Na lugar cu Chris Dammers wak den cura di otro, mihor e wak den su propio cura prome!
URATACA CENTER Awe Augustus 28
Dialuna 28 Augustus 2017 -Edicion-10 Vol.2328
Sta.Cruz #111
Tel: 585-9500 Fax:585-0952 - E-mail: solodipueblo@gmail.com
Boonchi Cora, Funchi cu Pan Bati Tel: 585 5212
AVPISTANAN BUSCANDO PROBLEMA NA STA. CRUZ
FALTANDO RESPET PA NOS LIBERTADOR!
Di 60 atraco arma riba Little Europe Jewelry den Centro di Oranjestad Polis a tira Pitbull mata den un cas na Tanki Flip
Avepista cla pa bin mata hende cu su hark na Sta Cruz?
Life Factors hunto cu Oxyplus Ta invitabo pa dialuna 28 di Augustus na Botica Santa Cruz 9:00am
Presenta bo testimonio y ricibi un paki di Oxyplus completamente gratis of cu
cada compra ricibi 20% di descuento Awor cu New Mint y Grape flavor
Pagina 2
Dialuna 28 Augustus 2017
Cuestionando ideologia di partido MEP:
Na lugar cu Chris Dammers wak den cura di otro, mihor e wak den su propio cura prome! Awor cu parlamentario Chris Dammers di AVP no tin ningun argumento mas pa defende e malgobernacion di su partido, el’a dicidi e biaha aki di recori na e asunto di ideologia di nos partido haciendo como sifuera cu su ideologia cristian democrata ta superior na tur otro na Aruba y den henter mundo. Sinembargo tin un dicho cu ta bisa cu “bo tin cu practica locual bo ta predica” y aki mester mustra Chris Dammers riba e hecho cu su partido AVP ta leu di cumpli cu e ideologia cristian
democrata cu nan kier halsa y propaganda riba e ideologia social democrata di MEP. Cortamento den subsidio Ta imposibel di kere cu un partido cristian democrata manera AVP den nan gobernacion por a masacra un grupo grandi di hendenan vulnerabel den nos comunidad ora cu nan a corta drasticamente den e subsidio pa casnan di anciano perhudicando nos grandinan, a corta den subsidio di nos hendenan special, a corta den subsidio di nos huerfanonan na Casa Cuna, a corta den subsidio
na fundacionnan cu ta trata adictonan kendenan a ser laga pa nan cuenta y benta riba caya y no a construi ningun cas social ni cas pa anciano durante e ultimo 8 añanan. Alavez e maneho desastroso di AVP a conduci cu miles di hogarnan no tin awa ni coriente debi na e locura di hedging di Gabinete Eman. Tur esaki ta parti di e ideologia cristian democrata di AVP, esta di pone un gran parti di pueblo sufri? No ta respeta minoria Echo ta cu AVP ta un partido anti-democratico
cu ta funciona a base di liderazago di un solo famia, caminda un persona manera Chris Dammers nunca lo por yega na bira lider di e partido ya cu e no tin e fam Eman. Tambe na momento cu AVP ta den gobernacion, nan ta pasa riba cadaver mes pa impone nan maldad y practica di MEP-proof, ta trapa riba tur otro partido cu cuestiona nan, ta biba cu e pensamento constante di cu “ta nos ta manda”, pues no ta respeta minoria den Parlamento. Sin duda cu e practica di persecucion politico
ta na orden di dia cerca AVP. Con bo por yama un partido asina aki democratico, ora cu nan ta usa forza bruto contra manifestantenan cu ta haci uso di nan derecho democratico pa protesta? Pues locual Chris Dammers a publica ultimamente ta un barbaridad completo y ta muestra di e decadencia cu ta reina den su partido ya cu nan no tin ningun argumento sano mas pa hustifica e mal maneho cu nan a hiba durante e ultimo 8 añanan.
Pagina 3
Dialuna 28 Augustus 2017
Recordando e di dos aña di traicion di Gabinete Eman y AVP!
Un pueblo decidido y balente a lucha dia 27 Augustus 2015 pa defende nos autonomia financiero
E fecha di 27 di Augustus 2017 ta un dia riba cual nos ta recorda con dos aña pasa den Parlamento nos autonomia financiero a ser traiciona door di AVP. E origen di henter e entregamento di nos autonomia financiero a origina ora cu Gabinete Eman a haci un desaster cu nos finansa publico caminda nan a crea deficitnan di mas cu 440 miyon florin pa aña y un redoblacion di nos debe nacional yegando te na 86% di nos GDP. Consecuencia di esaki ta cu e gobierno di AVP a haya un Aanwijzing y despues un KB for di Hulanda y cual finalmente a desemboca den institucion di un Comision Supervision Financiero, esta CAFT pa Aruba. Provocacion y intimidacion Echo ta cu e politiconan
di AVP no tabata tin y te ainda no tin ningun tiki balor pa nos autonomia financiero ya cu nunca nan a lucha pa Aruba por a haya su Status Aparte. Riba e dia di votacion pa cu e ley di CAFT, nos por a mira un organizacion completo bon hinca den otro pa silencia voz di esnan cu si realmente ta para na vanguardia di nos autonomia. E gobernantenan cobarde a pone yen di coordinador cu ta cobra sin traha for di tempran blokia entrada di e tribuna di Parlamento pa laga nan hendenan so drenta. Tambe nan a laga nan hendenan arma cana rond den gang pa provoca, intimida y menaza e parlamentarionan di MEP. Victimanan di opresion Tabata for di oranan tempran di mainta di e dia ey cu sindicatonan a pidi pa nan wordo
scucha den Parlamento. Sinembargo Presidente di Parlamento Marisol Lopez-Tromp a keda tene nan na liña y despues a dal porta cera den nan cara cu consecuencia cu e atakenan riba parlamento a cuminsa. Fraccion di MEP a pidi pa schors e reunion un rato y scucha e sindicatonan pa asina baha e tension cu tabata creciendo pafo di edificio di parlamento, pero e presidente a nenga y ta te despues cu reunion a caba den cual 13 parlamentario di AVP a vota na fabor di e ley di CAFT, el’a invita nan pa papia pero e ora ey e baca a hoga caba. Net ora cu e reunion a termina e coordinadornan a cuminsa tira boter riba e multitud y como consecuencia cu cosnan a sali for di man. Gabinete Eman a manda Riot Comando contra e manifestantenan y varios tabata e manifestantenan
cu a bira victima di opresion y dictadura despues cu nan a haci uso di nan derecho fundamental di manifesta y mustra nan repudio pa e forma con nos autonomia financiero a ser traiciona. Tambe un cantidad di manifestante a wordo aresta y benta den prison pasobra nan tabata lucha pa un causa noble. Pueblo a manifesta na dos ocasion tambe contra e detencion di e prisoneronan politico aki. A manipula tur evidencia Ta di lamenta cu tur evidencia pa loke tabata e provocacion cu a sali di e coordinador y siguidornan di AVP for di edificio di Parlamento contra e manifestantenan
a wordo manipula y kita, ya cu su dia siguiente caba Minister President Mike Eman hunto cu su siguidornan a laga bari, limpia y verf e edificio di Parlamento y asina logra na kita tur evidencia di tiro for di armanan di candela di nan propio siguidornan. Finalmente, laga e dia di awe ta un dia di reflexion pa tur hende riba Aruba bira consciente di e traicion cu AVP, incluyendo Otmar y Marisol di POR a comete contra e pais aki y cu nan por haya e inspiracion pa sigui lucha y finalmente elimina e supervision financiero imponi riba nos pueblo y esaki danki na e gobernacion desastroso di AVP.
Ta bende Pisca Mero na kilo Nestor Leon Por yama na 5690131
Pagina 4
Dialuna 28 Augustus 2017
Otro tremendo campaña di Subway!
Gana 1 luna GRATIS di gym cu Personal Trainer!
