Issuu

DIAHUEBS 3 SEPTEMBER 2026

3 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

CORTE COMUN DI HUSTICIA A POSPONE REVISION DI CASTIGO DI BIDA LARGO TE 2027 ARUBA BANK A INVITA PRENSA PA “PRESS PAUSE”

DIAhuebs 3 september 2026

Honda Fit a bay dal duro tras di Honda Accord riba caminda principal di Balashi bayendo pabao Diamars

atardi a drenta informe di un accidente cu hende herida riba e caminda principal di Balashi bayendo pabao, mesora a dirigi tanto polis como ambulans na e sitio. Na yegada di e patruya a

Un mama a yama informa cu e ta bayendo cas pa su yiu di 13 aña cu lo a bebe clorox Diamars atardi a drenta informe di un mama preocupa bisando di cu su yiu di 13 aña lo a bebe clorox y cu e mama mes

ta bayendo na cas, mesora a dirigi tanto polis como ambulans na e sitio. Na yegada di e patruya a haya e mucha cu lo a ingeri clorox

y di biaha ambulans tambe a yega. E paramediconan di ambulans a atende e mucha y a bay cun’e cu urgencia pa hospital.

bin compronde cu aki ta trata di un accidente unda e chauffeur di un Honda Fit no a regula su velocidad ni a mantene distancia a bay dal fuertemente tras di un Honda Accord. Debi na e impacto ambos persona a

resulta herida. Na yegada di e ambulans nan a atende e victimanan esun den e Fit a keda mas herida mientras esun di e Accord a keda levemente herida.

DIAhuebs 3 september 2026

Corte Comun di Husticia a pospone revision di castigo di bida largo te 2027

Na aña 2014 legislador di Aruba a dicidi cu, ora un persona wordo sentencia pa bida largo, Corte Comun di Husticia mester revisa su castigo na momento cu e cumpli 20 aña den prison.

Na februari 2026 e investigacion a wordo posponi pa 31 di augustus ultimo, cu e peticion enfatico di Corte Comun pa scucha e familiarnan y tende kico nan punto di bista ta.

Esey ta pa determina si e persona ey talbes lo por bay den libertad condicional.

E preso di cual ta trata yama C.A.H.

Corte Comun lo mester husga si e persona no ta un peliger mas pa hende y si e ta cla pa bolbe forma parti di comunidad. Pa Corte Comun por yega na e decision aki, nan tin cu considera e situacion y e posicion di e victimanan y/of familiarnan cu hopi atencion. Ley ta bisa cu si Corte Comun dicidi cu no ta laga e persona liber, lo mester bolbe revisa su castigo cada 5 aña di tempo.

Esaki ta prome biaha na Aruba cu ta revisa un castigo di prison di bida largo; Corte Comun a cuminsa trat’e na februari 2026.

Segun Corte Comun, falta hopi tempo ainda pa determina ki condicionnan lo mester cumpli cu ne pa por yega eventualmente na considera pa laga C.A.H. liber.

Punto di salida di e legislador ta cu continuacion di e castigo tin sentido solamente si e ta sirbi un meta rasonabel. Na mes momento ta tene cuenta cu e interesnan di comunidad di Aruba y cu e posicion di e victimanan y/of familiarnan. Ayera famia di un di e victimanan di C.A.H. tabata den sala di Corte pa trece nan punto di bista.

Pa es motibo Corte Comun a dicidi pa pospone e revision cu un aña: te 2027.

Nan a bisa claramente cu nan no ta haya cu e persona por bay liber.

Ademas Corte Comun a pidi Ministerio Publico pa inform’e aki 6 luna con tur cos ta bayendo.

Particularmente e hecho cu C.A.H. nunca no a mustra di ta arepenti, ta pisa hopi pa e famia.

Mirando cu e legislador a hinca e revision aki den Codico Penal, gobierno di Aruba a lanta un asina yama “Comision Castigonan di Bida Largo”.

C.A.H. mes tambe tabata den sala.

E comision aki ta encarga cu acumula e informacion necesario pa Corte Comun por encarga debidamente cu e revision.

Corte Comun a papia cu ne y a pon’e na haltura cu e punto di bista di e famia lo wordo tuma den consideracion na manera explicito den e decision final.

Auto a dal un mucha muhe di 7 aña cu a core crusa caminda despues di scol dilanti di Dos Reis Snack na Savaneta Diamars merdia a drenta informe di un accidente cu hende herida banda di Dos Reis Snack na Savaneta, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un auto cu lo a dal un mucha muhe cu lo tin 7 aña y lo tin sla na cabez. E lo a caba na scol y lo a bay crusa caminda y auto lo a alcance. Na yegada di e

ambulans a dune asistencia medico y stabilise. Mirando e gravedad y e edad a dicidi pa bay cu’ne pa hospital.

Ambulance a pidi cooperacion di polis pa sera e caminda pa nan pa asina yega hospital mas liher.

