Dialuna 17 Oktober 2011

Dialuna, Oktober 17, 2011

Pagina 1

Dialuna, Oktober 17 2011 - Edicion 6 Vol.1695 - Sta. Cruz # 110 Tel: 585-9500 Fax:585-0951 - E-mail: solodipueblo@gmail.com

1.50

Awe24.com lo stream live e inicio di programa di Pasco di Sandra y Lyo di Canal 22 Pa esnan na Hulanda y Merca y rond mundo, Awe24.com lo bay stream bibo y directo e inicio di e temporada di Pasco di Canal 22. Click riba www. awe24.com y esaki lo habri riba bo pantaya pa 8’or di anochi ora di Aruba. Posiblemente lo link tambe cu BoletinExtra.com. E programa ta lo ta awe dialuna, pa 8’or di anochi. Sandra y Lyonel a prepara un anochi special y un y tur ta invita pa tune in riba Awe24.com

Atraco riba un damita Chines dilanti di Sing Fung Supermarket y riba lugar di bende number

Poils a gara e Doñonan di dos atracadornan trailer a cuminza caso di e lugar di contra Gobierno bende number GRUPO DI BETICO TA LANZA DOS CANCION PROMOCIONAL ANTICIPANDO NAN CD NOBO

Ban waak si CBN lo trece un cambio

Lotto pa Deporte mafiando e jackpot Un criatura rescata pa Kustwacht den un rubberboot basta leu den lama Team Hulanda ta derota Cuba 2-1 den final

Hulanda ta titula campeon den IBAF World Cup

Dialuna, Oktober 17, 2011

Pagina 2

Auto a cay riba man di un hoben

Pabien na mi coleganan y pueblo di Aruba!

Ta spera cu e 2 trucknan aki por tin mas seguridad pa nan y pa nos mesun hendenan.

Un danki hopi grandi na Gobierno di Aruba Mike Eman 1 y tambe na nos minister di husticia cu a sa di traha mas di cerca cu nos. Bestuur Sinba

Gilbert Carranza Willems di Los Astros No a viola mucha y no ta cera

STA. CRUZ -- Diasabra atardi un rato prome cu 4’or, un hoben tabata trahando riba su auto y dado momento e auto a cay riba su man. Mesora e familiarnan a yama ambulance. Ambulance a trate na e sitio y a dicidi toch di transporte pa hospital pa check up. A resulta cu e man a haya sla pero no tabata kibra.

E temporada di fin di aña a cuminsa na TOP 95.1 cu Robby Rosel cu e programa “FIESTA DI FIN DI AÑA”

STA. CRUZ -- E famoso productor y presentador di e programa Los Astros na Top FM a emiti un declaracion publico pa asina desmenti e rumornan falso cu ta circulando. Via broadast ping a circula cu siman pasa cu Gilbert lo a abusa di un mucha na

school, unda porcierto e tin un snack y polis a detene na e school.

Diasabra atardi el'a informa cu e no ta deteni ni nunca tabata deteni.

E ta basta ocupa cu su mama kende ta sufriendo di quebrante di salud y tin cancer. E tabata den exterior pa mes

motibo, na Colombia. E ta lamenta e redo falso ariba dje, cual a haci cu masha hopi hende tabata yame pa averigua con nan por yude. El'a bisa cu actualmente e ta malo tambe pero ora e bira bon, e lo traha un cos pa es persona cu a fabrica e redo aki.

Dialuna, Oktober 17, 2011

Pagina 3

Doñonan di trailer a cuminza caso contra Gobierno

STA. CRUZ -- Dia 28 di Oktober venidero, corte di prome instancia lo trata un caso cu doñonan cu actualmente ta huur trailer cu Gobierno, a inicia contra Gobierno di Aruba. E caso aki ta pa e decision di Gobierno di

Aruba pa deal cu Jems NV, sin tene na cuenta cu e doñonan cu ta verhuur trailer actual. Mas bien ta pa reclama ariba e hecho cu no a tene un destaho publico pa asina duna nan tambe e oportunidad igual pa por participa.

Mas leu e doñonan di trailer ta bisa cu nan a manda varios carta pa gobierno di Aruba pa asina nan tambe haci nan oferta, pero gobierno a nenga di tende nan.

Practicamente nan no a haya ningun reaccion ariba nan proposicionnan pa Gobierno.

E doñonan actual a haci practicamente mesun oferta, pero ofreciendo Gobierno 60 local di blokki, plus ta regala gobierno 52 trailer existente.

Minister Dowers a reacciona bisando cu e no sa kico e doñonan di trailer ta bay busca na corte of kico nan kier logra.

Poils a gara e dos atracadornan STA. CRUZ -- Den e cas aki, pabao di Radio Shack, e dos atracadornan di ayera mainta a core drenta pa sconde. Pa nan mala suerte tabata tin un polis den vecindario den su auto personal.

E polis a keda coup e atracadornan y a mira exactamente unda nan a drenta. Pues nan a tira atraco riba lugar di catochi y cori bin abao,

drenta dilanti El Gaucho, bay aden pasa dilanti

Checkpoint y sali core sconde den e cas aki.

EDITORIAL

Pa Edmond Croes

Diarazon 6 lider di Fraccion di Tweede Kamer ta yega Aruba

TA EXIGI MIKE EMAN PA BISA NAN E BERDAD

STA. CRUZ -- Lidernan di fraccion Hulandes, di Tweede Kamer ta yega Aruba diarazon awor pa un bishita cortico.

E razon principal di e bishita aki ta pa orienta y observa con e cambionan despues di 10-10-10 a bay. No ta un bishita unda lo conversa cu gobernantenan so, pero nan kier conversa cu pueblo tambe.

Diabierna ya caba nan tabata na Saba, unda nan a wordo ricibi pa habitantenan di e isla kendenan a manifesta nan disgusto cu Hulanda ta tene Saba atras. Aki na Aruba tambe nos ta spera cu Gobernantenan di AVP no secuestra e lidernan di fraccion aki, pero nos ta spera cu nan por bin conversa cu pueblo di Aruba, unda por suministranan informacionnan di e gobernacion di AVP cu ta laga masha hopi di desea y te hasta ta treciendo disgusto den pueblo. Nos ta exigi Mike Eman pa papia berdad cu e representantenan di Hulanda. Mester bisanan di e aventura di un tram cu a nace despues di eleccion y cual proyecto no ta conta cu ningun sosten di pueblo como tambe ningun sosten di propio votador- y palancanan di AVP. Mike Eman mester conta e Hulandesnan di Linear Park. No solamente mustranan cu AVP a ehecuta un proyecto di MEP, pero tambe mustranan con raro e proyecto a bay, unda den pueblo ta sospecha cu tin corupcion pa cu e destahonan di e proyecto.

Mester informa e lidernan

di fraccion aki ariba e cantidad di coordinadornan cu tin, 208 na Aruba y 1 cu a bini di Bonaire cu a prefera di bira lomba pa su isla pa bin cobra placa aki na Aruba. Mester bisa e lidernan di fraccion di Lotto pa Deporte, con AVP a hereda un Lotto bendiendo 42 miyon y con nan a zink Lotto mescos cu Titanic y awor entrega tambe na Canada. Splica e lidernan di fraccion con a regala Valero 80 miyon florin di pueblo di Aruba y fix acuerdonan super ventahoso pa Valero unda cu pa 20 aña largo casi no ta contribui cu mucho belasting.

Conta e Hulandesnan di e promesanan di campaña, manera baha prijs di awa cu coriente y eliminacion di BBO. Tanto promesa, pero nada di cumplimento.

Splica e miembronan di parlamento con Mike Eman kier a mete cu polis directamente pa asina laga detene hendenan di Lotto, cual declaracion Procurador General di Aruba mes a declara publicamente cu ta su persona mester a cay aden pa kita e presion politico for di ariba polis. Finalmente splica e miembronan di parlamento ariba e mal gastamento di placa generalmente, e caso di prins Abath, Green Conference y splica con AVP a crece e deficit financiero di pais Aruba.

Si Mike Eman no papia e berdad, nos lo percura pa cada miembro haya un nota cu e dolornan di e pueblo aki, kendenan tin algun gobernante cu ta puro Hollywood Stars. Chiclic, chiclac!

Dialuna, Oktober 17, 2011

Pagina 4 Ora lama seca, berguenza ta pa Dios! (parti 1)

Baba Herde a kere cu pueblo a lubida caba tur e fechoria, fraude y ladronicianan cometi pa su partido AVP??

STA. CRUZ -Recientemente e rapport di WODC - e rapport yena di redo y redashi, fabrica riba instruccion di exponentenan di CDA pa yuda nan partido ruman AVP - a mira luz di dia.

Sinembargo na momento cu esaki a bin den publicidad, nos a haya poco elemento di AVP cu a core braza e rapport yena di redo aki y a scupi nan gal berde y vies contra partido MEP. Entre nan ta figura un tal Baba Herde, kende no a perde pa gana y di biaha a core mustra su dede vies den direccion di MEP, lubidando cu tin tres dede largo ta punta den su propio direccion. Baba a cualifica e supuesto rapport ‘cientifico’ aki como un berguenza pa nos pais, pero ta lubida di conta pueblo di tur e bagamunderia, fechoria,

ladronicia y fraudenan cu su partido desprestigia AVP a comete durante cu nan tabata den gobernacion y cualnan siguramente a pone cara di nos pais na berguenza. Baba ta lubida

AVP nan memoria pa loke berdaderamente tabata e sinberguenzerianan cu nos pais a pasa aden na man di AVP den e periodonan cu nan tabata den gobierno, esta 1986-1988 y 19942001.

GARANTIANAN: Contra tur conseho di Banco Central, IMF, Pannell Kerr & Forster y World Bank pa no redobla e cantidad di kambernan di hotel y esaki debi na e limitacion di nos infrastuctura, Gabinete Eman I durante 1986 pa 1988 toch a duna garantianan den forma descabeya na e Mafianan Italiano (e.o.

Spartaco Ghini) y esaki relaciona cu e tres proyectonan hotelero Beta, Ramada y Plantation cualnan tur a fracasa y laga den ruina atras door di AVP. Resultado ta cu pais Aruba – basa riba sentencia di Corte Internacional na Den Haag – mester a paga di inmediato (‘uitvoering bij voorraad’) un suma astronomico di 206 miyon dollar pa tur e bagamunderianan cometi pa Gabinete Eman y partido AVP. “Baba, bo por a splica pueblo den saco di kende e

tambe – despues cu durante 7 aña largo su partido a malogra y ruina e pais aki e dicho cu ta 100% aplicable pa su partido AVP, esta ‘ora lama seca, berguenza ta pa Dios’. Den un serie di articulo MEP lo bay refresca Baba y henter e pandiya di

206 miyon dollar aki a bay y si esaki no por wordo considera como un berguenza total pa nos pais?” RACE TRACK: Sin ningun planificacion y sin ningun estudio di factibilidad Gabinete Eman a bin cu e proyecto di Race Track pa Aruba. Aunque cu gran parti

di comunidad tabata contra di e proyecto aki, Gabinete Eman cueste loke cueste tabata kier pa e proyecto aki continua. Despues cu e caso aki a wordo trata den Corte na Merca, caminda tabata tin un candidato riba lista di AVP cu a testigua contra interes di pais Aruba, al final e pueblo pagador di belasting mester a paga mas di 50 miyon dollar pa un proyecto fantasma y caminda ningun auto Match box a core riba e pista aki. “Baba, bo por a splica pueblo den saco di kende e 50 miyon dollar aki a bay y si esaki no por wordo considera como un berguenza total pa nos pais?” RADAR: Apesar cu e compania Raytheon – cumpliendo cu tur e exigencianan di gobierno a haci un oferta pa un radar pa Aruba cu lo a costa $ 11.518.483,00, toch Gabinete Eman a prefera di scoge pa un radar di Westinghouse cu a costa $ 12.257.569,00.

A cumpra e Radar aki di un representante amigo (‘friend’) di secretaria di

Conseho di Ministro di AVP. Fuera di e prijs mas halto, e oferta di Westinghouse no tabata cumpli cu tur e exigencianan cu ta para den e bestek, esta e Radar mester ta basa riba un ‘modem and operational proven design’, ‘solid state’ y mester por alcanza 100 miya nautico, pero esun di Westinghouse ta alcansa solamente 60 miya nautico.

Te cu awe e Radar aki no a funciona nunca y por bisa cu e pueblo pagador di belasting mester a paga 23 miyon florin pa un Radar cu no ta sirbi pa nada. “Baba, bo por a splica pueblo den saco di kende e 23 miyon florin aki a bay y si esaki no por wordo considera como un berguenza total pa nos pais?” Unda e oreanan largo di e ‘profesornan’ di WODC tabata, cu nan no a tende, mira y nota net nada di e bagamunderia y ladronicianan aki? Hecho ta cu e 3 bagamunderianan aki SO, a costa pueblo pagador di belasting 485 miyon florin, esta casi mei biyon florin! Hallo WODC, hallo hallo…. Esaki ta e promer parti recordatorio di un serie di bagamunderiay ladronicianan cometi pa e partido di Baba Herde, un partido cu semper den gobernacion na final ta laga nos pais ruina y na werki atras.

Dialuna, Oktober 17, 2011

Pagina 5

SEGUN MEP PUEBLO DI PARADERA TA SCLAMA PA ALIVIO:

CUANTO ACCIDENTE MAS GOBIERNO KIER MIRA NA JABURIBARI PROME CU CUMINSA ACTUA? nos roga, Gobierno ta neglisha nos bario.

STA. CRUZ -Candidatonan di partido MEP cu ta moviendo den comunidad ta haya hopi reclamo

den e bario di Jaburibari, Paradera y vecindario.

"Gobierno a lubida riba nos. Ni cuanto nos pidi, ni cuanto

E cruzada di Jaburibari ta s u m a m e n t e p e l i g r o s o .

Constantemente tin accidente na e sitio aki. Nos a purba haya atencion di Minister Dowers, di Minister Mike Eman, pero ta manera nan ta sordo.

Nos a scucha parlamentarionan di MEP den Parlamento urgi gobierno atencion, pero ni

asina.

Ta kico mas gobierno kier pa pasa na e cruzada ey? Ta cuanto accidente mas? Ta morto tin di cay pa e ora gobierno core bin waak?", ta comentario di habitantenan di e bario. Nos a urgi gobierno na varios ocasion pa pone atencion na e situacion peligroso di e cruzada ey, pero tur cos te ainda tabata en vano. Ta mescos cu e ta drenta den un orea y sali mesora di e otro. Otro cos cu e habitantenan di e bario no ta aprecia ta e hecho cu e parke Jaburubari ta cobra pa entrada.

Famianan humilde tabata contento dia cu Gobierno di MEP a construi e parke, pasobra e por a tene e mucha- y hobennan for di caya y practica deporte eynan. Awor nan ta mira cu ya nan no por sigui haci uso di tur e facilidadnan mas, pasobra e Gobierno di AVP a bin ta cobra pa entrada. Nan ta puntra nan mes si e Gobierno actual tin algo contra nan! Nos lo no cansa si di pidi atencion pa e bario aki, pasobra ta tristo pa un bario cu tin varios habitante cu a pone nan confianza den e gobierno aki, awor wordo laga na caya di es forma aki.

Apple a lanza su I-phone 4GS

STA. CRUZ -- Diabierna mainta Apple a lanza su telefon mas nobo riba mercado cu ta I-phone 4GS. Defacto e ta mescos cu su telefon modelo i-phone 4 di look, pero internamente e telefon ta mihor equipa.

Apple ta conoci pa ofrece productonan di calidad!

Den e telefon aki, lo tin mas memoria cu su modelo anterior. Lo tin mihor

calidad di potret. Ademas e tin mas servicionan manera entre otro voice assistant activated, papia cu bo telefon y e ta haci loke bo pidi'e. Apple ta spera di bende 25 miyon di Apple i-phone 4GS. Blackberry ta cayendo atras na Merca den venta y poco poco i-phone ta ganando e confianza di usuarionan.

Pagina 6

Dialuna, Oktober 17, 2011

Ora lama seca, berguenza ta pa Dios! (parti 2)

Baba Herde a perde memoria y ta corda net nada di tur e bagamunderianan cometi pa su partido AVP STA. CRUZ -- Ta increible con poco ‘profesor’ grandi y scapa a perde berguenza y por a bay tras di asina tanto redo y redashi cu nan a haya for di nan ‘respondenten’ anonimo, kendenan a wordo usa pa trata den un forma baho y vil difama ex- gobernantenan di MEP. Ta increible cu e ‘profesornan’ aki no a mira mas largo cu nan nanishi y no a trece den nan rapport ‘cientifico’ algun di e cantidad di bagamunderia, fechoria y ladronicianan cometi door di dirigentenan di partido AVP. Sinembargo e ‘cientificonan’ aki por trata di tapa solo cu un dede, pero MEP ta keda un partido vigilante pa recorda un y tur di e ladronicianan cu a tuma lugar cu placa di pagadornan di belasting door di AVP. Den e di dos articulo aki MEP ta bolbe refresca Baba y su secuasenan nan memoria di algun di e ladronicianan aki den dia cla. AEROPUERTO: Un proyecto di Aeropuerto cu inicialmente lo mester a costa 45 miyon dollar, durante Gabinete Eman III esaki a ser construi pa un suma di casi 200 miyon florin, sinembargo sin cu a construi liftnan, sin construi un shopping mall, sin embeyecimento, sin extension di pista di aterizahe etc. Alavez na final di gobernacion di AVP na 2001, e Aeropuerto di Aruba tabata tin perdidanan financiero astronomico, un rating negativo y e bondholdernan tabata tur preocupa. Ta danki na MEP, cu a trece Schipholgroep aden, awe Aeropuerto ta florece y ta gana placa! “Baba, bo por a splica pueblo den saco di kende e diferencia di 120 miyon florin den e construccion di Aeropuerto a bay? Alavez bo por splica pueblo, di con bo partido hipocrita tempo cu boso tabata den oposicion tabata agita y ventila boso rabia y odio contra Schipholgroep y awe ta papia bon so di e grupo aki?” FONDO DESAROYO NOBO SAN NICOLAS: Manera cu a wordo declara na e ceremonia di despedida di fiscal Frits de Groot den Fort Zoutman, esaki ta ‘een groot fraudeonderzoek, het

grootste fraudeonderzoek wat wij hier hebben gehad in Aruba”, caminda otro 52 miyon florin a disparce den dia cla. Apesar cu huez a yuda ex-Ministro Presidente Henny Eman pa scapa su curpa tirando tur culpa ariba Tico Croes y e tal Otmar, den Corte cada un formalmente a basha bao riba otro. E contratistanan a declara bao huramentacion cu nan a actua riba presion di e dos ex-mandatarionan di AVP Henny y Tico. Cu luho di detaye nan a describi con e ofertanan pa e proyectonan tabata wordo falsifica, con fondonan publico tabata wordo malversa, ofertanan cu a wordo haci cu e mesun erornan gramatical etc.

Pa completa e actonan bochornoso aki nan a declara cu a facilita ex-lider di AVP riba 50 mil florin y a cumpra (regala) un auto na su persona. Hasta ex-ministro Croes no conoce e contratista cu su casa ta su secretaria, unda e tal Otmar no sa e motibo pakico e contratista despues di eleccion a stop di construi su cas. Finalmente den un deal corupto cera riba beach, tur e malandronan a sali liber y te hasta un di nan, exlider di AVP a logra di haya un papel di bon conducta p’asina e por sigui biba y traha na Merca. INTERBANK: E gobierno di AVP a percura pa tur e debenan cu familianan Eman, Mansur y otro comerciantenan a haci na Interbank - y cual debenan ta suma na mas di 100 miyon florin - pa tira esakinan den scochi den un instituto social manera FCCA cu su tarea principal ta pa traha cas pa pueblo. Hecho ta cu contra tur conseho di Banco Central, cu a tuma e decision pa cera Interbank, contra conseho di Centrale Accountantsdienst, cu a bisa pa no cumpra e banco aki, contra conseho di Price Waterhouse & Coopers, cu a desconseha e compra aki, contra conseho di Algemene Rekenkamer, cu a pidi un chens pa haci un investigacion mas profundo, cambiando - contra tur ley y sin bay Parlamento - e statutonan di FCCA y sabiendo cu na tur otro parti den Caribe Interbank a cera su portanan, e gobierno corupto di AVP toch a tuma e decision pa laga FCCA cumpra e banco aki. E fianzanan cu partido AVP, EMCO N.V. – cu a bay tres biaha bancarota - y familia Eman a haya for di Interbank tabata na 0 % di interes y sin ningun garantia. Alavez e malpagadornan aki nunca mas a sigui paga nan debenan na e Recovery Bank! “Baba, den e tres bagamunderianan menciona nos pueblo pagador di belasting a sufri un biaha mas na man di bo partido AVP. Den total un otro 272 miyon florin a wordo malversa y ainda bo tin e cuero di cara di papia di e palabra ‘berguenza’, despues di tur e sinberguenzerianan cu bo partido a comete den gobernacion?”

