Issuu

Caso RDA: Periodistanan di AVP ta mescos OJ Simpson y Joran van der Sloot Dialuna 4 Juli 2022

Solo di Pueblo

Aña 16 - edicion 712

E-mail: solodipueblo@gmail.

Prijs: Afl. 1.75

Esun cu ta pro pa hedge, kier hunga CASINO cu placa di WEB No por cera wowo p’e 20 miyon cu a somenta den RDA; mucho menos bisa “bon trabao” Dilanti un ola tropical biento ta cay y patras e ta aumenta MINISTER ENDY CROES TA FELICITA E GRADUADONAN DI AVONDHAVO ARUBA

Fiscal a exigi 4 aña di prison pa homber di 66 aña acusa di a abusa di dos mucha muher menor di edad

Dialuna 4 Juli 2022

Fiscal a exigi 4 aña di prison pa homber di 66 aña acusa di a abusa di dos mucha muher menor di edad Awe mainta Corte di Husticia a trata e caso penal cu Ministerio Publico a cuminsa contra e homber L.(66) SOLO DI PUEBLO por a compronde cu Fiscal ta haya L. culpable cu entre 2005 y 2008 a mishi y abusa diferente biaha di dos mucha W. y G. kendenan tabatin entre 5 y 8 aña. Fiscal a exigi 4 aña di prison mientras cu L. ta para riba cu e no a haci nada y cu tur e cos aki ta un boycot contra dje. SOSPECHOSO TA DESMENTI Ta asina cu L. ta desmenti e acusacionnan cu Fiscal a presenta den Corte contra dje. Hues a bisa cu W., e tempo ey tabatin entre 5 y 8 aña y ora el a haci 18 aña el a haci denuncia. Segun L. tur esaki ta un boycot contra dje. Hues a mustra cu den pasado caba a confronta L. cu acusacionnan similar. Segun L. e tempo ey el a bisa e mama pa bay dokter y laga investiga si e mucha a wordo abusa pero e mama no a haci nada. L. a bisa cu e tabata hopi “streng” cu tanto W. y su prima G. Segun L. tabatin un fiesta pa e wela y diripiente a bin problema cu kibra portanan na cas unda e tabata biba cu e wela y a sak’e for di cas na 2018. Nan ta culp’e di a abusa di e mucha. Pero e ta para riba di no a haci nada. Hues a bisa cu tempo W. tabata chikito el a bisa cu L. a mishi cun’e. L. ta para riba cu tur esaki ta un boycot di famia contra dje. L. a remarca, pakico tur e añanan a pasa y nada a wordo bisa. Awor diripiente ta bin cu acusacionnan. Ta asina cu L. tabata biba

cu su pareha den un cas y den un apartamento W. tabata biba cu su mama. L. a splica Hues cu e tabata wak pa W. y tin biaha W. tabata pega soño den su scoochi y ora e mama yega e tabata lanta e mucha. El a bisa tambe cu e muchanan tabata drumi den camber serca dje pero nunca el a haci actonan inmoral of abusa di e muchanan manera nan ta pretende. El a sigui bisa cu e tabata duna W. sunchi di cariño pero nada di inmoral. Cada vez cu Hues confronta L. cu loke e muchanan a bisa, e ta para riba cu no ta asina. L. a bisa Hues cu e no ta compronde con e muchanan aki ta bin cu acusacionnan asina contra dje. El a bisa cu e tabata hopi severo cu e muchanan pero nunca a mishi cu nan. E ta haya cu e muchanan aki a traha algo contra dje. El a bisa cu e tabata taha e muchanan pa stop di haci cosnan. Hues a bisa cu ta dificil pa pensa, cu door cu L. tabata severo cu e muchanan, cu nan ta bay bin cu acusacionnan contra dje. Segun L. tur e tempo cu nan tur tabata biba hunto,

ningun momento tabatin keho. Ta awor diripiente a bin cu keho contra dje. FISCAL A EXIGI 4 AÑA DI PRISON Fiscal a bisa Hues cu den casonan inmoral ta dificil pasobra ta e declaracion di e victima y e sospechoso. Pesey mester busca pruebanan di sosten. For di investigacion por saca afor cu diferente biaha W. a keha e comportacion di L. El a bisa cu awor cu e ta mas bieu e kier haci denuncia. Na opinion di Fiscal, den ley a crea a posibilidad cu por haci denuncia despues di tempo largo. Segun e declaracionnan, tempo W. tabata entre 5 y 8 aña el a keha na su mama y a reclama L. pa esaki. Tin otro testigonan ta bisa cu W. lo a reclama cu L. lo a mishi cun’e na su parti intimo. W. a bisa cu e ta corda con e tabata sinta den scochi di L. pa mira riba computer y L. tabata mishi cun’e. Tambe cu ora e tabata drumi den camber, L. lo tabata mishi cun’e. Fiscal ta haya cu tin suficiente prueba di sosten. El a mustra cu G. cu ta prima di W., a wordo scucha na Hulanda

na Januari 2022, kende a bisa cu W. a bis’e cu el a wordo mishi door di L. G. a bisa cu el a mira W. y L. den camber y bou deken. Tambe G. a conta W., con L. tabata mishi cun’e. Fiscal a bisa Hues cu e ta haya cu por usa e declaracionnan aki como prueba di sosten contra L. El a exigi 4 aña di prison di cual 1 aña ta condicional

cu tempo di prueba di 2 aña. Fiscal a bisa cu e ta pone e condicion cu durante e tempo di prueba, L. mester cay bou guia di Reclasering. Hues, despues di a scucha defensa di abogado, a sera tratamento di e caso y a bisa cu 22 Juli 2022 lo tin sentencia.

Ta bende Hyundai eon 2016

Den bon condicion Standard/airco Afl 14.500 of mihor oferta

Info & wasap

7390101

Dialuna 4 Juli 2022

Dilanti un ola tropical biento ta cay y patras e ta aumenta Meteo di Curacao a splica riba e forsa di biento cu ta cay y djey aumenta cu pasada di ola tropical: Hopi biaha dilanti di un ola tropikal biento ta cay y patras di un ola tropical , biento ta aumenta. Esaki tabata e kaso cu un ola tropikal cu a pasa den transcurso di diasabra riba nos region, biento a cay y por a sinti poko mas calor cu normal diasabra. Diadomingo segun e ola tropikal ya a pasa nos isla, biento a aumenta. Na momentu cu bientu aumenta, kondishon di laman ta bira brutu. Den transkurso di dialuna, bientu lo bira menos fuerte y laman na su turno lo bira menos bruto. Riba e plachi, kolo oranje ta representá biento di 20 pa 30 nudo y berde ta representá biento di 10 pa 20 nudo.

Dama haya sin bida den su cas na Sabana Liber

Sabana Liber - Diasabra anochi algo prome cu 8'or polis di districto di Noord a wordo pidi na un adres na Sabana Liber.

Brandweer pa asina yuda drenta, pero a cancela esaki algun minuut despues debi cu nan mes a logra den e cas.

Den oranan trempan un amiga lo tawata trata di drenta den contacto cu habitante unda polisnan lo mester a bay. Polis a bay debi cu e persona aki lo tawata tin dos dia sin a scucha nada di su amiga, y ora cu e la bay e cas esaki lo tawata scur.

Na entrada di polis lamentablemente a bin topa cu amiga di e persona sin bida. Mesora a bay over na pidi pa instancianan concerni, entre nan departamento tecnico y dama dokter Forensico cu ta dokter Texier.Segun nos por a compronde for di Vocero Policial cu persona lo a fayece door di causa natural.

E situacion a bira un red flag, unda cu algo lo no tawata sinta bon den otro. Na yegada di polis a pidi presencia di

Na Keito den oranan di anochi pa mainta un auto a pasa dal 3 auto y sigui core bay

Diadomingo mainta a drenta informe si un accidente hit & run na Keito, mesora a dirigi un patruya na e sitio. Na yegada di e patruya a bin compronde cu den oranan di anochi pa mainta un auto a pasa dal 3 auto staciona dilanti un cas y a sigui core bay. Polis di trafico a presenta y ta investigando e accidente aki.

Dialuna 4 Juli 2022

Secretario Generaal di MEP Endy Croes:

Mike Eman y su gang a destrui nos baranca Aruba Secretario Generaal di MEP, Endy Croes ta haya cu maske di hopi trabounan duro post Covid 19 pa restaura pais Aruba y sali for di e golpi duro cu henter mundo a sufri di dje mester keda recorda pueblo tambe di e partido di mas sinberguensa cu a desgracia entre otro finansas di pais Aruba esta partido AVP. Mike Eman y su haragannan a destrui nos pais prome cu Covid 19. No ta pornada Hulanda a cay aden desde 2014 momento Mike Eman a bay bebe ensure y bati weya “firma awor” bou palo na Fort Zoutman dilanti cas di Gobernador. Un poco astucia di Mike Eman y AVP: Den e plan di campaña di AVP y Mike Eman di 2009 tabatin skirbi cu nan lo reduci e debe nacional di pais Aruba (cual tabata 43% na e momentonan ey), nan lo reduci e interes riba prestamo (cual tabata bou 100 miyon pa aña na e momentonan ey), lo elimina BBO (cual tabata 3% na e momentonan ey), lo baha prijs di awa y coriente ‘from day one’ y lo percura pa un Aruba sigur. Wel na 2017 momento cu Mike Eman a sali di gobernacion apenas den 8 aña debe nacional a redobla y tabata riba 90%, interes riba placa presta a alcansa 236 miyon pa aña (igual na 650 mil pa cada dia), BBO Mike a lage atras na 3.5%, robo di auto y atraco tabata fuera di control. Pues Mike Eman a redobla debe di pais y a mas cu redobla e interes riba placa presta. Es decir enrealidad tur Mike Eman y AVP a promove pueblo tabata un engaño na e pueblo votador y nan a desgracia e pais aki. Mike Eman a grita den Parlamento riba esaki cu e ta orguyoso di e debe y e debe tey pa henter e pueblo bay page den futuro. Chavo del 8 ta keda chikito.“Chanfle” Banco Central y Directie Financien ta confirma e debe di Mike Eman: Endy Croes ta sigi splica cu tanto Banco Central den su rapportnan a reconfirma e malmaneho y e “Mega Debe” cu Mike Eman a ocasiona. Ora mira relato di 20102017 den rapport di Banco Central

esaki ta acumula un total di 2200 miyon florin cu Mike a presta sin cu tabata tin un pandemia. Tur esaki solamente pa cera deficit di su propio presupuestonan. Pesey Mike Eman tabata orguyoso. Ora a punrta Directie Financien den un reunion den Parlamento na augustus 2021( esaki ta graba den Parlamento) si e cifranan di Banco Central ta cuadra esta cu Mike Eman a presta 2200 miyon florin nan contesta na Parlamento tabata cu esaki ta corecto. Ningun pero niun hende por a splica esaki. Pues si no ta pa e “missmanagemant” di Mike Eman y su gang di AVP awe Aruba no ta para den un posicion desfaborabel cu Hulanda y por tabata para riba su propio pia. Algun Fechoria di AVP: Mike Eman y Mike De Meza a gaña Parlamento na 2012 cu prijs di fuel lo bay aumenta te na 500 US Dollar pa bari. A spanta WEB y pone nan hedge na un prijs di 92 US Dollar pa bari pa 3 aña. Ni 30 dia despues cu WEB a hedge e prijs mundial di crudo a cay te na 30 US Dollar pa bari pero Aruba mester a sigui paga e prijs cu el a hedge esta 92 US Dollar pa bari. Esaki a costa WEB 300 miyon florin extra. Pueblo no por a gosa di un reducion. Pueblo cu a subi

caya bay protesta 1 di october 2014 Mike Eman y Mike de Meza a ordena Riot Comando pa bati pueblo y lastra sernan femenino abou na suela abusando di nan poder. “PRIHIBI PA LUBIDA”. Benny Sevinger e “Avestruz” di AVP september 2022 proximo lo ta den corte den caso penal pa splica Hues con el a maniobra cu terenonan di pueblo. Con Mike Eman sabiendo tur esaki a laga Benny haci y deshaci pa enrikece su mes. Nos a compronde cu afpak team tambe lo tey pa reken af alrededor di 1 miyon florin cu te awor por wordo prueba cu Benny a haya. Placa cu aparentemente a wordo duna via un banco na Colombia y Panama directo pa famianan di Benny no ta inclui akiden como cu falta prueba. Benny a grita den Parlamento I don’t give a dahm. Tipifica su metalidad. Paul Croes tin castigo di mas di 4 aña di prison pa e manera cruel cu el a deal cu hendenan cu tabata solicita pa permiso. Increibel ora bo lesa e rapport di Ministerio Publico alrespecto. Manera cowboy wild wild west. Mike Eman 1 di september 2017 a celebra su cumpleños cu placa di pueblo riba un brug. Afl.142 mil florin. Pa Pueblo Paga. Mike Eman y De

Meza a organisa (3) apertura di refineria cu nunca a habri. Pueblo ta corda e fiesta cu Destra? Wel 1 miyon florin na amigonan pa e fiestanan aki. Rapport Forensico di RDA ta papia cla. Mike Eman ta ricibi transferencianan di 50 mil us dollar di Roberto Rincon. Tin prueba y keho oficial ta entrega. Mike Eman no ta ministeriabel. Rapport “Bo Aruba” di Algemene Rekenkamer di 2018 ta ilustra con Mike Eman a habraca y malusa 1600 miyon na proyectonan algun di nan hopi fantasma. A presta placa pa traha “5 MFK “ pero Mike Eman a usa e placa pa traha 4 y ta pagando te awe pa 5. Esun di San Nicolas Mike nunca a traha pero pueblo ta pagando pe si den e prestamo. Asina Mike Eman ta stima San Nicolas!! Speed cu Patrick Paskel a corona y a cobra 8 miyon na propaganda di placa di pueblo y 100 mil pa un apertura di proyecto Algun den Refineria. Horizon Consultancy di Richard Arends a ricibi 4 miyon pa conseho mas un contract di 22 mil pa luna den Refineria cu nunca a habri. Asina nos por sigui. Soon to be continued! Un tiki so pa pueblo no lubida nan hecho. Mester sa nan historia pa nos corigi tur cos pa futuro. Hamas pueblo por vota pa AVP!

Dialuna 4 Juli 2022

No por cera wowo p’e 20 miyon cu a somenta den RDA; mucho menos bisa “bon trabao”

Hasi malo mustra bon y bon mustra malo

Nos pais ta hinca den un abismo teribel, unda cierto organisacionnan politico kier persisti pa pinta maldad pa bon, y bon pa malo. Esaki ta loke ta sosodiendo tur tur dia, unda kier troce circumstancianan, pinta nan malo, pa satisfaccion y oportunidad politico.

Rasonamiento;

Ta imposibel cu den RDA a sosode asina tanto cos for di sla, gastamento y mal gastamento di placa sin limite, sin contract, sin control, sin punch clock, sin timesheets, sin NADA NADA NADA, anto pa un organisacion politico y su voceronan den prensa, pretende cu no tin nada robes y ta elogia y premia e maldad cu a sosode.

Abismo di maldad:

Si apesar cu tin un rapport forensico cu ta mustra cantidad di delito y violacion, y ainda ta defende e mal practica, ta signal cu nos ta cayendo den abismo di maldad y nos no por rasona mas entre lo husto y inhusto, entre lo corecto y incorecto.

Projecto Algen 4 miyon, video di Candy 99 mil, cobransa di Terra Group sin limite E rapport forensico ta mustra riba mas di 100 delito, unda esun di mas grandi ta projecto Algen, unda esnan responsabel, un tal Koolman, tabata cobra sin control, sin limite, sin timesheets, estilo sky is the limit. E projecto mes nunca a mira lus di dia, pero algun Venezolano, hopi

previligia a sakia RDA, na un manera asqueroso.

Candy Rasmijn ta otro cu a haci trabao di mercadeo, apesar cu RDA tabatin su mes empleada cu ta hasi marketing. A cobra pa traha un video 99 mil florin. Algo totalmente for di sla. Paskel y su dos companianan, ambos a cobra cientos di miles di florin, sin contract! Transfer di banco tabata bay riba yamada telefonico. Mike de Meza y Richard Arends Dos ex minister di Avp ta responsabel mayor cu a permiti y instrui e maldad aki. Ta yega ora pa Ministerio Publico cuminza atende e robo di mas di 20 miyon cu a somenta! Un robo miyonario

Pa algun hende sali defende e robo aki, ta pasobra nan mes a haya parti di e bolo. Pa nan sali bisa cu RDA a wordo bon maneha, ta un lastima pe

mentalidad putri di nan! Nan a perde consenshi, nan a perde gevoel. Hamas malo por bira bon!!

Dialuna 4 Juli 2022

2 Persona herida ora a bira e bocht na Balashi perde control dal den trankera Diadomingo mainta a drenta informe di un accidente cu hende herida na e bocht di Balashi pariba di crusada di Mondi Fierno, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Suzuki Swift RHD biniendo for di crusada mondi fierno a perde control na e bocht di Balashi bay na man drechi baha caminda dal riba trankera y despues subi e caminda bay e banda robes di caminda. Pa suerte no tabata bini ningun auto di direccion contrario. Debi na e impacto 2 persona a resulta levemente herida. Na yegada di e ambulans nan a atende ambos victima pero un di nan so mester a bay pa Centro Medico pa un atencion mas avansa.

Dialuna 4 Juli 2022

Esun cu ta pro pa hedge, kier hunga CASINO cu placa di WEB Den ultimo dianan por a scucha hopi experto di cracker jack, insinua cu mester a hedge fuel oil na WEB, y awe nos lo no mester a aumenta prijs di awa y coriente. Un bunita retorica, bunita storia, pero bashi di contenido y realidad. Ta masha facil pa papia! Ta mescos nan bisa, cu si bo a cumpra e numbernan ganador, lo ba gana Lotto. Pues, hedge ta keda un gamble y den e caso aki ta un CASINO cu placa di pueblo. Na aña 2015 y 2016 nos a perde 300 miyon ora cu algun supuesto experto di WEB, sr. Jansen, via celular, para den lus di trafico na Piet, a bisa “yes”. Un solo “experto” a frega pais Aruba 300 miyon florin, unda obviamente e tabata falta conocimento di e materia y kier a bisti un sapato cu no tabata di dje.

Pues, e ponencia cu mester a hedge of cu Gobierno no a hedge, no ta ningun salbacion ni ningun milager, pasobra

por gana of por perde. Nos a perde 300 miyon caba pa culpa di De Meza. Y ora nos wak bek, por

canta tur sorto di Bingo, cu promer nos no tabata sa kico lo sosode. Pues e ponencia cu “no a hedge” ta nada otro

cu un ponencia bashi y hasta peligroso.