DIAhuebs 3 september 2026

Accidente cu hende herida na salida di rotonde Mahuma

Diamars atardi a drenta informe di un accidente cu hende herida na e rotonde Mahuma, mesora a dirigi tanto polia como ambulans na e sitio. Na yegada di e patruya a bin compronde cu aki ta trata di un accidente entre 2 auto pero un peaton di edad cu a cay di susto pero a lanta cana bay for di e sitio cu herida. E peaton

tabata crusando riba e zebrapad y a cay herida su mannan pero asina mes ela cana bay, hende presente a yude pero e mes a bisa di ta sinti su mes ok y a sigui cana pa yega na su fiel supermercado. Eynan na e supermercado nan a wak cu e tabata herida na su mannan unda a yuda homber di edad pa haci e herida limpi y a yama pidi ambulance pa bin con

control’e. Polis a presenta na e supermercado y a haya ambulance yudando e peaton. Pa locual ta e accidente mes ta trata di un accidente unda saliendo for di e rotonde direccion pariba un auto a dal tras dibe otro, aki ambos auto a haya basta daño material y polis trafico a documenta e caso aki

Polis a bay dilanti Wacky Wahoo na Palm Beach pa wayanan di Setar cu ta colga hopi abao

Diamars anochi asistencia policial a ser rekeri na dilanti di Wacky Wahoo na Palm Beach pa wayanan cu ta colga masha abao mes riba caminda, mesora a dirigi un patruya na e sitio. Na yegada di e patruya a

bin compronde cu aki ta trata di wayanan di Setar cu ta colga hopi abao mes. Polis a avisa Setar pa nan bin drecha e situacion mas pronto posibel pa e fluho di trafico por sigui normalmente.

DIAhuebs 3 september 2026

DAO y Tienda Legal Laboral lo cera pa mita dia riba diahuebs 3 di september entrante 12:00 pm

ORANJESTAD, Aruba – Directie Arbeid en Onderzoek (DAO) ta informa comunidad y tur su clientenan cu riba diahuebs 3 di september 2026, e oficinanan di DAO (situa den edificio di DPL na Engelandstraat 33) como tambe e

localidadnan di Tienda Legal Laboral (TLL) na MFA Savaneta y MFA Paradera lo ta cera pa mita dia pa publico, entrante 12:00 pm di merdia.

Servicionan regular lo reanuda e siguiente dia segun e orario regular. Nos disculpa si esaki por trece cualkier inconveniencia.

Minister Dowers na Corsou pa atende reunion importante relaciona cu husticia riba nivel di Reino

Dialuna mainta, Minister di Husticia, Integracion, Transporte Publico y Energia, mr. drs. Arthur Dowers, a biaha pa Willemstad, Corsou pa hunto cu su coleganan di Husticia Minister Nathalie Tackling di Sint Maarten, Minister Shalten Hato di Corsou y Minister David van Weel di Hulanda dialoga riba diferente aspecto relevante pa husticia y siguridad den Reino. Durante e siman aki Corsou ta sede di e Justitieel Vierlandenoverleg, cu ta tuma luga dos bes pa aña na un di e paisnan participante. E reunionnan aki ta momentonan importante

pa e cuatro paisnan den Reino dialoga y trata diferente tema relaciona cu husticia y siguridad cu ta di importancia pa cada pais, pero tambe pa Reino completo.

Ademas di e mandatarionan di husticia, ehecutivonan den e cadena hudicial di cada pais ta bin hunto pa atende cu aspectonan huridico cu ta afecta cada pais individualmente, pero tambe cu aspectonan cu tin un impacto colectivo den Reino. Durante e reunion ta intercambia informacion y experencia entre Aruba, Corsou, Sint Maarten y Hulanda, mientras ta trata diferente temanan cu tin

relacion cu e desaroyo di husticia y siguridad den e paisnan. E participacion di Aruba den e Justitieel

Vierlandenoverleg ta brinda un oportunidad pa Minister Dowers hunto cu su coleganan di e otro paisnan sigui dialoga

riba temanan di interes comun y busca manera pa fortalece e cooperacion den e area di husticia y siguridad den Reino.

DIAhuebs 3 september 2026

Aruba Bank a invita prensa pa “Press Pause”

Oranjestad – 02 di september 2026 – Aruba Bank a dedica un momento special na prensa y media local pa expresa su aprecio pa nan dedicacion, compromiso y contribucion continuo na nos comunidad. “Press Pause,” a invita representantenan di prensa pa pone nan trabou diario un rato na banda y simplemente disfruta di un atardi agradabel, acompaña pa sunset, musica y bon compañia.

“Nos sa cu traha den prensa ta exigi hopi dedicacion: semper buscando e proximo noticia, haciendo pregunta y manteniendo nos comunidad informa. Y aunke no semper nos ta bisa esaki, nos ta mira boso trabou, nos ta balor’e y nos ta aprecia’e.” Asina Rob de Ridder, Managing Director a expresa cu tur presente.”

Aruba Bank ta agradecido pa e bon relacion y colaboracion cu a wordo construi cu prensa local durante añanan. E ocasion

“Press Pause” no tabata enfoca riba un anuncio, un comunicado di prensa of un sesion di pregunta y contesta. Al contrario, e meta tabata simplemente pa crea un momento pa celebra y reconoce e personanan tras di e noticia.

Cu e gesto aki, Aruba Bank ta reafirma su aprecio pa prensa y su deseo pa sigui cultiva e relacion y colaboracion positivo den media na Aruba.

DIAhuebs 3 september 2026

Minister Dowers a reuni cu Presidente di Corte Comun na Corsou

di Husticia, mr. Sigmar Carmelia.