Dialuna, Oktober 17, 2011

Pagina 7

Ban waak si CBN lo trece un cambio

Lotto pa Deporte mafiando e jackpot

STA. CRUZ -- Desde entrada di Mike de Meza y e destruccion inreparabel cu De Meza a instrui su Donkey, esta Donkey Melvin pa haci cu e imagen di Lotto, por a nota diripiente awor kier cuminsa cu un cambio.

Desde 1 di Oktober ultimo a traspasa gran parti di operacion awor directamente pa Canada pa e compania Canadian Bank Note.

Notable ta cu Lotto pa

mas di 8 a単a a draai na un manera sublime unda henter e pueblo tabata contento cu Lotto y garantia den bo florin ora bo cumpra un Lotto tabata cu e placa ta bay bek 100% den Deporte na Aruba sea directamente of sea den facilidadnan Deportivo. Awor bao di un mal maneho esaki a wordo traspasa pa Canada.

Gran parti di placa di nos cumpradornan awor lo sirbi un otro interes, esta e interes comercial unda un grupo No di Aruba lo bay disfruta di ganashinan barbaro cu Lotto por eherce. Awor e pregunta grandi ta keda e Jackpotnan di tanto Lotto y Mini Mega.

Desde introduccion di Lotto online na a単a 1999 bao X directornan tanto Kock y Croes e jackpotnan tabata crece cu un minimo

di Afl25 mil florin pa sorteo na inicio di e sorteo y manera jackpot yega Afl 300 mil florin e ta cuminsa subi cu 50 mil y ora e surpasa 600 mil ya e ta crece cu 75 pa 100 mil pa sorteo. Kico ta pasando actualmente cu e jackpotnan? Door cu Mike de Meza y su team di Donkey entre otro Donkey Melvin a ignora e venta di Lotto cu solamente un meta pa persigui hende , e bom a explota awor den nan cara. Ningun no kier papia di e venta di Lotto. Awor mester cumpli cu tur amigo entre otro Ernst & Young, abogado Luci Herde y Kloes y tur e HONDERDEN DUIZENDEN en MILJOENEN cu Mike de Meza a broma cune na Augustus 2010 mester bay pa paga e companianan aki. Tristo

pero deporte mes ta sangrando. Pa purba scapa nan cara awor Lotto riba instruccion ta mafiando den e jackpot di Pueblo. Pues Jackpot ta creciendo solamente cu 10 mil pa sorteo cual ta un ladronicia den dia cla. Envez di pone e placa cu ta pertenece na e hungador y cumprador den premio, esta e 50% di venta cu SEMPER tabata bay bek na premio, nan ta reparti esaki y ta paga Abogado y Ernst & Young. Awor cu Canada, esta Canadian Bank Note a tuma over desde 1 di Oktober 2011 nos ta riparando cu nan ta eherciendo e mesun malpractica di e bestuur anterior y su Minister.

Jackpots ta creciendo solamente cu 10 mil pa sorteo. Esaki nos ta yama crioyo: mafia pueblo structuralmente e jackpot di Lotto.

TIP DI DIA 7 stap na con pa trata cu un wayaba 1. Bebe juice di fruta.

Esaki tin fructose cu ta yuda e curpa kima alcohol mas liher.

2. Como buscuchi cu honing.

Ya cu honing ta un concentracion grandi di fructose. Esaki tambe lo yuda kima hopi di e alcohol. Y aunke gana di come no tey, un buscuchi lo yuda yen flush e resto di alcohol afor.

3. Tuma un paracetamol/ ibuprofein.

Esaki ta pa kita cualkier dolor 4. Bebe hopi awa.

Alcohol ta causa deshidratacion, bebiendo hopi awa prome cu bo bay drumi lo yuda cu cualkier inconvenencia causa pa deshidratacion.

5. Tuma vitamina B-Complex.

B-Complex por yuda haci e wayaba pasa mas liher.

6. Como cuminda cu proteina.

Mescos cu vitamina y mineral esaki tambe lo wordo saca for di bo sistema.

7. Tuma dos koppi di koffie.

Koffie por yuda baha hinchamento di bo venanan cu ta causa dolor di cabez.

Haci e 7 stapnan aki, sigui pa un dushi ducha anto e wayaba lo a kita prome cu bo sa!

Dialuna, Oktober 17, 2011

Pagina 8

Un criatura ta drief den un rubberboat basta leu den lama STA. CRUZ -- Diasabra atardi rond di 6’or, un mucha chikito den un rubberboat tabata drief na altura di Spaans Lagoen y a bay basta leu. Mesora e famia a bati alarma. Polis, ambulance, brandweer y tambe Coast Guard a yega mesora y nan a rescata e criatura full spanta y trese tera. Ambulance a hiba e criatura hospital pa haci un check up.

Hende sa ta malagradecido. Hende sa come y lubida!

Cu ki curashi Mike de Meza ta cuestiona e bishita di fraccion di MEP na Valero?

STA. CRUZ -- Despues cu siman pasa fraccion di MEP a haci un bishita na refineria Valero, Minister di Fianza y Debe Mike de Meza a haya ta bon di critica MEP pa cu e bishita aki, ya cu segun su persona MEP no tin aprecio y lo ta contra presencia di e refineria na Aruba. Mira ken ta papia di aprecio pa presencia di e refineria na Aruba y mira ken ta cuestiona e bishita di fraccion di MEP na Valero!

Manera tur hende sa caba, e partido di Mike de Meza, esta AVP y Gabinete Eman den nan furia di maldad y destruccion tabata e gobierno cu na 1988 a firma cu Schotte B.V. y Westcoast pa desmantela y corta e refineria Lago na pida pida y bende e resto como hero bieu den exterior. Historia por ta cruel, pero ta danki na e eleccion di 6 di Januari 1989 cu pueblo a core cu e sinberguenzanan di AVP for di gobierno y cu partido MEP a haya e oportunidad pa para e cortamento di e refineria aki. Alavez historia ta demonstra cu ta partido MEP a percura pa e re-apertura di e refineria por a bira realidad dia 20 di april 1991. Pregunta ta, kende tabata un di e promer personanan cu a haya oportunidad pa un pida trabao tecnico den e refineria Coastal? Nada mas y nada menos cu Mike de Meza, kende den un entrevista a declara cu

e ta sumamente contento – despues cu el’a termina su estudio di ingeniero – di por a haya un pida trabao den e refineria aki y cu e por cria su famia honestamente. E tempo ey y promer cu 1989 nos tur por corda con Henny Eman y partido AVP a priminti e pueblo di San Nicolas ‘Jobs, hope and prosperity’, sinembargo su gobierno a converti San Nicolas den un ‘ghost town’ completo. Pues ta unda donder Mike de Meza lo por a haya un trabao riba nivel tecnico e tempo ey, anto cerca di su cas?

Despues di tempo Mike de Meza a crece te cu el a logra su propio contratista miyonario den e refineria aki. Pregunta di pueblo ta: Si Gabinete Oduber y MEP no a para - net na tempo - e cortamento di e refineria door di Gabinete Eman y si MEP no a logra trece Coastal Aruba pa reapertura di e refineria, cual lo tabata destino awe di Mike de Meza? Awe e lo por a papia di su propio contratista cu trabaonan grandi den e refineria? Awe e lo por a papia di un restart di e refineria na 2010? Y awe cu ki curashi Mike de Meza lo ta cuestionando e bishita di fraccion di MEP na gerencia di Valero? Tin un dicho na Papiamento cu ta bisa ‘hende sa come y lubida’. Y aparentemente Mike de Meza ta malagradecido y ta come lubida hopi liher mes.

Pagina 9

Dialuna, Oktober 17, 2011

GRUPO DI BETICO TA LANZA DOS CANCION PROMOCIONAL ANTICIPANDO NAN CD NOBO

STA. CRUZ -- Nos popular conhunto tipico parandero Grupo di Betico ta den pleno grabacion di un CD nobo pa e temporada di fin di

aña aki. Den anticipacion di esaki nan ta lanza dos cancion promocional na radio emisoranan local. Un di e cancionnan aki ta titula Yen di

Emocion y ta un composicion di Gos Oduber cu canto di Tommy Croes y e acompaño di Grupo di Betico. Un cancion cu e sonido tradicional parandero cu e agrupacion ta bini ta presenta pa mas di 40 aña.

Y e otro ta un composicion di Hildward Croes titula Bendiciona cu e canto estelar di Izaline Calister. Ta asina cu na aña 2010 Grupo di Betico a comparti escenario cu Izaline Calister den e popular Antillen Festival na Amsterdam y Rotterdam y aki e flamante cantante di origen Curazoleño a cera conoci cu e agrupacion tipico Arubano. Na momento cu Izaline Calister a dicidi di realiza un CD pa e temporada di fin di aña, a nace tambe e idea pa haci algo especialmente pa e publico di Aruba. Izaline a acerca Grupo di Betico pa un colaboracion musical y esaki a culmina den produccion di e cancion Bendiciona cu a wordo graba na Aruba den studionan di Hildward Croes mientras e voz di Izaline a wordo graba na JV2 Studios, na Hulanda.

E cancion aki lo aparece ariba e CD di Fiesta di Izaline Calister y tambe ariba e CD Felicidad di Grupo di Betico.

Na e momentonan aki Grupo di Betico ta poniendo e toque final ariba nan produccion pa asina bay over na printing di e CD. Por spera e produccion nobo Felicidad di Grupo di Betico aki na Aruba pa principio di luna di November.

El’a hunga y gana

GLADYS MARIN A GANA CU DIGICEL

STA. CRUZ -Recientemente Digicel a saca e ganador di ‘Text to Win’ cu tabata un wega masha facil mes pa clientenan prepaid y postpaid.

Loke e clientenan mester a haci tabata manda e palabra “PLAY” na 7171 pa asina cuminsa hunga e wega y cada SMS tabata costa solamente 1 Florin.

Manera cu nan completa full e wega, automaticamente nan tabata participa pa gana un tremendo

premio. E ganador a resulta sra.

Gladys Marin y el’a keda sumamente contento cu su pasashi pa Panama, danki na e compania di celular di mas grandi y mihor y awor esun mas liher, esta Digicel.

No lubida pa sigui manda bo SMS pa bo tambe hunga y gana cu Digicel, ya cu pa luna di Oktober lo tin un tremendo IPAD como premio di e wega.

Dialuna, Oktober 17, 2011

Pagina 10

Trahador di construccion a cay di halto y herida su mes na La Salle College

STA. CRUZ -- Diasabra pa mas o menos 3’or di atardi a drenta un informe cu un trahador di construccion den e renovacion di La Salle College a cay di halto y ta keda herida. Ambulance mesora a yega ne sitio y a transporta e trahador pa hospital.

Na Esmeralda:

Problema den pareha a termina cu un man seriamente corta STA. CRUZ -- Diasabra anochi un pareha a haya problema cu otro despues di a sali trip. E bringamento a bay for di man. Un di nan a pasa un mokete door di un glas y a corta su man formalmente. Su man a sangra pisa te cu el'a bay off. Ambulance a presenta na sitio pa asina hib’e hospital.

EXECUTORIALE VERKOOP Krachtens artikel 1203 lid 2 (oud) respectievelijk 3:268 (nieuw) van het Burgerlijk Wetboek van Aruba zullen de volgende onroerende zaken in het openbaar worden verkocht.

De verkoop vindt plaats eerst bij opbod en vervolgens bij afmijning.

1. het recht van erfpacht tot zeven december tweeduizend zeventig op een perceel domeingrond, groot

ongeveer vijfhonderd eenenzestig vierkante meter (± 561 m2), gelegen te Alto Vista in Aruba,

deeluitmakende van het perceel kadastraal bekend als tweede afdeling sectie D nummer 1583,

vooralsnog bekend als DLV veldwerknummer 20090216 kavel nummer 2; Inzetprijs: nog te bepalen 2. het recht van erfpacht tot vijfentwintig augustus tweeduizend vierentwintig op een perceel domeingrond,

groot ongeveer zevenhonderd tweeëndertig vierkante meter (732 m2), gelegen aan de Noordkant van

de Congoweg/Westhoek Rasmijnstraat te Rooi Congo in het vierde district van Aruba, welk perceel nader

is omschreven in Meetbrief nummer 33 de dato vier februari negentienhonderd vierenzestig, met het

daarop gebouwde, plaatselijk bekend als: Caya Jose Geerman 72 (destijds bekend als Congoweg 72); Inzetprijs: Afl. 213.000,00 3. een perceel eigendomsgrond, groot zevenhonderd zesendertig vierkante meter (736 m2), gelegen aan de

Herman Gorterstraat te Mon Plaisir in Aruba, kadastraal bekend als eerste afdeling sectie B nummer 485,

met het daarop gebouwde, plaatselijk bekend als: Herman Gorterstraat 11; Inzetprijs: Afl. 709.000,00 Krachtens een executoriaal beslag zal de volgende onroerende zaak in het openbaar worden verkocht. De verkoop vindt plaats eerst bij opbod en vervolgens bij afmijning.

4. het recht van erfpacht tot twaalf maart tweeduizend tweeënvijftig op een perceel domeingrond, groot

zevenhonderd vijf vierkante meter (705 m2), gelegen te Pos Abao in Aruba, kadastraal bekend als eerste

afdeling sectie K nummer 2106, met het daarop gebouwde, plaatselijk bekend als: Bushiri 144, Inzetprijs: Afl. 147.000,00 Onderhandse schriftelijke biedingen kunnen tot en met 3 november 2011 tot 16.00 uur worden aangenomen; ieder bieder is verplicht te tonen dat hij zijn bod kan nakomen, zulks ter beoordeling van de executant.

In geval van veiling krachtens beslagrecht bestaat geen mogelijkheid tot onderhandse biedingen.

De verkoop zal plaatsvinden ten overstaan van mr H.M. Rodriguez-Taekema, notaris in Aruba, op vrijdag 18 november 2011 om 10:00 uur in de vergaderzaal van Aruba Surfside Marina aan de L.G. Smith Boulevard 7.

De veilingvoorwaarden zijn beschikbaar op het kantoor van de genoemde notaris.

SUCU / De la Sallestraat 60 (rotonde Seroe Blanco) Telefoon: 588-2400 Fax: 588-2500 E-mail: c.denobrega@notarisrodriguez.com

STATEN VAN ARUBA OPENBARE VERGADERING OP MAANDAG 17 OKTOBER 2011 OM 10.00 UUR V.M. IN DE VERGADERZAAL VAN DE STATEN VAN ARUBA TE BEHANDELEN ONDERWERP ENIG AGENDAPUNT: Behandeling rapport WODC op verzoek van de AVP-fractie.

De Griffier, mr. J.A. Bastien-Scherman

Dialuna, Oktober 17, 2011

Atraco riba un damita Chines dilanti di Sing Fung Supermarket, ex - Wanboy Supermarket

STA. CRUZ -- Diasabra un rato prome cu 10’or di anochi un damita Chines acompaña pa un cabayero y un dama ta cabi traha y ta sali fo’ Sing Fung Supermarket ( antes Wanboy) na Tanki Leendert y nan a wordo atraca door di un persona aparentemente di habla Spaño. E ta pone algo di punta na un di nan patras di su cabez, cual tabata mustra manera un schroefdraai. E ta pusha prome e dama Colombiana cu tabata cu Chinesnan despues ta bay pa e damita Chines y ta pusha su cabez y mande zak abao. Despues e ta ranca tas di e damita. E ta subi auto y bay den direccion Noord. E atracadornan aki tabata coriendo den un Vivant shinishi. Sing Fung su camaranan a graba tur nan movecionnan. E caso aki recherche tin e bao di investigacion.

Pagina 11

Atraco riba lugar di bende number

STA. CRUZ -- Diadomingo pa mas o menos 11’or di mainta, un biaha mas ta sosode un atraco. E biaha aki, ta e lugar di bende Catochi y Lotto, ""Suerte di mi cu bo"" den Wilhelminastraat net dilanti di Cooks Restaurant. Dos cabayero Dominicano a drenta y pone un schroefdraai na barica di un meneer cu tabata den e lugar y tabata exigi placa.

Nan a piki placa di e sra. y hinca esaki den un saco.

Mientras cu nan tabata piki e placa, e otro señora den e lugar a cuminsa fliet nan den nan cara. Nan a troce man di e sra. y kita e fliet for di dje. E atracadornan a ranca cadena di e señora, un cadena cu balor sentimental pe señora.

Tambe nan a horta cellular di un di e señoranan. Nan a bay cu mas di 300 florin, un cellular y tambe un cadena cu tin un cruz di Caravaca. Nan a sali bay direccion pabao.

Mesora e señoranan a yama polis y un a keda waak cual direccion nan tabata

bayendo. Polis rapidamente a mira nan y a sigui nan na un cas den Nieuwstraat.

Polis mesora a pone man riba nan y a hibanan warda.

Pa asina e señoranan por bin identificanan. E polisnan a traha hopi eficientemente y a logra captura e dos malhechornan aki rapidamente. E dos atracadornan aki ta Dominicano cu apenas dos siman pasa a yega Aruba. Tur Dominicano mester Visa!! Con nan a ser gescreen pa Visa?? Ken a para responsabel pa nan???

Esaki ta cambio di ley cu Gobierno a haci pa versoepel e ley pa e hendenan aki .

Esaki te consecuencia di versoepeling. Tur clase di hende lo sigui drenta Aruba.

MADURO HEAVY EQUIPMENT N.V. Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta Rosa Tereno,

Coba Pos y Fundeshi.

ROOI BOSAL 49 TEL.: 585-1708 FAX.:585-6299

Dialuna, Oktober 17, 2011

Pagina 12

Cas a kima den Bernadettastraat

STA. CRUZ -- Diasabra madruga rond di 1’or y mey a drenta un melding cu tin un cas na Candela.

Mesora Brandweer y polis a dirigi nan mes pa Bernadettastraat 20 y a bin topa cu e parti patras full na candela. Brandweer hopi liher a controla e candela cu e no a sigui bay den e parti di dilanti.

Por bisa cu tin hopi daño di awa, candela y huma den casi full e cas. Den un di e kambernan tabata tin varios bateria di auto.

Segun bisiña un rato prome cu e candela, e doñonan a Sali. Polis a purba varios biaha di yama e doñonan pero sin resultado, si mas laat a haya comunicacion cu nan no ta conoci. E origen di candela no ta conoci pero durante dia lo

haci investigacion pa haya sa kico lo por a ocasiona e candela aki.

TA HUUR - FOR RENT Ta huur un snack bon ubica na Sta. Cruz 36. Situa net na entrada/salida di dos school, Colegio San Hose y Maria School. Caminda ta wordo trafica desde mainta te anochi. Afl. 750.00 mensual Pa informacion, yama 739-0101 Ecro Real Estate

TA HUUR - FOR RENT Espacio comercial na Sta. Cruz 36. Situa: Ariba caminda principal di Sta. Cruz, net dilanti entrada principal pa Misa di Sta. Cruz. Cu bon Parkeerplaats. Bon pa Beauty Salon, oficina, tienda of cualkier negoshi.

Ta huur completo of mitad. Tin espacio di Afl. 650.00/Afl. 1100.00/Afl. 1500.00 mensual. Pa informacion yama 739- 0101 Ecro Real Estate

Dialuna, Oktober 17, 2011

Pagina 13

NOTICIANAN POLICIAL

Problema cu touwmento di auto na aeropuerto

Homber, Cedric Leito di Corsou a muri den baño

STA. CRUZ -- Diabiena pa 14:50, e homber K.R. naci na Aruba di 46 aña, a bay warda di Oranjestad y a duna keho contra e taxista di e auto TX-396, cu a molesti’e durante cu e tabata takel su taxi. Segun K.R. a bisa cu el’a haya ordo pa takel e taxi. E chauffeur a bay haci fastioso.

Ela purba di habri porta di e takelwagen. Ora cu e no a lopgra, el’a bati contra glas di e takelwagen. El’a bisa R.K. “Cuida bo curpa riba caya, bo bida ta cortico, unda mi haya bo, mi ta kibra tur bo c… pa bo. R.K. tabata kier pa polis papia cu e chauffeur.

