Diahuebs october 29 2026 by Solo DI Pueblo

DIAHUEBS 29 OCTOBER 2026

29 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

PARLAMENTARIO XIOMARA MADURO TA CUESTIONA MOU DI FLOATING FARM:

“PAKICO TRECE COMPANIA DI AFO, MIENTRAS NOS CUNUKERONAN NO TA HAYA SOSTEN?” UNIT NARCOTICA CU DETENCION Y A CONFISCA DROGA DURANTE ENTRADA HUDICIAL NA HOOIBERG

POLISNAN CU A TIRA AYDEN LANOY MATA A PIDI HOF PA LAGA HACI MAS INVESTIGACION

DIAhuebs 29 october 2026

PABIEN HENNY LEO CU 87 AñA DI EDADPIONERO DEN PUSTAMENTO DI AUTO Y DI E DEPORTE DI DRAGRACING NA ARUBA Cu gran satisficacion mi kier felicita sr. Hendrik Federico Leo, miho conoci como Henny Leo kende ayera a cumpli e bunita edad di 87 anja. Pabien na su persona y tambe familiarnan, amistadnan, amigo y conocirnan. Como ex-miembro di SAMS pero principalmente como bon amigo di sr. Henny Leo y naturalmente cu su permiso lo mi kier trece den e matutino aki un historia cortico di sr. Leo encuanto e deporte di pustamento di auto na Aruba cal a cuminsa den siglo pasa. Segun mi a wordu informa Henny desde chikito a cuminsa haya interes den auto y esaki a inicia for di 12 aña di edad. Na momento cu Henny a jega na e edad di 15 aña ela cuminsa juda su tata riba su auto cual tabata un Nash modelo 1936. Despues Henny tabata bai yuda un mecanico, un cierto Juan Hoevertsz na Seroe Patrischi y eynan ta na unda cu su interes pa cu dia pa dia a bira mas grandi. Mas despues ora cu school caba Henny diariamente tabata traha den un garage di un tal señor Adith Perez unda ela siña con pa saka sla di auto y spuitmento y asina Henny a bira un “junior mechanic” Papiando di pustamento di auto riba Aruba hopi hende lo por corda ainda cu antes ta pusta auto di San Nicolas pa Playa pasando na Pos Chiquito, despues sigi pa Barcadera parti paden y bayendo pa vliegveld y terminando unda cu awe ta e rotonde di Las Americas. Henny su pasion pa pusta auto e tempo ey tabata grandi y den añanan 60 a lanta Leo’s Racing Team conhuntamente cu su amigo Shon Pa ( Juan Jose Federick Lopez) kende tambe ta gusta pusta auto. Amigonan di Henny antes den pustamento di auto tabata entre otro Shon Pa Lopez, Chico Croeze, Zeppy Macherowski, Selvin Houtman Edwin (Djais) Orman, Sha Orman, Eduardo de Kort, Ata Broadbelt, Betty Croes y Winston Jackson, kende por cierto tabata e prome Arubiano cu e jega di pusta auto ilegal na Corsou riba e caminda di Nieuwe Haven y despues na Bullenbaai. Despues cu a construi Aruba Caribbean Hotel na aña 1957 y a traha e boulevard existente a cuminsa cu pustamento di auto ilegal tanto den dia como anochi y cuminsando for di DOW (playa) te cu Malmok cual tabata un trayecto basta largo. Henny Leo cu Shon Pa Lopez tabata e actornan principal den pustamento pero Henny mes tabatin e funcion masha peligroso, esta sinta na banda como nabegante den e auto concerni. Ken por corda ainda e auto Caballo Blanco? Tur e aventuranan aki durante añanan largo pasobra no tabatin un