Entrante awe cu cada compra di un di e Fresh Buzz Meals nan di Subway bo ta participa pa gana 1 luna di training Gratis na 2Bfit Studios incluyendo un Personal Trainer! “Nos ta sumamente contento cu e campaña aki,” sr. Lee di Subway a cuminsa ta bisa. “Banda cu nos ta e unico cu ta ofrece bo Sub, Wraps, Salada y Flatbread cu 6 gram di fat of menos den nos menu di Fresh Buzz cu antes tabata
yama Fresh Fit awor nos di Subway ta ofrece cada ken cu cumpra un di e meals nan aki un chens pa gana un luna di training gratis na 2Bfit Studios bow guia di nada menos cu Rodney Pieternela.” Subway lo saca tur siman un feliz ganador di e tremendo campaña aki. Pues si abo ta e felis ganador ya e siman riba dje bo por cuminsa train. Manera menciona pa participa mester cumpra
un di e 8 opcion nan cu ta cai bow di e Fresh Buzz Meals ,cu ta Oven Roasted Chicken, Sweet Onion Teriyaki Chicken, Subway Club, Roast Beef, Turkey Breast, Veggie Delight, Black Forest Ham y Turkey Breast & Ham. Bo por pidie como Sub, Salada, Flatbread of Wrap. Den Fresh Buzz Meals bo ta haya tambe e opcion di un Powerade of Awa y tambe un dushi appel of yogurt pa asina complementa bo meal. Subway ta invita pueblo di Aruba pa pasa un di nos localidad na Paradera, Palm Beach, Alhambra, Cura Cabai, Dakota, Sta. Cruz of Cura Cabai pa check bo Fresh Buzz Meal pa bo tambe por participa pa gana e tremendo premio aki. Banda cu Subway ta ofrecebo cominda saludabel traha bo dilanti awor Subway ta yudabo jumpstart bo
training nan pa asina yega na bo curpa desea hunto cu 2Bfit Studios vooral prome cu dianan di fiesta fin di aña. Pa mas informacion tocante promocion of campaña di SUBWAY por yama cualkier localidad di Subway, sea Cura Cabai (588-4388), Sta. Cruz (585 1277), Paradera (582 1077), Alhambra (280 1277), Palm Beach (5821077), Dakota (5833877) of Renaissance
Market Place (280 4177). ). SUBWAY tin 7 localidad situa strategicamente ariba nos isla y ta habri tur dia durante e siman, desde 7:30am pa 11:00pm. Si bo kier comparti bo experencia cu cualkier producto y servicio di Subway bishita w w w. f a c e b o o k . c o m / SUBWAYARUBA y follow Subway ariba twitter na @ SubwayAruba pa bo keda bon informa.
Pagina 5
Dialuna 28 Augustus 2017
AVP kier sigui manipula mente di pueblo!
Ki dia pueblo lo por haya un Rene Herde ta papia e berdad y nada mas cu e berdad? Poco poco nos por mira cu e palabra ‘orguyoso’ ya a penetra den tur skina di partido AVP. Awor ta parlamentario Rene Herde, cuestionando lider di MEP, tambe ta sumamente orguyoso di e hecho cu ta menos di 1% di e gastonan total di gobierno a bay na inversion den e pais aki. Sinembargo no ta lider di MEP a papia di e 1% aki, pero el’a referi solamente na un rapport di CAFT den cual ta para cu menos cu 1% di e gastonan total a ser usa pa inverti den e pais aki (“De investeringen vanuit de overheidsbegroting zijn gedurende de hele periode laag gebleven en uitgekomen op minder dan 1% van de totale uitgaven in 2014”). En berdad, esaki ta asina segun e tabel adhunto compila di cifranan di Banco Central caminda por mira cu na 2014 e inversionnan den e pais aki a yega na apenas 0.8% di tur e gastonan di gobierno cual ta un miserabel 12.4 miyon florin (y na 2015 esaki a sigui baha y yega te na 0.6%!). Mentira flagrante Sinembargo Rene Herde no por stop cu su manipulacion, ya cu el a declara cu e ta sumamente
orguyoso cu e restante di e gastonan total cu ta 99.2% a bay den renobacion di schoolnan (cu por cierto ta hinca caba den e post di inversion!), renobacion di Hospital, Green Corridor, Watty Vos Boulevard etc. Esaki ta un mentira flagrante ya cu e restante di 99.2% a bay pa paga gastonan di interes cu a aumenta drasticamente debi na e megadebe crea pa AVP, tambe na transferencianan na AZV, na pago di salario y beneficionan secundario na e ambtenaarnan cu ta sumanan fiho tur aña, e miles di contractant y coordinadornan extra den servicio di gobierno, na consultant y abogadonan, huurmento di edificio, pago na propaganda y na medianan comprometi, na conferencianan green etc. Locual ta di condena den e declaracion di Rene Herde ta cu segun su persona e gastonan tambe a bay den e proyectonan PPP, esta Hospital, Green Corridor, Watty Vos Blvd y e MFA-nan. Echo ta cu Rene Herde mas cu tur otro hende mester por sa cu tur e placa hinca te awor den e proyectonan PPP NO a sali for di presupuesto di gobierno, ya cu tur e proyectonan aki lo cuminsa ser paga
asina cu esakinan termina cu nan construccion den e aña aki y otro aña. Pago pa proyectonan PPP Asina por mira cu na 2017 lo cuminsa paga caba 6.3 miyon pa e Green Corridor di mal calidad, na 2018: 16.8 miyon y asina lo sigui durante 25 aña largo e suma di pago di 16.8 miyon florin. Pa loke ta e Hospitaal sin su cambernan di operacion lo cuminsa paga na 2017: 24 miyon florin y den e proximo 29 añanan lo sigui paga 24 miyon tur aña. E Watty Vos Blvd lo cuminsa paga esaki na 2018 e suma di 8.5 miyon florin, na 2019 e suma di 22.8 miyon florin y den e proximo 25 añanan lo sigui paga e suma di 22.8 miyon florin. Tambe tur e debenan den construccion di e MFA-nan na Noord, Santa Cruz, Paradera, Savaneta y San Nicolas mester wordo inclui den e lista di pagonan cu ta suma na un otro 3 miyon florin tur aña y esaki durante 25 aña.
Tur esaki ta dato y informacionnan clave cu Rene Herde no kier pa pueblo haya sa. Sinembargo e no ta scapa na man di MEP, ya cu constantemente e lo haya MEP den su caminda pa refuta tur su manipulacion y mentiranan. Finalmente, pueblo kier haya sa tambe for di Rene Herde, di unda lo saca e placa pa paga pa tur e proyectonan PPP cu den total ta suma na
mas di 60 miyon florin tur aña? Partido MEP ta lamenta cu Rene Herde, awor cu e ta yegando na fin di su carera politico, toch kier pa pueblo sigui record’e como un politico insincero, defensor di maldad y cu a biba su bida politico solamente di mentira y manipulacion.
Pagina 6
Dialuna 28 Augustus 2017
Polis a tira Pitbull mata den un cas na Tanki Flip Tres di nan a drenta den sala
Diasabra atardi, den careda di 6:50 polis a wordo pidi na Tanki Flip, na un cas cerca di e oficina di e veterinario. Motibo tabata cu un señora den e vecindario a wak tres Pitbull drenta un cas y mesora a avisa polis. Polis a yega hopi liher y por a premira cu lo bay tin problema, mirando e size di e Pitbullnan y ariba dje nan a drenta den e cas. Dado momento nan a ataca e cacho bieu di e cas, gritamento y adrenalina a start pa purba stop y trata nan saca nan pafor, prome algo otro pasa. Un dama y su welo, tabata na e cas y nan ta doñonan di e cachonan. Segun nos a compronde nan a sali ora e cabayero di edad a bay muha mata. E dama den e pelea hunto cu e agente policial a trata na stop e bringamento, cu tabata den e sala cu no tabata mucho grandi, indicando cu cos por a bay hopi robez mes. Mirando cu na e adres ta biba un señora di edad, cu no tabata ni mucho na altura di kico tur tabata pasando. Polis mirando cu e tres animalnan, tabata tin e cacho teni y tabata teme pa su mes y esnan rond, a los un tiro matando asina un di e animalnan. E otronan asina mes a sigui bringa y ey ora e cabayero di edad, un persona enfermo di salud a drenta y yuda su nieta. Ey a logra kita un y net e ora yiu di e cabayero di edad a yega. Mes ora el’a hinca e prome pitbull den auto patras y a bay paden busca e otro y tambe ta carge y hink’a den e auto patras. Por a
wak nan cara y boca na sanger y tambe hopi cansa. E sala a keda bao sanger y tambe cosnan kibra. Pues un caso sumamente lamentabel pa ambos banda y tambe pa e agente policial cu mester a actua den un split second. Loke a pasa nos no ta punta dede y ni culpa niun hende. Un descuido cu e animalnan a haya e porta habri y mes ora nan a sali. Pakico nan a bay net e cas ey no ta mucho duidelijk, mirando cu segun nos di unda nan a sali ta hopi mas panort. Hopi hende tin of tabata tin Pitbull, pero loke a pasa diasabra y den un sala chikito cu 4 cacho bringando no ta nada facil pa deal cune y sin pensa cu e por a caba den e tragedia si e bestianan ey a dicidi di bay ataca un ser humano tambe.
Pagina 7
Dialuna 28 Augustus 2017
Lider di MEP, mr. Evelyn Wever - Croes:
AVPistanan buscando problema na Sta. Cruz Faltando respet pa nos Libertador!
