DIALUNA 20 MEI 2024

Noticia di Corte

Dialuna ta cuminsa caso pa kita

propieDaDnan Di Benny sevinger

ORANJESTAD –Dialuna ta e dia cu Procurador General ta bisa Hof di Corte Superior kico e ta pensa di e apelacion di e acusadonan den caso Avestruz.

SOLO DI PUEBLO por a compronde cu Dialuna tambe tin e caso di kita propiedadnan di Benny Sevinger relaciona cu caso Avestruz.

DIALUNA LO HAYA SA CASTIGONAN DI CASO AVESTRUZ

Dialuna Procurador General ta bisa Hof di Corte Superior, kico e ta pensa di e acusadonan cu a apela nan sentencia y ki castigo e ta exigi pa nan. Segun e planeamento di Hof, esaki lo bay

ta den careda di 11’or di mainta. Posiblemente e mesun dia, algun abogado lo hiba defensa aunke cu abogado mr. Oomen for di siman pasa a pidi Hof pa e hiba defensa Diamars pasobra e kier studia e requisitorio di Procurador General pa reacciona ariba.

CASO KITA PROPIEDADNAN DI SEVINGER

Dialuna mainta, Corte di Husticia den Promer Instancia ta cuminsa cu tratamento di e caso cu Ministerio Publico a cuminsa contra Oslin Benny Sevinger pa kita propiedadnan, relaciona cu caso Avestruz.

Ora cu Ministerio Publico a cuminsa cu

tratamento di e caso Avestruz den Promer Instancia, Fiscal a anuncia cu lo cuminsa un caso di kita propiedadnan pasobra ta sospecha Benny Sevinger di labamento di placa. A menciona suma di mas o menos 1 Miyon Florin.

Dialuna lo no bay trata e caso sino lo bay planea un fecha pa e tratamento. Tambe e abogadonan di Sevinger lo por pidi pa haci investigacion cu nan kier pa tuma lugar promer cu e tratamento cuminsa. Despues di e parti aki lo bay palabra un fecha pa cuminsa cu tratamento di e caso.

motociclista gravemente heriDa Den acciDente na caya musica Despues Di a Dal y kiBra palo Di lus

Diabierna mainta a drenta informe di un accidente cu hende herida den Caya Musica, mesora a

dirigi tanto polis como ambulans na e sitio. Na yegada di e patruya a bin compronde cu aki ta trata

di un accidente unda un motociclista biniendo for

di nort pa un motibo of otro ela baha caminda na man drechi dal un palo di lus kibra y e mes a resulta gravemente herida y cu un pia kibra y aparentemente ribchi kibra tambe kehando di hopi dolor. Na yegada di e ambulans nan a atende e victima y a transporte pa hospital. Mirando e gravedad di e situacion polis di trafico a solicita presencia di e investigadornan technico y forensyco pa documenta e accidente aki.

Minister Glenbert Croes

MPR A YEGA ARUBA A CUMINSA CU E

INVESTIGACION NA ELMAR

Durante Minister

Glenbert Croes su rueda di prensa atendiendo e tema di instabilidad di coriente, e mandatario a confirma di a reuni cu e companianan estatal WEB, ELMAR, Utilities y otro instancianan cu e no tabata kier a divulga, pa inicia un investigacion interno den ELMAR. Den cuadro di e investigacion aki a contrata e compania Americano MPR di Washington DC.

MPR ta un compania cu ta

specialisa den e ramo aki cu ta investiga, indentifica e problemanan y indica kico ta e solucionnan y con pa ehecuta esaki cu efectividad.

Manera priminti, MPR a yega Aruba y a inicia su investigacion.

Pa e mandatario e baymento di coriente aki ta inaceptabel y ta convivi cu e disgusto reinante den nos pueblo. Nos ta un pais avansa y desaroya por lo cual e interupcionnan aki ta inaceptabel.

Mester remarca tambe si cu pa decadanan no a inverti den e planta y red di ELMAR. Durante

Gabinete Wever Croes bou di e Minister di Energia Evelyn Wever Croes, a acorda un plan di mantencion y inversion di 5 aña. COVID a bati na nos porta cu a caba di debilita e estado financiero di nos

companianan estatal di Utilidad. Pero asina mes den Gabinete Wever Croes 2, a acelera e proceso di mantencion y inversion di 5 pa 3 aña cual obviamente tampoco ta suficiente pa sigura un distribucion di coriente estable.

“Esaki ta e motibo cu mi a duna instruccion na Utilities N.V. pa inmediatamente contrata e compania MPR pa nan bin Aruba haci e investigacion, presenta e plan di accion, ehecuta esaki inmediatamente, pa asina sigura un suministro di coriente estable cu nos pueblo ta paga p’e mensualmente”.

Asina cu e investigacion ta cla lo comparti e informacion aki cu pueblo di Aruba pa mantene nos conciudadanonan informa.

CAChO BRABO A ATACA PEATON NA MARIA ChRISTINASTRAAT Y NO TA PROME BIAhA

Diabierna mainta a drenta informe di cu tin un cacho ta ataca peatonnan den Maria Christinastraat, mesora a dirigi un patruya na e sitio. Na yegada di e patruya a haya un peaton cu a ser ataca no pa prome biaha y e biaha aki e mester a busca refugio na un cas di bisiña banda panort. Despues di a scucha e version di e victima polis

a bay pazuid di caminda y a hala atencion di e dama habitante pa e

tuma medidanan drastico cu su cacho sino lo tin consecuencianan!

Noticia di Corte Caso apelacion Avestruz

Benny Sevinger a declara cu el a wordo

uSa door di leoncita arendS pa haya tereno y Bende nan - 1-

Siman pasa Hof a trata e apelacion di Leoncita Arends den caso Avestruz. Hof a mustra riba diferente cosnan straño cu a pasa cu e dunamento di terenonan na Arends.

SOLO DI PUEBLO por a compronde cu durante tratamento, Hof a mustra cu Sevinger a declara na Landsrecherche cu e ta sinti’e usa door di Arends pa cu e terenonan.