Durante su bishita na Corsou relaciona cu e Justitieel Vierlandenoverleg,

Minister di Husticia, mr. drs. Arthur Dowers, a tene un encuentro cu Presidente di Corte Comun

Durante e encuentro, a hiba dialogo habri y ameno cu e Presidente di Corte Comun den compania di Martin Luttge, Director di Operacion y Kyra de Koeijer, Secretario di e Hunto di Corte Comun. Sr. Carmelia recientemente a huramenta y dentro

Tuma accion pa Preveni, Proteha y Stop Dengue Con nos por stop Dengue?

di poco lo keda instala oficialmente como Presidente di Corte Comun di Husticia. E ta asumi e funcion aki reemplasando mr. Mauritsz de Kort, kende desde 2022 tabata ocupa e funcion di Presidente di Hof te cu 2025 na momento cu mr. de Kort a asumi e funcion como Gobernador di Corsou.

Minister Dowers ta considera contacto y dialogo cu diferente instancia dentro di e cadena di husticia importante pa mantene un bon relacion institucional y cooperacion entre diferente actor. Na final di e encuentro, Minister Dowers a obsekia sr. Carmelia un buki di Johan Hartog tocante historia di Aruba.

DIAhuebs 3 september 2026

Parlamentario Otami Thomasia:

“Historia di Aruba mester sali for di archivo y drenta klas” alumnonan mester conoce e historia y procesonan cu a forma nos isla. Esaki ta inclui conocemento tocante nos pueblo indigena, sclavitud y emancipacion, migracion, desaroyo democratico, prome eleccionnan, derecho di voto di hende muhe, Status Aparte, Lago y refineria, crecemento di San Nicolas y e manera cu turismo a bira un pilar fundamental di nos economia.

ORANJESTAD (2 di september 2026) – Durante conferencia di prensa semanal di Fraccion AVP, Parlamentario Otami Thomasia a haci un yamada pa Aruba establece un marco nacional di curriculum cu ta garantisa cu cada alumno, na cada scol, haya un base comun di conocemento tocante historia, cultura, identidad, ciudadania y sostenibilidad di nos pais. Segun Thomasia, mientras Aruba ta papia di reforma di enseñansa, idioma, tecnologia y preparacion pa mercado laboral, tin un pregunta fundamental cu merece contesta: kico un mucha Arubiano mester sa di Aruba prome cu e gradua? “Nos muchanan ta prepara pa drenta mundo, pero prome nos mester sigura cu nan conoce e pais cu nan ta yama cas,” Thomasia a expresa. Aruba ta un sociedad multicultural y esaki ta representa un di su mayor fortalezanan. Sinembargo, pa cultiva un sentido fuerte di identidad y pertenencia,

Dia 23 di augustus 2026, e exposicion “NOS: Where Past and Present Meet – Heroenan di Libertad”, presenta na Archivo Nacional Aruba, a bolbe mustra e rikeza di historia conserva den nos archivonan y memoria colectivo. Segun Thomasia, e exposicion no a crea e idea aki, pero a recorda comunidad cu hopi di e historia ainda no ta suficientemente presente den nos klasnan. “Cada aña cu nos pospone esaki ta un oportunidad perdi pa un otro generacion. Nos no por permiti cu conocemento di nos propio pais keda limita na archivo, museo of memoria di algun persona. E mester yega sistematicamente cerca nos muchanan,” e parlamentario a enfatisa. Thomasia a señala cu e marco legal di Aruba ya ta ofrece un base pa avansa den e direccion aki. Articulo I.20 di Staatsregeling van Aruba ta reconoce enseñansa como un responsabilidad continuo di Gobierno. Articulo 7 di Landsverordening basisonderwijs ta inclui, entre otro, historia, geografia, naturalesa, musica, formacion social y Papiamento, mientras articulonan 12 y 13

ta trata e leerplan y contenido educativo. P’esey, segun Thomasia, e pregunta no ta si historia y cultura di Aruba tin un lugar den enseñansa. “E pregunta cu nos mester haci ta: ki Aruba nos ta siña nos muchanan?” E parlamentario ta propone pa traha riba un marco nacional di curriculum pa historia, cultura, identidad, ciudadania y sostenibilidad. E marco aki lo establece un base comun di conocemento cu cada alumno, den cada scol, mester ricibi. E intencion no ta pa limita creatividad of libertad profesional di maestro. Al contrario, ta pa brinda un guia comun y garantisa cu conocemento di Aruba no ta depende exclusivamente di e scol cu un mucha ta bishita of e maestro cu e ta haya dilanti di klas. Thomasia ta visualisa un forma dinamico y creativo pa ofrece e contenido. Entre e posibilidadnan tin competencia entre scol, storytelling, debate, proyecto di bario, entrevista cu grandinan, bishita na Archivo Nacional y museonan, musica, teatro y contenido digital. Ora diferente scol ta traha riba e mesun temanan nacional, e combersacion no ta keda limita na klas. E por drenta cas, bario y comunidad, creando un intercambio entre generacionnan y un apreciacion mas profundo pa Aruba. E propuesta ta conecta tambe cu Plan Educacion Nacional 2030 y cu e metanan internacional di desaroyo sostenibel. SDG 4.7 ta promove educacion pa ciudadania,