Dialuna 4 Juli 2022

MINITSER ENDY CROES TA FELICITA GRADUADONAN DI SCOL PRACTICO PA OFISHI (SPO) SANTA CRUZ CU NAN LOGRO, ESFUERSO Y MERITO PROPIO Durante e bunita anochi di graduacion di SPO Santa Cruz, Minister Endy Croes a dirigi e siguiente palabranan na studiantenan: Como Minister di Enseñansa y Deporte, pami ta un gran honor y placer pa por dirigi mi mes na un momento asina special na bosonan. Awe ‘Scol Practico pa Ofishi’ esta (SPO) Santa Cruz ta celebrando e hecho cu 46 alumno a gradua sea den e ramo di Tecnica/ Cuido di Mata y Bestia of den e ramo di Admistracion / Comercio y Facilitair. Durante di e anochi festivo yena cu speransa y alegria mas aki rato cada alumno ta ricibi nan diploma. Nos tin e deber como Gobierno pa brinda tur hoben e oportunidad pa tin acceso na enseñansa. Awe nos ta contento como cu a mustra di a haci bon uzo di e oportunidad aki. Mi kier pa boso sa cu tanto mi persona como Minister di Enseñasa y Deporte pero alabes den nomber di Promer Minister Evelyn Wever - Croes y Gobierno di Aruba nos ta hopi orguyoso di cada un di bosonan. Mi ta hopi sigur cu boso mayornan y famianan ta hopi contento y ta orguyoso di bosonan. Deseo di un mayor semper ta, pa nan yiu studia y prepara nan mes pa nan por para den nan propio sapato. Loke cu bo a logra awe bo diploma ta basa riba bo esfuerso y meritonan propio. E diploma aki ta di bo y niun hende nunca mas por kite for di bo. Algun di boso lo sigui studia y otronan ta dicidi pa bay traha. Exito na ambos decision. Enseñansa ta e motor y fundeshi di un pais. Enseñansa ta hopi importante pa desaroyo di un pais. Mi kier a gradici inmesamente SPO Sta Cruz na tur e docentenan cu a stimula y pusha e alumnonan aki, danki pa boso bunita trabou. Danki na mayornan pa kere den boso yiu y stimulanan pa nan studia. Esaki ta e resultado di:esfuerso, disciplina, dedicacion y determinacion cual a desemboca den un diploma pa 46 studiante. Pabien pabien masha pabien y hopi exito. Dream big and aim high.

Dialuna 4 Juli 2022

Caso RDA: Periodistanan di AVP ta mescos OJ Simpson y Joran van der Sloot Tin cierto personanan cu ta alaba e maneho di RDA den 2015 te 2017, unda 20 miyon a bay den saco di compinchinan di AVP, proba den un rapport forensico! Segun nan ponencia, “no tin nada”, “Nada nada nada”. E ponencia aki ta mescos cu esun di OJ y Joran, nan tambe ta bisa cu no tin nada! Ta den cua mundo nan ta biba? Ora lesa e forensic rapport riba RDA, cual nos lo bay publica tur pagina pa pueblo lesa, bo por conclui cu a sosode hopi delito cu ta enpugna cu good governance. A viola tur regla etico y moral y administrativo di placa di pueblo. A cuminza un “onder onsje”, unda hendenan liga na Avp a enrikese nan mes na forma imereci y tur cos a bay vocal y telefonico. No a haya ningun administratie, contract, timesheets, pues tabata un acto di corupcion administrativo unda hopi a enrikce nan mes. Nan a horta RDA y sakia miyones!

Pues ora bo scucha cu no tin nada... ta un ladron cu tambe a fiesta den RDA so por insinua esey, ora e kier bira ciego y sconde e fechoria. Hendenan asina ta peligroso, pasobra nan kier get away with murder. Nan ta mescos Joran van der

Sloot cu OJ Simpson, cu a mata hende, y djey bisa no tin “nada nada nada”. Pero ken ta kere nan ? Nan so !!!! Hendenan asina ta narcist: un problema cu nan ta gaña, kere nan mes y muri cu nan engaño, keriendo nan mes!

E husticia den RDA por tarda, pero nos a compronde cu e ta na caminda y ta hopi lo mester duna cuenta di nan fechoria y placanan mal horta di pueblo. E caso kisas ta manera ketchup: “espera, espera”!

Women’s Club of Aruba lo honra e miho graduadonan di Aruba Diamars dia 12 di juli binidero ta e gran dia pa esnan cu a sobresali den nan estudio pa aña escolar 2021-2022. Riba e dia aki Comision di Student Awards di Women’s Club of Aruba lo honra e miho graduado di VWO; HAVO; ISA; IBERO American High School; MAVO; Colegio EPI (4 unit); EPB (3 niveau); SPO; HAVO di Anochi (Avond HAVO) y MAVO di Anochi (Avond MAVO). E dia tan spera aki ta

hopi importante p’e graduadonan, ya cu lo honra nan pa a traha duro cu hopi esfuerzo y dedicacion pa nan estudio durante un temporada di hopi reto. Comision di Student Awards ta haci un apelacion na directiva di tur e scolnan ariba menciona pa manda resultado di e miho graduado di e prome periodo (Tijdvak 1) mas pronto cu ta posibel pa nos por caba cu tur e preparacionnan necesario.

Si acaso directiva di scol no a haya nos carta via e-mail of pa cualkier otro informacion por tuma contacto libremente cu Marva Solagnier: 5933076 (resultado y evaluacion), Mary Droogh: 5948356 (asunto di graduadonan) of chairman Milagros Posner: 7332020 (asuntonan general). Alabes Women’s Club of Aruba kier a haci uzo di e oportunidad aki pa felicita di curason tur studiante cu a pasa un of otro examen cu exito. Pabien!

Dialuna 4 Juli 2022

Cas bandona na Bernhardstraat atrobe cendi na candela

Diadomingo mainta a drenta informe di cu tin un cas na candela na Bernhardstraat, mesora a dirigi tanto polis como bombero

na e sitio. Na yegada di e patruya a bin compronde cu aki ta trata di un cas bandona cu recientemente a ser cendi na candela un

tempo atras pero awor atrobe a ser cendi. Na yegada si bomberonan mesora a logra domina e candela chikito aki.

Dialuna 4 Juli 2022

MINISTER ENDY CROES TA FELICITA INSTRUCTORNAN DI LANDAMENTO CORNELIA CROES, LOURDES CROES Y ROY RUGEBREGT A BAHA CU PENSIOEN BON MERECI

Hunto a celebra 81 aña den servicio di Gobierno di Aruba

Diamars mainta Minister Endy Croes hunto cu Parlamentario Shailiny Tromp - Lee tabata presente na Piscina Roly Bislick na Saventa pa asisiti na e celebracion di clausura di un otro aña di landamento escolar exitoso. Alabes a rindi honor na tres instructor di lantamento escolar cu a baha cu pensioen. E ceremonia a inicia na unda cu Minister Endy Croes hunto cu Parlamentario Shailiny Tromp – Lee a haci entrega di diploma A & B na e alumnonan cu a pasa nan examen di landamento escolar exitosamente.

Sigui pe ceremonia unda cu e mandatario di Enseñansa a duna reconocemento di aprecio na tres hubilario cu hunto ta celebra 81 aña di servicio di Gobierno di Aruba aportando na hubentud di Aruba y landamento escolar. Minister Endy Croes ta felicita sra. Cornelia Croes cu a cumpli 28 aña, sra. Loudres Croes, 29 aña y sr. Roy Rugebreg, 24 aña. Masha danki pa boso dedicacion y profesionalismo como Instructor di Landamento Escolar. Masha pabien y disfruta di e pensioen bon mereci!

Dialuna 4 Juli 2022

Riba instruccion di Gabinete Wever Croes II WEB Aruba NV no a hedge Durante e reunion publico cu a tuma luga riba 13 y 14 di December 2021, e Minister di Energia, sr. Glenbert F. Croes a duna di conoce cu WEB Aruba NV no a inicia e proceso di ‘hedging’ sabiendo cu e contrato di ‘hedging’ lo a caduca 31 di December 2021. Na inicio di januari 2022 mi a manda preguntanan por escrito pa e Minister di Energia sr. Glenbert F. Croes, pa e por informa Parlamento entre otro si mientrastanto WEB Aruba NV a logra cera un bon deal di ‘hedging’ pa loke ta e prijs di HFO. Saliendo for di e punto di bista cu e Mandatario no a contesta mi preguntanan mi a manda su persona un carta recordatorio (rappel). Den luna di maart Minister Glenbert F. Croes a contesta cu WEB Aruba NV no a ‘hedge’ pa motibo cu esnan encarga cu esaki no a haya cu ta oportuno pa haci tal. Por a conclui loke tabata di spera cu for di december 2021 a duna conseho cu tabata e momento oportuno pa ‘hedge’. E maneho di ‘hedging’ ta consisti di dos componente: 1. si e momento ta oportuno pa ‘hedge’ 2. si esaki lo tin como consecuencia un aumento di tarifa Tin cu remarca cu e aumento lo tabata menos di dies cen pa loke ta e produccion di coriente. Ta di lamenta cu no tabatin un consenso bou di e partidonan (‘stakeholders’) pa loke ta e dos componentenan, cu a conduci cu no a ‘hedge’ y cu ta e motibo real pakico nos ta awe na e crusada! A base di cifra cu e compania estatal WEB Aruba NV a mustra Parlamento por a haya un bista cla con un compania estatal cu un situacion financiero saludabel a pasa pa un compania estatal cu un situacion financiero sumamente fragil. Pa durante 6 luna di tempo e compania riba instruccion di Hunta di Comisario y Utilities a suprimi e gastonan door di no a ‘hedge’. Tin cu subraya cu ta trata di personanan cu ta forma parti di Family and Friends

