuna 7 Februari 2022
Michella Steenvoorde – Laclé:
KICO E CONSECUENCIA DI BENNY TA PA NOS HOBENNAN mi yega na un tereno ta Minister Benny Sievinger, mi tambe a haňa un “gaarne uw medewerking”, pero den mi caso cu no ta un comerciante, e tawata un promesa en vano.
Dialuna 7 di februari 2022, Gemeenschappelijk Hof van Justitie di Aruba, Corsou y Sint-Maarten y e islanan BES, lo conoce loke lo pasa den historia pa un di e casonan di mas escandaloso di corupcion di historia di Aruba. Ex-minister di infrastructura miho conoci como Benny Sievinger, ta wordo acusa di a comete entre otro; soborno di ambtenaar, falsificacion, estafa, labamento di placa, abuso di funccion como minister y malversacion di fondonan publico. Den corte lo mester bay demostra loke tur hende sa cu tawata tuma luga. Cualkier ciudadano naci na Aruba cu a crece cu e soňo pa un dia haňa un pida tereno y construi nan hogar, tawata mester a inscribi nan mes na DIP pa por a bay riba un lista di espera pa asina cumpli cu e soňo aki. Michella Steenvoorde – Laclé di Partido MEP ta comparti su experiencia di con e y hopi otro hoben a wordo stroba di haya un tereno pa construi
nan cas mientras cu Benny Sevinger a regla hopi tereno pa hopi den su ‘inner circle’ y pa su beneficio economico personal. “Mi mes persona prome cu mi a subi e avion pa bay studia na Hulanda na aňa 1998 hunto cu tur otro beursalenan, tawata wordo conseha pa pone nos nomber na DIP pa asina ora nos caba di studia, nos lo yega na beurt pa haňa un tereno. Hopi di nos a bay para den e rei ey, a paga e inschrijfgeld pa nos sigura cu ora nos yega back cu nos diploma den man nos lo por construi nos futuro. Ya caba e tempo ey tawata tin un lista di espera, no pasobra no tawata tin tereno, sino pasobra e bureacracia tawata Asina horribel. Cu mi diploma(nan) y experiencianan laboral den man na aňa 2015, mi tawata cla pa cuminsa construi e soňo ey. Manera hopi otro beursalen manera ami, mi a topa cu un shock, cu nan a saca mi nomber for di e lista di espera, y mi tambe a wordo conseha cu unico persona cu por logra pa
Den todo caso mi a logra haňa mi aňanan di espera back, y mi nomber a wordo poni atrobe riba e “wachtlijst”. Cual tawata mi derecho y e derecho di tur e beursalen manera ami cu a para den e rei ey prome cu nan a subi nan avion. Pero tiki di nan a logra haňa e tereno pa nan construi nan soňo, pa esey nan mester tawata den e “inner circle” of
aparentemente sa ken pa “soborna”! Bo por imagina bo cu na 2018 ora Gabinete Wever-Croes-I a cuminsa e proceso di automatisa y sistematisa e pidimento di tereno, tawata tin peticionnan di terenonan desde aňa 1990 cu nunca a haňa un contesta? No solamente bo a trapa riba derecho di bo ciudadanonan, pero ba caba cu nan soňonan. Ba pone un “prijskaartje” na nan soňonan. Mi perona y mi ta imagina hopi profesionalnan young, cu diploma y
experiencia laboral den man a laga e soňo di construi un cas bay y a simplemente cumpra un cas existente. Pero maňan den corte nos lo bay scucha kendenan sί a haňa tereno, cuanto m2 y/of hectares di tereno nan a haňa, con e procesonan aki tawata wordo regla den cuestion di dias y por ultimo ta cuanto fondo esaki tawata genera pa e politico y su entorno. Mientras anos, e ciudadano humilde mester a warda aňanan y tin ainda ta wardando riba e soňo di construi nan cas”.
13
Dialuna 7 Februari 2022
Minister Endy Croes:
TA FELICITA SR. OCANDO ‘CANDY’ WERNET CU A CUMPLI 86 AÑA
Diaranson atardi Minister Endy Croes a sorprende sr. Ocando ‘Candy’ Wernet na su cas pa dune felicitacion riba su fecha natal y un reconocemento special. E mandatario a expresa cu e tin hopi aprecio pa sr. Candy su contribucion pa cu deporte. Sr. Wernet ta un gran futbolista, un tremendo medio campo a hunga pa e ekipo di Estrella. Candy su ekiponan faborito ta Brazil y Real Madrid. ‘Mi ta hopi contento di por a pasa saluda sr. Candy
Wernet’, e mandatario a expresa. Tambe nos a gradici’e pa tur su aporte cu e la dedica na deporte en general primordialmente pe pasion cu e tin pa futbol. E mandatario a sigui bisa den historia mi querido Papa defunto awe tambe a yega di ta presidente di e ekipo di Estrella cu ta e ekipo cu Candy Wernet tambe a hunga aden. Mester agrega cu sr. Wernet a hunga tambe den seleccionnan pa Antiyas.
Tremedo deportista, tremendo persona. Minister
Endy
Croes
ta gradici sr. Candy y famianan presente cu a habri porta di cas pa ricibi e, na e ocasion special aki.
