DIALUNA 4 SEPTEMBER 2023

Pag. 2

565-3232

Ola Tropical direccion

Caribe no ta menasa pa

Aruba: por kita biento si

Turistanan perdi cu waverunner

A HAYA YIU, NO A HAYA SU TATA

CAFT: PA PROME VES DESDE 2008

ARUBA TA CUMINZA PAGA DEBE

NA 2023

NOAA a subi pronostico pa horcan Atlantico pa 60% “mas halto cu normal”

premirando 11 horcan

TEAM DI ARESTO A DRENTA

APARTAMENTO UNDA

UN HOMBER TABATA TIN

SU PAREHA MALTRATA Y SECUESTRA

CASA Y CU UN YUI

MUHE, ASINA TA E

MISS UNIVERSO NOBO

DI COLOMBIA 2023

CAMILA AVELLA

WHO ta alerta pa un ola nobo di covid-19

Caft: Pa prome ves desde 2008 Aruba ta cuminza paga debe na 2023

Den un reciente conseho di CAFT riba e presupuesto di 2024 di pais Aruba, nan a cera cu un conclucion: “Pa prome biaha desde 2008, pago di e debe lo wordo haci segun e presupuesto, for di 2023, loke ta nifica cu e debe ta bahando constantemente. Esaki, ademas di cresemento economico (efecto denominador), ta benefisioso pa desaroyo di e debe.

“Voor het eerst sinds 2008, zal conform de Ontwerp Begrotong vanaf 2023 schuldaflossing plaatsvinden waardoor de nominale schuld gestaag daalt. Dit is, naast economische groei (noemereffect), gunstig

voor de ontwikkeling van de schuldquote.”

Esaki ta un significacion importante, unda Caft cu ta encarga cu supervision a confirma cu pa 2023, debe di pais Aruba no a crece, pero lo wordo reduci. Cu e escrito aki tambe Caft ta confirma cu e ultimo gobierno cu e goberna cu resultado positivo tabata gobierno di Mep, Gabinete Nel Oduber 4, cu na 2008 tambe a sobra placa pa reduci debe.

Esaki no ta un trabao facil, pesey mester duna credito na Minister Xiomara Maduro y su team di profesionalnan cu ta trahando incansablemente pa rescata Aruba.

Ola Tropical direccion Caribe no ta menasa pa Aruba: por kita biento si !

Atlantico Oriental y central (Al95):

Un ola tropical cu ta situa riba Atlantico ta produciendo actividad desorganiza di awa y tormentanan electrico na na sur di e islanan di Cabo Verde.

Condicionnan di medio ambiente ta propicio pa un cierto desaroyo gradual di e sistema pa mei mei di otro siman y ta probable cu un depresion tropical lo forma mientras e ta move west pa west-nordwest na 15 pa 20 mph riba e parti oriental y central di Atlantico tropical.

• Posibilidad di formacion pa 48 ora… abou…30 porciento

• Posibilidad di formaxion pa 7 dia…halto 70 porciento

Menu pa lunch

Dialuna 4 September

---Chicken cutlet

okès secret sauce , yellow rice, green salad, Dutch potato

--Steak with caramelized onions

yellow rice, dutch potato, green salad

--Rabo di baca/ oxtail

yellow rice,banana hasa, funchi, green salad

--Bacalao

yellow rice, banana hasa, pampuna, green salad

--Porkchop, balchi pisca. size grandi of chikito

Nos ta warda bo na Okè take away.. Come dushi come bon! Cayente Y rapidoooo 565-3232

11:00 am - 3:00 pm

Merca a reitera cu nan lo kita sancion contra Maduro a cambio di eleccion liber

Turistanan perdi cu waverunner A haya yiu, no a haya su tata

Diabierna atardi a drenta informe di cu turista lo tin problema riba waverunner na Eagle Beach. Mesora a dirigi polis, polis helicopter, kustwacht y ambulans na e sitio.

Na yegada di e patruya a bin compronde cu dos turista cu ta tata y yui, a bai trip cu waverunner pa conoce e miho playa den caribe y dos di mundo, unda algo a bai robes cu nanwaverunner cu nan no por a drenta bek.

Despues e yui di un of otro forma a logra bula afo y bati alarma.

Polis nan a mobilisa helicopter y boto asina busca rond. Tambe kustwacht a bai pa yuda busca unda e tata y waverunner ta mirando esaki a sigui move cu e waverunner bai afo. Te awo no a logra haya tata. Ambulans a bin presente pa checkeo medico pa e yiu.

WHO ta alerta pa un ola nobo di covid-19

Juan González, asesor di presidente di Merca Joe Biden, durante declaracionnan ofrece na “DW” a asegura e dialoganan cu ta tumando lugar cu e gobierno di Nicolas Maduro y a reitera e proposicion pa lanta e sanccionnan na cambio di eleccion liber y husto na Venezuela.

E enfoque principal, segun González, ta pa apoya e Plataforma Unitaria, cu a presenta un calendario electoral sensato. El a destaca e reconocimento di e legitimidad di e Asamblea Nacional elegi na 2015, subrayando cu, aunke su estructura a cambia, nan ta sigui consider’e un voz valido tanto legal como políticamente, segun e video entrevista publica pa Alberto News.

