Issuu

DIAHUEBS 8 OCTOBER 2026

8 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

PARLAMENTARIO SHAILINY TROMP-LEE A PIDI REUNION CU MINISTER DI LABOR

PA TRATA REORGANISACION DI DAO Y DPL, INTRODUCCION DI SALARIO MINIMO PA HOBEN Y INSPECCION

ADICTO DEN CORTE TA PIDI HUES AYUDO PA E BOLBE REHABILITA

DIAhuebs 8 october 2026

Directie Natuur en Milieu (DNM) ta destaca e tema pa Dia Mundial di Parha Migratorio 2026:

“Cada parha ta conta – Bo observacionnan ta haci diferencia”

ORANJESTAD – En conexion cu celebracion di Dia Mundial di Parha Migratorio 2026, Directie Natuur en Milieu (DNM) ta haci un yamada na henter e comunidad di Aruba pa participa activamente den proteccion y observacion di nos parhanan migratorio. E aña aki, e tema central ta enfoca riba ciencia cu participacion di comunidad (citizen science): “Cada parha ta conta – Bo observacionnan ta haci diferencia.” Abo a yega di para keto y observa parha, bo ta un amante di parha bo sa cu no tur parha cu bo ta wak ta bula rond kiermen e ta biba aki, ta hopi probabel cu e ta di bishita aki paso Aruba ta strategicamente den su ruta cu e ta bula pa bay bek cas of riba ruta pa unda e tin cu bay? Nos isla ta sirbi como un punto di descanso

y alimentacion cu ta di aporte pa hopi especie cu ta haci biahenan di miles di kilometer leu. Especienan cu ta haci uzo di nos damnan, saliñanan, matanan di mangel y otro areanan ta haya un luga pa recarga cu energia, mientras cu otronan ta scoge Aruba pa broei y cria nan yiunan prome cu nan ta sigui nan rumbo of bula bay bek na nan luga di origen. E impacto di secura y con comunidad por yuda Debi na e cambio den clima, Aruba ta experciando periodonan di secura mas largo cu den pasado. E falta di awa aki ta haci e biahe pa e parhanan migratorio mas dificil. Pero como comunidad, nos por duna un man pa haci nan bishita di transito mas facil: • Pone awa limpi y fresco: Bo por pone un baki

of tayo cu awa limpi y fresco den hofi of den cura di cas pa asina e parhanan por bebe y fresca nan curpa. • Mantene e awa natural: Ta importancia pa no agrega nada extra den e awa (manera sucu, remedi of otro substancianan), ya cu esaki por haci daño na e salud di e parhanan. • No duna alimento: DNM ta enfatisa pa no duna nada di come na e parhanan. Nan tin e instinto y e capacidad natural pa busca nan mesun alimento den naturalesa. Si nos duna nan cuminda, nos por altera nan comportacion natural y haci nan dependiente. • Mantene distancia: hopi importante pa no transita areanan di ‘saltspray’ na nos costanan. No core cu vehiculonan di cualkier tipo riba areanan cu no ta destina pa e actividad aki. Core solamente riba caminda asigna como tal. Ora bo ta cana den naturalesa, no acerca parha, nan neishi ni tampoco webo of e puyitonan (parha recien naci) y mucho menos bay cu esakinan pa ningun motibo. Tin ley cu ta proteha diferente sorto di fauna. Por bishita nos website pa haya e ley corespondiente y busca imagen di tur e sortonan protegi. Ademas, di e cambionan den clima, cu ta altera e temporadanan natural di e rutanan di migracion y ta causa periodonan di secura

severo, tin otro factornan cu ta reduci nan poblacion. Mundial y localmente, parha migratorio ta sufri caida den cifranan debi na perdida y degradacion di nan habitat natural pa motibo di desaroyo urbano, deforestacion y contaminacion. Factornan adicional, manera presencia di especienan invasivo, uzo di pesticida y e menasa di infrastructura fisico (manera wayanan di coriente y bentananan grandi di glas) ta haci nan biahe mas peligroso. P'esey proteccion di nos areanan natural ta keda un punto crucial. Bo observacion ta conta! Den e cuadro di citizen science, cada persona na

Aruba por ta un observador di naturalesa. Bo por registra loke bo ta mira den bo hofi of den e areanan protegi via plataformanan digital di observacion (manera Obsidentify, eBird y iNaturalist). E data aki ta yuda e investigadonan y DNM compronde miho e rutanan, e cantidad di parha cu ta bishita nos isla y e temporada cu nan ta yega. Cu un simpel observacion, bo ta contribui directamente na e conservacion di nos biodiversidad. Laga nos cuida e parhanan cu ta scoge Aruba como nan hogar temporal. Pa mas informacion riba naturalesa y medio ambiente di Aruba, sigui e paginanan oficial di Directie Natuur en Milieu. www.dnmaruba.org

DIAhuebs 8 october 2026

Parlamentario Shailiny Tromp-Lee a pidi reunion cu Minister di Labor pa trata reorganisacion di DAO y DPL, introduccion di salario minimo pa hoben y inspeccion

Parlamentario di Fraccion di MEP, drs. Shailiny Tromp-Lee, a manda un carta oficial pa Presidente di Comision di Labor, sr. Clifford Heyliger, pa pidi pa facilita y yama un reunion cu Minister di Labor. E meta di e reunion aki ta pa trata puntonan di gran importancia relaciona cu e

area laboral y e situacion actual di nos mercado di trabou na Aruba. Den e carta manda dia 29 di September 2026, e parlamentario a resalta cuater punto clave cu mester di atencion y claridad: • Reorganisacion di DAO y DPL: Reorganisacion

di DAO y DPL, incluyendo e implicacionnan pa e funcionamento y prestacion di servicio di ambos departamento. • E situacion actual na pia di trabou di DAO y DPL: E desafionan cu e personal ta enfrenta y e impacto cu esaki tin riba e servicio na pueblo. • Introduccion di salario minimo pa hoben: E status actual

Tuma accion pa Preveni, Proteha y Stop Dengue Con nos por stop Dengue?

di e introduccion aki y e siguiente pasonan cu mester wordo tuma pa su implementacion por bira porfin un realidad. • Update tocante inspeccion y handhaving: Un bista riba e capacidad actual, e accionnan cu ta tuma luga y e pasonan necesario pa garantisa e cumplimento cu leynan laboral.

"Mi ta kere cu un reunion directo cu e Minister ta importante pa por haya claridad tocante e puntonan aki, intercambia informacion y identifica caminda cu por tin pa mehora e situacion na trabou y pa e hendenan cu ta depende di e servicio," e parlamentario a enfatisa.

