Issuu

DIAHUEBS 24 SEPTEMBER 2026

24 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

MARÍA CORINA MACHADO A INTENTA DRENTA VENEZUELA VIA ARUBA:

EL'A WORDO BLOKIA NA TRES OCASION DEN ULTIMO 24 HORA

GOBIERNO TA IGNORA LEY DI DESTAHO Y TA PAGA UN CONSULTANT 270 FLORIN PA HORA TRUMP NA E ASAMBLEA GENERAL DI ONU: ULTIMATUM NA IRAN Y ANUNCIO DI BASE MILITAR NA GROENLANDIA

DIAhuebs 24 september 2026

TRUMP NA E ASAMBLEA GENERAL DI ONU: ULTIMATUM NA IRAN Y ANUNCIO DI BASE MILITAR NA GROENLANDIA NUEVA YORK — Den un ambiente di tension diplomatico, e di 81 sesion di e Asamblea General di Nacionnan Uni (ONU) a bira e escenario di un di e discursonan combate di e presidente mericano Donald Trump. Bou di e lema incansabel di "Merca Prome", e mandatario a lansa un serie di advertencia geopolitico cu a sacudi e cumbre internacional di mas importante di aña. Entre e puntonan mas critico di su intervencion, Trump a dirigi un ultimatum directo na e regimen di Teheran. El a declara cu Iran mester yega na un acuerdo definitivo y inmediato despues di e proximo eleccionnan na Merca, of e Republica Islamico lo enfrenta e riesgo real di wordo "aniquila militarmente". E reaccion diplomatico no a tarda: e delegacion iraní a bandona e sala di e Asamblea General apenas dies minuut despues cu

e mandatario palabra.

tuma

Dominio den e Ártico y Avance Tecnologico Den e mesun discurso, Trump a haci oficial un acuerdo di siguridad tripartito firma cu e gobiernonan di Dinamarca y Groenlandia. E pacto aki ta autorisa e construccion inmediato di dos base militar mericano grandi den territorio di Groenlandia, un paso estrategico busca pa reforsa e presencia di Merca den e hemisferio norte y frena e influencia di otro potencianan den e region di e Artico. Riba e tereno tecnologico, e presidente mericano a rechasa rotundamente cualkier intento di e comunidad internacional pa impone regulacion o limitacion riba e desaroyo di Inteligencia Artificial. Trump a propone formalmente pa redefini e disciplina a nivel global bou di e termino

" S up er i ntel igenc i a" (SI), argumentando cu Washington no lo permiti pa tratadonan multilateral frena e liderazgo tecnologico y e crecemento economico di su pais. Atake na Organismonan Multilateral Reiniterando su constante escepticismo

pa e institucionnan internacional, Trump a haci un yamada directo na e paisnan miembro pa bandona e Corte Penal Internacional (CPI), calificando e tribunal como un entidad "for di control". Blinda su postura aislacionista, el a defende e decision di su administracion di retira Merca di decenas

di foronan y iniciativanan multilateral. "Mientrastanto otronan a papia di pas, ami a haci pas. Mientrastanto otronan a ignora menasanan, ami a enfrenta nan", a sentencia e presidente mericano, cerrando un intervencion cu ta redefini e rumbo di e relacionnan exterior y e equilibrio di poder global.

DIAhuebs 24 september 2026

MARÍA CORINA MACHADO A INTENTA DRENTA VENEZUELA VIA ARUBA: EL'A WORDO BLOKIA NA TRES OCASION DEN ULTIMO 24 HORA coincidi strategicamente cu e ausencia na Caracas di e presidenta interina Delcy Rodríguez, kende ta na New York participando den e reunionnan diplomatico paralelo na e Asamblea General di Nacionnan Uni. E postura di Machado y su ekipo ta apunta na acusa e administracion interino di ta obstaculisa activamente

ORANJESTAD / PANAMA — E lider opositora venezolano y ganadora di e Premio Nobel di Pas, María Corina Machado, a haci un serie di intentonan cu a fracasa, pa drenta territorio venezolano, via di Aruba y Curacao, incluyendo un intento di coneccion aereo via Aruba, como punto di transito desde Panama. Segun a wordo confirma pa su ekipo di trabou y reportenan diplomatico, Machado a purba di regresa su pais na tres oportunidad den e ultimo 24 horanan via diferente ruta maritimo y aereo, sin exito.

E operacionnan di regreso, cu a inclui plannan pa traslado via avion pa Aruba y Corsou pa despues continua via di lama pa e costa venezolano, a wordo blokia y interumpi pa e autoridadnan di e regimen. Cu e episodionan nobo aki, e dirigencia opositora ta señala cu Machado ta acumula multiples intento frustra di drenta Venezuela desde cu el'a sali di e pais pa ricibi e distincion internacional na Oslo. Tension cu e Gobierno Interino y e Contexto Internacional E intentonan fracasa di regreso via nos region ta

su regreso na e politica local. E escenario politico ta keda dificil debi na e respaldo pragmatico cu e administracion mericano di Donald Trump a mustra na e gobierno di transicion encabesa pa Rodríguez, mientrastanto e conversacionnan di negociacion politico ta avansa na banda di e figura

di Machado. Apesar di e blokionan maritimo y aereo cerca di e frontera maritimo di Aruba, voceronan cerca di e lider opositora a afirma cu Machado lo mantene su determinacion di regresa Venezuela pa lidera e procesonan democratico y insisti riba e yamada pa eleccionnan liber.