Gonzalez a splica cu Merca ta mantene combersacio y colaboracion cu representantenan di Nicolas Maduro den asuntunan spesifico. El a insisti cu su enfoque principal ta “apoya e esfuersonan di e Plataforma Unitaria, cu a presenta un calendario electoral hopi sensato y pragmatico”.

“Nos mester compronde e oposicion venezolano.

Ta manera si e democratnan na Merxa y e republicanonan mester traha hunto, contra un ruptura den democracia di e pais. Nos ta 100% na fabor di e venezolanonan cu kier democracia den nan pais”, el a agrega.

Entre 31 di juli y 27 di augustus, MAS di 1.4 miyon caso nobo di covid-19 a wordo notifica na e Organizacion Mundial di Salud (WHO), cu ta un aumento di 38% compara cu 28 dia prome, segun un informe cu e organismo a publica diabierna. E aumento mas grandi di infeccion nobo a tuma luga den e Mediteraneo Oriental (+113 %), siguí pa e Pacifico Occidental (+52 %) y e region europeo (+39 %). Ademas, Sur Korea ta e pais ku mas kaso nobo, ku un total di mas di un miyon 1.296.710.

Sinembargo, e agensia di Naciones Unidas a indica cu e casonan notifica no ta representa e cantidat exacto di e infeccionnan debi na e reduccion di e testnan y den nan registro mundialmente, den e periodo menciona 92 pais a notifica por lo menos un caso.

Na mes momento, WHO ta indica cu durante e mesun periodo di tempo, a registra mil 800 morto pa coronavirus,

representando un disminucion di 50 %. Sur korea ta e pais cu mas morto pa motibo di e malesa aki, cu 596 morto.

E Organisacion Mundial di Salud ta atribui e ola nobo di covid-19 na e variante Eris, cu ta awor e mas esun cu mas a plama, ya cu durante e di dos siman di luna di Augustus a ser detecta den 26% di e Eris, contra 22,7% di e variante Arturo.

Dos siman pasa WHO a anunsia cu a cuminza vigila un variante nobo di e vírùs,

ba.2.86. E Centro mericano pa Control y Prevencion di Malesa a bisa cu ya caba a detecta esaki den e pais mericano, Den Dinamarca y Israel.

E coronavirus nobo, bautiza COMO SARSCoV-2, a wordo detecta pa prome biaha na Wuhan (China) na fin di 2019, y a declara un pandemia na maart di e aña siguiente. For di e tempo ey, a conta mas cu 770 miyon caso y mas cu 6.9 miyon morto pa motibu di e malesa cu e ta produci.

Ephrem J a dal su fanatico cu microphono despues di a haya un splash di awa

Den un fiesta Latina na Curaçao Airport Venue diasabra anochi a sosde un situacion inespera cu a hera di sali for di man.

Durante presentacion di cantante yiu di Corsow Ephrem J, un fanatico (fastioso) a muh’e cu awa. E artista a rabia te perde cabes y a overreact y saca su microphono cu tur su forsa manda riba su fanatico den pleno show.

Esaki a produci un avalancha di reaccion sweet & sour.

Realmente bo lo no spera un actitud asina di un artista y ta mustra cu Ephrem J tin problema di controla su emocion. Tabatin mil y un otro forma pa deal cu e situacion.

E organisadornan tambe ta laga di desea dor di no pone seguridad na stage pa cuida e artistanan.

Actonan asina por a termina e concierto den pelea formal y hasta kisas mas peor

Tata perdi cu waverunner ta lamentabel y ta laga hopi pregunta

Relaciona cu e caso cu a sosode diabierna, unda un tata cu yiu turista a huur un waverunner y e tata a perde, mester bisa cu e caso ta uno lamentabel.

Alaves e caso ta laga hopi pregunta:

E tata no tabatin un vest, cu normalmente nan ta bisti ora di huur e aparatonan ey?

Segun por compronde cu e compania di waverunner tin security riba lama cu ta vigila di lew tur movecion di e turista.

Tin of no tin vigilancia?

Sea loke sea cu por a pasa, e vest lo keda riba awa! E caso ta laga hopi duda atras ta kico realmente a pasa of kico ta e intencion.

Por ta un acto planea pa cu otro meta?

Ta rekeri un investigacion profundo di autoridad di Aruba y di Merca pa determina kico por tin tras di e sucedido aki.

Señora a subi rotonde Tanki Flip kibra auto

Diasabra atardi un señora tras di stuur di un kia a perde control y a subi e acera di e rotonde y dal den e muraya y subi e rotonde. E auto a keda pega riba e

rotonde, debi na e impacto e señora a sinti dolornan na curpa, polis tabata presente pa tuma dato y ambulance a keda pidi pa atende cu e señora.

AuTo TA pegA

cAndelA nA ShiribAnA

Shiribana - Diasabra anochi den careda di 7:30 brandweer y polis a sali direccion Shiribana, unda tawata tin un auto na candela.

Na yegada di polis nan lo a papia cu e doño, y esaki lo tawata pasa parse poco confundi.

Brandweer na su yegada no tawata tin mucho trabou directamente, debi cu algun habitante lo a yuda bastante pagando e candela di auto, evitando e pega e cas. E auto segun cu nos a compronde un Camaro tawata cerca di e cas staciona.