DIAhuebs 8 october 2026

Noticia di Corte

Adicto den Corte ta pidi Hues ayudo pa e bolbe rehabilita ORANJESTAD – E homber M. a presenta den Corte pa un caso penal cu Ministerio Publico tin contra dje.

adiccion. El a splica Hues cu despues di hopi aña limpi, el a bolbe cay den droga y e kier rehabilita.

SOLO DI PUEBLO por a compronde cu e homber M. a pidi Hues pa yud’e pasobra el a bolbe cay den adiccion. Tanto Hues como Fiscal a mustra nan disponibilidad.

Por a mira e honestidad y humildad di M., ora e tabata splica Hues su situacion. M. a bisa Hues cu e sistema di bay na un fundacion parti mainta y merdia ta liber, no ta funciona p’e. E kier keda den un fundacion pa asina aleha di e droga. El a bisa Hues cu si e tin cu bay dos fundacion o sea un parti mainta y merdia y anochi na un otro fundacion, e lo haci’e.

Ta asina cu e abogado di M. no por a presenta. Hues a puntra M. kico e kier haci. M. a bisa Hues cu e kier un abogado pa su caso. Hues a dicidi cu ta pospone e caso.

Hues a scucha M. cu atencion y a bisa cu lo por check cu Reclasering.

ADICTO TA PIDI AYUDO E homber M. cu su cara basta preocupa, a bisa Hues cu e kier ayudo door cu el a bolbe cay den

Por a mira cu Fiscal tabata scucha M. cu atencion y tabata haci anotacionnan. Ora Hues a bisa Fiscal tocante Reclasering, Fiscal a splica cu lo ta mihor aserca fundacion Hunto pa actua di biaha. El a tuma e adress di M. y a bisa cu e lo bay yama fundacion Hunto pa nan actua di biaha. Ta masha poco sa presenta situacionnan asina. Hopi biaha sa pasa cu acusado cu ta encarcela, ta pidi ayudo y ta bay cay bou guia di Reclasering. Den e caso di M., e no ta sera. El a bay te Corte pa su caso y na mes momento a pidi ayudo. Ta di aplaudi e disponibilidad di tanto Hues como Fiscal pa yuda un adicto cu a pidi ayudo.

FISCAL CLA PA ACTUA

Comite Olimpico Arubano y Raw Fitness ta firma acuerdo di colaboracion di atletanan.

E importancia di un bon preparacion fisico pa por rindi mas den deporte ta bon conoci. Den cuadro di esaki Comite Olimpico Arubano (COA) a cera un acuerdo di colaboracion cu Raw Fitness pa asina

por usa e facilidad pa entrenamento di atletanan cu ta forma parti di TEAMARU. Esaki lo wordo haci conhuntamente cu e diferente preparador fisico cu ta traha cu COA pa asina yuda e preparacion

Danki na e acuerdo aki, COA lo tin un facilidad completo y bon ekipa pa asina por haci tur tipo di entrenamento necesario pa yuda atletanan local desaroya nan capacidadnan. Raw Fitness ta conoci como un centro di entrenamento cu den pasado a pone nan espacio disponibel na COA pa traha cu diferente grupo di atleta a base di nan deseo di kier aporta na e desaroyo di deporte na Aruba.

A traves di e acuerdo di colaboracion aki ta establece un relacion formal entre COA y Raw

Fitness cu lo sigur beneficia tur atleta cu ta busca pa mehora nan rendimento deportivo.

DIAhuebs 8 october 2026

Investigacion grandi en conexion cu Parkietenbos

Ombudsman, sra. mr. Jurima Bryson, ta cuminsa un investigacion formal riba gran escala encuanto molestia di holor persistente y problema cu calidad di aire den, entre otro, Parkietenbos, Mahuma, Buena Vista, Simeon Antonio, Bucutiweg, Wayaca y e areanan den cercania. Motibo pa e investigacion formal ta un keho di un organisacion cu ta defende interes di e habitantenan. Ademas di e keho Ombudsman tabata na altura di e kehonan den e area aki caba. Considerando e naturalesa, alcance y duracion di e problematica, Ombudsman a dicidi pa investiga e asunto mas ampliamente. E investigacion ta enfoca riba e situacion den e areanan envolvi y riba e manera cu gobierno a trata cu e situacion. Entre otro, lo wordo analisa e informacion disponibel tocante e calidad di aire, e posibel consecuencianan pa salud y ambiente di biba, y e manera cu notificacionnan y kehonan di habitantenan a wordo trata. Varios instancianan ta envolvi Pa e investigacion, varios instancianan di gobierno a wordo contacta formalmente. Entre otro ta trata di: Ministerio di Asuntonan General, Cultura, Medio Ambiente y Naturalesa; Ministerio di Infrastructura, Energia y Telecomunicacion; Ministerio di Salubridad, Asunto Social, Cuido di Adulto Mayor y Maneho di Adiccion; Aruba Wastewater Sustainable Solution N.V. (AWSS); Crisis Management Office (CMO); Departamento di Naturalesa y Medio Ambiente

(DNM); y Departamento Salubridad Publico (DVG).

Ademas, Departamento di Legislacion y Asunto Huridico (DWJZ) ta wordo consulta como experto. Dependiendo di e resultadonan y informacion cu ta bira disponibel durante e investigacion, otro instancianan y expertonan tambe por wordo envolvi. Experiencianan di habitantenan E experiencianan di habitantenan y otro personanan envolvi ta importante pa e investigacion. P'esey Ombudsman a habri un OMBOX special via www. ombudsman.aw. Habitantenan, empresarionan, organisacionnan social y otro personanan interesa por comparti nan experiencia y entrega documentonan of otro informacion relevante pa e investigacion via OMBOX. Ombudsman ta haci un yamada na tur hende cu ta enfrenta e problematica aki pa comparti informacion. Esaki por yuda pa obtene un imagen mas completo di e situacion. Pa ayudo pa yena e OMBOX, preguntanan tocante e investigacion of pa comparti comentario, por tuma contacto cu Bureau di Ombudsman via 281 6800 of info@ombudsman.aw. Investigacion independiente Ombudsman ta conduci e investigacion aki di manera independiente y cu debido cautela. Informacion di habitantenan, instancianan envolvi y expertonan ta wordo tuma en cuenta den e evaluacion di e situacion.

Principionan di scucha y wordo scucha tambe ta forma parti di e investigacion.

motibo pa esey, e rapport tambe lo contene recomendacionnan pa e instancianan envolvi.

Despues di finalisa e investigacion, e resultadonan y conclusionnan lo wordo registra den un rapport di investigacion publico. Si tin

Ombudsman lo mantene publico informa riba desaroyonan relevante relaciona cu e investigacion aki.