pista na Aruba. Barcadera tambe e tempo ey tabata un lugar di pustamento di auto pero peligrosisimo y te ainda. Pa hasi e pustamento di auto legal na Aruba Henny y algun amigonan a dicidi di lanta un organisacion cual a ser formalisa dia 18 di september 1963 bou e nomber Aruba Racing Association (ARA). E miembronan e tempo ey tabata Srs. Zepp Macherowski, Ronny Toppenberg, Chico Croeze, Jossy Flanegin y Henny mes. E organisacion aki e tempo ey den tur forma a busca pa haya un tereno pa por traha un pista, segun mi na Modanza, no a resulta y poco poco e organisacion mes a desparece. Henny en todo caso no a para keto y den añanan 70 a lanta diferente compania of negoschi relaciona cu drechamento di auto of truck of autonan pa pusta y fuera di e negoschi di Leo’s Towing Henny a cuminsa cu un yunkyard (sloperij) pa bendemento di pieza di auto segunda mano.Den su garage na Santa Cruz Henny y su yiu Giovanni pa añas largo tabata prepara diferente autonan di drag pa nan bai pusta na Corsou, duna nan conseho y hasta yuda nan mas tanto cu ta posibel. Ta bon pa menciona cu Leo’s Racing Team, bou guia di Henny tabata tambe e prome Racing Team di drag di Aruba cu a participa den caredanan na Corsou. Bayendo den e deporte di drag por corda cu dia 10 di juni 1971 e fundacion SAMS (Stichting Aruba Motor Sport) a keda lanta dilanti notario E.L. Lacle cu e miembronan kendenan tabata: Henny Leo, Francisco Croeze, Freddy Lopez , Frans Varis y Sylvio Varis. Na principio tabata e idea di traha un pista di drag di 800 meter largo riba un tereno na Arikok, bou e titulo di Golden Drag Way pero esaki no por a continua of finalisa pa motibonan di naturalesa y aspectonan Ambiental. Por cierto basta trabou a wordu hasi e tempo ey riba e tereno menciona Cu cooperacion di gobierno y otro instancianan a logra despues di haya un tereno na San Nicolas esta na Palo Marga y eynan trabounan di construccion a cuminsa inmediatamente cu yudansa di gobierno y empresarionan local y cooperacion di e gran persona Ho Sing Loy y Arubaanse Wegenbouw. SAMS e tempo aya tambe a cuminsa hanya problema interno y esaki a conduci cu e trabounan na Palo Marga a stop y no tabatin movecion mas. Tur cos a keda status quo pa basta tempo. Den añanan 80 y 81 SAMS a wordu reorganisa cu nombramento di un Directiva nobo y cu participacion di varios miembronan existente, entre otro sr. Henny

Leo , Freddy Lopez, Frans Varis y Sylvio Varis. Miembronan nobo tabata sr. Richard Mercera y suscrito. Mi entrada como miembro di Directiva tabatin un solo meta esta: Bin cla cu e pista di drag na Palo Marga cual a sosede tambe Pa mi por hasi e storia cortico mi por menciona cu e motornan grandi di e Proyecto aki ta: Sr. Wim van Helvoort y Michel Deams di Arubaanse Wegenbouw, Sr. Richard Mercera di DOW , Gobierno di Aruba, gobierno di Aruba, Bestuur completo di Stichting Aruba Motor Sport y en especial Sr. Henny Leo kende a coordina y guia henter e proceso di construe e pista na Palo Marga y di comienso te cu final. Henny hopi danki pa esaki. Ta pesey mes merecidamente su Majestad Rey Willem Alexander a otorga na Sr. Hendrik Federico (Henny) Leo e ordo di “Lid in de orde van Oranje Nassau”. Un reconocimento na su lugar di un gran deportista Arubiano. Henny Leo, un biaha mas un caluroso felicitacion cu bo 87 aña di edad hunto cu bo famia y amistadnan. Dios bendiciona bo y hopi aña mas di bida. Mi kier accentua si cu door un fout e nomber di Sr. Juan Werleman, otro miembro prominente di SAMS a cai afo. Den mi proximo articulo lo mi bai extenso riba e gran trabou cu Juan Werleman, den felis memoria, a desplega pa cu e pista na Palo Marga.Andre Wernet Ex-miembro SAMS y di Aruba y di Stichting International Raceway Park Palo Marga

DIAhuebs 29 october 2026

Cuerpo Policial Aruba Ta Informa

UNIT NARCOTICA CU DETENCION Y A CONFISCA DROGA DURANTE ENTRADA HUDICIAL NA HOOIBERG

Diamars den oranan di mainta Unit Narcotica a haci un entrada hudicial na un apartment na Hooiberg. Durante e entrada hudicial a detene un hende homber di inicial E.R.R.M di 44 aña naci na Republica

Dominicana.

KPA tabata presente.