Locual cu aparentemente a sosode

Informacion ricibi na sitio

ta bisa cu e doño lo tawata "trahando" ariba e auto y tawata rev esaki.

Dado momento pa un of otro motibo chispa lo bula di e muffler y debi cu e tanki di gasolin ta cerca y kizas tin un leak esaki a pega candela.

Lo a keda di pidi pa ambulance pa haci un check up.

Polis na e sitio a tuma dato di e incidente aki.

NOAA a subi pronostico pa horcan Atlantico pa 60% “mas halto cu normal” premirando 11 horcan

Administracion Nacional Oceanico y Atmosferico di Merca awor ta kere cu tin un probabilidad di 60% unda e temporada di horcan Atlantico lo presenta un nivel di actividad “above normal”. Ta spera cu lo tin entre 14 y 21 tormenta tropical nombra y te cu 11 horcan.

E aña aki, 10 di augustus, e Administracion Nacional Oceanico y Atmosferico (NOAA) di Merca a publica un buletin nobo cu su prediccionnan pa e temporada di horcan Atlantico di e aña aki. Segun su ultimo datonan, ta bira mas y mas probabel cu e temporada aki, cu lo bay te fin di november, lo tin un nivel di actividad mas halto cu normal.

E ULTIMO update di NOAA tabata na mei di e aña aki y na e momento ey nan a afirma cu tabatin un probabilidad di 30% cu e temporada di horcan lo tabatin un nivel di actividad “above normal”. E ultimo boletin di 10 di augustus, e entidad a informa den un comunicado, ta indica cu e probabilidad awor ta 60 %.

Ademas, a determina cu e probabilidad cu tin un aktividad serca di normal a baha na 25%, compara ku 40% na mei. “E update nobo aki ta duna Atlantico un chens di 15% pa mira un temporada “bajo normal”, NOAA a agrega.

“E factornan climatico principal cu ta spera di influencia e actividad di horcan di Atlantico 2023 ta El Niño y e situacion cayente di e Oscilacion Multidecenal di Atlantico, incluyendo e temperaturanan record di superficie di lama Atlantico”, Matthew

Rosencrans, e meteorólogo principal di e temporada di horcan di e Centro di Prediccion Climatico di NOAA, a splica den e comunicado. “Teniendo na cuenta e factornan aki, e perspectivanan actualisa ta mustra mas actividad, pa cual nos tur ta urgi pa prepara awor pa e continuacion di e temporada”.

Te na e momento aki, e entidad mericano ta pronostica cu lo tin entre 14 y 21 tormenta cu nomber (biento di 62 kilometer pa ora of mas), di cual entre 6 y 11 lo por bira horcan (biento di 119 km/h of mas). Di nan, 2 te 5 por bira horcan di gran intensidad (biento di 179 km/h of mas).

Normalmente un temporada di horcan “promedio” ta produsí 14 tormenta cu ta haya nomber, di cual 7 ta bira horcan, incluyendo 3 horcan grandi. Te awor, a registra 5 tormenta tropikal, incluyendo 1 cu a bira horcan.

Meteorologonan di NOAA ta kere cu “ta probable cu e condicionnan oceanico y atmosferico actual, manera e temperaturanan

record di superficie di laman Den Atlantico, ta contrasta e condicionnan atmosferico habitualmente limita asocia cu e fenomeno

actual di El Niño”, e comunicado a indica.

MINISTER ENDY CROES TA FELICITA SRA. AMALIN

FLANEGIN COMO PROCURADOR GENERAL DI MINISTERIO PUBLICO DI ARUBA

D: Diabierno ultimo, a tuma luga huramentacion di Sra. Amalin de Lelis Altagracia

Cresencia Flanegin na Cas Ceremonial. Sra. Flanegin a huramenta como

procurador general nobo di Ministerio Publico di Aruba, den presencia di Su Excelencia Gobernador di Aruba Alfonso Boekhoudt. Den e ocasion aki, Minister di Enseñansa y Deporte Endy Croes a representa

colega Minister Rocco Tjon.

Tambe presente durante e huramentacion di Sra. Flanegin tabata Presidente di Corte Comun di Husticia Sr. Mauritsz de Kort.

Minister Endy Croes ta felicita Sra. Flanegin cu su posicion como procurador general di Ministerio Publico di Aruba y ta desea Sra. Flanegin hopi exito den su funcion nobo!

Diasabra merdia a drenta informe di cu un homber tin su pareha maltrata y secuestra na Santa Cruz, mesora a dirigi patruyanan na e sitio. Na yegada di e patruya a nota cu e situacion ta serio pasobra e homber no kier a sali y no kier a laga e dama sali tampoco esey a haci cu mester a recuri na e Team di Aresto pa asina drenta e cas mesora y controla e homber y rescata e dama teni como rehen.

Na yegada di e Team di aresto mesora a kibra drenta den e apartamento y a sali di biaha cu e dama rehen, mientras a manda e homber plat abao y a boei e. Nan a sali cu e homber cabes abao y a pon'e den

e vehiculo di transporte unda mesora a hib'e deteni na warda di polis Santa Cruz. Tanto recherche como e investigadornan

technico y forensyco a presenta pa e investigacion y recolecta e evidencianan den e apartamento.