“Campañando den Santa Cruz manera tur siman, mi a bin topa cu un bus grandi full geparkeerd riba Plaza Status Aparte y un truck di musica di AVP cu tabata blokia trafico dilanti cas di mi omo. Trafico pega y ami rondona pa AVP. Bo ta kere ta husto un falta di respet asina? Mientras tanto e mesun "simpatizantenan" di Mike Eman cu a ofende nos durante e debate di Camara di Comercio a purba insulta nos, pero a wordo para mesora. Polis mester a yega pa
instrui AVP baha e bus di Plaza y hala nan truck di musica. Un falta di respet total. Despues cu polis a yega, situacion a calma. “Mi ta BOLBE haci un apelacion na Mike Eman y AVP: ban mustra un comportacion civico manera un pais madura. Desesperacion no ta yuda. Y NUNCA mas hinca den bo cabez pa pone ni bus ni jeep riba Plaza Status Aparte. Aruba ta di nos tur! Cu respet nos ta logra.
Pagina 8
Dialuna 28 Augustus 2017
REUNION PUBLICO DI MEP EXITOSO NA PIEDRA PLAT Diasabra anochi e partido prestigioso di MEP a tene su reunion publico na Piedra Plat na cas di señora Maria di Ale Geerman-Britten. Aki varios candidato di MEP a duna esnan presente e “vision di partido MEP pa e proximo gobernacion”. Un multitud di hende a bini pa scucha cada un di e candidatonan. Cada persona riba lista a haci un impacto cu nan splicacion kico e pueblo por spera di nan ora nan ta den gobierno y na ki manera nan lo percura pa trece e alivio tan anhela bek den e pueblo. Remarcable tabata e momento ora sr. Oslin Trimon a hiba palabra y a laga sa cu hopi hende sa cu e tabata un di e palancanan di AVP, pero a laga sa cu
ta basta! A bira tempo pa bira e switch. Pasobra e rumbo cu e pais Aruba ta bayendo no por sigui cune asina y cu Aruba mester di un cambio. Un cambio cu lo ta cu MEP anto sin miedo! Oslin Trimon a laga sa cu entre otro pesey e tey e anochi ey pa duna apoyo na su tanta Maria Geerman cu por cierto den pasado a duna Betico Croes varios biaha e oportunidad pa hiba su discurso na e pueblo na su cas. Na final di e anochi e lider maximo di MEP, sra. Evelyn Wever-Croes a subi y a logra di captiva tur esnan presente cu su speech y por a mira y tende cu e tin e apoyo total di e publico. Un anochi sumamente exitoso organiza pa MEP.
Pagina 9
Dialuna 28 Augustus 2017
Endy Croes di MEP:
"Veld Ultra Moderno Kudawecha" Proyecto pa Noord Diarazon 23 di Augustus candidato di MEP number 11, Endy Croes a presenta su vision deportivo pa Noord. Un hecho importante a sali for di varios investigacion ta indica cu mester stimula movecion saludabel pa Aruba completo. Construi canchanan multifuncional den diferente districto. Despues di a evalua un cu otro, a dicidi di inicia cu un proyecto piloto na Noord. Den cuadra di e preparacionnan a bishita y consulta cu varios baluarte den e mundo di deporte rond di Aruba a bini hunto y aki Endy Croes a wordo conmovi y sorprendi pa e situacion deplorabel na e Veld di Kudawecha. Ta e situacion aki a inspira Endy Croes, como presidente di Aruba Softball Bond pa transforma e veld di Kudawecha den un parke Ultra Moderno pa Baseball y Softball y pa Deporte en general segun standaardnan internacional.
Endy kende tin un pasion pa deporte a bisa: "Ser un atleta ta rekeri preparacion, disciplina, dedicacion y determinacion. Lamentablemente e ultimo 8 aĂąa aki nos deporte a wordo neglisha y infrastructura a deteriora. Veldnan hopi gusta y hopi usa den e bario di Kudawecha no tin uliminacion mas. Veld di Kudawecha a wordo lubida y mester di ayudo. Mi ta haci un compromiso cu Noord pa brinda nos hobennan e oportunidad cu nan merece. Noord ta bay ta orguyoso. Aruba ta bay ta orguyoso di e Veld ultra moderno na Kudawecha cu nos lo moderniza y amplia". E proyecto aki ta basa ariba un idea di Chipin Chirino, experto den little league y softball. Pa mas informacion tuma contacto cu Team 'ON' di Endy Croes na cellular 594-5322 / 5659595 Hunto p'e cambio. Vota #11 Endy Croes. Cu bo voto Endy ta gana!
Pagina 10
Dialuna 28 Augustus 2017
Pagina 11
Dialuna 28 Augustus 2017
Aruba ta e prome isla den henter Caribe pa estrena e machinenan aki Marriott Stellaris Casino ta introduci “Bufalo Grand” e jackpotnan, extra spin of por gana placa 2x, 3x of 5x.
Na Marriott Stellaris Casino tin dos slotmachine nobo y nan ta masha orguyoso di esaki. Marriott Stellaris Casino a lanza e machinenan Bufalo Grand, di cual no solamente localnan pero tambe turistanan lo por disfruta di nan. E slot machinenan nobo aki apenas tin un paar di dia cu a instala nan den e casino y tin un bon acogida entre e turistanan cu sa di nan. Marriott Stellaris Casino ta e unico casino den henter Caribe cu tin e exclusividad riba e machinenan aki. Gerente di “Marketing and Slots Performance”, esta Yazira JavoisFeliciana, a indica cu na momento cu sinta na un di e 2 machinenan di Bufalo Grand, cu mesora e experiencia di hunga ta cambia. E machinenan aki a gana “top awards” na Merca y ta masha conoci den estadonan grandi manera Las Vegas. E machinenan ta conoci pa paga multiple progresivo, tambe e ta ofrece mas di 5 progresivo cu por gana di dje. E progresivo mas grandi cu por gana ta cuminsa di 10 mil dollar bay ariba y mini progresivo ta cuminsa desde 10 dollar. Na momento cu un persona sinta na e machine, e hungador por gana 5 progresivo pero tambe e lo sinti un experiencia unico y cu chens pa gana premionan bonus. Ora cu drenta den
e parti di bonus, ta drenta den e Bufalo Grand y aki ta unda cu e bufalonan ta bin. Ey ta e caminda cu e hungador lo experencia diferente forma pa yega na e bonus y sigui hunga. Den e bonus lo haya extra spin, extra bonus y otro metodonan mas pa asina por sigui hunga. Yazira Javois-Feliciana a sigui splica cu e mashin ta ‘curve’ y e ta ‘touch screen’, pero tambe e tin un 5.1 stereo sound. Den apenas algun dia, Marriott Stellaris Casino ta contento di anuncia cu ya caba tin hungadonan cu a gana jackpotnan di 500, 600 of 2000 dollar pero ainda no a bay cu e progresivo grandi. Desde cu a pone e mashinnan den funcion, ya caba e jackpot ta riba 12 mil dollar y na cualkier momento e lo por paga. Representante di Casino VIP, Jamil Maduro, a splica cu e machine tin un Golden Wheel y pa yega na esaki, 3 di nan mester aparece riba e screen. Por bet diferente suma y na momento cu yega esaki, automaticamente e ta drenta den e bonus y e hungador por gana diferente suma. Pa por gana e “Grand progresive”, mester bet 3 dollar. Loke cu ta haci e experiencia unico ta cu na momento di drenta den e bonus, e screen ta cambia full. Tambe ta haya chens di “spin” e “wheel” y aki un hende por haya sa si kico tur nan por gana sea un di
Jamil Maduro a expresa cu e machinenan aki no tin un boton special cu mester primi pa por gana e jackpot y esey ta haci cu e ta diferente cu e otro machinenan. Stellaris Casino ta invita tur hende pa pasa test e machinenan y pa sinti e experiencianan unico cu nan tin di brinda. Aruba Marriott Resort & Stellaris Casino a habri na aña 1995 y ta e casino mas grandi riba nos isla. E ta conta cu mas di 160 empleado, cu ta maneha 24 wega di mesa y mas di 400 slot machines. E weganan mas popular riba mesa ta Craps, Black Jack, Three Card Poker y Roulette, mientras cu e machinenan mas usa ta esunnan di e sistema 3D y e “mystery Progressive Jackpots”. Stellaris Casino ta conta cu entretenimento bibo, diadomingo pa diaranson di 9:00pm pa 1:00am cu DJ Cross, diahuebs pa diasabra di 9:00pm pa 1:00am cu diferente banda. Stellaris Casino tin Bingo tur diahuebs, diasabra y diadomingo pa 1:00pm, cu 5 Progressivo inclui completamente gratis. E casino ta habri 24 ora pa dia pa weganan di mashin mientras cu weganan di mesa ta cuminsa pa 2:00pm te cu 4:00am. Na tur, e famia di Marriott Aruba ta consisti di mas o menos 1100 empleado den servicio directo y 400 empleado trahando via otro companianan den e compleho di hotelnan. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.