E accion tabata relaciona cu bendemento di droga. A confisca un cantidad grandi di droga entre otro marihuana, cocaina y MDMA. Durante e accion diferente departamento di

Ta trata di Unidad di K9 Unit y RRT. Cuerpo Policial Aruba ta recorda nos comunidad cu sa of a wak algo pa yama e tiplijn di polis cu ta 11141. Bo ta keda anonimo.

Wardacosta di Caribe Hulandes a ricibi un notificacion for di un barco crucero cu tabata pidi pa un evacuacion medico

Riba diamars anochi, 27 di october 2026, Centro Operacional Maritimo di Wardacosta di Caribe Hulandes a ricibi un notificacion for di un barco crucero cu tabata pidi pa un evacuacion medico. Ta trata di un hende homber turista cu nacionalidad Mericano di 79 aña di edad cu a sufri di un atake di curason. E pasahero tabata mester di asistencia medico mas lihe cu ta posibel. Centro Operacional

Maritimo di Wardacosta a tuma contacto cu CITRO Medico pa ricibi conseho. Despues di a consulta cu e medico, a determina cu e persona tabata rekeri di asistencia medico urgentemente. E barco crucero tabata nabegando relativamente leu for di Aruba y ta pa e motibo ey, a dicidi di pidi tripulacion di helicopter pa asisti cu e caso. Despues di e preparacion nan necesario, a sali cu urgencia den direccion di e crucero. E pasahero a ser entrega na e tripulacion di

helicopter cu a logra di transporta e y tambe e medico di e barco, pa asina hiba nan Aruba. Na momento cu a yega Aeropuerto Internacional di Aruba, personal di ambulance a tuma e pashent over y a sali den direccion di hospital pa e por ricibi e tratamento medico necesario. E tipo di operacion nan aki ta subraya e importancia di un bon coordinacion y comunicacion cu tur instancia nan concerni na momento

cu ta trata bida di hende. Cada seconde ta conta. Wardacosta di Caribe Hulandes ke expresa palabra nan di gradicimento na aeropuerto internacional di Aruba, gobierno di Aruba y tambe tur instancia nan concerni pa e bon cooperacion, comunicacion, flexibilidad y profesionalismo durante di e tipo di caso nan aki. Hunto nos ta soru pa bienestar y siguridad di Aruba. Hunto nos ta fuerte!

DIAhuebs 29 october 2026

Noticia di Corte

Polisnan cu a tira Ayden Lanoy mata a pidi Hof pa laga haci mas investigacion ORANJESTAD – Awe merdia 2’or e agentenan M.V. y R.D., culpabel di a tira mata Ayden Lanoy a presenta den Corte dilanti Hof di Corte Superior. Tratamento no a tuma lugar sino e peticion di e Polisnan pa NFI haci mas investigacion. SOLO DI PUEBLO por a compronde cu tabatin un discusion entre abogadonan mr. Carlo y mr. Illes y Procurador General (PG) tocante pa laga NFI haci investigacion. Na final e abogadonan a bay di acuerdo cu e proposicion di PG pa nan haci un dialogo cu NFI pa mira ki tipo di investigacion mester haci y ki experto mester usa. PETICION DI ABOGADONAN Den sala di Corte tabata presente famianan di e defunto Lanoy. E agente di Polis R.D. a bisa Hof cu a apela e sentencia pasobra e ta haya cu e caso aki a bay a base Landsrecherche su punto di bista y no loke realmente a pasa. Hof a bisa cu tabatin intercambio entre abogadonan y PG pa cu peticionnan pa investigacion pa tratamento di e caso. Mr. Carlo a cuestiona e hecho cu PG a rechaza tur nan peticion cu 13 pagina. E ta puntra su mes si Ministerio Publico ta busca e berdad of ta djis e caso. E abogado ta haya cu Ministerio Publico tin e deber di busca e berdad. El a remarca cu ultimo tempo Ministerio Publico ta tuma e postura di combati crimen siendo cu e tin e funcion di busca e berdad kico a sosode. E abogado a remarca cu Ministerio Publico ta nenga e peticion y ta sigui 3 miembro di Landsrecherche. E abogado ta haya cu mester crea e oportunidad pa un experto haci investigacion. El a pidi Hof pa pa laga NFI haci investigacion y no Landsrecherche. E pregunta pa cu e investigacion ta, si e auto Toyota a core bay dilanti of bay patras. E abogado ta haya cu esey ta importante pa determina si e

