Diahuebs september 17 2026

P1

DIAHUEBS 17 SEPTEMBER 2026

17 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

INVESTIGACION NA MAXIME NIGHT CLUB RELACIONA CU POSIBEL CONTRABANDO DI HENDE

COMPANIANAN DI STEP Y BICICLETA ELECTRONICO TA PERDE NAN CASO CONTRA GOBIERNO

VARIOS PATRUYA DI POLIS A BAY TOPA BOTO NA RANCHO DI NEL NA BARCADERA

P2

DIAhuebs 17 september 2026

Doño tin un siman di tempo: Lo inicia accion pa retira vehiculonan bandona for di caminda publico

di aspecto visual, el a señala cu luganan descuida y desperdicio acumula por crea condicionnan cu no ta contribui na un ambiente ordena y sigur.

Ultimo oportunidad pa doñonan di vehiculo

Gobierno di Aruba, hunto cu Korps Politie Aruba (KPA) y diferente instancia concerni, ta inicia un accion coordina pa atende e problema di vehiculonan abandona cu pa tempo largo ta ocupa caminda y espacio publico. E accion lo cuminsa na Oranjestad y posteriormente tin intencion pa amplia e iniciativa gradualmente pa otro areanan di Aruba.

E anuncio, haci durante conferencia di prensa cu participacion di Korpschef Ramon Arnhem, Miguel

Wever Coordinador pa Ministerio di Asuntonan General y Win Werleman di Serlimar.

Segun Korpschef Arnhem, durante e ultimo periodo diferente vehiculo bandona a wordo identifica, incluyendo autonan cu no tin plachi number y cu pa tempo considerabel ta para banda di caminda of riba tereno habri.

“Nos no kier e imagen aki mas. E no ta duna un bon imagen pa nos isla,” Arnhem a indica. Ademas

Prome cu pasa pa retiro, KPA ta brinda doñonan di e vehiculonan un ultimo oportunidad pa tuma nan responsabilidad.

Korpschef Arnhem a confirma cu e periodo di aviso ta core te 23 di september. For di 24 di september, autoridad lo pasa pa accion concreto y vehiculonan bandona identifica lo ta retira.

“Si ta bo auto, tuma bo responsabilidad,” Arnhem a enfatisa.

Segun Korpschef, KPA tin posibilidad pa haci investigacion pa determina ken ta doño di un vehiculo, hasta den casonan caminda e auto no tin number. E gastonan relaciona cu retiro y e proceso consecuente lo ta riba cuenta di e doño di e vehiculo.

Prome fase na Oranjestad

Miguel Wever a splica cu e situacion ya ta bou di observacion pa algun luna y cu diferente vehiculo ta identifica den y rond di centro di Oranjestad.

E accion ta conecta cu e esfuersonan pa haci limpia, mantene y revitalisa centro di ciudad, incluyendo Caya Grandi y cayanan den su cercania.

E prome fase lo funciona tambe como un proyecto piloto. E intencion ta pa evalua e proceso, atende eventual obstaculonan y despues sigui gradualmente cu otro area.

“Aruba no ta solamente Oranjestad.”

Auto abandona ta atrae mas desperdicio For di perspectiva di Serlimar, Win Werleman a destaca cu vehiculonan bandona frecuentemente ta bira un punto caminda otro desperdicio ta acumula.

Durante trabou y bishitanan den diferente bario, Serlimar ta topa cu situacionnan caminda desperdicio ta tira rond di vehiculonan cu ta para

pa tempo largo. Esaki no solamente ta afecta imagen di e area, sino por crea problema di higiene y atrae plaga.

Werleman a conecta e accion cu e esfuerso mas amplio di Cuida Aruba y cu responsabilidad comparti pa mantene nos barionan limpi. Segun Werleman, tin hopi ciudadano cu ta coopera y cu ta mantene nan area den bon condicion, pero ainda tin trabou pa haci pa crea un cambio duradero den actitud.

Cu e accion nobo, Gobierno, KPA y e instancianan envolvi kier manda un señal cla: caminda y espacio publico no ta luga pa laga vehiculo bandona indefinidamente.

E yamada na doñonan ta p’esey pa uza e ultimo dianan di aviso pa kita nan vehiculo boluntariamente y evita gasto adicional.

For di 24 di september, e accion di retiro lo cuminsa na Oranjestad, cu intencion pa posteriormente sigui den otro areanan di Aruba.

P3

DIAhuebs 17 september 2026

CUERPO POLICIAL TA INFORMA

Investigacion na Maxime Night Club relaciona cu posibel contrabando di hende Den cuadro di un investigacion penal andando, Unidad di Traficacion y Contrabanda di Hende (UMM) a tene riba diamars 15 di September ultimo un entrada hudicial na Maxime Night Club, situa na Kruisweg den Oranjestad.

UMM a ricibi asistencia di UGC (Unidad di Crimen Organisa), BFO (Bureau Financieel Onderzoek) y polis technico.

A confisca administracion, cargadonan di informacion y un suma di placa.

No a haci ningun detencion

y esey tabata pa rason cu e team investigativo ta ainda analisando tur informacion cu a wordo colecciona. Durante e entrada hudicial a topa cu cuater (4) hende muher posibelmente haciendo trabou di prostitucion y un trahado femenino tras di bar cu no tabata tin permisonan valido cu ta rekeri pa por traha.

E personanan aki a wordo transporta y siguientemente scucha pa e team investigativo di UMM. Nan no a wordo interoga como sospechoso y tampoco nan no a wordo

deteni. E investigacion ta dirigi riba, entre otro, posibel hechonan castigabel relaciona cu contrabanda di hende y cu pone personanan

labora ilegalmente.

E investigacion ta keto bay den pleno desaroyo. Na e momento aki no por duna mas detaye. Polis ta sigui comprometi den e lucha

contra traficacion di hende y contrabanda di hende y ta haci un yamada na victimanan o testigonan pa tuma contacto via tiplijn 11141.