Pagina 12
Dialuna 28 Augustus 2017
Lactatiekundige/specialista di lech’i pecho, Minouche Lopez
Ta importante pa hunto promove lechi materno Specialistanan riba tereno di lech’i pecho, Minouche Lopez trahando na Directie Volksgezondheid DVG y Marlene Giel alavez enfermera trahando na Dr. Horacio Oduber Hospita, a regresa for di un conferencia di “Global Access to Skilled Lactation Care” cu a tuma luga na comienzo di Augustus na Toronto. E conferencia aki ta cuadra exactamente cu locual Directie Volksgezondheid tin den su maneho di prevencion pa Aruba. E aña aki e tema di Siman Mundial di Lech’i Pecho, 1-7 di Augustus, ta “Sustaining breastfeeding together” y esaki ta algo cu tur hende na Aruba por contribui na dje. Brinda apoyo na dunamento di lech’i pecho ta ora mamanan ta encurasha otro den dunamento di lech’i pecho. No solamente e pareha, famia y amistad, pero tame e personanan cu ta traha den cuido medico mester traha mas uni pa brinda e miho
Awe ta cumpli 10 aña
Jayelleson "JJ" Geerman E ta haya pabien di Mami Janelle, Papi Jayson G y su ruman Jayselle, di parti mama, papa, Oma na Hulanda, tanta y omo nan, primo(a) nan, su amiguito(a) nan di school CLWP, di su team di baseball Stars, Mad Max & Easy Racing, y Hubada Cycling Team. Nos tur ta desea JJ hopi aña mas di bida y salud y cu Papa Dios drama su Bendicion riba dje.
servicio na mama y yiu. Mester mas cooperacion inter organizacion den region cu ta promove lech’i pecho, asina e topico ta keda un punto di atencion riba agenda politico y por wordo carga pa comunidad. Diferente meta di “Sustainable Development Goals” ta aplicabel pa Aruba logra prome cu aña 2030. Algun di nan: 1) Informa publico tocante lech’e pecho for di momento di embarazo te na momento cu un baby recien naci haya y continua haya lech’i pecho. 2) Mas union entre esnan cu ta trahando den cuido di mama y yiu y sa di nan tarea importante pa ofrece cuido optimal durante e periodo cu mama ta duna su yiu lech’i pecho. Tambe kico e trabao di un specialista di lech’i pecho ta y kico e por significa pa comunidad. 3) Compromiso pa yuda crea un area di interes comun. 4) Promove trahamento
hunto cu apoyo di gobierno, AZV y tur instancia cu ta traha cu mama y yiu. Minouche Lopez y Marlene Giel a keda acerca pa e ‘International Board of Lactation Examinars (IBCLE) pa bira e “countrypoint coordinators” di Aruba pa asina promove e profesion di specialista di lech’i pecho (IBCLC), implementa un maneho nacional na Aruba y full den Caribe. A pidi
nan pa motibo cu tanto Lopez como Giel ta e uniconan den region cu tin e habilidad profesional aki, esta specialista di lech’i pecho y cu ya nan a traha un Plan di Maneho Nacional di Lech’i Pecho pa Aruba.
Lech’i Pecho. Poco, poco tur trahando den e area di cuido di mama y yiu ta yega mas cerca otro pa crea e ambiente ideal caminda tur mama por duna nan yiu lech’i pecho den e temporada cu nan desea.
E idea ta pa introduci e specialismo y stimula cu ta bin cu maneho den region tambe. Awo cu hospital lo expande, lo introduci algun maneho cu ta poni den e Plan di Maneho Nacional di
Dunamento di lech’i pecho ta sostenibel ora salud di mama y yiu ta mehora, tin un efecto positivo riba medio ambiente, economia y riba mercado laboral.
Pagina 13
Dialuna 28 Augustus 2017
DE ONGENEESLIJKE ZIEKTES VAN LIDERCITO MICKY MOUSE OFTEWEL PREMIÈRE MIEKE BS (braza sunchi) EMAN (deel 7) In zijn afleveringen in Solo di Pueblo belicht Jan de Ruijter, vaste columnist bij Solo di Pueblo en voorzitter van Stichting Nos Ta Aruba elke maandag, dinsdag en woensdag een artikel over onze dysfunctionele premier Mieke Eman. Voor commentaar: janderuijter@ yahoo.com, Facebook Jan de Ruijter en Facebook Aruba Berdad. MIKE MARCUS NARCISSUS EMAN IS
Vandaag leg ik u iets uit over de relatie tussen Mieke Eman en zijn Godsbeeld en ik word daarin bijgestaan door een internationaal bekende en vooraanstaande psycholoog die ik volgende week aan u ga voorstellen! Eerst nog iets over de narcist Mike Eman: • Als echte narcist heeft Mike Eman een gigantisch minderwaardigheidscomplex, hij voelt zich fundamenteel heel inadequaat en hij verdedigt zichzelf tegen dit besef met een innerlijke fantasie van zichzelf als volmaakt en zonder tekortkomingen.
Eman doet alsof hij: •1. Katholiek is •2. Protestant •3. Joods •4. Caribisch Evangelisch •5. Vrijmetselaar •6. Scientoloog •7. Voodoo-man
• Mike leeft naar dit innerlijke fantasiebeeld en is daar volledig in gaan geloven. Arrogantie wordt gebruikt om zijn kwetsbare zelfgevoel in stand te houden en dat ontwikkelt zich tot grootheidswaangevoelens in fantasie en gedrag, behoefte aan bewondering, een opgeblazen gevoel van eigen belangrijkheid, superioriteit, succes, macht, genialiteit, overdrijving van eigen prestaties en identificatie met de groten der aarde zoals Ghandi, Martin Luther King en Nelson Mandela.
HET PAARD VAN TROJE HET PAARD VAN TROJE Verleden week beschreef ik het idiote seksuele gedrag van Mieke Eman en zijn twee schijnhuwelijken met Doina Neagoy. Een vaste lezer van Solo berichtte mij dat deze Doina ook nog een tijdje de vaste lover was van de oudere zus van Mike, ja die hele familie is immers seksueel getikt, maar door Henny Halve Eman gesommeerd werd om maar te trouwen met MIke want Mike moest ‘netjes’ getrouwd zijn toen de familie besloot dat Mike het familiebedrijf AVP moest overnemen en minister-president moest worden. Toen hem dat met veel valse beloftes aan de kiezers en burgers o.a. om de BBO af te schaffen, gelukt was, ging hij nota bene nog een tweede keer trouwen met Doina om het ‘huwelijk’ te confirmeren. Toen al hadden we moeten weten dat Mike Eman het Paard van Troje was dat de kiezers hadden binnengehaald niet wetende wat voor vijand die man is. De uiterlijk zo vriendelijke man bleek een oorlogsvijand die in recordtijd ons mooie eiland totaal vernield heeft en de Arubaanse burgers een totaal leeggeroofd en leeggeplundered land achterlaat. We haalden hem binnen als het Paard van Troje! DE RELATIE TUSSEN DE NARCIST EN RELIGIE
•Mieke leeft uitsluitend voor zichzelf; zijn leven is een fantasiewereld en hij manipuleert om te krijgen wat hij wenst. • Mike gelooft dat hij heel speciaal en uniek is; hij is ervan overtuigd een uitverkorene te zijn en bijzondere rechten te hebben; zijn narcistische arrogantie komt door zijn overtuiging dat hij speciaal door God is uitverkoren en het recht heeft op Gods bijzondere voorzienigheid. God wordt door Mike gezien als groot en almachtig en Mike, als uitverkorene, deelt in die grootheid. God wordt gezien als majesteit, overwinnaar en macht. En in die macht deelt hij. En zo is het begrijpelijk dat onze Nationale Clown Mike
U ziet hem op deze foto van onze Nationale Schijnheil met een Joodse keppel en tefillen; enkele jaren geleden gaf hij de Katholieke Bisschop mgr Luis Secco en plein publique een brasa bij de Alto Vista-kapel; hij gaat naar de Protestante kerk in de stad, werd gehuwd door een Caribische pastoor, praktizeert Voodoo op de Hooiberg, is vrijmetselaar en bezoekt trouw de Scientology-boot in de haven. ARUBA ZIJ GEWAARSCHUWD! EMAN IS EEN GEVAARLIJKE GEK; EEN GEVAARLIJKE GELOOFSPSYCHOPAAT DIE VIA ZIJN GODHEID ALS UITVERKORENE DEELT IN DIENS MACHT!....... ZO MEENT HIJ.......