DIAhuebs 24 september 2026

A.T.A. ta comparti resultado di augustus 2026 Alabes ta comparti dato tocante e mescla di generacionnan cu ta bishita Aruba

ruba Tourism Authority (A.T.A.) ta monitorea diferente tendencia y profiel di bishitantenan cu ta scoge Aruba como destinacion. Un di e profielnan cu ta wordo analisa ta e diferente generacionnan cu ta bishita nos isla, ya cu cada generacion tin nan propio preferencianan y manera di biaha. Dato Year-to-Date (YTD) te cu augustus 2026 ta mustra cu Gen X (naci entre 1965 y 1980) ta representa e segmento mas grandi di bishitantenan cu 26,4% di mercado. Esaki ta sigui pa Millennials (1981-1996) cu 24,3%, Baby Boomers (1946-1964) cu 23,0%, y Gen Z (19972012) cu 17,4%. E informacion aki ta yuda A.T.A. compronde miho kende ta bishitando Aruba, permitiendo e industria turistico sigui adapta strategianan, producto y experiencia pa atende e necesidadnan di diferente generacionnan di biahero. E STA DIST ICA NA N C O N F O R M E AC T UA L ISACION DEN E INDUSTRIA DI TURISMO STAYOVER, ESTADIA Y PARTICIPACION DI MERCADO Den luna di augustus

2026, Aruba a ricibi un total di 145.750 bishitante stayover y a registra 967.001 nochinan di estadia, cu un promedio di estadia (Average Length of Stay - ALOS) di 6,6 anochi. E distribucion di mercado durante augustus a mustra cu Norte America a continua como e mercado principal, representando 69,6% di tur yegadanan. Sur America a contribui cu 22,3%, Europa cu 5,8%, mientras cu otro regionnan a representa 2,3% di total di bishitantenan. Estados Unidos ta e mercado individual mas grandi pa e luna di augustus cu 96.790 bishitante, mientras cu Argentina a registra 14.901 bishitante. Hulanda ta lidera e mercado Europeo cu 2.720 bishitante. SHORT-TERM VACATION RENTALS (STVR) A.T.A. ta sigui monitorea e sector di Short-Term Vacation Rentals (STVR) pa medio di e plataforma Lighthouse. Pa augustus 2026, e nivel promedio di ocupacion a registra 57%, mientras cu e Average Daily Rate (ADR) pa e luna tabata USD 359. Ademas, e sector a genera un entrada total di aproximadamente USD 36,8 miyon durante augustus 2026.

DIAhuebs 24 september 2026

GOBIERNO TA IGNORA LEY DI DESTAHO Y TA PAGA UN CONSULTANT 270 FLORIN PA HORA

ORANJESTAD — Mientras cu sector di salud publico na Aruba ta enfrenta recorte presupuestario y cu e departamentonan di salud mental y adiccion ta clamando pa mas recurso humano y financiero local, un documento oficial di e Ministerio di Salud Publico (MB di dia 15 di september 2026) a saca na cla un gasto cu ta lanta hopi cuestionamento riba e maneho di fondo publico y transparencia di e actual administracion. E Ministerio a autorisa un deal directo di un consultant hulandes, Koen Aanen, pa un tarifa exorbitante di 270 florin pa hora (Afl. 270,- bruto pa hora), pa un periodo di mas di 8 luna. En total, e contracto ta enbolbi un suma maximo di 194.400 florin di pueblo, financia pa Bureau di e Minister y e Directie Volksgezondheid Mervin Wyatt Ras

Trapando riba e Ley di Anuncio Publico (Aanbestedings-verordening) E aspecto mas critico di e decision aki ta e forma cu e gobierno a haci uzo di uitzonderingsclausules pa evita un destaho publico (onderhandse aanbesteding). E mesun decreto ministerial ta reconoce cu pa mester di sumanan entre 25 mil y 200 mil florin, ley di Aanbestedingsverordening (Artikel 11) ta exigi pa haci un destaho. Sin embargo, a aplica e clausula di excepcion di Artikel 16, lid 1 sub b, alegando cu e e experto aki tin "conocemento specifico cu no ta existi ni ta disponibel actualmente na Aruba" y cu "confiansa ta hunga un rol determinante" den e relacion laboral. E argumento aki ta lanta dudanan profundo den e comunidad profesional local:

Falta di oportunidad pa talento local: Berdad no tin profesionalnan local capacita den e area di innovacion den salud publico o digitalisacion cu por a haya e oportunidad pa presenta un oferta? Transparencia debilita: Laga un destaho pa afo argumentando "confiansa personal" ta habri e porta pa favoritismo y contratacion direct pa amigonan o conocirnan di e ministerio, sin e controlnan debito di e integridade di gastonan publico. 270 Florin pa Hora: Desconecta cu e tealidad di Aruba Mientrastanto cu un trahado promedio na Aruba ta bringa pa cubri e costo di bida y cu e personal di salud existente den e e red di cuido (manera Respaldo o FADA) ta traha bou di presion y cu salarionan limita, e gobierno

ta paga un tarifa di 270 florin pa hora pa maximo 20 hora pa siman. Maske e meta pa "fortifica y digitalisa e cuido di adiccion y salud mental" ta un necesidad, e pregunta crucial ta keda: E gasto aki lo traduci berdaderamente den mehoracion tangibel pa e pacientenan cu ta sufri riba nos isla, o e lo keda un simpel plan di papel mas, financia cu miles di florin di impuesto di pueblo di Aruba? Mas tristo ta cu e Hulandes aki no conoce un patarata di Aruba y pe traha su conseho, e mester bay acudo na tur instancia na Aruba, haci un entrevista, pa djey e skirbi un rapport. E documento entrega pa e minister na Parlamento durante e reunion di comision OV#20 di dia 22 di september 2026 ta expone e mal maneho di Gobierno di Aruba.

Aruba Bank ta orguyoso di sostene IF3 Masters World Championship 2026 Oranjestad – 23 di september 2026 - Aruba Bank ta orguyoso di anuncia su patrocinio di e IF3 Masters World Championship 2026, un evento internacional di functional fitness cu ta tuma lugar na Aruba, den colaboracion cu F3 Aruba y e International Functional Fitness Federation (IF3). E anuncio a wordo haci durante un conferencia di prensa, unda organisadornan di e evento, partnernan y sostenedornan

a reuni pa anuncia e evento deportivo internacional aki. E campeonato lo tuma lugar di 22 te cu 25 di oktober 2026, na diferente lugar na Aruba, cu Centro Deportivo Betico Croes como e lugar principal di competencia. Aruba Bank ta orguyoso di sostene un iniciativa cu ta promove salud, comunidad y excelencia deportivo, mientras ta pone Aruba den un plataforma internacional

DIAhuebs 24 september 2026

Parlamentario Eduard Pieters:

“Parlamento no ta un stempel pa Gobierno uza ora ta conveniente” PPA ta confronta Gobierno riba LNT: “Pa aeropuerto y HOFA nan no a pidi nos opinion. Pakico awe, diripiente, nos ‘gevoelens’ ta importante?” Ora Gobierno a haci excepcion riba LNT pa director di aeropuerto, no a consulta Parlamento ningun momento. Ora Rijkswet HOFA a sigui su proceso pa Rijksministerraad, segun parlamentario di PPA, Eduard Pieters, Parlamento tampoco a haya oportunidad pa duna su opinion prome. Pero awe, cu Gobierno kier cambia Landsverordening Normering Topinkomens (LNT), Gobierno ta tuma curashi pa para dilanti Parlamento pa puntra: kico ta boso ‘gevoelens’? Pa Pieters, e contradiccion aki ta demasiado grandi pa ignora y ta parce mas cu ta burla di Parlamento.