Masha pabien Candy y hopi aña mas di bida
14
Dialuna 7 Februari 2022
Scolnan na San Nicolas tambe a cuminsa cu Leerorkest Aruba
Diahuebs 3 di februari, e muchanan di St. Paulus School, SOAZA y Graf von Zinzendorf tambe a cuminsa cu lesnan ariba instrumentonan manera fio, cello, dwarfluit, French horn, contrabaho, drums y percussion. E muchanan tabata en espera di e lesnan aki y diahuebs esaki a bira un realidad na unda por a mira e alegria ariba nan cara. Docentenan
di klas tambe tabata yen di entusiasmo na unda hasta algun a scohe pa participa na e lesnan y asina mustra nan apoyo pa nan alumnonan y esaki sigur ta di admira. Actualmente Leerorkest Aruba ta na 5 scol cu instrumento incluyendo, Colegio Laura Wernet Paskel y Prinses Amalia Basisschool na unda alrededor di 400 mucha ta participando na e
lesnan aki. Tambe e lesnan online di AMV (Algemene Muzikale Vorming) ta continua na e scolnan di SKOA, DPS, SPCOA, SOAZA, Nos Fortalesa Montessori, Traimerdia Sonrisa y Centro di Bario Savaneta. Pronto nos lo ta na
International School of Aruba tambe. Ta comproba cu lesnan di musica ta haci muchanan contento, y si nos tin muchanan contento nos lo tin un Aruba contento. Leerorkest Aruba a bira
realidad danki na sosten di Ministerio pa Husticia y di Siguridad di Hulanda pa medio di Leerorkest Amsterdam. Pasobra Musica ta pa Tur Mucha!
15
Dialuna 7 Februari 2022
Cupcake di Speranza 2022 dedica na Janelle Bislik
GLW Foundation ta organisando pa di 7 aña consecutivo su benta di cupcake “Cupcake di Speranza”. Manera ya a bira un tradicion, GLW Foundation organisador di Miss Teen Aruba International y Turismo Mundial y awor tambe Thick Madame ta organisa e di 7 edicion di su popular “Cupcake di Speranza 2022”. E aña aki nos ta dedica nos benta na Janelle. Janelle Adelle Bislik a nace dia 8 di September 2015 y na aña 2018 a wordo diagnostica cu Cerrebelaire Hypoplasie / Atrofie cu kiermin cu su celebro chiquito no a desaroya manera mester ta y esaki ta afecta su parti motorico dus esey ta haci Janelle no por cana ni papia. Ta bezig pa asina Janele
por haña un rolstoel apto pa su edad mirando cu awor Janelle tin un rolstoel di hende grandi y esaki ta malo pa su postura y tambe kier busca un mihor calidad di bida den exterior pa Janelle. Pesey mes GLW Foundation cu su lema semper “Mas cu un certamen di beyeza” lo ta organizando e Cupcake di Speranza pa dianan 11- 12 y 14 di February 2022. Aki ta unda companianan y tambe individualnan por bestel cupcake den e forma simbolico di 5 florin pa Cupcake y di e forma aki tambe yuda cu e bon causa aki. Minimo pa order ta 10 Cupcake y por bestel cuanto cu ta desea. Pa bestelling por manda un whatsapp of yamanos
na 5616151 y haci bo pedido. Na nomber di Janelle y su mama, henter famia y nos organisacion di GLW Foundation MASHA MASHA DANKI. Tambe bo por haci un donacion si ta desea esaki na e cuenta di CMB 612-50903 GLW FOUNDATION. Un danki na Mitch Almary y Final Format pa asina traha un bunita flyer pa nos y tambe crea e logo official di Cupcake di Speranza. Un danki tambe na Click Print,na My Truck Transport y na mi team cu ta reparti e bolonan masha masha DANKI di curazon. Abo tambe por haci un diferencia den bida di un hobencita, celebra e dia di amor y amistad aki mustrando bo amor y Amistad na Janelle.
16
Dialuna 7 Februari 2022
Awe ta cumpli 75 aña nos lider honorario sr. Nelson Orlando Oduber
Awe 7 di februari 2022 ta cumpli e bunita edad di 75 aña nos lider honorario sr. Nelson Orlando Oduber, kende tabatin un trayectoria impresionante den politica Arubano y alabes a sa di trece logronan grandi pa pais Aruba, tanto den funcion di diputado como Prome Minister.
Prome politica
stap
den
Nel manera e ta wordo yama cariñosamente a sigui su estudionan di Gemeente administratie y Sciencia Constitucional na Hulanda, a regresa su isla natal y tabata yuda partido MEP den tur e preparacionnan riba tereno di structura estatal. Nel a wordo acerca pa promer vez na 1975 pa subi lista di MEP. Asina pues cu dia 25 di april 1975 como candidato no. 23 riba lista di MEP el a dal su promer stap den politica y den su promer salida el a haya sosten considerabel di e pueblo votador.