HOF TA CUESTIONA CON BENNY TABATA

DUNA TERENO

Hof a mustra cu segun ley di dunamento di tereno, tur cu kier haya tereno mester haci peticion serca Gobierno y cumpli cu e reglanan cu mester cumpli cun’e. E minister ta esun cu ta duna opcion di pago pa haya tereno. E prijs ta hopi mas abao compara cu prijsnan real di tereno. Hof a remarca con e dunamento di tereno tabata tuma lugar. Hof a mustra cu ta ser papia cu ta amigonan ta haya tereno y cu minister a haya placa pa tereno. Normal hendenan ta warda añanan largo pa haya tereno mientras cu tin hendenan ta haya tereno masha liher. Hof a puntra Sevinger, con e maneho di tereno tabata bay. Sevinger a bisa cu DIP ta hiba maneho con ta duna tereno y esun cu yega promer ta wordo sirbi.

SEVINGER TA REACCIONA RIBA HOF

Sevinger a bisa Hof cu si den futuro e bolbe bira minister, e lo bin cu maneho nobo cu tur peticion pa tereno e lo manda Ministerio Publico pa conseho. E ora ey e ta sigur cu e no tin problema. Hof a sigui cu preguntanan skerpi. ARENDS A GAÑA GOBIERNO PA HAYA TERENO

Hof a mustra cu Arends ta wordo acusa di a forza Gobierno duna tereno door di duna informacion

falso cu lo ta interesa desaroya proyecto pero a bende e tereno cu otro compania. Hof a mustra cu e Hues den caso den Promer Instancia a bisa cu e no ta kere Arends, Werleman, Nuñez y Mansur cu tabata interesa den proyectonan. E ta considera esaki malversacion.

Hof a bisa cu 8 Februari 2013 Elenath a haci peticion pa tereno na Sasaki, siendo cu e compania no ta lanta. Hof a remarca cu hopi compania cu no ta inscribi como compania, ta haci peticion pa tereno. Sevinger a mustra cu e Gobierno anterior tabata haci esaki. Hof a reacciona cu awor ta atendiendo e caso aki y no ta wak kico e Gobierno anterior of esun despues a haci. Hof a mustra cu tin mas peticion haci y a haya na cas di Arends un carta di peticion pa e tereno, cu aprobacion di Sevinger pero no tin nada na DIP. Arends a bisa Hof cu ta cu Franken el a deal pa haya inversionista pa e proyecto. Hof a mustra cu tin 5 peticion riba e tereno aki. 15 November 2014 tabata e ultimo peticion di Richardson, e yiu di Arends, y riba esey si a haya aprobacion.

SEVINGER TA HAYA CU LEONCITA A US’E

Hof a mustra cu Sevinger a declara na Landsrecherche cu e ta sinti’e usa door di Arends pa cu e tereno pasobra Arends tabata duna e impresion cu lo tin un proyecto pero esey no a resulta. Hof a mustra cu Every a bisa cu Sevinger tabata disgusta cu Arends tabata blo pidi pa tereno. Tambe cu el a bisa Sevinger pa stop di duna Arends terenonan. Segun Sevinger, Every a declara asina pa tira culpa riba dje. El a bisa cu Every tabata e persona di confianza di dje.

A SCONDE PETICION DI OTRO GRUPONAN

Hof a mustra cu tabatin tres grupo interesa den e mesun tereno na Sasaki y cada un tabata un otro proyecto. Tabatin grupo di Curacao, Colombiano y Argentino. Hof a remarca cu con por ta posibel cu e tres gruponan nan peticion no a yega DIP. Sevinger a bisa cu e no por bisa nada di esey pasobra ta na DIP tur peticion ta bay. Hof a puntra, con Elenath na 2014 tabata busca bende di proyecto na Sasaki, siendo ainda no tabatin opcion pa e tereno.

BENDE TERENO NA SASAKI PA 555 MIL FLORIN

Ta asina cu Arends a bende Elenath. Arends a confirma cu el a haya 60 mil florin di Helder cu ta casa di Diana como adelanto di Elenath. A cumpra e proyecto pa 555 mil florin. Hof a remarca cu Arends a gasta 500 mil florin den un periodo di 2 luna. Segun Arends, e placa a bay na negoshi di catochi cu e tin caminda 20 hende tabata bende p’e. E tabata bende catochi y loteria cu ta bin for di Merca. E loteria di Merca ta bin cu avion. Lotto Florida, Power Ball y Mega Million.

HAYA TERENO NA WAYACA

E proyecto Deshaun, ta encera un tereno na Wayaca. Deshaun a wordo lanta pa Arends 30 September 2015 y e tabata e unico accionista. Un persona Henriquez a pidi tereno 1500 meter na Noord. Alvin Lin a bisa cu Arends a acerk’e pa bende e tereno na Wayaca. Hof ta haya straño cu tin peticion pa tereno for di Augustus 2015, siendo cu ainda Deshaun no a wordo lanta. Ta asina cu Sevinger a bay di acuerdo y a firma e peticion y manda DIP pa realisa esaki. Continuacion pag 6

cachonan ta ataca muchanan Si School mainta

Diabierna mainta a drenta informe di cu muchanan di school ta ser ataca pa cachonan di un cas den e caya menciona y ora muchanan pa defende nan mes saca un palo y dal e cachonan e dama ta reclamanan, mesora a dirigi un patruya na e sitio. E dama a bisa cu ela reclama cu un persona a drenta su cura pa dal e cacho y ela reclame.

MINISTER ENDY CROES TA FELICITA E 104

CURSISTANAN

CU A FINALISA E CURSO BIBA AMOR

EXITOSAMENTE

ORANJESTAD: Diahuebs anochi, a tuma luga entrega di certificado na 104 cursista cu a finalisa e curso di educacion sexual Biba Amor exitosamente. Na september 2023, Dienst Publieke Scholen (DPS) a introduci e programa di educacion sexual Biba Amor na e klasnan 5 y 6 di scol basico. E meta di Biba Amor ta pa crea conscientisacion, baha e cifra di embaraso hubenil

y stimula nos hobenan pa haci escogencia sano. E lesnan a trata diferente topico entre otro, norma y balor, conoce bo mes y contacto cu mayor. Tambe, a pone hopi enfasis riba e aspecto social, emocional y bienestar en general di e hoben. DPS a ofrece e dianan di capacitacion na maestro, maestro di movecion y salud, cabesante, IB’ers y SMW’ers y a organisa

NA SpAANS LAgOENwEg

UN hOMBER BEBI CU A

DAL ABAO Y hERIDA SU

MES A hAYA UN LIFT CU pOLIS

Diaranson atardi a drenta informe di cu un homber bebi cu a dal abao y herida su mes na Spaans Lagoenweg, mesora a dirigi un patruya na e sitio. Na yegada di e patruya a encontra e homber benta abao na suela y herida. Polis a pidi pa un ambulans bin atende. Na yegada di e ambulans nan a atende pero no tabata nada grave cu ambulans mester a hib’e hospital. E ora pa su mesun bon polis a hiba e homber su cas eybanda mes y a bisa su familiarnan si e sinti mas dolor e ora nan mes por hib’e hospital.

diferente ronda di informacion pa mayor.

