Diahuebs september 10 2026

P1

DIAHUEBS 10 SEPTEMBER 2026

10 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

AÑA PARLAMENTARIO CU RECORD NOBO Sthefanie Sevinger y Gionoe Goeloe cu cero pregunta haci den un aña di trabou

FRACCION MEP TA HACI PREGUNTANAN NA MINISTER DI SALUBRIDAD TOCANTE POSIBEL AFL. 26,1 MIYON DEN COSTO ADICIONAL DI SALUD

SUELDO APP AWO DISPONIBEL DEN CUATER IDIOMA PA FACILITA CALCULO DI SALARIO MINIMO PA TUR TRAHADO Y DUNADO DI TRABOU NA ARUBA

P2

DIAhuebs 10 september 2026

Minister Geoffrey Wever:

Ta duna direccion na un maneho financiero y economico cu ta transforma stabilidad den progreso concreto Oranjestad, 8 september 2026 - Durante apertura oficial di Aña Parlamentario 2026–2027, Gobernador di Aruba a presenta e rumbo di Gobierno pa e periodo venidero, cu un enfoke riba bienestar general, finansa publico sano, un economia mas amplio y inversionnan concreto cu ciudadano por sinti den su bida diario. E direccion presenta ta pone stabilidad financiero, diversificacion economico y inversion publico den un solo vision di desaroyo: crea oportunidad y prosperidad comparti pa henter comunidad.

Gobierno ta sali for di e principio cu bienestar general ta rekeri un fundeshi financiero solido. Un finansa publico sano no ta un meta riba su mes, sino e condicion cu ta crea espacio pa por sigui inverti den e hendenan y den futuro di Aruba.

P’esey Gobierno lo continua cu un maneho financiero prudente, uzo responsabel di recursonan publico y un fortalecemento continuo di transparencia den preparacion y ehecucion di presupuesto.

Introduccion gradual di preparacion di presupuesto basa riba maneho lo permiti Gobierno conecta metanan di maneho mas directamente cu recursonan disponibel y cu resultadonan cu mester wordo logra. Mas uzo di dato lo contribui na decisionnan mihor fundamenta y na un maneho publico unda cada florin tin un proposito claro y cada inversion ta conecta cu un prioridad concreto.

E fortaleza economico cu Aruba a mustra den e periodo cu a pasa ta crea tambe e responsabilidad pa sigui amplia e base economico di pais. Gobierno lo continua crea oportunidad den agricultura, tecnologia financiero, economia blou, industria creativo, energia limpi y otro actividadnan nobo.

E meta ta fortalece un economia mas diversifica y resistente, cu mas espacio pa actividad productivo, inversion, innovacion y participacion local.

Turismo lo sigui hunga un rol esencial den economia di Aruba, pero e direccion ta pa un desaroyo sostenibel y den balansa cu capacidad y aspiracionnan di nos isla. Calidad, sostenibilidad, participacion local y calidad di bida lo sigui forma parti central di e maneho economico. E progreso economico mester yega mas directamente cerca e ciudadano y crea oportunidad y prosperidad cu por wordo sinti den cada cas y den cada bario.

Un otro paso importante den e direccion aki ta Fondo di Inversion. Cu aprobacion di e ley pa crea e Fondo, Gobierno a establece e base legal pa pasa di planificacion pa ehecucion di inversionnan publico importante.

Den e Aña Parlamentario 2026– 2027, Parlamento lo trata e prome presupuesto di Fondo di Inversion, creando asina e siguiente paso pa canalisa recursonan pa proyectonan cu ta contribui directamente na calidad di bida y desaroyo di e pais.

Gobierno tin intencion di presenta inversionnan cu ta encera, entre otro, MFA na San Nicolas, mehoracion di bario, renobacion di scol y monumento, reforestacion y embeyecimento di centronan di Oranjestad y San Nicolas. E obhetivo ta pa e resultado di maneho financiero sano no keda solamente den cifranan, sino bira visibel den infrastructura, espacio publico y facilidadnan cu comunidad por mira, uza y sinti den su bida diario.

E rumbo pa e periodo venidero ta basa riba continuacion pa crea un conexion directo entre bon maneho financiero, fortaleza economico y progreso social. Stabilidad ta crea

espacio pa inversion, inversion ta fortalece economia y un economia mas fuerte mester crea mas oportunidad y bienestar pa pueblo.

Desde Ministerio di Finansa, Asunto Economico y Sector Primario, Minister Geoffrey Wever lo sigui contribui na ehecucion di e prioridadnan aki dentro di e vision integral di Gobierno. E enfoke principal ta keda riba consolidacion di finansa publico sano, ampliacion di e base economico, fortalecemento di sector primario y creacion di condicionnan pa inversionnan cu ta contribui na un Aruba mas fuerte, mas stabiel y mihor prepara pa futuro.

P3

DIAhuebs 10 september 2026

Parlamentario Endy Croes:

Aña parlamentario cu record nobo

Sthefanie Sevinger y Gionoe Goeloe cu cero pregunta haci den un aña di trabou poderoso pa obliga Gobierno pa duna cuenta y pa garantisa transparencia den maneho publico. Ora un parlamentario keda sin uza e herment aki pa un aña largo, ta bira casi imposibel pa hustifica con el a cumpli cu su deber di control na fabor di Pueblo.

E relato anual di Parlamento ta duna un bista cla di e trabou realisa pa nos representantenan durante e aña parlamentario cu a transcuri (september 2025 – september 2026).

E documento aki ta mustra e esfuersonan y e desempeñonan individual, unda por mira cuanto reunion a wordo yama, kendenan tabata activo, kendenan a pidi reunion y kendenan a haci pregunta pa controla gobierno.

E cifranan ta revela cu tabatin un total di 4,595 pregunta haci na e ministernan.

Lamentablemente, un cantidad considerabel di 2,616 pregunta (un 57%) te cu awe ainda no a wordo contesta. Sin embargo, loke a resulta mas sorprendente den e evaluacion ta e registro di e parlamentarionan Ginoe Goeloe y Stephany Sevinger, kendenan no a

haci ni un solo pregunta por escrito den tur e 12 lunanan di trabou E tarea primordial di un miembro di Parlamento ta dividi den dos pilar central: legisla y eherce un control severo riba Gobierno.

