MINISTER ENDY CROES TA
FELICITA ATLETANAN DI ARUBA CU UN EXCELENTE PRESTACION DEN
WEGANAN INTERINSULAR 2023
Minister Endy Croes: A PRESENTA PROYECTO DI RENOBACION DI COMPLEHO DEPORTIVO GUILLERMO PROSPERO TRINIDAD
Crusada Weststraat cu Prof.
lorentzstraat; ta keda un punto pa accidente di trafico
Baki sushi tambe mester
security guard: Sino otro ta yene yen yen
Weststraat /Prof. lorentzstraat - Diasabra marduga den careda di 1'or di marduga un accidente serio a sosode ariba e crusada di Weststraat conoci pa Polis.
Informacion adicional tawata indica cu tin hende herida, poniendo cu tanto polis y ambulance a bay
cu mas urgencia.
Na yegada, polisnan ta confirma dos persona herida pues den cada auto un persona.
Manera semper, falta di preferencia ta keda e motibo principal pa accidente ariba e crusada aki.
E autonan envolvi tawata un Kia Sportage y Hyundai suv.
Dos ambulance a presenta na e sitio pa atende cu e personanan herida, unda cu na final Paramediconan a transporta nan pa Hospitaal.
ENFERMERA/O & LABADO DI PANJA
Minimo EPB diploma
Carchi DVG valido (dispuesto pa busca)
Vacuna Covid-19
Local / permiso valido
BALENTE & Disponibel inmediato
Paradera 300 / Tlf. 5887400
E dos malandronan di AVP, Andrade cu Paskel ta dos persona hopi sushi. Nan forma y estilo di ataka hende, ta igual na dos porco den lodo.
Continuamente nan ta usa nan medionan pa ataka opositornan, cu un solo meta: Saca nan rabia!
Ta logico cu desde cu AVP a bandona Gobierno, nan placa cu nan ta ricibi mensual a termina. Te hasta Patrick Paskel mester a cera Terra Group, baha borchi di Zoutmanstraat, pa asina scapa su mes di debe na grandi cu e tin.
Ora nan ta ataka famia Croes pa ladron, Henter pueblo sa caba cu ningun momento famia Croes a wordo sentencia pa a horta nada. Nan sa masha bon cu dia 28 di November 2012, 3 huez a declara Minister Endy Croes liber, y hasta a sake for di tur caso. Pues, si tanto nan ta jama hende pa ladron, Ta kico a wordo horta?
NADA!
Den nan caso ta otro: Speed si tin
sentencia di a horta radio di polis. Te hasta el’a ricibi castigo. Patrick Paskel tambe ta ladron di a paga SOLO DI PUEBlO cu check sin fondo y tin debe grandi habri na Solo di Pueblo. E no tin nada di gevoel. El’a tuma placa di varios compania, book propaganda y keda sin paga. Su caso ta bay corte tambe pa huez atende cune.
Awor a sali na cla cu e tabata kita for di Deporte 18 mil florin pa luna. Que asco! Mike Eman a bendiciona tur e bagamunderianan aki.
Pa no laga e disparatennan cu nan ta papia haya bida, nos ta pone prueba ora cu 3 huez a dicidi cu Endy Croes no tabata tin nada di hasi den e dicho caso, y como tal a keda estableci cu NUNCA a horta ni 1 florin.
Awor cu Speed cu Patrick kier sigui engaña e votadornan di AVP y influencia nan pa asina nan sigui cobra 6 miyon plus…. Ta keda na cada ken pa kere e malandronan aki.
Diabierna ultimo, dia 10 di maart 2023, tabatin un programa, unda cu simbolicamente a pone inicio oficial di renobacion di Compleho Deportivo
Guillermo Prospero
Trinidad na Dakota.
Minister di Deporte
Endy Croes, Prome
Minister Evelyn WeverCroes, Minister Xiomara Maduro, Minister Rocco
Tjon, Minister Geoffrey Wever, Parlamentario
Setty ChristiaansYarzagaray, Parlamentario
Shailiny Tromp-Lee, Parlamentario Hendrick
Te Vreden y Parlamentario
Darlaine Guedez Erasmus tabata presente durante e acto simbolico diabierna atardi.
Minister di Deporte Endy
Croes, Prome Minister Evelyn Wever-Croes y contratista encarga cu e renobacion, Bohama Aruba N.V a habri e programa cu un speech. Durante e programa, Minister Endy Croes a conta un poco di e historia di Compleho Deportivo
Guillermo Prospero Trinidad y a algun ilustra imagen di con e stadion lo
keda dentro di 8 luna.
A splica cu ta planifica pa renoba, entre otro, e tribuna, dak, luz, tegels, VIP sector, yerba artificial y “atletiekbaan”. Diferente organisacion deportivo tabata invita na e programa aki, entre otro, Fundacion Facilidad Deportivo (FFD), Fundacion Lotto pa Deporte (FLPD), Instituto Biba Saludabel y Activo (IBISA), Arubaanse Voetbal Bond (AVB), Arubaanse Atletiek Bond (AAA), Centro Medico Deportivo Aruba (CEMEDAR) y House of Pain Gym. Minister Endy Croes hunto cu Sr. Kenneth Tromp di Bohama Aruba
N.V. a bora piedra como acto simbolico pa e inicio oficial di e renobacion.
Pues, e trabou grandi a inicia y dentro di 8 luna nos por mira Compleho Deportivo Guillermo Prospero Trinidad den un fachada completamente nobo, unda cu tur seleccion, homegames y wega clasificatorio di Concacaf por competi bek na cas.
E asunto di tiramento di sushi a trece otro problema. Un persona no por just bestel un baki sushi y lage sin control. Pasobra otro hende ta core rond pa asina probecha e baki pa tira nan sushi. Ta hendenan realmente sin ecrupulo cu ta dump nan sushi den baki cu no ta di nan. Esaki ta trece cune un huurder di baki, mester drumi anochi banda di e baki, sino mainta ta hayele yen yen di otro sushi, y te mester paga.
Ta spera cu cada persona actua corecto.
Diabierna ultimo, tras di merdia a aterisa na Aruba un private jet cu un delegacion di 9 persona. E delegacion aki a bini Aruba pa haci algun bishita hopi special y alabes asisti na e apertura oficial di e Head Quarter di Comite Olimpico Arubano (COA).