E training y programa a ser facilita door di Sra. BSc. Pharetza BerdatDamon cu cooperacion di Ministerio di Salud, Ambiente y Naturalesa di Curaçao. E proyecto a conta cu cooperacion estrecho di Wit Gele Kruis Aruba Departamento di Tienermoeder, encabesa pa Sra. Monique GielLabad. Minister Endy Croes tabata presente na e ceremonia, unda el a hiba palabra y a felicita e 104 cursistanan. Sra. Pharetza Berdat-Damon a indica cu den nomber di Ministerio di Salud, Ambiente y Naturalesa di Curaçao tabata un placer di por a duna un aporte na

e educacion saludabel di e hobennan na Aruba, unda cu a brinda informacion alcaso pa asina nan mes por tuma un decision cu ta aporta na nan desaroyo sexual saludabel. Por ultimo, e mandatario di Enseñansa y Deporte ta gradici Sra. Pharetza

Berdat-Damon, ekipo di DPS esta, Sra. Morela Dirkz, Sra. Marylou, Sra. Richenella Croes- Wever, Sr. Johnny Tromp y Sr. Junny Oleana cu a haci e proyecto aki posibel y exitoso.

pOLISNAN A ACTIvA pA gRUpO

DI hOBEN BUSCANDO pROBLEMA

BANDA DI EDIFICIO DI CORTE.

Diabierna mainta a drenta informe di cu algun hoben tabata buscando problema banda di ex-panaderia Moderna tirando piedra pero ora a tende polis biniendo nan a core bay direccion banda di Tat Fat na Venezuelastraat unda alomenos un di nan a drenta den un apartamento y polisnan a agrupa pa bay drenta pero nan no a haci esey polisnan a keda drey rond den e areanan pero no a logra topa cu nan.

Caso apelacion Avestruz

Benny Sevinger a declara cu el a wordo uSa door di leoncita arendS pa haya tereno y Bende nan - 2-

TIRA CULPA RIBA OTRO

Segun Arends, Lin ta gaña. Ta Lin a acerca Arends si e tin un proyecto pa bende. Arends a bisa cu Lin no ta e bendedor. El a bisa cu el a manda un peticion mientras cu Deshaun ainda no tabata existi. Hof ta haya remarcabel cu na Augustus 2015 ta haci peticion di tereno bou Deshaun siendo cu Deshaun ainda no ta lanta. Hof a remarca cu normal lo mester a bisa den e carta cu ta lantando Deshaun. Hof a mustra cu Landsrecherche a haya un carta fecha 20 Augustus 2015 pero e carta a yega na minister 7 Augustus 2015. Ta asina cu 14 Augusuts 2015 minister Sevinger a bay di acuerdo cu e peticion y manda e carta cu su firma pa DIP.

SEVINGER A ORDENA PA DUNA TERENO

NA LEONCITA

Arends a bisa cu el a nombra un empleado Winterdal pa ta director di Deshaun pa motibonan politico. Hof a remarca cu Abath a cuestiona esaki pasobra Winterdal ta un trahador y no tin conocemento di compania. Abath a bisa cu el a haya instruccion di Sevinger

cu e carta pa realiza esaki. Den periodo di 3 luna e tereno aki a wordo bendi. Hof a mustra cu investigacion a mustra cu Deshaun no tabatin capital. Arends a bisa cu riba peticion di Alvin Lin, el a haci e proyecto. Hof ta mustra cu segun Abath, el a haya instruccion di Sevinger pa regla 2 tereno y cu urgencia. Segun Sevinger, esey no ta berdad. Sevinger a bisa cu ta door cu ta investigacion di Landsrecherche, tur hende ta tira culpa riba dje. Hof a sigui bisa cu e hefe na DIP a mustra cu no ta normal cu e mesun dia cu e team di maneho ta duna conseho, minister ta duna decreto di opcion. Normal esaki ta dura algun luna. Esey mester a sosode door di minister. Sevinger a desmenti esey. Hof a mustra cu tin un documento caminda Deshaun ta bisa na un comprador cu lo percura cu minister pa haya permiso y haya finanzas. Arends a bisa cu e ta sinti asina malo cu no a controla e documento cu Alvin Lin a traha. E no ta di acuerdo cu esaki.

BENDE TERENO NA WAYA PA 365 MIL FLORN

365 mil florin a bende Deshau na December 2016. Arends a haya e suma den 3 pago. Hof a mustra cu Hues di Corte den Promer Instancia, a declara no proba e declaracion di e dama Roja cu a bisa cu Arends lo a dun’e envelop cu placa pa hiba pa Sevinger. El a duna un dama na cas di Sevinger. Roja no a mira e placa pero ta sospecha cu den e envelop tabatin placa aden. Segun Arends, Roja tabata gaña mahos. Sevinger a remarca cu ningun momento Rojas a hiba placa sino a bay busca envelop di loteria cu a trece pa Arends for di Miami.

DUNA FAMIA DI EMAN 30 MIL DOLLAR NA MIAMI

Hof a mustra cu Arends a manda 30 mil dollar pa e dama A. cu ta famia di Eman na Miami. Arends a bisa cu Eman a traha riba su cas na Miami y door di esey Eman a pidi pa manda e placa pa A. Segun Arends el a transfer e placa pa A. Hof a bisa cu A. a bisa cu e no a haya placa. Arends a bisa cu ta riba peticion di Eman el a haci’e.

MiniSter endy croeS a coMBerSa cu e inStructornan di landaMento eScolar

Roly Bisslik na Savaneta, unda cu a reuni cu Sr. Andy Gomes, kende ta dirigi e proyecto di Landamento Escolar. Sr. Gomes a duna presentacion di e proyecto y a elabora riba diferente inkietud. Landamento Escolar ta cumpliendo 32 aña y alrededor di 1400 alumno ta participa tur aña den e proyecto aki. For di comienso di aña escolar un grupo grandi di alumno ta participa y lo realisa e examen pa haya e diploma A y B den e luna di juni proximo. Sr. Andy Gomes a indica cu durante e encuentro a trata diferente inkietud, a duna informacion actualisa di e proyecto y e cambionan cu nan ta desea di mira den futuro. Banda di esaki, Minister Endy Croes a combersa cu e instructornan di landamento, unda cu el a scucha nan preocupacionnan y a contesta nan preguntanan.