Pagina 14
Dialuna 28 Augustus 2017
Post Aruba N.V. contento di celebra 10 aña di servicio
George Lejuez a demostra di ta trahador ehemplar Gerencia y staf di Post Aruba N.V. ta masha contento di por a celebra e hubileo di nan colega George Lejuez. El a cuminsa traha den servicio di Post Aruba N.V. dia 20 di Augustus 2007. Kier meen George Lejuez a haci 10 aña di servicio. El’a inicia eherciendo su trabao na loket, despues e tabata Operador di Telefon y actualmente e ta trahando den departamento di Customer Service, unda e ta haciendo un tremendo labor. George Lejuez tin un caracter hopi bunita y e ta un persona trankilo. E ta amigabel y mas cu claro un bon trahador. George Lejuez sa con pa atende clientenan y su area di trabao semper ta bon organiza. E ta un persona cu tin hopi potencial pa sigui crece den e compania. Como muestra di aprecio pa tur e añanan aki di trabao, Gerencia di Post Aruba NV a entrega George
Lejuez su envelop mereci. Na e momento special aki a conta cu presencia di algun colega y su famia, kendenan semper a sa di ta un gran apoyo pe. A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 2 oficina adicional na Santa Cruz y San Nicolas. Ey ta ofrece tur tipo di servicio, for di manda un envelop, te na carga pisa. Post Aruba N.V. ta conta cu 111 empleado, cu diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro. Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba N.V. y Aruba Stamps.
Menaza cu arma den Rembrandtstraat Diabierna, pa mas of menos 7'or y 46 di mainta, Central a dirigi patruya den vecindario di Fan Bar & Restaurant y Radin Snack, pa motibo di zwaaimento of tiro cu un arma di candela. Central a meld cu e informacion no ta duidelijk. Na altura di Radin patruya a wordo acerca pa un homber, kende a declara cu varios minuut prome, algun dama tabata gritando y/of bringando cu otro. Tabata tin un grupo di mas of menos 12 persona rond di e mucha muhernan. Dado momento el ‘a mira un arma di candela color preto den laira, contra muraya di e edificio (net bao di e airco). Despues di esey, el ‘a mira e grupo di hoben drenta den cuater diferente auto. Uno tabata un auto color blanco. E otro auto tambe tabata blanco. E persona no a logra pa mira e otro autonan. Patruya tambe a papia cu un barbuleta den vecindario. El’a declara cu un grupo di mas of menos ocho hoben tabata bringando y despues a drenta den cuater diferente auto y tur a bay den direccion p'abao. El’ a declara cu e no a mira e marca of modelo di e auto. Polis a controla den vecindario, pero no a topa cu nada. Polis a controla tambe den centro pa e autonan, pero no a topa cu nan. Central, comandante na warda y recherche a wordo poni na altura.
Pagina 15
Dialuna 28 Augustus 2017
Di 60 atraco arma riba Little Europe Jewelry den Centro di Oranjestad Dos atraco arma den menos di 12 ora
Diasabra merdia ta tuma lugar e di 60 atraco arma. E biaha aki den dia cla riba un merdia basta druk. Algo prome cu 1'or y mey a drenta un informacion cu a caba di tuma lugar un atraco arma riba e Joyeria Little Europe situa dilanti di e busstation di Arubus. Mesora a manda un patruya na e sitio, na yegada a pidi mesora pa presencia di Atraco Team y Slachtofferhulp. Tres homber di habla Spa単o a drenta e joyeria arma cu pistool a exigi joyas. E atracadornan a baha na awa cu un cantidad grandi
di joyas, E auto cu a wordo usa pa huy for di e sitio tabata un pickup Nissan dobbel cabina shinishi, cual un rato prome a wordo horta for di dilanti Lucky Store den J.G. Emanstraat. Un poco despues cu e atraco a tuma lugar, polis a bin topa cu e pickup, pazuid di veld di Aruba Juniors. No tabata tin niun hende mas na e sitio y tambe nan a haya algun articulo benta cerca di e auto. E pickup a keda confisca pa mas investigacion.
Vocero suplente di polis a manda e siguiente declaracion: "Awe diasabra mas o menos 13:20 central di polis ta haya yamada cu un atraco a tuma na joyeria Little Europe. A manda patruya di biaha na e sitio di e sucedido. Na yegada a pidi pa Atraco Team y Slachtofferhulp. Ta asina cu tres hende homber a drenta e joyeria . Un di nan tabata tin un arma di candela. Nan tur 3 color di cuero bruin , e prome ta tin short bisti y t-shirt shinishi. Di dos ta tin jogging pants y t-shirt
y poco gordo. Di tres ta color di cuero bruin, postura normal y t-shirt color preto. Nan no ta tin cara tapa y nana papia Spa単o . Nan lo a ty rap un di e e empleadonan . E do単o di e lugar nan a dal e den cabez cu un obheto duro pero e no por a wak kico e ta exacto. Total.nan tabata 4 persona (do単o y 3 empleadonan) den e joyeria . E atracadornan a bay cu hopi joyas y te awor no tin
e balor exacto. Nan a huy den un pick up Nissan doble cabina shinishi cu den oranan di mainta a wordo joyride. Patruya di Sta.Cruz a bin topa cu e pick-up un rato despues na altura di veld di Aruba Juniors. E auto a wordo tuma den beslag. Diferente unidad di polis ta buscando e tres atradornan. Ken cu por a wak of sa algo yama tiplijn di polis cu ta 11141".
Pagina 16
Dialuna 28 Augustus 2017
Probecha di nos Grandioso Descuento! Prijs ta start na
5 florin No warda mas, pasa Awe mes Probecha te
60%
cu di descuento!
Mega Outlet! Santa Cruz 60
Orario den siman: 3:00pm - 6:00pm Diasabra 11:00am - 7:00 pm Mega Outlet! Santa Cruz 60
Pagina 17
Dialuna 28 Augustus 2017
Locura y mas locura‌. Lotto pa Deporte a bira banco pa prestamo deportivo
Lotto ta menasa pa cobra muchanan di Ponny Leaque y Benjamin Francees prestamo di 100 mil florin Abogado De Sousa di AVP ta pone precion !
Informe nobo cu a yega na mesa di redaccion di SOLO DI PUEBLO ta mustra riba un otro acto incorecto cu ta tumando lugar diparti di Gobierno di AVP. Awor a bin sali na cla cu Gobierno di AVP via Lotto pa Deporte y via Abogado di Lotto ( alaves miembro di bestuur), Benvinda Croes De Sousa, ta eherciendo tur sorto di precion riba Benjamin Frenacees di Ponny Leaque pa asina e por paga bek un suma di 100 mil florin di supuesto prestamo. Ta asina cu na luna di Juli ultimo cu a surgi un discucion publico entre Gobierno y Ponny Leaque, na ultimo hora Gobierno a dicidi di paga e ticketnan di avion pa e muchanan por a bay hunga na Merca. Esaki ta un suma di casi 90 pa 100 mil florin. Esaki Gobierno a haci via di Lotto pa Deporte. Loke cu a cay manera banjo di awa frieuw ta e hecho cu Gobierno y Lotto a haci un prestamo deportivo y awor nan kier busca tur forma pa colga Benjamin y tur e muchanan. Desde algun dia caba Benvinda de Sousa ta tras di Benjamin unda e ta ordena e dirigente deportivo pe acudi na oficina di Lotto, pe firma un suma di casi 100 mil florin, unda Lotto kier pa Francees paga bek e prestamo deportivo. Ta kico esaki ta? Desde ki dia Lotto a bira un banco deportivo cu ta fia placa y cu mundo deportivo mester paga bek? Ariba e documentonan adhunto, nos por mira e carta di Benvinda de Sousa, unda e ta pone ordo riba Franees cu e mester acudi na un reunion cu e unico agenda pe firma pa 100
mil florin di prestamo. Ta kico Benjamin mester haci ? E mester presenta cu tur e muchanan y e mayornan pa cada un di nan firma nan debe cu Lotto? Ta den ki sorto di
decadencia nos a cay aki? Un Fundacion Lotto pa Deporte cu a paga 72 mil florin pa pone camera di seguridad na cas di Benvinda y algun otro miembro di bestuur, hendenan
cu a malgasta placa di Lotto te cu nan mester a bende e Lotto cu Canada pa 15 anja, TE NA 2027! Ki curachi nan tin awe pa cuminza un fenomeno nobo, unda Lotto a bira
bando deportivo? BERGUENZA BERGUENZA Y MAS BREGUENZA pe gobierno di AVP cu ya nos sa mas con pa maneha deporte aki na Aruba.
Pagina 18
Dialuna 28 Augustus 2017
Base minimo di infrastructura pa scolnan prioridad di ense単ansa pa Partido POR ULTIMO 3 DIA
Introduccion di un base infrastructural minimo pa scolnan di Aruba, teniendo cuenta cu e cantidad di alumno, tanto pa pa loke ta material, ekipo y facilidadnan, ta un di e puntonan di prioridad di Partido POR riba tereno di educacion y ense単ansa. Banda di esey, POR den e proximo periodo di gobernacion lo intensifica e maneho di mantencion di edificio di scolnan pa asina elimina e atraso cu tin riba e tereno aki. Mirando cu Colegio Arubano no tin espacio mas pa sigui crece na su localidadnan actual y cu Noord ta un di e districtonan cu mas rapido ta creciendo, lo construi un scol pa MAVO/ HAVO/VWO na Noord. Scolnan di Aruba mester ta dispone di ekipo y facilidadnan manera local pa duna les, banki y stoel comodo, smart TV, cantidad di laptop, conexion di internet, cantidad di ba単o, grandura di area di recreacion y grandura di areanan cu sombra pa asina mucha y hobennan por haya educacion na e nivel cu nan tin derecho riba dje. POR lo haci esfuerso pa den e cuadro aki, promove modernisacion y digitalisacion di nos ense単ansa. Lo crea scolnan saludabel cu cantina cu ta bende cuminda saludabel y area di recreacion cu ta brinda oportunidad pa e alumno haci movecion. Ademas lo ehecuta den fase un plan pa instala airco na scolnan.