Varios patruya di polis a bay topa boto na Rancho di Nel na Barcadera

Rancho di Nel Barcadera Diamars anochi varios patruya a bay Rancho di Nel situa na Barcadera.

Ey nan lomester a topa un boto

cu a caba di yega.

Esnan cu tin acceso na e radar lo a mira "un boto" cu tawata biniendo di zuid y lo a pidi pa polis haci un control.

Parse cu e situacion actual ta cu

despues cu a habri "frontera" bek cu Venezuela, lo tin un bay bin di botonan.

A pidi pa un k9 pa haci e control riba e personanan y e pickup. Un k9 di polis lo a wordo pidi. Cacho a controla pero no ta haya nada.

E straño ta cu Douane ta eynan mes, y no ta pidi asistencia di nan pa haci e controlnan debido. Pa combati crimen organisa mester team work y nos no ta mirando esey aki riba e isla.

P4

DIAhuebs 17 september 2026

Noticia di Corte

Companianan di step y bicicleta electronico ta perde nan caso contra Gobierno ORANJESTAD – Awe mainta Hues a dicta sentencia den e caso LAR cu e companianan Friendly Green Bike (Green Bike) y Evikes Corporation (Evikes) a cuminsa contra Gobierno.

SOLO DI PUEBLO por a compronde cu Hues a rechaza e demanda di Green Bike y Evikes.

E companianan Bike y Evikes a wordo representa pa abogado mr. de Lange mientras cu Gobierno a wordo representa pa mr.

Gravenstijn.

Ta asina cu Green Bike y Evikes a cuminsa e caso pa pidi Hues pa suspende e demanda di Gobierno di 29 Juni 2026 riba Green Bike y Evikes . Ambos compania a

protesta contra e demanda aki.

E demanda ta mas bien un multa cu Gobierno ta pone riba Green Bike y Evikes pa no ta cumpli cu e reglanan stipula pa Gobierno esta cu mester tin permiso pa ta huur steps y bicicleta di coriente, cual permiso e companianan no tin.

EVALUACION DI HUES Hues den su evaluacion ta mustra cu Green Bike y Evikes a pidi Hues pa suspende e multa di Gobierno pa un periodo di 6 luna, despues cu tin un decision definitivo riba nan perticion pa haya permiso di huur di e steps y biciletanan electronico.

E companianan ta mustra cu si no suspende e demanda di Gobierno, lo perhudica nan financieramente pasobra clientenan no por haci uso

di nan servicio.

Di banda di Gobierno a wordo mustra cu Hues mester rechaza e peticion di e companianan pasobra no tin motibo di urgencia.

Gobierno ta haya cu Gobierno mester actua pasobra aki ta e seguridad den trafico ta core peliger.

Hues den su evaluacion ta mustra cu e ley di transporte publico ta mustra cu ta prohibi pa ta huur vehiculonan sin cu tin e permiso di e Minister di Transporte y Comunicacion. Hues ta mustra tambe cu e ley ta bisa cu si no ta cumpli cu e reglanan, por impone multa.

Hues ta haya cu no tin un motibo di urgencia manera Green Bike y Evikes a bisa pa cu e situacion financiero. Na opinion di Hues, e documentonan cu Green Bike y Evikes a presenta ta duna e impresion cu e situacion di ambos compania ta bao di presion.

Sinembargo e documentonan no ta duna un bista cla riba cual momento e companianan no por cumpli mas cu nan obligacionnan financiero. Hues tambe ta mustra cu e interes di e companianan Green Bike y Evikes no ta pisa mas cu e interes general cu ta encera cumpli cu e deber di tin permiso y e seguridad di trafico. Hues a rechaza e demandanan di Green Bike y Evikes.

DECISION DI HUES

Sabrine Setrodjemino a gradua como Bachelor den Organization, Governance and Management (OGM) ORANJESTAD - 07 di September 2026, Sabrine a defende su tesis exitosamente y a obtene e titulo di ‘Bachelor of Arts’ for di e programa Organization, Governance and Management, Facultad di Arte y Ciencia.

Sabrine Setrodjemino a defende su tesis titula: Building Bridges: Policy-Related Enablers and Barriers Influencing Potential Collaboration Between Directie Volksgezondheid and Quick-Service Restaurants in Obesity Prevention in Aruba Sabrine Setrodjemino a investiga

un tema ainda poco explora na Aruba, den cual actualmente no tin un colaboracion formal entre Directie Volksgezondheid (DVG) y Quick-Service Restaurants (QSRs) den prevencion di obesidad. E investigacion a explora e potencial pa tal colaboracion, identificando e factornan relaciona cu beleid cu por facilita of dificulta esaki, y a formula recomendacionnan pa promove un colaboracion efectivo.

E commision di graduacion tawata consisti di: ● Dr. Mieke de Droog ● Valerie Maduro, MA

● Dr. Esther Vermeulen, Directie Volksgezondheid Ta gradici e docentanan di e departamento di OGM y profesional cu a yuda of guia Sabrine como studiante. Tambe ta gradici tur esnan na y pafo di Universidad di Aruba cu a contribui na un manera of otro na e acontecimento aki.

Pa mas informacion tocante e estudio OGM, bishita e website di Universidad di Aruba na http://www.ua.aw/ ogm, e pagina di Facebook @

UniversityofArubaOGM.MGL y e pagina di Instagram @ua_ogm. mgl.

P5

DIAhuebs 17 september 2026

BUREAU COMMUNICATIE, VOORLICHTING EN Inverti y prepara pa Aruba su seguridad:

KPA A PARTICIPA NA CURSO INTENSIVO TOCANTE CALAMIDAD RIBA DIFERENTE AREA

Oranjestad, ARUBA: Cuerpo Policial Aruba (KPA) a conclui recientemente un curso intensivo di SGBO (Staf Grootschalig en Bijzonder Optreden). E entrenamento aki, cu a dura cuater dia, a wordo duna y guia pa docentenan experto di

Academia di Polis di Hulanda (Politieacademie), consistiendo di Andre Melsen, Harald Braat, Jeroen Rosendaal y Michiel Bitter.