Olimpico

“Pa e proximo aña escolar e proyecto aki ta bay bek lama na Palm Beach. Lo keda uza e Piscina Olimpico pa e scolnan den cercania. Pa loke ta trata e lama di Baby Beach, esaki

ta den planificacion”, Minister Endy Croes a informa. Pa loke ta trata uniform y material di oficina e mandatario di Enseñansa y Deporte a compromete cu e lo cumpli cu nan prome cu aña escolar 2023-2024 finalisa. “Nos ta contento di mira e cantidad di scol cu ta participa tur aña den e bunita proyecto aki” Minister Endy Croes a enfatisa. Pa conclui, e mandatario di Enseñansa y Deporte ta gradici pa e caluroso recepcion y e mainta ameno. “Hunto nos mester traha e plan pa mehoracion di e bunita proyecto aki”, Minister Endy Croes a finalisa.

Diaranson mainta, Minister Endy Croes hunto cu directora di Departamento di Enseñansa (DEA) Sra. Anne Marie Proveyer - Groot a realisa un bishita oficial na Piscina

Minister Endy Croes:

LO INSTITUI MUSEUM BETICO CROES DEN CURASON

DI SANTA CRUZ NA CAS DI KERIDO MAYORNAN DI NOS

LIDER INMORTAL

Cas cu un balor historico na unda nos gran libertador a lanta y crece.

Recientemente, Minister Endy Croes a reuni cu e comision Museum Betico Croes, lidera pa e mandatario di Enseñansa y Deporte y Stichting Museum Betico Croes. Desde aña pasa, ta antentiendo cu e bunita

proyecto Museum Betico Croes. Lo institui Museum Betico Croes den curason di Santa Cruz na cas di kerido mayornan di nos Libertador Betico Croes (den feliz memoria), caminda nos lider inmortal a crece. Un

proyecto educativo cu balor historico, den cual e scolnan por bishita pa siña e historia di nos Libertador Betico Croes. A haci un “site-visit” caba na e sitio pa evalua e concepto. Durante e reunion, e arkitecto Sr. Jouel Croes a duna un presentacion di e cambio grandinan cu lo bin rond di e edificio aki. Fuera di esaki, Sr. Renwick Heronimo consehero experto di museum a duna un presentacion di e concepto di e Museum Betico Croes. Mas en adelente, lo comparti

e presentacion aki cu Conseho di Minister, pa asina Gobierno di Aruba duna sosten na e bunita proyecto Museum Betico Croes. Asina cu e concepto ta completamente cla den luna di juni, lo duna un presentacion oficial na e

Minister Endy Croes:

comunidad. Pa finalisa, Minister Endy Croes ta felicita e comision y Stichting Museum Betico Croes cu ta trahando duro pa realisa e bunita proyecto aki den curason di Santa Cruz.

BUITENPROJECTEN DI KIA TA UN TRAYECTO PA YUDA

E PRIZONERONAN REINTEGRA Y RESOCIALISA

EXITOSAMENTE DEN NOS COMUNIDAD

Den transcurso di otro siman e prizoneronan di KIA lo termina di verf Stadion GPT na Dakota.

Minister di Enseñansa y Deporte Endy Croes hunto cu colega Minister di Husticia y Asuntonan Social Rocco Tjon a bishita Compleho Deportivo Guillermo Prospero Trinidad na Dakota. Esaki ta en conexion cu e trayecto di Buitenprojecten di Instituto Coreccional KIA cu a inicia siman pasa, unda ta brinda e prizoneronan un oportunidad di traha pafo di KIA. Un colaboracion entre Ministerio di

Enseñansa y Deporte y Ministerio di Husticia y Asuntonan Social, den cual e detenidonan di KIA lo percura pa e mantencion y diferente trabou di e facilidadnan deportivo y scolnan. A inicia cu e trabounan na Compleho Deportivo Guillermo Prospero Trinidad, comokiera cu dia 8 di juni proximo e wega clasificativo di CONCACAF entre Seleccion di Aruba y Seleccion di Curaçao lo tuma luga

den e stadion na Dakota. Esaki ta un desaroyo sumamente positivo, mirando cu e ta contribui pa e resocialisacion y reintegracion di nos prizoneronan den nos comunidad ta mas exitoso, consecuentemente disminuyendo recidivismo. Ademas di esaki, e ta disminui e gasto di diferente facilidad deportivo y di scol. Ta premira cu den transcurso di otro siman, nan lo termina

di verf Stadion GPT na Dakota. E mandatario di Enseñansa y Deporte a gradici colega Minister di Husticia y Asuntonan Social Rocco Tjon pa e colaboracion aki, personal di KIA pa nan cooperacion

y e prizoneronan cu ta haciendo un excelente trabou. Alabes, ta felicita e prizoneronan pa e gran trabou cu nan ta haciendo y lo sigui haci den nos comunidad. Hopi exito den futuro.

Minister Dangui Oduber

MINISTER DANGUI ODUBER A HIBA PALABRA NA E GRADUADONAN DI XAVIER UNIVERSITY Y HAYA RECONOCEMENTO

Diabierna mainta Minister di Turismo y Salud tabata invita na e Global Health Leadership Summit, organisa pa Xavier University School of Medicine (XUSOM). E evento aki tabata un celebracion pa un grupo di graduado di XUSOM. Na luna di April 56 graduado di Xavier a logra drenta universidadnan na Merca, Canada y Australia pa sigui nan estudio den medicina. Y na luna di Mei 49 studiante a gradua cu nan degree di MD. Tabata un honor pa Minister Oduber dirigi algun palabra na e studiantenan aki.

XUSOM ta un universidad na Aruba di medicina, unda apart di educa nan tambe ta contribui organizando diferente ferianan di

salud como parti boluntario di e institucion. Esaki ta un bunita ehempel na unda nan ta duna bek na e comunidad di Aruba, brindando servicio di salud y informacion directamente na nos pueblo.