DIAhuebs 8 october 2026

ACF ta invita comunidad pa un anochi di pelicula na Parke Nacional Arikok Bin disfruta di un anochi di pelicula bou strea, rondona pa naturalesa y hunto cu henter famia. ORANJESTAD, ARUBA – 6 OCTOBER 2026 – Aruba Conservation Foundation (ACF) como un organisacion independiente di maneho di conservacion, ta invita famianan pa un anochi special di pelicula na Centro di Bishitante di Parke Nacional Arikok. Dia 14 di october 2026, for di 6’or y mei te cu 9’or di anochi, ACF lo presenta e pelicula anima “The Wild Robot”, un historia pa grandi y chikito cu ta pone naturalesa central. “The Wild Robot” ta conta e historia di Roz, un robot cu ta lanta na un isla bandona sin memoria di su origen. Den su ambiente nobo, Roz mester siña con pa sobrevivi y adapta den e naturalesa rond di dje. Durante su aventura, e ta cera amistad inespera y poco poco e ta descubri su proposito, e importancia di empatia, colaboracion, y e conexion cu naturalesa. E iniciativa aki ta parti di ACF su departamento di “Learning & Outreach”, cu e meta pa inspira y involucra e comunidad pa balora y proteha Aruba su herencia natural. Den su rol di educador ACF ta busca pa crea experiencianan cu ta inspira, conecta nos comunidad cu naturalesa, y stimula hende pa tuma accion pa su proteccion. Durante e anochi, ACF lo duna un presentacion cortico tocante Aruba su especienan endemico y e rol importante cu nan ta hunga den nos sistema ecologico. E presentacion lo wordo presenta door di ACF su departamento di Learning & Outreach, creando un momento educativo y interactivo unda grandi y chikito por siña mas

tocante Aruba su naturalesa unico. ACF ta dedica e anochi aki na famianan, cu un enfoke special riba mucha di 6 aña bay ariba. ACF ta kere cu creando oportunidad pa muchanan conecta cu naturalesa for di un edad jong, lo por cultiva un sentido di aprecio, respet y responsabilidad pa Aruba su naturalesa. Inspirando e prome generacion cu amor y respet pa naturalesa, lo aporta na e formacion di muchanan pa ta Aruba su futuro guardiannan di naturalesa. Bou di strea y rondona pa naturalesa, famianan lo por disfruta hunto di un experiencia memorabel cu ta combina diversion cu siñamento. Pa disfruta di e anochi comodamente, ACF ta invita participantenan pa trece nan propio (klap)stoel. Cuminda y bebida lo ta disponible pa cumpra durante henter e anochi. Capacidad ta limita y pesey ACF ta invita pa registra famia mas pronto posibel. Por registra usando e proximo link Movie Night Registration Form – Fill out form.

Pa mas informacion por tuma contacto cu Aruba Conservation Foundation na info@acf.aw of por

bishita paginan social Facebook of Instagram.

DIAhuebs 8 october 2026

KvK:

Maneho nobo di turismo mester cuminsa na soluciona e problemanan actual Oranjestad – Camara di Comercio y Industria Aruba (KvK) a analisa e Plan di Implementacion Strategico di Turismo 2026–2031 (version RD.5) cu Ministerio di Turismo a presenta. KvK ta aprecia cu e plan ta reconoce cu Aruba mester cambia di volumen pa balor, y cu varios punto a wordo adapta compara cu e versionnan anterior. Sinembargo, KvK ta di opinion cu un maneho nobo di turismo mester enfoca prome riba solucion pa e retonan cu Aruba ta enfrentando, y cu segun KvK ta e consecuencia directo di sobreturismo. Sobreturismo ta un realidad diario Tanto habitante como bishitante ta experencia tur dia e presion riba nos isla: playanan cu ta yen, falta di luga di parkeo y un maneho cu no ta suficiente cla riba aspectonan manera UTV. Nos infrastructura, entre otro camindanan, tratamento di awa sushi y produccion di awa y energia, ta sobrecarga. Ademas, tin un cantidad creciente di keho tocante e nivel di servicio cu turistanan ta ricibi tanto den sector turistico como tambe den otro sector. Sin un servicio di calidad halto e reputacion di Aruba como destino exclusivo lo ta na riesgo. Ora cu varios barco crucero ta aden, e fluho di turista ta pone cu Centro di Oranjestad ta bira completamente congestiona y e trafico normal ta wordo stroba. E solucion sugeri den e plan, pues pa traslada barconan crucero pa San Nicolas, no ta realisabel a corto plazo. E area unda un barco crucero lo por mara ta severamente contamina door di e antiguo refineria (RdA) y e costonan pa sanea e area aki no ta inclui den e plan. Sector di Airbnb ainda no ta regula Un otro preocupacion grandi ta cu e sector di vacation rentals (Airbnb) ainda no a wordo regula. Segun e cifranan mas reciente, Aruba tin rond di 4.100 unidad di Airbnb activo: cerca di 11% di e total di cas na Aruba y 25% ta den e area di Noord. Segun un estudio di Economisch Bureau Amsterdam (2023) haci na encargo di Gobierno di Aruba, e sector aki na 2022 ya caba tabata ofrece 7.615 camber pa turista, cu ta mas cu henter sector hotelero. E crecemento aki ta contribui na e subida di prijs di cas y di material di construccion y ta haci e costo di bida mas halto pa nos hendenan. Un cas mediano ta costa rond di 11 biaha e entrada anual di un famia mediano; cada biaha mas famia local no ta alcansa di cumpra un cas propio. Menos turista, mas balor

KvK ta di opinion cu mas benificioso pa tanto e interes economico como e interes di nos pueblo y di nos medio ambiente, si tin un reduccion gradual di e cantidad actual di turista (970.000 turista di cruise y 1,52 miyon turista stayover) pa un nivel mas abao, enfocado mas riba atrae turista di mas balor. Sinenbargo e turistanan aki ta bin solamente si e servicio ta optimal, si e playanan no ta yen y si tin luga di parkeo disponibel pa nan. E cifranan ta sostene e posicion aki. Segun e calculo di KvK, basa riba cifranan di Banco Central di Aruba, pa cada 1 % di crecemento den cantidad di turista, e entradanan real di turismo a crece solamente 1,16 % (2019–2025). Esaki ta bou di e norma minimo di 1,5% cu e plan mes ta indica, y mas abou ainda di e meta di 2,0%. Esey ta nifica cu mas crecemento den cantidad di turista no ta wordo hustifica, ni a base di e indicacionnan di e plan mes. Aruba a surpasa su capacidad di carga Segun KvK, Aruba a yega caba na e limite di loke e isla por carga. Durante decadanan crecemento di turismo a sosode principalmente pa medio di mas volumen (mas camber, mas turista y mas trahado di exterior) en bes di mas balor pa cada turista. Awor cu e poblacion di Aruba ta envehece rapidamente y cu crecemento natural di poblacion a bira negativo, cada camber nobo ta exigi mas inmigracion y cada inmigrante nobo ta exigi un cas mientras cu e mercado di cas ta bou di presion caba. Mas di 1.850 camber di hotel nobo ta den pipeline, cu lo aumenta e falta di trahado y e presion riba e mercado di cas ainda mas. Un modelo di crecemento cu ta depende di inmigracion no ta sostenibel pa un isla chikito manera Aruba. KvK ta comparti e punto di bista pa boga pa stop e crecemento den cantidad di bishitante, pa controla e cantidad di barco crucero cu ta yega mesun dia y pa remplasa turistanan cu ta gasta menos pa turistanan cu ta contribui mas. Mas organo nobo, menos eficiencia Pa ehecuta e plan, ta propone pa establece mas di seis organo nobo, mientras cu e plan mes ta bisa cu e structura nobo no mester bira un capa adicional di burocracia. KvK ta sumamente skeptico tocante e manera cu diferente instancia di gobierno ta comunica y coordina cu otro. Crea organonan nobo ta haci e cadena di comunicacion mas largo y e responsabilidadnan menos cla. Esaki no ta