agentenan a acuta den defensa propio. Mr. Carlo y mr. Illes ta pidi un proceso husto y pesey ta pidi Hof pa honra e peticion pa laga NFI haci investigacion. PG TA REACCIONA PG a reacciona cu abogadonan ta haci ataque contra dje. E ta haya cu abogadonan no ta motiva nan peticion. Nan ta pidi pa laga NFI haci investigacion. PG a splica Hof cu for di principio a dicidi cu Landsrecherche pa laga NFI haci investigacion riba e imagennan di videonan. Na opinion di PG, e preguntanan cu abogadonan ta haci, no ta pa experto y cual experto. PG ta haya cu si organiza un dialogo cu experto lo mester pidi pa Hues Comisario regla esaki. E ta haya cu lo ta mihor un dialogo cu NFI pa determina ki experto y kico lo mester investiga. Hof a bisa cu abogadonan ta cuestiona e conclusion di Landsrecherche pa cu nan investigacion y kier pa NFI haci investigacion. Segun mr. Carlo un experto a bisa nan cu loke Landsrecherche ta pone riba papel no ta cuadra. Abogado kier pa determina kico Landsrecherche ta constata ora cu a los e promer tiro. Na dado momento mr. Illes a hiba palabra y a bisa cu nan ta di acuerdo cu e punto di bista di PG pa tin un dialogo cu NFI pa mira con lo mester haci investigacion y kende lo mester haci investigacion. Hof a bisa cu e peticion di abogado pa scucha miembro di Landsrecherche, PG a bisa cu pa pone riba papel e preguntanan y Landsrecherche ta traha procesverbaal. Abogado mr. Carlo a bisa cu mester tin oportunidad di cu abogadonan lo por haci mas pregunta a base di e procesverbaal. Hof a pospone e caso un rato pa evalua ki dia lo por tuma un decision. Hof a palabra pa 3 December 2026 lo tuma decision riba

e peticion y e dia ey lo fiha un fecha pa tratamento di e caso. APELA CONTRA 3 AÑA DI PRISON Dia 2 di April 2026, Hues ta haya M.V. y R.D. culpabel di a tira mata Ayden Lanoy riba e anochi di 9 Februari 2025. Hues no tabata di acuerdo cu e exigencia di Fiscal di 12 luna di prison y a condena M.V. y R.D. na 3 aña di prison di cual 1 aña ta condicional cu 1 aña di prueba. POLISNAN NO AUTORIZA PA TIRA Hues den su sentencia a mustra cu e abogadonan di M.V. y R.D. ta haya cu e Polisnan tabata autoriza pa usa nan arma pasobra nan tabata sinti nan bida na peliger. Hues a bisa cu teniendo cuenta cu leynan di Aruba y Europa, Polis tin libertad pa usa arma pero te na un limite. Na opinion di Hues, promer y despues di e incidente no tabatin indicacion cu Lanoy tabata arma. Tabata trata di un chofer cu tabata huy di Polis. No tabatin un situacion cu e dos Polisnan nan bida tabata na peliger. Nan a baha for di e patruya di Polis, saca arma y los tiro. Na opinion di Hues, no tabatin necesidad pa a tira y e Polisnan no tabata autoriza segun ley pa tira. POLISNAN NO A ACTUA DEN DEFENSA PROPIO Hues a rechaza e ponencia di e abogadonan cu e Polisnan a actua den defensa propio. Hues tambe a reaccion riba e defensa di e abogadonan cu e Polisnan lo a pensa cu nan bida ta na peliger. Hues ta haya cu esaki tampoco ta acceptable. Na opinion di Hues, como agentenan di Polis, tabata spera cu nan lo a actua corecto. E hecho cu nan tabatin diferente asistencia riba e dia ey, no ta kita afor cu como Polis, M.V. y R.D. mester por a actua corecto.

DIAhuebs 29 october 2026

Parlamentario Xiomara Maduro:

Na man di AVP–FUTURO, Aruba ta bay un stap atras den transparencia financiero

Transparencia financiero y control parlamentario ta forma e base di un gobernacion responsabel. Sin informacion actualisa y sin aprobacion di cambionan presupuestario na tempo, Parlamento no por eherce su funcion di control y pueblo di Aruba no por haya claridad tocante con ta administra su placa. Pa e motibo ey, Parlamentario Xiomara Maduro ta cuestiona e manera cu Gobierno AVP–FUTURO ta maneha su responsabilidad financiero y ta duna cuenta na Parlamento di Aruba. “October ta bay caba y ainda Parlamento no a aproba ni e prome Cambio di Presupuesto di 2026. Esaki ta un paso atras den transparencia y control parlamentario”, Maduro ta declara.