sostenibilidad y apreciacion di diversidad cultural, mientras SDG 11.4 ta enfoca riba proteccion di patrimonio cultural y natural. “Nos no ta busca pa biba den pasado. Nos ta busca pa comprende pasado, pa forma presente y prepara futuro,” Thomasia a declara. E parlamentario a agrega cu no mester mira conocemento di Aruba como un topico adicional of secundario den enseñansa. E ta un instrumento pa fortalece identidad, participacion democratico, responsabilidad social y proteccion di nos patrimonio cultural y natural. Ora hobennan Arubiano sali pa studia, traha of representa nos pais den exterior, nan mester por conta mundo unda nan ta bin for di dje. Nan mester conoce mas cu nos playanan; nan mester conoce e lucha, sacrificio, cultura, diversidad y historia cu a forma Aruba. Thomasia ta haci un apelacion na Gobierno, sector educativo, maestronan, historiadornan, institucionnan cultural y comunidad pa traha hunto riba e marco nacional aki. E proceso mester inclui conocemento profesional, experiencia di educadornan y participacion di esnan cu ta conserva y conta historia di nos pueblo. “Prome cu nos muchanan sali pa mundo, nan mester conoce cas. Nos no por pidi un generacion proteha un Aruba cu nos nunca a siña nan comprende. Awor ta tempo pa Aruba siña Aruba,” Parlamentario Otami Thomasia a conclui.

DIAHUEBS 3 DI SEPTEMBER 2026

Noel Werleman ta ricibi

“E lens di mi Wowonan Award” pa su contribucion den mundo di deporte Ayera den un ocasion hopi special relata cu dia di prensa, Comite Olimpico Arubano (COA) a atende e evento “E lens di mi wowonan”, cu ta reconoce diferente miembronan di prensa pa nan contribucionnan den e mundo di noticia y prensa. E aña aki nos propio Noel “Nootje” Werleman a ricibi e “ E lens di mi Wowonan Award”, pa su gran talento como fotografo, capturando

nos atletanan local den accion den eventonan local y internacional. Manera ta conoci Noel ta bay e Weganan di e Ciclo Olimpico hunto cu e delegacion di TEAMARU pa COA, unda e ta logra gara e momentonan unico y inmortalisa esakinan a traves di su camara. Noel ta forma parti di COA desde 2013 y danki na su talento y compromiso como artista, ta percura pa semper gara e momentonan special

unda nos atletanan ta destaca. Pabien Nootje! Alabes ta desea di gradici y duna pabien na e ekipo tras di e evento di E lens di mi wowonan, cu ta haci un gran trabou di reconoce y balora nos miembronan di e mundo di prensa, cu sigur ta forma un parti hopi importante di nos mundo di informacion. # T E A M A R U #COA #PRESS #PHOTOGR APHY

SER ta risibí splikashon riba revishon di Koraal Tabak Willemstad, 31 di ougùstùs 2026 – Durante su reunion preparatorio di djabièrnè 28 di ougùstùs, Konseho Sosial-Ekonómiko (SER) a risibí un splikashon riba e proyekto di ordenansa nashonal pa revisá e preskripshonnan di destinashon pa e área di Koraal Tabak. E splikashon a ser duna pa ekspertonan gubernamental ku a ser designá pa minister di Tráfiko, Transporte i Planifikashon Urbano (VVRP )Sr. Charles

Cooper. E proyekto ta kontené un revisihon parsial di e Eilandelijk Ontwikkelingsplan (EOP) pa un área di aproximadamente 218 hektar na Koraal Tabak. E intenshon ta pa kambia parsialmente e destinashon aktual ‘Open land’ den, entre otro, ‘Stedelijk woongebied’, ‘Toeristisch gebied’, ‘Parkgebied’ i ‘Hoofdwegen’. Di e forma ei ta krea un kuadro planológiko pa desaroyo di

e área. E nota di splikashon ku ta akompañá e proyekto dje ordenansa ta kontemplá un desaroyo den fase ku alrededor di 2.800 bibienda, 500 unidat turístiko i diferente fasilidat sosial, rekreativo i komersial. E interkambio a duna SER oportunidat pa hasi pregunta adishonal tokante, entre otro, e nesesidat di bibienda, e efektonan sosioekonómiko, e gastunan públiko, infrastruktura,

protekshon di naturalesa i paisahe, i e posibilidat pa ehekutá e plan. A base di e splikashon risibí i e dosier disponibel, SER ta

sigui ku preparashon di su konseho sosio-ekonómiko. E evaluashon final di SER lo keda fihá den e konseho ei.

P 10

DIAHUEBS 3 DI SEPTEMBER 2026

Playa Film Festival ta cera cu premionan y ta habri inscripcion nobo E festival di cine di Playa a cera su di seis edicion cu entregamento di premio. Miho pelicula cortico internacional a bay pa Francia cu e pelicula di ficcion The Brittle Little Ones. E pelicula aki tabata parti di e competencia di peliculanan online cu a ricibi votonan di pulico. Un otro ganador di e presentacionnan online tabata e documentario cortico Mision Brio dirigi pa Ephrayim Odor. E School Short Story di e aña aki a bay pa Maria College Mavo cu nan storia di Hooiberg. E Kingdom of Short premio publico a wordo gana door di Hobi, un pelicula cortico di ficcion dirigi pa Aramis Garcia Gonzalez. E premio di hurado pa Kingdom of Shorts a bira Fort Buku di Loëlle Monsanto. E anochi di ceremonia a culmina cu e entregamento di e premio Ola di Grandeza, un premio cu ta reconoce e dedicacion y ta duna honor na esnan cu a causa un impacto cultural y a contribui na e desaroyo di un industria di cine local. Rebecca Roos a ricibi e premio pa su 30 aña di contribuicion na Aruba su identidad riba e tereno di documentario y cinematografico. Inscripcion pa consideracion pa participa na Playa Film Festival