Pagina 19
Dialuna 28 Augustus 2017
Mayornan idigna ta reclama……
Gobierno a kita tereno di mas cu 100 mucha pa train baseball A otorga tereno na comercio y nunca a fix un tereno pe muchanan
Via di facebook mayornan di 100 mucha ta reclama riba e hecho cu nan tereno di train basaball a wordo kita for di nan, cual ta afecta no menos cu 100 mucha di train de sport aki. Segun Rachelle De Cuba cu e organisacion deportivo a haya promesa cu nan lo haya otro tereno. E tereno cu ta wordo usa pa 9 aña caba, segun nos por compronde cual te tereno banda di Club Caribe, a wordo destrui pa traha ‘Industrial park’ pa asina comerciantenan poderoso por haci nan negoshi. E tereno cu e muchanan mester a haya, no a wordo otorga! Esaki ta wordo considera un abuso contra e muchanan! E organisacion deportivo encuestion ta tene mas di 100 mucha for di caya y awor gobierno ta kita nan sitio di train. Unda kier pa nan sigui practica nan deporte? Nota di redaccion: Laga si tabata Leoncita Arends, lo ta mes un dia Gobierno a firma y fi x tur cos pe! Leoncita Arends a haya tereno na Sasaki den tempo record, cual ela bende pa miles di florin, sin paga belasting y peor ainda, ela tuma e placa na banconan den exterior na Panama y Miami. Dje forma aki nos por comproba, ta ken ta donjo di e gobierno aki. Tambe nos por comproba e maneho di deporte! E amor pa deporte! E gobierno di AVP te gobierno di mas sinberguenza cu ta existi. Nan a caba cu deporte, bende Lotto cu Canada, keda sin mantene veldnan deportivo y keda sin yuda deporte. Un set di desgraciado ta sinta den bestuur di Lotto, kendenan a sangra e deporte aki na Aruba.
PUEBLO A HHAÑA SU PEN BEK
Pa kualkier informacion solodipueblo@gmail.com of
☎ 585-9500
Pagina 20
Dialuna 28 Augustus 2017
Danki na maneho robes di Dowers & Eman...
MAS ATRACO, awor joyeria Little Europe Jewelers a ser atraca pa 3 persona habla spa単o Diasabra mas o menos 13:20 central di polis ta haya jamada cu un atraco a tuma na joyeria Little Europe. A manda patrouille di biaha na e sitio di e susedido . Na jegada a pidi pa Atraco Team y Slachtoffer hulp. Ta asina cu tres hende homber a drenta e joyeria . Un di nan tabata tin un arma di candela. Nan tur 3 color di cuero bruin , e prome ta tin short bisti y t-shirt shinishi. Di dos ta tin jogging pants y t-shirt y poko gordo Di tres ta color di cuerro bruin , postura normal y t-shirt color preto. Nan no ta tin cara tapa y nana papia spa単o . Nan lo a ty rap un di e e empleadonan . E do単o di e lugar nan a dal e den cabez cu un objeto duro pero e no por a wak kiko e ta exacto. Total.nn tabata 4 persona ( do単o y 3 empleadonan) den e joyeria . E atracadornan a bai cu hopi joyas y te awo no tin e balor exacto. Nan a hui den un pick up nissan doble cabina shinishi cu den oranan di mainta lo a wordo joyride. Patrouille di sta cruz a bin topa cu e pick-up un rato despues na altura di veld di Aruba Juniors. E auto a wordo tuma den beslag. Diferente unidadnan di polis ta buscando den e momentonan aki pa e tres atradornan. Ken cu por a wak of sa algo jama tiplijn di polis cu ta 11141.
Pagina 21
Dialuna 28 Augustus 2017
Cuidadanonan tin hopi keho riba e caminda nobo…. E ta caminda nobo di ‘Green Corridor’ tin hopi batimento y no ta waterpas! Dicon DOW y AVP por permiti un mal trabao ? Desde algun dia caba tin hopi cuidadano ta lansando nan critica riba e caminda nobo, ‘green corridor’. Nos por a constata cu e camindanan nobo a wordo habri y aki pueblo a cuminza tuma nota cu e trabao cu a wordo haci, no ta un trabao di calidad, pero un trabao inferior. Ora bo ta riba e caminda nobo, e caminda aki no ta level, e no ta flat, e no ta smooth, pero e tin hopi bumps, es decir e ta laga bo auto keda baila. Esaki ta algo cu pueblo hamas y nunca por a spera, pasobra aki ta trata di un proyecto grandi, unda compania grandi di exterior mester a participa na un bidding organisa pa DOW. Hamas y nunca pueblo por a pensa cu e proyecto aki lo bay termina den un caminda inferior! Rond mundo tin camindanan bon traha, smooth, flat, cual ta laga bo auto core sin baila lambada ni samba! Mas peor ainda, banda di airport te hast tin un pida ‘lomba’! Si nos analisa e caminda di Plan Sasaki, nos por bisa cu e caminda di Sasaki ta bon traha! Te hasta camidna di Drive Inn pa Tanki Flip ta hopi level, manera nan ta bisa e ta na waterpas! Nos pueblo lo bay paga 500 miyon florin, pa un capricho di Leoncita y Mike Eman, pasobra emailnan confidential di Leoncita confirma cu e persona cu tabata e spirito tras di e proyecto aki ta Leoncita Arends di Canal 90. No ta pornada cu ta su ru-
man Dario Arends ta hinca den e compania local, cu ta representa Odinsa, e compania Colombiano cu a gana e bid. Pa 30 anja largo, Gobierno di Aruba lo keda cria Leoncita y Dario, y Caribbean Infrastrcuture, unda cu e abogado, sobrina di Leoncita tambe ta hinca aden pa asina e front e famia Arends. Ta di lamenta cu DOW y Sr. Marlon Croes por a permiti e desaster aki tuma lugar!
Sintonisa y haya sa mas di e plan di gobernacion Diamars lo tin tercer edicion di POR su ‘Vision 17-21 Live edition’ Diamars 29 di augustus lo tuma luga na EPI e di tres edicion di ‘Vision 1721 Live edition’ di partido Pueblo Orguyoso y Respeta (POR). Na e ocasion miembronan di prensa obhetivo ta wordo invita pa haci pregunta na candidatonan riba lista di POR riba temanan specifico. E temanan di e tercer edicion ta enseñansa y deporte. Comunidad ta cor-
dialmente invita pa asisiti e encuentro aki cuminsando 7or di anochi. E encuentro lo wordo transmiti live riba pagina di Facebook di POR E Forsa Nobo 7or y mey en adelante. Pa esnan cu pa un of otro motibo no alcansa pa sintonisa esaki, por mira e ripiticion tur dialuna 9or di anochi na Tele Aruba. Sintonisa e encuentro di aki y haya mas informa-
cion di POR su vision cu ta vision di comunidad pa comunidad. Bo voto ta hopi importante y ta e instrumento cu ta duna un partido of un persona specifico e poder pa goberna bo Pais. P’esey ta importante pa bo informa bo mes y ta consciente di locual cu cada partido ta para pe, asina bo ta deposita bo voto cu confiansa dia 22 di september proximo.
Pagina 22
Dialuna 28 Augustus 2017
Tiramento y hincamento den oranan di mainta tempran dilanti di American Bar
Bao maneho di Partido AVP, nos pais Aruba ta keda biba den un ola di criminalidad. Diadomingo mainta a sosode otro caso di hincamento y tiramento. Esaki ta mustra nos ta cuanto arma tin aki na Aruba cual Dowers & Eman a permiti pa drenta. Diadomingo mainta tempran a drenta informe di tiramento y bringamento cu cuchiu dilanti di American Bar na San Nicolas, mesora a dirigi patruyanan na e sitio. Na yegada di e patruyanan ya e bringamento lo mester a caba y un victima sangrando a bandona e sitio direccion Village. Polisnan mesora a sera e area y a cuminza cu e investigacion. E informacionnan tabata vago e incmpleto pero asina mes a logra haya detayenan y evidencia importante pa e caso. Polis a confisca varios evidencia y a saca foto di esakinan na e sitio. Nos lo sigui informa.