Asina nos tabata percura pa Presupuesto di Pais Aruba ta mas realistico posibel.”

Un presupuesto no ta un documento cu Gobierno por aproba y despues laga den un lachi. Durante aña, entrada y gasto di Gobierno por cambia como resultado di desaroyonan economico, decisionnan politico y necesidadnan inespera. P’esey, ta esencial pa Parlamento haya e informacionnan necesario na tempo pa controla si e gastonan ta cuadra cu e entrada real y si Gobierno ta respetando e prioridadnan aproba. “Parlamento no por eherce su funcion di control debidamente si Gobierno no ta bin na tempo cu e informacion y e cambionan presupuestario necesario.”

Maneho y Control Continuo Maduro ta recorda cu desde 2023, durante su gestion como Minister di Finansa, a introduci e practica di presenta cambionan di presupuesto na Parlamento na comienso di aña. Banda di esaki, meymey di aña tabata duna un update financiero y na fin di aña tabata presenta e Cambionan di Fin di Aña. E sistema aki tabata brinda Parlamento e oportunidad pa sigui e desaroyonan financiero durante henter aña, en bes di solamente evalua e situacion despues cu e decisionnan ya a wordo tuma.

Pueblo Merece Claridad E falta di claridad ta lanta pregunta importante tocante e situacion financiero di Pais Aruba. Maduro ta cuestiona pakico Gobierno AVP–FUTURO no a mantene e practica di rendicion di cuenta periodico, y dicon Parlamento ainda no a haya oportunidad pa evalua y aproba esakinan.

“E meta tabata pa Parlamento haya informacion financiero actualisa, pa por evalua e desaroyonan y aproba cambionan necesario.

Maduro ta haci un yamada na Minister di Finansa, Geoffrey Wever, pa duna claridad riba e retraso. Pueblo tin derecho di sa

“Transparencia financiero no ta un slogan. Ta un obligacion di bon gobernacion. Parlamento mester por controla con Gobierno ta administra placa di pueblo.”

con su placa ta wordo gasta y si e decisionnan financiero ta wordo tuma di acuerdo cu e prioridadnan aproba. “Nos mester fortalece control parlamentario, no debilit’e. Despues di e progreso cu nos a logra desde 2023, ta lamentabel pa

mira cu AVP–FUTURO ta duna un paso atras. Pueblo di Aruba merece transparencia, responsabilidad y claridad tocante su finansa publico. Rendicion di cuenta no ta un fabor na Parlamento ni na pueblo; ta un deber fundamental di cada Gobierno.”

DIAhuebs 29 october 2026

Aruba ta inicia proximo fase di consulta publico pa su areanan marino di lama grandi ORANJESTAD, ARUBA – 28 OCTOBER 2026 - Como parti di e compromiso continuo di Aruba pa proteha su medio ambiente marino bou di e meta global di 30x30, Gobierno di Aruba, pa medio di Directie Natuur en Milieu (DNM), den colaboracion cu Aruba Conservation Foundation (ACF) y Blue Marine Foundation (BMF), ta invita comunidad y usuarionan di lama pa participa den e proximo fase di consulta publico. Tres sesion di informacion y consulta publico lo tuma luga dia 28 y 29 di october y 11 di november 2026, durante cual lo presenta cuater scenario proponi pa proteccion di areanan marino di lama grandi (offshore) di Aruba. E compromiso di Aruba cu 30x30 E meta global di 30x30 ta busca pa conserva y maneha efectivamente por lo menos 30% di e areanan terestre y marino di mundo pa aña 2030. Aruba a incorpora e meta aki den su Strategia Nacional y Plan di Accion di Biodiversidad (NBSAP) 2024–2030, cu ta indica e prioridadnan di nos isla pa proteha y restaura biodiversidad. E oceano ta uno di e recursonan natural mas valioso di Aruba. E ta provee cuminda, sostene pesca y e medio di subsistencia di hende, y ta contribui na nos economia, cultura y forma di bida. Proteha nos ecosistemanan marino ta esencial pa mantene e beneficionan aki pa generacionnan actual y di futuro. Continuando consultanan anterior