Segun informe dokter a confisca e curpa ya cu no ta trata di un morto natural

Nieto onbeschoft ta trece problema den famia STA. CRUZ --Diabierna pa 20:20, polista bay na un cas na Seroe Compa pa un problema den famia. Na e sitio polis a papia cu e hoben J.S.C. naci na Aruba di 18 aña, kende a bisa polis cu su wela kier sake for di cas. El’a bisa cu su wela y su dos tantanan ta culpe di homo y ladron.

Polis a papia cu e wela y el’a bisa cu e mucha ta hopi onbeschoft y ta contesta e wela y su tantanan. Den presencia di polis el’a contesta e wela onbeschoft. Polis a hala su atencion y a bise cu e mester sigui regla di cas. El’a bisa cu e tin 18 aña y nan no tin nada di bise. Polis a papia cune y cos a calma pa un rato.

Problema di pareha cu pasamento di wanta STA. CRUZ -- Diabierna 22:30, polis a bay na Fawaka Bar, na San Nicolas, pa un problema entre pareha. Ora cu polis a yega na e sitio, e pareha no tabata mas na e sitio. Polis a bay mas laat y a controla den caya. Ey nan a topa dos persona ta discuti y ta zwaai cu man. Polis a papia cu e homber R.de B. naci na Trinidad y Tobago, kende a bisa cu e tin prolema cu su amiga C.C.B. naci na Santo Domingo di 29 aña. El’a admiti cu el’a dal su amiga un wanta den su cara. E amiga a yama su ruman homber pa bin busk’e. A start un discusion y cos a sali for di man.

E amiga a haya chens y a dal e homber un wanta bek. E homber a bisa polis cu e kier bay na cas di tata di su amiga, pero polisnan mirando cu e ta bao di influencia di alcohol, a bise pa e deshaci di e asunto. E amiga a bay drumi na cas di un amiga.

Homber drumi riba caminda ta altera cu polis STA. CRUZ -- Diasabra pa 12:20, polis di San Nicolas a bay na haltura di ex -Kong Fui, na Savaneta, unda tin un homber drumi riba caya. Ora cu polis a yega, polis a lante y el’a bira agresivo y kier a bringa cu polisnan. Polis a detene y hibe warda di San Nicolas, unda el’a keda cera pa pasa su buracheria.

STA. CRUZ -- Diasaba pa 12:50, e muher A.C.N.O. naci na Venezuela di 33 aña, a yama bisa cu su amigo C.L. naci na Corsou di 55 aña a bay baña. El’a bisa cu despues di 20 minuut e homber no a sali for di baño. El’a bay controla y a bati riba porta, pero e homber no a contesta. El’a habri e porta di baño y a haya C.L. benta riba su bariga. Personal di ambulance a bin na e sitio y a dune CPR pa mas o menos 30 minuut. El’a wordo hiba hospital. Diasabra pa 10:15 Hospital a yama warda di polis y a bisa cu e homber Cedric Leito, naci na Corsou dia 13 di Februari 1955, a fayece y dokter a constata morto 2:04. E curpa a keda confisca, como cu dokter a constata cu no ta trata di morto natural.

Homber a purba drenta marihuana den KIA STA. CRUZ -- Diasabra pa 16:30, polis a bay na KIA, unda guardia a detene un persona cu purba di drenta marihuana den e instituto. Na yegada polis a topa cu e guardia y el’a bisa polis cu e homber R.S.G. naci na Aruba di 27 aña, a tira un paki pa un detenido. Ora cu a bay controla a resulta cu den e paki tabatin marihuana. Polis a detene P.S.G. y a hibe warda di San Nicolas pa sigui cu e investigacion.

Caso tristo:

Mucha ta adicto for di su 9 aña STA. CRUZ -- Diadomingo pa 2:00, polis a bay na un cas na Sabana Basora pa un yiu muhe soberbe. Na yegada polis a papia cu e mama A.H.Q. naci na Aruba di 35 aña, kende a bisa polis cu su yiu muher S.A.H. di 16 aña, ta hopi fresco y agresivo contra dje y no ta prome biaha cu e mama ta pidi asistencia. E mama a bisa cu e mucha muher hunto cu algun amiga a sinta huma marihuana. Polis a papia cu e mucha muher y el’a bisa cu for di 9 aña, e ta huma y ta adicto na marihuana. Polis a papia cune y a bise cu e mester atene su mes na regla di cas. E mama a cera a apartamento di e wela, como cu e wela ta for di isla, pero e mucha muher a kibra e kozijn pa e drenta paden. E caso tin atencion di polis.

Dialuna, Oktober 17, 2011

Pagina 14 Historia real Parti 1

Sin igualdad no por existi libertad, ni democracia ni husticia ni fraternidad!

Plaga di Boa ta tur caminda

Meta: Columna busca na conoce historia “berdadero” aclareando diverso interpretacion, corigiendo creencia - aparencia eroneo – ampliando nos conocemento pa por fortalece nos identidad. Metodo: trece informacion di varios angulo, literatura – dirigentenan y ciudadano pa logra discusion y analisis nobo pa logra e meta. 1er: Topico: Famia Real Hulandes E monarkia Hulandes ta relativamente jong.

Promer cu Revolucion Frances na 1789 e famianan real cu nobleza, principe y conde cu nan stadhouderslugarteniente tabata esnan cu tabatin poder na Europa.Pero Napoleon Bonaparte no tabata di acuerdo pa elimina monarkia y na 1806 e ta nombra su ruman Ludovico Napoleon como promer Rey di Hulanda.

Esaki ta continua ora cu na 1813 Willem Frederik ta accepta pa bira “vorst” soberano di Hulanda y na 1815 e ta proclama su mes Rey di Hulanda; Willem I y ta keda rey te cu 1843. Ta sigui’e Rey Willem II cu ta keda te cu 1849 y ultimo rey tabata Willem III cu ta keda te cu 1890. Reina Emma a cubri e periodo di 1890 - 1898 te ora cu Reina Wilhelmina ta asumi e funcion. Reina Wilhelmina a keda te cu 1948 y a sigui Reina Juliana cu a keda te cu 1980. For di 1980 te cu awe ta Reina Beatrix.

For di e 1648 cu Aruba ta cay den gara di West Indische te cu Segunda Guera Mundial ningun Rey o Reina a yega nos pais. Ta na 1942 cu Aruba ta recibi e promer bishita di famia real den persona di Prins Bernhard y tambe na 1944 Prinses

Juliana ta bishita Aruba.

Ta durante e 2do Guera Mundial cu Aruba como teritorio liber y promer bao protectorado di Inglatera y despues di Merca ta haya atencion di famia real di Hulanda.

Historia politico ta mustra nos cu den e decada di 40 varios biaha ta referi na e lucha pa separacion di Corsou y na e “amor” y dependencia na La Reina (famia real). La Reina Juliana ta bishita Aruba na 1953 y La Reina Beatrix na 1980 y 1987.

Den 200 aña di monarkia Hulandes nos a recibi y tin nan den cercania 3x.

Kico realmente La Reina o Monarkia ta significa pa nos? Si nos parti di e pensamento cu e ta cabez simbolico di Reino Hulandes, por ta cu nos ta sinti nos mes asina uni cu Hulanda? E punto cardinal di e columna aki ta: Con hopi nos ta kere den igualdad? Pasobra si Hulanda kier mantene un monarkia simbolico ta su derecho. Basta cu esaki NO ta toca nos valor fundamental cu ta : igualdad. Pasobra e revolucion frances y lucha pa derechonan humano ta emana for di cu nos tur como ciudadano mester tin igual derecho y posibilidadnan. Anto nos ta acepta pa tin persona cu ta nace como reina, cu herencia di privilegio- y beneficionan cu ta ignora e igualdad? Of balor fundamental di igualdad ta algo ocasional? Si entre ciudadanonan di un comunidad of reinado no ta practica valor di igualdad, esey lo ta mescos entre paisnan den e reinado. Entre paisnan cu ta forma parti di reino tin igualdad??

Nos mester pensa trankil y profundo riba e cuestion aki, pasobra si NO tin igualdad, tampoco nos lo tin libertad, y tampoco lo tin husticia.

Proximo columna nos lo trata Igualdad y ayudo entre paisnan den ino Hulandes.

Skirbi pa: wiki-liki. Comentarionan ta importante y nos lo aprecia bo manda esaki pa solodipueblo@gmail. com

STA. CRUZ -- Aruba a bira e cas di Boa! Nos a gana e premio di tin mas boa cu tur otro pais si mira e grandura y cuanto boa nos mes a permiti pa sigui plama. Aki na un cas, a haya un boa den cas. Kico mester haci cu e plaga aki ?

Dialuna, Oktober 17, 2011

Pagina 15

Contesta abierto na preocupacion di John Laurens relaciona cu ASB

Mihor bo waak den bo propio cura promer!

Pa algun dia caba dirigentenan di Aruba Softball Bond a wordo informa cu mainta den un programa radial na canal 90, sr. John “Aleman” Laurens ta yama na un manera anonimo scondiendo su cara y su nomber y ta expresa su preocupacion pidiendo pa un splicacion kico ta e motibo cu seleccion di Aruba a viaha pa Ecuador cu un pitcher Venezolano.

Aunke desde Ecuador a manda diferente reportahe pa prensa skirbi unda a splica esaki hopi cla, lo splica esaki publicamente un biaha mas. ASB ta trahando transparente y no tin nada di sconde.

Ecuador a organiza un Copa Alcalde # 8 unda diferente pais ta wordo invita. Copa Alcalde ya pa algun aña ta permiti paisnan trece (1) refuerzo preferible un pitcher y asina purba atrae e mihor pitchernan den region dunando e torneo un nivel hopi halto. Di e manera aki Ecuador kier hisa su nivel di su competencia door di stimula paisnan pa purba trece e mihor pitchernan pa e Torneo. Ta bon pa menciona cu Copa Alcalde no ta conta pa ningun CLASIFICACION y pues pesey mes ta permiti seleccion trece 1 refuerzo.

Pitcher number (1) di Venezuela su seleccion, esta Ramon Jones a tira pa e seleccion di Ecuador, un pais di 14 miyon habitante, kendenan finalmente a titula campeon cu Ramon Jones lansando e wega final. Hende no a conta nos esaki pero esaki nos mes a waak. Esaki tambe a sali hopi cla den prensa unda Aruba a logra derota Ecuador

cu e mihor pitcher di Venezuela Ramon Jones 1-0 y Ecuador cu Ramon Jones a gana Aruba bek 1-0 den un partido di cruce. Asina mas paisnan ta reforza cu pitchernan internacional entre otro Panama y Colombia. Por ehempel Erick Urbaneja, un otro estrella den region un pitcher surdo tambe tabata eynan y No cu su pais sino como refuerzo.

Lamentablemente nos mester tuma nota cu John Aleman Laurens na un manera cobarde y anonimo ta yama reclama algo den aire na canal 90, 3 mainta consecutivo, scondiendo su cara manera un avestruz bao di tera enves di puntra e dirigentenan di ASB kendenan e conoce bon bon. Pues envez na un manera constructivo Bo por a acerca esnan rond di bo, unda bo por a haya un splicacion amplio de que se trata, si ta asina tanto esaki tabata preocupabo. Door cu bo a escoge e caminda aki, anto nos lo contestabo publicamente via e caminda aki. Nos no lo puntrabo pa un 30 mil florin cu a desaparece den un organizacion di 50 plus. Nos lo laga esey algo interno pa boso deal cune. Nos lo no conta nada di WEB ni tampoco e motibo cu nan a kitabo di Airport pasobra esey no ta toca nos pa awor.

Sea orguyoso cu e seleccion a train duro y bo sa esey bon bon pasobra ta na mesun veld cu Bo team di 50 plus ta train e seleccion tabata train y nos a topa otro diferente biaha eynan. A hunga contra paisnan grandi kendenan tambe a reforza y a wanta paisnan aki na scorenan hopi abao.

Poy Flanegin ta tira dos wega y ta perde 3-2 den tereno contra Panama y 3-2 contra Colombia.

John no ta contento cu e resultado aki? E pitcher di Venezuela Erick Alvarez a gana Ecuador 1-0 y a perde 1-0. Tampoco ta bon?? Un seleccion cu desde 1995 no a viaha, ta hunga riba un nivel competitivo? Esaki no ta bon pa John?? Eldrick Dijkhoff a regresa Aruba cu un corona di Champion Batter batiendo 20-11. By far e mihor bateador di e torneo aki y a laga atras un stempel como talento.

Esaki tampoco ta bon pa John Aleman Laurens??

Eddie Flanegin tambe a logra un titulo personal como ‘the best rightfielder’. Esaki tampoco ta bon John?

Foei. Grow up y stop cu criticanan negativo.

John, bo conoce dirigentenan mucho bon pabo sinta sconde tras di un microfono. Aruba ta trahando duro pa crea propio pitchernan y pa esaki tin un entrenador Cubano haciendo su esfuerzo. Tur Dialuna 5:00pm na Flatstone, tur diamars y diahuebs 5:00pm na Kudawecha y tur diarazon 5:00pm na veldnan nobo na Pos Chiquito.

John, motiva hobennan rond di bo pa join e lesnan di pitcheo. Purba di converti bo odio den algo positivo y contribui na un manera sano motivando hobennan pa bay les di pitcher. Yama of acerca esnan concerni kendenan bo conoce bon bon y sa unda pa haya nan cu cualkier preocupacion y stop di sconde manera avestruz tras di un microfoon.

Spera cu esaki trece e claridad cu bo tabata pidi p’e na radio.

Na airport di Saba:

Habitantenan di Saba a protesta na miembronan di Tweede Kamer “Hulanda a lubida ariba nos”

STA. CRUZ -- Diabierna atardi un total di 6 lider di fraccion den parlamento Hulandes, Tweede Kamer a yega Saba. Esaki ta den un plan pa bishista e 6 islanan Hulandes den Caribe. E lidernan a wordo ricibi pa un protesta di manifestacion, unda e habitantenan di Saba a mustra y expresa nan malcontento, cu desde nan a bira un BES-EILAND, nan a keda lubida den kashi. Dirigentenan politico a bisa cu ta comosifuera cu Hulanda ta stoot af Saba, pasobra despues di un aña, un dirigiente di Saba no por a haya un afspraak cu Minister di Salubridad Hulandes.

Saba a bira super caro, unda un kipashi ta costa 5 dollar. Job Cohen di PvdA a bisa cu Minister Piet Hein Donner di relacionnan interior mester bay haci un trabao den exigi mihor contacto cu Saba. Saba ta un isla cu ta conta cu 2000 habitante cu aña pasa a los di Antiyas y a bira un gemeente di Hulanda.

Lidernan di fraccion di

VVD, Stef Blok a bisa cu VVD, PvdA y D66 ta di acuerdo cu e kehonan di e habitantenan cu e relacionnan cu Hulanda mester wordo mehora.

Lider di PvdA, Job Cohen a bisa cu e situacion actual di con Saba mester acudi na diferente departamento na Hulanda ta absurdo.

Salubridad Publico a bay atras y e implementacion nobo di belasting, cual a aumenta drasticamente ta perhudica e poder di compra di habitantenan di e isla cual a conduci na un inflacion di 7%. Esaki ta e prome demostracion cu a tuma lugar na Saba.

Den e demonstracion, e Sabanonan a bisa cu e placa di pensioen ta 566 dollar cual no ta yega ni pa cumpra paracetamol, corda pa cumpra un regalo.

Cambionan a bini mucho pura y e tabatin hopi critica ariba e representante di Reino pa Saba. E representante di Reino pa Saba ta Wilbert Stolte, kende ta sinta na Bonaire y casi nunca a bishita Saba.

Pagina 16

Dialuna, Oktober 17, 2011

Awe 8:00 PM

Dialuna, Oktober 17, 2011

Pagina 1

Dialuna, Oktober 17 2011 - Edicion 6 Vol.1695 - Sta. Cruz # 110 Tel: 585-9500 Fax:585-0951 - E-mail: solodipueblo@gmail.com

1.50

Dialuna, Oktober 17, 2011

Pagina 2

Auto a cay riba man di un hoben

Pabien na mi coleganan y pueblo di Aruba!

Ta spera cu e 2 trucknan aki por tin mas seguridad pa nan y pa nos mesun hendenan.

Un danki hopi grandi na Gobierno di Aruba Mike Eman 1 y tambe na nos minister di husticia cu a sa di traha mas di cerca cu nos. Bestuur Sinba

Gilbert Carranza Willems di Los Astros No a viola mucha y no ta cera

STA. CRUZ -- Diasabra atardi un rato prome cu 4’or, un hoben tabata trahando riba su auto y dado momento e auto a cay riba su man. Mesora e familiarnan a yama ambulance. Ambulance a trate na e sitio y a dicidi toch di transporte pa hospital pa check up. A resulta cu e man a haya sla pero no tabata kibra.

E temporada di fin di aña a cuminsa na TOP 95.1 cu Robby Rosel cu e programa “FIESTA DI FIN DI AÑA”

STA. CRUZ -- E famoso productor y presentador di e programa Los Astros na Top FM a emiti un declaracion publico pa asina desmenti e rumornan falso cu ta circulando. Via broadast ping a circula cu siman pasa cu Gilbert lo a abusa di un mucha na

school, unda porcierto e tin un snack y polis a detene na e school.

Diasabra atardi el'a informa cu e no ta deteni ni nunca tabata deteni.

E ta basta ocupa cu su mama kende ta sufriendo di quebrante di salud y tin cancer. E tabata den exterior pa mes

motibo, na Colombia. E ta lamenta e redo falso ariba dje, cual a haci cu masha hopi hende tabata yame pa averigua con nan por yude. El'a bisa cu actualmente e ta malo tambe pero ora e bira bon, e lo traha un cos pa es persona cu a fabrica e redo aki.

Dialuna, Oktober 17, 2011

Pagina 3

Doñonan di trailer a cuminza caso contra Gobierno

STA. CRUZ -- Dia 28 di Oktober venidero, corte di prome instancia lo trata un caso cu doñonan cu actualmente ta huur trailer cu Gobierno, a inicia contra Gobierno di Aruba. E caso aki ta pa e decision di Gobierno di

Aruba pa deal cu Jems NV, sin tene na cuenta cu e doñonan cu ta verhuur trailer actual. Mas bien ta pa reclama ariba e hecho cu no a tene un destaho publico pa asina duna nan tambe e oportunidad igual pa por participa.

Mas leu e doñonan di trailer ta bisa cu nan a manda varios carta pa gobierno di Aruba pa asina nan tambe haci nan oferta, pero gobierno a nenga di tende nan.

Practicamente nan no a haya ningun reaccion ariba nan proposicionnan pa Gobierno.

E doñonan actual a haci practicamente mesun oferta, pero ofreciendo Gobierno 60 local di blokki, plus ta regala gobierno 52 trailer existente.

Minister Dowers a reacciona bisando cu e no sa kico e doñonan di trailer ta bay busca na corte of kico nan kier logra.

Poils a gara e dos atracadornan STA. CRUZ -- Den e cas aki, pabao di Radio Shack, e dos atracadornan di ayera mainta a core drenta pa sconde. Pa nan mala suerte tabata tin un polis den vecindario den su auto personal.

E polis a keda coup e atracadornan y a mira exactamente unda nan a drenta. Pues nan a tira atraco riba lugar di catochi y cori bin abao,

drenta dilanti El Gaucho, bay aden pasa dilanti

Checkpoint y sali core sconde den e cas aki.

EDITORIAL

Pa Edmond Croes

Diarazon 6 lider di Fraccion di Tweede Kamer ta yega Aruba

TA EXIGI MIKE EMAN PA BISA NAN E BERDAD

STA. CRUZ -- Lidernan di fraccion Hulandes, di Tweede Kamer ta yega Aruba diarazon awor pa un bishita cortico.

E razon principal di e bishita aki ta pa orienta y observa con e cambionan despues di 10-10-10 a bay. No ta un bishita unda lo conversa cu gobernantenan so, pero nan kier conversa cu pueblo tambe.

Diabierna ya caba nan tabata na Saba, unda nan a wordo ricibi pa habitantenan di e isla kendenan a manifesta nan disgusto cu Hulanda ta tene Saba atras. Aki na Aruba tambe nos ta spera cu Gobernantenan di AVP no secuestra e lidernan di fraccion aki, pero nos ta spera cu nan por bin conversa cu pueblo di Aruba, unda por suministranan informacionnan di e gobernacion di AVP cu ta laga masha hopi di desea y te hasta ta treciendo disgusto den pueblo. Nos ta exigi Mike Eman pa papia berdad cu e representantenan di Hulanda. Mester bisanan di e aventura di un tram cu a nace despues di eleccion y cual proyecto no ta conta cu ningun sosten di pueblo como tambe ningun sosten di propio votador- y palancanan di AVP. Mike Eman mester conta e Hulandesnan di Linear Park. No solamente mustranan cu AVP a ehecuta un proyecto di MEP, pero tambe mustranan con raro e proyecto a bay, unda den pueblo ta sospecha cu tin corupcion pa cu e destahonan di e proyecto.

