Cambionan den nos ley di codigo penal

Hopi ta sufri di apatia Varios persona a perde compasion y bira egoista

Un hora mas tempran di ciere ta mas importante cu situacion di hospital

Den fin di siman nos a sinja conoce hendenan cu a perde tur clase di compasion. Nan a drenta un mundo di egoismo propio y no ta “give a damn”, solamente cu un hora cu nan negoshi mester cera mas tempran.

Parce cu e benta den un hora di negoshi, ta 1 miyon florin ! Y cu sin esey nan lo muri.

Nan ta rechasa pa compronde e situacion na hospital y nan ta rechasa pa wak mas leu, cu si nos no tuma medida pa baha e casonan, Merca ta supla fluit riba nos, dunando nos codigo preto y consequentemente menos turismo.

Nan ta den rechaso, y nan no sa cu tur negoshi na Aruba ta draai danki na e placa di turista.

Con estupido mas nan por ta? Cu nan ta nenga pa wak cu Gobierno ta hustamente protegando tur negoshi na Aruba, unda ta nabega e barco, pa tene porta habri pa turismo?!

Ta cuanto placa nan por perde den un ora?

Conclucion ta cu tin hendenan sin compasion, cu sufri di apatia, amarga, frustra, y realmente cu un coco bon bashi.

Ta hasi un suplica pa nan wak e consequencia y sea gradici y haya mas sentimento pa ser humano.

Mas di 1500 persona a vacuna diadomingo

Te cu 12.30 merdia, a vacuna 1000 persona. Nos ta pronostica cu pa 4or, lo a vacuna 1500 persona. Nos redaccion a cera tempran y no tin e cifra oficial. Sinembargo e mobilisacion tabata grandi na Rits Carlton desde hora di mainta.