Preguntanan por escrito ta entre e instrumentonan constitucional mas

Representa pueblo ta exigi hopi mas cu participacion den debate of presencia riba medianan social; e ta rekeri investigacion profundo, preguntanan critico y un dedicacion structural na e interes general. Ta keda awor na e comunidad, como e hurado final, pa evalua e

rendimento aki.

Pa e aña parlamentario cu a caba di cuminsa, e expectativa ta cu tur representante lo haci uzo di e hermentnan disponibel pa asina eherce un control real riba gobierno y evita pasa berguensa.

Na final di dia, e funcion di un parlamentario no ta un privilegio sin responsabilidad; e ta un compromiso cu e pueblo y ta e pueblo mes lo tin e ultimo palabra.

P4

DIAhuebs 10 september 2026

Gobierno di Aruba ta tuma nota di decision di Hues y ta sigui habri pa dialogo constructivo

comunidad Arubiano. Hues ta enfatisa importancia di logra un bon balans entre conservacion di naturalesa y industria turistico.

Gobierno di Aruba a tuma nota di e decision di Corte den e caso entre ABC y Pais Aruba, relaciona cu e balans entre proteccion di naturalesa y actividadnan den sector turistico.

Den su decision, Hues ta señala cu mester tene cuenta cu tur e interesnan

envolvi: e interes di ABC pa proteccion di flora y fauna den areanan cu ta protegi pa ley, e interes di tour operators pa continuidad di nan actividadnan, e responsabilidad di Gobierno di Aruba pa proteha areanan natural legalmente designa, y e interes general di

Pa crea espacio pa un solucion rasonabel y ehecutabel, Hues a decidi pa pospone tratamento di e caso pa 5 siman, te diahuebs 15 di october 2026 pa 2:00 p.m.

Como condicion, Pais Aruba mester determina ainda awe un fecha y ora

Aunke no ta haya e Manta den nos awa teritorial, e ta proteha pa nos leynan local

durante e siman cu ta bin pa sinta na mesa cu ABC, como partido demandante den e procedimiento, den un dialogo constructivo y, si ta necesario, tene mas cu un reunion.

Hues a expresa cu tur partido, incluyendo tour operators, mester demonstra disposicion pa acerca otro y contribui na un solucion cu ta tene cuenta cu e diferente interesnan y cu por

funciona den practica.

Gobierno di Aruba ta respeta e decision di Corte y ta comprometi pa cumpli cu e indicacionnan duna. Gobierno ta sigui considera dialogo como e mihor caminda pa logra un solucion cu ta proteha nos naturalesa, mientras cu na mes momento ta tene cuenta cu actividad economico y e interes general di Aruba.

P5

DIAhuebs 10 september 2026

Parlamentario Drs. Shailiny Tromp-Lee (MEP):

“Oposicion no ta negativo, nos ta accentua e realidad cu e coalicion kier sconde” ORANJESTAD — Durante e di dos tanda di e ultimo reunion di e Aña Parlamentario, 20252026, Parlamentario di Fraccion di MEP, Drs. Shailiny Tromp-Lee, a responde firmemente riba e atakenan di coalicion cu a purba tilda e oposicion di ta “desconecta”, “negativo” y “destructivo.” TrompLee a enfatisa cu oposicion no ta aki pa daña nomber di ningun hende, sino pa accentua e tristo realidad cu Aruba ta bibando awe.

“Nos no ta negativo. E realidad ta cu ta e coalicion aki ta esun cu ta completamente desconecta for di e pueblo,” Tromp-Lee a duna di conoce. “E ta incomprendibel cu mientras e coalicion ta yena e sala cu elogio y aplauso pa e supuesto ‘bon trabou’ di Gobierno, nan mes ta cera wowo pa e falta di transparencia, e miedo pa debati, y e silencio di ministernan cu no ta rindi cuenta na e Cas di Pueblo.”

Den e aña parlamentario nos no por a yama ni 1 reunion pa luna, anto nos ta bisa cu a funciona bon?

E propio coalicion ta victima di e silencio di Minister Tromp-Lee a ilustra e falta di respet constitucional mustrando cu e propio parlamentarionan di coalicion ta keda ignora pa nan ministernan: • Un parlamentario di coalicion a haci 76 pregunta y a haya cero contesta.

•

Un otro a haci 180 pregunta

y a haya solamente 6 contesta.

• Un di tres a haci 221 pregunta y tampoco a haya niun contesta. Y asina por sigui menciona.

Ta incomprendibel cu nan ta haya esaki aceptabel y no ta compronde cu pa nos esaki ta mina democracia.

“Mi ta contento cu porfin dos parlamentario di coalicion a acepta cu esaki ta inaceptabel. Awe, despues di dos aña, nan ta lanta for di soño. Ban spera cu nan por vocifera e mesun disgusto aki den nan partijraad y den reunionnan cu nan propio ministernan, en bes di simpelmente ripiti e discursonan di Gobierno sin controla ni exigi transparencia.” advirti.

3.

Hospital (HOH): Enfrenta e falta di recurso financiero pa operacion di HOH.

Trabou seriamente obstaculisa den Comision Tromp-Lee a duna ehempelnan concreto di temanan substancial cu ta keda paralisa. Riba e ley di Landsverordening Toelating en Uitzetting (LTU) y e maneho di flexibilisacion, fraccion di MEP a manda preguntanan di profundo preocupacion cu a keda sin contesta. Riba e tema di nos Hobennan, e reunion den Comision di Labor pa atende e.o desempleo hubenil y e falta di ehecucion di e mocion pa introduccion di salario minimo pa hobena start, pero no a continua pa falta di e atencion necesario. “Nos tur sa kico ta pasa ora nos laga nos hobennan sin perspectiva,” e parlamentario a

di e sector aki.