Logronan di como diputado
Nel
Na 1975 Nel a bira Diputado di Teritorio Insular di Aruba y esaki pa tres periodo consecutivo te cu 1985. Como diputado el a ehecuta proyectonan grandi pa nos pueblo, manera nos himno, bandera, ortografia, referendum, a funda IDEFRE y Instituto di Cultura, a funda Arubus, Aruba Ports Authority, proyecto di containerhaven, fondo di pensioen pa e trahadornan di haf, edificionan di Biblioteca Nacional y
Domeinbeheer, Hotelvakschool Bushiri, oficinanan auxiliar di gobierno, etc. Tambe Nel tabata miembro di Eilandsraad, Miembro di Comision di Reino, Vice Presidente di RCOA, Coordinador di nos Status Aparte y responsabel pa e introduccion di nos propio Banco Central, nos propio florin Arubano, Constitucion di Aruba etc. Sin duda cu Nelson Oduber tabata instrumental den e logro di nos Status Aparte caminda el a lucha schouder cu schouder cu Betico Croes pa realisa e libertad di nos pueblo entrante 1 di januari 1986.
Logronan di Nel como lider di MEP
Desde 31 di december 1985 Nel a bira lider interino di MEP y dia 8 di maart 1987 el a ser eligi como lider di nos partido y re-eligi na 1991, 1995, 2000 y 2005. Den e eleccion di 1989, Nel a percura pa MEP obtene 10 asiento na 1989. Den e eleccionnan na 1993, 1994, 1997, 2001 y 2005 MEP bao liderazgo di Nel nunca a baha bao di 9 asiento, locual ta un logro hopi grandi pasobra tur partido na Antias y Aruba di cual nan lider fundador a fayece a bay atras den voto y hopi di nan practicamente a caba na nada. Den e eleccion di dia 28 di september 2001 Nel a pone 4 logro historico riba su nomber, esta Nel a sali vote getter, Nel a guia MEP na un victoria aplastante di 12 asiento, MEP tabata e prome partido den Reino cu a saca mayoria absoluto den un eleccion como pais y Nel tabata e candidato cu mas voto na un urna electoral, esta na Colegio Laura Wernet Paskel. Nel a ripiti e hazaña aki den e eleccion di 2005 caminda MEP
a logra un mayoria absoluto di 11 asiento. Durante 25 aña (1986-2011) Nel a guia nos partido exitosamente como lider di MEP.
Logronan di Nel como Minister Presidente.
Como Minister Presidente durante 4 periodo Nel a percura pa logronan grandi pa Aruba: A firma cu Coastal Refinery pa reapertura di e refineria; A saca e fecha 1996 di independencia for di den Statuut, unda nos ta mantene e derecho pa bira independiente dia nos ta desea esaki; A firma un TIEA cu Minister di Finansas John Snow di Merca; A firma cu SACE un acuerdo, unda a trece un solucion pa e problema di garantianan hotelero: Un debe di 206 miyon dollar a ser reduci te na 110 miyon dollar; A firma contract pa compra di ELMAR; A independisa e companianan estatal y converti nan den N.V., esta WEB, Setar y Elmar; A firma cu e Secretario di Homeland Security, Michael Chertoff e acuerdo di Customs Pre Clearance pa avionnan priva; A firma cu Secretario di Estado, Ank Bijleveld, e acuerdo di 250 miyon florin di Plant N.V. cual suma ta pertenece na Aruba; A percura pa e prome hotel di 5 strea na Aruba, esta Ritz Carlton; A percura pa e unico parke di Molina di biento na Vader Piet y asina e tabatin un sin fin mas di proyectonan na beneficio di pueblo.
Honestidad integridad
y
Nel Oduber semper a resalta como un persona honesto y integro. Un gobernante cu ningun hende por punta dede
riba dje. Nel ta un tata di famia ehemplar cu ta stima su famia y particularmente su casa y su 3 yiunan. Awe su yiu homber Dangui a sigui e pasonan di su tata den politica. Alabes 19 di augustus 2019 a marca un dia historico pa Aruba ora gobierno a haci cambio di e nomber “Sasakiweg” pa “Avenida Nelson Orlando Oduber”. Awe riba dia di su 75 cumpleaños e famia grandi di MEP ta desea nos lider honorario hopi aña mas di bida, yen di salud y bendicion. MEP ta orguyoso di tabatin un lider asina grandi y kende a trece asina tanto logronan grandi pa nos pais y pa cual nos ta eternamente gradicido. Pabien Nel!
Dialuna 7 Februari 2022
Pagina 17
TENE NA CUENTA E USO DI TAPA BOCAS
Dama cu no tabata reaciona, tabata djis morto na soño
Oranjestad: Diasabra algo prome cu mey anochi, security guardsnan atento di un hotel na Oranjestad, a nota un dama den auto drumi den un posicion un poco straño. Mesora e security guardsnan a actua, nan a bay trata na lanta e dama, pero e dama no kier a reaciona.E ora no a keda nan nada otro di bati alarma.
Polis a yega na e sitio y enberdad a topa cu e dama drumi di banda den e auto. Despues cu polis a haci un intento, e dama a reaciona. Polis a papia cu ne y e dama a splica polis cu e tabata sinti su curpa un poco malo y tabata cansa, pesey e la bay sosega den su auto. E dama no tabata tin mester di asistencia medico y polis a sigui su caminda.