Pagina 23
Dialuna 28 Augustus 2017
Con ta posibel cu Sr. Marlon Croes y DOW ta permiti e mal caminda di ‘green corridor’?
Awe nos ta para dilanti un problema grandi, unda e calidad di e caminda di Green Corridor ta uno inferior. Tin hopi reclamo cu ta mustra cu e caminda ta mal traha, e no ta na waterpas, cual ta laga auto keda baila riba caminda. Con ta posibel cu Sr. Marlon Croes, cu tur su trajectoria, cu tur su expreticio cu segun e, e kemen cu e tin, con ta posibel cu e por a laga e compania Odinsa, traha un caminda di mal calidad ? Unda e control di DOW a keda? Kico tabata tin poni den e destaho publico? Sr. Marlon Croes no a garantisa un caminda na standard di nos pais Aruba? Den anjanan 60 cu PPA a laga traha caminda, pa cual un di e camindanan principal, di Drive Inn pa Tanki Flip, si nos analisa e caminda aki, te cu dia di awe, e ta un bon caminda. Un di e puntonan basico pa traha caminda ta pa e caminda por ta smooth, level, waterpas! Esaki no tabata condicion di DOW? Aki DOW a faya barbaramente! Sr. Marlon Croes a faya barbara “Green corridor” mester wordo investiga pa corupcion! Despues cu nos redaccion a haya masha hopi yamada den weekend, cualnan ta keha riba e caminda nobo di ‘green corridor’, por lo menos un yamada a trece un punto hopi clave dilanti. Segun e yamada ta splica, cu e mal calidad di caminda cu a
wordo traha aki na Aruba, ta proba cu ta un trabao masha barata. Segun e yamada, cu hamas y nunca DOW lo por a traha un bestek, indicando cu mester basha asfalt sin pone na ‘level’ o na ‘waterpas’. Pues, tin un fayo grandi! Segun e yamda, por cuminza pensa aki riba corupcion. Kisas ora cu controladornan di DOW a raporta cu e caminda ta mal traha, kisas a bin ordo di halto pa lage numa. Den e proceso aki mester bay investiga si por tin cualker placa cu a wordo duna bao di mesa, pa asina bypass e coreccion di e caminda aki.
E yamada a sigui bisa cu Sr. Marlon Croes no ta un persona bobo! He is no stupid! Pues e yamada ta pidi pa e gobierno nobo, pa analisa e bestek y pa mira si tin cualkier corupcion den dje. E ta un berguenza pa DOW di ARUBA mira awe un caminda cu yen di ‘lomba’, yen di ‘subida y bahada’ y tin hasta cierto parti cu e caminda ta lagabo trill. Den e Aruba di 2017, con nos por accepta e caminda aki? Kendenan ta culpabel di e mal caminda aki? Y ainda e compania Odinsa a priminti di regala AVP 10.000
bicicleta? Pakico Odinsa kier regala AVP 10.000 bicileta? Esaki ta compensacion pa e caminda mal traha? Asina e compania constructora Obdebrecht a traha den paisnan Latino! Nan a cumpra tur sorto di mandatario cu placa! Lula da Silva ex president di Brasil, nan a regale un aparamento luhoso! Kisas Benny Sevinger tambe a haya un apartamento luhoso na Miami?
Tres pitbull a drenta den cas y mata cacho di doño Diasabra atardi laat a drenta informe di cu 3 pitbull brabo lo a drenta sala di un cas na Tanki Flip y lo ta atacando un cacho di e doño di e cas, mesora a dirigi un patruya na e sitio. Na yegada di e patruya a bin haya un situacion horroroso unda e pitbullnan tabata den e sala atacando e cacho di e doño y amenasando e doño di e cas kende ta un dama di edad, e pitbull cu tabata paden y no kier a sali a keda ataca e otro cacho te mata esaki y despues kier a bay ataca esnan den e sala y hasta polis y na dado momento polis mester a usa su arma pa tira e animal aki mata. Un ves mas nos por constata cu tin donjonan di cacho cu no ta worry cu nada. Maske tin un ley cu bo cacho mester keda den bo cura, toch tin donjonan cu kisas no por atende cu nan cacho. Un boet lo ba cay pe donjonan aki.
Pagina 24
Dialuna 28 Augustus 2017
Droga tin nos pueblo daĂąa..
Choller a horta auto y bay cu baby di tres luna Chofer a conďŹ a pa laga baby den auto...
Diabierna mainta a drenta informe di cu un choller lo a horta un auto cu un baby aden for di Boliviastraat, mesora a dirigi varios patruya den e area di Oranjestad.
choller "Machete" y eynan a cuminza cu un persecucion cu a bay termina na Pedro Gallegostraat ora un patruya a blokea e auto concerni.
Na yegada di e prome patruya a bin compronde cu aki lo ta trata di un auto cual e chofer a laga e baby den auto pa bay busca algo paden y regresa, pero un choller a pasa su dilanti subi den e Toyota Yaris preto y a sali bay cu e auto y e baby.
E chofer a core baha for di e auto y a purba huy polisnan a bay su tras y a logra gar'e. Pa sorpresa di tur e baby no tabata den auto, polis despues di a puntra na varios ocasion unda e chofer a laga e baby esaki a bin bisa cu e a laga e baby banda di Tempo na De La Sallestraat.
Mesora a manda un anuncio general pa tur e unidadnan tira un bista riba e auto aki. Na Vondellaan un patruya a spot e auto concerni y a reconose e chofer como e
Polisnan mesora a bay na e sitio y a bin encontra cu e baby y a bay cun'e na warda di polis Oranjestad unda despues di un revision door di e personal di ambulans a nota cu e baby ta OK.
Pagina 25
Dialuna 28 Augustus 2017
“Green corridor” mester wordo investiga pa corupcion! Despues cu nos redaccion a haya masha hopi yamada den weekend, cualnan ta keha riba e caminda nobo di ‘green corridor’, por lo menos un yamada a trece un punto hopi clave dilanti. Segun e yamada ta splica, cu e mal calidad di caminda cu a wordo traha aki na Aruba, ta proba cu ta un trabao masha barata. Segun e yamada, cu hamas y nunca DOW lo por a traha un bestek, indicando cu mester basha asfalt sin pone na ‘level’ o na ‘waterpas’. Pues, tin un fayo grandi! Segun e yamda, por cuminza pensa aki riba corupcion. Kisas ora cu controladornan di DOW a raporta cu e caminda ta mal traha, kisas a bin ordo di halto pa lage numa. Den e proceso aki mester
bay investiga si por tin cualker placa cu a wordo duna bao di mesa, pa asina bypass e coreccion di e caminda aki. E yamada a sigui bisa cu Sr. Marlon Croes no ta un persona bobo! He is no stupid! Pues e yamada ta pidi pa e gobierno nobo, pa analisa e bestek y pa mira si tin cualkier corupcion den dje. E ta un berguenza pa DOW di ARUBA mira awe un caminda cu yen di ‘lomba’, yen di ‘subida y bahada’ y tin hasta cierto parti cu e caminda ta lagabo trill. Den e Aruba di 2017, con nos por accepta e caminda aki? Kendenan ta culpabel di e mal caminda aki? Y ainda e compania Odinsa a priminti di regala AVP 10.000 bicicleta? Pakico Odinsa kier regala
AVP 10.000 bicileta? Esaki ta compensacion pa e caminda mal traha?
traha den paisnan Latino! Nan a cumpra tur sorto di mandatario cu placa!
Asina e compania constructora Obdebrecht a
Lula da Silva ex president di Brasil, nan a regale un
aparamento luhoso! Kisas Benny Sevinger tambe a haya un apartamento luhoso na Miami?
Despues di ranca dos palo di lus, homber a yega cas y maltrata su muher Diasabra madruga a drenta informe di cu na El Conquistador Apartments na Sabana Liber lo tin un homber maltratando un muher, mesora a dirigi un patruya na e sitio. Na yegada di e patruya a nota e homber core sali pafo cu un cuchiu den man pero tacticamente polisnan a logra gar'e y desarme. Nan a detene y a hib'e na warda di polis. E agentenan a nota cu e dama ta herida cu un corta na su man y posiblemente golpinan na otro parti di su curpa, nan a pidi am-
bulans pa bin atende cu e dama. Pafo di e apartamento polis a nota un Daewoo Racer color burgundi sin bumper dilanti y cu sla fresco na dje. Un rato despues a drenta informe di cu na Alto Vista un auto lo mester a ranca 2 palo di lus y a sigui core bay lagando e bumper atras. A bin resulta cu e bumper cu e number ta cuadra cu e auto na e appartment complex unda e otro patruya tabata. Mesora a confisca e auto pa mas investigacion.
PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500
Pagina 26
Dialuna 28 Augustus 2017
Gym nobo, WarriorHouse a habri su porta na Sta. Cruz, den edďŹ cio di Club Trappers. Grandi y Moderno!
Pagina 27
Dialuna 28 Augustus 2017
Mas inseguridad di Dowers & Eman....