contribui na un comunicacion, direccion y sigur no un control eficiente. E plan ta propone entre otro un “National Ocean Rest Day”: un dia pa luna cu actividadnan manera buceo, snorkel y deporte acuatico motorisa ta wordo suspendi den zonanan designa pa duna nos rifnan di coral un dia di descanso. Un dia di descanso no tin ningun efecto sin un control estricto y control ta precisamente un punto unda Aruba mester mehora. Ademas, un dia di descanso no ta resolve e causa di e problema. Pa proteha nos playanan y nos coral di berdad e presion riba e ecosistema mester baha y esey ta nifica: menos turista. Turista ta paga mas, pero e cuenta no ta cuadra Pa financia tur e organonan y programanan aki, e turista lo mester paga un suma considerabel. E plan ta propone un “Resilience Entry Fee” di US$25 y un “Natural Capital Contribution” di US$10 pa bishitante, un aumento di 1% den room tax, fee adicional pa buceo (US$25) y pa participante den tour di UTV y ATV (US$5 pa dia) y pa auto di huur. Pa un famia di cuater persona, e dos fee fiho so caba ta nifica US$140 extra pa cada biahe. Maske cu e fee aki ta considerabel, e cuadro financiero di e plan no ta cuadra. E plan no ta cubri tur su costo y hopi di e entradanan menciona ta basa riba estimacion. Alabes, e costo di e programa di crucero no ta inclui den e presupuesto di Afl. 584,5 miyon. Algun di e estimacionnan aki, por ehempel e cantidad di buceado cu lo paga e fee nobo, ta cuestionabel. Ademas, Aruba ta conoci caba como un destino (hopi) caro. No ta apropia, y sigur ta un riesgo pa haci un bishita na Aruba mas caro ainda, mientras cu cada biaha tin mas keho tocante un nivel di servicio cu ta bahando. Turista di balor halto ta dispuesto pa paga mas, pero solamente si e calidad cu nan ta ricibi ta coresponde cu e prijs. Durante e proceso di consulta, KvK a comparti cu Ministerio di Turismo su analisis y recomendacionnan riba e plan. KvK ta keda disponibel pa sigui contribui na un maneho di turismo cu ta pone e calidad di bida di nos pueblo, e calidad di nos producto turistico y e proteccion di nos medio ambiente na prome luga: soluciona e problemanan actual prome cu evalua mas crecemento. Aruba, 5 di october 2026Camara di Comercio y Industria (KvK)

DIAhuebs 8 october 2026

Departamento di Labor y Investigacion hunto cu Minister di Turismo, Transporte y Labor, mr. Wendrick Cicilia ta habri e di tres localidad di ‘Tienda Legal Laboral’ na MFA Noord

ORANJESTAD – Directie Arbeid en Onderzoek (DAO) ta anuncia cu entrante 7 di october 2026, ‘Tienda Legal Laboral’ (TLL) ta habri oficialmente su di tres localidad na MFA Noord. E expansion aki ta marca un paso strategico importante pa bay mas cerca di e ciudadano, fortaleciendo e mision di DAO pa haci conseho laboral y informacion preventivo mas accesibel den tur bario di Aruba. Di conflicto pa prevencion den bo bario E lansamento y expansion di Tienda Legal Laboral ta representa un forma nobo y proactivo di traha. Caminda antes e enfoke

tabata principalmente riba soluciona e conflictonan laboral cu a surgi caba, TLL ta fungi awo como un centro di informacion central cu ta enfoca riba prevencion. Door di informa trahado y dunado di trabou den un fase trempan tocante nan derechonan y debernan, TLL ta aspira na un mercado laboral mas sano, transparente y balansa na Aruba. Banda di e localidadnan na MFA Savaneta y MFA Paradera, e localidad nobo na MFA Noord (Caya Frans Figaroa Noord 70) ta situa strategicamente pa brinda un servicio di drempel bou den e districto di Noord.

Intake y Servicio Tienda Legal Laboral ta basa su servicio riba cinco pilar fundamental: Husto, Profesional, Servicial, Uniforme y Accesibel. Sea ta trata di pregunta tocante pago di salario (incluyendo e salario minimo pa ora), contract laboral, dianan di vakantie of mediacion den caso di conflicto; TLL ta cla pa yuda tanto trahado como dunado di trabou den un ambiente neutral y di confiansa. TLL ta funciona a base di e sistema di ‘intake’. Nos ta atende ciudadanonan mesora segun disponibilidad, of ta yuda traha un cita pa un otro momento si esaki ta necesario.

pa motibo di trabounan den conexion cu renobacion grandi na e edificio di MFA Savaneta, e ekipo di TLL Savaneta lo opera temporalmente for di e edificio di Departamento di Progreso Laboral (DPL) na San Nicolas desde diamars 6 di october.

Reubicacion temporal di Tienda Legal Laboral Savaneta Tienda Legal Laboral (TLL) ta informa comunidad cu,

● MFA Noord (Entrante 7 di october 2026) ○ Adres: Caya Frans Figaroa Noord 70 ○ Telefon: 5237740

Localidad, contacto y orario di servicio (vigente pa tur localidad): Departamento di Labor y Investigacion ta invita e comunidad completo pa haci uzo di e servicionan aki den nan propio bario: Dialuna - diabierna: 08:00 – 12:00 & 13:00 – 15:00, diaranson: 08:00 – 12:00

○ E-mail: aruba.gov.aw

dao.tll@

● Adres y Contacto Temporal di TLL Savaneta / San Nicolas: ○ Adres nobo temporal: Edificio di DPL San Nicolas, B. v.d. Veen Zeppenveldtstraat #52, San Nicolas ○ Telefon: 5237770 ○ E-mail: dao.tll@ aruba.gov.aw

● MFA Paradera ○ Adres: Paradera 145-C ○ Telefon: 5237750 ○ E-mail: dao.tll@ aruba.gov.aw Hunto nos ta sigui traha riba un trato husto na pia di trabou, mas cerca di bo den bo bario!