Pagina 18
Dialuna 7 Februari 2022
Resultado 6 februari Liga Hubenil ABBA
Dialuna 7 Februari 2022
Pagina 19
Autoridad na Florida, a detene 12 sosopechoso di ta pedofiel
Autoridad di Florida a detene como 12 homber cu riba internet tabata busca contacto cu menor di edad pa sex. E detencionnan a sosode despues di un operacion undercover di recherchenan di Florida. E recherchenan tabata identificanan mes como muchanan menor di edad riba internet, pa asina trata na gara e pedofielnan den trampa y un pa un nan tabata cay den gara di e recherchenan. Autoridad na Noord west di Florida a aresta como 12 homber den trampa, e hombernan aki tabata enbusca di muchanan menor cu un meta cu ta sex. E operacion aki a hiba e nomber " Operation Wolves Blanket" y tabata dirigi pa Walton County Sheriff's Office. E operacion aki tabata en cooperacion cu diferente otro instancianan di husticia, entre otro FBI, Departa-
ment of homeland Security y otro departamentonan local di polis. E oficina di e Sheriff cu a dirigi e operacion riba internet Crimes Against Children (ICAC) a dirigi nan mes riba personanan cu ta busca menornan di edad pa haci actividad sexual cu muchanan. "E obhetivo di e operacion aki tabata pa nan identifica e predatorsnan di mucha y sacanan for di nos comunidad," asina e sheriff Michael Adkinson a bisa den un comunicado. Ta masha hopi pedofiel tin den nos comunidad. e tipo di individuonan aki cu kier probecha di nos hobennan nos tur mester ta mas atento riba esaki. E operacion a wordo realisa di 26 pa 30 di januari 2022, e tabata envolvi recherchenan cu tabata actua como menornan di edad pa asina por a logra identifica e pedofielnan
aki, cu online tabata intenta pa drenta den contacto cu menornan di bou di 14 aña. E oficina di Sheriff a bisa cu e oficialnan undercover tabata comunica cu e sospechosonan online y asina tabata datenan pa por a garanan. E edadnan di e sospechosonan ta entre 18 pa 48 aña. Mayoria tabata di Florida, un sospechoso tabata Alabama y un otro di Mississippi cu a bin te na Florida, caminda finalmente e la keda aresta. Cada un di e individuonan aki a wordo acusa di delitonan grave, di segundo y tercer grado. Posibelmente nan sentencianan lo por bira castigo di pris-
on di entre 5 pa 15 aña, si nan wordo haya culpabel. Algun di nan te hasta lo
por ricibi un castigo di 25 aña di prison.
Dialuna 7 Februari 2022
Pagina 20
7 Alimento cu ta prolonga bida 7 Alimento cu ta prolonga bida Un alimentacion varia mester inclui alimentonan cu ta prolonga bida, mihor bisa, alimentonan altamente nutritivo. A medida cu un dieta ta integra pa varios alimento cu un aporte halto nutricional, mas ekilibra e ta. Awendia, nos tin na nos disposicion un gama amplio di ingrediente. Sin embargo, nos no ta caba di ta conciente cu pa mantene un dieta balansa rico den alimentonan cu ta prolonga bida, alehando di junk food, ta lo miho cu nos por haci pa nos salud y bienestar. Pero tin alimentonan cu ta miho cu otro? Dimes cu si. E alimentonan saludabel ta aporta na proteina, carbohidrato, mineral y nutrientenan cu nos tin mester pa mantene nos energia riba bon nive. Pakico nos alimentacion mester ta balansa? Pasobra un alimentacion ekilibra ta yuda nos preveni enfermedadnan, manera: ● Obesidad. ● Presion halto. ● Problemanan cardiovascular. ● Anemia. ● Esteoporosis. Loke ta recomendabel ta consumi alimentonan varia, ya cu cada uno ta contene nutrientenan distinto cu ta aporta na e organismo lo necesario pa funciona di forma optimo. P'esey nos dieta diario mester inclui: ● Porcionna n considerabel di fruta y berdura. ● Pisca of seafood, por lo menos, dos biaha pa siman. ● Vetnan saludabel
contribui den e formacion di cel, hormoon y sanger cora. Tambe, e ta reforsa e sistema inmunitario y e sistema nervioso, ademas cu e ta faborece e trabao di e transito intestinal previniendo barica cera. Di un otro parti, carbohidrato conteni den erwt ta aporta energia na e organismo, loke ta permiti un miho rendimento fisico. manera azeta di oleifi y di canola. ● Frutanan seco den cantidadnan chikito. ● Carni cora den poco cantidad. ● Antioxidante manera brocoli, thee berde y tomati. Algun alimento cu ta prolonga bida A continuacion, nos ta presentabo algun di e alimentonan cu ta prolonga bida, alimentonan di un gran aporte nutricional, yama tambe superalimento. Conoce nan propiedadnan y incorpora nan den bo dieta diario. 1. Brocoli E ta un mata cu un contenido halto den vitamina A y D. Ademas e tin propiedadnan antioxidante y nutritivo. E mayor parti di su composicion ta awa, cu por wordo consumi den cantidadnan grandi, sin e temor di aumenta di peso. Brocoli tambe ta contene vitamina B, cual ta faborece e salud cardiovascular. Tambe, e ta contene luteina y zeaxantina, compuestonan natural cu ta actua previniendo catarata y e degeneracion macular di wowo. Di un otro parti, e ta un alimento facil di cushina y capas di deleita nos na