Minister a hiba discurso, unda e la enfoca ariba e sistema di cuido di Aruba cual ta dedica na e principio di prevencion. Prevencion ta un parti importante den inversionan di cuido. Ministerio di salud ta reconoce cu e fundeshi pa tin un comunidad saludabel ta pa introduci medidanan proactivo, pa asina tambe evita malesanan cronico cu ta e causa principal di morto y desabilidad na mundo. Prevencion no solamente ta trece mehoracion den calidad di

bida pa e comunidad, pero tambe ta sigura un sistema di cuido di salud sostenibel cu por cubri e necesidadnan di generacionnan pa futuro.

Durante e ceremonia Minister Oduber a haya un reconocemento special for di XUSOM pa e manera excepcional cu a maneha e pandemia di Covid-19. XUSOM a reconoce e trabounan y a expresa gratitud pa loke Minister Oduber a haci y ta haciendo pa salud publico na Aruba.

Minister Dangui Oduber a termina felicitando tur graduado y a deseanan hopi exito pa cu nan futuro. Tambe Minister Oduber a gradici XUSOM pa ta un ehempel di excelencia y pa sigui ta envolvi proactivo den nos comunidat.

PIONERO DEN TURISMO SR. MICHEAL KUIPERI A RICIBI UN RECONOCEMENTO DI EXCELENCIA DI GOBIERNO DI ARUBA*

Pionero den turismo sr. Micheal Kuiperi a ricibi un Reconocemento di Excelencia di Gobierno di Aruba*

A percura pa fundeshi fuerte pa turismo cu cultura di nos Pais como motor

-Diaranson atardi Ministernan Maduro y Croes a ricibi e pionero den turismo di Aruba, sr. Micheal Kuiperi pa asina den nomber di Minister President Evelyn WeverCroes entrega na su persona un Reconocemento di Excelencia di Gobierno di Aruba.

Sr. Michael Kuiperi tabata e prome director di Oficina di Turismo di Aruba y a percura pa traha un fundeshi fuerte pa desaroya e industria di turismo na Aruba. Danki na su vision, curashi, creatividad y trabou duro, Aruba a yega riba e mapa internacional como destino turistico. Sr. Kuiperi a percura pa, entre otro, e prome vuelonan di Merca pa Aruba via Puerto Rico y di e manera eynan a

sa di pone e fundeshi pa e diferente vuelonan directo cu a sigui di Merca pa Aruba.

Ta importante pa menciona cu sr. Micheal Kuiperi a traha incansablemente pa Aruba su cultura wordo conoci, nos musica rezona y nos artistanan local briya riba escenarionan internacional di turismo, pa di e manera aki haci e turista curioso pa bishita

Aruba. Danki na e trabou pionero di conecta turismo y cultura di Aruba, awendia e turista cu ta bishita Aruba no ta bin solamente pa e 'Sun, Sea, or Sand,' pero nan ta mas interesa pa e 'Soul' di Aruba cu ta e cultura di nos Pais.

Pa Minister Maduro di Cultura e tabata un honor y placer inmenso pa den nomber di Minister

President Evelyn WeverCroes por a dedica algun palabra di gratitud y brinda sr. Micheal Kuiperi e reconocemento special aki di Gobierno di Aruba den presencia di Minister Glenbert Croes y nieto di sr. Kuiperi, sr. Micheal Leo van Rommondt. "Nos ta hopi gradici na sr. Micheal Kuiperi pa su vision, trabou duro y specialmente pa e amor pa Aruba cu cual sr. Kuiperi a traha na pone e fundeshi fuerte pa Aruba su industria di turismo.

Masha danki pa conecta y reconoce e importancia di nos cultura como motor tras di turismo di nos Pais,' tabata palabranan expresa pa Minister Maduro na e bunita ocasion pa reconoce e pionero den turismo, sr. Micheal Kuiperi.

Prome Minister Evelyn Wever-Croes:

Un

potret ta bisa mas cu mil palabra

EXPOSICION FOTOGRAFICO “PROBLEMANAN SOCIAL Y SOLUCIONNAN” DI STUDIANTENAN DI UNIVERSIDAD DI ARUBA

Diahuebs anochi 16 di mei, Prome Minister Evelyn Wever-Croes a wordo invita pa corta e cinta durante e inauguracion di e exposicion fotografico di studiantenan di Universidad di Aruba, “Problemanan Social y Solucionnan”.

E studiantenan cu a haci e exposicion ta di e facultad di Art & Science di Universidad di Aruba y ta studiando pa bira trahado social. Pa esaki e hobennan a sigui un curso di fotografia y por a mira un resultado hopi profesional. Prome Minister a menciona cu e tema di e exposicion “Problemanan Social y Solucionnan” ta uno hopi interesante ya cu e ta mustra a traves di e arte di un potret e problema, pero tambe e solucion pa esaki, cual ta hala atencion ya cu un problema tur hende por pensa riba dj’e pero e echo cu e studiantenan a busca pa cada problema un solucion y present’e den nan arte, esey ta di admira.

Durante e anochi aki

Prome Minister a wordo deleita cu potretnan di calidad halto, impactante, exponi den e tecnica preto cu blanco y color y cada tecnica haciendo e impacto den e storia cu cada studiante a trece dilanti. Un potret ta bisa mas cu mil palabra y e arte cu a wordo exponi a refleha esaki mustrando cu cada problema tin un solucion den bida.

Por remarca cu un studiante, Joanne Ignacio, pa su proyecto a scoge e tema di Prome Minister di Aruba pa enfatisa e problema di e trato desigual di hende muhe na Aruba basa riba estudionan cu e mes a haci pa su proyecto. E solucion pa e problema aki, segun conclusionnan di Joanne, ta e echo cu un hende muhe ta e Prome Minister di Aruba na e momento aki. Esey ta kibra e plafon di glas y ta crea oportunidad pa mas hende muhe na Aruba.

E mandatario a keda impresiona cu e talento di e studiantenan, cu e calidad di e fotografia di e exposicion, pero

specialmente el a keda impacta cu e storia cu cada hoben a conta di su potret. Esey ta mustra e calidad di trahadonan social cu Aruba lo tin den futuro. E ta un profesion hopi noble cu un tarea hopi importante.

Tin problemanan social serio na Aruba ya cu e pais ta den pleno recuperacion y cu e recuperacion ta bin cu retonan y problemanan social y Aruba mester di mas profesionalnan riba e tereno aki.

“Un exposicion masha interesante. Mi ta felicita e studiantenan pa e proyecto aki. Un pabien na cada un di boso pa expresa e mensahe cu boso ta trece dilanti di e forma aki. Danki pa scoge e profesion noble aki, Aruba tin mester di boso. Tambe mi ta gradici Universidad di Aruba, UNOCA, e mayornan y tur esnan cu a duna sosten na e studiantenan pa asina nan por a realisa e exposicion impresionante aki”, Prome Minister a expresa.