di e Prome Mandatario y cu ta traha riba ordo y instruccion di sra. Evelyn Wever Croes. E decision di suprimi e gasto a nifica un perdida di 63% di e reserva di WEB Aruba NV. E compania estatal a subraya di no por sigui carga e peso debi cu e no ta responsabel y tampoco sostenibel. Henter pueblo di Aruba por a tuma nota diabierna mainta di e notificacion di parti di WEB AUA NV, con na un forma masha peculiar nan a informa cu e aumento a keda suspendi temporalmente. E palabra temporalmente ta duna pueblo e indicacion cu e aumento lo keda concretisa, solamente ta aplicando e teoria di un retraso den e ehecucion. Ta tristo ora decision iresponsabel keda tuma cu ta trece como consecuencianan: 1. un compania estatal den un situacion financiero sumamente fragil 2. un pueblo cu lo tin cu paga pa e consecuencia di tal decision Despues di e reunion di ayera entre Comision Fiho di Parlamento y Director di WEB NV hopi cos a sali na claridad e.o.: 1. un biaha mas a gara Prome Minister sra. Evelyn Wever Croes ta TROCE BERDAD, paso el a informa Pueblo cu “Gobierno di Aruba desagradablemente a wordo sorprendi cu e anuncio di WEB pa hisa tarifa di awa sin cu esaki tabata tin aprobacion di Gobierno, siendo cu Gobierno ta na mesa di negociacion cu WEB y Elmar riba e topico aki pa mas di 6 luna. Riba e pregunta cu a keda haci na WEB Aruba NV por a deduci cu TUR stakeholders (incluyendo Conseho di Minister) a keda informa debidamente y ta al tanto di tur detaye y situacion di WEB NV. 2. Apesar cu e Presidente di e Comision Fiho di Parlamento sr. Tevreden kier hunga fini y aparenta di ta sufri di perdida di memoria mescos cu su gobierno door di culpa tur cos

awor riba e guera entre Rusia y Ucrania. Ademas el a alega cu su gobierno a baha e tarifa di awa cu 10% y cu e ta spera cu e aumento di tarifa lo ta pa un temporada cortico. Esaki NO ta cuadra, sino cu ta pa motibo cu riba instruccion di e Hunta di Comisario y Utilities cu ta actua riba instruccion di e Gobierno Wever-Croes II NO a duna aprobacion pa WEB Aruba NV ‘hedge’ na e momento oportuno y na tempo. WEB Aruba NV a perde e oportunidad di por a cumpra crudo na prijs abou/fiho y almacena suficiente pa asina absorba e prijs ora esaki subi (debi na e guera actualmente na Europa). Y por ultimo cu sr. Tevreden ta spera cu e aumento di tarifa aki lo ta pa un temporada cortico, ta muestra di falta di curashi atrobe pa ta sincero cu Pueblo. Pasobra te ainda NO tin NINGUN indicacion concreto cu e guera entre Rusia y Ucraina lo termina pronto. Pues NO por bin duna pueblo speransa FALSO. Trata di ta sincero cu

Pueblo y enfrenta e realidad, cu e aumento di tarifa aki lo bin dentro di mas tarda dos siman, pero e ta un ECHO! Bisa TAMBE cu e lo ta pa un temporada aun indefini paso NO tin ningun garantia! Y por ultimo e Gabinete aki MESTER pidi Pueblo Arubano un disculpa atrobe pa a GAÑA nan durante campaña 2021 cu nan si lo baha tarifa di awa y coriente, sabiendo cu ta NAN mes NO a autorisa WEB Aruba NV pa ‘hedge’ na e momento oportuno y nan tabata DEBIDAMENTE informa como accionista mayoritario den WEB Aruba NV. Consecuentemente debi na e blunder aki aumento di e tarifa di awa y coriente ta INEVITABEL. Pa finalisa Parlamentaria Gunn ta subraya riba e aspecto di responsabilidad. Te ki dia pueblo tin cu sigui tolera pa esun(nan) cu tin cu carga su (nan) responsabilidad ta sigui drenta laman y sali seco.

Dialuna 4 Juli 2022

Ekipo Britannia 1 titula campeon di Aruba Bank Liga Oro Division Damas Oranjestad – 4 di juli 2022 - Diasabra anochi na veld di Frans Figaroa a tuma lugar e ultimo wega di e Campeonato Aruba Bank Liga Oro-Division Damas. E final di Aruba Bank Liga Oro tawata entre dos ekipo di Britannia. Durante e final e dos ekiponan a subi veld conhuntamente cu miembronan di Arubaanse Voetbal Bond (ABV), y representante di Aruba Bank. Miembro di directiva di AVB Mildred Wever y Roxanne Croes, Sr. Officer Marketing di Aruba Bank a hiba palabra. Nan a gradici tur e ekiponan di RCA, Riverplate, La Fama, Estrella, Dakota y Britannia cu a forma parti di e Campeonato, mayornan y coachnan pa a kere den organisacion di e campeonato di voetbal pa damas. Despues di un tremendo partido e ekipo di Britannia 1 a titula campeon. E hoben Tarianna Doornkamp a wordo nombra MVP di e campeonato.

Aruba Bank, e banco di deporte na Aruba, ta comprometi pa promove deporte den comunidad y ta sumamente honra di sostene hende muhernan den deporte na Aruba. For di inicio

e banco pionero a kere den e campeonato di damas den futbol y ta satisfecho di mira e interes creciente den e torneo. Masha

Pabien

tur

participante, na e ekipo campeon, organisadornan, mayornan y coach pa haci e Campeonato Aruba Bank Liga Oro-Division Damas un exito rotundo.

Dialuna 4 Juli 2022

Chauffeur a bay dal fuertemente cu su Hyundai riba palo di lus na Camacuri

Diadomingo maduga a drenta informe di un accidente na Camacuri, mesora a dirigi patruyanan na e sitio. Na yegada di e patruya a bin constata cu e chauffeur di e Hyundai Accent A12178 bayendo direccion pariba a baha caminda na man drechi y a bay dal fuertemente riba un palo di lus di Elmar. Afortunadamente ningun hende a resulta herida pero polis a detene e chauffeur pa core auto bao influencia y ocasiona un accidente.

Dialuna 4 Juli 2022

Aruba a pone krans na conmemoracion Nacional di e Abolicion di Sclavitud Den Haag/Amsterdam – Na Oosterpark Amsterdam a tuma lugar riba 1 di juli e conmemoracion nacional di e Abolicion di Slavitud dor di Hulanda na 1863 den e colonianan Surnam y Antianan Hulandes; e aña aki 159 aña pasa. Director a.i. di Arubahuis drs. Glenda Hernandez a pone un krans den nomber di Gobierno y pueblo di Aruba. Tabata tin discursonan di minister pa Rechtsbescherming Franc Weerwind, burgemeester di Amsterdam Femke Halsema y Linda Nooitmeer, presidente di NiNsee cu ta e instituto cu ta organisa e conmemoracion. E aña aki ta 20 aña cu NiNsee a keda funda y cu e conmemoracion a unicia cu desvelo na 2002 di e “Slavernijmonument” cu ta un obra di e escultor Erwin de Vries. Un invitado special e aña aki pa tene un discurso tabata presidente di De Nederlandse Bank – DNB - (Banco Central di Hulanda) Klaas Knot. Den su discurso sr. Knot a describi e rol di De Nederlandse Bank den slavitud y a epresa su disculpa pa e parti cu su organisacion tabata tin den slavitud. Na mes momento sr. Knot a menciona cu De Nederlandse Bank pa e proximo 10 añanan lo bin cu un Fondo cu mester financia proyectonan cu lo por yuda minimalisa e efectonan di sclavitud na decedientenan di esclavonan. Tan trata di proyectonan riba tereno di enseñansa, salubridad y conocemento. Tambe DNB lo hinca un suma completo pa proyectonan educativo, manera e Museo Nacional di Sclavitud y cu un centro di conocemento pa e m useo aki. E intermezzo musical a keda brinda pa Nyassa Alberta cu ta interpreta e rol principal den e De Tina Turner Musical conhunto cu e koor di gospel ZO Gospel. Despues di e discursonan tabata tin 1 minuut di silencio sigui pa e parti di ponemento di krans na e “Slavernijmonument”.

Banda di sra. Hernandez, tambe a pone un krans entre otro presidente di Eerste Kamer Jan Anthonie Bruijn y presidente di Tweede Kamer Vera Bergkamp, Minister Franc Weerwind, Minister Plenipotenciario di Curaçao Carlson Manuel, Minister Plenipotenciario di St. Maarten Rene Violenus, embahador di Surnam Rajendre Khargi y embahador di Ghana Mohammed Habib Idris y burgemeester di Amsterdam

Femke Halsema. Nota pa redaccion: E potretnan

ta di fotografo Pacao Núñez.

Dialuna 4 Juli 2022

MINISTER ENDY CROES TA FELICITA E GRADUADONAN DI AVONDHAVO ARUBA

celebrando e hecho cu 50 studiante a gradua y lo ricibi un diploma mientras 17 ta ricibi un certificado di VWO. Esaki ta representa 62% di studiantenan. Pabien. Durante di e anochi festivo di awe yena cu speransa y alegria e studiantenan ta ricibi nan diploma. Ki satisfaccion.