2027 a habri. Pa e di siete edicion e competencia online cu votacion di publico lo accepta pelicula te cu 5 aña bieu. Peliculanan cu a wordo presenta publicamente, pero nunca a wordo pasa na Playa tambe ta eligibel. Na 2027, fundacion CINEARUBA ta celebrando 10 aña desde a inicia cu presentacionnan den aire libre. Otro aña ta bay tin presentacionnan gratis pa publico den caya grandi na Playa y den barionan. Pa e presentacionnan aki ta busca peliculanan di comedia of di famia

no mas bieu cu 2 aña y cu no a wordo presenta na Playa Film Festival ainda. E Kingdom of Short cu premio hurado

y publico lo ta bek y ta acepta peliculanan no mas bieu cu 2 aña cu no a wordo presenta publicamente na Aruba

ainda. Pa aplica por bishita https://filmfreeway.com/ playafilmfestival cu ta e unico plataforma cu por inscribi peliculanan.

P 11

DIAHUEBS 3 DI SEPTEMBER 2026

Parlamentario Rocco Tjon

Kico ta pasando cu nos siguridad? Dos hoben ta perde nan bida. Un taxista atraca y maltrata. Atraco riba joyeria ORANJESTAD — Den e transcurso di poco siman, Aruba a registra un cantidad alarmante di incidentenan violento: dos hoben a perde nan bida den tiroteo, un taxista di mas di 60 aña a wordo atraca y maltrata na Cumana, y Gems Jewelry na Palm Beach a wordo atraca door di dos persona arma cu a huy riba un scooter. Tur esakinan den un periodo cortico. Parlamentario Rocco Tjon ta expresa su preocupacion serio tocante e situacion di siguridad riba nos isla y ta haci un yamada urgente na Gobierno pa transparencia completo riba e estado actual di nos instrumentonan di siguridad publico. Un sistema di siguridad efectivo ta consisti di mas cu polis riba caminda. E ta inclui camaranan di siguridad strategicamente situa, radarnan operacional y e infrastructura tecnologico necesario pa detecta y preveni criminalidad. Tur esakinan ta instrumentonan cu ta exigi mantencion regular y cumplimento continuo di obligacionnan financiero. Bou di Gabinete WeverCroes, e infrastructura tecnologico di

siguridad a wordo lanta completamente. Camaranan a wordo instala, radarnan a wordo poni operacional y e presupuesto di husticia a wordo aumenta substancialmente cada aña. Pa nos, inversion den siguridad no ta un gasto, e ta un obligacion di Gobierno. E resultado tabata bisto y cifranan a demostra cu Aruba a bira e pais mas sigur den Caribe. Sinembargo, den maart 2025 Gobierno a anuncia cu nan lo introduci un recorte di 10% riba e departamentonan di husticia. E departamentonan mes a bisa cu e recorte lo ta devastador pa nan capacidad operacional. Nos comunidad ta puntra debidamente ta kico ta pasando. E pregunta ta legitimo: ta con e estado actual di e camaranan di siguridad riba nos isla ta? E radarnan ta operacional? Tur e obligacionnan financiero relaciona cu e infrastructura tecnologico aki ta ‘up and running’? Si no, pakico no? Siguridad publico no ta algo cu bo ta sende paga segun conveniencia politico. E ta un sistema cu mester wordo sosteni tur dia, cu inversion,

cu mantencion, y cu cumplimento di obligacionnan financiero sin excepcion. Ora gobierno ta corta den e presupuesto di husticia, e consecuencianan ta concreto. Nan tin cara, nan tin nomber, y nan tin famia cu ta yora. Pa e motibo aki, Parlamentario Tjon ta pidi

Presidente di Comision Permanente di Husticia, sr. John Hart, pa yama un reunion di comision pa Minister di Husticia por bin responsabilisa su mes riba e estado actual di nos instrumentonan di siguridad, e estado di e infrastructura tecnologico, y e consecuencianan

di e decisionnan presupuestario tuma desde maart 2025. Pueblo di Aruba merece un contesta cla. Nos comunidad merece siguridad berdadero. E minimo cu nos por haci ta garantisa cu tur sistema cu nos a construi hunto ta funcionando mane mester ta.

P 12

DIAHUEBS 3 DI SEPTEMBER 2026

AUTENTICO ARUBA CULINARY FESTIVAL TA LANSA BENTA DI ENTRADA PA THE PAVILION NA WILHELMINASTRAAT DIA 10 Y 11 DI OCTOBER

Aruba Tourism Authority (A.T.A.) ta contento di por anuncia cu ticket pa Autentico Pavilion 2026 ta na benta oficialmente. Den aire liber den e centro di Oranjestad, The Pavilion lo reuni un seleccion amplio di restaurantnan, bars y partners di bebida pa celebra e sabornan autentico di Aruba. E evento ta invita tanto localnan como bishitantenan pa disfruta di un experiencia culinario unico den un ambiente dinamico y festivo. Ticketnan ta disponibel online na www. autent icofest iva l.com of na Super Food Plaza. Day Pass lo ta obtenibel individualmente pa diasabra 10 di october y diadomingo 11 di october pa acceso na e Pavilion, caminda bishitantenan lo por disfruta di un variedad di platonan, bebida y experiencianan gastronomico. Cada entrada ta costa Awg. 54