Sr. Thomas Bach, Presidente di International Olympic Committee (IOC) hunto cu Presidente di PanAm Sport Neven Illic, James Mac Leod Director of Olympic Solidarity Funds, Joanna Zipser- Graves Señor Manager NOC management programmes of Olympic Solidarity, demas miembronan internacional compaña pa Wanda Broeksma Presidente di COA, Nicole Hoevertsz Vice Presidente
di IOC y Secretaris General di di COA a haci un bishita oficial na Ministerraad, yama Extraordinario diabierna atardi. Despues cu nan a atersia mesora a pasa di bishita na Gobernador pa despues sigui pa Ministerraad Extraordinario. mesun anochi tabata tin un seccion cu stakeholders priva y alabes un recepcion na Seaport.
urante e reunion cu Ministerraad, Prome Minister di Aruba Evelyn Wever-Croes a introduci su ministernan y a hiba den liñanan grandi e posicion di Aruba despues di pandemia. Thomas Bach despues a duna un introduccion di e balornan di deporte manera excelencia, amistad y respet, pero
tambe a splica e necesidad pa e apoyo di gobierno na deporte. Thomas a expresa tambe cu el a nota e tremendo colaboracion entre gobierno y stakeholders deportivo, cual e ta aplaudi. Minister Endy Croes a hiba palabra splicando cu e combinacion di enseñansa y deportre ta e combinacion perfecto. Ta
manera “twin brothers” and “twin sisters”. A comenta inversionnan cu ta haciendo den nos atletanan y infrastructura.
Sr. Thomas Bach, Sr. Neven Illic y delegacion a keda hopi contento cu e reunion. Por a intercambia hopi idea y hopi cla a keda atras e importancia pa inverti den deporte.
Thomas Bach y delegacion
tabata tin palabra di elogio pa Aruba. Na final Minister Presidente a entrega un buki di Aruba como regalo na e presidentenan. Por mira atras riba un reiunion fructifero y unico, unda por a intercambia cu topnan den deporte riba plataforma mundial puntonan strategico y alcaso.
Patrick Paskel a keda hopi rabia mes, ora cu su SOLO DI PUEBLO a publica su propio e-mail a lek den prensa, unda e mes ta skibri cu el’a cobra 1.2 miyon florin for di Canada. ( igual na 10 mil dollar pa luna).
El’a keda mal changa, pasobra te na ultimo, e tabata nenga y keda nenga. Hasta el’a reta pa publica e contract.
Regardando e contract, tin cosnan mas pio a sosode. Pero SOLO DI PUEBLO lo bini despues cu mas informacion.
Den su desesperacion cu su secreto a sali na lus di dia, el’a a cuminza ataka tur hende cu segun e por a lek su e-mail. Sinembargo, e no mester busca much leeuw, e por busca den su mes mes
seno.
For di Maart 2012, El’a horta deporte di Aruba 18 mil florin pa luna y no tabata pa hasi propaganda!
E contract ey ta uno hopi duduso y tristo con Deporte a wordo ranca y horta 18 mil florin pa luna.
E hecho mas notabel ta con Paskel tur dia ta ataka Edmond Croes. Dicon e ta ataka Edmond Croes? Pe sconde su miyones cu e mes a cobra di Lotto via Canada.
E ta yama Edmond Croes, contra tur regla pa ladron, pero kico Edmond Croes a horta? Recherche y Ministerio Publico a investiga y a conclui cu no falta ni 1 florin y Edmond no a horta ni 1 florin.
E pizza nna cu Patrick ta reclama, tabata pa junior league na 2009 cu a titula campeon na Mexico y Lotto a duna nan y nan mayornan un treat. E suma no ta 5 mil dollar manera Patrick kier insinua, pero 2 mil florin unda 60 pa 70 persona a cone poco pizza.
Patrick Paskel no solamente a cobra na Lotto, pero na Elmar, Utlities, Rda, Web, y na tur bureau di Minister. Cerca Mike de Meza e tabata cobra 22.700 florin pa luna.
E tercio ey ta un adicto na placa, gusta haya placa sin traha. Esta joke, pa graba radio y corta corant. Un negoshi corupto cu prijsnan infla!
Ta spera cu laga investige
y belasting kantoor tambe mester bay su tras, hasi un accountant - belasting onderzoek riba dje.
Pa awor, el’a keda mal gara, changa changa, cu su 10 mil dollar cu el’a horta for di deporte.
Weganan di Interinsular a cuminsa cu un bon animo den e muchanan. Esnan presente a haya un bon bini di e organisacion di Indebon como tambe di e federacionnan di dammen y schaken. E coachanan e combersa y tenen e muchanan calmo prome cu e torneo cu nan a bin pe.
Por a mira e entusiamo como tambe algo di nan nervio ya cu nan ta muchanan cu poco of niun experencia den un torneo asina aki, pero manera cu wega a cuminsa por. Mira e enfoke y curazon pa logra duna tur di nan contra nan contrincante.
E trato duna na e ateletanan tabata uno
ehemplar durante e prome ronda di den Weganan Interinsular dia 11 di maart ta bay sigui e segunda ronda pa mira ken ta bay ta e atleta y tambe pais ganador.
IBiSA ta duna conoci con e posicion di e ronda 5 pa 8 ta bayndo na e momento aki.
11 maart 2023, Aruba Bank ta comprometi pa ta un organizacion responsabel y na contribui positivamente na comunidad di Aruba.
Desde 2018 a introduci posibilidad pa empleadonan hasi uso di orario di trabou pa metanan caritativo den comunidad. Esaki pa promove trabou di boluntario internamente.
Empleadonan di Aruba Bank a haci bon uso di e oportunidad y a pone man na obra pa yuda projectonan di Aruba Doet.
Boluntarionan di Aruba Bank a brinda sosten na Stichting Ambiente Feliz. Aki e boluntarionan a verf e parti paden di e lugar pa asina dune un “new look”.
Aruba Bank ta comprometi na cumpli cu su Responsabilidad Corporativo Social y di por aporta cu trabounan comunitario na diferente manera durante di aña.
Danki na nos empleadonan pa forma parti di Aruba Doet y na tur boluntario cu a participa activamente den e diferente projectonan di 2023.
Durante fin di siman, a tuma apertura di Weganan Interinsular na isla di Boneiro. Despues di 7 aña e torneo escolar ta bek. E meta di Weganan Interinsular ta pa stimula union y competencia cu sigur ta importante pa desaroyo di nos hobennan. Aruba, Boneiro y Curaçao a participa den e toreno escolar.
Presidente di Parlamento, mr. Edgard Vrolijk a representa Minister di Deporte Endy Croes na e gran apertura di Weganan Interinsular 2023. Un ceremonia di apertura bunita y colorido yena di energia y positivismo. Delegacion di Aruba a biaha cu 16 atleta di cual 8 a participa den e disciplina di ahedres y 8 a competi den e deporte di dam. E hobennan a pone Aruba su nomber briya den e toreno escolar. Delegacion di Aruba a logra un total di 12 medaya.