Peticion urgente pa reunionnan publico riba crisisnan actual Uniendo su mes na e peticion di su colega parlamentario Hart, Tromp-Lee a haci un apelacion directo y firme na e Presidente di Parlamento pa yama reunionnan urgente pa atende e topiconan cu di berdad ta keda pidi pa pueblo:

1.

HOFA: Yama e reunion publico cu varios biaha a wordo pidi.

2.

Tour Operators y UTV/ ATV: Atende e crisis y e regulacion

4.

Falta di Liderazgo den Gobernacion: Aclaria con por ta posibel cu un caminda vital riba nos isla a keda cera sin cu niun minister sa of a duna ordo pa esaki.

5.

E di dos ehempel di falta di liderazgo: Atende e ausencia di e Prome Minister cu ta simpelmente spoorloos.

“Nos ta aki pa exigi e respet y e control constitucional cu e pueblo aki merece. Esaki no ta destruccion, esaki ta e unico manera pa salba e democracia di Aruba,” Tromp-Lee a conclui.

P6

DIAhuebs 10 september 2026

Den e ley di ROPV gobierno di AVP –FUTURO no ta mantene nan mes na dje y ta mal informa e tours operatorsnan 3-henter e discusion di ATV y UTV ta falta di liderazgo, cohon y di carga responsabilidad como gobernante. Ta lamenta cu tin hopi silencio den a parti aki di kico realmente ta e situacion, Oduber ta lamenta esaki.

AUD:3:37

4-Segun Otmar Oduber no tin ningun motibo pa perhudica e cantidad di companianan cu tur nan trahadonan unda cu ta papia alrededor di mas cu 700 famia cu a keda perhudica pa un decision di un fundacion. Sinembargo ainda gobienro no ta tuma a paso di bin cu reglanan.

AUD:3:39

CG: Lider di partido PPA Otmar Oduber Gobierno mester carga su responsabilidad y traha regla pa UTV y ATV cumpli cu ne

CG: Lider di partido PPA Otmar Oduber Tin diferente ehempel nan pa resolve e problema di ATV y UTV

5-Pa henter e situacion cu tin un polemica riba dje , e realidad ta cu ta gobierno su responsabilidad pa tuma desicion, Mester ta bon cla cu e Tour operatosr nan kico por y no por y con ta sigui implementa e ley nan cu tin den e ROPV. Sinembargo esaki gobierno no ta haci segun Otmar Oduber AUD:3:05 CG: Lider di partido PPA Otmar Oduber

SUELDO App awo disponibel den cuater idioma pa facilita calculo di salario minimo pa tur trahado y dunado di trabou na Aruba ORANJESTAD – Minister di Labor mr. Wendrick Cicilia conhuntamente cu Departamento di Labor y Investigacion (DAO) ta anuncia cu a amplia e aplicacion "SUELDO” y awo ta disponibel den cuater (4) idioma: Hulandes, Papiamento, Ingles y Spaño.

Cu e contribucion aki, unda por calcula e salario minimo pa ora den e idioma preferi, Ministerio di Labor y DAO kier duna un servicio mas accesibel y eficiente na tur trahadonan y dunadonan di trabou na Aruba, permitiendo nan pa haya informacion completo y confiabel.

A desaroya e SUELDO app specialmente pa duna informacion y guia durante e transicion pa e introduccion di e salario minimo pa ora, cu a drenta na vigor dia 1 di januari 2026 cu un tarifa di AWG. 11,58 pa ora. E app ta duna tanto e trahadonan como e dunadonan di trabou un indicacion rapido y facil pa controla si a aplica e cambio di ley. Lo sigui desaroya

e SUELDO app den futuro pa por sirbi como un ‘tool/herment’ pa facilita e trahadonan pa controla nan salario ricibi.

Ministerio di Labor y DAO ta recorda cu tin mas instrumento disponibel pa sostene e comunidad laboral:

Servicio na multilingual

● Documento FAQ General (Hulandes, Papiamento, Ingles y Spaño): Preguntanan mas frecuente tocante e salario minimo pa ora disponibel den diferente idioma riba: www.daoaruba.com.

comunidad

Aruba ta un comunidad multilingual y diverso. DAO kier sigura cu ningun trahado of dunado di trabou ta keda sin acceso na e informacion corecto debi na barera di idioma. E adicion di e 3 idiomanan nobo (Papiamento, Ingles y Spaño) banda di e idioma original (Hulandes) ta garantisa cu hopi ciudadano y residente por calcula y verifica nan derecho y obligacion laboral sin dificultad.

● Documento FAQ pa Personal Domestico (Hulandes, Papiamento, Ingles y Spaño): Guia specifico pa trahadonan domestico y nan dunadonan di trabou disponibel den diferente idioma. ●

Formulanan di calculo:

E app ta accesibel directamente via e link: https://daoaruba.com/index.php/ sueldo/ Instrumentonan contacto Banda

di

e

adicional SUELDO

y app,

○ Pa siman: Cantidad di oranan di trabou pa siman × Afl. 11,58. ○ Pa luna: Cantidad di oranan di trabou pa siman × Afl. 11,58 × factor 4,333 (e.g., 40 ora

pa siman ta ekivalente na Afl. 2007,05 pa luna desde 1 di januari 2026).

Keda bon informa riba bo derechonan y debernan laboral Pa cualkier pregunta of consulta por tuma contacto cu DAO via e siguiente canalnan: ● Tienda Legal (Consulta y Asistencia):

Laboral

○ Localidadnan: Savaneta y MFA Paradera

MFA

○ aw

Email: dao.tll@aruba.gov.

○ Telefon: 523-7770 (Savaneta) | 523-7750 (Paradera) ●

Contacto General di DAO:

○ Email: gmail.com ○

dao.uurloon@

Telefon: 523-7720

P7

DIAhuebs 10 september 2026

FRACCION MEP TA HACI PREGUNTANAN NA MINISTER DI SALUBRIDAD TOCANTE POSIBEL AFL. 26,1 MIYON DEN COSTO ADICIONAL DI SALUD

calculacion indicativo cu, si aproximadamente 5.800 persona regularisa bira asegurado nobo di AZV, esaki por resulta den aproximadamente Afl. 26,1 miyon na costo adicional di salud pa aña.