/ $30 y ta inclui Awg. 20 / $11 na credito di cuminda y bebida, hunto cu un banchi RFID, cual ta permiti bishitantenan pa recarga of paga facilmente na cada stand. Ta importante pa menciona cu Autentico no ta solamente The Pavilion. Restaurant Week 2026 lo tuma luga di 3 te cu 9 di october, caminda diferente restaurantnan participante lo presenta menu special na un prijs fiho. Comunidad por descubri oferta culinario exclusivo y disfruta di algun di e miho sabornan cu Aruba tin pa ofrece. Lista completo di restaurantnan participante y menunan special lo ta disponibel via e website di Autentico y via pagina social di Autentico na @autenticoaruba. Ademas, Autentico ta ofrece localnan y nos huespednan “Bucket List Experiences” riba dia nan selecta. Esaki

ta eventonan exclusivo crea den colaboracion cu e chefnan reconoci local y internacionalmente. E eventonan culinario aki ta diseña pa ofrece experiencianan di comemento memorabel y

unico. Partners selecta di Autentico lo bende cupo atraves di nan canalnan social y website. A.T.A. ta invita comunidad di Aruba pa bin purba, saborea y celebra e diversidad di Aruba su

gastronomia durante Autentico Culinary Festival 2026. A.T.A. ta recomenda tur esnan cu tin interes, pa cumpra nan ticket na tempo pa asina no perde e experiencia culinario unico aki!

P 13

DIAHUEBS 3 DI SEPTEMBER 2026

Accion di Bario na Madiki:

Contacto directo cu comunidad ta keda prioridad cu Prome Minister, el a expresa tambe su satisfaccion cu su situacion actual y a menciona su pensioen. Cu palabra senciyo pero sincero, el a gradici Mike Eman personalmente y a dese'e bendicion pa sigui cu su trabou. E tipo di encuentronan aki ta mustra un otro dimension di Accion di Bario. Banda di trabounan cu ta ehecuta den e vecindario, e bishitanan ta crea espacio pa scucha historia y necesidadnan individual cu no semper ta visibel for di afo.

E Accion di Bario cu recientemente a tuma luga na Madiki a bolbe crea oportunidad pa Prome Minister Mike Eman acerca comunidad, scucha directamente loke ta preocupa habitantenan y mira unda un man di ayudo por haci diferencia. Accion di Bario ta un iniciativa cu Prome Minister Eman y su team ta realisa regularmente den diferente bario di Aruba. E idea ta pa no warda solamente pa necesidadnan y preocupacionnan yega Gobierno, sino pa bay den

comunidad, combersa cu habitantenan y, caminda ta posibel, busca solucion hunto cu e instancianan concerni. Na Madiki, e contacto personal cu habitantenan tabata un parti importante di e accion. Durante e bishita, residente a comparti su gradecimento cu Prome Minister pa e ayudo cu el a ricibi. E señora a conta cu e no tin hende pa yud'e cu cierto trabounan y cu p’e, e man di ayudo cu el a ricibi tin hopi significado. Den

combersacion

Pa Prome Minister Eman, e contacto directo cu comunidad ta keda un parti importante di su manera di traha. Den diferente bario, habitantenan ta haya oportunidad pa comparti nan preocupacion, pero tambe pa expresa nan aprecio pa medidanan cu

ta sinti directamente den nan bida diario. Un di e temanan cu particularmente entre pensionadonan ta genera reaccion positivo ta e aumento di pensioen, un medida cu Gobierno a duna prioridad desde cu Prome Minister Eman a asumi cargo. Na Madiki tambe, e contacto cu residentenan a mustra cuanto impacto medidanan cu toca directamente e entrada y calidad di bida por tin pa un persona.

Accion di Bario ta sigui cu un meta senciyo pero importante: acerca Gobierno na comunidad, scucha, mira loke ta necesario y pone man na obra caminda ta posibel. Pa Mike Eman, cada bario tin su propio necesidadnan y cada habitante tin su propio historia. E contacto directo ta yuda Gobierno comprende ambos miho y sigui traha cu e realidad di comunidad como punto di salida.

P 14

DIAHUEBS 3 DI SEPTEMBER 2026

Bernhardstraat cu ayudo di nos bishitantenan:

Un movemento di trabou boluntario cu ta crece cada siman E vision di Prome Minister Mike Eman pa embeyese Bernhardstraat a cuminsa crea algo cu ta bay mas leu cu solamente verfmento di casnan: un movemento di tarea boluntario cu ta sigui crece. Cada siman, mas hende ta mira loke ta pasando den e bario y ta sinti nan mes motiva pa aporta nan tempo, energia y talento. Loke a cuminsa como un iniciativa pa embeyese casnan ta creciendo y ta logra atrae tanto boluntarionan local como personanan cu ta bishita Aruba. Durante Art Week Aruba, varios participante cu a bin for di Europa a scoge pa dedica parti di nan tempo na e proyecto. Angie Ceretti, Bruno Araújo y Sebastian Bufulette ta un ehempel di esaki. Nan a bin Aruba pa Art Week, pero a tuma tempo pa yuda verf casnan, conecta cu habitantenan y contribui na embeyesemento di Bernhardstraat. Nan a comparti con nan ta disfrutando di e experiencia y con e casnan, despues di haya un capa nobo di verf, ta haya un aspecto completamente diferente: mas fresco, cu

