16
Dialuna November 19
Sra. Alba Rasmijn a draai e ruleta di Pasco di Canal 22 y Strea di Fin di Aña
Diahuebs anochi durante programa di Pasco na Canal 22, sra. Alba Rasmijn a draai e ruleta. Maske tin premionan di mas di 1000 florin, sra. Alba a gana 100 florin.
Yama tur mainta den programa di Julisa Arends Hoevertsz na Top FM pa asina bo registra pa haya un chens pa draai e ruleta. Yama na 5855555.
Ruleta di Pasco ta wordo patroniza pa Aruba Bank pa un servicio superior, All to Cars, Momo Tires, Hoer Batteries, Supermercado Mundo Nobo y Fast Online Shopping. E proximo ruleta lo draai diamars anochi den e programa di Pasco.
Grant Thornton lo bin cu mas cosnan nobo y inovativo Diahuebs 8 di November Grant Thornton a celebra e prome 100 dianan y segun Partner Edsel Lopez, e dianan a pasa mas liher cu e mes a spera. Ta sinti un cambio entre tanto e empleadonan como e clientenan y e acoGida den e mercado di Aruba tabata super bon. Segun Partner Hans Ruiter, nan a pone e brand Grant Thornton bon den e mercado y e clientenan a custuma liher y ta entusiasma cu e forma nobo di traha. E empleado- y coleganan di Grant Thornton tambe a sinti e aire fresco di cambio. Ryon Dijkhoff kende ta un Associate di Assurance, ta kere cu e mercado na Aruba tabata cla pa e cambio aki
unda cu e calidad di servicio cu ta wordo ofreci ta optimal. Tax Consultant Melina Rangel a bisa di ta satisfecho cu e desaroyonan ultimo lunanan y Lorena Maduro Director di e departamento di Corporate Accountant and Outsourcing, ta mira atras riba 100 dia yen di entusiasmo y motivacion y cu hopi animo pa e temporada nan dilanti. Awor Grant Thornton lo sigui traha cu e strategianan cu a delinea pa e mercado di Aruba y lo bin cu mas cosnan nobo y inovativo. E idea di bai pa Grant Thornton tabata pa ta mas serca di e cliente y yudanan mihor y esaki ta unda e enfoke ta awor aki.