MEP ta pidi e minister pa duna claridad tocante e posibel impacto di esaki riba e situacion financiero di e fondo di AZV. Entre otro, ta puntra si AZV por carga e posibel costo adicional structural y si tin espacio financiero pa cubri e costo aki.

ORANJESTAD - Fraccion MEP a haci preguntanan na e minister encarga cu Salud Publico, Mervin Wyatt-Ras, a base di e reciente Economic Outlook, Real Sector di Centrale Bank di Aruba (CBA).

Den e rapport, CBA ta trata e posibel consecuencia financiero di e regularisacion di trahadonan sin documentacion pa e sector di salud. CBA ta haci un

Fraccion MEP tambe a puntra ken lo carga e eventual costo adicional y con esaki ta compara cu e ingreso adicional di, entre otro, prima di AZV y otro contribucion.

Finalmente, MEP ta puntra cua medida concreto e minister ta contempla pa preveni cu eventual aumento den costo di salud ta pone presion financiero riba AZV y eventualmente afecta e calidad y accesibilidad di salud.

Cu e preguntanan aki, Fraccion MEP kier obtene claridad tocante e posibel consecuencia financiero pa AZV. MEP ta warda e contestacion di e minister den 3 siman, manera a wordo acorda cu presidente di parlamento.

P8

DIAhuebs 10 september 2026

Parlamentario Eduard Pieters:

“Gobierno no por pidi Parlamento firma un cheque y laga e suma habri” PPA ta preocupa cu e cambio den Ley di Comptabilidad: “Nan ta mina e autoridad fundamental di Parlamento pa controla Gobierno.

Ta manera nan kier pa nos firma e cheque, pero laga e suma habri.”

Cu e ehempel simpel aki, pero contundente, parlamentario di PPA Eduard Pieters ta splica pakico e ta considera e cambionan proponi den Ley di Comptabilidad un asunto hopi mas grandi cu un modificacion tecnico.

Segun Pieters, loke ta den wega ta autoridad fundamental di Parlamento di Aruba pa controla con Gobierno ta uza placa publico.

“Ami no ta pidi nada mas, ni nada menos, cu pa por haci mi trabou debido como parlamentario: controla Gobierno.”

Articulo 2: unda e control ta cuminsa Pieters ta referi specificamente na Articulo 2 di e legislacion di comptabilidad. Segun su splicacion, e articulo ta obliga Minister di Finansa pa percura cu informacion necesario ta aparece den presupuesto y den otro articulo e cuenta anual, pa Parlamento por controla con ta uza placa publico.

Pero den e cambio proponi, segun Pieters, precisamente e nucleo ey ta afecta.

E ta cuestiona pakico ta saca parti di e regulacion for di ley y pas’e pa un landsbesluit enbes di haci articulonan aki mas skerpi y detaya.

Pa Pieters, e diferencia ta fundamental: un ley ta pasa via Parlamento; un landsbesluit no

ta duna Parlamento e mesun rol legislativo. “Bo ta kita e autoridad fundamental di Parlamento ora bo ta kita e articulo aki y dia di mañan cualkier minister por cambia e lansbesluit sin pasa Parlamento. “

Cuanto ta bay pa Polis? Si. Pero na kico?

Pieters ta splica e consecuencia cu un ehempel concreto. Parlamento por haya den presupuesto cu Polis ta ricibi cierto cantidad di miyon florin. Pero pa controla Gobierno realmente, no ta suficiente pa conoce solamente e suma total.

Parlamento mester por mira na kico e placa ta destina: cuanto pa inversion, cuanto pa otro gasto y cua ta e destinacion concreto.

Segun Pieters, e cambionan anterior ya a move e presupuesto mas den direccion di budget holder y e itemnan general. E preocupacion awor ta, cu ta debilita e specificacion mas ainda.

“Nos como fraccion di PPA kier mira e detaye di e placa. No pa administra Gobierno, sino pa controla Gobierno,” Pieters a enfatisa.

Raad van Advies tambe a critica Pieters ta señala cu Raad van Advies tambe a expresa critica riba e cambio proponi. Esey ta otro señal cu Parlamento no por trata e asunto como un modificacion administrativo sin consecuencia.

Su preocupacion ta, cu poco poco, mediante cambio legal, Parlamento ta perde instrumento pa eherce su funcion di control.

Y e ta conecta esaki cu un patronchi mas amplio di falta di responsabilisacion di Gobierno dilanti Parlamento.

“No ta Hulanda. Ta Aruba.”

Un di e puntonan politicamente mas fuerte di Pieters ta, cu e no ta pone responsabilidad di e cambio aki riba Hulanda. “Mi no mester control di Hulanda. Ta aki aki na Aruba nos institutonan mester controla.”

Segun Pieters, Aruba tin su propio Gobierno, Parlamento, Algemene Rekenkamer, Raad van Advies, etc.. Y den e orden democratico ey, ta Parlamento mester por sigui e placa publico y controla esaki.

P’esey e ta rechasa cualkier idea cu Parlamento mester acepta

menos informacion simplemente, pasobra sistema presupuestario ta cambia.

Un cheque habri Pieters ta reduci e debate tecnico na algo cu cada ciudadano por compronde: “Gobierno ta pidi Parlamento autorisa gasto, pero Parlamento mester sa cuanto, pa kico y despues controla unda e placa realmente a bay. “Firma manera un cheque y laga e suma habri,” segun Pieters, ta precisamente loke Parlamento no mester acepta.

Pa PPA, esaki no ta un discusion di contabilidad solamente. “Ta un cuestion di democracia. Pasobra ora Parlamento perde bista riba e placa, Parlamento ta perde parti di su poder pa controla Gobierno,” Eduard Pieters a finalisa bisando.