Team di aresto a kibra drenta apartamento unda un homber tabata tin su pareha maltrata y secuestra

MADURO DI FINANSA A ENTREGA PRESUPUESTO 2024 NA PARLAMENTO*

Despues di 15 aña ta entrega presupuesto 2023 y 2024 na tempo

Hek cu ta Griffier di Parlamento.

*Presupuesto entrega na tempo*

Ta di dos biaha despues di 15 aña cu un presupuesto di Pais Aruba ta wordo entrega na tempo na Parlamento di Aruba conforme articulo V.12 di nos Constiticion. Esaki ta importante ya cu ta acentua e diciplina cu tur Gobierno mester tin pa brinda espacio suficiente na Parlamento pa por trata e Ley mas importante pa gobernacion di Pais Aruba, cual ta Presupuesto di Pais Aruba.

*Un surplus di 70 miyon*

Riba diabierna dia 1 di september, Minister Maduro di Finansa compaña pa sra. Koolman Secretario di Conseho di Minister, Director sr. Werleman y Hefe di seccion di presupuesto sra. Kock di Departamento di Finansa, a entrega Presupuesto 2024 na Presidente di Parlamento, sr. Edgar Vrolijk den presencia di sr.

Presupuesto 2024 ta conta cu un surplus di 70 miyon florin y esaki ta di dos biaha despues di hopi aña cu Pais Aruba ta conoce un presupuesto cu un surplus. Na aña 2019 tabata e ultimo biaha cu Aruba a conoce surplus despues cu pa 12 aña largo nos Pais a conoce solamente deficit y debe halto na man di Gabinete Eman. Den añanan 2020, 2021 y 2022,

Aruba a conoce un deficit debi na e pandemia. Sinembargo Gobierno a percura pa cada aña baha e deficit mas cu por y awo despues di 3 aña por a logra entrega presupuestonan tras di otro cu un surplus den Presupuesto 2023 y Presupuesto 2024.

*Trabou di ekipo na bienestar di

Aruba*

Minister di Finansa ta gradici colega Ministernan di Gabinete Wever-Croes hunto cu nan ekipo pa tur trabou cu a wordo haci pa asina Presupuesto 2024 por a wordo entrega na tempo. E mandatario ta gradici specialmente e ekipo di Departamento di Finansa cu a lidera e trabounan importante aki na bienestar di Aruba.

Casa y cu un yui muhe, asina ta e Miss Universo nobo di Colombia 2023 Camila Avella

E corona a ser entregá dor di e último representante di Colombia na Miss Universo, María Fernanda Aristizábal.Asistentenan na Centro di Convencion Puerta De Oro na Barranquilla a testigo di e anochi di coronacion di Miss Universo Colombia 2023. E representante di Casanare, María Camila Avella, tabata esun cu a keda cu e corona despues di a ser considera pa e hurado komo e muher mas destaca.

María Camila, di 27 aña, ta un comunicadora sosial y periodista y tambe un modelo profesional.

E tabata e prome aspirante na e titulo di Miss Universo Colombia siendo mama y esposa, segun e reglanan nobo di Miss Universo den cual ya ta permiti pa hende muhe casa, divorcia y cu yiu por participa.

E ta casa for di 2020 cu empresario di textiel Nassif Kamle y ta mama di Amelia, di dos aña.

Atracador riba joyeria a yega riba brommer y bay riba brandcard den ambulance

Diasabra merdia a sosode un atraco riba un joyeria den Punda, na Curacao. E atracadornan a yega riba brommer, drenta paden, causa destruccion y coy

joyas di e joyeria. Na nan salida pueblo a cuminza chase e homber, te cu nan a mande vloer y pa cual ta ambulance mester a bin buske.

Homber sin rijbewijs debi cu polis a kite luna atras haya bebi tras di stuur

Diasabra anochi patruya di Oranjestad atento riba caya a tuma nota riba Caya Ernesto Petronia Ponton pa rotonde WVB un hyundai elantra coriendo basta

malo riba caminda y di biaha a duna e chauffeur señal pa para.

Net dilanti di bow bow bar e chauffeur a para y e oficialnan a bay atende cu e homber, a constata cu e homber ta basta bebi cu en por ni para riba su pia, momento cu oficialnan a puntre pa su rijbewijs e no por a demostra esaki.

Ya cu algun luna atras su rijbewijs a keda kita pa Polis bou orden di hues debi cu a surpasa e limite, y awor aki e homber a keda gara ta core auto burachi y sin rijbewijs.

El a keda deteni y hiba pa warda di Polis.

Chaco Taekwondo Academy a sali Best Team den Ultimate Taekwondo Cup

Diasabra ultimo Brazil Taekwondo Stichting a organisa Ultimate Taekwondo Cup patrocina pa Banco di Caribe den Centro di Bario Brazil.

Ultimate Taekwondo Cup tabata e ultimo clasifica-

cion pa Best of the Best Truescore 2023 Aruba.

Chaco Taekwondo Academy bou guia di Master Miguel Genser, Master Melvin Rasmijn y Master Yoshmar Wever a set un record di Best

Team. Esaki ta e di 4 biaha consecutivo cu Chaco Taekwondo Academy ta sali Best Team.

Chaco Taekwondo Academy ta e scol di Taekwondo den area di Noord cu ta train na Scol Basico Ku-

dawecha tur Dialuna, Diaranson y Diabierna for di 5:30 te cu 6:15 di atardi pa e chikito y hobennan 4-17 aña.