Diasabra anochi Minister Endy Croes tabata presente na e graduacion di Avondhavo Aruba cu a tuma luga den e ballroom di Marriott Resort & Stellaris Casino. Un ceremonia hopi bunita cu a trece hopi alegria pa tanto e studiantenan como nan famia. Durante e ocasion special aki Minister Endy Croes

tabatin e honor di hiba un discurso pa e graduadonan: Discurso di Minister Endy Croes na e graduadonan: Como Minister di Enseñansa y Deporte, ta un gran honor y placer pa por dirigi mi mes na un momento asina special na bosonan. Awe Avondhavo Aruba ta

Nos tin e deber como Gobierno pa brinda tur cuidadano e oportunidad pa tin acceso na enseñansa. Avondhavo hopi biaha tin studiantenan di tur edad, hasta mama y tata di famia cu ta traha 8 ora y bay scol anochi haciendo nan maximo esfuerso. Awe boso a mustra balor di esaki y a haci bon uzo di e oportunidad aki Mi kier pa boso sa cu tanto mi persona como Minister di Enseñasa y Deporte pero alabes Promer Minister Evelyn Wever - Croes y Gobierno di Aruba nos tur ta hopi pero hopi orguyoso di cada un di bosonan. Mi ta

hopi sigur cu boso mayornan, casa of pareha y famianan ta hopi contento y ta orguyoso di bosonan. Loke cu bo a logra awe esta bo diploma ta basa riba bo esfuerso y meritonan propio. E diploma aki ta di bo y nunca mas niun hende por kite di bo. Hopi di boso lo sigui studia, otronan ta dicidi pa bay traha y otronan cu ya ta trahando y studiando. Exito na cada un di bosonan. Enseñansa ta e motornan y fundeshi di un pais. Enseñansa ta hopi importante pa desaroyo di un pais. Mi kier a gradici inmensamente henter e ekipo di (SAA) esta Stichting Avond

Onderwijs Aruba, na tur e docentenan cu a stimula y pusha e studiantenan aki, danki pa boso bunita trabou. Esaki ta e resultado di: esfuerso, disciplina, dedicacion y determinacion cual a desemboca den un diploma pa 50 graduado di HAVO y 17 certificado di VWO awenochi. Pabien special tambe na sr. Juan Gomes kende a resulta di ta e miho graduado y ta duna e ehempel di ‘Long Life Learning’ cu Gobierno ta para pe. Sr. Gomes tin 28 aña sirbiendo pueblo den Cuerpo Policial Aruba. Pabien pabien masha pabien y hopi exito ‘Dream big and aim high’ e mandatario a finalisa.

Pagina 17

Dialuna 4 Juli 2022

PAGINA 23 TA MUSTRA CONFLICTO DI INTERES DEN RDA

Ex Minister di AVP Richard Arends como RDA pa paga su mes compania Horizon 111 mil florin dia 30 November 2016 Dia 29 di November el'a huramenta como minister, dia 30 keto bay ta tesorero di RDA

E berdad di RDA ta hopi amargo y cruel. Den aña 2016 cu 2017, Gobierno di AVP a permiti fechoria tuma lugar y awe algun kier cera wowo y bisa cu nada malo a sosode. Awe nos ta publica pagina number 23 di e forensic rapport, unda ta mustra cu Mike de Meza no a percura ni garantisa "Good Governance Code" den RDA. Consequentemente a haci varios delitonan penal, ora a viola statuut y tambe Good Governance. Kico ta caso? E rapport forensico ta proba cu Richard Arends, como consehero di Gobierno di Aruba, riba payroll di Gobierno, asigna pa atende cu Citgo, Valero y RDA, na dado momento a haya ta bon, pa haci DOBBEL cobransa. Pues, aparte cu e tabata wordo paga for di Ministerio di Mike de Meza, el'a hinca den su cabes, cu e lo cobra un bes mas for di RDA. Dje forma aki, riba un dia den November, el'a traha un cantidad di recibo, 'met terug werkende kracht" y riba dia 30 di November 2016 el'a paga su mes, COMO RDA, pagando su compania HORIZON. Mas tristo ta, cu dia 29 di November 2016, el'a huramenta como minister den Gabinete Mike Eman. Un dia despues AINDA como tesorero di RDA, e ta paga su mes, e mes ta autorisa, firma y transfer di RDA pa su bank account. El'a paga su mes 111 mil florin. Cien ti dies un mil

florin!! E rapport forensico ta papia di un cantidad di violacion di statuto y di Gov-

ernance Code, pa cual ex Minister Mike de Meza ta e sospechoso principal cu por a laga e rotsooi aki tuma lugar.

Manayn nos lo sigui amplia riba mas fechoria y ladronicia cu a tuma lugar den RDA, unda e grupo

di AVP a mira RDA como Baca lechera y tabata chica tur lechi, hortando asina mas di 20 miyon florin di pais Aruba.

Pagina 18

Dialuna 4 Juli 2022

Señora herida den accidente di auto na Paradera

Paradera - Diasabra atardi algo pasa di 5'or polis y ambulance a bay Paradera altura di ex Pacifico bar restaurant, unda a sosode un accidente di trafico. Van Kia y Nissan Altima Na yegada agentenan mester a desvia trafico cu tawata bayendo Piedra Plat, debi cu e vehiculonan tawata banda zuid di caminda. Señora herida Chauffeur di e Altima ta esun cu a resulta y na e sitio nos por a scucha cu chauffeur di e Van Kia a pidi pa

ambulance. Segun nos por a compronde e Van lo a duna preferencia algun auto y despues ora e mes a bay move a topa cu e Altima causando e accidente. Por a mira cu e airbagnan di e Altima a sali, indicando cu e accidente tawata uno toch fuerte. Ambos auto a bay termina manera nos a bisa caba pazuid di caminda. Na yegada di ambulance e Paramediconan a opta pa transporta e señora pa Hospitaal, den e Altima e señora tawata cu su yiu cu no a resulta herida.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 19

Dialuna 4 Juli 2022

Na Noord Cura Cabay chauﬀeur di un pick-up a bay dal fuertemente riba un cura di cas

Diadomingo mainta a drenta informe di un accidente cu hende herida na Noord Cura Cabay, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauﬀeur di e Ford Ranger pick-up

A35933 bayendo direccion pariba a bay dal straight riba un muraya di cura di un cas na e splitsing. Debi na e fuerte impacto e chauffeur a resulta herida. Na yegada di e ambulans nan a atende e victima y a transporte pa hospital.

Solo di pueblo pagina social Ba hasi aña? Bo kier publica un felicitashon den corant. FREE Manda nos un email cu informashon y maximo 6 potret na

solodipueblo@gmail.com of Yama 585-9500

Pagina 20

Dialuna 4 Juli 2022

ESAKINAN TA BENEFICIO DI PONE UN DJENTE DI KONOFLOK BAO DI CUSINCHI Konoflok ta un alimento hopi antiguo cu a bin ta wordo uza como condimento di hopi plato y ingrediente activo di cientos di remedi. Ta un pariente cercano di e siboyo y aunke su holor no ta mucho agradabel, e ta un di nan mas consumi pa tur hende rond mundo. Bo conoce e beneficionan di pone un djente di konoflok bao di cusinchi? Den antiguedad, nan tabata uzanan pa condimenta plato, core cu plaga y antidoto pa spanta demoño. Si ta bon, e ultimo aki a pasa di ta un simpel supersticion, den actualidad tin esnan cu ainda ta pensa cu ta sirbi pa combati mal energia. Den cualkier caso, nos ta topa cu un ingrediente rico den nutriente esencial, cu multiple aplicacion medicinal y un amplio variedad di beneficionan pa salud. A continuacion, nos kier recorda su principal propiedadnan y un interesante terapia cu por ta hopi util pa esnan cu tin problema di soño. Propiedadnan nutricional di konoflok Konoflok ta destaca pa su significativo aporte di caloria. E por yega na contene te cu 100 kcal pa cada 100 gram. No obstante, dado cu su consumo no ta masivo, no ta supone un problema pa e peso corporal. Ademas, ta contene hidratonan di carbon completo y proteina cu ta contribui na mehora e rendimento fisico y mental. Tambe e ta aporta vitamina B complex y mineralnan esencial manera sodium, potasium y magnesium.

Sin embargo, su principal beneficionan ta atribui na su concentracion halto di compuestonan sulfuro manera Alicina. Principal beneficionan di konoflok Aunke no por considera como un ingrediente milagroso pa e organismo, hopi di su efectonan a posicion'e como un di e miho "superalimentonan" cu por wordo añadi na e dieta. Pa su composicion, e ta un bon complemento pa alivia varios tipo di infeccion, trastornonan metabolico y problema di e sistema respiratorio. Es mas, dado cu e ta contene antioxidante y substancianan antiinflamatorio, e ta un gran aliado di e salud cardiovascular. Su consumo ta mehora e elasticidad di e arterianan, ta disminui e exceso di colesterol y ta regula e nivelnan di presion arterial. Di e mesun manera, e ta mehora e riego di sanger pa cada un di e celnan di curpa y ta contribui pa preveni e embehecimento prematuro. Di un otro parti, ta atribui na cualidadnan bactericida y antiseptico cu por funciona hasta miho cu cierto antibiotico sintetico. E ta un diuretico natural, cu ta combati e retencion di likido y e exceso di inflamacion di e tehidonan. Ademas, ta comproba cu ensnan cu ta incluye dentro di un plan di alimentacion saludabel, ta logra reduci mas peso compara cu esnan cu no ta com'e. Ta parcebo poco? Descubri kico ta sosode si bo pone un djente di konoflok

bao di un cusinchi. Pakico pone un djente di konoflok bao di e cusinchi? Tras di conoce e bondadnan di consumi mas konoflok, nos ta enfoca den splica un simpel terapia cu ta consisti pa pon'e bao di cusinchi cda anochi. E antiguo secreto di nos welanan ta pa uza pa promove un soño saludabel y profundo, en especial cerca esnan cu tin dificultad pa drumi. E compuestonan sulfuroso di konoflok ta extende hunto cu su holo y ta eherce un efecto calmante pa yuda mehora e calidad di soño. Den culturanan antiguo, tabata pensa cu por proteha personanan di mal spirito: no obstante, en realidad e sensacion di siguridad cu e ta brinda, ta debi na su concentracion di zinc. Apesar cu na principio ta dificil custuma na e holo, cu e paso di dia no lo representa unproblema y e lo