E meta principal di e curso ta pa prepara e personal di mando policial pa maneha situacionnan di gran escala,

calamidad o incidentenan cu ta rekeri un desplegue y coordinacion special. Cu e

curso aki, Cuerpo Policial Aruba ta sigui fortalece su capacidad operacional

y su preparacion pa garantisa e seguridad di nos comunidad.

P6

DIAhuebs 17 september 2026

Dia Internacional di e Ozon 2026; Accion global pa un planeta mas fresco: e exito di e amienda di Kigali y su nificacion pa Aruba ORANJESTAD - Riba Dia Internacional pa Preservacion di e Capa di Ozon tambe yama e capa solar, Directie Natuur en Milieu (DNM) ta invita comunidad henter pa reflexiona riba un di e logronan ambiental di nos era; e Protocol di Montreal y mas recien e amienda di Kigali. Bou di e tema pa 2026, “Accion global pa un planeta mas fresco”, nos ta celebra dies aña di e ‘Kigali amendment’, un compromiso historico cu ta transformando e lucha contra cambio di clima.

E exito di e amienda di Kigali y su impacto mundial. E Protocol di Montreal originalmente tawata pa elimina substancianan cu ta destrui e capa solar. Sinembargo, hopi di e substancianan pa reemplasa esun destructivo, conoci como hidrofluorocarbono (HFC), aunke nan no ta dañino pa e capa di ozon, ta gasnan cu efecto extremadamente potente cu ta contribui na e keintamento global.

Na aña 2016, a adopta e amienda di Kigali pa reduci e produccion y consumo di HFC mundialmente.

Dies aña despues, evidencia ta mustra cu: • Reduccion di e keintamento global: e fase di eliminacion gradual di HFC por evita un aumento den e temperatura global di te cu 0,5 grado Celsius pa fin di e siglo aki.

• Transicion tecnologico: e acuerdo a impulsa e industria pa innova y desaroya sistemanan cu ta fria cu ta mas eficiente den uzo di energia y mas amical cu medio ambiente.

• Accion multilateral: e ta

keda demostra cu ora nacionnan, ciencia y industrianan traha hunto, ta posibel pa alcansa obhetivonan ambiental substancial sin compromete desaroyo economico.

Kico e tema di 2026 ta nifica pa Aruba? Pa un isla di clima semi-arido tropical manera Aruba, e tema "Accion global pa un planeta mas fresco" tin un relevancia directo y practico.

Como un teritorio vulnerabel pa e consecuencianan di cambio climatico manera: e subimento di nivel di lama, e aumento di temperatura y e menasa pa nos ecosistemanan marino (bida di coral), e esfuerso global aki ta di gran importancia.

Den nos bida diario, esaki ta traduci su mes den varios aspecto pa nos comunidad: • Eficiencia den coriente na cas y compania: cu e aumento di temperatura, e demanda pa airco y refrigeracion na Aruba ta halto.

E amienda di Kigali ta haci cu e demanda pa aparatonan moderno cu ta uza menos electricidad ta subi, locual ta yuda reduci e gasto y consumo di coriente den nos hogarnan y e consumo general di combustibel fossiel.

• Maneho di gasnan di refrigeracion: Aruba ta beneficia di e regulacion y control di importacion di gasnan pa friamento, garantisando cu e tecniconan y e industria local di refrigeracion ta uza alternativanan mas ‘safe’ y sostenibel.

• Proteccion di nos biodiversidad: un clima mas fresco ta esencial pa limita e stress di e keintamento riba nos coralnan, nos vegetacion local y e fauna

marino cu ta depende di e balans ecologico den nos region.

Accion local pa un Aruba mas fresco, plantamento di mata den cura y espacio bashi ta yuda; mientras cu e amienda di Kigali ta actua na nivel industrial y di gasnan di haci friamento, na Aruba nos tambe por tuma accion directo den nos mesun cura of bario. E meta pa planta 100.000 mata rond di e isla ta un ehempel con nos por contribui na e esfuerso aki. Matanan y pal’i mata local ta e "airco natural" di nos suela.

Nan ta absorbe carbono, ta duna sombra, ta purifica aire y ta baha e temperatura rond di cas. Door di apoya y participa activamente den e plan di replanta/ reforestacion,

cada ciudadano ta yuda crea un microclima mas fresco, proteha nos biodiversidad y ta haci Aruba mas resiliente contra e keintamento global.

Como organo encarga cu e proteccion di nos medio ambiente, DNM ta enfatisa cu e celebracion di e aña aki ta un recordatorio cu proteccion di nos atmosfera no ta responsabilidad di paisnan grandi so, pero un compromiso conhunto cu ta beneficia tur. Ban aporta na un planeta y un Aruba mas fresco door di adopta tecnologianan sostenibel y door di planta un mata awe pa e generacionnan di mañan! Feliz dia Internacional di preservacion di e capa solar 2026.

P7

DIAhuebs 17 september 2026

Animalnan di Cria nobo pa Santa Rosa

Tabata for di aña pasa caba cu e yega na e idea pa trece Animalnan di Cria y puro rasa y pa genetica nobo. Esaki tabata den un Memorandum of Understanding (MOU) firma e tempo ey hunto cu Comicion Pro Cunukero Arubano (CPCA). Sigur esaki lo ta un empuhe y fortalece cria di bestia local.

Diadomingo ultimo esaki a bira realidad cu na momento cu 64 animal di cria nobo y di puro rasa a yega Aruba.

Nos ta papiando aki di 26 Cabrito, 18 carne y 20 Porco.

Den un conferencia di prensa minister di Economia, Finansa y Sector Primario sr.

Geoffrey Wever a keda oficialmente anuncia.

Sigur hopi contento di por a logea un otro meta hopi importante pa Sector Primario di Aruba. Ta despues di 14 aña esaki a bolbe tuma lugar pa Departamento di Agricultura, Cria y Pesca Santa Rosa.