Brazil Taekwondo Stichting ta felicita tur scol cu a participa den Ultimate

Taekwondo Cup y Chaco Taekwondo Academy cu nan di 4 Best Team.

Otro siman lo anuncia e team di Aruba pa Best of the Best Truescore 2023 Aruba.

Team Pegasus Aruba awo un realidad

Garmin. Es mas riba diasabra e team ta core y ta asisti e coredor cu Waterpost unda cu ta invita diferente grupo pa core cu nan. Segun e team seguridad di Aruba su coredor ta primordial, sigur den e oranan di marduga. Team Pegasus Aruba ta haya guia personal di Coach William Diaz. Coach William Diaz ta un coach Internacional y tin varios atleta bou di su guia na diferente parti di mundo. Na Aruba mes William Diaz ta conta cu 45 atleta. Coach William tin varios competencia bou di su nomber tambe manera Betico Croes Run, Boulevard loop, International

Half marathon y Banana Race pa menciona algun.

Team ta oficial tin hopi plan grandi riba mesa pa su coredornan.

Team Pegasus Aruba su directiva ta consisti di:

Presidente: Sra Anecy Toussaint

Secretaria: Sra Shohaira Barnes da Silva

Tesorero: Sr Ferdinand Curiel Coach: Sr. William Diaz

Diabierna prome di september 2023 Team Pegasus Aruba ta keda funda oficialmente door di Notario Yarzagaray. For di nan salida aña pasa Team

Pegasus ta trece cambio moderno y unico na e forma di core na Aruba.

Obstante ta traha na un manera digital y personalisa riba nan

E mes ta masha orguyoso di por yuda asina hopi coredor mehora nan mes y awo cu su

Accion di AVP den Dakota a laga e bario limpi y lanta gobierno fo’i soño

e saco y laga e sushi pafo riba e fecha cu lo pasa recog’e.

E di dos parti ta esun cu a sosode diasabra 2 y diadomingo 3 di september, caminda rond di 20 pickup a pasa piki nan pa hiba y tira den bakinan di sushi cu compania a pone disponibel como sosten pa e accion comunitario, algo cu Eman ta hopi contento pasobra e comunidad tabatin mester di dje.

E fin di siman aki Partido di Pueblo Arubano AVP a tene su prome accion di Common Good in the Neighborhood caminda e bario beneficia tabata Dakota. Un grupo di entre 50 pa 60 boluntario consistiendo di liderazgo, candidato, miembro y activista di e partido a

recore cayanan di Dakota pa recoge e sushi acumula cu tabata afecta e bario.

Lider di AVP, mr. Mike Eman a splica cu e proyecto ta consisti di dos fase.

E prome den cual a pasa bishita e habitante durante diferente atardi lagando atras saco di sushi y informacion pa laga haci uzo di

“Bo ta mira cu berdad a cera dump; dump tabata semper un problema, pero djis cera dump y no percura pa un alternativa cu ta pagabel, ta conduci cu ta acumula sushi den cura di cas pasobra nan no tin e fondo pa paga. Por ta pa comercio si, pero pa un famia no,” asina e lider politico a splica, añadiendo cu basa riba loke nan a mira, por bisa cu tin un crisis nacional acumulacion di sushi den bariuonan pa motibo cu dump ta sera y no tin un alternativa pagabel pa pueblo. Loke AVP ta contento cu ne ta cu desde cu a anuncia e programa aki, Minister Ursell Arends a lanta fo’i soño y ripara cu el a haci un desaster pa higiena y medio ambiente. “Cu awo gobierno ta core pone baki disponibel den bario ora a mira e anuncio di AVP, ta aplaudi. Ta spera cu nan lo ta consistente si,” Eman a señala. Mientrastanto Common Good in your Neighborhood cu e biaha aki a haci limpieza, den otro oportunidad lo cubri otro necesidad di e comunidad.

“Esaki ta loke gobierno a haci; a cera dump di Parkietenbos y a habri e dump Aruba,” asina candidato y ex-parlamentario Marlon Sneek a declara. A

splica cu e tabata un decision ad hoc y p’esey ta sinti e necesidad di sali y yuda pueblo. Despues di tur aumento cu a conoce den necesidadnan basico, pueblo no ta compronde di unda gobierno ta kere cu lo por bay saca pa paga pa benta sushi afo tambe. Wendrick Cecilia y Clifford Heyliger tambe a forma parti di e accion di e fin di siman y a describi esaki como uno cu ta brinda speransa y inspira nos comunidad riba e echo cu tin un ruta alternativo y cu tin un vision pa gobernacion den partido AVP cu e bon comun. “Gobernacion kier men atende cu e necesidad di pueblo. Nos tin awe un gobernacion di MEP-RAIZ cu no sa con pa haci esey,” asina e hoben politico Cicilia a duna di conoce. Di su banda,

Clifford Heiliger a indica cu AVP lo sigui mustra con si por. Otro miembronan di partido cu por a mira activo den e accion aki di BON COMUN den bario ta Arthur Dowers, Benny Sevinger, Mervin Wyatt Ras, Conny Conner y Junior Croes.