P9

DIARANZON 9 DI SEPTEMBER 2026

Monica Pimentel OLY ta termina su stage na COA exitosamente

Atleta Olimpico Monica Pimentel cu sigur ta bon conoci den mundo di deporte pa no solamente su carera deportivo, pero tambe como presidente di e comision di atleta y entrenadora nacional di Taekwondo, a logra termina su stage na Comite Olimpico Arubano (COA).

E stage aki a tuma luga como parti di su studio di e Bachelor Program “Organization, Governance and Management” (OGM) na Universidad di Aruba.

Durante su stage na COA, Monica a forma parti di e Direccion di Desaroyo y a traha hunto cu Director Patrick Werleman, unda a organisa un gran cantidad di curso manera “Capacity Building Training”, “Sports Adminstration Course” y e Anti-Doping Conference 2026. Banda di e cursonan e la aporta na diferente departamento dentro di COA y a mustra di ta un hoben profesional cu hopi capacidad y cu gran deseo di traha na bienester di deporte na Aruba.

COA ta felicita y gradici Monica pa su tremendo aporte y su compromiso na traha pa deporte. Monica ta mustra cu e dedicacion y disciplina di ta un atleta di nivel Olimpico ta traspasa pa tur area di nan bida, incluyendo e parti profesional. Pabien Monica! #COA

#ARUBA

#OGM

P 10

DIAHUEBS 10 DI SEPTEMBER 2026

Otmar Oduber ta desafia Gobierno: “Mustra e ley cu ta bisa cu bo mester sera Noordkust”

Ex-minister ta cuestiona prohibicion general riba UTV y ATV: “ROPV ta duna Gobierno instrumento pa regula y proteha; e no ta libera Gobierno di su responsabilidad pa gobierna”

y Medio Ambiente, Otmar Oduber, ta drenta frontalmente den controversia relaciona cu e problematica cu UTV, ATV, tour operatornan y proteccion di Noordkust.

Si Gobierno ta bisa cu ley ta oblig’e pa sera acceso na Noordkust, mustra e ley, mustra e articulo y splica pueblo exactamente kico e ta prohibi. Cu e reto ey, ex lider di PPA y ex-minister di Infrastructura

Oduber su posicion ta cla: naturaleza mester ta proteha. Pero proteccion no ta nifica cu Gobierno por laga di goberna y simplemente prohibi un actividad completo.

“Si tin un ley cu ta bisa esaki, cua e ta? Mustra mi,” Otmar Oduber a

CONTINUA PAG. 11

P 11

DIAHUEBS 10 DI SEPTEMBER 2026

“MUSTRA E LEY CU TA BISA CU BO MESTER SERA NOORDKUST” CONTINUACION PAG. 10 vocifera durante un conferencia di prensa.

ROPV ta pa regula, no pa sconde tras di dje Oduber conoce e proceso di ordenamento teritorial for di cerca. Durante su periodo como minister, su cartera a traha cu instrumento di planificacion, proteccion di area natural y introduccion di aanlegvergunning.

E ROPV 2021 efectivamente estableci den Articulo 5, un sistema di aanlegvergunning pa e actividadnan cu por cambia tereno of afecta balor natural, ecologico, arkeologico of geologico. E articulo tambe ta duna minister facultad pa pone condicion pa proteha e balornan ey. Pero Oduber su argumento ta, cu Gobierno mester aplica e cuadro cu precision. Segun Oduber, no por simplemente uza “ROPV” como palabra final y prohibi un sector complete, sin splica cua destino, cua articulo y cua regla ta aplica.

falso.

“Pone GPS. Pone ruta. Controla.

Y sanciona.”

Oduber a pone un alternativa concreto riba mesa. E tour operatornan serio ya ta traha cu GPS. Gobierno por determina ruta autorisa y conecta control cu DNM of otro instancia competente pa vigila y controla e uzo, paso esey falta. Si un UTV of buggy sali for di ruta, ta sanciona e operador. Si nan ta sigui haci, ta pone un sancion mas fuerte. E ‘handhaving’ mester tuma lugar.

Y si un operador repetidamente viola e condicionnan, Oduber ta considera cu Gobierno mester por aplica e consecuencia cu e ta perde su licencia di operacion.

Esaki tampoco ta un idea nobo di Oduber. Ya como minister na 2019 el tabata papia publicamente di un sistema di retira of revoca licencia pa ATV/ UTV, si operador no cumpli.

Articulo 10: Gobierno por proteha area

No laga un demanda hudicial goberna Aruba

Oduber a referi specificamente na Articulo 10 di Natuurbeschermingsverordening, cu ta forma e base pa diseña un area como natuurreservaat. E punto di Oduber ta, cu e instrumentonan pa proteha naturaleza t’ey. Y el a recorda tambe, cu tempo cu tabatin eherce e funcion como minister, el a impulsa proteccion di diferente area natural, Marine Park y otro medida ambiental.

Oduber su critica mas politico ta contra loke e ta considera falta di decision di Gobierno.

P’esey e no ta acepta cu ta reduci e debate na: “bo ta pro UTV of bo ta pro naturaleza.”

Pa Oduber, esey ta un escogencia

E echo cu un organizacion of persona por bay Corte, no ta nifica cu Gobierno mester paralisa su propio autoridad. Actualmente tin un proceso hudicial relaciona cu proteccion di Noordkust y UTV/ ATV. Pero segun Oduber, si Gobierno ta convenci cu su politica ta corecto, pone e condicionnan, motiva nan huridicamente y defend’e dilanti hues. “Un hende so no por tene un pais hostage.”

Gobierno mester proteha e barancanan, flora, fauna y area vulnerabel. Pero mester hacie mediante ley, zonificacion, ruta, permiso, control y reinforsamento.

No

door

di

castiga

automaticamente tur operador pa falta di control riba esunnan cu ta viola regla. “Proteha naturaleza.