vapor, a la plancha of gratina. No obstante, nos mester recorda cu brocoli y e cruciferanan en general no ta recomenda na enfermonan cu hipertiroidismo. Den e sentido aki, e pashentnan mester come nan cu moderacion. 2. Tomati Otro di e alimentonan cu ta prolonga bida ta tomati, un mata herbaceo tambe componi principalmente pa awa y carbohidrato. E ta aporta un gran cantidad di vitamina A y C, ademas di mineralnan manera potasium. Igualmente, e ta rico den licopeno, un carotenoide cu ta funciona como antioxidante y ta preveni e aparicion di enfermedadnan cronico y cardiovascular. Segun sea su forma di cultivo, asina lo ta e cantidad di licopeno. Asina, mas hecho e ta, mayor cantidad di licopeno. 3. Erwt Di e famia di bonchi, erwt ta un fuente di proteina mes importante cu carni. E ta contene mineralnan manera magnesium, zinc y fosforus, ademas di vitaminanan perteneciente na e grupo B, entre nan acido folico. E vitaminanan aki ta
4. Garbanzo Nan ta contene lecitina, un tipo di vet special cu ta yuda reduci e nivelnan di colesterol y ekilibra trigliceridenan den sanger. Tambe, e ta contene fibra solubel y ta rico den acidonan omega 3 y 6, cualnan ta proteha e sistema cardiovascular y ta impedi cu nan ta forma placanan di vet den sanger. Di un otro banda, ta yuda elimina toxinanan cu por causa cirrosis of hepatitis. Tambe tin un gran cantidd di magnesium cu ta mehora e circulacion, musculo y elasticidad di vena y arteria. 5. Awacati Ta aporta na lipidonan, loke ta aumenta su balor calorico. Sin embargo, su vetnan ta insatura, manera acido oleico. Ademas awacati ta rico den fibra, tanto solubel como insolubel y ta contene mineralnan manera magnesium y potasium cu ta yuda den e absorcion di calcium y den e funcionamento cardiovascular. En cuanto su composicion vitaminico, vitamina E ta destaca, un excelente antioxidante, como tambe vitaminanan C y B6.
6. Salmao Salmao of "pisca blauw" ta rico den omega 3, pa cual e ta yuda na disminui e nivelnan di colesterol y e cantidad di trigliceride plasmatico. Igualmente, e ta evita cu ta forma trombosis y coagulonan den sanger. Ademas, manera e resto di e piscanan, ta un bon fuente di proteina. E ta contene vitamina di grupo B, cualnan ta contribui den e absorcion di nutrientenan cu ta aporta energia, tal como vet, proteina y hidratonan di carbono. 7. Chuculati preto Un alimentacion ekilibra no necesariamente mester exclui chuculati. Es mas, chuculati preto ta contene elementonan nutritivo tal como proteina, vet, carbohidrato y nutrientenan necesario. Manteca di cacao ta contene acido estearico, acido satura cu no ta aumenta e colesterol. Ademas e ta contene teobromina, un substancia cu ta funciona como un depurador di sanger y ta stimula e circulacion sanguineo. P'esey e ta wordo considera como un "superalimento", alimentonan cu ta prolonga bida. Recomendacionnan adicional ● Dividi e cuminda den porcionnan chikito durante dia, preferiblemente, den cinco porcion. ● Evita come alimentonan hasa, rico den vet y cu colorante. ● Bebe entre 2 y 3 liter di awa pa dia. ● Realisa actividad fisico, por lo menos 3 biaha pa siman.
Dialuna 7 Februari 2022
Pagina 21
FOR SALE - FOR SALE - FOR SALE
HYUNDAI ACCENT 2014 TOP CONDITION CALL
5694343 FOR TEST DRIVE
Oportunidad pa trabao
FOR SALE - FOR SALE - FOR SALE
Tin oportunidad pa trabao pa un kokki/cocinera y helper di cumindanan crioyo pa un Take Away.
Pa informacion por wasap 746-3571
Ford Shuttle Bus 2006 ~ E450 diesel Prijs reduci: Afl. 17.500 Perfecto pa snack truck
739-0101
Dialuna 7 Februari 2022
Pagina 22
PRONOSTICO DI TEMPO VALIDO TE DIALUNA 07 DI FEBRUARI 2022, 18:00 ORA. ELABORA: DIADOMINGO 06 DI FEBRUARI 2022 17:00 (21:00 UTC) TEMPO: AWE ANOCHI: PARCIALMENTE NUBLA CU UN POSIBLE AWACERO PASAJERO DEN MARDUGA I MAYAN: PARCIALMENTE NUBLA CU UN AWACERO PASAJERO TE BREVE TEMPERATURA MAXIMO 31 GRADO CELSIUS TEMPERATURA MINIMO 26 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 32 PA 35 GRADO CELSIUS UV INDEX: 9 BAHADA DI SOLO : 6:43 PM SUBIDA DI SOLO : 7:04 AM BIENTO: MODERA FOR DI OOST; FORSA 3 TE 4 (12 TE 30 KM/ORA, 7 TE 16 NUDO). DEN DIA BASTA FUERTE TE FUERTE DEN RAFAGA; FORSA 5 TE 6 (31 TE 50 KM/ORA, 17 TE 27 NUDO). SITUACION GENERAL DI TEMPO PA PROXIMO 24 ORA: EXTENCION DI E AREA DI PRECION HALTO LO SOSTENE UN BIENTO MODERA TE BASTA FUERTE, FUERTE DEN RAFAGA. HUMEDAD DISPONIBLE DEN REGION LO PRODUCI UN AWACERO PASAJERO TE BREVE