Mester informa e lidernan

di fraccion aki ariba e cantidad di coordinadornan cu tin, 208 na Aruba y 1 cu a bini di Bonaire cu a prefera di bira lomba pa su isla pa bin cobra placa aki na Aruba. Mester bisa e lidernan di fraccion di Lotto pa Deporte, con AVP a hereda un Lotto bendiendo 42 miyon y con nan a zink Lotto mescos cu Titanic y awor entrega tambe na Canada. Splica e lidernan di fraccion con a regala Valero 80 miyon florin di pueblo di Aruba y fix acuerdonan super ventahoso pa Valero unda cu pa 20 aña largo casi no ta contribui cu mucho belasting.

Conta e Hulandesnan di e promesanan di campaña, manera baha prijs di awa cu coriente y eliminacion di BBO. Tanto promesa, pero nada di cumplimento.

Splica e miembronan di parlamento con Mike Eman kier a mete cu polis directamente pa asina laga detene hendenan di Lotto, cual declaracion Procurador General di Aruba mes a declara publicamente cu ta su persona mester a cay aden pa kita e presion politico for di ariba polis. Finalmente splica e miembronan di parlamento ariba e mal gastamento di placa generalmente, e caso di prins Abath, Green Conference y splica con AVP a crece e deficit financiero di pais Aruba.

Si Mike Eman no papia e berdad, nos lo percura pa cada miembro haya un nota cu e dolornan di e pueblo aki, kendenan tin algun gobernante cu ta puro Hollywood Stars. Chiclic, chiclac!

Dialuna, Oktober 17, 2011

Pagina 4 Ora lama seca, berguenza ta pa Dios! (parti 1)

Baba Herde a kere cu pueblo a lubida caba tur e fechoria, fraude y ladronicianan cometi pa su partido AVP??

STA. CRUZ -Recientemente e rapport di WODC - e rapport yena di redo y redashi, fabrica riba instruccion di exponentenan di CDA pa yuda nan partido ruman AVP - a mira luz di dia.

Sinembargo na momento cu esaki a bin den publicidad, nos a haya poco elemento di AVP cu a core braza e rapport yena di redo aki y a scupi nan gal berde y vies contra partido MEP. Entre nan ta figura un tal Baba Herde, kende no a perde pa gana y di biaha a core mustra su dede vies den direccion di MEP, lubidando cu tin tres dede largo ta punta den su propio direccion. Baba a cualifica e supuesto rapport ‘cientifico’ aki como un berguenza pa nos pais, pero ta lubida di conta pueblo di tur e bagamunderia, fechoria,

ladronicia y fraudenan cu su partido desprestigia AVP a comete durante cu nan tabata den gobernacion y cualnan siguramente a pone cara di nos pais na berguenza. Baba ta lubida

AVP nan memoria pa loke berdaderamente tabata e sinberguenzerianan cu nos pais a pasa aden na man di AVP den e periodonan cu nan tabata den gobierno, esta 1986-1988 y 19942001.

GARANTIANAN: Contra tur conseho di Banco Central, IMF, Pannell Kerr & Forster y World Bank pa no redobla e cantidad di kambernan di hotel y esaki debi na e limitacion di nos infrastuctura, Gabinete Eman I durante 1986 pa 1988 toch a duna garantianan den forma descabeya na e Mafianan Italiano (e.o.

Spartaco Ghini) y esaki relaciona cu e tres proyectonan hotelero Beta, Ramada y Plantation cualnan tur a fracasa y laga den ruina atras door di AVP. Resultado ta cu pais Aruba – basa riba sentencia di Corte Internacional na Den Haag – mester a paga di inmediato (‘uitvoering bij voorraad’) un suma astronomico di 206 miyon dollar pa tur e bagamunderianan cometi pa Gabinete Eman y partido AVP. “Baba, bo por a splica pueblo den saco di kende e

tambe – despues cu durante 7 aña largo su partido a malogra y ruina e pais aki e dicho cu ta 100% aplicable pa su partido AVP, esta ‘ora lama seca, berguenza ta pa Dios’. Den un serie di articulo MEP lo bay refresca Baba y henter e pandiya di

206 miyon dollar aki a bay y si esaki no por wordo considera como un berguenza total pa nos pais?” RACE TRACK: Sin ningun planificacion y sin ningun estudio di factibilidad Gabinete Eman a bin cu e proyecto di Race Track pa Aruba. Aunque cu gran parti

di comunidad tabata contra di e proyecto aki, Gabinete Eman cueste loke cueste tabata kier pa e proyecto aki continua. Despues cu e caso aki a wordo trata den Corte na Merca, caminda tabata tin un candidato riba lista di AVP cu a testigua contra interes di pais Aruba, al final e pueblo pagador di belasting mester a paga mas di 50 miyon dollar pa un proyecto fantasma y caminda ningun auto Match box a core riba e pista aki. “Baba, bo por a splica pueblo den saco di kende e 50 miyon dollar aki a bay y si esaki no por wordo considera como un berguenza total pa nos pais?” RADAR: Apesar cu e compania Raytheon – cumpliendo cu tur e exigencianan di gobierno a haci un oferta pa un radar pa Aruba cu lo a costa $ 11.518.483,00, toch Gabinete Eman a prefera di scoge pa un radar di Westinghouse cu a costa $ 12.257.569,00.

A cumpra e Radar aki di un representante amigo (‘friend’) di secretaria di

Conseho di Ministro di AVP. Fuera di e prijs mas halto, e oferta di Westinghouse no tabata cumpli cu tur e exigencianan cu ta para den e bestek, esta e Radar mester ta basa riba un ‘modem and operational proven design’, ‘solid state’ y mester por alcanza 100 miya nautico, pero esun di Westinghouse ta alcansa solamente 60 miya nautico.

Te cu awe e Radar aki no a funciona nunca y por bisa cu e pueblo pagador di belasting mester a paga 23 miyon florin pa un Radar cu no ta sirbi pa nada. “Baba, bo por a splica pueblo den saco di kende e 23 miyon florin aki a bay y si esaki no por wordo considera como un berguenza total pa nos pais?” Unda e oreanan largo di e ‘profesornan’ di WODC tabata, cu nan no a tende, mira y nota net nada di e bagamunderia y ladronicianan aki? Hecho ta cu e 3 bagamunderianan aki SO, a costa pueblo pagador di belasting 485 miyon florin, esta casi mei biyon florin! Hallo WODC, hallo hallo…. Esaki ta e promer parti recordatorio di un serie di bagamunderiay ladronicianan cometi pa e partido di Baba Herde, un partido cu semper den gobernacion na final ta laga nos pais ruina y na werki atras.

Dialuna, Oktober 17, 2011

Pagina 5

SEGUN MEP PUEBLO DI PARADERA TA SCLAMA PA ALIVIO:

CUANTO ACCIDENTE MAS GOBIERNO KIER MIRA NA JABURIBARI PROME CU CUMINSA ACTUA? nos roga, Gobierno ta neglisha nos bario.

STA. CRUZ -Candidatonan di partido MEP cu ta moviendo den comunidad ta haya hopi reclamo

den e bario di Jaburibari, Paradera y vecindario.

"Gobierno a lubida riba nos. Ni cuanto nos pidi, ni cuanto

E cruzada di Jaburibari ta s u m a m e n t e p e l i g r o s o .

Constantemente tin accidente na e sitio aki. Nos a purba haya atencion di Minister Dowers, di Minister Mike Eman, pero ta manera nan ta sordo.

Nos a scucha parlamentarionan di MEP den Parlamento urgi gobierno atencion, pero ni

asina.

Ta kico mas gobierno kier pa pasa na e cruzada ey? Ta cuanto accidente mas? Ta morto tin di cay pa e ora gobierno core bin waak?", ta comentario di habitantenan di e bario. Nos a urgi gobierno na varios ocasion pa pone atencion na e situacion peligroso di e cruzada ey, pero tur cos te ainda tabata en vano. Ta mescos cu e ta drenta den un orea y sali mesora di e otro. Otro cos cu e habitantenan di e bario no ta aprecia ta e hecho cu e parke Jaburubari ta cobra pa entrada.

Famianan humilde tabata contento dia cu Gobierno di MEP a construi e parke, pasobra e por a tene e mucha- y hobennan for di caya y practica deporte eynan. Awor nan ta mira cu ya nan no por sigui haci uso di tur e facilidadnan mas, pasobra e Gobierno di AVP a bin ta cobra pa entrada. Nan ta puntra nan mes si e Gobierno actual tin algo contra nan! Nos lo no cansa si di pidi atencion pa e bario aki, pasobra ta tristo pa un bario cu tin varios habitante cu a pone nan confianza den e gobierno aki, awor wordo laga na caya di es forma aki.

Apple a lanza su I-phone 4GS

STA. CRUZ -- Diabierna mainta Apple a lanza su telefon mas nobo riba mercado cu ta I-phone 4GS. Defacto e ta mescos cu su telefon modelo i-phone 4 di look, pero internamente e telefon ta mihor equipa.

Apple ta conoci pa ofrece productonan di calidad!

Den e telefon aki, lo tin mas memoria cu su modelo anterior. Lo tin mihor

calidad di potret. Ademas e tin mas servicionan manera entre otro voice assistant activated, papia cu bo telefon y e ta haci loke bo pidi'e. Apple ta spera di bende 25 miyon di Apple i-phone 4GS. Blackberry ta cayendo atras na Merca den venta y poco poco i-phone ta ganando e confianza di usuarionan.

Pagina 6

Dialuna, Oktober 17, 2011

Ora lama seca, berguenza ta pa Dios! (parti 2)

Baba Herde a perde memoria y ta corda net nada di tur e bagamunderianan cometi pa su partido AVP STA. CRUZ -- Ta increible con poco ‘profesor’ grandi y scapa a perde berguenza y por a bay tras di asina tanto redo y redashi cu nan a haya for di nan ‘respondenten’ anonimo, kendenan a wordo usa pa trata den un forma baho y vil difama ex- gobernantenan di MEP. Ta increible cu e ‘profesornan’ aki no a mira mas largo cu nan nanishi y no a trece den nan rapport ‘cientifico’ algun di e cantidad di bagamunderia, fechoria y ladronicianan cometi door di dirigentenan di partido AVP. Sinembargo e ‘cientificonan’ aki por trata di tapa solo cu un dede, pero MEP ta keda un partido vigilante pa recorda un y tur di e ladronicianan cu a tuma lugar cu placa di pagadornan di belasting door di AVP. Den e di dos articulo aki MEP ta bolbe refresca Baba y su secuasenan nan memoria di algun di e ladronicianan aki den dia cla. AEROPUERTO: Un proyecto di Aeropuerto cu inicialmente lo mester a costa 45 miyon dollar, durante Gabinete Eman III esaki a ser construi pa un suma di casi 200 miyon florin, sinembargo sin cu a construi liftnan, sin construi un shopping mall, sin embeyecimento, sin extension di pista di aterizahe etc. Alavez na final di gobernacion di AVP na 2001, e Aeropuerto di Aruba tabata tin perdidanan financiero astronomico, un rating negativo y e bondholdernan tabata tur preocupa. Ta danki na MEP, cu a trece Schipholgroep aden, awe Aeropuerto ta florece y ta gana placa! “Baba, bo por a splica pueblo den saco di kende e diferencia di 120 miyon florin den e construccion di Aeropuerto a bay? Alavez bo por splica pueblo, di con bo partido hipocrita tempo cu boso tabata den oposicion tabata agita y ventila boso rabia y odio contra Schipholgroep y awe ta papia bon so di e grupo aki?” FONDO DESAROYO NOBO SAN NICOLAS: Manera cu a wordo declara na e ceremonia di despedida di fiscal Frits de Groot den Fort Zoutman, esaki ta ‘een groot fraudeonderzoek, het

grootste fraudeonderzoek wat wij hier hebben gehad in Aruba”, caminda otro 52 miyon florin a disparce den dia cla. Apesar cu huez a yuda ex-Ministro Presidente Henny Eman pa scapa su curpa tirando tur culpa ariba Tico Croes y e tal Otmar, den Corte cada un formalmente a basha bao riba otro. E contratistanan a declara bao huramentacion cu nan a actua riba presion di e dos ex-mandatarionan di AVP Henny y Tico. Cu luho di detaye nan a describi con e ofertanan pa e proyectonan tabata wordo falsifica, con fondonan publico tabata wordo malversa, ofertanan cu a wordo haci cu e mesun erornan gramatical etc.

Pa completa e actonan bochornoso aki nan a declara cu a facilita ex-lider di AVP riba 50 mil florin y a cumpra (regala) un auto na su persona. Hasta ex-ministro Croes no conoce e contratista cu su casa ta su secretaria, unda e tal Otmar no sa e motibo pakico e contratista despues di eleccion a stop di construi su cas. Finalmente den un deal corupto cera riba beach, tur e malandronan a sali liber y te hasta un di nan, exlider di AVP a logra di haya un papel di bon conducta p’asina e por sigui biba y traha na Merca. INTERBANK: E gobierno di AVP a percura pa tur e debenan cu familianan Eman, Mansur y otro comerciantenan a haci na Interbank - y cual debenan ta suma na mas di 100 miyon florin - pa tira esakinan den scochi den un instituto social manera FCCA cu su tarea principal ta pa traha cas pa pueblo. Hecho ta cu contra tur conseho di Banco Central, cu a tuma e decision pa cera Interbank, contra conseho di Centrale Accountantsdienst, cu a bisa pa no cumpra e banco aki, contra conseho di Price Waterhouse & Coopers, cu a desconseha e compra aki, contra conseho di Algemene Rekenkamer, cu a pidi un chens pa haci un investigacion mas profundo, cambiando - contra tur ley y sin bay Parlamento - e statutonan di FCCA y sabiendo cu na tur otro parti den Caribe Interbank a cera su portanan, e gobierno corupto di AVP toch a tuma e decision pa laga FCCA cumpra e banco aki. E fianzanan cu partido AVP, EMCO N.V. – cu a bay tres biaha bancarota - y familia Eman a haya for di Interbank tabata na 0 % di interes y sin ningun garantia. Alavez e malpagadornan aki nunca mas a sigui paga nan debenan na e Recovery Bank! “Baba, den e tres bagamunderianan menciona nos pueblo pagador di belasting a sufri un biaha mas na man di bo partido AVP. Den total un otro 272 miyon florin a wordo malversa y ainda bo tin e cuero di cara di papia di e palabra ‘berguenza’, despues di tur e sinberguenzerianan cu bo partido a comete den gobernacion?”

Dialuna, Oktober 17, 2011

Pagina 7

Ban waak si CBN lo trece un cambio

Lotto pa Deporte mafiando e jackpot

STA. CRUZ -- Desde entrada di Mike de Meza y e destruccion inreparabel cu De Meza a instrui su Donkey, esta Donkey Melvin pa haci cu e imagen di Lotto, por a nota diripiente awor kier cuminsa cu un cambio.

Desde 1 di Oktober ultimo a traspasa gran parti di operacion awor directamente pa Canada pa e compania Canadian Bank Note.

Notable ta cu Lotto pa

mas di 8 a単a a draai na un manera sublime unda henter e pueblo tabata contento cu Lotto y garantia den bo florin ora bo cumpra un Lotto tabata cu e placa ta bay bek 100% den Deporte na Aruba sea directamente of sea den facilidadnan Deportivo. Awor bao di un mal maneho esaki a wordo traspasa pa Canada.

Gran parti di placa di nos cumpradornan awor lo sirbi un otro interes, esta e interes comercial unda un grupo No di Aruba lo bay disfruta di ganashinan barbaro cu Lotto por eherce. Awor e pregunta grandi ta keda e Jackpotnan di tanto Lotto y Mini Mega.

Desde introduccion di Lotto online na a単a 1999 bao X directornan tanto Kock y Croes e jackpotnan tabata crece cu un minimo

di Afl25 mil florin pa sorteo na inicio di e sorteo y manera jackpot yega Afl 300 mil florin e ta cuminsa subi cu 50 mil y ora e surpasa 600 mil ya e ta crece cu 75 pa 100 mil pa sorteo. Kico ta pasando actualmente cu e jackpotnan? Door cu Mike de Meza y su team di Donkey entre otro Donkey Melvin a ignora e venta di Lotto cu solamente un meta pa persigui hende , e bom a explota awor den nan cara. Ningun no kier papia di e venta di Lotto. Awor mester cumpli cu tur amigo entre otro Ernst & Young, abogado Luci Herde y Kloes y tur e HONDERDEN DUIZENDEN en MILJOENEN cu Mike de Meza a broma cune na Augustus 2010 mester bay pa paga e companianan aki. Tristo

pero deporte mes ta sangrando. Pa purba scapa nan cara awor Lotto riba instruccion ta mafiando den e jackpot di Pueblo. Pues Jackpot ta creciendo solamente cu 10 mil pa sorteo cual ta un ladronicia den dia cla. Envez di pone e placa cu ta pertenece na e hungador y cumprador den premio, esta e 50% di venta cu SEMPER tabata bay bek na premio, nan ta reparti esaki y ta paga Abogado y Ernst & Young. Awor cu Canada, esta Canadian Bank Note a tuma over desde 1 di Oktober 2011 nos ta riparando cu nan ta eherciendo e mesun malpractica di e bestuur anterior y su Minister.

Jackpots ta creciendo solamente cu 10 mil pa sorteo. Esaki nos ta yama crioyo: mafia pueblo structuralmente e jackpot di Lotto.

TIP DI DIA 7 stap na con pa trata cu un wayaba 1. Bebe juice di fruta.

Esaki tin fructose cu ta yuda e curpa kima alcohol mas liher.

2. Como buscuchi cu honing.

Ya cu honing ta un concentracion grandi di fructose. Esaki tambe lo yuda kima hopi di e alcohol. Y aunke gana di come no tey, un buscuchi lo yuda yen flush e resto di alcohol afor.

3. Tuma un paracetamol/ ibuprofein.

Esaki ta pa kita cualkier dolor 4. Bebe hopi awa.

Alcohol ta causa deshidratacion, bebiendo hopi awa prome cu bo bay drumi lo yuda cu cualkier inconvenencia causa pa deshidratacion.

5. Tuma vitamina B-Complex.

B-Complex por yuda haci e wayaba pasa mas liher.

6. Como cuminda cu proteina.

Mescos cu vitamina y mineral esaki tambe lo wordo saca for di bo sistema.

7. Tuma dos koppi di koffie.

Koffie por yuda baha hinchamento di bo venanan cu ta causa dolor di cabez.

Haci e 7 stapnan aki, sigui pa un dushi ducha anto e wayaba lo a kita prome cu bo sa!

Dialuna, Oktober 17, 2011

Pagina 8

Un criatura ta drief den un rubberboat basta leu den lama STA. CRUZ -- Diasabra atardi rond di 6’or, un mucha chikito den un rubberboat tabata drief na altura di Spaans Lagoen y a bay basta leu. Mesora e famia a bati alarma. Polis, ambulance, brandweer y tambe Coast Guard a yega mesora y nan a rescata e criatura full spanta y trese tera. Ambulance a hiba e criatura hospital pa haci un check up.

Hende sa ta malagradecido. Hende sa come y lubida!

Cu ki curashi Mike de Meza ta cuestiona e bishita di fraccion di MEP na Valero?

STA. CRUZ -- Despues cu siman pasa fraccion di MEP a haci un bishita na refineria Valero, Minister di Fianza y Debe Mike de Meza a haya ta bon di critica MEP pa cu e bishita aki, ya cu segun su persona MEP no tin aprecio y lo ta contra presencia di e refineria na Aruba. Mira ken ta papia di aprecio pa presencia di e refineria na Aruba y mira ken ta cuestiona e bishita di fraccion di MEP na Valero!

Manera tur hende sa caba, e partido di Mike de Meza, esta AVP y Gabinete Eman den nan furia di maldad y destruccion tabata e gobierno cu na 1988 a firma cu Schotte B.V. y Westcoast pa desmantela y corta e refineria Lago na pida pida y bende e resto como hero bieu den exterior. Historia por ta cruel, pero ta danki na e eleccion di 6 di Januari 1989 cu pueblo a core cu e sinberguenzanan di AVP for di gobierno y cu partido MEP a haya e oportunidad pa para e cortamento di e refineria aki. Alavez historia ta demonstra cu ta partido MEP a percura pa e re-apertura di e refineria por a bira realidad dia 20 di april 1991. Pregunta ta, kende tabata un di e promer personanan cu a haya oportunidad pa un pida trabao tecnico den e refineria Coastal? Nada mas y nada menos cu Mike de Meza, kende den un entrevista a declara cu

e ta sumamente contento – despues cu el’a termina su estudio di ingeniero – di por a haya un pida trabao den e refineria aki y cu e por cria su famia honestamente. E tempo ey y promer cu 1989 nos tur por corda con Henny Eman y partido AVP a priminti e pueblo di San Nicolas ‘Jobs, hope and prosperity’, sinembargo su gobierno a converti San Nicolas den un ‘ghost town’ completo. Pues ta unda donder Mike de Meza lo por a haya un trabao riba nivel tecnico e tempo ey, anto cerca di su cas?