Den e disciplina di dam Xyon Jacobs a logra conkista medaya di oro pa Aruba. Weganan Interinsular ta continua dia 21 di maart na Curaçao den e disciplina di atletismo y trefbal.
Dianan 21, 22 y 23 di april, Aruba ta cede di Weganan Interinsular 2023, unda ta organisa e competencia den e disciplina di volleyball y futbol. Minister Endy Croes ta felicita e atletanan cu nan excelente prestacion na Weganan Interinsular 2023 y
alabes ta gradici IbiSA, coach y mayornan pa sostene nan yiu den nan deporte faborito. Por
ultimo, Minister Endy Croes ta gradici mr. Edgard Vrolijk pa a representa Aruba na e ceremonia
E aña aki Colegio Bon Bini ta una vez mas activo cu Aruba Doet. E aña aki nos a pone atencion riba sport, nos a traha un veld di Baseball
5. Cu ayudo di diferente boluntario cu a duna nan aporte y e team completo di Colegio Bon Bini. E actividad aki tabata un exito rotundo. Den Tempo record nos a logra nos meta.
Awor riba e speelplaats di Colegio Bon Bini nos tin diferente wega pa e alumnonan. E alumnonan sigur lo keda
contento cu esaki. Colegio Bon Bini ta sumamente agradecido na Aruba Doet cu a pone e fondo
disponibel pa e proyecto aki.
Un danki di curason na e boluntarionan cu a pone nan mes disponibel pa yuda riba e dia aki.
Sin lubida e maestronan y famia kende nan tambe a duna nan aporte pa e proyecto por tabata un exito.
E estudio pa midi e impacto economico, social y pa sociedad di e desaroyo den e cantidad di casnan pa localnan na Aruba ta den pleno ehecucion. Minister Geoffrey Wever a anuncia esaki e estudio aki luna pasa pa investiga e.o. cuanto di nos ciudadanonan ta doño di nan propio cas y cuanto di e casnan na Aruba ta wordo uza como casnan pa biba so, y cuanto cu un meta comercial.
Banco Central di Aruba su estudio titula “A hedonic regression analysis of house asking-prices in Aruba” na 2020 ta mustra cu e prijsnan pa casnan na Aruba a subi cu un averahe di 2% cada aña den e delaster 7 añanan. E cantidad di camber, e grandura di construccion y e presencia di servicionan ta segun e estudio menciona, e
factornan tras e subida di e prijsnan di casnan.
E subida di e prijsnan di cas ta uno preocupante pasobra casnan ta bira impagabel pa nos ciudadanonan. E desaroyo aki ta stroba nos di logra e meta di un sociedad inclusivo den cual cada persona por participa y logra su metanan. Cada local mester por yega na su propio cas.
P'esey e urgencia pa ehecuta e estudio pa midi e impacto economico y social pa sociedad di e cantidad di casnan disponibel na Aruba. Economisch Bureau Amsterdam actualmente ta hasi e estudio aki. Parti di esaki ta pa duna tur stakeholders e oportunidad pa duna nan contribuicion na e estudio aki. P'esey Economisch Bureau
Amsterdam lo traha den cooperacion estrecho cu entre otro Aruba Tourism Authority, Centrale Bank van Aruba, Centraal Bureau voor de Statistiek y Vacation Rental Owners Association. Esaki ta importante ora di traha y implementa un maneho economico. Ta premira cu pa fin di maart Economisch Bureau Amsterdam lo entrega e rapport final.
Desaroyo economico ta trece banda di beneficio pa nos pais tambe retonan cu un impacto riba e calidad di bida di nos ciudadanonan. "Mi ta sigur cu e estudio importante aki lo duna su contribuicion pa hunto traha un maneho duradero y inclusivo, pa subi calidad di bida di nos ciudadanonan", segun minister Geoffrey Wever.
Minister Ursell Arends:
Recientemente Aruba a firma un acuerdo bilateral (MoU) cu Reino Unido di Gran Britania y Irlanda di Norte. Esaki a wordo firma entre Directie Luchtvaart Aruba y e autoridad di aviacion civil di Reino Unido. Aki ta trata di un MoU relaciona cu transporte aereo cu ta regula derechonan di transporte aereo di e aerolineanan di ambos pais riba e rutanan entre ambos pais.
E acuerdo ta segun e principionan di “open skies”, cu ta un maneho liberal sin restriccion y limitacion pa loke ta capacidad y frequencia di vuelonan. E maneho aki ta esun di mas efectivo pa
maximalisa airlift, cual ta hopi importante pa Aruba su turismo. Tambe ta importante pa remarca cu e acuerdo firma ta habri porta pa vuelonan directo entre Aruba y Reino Unido, di cual dia 26 di maart 2023, British Airways lo efectua su prome vuelo entre London Gatwick y Aruba.
Siguientemente Aruba lo sigui e proceso cu e autoridadnan di Reino Unido pa converti e acuerdo aki den un tratado.
E acuerdo aki ta forma parti di e strategia di Ministerio di Transporte pa sigui expande Aruba su infrastructura di
pa
Diabierna atardi riba un vuelo priva, e Presidente di Comite Olimpico Internacional, Thomas Bach a ateriza na Aruba. Na sr. Bach su yegada e la wordo ricibi pa Presidente di Comite Olimpico Arubano, Wanda Broeksema y Secretaria General di COA y Vice Presidente di IOC, Nicole Hoevertsz. Despues a sigui cu un bishita oficial di sr Thomas Bach y e Presidente di Panam Sports, Neven Ilic na Su Excelencia Gobernador di Aruba, Alfonso Boekhoudt. Por ultimo a hasi un bishita na Conseho di Minister unda sr. Thomas Bach y sr. Neven Ilic hunto cu e comite di ehecutivonan a wordo ricibi pa Prome Minister di Aruba, Evelyn WeverCroes. Den Conseho di Minister a toka varios topico di deporte entre otro riba nivel escolar, practica deporte na edad hoben y importancia di igualdad den deporte y comunidad. Na final a hasi un intercambio di regalo entre Presidente di IOC, Thomas Bach y Prome Minister Evelyn Wever-Croes.
Mañan diasabra pa 9or di mainta lo tin e Festival Deportivo y e Apertura di e Oficina di Comite Olimpico Arubano den Vondellaan 27(bandi Banco di Caribe/otro banda di veld di Cricket). Lo bay tin demostracion di algun di nos deportenan Olimpico y e deportenan mas popular na Aruba. Tambe lo tey Archivo Nacional cu e historia di deporte na Aruba. Den e parti oficial lo corta sinta y lo canta e Himno Olimpico y e tono grlorioso Aruba Dushi Tera. Mas cu claro lo tin sorpresa cu no por divulga mucho. Excelencia Catering lo percura pa ofrece snacks y pasa boca tipico como tambe coy bebe na prijs di famia.