riba

For di februari te cu april 2026, DNM, ACF y BMF a tene

un prome ronda di consulta cu representantenan di gobierno, organisacionnan nogubernamental, gruponan di comunidad y sectornan cu ta haci uzo di lama. E opinionnan ricibi, hunto cu datonan cientifico disponibel y evaluacionnan tecnico, a contribui na desaroyo di cuater scenario proponi pa proteccion di lama grandi. E fase actual ta enfoca exclusivamente riba areanan marino di lama grandi (offshore). Lo trata e proteccion di areanan cerca di costa (nearshore) separadamente pa medio di un proceso mas largo. Ta importante pa enfatisa cu e cuater scenarionan proponi no ta decisionnan final. Aruba ainda ta evaluando posibel areanan pa proteccion marino y e proceso no a yega na e etapa di desaroya un plan di maneho. Decisionnan tocante eventual designacion y maneho di e areanan aki lo wordo considera den etapanan posterior. Ta p'esey participacion di comunidad ta importante awor. E experiencianan, perspectivanan y conocemento local di personanan cu ta uza y depende di lama ta contribucionnan valioso na e

proceso. Sesionnan di informacion publico Gobierno di Aruba, pa medio di DNM, den colaboracion cu ACF y BMF, ta invita comunidad y tur usuario di lama pa participa den e siguiente sesionnan: • Diaranson, 28 di october: Teresita Center, San Nicolas • Diahuebs, 29 di october: MFA Noord • Diaranson, 11 di november: MFA Paradera Orario: 6:45 PM – 8:45 PM Durante

sesionnan

aki,

participantenan lo haya informacion tocante e cuater scenarionan proponi, por haci pregunta, pidi aclaracion y comparti punto di bista por medio di yena un encuesta di consulta. Como parti di e proceso di consulta publico, lo tin tambe un encuesta online disponibel te cu 27 di november 2026, pa comunidad por contribui cu su opinion. Mas informacion tocante e encuesta y con pa participa online lo wordo comparti proximamente. Pa mas informacion y actualisacionnan, sigui Aruba 30x30 riba Facebook y Instagram.

DIAhuebs 29 october 2026

Parlamentario Xiomara Maduro ta cuestiona MoU di Floating Farm: “Pakico trece compania di afo, mientras nos cunukeronan no ta haya sosten?”

Parlamentario Xiomara Maduro (MEP) a entrega 12 pregunta oficial na Minister Geoffrey Wever tocante e Memorandum of Understanding (MoU) cu Minister di Turismo Wendrick Cicilia a firma, hunto cu Aruba Ports Authority (APA), pa explora un proyecto di Floating Farm na Aruba. Maduro ta cuestiona e iniciativa aki, specialmente considerando cu Gobierno AVPFUTURO ainda no tin un Landsverordening Instelling Ministeries (LIM) nobo, cu mester defini e reparticion formal di responsabilidad entre ministerionan.

sosten necesario di Gobierno. Awor Gobierno ta habri porta pa un compania di exterior.

“Pakico Gobierno no ta cuminsa cu sostene nos propio cunukeronan? Kico ta e vision pa agricultura local? Y ki garantia tin cu e proyecto aki lo beneficia Aruba su propio productornan?” Maduro ta enfatisa cu innovacion ta bon, pero e no mester bin na costo di oportunidadnan pa productornan local.

“Con Minister di Turismo ta firma un MoU riba tereno di agricultura, cu ta responsabilidad di Minister Wever? Minister Cicilia a haya mandato di Conseho di Minister pa esaki?”

E parlamentario ta solicita claridad tocante e mandato di Minister Cicilia, e rol di Minister Wever, eventual compromiso financiero y e beneficio concreto pa Aruba. Tambe el a pidi copia completo di e MoU y contestacion dentro di tres siman.

Pero e preocupacion ta bay mas leu. Segun Maduro, cunukeronan local tambe ta sorprendi cu e iniciativa. Aruba tin cunukeronan cu ta produci cuminda local caba, hopi biaha sin e

“Prome cu Gobierno ta habri porta pa compania di afo, laga nos sa kico Gobierno ta haci pa esnan cu ta planta y produci cuminda na Aruba caba.”