DIaHUEBS 8 DI OCTOBER 2026

Fe, musica y testimonionan di recuperacion ta marca Anochi di Union na Centro Colorado

SERO COLORADO — Cantante Eltienne Yarzagaray y su banda United Melodies, hunto cu Ishon Boekhoudt y Gabriel Prato, a trece un mensahe poderoso di fe y recuperacion durante Anochi di Union, organisa pa Stichting Hunto dia 30 di

september 2026 na Centro Colorado. E encuentro a uni musica, alabansa y experiencianan personal hunto, pa demostra cu un bida nobo ta posibel despues di adiccion. Eltienne Yarzagaray y United Melodies a duna e anochi su expresion

musical, cu canticanan di fe y speransa cu a invita esun nan presente pa reflexiona. Nan contribucion a complementa e testimonionan, creando espacio pa scucha, comparti y conecta cu otro. Ishon Boekhoudt y Gabriel Prato a comparti nan experiencia cu adiccion, nan caminda di recuperacion y e rol cu fe a hunga den e cambio di nan bida. Nan testimonionan a trece e tema cerca di esnan presente: tras di cada lucha cu adiccion tin un persona, un storia y un futuro cu por wordo reconstrui. Nan a conta con nan fe a yuda nan haya forsa y direccion pa laga e bida di adiccion atras y sigui riba e caminda di recuperacion. Awe, compartiendo nan storia, nan ta bira un ehempel pa otro persona cu ta enfrenta un lucha similar. Nan mensahe ta uno di speransa, pero tambe di curashi: papia abiertamente di un pasado dificil por yuda un otro persona, pa mira cu e cambio den su bida ta posibel. E encuentro a duna espacio na storianan cu hopi biaha ta keda tras di silencio y stigma. Ora bo scucha e storia di Ishon y Gabriel, e ta pone enfasis riba e persona y su capacidad pa cambia, crece y contribui na bida di otro. Pa Stichting Hunto, Anochi di Union ta un oportunidad pa fortifica conexion y comprension rond di recuperacion. Fe por ta un

fuente importante di forsa personal; cuido profesional, apoyo di famia y comunidad, y sigui e trayecto na Stichting Hunto, tur hunto ta forma parti di e proceso pa personan den recuperacion. Stichting Hunto ta gradeci Eltienne Yarzagaray y United Melodies pa nan musica y dedicacion, y Ishon Boekhoudt y Gabriel Prato pa nan curashi pa a comparti nan experiencia. Danki tambe na tur esnan presente cu a duna nan tempo pa scucha y compaña nos. E anochi a laga un mensahe cla: un pasado di adiccion

mester cera e porta pa un futuro cu speransa.

P 10

DIAHUEBS 8 DI OCTOBER 2026

Centro di Barrio Noord ta invita comunidad:

Un anochi di relaha, expresion creativo y bienestar mental

NOORD — Centro di Barrio Noord, den colaboracion cu CEDE Aruba y Aruba Mindfulness Institute, ta prepara pa un anochi special dedica na bienestar mental, creatividad, musica y conexion comunitario. E actividad, cu e lema “Djis Relax”, ta invita habitantenan di Noord y comunidad en general pa disfruta di un momento diferente, leu di e presionnan di bida diario. E encuentro ta tuma luga dia 15 di october, di 6:00 pm te 8:30 pm, na Centro di Barrio Noord. Entrada ta completamente gratis, y tur hende ta bonbini pa participa na e programa, cu ta combina varios actividadnan enfoca riba relahacion, expresion creativo y un estilo di bida saludabel. Segun e organisadonan, e actividad ta nace for di

e necesidad pa crea un espacio unda personanan por para un rato, respira, conecta cu otro y dedica atencion na nan bienestar mental. Den un sociedad unda e ritmo di bida por ta hopi lihe, momentonan di descanso y cuido propio ta bira cada bes mas importante. Durante e anochi, participantenan por disfruta di diferente experiencia, incluyendo motivacion, arte pa relaha, alimentacion natural, musica bibo, ritmo y alegria. Tambe lo tin un momento creativo cu tips pa bienestar mental, dunando participantenan oportunidad pa discubri manera simpel y practico pa cuida nan mente y bienestar emocional. Un parti importante di

e programa ta e enfoke riba alimentacion natural. Comunidad lo por conoce y explora ideanan relaciona cu producto local y alimento natural, promoviendo un estilo di bida mas conciente y

saludabel. E actividad tambe ta pone enfasis riba creatividad como un manera pa libera tension, expresa emocion y stimula bienestar. Aruba Mindfulness Institute ta contribui cu e mensahe di cuido propio: “Cuido propio kiermen, balora e fuente di bida den bo.” E filosofia aki ta invita hende pa duna atencion na nan mes, reconociendo cu cuido di salud mental y emocional ta un parti esencial di un bida ekilibra. Musica tambe lo tin un papel central durante e anochi. Con musica bibo, ritmo y alegria, e organisadonan kier crea un ambiente positivo y relaha, unda hende por disfruta, socializa y fortalece e sentido di comunidad. Local Food Mondi Replika ta forma

parti di e experiencia, agregando un elemento local na e actividad. Centro di Barrio Noord ta spera pa mira un bon participacion di comunidad y ta enfatisa cu no tin costo pa asisti. E invitacion ta habri pa hende di diferente edad cu ta interesa den un anochi di relax, creatividad, musica, alimentacion natural y bienestar mental. “Djis Relax” ta representa mas cu un actividad social: e ta un invitacion pa para un momento, hala rosea, crea, disfruta y recorda cu bienestar ta un aspecto fundamental di nos bida. Fecha: 15 di oktober Orario: 6:00 pm – 8:30 pm Lugar: Centro di Barrio Noord Entrada: Gratis —Noord Creciendo Hunto!