Parlamentario Tromp-Lee ta indica cu nos no mester lubida na ningun momento con e 2 leynan di consensus a subi riba mesa paso nan a subi na e momento mas vulnerabel di nos pais. Door di e pandemia Aruba a saca un man pidi Hulanda yudansa. Hulanda tabata dispuesto pa yuda pero esaki no a bin sin condicion. Berdad e ta placa aheno, placa di pueblo Hulandes, pero e condicionnan na su opinion no tabata realistico of eigenlijk acceptabel. Un situacion cu nunca nos a spera, mirando e necesidad grandi cu nos pais tabata pansado aden door di e pandemia. Nos no por lubida e contexto y e realidad di e situacion na e momentonan ey. Shelter in place, lockdown, economia practicamente plat, mama y tatanan di famianan na cas sin por traha, salubridad den chaos, hendenan muriendo etc.
Ta incomprendibel con a baha COHO for di mesa y a bin cu un "onderlinge regeling" y ainda e ley di consenso di supervision financiero ta riba mesa. Si nos ta bisa cu e proceso encamina pa a yega na e dos leynan di consenso aki no tabata corecto, si nos ta bisa cu nos a bin cu un "onderlinge regeling" na luga di COHO paso asina nos ta garantisa cu e islanan ta mantene nan autonomia y nan eigenaarschap, dicon esaki no ta conta pa Raft?
Esakinan ta e puntonan cu Parlamentario Tromp-Lee ta indica cu e tabata kier a accentua ora ta cuestiona su manera di mira e situacion. E ta kere cu door cu e situacion a “normalisa”, hopi kier lubida e contexto real di con cos a tuma lugar y e proceso encamina cual no ta corecto. No ta pornada cu ta papia di “gedwongen consensus” esta consenso logra bou di presion. Gobiernonan no tabata tin otro opcion cu acepta e condicionnan pa por garantisa cu nan pais y nan hendenan ta mantene cabes riba awa. Pesey mes nos como Parlamentonan di e islanan
no por responsabilisa nan na e manera cu ta keda sugeri. Nos ta compronde e situacion. Nan a keda poni lomba na muraya.
Algo cu Parlamentario TrompLee kier pa pueblo ta consciente di dje. Mescos cu Parlamentarionan di oposicion cada biaha ta cay den e mesun retorica, ta bay tin parlamentarionan di otro pais cu tambe kier purba tapa e solo cu un dede. Hopi kier pretende cu e pandemia no a tuma lugar, y cu e debe crea tabata pa yuda nos famia y negoshinan. Mescos cu ora nos a trata achteraf e cuadronan legal pa subsidio di salario, asistencia financiero na companianan chikito y mediano y Fase, cada biaha ta bin cu e retorica cu gobierno a actua incorecto, cu nan ta bin Parlamento pa nos drecha e situacion pa nan achteraf ta saca completamente di contexto. Esaki ta conta tambe pa e situacion cu e leynan di consensus. Ta lubida cu nos tabata den un pandemia y cu hende a wordo manda cas. Gobierno tabata traha di un manera deregula y no normalisa, pero sigur a maneha e pais aki cu determinacion y a tuma decisionnan importante. Algo cu nos no por y sigur no mag lubida!
Tromp-Lee kier pueblo realisa cu ora nos ta subi un avion pa bay cualkier reunion di IPKO, nos mester subi cu e pechi di Aruba bisti. Bogando na tur momento pa e mihor pa nos pais y nos hendenan. Tur hende mester realisa cu mescos cu nos no tabata kier COHO, nos no kier RAFT. Cu kier bisami cu ta cu mi gobierno mi tin cu atende sigur ta indica cu no kier papia di nos realidad y cu no kier splica dicon COHO no y RAFT si. Nos no mester lubida cu e leynan aki a wordo imponi y cu enberdad nos gobierno a bay di acuerdo y pesey awe nos ta papia di "gedwongen consensus". No por lubida cu gobierno no tabata tin otro alternativa. Nan mester a tuma e decision pa zorg cu e sosten financiero ta yega nos pais. Nos ta gradici cu na momento cu
nos a saca man, nos a wordo yuda, pero ta cu e condicionnan nos tin problema. Mescos cu a respeta e parlamentonan den reino pa loke ta trata nos opinion di COHO, mi ta haya a yega ora pa papia tambe di e otro ley di consensus cu ta Raft. Ma ripara durante IPKO cu masha tiki kier combersa di esaki y cu sagradamente nan ta kere cu e mester bira nos realidad.
E accento poni den e discurso di Tromp-Lee ta cu mester bin cu e condicionnan di refinanciamento mas pronto posibel mirando cu na october venidero nos mester paga e suma di e debe mara na COVID di un solo biaha. Mas cu claro nos no por paga esaki y pesey mester refinanciamento. Pesey a keda enfatisa cu a yega ora pa papia habri y cla. Mester tin claridad kico ta e condicionan y con nos ta bay paga esaki bek. Pesey mes Tromp-Lee a haci apelacion riba e grado di solidaridad cu mester ta existi den Reino Hulandes, Cu mescos na Europa paisnan den Union Europeo ta yuda otro, e ta spera tambe cu e mesun man di yudansa berdadero aki keda duna na pais Aruba. El a accentua cu e ta spera cu ta bay bin un
kwijtschelding of gift y tambe cu e ta spera cu e interes mara na e pagonan lo ta uno hopi abou y cu nos ta bay haya un periodo mas largo posibel pa paga e debe aki. Tromp-Lee ta indica cu ningun momento el a papia di portefeuille total di debe di nos pais. Un topico cu e ta haya cu tambe lo mester forma parti di combersacionnan entre e gobiernonan.
Tromp-Lee a finalisa bisando cu e ta haya un lastima cu prensanan partidista tampoco no por kita nan pechi y bisti esun di Aruba, cu no ta informa pueblo debidamente y no por stop di malinforma y guia tur cos den direccion pa crea desunion. Otro meta cuestionabel ta e persistencia pa kibra imagen di cierto politiconan of personanan na conviniencia propio y di un partido. Tromp-Lee ta subraya cu mientras ainda nos ta den un situacion financiero hopi delicado y den un estado di recuperacion e actitud aki sigur no ta yuda pasobra ta rekeri di union pa nos logra. Tur hende mester lora manga, traha y pone Aruba na prome lugar.