converti den e miho solucion pa insomnio. Aunke cu ta poco, tambe e tin efectonan positivo riba e rendimento fisico e dia siguiente, dado cu e ta yuda renoba e energianan pa asumi miho hornada. Den e sentido aki, ta recomenda complementa e terapia di djente di konoflok bao di cusinchi cu e consumo di, por lo menos, un djente den yuna, ya sea su so of cu lamunchi. Tratamento natural cu konoflok pa por drumi miho Ma leu di pone un djente di konoflok bao di cusinchi, otro interesante manera di probecha su beneficionan pa drumi, ta consisti den prepara un bebida natural cu propiedadnan relahante. Ingrediente ● Lechi (1 glas of 200 ml) ● 1 djente di konoflok chikito chikito corta ● Honing (1 telep of 7,5 g) Instruccion ● Basha e lechi den

un wea. ● Agrega e konoflok corta y lag'e herbe durante tres minuut. ● Pasando e tempo aki, warda pa e reposa. ● Agrega e honing y consumi'e. ● Lo ideal ta ingeri'e mas of menos 30 minuut prome cu subi cama, pa logra haya resultadonan optimo. Concluyendo, ademas di ta un di e miho condimentonan, konoflok ta un aliado pa salud y e problemanan continuo di soño. Por probecha di dje den multiple forma, pero e ta resulta interesante purb'e den terapianan alternativo, manera pone un djente di konoflok bao di cusinchi.

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 21

Dialuna 4 Juli 2022

Aruba a gana 4 medaya di Brons den e Pan Am Series II na Costa Rica

Diasabra a tuma luga na Heredia Costa Rica e Pan Am Series II di Cadet y Junior y Aruba tabata tin 4 atleta cu a participa. Aleysha Macea, Dary-en Morel, Anabella Fernandez y Kianna Krosendijk a gana medaya di brons. Monica Pimentel tabata kier pa su atletanan yega final, pero ta satisfecho cu nan resultado di brons, mirando cu esaki tabata nan prome evento internacional den cadet pa aña 2022. "ARTBO" Aruba Taekwondo Bond ta felicita tur e atletanan cu nan logro na Costa Rica. ARTBO ta contento tambe pa wak cu e proyecto piloto duna pa Monica Pimentel y Stuart Smit ta duna su fruto, pero ainda tin un caminda largo pa bay y ta ariba e bon caminda. Despues di e evento Monica Pimentel a bisa e atletanan cu nan ta bay traha mas duro cu nan den e proyecto piloto pa e proximo evento internacional.

Pagina 22

Dialuna 4 Juli 2022

Pagina 23

Dialuna 4 Juli 2022

INTELIGENCIA DI UN MUCHA NO TA DEPENDE DI SU NOTANAN teroaia di inteligencianan mulitple aki, ta reconoci den hopi ambito educativo.

Aunke cu nos sa cu e inteligencia di un mucha no ta depende di su notanan, manera con nos ta laga nos mes como mayor, impresiona cu e cualificacionnan! Un excelente ta yena nos di orguyo, un onvoldoende of suspension, ta decepciona nos, manera cu e nota aki lo defini kende nos yiu ta y cualnan ta su capacidadnan. E cualificacionnan escolar ta un forma di midi un conocimento. Sin embargo, no ta duna cuenta di e esfuerso y e dedicacion cu e mucha a inverti den e proceso di aprendisahe. Tampoco ta demostra si efectiva-

mente e mucha a siña algo di forma consistente. Un mucha cu un bon memoria, kisas ta obtene bon punto. Un mucha cu un inteligencia distinto den e materia den cual e ta wordo evalua, por haya onvoldoende. Sin embargo, den e materia vincula cu su tipo di inteligencia, seguramente e lo ta exitoso. Inteligencia di e mucha Si. Segun e psicologo y investigador Howard Gardner, den cda persona tin ocho tipo di inteligencia of habilidadnan cognoscitivo. E

Di acuerdo cu e planteamento di e profesor Mericano aki, no ta existi un unico inteligencia unico humano. Tin un diversidad di inteligencia, cu ta marca e potencialidad, fortalesa y debilidadnan cu cada individuo tin y cu lo marca su actuacion den distinto scenario. E teoria di inteligencianan multiple aki, ta permiti balora, compronde y stimula e potencialidadnan di cda mucha, mas leu di loke por midi un indice di conciente intelectual. Bo yiu tin tur e tipo di inteligencianan aki, solamente cu uno ta mas preponderante cu otro. E inteligencia di e mucha pa matematica, por yud'e tin bon resultado. Sin embargo, no lo ta igual si e inteligencia pa linguistica of pa deporte ta mas debil. Tur esaki ta pone den evidencia e berdda cu e notanan no ta representa e inteligencia di e mucha. E tiponan di inteligencia

Inteligencia linguistico E muchanan cu e tipo di inteligencia aki ta siña skirbi, lesa, conta cuenta of haci crucigrama cu suma facilidad. Su lenguahe orral ta asina bon como esun skirbi. E tin facilidad pa siña idioma. Inteligencia logico-matematica Muchanan cu ta resolve cu facilidad problemanan aritmetico, problemanan di logica-matematica, weganan di strategia y experimento. Na esunnan cu e tipo di inteligencia aki ta resulta nan hopi facil resolve pruebanan di conciente intelectual. Inteligencia visual y espacial Muchanan cu gusta dedica nan tempo liber pa pinta, gusta resolve puzzel of ta prefera weganan di construccion, tin e tipo di inteligencia aki. Nan ta pensa den imagen y dibuho. Inteligencia musical Ta muchanan cu ta disfruta, siña y aprecia e cancionnan y musica. Nan ta identiﬁca cu facilidad sonidonan. Nan tin e facilidad pa siña toca un instrumento musical.

Pagina 24

Dialuna 4 Juli 2022

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

911 100 102 104 105 107 11141

Ambulance San Nicolas Ambulance Sasaki Ambulance Wayaca

584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Servicio nan Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation

582-2219 583-2999 582-4433 587-1677 583-5400 131 588-3131 587-0002 588-9999

Pagina 25

Dialuna 4 Juli 2022

Cuida Papiamento como Idioma Nacional y awor tambe como Idioma Oficial desde 2003

Den sentido general ta considera idioma como e medio unificador di mas importante di un cultura. Idioma ta carga tur pensamento y experencia humano, cultura y identidad. Idioma ta transferi cultura. Na 2018, Aruba a conmemora e lustro di 15 aña di Papiamento como idioma oficial banda di Hulandes, cu a keda aproba pa Parlamento di Aruba, como ley, dia 21 di mei 2003. Den aña 2018 e lustro di 40 aña di un servicio gubernamental di cultura di Aruba. Na 1978 Instituto di Cultura Aruba (ICA) a keda institui y na 2007 ICA a ser reorganisa y converti den Departamento di Cultura Aruba (DCA). Pa tal motibo na juni 2019 a publica e Buki Conmemorativo Cultural titula BaluArte digitalmente riba issuu.com y na januari 2020 a imprimi e di dos edicion na Papiamento. E publicacion ta como muestra di aprecio, respet y amor pa nos idioma materno como idioma esencial pa cultura di Aruba. Nos imagen di mundo, con nos ta experencia realidad (biba), nos norma y balornan, tur ta transferi pa medio di idioma. Idioma no ta un instrumento neutral, idioma pa hopi di nos ta ancra den e profundo di nos ser. Sentido di pertenencia ta hopi importante den un sociedad. Ta e idioma cu nos ta papia pa gran parti ta determina cu cua cultura y clase, categoria of grupo nos ta sinti nos mes conecta y na cua nacion nos ta sinti cu nos ta pertenece. Papiamento ta e idioma materno di e mayoria di e poblacion di Aruba, Bonaire y Curaçao. Nos idioma ta locual indudablemente ta distingui nos di tur otro pueblo. E ta un factor unificador hopi importante. Papiamento, un di e asina yama “idioma di contacto of crioyo”, a evoluciona den un situacion di contacto cu diferente influencia linguistico y cu un base desde mas o menos aña 1650. Den tur region cu tabatin colonisacion a menosprecia idioma y balota nan como inferior den scritura di hende di “madre patria” y di habitante local tambe. E hecho cu tabatin un idioma Europeo banda di Papiamento, e idea cu un idioma Europeo ta garantisa un miho futuro y cu algun hende tabata considera e idioma Europeo como nan idioma “materno” a haci cu te awe tin un actitud dualistico, aprecio/menosprecio pa cu nos “dushi” Papiamento. Segun criterio linguistico Papiamento ta un idioma den su propio derecho y no un mescla di corupcion interlinguistico di idioma standarisa. Papiamento tin su propio zonidonan, vocabulario, manera di formula frase y su mesun gramatica y ortografia. Di e lucha largo di e pueblo di Aruba na defensa di e identidad Arubiano y e derecho di autodeterminacion, finalmente a surgi un pais nobo y autonomo dia 1 di januari 1986: Aruba a adkiri su Status Aparte. Den e contexto aki a surgi tambe un rebalorisacion di e cultura local y di Papiamento como idioma nacional. Pues hunto cu nos himno y bandera na aña 1976, Gobierno a aproba e ortografia di Papiamento di Aruba pa medio di un decreto gubernamental (awendia tin un ahustacion di dje ). Na 2009 e prome edi-