P 11

DIAHUEBS 8 DI OCTOBER 2026

ARTHUR DOWERS: “LIDERAZGO TA RESPONSABILIDAD DI SIRBI HENDE Y PREPARA CAMINDA PA E SIGUIENTE GENERACION” Durante Congreso AVP 2026 – Era di Relevo, Minister di Husticia Arthur Dowers a enfoca riba e importancia di continuidad, responsabilidad y preparacion di un generacion nobo pa sigui contribui na futuro di partido AVP y Aruba. Den su discurso, Dowers a inicia cu un momento personal, reconociendo algun di su antiguo docentenan presente, entre nan Glenda Margareta y Eddie Croes. Dowers a expresa su aprecio pa e formacion y disciplina cu a ricibi y cu a contribui na forma e persona cu e ta awe. Pa Dowers, esaki ta conecta directamente cu e responsabilidad cu cada generacion tin: reconoce e trabao di esnan cu a bin prome, pero na mes momento prepara caminda pa esnan cu ta sigui. PREPARA E SIGUIENTE GENERACION Dowers a destaca cu den historia di AVP, diferente generacion a carga responsabilidad di partido na diferente momento. Ora un etapa yega na su fin, mester tin hende prepara pa tuma responsabilidad y sigui construi riba e fundeshi cu generacionnan anterior a laga atras. Den dianan prome cu Congreso, Dowers personalmente a acerca diferente persona pa invita nan pa participa. E reaccion positivo cu el a ricibi a

confirma cu tin hende cu kier aporta, participa y carga responsabilidad pa futuro di partido. Specialmente na e hobennan, Dowers a haci un yamada pa conoce historia di AVP y reconoce e sacrificio y trabao di e generacionnan anterior. Alabes, el a enfatisa cu cada generacion ta enfrenta su propio retonan. Hopi di e retonan cu Aruba ta enfrenta awe no ta caba na nos frontera. Desaroyonan internacional tin impacto directo riba nos isla, y e generacion nobo tin cu ta prepara pa participa den decisionnan cu lo determina futuro di Aruba. “E hobennan cu tin cu tuma over e partido aki” lo carga, segun Dowers, no solamente responsabilidad pa loke ta pasa localmente, pero tambe pa comprende e realidad internacional cu Aruba ta forma parti di dje. DOWERS NA MIKE EMAN: “BO A CUMPLI” Un momento importante den e discurso tabata e reconocemento na Mike Eman, kende durante Congreso a entrega liderazgo di AVP despues di 25 aña. Dowers a compara liderazgo cu responsabilidad di guia un trein durante un trayectoria largo: pasando diferente stacion, enfrentando reto y sigui cu determinacion pa yega na destino. Dirigiendo su mes

directamente na Mike Eman, Dowers a bisa: “Mike Eman, bo a cumpli.” Cu e palabranan ey, el a reconoce e trayectoria y trabao cu Eman a haci durante añanan na cabes di partido. Dowers tambe a expresa gratitud na e diferente dirigente, presidente di partido, parlamentario y miembro cu durante añanan a carga responsabilidad y contribui na AVP. LIDERAZGO TA SIRBI HENDE Mirando dilanti, Dowers a comparti un conseho pa e liderazgo nobo, basa riba su propio experencia politico. Politica ta exigi perseverancia y realismo. No por logra tur cos inmediatamente, pero esey no ta kita e responsabilidad di sigui traha y sigui busca resultado pa hende. Pa ilustra e tipo di liderazgo

cu mester sigui guia partido, Dowers a recorda un les cu el a ricibi di defunto Watty Vos. E esencia di e mensahe tabata simpel pero profundo: liderazgo no ta pa beneficio personal ni pa beneficia famia. Liderazgo ta pa stima hende y sirbi comunidad. Pa Dowers, ora un lider demostra e compromiso y amor ey pa su comunidad, comunidad tambe ta reconoce y responde na dje. Finalmente, Dowers a expresa su confiansa den e liderazgo nobo y a enfatisa cu ningun lider por carga responsabilidad su so. Tanto den momentonan dificil como den momentonan di exito, fortalesa di un partido

ta den su hendenan, den unidad y den disposicion pa carga responsabilidad hunto. E relevo dentro di AVP ta marca un etapa nobo, pero e responsabilidad ta keda mescos: honra e trabao di esnan cu a bin prome, prepara espacio pa generacion nobo y mantene servicio na pueblo como centro di liderazgo.

P 12

DIAHUEBS 8 DI OCTOBER 2026

Aruba Bank ta haci donacion di iPads nobo na Colegio Frère Bonifacius Oranjestad – 6 di oktober 2026 – Aruba Bank a haci donacion di iPads nobo na Colegio Frère Bonifacius pa yuda nan sigui cu e educacion digital y e innovacion den cada klas na e scol. Nos ta mira iPads como un potencial grandi den e uzo di toolsnan digital pa transforma e enseñansa tradicional. Pa e motibo ey, nos a tuma e decision pa haci donacion di e iPads na Colegio Frère Bonifacius pa sigura cu tur studiante por haci uzo di esaki. Representante di Aruba Bank, Michelle JacobsHarms, ta bisa: “Nos ta orguyoso di traha hunto cu Colegio Frère Bonifacius den nan esfuersonan pa inclui educacion digital den nan curriculum. Aruba Bank ta kere den

duna poder na hobennan door di duna nan e toolsnan cu nan mester pa siña mas

den e mundo digital cu ta cambia constantemente.

P 13

DIaHUEBS 8 DI OCTOBER 2026

Parlamentario di AVP, ing. Carlos Bermudez:

“Ciudadano no por paga e prijs pa limitacionnan di sistema di gobierno” Mester revisa y coregi posibel multanan inhusto di DIMP ORANJESTAD (6 di oktober 2026) — Parlamentario di AVP, ing. Carlos Bermudez, a dirigi preguntanan oficial na Minister Geoffrey Wever tocante multanan di impuesto di vehiculo cu posiblemente a duna ciudadanonan cu a haci nan pago riba e fecha final anuncia pa gobierno. Bermudez ta pidi pa investiga si procesamento bancario of administrativo a causa cu pagonan haci na tempo a wordo registra como pago laat. Gobierno a anuncia oficialmente cu 2 di februari 2026 tabata e ultimo dia pa paga impuesto di vehiculo pa e prome mita di 2026. Departamento di Impuesto (DIMP) ta ofrece ciudadano e posibilidad pa paga via Online Banking y despues solicita su recibo online. Bermudez ta presenta un situacion concreto: un ciudadano ta paga via banco riba 2 di februari y, e mesun dia, ta solicita su recibo via Decos Join, incluyendo un comprobante bancario cu ta mustra e fecha di pago. Sinembargo, despues e ciudadano ta ricibi un multa pasobra den e sistema di DIMP e pago ta aparece como ricibi despues di e fecha final. “E pregunta ta simpel: si gobierno ta bisa cu e ultimo dia pa paga ta 2 di februari, y ciudadano por

comproba cu el a paga dia 2 di februari, con nos por castiga e ciudadano como si fuera el a paga laat?”, Bermudez ta cuestiona. Prueba di Pago DIMP a indica cu pagonan via Aruba Bank, Banco di Caribe y CMB, haciendo uzo di “Bill Payment”, ta wordo procesa den un dia. Tambe a comunica cu pagonan haci riba 2 di februari despues di e ora di cierre di banco ta pasa pa e siguiente dia y ta wordo considera laat. Pa Bermudez, ta precisamente e diferencia entre e fecha cu ciudadano ta haci su pago y e fecha cu e pago ta wordo procesa of registra loke mester wordo evalua. E ta considera cu ciudadano no mester carga cu consecuencianan di procesamento bancario of administrativo sin cu su comprobante di pago haya debido consideracion. “Tecnologia y administracion ta existi pa sirbi ciudadano, no pa castiga ciudadano cu por demostra cu el a cumpli cu su obligacion riba e fecha cu gobierno mes a stipula”, e parlamentario ta enfatisa. Revision Bermudez ta solicita pa e minister laga investiga cuanto ciudadano durante 2026 a ricibi un multa pa supuesto pago laat di impuesto di vehiculo. E ta pidi un comparacion entre e datonan di DIMP,