E fin di siman aki a tuma luga riba Plaza
Libertador G.F. Betico Croes e Festivalnan “Un Canto pa Aruba su Himno y Bandera”. Diabierna e categoria Infantil, diasabra categoria
Hubenil y diadomingo categoria Adulto. E festival aki a conta cu un Plaza Betico Croes completamente yen, cu un publico grandi cu a bin pa apoya nos artistanan local y cu a disfruta di tres dia di festival dedica na nos Himno y Bandera.
Manera ta un tradicion, tabata tin no menos cu 40 tent cu benta di diferente cuminda crioyo, pasa boca y artesania local. Minister di Cultura, Xiomara Maduro, tabata presente tur tres dia riba plaza pa apoya pero sigur tambe disfruta di e presentacionan di nos artistanan local. E biaha aki, manera ta custumber, e mandatario a pasa bishita y combersa cu tur esnan cu a haci uso tent pa gradicinan pa
t'ey presente, deseando cada uno exito y gradiciendonan tambe pa contribui na haci e tres dianan di festival aki uno grandi.
Mester menciona cu e tres dianan di festival a resulta sumamente exitoso. Aruba completo a sali pa biba nos cultura grandemente. Pa cu esaki, Minister di Cultura, den nomber di Gobierno di Aruba, ta felicita y manda palabra di gradicimento na e organisadornan Comision Promove Cultura cu a organisa e festival pa categoria Infantil y Hubenil y tambe na e Fundacion di Festival Folklorico cu a organisa e festival categoria Adulto.
Masha danki y pabien na tur cantante y musico pa nan creacion dedica na nos Pais. Y un danki tambe na e publico presente y Aruba en general pa un bunita fin di siman. Cultura bo tin cu bib'e.
Continuacion pag 15
11 maart 2023, Aruba Bank ta comprometi pa ta un organizacion responsabel y na contribui positivamente na comunidad di Aruba.
Desde 2018 a introduci posibilidad pa empleadonan hasi uso di orario di trabou pa metanan caritativo den comunidad. Esaki pa promove trabou di boluntario internamente.
Empleadonan di Aruba Bank a haci bon uso di e oportunidad y a pone man na obra pa yuda projectonan di Aruba Doet.
Boluntarionan di Aruba Bank a brinda sosten na Stichting Ambiente Feliz. Aki e boluntarionan a verf e parti paden di e lugar pa asina dune un “new look”.
Aruba Bank ta comprometi na cumpli cu su Responsabilidad Corporativo Social y di por aporta cu trabounan comunitario na diferente manera durante di aña.
Danki na nos empleadonan pa forma parti di Aruba Doet y na tur boluntario cu a participa activamente den e diferente projectonan di 2023.
Diasabra ultimo COA tabata tin apertura di nan edificio nobo den presencia di varios Mandatario, Presidente di IOC y Presidente di Panam Sports.
Monica Pimentel ta e unico atleta di Taekwondo na Aruba cu a participa na e weganan Olimpico na Rio 2016 y ta coach di Taekwondo Team Aruba.
Monica Pimentel tabata tin e honor di hiba palabra cu e Presidente di IOC
Thomas Bach y Presidente di Panam Sports Neven Ilic.
Monica Pimentel a presenta Stuart Smit Jr. y Joshua Klaber di Taekwondo Team Aruba na
Thomas Bach y nan tabata
tin e oportunidad di saca potret hunto.
Sra. Marilu de Veer Council Member di World Taekwondo tabata presente na e apertura. Presidente di Aruba Taekwondo Bond Sr. Moices Fernandez tambe tabata presente y a hiba palabra.
Coach di Para Taekwondo
Luciano Mazzeo y atleta Elliott Loonstra tabata presente y a hiba palabra cu varios miembro presente.
Despues di e apertura e Team di Taekwondo cu a presencia e apertura a saca potret hunto cu Presidente di IOC Thomas Bach y e Presidente di Panam Sports Neven Ilic. Monica Pimentel a
El pequeño Reymathias
Adrianza Bracho dijo presente en la apertura del comite Olimpico Aruba y Rey Mathias
uniformado su equipo Britania U5 le dio bienvenida al sr Thomas Bach Presidente del comite Olimpico inter -
national ReyMathias recibio un prendedor del presidente y estaba muy emocionado
Diasabra awor lo ta un dia historico pa Comite Olimpico Arubano(COA) mirando cu un berdadero soño lo bira un realidad. Semper COA tabata anhela pa tin su mesun cas di deporte na Aruba. Pa hopi aña COA tabata situa den stadion Guillermo P. Trinidad den dos oficina chikito cual espacio no tabata grandi, mirando tur e
profesionalnan den servicio. Segun añanan a transcuri, e famia di COA a sigui crece y mester a busca un espacio mas grandi. A haci varios sondeo den pasado pero sin mucho exito. Durante añanan a keda persevera te cu a logra pa esaki awe a bira un hecho.
Cu hopi orguyo por anuncia cu diasabra awor 11 di
maart durante un Festival Deportivo por fin Comite Olimpico Arubano por estrena e cas di deporte na Aruba. Pa e motibo aki tambe COA kier a invita tur atleta y ex-atleta Olimpico y nan famia, coach y dirigente nan deportivo, nos federacion nan deportivo, amantenan di deporte, bisiñanan den e bario di Playa y henter
e pueblo di Aruba pa bin presencia un momento unico pa e deporte na Aruba. Loke lo hasi e diasabra uno mas special ainda ta cu na e apertura di e oficina di COA lo ta presente nada mas y nada menos cu e Presidente di Comite Olimpico Internacional, Thomas Bach, hunto cu e Presidente di Panam Sports, Neven Ilic y un delegacion di comite di ehecutivonan di IOC, Panam Sports y Olympic Solidarity hunto cu nos dignitario nan di Aruba.
Di 9or di mainta pa 12or di merdia, lo bay tin demostracion di algun di nos deportenan Olimpico y e deporte nan mas popular na Aruba.
Tambe lo tey Archivo Nacional cu e historia di deporte na Aruba. Den e parti oficial lo corta sinta y lo canta e Himno Olimpico y e tono glorioso Aruba Dushi Tera.
Lo bay tin baile di Popcorn Dancers y mas sorpresa cu no por divulga ainda. E marca oficial di Comite Olimpico Arubano
y su delegacion deportivo, Totto di Colombia lo tin un tent unda nan lo expone e uniform nan di ultimo modelo pa loke ta e ciclo Olimpico aki. E mural di e artista Paul Wong tambe lo haya su debido atencion mescos tambe e parti interior di e edificio di COA cu a keda masha bunita mes.