Despues di tempo Mike de Meza a crece te cu el a logra su propio contratista miyonario den e refineria aki. Pregunta di pueblo ta: Si Gabinete Oduber y MEP no a para - net na tempo - e cortamento di e refineria door di Gabinete Eman y si MEP no a logra trece Coastal Aruba pa reapertura di e refineria, cual lo tabata destino awe di Mike de Meza? Awe e lo por a papia di su propio contratista cu trabaonan grandi den e refineria? Awe e lo por a papia di un restart di e refineria na 2010? Y awe cu ki curashi Mike de Meza lo ta cuestionando e bishita di fraccion di MEP na gerencia di Valero? Tin un dicho na Papiamento cu ta bisa ‘hende sa come y lubida’. Y aparentemente Mike de Meza ta malagradecido y ta come lubida hopi liher mes.

Pagina 9

Dialuna, Oktober 17, 2011

GRUPO DI BETICO TA LANZA DOS CANCION PROMOCIONAL ANTICIPANDO NAN CD NOBO

STA. CRUZ -- Nos popular conhunto tipico parandero Grupo di Betico ta den pleno grabacion di un CD nobo pa e temporada di fin di

aña aki. Den anticipacion di esaki nan ta lanza dos cancion promocional na radio emisoranan local. Un di e cancionnan aki ta titula Yen di

Emocion y ta un composicion di Gos Oduber cu canto di Tommy Croes y e acompaño di Grupo di Betico. Un cancion cu e sonido tradicional parandero cu e agrupacion ta bini ta presenta pa mas di 40 aña.

Y e otro ta un composicion di Hildward Croes titula Bendiciona cu e canto estelar di Izaline Calister. Ta asina cu na aña 2010 Grupo di Betico a comparti escenario cu Izaline Calister den e popular Antillen Festival na Amsterdam y Rotterdam y aki e flamante cantante di origen Curazoleño a cera conoci cu e agrupacion tipico Arubano. Na momento cu Izaline Calister a dicidi di realiza un CD pa e temporada di fin di aña, a nace tambe e idea pa haci algo especialmente pa e publico di Aruba. Izaline a acerca Grupo di Betico pa un colaboracion musical y esaki a culmina den produccion di e cancion Bendiciona cu a wordo graba na Aruba den studionan di Hildward Croes mientras e voz di Izaline a wordo graba na JV2 Studios, na Hulanda.

E cancion aki lo aparece ariba e CD di Fiesta di Izaline Calister y tambe ariba e CD Felicidad di Grupo di Betico.

Na e momentonan aki Grupo di Betico ta poniendo e toque final ariba nan produccion pa asina bay over na printing di e CD. Por spera e produccion nobo Felicidad di Grupo di Betico aki na Aruba pa principio di luna di November.

El’a hunga y gana

GLADYS MARIN A GANA CU DIGICEL

STA. CRUZ -Recientemente Digicel a saca e ganador di ‘Text to Win’ cu tabata un wega masha facil mes pa clientenan prepaid y postpaid.

Loke e clientenan mester a haci tabata manda e palabra “PLAY” na 7171 pa asina cuminsa hunga e wega y cada SMS tabata costa solamente 1 Florin.

Manera cu nan completa full e wega, automaticamente nan tabata participa pa gana un tremendo

premio. E ganador a resulta sra.

Gladys Marin y el’a keda sumamente contento cu su pasashi pa Panama, danki na e compania di celular di mas grandi y mihor y awor esun mas liher, esta Digicel.

No lubida pa sigui manda bo SMS pa bo tambe hunga y gana cu Digicel, ya cu pa luna di Oktober lo tin un tremendo IPAD como premio di e wega.

Dialuna, Oktober 17, 2011

Pagina 10

Trahador di construccion a cay di halto y herida su mes na La Salle College

STA. CRUZ -- Diasabra pa mas o menos 3’or di atardi a drenta un informe cu un trahador di construccion den e renovacion di La Salle College a cay di halto y ta keda herida. Ambulance mesora a yega ne sitio y a transporta e trahador pa hospital.

Na Esmeralda:

Problema den pareha a termina cu un man seriamente corta STA. CRUZ -- Diasabra anochi un pareha a haya problema cu otro despues di a sali trip. E bringamento a bay for di man. Un di nan a pasa un mokete door di un glas y a corta su man formalmente. Su man a sangra pisa te cu el'a bay off. Ambulance a presenta na sitio pa asina hib’e hospital.

EXECUTORIALE VERKOOP Krachtens artikel 1203 lid 2 (oud) respectievelijk 3:268 (nieuw) van het Burgerlijk Wetboek van Aruba zullen de volgende onroerende zaken in het openbaar worden verkocht.

De verkoop vindt plaats eerst bij opbod en vervolgens bij afmijning.

1. het recht van erfpacht tot zeven december tweeduizend zeventig op een perceel domeingrond, groot

ongeveer vijfhonderd eenenzestig vierkante meter (± 561 m2), gelegen te Alto Vista in Aruba,

deeluitmakende van het perceel kadastraal bekend als tweede afdeling sectie D nummer 1583,

vooralsnog bekend als DLV veldwerknummer 20090216 kavel nummer 2; Inzetprijs: nog te bepalen 2. het recht van erfpacht tot vijfentwintig augustus tweeduizend vierentwintig op een perceel domeingrond,

groot ongeveer zevenhonderd tweeëndertig vierkante meter (732 m2), gelegen aan de Noordkant van

de Congoweg/Westhoek Rasmijnstraat te Rooi Congo in het vierde district van Aruba, welk perceel nader

is omschreven in Meetbrief nummer 33 de dato vier februari negentienhonderd vierenzestig, met het

daarop gebouwde, plaatselijk bekend als: Caya Jose Geerman 72 (destijds bekend als Congoweg 72); Inzetprijs: Afl. 213.000,00 3. een perceel eigendomsgrond, groot zevenhonderd zesendertig vierkante meter (736 m2), gelegen aan de

Herman Gorterstraat te Mon Plaisir in Aruba, kadastraal bekend als eerste afdeling sectie B nummer 485,

met het daarop gebouwde, plaatselijk bekend als: Herman Gorterstraat 11; Inzetprijs: Afl. 709.000,00 Krachtens een executoriaal beslag zal de volgende onroerende zaak in het openbaar worden verkocht. De verkoop vindt plaats eerst bij opbod en vervolgens bij afmijning.

4. het recht van erfpacht tot twaalf maart tweeduizend tweeënvijftig op een perceel domeingrond, groot

zevenhonderd vijf vierkante meter (705 m2), gelegen te Pos Abao in Aruba, kadastraal bekend als eerste

afdeling sectie K nummer 2106, met het daarop gebouwde, plaatselijk bekend als: Bushiri 144, Inzetprijs: Afl. 147.000,00 Onderhandse schriftelijke biedingen kunnen tot en met 3 november 2011 tot 16.00 uur worden aangenomen; ieder bieder is verplicht te tonen dat hij zijn bod kan nakomen, zulks ter beoordeling van de executant.

In geval van veiling krachtens beslagrecht bestaat geen mogelijkheid tot onderhandse biedingen.

De verkoop zal plaatsvinden ten overstaan van mr H.M. Rodriguez-Taekema, notaris in Aruba, op vrijdag 18 november 2011 om 10:00 uur in de vergaderzaal van Aruba Surfside Marina aan de L.G. Smith Boulevard 7.

De veilingvoorwaarden zijn beschikbaar op het kantoor van de genoemde notaris.

SUCU / De la Sallestraat 60 (rotonde Seroe Blanco) Telefoon: 588-2400 Fax: 588-2500 E-mail: c.denobrega@notarisrodriguez.com

STATEN VAN ARUBA OPENBARE VERGADERING OP MAANDAG 17 OKTOBER 2011 OM 10.00 UUR V.M. IN DE VERGADERZAAL VAN DE STATEN VAN ARUBA TE BEHANDELEN ONDERWERP ENIG AGENDAPUNT: Behandeling rapport WODC op verzoek van de AVP-fractie.

De Griffier, mr. J.A. Bastien-Scherman

Dialuna, Oktober 17, 2011

Atraco riba un damita Chines dilanti di Sing Fung Supermarket, ex - Wanboy Supermarket

STA. CRUZ -- Diasabra un rato prome cu 10’or di anochi un damita Chines acompaña pa un cabayero y un dama ta cabi traha y ta sali fo’ Sing Fung Supermarket ( antes Wanboy) na Tanki Leendert y nan a wordo atraca door di un persona aparentemente di habla Spaño. E ta pone algo di punta na un di nan patras di su cabez, cual tabata mustra manera un schroefdraai. E ta pusha prome e dama Colombiana cu tabata cu Chinesnan despues ta bay pa e damita Chines y ta pusha su cabez y mande zak abao. Despues e ta ranca tas di e damita. E ta subi auto y bay den direccion Noord. E atracadornan aki tabata coriendo den un Vivant shinishi. Sing Fung su camaranan a graba tur nan movecionnan. E caso aki recherche tin e bao di investigacion.

Pagina 11

Atraco riba lugar di bende number

STA. CRUZ -- Diadomingo pa mas o menos 11’or di mainta, un biaha mas ta sosode un atraco. E biaha aki, ta e lugar di bende Catochi y Lotto, ""Suerte di mi cu bo"" den Wilhelminastraat net dilanti di Cooks Restaurant. Dos cabayero Dominicano a drenta y pone un schroefdraai na barica di un meneer cu tabata den e lugar y tabata exigi placa.

Nan a piki placa di e sra. y hinca esaki den un saco.

Mientras cu nan tabata piki e placa, e otro señora den e lugar a cuminsa fliet nan den nan cara. Nan a troce man di e sra. y kita e fliet for di dje. E atracadornan a ranca cadena di e señora, un cadena cu balor sentimental pe señora.

Tambe nan a horta cellular di un di e señoranan. Nan a bay cu mas di 300 florin, un cellular y tambe un cadena cu tin un cruz di Caravaca. Nan a sali bay direccion pabao.

Mesora e señoranan a yama polis y un a keda waak cual direccion nan tabata

bayendo. Polis rapidamente a mira nan y a sigui nan na un cas den Nieuwstraat.

Polis mesora a pone man riba nan y a hibanan warda.

Pa asina e señoranan por bin identificanan. E polisnan a traha hopi eficientemente y a logra captura e dos malhechornan aki rapidamente. E dos atracadornan aki ta Dominicano cu apenas dos siman pasa a yega Aruba. Tur Dominicano mester Visa!! Con nan a ser gescreen pa Visa?? Ken a para responsabel pa nan???

Esaki ta cambio di ley cu Gobierno a haci pa versoepel e ley pa e hendenan aki .

Esaki te consecuencia di versoepeling. Tur clase di hende lo sigui drenta Aruba.

MADURO HEAVY EQUIPMENT N.V. Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta Rosa Tereno,

Coba Pos y Fundeshi.

ROOI BOSAL 49 TEL.: 585-1708 FAX.:585-6299

Dialuna, Oktober 17, 2011

Pagina 12

Cas a kima den Bernadettastraat

STA. CRUZ -- Diasabra madruga rond di 1’or y mey a drenta un melding cu tin un cas na Candela.

Mesora Brandweer y polis a dirigi nan mes pa Bernadettastraat 20 y a bin topa cu e parti patras full na candela. Brandweer hopi liher a controla e candela cu e no a sigui bay den e parti di dilanti.

Por bisa cu tin hopi daño di awa, candela y huma den casi full e cas. Den un di e kambernan tabata tin varios bateria di auto.

Segun bisiña un rato prome cu e candela, e doñonan a Sali. Polis a purba varios biaha di yama e doñonan pero sin resultado, si mas laat a haya comunicacion cu nan no ta conoci. E origen di candela no ta conoci pero durante dia lo

haci investigacion pa haya sa kico lo por a ocasiona e candela aki.

TA HUUR - FOR RENT Ta huur un snack bon ubica na Sta. Cruz 36. Situa net na entrada/salida di dos school, Colegio San Hose y Maria School. Caminda ta wordo trafica desde mainta te anochi. Afl. 750.00 mensual Pa informacion, yama 739-0101 Ecro Real Estate

TA HUUR - FOR RENT Espacio comercial na Sta. Cruz 36. Situa: Ariba caminda principal di Sta. Cruz, net dilanti entrada principal pa Misa di Sta. Cruz. Cu bon Parkeerplaats. Bon pa Beauty Salon, oficina, tienda of cualkier negoshi.

Ta huur completo of mitad. Tin espacio di Afl. 650.00/Afl. 1100.00/Afl. 1500.00 mensual. Pa informacion yama 739- 0101 Ecro Real Estate

Dialuna, Oktober 17, 2011

Pagina 13

NOTICIANAN POLICIAL

Problema cu touwmento di auto na aeropuerto

Homber, Cedric Leito di Corsou a muri den baño

STA. CRUZ -- Diabiena pa 14:50, e homber K.R. naci na Aruba di 46 aña, a bay warda di Oranjestad y a duna keho contra e taxista di e auto TX-396, cu a molesti’e durante cu e tabata takel su taxi. Segun K.R. a bisa cu el’a haya ordo pa takel e taxi. E chauffeur a bay haci fastioso.

Ela purba di habri porta di e takelwagen. Ora cu e no a lopgra, el’a bati contra glas di e takelwagen. El’a bisa R.K. “Cuida bo curpa riba caya, bo bida ta cortico, unda mi haya bo, mi ta kibra tur bo c… pa bo. R.K. tabata kier pa polis papia cu e chauffeur.

Segun informe dokter a confisca e curpa ya cu no ta trata di un morto natural

Nieto onbeschoft ta trece problema den famia STA. CRUZ --Diabierna pa 20:20, polista bay na un cas na Seroe Compa pa un problema den famia. Na e sitio polis a papia cu e hoben J.S.C. naci na Aruba di 18 aña, kende a bisa polis cu su wela kier sake for di cas. El’a bisa cu su wela y su dos tantanan ta culpe di homo y ladron.

Polis a papia cu e wela y el’a bisa cu e mucha ta hopi onbeschoft y ta contesta e wela y su tantanan. Den presencia di polis el’a contesta e wela onbeschoft. Polis a hala su atencion y a bise cu e mester sigui regla di cas. El’a bisa cu e tin 18 aña y nan no tin nada di bise. Polis a papia cune y cos a calma pa un rato.

Problema di pareha cu pasamento di wanta STA. CRUZ -- Diabierna 22:30, polis a bay na Fawaka Bar, na San Nicolas, pa un problema entre pareha. Ora cu polis a yega na e sitio, e pareha no tabata mas na e sitio. Polis a bay mas laat y a controla den caya. Ey nan a topa dos persona ta discuti y ta zwaai cu man. Polis a papia cu e homber R.de B. naci na Trinidad y Tobago, kende a bisa cu e tin prolema cu su amiga C.C.B. naci na Santo Domingo di 29 aña. El’a admiti cu el’a dal su amiga un wanta den su cara. E amiga a yama su ruman homber pa bin busk’e. A start un discusion y cos a sali for di man.

E amiga a haya chens y a dal e homber un wanta bek. E homber a bisa polis cu e kier bay na cas di tata di su amiga, pero polisnan mirando cu e ta bao di influencia di alcohol, a bise pa e deshaci di e asunto. E amiga a bay drumi na cas di un amiga.

Homber drumi riba caminda ta altera cu polis STA. CRUZ -- Diasabra pa 12:20, polis di San Nicolas a bay na haltura di ex -Kong Fui, na Savaneta, unda tin un homber drumi riba caya. Ora cu polis a yega, polis a lante y el’a bira agresivo y kier a bringa cu polisnan. Polis a detene y hibe warda di San Nicolas, unda el’a keda cera pa pasa su buracheria.

STA. CRUZ -- Diasaba pa 12:50, e muher A.C.N.O. naci na Venezuela di 33 aña, a yama bisa cu su amigo C.L. naci na Corsou di 55 aña a bay baña. El’a bisa cu despues di 20 minuut e homber no a sali for di baño. El’a bay controla y a bati riba porta, pero e homber no a contesta. El’a habri e porta di baño y a haya C.L. benta riba su bariga. Personal di ambulance a bin na e sitio y a dune CPR pa mas o menos 30 minuut. El’a wordo hiba hospital. Diasabra pa 10:15 Hospital a yama warda di polis y a bisa cu e homber Cedric Leito, naci na Corsou dia 13 di Februari 1955, a fayece y dokter a constata morto 2:04. E curpa a keda confisca, como cu dokter a constata cu no ta trata di morto natural.

Homber a purba drenta marihuana den KIA STA. CRUZ -- Diasabra pa 16:30, polis a bay na KIA, unda guardia a detene un persona cu purba di drenta marihuana den e instituto. Na yegada polis a topa cu e guardia y el’a bisa polis cu e homber R.S.G. naci na Aruba di 27 aña, a tira un paki pa un detenido. Ora cu a bay controla a resulta cu den e paki tabatin marihuana. Polis a detene P.S.G. y a hibe warda di San Nicolas pa sigui cu e investigacion.

Caso tristo:

Mucha ta adicto for di su 9 aña STA. CRUZ -- Diadomingo pa 2:00, polis a bay na un cas na Sabana Basora pa un yiu muhe soberbe. Na yegada polis a papia cu e mama A.H.Q. naci na Aruba di 35 aña, kende a bisa polis cu su yiu muher S.A.H. di 16 aña, ta hopi fresco y agresivo contra dje y no ta prome biaha cu e mama ta pidi asistencia. E mama a bisa cu e mucha muher hunto cu algun amiga a sinta huma marihuana. Polis a papia cu e mucha muher y el’a bisa cu for di 9 aña, e ta huma y ta adicto na marihuana. Polis a papia cune y a bise cu e mester atene su mes na regla di cas. E mama a cera a apartamento di e wela, como cu e wela ta for di isla, pero e mucha muher a kibra e kozijn pa e drenta paden. E caso tin atencion di polis.

Dialuna, Oktober 17, 2011

Pagina 14 Historia real Parti 1

Sin igualdad no por existi libertad, ni democracia ni husticia ni fraternidad!

Plaga di Boa ta tur caminda

Meta: Columna busca na conoce historia “berdadero” aclareando diverso interpretacion, corigiendo creencia - aparencia eroneo – ampliando nos conocemento pa por fortalece nos identidad. Metodo: trece informacion di varios angulo, literatura – dirigentenan y ciudadano pa logra discusion y analisis nobo pa logra e meta. 1er: Topico: Famia Real Hulandes E monarkia Hulandes ta relativamente jong.

Promer cu Revolucion Frances na 1789 e famianan real cu nobleza, principe y conde cu nan stadhouderslugarteniente tabata esnan cu tabatin poder na Europa.Pero Napoleon Bonaparte no tabata di acuerdo pa elimina monarkia y na 1806 e ta nombra su ruman Ludovico Napoleon como promer Rey di Hulanda.

Esaki ta continua ora cu na 1813 Willem Frederik ta accepta pa bira “vorst” soberano di Hulanda y na 1815 e ta proclama su mes Rey di Hulanda; Willem I y ta keda rey te cu 1843. Ta sigui’e Rey Willem II cu ta keda te cu 1849 y ultimo rey tabata Willem III cu ta keda te cu 1890. Reina Emma a cubri e periodo di 1890 - 1898 te ora cu Reina Wilhelmina ta asumi e funcion. Reina Wilhelmina a keda te cu 1948 y a sigui Reina Juliana cu a keda te cu 1980. For di 1980 te cu awe ta Reina Beatrix.

For di e 1648 cu Aruba ta cay den gara di West Indische te cu Segunda Guera Mundial ningun Rey o Reina a yega nos pais. Ta na 1942 cu Aruba ta recibi e promer bishita di famia real den persona di Prins Bernhard y tambe na 1944 Prinses

Juliana ta bishita Aruba.

Ta durante e 2do Guera Mundial cu Aruba como teritorio liber y promer bao protectorado di Inglatera y despues di Merca ta haya atencion di famia real di Hulanda.

Historia politico ta mustra nos cu den e decada di 40 varios biaha ta referi na e lucha pa separacion di Corsou y na e “amor” y dependencia na La Reina (famia real). La Reina Juliana ta bishita Aruba na 1953 y La Reina Beatrix na 1980 y 1987.