e peticionnan pa recibo entrega via Decos Join y e comprobantenan bancario suministra door di ciudadanonan. Concretamente, e ta propone pa identifica e numbernan di auto cu a ricibi multa, verifica e fecha di e peticion pa recibo y compara esaki cu e fecha indica riba e comprobante bancario. E revision aki mester determina cuanto ciudadano a haci su pago riba 2 di februari 2026, pero toch a wordo registra como cu nan a paga laat. Pa e parlamentario, e asunto no mester keda limita na un caso individual. Si tin mas ciudadano afecta pa e mesun situacion, nan tambe mester wordo identifica pa e revision por atende tur caso relevante. Coreccion Si e investigacion demostra cu ciudadano a paga na tempo pero a ricibi multa pa motibo di procesamento bancario of administrativo, Bermudez ta considera cu gobierno mester coregi e situacion. Multanan impone inhustamente mester wordo retira. Den casonan caminda e multa ya a wordo paga, e ta pidi pa investiga e posibilidad di restitucion of compensacion cu un saldo habri. Bermudez a puntra e minister tambe si e ta dispuesto pa instrui DIMP

pa revisa y, si ta necesario, adapta su sistema di control pa evita cu situacionnan similar sigui ripiti. “Si un ciudadano paga laat, e lo tin cu paga multa. Pero paga multa mientras el a paga na tempo no

ta aceptabel. Esaki ta trata di trato husto pa tur ciudadano. Ciudadano no por paga e prijs pa limitacionnan tecnico of administrativo di gobierno”, Bermudez ta conclui.

P 14

DIAHUEBS 8 DI OCTOBER 2026

Partido AVP (Partido di Pueblo Arubano) y UPB (Union Patriotiko Boneriano) ta fortifica nan relacion historico

Partido AVP (Partido di Pueblo Arubano) ta sigui fortifica su lasonan historico cu Union Patriotiko Boneriano (UPB), basa riba un vision comparti den partido cristian democrata, bon comun y un cooperacion mas fuerte entre Aruba y Boneiro den Reino Hulandes. Despues di participacion di UPB na Congreso di

AVP na Aruba e weekend cu a pasa, Prome Minister y ex-lider di AVP mr. Mike Eman a bishita cas di Union Patriotiko Boneriano na Boneiro. Durante e encuentro, e representantenan di ambos partido a intercambia idea tocante e relacion entre e dos isla, futuro di Reino y e manera cu Aruba y Boneiro por sigui traha hunto. Aki a topa e lider

interino di UPB, Jolinda Craane, como tambe exlider di UPB, James Kroon y Burney El Hage, exdiputado pa UPB. AVP y UPB tin un relacion historico cu ta basa, entre otro, riba nan raiznan den ideologia cristian democrata. Ambos partido ta comparti e conviccion cu e islanan den Reino mester tin un rol activo den desaroyo di e relacionnan

den Reino, no solamente como receptor, pero tambe como socio cu tin su propio balor agrega y contribucion pa ofrece. Durante e bishita, Prome Minister Eman a ricibi e publicacion “Kompas pa Futuro”, cu ta contene e reflexionnan tocante futuro di Boneiro. E intercambio a brinda espacio tambe pa papia tocante e concepto di bon comun, un principio cu ta central den vision di AVP pa desaroyo economico y social. Den e contexto aki, Prome Minister Eman a señala cu crecimento economico mester traduci den progreso cu ta yega den cada cas y cada bario. Aruba por tin un industria turistico fuerte y cu hotelnan di cinco strea, pero e ambicion mester ta pa tin tambe bario di cinco strea, un hospital di cinco strea y infrastructura di cinco strea, pa asina por sinti progreso directamente den calidad di bida di pueblo. E bishita na Boneiro ta brinda oportunidad tambe pa sigui e dialogo cu diferente e diputadonan

tocante idea concreto pa cooperacion entre ambos isla. AVP ta mira intercambio di conocemento, experiencia y vision como un instrumento importante pa fortalece e posicion di Aruba y Boneiro y pa crea mas oportunidad pa ambos pueblo. Cu Wendrick Cicilia como lider nobo di AVP, kende tambe tin su lasonan familiar na Boneiro, partido AVP ta mira oportunidad pa sigui cultiva y profundisa e lasonan cu UPB y cu comunidad Boneriano. Finalmente e ex-Lider di AVP como tambe Prome Minister Mike Eman a haya un buki regalo for di e lider interino di UPB, Jolinda Craane. Partido AVP ta aprecia e relacion cu Union Patriotiko Boneriano (UPB) y ta comprometi pa sigui construi riba e fundeshi cu ambos partido a forma durante hopi aña. Meta ta pa transforma e amistad historico den mas cooperacion concreto, semper cu bienestar di pueblo di Aruba y pueblo di Boneiro como punto central.

P 15

DIAHUEBS 8 DI OCTOBER 2026

Ta sondea posibilidad di coopera den maneho di desperdicio

Prome Minister Eman y diputado Dennis Martinus ta dialoga riba cooperacion y prosperidad comparti entre Aruba y Boneiro Durante su bishita na Boneiro, Prome Minister Mike Eman a reuni diaranson mainta cu diputado Dennis Martinus (MPB) pa dialoga riba cooperacion entre Aruba y Boneiro y diferente reto cu e islanan ta comparti. E encuentro ta forma parti di e serie di contacto cu Prome Minister Eman ta tene durante su estadia na Boneiro, cu enfasis riba fortalece e relacion entre e islanan y identifica e areanan concreto caminda cooperacion por wordo amplia. Durante e encuentro, diputado Martinus a expresa su aprecio pa e bishita y a resalta e importancia di hermandad entre e islanan. E mandatario di Boneiro a indica cu e dialogo a inclui diferente posibilidad pa coopera y proyectonan cu por sigui wordo explora entre ambos isla. Prome Minister Eman, na su turno, a expresa satisfaccion di por bishita Boneiro despues di basta tempo. Awor por presencia e desaroyonan cu e isla a conoce. Eman a indica cu tanto Boneiro como Aruba ta comparti e reto di procura pa crecimento economico no keda solamente expresa den cifra, pero cu e por traduci tambe den bienestar concreto pa ciudadano. “Nos ta comparti tambe pensamento riba con nos por ta mas exitoso den procura pa nos no tin unicamente crecimiento den cifra, pero crecimento tambe den e bienestar di nos ciudadanonan,” Prome Minister Eman a expresa. E tema di prosperidad comparti ta uno cu Gobierno di Aruba ta poniendo enfasis riba dje. Segun Prome Minister Eman, e reto di