Di parti di Departamento di Agricultura, Cria y Pesca Santa Rosa na encargo tabata sr. Edward Berben kende tabata tin e tarea pa hasi un investigacion riba mercado internacional pa mira con ta logra cu guia pa yega na esaki.

Sra. Nathalie Maduro director di Departamento, di Agricultura, Cria y Pesca Santa Rosa durante e conferencia di prensa a enfoca riba esnan cu ta interesa den e ehemplarnan aki di cria cu mester ta registra na Santa Rosa pa por yega na remarke.

Sr. Edward Berben a splica riba e diferente tipo di rasa manera entre otro, Boergeit y Anglo Nubian. Tipo di rasa di Carne ta e rasa “Dorper” y e Porconan ta cu ta entre otro Hamshire y Duroc cu ta tipo di animalnan di cria puro rasa cu ta yega na peso adecuado pa benta cu productonan di carni local.

Esnan cu tambe a aporta na e logra grandi aki ta esna di Comicion Pro Cunukeronan Aruba kende ta na cabez sr.

Jair Britten kende tabata sumamente contento cu e logro aki pa Aruba y pa nan cu ta nan tereanan di tur dia cu cria di bestia manera Cabrito y Carne.

Lo tin disponibel18 di e ehemplarnan aki na benta pa Criado/ productornan di Carni di Cabrito of Carne interesa.

Di parti di Gobierno di Aruba pa medio di su minister encarga cu Sector Primario ta felicita y gradici tur esnan envolvi cu e hasi e proyecto aki di animalnan di cria un realidad.

Departamento di Agricultura, cria y Pesca Santa Rosa tambe ta gradici su team completo cu a pone mannan na obra pa por a logra esaki riba e diadomingo di yegada pa por acomoda tur e ehemplarnan aki na nan lugar destina.

P8

DIAhuebs 17 september 2026

Parlamentario Jennifer Arends-Reyes:

“Continuidad y calidad di cuido na HOH mester keda garantisa”

ORANJESTAD (15 di september 2026) - Horacio Oduber Hospital ta un institucion vital pa Aruba.

P’esey, preocupacion tocante su situacion financiero mester wordo trata cu urgencia, transparencia y responsabilidad.

Durante tur discusion entre gobierno, AZV y HOH, continuidad y calidad di cuido pa pueblo mester keda garantisa.

Recientemente, fraccion di AVP a bishita directiva di HOH pa tende directamente cua ta e problemanan cu hospital ta enfrenta. A base di e informacion ricibi, e fraccion a pidi pa minister encarga cu salubridad presenta na parlamento.

“Ta importante pa sa cuanto cuido AZV ta cumpra, con e tarifanan ta wordo calcula y si e compensacion actual realmente ta cubri costo di cuido. HOH, na su turno, mester presenta su cifranan y demostra unda por mehora eficiencia,” parlamentario y lider di fraccion di AVP, Jennifer Arends-Reyes, a declara.

Director di HOH a aclaria

cu actualmente no tin un menasa inmediato pa pago di salario. Sin embargo, e riesgo principal ta cu, si hospital no ricibi suficiente fondo pa cubri costo real di cuido, e por wordo obliga limita cuido planeabel. Esaki por resulta den lista di spera mas largo y posponemento di tratamento.

Segun Arends-Reyes, ta importante pa pueblo compronde e diferencia.

E preocupacion no ta solamente tocante funcionamento interno di hospital, sino tocante e impacto cu falta di financiamento por tin directamente riba pashent y acceso na cuido.

E situacion financiero tin diferente aspecto. Costo di remedi, material medico, transporte, energia y otro servicio operacional a aumenta. Alabes, demanda pa cuido ta sigui crece y poblacion di Aruba ta embeheciendo.

Tambe mester tin claridad tocante servicio y tratamento cu posiblemente no ta wordo compensa completamente.

Analisis Independiente pa

claridad.

Gobierno, AZV y HOH a acorda pa laga realisa un analisis financiero independiente, cu meta di determina cuanto fondo hospital realmente mester y cua decisionnan ta necesario pa garantisa continuidad di cuido.

“Mientras e analisis ta andando, pashent mester por sigui conta riba cuido accesibel, sigur y di calidad.

Incertidumbre financiero no por wordo pasa riba pashent, personal di salud ni famianan cu ta depende di hospital,” Arends-Reyes a bisa.

Segun e parlamentario, e analisis mester produci un imagen completo y confiabel di situacion financiero di HOH. E resultado mester permiti un discusion basa riba cifra verificabel.

Arends-Reyes ta enfatisa cu cada instancia tin un responsabilidad cla.

HOH mester presenta cifra transparente y sigui identifica unda eficiencia por wordo mehora, sin compromete calidad di cuido. AZV mester splica cuanto cuido e ta cumpra, con compensacion ta wordo determina y si e tarifanan ta cubri costo real di e servicionan brinda.

Gobierno, na su turno, mester garantiza cu sistema di salud tin suficiente recurso pa ofrece e cuido cu poblacion mester, tanto awor como den futuro.

Tambe mester investiga posibilidadnan responsabel

pa amplia ingreso di hospital mediante otro fuentenan di entrada, conoci como “derde geldstromen”. Un ehempel por ta cuido brinda na pashent di exterior. Sin embargo, esaki semper mester sosode sin perhudica acceso of disponibilidad di cuido pa habitantenan di Aruba.

Cooperacion pa un hospital sostenibel

Pa fraccion di AVP, e solucion ta rekeri cooperacion serio entre gobierno, AZV y HOH. “Nos meta comun mester ta un HOH fuerte, sostenibel y prepara pa brinda e cuido cu Aruba mester. Un hospital sigur y accesibel ta un condicion basico pa un sociedad cu ta pone hende prome,” Jennifer ArendsReyes a conclui.