Den 200 aña di monarkia Hulandes nos a recibi y tin nan den cercania 3x.

Kico realmente La Reina o Monarkia ta significa pa nos? Si nos parti di e pensamento cu e ta cabez simbolico di Reino Hulandes, por ta cu nos ta sinti nos mes asina uni cu Hulanda? E punto cardinal di e columna aki ta: Con hopi nos ta kere den igualdad? Pasobra si Hulanda kier mantene un monarkia simbolico ta su derecho. Basta cu esaki NO ta toca nos valor fundamental cu ta : igualdad. Pasobra e revolucion frances y lucha pa derechonan humano ta emana for di cu nos tur como ciudadano mester tin igual derecho y posibilidadnan. Anto nos ta acepta pa tin persona cu ta nace como reina, cu herencia di privilegio- y beneficionan cu ta ignora e igualdad? Of balor fundamental di igualdad ta algo ocasional? Si entre ciudadanonan di un comunidad of reinado no ta practica valor di igualdad, esey lo ta mescos entre paisnan den e reinado. Entre paisnan cu ta forma parti di reino tin igualdad??

Nos mester pensa trankil y profundo riba e cuestion aki, pasobra si NO tin igualdad, tampoco nos lo tin libertad, y tampoco lo tin husticia.

Proximo columna nos lo trata Igualdad y ayudo entre paisnan den ino Hulandes.

Skirbi pa: wiki-liki. Comentarionan ta importante y nos lo aprecia bo manda esaki pa solodipueblo@gmail. com

STA. CRUZ -- Aruba a bira e cas di Boa! Nos a gana e premio di tin mas boa cu tur otro pais si mira e grandura y cuanto boa nos mes a permiti pa sigui plama. Aki na un cas, a haya un boa den cas. Kico mester haci cu e plaga aki ?

Dialuna, Oktober 17, 2011

Pagina 15

Contesta abierto na preocupacion di John Laurens relaciona cu ASB

Mihor bo waak den bo propio cura promer!

Pa algun dia caba dirigentenan di Aruba Softball Bond a wordo informa cu mainta den un programa radial na canal 90, sr. John “Aleman” Laurens ta yama na un manera anonimo scondiendo su cara y su nomber y ta expresa su preocupacion pidiendo pa un splicacion kico ta e motibo cu seleccion di Aruba a viaha pa Ecuador cu un pitcher Venezolano.

Aunke desde Ecuador a manda diferente reportahe pa prensa skirbi unda a splica esaki hopi cla, lo splica esaki publicamente un biaha mas. ASB ta trahando transparente y no tin nada di sconde.

Ecuador a organiza un Copa Alcalde # 8 unda diferente pais ta wordo invita. Copa Alcalde ya pa algun aña ta permiti paisnan trece (1) refuerzo preferible un pitcher y asina purba atrae e mihor pitchernan den region dunando e torneo un nivel hopi halto. Di e manera aki Ecuador kier hisa su nivel di su competencia door di stimula paisnan pa purba trece e mihor pitchernan pa e Torneo. Ta bon pa menciona cu Copa Alcalde no ta conta pa ningun CLASIFICACION y pues pesey mes ta permiti seleccion trece 1 refuerzo.

Pitcher number (1) di Venezuela su seleccion, esta Ramon Jones a tira pa e seleccion di Ecuador, un pais di 14 miyon habitante, kendenan finalmente a titula campeon cu Ramon Jones lansando e wega final. Hende no a conta nos esaki pero esaki nos mes a waak. Esaki tambe a sali hopi cla den prensa unda Aruba a logra derota Ecuador

cu e mihor pitcher di Venezuela Ramon Jones 1-0 y Ecuador cu Ramon Jones a gana Aruba bek 1-0 den un partido di cruce. Asina mas paisnan ta reforza cu pitchernan internacional entre otro Panama y Colombia. Por ehempel Erick Urbaneja, un otro estrella den region un pitcher surdo tambe tabata eynan y No cu su pais sino como refuerzo.

Lamentablemente nos mester tuma nota cu John Aleman Laurens na un manera cobarde y anonimo ta yama reclama algo den aire na canal 90, 3 mainta consecutivo, scondiendo su cara manera un avestruz bao di tera enves di puntra e dirigentenan di ASB kendenan e conoce bon bon. Pues envez na un manera constructivo Bo por a acerca esnan rond di bo, unda bo por a haya un splicacion amplio de que se trata, si ta asina tanto esaki tabata preocupabo. Door cu bo a escoge e caminda aki, anto nos lo contestabo publicamente via e caminda aki. Nos no lo puntrabo pa un 30 mil florin cu a desaparece den un organizacion di 50 plus. Nos lo laga esey algo interno pa boso deal cune. Nos lo no conta nada di WEB ni tampoco e motibo cu nan a kitabo di Airport pasobra esey no ta toca nos pa awor.

Sea orguyoso cu e seleccion a train duro y bo sa esey bon bon pasobra ta na mesun veld cu Bo team di 50 plus ta train e seleccion tabata train y nos a topa otro diferente biaha eynan. A hunga contra paisnan grandi kendenan tambe a reforza y a wanta paisnan aki na scorenan hopi abao.

Poy Flanegin ta tira dos wega y ta perde 3-2 den tereno contra Panama y 3-2 contra Colombia.

John no ta contento cu e resultado aki? E pitcher di Venezuela Erick Alvarez a gana Ecuador 1-0 y a perde 1-0. Tampoco ta bon?? Un seleccion cu desde 1995 no a viaha, ta hunga riba un nivel competitivo? Esaki no ta bon pa John?? Eldrick Dijkhoff a regresa Aruba cu un corona di Champion Batter batiendo 20-11. By far e mihor bateador di e torneo aki y a laga atras un stempel como talento.

Esaki tampoco ta bon pa John Aleman Laurens??

Eddie Flanegin tambe a logra un titulo personal como ‘the best rightfielder’. Esaki tampoco ta bon John?

Foei. Grow up y stop cu criticanan negativo.

John, bo conoce dirigentenan mucho bon pabo sinta sconde tras di un microfono. Aruba ta trahando duro pa crea propio pitchernan y pa esaki tin un entrenador Cubano haciendo su esfuerzo. Tur Dialuna 5:00pm na Flatstone, tur diamars y diahuebs 5:00pm na Kudawecha y tur diarazon 5:00pm na veldnan nobo na Pos Chiquito.

John, motiva hobennan rond di bo pa join e lesnan di pitcheo. Purba di converti bo odio den algo positivo y contribui na un manera sano motivando hobennan pa bay les di pitcher. Yama of acerca esnan concerni kendenan bo conoce bon bon y sa unda pa haya nan cu cualkier preocupacion y stop di sconde manera avestruz tras di un microfoon.

Spera cu esaki trece e claridad cu bo tabata pidi p’e na radio.

Na airport di Saba:

Habitantenan di Saba a protesta na miembronan di Tweede Kamer “Hulanda a lubida ariba nos”

STA. CRUZ -- Diabierna atardi un total di 6 lider di fraccion den parlamento Hulandes, Tweede Kamer a yega Saba. Esaki ta den un plan pa bishista e 6 islanan Hulandes den Caribe. E lidernan a wordo ricibi pa un protesta di manifestacion, unda e habitantenan di Saba a mustra y expresa nan malcontento, cu desde nan a bira un BES-EILAND, nan a keda lubida den kashi. Dirigentenan politico a bisa cu ta comosifuera cu Hulanda ta stoot af Saba, pasobra despues di un aña, un dirigiente di Saba no por a haya un afspraak cu Minister di Salubridad Hulandes.

Saba a bira super caro, unda un kipashi ta costa 5 dollar. Job Cohen di PvdA a bisa cu Minister Piet Hein Donner di relacionnan interior mester bay haci un trabao den exigi mihor contacto cu Saba. Saba ta un isla cu ta conta cu 2000 habitante cu aña pasa a los di Antiyas y a bira un gemeente di Hulanda.

Lidernan di fraccion di

VVD, Stef Blok a bisa cu VVD, PvdA y D66 ta di acuerdo cu e kehonan di e habitantenan cu e relacionnan cu Hulanda mester wordo mehora.

Lider di PvdA, Job Cohen a bisa cu e situacion actual di con Saba mester acudi na diferente departamento na Hulanda ta absurdo.

Salubridad Publico a bay atras y e implementacion nobo di belasting, cual a aumenta drasticamente ta perhudica e poder di compra di habitantenan di e isla cual a conduci na un inflacion di 7%. Esaki ta e prome demostracion cu a tuma lugar na Saba.

Den e demonstracion, e Sabanonan a bisa cu e placa di pensioen ta 566 dollar cual no ta yega ni pa cumpra paracetamol, corda pa cumpra un regalo.

Cambionan a bini mucho pura y e tabatin hopi critica ariba e representante di Reino pa Saba. E representante di Reino pa Saba ta Wilbert Stolte, kende ta sinta na Bonaire y casi nunca a bishita Saba.

Dialuna Oktober 17, 2011

Pagina 17

Team Hulanda ta derota Cuba 2-1 den final

Hulanda ta titula campeon den IBAF World Cup STA. CRUZ -- Hulanda ta haci historia. Hulanda ta gana Cuba 2-1 den un final dramatico y ta titula campeon birando asina apenas e di dos pais Europeo cu a logra e titulo aki despues cu Gran Britania a gana esaki na 1938. Pitcher Rob Cornemans a lanza e partido di su bida casi perfecto ayuda pa un tremendo defensa di Shairon Schoop y Mariekson Gregorius na momentonan crucial cual a contribui en grande pa logra e titulo di campeon.

David Bergman a drenta den di nobeno inning y a logra saca e ultimo dos outnan di e partido y asina ta logra e wega salba riba su nomber.

E wega final mester a cuminsa desde 5:00pm atardi pero tabata tin ‘rain delay’ unda finalmente e promer lanzamento di Rob Cordemans tabata 8:55pm. Pitcher habridor tabata Yuliesky Gonzalez.

Hulanda ta pone su lead of man Dwayne Kemp momento cu Kemp ta sopresa tercera base Michael Enriquez cu un drag bount y despues ta roba segunda pero no ta logra anota. Cuba ta subi base den di dos inning cu dos out momento cu Cordemans ta dal

Na Panama den Rod Carew Stadium Pitcher Cordemans cu un trabao spectacular

primera base Jose Abrue cu un lanzamento pero no ta score. Cuba ta anota su promer careda den di 4 entrada y ta bay ariba momento cu DH Frederich Cepeda ta habri inning cu un doblete den deep center right kende ta conecta e promer hit pa Cuba. Riba un wild pitch Cepeda ta bay tercera y ta score riba un fly di sacrificio pa center di Alfredo Despaigne.

Sinembargo e lead di 1-0 no a wanta mucho y Hulanda ta responde den bom di mesun inning.

De Jong ta ricibi base

por bola; Curt Smith ta sigui cu hit pa right.

Engelhardt ta cuadra pa toke pero riba conteo di 2 strike y 1 bola e ta swing pa un machucazo cu ta soprende e shortstop kende tabata ‘off balance’ y ta yega primera riba un infield hit pero De Jong inteligente riba e hugada aki a pasa un pasa di segunda te home pa empata e wega na uno.

Mesora manager di Cuba sin duda ta cambia su pitcher habridor Gonzalez y ta trece Freddy Alvarez for di bullpen. Shairon Schoop ta toca di sacrificio

avanzando coredornan pa tercera y segunda pa su ruman homber Jonathan Schoop kende ta sigui den alineacion. Cu e cuadra di Cuba hungando cera Jonathan Schoop ta conecta un rolling fuerte riba cusinchi di segunda cu ta sigui di hit pa center empuhando Smith for di tercera pero coach ta para Engelhardt na tercera.

Rombley ta poncha pa e di dos out, pero Dwayne Kemp ta conecta un line drive fuerte unda Alvarez ta para esaki di cabez pa cera e inning. Cordemans a sigui domina e skinanan

y tabata tin Cuba for di balance. Den di 6 inning Rusney Castillo ta conecta un liña pa rightfield unda Shairon Schoop na un manera sensacional ta haci un atrapada importante.

Den bom di 6 Alvarez ta golpia Sharion Schoop y su ruman Jonathan Schoop ta sacrifica pa Shairon yega segunda.

Alvarez ta bolia Kalian Sams y ta saca di dos out despues riba un rolling di Rombley. Un blooper di Dwayne Kemp ta mustra di bay pica di hit momento cu Arruebarruena ta atrapa esaki den forma sensacional. Hulanda ta sobrebibi un lead of eror den di 7 inning, haci door di Kemp unda Shairon Schoop ta para un rolling fuerte di Gourriel pa mata e inning. Den 8 inning cu 1 out pinch hitter Rudy Reyes ta topa un lanzamento di Cordemans y ta hibe den muraya di left pa un double. Mesora Hulanda ta manda Carlos Sulbaran pa bin cera e inning. Wega ta termina cu un line drive duro di Hector Olivera den man di tercera base Jonathan Schoop, unda Hulanda mesora a cuminsa celebra haciendo historia.

HUT PREDATORS TA BAUTISA UNIFORM DEDICA NA KOTC !!!!!

STA. CRUZ -- Diahuebs ultimo den un ambiente masha agradabel na residencia di Famia Ridderstap, e popular ekipo di billiard, HUT PREDATORS, ge-sponsor pa PIZZA HUT, a bautisa nan uniform nobo cu e whisky di momento LABEL-5. Padrino Eljean Evertsz hunto cu Madrina Marcia Chirino y Padrot Elvis Evertsz a hasi e bautiso. E anja aki e team a dedica nan uniform na e kampeonato Internashonal King of the Caribbean,

cual torneo ta ser hunga anualmente na Curacao, Bonaire of Aruba.

Hut Predators tin un record den seis edishon, a logra jega cinco biaha final y a logra titula cuatro biaha kampeon, di cual tres biaha kampeon invicto. Pa es motibo e uniform nobo color preto ta carga cuatro strea di oro, cu ta simbolisa e cuatro titulo nan cu a ser gana di 2005 pa 2010. Dirigente nan di e ekipo ta gradeci sr. Glenn Croes di Pizza Hut pa su

gran aporte na e deporte di billiard. Actualmente Hut Predators ta den un bataya di semi-final di Label-5 8-Ball Tour y cu e meta di jega final

diabierna awor y asina purba na retene e titulo kampeon di Aruba di cual nan tin shete kampeonato caba den sako. Fanatico nan ta keda

cordialmente invita pa bin apoya Hut Predators cual ekipo su sede ta na Club RCA.

Dialuna Oktober 17, 2011

Pagina 18

Red Machine cu un stempel fuerte ganando Rockets cu score di 14-4 den Baseball AA STA. CRUZ -- Diabierna ultimo baseball AA a sigui su curso cu e tremendo bataya entre Duracell Red Machine y AIB Rockets.

Nos por corda ainda cu no ta mucho aña atras cu e equipo di Rockets a sorpresa baseball local saliendo campeon den un tremendo bataya di playoff.

Un equipo hoben cu hugadornan talentoso cu siguramente tin nan miras di acerca un vez mas riba e trofeo cu nan a logra bek na 2007. Di otro banda, nos ta haya un Red Machine cu ta conta cu un historia amplio y sumamente existoso den su trayectoria y apesar cu e team tin un paar di aña sin sali campeon den nos baseball AA, AINDA Red Machine ta keda e equipo cu tur contricante kier gana. Sin kita, sin pone, e nomber di Red Machine keto bai ta pone cualkier team hisa nan nivel di baseball promer y durante di wega compara cu locual nan ta acustumbra nan dje, pasobra simplemente pa gana Red Machine ta algo masha special pa cualkier equipo. Un respet grandi cu tin tanto localmente y internacionalmente pa e gran equipo di Red Machine.

Game Summary: Nos por corda ainda cu ta e mesun dos equiponan aki a bataya otro den e playoff semifinal 2010 den un tremendo serie unda cu Red Machine a sali superior. Ariba e anochi aki, tur dos equipo a bin por la goma pa asina sigura un posicion fuerte pa e resto di campaña 2011. Red Machine a cuminza e anochi aki cu Jurvin ‘Showstopper’ Maduro riba monticulo y e hoben aki a demonstra di tabata demasiado superior pa e equipo contrario di Rockets. Maduro ta logra pitcha un wega completo y asina aki duna su equipo un

braza cu nan por depende duro riba dje. E ofensa di Red Machine completo e anochi aki a bin tur tur y ta habri e wega for di otro ya for di e inningnan tempran y asina aki bay ariba cu e score di 14-0. Hitnan tras di otro cu simplemente no tawatin paracion. Rockets ta logra score 4 careda ariba un paar di error for di e defensa di Red Machine y asina aki tambe Red Machine ta bai cas un victoria amplio di e score di 14-4.

Red Machine Notes: E baseball AA 2011 siguramente ta pintando di bira cada wega mas y mas interesante.

Equiponan cu durante anjanan a demostra di ta stabiel den 2011 y otro equiponan cu a bin cu ideanan pa asina haci algo differente.

Cu un paar di wega mas pendiente pa cada equipo pa locual ta trata e resto di e campeonato regular, siguramente ‘anything can still happen’. Actualmente Red Machine ta hungando .500 baseball cu 4 wega gana y 4 wega perdi . Hopi cos ainda por pasa, y Red Machine lo keda tuma e campeonato regular wega pa wega. Manager di Red Machine Cai Cai Williams ta ponele na un manera masha simpel: “Tanten cu abo como equipo ta take care of business durante bo weganan, ja caba abo ta pone bo mes den un bon posicion. Como equipo bo tin solamente control riba e cosnan cu abo ta haci. Cualkier cos cu pasa durante otro partidonan y cu otro equiponan, bo no

por haci mucho cu nan.”

Up next Red Machine su siguiente bataya ta bay tuma lugar Diahuebs proximo Oktober 20, 2011 contra e equipo di QCC Sluggers. Den e promer rond e dos equiponan aki a bataya un tremendo encuentro unda cu Red Machine a sali superior. Ban wak con cos lo bay e rond aki; un cos ta sigur cu e lo bay ta sumamente tremendo.

Pesey mes fanaticada di bon baseball local ta keda cordialmente invita pa asina bin duna nan aporte na nos talentonan local.

Red Machine tin cosnan pendiente ainda pa 2011 cu siguramente lo bay cay den bon tera.

Tur esakinan lo bin dilanti den proximo dianan. Cos ta birando cayente den cu nos baseball AA… Chuuuu Chuuuu

Aischal van der Linde nos atleta Elite patrocina door di Ultimate Landscaping N.V.

STA. CRUZ -E representantenan di Ultimate Landscaping N.V. a patroniza Aischal van der Linde cu un ticket na unda e por bay viaha pa Mexico diamars awor.

E representantenan di Ultimate Landscaping N.V. semper a sostene y kere den Aischal van der Linde y a pone man na otro pa asina manda Aischal van der Linde mas pronto posibel Mexico na unda cu e por prepara su mes pa e clasificacion Olimpico. Aischal van der Linde mester tabata na Mexico hopi tempo caba, pero pa un of otro motibo esaki no a wordo regla.

Aischal van der Linde ta nos atleta elite su soño ta pa clasifica pa e weganan Olympico 2012. Corsou tin 2 atleta cu ta na

Mexico pa dos luna caba ta train pa e clasificacion Olympico. Dicon Aischal van der Linde no por a viaha mas prome, Aischal van der Linde a caba di bin for di Orlando na unda cu e la gana su medaya di oro y esaki tabata un campeonato di warm up pe. Na luna di November tin e clasificacion Olimpico na Mexico na unda cu na e momentonan aki tin hopi pais ta preparando nan atletanan pa e clasificacion Olimpico.

E representantenan di Ultimate Landscaping N.V. a desea Aischal van der Linde tur clase di exito pa Mexico.

Alberto KlabérBrazil Taekwondo Stichting.

Dialuna Oktober 17, 2011

Pagina 19

Bautismo di uniform di SV Britannia

STA. CRUZ -- Diabierna anochi den auditorium di Britannia, e pumanan di Piedra Plat a bautiza nan uniform nobo pa locual ta campeonato 2011/12 di A.V.B. Presente na e ocasion special aki tabata tei representantenan di diferente sponsor, manera Monchi Every di Frisian Flag, Yadira Sankatsing y Tirso Tromp di Vitamalt, Franklin Bare単o di Bright Bakery/ Complete Homes, Glenn Croes di Pizza Hut, Marlon Werleman di Molinos/Caravan, Digicel y Ivan Kelie di Blizz 101.7. E acto di bautismo a wordo efectua pa srta.