cion di e Vocabulario Ortografico di Papiamento a ser publica (2do. na 2013). Den añanan setenta , durante e lucha pa Status Aparte un proceso di emancipacion di Papiamento a tuma lugar den tur sector di sociedad e.o. den prensa, den servicio di gobierno, den parlamento (Eilandsraad), den enseñansa y den expresion cultural. Como pais hoben den e proceso di rebalorisacion social-cultural, oficialisacion di idioma (na 2003) ta sumamente importante, como muestra di un propio identidad. Oficialisacion por crea mas aprecio y stimula nos pa cu orguyo y amor siña conoce e historia di nos idioma materno bon y promove e uzo corecto di papi’e y skirbie (papia- y skirbimento). Awendia Papiamento ta idioma den diferente publicacion manera corant, revista, literatura, ensayo cientifico linguistico, den medio di comunicacion manera radio, tv y internet, lectura y disertacion, den colegio di nivel academico, tambe por usa Papiamento den decreto gubernamental, den documento oficial y pa huramento. Ta un initiativa valioso cu Departamento di Enseñansa a cuminsa cu un pagina web www. papiamento.aw como fuente di informacion pa un y tur, specialmente pa hubentud escolar. Tin tayer, curso, estudio (e.o. pa bira docente) y material di estudio pa grupo di e.o. medio di comunicacion, publicidad, fundacion, relacionista publico, funcionario publico y corector. Den enseñansa special Papiamento ta uza como idioma di instruccion y esaki ta tuma luga exitosamente. Na EPB Papiamento ta materia di enseñansa, na EPI e ta un materia di examen obligatorio (pa Administratieve y Secretariele Richting) y na MAVO Papiamento ta un materia di examen cu escogencia liber. Desde 2004 Papiamento a ser introduci como vak (material) na scol secundario. Den e renobacion di enseñansa a introduci Papiamento como material di examen na HAVO desde aña 2016 y esnan cu a pasa e examen exitosamente lo por bay pasa examen di Papiamento pa VWO na 2018. Tin demanda pa docentenan cu un titulo na nivel di Master den Papiamento pa. Hulandes como idioma oficial ta keda idioma di instruccion. Ingles ta keda obliga como materia y por scohe pa e idioma Spaño. Den e mundo globalisa di awendia e idiomanan mundial aki ta hopi mas importante pa economia, comercio y pa por sigui estudio avansa den exterior. Investigacion cientifico a prueba cu un bon conocemento (instruccion) di e idioma materno ta hopi importante pa e exito di e estudiante den otro materia y idioma. Migracion como parti di globalisacion ta influencia nos idioma nacional. Actualmente casi 70% di e poblacion di Aruba tin Papiamento como idioma mas papia na cas (CBS Censo 2000). Como cu idioma ta asina importante pa unifica y distingui nos mes, no ta nada straño cu tin asina hopi critica ora cu uza hopi palabra

Spaño, Hulandes y Ingles den uzo di Papiamento, mientras cu tin palabranan crioyo cu por uza. Ademas di un falta di instruccion di Papiamento, principalmente hubentud escolar ta uza banda di nan forma di bisti y preferencia musical, nan forma di papia como un medio pa distingui nan mes como hoben (antes tambe). Ortografia ta un instrumento standarisa artificial pa comunicacion por escrito. Tin hende ta cuminsa papia y pronuncia Papiamento segun e lista ortografico, como “Papiamento manera mester papie”. Con ta papia un idioma ta liber, esey ta e dinamismo di un idioma. Hasta tin cientifico ta di opinion cu Papiamento lo bai disparce y Ingles lo por bai tuma su lugar. Un cos ta sigur, rikesa di un idioma ta consisti di literatura, buki di consulta, buki cientifico y e funcion di e idioma den enseñansa ta hopi importante. Ta keda na nos pa cuida y conserva Papiamento y su dinamismo. Considerando e funcionnan social di Papiamento, su evolucion y su posicion social e ta un di, e asina yama idioma crioyo (relativamente hoben) mas studia pa linguista y considera unico. Nos ta un di e poco paisnan na mundo, cu apesar di tabata un colonia, cu no tin e idioma di e pais colonisador como idioma di uzo diario di mayoria di su poblacion y den tur clase social. Un idioma cu durante su historia, contra tur opresion a desaroya di lenga papia, pa lenga skirbi, pa idioma cultural di uzo general y tambe a haya e status di idioma oficial. Como idioma nacional y idioma oficial nos mester duna Papiamento e balor cu e merece. Ta hopi importante pa tin suficiente facilidad, docente, corector y material disponibel pa siña conoce historia y siña lesa y skirbi nos propio idioma bon. Banda di expresion cultural manera musica, baile, teatro y arte plastico, literatura tambe ta hopi importante pa tur sociedad. No solamente pa enseñansa, tambe pa nos cultura en general literatura na Papiamento ta hopi importante pa e rumbo cu nos ta bayendo. Oranjestad, version actualisa 14 februari 2021 (original 20 februari 2009). Autor: drs. Vilmio Wester Antropologo Cultural Datonan ta tambe cortesia di Departamento di Cultura Aruba (DCA).

Pagina 26

Dialuna 4 Juli 2022

SORTEO 1 JULI 2022 Anochi

SORTEO 2JULI 2022 Merdia

SORTEO 3 JULI 2022 Merdia

Pagina 27

Dialuna 4 Juli 2022

PRONOSTICO DI TEMPO VALIDO TE DIALUNA 04 DI JULI 2022, 18:00 ORA TEMPO: AWE ANOCHI: PARCIALMENTE NUBLA Y GENERALMENTE SECO DEN MARDUGA I MAYAN: PARCIALMENTE TE HOPI NUBLA CU UN AWACERO BREVE TEMPERATURA MAXIMO 33 GRADO CELSIUS TEMPERATURA MINIMO 27 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 35 PA 37 GRADO CELSIUS UV INDEX: 12 BAHADA DI SOLO : 7:09 PM SUBIDA DI SOLO : 6:19 AM. BIENTO: MODERA TE BASTA FUERTE FOR DI DIRECCIONAN OOST TE OOST- ZUIDOOST; FORSA 4 TE 5 (20 TE 39 KM/ORA, 11 TE 21 NUDO). DEN DIA FUERTE TE DURO DEN RAFAGA; FORSA 5 TE 6 (40 TE 61 KM/ORA, 22 TE 33 NUDO) SITUACION GENERAL DI TEMPO PA PROXIMO 24 ORA: DEN PROXIMO 24 ORA LO NO TIN DISTURBIO CU LO AFECTA WEER LOCAL. HUMEDAD DEN NIVELNAN MAS ABOU DI ATMOSFERA TA LIMITA. PA E MOTIBO AKI NO TA SPERA AWACERO DI IMPORTANCIA. CONDICIONAN MARITIMO/ ESTADO DI LAMA: NA PARTINAN PROTEJE DI COSTA: LEVE NA PARTINAN ZUID: MODERA NA PARTINAN OOST TE NOORDWEST DI COSTA: MODERA TE LOCALMENTE POCO BRUTO AVISO/ ALERTA: UN AVISO PA BOTO CHIKITO TA NA VIGOR... TA SUPLICA OCUPANTENAN DI BOTO CHIKITO PA EJERCE CAUTELA ESPECIALMENTE NA PARTINAN OOST TE NOORDWEST Y TAMBE RIBA LAMA GRANDI. FENOMENONAN SPECIAL: NINGUN TEMPO TROPICAL SIGNIFICANTE: NINGUN POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 32 / MIN 25 / 0.0 MM WESTPUNT: MAX 32 / MIN 26 / 0.3 MM STA ROSA: MAX 32 / MIN 26 / 0.1 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO BREVE. BIENTO LO TA FOR DI DIRECCION OOST I MODERA TE BASTA FUERTE; FUERTE TE POSIBLEMENTE DURO DEN RAFAGA; TEMPERATURA (GRADO CELSIUS) MAX / MIN LO TA: 33 / 27 DEPARTAMENTO METEOROLOGICO ARUBA DIADOMINGO 03 DI JULI 2022 17:00 (21:00 UTC)

Pagina 28

Dialuna 4 Juli 2022

Jaysi-ann, Princesa Pre-teen Model World y Pre -teen elegancia 2022

Durante fin di siman a tuma luga e certamen di beyesa internacional Pre teen World 2022 na Republica Dominicana.

e titulonan di Princesa Pre-teen Model World y Pre -teen elegancia 2022. Danki special pa su estelista y coach Allan Kock.

Aki Cas Princesa Aruba tawata representa pa Jaysi-ann Croes cu a haci un bunita papel representando su isla. Den e competencia, Jaysi-ann a logra

Danki na su welo, wela, mayornan, su ruman Jayleen Croes y Idris Boekhoudt pa su show di Talento. Tambe na Endy Croes pa su gala dress, cosi pa

Teresita Ortiz. Ronchi de Cuba pa su trahe special, coctail dress y trahe cultural, cosi pa Verena Lian. Na Teresita Ortiz pa tur su otro shimisnan. Un danki special na Tio Elmer Leanez pa e tur tips y training. Na tur famia y conoci cu a yuda e team di Cas Princesa Aruba. Cas Princesa Aruba ta invita tur mucha entre edadnan di 4 te cu 15 aña pa ta parti di nos certamen di 2022. Pa informacion por bishita e pagina di Facebook di Cas Princesa Aruba.

Pagina 29

Dialuna 4 Juli 2022

Chauffeur di Toyota Vitz a baha caminda na man drechi y a bay cay den Bubaliplas

Diadomingo mainta a drenta informe di un accidente banda di Bubaliplas, mesora a dirigi un patruya na e sitio.

