1 minute read
JCI YALA ta presenta: Meeting in Paradise 2023 – Weekend interesante, informativo y inspirativo!
CI (Junior Chamber International) ta un organisacion internacional cu ta enfoca den crea lidernan den comunidad pa crea cambionan positivo. En conexion cu esaki durante aña ta tuma diferente reunion y actividadnan luga tanto local como internacional. Un di e reunionnan aki ta Mid Year Meeting, unda cu miembronan di diferente capitulo afilia na JCI Dutch Caribbean ta topa cu otro pa trata topiconan interesante referente proyectonan social, liderazgo y mas!
E aña aki ta turno pa e capitulo di Aruba, JCI YALA, pa organisa Mid Year Meeting. Esaki ta bay tuma luga weekend di 9 y 10 di juni 2023 na Universidad di Aruba. Dos dia di reunion, training y actividadnan interesante.
Advertisement
Diabierna 9 di juni ta bay ta mas un interclub meeting unda cu miembronan di JCI Dutch Caribbean lo reuni y trata diferente topiconan encuanto oportunidadnan y cambionan den JCI, proyectonan, finansas y mas. Durante oranan di anochi lo tuma luga e apertura oficial unda cu un invitado special lo zorg pa informa y inspira esnan presente cu su experiencia den e mundo di negoshi na Aruba y Reino Hulandes.
Diasabra 10 di juni fuera di reunion lo tin trainingnan interesante cu ta habri pa comunidad tambe por asisti. Trainingnan relata cu entrepreneurship y leadership in Paradise (Reino Hulandes) despues di pandemia. Training encuanto entrepreneurship lo wordo duna pa Sr. Edward Erasmus y training referente leadership lo wordo duna door di Sr. Dave Martinus. Personanan cu conocemento amplio di e areanan aki. Despues di e training lo tin un panel discussion unda esnan presente por comparti nan opinion tambe.
Pa mas informacion por tuma contacto cu e team di JCI YALA via e-mail na jciyala@gmail. com of por bishita e pagina di Facebook: JCI YALA - Young Active Leaders of Aruba
Si ta desea pa join nos pa un weekend interesante, informativo y inspirativo por registra aki: https://docs.google.com/ forms/d/e/1FAIpQLSc17YdawcqNquJbf4aRmDkoKv_ dqUb9j1_t6G9tu0qucGG1g/ viewform