Ora Gobierno Parlamento

mester

Pieters a trece e asunto di HOFA directamente den e debate como ehempel. Segun Pieters, Gobierno no a bin Parlamento prome pa busca su opinion tocante e Consensusrijkswet HOFA, manera a acorda na un IPKO. A djis informa Parlamento cu e proposicion ya a bay pa Rijksministerraad. E mesun pregunta Pieters ta pone riba LNT, unda Gobierno anteriormente a autorisa un excepcion pa remuneracion di CEO di Aruba Airport Authority. Pero tampoco a consulta Parlamento prome.

“Parlamento no ta un stempel” Pa PPA, aki ta e problema fundamental. Gobierno no por pasa riba Parlamento, ora ta trata di e decisionnan sensibel y despues kier busca su respaldo, ora e mester cambia ley. “Nos no ta aki pa wordo uza solamente ora ta conveniente pa Gobierno.” Pa Pieters, Parlamento no ta un stempel politico pa legitima e decisionnan cu Gobierno ya kier tuma. Ta un organo democratico, cu tin responsabilidad pa controla Gobierno.

Ken ta bay cobra mas? Pieters su preocupacion principal ta proposicion number 4 den e proposicion di Gobierno AVPFUTURO pa revision di LNT: introduccion di un normering diferencia y op maat, teniendo cuenta cu situacion regional. Pero PPA kier sa kico esaki ta nifica concretamente. Ken ta bay beneficia? Cua director? Cua entidad? Con e salario lo wordo calcula y ken lo determina e suma? Ki criteria lo tin? Con y ken lo percura pa e normanan? Pieters ta cuestiona tambe kico Gobierno ta nifica cu “region”. “Na cua region nos ta compara?” Caribe? Hulanda? Merca? Pa Pieters, Parlamento no por aproba un concepto sin conoce e criterio cu despues lo determina cuanto un

funcionario halto por cobra.

“gevoelens”

Kico ta pasa cu e institutonan vital? Pieters a menciona ATA y Banco Central di Aruba como e institutonan cu tin un posicion particular y cu mester competi internacionalmente pa e profesionalnan. E kier sa cua compania estatal, entidad of funcion, Gobierno tin na mente pa eventualmente cay bou e sistema nobo. P’esey PPA ta exigi un lista y claridad total, prome cu expresa cualkier opinion positivo.

Transparencia

prome

Pa Pieters, Gobierno no por pidi Parlamento un opinion abstracto sin bisa Parlamento kico e cambio realmente lo produci. “Prome cu nos duna cualkier sentimento positivo, nos kier transparencia total. Con a evalua e LNT? Ken ta bay cobra mas? Pa ken esaki ta? Y pakico?” E debate, pues, no ta solamente riba salario. Ta riba con Gobierno ta trata Parlamento. Pasobra si opinion di Parlamento ta importante, e no por ta importante solamente ora Gobierno mester un “si”. Parlamento no ta un stempel. Parlamento t’ey pa controla Gobierno, specialmente ora Gobierno ta prefera pa no wordo controla.

DIAhuebs 24 september 2026

MEP:

MINISTER WEVER MESTER DUNA CLARIDAD RIBA EXCEPCION DI AAA/ SCHIPHOL

Oranjestad — Durante e tratamento di e Landsverordening Normering Topinkomens (LNT), a surgi dudanan serio riba e declaracion di Minister di Finansas Geoffrey Wever tocante e excepcion cu e Gobierno a duna na Aruba Airport Authority (AAA) na november 2025.

E excepcion pa e salario di e CEO di Schiphol/AAA a wordo duna a base di articulo 12 di e LNT y a wordo ancra den un decreto (Landsbesluit). Gobierno a usa e posibilidad di excepcion cu ley ta ofrece. Durante e debate, Minister Wever a bisa prome cu

articulo 12 no por worde aplica pa duna excepcion na otro directornan, pasobra e aplicacion di e articulo aki lo ta incorrecto. Ora oposicion a confronta e Minister cu e decreto di AAA/ Schiphol, su splicacion a cambia: segun e Minister, no ta e Landsbesluit tabata incorrecto mas, sino e ley di LNT mes tabata incorrecto. Pa MEP, e declaracionnan aki no ta cuadra.

E pregunta fundamental ta: si articulo 12 no ta correcto, riba cua base legal nan a duna e excepcion na AAA/Schiphol? Y si e excepcion tabata legal, pakico e ley di LNT mester worde cambia di e forma

aki awor?

Ora oposicion a confronta e Minister cu e contradiccionnan den su declaracionnan, e reunion a worde suspende riba peticion di e fraccion FUTURO, cu AVP a apoya. Oposicion a anuncia cu

lo prepara un mocion di desconfiansa contra e Minister ora e reunion continua, basa riba tur e inconsistencianan den su declaracionnan. Pa MEP, e asunto aki ta bay mas leu cu solamente e ley di LNT: un Minister mester duna Parlamento informacion completo,

consistente y confiabel. Sin esey, Parlamento no por haci su tarea di control.

MEP ta exigi claridad completo riba e excepcion di AAA/Schiphol, su base legal y e declaracionnan contradictorio di e Minister.