Excelencia Catering lo percura pa ofrece snacks y pasa boca tipico como tambe coy bebe na prijs di famia.
Yega diasabra awor na e oficina di COA situa na Vondellaan 27(bandi Banco di Caribe y enfrente di veld di Cricket) y bin celebra e momento historico aki.
Despues di tres siman participando den 3 evento internacional, Monica Pimentel coach di Taekwondo Team Aruba a yega
Aruba bek hunto cu Joshua Klaber kende a logra di gana dos medaya di oro y medaya di brons.
Den tur evento Internacional di Taekwondo bo mester atende na e technical y coach meeting cu ta wordo duna na Ingles pa
asina ta bon na altura di tur e reglamentonan cu lo wordo aplica pa e evento.
Na US Open Kianna Krosendijk a gana su prome pelea contra di Kristina Harutyunyan for di Merca y despues a perde su di dos pelea contra di Merca.
Isabella Bogevad a perde su prome pelea contra di Emily Tosi for di Canada. Deevah Loefstop a perde su pelea contra di Itzel Velazquez for di Mexico. Joshua Klaber a perde
su pelea contra di Carlos Courts for di Mexico. Despues di e resultado di US Open, Monica Pimentel a cuminsa prepara Taekwondo Team Aruba pa e siguiente evento Internacional. Monica Pimentel ta gradici pueblo pa nan contribucion.
Danki na tur cu a haci e biahenan di Taekwondo Team Aruba posibel y cu nan por a representa Aruba na eventonen Internacional.
Directiva di Centro di Bario Playa Pabao e aña aki ta otorga “Premio Cultural Playa Pabao” na sra Rubia Ruthsella Ras e mucha di Rancho.
Aki ta sigi un resumen di trayectoria di sra Rubia. Rubia ta bin di mayornan cu tabata deportista.
Su mama Vera Ras Ridderstap tabata champion pitcher di OranjestadStore y seleccionan pa varios aña di Aruba.
Sofball
Desde comienso Rubia a hunga pa un solo
team pero bou di difirente nomber: Love-Birds, Toshiba, Caribbean Village, Nevada (ultimo 20 aña) y Kool-Aid (10 aña).
Na aña 1976 Rubia a forma parti di seleccion di Antilias como shortstop na Mexico, Na aña1978 Rubia a forma parti di un equipo di hoofdklas na Diemen (Hulanda) como shortstop y pitcher.
Seleccionan cu Rubia a biaha pe ta seleccion Antiano y despues cu tur
seleccion Arubano. Rubia a hunga na: Peru, Venezuela (hopi biaha y difirente ciudad) Mexico, Corsow (varios biaha) Sint Maarten, Colombia (hopi biaha y difirente ciudad), Bonaire y USA (Illinois). Record
Te awo mas cu 600 wega pitcha y semper cu bon resultado
Mundial 1989 USA Illinois, record inolvidabel pa Aruba.
Indonesia/Tapei 3 – Aruba 6
Argentina 2 – Aruba 3
Te ainda niun persona tin un record pa Aruba asina di ta 2-0 den un mundial Otro deporte cu Rubia a practica:
Futbol: Aparicio Stars y pa
RCA 2002 – 2003
Basketbal damas: Marlboro bou di direccion di Harold Faro.
Actualmente:
- Hungador di Tanki Leendert Girls
- Manger di Tanki Leendert Angels Hubenil y grandi hunto cu Tico
Danies y Revelino Silie
- Coach seleccion di Aruba
- Scorer y ampire di liga ABBA y Bush-League softball pa ASB
Rubia ta mama y hungando cu su 3 yiunan pa Tanki Leendert Girls y semper cu amor pa e wega tan stima softball. Rubia ta dedica tempo pa yuda otro mucha practica y desaroya den deporte cu respet y disciplina.
Rubia ta recibi su premio durante un actividad cultural diasabra 18 di maart na Centro di Bario Playa Pabao.
Den fin di siman Colegio Arubano a tene un Open dag pa e alumnonan di klas 6 di scol basico y tambe pa esnan cu a caba of ta cabando Mavo y nan mayornan. Alabes alum-
nonan cu ta bishita Colegio Arubano caba y lo kier a haya mas informacion di un profiel of tambe di un estudio den exterior of na Aruba a bishita e Open dag.
E Open dag tawata sumamente bon bishita. Tur e seccionnan a prepara un presentacion di e contenido di nan materia pa asina ricibi e (futuro) alum-
nonan y nan mayornan. Un mainta sumamente exitoso caminda cu tur e service clubnan y e conseho di alumno di Colegio Arubano tambe a duna informacion y a yuda guia e alumnonan y mayornan.
Hopi mayor a duna bon comentario y a keda cu bon impresion di Colegio Arubano.
Riba nivel di HAVO/VWO,
Colegio Arubano ta e scol secundario mas grandi na Aruba, cu ta conta cu casi 1400 alumno y un cuerpo di docente y profesionalnan bon prepara y cu animo pa guia nos hobennan. Colegio Arubano ta un scol catolico habri pa tur religion, e tin un plan di pago pa e bukinan di estudio, e ta un scol solido cu mas di 64
aña di existencia, caminda cu a forma y prepara hopi di nos profesionalnan na Aruba.
Colegio Arubano ta organisa banda di su curiculo hopi actividad y proyectonan na Aruba y den exterior. Asina tin e Erasmus+ project, e viahe di e grupo VWO 5 pa Hulanda y tambe e show musical cu lo tuma luga 24 di maart venidero den Cas di Cul-
tura. Colegio Arubano kier a gradici specialmente su cuerpo di docente, alumnonan y profesionalnan, cu a yuda cu e Open dag, y tambe e hobennan y nan
mayornan pa nan interes den nos scol. Alabes gradici su Excelencia Minister di Enseñansa di Aruba Sr.
Endy Croes, ken a tuma
su tempo pa pasa na nos Open dag y ricibi informacion di nos scol. Colegio Arubano por wak bek riba un Open dag sumamente exitoso.
lance tambe a yega y a bay atende cu e dama.
E auto no tawata gebolter, pero por a nota cu pa un of otro motibo e chauffeur cu ta un dama a baha caminda na su man robes.
Esaki a pone bay dal contra un mata.
Na yegada e dama di polis e dama tawata ok y lo no tawata desea atencion
medico.
Pero, toch a dicidi di subi ambulance y laga e Paramediconan haci nan trabou.
Polis di trafico a presenta pa tuma dato di e sucedido.
Un familiar a yega pa tuma e cumindanan den e vehiculo over, cu tawata/ ta destina pa ser bendi.