Atleta Derrick Webb den Campeonato Mundial Juvenil di Pesas na Lima, Peru

For di International Weightlifting Federacion y Solidaridad Olimpico a manda un invitación pa Comité Olimpico Arubano pa apoya Aruba Amateur Weightlifting Association pa participa den un Campo di entrenamento y Campeonato Mundial Juvenil di Hisamento di Peso cu lo tuma lugar na e ciudad di Lima Peru. fecha di 15 pa 27 mei 2024, Pa

Aruba a bai e atleta Derrick Webb den categoría 61kg cu ta forma parti di selección di Comité Olimpico Arubano y como entrenador Laertes Araque.

Den e campeonato di IWF

World Youth Weightlifting Championships lo tin participación di 141 atleta femenino y 143 atleta masculino cu ta un total di 284 atleta di 51 pais. Durante di e Campo di Entrenamento duna door di International Weightlifting Federation y Olimpic Solidarty e atletanan y entrenadornan ta wordo guía door di dos entrenador profesional cu ta Sr.

Jorge Luis Barcelan for di Cuba y Sr. Dr. Kyle Pierce for di Estados Unidos. Nan lo hanja oportunidad pa participa na seminarionan y secion practico durante di e Campo di Entrenamento. Tambe lo hanja seminario di Educacion Anti Dopage. Tur gastonan a wordo cubri door di e Programa di Desarrollo pa ateletanan Juvenil cu ta cai bow di Solidaridad Olimpico

Aruba Amateur Weightlifting kier a manda palabra di gradicimento na International Weightlifting Federation y Solidaridad Olimpico y hunto cu

apoyo di Comité Olimpico

Arubano pa escohe país

Aruba pa participa den e Campo di Entrenamento

y ta desea e atleta Derrick Webb y entrenador

Laertes Araque tur clase di éxito den e Campe -

Peru. Hugo Themen

onato Mundial Juvenil Sub-17 cu ta wordo teni na Lima,

FORTALEZA PA FAMIA

Scirbi pa Pastor Marcel Balootje.

FALTA DI COMUNICACION Y FALTA DI

RESPET TA ENEMIGO DI CAS Y FAMIA

Un bon fundeshi den Cristo Hesus ,bon consenshi , norma y balor y etica ta locual cu tur hende mester, pa lanta un famia, cu yuinan firme cu bon karakter y integro.

Y bijbel ta siña nos lo siguiente: Santiago 1;19 Compronde esaki, mi rumannan stima. Tur hende mester ta lihe pa tende, no lihe pa papia y no lihe pa rabia. Pasobra rabia di hende no ta produci e husticia di Dios.

Rabiamento y palabra malo, no ta yuda cu nada, papia palabra malo constant sea na papiamento of otro idioma den cas constantemente ta venena bo hogar, y no ta yuda cu nin-

gun clase di crecemento.

Zundramento ta crea herida, cu poco, poco ta trece falta di confiansa y division, pasobra un yiu por puntra su mes, si mi mama of mi tata stima mi di berdad, dicon cada rato nan ta papia malo cu mi of menasa mi.

Ofensa ta un porta habri pa diabel drenta, e ta cohe ventaha y haci daño spiritual, mental y fisico, pasobra por yega asina leu cu pa motibo di ofensa constantemente cu un hende por tuma desicion di haci daño na su curpa.

Ma papiando e berdad den amor, nos tin di crece den tur aspecto den dj”E. Kende ta e cabes, esta

Cristo.(Efesionan 4:15).

No laga ningun palabra dañino sali for di boso boca, sino solamente palabra pa edificacion, conforme e necesidad,( Efesionan 4;29).

Y e sirbido di Señor no mester ta pleitado,ma cariñoso cu tur hende,cu capasidad pa siña, cu pasenshi ora e wordo trata inhustamente, cu ta coregi cu suavidad esnan cu ta den oposicion, pa kisas Dios duna nan repentimento, cu ta hiba na conocemento di e berdad. Y nan bini na sano huicio y scapa for di e trampa di diabel, den cual e a tene nan preso pa haci su boluntad.

Diabierna mainta a drenta informe di cu tin un adicto ambulante drumi den e hoki di ATM banda di Burger King na Santa Cruz mesora a dirigi un patruya na e sitio. Na yegada di e patruya a core cu e persona drumi eynan.

E exigencia di respet ta di gran balor pa nos tur:

Tur hende cu ta menciona e nomber di Señor mester abstene nan mes for di pica.

E sirbido di Dios no por ta un hende cu ta haci redo, forma pleito y division.

E sirbido di Dios no por ta orguyoso, arogante, y malicioso.

E sirbido di Dios mester sirbi Dios, y no placa y material.

E Sirbido di Dios no por ta apoya inhusticia y inmoralidad. ( 1 Corintionan 6:9).

E sirbido di Dios mester ta prudente, activo, y disponibel pa e obra di Dios.

E sirbido mester ta stimado di su famia, dunando testimonio cu su bida, na su yuinan, y na comunidad.

E sirbido di Dios no por ta un hende di curason dobbel.

E sirbido di Dios den ningun forma no por ta envolvi den cosnan cu no ta grada Dios.

E bon hende, for di e bon tesoro di su curason,t saca loke ta bon,y e mal hende, for di e mal tesoro, ta saca loke ta malo, pasobra for di e abundancia di curason su boca ta papia.

Sin e direccion di Dios, ta dificil pa nos keda para riba nos pia den tur cos, pasobra nos mester di Dios den tur cos y nos mester biba un bida , caminda nos ta reconoce Cristo como e parti central di nos bida.

E presion di mundo, e arogancia, orguyo y materialismo tin hopi hende domina, door cu nan ta mara na placa y poder, Y hopi no ta realisa con necesario ta pa reconoce Cristo Hesus,den nan bida, Dios tene misericordia.

Señor ta fiel y poderoso, bondadoso, yena cu bon deseo pa nos.

Sinceramente, Pastor Marcel Balootje.

Diasabra madruga a drenta informe di un pelea entre 2 homber pa un muher un patruya cu tabata cerca a baha bay paden y a purba stop e pelea e agresor a hasta manda mokete riba polis ey dibiaha polisnan a manda e homber vloer y a detene esaki no a bay facil ya cu e homber a resisti.