DURANTE PRINCIPALMENTE MARDUGA Y MAINTA DI DIALUNA. CONDICIONAN MARITIMO/ ESTADO DI LAMA: NA PARTINAN PROTEJE DI COSTA: LEVE NA PARTINAN ZUID: TRANKIL TE MODERA NA PARTINAN OOST TE NOORDWEST DI COSTA: GENERALMENTE MODERA OLANAN LO TA ENTRE 3 PA 5, LOCALMENTE 6 PIA. AVISO/ ALERTA: NA OPERADORNAN DI BOTO CHIKITO TA WORDO SUGERI PA BAI CU CAUTELA RIBA PARTINAN OOST TE NOORDWEST DI COSTA FENOMENONAN SPECIAL NINGUN POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 30 / MIN 25 / 0.0 MM WESTPUNT: MAX 31 / MIN 25 / 3.1 MM STA ROSA: MAX 31 / MIN 26/ 0.2 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI GENERALMENTE DIRECCION OOST I MODERA; BASTA FUERTE TE POSIBLEMENTE FUERTE DEN RAFAGA; TEMPERATURA (GRADO CELSIUS) MAX / MIN LO TA: 31 / 26
Pagina 23
Dialuna 7 Februari 2022
obituario Publica serka nos anuncio di fayecimento di bo ser keri. Nos tin 2 pakete pa ofrece Pakete 1: Anuncio di fayecimento te dia cu e defunto ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia Na Canal 22 1x prome cu Noticiero 22 Afl 400,00 Pa mas informashon por tuma contacto cu oficina na 585-9500 of na 741-4554 puntra pa Jamila Henriquez
TA HUUR den CENTRO COMERCIAL NOORD un localidad di 120M Bon situa, pa mas info yama:
592-3327
TA BUSCA TERENO EIGENDOM Na Ayo, Matividiri, Rooi Prikichi, Koeriboeri, Sjabururi, Santa Lucia y vecindario.
Jama: 5603316
Dialuna 7 Februari 2022
Pagina 24
Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn
911 100 102 104 105 107 11141
Ambulance San Nicolas Ambulance Sasaki Ambulance Wayaca
584-5050 582-5573 582-1234
Horacio Oduber Hospital Centro Medico San Nic. SVB AO Ziekmelding
527-4000 524-8833 527-2782
Servicio nan
Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa
523-7147 525-4600 117 145 524-2424 584-5080 585-1198 913
Aurora Funeral Home Royal Funeral Home Ad Patres Funeral Home The Olive trees Funeral Home
588-6699 586-4444 584-2299 582-0000
Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan
582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247
Pagina 25
Diasabra 6 November 2021
Oportunidad pa trabou, solicita!
Aruba Marriott Resort buscando riba 115 trahado Ta ofrece bon salario y un pakete di beneficio sin igual
ORANJESTAD, Aruba – 6 di februari 2022 – “Nos grado di ocupacion ta aumentando lihe, pero nos mester mas asociado pa por yuda nos sigui brinda e mesun nivel halto di servicio di semper”, asina Ruthline Tromp-Theysen, Complex Director of Human Resources na Aruba Marriott Resort & Stellaris Casino, a anuncia. E compleho di hotel, cu ta e dunado di trabou mas grandi di Aruba den sector di horeca, ta den necesidad di crece den cantidad di empleadonan. Mirando cu turismo ta mehorando tur siman y cu e grado di ocupacion na e compleho di hotelnan Marriott na Aruba ta creciendo, cu awor mas cu nunca nan ta den necesidad di mas asociado. Tin mas di 115 posicion habri, pa cual ta reclutando coleganan nobo pa traha den e hotelnan. Aruba Marriott Resort & Stellaris Casino ta e dunado di trabou mas grandi den turismo, cu no menos di 1200 empleado den servicio directo di e compania. Di henter nan personal, e hotel ta firma
pa solamente 20 trahado cu permiso, mayoria den posicion ehecutivo y pa funcionnan specialisa cu no ta haya facil localmente. Esey ta encera 1,8% di henter nan staff cu ta stranhero. Pero, di tur e posicionnan, como mita di nan, esta 60 posicion, ta den area di housekeeping. Y ta precisamente ey e compleho di hotelnan Marriott y otronan tambe, tin un reto pa por haya trahado. Un intento pa purba yega na trahado cu ayudo di e departamento DPL di gobierno no a logra produci e cantidad desea. Di tur esunnan cu a aplica via DPL, solamente un tabata interesa den un trabou como housekeeper. Ruthline Tromp-Theysen a splica cu tin un percepcion robes pa e trabou specifico ey. E director di recursonan humano di e hotel a enfatisa cu e trahadonan den e departamento di housekeeping tin un bon salario, en todo caso riba salario minimo. Como cu e trabou no ta facil, nan tin dos dia liber pa siman. Nan ta haya un sin fin di incentivonan pa
cumplimento y ora surpasa expectativa di trabou. “E chens pa haya un trabou den housekeeping cerca nos ta grandi, pasobra nos tin echt hopi vacatura disponibel”. Marriott Aruba ta ofrece salario competitivo, dos dia liber pa siman den departamento di housekeeping, bonus di Pasco (3 siman), varios incentivo, plan di spaar y vakantie te cu 22 dia pa aña. Separa di salario, e beneficionan pa e asociado y su famia ta masha amplio, manera ta cobertura pa hospitalisacion (2de klas), ayudo psik iatr ico/psicologico tratamento na chiropractic, tratamento na logopedista, cobertura pa checkup medico anual, ta cubri remedinan cu AZV no ta paga, cobertura pa 2nd opinion di dokter, cobertura pa dentista (incl. beugel) y cobertura pa bista (incl. Bril y contact lens). Ruthline Tromp-Theysen a sigura cu ta intencion di Aruba Marriott Resort & Stellaris Casino pa recluta mas empleado local cu ta posibel. “Mi mes ta un Rubiano y mi tin 8 aña den funcion di director di