Avenida Nelson O.Oduber - Diabierna algo prome cu 12'or di merdia polis a
bay pazuid di e rotonde di Superfood, direccion pa Oranjestad. Eynan un
auto lo a bolter. Na yegada di polis ambu-
Diaranzon mainta tempran a drenta informe di cu tin un casita na candela na Rancho Clemente, mesora a dirigi tanto polis como bombero na e sitio. Na yegada di e patruya ya bombero a yega na Rancho Clemente nan a mira rond pero no a encontra cu ningun candela y tambe un persona cu ta cuida e lugar tampoco tabata sa nada di candela. Un rato despues a descubri cu e casita riba lama poco mas panort esey tabata na candela mesora bomberonan a cuminsa paga e candela te domine completamente pero ya e casita tabata full kima.
Dia 1 di maart, sra. Ariadne (Jetty)
Croes Wever a celebra su 10 anja di anniversario trahando na Wit Gele Kruis como Praktijk Ondersteuner Huisartsenzorg (POH).
Pa e occasion aki directeur Gino
Goeloe tabata presente pa agradeci Jetty pa tur su collaboracion y esfuerzo nan pa cu inicio di e grupo di POH cu na cuminsamento a
enfrenta hopi obstaculo pero cu awendia nos tur por ta satisfecho cu e logro nan den e transcurso di e 10 anja nan aki.
POH coordinator Jasmira Mora tambe a expresa su felicitacion y elogio na Jetty.
Wit Gele Kruis y team POH ta desea Jetty hopi anniversario jena di energia y perseverancia como POH.
PRONOSTICO DI TEMPO
VALIDO TE DIALUNA 13 DI MAART 2023, 18:00 ORA
TEMPO:
AWE NOCHI: PARCIALMENTE NUBLA Y GENERALMENTE SECO DEN MARDUGA Y MAYAN: PARCIALMENTE NUBLA CU UN AWACERO PASAJERO TE BREVE.
TEMPERATURA MAXIMO 31 GRADO CELSIUS TEMPERATURA MINIMO 25 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 32 PA 35 GRADO CELSIUS
UV INDEX: 12
BAHADA DI SOLO : 6:50 PM SUBIDA DI SOLO : 6:48 AM.
BIENTO: MODERA FOR DI DIRECCION GENERALMENTE OOST; FORSA 3 TE 4 (12 TE 30 KM/ORA, 7 TE 16 NUDO)
DEN DIA BASTA FUERTE TE POSIBLEMENTE FUERTE DEN RAFAGA: FORSA 5 TE 6 (31 TE 50 KM/ORA, 17 TE 27 NUDO)
SITUACION GENERAL DI TEMPO PA PROXIMO 24 ORA:
UN AUMENTO TEMPORAL DI HUMEDAD LO PONE MAS NUBIA
PASA RIBA REGION LOCAL Y PRODUCI UN AWACERO BREVE. MAS LAAT DEN DIA TEMPO LO KEDA GENERALMENTE SECO.
CONDICIONAN MARITIMO/ ESTADO DI LAMA:
NA PARTINAN PROTEJE DI COSTA: LEVE, ROND DI 1 PIA.
NA PARTINAN ZUID: TRANKIL TE MODERA, ENTRE 1 PA 2 PIA.
NA PARTINAN OOST TE NOORDWEST DI COSTA:
GENERALMENTE MODERA, ENTRE 4 PA 5, LOCALMENTE 6 PIA
DEN LABADERANAN MODERA FOR DI NOORD.
AVISO/ ALERTA:
TA SUGERI OCUPANTENAN DI BOTO CHIKITO PA BAI CU
CAUTELA NA PARTINAN OOST TE NOORDWEST DI COSTA.
FENOMENONAN SPECIAL: NINGUN
POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR TA DIFERENTE.
REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM):
AIRPORT : MAX 31 / MIN 25 / 0.0 MM
WESTPUNT: MAX 31 / MIN 25 / 0.0 MM
STA ROSA: MAX 31 / MIN 25 / 0.0 MM
PRONOSTICO DI TEMPO PA PROXIMO 3 DIANAN: LEVE TE PARCIALMENTE NUBLA CU UN AWACERO PASAJERO.
BIENTO LO TA FOR DI DIRECCIONAN OOST Y MODERA TE BASTA FUERTE, POSIBLEMENTE FUERTE DEN RAFAGA; TEMPERATURA (GRADO CELSIUS) MAX / MIN LO TA: 32 / 26
Bo ta casa den e Sacramento y toch bo ta sigi den adulterio. Bo no tabata sa cu pa Dios bo ta keda casa te na morto y Dios no ta reconoce divorcio.
Bo a divorcia pa haya mas libertad y bo ta haci’e consiente. Bo no por ta sigi ganja cu bo ta un cristian y cu bo no a haci nada malo, pasobra esey ta bisto y den claridad.
Bijbel 1 Corinthionan 6: 9 y 10 ta bisa, cu ningun hende cu ta comete of biba den e pika di adulterio, nan lo no drenta den e Reino di Dios, pasobra e ta un pika grandi. Bo no por ta pretende y bisa cu bo a confesa, pero toch bo ta sigi cu e amistad y bo ta sigi haci adulterio.
Tambe bo no tabata sa, cu unabes cu bo consulta cu un bruha, bo ta bira lomba pa Dios, bo ta laga bo fe den Dios un banda y bo ta haci un pika mortal condenabel.
Bruhanan ta discipelnan di satanas y e demonionan ta keda rond di bo, pasobra bo mes a yamanan consientemente.
Bo a cay den trampanan
di perdicion y toch bo ta sigi kere cu bo no a haci nada malo. Bo no tabata sa, ora cu bo ofende Dios cu tur e pikanan grandi y mortal aki, bo ta perde tur e gracianan di Dios, bo ta perde tur e donnan di Dios, bo ta perde e sabiduria y e talentonan di Dios y bo tin di cuminsa full di nobo.
Bijbel 1 Corinthionan 10: 21 y 22 ta bisa, ta con bo por bebe for di copa di Senjor y di e mesun tempo bo ta bebe di e copa di e demonionan? Ta con bo por participa na e mesa di Senjor y tambe di e demonionan? Acaso bo kier provoca e rabia di Senjor? Bo no por ta bay Misa pa hende mira bo y alavez bo ta sigi haci pika. Bo no por ta papia di Cristo-Hesus y alavez bo ta sigi haci pika. Bo no por ta den grupo di oracion y alavez bo ta sigi haci pika.
Bijbel Revelacionnan 21: 6 – 8 ta bisa, ningun di e cobardenan, ningun di esnan infielnan, ningun di esnan den bruheria, ningun di esnan sacadornan di mentira etc., nan lugar lo ta den tanki di candela y di azufre.