Mas patruya a yega pa a domina e agresor aki mester a pone boei na su man y pianan. Polis a purba calme pero ela sigi cu su rebeldia asina mes te hasta na warda di polis unda eynan ela permanece sera.

Ta busca par Tidora di coranT pa area di Simon Antonio - Pos Chikito Brazil - Sanicolas Horario: 7.30 pm

Contact: 585-9500

E-mail: solodipueblo@gmail.com

Ciclista a dal abao banda di Divi Tamarijn y resulta herida

Dama canando na Balashi ta scucha cachonan yora y a bati alarma

Diabierna anochi a drenta informe cu un dama ta scucha cachonan ta yora na un cas na Balashi, mesora a dirigi un patruya na e sitio. Na yegada di e patruya no a haya nada fuera di lo normal no mas cu e cachonan tabata pafor di e cura. Polis a hala atencion di e doño pa tene su cachonan den cura polis a nota cu e cachonan ta bon cuida.

Diabierna atardi a drenta informe di un incidente cu hende herida banda di Divi Tamarijn, mesora a dirigi tanto polis como ambulans na e sitio.

Na yegada di e patruya a

bin compronde cu aki ta trata di un ciclista cu a dal abao y resulta herida.

Na yegada di e ambulans nan a atende e victima y a transporte pa hospital.

COMICS FOR SALE

Old Comics of the 70,s and 80,s In excellent condition For only awg 5.00 each. Tel 5972155

For music collectors

Disco Longplays tur genre 2 florin pa uno,tur dia 9 am pa 5 pm 597-2155

inclusive Barry Bonds Rookie card Catalog value $435.00 pa awg 250.00 buyer will get catalog free tel 5972155

Horoscop pa dia 20 di mei 2024

Feliz y productivo dialuna. Awe Solo di Pueblo ta presenta bo horoscop pa dia 20 di mei, 2024.

Aries

Limita bo protagonismo y laga bo pareha actua. Un cantidad cu loke bo no a conta, lo yuda bo sali fo'i debe. Si bo ta sin trabao, lo bo haya un oferta interesante. Bo salud ta miho caba dia. Number di suerte: 27, 94, 4.

Tauro

Sea mas tolerante cu bo pareha. Progreso den lo economico lo vislumbra. Probecha e dia aki na oficina pa ordena papel y caha. Bo rudianan ta debil, bo mester ehercita nan. Number di suerte: 31, 25, 3.

Geminis

Bo pareha lo demanda tur bo energia pa alivia tension. Momento di duna impulso na bo proyectonan financiero. Bo magnetismo personal lo haci bo cera bon negoshi. Purba elimina stress. Number di suerte: 14, 96, 8.

Cancer

Lo bo conoce hende interesante cu cual lo bo pasa den grandi. Ta mustra generoso y los di e otronan. Bo mester di sosiego pa presenta bo condicionnan laboral. Drumi un poco mas, bo ta transnochando den exceso. Number di suerte: 78, 72, 2.

Leo

Dia complica den ambiente familiar. Por ta awe lo bo ricibi algo di "placa". Si un hende na bo trabao desespera bo, no perde bo calma. E aparato respira-

torio lo ta algo delicado. Number di suerte: 69, 13, 7.

Virgo

Dia di vivencia emocional grandi. Tur cos lo relaciona cu inversion ta bayendo hopi bon. Scoge bon entre e ofertanan laboral cu nan lo haci bo. Un keiromento diario lo ta hopi saludabel. Number di suerte: 14, 53, 4.

Libra

E rutina lo haci cu bo bida di pareha lo resulta agobiante. Bo lo mester pone bo cuentanan bancario na ordo. Expone bo ideanan nobo na bo hefenan. Cuida e zona lumbar, blaas y e riñon. Number di suerte: 63, 68, 8.

Scorpio

Amor lo hari cubo e dia di awe. Bo economia domestico lo ta reponiendo. E

Na Cumana sonido straño tabata bini for di halto riba edificio den construccion

A kere cu lo por ta ladron

Diabierna anochi a drenta informe di cu tin un sonido cu lo ta bini for di ariba di un edificio den construccion, mesora a dirigi patruyanan na e sitio pensando cu lo tin ladronnan riba e

dak.

Na yegada si e patruya a nota cu no tin señalnan di kiebro y ta kere cu e sonido lo ta materialnan di construccion riba e dak lo ta sonando.

postura negativo lo complica bo proyecto laboral. Cuidao cu solo, proteha bo cuero. Number di suerte: 13, 43, 2.

Sagitario

E relacionnan amoroso ta na caminda pa felicidad. Mehora bo nivel di bo entrada. Presenta bo proposicionnan na bo hefenan y tene pasenshi. Cansancio y falta di soño por agota bo. Number di suerte: 21, 66, 3.

Capricornio

Bo tin un familiar un poco bandona. Lubida cu credit card ta existi, nan ta peligroso. Bo capacidad pa traha lo pasa riba e limitenan insospecha. Bo tin bo curpa demasiado ban-

dona. Number di suerte: 49, 82, 7.

Acuario

E famita ta na un punto di sosten importante. Posibilidad di haya fuente nobo di entrada. Si bo ta demotiva, bo productividad lo wordo afecta. Pensa den stop di huma, t'e momento. Number di suerte: 65, 42, 1.

Piscis

Por tin trampa amoroso rond di bo. Kisas lo propone bo inverti den un bon negoshi. Den e actividad laboral, pabien di bo hefenan. Si bo no por stop di huma, pidi ayudo. Number di suerte: 31, 93, 4.

Prome Minister Evelyn Wever-Croes:

PROME MINISTER A ASISTI NA E APERTURA OFCIAL DI E CENTRO COMUNITARIO DI HIAS

HIAS ta un Organisacion No Gubernamental cu ta duna asistencia na migrantenan y na tur persona vulnerabel na Aruba

ORANJESTAD – Diahuebs atardi 16 di mei, Prome Minister Evelyn Wever-Croes a asisti na e apertura di e Centro Comunitario di HIAS na Engelandstraat.

HIAS ta un Organisacion

No Gubernamental (NGO) internacional y ta estableci na Aruba ya pa 6 aña. E ta brinda servicionan vital na refugiadonan y solicitantenan di asilo rond di mundo y ta boga pa nan derechonan fundamental pa asina nan por reconstrui nan bida.