Na yegada di e patruya a bin compronde cu e chauﬀeur pa un distraccion a baha caminda na man drechi y a bay

cay den Bubaliplas. Afortunadamente ningun hende a resulta herida.

Pagina 30

Dialuna 4 Juli 2022

FORTALEZA PA FAMIA.

Scirbi pa Pastor Marcel Balootje.

BO MESTER CELEBRA, ORA BO PROHIMO TA PROSPERA Por ta e ta zona hopi stranjo, of algo cu nunca bo no a tende, pero esaki ta demostra crecemento Spiritual y Social serca tur hende. E ta demostra karakter y sinceridad, e ta kibra cadena di envidia, y orguyo, y ta demostra calidad di bo persona. Hopi no por cu esey , pero locual cu nos ta avisa bo di dje , cu e asunto aki no ta di awe, pero for di principio di mundu,caminda Cain no tabata por cu crecemento di Abel, pasobra Abel tabata tin Señor na prome lugar, y tabata biba den obedencia na Dios, pero Cain no tabata asina . Ora un hende cu ta hunto cu bo wordo bendiciona di Dios den tur locual cu e ta haci, ta masha importante pa abo celebra, pasobra asina bo ta cumpli cu palabra di Dios cu ta bisa: Stima Dios riba tur cos y stima bo prohimo manera bo mes. Celebrando Victoria di bo prohimo bo ta acelera bo Victoria personal, pasobra Dios ta wak bo curazon. Tene cuenta cu con grandi bo prohimo su bendicion ta , toch Dios no a kita nada for di bo pa duna e , locual Dios tin pa abo ,ta pa abo e ta. Corda cu cada bes cu algo bon sosode ta Dios a hacie, pasobra tur cos bon ta bini di ariba,y mescos cu abo ta pidi na Dios bo prohimo tambe ta pidi, y no ta pasobra e no a bay mesun scol cu bo, e no ta pertenece na mesun organisacion spiritual of e no ta den bo grupo e no merece, pasobra Dios ta esun cu ta wak tur cos. Nos mester siña nos

yuinan esaki, cu nan tambe tin cu bin celebra Victoria di nan prohimo, ora nan mira cu di berdad ta Dios mes a habri porta pe,sin wak ken e ta, sin huzga dicon e si y ami no, pasobra den Marco Capitulo 9 vers 38 te cu 40 Hesus ta duna un splicacion cla bisando; Juan a bise, Maestro nos a mira un hende ta saca demoño den Bo nomber y nos a tahe , pasobra e no ta sigi nos. Ma Hesus a bisa no tahe, pasobra no tin ni un hende cu lo haci milager den Mi nomber y djis despues papia malo di Mi. Pasobra esun cu no ta contra nos ta cu nos. Aki nan nos ta mira e berdad cu nos tin di pasa over pa nos yiunan, den cual nos ta splicanan cu nos no tin di bringa, pleita, envidia, yena nos mes cu arogancia ora nos mira un otro persona triumfa, pasobra nos bendicion ta na caminda. E enemigo ta purba tur dia pa lanta division den cas, oficina, organisacion, ora bo tende con hende grandi expresa odio y rechaso contra otro, mesora tambe lo bo nota e falta di conocemento di Dios, pero locual ta tristo cu nan ta pase over, y asina otronan ta bin carga e mesun rabia, odio, capricho , pesey e ta para scirbi den e buki di Oseas Capitulo 4 vers 6+7: Mi pueblo ta wordo destrui pa falta di conocemento. Ora bo no por celebra e Victoria di bo prohimo, bo tin di baha bo curazon y arepenti. Sinceramente Pastor Marcel Balootje.

Un feliz siman colma cu bendicion di Dios na abundancia. Hesus a draai wak y ora El a mira e muhe El a bis’e:” Curashi , mi yiu, bo fe den Mi a cura bo”………(Mateo 9, 22) E muhe a pensa ”Mishi so mi mishi cu Su paña, mi ta cura” y el a acerca Hesus di atras y mishi cu un punta di Su paña. Pues, e muhe a reconoce Hesus como Señor (Hoseas2: 20) y sa cu ‘Señor ta scucha su oracionnan y cu Señor ta contesta su oracionnan’(Hoseas 2:21). E muhe a haci e acto di fe: mishi cu punta di Hesus Su paña y el a cura. E muhe a cura y Hesus a reconoce con grandi e fe di e muhe ta. E cabesante di snoa a reconoce Hesus como Señor y a pidi Hesus pa pone Su man ariba e yiu cu a caba di muri. Un acto di fe door di un tata pa su mesun yiu. Hesus a coge e man di e yiu y el a lanta para. Pa Dios nada ta imposibel. Nos tin cu practica nos fe pa por ricibi locual Dios kier duna nos. Oracion: Señor aumenta nos fe pa asina nos por ricibi, virtudnan, gracianan y donnan y sirbi Bo tambe. Amen

Pagina 31

Dialuna 4 Juli 2022

FORTALEZA PA FAMIA. Scirbi Pa pastor Marcel Balootje.

CAPRICHO TA HACI HENDE CIEGO no ta bon, bo ta na tempo. Siña bo yuinan haci oracion pa nan mes y pa bo, pasobra esey lo yuda boso den tur cos. Pone tur duresa di curazon un banda y busca arepentimento. No chansa cu pica, pasobra pa motibo di duresa di curazon, spiritonan impuro y deseo bergonsoso, lo drenta y domina bida.( Romanonan 1 vers 24).

Isaias capitulo 3 vers 9 ta bisa; E expresion riba nan cara ta testigua contra nan. Nan ta proclama pica manera Sodoma, nan no ta sconde. Ay di nan pasobra nan a trece maldad riba nan mes. E asunto di husto ta paga pa pecador no ta para scirbi den bijbel, locual si tin para scirbi ta: No gaña boso mes, Dios no ta laga ningun hende haci bofon di djE, pasobra loke un hende sembra esaki tambe lo e cosecha. Romanonan capttulo vers 12:5 ta bisa: Ma pa motibo di bo capricho y bo curazon cu no ta arepenti, bo ta montona furia pa bo mes de e dia di furia y revelacion di e huicio husto di Dios. Kende lo paga kada ken segun su obranan. A yega tempo pa den cada cas di famia, lanta e Codigo Corra contra maldad, inmoralidad, capricho y inhusticia. Pasobra nos hobennan mester ta na altura pa no participa den ningun clase di bagamunderia y no wordo ciega pa material No ta pornada ta para scirbi den Mateo tocante e maishi y e yerba shimaron, pa hen-

de tene cuenta, cu e enemigo a sembra yerba shimaron mey mey di maishi.

Tene cuenta cu den e ultimo temponan hopi lo cay for di Fe y door di paga atencion na spiritonan engañoso y doctrina di demoño ( 1 Timoteo 4 vers 1). Biba mas sera cu bo yuinan posibel, pa asina tin algo cu

Duresa di curazon ta pone

hende kere den felicidad falso, y rechasa e unico y berdadero Dios, cambia palabra, pensando cu asina por bira importante, pero nada di esey no ta wordo aproba pa Dios, pasobra hende curazon duro ta bira enemigo di Dios. Pesey laga nos esforsa mientras cu tin tempo ainda, y no solamente scucha pero tambe bira hacidor di e palabra , pasobra si nos scucha so sin tuma ningun decision den bida ta tempo perdi. A bira tempo pa cada un di nos tin Cristo Hesus na prome lugar den nos bida, cas y nos famia, pasobra hunto cu Cristo y den Cristo nos tin tur cos, lew for di Cristo nos no por nada. (Juan Capitulo15).

Y na kico bo ta conoce e yerba shimaron? Na prome lugar Engañoso, Rebelde,,Inmoral, Sin temor di Dios, Hacidor di Bofon di e palabra di Dios, Orguyoso, arogante y mas cu tur cos domina pa e malbado.(Galationan 5 vers 19-21). Pero tambe e palabra di Dios ta bisa cu huicio di Dios lo ta riba tur esnan cu ta coopera cu inmoralidad ( Mateo 13 vers 41+42),

Gradicimento / Invitacion Na nomber di esposa, yui nan, nieto y nieta nana, bisa nieto nan, nos kier a gradici tur cu a asisti na entiero di:

Kico mester haci como mayor den e tempo aki: Instrui bo yuinan den e caminda di Dios, demostra cu bo mes bida cu ta Señor bo ta sirbi. Haci oracion constantemente den bo cas pidiendo proteccion pa bo Famia pasobra aire ta yena cu maldad. Pordona otro mescos cu Dios a pordona boso y no kere den tur cos cu ta mustra bunita. Wak den ki tipo di amistad y entretenimiento bo yiunan ta particpa.

Roman Dominico Loopstok

Na rumannan, sobrino(a)nan y demas familiarnan, amistadnan y conocirnan cu a sostene nos den e momentonan dificil, un Danki di curason. Na e team di Aurora Funeral Home cu a ofrece nos un bon trato y servicio cu e entiero. Nos kier a invita boso pa asisti na Santo Sacrificio di misa na Misa Santa Filomena na Paradera dedica na nos defunto stima diadumingo 3 di Juli pa 5:30or di atardi dialuna 4 di Juli pa 7’or di anochi diamars 5 di Juli pa 7’or di amochi Diaranson 6 di Juli lo tin un santo rosario na piedra plat 57 Apa 7’or di anochi

Bo(so) presencia lo ta altamente aprecia.

Pagina 32

Dialuna 4 Juli 2022

Sopi di Letranan

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500