colornan mas briyante y un ambiente cu ta transmiti alegria. Nan ta kere tambe cu un Bernhardstraat mas bunita por contribui na atrae mas bishitante pa San Nicolas. Esaki ta un ehempel bunita di con e proyecto ta logra conecta arte, trabou boluntario y comunidad, y con personanan cu a bin Aruba pa un evento cultural ta sinti nan mes motiva pa tambe laga un aporte positivo atras. Tito Bolivar, director artistico y organisador di Art Week Aruba, a conta cu boluntarionan di European Solidarity Corps tambe a participa den e iniciativa. Como parti di un actividad di team building, nan a bin Bernhardstraat pa pone man na obra y yuda cu verfmento di casnan, den preparacion pa Art Week Aruba y e muralnan local y internacional cu lo cuminsa dia 3 di september. Barbara y Silvia, tambe boluntarionan di Art Week, a comparti nan experiencia. Apesar cu calor y cansancio despues di nan biahe a representa un reto, nan ta disfrutando di e trabou y ta contento di por aporta na comunidad. E fenomeno aki ta bira

cada siman mas visibel: mas hende kier bira parti di e proyecto. E casnan renoba ta hala atencion. E atencion ta crea interes. Y e interes ta transforma den accion. Mas boluntario local ta acerca pa yuda, mientras cu awor tambe bishitantenan for di otro pais ta mira loke ta pasando y ta dicidi di dedica parti di nan tempo na e iniciativa. Esaki ta precisamente e tipo di trabou boluntario cu e vision ta busca stimula: un movemento caminda hende no ta warda riba otro pa haci e cambio, sino ta dicidi di pone nan mes man na obra. Pa e boluntarionan cu ta bin di afo, tin un otro aspecto cu a yama nan atencion: mira Prome Minister Mike Eman personalmente den e bario, poniendo man na obra hunto cu habitantenan y otro participantenan. Nan a expresa cu ta algo special pa mira un lider den contacto directo cu comunidad y participando personalmente den un iniciativa cu ta beneficia e bario. Pa varios di nan, esaki no ta algo cu nan ta mira comunmente den otro pais.

Esey ta un mensahe fuerte: liderato tambe ta duna ehempel. Ora un Prome Minister ta dispuesto pa dedica su tempo y energia na un proyecto comunitario, e ta mustra cu trabou boluntario no ta solamente algo cu nos ta pidi di otro. Cada un di nos por aporta un parti di nos tempo pa haci diferencia. Un persona ta cuminsa. Otro ta mira. Otro ta dicidi di yuda. Y asina, poco poco, un movemento ta crece. E proyecto ta local, pero su spirito no tin frontera. Un persona ta bin di

Aruba, otro di Europa. Un ta residente, otro ta bishitante. Pero ora nan pone man na obra hunto pa un mesun meta, nacionalidad y distancia ta pasa pa segundo plano. Loke ta keda ta union y un deseo comparti pa aporta. Local y internacional, hunto pa un meta: embeyese Bernhardstraat y construi un comunidad caminda cada persona por sinti cu e ta forma parti di dje. E verf ta embeyese e casnan. E trabou boluntario ta uni hende.Y e union ta haci diferencia.

P 15

DIAHUEBS 3 DI SEPTEMBER 2026

FORTALEZA PA FAMIA Scirbi pa Pastor Marcel Balootje.

CAMINDA TIN ABUSO NO TIN STIMACION, NO TIN NADA Abuso ta pica y Dios ta odia pica, awendia tur tipo di abuso ta conoci rond mundo.

Abuso verbal: Ta nifica ofende un hende cu palabra baho of sushi cu ta rebaha su persona.

Nos por duna hopi versiculo biblico tocante Abuso pa hende bay lesa pa nan mes y compronde cu den un bida di abuso no tin nada bon.

Abuso Fisico ; Ta nifica dal of bati un hende, y tambe pa medio di maltrato obliga e persona pa haci locual cu bo kier.

Esaki ta di prome Malakias 2:16. Salmo 11:5. !!!!!! 1 Juan 2:9-11. 1 Juan 4:8. Colosensenan 3:8-9. Efesiosnan 4:26. Lucas 6:45. 2 Corintionan 11;20. Hechonan 14-5-6 Ta bon pa un hende mes busca y lesa pa e por compronde y hanja revelacion di e palabra di Dios y sa cual ta e boluntad perfecto di Dios. Tin diferente tipo di abuso;

Abuso Financiero: Tene un hende abao door di keda sin paga, despues cu e a traha pa bo (Santiago 5:4). Abuso Sexual: Forsa relacion sexual cu un hende sea, prome of despues cu bo dune algo. Haci uso di sex pa yega na bo meta. Tene relacion sexual cu un hende pa motibo di su adiccion y prome of despues dune droga. Tene relacion cu cualkier mucha sea homber of muher cu ta menor di edad. Duna un hende un nomber cu ta desvia for di e sexo den cual Dios a crea e persona. Forsa un mucha pa bende su curpa a cambio di locual e tin mester. Abuso Spiritual: Forsa un hende kere den algo cu no ta existi, of forsa un hende kere den algo cu no ta bini

di e reino di Dios. Forsa un hende acepta, of sinja pa e comporta su mes den un forma cu no ta di acuerdo cu e palabra di Dios. Forsa un hende pa kere den bruheria bao di nomber di cultura y custumber di su grandinan. Esaki ta e forma mundialmente conoci den cual e enemigo ta haci abuso di tanto hende grandi como mucha, y