Pero goberna. Mustra e ley, pone e regla y haci tur posibel pa cumpli cu e regla,” Otmar Oduber a expresa na final.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

P 12

DIAHUEBS 10 DI SEPTEMBER 2026

JVO TA FORTALECE COOPERACION PA COMBATI CRIMINALIDAD Y AUMENTA SIGURIDAD DEN REINO Durante e ultimo Justitieel Vierlandenoverleg (JVO), e paisnan den Reino a yega na diferente acuerdo importante pa fortalece cooperacion riba tereno di husticia y enfrenta e retonan comun cu ta afecta siguridad di e paisnan. Minister di Husticia mr. drs. Arthur Dowers, hunto cu coleganan minister di husticia Nathalie Tackling di Sint Maarten, David van Weel di Hulanda y Shalten Hato di Corsou, a atende e diferente encuentronan di JVO na Willemstad.

Un di e resultadonan importante ta e Plan di Accion 2026-2029 pa atende cu criminalidad hubenil.

Riba iniciativa di Corsou y cu sosten di Aruba, a trece e tema aki dilanti y bin cu un plan concreto pa atende cu e preocupacionnan relaciona cu hobennan cu ta cay den criminalidad.

E plan ta crea un base pa e paisnan traha mas coordina y efectivo riba preveni y combati criminalidad hubenil.

E paisnan a acorda tambe pa mehora intercambio di informacion tocante personanan señala y pa organisa operacionnan di regreso conhuntamente pa personanan cu no tin estadia legal riba e islanan.

Proteccion di frontera ta un necesidad y no un opcion. Un bon control di frontera ta importante no solamente den cuadro di migracion, sino tambe pa preveni criminalidad transfronteriso y proteha siguridad di nos paisnan.

Intensifica lucha contra criminalidad organisa Un otro punto importante di e JVO ta e compromiso pa intensifica accionnan contra criminalidad organisa. E meta ta pa preveni cu

organisacionnan criminal por haya influencia of control den barionan, empresanan, aparato gubernamental of infrastructura critico manera waf y aeropuerto.

Ademas a acorda cooperacion structural cu partnernan den Reino contra traficacion di arma y droga, pero tambe contra organisacionnan criminal cu ta mina autoridad y integridad di institucionnan.

E magnitud di e reto ta grandi.

Durante 2025, Kustwacht a intercepta mas cu 11 mil kilo di droga den awanan territorial. Esaki ta mustra e presion cu criminalidad transfronteriso ta pone riba e region y e necesidad pa sigui inverti den operacionnan conhunto.

Den e cuadro aki, un otro acuerdo importante ta pa sigui fortalece e lasonan di cooperacion entre Kustwacht, RST, Aduana, Koninklijke Marechaussee y partnernan internacional.

Minister Dowers a enfatisa cu cooperacion entre e paisnan no ta

kita e responsabilidad propio cu cada pais tin pa su sistema di husticia.

"Husticia no ta un responsabilidad di Reino. Nos a dicidi boluntariamente pa traha hunto, paso nos sa cu si nos traha hunto, nos ta mas exitoso," Minister Dowers a expresa.

Segun e Minister, cooperacion ta esencial pa logra resultado grandi riba tereno di husticia.

Hustamente durante e Justitieel Vierlandenoverleg ta importante pa keda consciente cu e paisnan tin mester di otro.

Loke no por haci nos so, por logra hunto cu nos partnernan. E determinacion di esnan cu ta kere den siguridad y cu ta consciente di e necesidad pa traha hunto, ta esencial pa nos por enfrenta e retonan cu tin dilanti di nos.

ICT den cadena di husticia mester mehora Un punto importante di atencion durante e deliberacionnan tabata e infrastructura di ICT entre e

cuerponan policial den Reino. Na e momento aki tin espacio considerabel pa mehoracion y e partnernan den JVO a expresa cu nan no ta satisfecho di con esaki ta cana.

Pa atende cu esaki, un comision lo analisa e situacion y traha riba mehoracionnan necesario.

Un infrastructura di ICT confiabel y moderno ta indispensabel pa intercambio di informacion y pa por garantisa funcionamento optimal di departamentonan den cadena di husticia.

Criminalidad organisa ta exigi mas capacidad y fondo Finalmente, e aumento di gastonan den cadena hudicial tambe a haya atencion. Organisacionnan criminal awendia ta dispone di recursonan financiero considerabel, mientras cu paisnan chikito manera esnan den Caribe Hulandes mester uza nan fondonan limita na manera mas eficiente posibel pa enfrenta e organisacionnan aki.

CONTINUA PAG 13

P 13

DIARANZON 9 DI SEPTEMBER 2026 keten noodzakelijk

CONTINUACION PAG 12 Pa Minister Dowers, esaki ta exigi no solamente un uzo eficiente di e recursonan disponibel, sino tambe disposicion pa inverti extra unda esaki ta necesario. Den situacionnan cu ta rekeri fondo adicional, lo mester por demonstra y convence e partnernan den Gobiernonan di e necesidad pa haci e inversionnan necesario pa logra miho resultado.

E acuerdonan firma durante e JVO ta confirma e importancia di cooperacion entre e paisnan.

Criminalidad organisa, traficacion di droga, control di frontera y otro retonan moderno no ta limita nan mes na frontera di un pais. Pa enfrenta nan efectivamente, intercambio di informacion, capacidad suficiente y cooperacion sostenibel entre e partnernan den Reino y internacional ta indispensabel.

JVO versterkt samenwerking in strijd tegen criminaliteit en voor meer veiligheid binnen het Koninkrijk Tijdens het meest recente Justitieel Vierlandenoverleg (JVO) hebben de landen binnen het Koninkrijk verschillende belangrijke afspraken gemaakt om de samenwerking op het gebied van justitie verder te versterken en gezamenlijk op te treden tegen uitdagingen die de veiligheid van de landen raken.

Minister van Justitie mr. drs. Arthur Dowers nam in Willemstad deel aan het overleg, samen met zijn collega-ministers Nathalie Tackling van Sint Maarten, David van Weel van Nederland en Shalten Hato van Curaçao.

Een van de belangrijke resultaten is het Actieplan 2026-2029 voor de aanpak van jeugdcriminaliteit. Op initiatief van Curaçao en met steun van Aruba is dit onderwerp naar voren gebracht en is er een concreet plan opgesteld om de zorgen rond jongeren die in de criminaliteit terechtkomen aan te pakken.