Salida di wega di Instacash “Instant Jackpot 3”. ORANJESTAD – Diahuebs 24 di september 2026: Lotto, e loteria di Aruba, ta informa cu e wega di Instant Jackpot 3 di Instacash lo sali for di mercado diabierna 25 di september 2026. Desde dia 25 di september e wega di Instant Jackpot 3 di Instacash lo sali for di mercado y no lo ta disponibel mas pa wordo cumpra. Si bo tin ticket di Instant Jackpot 3 cu no a wordo cobra ainda, desde

dia 25 di september tin 90 dia pa por cobra e premio y lo por hasi esaki na cualkier rebendedo di Lotto rond di nos isla. Instacash ta dunabo e oportunidad pa hunga bo weganan preferi manera 5X The Cash, 10X The Cash, 20X The Cash, Bingo, Instant Jackpot 5, Shooting Star, Buckets of Cash, Strike, Stack-OCash, High Voltage Cash, Give Me 5, Sevens, Crazy Wild Cash, Win

it All, In Between, Cash Multiplier y Penalty Shoot cu ta dunabo e chens pa gana placa al instante! Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Instacash. Cumprando Lotto bo ta contribui na deporte riba nos isla. E meta ta

pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

DIAhuebs 24 september 2026

Parlamentario Rocco Tjon

Afl. 23.000 pa luna pa un experto Hulandes traha riba plan di GGZ: Falta di transparencia y desprecio pa experticio Arubiano E contract cu Minister Mervin Wyatt-Ras a duna recientemente ta lanta mas pregunta cu contesta. Segun e contract, un experto di Hulanda lo ricibi un suma di Afl. 23.000 pa luna pa traha mita dia, te na un suma maximo di Afl. 194.000. Loke ta haci e situacion aki aun mas alarmante ta cu a duna e contract aki directamente, sin haci ningun sorto di destaho publico. Falta di respet pa e experticio di profesionalnan Arubiano Un di e puntonan mas preocupante ta e echo cu den e ministeriële

beschikking, e Minister ta indica cu na Aruba no tin e profesionalismo ni e conocemento necesario pa eherce e trabou aki. Esaki no ta solamente un decision financiero cuestionabel; e ta tambe un señal di falta di reconocemento y respet pa e experticio di e profesionalnan Arubiano cu ta traha tur dia den e sector di salud mental, y cu tin un conocemento profundo di nos realidad local. Lista di espera ta crece Mientras cu Gobierno ta opta pa gasta Afl. 23.000 pa

luna pa un experto Hulandes traha mita dia riba un plan pa salud mental, un plan cu den practica ya tey caba, e realidad riba caya ta totalmente diferente: • Listanan di espera alarmante: e lista di espera pa cuido specialisa di salud mental ta sigui crece. • Ciudadanonan ta warda sin ayudo: personanan vulnerabel y famianan completo ta keda warda riba ayudo urgente cu, na final di dia, no ta yega. E pregunta fundamental cu ta keda sin contesta ta:

Con por hustifica di paga un suma asina exorbitante pa un plan nobo, mientras cu ya tin un plan integral existente riba mesa y e lista di espera ta sigui crece?

Pa e motibo aki, Parlamentario Tjon a opta pa haci 30 pregunta formal na e Minister concerni, exigiendo transparencia total riba e maneho aki.

Banco Central di Aruba a mantene e reserva obligatorio pa banconan comercial na 12,5% entrante 1 di september 2026 Banco Central di Aruba (BCA) a dicidi durante e reunion di e Comite di Maneho Monetario riba 26 di augustus 2026 pa mantene e tasa di reserva obligatorio pa banconan comercial na 12,5% entrante 1 di september 2026.

Puntonan principal: 1. Reservanan adecua Te cu 24 di juli 2026, reservanan di divisa a surpasa substancialmente e normanan cu BCA ta monitoria. Ademas, BCA ta anticipa cu e reservanan di divisa lo keda adecua durante 2026. 2. Inflacion creciente Ambos indicador di inflacion midi

na final di luna contra e mesun luna di e aña anterior y e promedio anual di inflacion a registra nivelnan di 2,4% y 0,5% respectivamente na juni 2026. 3. Incertidumbre mundial economico E incertidumbre mundial, incluyendo e tensionnan geopolitico persistente, por impacta e reservanan di divisa y inflacion,

cu por causa desviacionnan for di e proyeccionnan cu ta fungi como punto di salida (“baseline”). BCA ta monitoria indicadornan monetario y economico di cerca y lo ahusta su posicion di maneho monetario ora ta necesario pa mantene e tasa fiho di e florin na e dollar Mericano. Pa mas informacion por comunica cu

nos via email na: communications@ cbaruba.org. Banco Central di Aruba 21 september 2026

DIAHUEBS 24 DI SEPTEMBER 2026

Fraccion di MEP:

MINISTER GEOFFREY A GAÑA PARLAMENTO DI ARUBA, TA PREPARANDO MOCION DI DESCONFIANSA ORANJESTAD — Parlamento diamars ultimo a reuni cu Minister di Finansas Geoffrey Wever riba peticion di e minister. Minister Wever kier a haya e sentimento di Parlamento riba cambionan cu e kier introduci pa hisa salario di directornan di companianan estatal. Algo cu e por haci sin problema basa riba e ley di ‘topinkomens’ actual, e ley di LNT. Ademas, gobierno AVPFuturo a aplica e excepcion aki di aña pasa caba, pa director di Schiphol na AAA NV. E reunion a haya un buelta hopi critico, na momento cu e minister, den su contestacion, a gaña Parlamento. Den un conferencia di prensa extraordinario e mesun merdia miembronan di fraccion di MEP a elabora riba e violacion serio aki di parti di e minister. Pa prome, e minister a gaña Parlamento cu el a evalua

e ley existente caba, siendo cu no ta berdad. Y tur fraccion den Parlamento a bis’e cu e mester bay evalua di berdad. Pa di dos, e kier a sconde tras di conseho di Departamento Huridico cu lo a conseh’e pa aplica un maneho favorabel “begunstigend beleid” siendo cu ningun caminda den e conseho esey ta inclui. El’a bolbe gaña pues. Pa di tres, el a gaña cu e no por aplica e mesun excepcion cu el a duna Schiphol, riba e peticionnan di directornan local. Prome el a bisa cu e excepcion tabata incorecto, cu por cierto Gobernador a ancra den un decreto. Despues cu MEP a haci’e pregunta al respecto, el a purba saca su curpa. Pues no un, pero tres mentira den un solo reunion di apenas 2 ora. Un minister cu ta gaña parlamento deliberadamente, no merece confiansa di un parlamento, pero

merece un mocion di desconfiansa. Fraccion

di MEP ta preparando esey pa dia cu e reunion

continua.