P9

DIAHUEBS 17 DI SEPTEMBER 2026

KPA A PARTICIPA NA CURSO INTENSIVO TOCANTE CALAMIDAD RIBA DIFERENTE AREA

Grootschalig en Bijzonder Optreden). E entrenamento aki, cu a dura cuater dia, a wordo duna y guia pa docentenan experto di Academia di Polis di Hulanda (Politieacademie), consistiendo di Andre Melsen, Harald Braat, Jeroen Rosendaal y Michiel Bitter.

E meta principal di e curso ta pa prepara e personal di mando policial pa maneha situacionnan di gran escala, Oranjestad, ARUBA: Cuerpo Policial Aruba

(KPA) a recientemente

conclui un curso

intensivo di SGBO (Staf

calamidad o incidentenan cu ta rekeri un desplegue y coordinacion special. Cu e

curso aki, Cuerpo Policial Aruba ta sigui fortalece su capacidad operacional y su preparacion pa garantisa e seguridad di nos comunidad

P 10

DIAHUEBS 17 DI SEPTEMBER 2026

Parlamentario di AVP, John Hart “Aruba no por sigui laga inmigracion core riba piloto automatico” ORANJESTAD — Aruba mester un modelo moderno di inmigracion y integracion cu ta conecta cu e realidad di mercado laboral, crecemento y emehecemento di poblacion, capacidad di nos infrastructura y necesidadnan futuro di pais. Parlamentario John Hart lo pone e tematica aki riba agenda prioritario di parlamento.

Durante conferencia di prensa semanal di fraccion AVP, Hart a indica cu Parlamento no mester limita su mes na problemanan di awe, sino mester anticipa tambe riba retonan cu, si nan no wordo atende na tempo, por bira mucho mas grandi den e proximo dies añanan.

“Nos tin cu papia di e temanan dificil den parlamento. Nos mester debati problemanan actual, pero tambe anticipa riba e retonan cu por afecta e siguiente generacion. Ta importante pa parlamento sostene un debate tocante un modelo di inmigracion y integracion cu ta prepara Aruba pa futuro,” Hart a declara.

E parlamentario a referi na e rapport publica pa SER na 2025 y na cifranan di Centraal Bureau voor de Statistiek, CBS, cu ta mustra e papel importante cu migracion tin den desaroyo demografico di

Aruba.

Durante e ultimo 50 añanan, crecemento di poblacion di Aruba a wordo determina principalmente pa migracion, ya cu e diferencia entre cantidad di nacemento y morto ta relativamente chikito. Entre 1988 y 2016, poblacion casi a dobla.

Tambe tabatin periodonan di reduccion, particularmente durante momentonan di dificultad economico y durante e pandemia entre 2020 y 2022.

Na final di e segundo kwartaal di 2025, Aruba tabatin 109.435 habitante, un aumento di 0,9% compara cu final di 2024.

E crecemento aki tabata principalmente e resultado di un aumento di 21,4% den cantidad di persona cu a migra pa Aruba, compara cu e mesun periodo di 2024.

Mercado laboral ta exigi vision

vision cla di gobierno riba inmigracion y integracion pa futuro.

“Ken nos mester? Cuanto hende nos tin mester?

Pa cua sector? Pa cuanto tempo y bou di cua condicion? E preguntanan aki mester wordo contesta a base di informacion confiabel y un vision nacional,” Hart a enfatisa.

Aruba tin mester di ordo, direccion y un politica cu ta trata inmigracion di acuerdo cu e realidad di awe y mañan. Pais no por sigui reacciona solamente ora un problema ya a bira demasiado grandi.

Modernisa e LTU Segun Hart, ta tempo pa revisa Landsverordening Toelating en Uitzetting, LTU, cu un mirada moderno. E LTU ta determina, den gran medida, ken por drenta Aruba, ken por keda y bou di cua condicion.

Hart ta reconoce cu Aruba actualmente tin necesidad di trahado den diferente sector.

Embehecemento di poblacion ta pone mas presion riba mercado laboral, mientras sector hotelero, construccion y horeca ta sigui enfrenta necesidad grandi di suficiente personal.

E esencia di e debate no mester ta simplemente “mas of menos inmigracion”. E pregunta fundamental ta cua tipo di trahado y talento Aruba tin mester, cuanto persona tin mester, bou di cua condicion nan por traha y biba na Aruba, y si nan estadia ta temporal of pa un periodo mas largo.

Sin embargo, parlamentario,

“Aruba di awe no ta e Aruba di decadanan pasa.

segun e falta un

Nos economia, poblacion y mercado laboral a cambia.

E sistema di inmigracion tambe mester cambia.

Nos no por combati ilegalidad na un banda y, na e otro banda, permiti cu dunadornan di trabou beneficia di un sistema cu ta pone hende den vulnerabilidad,” Hart a expresa.

Inmigracion y Integracion Simultaneo Pa Hart, e debate mester bay mas leu cu solamente toelating y uitzetting.

Un modelo completo mester inclui registracion adecuado, necesidadnan di mercado laboral, integracion, vivienda, control, aplicacion di ley y retorno ora estadia termina.

Un politica moderno mester brinda claridad tanto na e persona cu ta bin traha na Aruba como

na dunadornan di trabou y instancianan encarga cu control. Alabes, e mester proteha trahadornan contra abuso y evita cu un sistema debil contribui na ilegalidad, explotacion of mas presion riba servicio publico.

Hart lo trece e tematica aki den comisionnan parlamentario cu meta di inicia un debate amplio, basa riba cifra y participacion di instancianan relevante.

“Aruba no por sigui laga inmigracion core riba piloto automatico.

Nos mester un modelo cu ta brinda direccion, responde na necesidad di nos economia, promove integracion y proteha tanto nos comunidad como e personanan cu ta bin contribui na nos pais,” parlamentario John Hart a conclui.

P 11

DIAHUEBS 17 DI SEPTEMBER 2026

Fraccion di AVP:

“AGTC ta fortalece posicion di Aruba den turismo internacional” ORANJESTAD (15 di september 2026) – Fraccion di AVP tabata presente na Aruba Global Travel Conference 2026, AGTC, un encuentro importante cu ta reuni partnernan internacional y local pa intercambia conocemento, fortalece relacionnan comercial y presenta e desaroyonan mas reciente den industria turistico di Aruba.