haci cu desaroyo economico realmente yega cerca di ciudadano no ta limita na nos islanan, pero ta un desafio cu diferente pais ta enfrenta. Den e contexto aki, Aruba ta impulsando dialogo riba e concepto di Common Good, buscando forma pa adapta e modelonan existente pa cu prosperidad no solamente wordo crea, pero tambe comparti y sinti den comunidad. Otro punto importante durante e encuentro tabata maneho di desperdicio. Prome Minister Eman a papia riba posibilidad pa busca un vision comparti riba “waste management”, incluyendo forma pa transforma desperdicio den un producto final cu ta sostenibel pa medio ambiente y cu, na mes momento, por genera recurso economico. Boneiro a expresa interes pa coopera hunto cu Aruba riba e asunto aki, mientras cu Hulanda tambe tin interes den e dialogo. Prome Minister Eman a indica cu despues di su mision na Boneiro, e dialogo lo continua pa Corsou. Eman a enfatisa cu e concepto di bon comun ta specialmente importante pa e islanan, cu historicamente conoce periodo di escasez y menos prosperidad. Pa Gobierno di Aruba, ora tin crecimento y prosperidad, ta importante pa e beneficio di esaki por yega cerca di e pueblo. E encuentro cu diputado Dennis Martinus ta forma parti di e esfuerso pa fortalece e lasonan entre Aruba y Boneiro y sigui construi cooperacion concreto riba e temanan cu ta di interes comparti pa ambos comunidad.

“ The Lord is my Shepherd, I shall not want.”

With deep sadness we announce the passing of our beloved:

Cynthia Elaine Gumbs *December 20, 1937 – † September 26, 2026

Left to mourn her loss are her: Children and Fam: Clemence & Bert Free Leonardo Gumbs Melvin Gumbs & Marina Tromp Dennis Gumbs Russel & Christina Gumbs Edsel & Emese Fernandez. Grandchildren and Great Grandchildren: Jeffrey, Yuri & Yentl Free, Leonardo, Lisa & Liesje Gumbs, Mariska Richardson, Kaira & Leiqui Gumbs, Makiba Hassel, Shermelin & Shardien Geertruida, Thierry & Yorick Gumbs, Davis Gumbs, Antony & Malaci Gumbs, and Strea Fernandez Beloved Brothers & Sisters: 8 alive & 8 †

She was related to: Gumbs, Free, Fernandez, Romney, Richardson, Conner, Thompson, Cather, Smith, Adolphus, Bennet, Gerrot, Wesselhoft, Kasper, Geertruida, Spanner & Bernabela.

Funeral service will be held on Friday October 9, 2026 from 2pm to 4pm at Capilla Santa Famia in Pos Chikito followed by the internment at Sabana Basora.

P 16

SUDOKU

DIAHUEBS 8 DI OCTOBER 2026

FORTALEZA PA FAMIA Scirbi pa Pastor Marcel Balootje.

UN DIA CRISTO HESUS LO BINI E dia y e ora ningun hende no sa, pero mescos cu e cunukero ta ripara ta tempo di cosecha , asina tur esnan cu ta kere den Cristo ta nota den e senjalnan, den acontesimento mundial, den movecion di naturalesa y den tur locual cu Cristo Hesus a bisa y ta para scirbi den Mateo 24, cu e tempo ta asercando.

Kico ta nifica e furia di Dios lo keda riba hende?

Tin hopi hende tin miedo di tur locual ta pasando, pasobra ningun caminda ta safe di locual Dios su palabra ta bisa , pasobra locual ta para scirbi lo bini riba mundo completo manera ta para scirbi den Lucas 21:34-36.

Den Romanonan 2:5 e palabra ta bolbe splica con hende pa motibo di nan capricho y nan curason cu no kier arepenti, ta montona furia di Dios pa nan mes, den e dia di furia y huicio di Dios.

Te ainda e harido no kier stop di hari, ni e cherchado no kier stop di chercha, tampoco esnan cu ta rechasa Cristo Hesus , nan curason no kier cambia, y nan curason y pensamento cada dia ta aleha mas for di su palabra, buscando y sirbiendo diosnan falso cu no ta existi ni tampoco por duna salbacion. Manera ta para scirbi cu esnan cu ta kere den Cristo Hesus lo wordo persigi, pasobra nan kier biba un bida cu ta agrada Dios, den santidad, y den pas, y asina cumpli cu e propostito di Dios den nan bida. Laga nos habri nos wowo bon cla, y sigi perservera, pasobra ta cosnan grandi ta na caminda, laga nos pidi Dios pa habri porta, pa e evangelio di Dios por alcansa tur caminda, manera e gran comision ta manda nos. Laga tur hende samina nan mes, ya cu nos no por husga otro, pero nos mester anuncia na tur hende , aunke pa hopi e zona duro e palabranan cu ta para scirbi den Juan 3:36 bisando: Esun cu ta kere den e Yiu tin bida eterno, ma esun cu no obedece e Yiu lo no mira bida, ma e furia di Dios lo keda riba dje.

Awel den Juan 3:16-18 e ta splica nos cu esun cu no kere lo ta condena, pasobra e no a kere den e Yiu unigenito di Dios. Caminda tin condenacion eynan e furia di Dios lo ta.

Y splicando mas cla ainda , nos tur por comprende , cu Dios a stima mundo asina tanto cu e kier duna tur hende un chens pa drenta cielo, cu ta solamento door di kere y biba pa su Yiu Cristo Hesus. E tempo ta birando cortico , nos no sa cuanto tempo mas nos tin, e mundo ta birando cayente, esey ta un di e senjalnan cu ta demostra mas cla locual ta para scirbi den 2 Pedro 3:7. E promesa den Juan 14:1-4 ta pa nos no tin miedo, pa nos kere den Dios, y kere den Cristo Hesus manera ta para scirbi, cu E lo bay , y drecha lugar pa nos y despues bin bek bin busca nos pa caminda E ta nos tambe por ta. Tene bon cuenta cu locual ta para scirbi de 1 Thesalonisensenan 4:16-18. Tempo trabahoso, caminda ciencia y technologia ta aumentando, y mas y mas hende ta desvia , poniendo nan atencion y dedicacion na loke ta terenal y keda sin su busca locual ta eterno, cual ta e salbacion cu Cristo Hesus so por ofrece. E ladron ta bini solamente pa horta, pa mata y pa destrui. Cristo Hesus ta duna bida eterna.Sinceramente , Pastor Marcel Balootje.