Mike Eman a gradici tur companianan di baki y boluntario cu a haci e accion posibel y ta continua diadomingo den su di dos unda cu ta pone bakinan dilanti di Centro di Bario y Deporte Dakota pa sigui cubri e area panort cu ta bay te Tarabana. Por a mira cu e lider di partido Mike Eman tabata worde ricibi cu hopi brasa di apoyo den Dakota, lociual ta mustra e deseo di pueblo pa un liderazgo atrobe cu ta ta mira y sinti e nececidad di Pueblo.

Homber lo mester a topa un dama; pero ta wordo atraca pa 6 hoben arma

Papilon - Diasabra anochi laat ya yegando mey anochi polis a bay un adres na Papilon, unda cu un persona lo a wordo atraca.

Mucho informacion no tin di exactamente con e atraco aki a tuma luga y/ of e sitio.

Na nos yegada unda cu supuestamente e atraco a tuma luga tawata tin un auto blauw staciona, e auto posiblemente ta di e

victima. Informacion oficial di parti autoridad ta bisa cu, un hende homber lo mester a bay topa un dama den e Papilon. Pakiko no ta conoci.

Aki ta unda cu e homber aki a wordo sorprendi door di seis hoben, unda cu nan ta atrak'e. E grupo aki tawata tin cuchiu den nan poder y a usa esaki pa menasa e victima y kita su cellular y tambe a bay of a

trata di bay cu e bateria di su auto.

E homber den susto a core bay un cas eybanda pa bati alarma.

Agentenan cu a yega prome a pidi pa notifica e departamentonan concerni manera Atraco Team y tambe e team di Tecnico pa compila mas vingerafdruk posibel.

Na final di investigacio e team a laga confisca e vehiculo pa mas investigacion.

SABIDURIA DEN NOS ALEGRIA

Skirbi pa Ruthy”Lady Ruth” Vrieswijk-Bergen

Y asina nos dushi bario di Dakota tur dia a tuma despedida di e curpa di Sr. Albert Etienne Lake, mihor conosi como Ali ( RIP). Un Diabierna anochi na Centro di Bario Dakota completamente yen di famia, amigo, deportistanan, futbolistanan y conosirnan y Diasabra atardi na Misa Birgen di Fatima na Dakota. Un rij atrobe hopi largo para wardando nan beurt pa drenta Misa pa expresa nan palabranan di condolencia na famianan di Ali. Un gran deportista, un gran baluarte. Un Dakotero di curason. Dakota ta conosi pa su dushi hendenan multicultural di tur parti di mundo.

Dakota ta manera un “Nacionnan Uni chikito” “United Nations”. Bibando cu otro den paz y trankilidad. Cu amor y respet. Ki bunita tawata pa tende Erick “Ricky” Lake canta e cancion cu e ta gusta canta den Misa cu ta duna tur presente “Kippenvel” cu su bunita stem. Ki bunita e coro a canta, anto cu dushi musica di trompet toca pa Pastor Jairo.

Famia Lake ta grandi y bon conosi pa hopi rond di Aruba. Un dushi famia trankil y hopi inspira. Lady Ruth ta conose nan

tur, y esnan cu mas e conose ta Ruby, Ellen, Ricky, Glenroy , Osmar y Ali. Nan tur ta “streanan ilumina “ di nos dushi bario Dakota tur dia. Ta normal pa topa hopi amigo y amiganan na un entierro, ora bo ta biba uni den bo bario. Bo ta uni den e tristeza pa un rato na Misa y despues bo ta topa un rato pa reflexiona di bida durante “laba man” na Hong Dakota Take Away of na Town Dragon. Lady Ruth a bay hunto cu su tia Veneranda y su amiga Sonia na Town Dragon y a topa cu Gerda, Shirley, Netto, Kado y Edsel, djies pa menciona algun.

Nos por a combersa un rato y intercambia di idea cu Netto, encuanto con e prome dia di e “think commongood in your neighborhood “ a bay den nos bario Dakota tur dia. Tawata den oranan di merdia tempran ora nos a pasa un rato banda di Plaza John Wowo, mirando un grupo basta grandi di voluntarionan tumando nan break cu algo dushi di come y bebe, relaha un crenchi y of prepara pa sigui cu e bon trabao di voluntario pa piki sushi den varios di e cayanan di Dakota. Y despues mas atardi nos a topa cu varios di nan tambe den Town

Dragon tumando un cerbes bon friuw pa baha e calor un crenchi, pasobra solo ta hopi cayente. Nan lema ta :” Together we rise, together we strife: Building common good in your neighborhood”. Ora nos a pasa banda di e terreno antes Bouwmaatschappij, tur e baki grandinan tawata rand rand di sushi, yen te bolter over. Un di e voluntarionan e expresa na nos, cu, nan no ta contra seramento di “dump”, pero mester pone bakinan grandi den e barionan pa comunidad por benta nan sushinan afor. Cu na cuminsamento lo tin hopi sushi, pero ora mayoria ta benta afor, e cantidad lo baha y ta ariba un nivel normal. E no ta sona malo noh ? Nos a pidi amiga Gerda yuda nos pone e placa den e “Music box” na Town Dragon y pone musica di Bob Marley, pasobra ta vallenato ta skeiro eyden. Un dushi ambiente cu bo amigo y amiganan di bo bario. Danki Veny y Sonia pa e compania y danki na nos bon amigo y bisinja cabayero Cado pa a manda nos treat di un chill bon friuw varios biaha . Nos a bebe chill te cu nos no tawata por mas. Y tambe danki pa e treat di e dushi croket y lumpia. Nos ta manda palabranan di condolencia, consuelo y amor na famianan, amigonan y conosirnan di Ali Lake, specialmente na su bunita sra.esposa Editha, y na su yuinan Joally, Albert “Abi” y Brian y na e nietonan. Y nos ta manda palabranan di gradicimento na tur e voluntarionan cu a participa y yuda cu e limpieza den nos dushi bario di Dakota tur dia. Danki pa lesa nos relato cu atencion y danki