recurso humano. Ta logico cu nos preferencia ta pa por emplea local. Pesey mi ta invita tur cu no tin un trabou of cu kier cambia pa un trabou cu mas beneficio y oportunidad pa crece y forma un carera, pa aplica awe mes.” Por subi riba e website ma r r iot t.c om/c a re er s, yena cu bo ta aplicando pa un trabou na Aruba y bo lo topa cu henter e lista di vacatura di tur e posicionnan disponibel. Haci e assessment obligatorio pa por bini na remarca pa un posicion den e hotel. Si acaso e assessment re-
sulta dificil of si bo no ta compronde, bo por yama e departamento di recurso humano di Marriott Aruba libremente na telefon of por pasa cerca nan pa nan yuda bo yen’e. “Bin aplica cerca nos. Ora bo haya un trabou aki, no ta djis traha so, nos ta organisa hopi actividad pa nos asociadonan pa tene un dushi ambiente na trabou. Nos tin bon beneficionan secundario y nos ta paga bon. Nos ta e best employer y nos ta number un”, asina Ruthline Tromp-Theysen a termina bisando.
Dialuna 7 Februari 2022
Pagina 26
Lotto MERDIA FEBRUARI 6
Lotto ANOCHI FEBRUARI 5
Lotto MERDIA FEBRUARI 5
Pa abona na SOLO DI PUEBLO
Yama 585 9500
of manda nos un e-mail na solodipueblo@gmail.com
n e d e t a i d r a tu cas g e r t t’i En r o p bo
Pagina 27
Dialuna 7 Februari 2022
ExPromer Minister mr. Mike Eman:
JOSE DANIA: UN ICONO DI DAKOTA CU A BIRA UN ICONO DI ARUBA
Dania semper a contami e historia aki cu un sentido grandi di orguyo. Un personahe cu a concidera core riesgo pa su Pais y hendenan como un honor. E mesun sentido di compromiso aki e a desplega den su bida personal, su trabao y den su amistad cu su prohimo. Un icono di Dakota cu a bira un icono di Aruba. Un bida hiba simpel, tranhando duro y semper inculcando respet
Un bela di inspiración, calor y stimacion cu a ilumina alma y curason mas di un siglo na Dakota y Aruba henter te na su final: e bida largo y bunita di Jose Maria Dania. Te den su ultimo rayonan ainda tabata pone e claridad bao di cual famia y amistad tabata bini hunto den
Fe y amor. Jose Maria Dania, Papa Dania, “Pai” tabata onderofficier den “Vrijwilligers Korps Aruba. (VKA)”. Den comunidad di Aruba conocí como soldat di Schutterij den tempo di guerra. Fiel nos tabata mira Papa Dania marcha cu frente
na laira banda di su companjeronan, cu ainda tabata na bida, riba día di conmemora fayecidonan den guerra. Como Minister President mi a haya diferente oportunidad bunita pa scucha di nos schutternan di e trabao cu nan a desplega den tempo di guerra na Aruba. Papa
y admiración. Papa Dania tabata un bunita hende pa nos tur. Cu tur ternura nos Creador lo tume den su brasanan, manera Jose a stima y braza su prohimonan. Na famia Dania y Dakota henter hopi forza y consuelo. Nos lo corda Papa Dania pa semper. Ex Promer Minister mr. Mike Eman a comparti e bunita recuerdo aki di Jose Maria Dania riba su pagina social.
Dialuna 7 Februari 2022
Pagina 28
Pelea entre dos ruman di edad a termina cu uno hinca na garganta Savaneta - Diasabra den oranan di atardi nan un grupo di famia y amigo tabata bebiendo na un cas na Savaneta, den e grupo aki tabata tin dos ruman. Den careda di 7'or di anochi, e dos rumannan a cuminsa bringa formalmente cu otro. Na dado momento e ruman homber grandi (61) a hinca e ruman homber mas hoben (55) cu un obheto skerpi den su nek. Mesora a pidi pa presencia di polis y ambulance, pa motibo cu e victima tabata sangrando hopi na su nek. Ambulance, dos patruya di polis y tambe recherche di San Nicolas a bay na e sitio. Personal di ambulance a trata e victima y despues a transport'e cu urgencia pa hospital. Polis a detene e ruman
grandi y cu transportwagen di polis e la wordo hiba na warda di polis na San Nicolas caminda e lo mester presenta dilanti di un Sub Fiscal pa duna cuenta di locual e la haci cu su ruman. Polis a cera e area unda e
Pa abona na SOLO DI PUEBLO
Solo di pueblo pagina social Ba hasi aña? Bo kier publica un felicitashon den corant. FREE Manda nos un email cu informashon y maximo 6 potret na solodipueblo@gmail.com
Yama
585 9500
of manda nos un e-mail na solodipueblo@gmail.com
e t a i d r u t a g e r t En
bringamento a tuma lugar, pa asina e recherchenan haci e investigacionnan necesario. Despues cu a caba cu nan a caba cu e investigacion, e area a wordo habri bek pa trafico.