Gillain Berry miss Aruba hunto cu presidente di SV Britannia, sr. Richard Dijkhoff den presencia di tur e hungadornan.

Na e ocasion aki tambe entrenador, sr. Jonathan Lake a hiba palabra hunto cu su staff tecnico

cu ta Gio Kartoredjo, Jorge Lumenier, Frank Velazque y Punky Vrolijk.

E uniform di e a単a aki tin un toke special pa celebra cu SV Britannia a wordo funda oficialmente dia 12 Oktober 1958 y dia 12 ultimo a cumpli 53 a単a di existencia.

Un palabra di pabien ta bay na e fundadornan di SV Britannia y na tur hungador cu den pasado a hunga pa Britannia y na tur persona cu di un forma of otro a yuda den desaroyo di Britannia. E a単a aki SV Britannia lo hunga cu su colornan tradicional cu ta geel y cora y nan away uniform lo ta blanco cu blauw. Un otro toke special ta cu cada hungador a haya un set di uniform cual ta pa presenta na wega cu ne. Nos ta desea SV Britannia tur clase di exito e campeonato aki.

Dialuna Oktober 17, 2011

Pagina 20

Weganan valido pa campeonato di Aruba Softball Bond e siman aki STA. CRUZ -Campeonato di ASB lo continua e siman aki. Desde diarazon 19 di Oktober pa 7:15pm na veld di Kudawecha Defenders lo enfrenta Flatstone Universal Trophy sigui pa 9:00pm unda Gess Power lo enfrenta Blue Stars Plus Accountants.

Diahuebs 20 di Oktober na

veld di Flatstone cuminsando pa 7:15pm Interprint versus Hurricane Clean & Green y pa 9:00pm Macuarima Spark Elektra vs RC Cola Indians.

Diabierna 21 di Oktober weganan ta bek na Kudawecha pa 7:15pm Aruba Bank Lady Tigers vs Ling & Sons rebels y pa 9:00pm Royal Power vs Montaña

YouthFever Radio a cumpli 9 aña den aire

Braves. Diasabra 22 di Oktober pa 2:00pm na veldnan nobo na Pos Chiquito Tanki Leendert Raddisson vs Jaguars y pa 4pm Ling & Sons Rebels vs Aruba Bank Lady Tigers. Pues un total di 8 wega valido pa campeonato 2011 pa e siman aki. Yega tereno bin disfruta di weganan competitivo di fastpitch.

STA. CRUZ -- Awe ta net 9 aña cu YouthFever Radio a inicia su transmision na Apeldoorn Hulanda bao creacion di sr. Trevorr Rosel cu despues a instala e studio aki na Aruba. Durante e trayectoria di 9 aña YouthFever radio como Aruba su prome web radio a sa di entretene informa y educa tur hobennan y adulto tanto na Aruba como den exterior y tambe haciendo diferente transmision bibo y directo y intercambio di programa nan internacional cu diferente productor y emisoranan internacional unda cu nomber di Aruba ta zonando den diferente parti di mundo atraves di programa nan cu YouthFever Radio ta afilia na dje, durante e trayectoria aki tambe tabata tin diferente programa local conduci pa hoben nan cu tabata tin masha sintonia mes. Cu tempo tecnologia ta avanza su mes y YouthFever no ta keda atras, na aña 2008 Nokia internet Radio a acerca YouthFever

Radio pa cuminsa cu transmisionnan riba celularnan Nokia 3G y cu tempo riba otro smartphones, cu tempo tambe ta sigui upgrate e sistema y algun tempo pasa YouthFever cuminsa transmiti riba calidad HD y recientemente a hasi un cambio completo un biaha mas y a pone un multi band audio procesor cu a haci cu e sonido online ta uno di calidad halto cu lo ta dificil pa iguala.

Parelelo cu e cambio nan aki a cuminsa cu transmicion di prueba di YouthFever Radio nr2 cu pronto pueblo lo haya sa e concepto di esaki y mas cambio di programacion e imagen di YouthFever nr 1. riba nos pagina www.youthfever.com por scucha YouthFever 1 como YouthFever 2 den su transmision di prueba.

Por ultimo Director di YouthFever kier a gracidi tur esnan cu a aporta na e excistencia di YouthFever y tambe na tur oyente- y comerciantenan.

Dialuna Oktober 17, 2011

Pagina 21

cUSHINA DI nESTOR Awor Cuashina di Nestor ta habri na Lalys Bar y Restaurant na Cura Cabay tambe. Diahuebs y diabierna di 5’or di atardi te den oranan di marduga diasabra di 11’or te 3’or di atradi lotin e BBQ y den oranan di anochi pa marduga.

Diadomingo mi ta na Sede di MEP cu mi tremendo BBQ pa Afl.11,- so.

Menu di Lallys

Señora ta pidi auxilio, pa un persona cu a cay den baño y no ta reaciona mas

Basketnan.

FL11,Pan. Lomito.

FL7,50 Galiña Carni stoba.

FL6,Plato nan stoba.

FL11,Lomito.

FL15, Moochi/filet pisca.

FL13,50 Y diferente saco an cuminsando na. F11,Pa pedido por yama na 5944659.

STA. CRUZ -- Diasabra marduga un rato despues di 1’or, un sra. a sali for di e cas banda di Hoffie Chona y a pidi pa auxilio. Mesora hendenan cu tabata na Hoffie Chona a sali pa yude.

Aparentemente un homber cu lo a caba di baña, a cay den baño y no tabata reaciona mas. Mesora a yama Polis y ambulance.

Dos Ambulance a presenta. Personal di e ambulancenan a duna e persona CPR pa basta

rato y despues a dicidi di hib’e cu urgencia pa Hospital. Na yegada, e persona a fayece.

TA huur Un apartamento muebla cu airco y cable pa fls.

700,Adres: Sta. Cruz 218 B Tel. 585-2428 of cel.

569-4132 Riba caminda di Sta. Cruz pa Playa Coriente y awa apart!

Ta bende Bike Cruiser 200Z ta bende un Bike Cruiser 200Z anja 2006 cu apenas 400 KM cori pa Afl.5000,= pa mas informacion yama 5653422

TA bende

TA bende

GORDURA DI CALIDAD FLS 6,PA SACO 50 LB TEL: 5820436

TA BENDE UN BAR RESTAURANT AND MINIMARKET N.V TELL: 5859544 / 5673307

Dialuna Oktober 17, 2011

Pagina 22

Maritje van Vught - Winterdaal a cumpli su bunita edad di 60 a単a STA. CRUZ -- Dia 15 Oktober sra. Maritje van Vught a cumpli su 60 a単a. E bunita edad aki a ser celebra na Rancho Sabana Grandi hunto cu su esposo, rumanan, famia, amigo y conocir nan den un ambiente unico y dushi yena di snack cuminda y mas cu claro e ambiente di e banda musical THE NEW CLYMAX a sa di trece e ambiente unico.

Ariba e combinacion di foto nos por mira mas di e celebracion. Di parti

di nos di Solo di Pueblo kier a desea sra. Maritje

hopi a単a mas di bida.

Dialuna Oktober 17, 2011

Pagina 23

PRODUCTO Y SERVICIO SUNSHINE TIRE SALES & SERVICES TANKI LEENDERT 126 A CABA DI YEGA UN CONTAINER DI TIRE SEGUNDA MANO FOR DI EUROPA CU UN VARIACION DI SIZE DI TIRE PA TUR AUTO CUMINSANDO DI SIZE 12 TE CU 20 INCH. TAMBE NOS TA DRECHA TIRE, BENDE TUBE Y WHEEL LOCKS Y NUTS. NOS ORARIO TA DI DIALUNA PA DIABIERNA FOR DI 8:30 PA 5:30 Y DIASABRA FOR DI 9’OR TE 3’OR. PA MAS INFORMACION YAMA 5836442. NOS TA WARDA BO!!

cCLASIFICADO TA HUUR

TA bende

UN APARTMENT 1 CAMBER,SALA,AWA CORIENTE Y CABLE TV APART AFL,850 PLUS BORG

SUZUKI SWIFT AÑA 2008 KIBRA PRIJS

NA STA.CRUZ TEL: 5628425/5850799

TA bende Un motor 1.6 cu su transmision completo di SUZUKI BALENO, pa 1250,Por yama na 5944659.

8000-, O.B.O 5853802 OF 5621834

TA bende CAS NA MACUARIMA PRIJS : AFL. 150.000, YAMA CELL : 5937118 EMAIL: WETRONV@GMAIL. COM WEBSITE: WWW. WETRONV.COM

TA BENDE

Chevrolet Optra grijs cu 4 porta den bon condicion / 2003 fls. 9000,- Prijs discutibel!

594-1402

TA BENDE HARLEY DAVIDSON SPORTSTER OLD SKOOL CUSTOM AñA 2005 PRIJS 9000-, O.B.O 5621834

Ta busca un peluquera estilista cu experiencia Pasa personalmente na Centro Comercial Noord # 82 of yama 5867272 /7303327 pa un afspraak.

Dialuna Oktober 17, 2011

Pagina 24

Campeonato di Aruba Softball Bond a continua diabierna ultimo

Den Liga Flamboyant Ling & Sons Rebels ta gana Jaguars

Den AA Chill ta mantene su invicto derotando RC Cola Indians

STA. CRUZ -- Diabierna ultimo a continua campeonato di Aruba Softball Bond unda den e promer partido den liga Flamboyant Ling & Sons di Marla Thiel a bin pa pone un stempel cu e aĂąa aki ta otro gay ta canta. Asina Ling & Sons Rebels ta derota e equipo campeon di 2010 Jaguars cu score di 9-7. Ling & Sons Rebels 9 careda, 8 hit, 4 eror. Jaguars 7 careda, 8 hit, 4 error.

Rebecca Irausquin kende ta habri e partido y ta wordo releva pa Linda Brown den di 5 entrada kende na su turno ta wordo releva pa Ludmilla Geerman pero por ultimo Rebecca Irausquin mes ta drenta bek pa paga tur candela ta bay cas cu e victoria. Kathleen Koolman ta resulta pitcher perdedor

kende ta wordo releva pa Melissah Daniel den di 5 entrada. Mihor bateadornan pa Ling & Sons Rebels ta Ludmila Geerman 3-2, Dora Luydens y Linda Brown 1-1, Maurien Ras y Myola Wever ambos di 2-1. Pa Jaguars a destaca na plato den un causa perdi Indira Jones y Windy Joung 3-2, Cathleen Geerman y Quilen Dirksz di 4-2. Den e di dos partido di anochi den categoria di AA masculino e fuerte equipo di Jeremy Croes esta Chill a gana su di dos partido den nan uniform geel geel manera bariga geel nobo nobo y ta mantene nan mes invicto den dos salida. Chill: 9 careda, 12 hit, 1 eror. RC Cola Indians 5 careda, 9 hit, 2 eror. Pitcher ganador a resulta Clay Shipley kende a wordo releva pa Harold

De Luvia den di 5 entrada.

Silvio Flanegin kende a habri pa RC Cola ta bay cas cu e derota . Silvio a wordo releva pa Andresito Maduro den di 3 entrada.

Mihor bateadornan pa Chill ta Shaul Illidge di 3-3 incuyendo un batazo di cuater skina den deep left, Hose Gomez di 2-2, Rene Samson di 3-2, Clay Shipley y Juan David Arango di 2-1. Pa RC Cola Indians a luci cu e madera den man Jeremy Geerman 1-1, Sando Geerman 4-3, Rendy Curiell 2-1.

Partidonan valido pa campeonato lo continua diarazon y diabierna riba veld di Kudawecha, diahuebs na Flatstone y diasabra na veldnan nobo na Pos Chiquito.

ALL DISTANCE RUNNERS ARUBA (A.D.R.A.) TA INVITA

PUEBLO DI ARUBA PA JOIN NOS DEN UN 5K FUNRUN/WALK

STA. CRUZ -- En conexion cu preparacion di e atletanan di A.D.R.A. pa nan participacion na e Fatumloop 2011, cual lo tuma lugar fin di e luna aki na nos hermana isla Curaçao, nos ta organizando nos siguiente actividad.

Esaki lo ta A.D.R.A. Oktober 5K Fun Run & Walk, cual lo tuma lugar diadomingo 23 Oktober 2011. E actividad aki lo start sali dilanti San Antonius College na Santa Cruz pa 5:30 pm.

Nos lo bay direccion pazuid, bira na man drechi direccion Santa Marta te na final di e caya pa despues bira na man drechi bay nort direccion caminda grandi di Hooiberg. Ey nos lo subi caminda grandi bay pariba y termina bek

banda di San Antonio College. Lo bay tin premiacion pa e prome tres (3) coredornan masculino, e prome tres (3) coredornan femenino y tambe pa e prome tres canadornan masculino y femenino cu pasa finish line. Inscripcion ta costa solamente afl.

5,= pa persona. Lo bay tin awa na comienzo y durante di e careda/ caminata aki. Na final lo tin awa, Gatorade y fruta. A.D.R.A. ta spera cu pueblo di Aruba en general lo sa di participa na e evento aki, sea ta pa cana of core. Pa mas informacion por yama sr. Lloyd WEVER na telefoon nr. 592 85 92. Tambe por yama na telefoon nr. 562 7816 of email na adraruba@ gmail.com.

Dialuna Oktober 17, 2011

Pagina 25

Mas resultado di campeonato di Aruba Softball Bond

Den Liga Flamboyant Aruba Bank Lady Tigers y Ling & Sons Rebels ta mantene nan invicto veld di Kudawecha unda un tabla lo bula. Den e di dos wega den liga Flamboyant Ling & Sons Rebels ta vapulia Tanki Leendert Raddisson formalmente . Ling & Sons Rebels 19 careda, 15 hit, 1 error. Tanki Leendert Raddisson 2 careda, 3 hit, 3 eror. Pithcer ganador a resulta Ludmila Geerman kende a bay full e ruta.

Pitcher perdedor a bira Magdalene Werleman STA. CRUZ -- Diasabra ultimo weganan valido pa campeonato den liga Flamboyant a continua.

Inicialmente weganan tabata programma pa tuma lugar diasabra riba e veldnan nobo na pos chiquito. Despues di un awacero torencial parti zuid di Aruba diahuebs ultimo esaki sinenbargo no tabata posibel y ASB a tuma e decision mesora pa no cancela e weganan pero move e weganan pa un tereno cual si no a sufri da単o di e yobida y asina a hunga dos weganan aki na Kudawecha. Pa 2pm promer wega a inicia entre Aruba Bank Lady Tigers versus Jaguars cual tabata manera un replay di final di campeonato 2010 entre e dos equiponan aki pero resultado e biaha aki tabata otro. Aruba Bank ta sali victorioso 4-1 manteniendo nan

invicto den dos salida.

Aruba Bank Lady Tigers 4 careda, 3 hit, 1 eror.

Jaguars 1 careda, 6 hit, 3 error. Mandy Angela e pitcher habridor kende a wordo releva den di 4 inning pa Rudlyn Ras ta bay cas cu e victoria.

Zagyra Jones e pitcher estelar di Jaguars a cubri henter e ruta limitando e equipo di Aruba Bank na solamente 3 hit mester consola su mes cu e derota. Pa Aruba Bank Lady Tigers a destaka na bate Milvienne Henriquez 3-2 y Skakeena Croes 3-1. Pa Jaguars a luci na plato den causa perdi Quilen Dirksz 3-2, Melissah Daniel 1-1, Shakiva Jones 2-1 y Zuleyka Pe単a 3-1. Pues Aruba Bank Lady Tigers y Ling & Sons Rebels ta invicto den dos salida cual equiponan lo enfrenta otro diabierna awor 21 di October pa 715pm na

kende a ricibi relevo den promer entrada pa Rubia Ras kende na su turno a wordo releva den tercer entrada pa Fabiola Danies. Mihor bateadornan pa Ling & Sons Rebels tabata Myola Wever di 3-2, Tawana Ventura 3-3, Ludmila Geerman aportando na su propio causa 4-2, Renata Maduro y Wendeline Dirksz di 1-1.

Pa e equipo di Tanki

Leendert Raddisson a destaca na plato Jeritsza Ras 2-1 y Magdalene Werleman di 2-2. Softball fastpitch ta draai manera un trein y e siman aki lo tin wega diarazon y diabierna riba veld di Kudawecha, diahuebs riba veld di Flatstone y diasabra riba e tereno nobo na Pos Chiquito. Bin apoya bo equipo preferi!!!

Mensahe di Divino Ni単o na Regginald Danje

Edad 6 a単a September 26, 2011 8:00 pm.

Bendicionan mi yiunan. Bendicion pa henter mundo. Ta mi deseo y tur hende cu ta pidimi pordon awor worde pordona.

Cu ki dolor y tristeza mi tin, ora cu mi ta mira den casnan di famia dolor y tristeza ora cos ta bay robez y hopi problema den famia. Mi ta pidi boso tur pa pordona otro y stima otro mescos cu ami ta stima boso, mi yiunan stima. Haci hopi oracion y pidi pa purifica bo alma y pidi misericordia cu nos fe por crece y bira mas grandi. Mi yiu chiquito stima, mi a dunabo e don spiritual pa hiba mi mensahe rond mundo. Hopi no ta kerebo, nan ta ignorabo, pero ami si ta stimabo y guiabo te unda bo yega cu bo mision cu mi a dunabo. Pidi tur hende pa nan biba prepara pa tormentanan cu ta bin, pero cu mi mantel habri lo mi baha e olanan grandi cu ta bin y lo mi somenta hoosnan y horcan y temblamento di mundo y solo cu lo pega lugarnan na candela.

Bosonan, mi yiunan mester yudami cu boso alabanza y oracionnan cu lo yudami hopi contra e malonan cu kier destrui nos. Un bendicion pa tur siguidornan cu ta siguibo, mi yiu chiquito, Regginald mi ta stimabo, mi ta purifica bo alma cu Spirito Santo lo ta cubo pa semper.

Jesucristo ta cubo. Bendicion

Dialuna Oktober 17, 2011

Pagina 26

Muay Thai cu un crecemento enorme na dojo Boye den e hobennan

STA. CRUZ -- E deporte di Muay Thai ta creciendo den un forma hopi rapido den e ultimo luna na dojo Boye no ta solamente e bringamento sino e disiplina e normanan di bida balornan y respet cu pa otro y bo mes nos por mira cuanto hoben ta acudiendo na e lesnan cu ta wordo duna ariba Diamars y Diahuebs pa infomacion por yama

na 743-2512 cuminsando 7’or di anochi y por mira tambe e enthusiasmo den e muchanan y vooral mucha muher ta practicando e deporte aki nos a ripara tambe cu mas y mas e mucha muhernan ta buscando di sa mas di e deporte. Riba e potret nos por wak e bon smaak di e hobennan ta train.

Taekwondista Nigel Ras a perde den un bon bataya di su contrincante di Cuba

STA. CRUZ -- Diasabra mainta e taekwondista Nigel Ras tambe a mira accion, Nigel mester a bringa ya den e segundo pelea di e mainta den e clase -58kg. Den e combate aki, Nigel mester a enfrenta e peleador Cubano Diaz. Mester bisa cu Nigel a duna un tremendo bataya y tabata determina pa gana su pelea. Dado momento e pelea a bira uno hopi pareu mes, pero un descuido di Nigel a pone cu Diaz a dal e un bon skop na cabez y asina bai cu tres punto di ventaha

ariba Nigel. Despues cu e Cubano Diaz a cambia su strategia di bringa, Nigel no por a penetra bon mas caminda e Cubano a cuminsa na pega ariba Nigel y no dune un chens pa haci mas puntuacion. Na final Nigel a perde di su contrincante cu e score preta di 7 – 5. Mester bisa cu Nigel mas cu claro a keda desapunta, paso e oportunidad pa pasa pa e siguiente buelta tabata grandi, pero sigur den Nigel tin un talento grandi pa e proximo competencianan

internacional, mirando su edad jong. Aunke cu Nigel no a pasa pa e siguiente buelta, e staf tecnico sigur tabata satisfecho di su prestacion, mirando su madurez y su edad hoben ainda. Ta bon pa bisa cu e Cubano Diaz a pasa pa e siguiente dos bueltanan, caminda el a gana un colombiano 15 – 1, pero despues ta cay venci preta contra Sto Domingo y lo bringa pa e medaya di brons.

E proximo combate den taekwondo, lo bira di Stuart Smit kende lo bringa diamars awor.