Rosario Bibo diabierna 25 di september na Alto Vista Diabierna awo, 25 di september, lo tin otro Rosario Bibo na kapel di Alto Vista. Lo cuminsa resa pa 7 or y mey di anochi y cada persona por presenta su intencion personal of general. Tur hende ta keda invita pa resa pa paz mundial y paz den tur hogar na Aruba. Nos lo resa pa nos hobennan, pa tur esnan cu ta traha tur dia pa e pan di cada dia pa nan famia, pa tur enfermo y hende grandi. Hesus mes a bisa: ‘Unda dos of tres ta reuni den mi nomber, ey mes mi lo tey’ . Uni den orashon sigur nos lo sinti e presencia di Señor. Tambe nos lo pidi nos Birgen di Alto Vista pa sigui proteha nos isla y pa libra nos hobennan di tur mal bicio. Pa nan keda semper riba e bon caminda y bira ciudadanonan ehemplar di nos comunidad. Hoben y adulto ta keda invita pa asisti na otro Rosario Bibo, diabierna awo, 25 di september pa 7 or y mey di anochi na kapel di Alto Vista.

P 10

DIAHUEBS 24 DI SEPTEMBER 2026

Centro Famia Piedra Plat ta pone man na obra pa Cuida Aruba Cu e di tres edicion di Cuida Aruba cada biaha ta sera mas cerca, mas organisacionn comunitario ta uni nan mes na e iniciativa nacional pa motiva participacion den nos barionan. Un di e prome organisacionnan cu a confirma su participacion ta Funacion Centro Famia Piedra Plat, cu lo tuma e iniciativa pa hiba un grupo di boluntario pa haci nos isla limpi. Durante un encuentro na Centro Famia Piedra Plat, Prome Minister Mike Eman, hunto cu Silvhyanne Vrolijk, coordinador di CEDE Aruba, Adriaan Berg, presidente di Fundacion Centro Famia Piedra Plat, y boluntario Leo Vrolijk, a haci un yamada na comunidad pa tuma parti den Cuida Aruba riba diabierna 25 y diasabra 26 di september. Den su apelacion na comunidad, Prome Minister Eman a resalta e papel importante cu Centro Famia Piedra Plat ta hunga riba nos isla. E centro ta un luga di encuentro caminda famia, adulto mayor y mucha ta reuni, comparti y fortalece e sentido di comunidad. Segun e Prome Minister, e decision di e fundacion pa registra como e prome grupo comunitario pa participa den Cuida Aruba ta un ehempel di con comunidad por pone hunto man na obra pa haci un diferencia. Eman a enfatisa cu, aunke gobierno y diferente departamento manera DOW, Bureau City Inspector, Serlimar, CMO y CEDE Aruba ta preparando tur e logistica,

e exito di Cuida Aruba finalmente ta depende di e participacion di pueblo. E accion di limpiesa ta importante, pero e vision di Cuida Aruba ta bai mas leu cu esey. E iniciativa ta invita comunidad pa tuma responsabilidad tambe pa yuda mantene un scol, un centro di bario, un club deportivo of brinda un man na un bisiña cu no por haci e trabounan su mes. Coordinador di CEDE Aruba, Silvhyanne Vrolijk, a expresa su orguyo cu Fundacion Centro Famia Piedra Plat tabata e prome organisacion comunitario cu oficialmente a registra pa participa den e accion di Cuida Aruba. Segun Vrolijk, esaki ta confirma cu Cuida Aruba ta bira un movemento di comunidad, unda cada persona por contribui na su propio manera. El a invita mas fundacion, scol, club, grupo di amigo y famia

pa registra y participa. Segun dje, disciplina y responsabilidad ta cuminsa cu cada ciudadano, y cada grupo cu ta suma nan mes ta motiva otro pa haci mescos. Na nomber di Fundashon Centro Famia Piedra Plat, presidente Adriaan Berg a haci un yamada na e habitantenan di Piedra Plat y e barionan rond di Casibari, Seroe Lopez, Tamarijn, Ayo y Paradera pa participa activamente den Cuida Aruba. Berg a informa cu Centro Famia Piedra Plat lo pone saco pa sushi y otro material na disposicion di e boluntarionan, pa facilita e accion di limpiesa. El a corda pa un y tur corda cuida curpa y nos bario semper tabata forma parti di e tradicion di Aruba, y cu e mesun spirito di comunidad mester sigui guia nos awe. Segun Berg, si cada participante yena

solamente dos saco di sushi, e resultado conhunto lo ta un gran diferencia pa Aruba. P'esey el a anima tur hende pa sali, pone hunto man na obra y motiva otro pa haci mescos. Habitante di Piedra Plat y boluntario Leo Vrolijk tambe a comparti su compromiso cu e iniciativa. El a expresa su speransa cu mas residente lo tuma tempo pa haci e area rond di nan cas limpi y entrega e desperdicio den e punto di recoleccion, pa asina contribui na un bario mas limpi y un comunidad mas bunita. Na final di e encuentro, Prome Minister Eman a resalta cu e spirito di

boluntariado cu ta sali for di comunidad ta loke ta duna forsa na Cuida Aruba. El a invita tur ciudadano pa no wak e accion solamente como un dia di limpiesa, sino como un oportunidad pa pone hunto man na obra, yuda otro y fortalece e sentido di comunidad cu semper a caracterisa Aruba. Cuida Aruba lo tuma luga diasabra 26 di september, cu seis punto di recoleccion reparti den henter isla y cu participacion di un numero creciente di organisacionnan, empresa y boluntarionan cu ta comparti e meta di mantene Aruba limpi, bunita y saludabel pa tur.