Pagina 29
Dialuna 7 Februari 2022
Pagina 30
Dialuna 7 Februari 2022
FORTALEZA PA FAMIA Scirbi pa Pastor Marcel Balootje.
TUR MAYOR TIN E DEBER DI COREGI NAN YIU
Tur caminda bo ta tende di Derecho Humano, Derechi di mucha etc, locual mundo ta ofrece. Pero esey no ta kita for di e deber di un mayor, pa lanta su yiu den Señor, stima y coregi su yiu. Pasobra bo yuinan ta di Dios (Ezekiel 18:4 y Salmo 24:1). Prome lugar lanta bo yiu den Señor ta un mandato di Dios mes , pasobra asina bo ta habri porta di bendicion pa bo yiu.( Efesios 6:4) Como mayor ta bo deber di stima bo yiu, y den tur circumstancia para hunto cune y guia riba e bon caminda. ( Colosenses 3 vers 21). Bo deber ta como mayor pone dak riba cabes di bo yiu, pone cuminda riba mesa, y haci tur locual por duna bo yui un crecemento sano. ( 1 Timoteo 5:8) Pero awor ta bini e parti di moral y respet, no ta tur lugar cu bo yiu hinca den su cabes abo como mayor por permiti bo yiu bay.( Proverbionan 22:6) Pasobra tin lugar cu ta
promove inmoralidad bao di hubentud, cu mester wordo controla, caminda muchanan ta gusta bay pero cu no ta sano pa nan. Ora un mayor ta stima su yiu, e kier lo miho pe , pasobra e mesun mucha di awe , mester ta un homber of muher di respet mayan cu Dios kier, integro pa henter su bida. No ta cumbini ningun mayor pa laga cos bay for di man, y despues tin gasto na psicologo. No ta cumbini ningun mayor permiti nan yiu ta usa droga, pasobra segun e mucha ta crece e ta bira adicto. No ta pasobra mayoria mucha den barrio ta sinta na skina di caya , of banda di minimarket bo yiu tambe mester ta den e grupo. Ta imposibel tambe cu bo yiu ta hinca henter dia den su telefon,cu ni awa e no por cohe pa su mes for di frishider. Tene cuenta cu e mucha no a nace digital, y cu e tin di haci trabao den cas , pa e asocia su mes cu bida di tur dia.
Palabra di Dios ta bisa pa nos coregi nos yiunan, esey ta nifica no laga nan pa nan cuenta. ( Proverbionan 19 v 18) Abo como mayor mester ta ehempel di respet den cas pa asina bo wordo respeta. Pasobra tur locual un hende sembra e ta cosecha ( Galatas capitulo 6 vers 7 -10 ). Si bo cria yiu sin respet y cu un moral hopi abao, lo bo cosecha berguensa como mayor. Ni Polis, ni Prison , tampoco Reclassering no por haci e trabao cu abo como mayor mester haci. Nos ta bolbe ripiti e trabao di instrui y coregi un mucha ta deber di su mayor. Nos tin hopi homber, pero poco tata, ora tur Homber cu tin yiu tuma e deber di tata na serio, anto hopi cos lo cambia, na cas , scol, caya, etc, y tin hopi mucha cu lo sa kico ta obedencia. Educacion ta cuminsa na cas y for di infancia di e mucha, y esey ta e deber sano sano y sagrado di su mayornan.
Pagina 31
Dialuna 7 Februari 2022
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”. Salmo: 23 A fayece cristianamente na edad di 71 aña:
Sr. Paulus Alviro Dijkhoff Mihor conoci como: Alviro of Dijky of Elvis Presley Ex Taxi 142
Su yiunan:
Radhames Dijkhoff y Zuleika Arendsz Mary Jane Dijkhoff
Su nietanan:
Zu- Ann y Zu- Laine Dijkhoff
Su rumannan:
Eddy y Carmen Dijkhoff-Croes y yiunan Brenda “En” Dijkhoff Jamillo “Jimmy” Dijkhoff Segundo Dijkhoff Gerda Dijkhoff
Swa y cuñanan:
Margareth y Alberto Wilson-Webb Glenroy Webb y yiunan Danilo Webb y Lorraine Enrico Webb, Jenny y yiunan Ischelle, Junior Trott-Webb y yiunan
Ta invita tur amigo,demasfamia,bisiña,conocirnan,ex coleganan di Taxi,primo y primanan pa asisti na e acto di entierro cual lo tuma lugar Diamars dia 8 di Februari di 9'or pa 11’or di mainta na misa Santa Filomena na Paradera, despues saliendo pa Santana Catolico Pastoor Kraanwinkel. Nos ta pidi nos disculpa si nos por a lubida un of otro famia den e momentonan dificil aki.Nos ta lamenta cu despues di entiero nos no por ricibi bishita di condolencia na cas.
Pagina 32
Sopi di Letranan
Dialuna 7 Februari 2022