pa e bon comentarionan ricibi pa cu e relato di siman pasa y pa cu e poema dedica na miembronan di

prensa

TEMPO VALIDO TE DIALUNA 04 DI SEPTEMBER 2023, 18:00 ORA

TEMPO: AWE TARDI Y AWE NOCHI: PARCIALMENTE NUBLA Y GENERALMENTE SECO DEN MARDUGA Y MAYAN: PARCIALMENTE NUBLA CU UN AWACERO BREVE

TEMPERATURA MAXIMO 34 GRADO CELSIUS TEMPERATURA MINIMO 28 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 35 PA 44 GRADO CELSIUS UV INDEX: 12

TORMENTA TROPICAL KATIA TA SITUA DEN ATLANTICO

CENTRAL NA CASI 1500 KM NOORDWEST DI ISLANAN CABO VERDE Y TA MOVIENDO NOORDWEST. KATIA NO TA DI IMPORTANCIA PA CARIBE.

UN OLA TROPICAL TA SITUA ZUIDWEST DI ISLANAN CABO VERDE TIN UN CHANCE MEDIO GRANDI DI SIGUI DESAROYA DEN PROXIMO 48 ORA Y GRANDI DEN PROXIMO 7 DIA Y BIRA UN CYCLON TROPICAL

POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR TA DIFERENTE.

REGISTRACION DI TEMPERATURA (GRADO CELSIUS) Y

AWACERO (MM) DEN ULTIMO 24 ORA (8’AM PA

8’AM):

PRONOSTICO DI TEMPO PA PROXIMO 3 DIANAN:

PARCIALMENTE NUBLA CU UN AWACERO BREVE. BIENTO LO TA FOR DI DIRECCION OOST Y MODERA TE BASTA FUERTE, FUERTE TE POSIBLEMENTE DURO DEN RAFAGA.

TEMPERATURA (GRADO CELSIUS)

MAX / MIN LO TA: 34 / 28

riba Dia di Prensa, cu tawata prome di September. Un bearhug pa bosonan tur !

Minister Endy Croes:

LIRAYSA PONSON A HACI UN INVESTIGACION TOCANTE

E STUDIATENAN CU NO TA REGRESA ARUBA DESPUES DI

FINALISA NAN ESTUDIO NA HULANDA

ORANJESTAD: Recientemente, Minister Endy Croes a reuni cu Sra. Liraysa Ponson y Sr. Gregorio Tromp. Sra. Ponson tabata un studiante na Universidad di Aruba, Faculty of Hospitality and Tourism Management Studies. Den e etapa final di su estudio el a haci un investigacion pa su tesis. E titulo di e tesis ta“Factors related with the choice to move back to Aruba once graduated”. Manera ta conoci, Aruba ta brinda e studiantenan e oportunidad unico pa continua cu nan estudio avansa den exterior na, entre otro, Hulanda. E deseo ta pa una bes e studiantenan termina nan estudio re -

gresa Aruba bek cu nan diploma, conocemento y experencia pa asina contribui na progreso y desaroyo di nos pais. Lamentablemente, tin studiante no ta finalisa nan estudio of no ta regresa Aruba. Esaki ta significa cu Aruba no ta beneficia di e conocemento y experticio di e studiantenan aki.

E investigacion di Liraysa su tesis ta basa riba e factornan cu ta hunga un rol cu e studiantenan no ta scoge pa regresa Aruba despues di a finalisa nan estudio. E investigacion ta brinda conseho y/ of sugerencia con pa atrae e studiantenan bek na Aruba, pa asina nan por sigui contribui cu e desaroyo di

nos pais. Liraysa a entrevista trinta (30) studiante cu ta bibando y studiando na Hulanda. Loke cu a resalta di e investigacion ta e factornan cu ta atrae e studiantenan pa regresa Aruba ta, entre otro, oportunidad pa trabou, famiay amistadnan incentiva, sentido di responsabilidad na cas y den sociedad, cultura y balor, experencia obteni door di a studia den exterior, clima y desaroyo di un pais. E motibonan dicon hopi studiante no ta regresa Aruba ta paso nan no ta wak oportunidad pa sigui crece y desaroya den nan carera y no ta ricibi e salario cu nan merece. Conseho con pa atrae e studiantenan pa regresa

Aruba bek ta, entre otro, mas oportunidad pa trabou, inverti den enseñansa, mas opcion di estudio na Aruba, menos corupcion y faboritismo den nos sistema gubernamental.

Pa conclui, Minister Endy

Croes ta gradici Liraysa pa su bishita, su dedicacion na e estudio y pa e recomendacionnan, alabes ta desea Liraysa hopi exito cu su Master’s Degree den Organization Studies na universidad di Tilburg na Hulanda.