Het plan vormt een basis voor de landen om meer gecoördineerd en effectief samen te werken aan

Ook de ICT-infrastructuur tussen de politiekorpsen binnen het Koninkrijk was een belangrijk aandachtspunt tijdens het overleg. Op dit gebied is volgens de JVO-partners nog aanzienlijke ruimte voor verbetering.

het voorkomen en bestrijden van jeugdcriminaliteit.

Ook zijn afspraken gemaakt om de informatie-uitwisseling over gesignaleerde personen te verbeteren en gezamenlijk terugkeeroperaties te organiseren voor personen die niet rechtmatig op de eilanden verblijven.

Een goed funcionerende grens is een noodzaak en geen optie. Effectieve grenscontrole is niet alleen van belang voor migratie, maar speelt ook een belangrijke rol bij het tegengaan van grensoverschrijdende criminaliteit en het beschermen van de veiligheid van de landen.

Strijd tegen georganiseerde criminaliteit verder geïntensiveerd Een ander belangrijk onderwerp tijdens het JVO was de gezamenlijke aanpak van georganiseerde criminaliteit. De landen willen voorkomen dat criminele organisaties invloed of controle krijgen binnen wijken, bedrijven, overheidsorganisaties of kritieke infrastructuur, zoals havens en luchthavens.

Daarnaast is er structurele samenwerking afgesproken met partners binnen het Koninkrijk in de strijd tegen wapen- en drugssmokkel, maar ook tegen criminele organisaties die het gezag en de integriteit van instituties ondermijnen.

De omvang van de problematiek blijft aanzienlijk. In 2025 onderschepte

de Kustwacht meer dan 11.000 kilo drugs in de territoriale wateren. Dit onderstreept volgens de betrokken landen de druk die grensoverschrijdende criminaliteit op de regio legt en de noodzaak om te blijven investeren in gezamenlijke operaties.

Daarom wordt ook de samenwerking tussen onder andere de Kustwacht, het Recherche Samenwerkingsteam (RST), de Douane, Koninklijke Marechaussee en internationale partners verder versterkt.

Minister Dowers benadrukte tegelijkertijd dat samenwerking binnen het Koninkrijk niets afdoet aan de eigen verantwoordelijkheid van ieder land voor zijn justitiële systeem.

“Justitie is geen Koninkrijksaangelegenheid.

We hebben er vrijwillig voor gekozen om samen te werken, omdat we weten dat we samen succesvoller zijn,” aldus minister Dowers.

Volgens de minister laat juist het Justitieel Vierlandenoverleg zien dat de landen elkaar nodig hebben. Wat een land niet alleen kan realiseren, kan door goede samenwerking met partners wel worden bereikt. Een gezamenlijke inzet en de bereidheid om verantwoordelijkheid te nemen zijn volgens hem essentieel om de veiligheidsuitdagingen van vandaag en morgen effectief aan te pakken.

Verbetering ICT binnen de justitiële

Om dit aan te pakken is een commissie bezig de huidige situatie aan het analyseren en zal werken aan de noodzakelijke verbeteringen.

Een moderne en betrouwbare ICTinfrastructuur is essentieel voor een goede informatie-uitwisseling en het optimaal functioneren van de verschillende organisaties binnen de justitiële keten.

Georganiseerde criminaliteit vraagt om capaciteit en middelen Tot slot is gesproken over de toenemende kosten binnen de justitiële keten. Criminele organisaties beschikken tegenwoordig over aanzienlijke financiële middelen, terwijl kleinere landen binnen het Caribisch deel van het Koninkrijk hun beschikbare middelen zo efficiënt mogelijk moeten inzetten om deze organisaties effectief te bestrijden.

Volgens minister Dowers vraagt dit niet alleen om efficiënt gebruik van de beschikbare capaciteit en middelen, maar ook om de bereidheid extra te investeren wanneer dat noodzakelijk is. Wanneer aanvullende middelen nodig zijn, moet duidelijk kunnen worden onderbouwd waarom deze investeringen noodzakelijk zijn om betere resultaten te behalen.

De tijdens het JVO gemaakte en ondertekende afspraken bevestigen het belang van duurzame samenwerking tussen de landen.

Georganiseerde criminaliteit, drugssmokkel, grensbewaking en andere moderne veiligheidsvraagstukken houden niet op bij de landsgrenzen.

Effectieve informatie-uitwisseling, voldoende capaciteit en structurele samenwerking tussen partners binnen het Koninkrijk en daarbuiten blijven daarom onmisbaar.

P 14

DIAHUEBS 10 DI SEPTEMBER 2026

Gobierno cu peticion na corte pa pospone caso entama pa Aruba Birdlife Conservation

Gobierno di Aruba a cumpli cu e compromiso haci cu guianan y operadornan di UTV/ATV pa crea mas espacio pa dialogo y busca un solucion prome cu e caso pendiente yega dilanti hues. Minister di Vivienda, Infrastructura, Servicio Interno y Telecomunicacion Rene Herdé a confirma cu Gobierno formalmente a solicita Corte pa pospone e kort geding inicia pa Aruba Birdlife Conservation (ABC).

E peticion ta sigui riba e dialogo cu Gobierno a tene durante e ultimo dianan cu guianan y operadornan di UTV/ATV, cu a expresa nan preocupacion tocante continuidad di nan actividad y trabou.

Segun Minister Herdé, Gobierno ta tuma e preocupacionnan aki seriamente. E meta no ta pa pone actividad economico y proteccion di naturalesa contra otro, sino busca un forma caminda ambos por existi dentro di un marco organisa y legal.

“Nos kier un solucion caminda e operadornan por sigui funciona di forma organisa y legal, pero cu e mesun responsabilidad pa cuida nos medio ambiente y naturalesa. Si nos coopera cu otro, nos por busca e balansa ey,” Herdé a indica.