P 11

DIAHUEBS 24 DI SEPTEMBER 2026

NO TIN MOTIBO PA CAMBIA NOMBER DI BOCANAN Y OTRO SITIONAN NA ARUBA

na Ingles, Hulandes of Español. Mescos ta conta cu algun hende ta usa incorectamente “ Sharkbay” pa un boca pabow di Andicuri. Su nomber original ta Boca di Cruz. Tin un motibo historico pa cu e nomber ey. No mester gaña turista cu eynan por wak tribon pa haya algun tips extra.

Regularmente Nos Historia Nos Herencia ta tuma nota cu instancianan oficial di Aruba ta cambia y of inventa nombernan nobo pa bocanan of sitionan na Aruba. Nos Historia Nos Herencia a ripara esaki tambe ta pasa cerca guianan turistico, cu mester sa mihor. Prensa en general tambe tin un rol importante pa menciona e nomber corecto y oficial di bocanan y sitionan na Aruba ora di presenta noticia y asina nos generacion hoben y nos Arubianonan nobo por siña e nombernan criollo y corecto. Ta bon pa menciona cu cada boca, marca den lama, bario y sitio na Aruba tin su mes un nomber caba. E nomber por ta na Papiamento of di origen indjan cual nos

mester ta orguyoso di nan. Cada nomber ta bisa algo di e bario of boca y ta relata e historia di e sitio. Cambia un nomber existente ta un falta di respet pa nos antepasadonan y historia di Aruba. Cada bes Nos Historia Nos Herencia ta tuma nota cu ta yama un bunita area di naturalesa pariba di Andicuri : “Blackstone beach”! E nomber corecto di e sitio ta Indjec of Boca di Indjec. No ta pasobra Google maps ta usa, incorectamente, e nomber “ Blackstone Beach “ esey kiermen cu e nomber ta corecto y nos mester usa e nomber aki manera galiña kloks. No tin ningun motibo pa cambia e nombernan di nos Aruba pa un nomber

Ban rescata nombernan di nos Aruba.Ban tuma tempo cu mente habri y cuminsa educa nos mes cu nombernan original di nos barionan, bocanan y sitio. Den un proximo oportunidad Nos Historia Nos Herencia lo trece nombernan di boca y sitio cu ya caba a bai perdi. Pa cualkier hende cu ta desea di haya mas informacion di historia di Aruba, nombernan corecto di boca y barionan libremente por manda e-mail na rober tocroes@hot mail. com of bishita e pagina di Facebook Nos Historia Nos Herencia. E esfuerso pa mantene nombernan original di sitionan di Aruba ta un tarea di nos tur.

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

P 12 Un falta di seriedad total den Parlamento y un falta di respet pa e rol di control di nos representantenan di pueblo. Awe, durante e debate riba e sugerencianan pa cambio di e Landsverordening normering topinkomens (LNT), nos a presencia con e fraccion di coalicion a prefera di core pidi pa schors e reunion, na momento cu e discusion a bira “cayente” y cu e gañamento di Minister Wever a keda exponi den e sala di Parlamento. E realidad ta cu Minister Wever a presenta dilanti Parlamento gañando abiertamente riba e conseho di Directie Wetgeving en Juridische Zaken (DWJZ/2026/811): 1. Minister Wever ta gaña cu DWJZ a conseh’e pa hiba un "begunstigend beleid": Esaki ta FALSO. Den e conseho oficial di DWJZ no ta para ningun caminda cu e Minister por desvia di e ley anticipando cambionan na caminda. Loke DWJZ a aconseha ta pa cambia e ley via e proceso legislativo debido den Parlamento y pa respeta e ley existente (incluyendo articulo 12 di LNT). Minister Wever no por inventa un "begunstigend beleid" pa pasa riba un Landsverordening cu ta na vigor. 2. Minister Wever ta gaña cu el a haci un evaluacion caba: Esaki tambe ta FALSO. DWJZ ta explicito den su conseho na pagina 5 y 6 cu mester instala un Comision di Experto independiente pa haci e evaluacion aki riba e efectividad di e ley den practica. Minister Wever no por pretende cu e carta cu el a manda stakeholders dia 21 di augustus 2026 y nan reaccionnan ricibi den luna di september 2026 ta ekivalente na un evaluacion profesional y independiente manera cu DWJZ a prescribi. E berdadero motibo pakico e coalicion a drenta den panico y a pidi pa schors e reunion, ta pasobra colega De Meza di coalicion (AVP) tabata na caminda pa presenta un mocion pa manda Minister Wever haci su huiswerk. E coalicion a

DIAHUEBS 24 DI SEPTEMBER 2026

Parlamentario Shailiny Tromp-Lee:

“Minister Wever ta gaña Parlamento durante reunion di LNT:

Coalicion ta schors reunion pa miedo di mocion di nan propio colega”

den pleno sala di Parlamento. Y manera semper, cada biaha cos bira cayente y no tur 12 parlamentario di e Fraccionnan di AVP-Futuro ta riba un liña, nan ta core schors e reunion. Un comedia politico En bes di haci nan trabou y deal cu e berdad legal, e coalicion a opta pa schors e reunion supuestamente pa Minister bay haci e evaluacion... e mesun evaluacion cu Minister Wever a declara un rato prome cu el a haci caba! Esaki ta un ridiculez total. Ta bon pa pueblo sa cu ta e propio Lider di Fraccion di Futuro a lanta bisa cu mirando cu minister mester bay haci evaluacion, lo ta miho pa schors e reunion y lag’e bay haci e trabou en cuestion. Un hilaridad politico! Esaki ta un falta di seriedad den Parlamento. Nos no por permiti cu ta uza e mecanismo di schorsing pa corta e discusion, huy for di e control parlamentario y evita votamento riba mocionnan cu ta refleha e sintimento real di e representantenan di pueblo. Mi ta haci un yamada cla y firme:

haya miedo pasobra e mocion aki, cu e sosten di oposicion, lo a

significa un berdadero brevet van onvermogen pa Minister Wever

• Transparencia total: Minister Wever mester stop di gaña y di quote e conseho di DWJZ fuera di su texto real. • Respet pa e competencia di Parlamento: No por kita of flexibilisa e LNT sin cu tin un marco alternativo y concreto (manera e ley di Corporate Governance) cu ta drenta na vigor prome, y sin cu Parlamento ta mantene su derecho di aprobacion previo y di control. • Continuacion inmediato di e reunion: E reunion mester keda reanuda sin mas tardansa pa debati y vota e mocionnan cu ta poni riba mesa. Ora bo tin argumentonan legal y berdad di bo banda, bo no tin mester di core schors reunion. Pueblo merece berdad, transparencia y un Parlamento cu ta haci su trabou di control cu firmeza.