Na Aruba e organisacion aki a cuminsa yudando esnan cu ta bin di otro pais cu mester asistencia pero ya awendia e ta un organisacion cu ta yuda tur hende vulnerabel na Aruba.

Desde cu nan ta opera na Aruba, e organisacion a duna asistencia na mas di 4000 persona, mayoria di otro pais pero tambe na un grupo local chikito.

Prome Minister ta remarca cu Gobierno a credita e presencia di HIAS desde 6 aña pasa y desde e momento ey e colaboracion y cooperacion entre HIAS y Gobierno di Aruba ta hopi bon y e organisacion ta duna asistencia den areanan cu Gobierno no tin acceso directo.

“Mi ta felicita HIAS, mi ta felicita e director señor Francesco Volpi, e staff y personal y mi ta gradici nan pa e trabou grandi cu nan ta haci. Mi kier gradici tambe nos Keten-Man-

ager di Venezuela, señora Gina Lopez-Gnecco cu ta e persona apunta pa nos Gobierno como e liaison entre Gobierno y organisacionnan manera HIAS cu ta haciendo un trabou

fantastico. Pabien HIAS y ohala na e centro nobo aki por sigui toca bida di hopi hende y drecha calidad di bida di esnan mas vulnerabel den nos comunidad”, Prome Minister a expresa. Pa cualkier asistencia por yama e hotline di HIAS: 730-7770, https://www. facebook.com/hiasaruba of email: hiasaruba.info@ hias.org

Sesion pa empodera studiantenan di Aruba pa studia na Merca

ORANJESTAD - Minister Plenipotenciario na Merca, Sra. Zulema Dabian-Erasmus y Sra. Edseline Gomez, Adviser di Education USA, recientemente a tene un sesion informativo pa studiantenan na Aruba cu e titulo “Let’s Talk It Out: Study in the US”.

Diabierna dia 10 di mei a tene e sesion cu 30 participante consistiendo di studiantenan cu ta bayendo Merca, mayornan y educadornan. E sesion tabata tin un formato di “peer-to-peer” den cual studiantenan actual na Merca a duna informacion y tips na futuro-studiantenan. E panel tabata consisti di tres studiante y un alumnus cu ta bibando caba bek na Aruba. Maria Zambrano ta un studiante di Marketing na Valencia College, un community college na Orlando, Florida cu ta prepara studiantenan pa sigui cu nan bachelor na University of Central Florida. Maria a studia algun aña na Hulanda y a elabora riba e diferencia entre Hulanda y Merca. Jesselyn Peterson ta un studiante di Software Development y Cyber Security na Wayne State College, Nebraska, un college hopi accesibel financieramente entre otro door di e

MoU cu Gobierno di Aruba tin cu e college aki. Jean-Pierre Croes a cuminsa na un community college na Texas y awor ta graduando cu un Major den Mechanical Engineering na University of Texas na Rio Grande. E ta traha y studia na mesun momento y asina mes ta haya punto halto. Emeliën Kelly ta un graduado di University of Central Florida y Florida State University den International Relations. Despues di su estudio, e a dicidi di regresa su pais bek y awor ta eherce un posicion importante den Departamento di Finanzas.

Cada panelista a duna su punto di bista a base di diferente pregunta cu Sra. Edseline Gomez a haci riba temanan manera Budget, Scholarships, Aplicacion, Visa, Packing, Insurance, Housing, Transportation, Culture Shock, Academics, Campus Life. Na final a contesta diferente pregunta. Representante di Departamento di Enseñanza tambe a duna un splicacion riba e pensamento eroneo cu no ta duna e studiantenan di Merca suficiente atencion. A enfatiza cu si cumpli cu e deadlines y entrega e papelnan necesario, cu e procesamento di aplicacion pa un Aruba

Lening ta bay sin problema. E temanan cu mas a sobresali primeramente ta pa studiantenan set-up un plan, no solamente pa mira kico ta nan obhetivo den nan carera, pero tambe pa traha un plan ora di aplica pa scol, scholarship y pa Aruba Lening. Na segundo lugar a menciona diferente biaha pa e studiante no isola su mes. Diferente panelista a encurasha studiantenan pa join diferente clubs y busca oportunidadnan pa internship. A menciona cu na Nebraska e por costa un tiki mas pa cera amistadnan cu studiantenan Mericano, pero cu esaki no ta imposibel. Un otro tip cu cada panelista a trece padilanti ta pa bin algun siman prome cu scol start pa asina conoce e ciudad y si no ta kedando riba campus, pa busca un acommodacion den un bario cu e studiante ta sinti su mes comodo. Por ultimo, por menciona cu un preocupacion cu a bin padilanti ta e uitschrijving na Censo. Tin studiante cu no ta schrijf uit y ta pensa cu por keda cu nan AZV. Minister Plenipotenciario a urgi studiantenan pa cumpli cu e requisito di schrijf

uit na Censo. Minister Plenipotenciario y Education USA ta spera cu participantenan ta sinti di a haya tips y informacion valioso a base di e discusion dinamico y vibrante cu tabata tin.

E intencion ta pa tene mas sesion riba diferente enfoke.

Informe di Hulanda a drenta cu indica cu aparentemente e mes persona cu un tempo tabata secretario di estado pa asuntonan di Reina/Aruba lo bira promer minister di Hulanda den e formacion nobo. E no ta un desconoci pa Aruba.

Den pasado na 2010 pa 2017 el’a atende cu Mike Eman na varios ocacion. Den e prome periodo di Mike, Plasterk a wordo malamente engaña di e

situacion na Aruba. Poco poco Plasterk a realisa cu nan a engañe y na 2014 el’a keda sin aproba presupuesto di Aruba y asina a manda un KB pa Mike Eman cu a conduci na welga di hamber. Mike a rebeldia y a yame “verkrachter”, esta pa un abusador sexual. Na 2015 el’a bin Aruba y exigi un CFT pa Aruba, cual Mike a accepta, debi na su mal maneho y tur su presupuestonan den

mega rood!

Ora Juan David a core bay Hulanda na 2015, nan a lage riba gang sinta y no a atende, cual a conduci na su retiro.

Pues Plasterk conoce Aruba y sigur e conoce Mike Eman y e conoce e incapacidad di Eman. Casi sigur Mike Eman lo ta hopi nervisoso pa yegda di Plasterk como promer minister, ya cu e ta un persona cu dificilmente e por wak e den

su cara y

peor aun, hiba cualke storia of peticion

pe. Nan ta bisa cu Mike ta “toddy toddy”.