Compromiso cu sector a wordo cumpli Durante e dialogo cu sector, Prome Minister Mike Eman y Minister Herdé a indica cu Gobierno lo haci un esfuerso pa crea espacio adicional pa negociacion prome cu e caso sigui na Corte.

Segun Herdé, Gobierno awor a cumpli cu e palabra ey.

E informacion formal di abogado di Gobierno confirma cu a solicita Gerecht in Eerste Aanleg pa pospone e kort geding. E caso, inicia pa ABC contra Land Aruba y FPNA, ta actualmente agenda pa diahuebs 10 di september 2026 pa 10:00 AM.

Como parti di e procedimiento, Corte a pidi e otro partidonan pa duna nan posicion tocante e solicitud. Fundacion Parke Nacional Arikok (FPNA) a indica cu no tin obhecion contra postponemento, mientras ABC a indica cu tin obhecion. Na momento cu e carta di abogado a sali, e reaccionnan formal ainda no tabata presenta na Corte.

Preferencia ta acuerdo, no confrontacion Minister Herdé a reitera cu preferencia di Gobierno ta pa e partidonan mes yega na un solucion, en bes di laga Corte determina e resultado.

P’esey invitacion na Aruba Birdlife Conservation pa sinta na mesa ta keda habri.

Gobierno kier uza e espacio adicional pa continua dialogo y explora si por yega na un acuerdo cu ta atende tanto proteccion di naturalesa como continuidad di actividad di e sector.

Un desaroyo positivo, segun Minister, ta cu companianan di e sector a firma un carta di cooperacion, den cual nan ta expresa nan compromiso pa opera cu respet pa naturalesa.

Pa Herdé, esaki ta demonstra cu tin base pa sigui busca un solucion hunto.

Proteccion di naturalesa y trabou mester haya un balansa Minister Herdé ta enfatisa cu Gobierno no ta cuestiona e responsabilidad pa proteha medio ambiente.

Al contrario, esaki ta un responsabilidad cu Gobierno y sector mester carga hunto.

Na mes momento, Gobierno kier tene cuenta cu e grupo di hendenan cu nan entrada y trabou ta conecta directamente cu actividad di UTV/ATV.

“Nos mester por yega na un punto caminda nos por sigui cuida nos medio ambiente y, na mes momento, crea espacio pa e sector sigui haci su trabou conforme ley y cu respet pa naturalesa,” Herdé a expresa.

Gobierno ta awor pendiente di decision di Corte riba e peticion pa postponement. Mientras tanto, segun Minister Herdé, porta pa dialogo ta keda habri y esfuerso pa yega na un solucion ta continua.

P 15

DIAHUEBS 10 DI SEPTEMBER 2026

P 16

DIAHUEBS 10 DI SEPTEMBER 2026

S: SUDOKU

O E

e mbio ra di r un speta testa duna r un irme l.”

uerte mento ueblo rol y MBIO MBIO Lider mina

DIAHUEBS 10 SEPTEMBER 2026 Den paz mi lo drumiy sosega pasobra ta bo so, Sefior ta laga mi biba sigur. Salmo: 4:8

Cu imenso dolor na nos curason, pero conforme cu Dios su boluntad, nos ta anuncia fayecimento di nos Mama, wela, bisawela, tatarawela, suegra y prima stima: Na nomber di su: Esposo: †Everard Henriquez Yiunan: †Romulo (Ronnie) y Juana (Anchi) Henriquez-Winterdaal Sonia y †Coenradus Quasters-Henriquez Ruben R. y Mireya Henriquez-Alvarez

Delfina Henriquez-Erasmus Mihor conoci como: Dudu

Nieto y Nieta nan: Maroushka (Uca) y Hubert Flanegien-Henriquez

*24 December 1933 - †5 September 2026

Zulaika (Zuli) y Robert (Robby) Solognier-Henriquez Eroll y Xia-Ru Henriquez-Li, Varoussia (Usha) Solognier y Yiu Elysiah Pinzon Jay y Tracy Quasters-Creusen, lan Quasters, Yaremi y Ranzinho Saladin-Henriquez Ruben A. Henriquez y Jahaira Lopez Bisanieto y Bisanieta nan: Genrick Flanegien y Thami Figaroa, Jonrick Flanegien y Nydie Moreno Castro Robert Solognier, Elijah Solognier y Sonella Cardenas Justin Solognier y Sharyl Robles de Medina, Nigel Quasters y Gwen Daniel Quasters, Yarzinha Saladin, Rayzhir Saladin, Ethan Henriquez, Elias Henriquez Tataranieto: Zayden Solognier Rumanan: †Henny y †Ninita Erasmus-Arends y famia, †Editha y †Feli Pereira-Erasmus y famia,Alberto y †Mina Erasmus-Boekhoudt y famia, †Andres Erasmus,†Martin y †Ramonita (Nita) Erasmus-Werleman y famia, †Mathilda (Tila) y †Gregorio (Goy) Erasmus-Angela y famia, †Nemencio y †Robertina (Inchi) Eramus-Werleman y famia Suegroy Suegranan, Sobrina y Sobrinonan, Prima y Primonan, Swa y Cuñanan, Comer y Compernan Demas famia: Erasmus, Henriquez, Winterdal, Pereira, Angela, Werleman, Briezen, Arends, Boekhoudt, Solognier, Li, Flanegien, Figaroa, Moreno Castro, Cardenas, Robles de Medina, Pinzon, Gamara, Webb, Lacle, Maduro, Quasters, Lopez, Saladin, Feliciana, Dijkhoff, Loopstok Acto di entiero lo tuma lugarDiasabra 12 September 2026, na Misa Santa Filomena na Paradera di 9’or pa 11’or di mainta, despues pa Santana Catholico na Paradera.

Resamento na cas lo tuma lugar Diahuebs 10 di September 2026 di 7’or pa 9’or di anochi na Piedra Plat 55-F (cas di Dudu).

Acto di Condolencia na Aurora Funeral Home diabierna 11 di September 2026 di 7’or pa 9’or di anochi.

Nos disculpa si den nos tristesa nos por ailubida algun Famia.