Un mensahero di Dios.
Ambulance Wayaca 582-1234
Horacio Oduber Hospital 527-4000
Centro Medico San Nic. 524-8833
SVB AO Ziekmelding 527-2782 Servicio nan
Aurora Funeral Home 588-6699
Royal Funeral Home 586-4444
Ad Patres Funeral Home 584-2299
The Olive trees Funeral Home 582-0000
Fundacion
Rode Kruis 582-2219
Fada 583-2999
Fundacion Respetami 582-4433
Fundacion Guiami 587-1677
Muhe den dificultad 583-5400
Telefoon pa hubentud 131
Centro Kibrahacha 588-3131
Stichting Bloedbank 587-0002
Mary Joan Fundation 588-9999
Koningin Wilhelmina Fonds 582-0412
Fundacion pa nos mucha nan 583-4247
Un comienso di weekend fructifero yena cu gracia y bendicion di Dios.
……..Un pueblo cu ta duna fruta. (Mateo 21,43)
Rumannan, Hesus a bisa cu nos mester ta luz, salo y fermento pa otronan. Pa e motibo aki continuamente nos mester evalua nos mesun bida. No ta suficiente pa lesa un biaha un rosario of pa haci algun biaha un caminda di cruz of di bay misa algun biaha den cuaresma. Awor con nos ta tuma e Palabra- y Parabolanan di Hesus! Tin biaha esaki ta confronta nos y semper tin e peliger cu nos kier suavisa of hasta di no acepta nan. Hopi biaha e motibo ta cu nos ta prefera di keda cera den e comfort di nos mesun mundo chikito rond di nos. E novedad di Evangelio mester wordo biba tur biaha como un posibilidad di un bida nobo. Asina nos por converti tur dia di nobo aunke esaki por nifica cu nos mester renuncia na algun cos
Oracion: Señor Hesus, duna mi e gracia pa tur dia mi por converti na Bo y pa mi por ta luz pa otronan. Amen.
It is with deep sadness we announce the passing of our beloved Sister, mother, grandmother, aunt, cousin and friend
Sunrise 22-05-1971 Sunset 03-03-2023
“Great is the emptiness and the sorrow, beautiful are the memories”
She was the daughter of the late Jose and Francisca Rovelet and sister of the late Roland Rovelet
She leaves to mourn:
Her sister Frances Rovelet
Her son Mark and Wassima Williams, Zahra and Yasmin
Her son Haim
Her daughter Marilou Winklaar, Melody and Elijah
Her nephew Yanick van Lobbrecht and family
Her niece Nichelle Thomson-Ideler and family
Her nephew Dennis Ideler and family
Her aunt Elsa Rovelet
Her cousins in St. Maarten, St Martin, Guadeloupe, Aruba, Curacao, Surinam, Netherlands, France, Switzerland and USA.
And numerous friends in St Maarten, St Martin, Aruba, Netherlands and Dominica She was related to the following families: Rovelet, Williams, Winklaar, Zimmerman,, Van Lobbrecht, Ideler, Peterson, Arrondell, Pontiphlet, Ellis, Tondu, Tackling, Trott, Smart, Halley
Funeral Service will take place on Wednesday March 15th 2023 in San Nicolas, Aruba
At the St Theresa Roman Catholic Church. Service from 2.00 pm to 4.00 pm There will be a wake on Tuesday 14th of March 2023 for those who would like to Pay their last respect and convey their condolences to the family of the deceased.
From 7.00 pm to 9.00 pm at Ad Patres Funeral Home in San Nicolas, Aruba. MAY
Un amiga stima, un gran persona, amabel, humoristico y balente cu no tabata acepta inhusticia. Cu su bos y pen skerpi e tabata expresa esey. Ken no ta corda e poema “Placa, placa, placa” cu a capta masha atencion y a causa hopi emocion den pueblo un 20 aña pasa?
Philo tabata masha productivo como poeta: el a publica den e revista “Watapana” y den e antologianan Di Nos (1971) y Cosecha Arubiano (1983). El a publica na aña 1984 e coleccion di poesia ’Mi’ ta biba den mi pensamento, na aña 1986 Na caminda pa independencia y na 1992 Di ta ... pa tabata. Den su poemanan Philomena ta toca diferente tema importante di bida. Philo tabata militante, e no por a soporta inhusticia y den su poemanan e ta ataca esaki fuertemente: inhusticia contra e mucha (‘Maltrato’), contra e hende muhe (‘Tin orguyo’), contra nos grandinan(‘Anciano’).
Philo mes a experencia esaki personalmente durante e ultimo añanan y dianan di su bida: ni oido, ni compresion, ni
cariño, ni cuido adecuado no tabatin p’e di parti di esnan responsabel durante e momentonan cu mas el a anhela esey.
Philomena su poemanan ta den un Papiamento rico, profundo y melodioso. Cu su bon dominio di Papiamento Philomena Wong a aporta grandemente na reconocemento di nos idioma Papiamento.
Den e ultimo añanan aki e tabata traha riba un siguiente publicacion cu tur e poemanan cu e tabatin ainda den tapara. Lamentablemente e no a caba cu e trabou aki, pero un grupo di amiga fiel lo cumpli cu e promesa haci y lo percura pa e coleccion aki keda publica.
E siman aki, dia 8 di maart, nos a celebra Dia Internacional di Hende Muhe. Na cuminsamento di decada 80 e gruponan di hende muhe di e tempo ey a organisa pa prome biaha na Aruba un evento masha grandi den e cantina di John F. Kennedy School cu tabata existi ainda. Sala
a yena cu mas di 200 hende muhe di tur edad. Tabatin presentacion di teatro foro, musica y canto, baile, declamacion di poesia, pintura, obra di man, un bon cushina.
Un di e declamadornan tabata Philomena cu a impacta cu su poesia cu mensahe fuerte pa esnan presente. Philomena a fayece dia 7 di maart, un dia prome cu Dia Internacional di Hende Muhe. Pero su bos ta keda reso -
na den su poemanan. Cu e poema “Tin orguyo”, cu ta den e coleccion Di ta ... pa tabata, Philo ta encurasha e hende muhe pa ta orguyoso di su mes y pa ta determina den bida pa logra loke e ta desea.
Philomena, nos ta hopi orguyoso di a conoce bo y ta gradici bo pa loke bo a laga atras pa bo pueblo, pa loke bo a nifica pa cada un di nos. Sosega na paz!
Philomena Wong, un baluarte di nos literatura, pa semper den nos curason
Awe nos mester tuma despedida di Philo, cu pena na nos curason