Dialuna Oktober 17, 2011

Pagina 27

Den landamento Panamericano

Daniella van den Berg no a logra mehora su tempo den 400IM

STA. CRUZ -- E hoben landadora Daniella van den Berg tabata e prome atleta di Aruba cu a mira accion den e Weganan Panamericano na Guadalajara, Mexico. E competencia mes a tuma lugar den e bunita piscina di Centro Acuatico Scotiabank. Daniella a competi den e 400IM, na unda el a enfrenta otro shete competidora di nos region. Apoya pa hefe di mision, miembronan di COA y e atletanan di synchro, el a cuminsa na su competencia.

Mester bisa cu Daniella a cuminsa fuerte e estilo di mariposa y lomba cu a bai basta bon, pero ora di cambia pa e “schoolslag” a confronta poco dificultad. “Mi a sinti cu mi rosea a manera

caba y mi pianan a bira pisa”. Daniella a remata den e estilo libre, na final el a marca un tempo di 5.24.75, cual ta un tempo ariba di su record personal. Mas cu claro esaki tabata un desapunto y buska informacion kiko por a bai robez den e caso aki, mirando e tempo registra. A papia cu coach Ismael unda el a bisa; “E factor altitud lo por tabata un obstaculo den e prestacion di Daniella, mirando cu e no ta custuma di landa 1600 meter ariba nivel di lama, kizas e no a aclimatisa suficiente pa por duna un bon prestacion.

Analisando e tempo di otro atletanan, esakinan tambe tabata tin e dificultad di mehora nan

record personal. Cu e tempo di 5.24.75 Daniella a posiciona su mes como e number 7 den su heat y number 19 overall den 28 landador. “Apesar di tur cos mi ta contento, mi no tabata nervioso, competi pa prome biaha den un evento manera e Panam Games y contra bon landandor, ta algo grandi “. Daniella van den Berg tin un competencia mas esaki den e 200IM, diamars awor 18 di oktober . Pa esnan cu kier mira mas di e competencia di natacion den e Weganan Panamericano por bishita e website di Comite Olimpico Arubano como tambe por login ariba e Facebook di COA

Dialuna Oktober 17, 2011

Pagina 28

Bunita y colorido tabata e Ceremonia di Apertura di e Weganan Panamericano 2011

STA. CRUZ -- 14-102011- No tin palabra pa describi e experiencia cu uno ta pasa durante di un desfile den un magno evento manera ta e caso di e Weganan Panamericano.

E sentimento ta uno cu hamas y nunca lo no por ser lubida pa e deportista, pa semper e lo keda graba den cada curazon.

Simplemente inolvidabel.

Despues cu dos dia di mal tempo a menaza di stroba e gran fiesta deportivo cu e ciudad di Guadalajara tabata tin prepara pa e 42 paisnan participante na e weganan, diabierna

di apertura, un solo a briya ariba e ciudad di Guadalajara. Mas cu claro esaki a pone un sonrisa di alivio ariba cara di tur cu ta envolvi pa cu e Weganan Panamericano.

Ya for di tempran tur e 42 delegacion a prepara nan mes pa e desfile, cu nos representantenan di Aruba den e fila number cuater. E ceremonia di apertura a tuma lugar den e mahestuoso stadion nobo di “Omnilife�, porcierto ubica algun shen meter leu di e Villa Panamericano. E paisnan participante a hasi nan presentacion

official dilanti di un publico grandisimo y cu hopi entusiasmo, e pais di Argentina cu su 700 atletanan ta esnan prome jama pa drenta e stadion.

E ceremonia di apertura a conoce su momentonan protocolario, cu presentacion di e himno di ODEPA, hisamento di e banderanan di Comite Olimpico Internacional, a huramenta un atleta y un oficial, tambe por a scucha diferente dignitario hiba palabra.

Finalmente e Weganan Panamericano a wordo declara oficialmente inaugura, unda a sende e pebetero, e candela Olimpico, cu lo keda briya te na final di e weganan.

Pa loke ta e delegacion di Aruba, esakinan a drenta den e stadion di Omnilife como pais number cuater cu full padilanti nos abanderado y alabez deportista di anja 2010, e taekwondista Stuart Smit. Bisti den un carson kakis combina cu e camisa cora, jacket y keds blanco, nos delegacion a haci su entrada pa mundo henter por a mira. E delegacion Arubano ta entre esnan mas chikito di tur e 42 paisnan participante, consistiendo di 17 atleta den cinco deporte, cu ta ciclismo BMX, landamento, landamento sincroniza, taekwondo y bowling.

E espectaculo mes a cuminsa despues di e acto protocolario, cu un show super spectacular di luz combina cu dansa artistico y musica di mariachi. E popular banda di origen Mexicano, Mana a haci su presentacion, na unda e publico den e stadion a bira loco. Algun di e otronan artistanan cu e forma parti di e show tabata e colombiano

Juanes y e mexicano Alejandro Fernandez.

Na final, e show di fuego artificial a ilumina henter e area di e Villa Panamericano.

Pa esnan cu kier mira mas di e cobertura

di e Ceremonia di Apertura di e Weganan Panamericano por bishita e website di Comite Olimpico Arubano como tambe por login ariba e Facebook di COA

Dialuna Oktober 17, 2011

Pagina 29

Campeonato di Aruba Softball Bond a continua

Flatstone Universal Trophy sali riba bon pia den A-Klas Mientras den AA Macuarima Spark Elektra ta suta Gess Power

STA. CRUZ -Campeonato di Aruba Softball Bond a continua den gran forma diahuebs ultimo riba veld di Flatstone. Den e promer partido den categoria di A-Klas e fuerte equipo di Flatstone Universal Trophy a gana di Hurricane Clean & Green cu score di 18-8.

Flatstone 18 careda, 14 hit, 4 eror. Hurricane Clean & Green 8 careda, 7 hit, 3 error.

Pitcher ganador a resulta Alvin Pereira kende a cubri henter e ruta mientras Reginald Vrolijk ta perde e partido ricibiendo relevo den di 4 entrada pa Renato Rasmijn.

Mihor bateadornan pa Flatstone tabata Giandrick Lacle, George Richardson, Egduard Winterdal tur di mil punto esta

2-2, Alvin Pereira yudando su propio causa 3-2, Mario Kwidama 4-3, Adolfo Gonzales y Darrel Solagnier ambos di 2-1. Pa Hurricane Clean & Green a destaca na plato den causa perdi Jarzinho Pourrier di 3-2 incluyendo un batazo di cuater skina, Gilmar Croes di 2-1.

Den e di dos partido di anochi valido den categoria di AA e equipo di Macuarima Spark Elektra ta bounce bek for din an promer derota y ta vapulia Gess Power cu score di 17-8. Aunke mester bisa cu te den di 5 inning e wega tabata sublime y tabata empata 5-5 pero den inicio di 6 entrada Macuarina a coy un rally y ni maske cuanto pitcher Gess a cambia esaki no por a paga e candela.

Macuarima Spark

Elektra 17 careda, 15 hit, 3 eror. Gess Power 8 careda, 7 hit, 5 eror. Pitcher ganador ta Lucio Geerman kende

a bay full e ruta.

Pitcher perdedor ta e veterano Antonio Tony Warner kende a ricibi relevo den di 6 entrada pa Arjan Mathilda kende na su turno a wordo releva pa Fenchi Leon.

Mihor bateadornan pa macuarima ta Kenroy Geerman 5-3, Leander Angela, Ingomar Flanegin, Jair Thomson tur di 5-2, Javier Croes 4-2, Ludwin Dabian y Wilfrido Kock di 1-1.

Fanaticada di softball campeonato ta continua tur diarazon y diabierna na Kudawecha y tur diahuebs na Flatstone y tambe diasabra na veldnan nobo na Pos Chiquito.

Pagina 30

Un Feliz Anochi yen di Amor y Paz pa un y tur

Aki un reflexion pa lanta tur e animonan y sabi cu Dios Tata su yudanza nunca ta yega laat, Amen. Mi ruman y Amigo/a den e momento mas duro di e prueba cu bo ta pasando aden, laga mi bisa bo un palabra di aliento y Fe, semper Dios Tata ta cerca bo y nunca a bandona bo, asina ta awor mas cu nunca mas Fe y Pasenshi y Forza.

DIOS TATA SU YUDANZA NUNCA TA YEGA LAAT....

AY e prueba aki si ta pisa...

AY e prueba aki si ta demasiado duro...

AY asta e salud ta bay dia a dia atras... AY placa no ta yega pa nada....

AY Dios Tata no ta scucha mi oracionnan...

AY Dios Tata a abandona mi.....

Pakico bo ta asina tristo, preocupa, den ansia, den un stress di marca mayor......!!!!

Mi ta sigur cu awor bo ta pensando " Dios Tata a lubida ariba bo"....!!!

Pero laga mi bisa bo un palabra di aliento, scucha bon si...pone bo orea na atencion na e voz di Dios Tata y stop di scucha otro voznan....

Aunke dianan ta pasa bay....y e pruebanan tey keto bay y bo no ta mira mehoranza of solucion....

Nunca perde bo Fe y Pasenshi y Speranza y pone tur bo Confianza den Señor.

Bendiciona ta esun cu pone su confianza den Dios Tata, Amen. "Dios Tata su yudanza nunca ta yega laat...Y ta Dios Tata so sa e pakico...!!!Dios Tata semper ta y lo keda cu bo, awe, mañan y semper. Awor no ta tempo mas pa drumi of sinta warda ken lo yuda bo...NO...Dios Tata a bisa si yuda bo curpa...pa mi por yuda bo...asina ta Animo Positivo yen di FE y FORZA y PASENSHI. Skirbi pa : A BRIGHT MORNING STAR: Esperanza/Sansha / Sasha Koolman- P.

Mensahe “Na tur Mi Yiunan, un bendicion cu ta bin di henter Mi curazon.

Ave, Ave, Ave, boso ta canta Mi y Mi curazon ta keda alegre y contento.

Mi ta ofrece cada un di boso un petalo di rosa den cada curazon.

Esey ta pa mustra boso pa no perde speranza.

Corda cu Mi ta Mama di bosonan tur y cu Mi ta hopi cerca di Mi Yiu Hesus.y tur boso peticionnan y deseonan a wordo hiba na Mi Yiu Hesus.

No kere cu boso ta boso so y bandona. Awor mas cu nunca Mi ta mas cerca di Mi Yiu Hesus.

Corda cu e situacion rond di mundo ta keda dificil, cu hopi turbulencia y cu hopi mortonan.

Y te ainda Mi ta mira hopi di bosonan cu no ta reza e Santo Rosario manera cu mester ta, pasobra falta humildad y devocion.

Ta p’esey boso ta haya hopi strobacion.

Ora cu boso pidi pordon ta nifica cu boso kier un bida nobo y bunita.

Ora cu boso ta biba den tristeza, cu dolor y cu preocupacion, Mi tambe ta sinti’e, pasobra Mi ta boso Mama.

Uni mas cu amor pa otro, pesey mi ta pidi pa famianan resa hunto, pasobra falta hopi oracion den famia.

Esnan cu ta stima y ta duna amor, nan mester duna ehempel na otronan.

Boso mester sa kico ta bon y kico ta malo y semper cana den e luz berdadero.

Corda bay Misa y tuma e Curpa y Sanger di Mi Yiu Hesus, confesa tur luna, resa den famia, bay Santisima Sagramento y corda cumpli cu tur e oracionnan na Koyari y semper comparti y yuda otro.

Di boso Mama, La Virgen di Gracia di Aruba cu ta stima boso pa semper.

AMEN

Dialuna Oktober 17, 2011

Gradicimento / Invitacion

Pa medio di esaki nos kier a gradici tur esnan cu di un of otro manera a compaña nos durante e fayecimento y entiero di nos mama stima:

Josefa de Lange-Holsman Un danki especial pa dokternan, staf, personal di Sint Michael paviljoen pa nan cuido , cariño y atencion. Na tur esnan cu a manda flor, kaartchi y jamadanan di telefoon.

Alaves nos kier a invita tur famia, bisiña y amigo pa dos santo sacrifico di misa pa descanso di alma di nos defunto stima: dialuna 17 di october 2011 pa 8:45 di mainta diamars 18 di october 2011 pa 12’or di merdia tur na misa San Francisco na Playa Boso presencia ta altamente aprecia.

Na nomber di su yiunan Elvira y Daniel y demas famia.

TARIFA ECONOMICO PA ANUNCIO DI MORTO:

Solo di Pueblo ta brinda un tarifa economico pa anuncio di fayecimento cual ta consisti di: - 3 invitacion completo pa entiero, - Invitacion pa resamento y misa y Gradicimento Un pakete special di Afl. 200.00 pa entiero* (* E prijs ta pa entiero y no pa dia) Solo di Pueblo ta traha cu tur funeraria. Por pidi e anuncio via e funeraria of por haci'e directamente na nos oficina na Sta. Cruz 110 Contact: e-mail: solodipueblo@gmail.com Tel: 585-9500

Dialuna Oktober 17, 2011

Pagina 31

Santa Faustina “Señor ta mi wardador, mi n= tin falta di nada; Den cunucu di yerba berde, E ta ponemi sosega.

E ta hibami na awa tranquil, pa mi bolbe haya forza. “

Ps. 23:1,2,3

Ayúdame, oh Señor, a que mis ojos sean misericordiosos, para que yo jamás recele o juzgue según las apariencias, sino que busque lo bello en el alma de mi prójimo y acuda a ayudarle.

Ayúdame, oh Señor, a que mis oídos sean misericordiosos, para que tome en cuenta las necesidades de mi prójimo y no sea indiferente a sus penas y gemidos.

Ayúdame, oh Señor, a que mi lengua sea misericordiosa, para que jamás hable negativamente de mi prójimo, sino que tenga una palabra de consuelo y de perdón para todos.

Ayúdame, oh Señor, a que mis manos sean misericordiosas y llenas de buenas obras, para que sepa hacer sólo el bien a mi prójimo y cargar sobre mí las tareas más difíciles y penosas.Ayúdame, oh Señor, a que mis pies sean misericordiosos, para que siempre me apresure a socorrer a mi prójimo, dominando mi propia fatiga y mi cansancio. Mi reposo verdadero está en el servicio a mi prójimo.

Ayúdame, oh Señor, a que mi corazón sea misericordioso, para que yo sienta todos los sufrimientos de mi prójimo.

A nadie le rehusaré mi corazón. Seré sincera incluso con aquellos de los cuales sé que abusarán de mi bondad. Y yo misma me encerraré en el misericordiosísimo Corazón de Jesús.

Soportaré mis propios sufrimientos en silencio.

Que tu misericordia, oh Señor, repose dentro de mí.

Cu honda pena pero conforme cu boluntad di Dios, nos ta anuncia fayecimento cristian di nos Mama, Wela, Bisawela, ruman tanta stima:

Pero esnan cu confia den señor lo haya forza renoba, ma lo bula bay ariba cu hala manera Aquila.

Nan ta cana sin cansa nan ta cana sin perde rosea

Isaias 40:31

Dios a hiba mami asina liher, nos a lucha, pa e por a haya su salud. Solamente ta resta e berdad asina duro pa acepta.

Nos ta duna danki na Señor cu su sufrimento tawata cortico. Nos mamita stima, nos dushi dudu di “Angel Speelschool”

Agripina Maduro – Boekhoudt

Rowelde Fradl mihor conoci como: “ Eta “ na edad di 75 aña

Na nomber di su: yiunan: Gwendolyn y

Edwin de Cuba-Peterson

Delphine (Jenny) y

Gino Polak-Peterson

Leonard (Junior) y Jaqueline

Peterson-Lahura nieta y nietonan: Edward, Joseph, Terrence,

Christal, Eldrick, Jeanice, Grislain,

Brandon bisanietanan: Elain

Elize ruman y cunanan: Henflih y Olga Fradl-Schwengle

Vda.Susanna Fradl-Vries

Vda. Edwina Fradl-Larmoie

Schtolser y Nelly Fradl-Salazar

Siegfried y Damaris Fradl- Otarola sobrino y sobrinanan, primo y primanan, comer y compernan, ihanan, y demas famia ta invita tur amigo, bisiña y conoci pa asisti na e acto di entiero cual ta tuma lugar diamars 18 di Oktober 2011 pa 4’or di atardi saliendo for di Misa San Francisco pa santana catolico den Caya Ernesto Petronia. E resto mortal di Eta lo ta reposa for di 2’or di atardi den Misa San Francisco na Playa.

Na lugar di flor of krans un donacion pa “ Wilhelmina Kanker Fonds” lo ta altamente aprecia.

Lo tin un box disponibel den Misa pa e bunita gesto aki.

Nos ta lamenta cu despues di entiero nos no por ricibi bishita di condolencia na cas.

Cariñosamente yama Pina,Dudu y mami * 20- 09-1938 + 14 – 10 -2011 Na nomber di su esposo: Sixto Maduro Su Yiunan stima: Susan (Nina) Maduro

Lourdes y Hubert (Ibi) Tromp

Jhonny Maduro y Rina Geerman

Sixta (Lilly) Hill Maduro

Anchely y Pierre Richardson como un yiu Albert Vrolijk Su ruman: Lucila Boekhoudt Nietonan di su curazon: Jhowen, Jhowell, Jhurion Maduro, Jiovanni, Aischell, Jordi, Aschwin Tromp Marlon Farro y Lyann Dirksz Elton Maduro y Kimberly Kock Jullien Maduro y Jorrick Briesen Jhuleen, Kaicy Maduro Gearalt Hill y Caroly Croes Gerrick Hill Milanchely, Pierre Jr., Riangelo, Zina Richardson Bisanieto(a): Zaynah Maduro Mariangely y Marlon Jr, Farro Sobrinonan: Joy y Magaly Boekhoudt y famia Mary Boekhoudt, Rocky Maduro y famia Hubert y Rosalinda Boekhoudt y famia Marcia y Nathaly Boekhoudt Gilbert y Virginia Croes y famia Rosa (Roosje) y Donny Biesum y famia Francis y Lisa Croes y famia Sergio y Karin Croes y famia Marcia y Ronny Erasmus y famia Gregory y Melisa Croes y famia Famianan: Maduro, Boekhoudt, Kock, Quandus, Lampe, Koolman, Coffee, Rasmijn , De Mey, Peterson, Leyba. Swa , Cuñanan , comer y compernan, ihanan, primo y primanan, bisiña demas famia y conocirnan. Tur su angelitos nan di “Angel Speelschool” y mayornan.

Leidster nan di “Angel Speelschool” Tanta Rosa, Tanchi Neida, Jufr. Didi, Jufr. Pilar, Jufr. Carmen Despensa si den nos tristeza nos por a lubida algun famia Condolencia ta tuma lugar Diamars 18 di Oktober 2011 di 7:00 pm – 9:00 pm na Aurora Funeral Home Diarazon 19 di Oktober 2011 2’or pa 4’or pm e curpa di nos mami dushi lo ta reposa na Aurora Funeral Home Prome cu entiero lo tin un sirbishi religioso, despues nos ta sali pa Santana Pastoor Kranwinkel na Paradera.

Nos ta pidi tur hende pa bin cu colornan alegre

Dialuna Oktober 17, 2011

Pagina 32

Hopi feliz ganador na Palm Beach Casino den Westin Resort!!

STA. CRUZ -- E siman di 12 Oktober pa 15 Oktober diferente di nos cliente y turista a resulta ganadornan hopi contento hungando na Palm Beach Casino. Un turista Mr. John Fuad a dal e “Three Card Poker Jackpot “ y a bay cas cu un bunita suma di $14,719.00 , Mr. Fuad a keda sumamente contento di a hunga aki

na Palm Beach Casino.

Den e mesun siman aki un turista mericano Mr.Michael Hill a gana un jackpot di un suma di $3,200.00 y riba e mesun dia hungando el’a logra gana 5 jackpot mas di $1,600.00 riba nos slot machine “Double Gold”. Tambe un di nos feliz ganadora tabata e sr. Eliana de Urguiza di Venezuela a logra dal

un jackpot y a gana un suma di $2,732.00.

Riba diarazon cu nos tin nos Bingo un di nos fiel clientenan sr. Suzy Sarmiento a logra gana $100.00 mas el’a logra gana e “Power Ball y el’a bay cas cu un suma di Awg 1700,00 hungando su Bingo cu nos na Palm Beach Casino. Aki ta demostra atrobe cu Palm Beach Casino na Westin Resort bo ta paga placa sigur y aki bo mester ta! Bin hunga y purba

bo suerte aki na Palm Beach Casino .Pasa na nos Players Club y haya

mas informacion di nos promocionnan.

Awe 17 Oktober ta cumpli aña

Cynthia Ras E ta haya

pabien di su papasito Joel Growell tambe di su 8 rumannan su sobrina y sobrinonan, swa y cuñanan, tanta y omonan, prima y primonan, muy especial di su sobre sobrino Kevin Roch. Tur ta desea Tanchi hopi

aña mas di bida y salud Hiep Hiep Hoera.............