Oracion Di Dia

esaki ta treciendo hopi dolor den bida social y cas di famia. E mundo a drenta den epoca di libertinahe den cual hende a perde temor di Dios, y a lubida cu nan curpa ta tempel di Dios y e Spirito di Dios ta biba den dje. Coreccion a bira husgamento, y disiplina a bira dificil, pasobra hende kier tende locual ta pone nan horea kishiki. Violencia domestico ta aumenta, pero nos tin di corda tur hende, cu un homber batido di muher of un muher cu ta bringa cu un homber nan relacion cu Dios ta kibra. (lesa Efesionan 5:22-33). Cual ta e educacion cu un pareha por duna na nan yuinan , ora constantemente , nan ta zundra y rabia y bringa dilanti di na yiunan?

Con e muchanan ey por lanta cu un bon educacion, si locual cu nan ta ricibi no ta educacion? Con lo ta e curason di un mucha cu ta lanta mira su mama wordo maltrata constantemente? Abuso y mas abuso, hende no ta balora hende, y hopi no tin temor di Dios. Locual 2 Timoteo 3:1-5 ta papia di tempo trabahoso , ta locual nos ta mirando cu hende no ta stima Dios, pero ta stima material. Tin hende ta soporta abuso di tur forma, pasobra e persona tin cen e ta cria e yiunan, e ta bebe, e ta droga, e tin otro muher, pero e esposa mester keda keto. Abuso no ta bini di Dios,pasobra Dios ta amor, esey ta Dios. Sinceramente, Marcel Balootje.

Pastor

Un feliz dia y cu Dios bendiciona boso ricamente

”P’esey obedece y sigui tur cos cu nan bisa, ma no haci manera nan ta haci si! Pasobra nan mes no ta haci loke nan ta bisa. Mateo 23,1 Rumannan e Palabra di Dios ta siña nos cu nos mester ta atento, hopi hende ta papia bunita pero nan bida ta mustra e contrario.Nos mester purba sigui e bida di Hesus. E no ta facil pero e recompensa ta Bida Eterno. Awo cu ta tempo di Cuaresma ban pidi Hesus laga nos cana hunto cu nE. Si nos conoce su Palabra ban bibe. Ban cana cu Hesus, ora nos trompeca pidi’E lanta nos bek. Bunita ta cay y lanta bek y reconoce cu nos a comete un eror y pidi pordon. Sea humilde. Oracion: Dushi Hesus nos kier ta humilde, cana den Bo pasonan. Guia nos y mustra nos cua ta e obra cu Bo kier nos haci den e Cuaresma aki. Laga nos papia y ta un ehempel di Bo den obra y nos bida diario. Amen.

P 16

DIAHUEBS 3 DI SEPTEMBER 2026

CONSEHO HUBENIL DI 131 A BISHITA DEPARTAMENTO DI ASUNTONAN SOCIAL Desde 2019 131 a incorpora un Conseho Hubenil den e organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta tumando lugar bao di mucha y hoben y pakiko.

nan ta e preocupacionan y problemanan bao di nos muchanan y hobenan.

E Conseho Hubenil ta consisti di 3 hoben, mucha muher y mucha homber, entre e edad nan di 11 pa 24 aña. E personal di 131 ta den contacto estrecho cu e Conseho Hubenil pa asina aki por scucha kiko segun

Ariba 31 di augustus ultimo e Conseho Hubenil a haci un bishita na Departamento di Asuntonan Social. Intencion di e bishita tawata pa e Conseho Hubenil di 131 por a

Tambe e Conseho Hubenil ta ricibi diferente training for di 131 pa asina aki nan tin mas conocemento tocante diferente sector y asina ekipanan mihor. Pa dunanan mas conocemento di e sector social, educacion y husticia, tambe ta organisa diferente bishita na instantcianan pa nan.

haya un bista di kiko e trabao di Departamento di Asuntonan Social ta encera. Tur e seccionan y e servicionan cu e seccionan ta brinda na e comunidad di Aruba. E Conseho Hubenil di 131 a ricibi e informacion y rondleiding for di Marceylaine Paskel, ‘Informatie en communicatie M e d e w e r k e r ’ . Primeramente a duna e Conseho Hubenil di 131 un presentacion tocante e seccionan y e servicionan cu e seccionan ta brinda. Despues e Conseho Hubenil di 131 a ricibi un rondleiding den e edificio di Departamento di Asuntonan Social. E Conseho Hubenil di 131 a keda masha contento di por a ricibi informacion tocante Departamento di Asuntonan Social. 131 y e Conseho Hubenil di 131 kier a gradici Departamento di Asuntonan Social pa ricibi nos y pa e informacion comparti. E Conseho Hubenil di 131 por ser incorpora den 131 danki na sosten di Setar N.V, Aruba Airport Authority N.V., The Salamander Group, ASTEC N.V. y AHATA.Pa mas informacion tocante e Conseho Hubenil di 131 por tuma contacto via nos website: 131.aw, Instagram: Instagram: 131aruba, facebook: ht t ps://w w w.facebook. com/aruba.131, email: 131aruba@gmail.com of telefon 5886138/ 5884011.

SUDOKU