Señora di edad halto atraca den su cas den marduga! Kico ta pasando? Unda Aruba ta bay?
Diasabra madruga pa mas o menos 03:18 a drenta informe na Central di Polis di un yamada na AC (Alarm Central) cu un atraco a caba di tuma lugar na un cas na Cura Cabay. Ta asina cu na yegada di patruya a bin topa cu un señora grandi na e cas cu ta declara cu un rato prome 2 homber scur full na preto bisti cu un arma di candela y nan cara no ta tapa, a drenta su cas y atrake. Un di nan lo a dal e cu e arma di candela na su cabez. E ataracadornan a bay cu mas o menos Afl 300, y tambe su cellular. Nan mester a huy na pia y tur dos a papia papiamento. Atraco team a presenta pa sigui cu e investigacion y tambe a pidi pa slachtoffer hulp mirando e situacion cu e señora a pasa aden. Ken cu por a wak of sa algo jama tiplijn di polis cu ta 11141.
Nota di redaccion: E situacion na Aruba ta for di control. Tur caminda tin atraco sea den dia of anochi. Ta un situacion hopi penoso mes pa nos isla. Un gobierno cu den 8 anja pa goberna malo, no a bini cu manehonan na fabor di pueblo! Te gobierno di AVP aki mes a stop tur pasonan di MEP a tuma den pasado pa segura Aruba. Unda nos ta bay si sigui asina? AVP no por bolbe bek den Gobierno! No MAS!
E-mail: solodipueblo@gmail.com
Pagina 28
Dialuna 28 Augustus 2017
Dr. Nuris Lampe, candidato no.5 riba ReD, ta comenta riba fayonan den salud Den maneho di salud na Aruba tin masha hopi keho apesar cu tin un seguro general cu ta cubri henter pueblo. E problema cu salud ta enfrenta ta: lista di espera largo. Esaki ta paso e continuidad di e servicio medico ta stop y cumula ora e dokter tin y ta obliga di bai un congres y mester tuma vakantie of si e bira malo etc. E ora ey no tin ningun hende den su luga. Paso e dokter cu mester tuma su luga no por tuma tur patient, lagando esaki solamente pa emergencia so y e lista di espera ta bira largo, si tin di busca un dokter di afo pa suplente esaki mester wordo paga pa e dokter mes es decir , ticket, hotel, auto y salario. Si ta e caso di hospital ta mesun schalering di salario pero e dokter di afo no ta mira ni e mitar di e pashentnan atrasa. Dus e lista di espera ta keda bira largo. Pakico asina hopi problema? Paso e reglanan tanto di hospital como di AZV ta basa riba un manpowerplanning cu criteria di Hulanda, cual no ta pas pa Aruba, nan kier dokter caro di Hulanda como suplente, pero cu ni por hasi e trabao. Nos di ReD kier flexiblilisa e admision di dokter na Aruba pa por hanja mehorasion di e cuido dor di implementa Arubig pa nos mesun specialistanan cu a studia den region. AZV solamente ta spaar placa riba dokter y botica y no riba nan mes! Mehora e importasion di remedi na alcance di un y tur! Y cuminsa stop e persecusion di specialista di manera injusto. Que hubo di prevencion ? E conscientisacion ta cuminsa na skol. Mester bin cu e intervension di e
instancianan cu ta encarga di prevension pa pone nan traha cu muchanan, pa familia planea, dietista, dokternan den campo di Soas, sicologo pa evita e malesa di adiccion.
E derde lijn ta esun cu nos no tin na Aruba. Awor aki e eerste lijn a wordu reforza cu hendenan no medico, awor sigur a alivia 2de lijn paso e pashent ta bai di eerste pa derde lijn me-
sora! Pero e ta mucho laat y e eerste lijn a rek en trek e pashent sin tin un diagnose. Mi ta ripiti sin un diagnose, un sospecho no ta diagnose, manda hende malo cas bao sospecho ta negligencia. Nos di Red ta bai cambia e forma cu e dokter ta traha, e mester genera un diagnostico dirigi na loke e ta hanja riba e pashent.
Ora bo ta kere cu bo ta perfecto bo no por cambia paso bo no ta mira bo defectonan. Esey ta AZV y HOH.
Futbol bond a paga 333 mil na propaganda den 2016
Dialuna 28 Augustus 2017
Pagina 29
Auto a dal den truck di Chica Pos
Diabierna atardi a drenta informe di un accidente cu impacto basta fuerte na Seroe Patrishi, mesora a dirigi un patruya na e sitio. Na yegada di e patruya a bin comrponde cu aki ta trata di un accidente unda cu e chofer di e Hyundai Getz bayendo direccion Oranjestad a haya su mes ta brake y desvia pa un auto cu a brake diripiente y a bira na su man drechi, e desviacion aki a pone cu e Getz a bay dal den banda di un truck di direccion contrario. E impacto tabata fuerte pero afortunadamente ningun hende a resulta herida.
Oracion di dia... Un siman bendishona rumannan y cu Senjor transforma nos curazon.
Tata Bondadoso, danki pa Bo bondad y pa fiha Bo bista riba mi ora mi tawata perdi. Cu Bo a sa di busca mi, pa encontra mi y consola mi y yena mi di Bo poder ora cu mas mi tawata tin mester. Mi ta pidi Bo pa keda den mi curazon y transforme segun Bo santa boluntad. Mi tin mester di Bo Senjor, di Bo amor y Bo ternura pa mi por sinti mi companja. Danki Senjor cu Bo ta stima cada un di nos cu ta Bo yiunan cu un amor asina grandi. Awe Iglesia ta recorda San Agustin, cu tawata Obispo y Doctor di Iglesia. Agustin den su hubentud tawata hiba un bida di libertinahe y su mama Santa Monica a resa durante varios anja pa combercion di su yiu. Su yiu a comberti y a bira sacerdote y despues obispo. Senjor Abo semper ta denter di cada un di nos, pero hopi biaha nos ta pafo. Senjor Bo kier keda cerca nos pero hopi biaha ta nos ta bai for di Bo perdiendo nos mes den cosnan di mundo. Pero cu Bo luz Bo ta briya y ta ilumina tur loke ta scuridad. Bo ta manda Bo fragancia pa nos por enhale y pa nos por suspira pa Bo y haya hamber y sed di Bo. Bo ta toca cada un di nos y Bo ta brasa nos cu Bo paz. Danki Tata cu Bo ta stima Bo pueblo. Nos ta alaba Bo y halza Bo nomber Santo y bisa Bo Grandi Bo ta O mi Dios. Amen.
Tip line 5859500 solo di pueblo @ gmail.com Tip line 5859500
Pagina 30
Dialuna 28 Augustus 2017
Dama bao influencia a basha palo di lus abao cu transformer Moko a keda sin coriente pa varios rato...
Diasabra madruga a drenta informe di un accidente cu hende herida na Moko. Mesora a dirigi tanto polis como ambulans na e sitio. Na yegada di polis a bin compronde cu un dama coriendo bao influencia bayendo dirrecion nort a dal trafico contrario y a bai kibra palo di luz cu transformator. Esaki a causa cu e area den vecindario a keda sin coriente. Na yegada di ambulans a atende e victima nan y a transporta nan pa hospital. Alcohol ta keda hunga un rol den trafico.
Pagina 31
Dialuna 28 Augustus 2017
Señor ta mi wardador, mi’n tin falta di nada, den cunucu di yerba berde E ta pone mi sosega. E ta hiba mi na awa trankil, pa mi bolbe haya forza. Salmo: 23.1
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haya forza”. Salmo: 23
Cu inmenso tristeza na nos curazon, pero conforme cu boluntad di Dios nos ta participa fayecimento di:
Nos ta anuncia fayecimento di:
Sra. Maria Helena Vrolijk
*03-09-1957 - †25-08-2017
Acto di entiero lo wordo anuncia despues.
Acto di despedida lo wordo anuncia despues.
Señor ta mi wardador, Mi n’tin falta di nada; Den cunucu di yerba berde, Eta ponemi sosega. Eta hibami na awa tranquil, Pa mi bolbe haya forza. Salmo 23:1,2,3.
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haya forza”. Salmo: 23
Cu inmenso tristeza den nos curazon nos ta anuncia fayecimento di nos Mama, Wela, Bisawela y Tatarawela Stima:
Cu inmenso dolor na nos curazon nos ta participa fayecimento di nos defunto stima:
Sra Vda. Veronica Dirksz – Maduro - v/d Berg
Rogelio Antonio Jansen
Cariñosamente yama: Mona di Buchi *01 December1927 †26 Augustus 2017
Acto di entiero lo wordo anuncia despues
Gregorio Loefstop
Mihor conoci como “ Papa” *07-09-1960 - † 21-08-2017
Acto di entiero lo wordo anuncia despues
Pagina 32
Dialuna 28 Augustus 2017