E conferencia, organisa pa Aruba Tourism Authority, A.T.A., den colaboracion cu Aruba Hotel and Tourism Association, AHATA, ta conta cu participacion di 81 profesional internacional proveniente di Norte America, Latino America y Europa. Entre nan tin tour operator, representante di aerolinea y otro actor importante den industria turistico.

Pa Fraccion di AVP, AGTC ta representa un plataforma valioso pa sigui fortalece colaboracion entre Aruba y su mercadonan principal. E conferencia ta brinda oportunidad pa presenta nos destinacion, intercambia informacion tocante tendencianan internacional y mantene partnernan na altura di e desaroyonan cu ta tumando luga riba nos isla.

E presencia di pr ofe s ion a l n a n internacional ta crea espacio tambe pa

contacto directo cu representantenan di nos industria local.

E intercambio aki ta importante pa construi relacionnan duradero, identifica oportunidadnan nobo y sigui posiciona Aruba den un mercado turistico altamente competitivo.

Calidad y Sostenibilidad Turismo ta permanece un pilar esencial di economia di Aruba. P’esey, segun Fraccion di AVP, pais mester sigui inverti den calidad, innovacion, servicio y sostenibilidad.

Crecemento turistico mester bay man den man cu proteccion di nos naturalesa, oportunidadnan pa nos trahadornan y beneficio concreto pa comunidad.

Aruba no mester concentra solamente riba cantidad di bishitante, sino tambe riba calidad di e experiencia y e balor cu turismo ta genera pa pais.

Un destinacion fuerte no ta wordo midi solamente pa cantidad di turista cu e ta ricibi, sino tambe pa calidad di empleo cu sector ta crea, oportunidadnan cu ta yega cerca empresa local y e manera den cual desaroyo turistico ta contribui na bienestar general.

Colaboracion ta Clave pa Competitividad

Fraccion di AVP ta considera colaboracion entre gobierno, sector turistico y partnernan i n t e r n a c i o n a l indispensabel pa logra un desaroyo responsable y balansa. E conexionnan crea durante AGTC por contribui na mihor promocion, mas conocemento di producto Aruba y un oferta cu ta sigui responde na expectativanan di bishitante moderno.

Alabes, e conferencia ta brinda Aruba oportunidad pa destaca temanan importante manera turismo responsabel, sostenibilidad y proteccion di e caracter unico cu ta distingui nos isla for di otro destinacionnan.

Fraccion di AVP ta felicita A.T.A., AHATA y tur

partner local cu a contribui na organisacion di AGTC 2026. Nan esfuerzo ta yuda fortalece e nomber di Aruba internacionalmente y confirma cu nos isla ta un destinacion reconoci pa su hospitalidad, calidad y experiencianan unico.

“AGTC ta un oportunidad pa mustra loke Aruba

tin di ofrece y pa sigui construi relacionnan cu ta importante pa futuro di nos turismo.

Hunto nos mester sigui traha pa un sector fuerte, competitivo y responsabel, cu ta crea beneficio sostenibel pa henter nos comunidad,” Fraccion di AVP a conclui.

P 12

DIAHUEBS 17 DI SEPTEMBER 2026

DESPUES DI 38 AñA DI SERVICIO NA KPA, ANTHONY “TONY” YEARWOOD TA BAHA CU PENSIOEN

retiro. Pero awor aki, sr. Tony ta gozando di su dianan di vakantie, rustdag y ATV-dagen prome cu e baha y disfruta di su pensioen bon mereci.

Na e ocasion aki a conta tambe cu presencia di Altocomisario di Polis, Sr. Ramon Arnhem, cu a haci entrega di Oranjestad, ARUBA: Recientemente, coleganan di Districto di Oranjestad a organisa un despedida ameno pa Sr. Tony Yearwood, un persona masha conoci

y stima pa hopi den e districto.

na servicio di su pais, Aruba.

Durante un almuerso, coleganan a bini hunto pa comparti anecdota y recorda e 38 añanan cu Sr. Tony a dedica

Dia 26 di december 2026 lo ta su ultimo dia activo como polis y dia 27 di december 2026 lo marca e inicio di su

un regalo na Sr. Yearwood y a expresa e siguiente palabranan: “Tony, danki pa e añanan cu bo a dedica na KPA y na Aruba. Bo a contribui na formacion di hopi polis,

comunidad a respeta- y respaldobo y di e forma aki nos ta honra bo, pa bo servicio y pasion. Masha danki.”

Cuerpo Policial Aruba ta expresa su mas profundo gratitud na Sr. Tony Yearwood pa su añanan di dedicacion na nos organisacion policial y ta desea tur lo cos bon den e etapa nobo aki di su bida.

Danki na e famia di Tony pa e sosten y apoyo pa locual ela gusta mas, di a sirbi su pais como polis. Goza di e pensioen bon mereci Tony!

P 13

DIAHUEBS 17 DI SEPTEMBER 2026

Parlamentario Jennifer Arends-Reyes:

“Aruba mester un plan sostenibel pa scolnan sigur y digno” ORANJESTAD (15 di september 2026) – E condicion structural di hopi scol na Aruba ta exigi accion planifica, inversion sostenibel y control permanente.

Parlamentario y lider di Fraccion di AVP, Jennifer Arends-Reyes, ta desea di wak pa gobierno presenta un plan multianual transparente pa elimina e atraso den mantencion y prepara nos red escolar pa e necesidadnan di futuro.

Un inventario publica ta identifica necesidadnan urgente na 43 scol den diferente districto.

E subtotalnan pa e cinco districtonan menciona ta suma aproximadamente Afl. 173,6 miyon, mientras cu e documento ta indica un total di Afl. 137,6 miyon, sin inclui scolnan di Oranjestad y scolnan secundario.