P 13

DIAHUEBS 24 DI SEPTEMBER 2026

Konferensia eksitoso di CARICOM tokante Reparashon ta hiba bos di pueblo Boneriano na Plataforma Mundial

Despues di su partisipashon na di Tres Konferensia Regional di CARICOM tokante Reparashon, ku a tuma lugá final di siman pasá na Barbados, James Finies, fundador di BHRO—un Miembro Asosiá di Komishon di Reparashon di CARICOM i akreditá na Nashonnan Uni—a deklará ku e bos di Boneiru a ser presentá riba un plataforma importante

regional i internashonal pa hustisia reparativo. E konferensia a reuní lidernan Karibense, representantenan i n t e r n a s h o n a l , a k a d é m i k o n a n , organisashonnan di sosiedat sivil i defensornan di hustisia reparador pa enfoká riba futuro di e movementu mundial pa reparashon.

Entre e mensahenan poderoso presentá tabatin e yamada di Presidente di Komishon di Reparashon

di CARICOM, Profesor Sir Hilary Beckles: “Laga e negoshashonnan kuminsá.” Promé Minister di Barbados, Mia Amor Mottley, a enfatisá e demanda di Karibe pa hustisia, miéntras Sekretario General di CARICOM, Dra. Carla Barnett, a deskribí reparashon komo algu ku fundamentalmente ta trata di “rekonosementu, responsabilidat i transformashon.” Pa medio di su intervenshonnan di gran impakto, i su partisipashon aktivo, James Finies a garantisá ku historia, eksperensianan i bos di Boneiru a wordu skuchá i rekonosé komo parti di e importante diálogo regional i global aki. E mensahenan aki tabata poderoso pa Boneiru i henter Karibe., Ademas,

medio

su intervenshonnan i partisipashon, Finies a enfatisá ku e konferensia a demostrá kon e movementu pa reparashon ta progresándo mas aleu ku konmemorashon, den direkshon di akshon, diálogo serio i konstruktivo, negosashon i partisipashon signifikante. “Boneiru tin un bos, i nos lo sigui hiba e bos ey na e plataformanan regional i internashonal di mas haltu. E mensahe for di Barbados tabata kla: e momento a yega pa pasa di palabranan na akshonan konkreto”

P 14

DIAHUEBS 24 DI SEPTEMBER 2026

“Mi a lucha e bon lucha, mi a termina e kareda, mi a keda fiel na Fe.” 2 Timothy 4:7

It is with hearts full of gratitude and peace that we announce the passing of:

Humphrey Eugenio Simmons “Mata Hari” *2 October 1958 - †17 September 2026

Na nomber di su: Mama: Aurelia Simmons Yiu: Eugene “Seintje” Simmons & Leekay Simmons Loefstop Nieto: Kaën Eugene Simmons Rumannan: Janet Simmons Brenda Simmons Turhan y Sherida Simmons Ronald Simmons Cornel Simmons Sheryl y Nelson Petronia Simmons Micheal y Nathaly Simmons Thompson Eric y Claudia Simmons Carti Beverly Simmons Sobrina y Sobrinonan: Valeska, Dieidra, Shaquille, Shakeem, Nia, Naomi, Sheidra, Quadir, Gabriel Mama di su yiu: Zina Lopez Tanta y Tio: Gladys van Heynigen Yvonne Wilson Josepha Leveroch Kennedy Leveroch Yiunan di crianza: Carolina Rodriguez y Famia Sylvana Rodriguez y Famia nan mama Sara Comer y Compader: Poppy La Nooy Carolina & Juan Trinidad Famia nan pega: Lucia Romero, Migalda Jansen Feliciana & Victorine Lopez Deyonne, Derrick, Deshline Matthew Jonathan, Samantha, Jean Carlo Trinidad Amigonan: Roland Leon Nelson Ras Gito Gomez Sonny Elisabeth Bon bisinja/ ayudante: Leonor Placeres Tohar Prima(o) mucho hopi pa menciona na Aruba, Corsow, SXM, Saba, Eux, Merca. Ex-Coleganan di Marriott Casino. Demas famianan Simmons, Wilson, Leveroch, Lopez, Loepstop, Becker, Thompson, Carti, Petronia, Van Heynigen, Hodge, Gibbs, Sammon, Davis, Van Zanten, Pole, Matthew, Levenston. Nos disculpa si den nos tristesa nos por a lubida di menciona un of otro famia. Condolenica lo tuma lugar Diabierna 25 September 2026 na Olive Tree Funeral Care & Crematory San Nicolaas di 7pm pa 9pm. Entiero lo tuma lugar Diasabra 26 September 2026 na Capilla Pos Chikito di 2pm pa 4pm sigi santana na Sabana Basora. Despues di Entiero no ta ricibi bishita di Condolencia na cas.

P 15

DIAHUEBS 24 DI SEPTEMBER 2026

FORTALEZA PA FAMIA. Scirbi pa Pastor Marcel Balootje.

BUSCA FORSA DEN SENJOR, TUR MOMENTO Si e gay di galinja no canta mainta , toch dia ta habri y solo ta sali. Si bo wekker of alarma di telefon no zona pa bo lanta, toch bo ta lanta for di sonjo. Tin hopi cos cu hende ta depende riba dje y nan ta lubida cu Dios tin poder riba tur cos. No pone bo confiansa den

locual hende ta haci of hende por haci , y ora un tardansa sosode, cuminsa murmura y papia malo di hende, of circumstancia pasobra tur cos ta depende di Dios y no di hende. Hopi biaha hende ta den un situacion cu nan kier sali , pero nan no ta sali mientras tanto nan no renoba nan mente y stop di papia malo y cuminsa gradici Dios.