E caminata di 5 kilometer di FAVI Walk with a Vision ta den ful preparacion y nos kier pa tur fiel canador, deportista y comunidad di Aruba bin participa na nos caminata.

E caminata lo tuma lugar riba diadomingo 15 di Oktober 2023.

Un dia masha special pa nos, mirando cu e fecha aki ta e dia internacional di e garoti blanco strepi

cora. FAVI kier a invita tur hende pa cumpra nan ticket trempan of reserva esun di bo via nos number di whatsapp 5609225.

Prijs pa ticket lo ta solamente AWG 10,- y lo ta obtenibel serca nos na FAVI y den weekend nan cu ta sigui lo por mira nos na algun punto di benta.

Ruta pa e caminata aki di 5 kilometer ta cuminsa na Parkinglot di Alhambra Casino riba e Eagle footpath.

E lo tuma direccion Phoenix Hotel y lo caba dilanti Alhambra Casino.

Tur cliente di FAVI ta wordo encurasha pa bin cu nan garoti y anima e famia pa bin cana cu nos y mustra nan sosten.

E caminata lo cuminsa pa 5:30 di atardi y lo tin doorprize pa tur participante. Muchanan bou di 5 aña ta gratis.

FAVI lo percura pa tin fruta y ijsjug cu awa y powerade disponibel durante y na final di e caminata pa tur participante.

Nos ta pidi tur hende pa bin cu un boter di awa pa keda hydrata.

Tambe nos lo saca doorprize di diferente premio atractivo.

Nos caminata ta pa recauda fondo, tur fondo recauda FAVI ta uza pa nos por sigui brinda y ofrece servicio na tur persona y mucha cu tin un limitacion di bista .

Meta principal di e servicio

di FAVI pa e comunidad ta pa trece alegra di bida di clientenan cu tin un limitacion visual. E servicio aki ta gratis danki na e comunidad y gremionan generoso cu ta sigui apoya y kere den e trabao di FAVI.

Di antemano nos ta a gradici tur sponsor entre otro Playa Linda Beach Resort, Tropical Bottling, Andina Ice, Compra NV, Subway, Graficas Aruba NV, The Movies y tur otro manera sponsers cu di un manera of otro lo contribui na e caminata. Pa mas informacion of pa tickets por yama nos libremente na 582-5222 of 582-5051. FAVI kier invita bo pa bin pasa un rato alegre y saludabel.

FAVI ta organisa su di 10 edicion di Walk with a Vision 2023 Cumpra bo ticket trempan pa bo no keda afor!

Un grupo grandi ta logra un capitulo nobo den nan carera policial

62 POLIS A HAYA NAN DIPLOMA

MACUARIMA, ARUBA: Den un sala completamente yen famia y coleganan a bini hunto pa entregamento di diploma na 62 Agente policial. Un grupo grandi di polis parti den diferente klas a haya nan diploma den presencia di Minister di Enseñansa y deporte Sr. Endy Croes, altcomisario di polis drs. Ramon Arnhem y hefe di Scol di Polis E.J. Watty Vos.

E agente policial cu a haya nan diploma tabata parti den diferente klas y funcion cono manera: entrega di diploma Basico di Polis, a termina nan estudio policial nivel cuater di MBO y a termina estudio policial di Hoger Kader Opleiding (HKO).

E prome klas cu a ricibi nan diploma basico di polis ta studiantenan di aña

2021. Nan ta studiantenan cu ainda ta den proceso cu nan estudio policial, awor aki a termina nan prome dos aña y ainda falta dos aña mas pa sigui studia.

Studiantenan di klas 2019 a termina nan estudio policial MBO nivel cuater cu exito. Aruba ta haya polisnan hoben, dynamico cla pa subi caya y sirbi Pais Aruba dignamente.

Tambe e ultimo grupo di polis cu a haya nan diploma ta e klas cu a termina estudio policial di Hoger Kader Opleiding. Esaki nifica Cuerpo Policial Aruba a crea lidernan nobo pa sigui guia e cuerpo pa e futuro generacion. Esakinan ta e polis cu lo carga e futuro di nos cuerpo dor di guia e hobenan di nos cuerpo pero tambe pa hisa e calidad di KPA.

Pa altocomisario di polis drs. Ramon Arnhem e ta mira bek cu orguyo cu tres diferente klas ta hayanan diploma. Tres diferente klas cu hoben y profesional cla pa haci un cambio pa e organisacion. Cada momento ta uno special pero esaki ta e momento cu famia a presencia un capitulo nobo di nan ser

keri, alaves nunca un polis ta caba di studia pero ta sigui amplia nan conocimento pa por brinda un mihor servicio na nos comunidad. Pa den futuro nos por mira bek e simiya cu nos a planta a crece y cosecha fruta pa e siguiente generacion.

Masha pabien na tur 62

agentenan cu a ricibi nan diploma y ta cla pa un etapa nobo den nan carera policial. Tambe nos kier felicita cada un famia di e agentenan pa nan sosten brinda na cada un polis. E tarea cu nan tin no ta facil sin e sosten fuerte di nan famia. Hopi exito y sigui brinda lo mihor pa Pais Aruba.