“Sea cual sea e cifra final, un cos ta cla: e atraso den mantencion a bira enorme den transcurso di añanan.

Gobierno mester aclara e cifranan y presenta un plan concreto pa atende e situacion,” Arends-Reyes a declara.

Durante hopi aña, mantencion preventivo no a haya e continuidad necesario. Un filtracion chikito cu no wordo drecha na tempo por caba na daña henter plafond, muraya y instalacion electrico.

Humedad por afecta

calidad di aire, tuberia y baño por deteriora, mientras calor excesivo y falta di ventilacion por afecta concentracion y bienestar di alumno y maestro.

Facilidadnan deportivo, porta, bentana y sistemanan di siguridad tambe mester cumpli cu condicionnan basico.

Segun Arends-Reyes, e problema no ta limita na estado di e edificionan, sino ta toca directamente siguridad, salud, dignidad, continuidad di les y calidad di enseñansa.

“Nos no por pidi excelencia den enseñansa si alumno y maestro mester funciona den edificio cu no ta ofrece condicionnan basico,” e lider di Fraccion di AVP a enfatisa.

Inventario completo prioridad transparente

y

Arends-Reyes ta propone pa gobierno publica e inventario completo ora ta asina leu, incluyendo condicion actual di cada scol, trabounan necesario, costo estima, nivel di urgencia y e instancia responsabel pa ehecucion.

Scolnan cu tin un riesgo directo pa salud of siguridad mester cay den categoria di emergencia.

Despues mester sigui situacionnan urgente cu por bira peligroso, mantencion necesario cu mester wordo programa

y, finalmente, trabou preventivo pa evita daño den futuro.

Debido na magnitud di e atraso, no ta realistico pa atende tur scol dentro di un solo aña presupuestario.

P’esey, gobierno lo mester presenta un plan multianual.

“Si e problema a acumula durante diferente aña, e solucion tambe lo mester pasa pa diferente presupuesto. Pero cada mucha cu ta bay scol awe merece sa cu tin un plan concreto pa drecha su scol,” Arends-Reyes a bisa.

Inversion mester considera tambe futuro di poblacion escolar.

Ademas di identifica cua edificio mester wordo renoba, gobierno mester analiza con poblacion escolar ta desaroya.

Cantidad di alumno por cambia pa motibo di bahada den cifra di nacemento, migracion y movecion di famianan entre diferente districto.

Prome cu inverti sumanan grandi, mester analiza e cantidad actual y proyecta di alumno pa cada scol, capacidad di cada edificio y necesidad educativo di cada districto. A base di e informacion aki, mester evalua si tur scol mester keda funciona den nan forma actual of si, den algun caso, fusion entre scolnan por ta un opcion

sostenibel pa despues.

“Fusion di scol no por wordo dicidi solamente pa motibo financiero.

Bienestar di muchanan, distancia pa yega scol, transporte, calidad di enseñansa, identidad di cada scol y e efecto riba maestro, mayornan y comunidad mester forma parti di e evaluacion,” Arends-Reyes a declara.

Cualkier cambio eventual mester basa riba cifra confiabel y consulta amplio cu schoolbestuur, maestro, mayornan y comunidad. E meta mester ta pa concentra recursonan na unda nan por garantiza mihor condicion, mas calidad y continuidad di enseñansa.

Mantencion permanente pa proteha inversion Arends-Reyes ta enfatisa cu, ademas di renobacion, cada scol mester haya inspeccion periodico, un presupuesto anual pa mantencion, un registro di defecto, responsabilidad cla y un termino maximo

pa atende problema urgente. Esaki ta necesario pa evita cu edificionan renoba bolbe deteriora pa falta di cuido.

E programa di renobacion por crea oportunidad tambe pa contratistanan chikito y mediano, tecnico, electricista, loodgieter, pintor y otro profesional local, semper cu tin supervision adecua, procedimento transparente y control estricto di calidad y gasto.

“Nos mester inverti cu vision, pasobra cada florin destina na enseñansa mester beneficia nos muchanan lo maximo posibel. Un scol sigur y digno no ta un luho; e ta un condicion basico pa bon enseñansa,” Jennifer Arends-Reyes a conclui.

P 14

DIAHUEBS 17 DI SEPTEMBER 2026

P 15

DIAHUEBS 17 DI SEPTEMBER 2026

FORTALEZA PA FAMIA Scirbi pa Pastor Marcel Balootje.

Y NAN DOS LO TA UN CARNI Ora e Palabra di Dios ta bisa y ta sinja nos cu den Matrimonio dos ta bira un carni, esey ta nifica: Cana hunto y stop di competi., esey ta nifica un carni.

Pasobra e enemigo di nos alma cual ta e diabel, ta capas pa trece hasta envidia entre pareha, Pustamento: Un ta traha duro aki banda y otro ta gasta tur cos aya banda, Un ta responsabel y e otro no tin cuenta, Un ta spaar y e otro no ta interesa pa spaar, Un ta cumpra pa loco, y e otro ta cumpra segun e tin mester, Un ta cobra Diamars y Diarazon atardi e no tin nada, Mientras cu e otro ta pone algo un banda pasobra luna ta largo ainda, y mester sigi biba te ora fin di luna yega.

Un ta biba cu budget, pero e otro no traha ni un lista ora e ta bay supermarket.

ta malo e otro ta cuida e. ora un tin necesidad e otro ta para banda di dje, ora uno ta yora , tur dos ta yora, ora uno ta celebra e otro tambe ta celebra, tur esey ta bini pasobra nan ta den un union cu Dios.

Nan no por ta rancando otro, biba huntu sin cooperacion. Djis duna un ehempel, un ta cushina y e tro ta laba tayo, hunto nan ta haci cas limpi, hunto nan ta lesa nan Bijbel y hunto nan ta haci oracion.

Pasobra hunto no ta nifica riba cama so, solamente sexualidad y intimidad, hunto ta nifica responsabilidad, sometemento, respet, dedicacion, proteccion, y temor di Dios.