Ora algo sosode semper busca manera pa bo sa, ta con cos por a cambia, ta con bo a yega eynan, samina bo mes, y wak cuanto oportunidad bo a hanja den bida y bo a neglisha y no tira falta riba ningun hende. No complace cu hende y lubida riba Dios, pasobra hende ta dushi cu bo, of contento bo cu mientras cu bo tin y cos ta sali bon na nan fabor, pero despues nan ta lubida riba bo. Ora ta temporada di shimaruco tur hende sa na unda e palu ta , pero ora e temporada pasa nan ta lubida riba e palo.

“ Señor ta mi wardador, mi n’ tin falta di nada; Den cunucu di yerba berde, E ta pone mi sosega. E ta hibami na awa trankil, pa mi bolbe haña forsa.” Salmo 23:1,2,3 Cu profundo tristesa na nos curason, nos ta participa fayecimento di nos ser stima:

Martin Antonio Sanchez

*24 December 1960 - †18 September 2026 Fecha di despedida lo wordo anuncia despues.

Oracion Di Dia

Cana cu Dios diariamente, no wak bo circumstancia, pero sabi cu Dios ta capas pa yuda bo, y libra bo for di locual bo ta den , sea ta trampa di enemigo, of ta bo mes boca, of ta bo mes capricho, of cabes duro, of bo mal actitud, riba tur cos Dios , tin control, y si bo para keto y arepenti, bo yudansa lo yega sigur y na tempo pasobra Dios no ta lubida. No pone placa dilanti di Dios, corda cu tur locual cu bo tin of bo ta bay ricibi, sin Dios bo no por haci nada, corda riba bo salud , corda pone tempo pa Senjor, pasobra ki bal un hende tin tur cos y e perde su alma. Ki bal un hende tin tur cos y e no tin su salud, corda bon no complace hende y lubida riba Dios, pasobra tur amistad y tur relacion ta pasahero, pero solamente den Cristo Hesus nos tin salbacion.

faya, ma Dios ta e fortalesa di mi curason,y mi porcion pa semper. ( Salmo 73:26). Lo Bo warda den pas perfecto, esun cu su pensamento ta permanece den Bo, pasobra e ta confia den Bo. Confia den Senjor ,pasobra den Dios e Senjor nos tin un Baranca eterno. (Isaias 26:3-4). Senjor ta mi fortalesa y mi escudo, mi curason ta confia den dj’E, y mi ta wordo yuda,pesey mi curason ta regosiha,y cu mi cantica lo mi alab’E. Pablo a duna un bon splicacion con hende mester sa di biba, e a bisa den Filipensenan 4 . Mi a sinja di ta contento den ki situacion cu mi hanja mi aden. Mi sa di biba humilde, y mi sa di biba den prosperidad,mi a sinja e secreto di ta barica yen y di pasa hamber, tanto di tin abundancia como di pasa necesidad.

Mi carni y mi curason por "E simia cu a cay den bon tera, ta e hendenan cu ta scucha e palabra y ta ricibi’e cu un curason noble y bon." (Lucas 8, 14) Den e Evangelio di awe Hesus ta splica tocante e parabola di e sembrado.Hesus ta e sembrado cu ta sembra e simia cu ta e palabra di Dios den nos curason. Awo e simia a cay den diferente tereno. E pregunta ta: ki tereno nos curason ta ? Nos curason ta duro manera baranca y ta stek e palabra di Dios of nos curason ta yena di cosnan di mundo y ta stroba e palabra di Dios di tira rais of nos ta scucha e palabra di Dios cu nos horeanan y no ta lag’e drenta nos curason y despues di un rato nos ta lubida tur cos. Pa nos por duna fruta nos curason mester ta tera fertil, un curason noble y humilde cu ta obediente y dispuesto pa cumpli cu e palabra di Dios. Asina aunke nos por haya nos den tur sorto di pruebanan nos ta keda tene duro na e palabra y ta persevera y ta duna fruta y fruta na abundancia. Oracion: Tata amoroso y bondadoso, duna mi e gracia pa mi por tin un curason semper habri pa bo palabra por penetra te den tutu di mi wesonan y duna fruta na abundancia pa medio di Cristo nos Señor.

Amen.

P 16

DIAHUEBS 24 DI SEPTEMBER 2026

PARLAMENTARIO XIOMARA MADURO

MINISTER TA PIDI PARLAMENTO SU APROBACION POLITICO PA POR BYPASS LEY Durante reunion publico riba e Ley di Normering Topinkomens (LNT), Parlamentario Xiomara Maduro a cuestiona fuertemente e ruta cu Minister Wever di Finansa kier sigui pa saca diferente compania y entidad for di alcance di e LNT sin cambio di ley. Minister ta pidi Parlamento su gevoelens, esta un direccion y aprobacion politico, pa e cambionan cu Gobierno kier haci riba e LNT. Pero segun Maduro, e problema fundamental ta cu Minister Wever kier uza un begunstigend beleid pa limita e alcance di LNT mientras e ley mes ainda no a wordo cambia. Minister Wever ta pidi Parlamento su aprobacion politico pa haci algo cu ley no ta permiti. Parlamento no por duna Minister permiso pa ‘bypass” un ley vigente. Si e LNT ta aplica na un compania of entidad, Gobierno no por simplemente pone e entidad ey pafo via un beleid. Si Gobierno kier cambia alcance di e LNT, e

mester presenta un cambio di ley na Parlamento cu ta contene e cambio hunto cu su consehonan huridico y financiero relevante. Durante e reunion a bira evidente cu Minister Wever no a bin suficientemente prepara. Ainda falta claridad por ehempel riba cua entidadnan exactamente ta wordo saca di e LNT, cua ta keda, pakico nan ta wordo trata diferente y con Gobierno kier ehecuta e cambionan legalmente. “E proceso ta robes. Minister Wever mester a haci su huiwerk prome y presenta un solucion cu ta cuadra cu ley. Despues e por pidi Parlamento pa duna su opinion politico.”

Parlamento su tarea ta controla Gobierno, no duna un “cheque blanco” pa Gobierno busca un manera pa bypass un ley cu Parlamento mes a aproba. “Como un hurista, Minister Wever mester sa bon cu e no por pidi Parlamento bay di acuerdo pa e por actua contra ley. E solo echo cu Wever ta propone algo asina, ta condenabel,” Parlamentario Maduro ta enfatisa.

SUDOKU