Hunto ta nifica cu mescos cu nos a priminti na otro, nos a primiti na Dios tambe, pasobra no ta placa ni bunitesa ta uni nos hunto, pero ta e amor cu Dios a uni nos cune esey ta mantene nos hunto.

Un kier cumpra panja tur luna pa demostra cu e ta traha , mientras cu e otro, ta cumpra temporalmente

Matrimonio ta demostra e amor di Cristo Hesus pa su Iglesia, un amor incomparabel, cu no ta barata, pero un amor den cual Cristo a demostra cu su bida cu E ta stima.

Ora nos ta bisa cu nan dos ta uno, ta nifica cu ora un

Ta bon pa nos sociedad henter, para keto un rato

un puntra na unda nos ta bay cu tanto divorcio.

Si acaso ya nos no ta balora locual Dios ta halsa, y cu nos no ta stima locual Dios ta stima, pasobra cada matrimonio kibra ta un golpi pa nos sociedad.

Hasta si e pareha no tin ningun yiu, e ta haci dolor pasobra matrimonio ta pilar di sociedad.

Mientras cu nos ta cuida economia y naturalesa, matrimonio ta un di e prome cosnan cu mester wordo cuida y honra, pasobra for di eynan ta sali famia, y yiunan cu mester ricibi bon ehempel for di nan mayor, pasobra educacion ta cuminsa na cas, y si na cas no tin nada, riba caya tampoco e por wordo haya.

Genesis 2:24.

Mateo 19:5, Marco 10:18.

Efesionan 5:31 1 Corintionan 6:16.

Hebreonan 10:4.Ta palabra di Dios pa conscientisa hende , y pone hende comprende cu matrimonio no ta djis dos palabra, e ta un institucion di Dios, ta Dios mes a establece matrimonio, for di ora cu Dios a mira cu no ta bon

pa e homber ta su so, pesey e a pone un muher banda di dje.

Y nan dos lo ta un carni, pa por ta bendiciona y asina tambe nan por bendiciona

otronan.

Y nan hogar lo ta bendiciona tur momento..

Sinceramente, Marcel Balootje.

Pastor

P 16

DIAHUEBS 17 DI SEPTEMBER 2026

A.T.A. A HONRA TRES PERSONA EXCEPCIONAL DI E INDUSTRIA TURISTICO DURANTE AGTC 2026 Reconoci door di nos propio bishitantenan pa nan impacto positivo y contribucion na nos turismo Durante e Aruba Global Travel Conference (AGTC) riba 15 di september, Aruba Tourism Authority (A.T.A.) a honra tres persona cu ta traha den e industria turistico como e Local Vacation Heroes pa 2026.

Maidel Yero, John Marvin Kelly y Jandor Lampe, cada uno cu hopi aña di experiencia den e industria turistico, a wordo reconoci pa nan impacto positivo, dedicacion y contribucion na nos industria turistico.

E tres ganadornan di e aña aki ta representa diferente area di e industria.

Maidel Yero, cu 24 aña di experiencia den turismo, ta traha den Activities & Entertainment na Playa Linda Beach Resort y ta conoci pa e pasion y curason cu e ta dedica na su trabou, creando experiencianan memorabel pa grandi y chikito. Jandor Lampe, bartender na La Cabana Beach Resort & Casino, tin 28 aña den e industria turistico y ta conoci pa su energia positivo, entusiasmo contagioso y e manera cordial cu e ta trata su huespednan. John Marvin Kelly, miho conoci como “Uncle Johnny”, ta un tourguide na ABC Tours cu mas cu 40 aña di experiencia den e mundo di turismo y ta conoci pa trata cada huesped manera

famia, trahando cu dedicacion y compromiso.

Tur tres ta comparti un gran amor pa Aruba.

Pa di tres aña consecutivo, e campaña Nominate Your Local Vacation Hero ta duna huespednan e oportunidad pa nomina e localnan cu a haci un diferencia durante nan estadia na Aruba. Den apenas tres siman, mas cu 160 nominacion a wordo ricibi di huespednan cu a comparti historianan tocante acto di bondad, cuido y conexionnan autentico cu Aruba a traves di nos localnan, cu a haci nan estadia special.

Loke

ta

haci

e

reconocemento aki mas special y significativo ta cu e nominacionnan no ta bini di A.T.A., sino directamente di e huespednan mes. A traves di nan experiencia personal, nan ta expresa aprecio y reconocemento pa e personanan cu a haci nan estadia mas memorabel y cu a fortalece nan conexion cu Aruba.

Mas cu un destinacion, Aruba ta bira un luga cu nan a siña conoce, aprecia y cuida danki na e relacionnan cu nan a forma durante nan estadia.

Durante e tres edicionnan di e campaña, mas cu 400 nominacion a wordo ricibi. Pa selecciona e

ganadornan, un comite ta revisa y evalua e nominacionnan basa riba criterianan estableci.

Como e industria turistico ta inclui hopi diferente profesion y departamento, tres ganador ta wordo escogi cada aña pa representa e diferente maneranan cu nos profesionalnan di e industria ta contribui na e experiencia di nos bishitantenan.

“E reconocemento aki ta celebra e personanan cu, dia tras dia, ta brinda e servicio, cuido y hospitalidad cu Aruba ta conoci p'e. Na nomber di A.T.A., nos ta gradici no solamente e ganadornan

di e aña aki, sino tambe tur esnan cu ta traha den nos industria turistico y cu ta contribui pa crea e conexionnan autentico cu ta keda den curason di nos bishitantenan,” a expresa Ronella Croes, CEO di A.T.A. A.T.A. ta felicita nos tres Local Vacation Heroes pa 2026 y ta gradici nan pa nan contribucion valioso na nos industria turistico. Un danki tambe na tur profesional den e sector turistico cu ta traha diariamente cu amor y dedicacion. Nos hendenan ta e forsa tras di nos industria y loke ta haci Aruba un destinacion unico.