DIAhuebs 29 october 2026

SETAR y Universidad di Aruba ta colabora pa un futuro mas sostenibel

SETAR ta contento di a colabora cu e facultad di Hospitality and Tourism Management Studies (FHTMS) di Universidad di Aruba den cuadro di e minor Destinations in Transition, un programa cu ta wordo ofreci den colaboracion cu NHL Stenden University of Applied Sciences. E colaboracion aki tabata enfoca riba intercambio di conocemento y ideanan innovativo, brindando e studiantenan oportunidad pa traha riba retonan practico relaciona cu sostenibilidad y desaroyo tecnologico. E programa a inicia na september, unda cu e studiantenan a bishita SETAR, pa cera conoci cu nos compania y tambe cu e dos temanan di investigacion. Durante e programa, tres grupo di studiante a enfoca riba Waste

Management and Sustainability Footprint at SETAR, explorando posibilidadnan relaciona cu maneho di desperdicio, e-waste, na SETAR. E otro tres gruponan a enfoca riba Digital Services & IoT as Enablers of Sustainable Tourism at SETAR, explorando e rol cu servicio digital y tecnologia di Internet of Things (IoT) por hunga den e desaroyo di turismo sostenibel na Aruba. E siman cu a pasa, e studiantenan a presenta e resultadonan final di nan proyecto na SETAR. Durante e presentacionnan, nan a comparti nan ideanan como tambe nan recomendacionnan. Pa SETAR, e colaboracion cu Universidad di Aruba ta representa un oportunidad valioso pa conecta cu educacion y

pa stimula intercambio di conocemento riba temanan actual manera sostenibilidad, innovacion

y tecnologia. Nos ta gradici e studiantenan pa nan dedicacion y contribucion

durante e programa y Universidad di Aruba pa e oportunidad pa traha hunto riba e iniciativa aki.

DIAhuebs 29 october 2026

Aruba Bank ta orguyoso di contribui na Biblioteca Nacional Aruba y patrocina Festival di Buki pa Mucha 2026

Dos donacion ta apoya acceso na lesamento pa adulto mayor y ta stimula e amor pa buki serca nos muchanan

Oranjestad – 28 di oktober 2026 - Aruba Bank ta orguyoso di apoya Biblioteca Nacional Aruba cu dos donacion: un contribucion pa amplia su coleccion di buki cu letra grandi y un patrocinio pa Festival di Buki pa Mucha 2026. Como e unico biblioteca riba e isla, Biblioteca Nacional Aruba ta sirbi henter e comunidad cu material di lectura, tanto

pa educacion como pa recreacion. Cu e dos donacionnan aki, Aruba Bank ta contribui na haci lesamento mas accesibel pa diferente generacion.

Mas opcion di lectura pa adulto mayor Buki cu letra grandi ta un necesidad importante den

nos comunidad, mientras cu e coleccion actual di Biblioteca ta limita. E donacion di Aruba Bank ta yuda amplia e coleccion aki, ofreciendo adulto mayor mas opcion di material di lectura y mas oportunidad pa sigui disfruta di lesamento. Stimula lesamento serca

nos muchanan Adicionalmente, Aruba Bank ta un patrocinador orguyoso di Festival di Buki pa Mucha 2026. E festival ta forma parti di e esfuersonan di Biblioteca pa stimula lesamento serca muchanan di scol preparatorio y scol basico di Aruba, un di su metanan primordial.

Den cuadro di e celebracion di 75 aña di Biblioteca, Aruba Bank ta reconoce su contribucion na educacion y cultura di Aruba. Pa medio di ambos donacion, e banco ta apoya oportunidad pa tanto nos muchanan como nos adulto mayor sigui lesa, siña y descubri.

P 10

DIAhuebs 29 october 2026

Durante reunion cu Prome Minister Mike Eman y Minister Cicilia

Lider di fraccion VVD: Ta importante pa beneficio di turismo yega na henter pueblo di Aruba Hulanda ta reconoce importancia di acopla salario minimo y \ bestaansminimum na Aruba E lider di fraccion di VVD den Tweede Kamer, Ruben Brekelmans, ta considera cu e discusion tocante bestaansminimum y aumento di salario minimo na Aruba ta un asunto hopi relevante. Esaki e a declara despues di un reunion cu Prome Minister Mike Eman y su delegacion. Segun Brekelmans, ta importante pa Aruba percura cu e entrada economico genera pa turismo no beneficia solamente e sector mes, sino cu e prosperidad aki yega na henter comunidad y cu ningun hende keda atras. Prome Minister Eman tabata acompaña pa Minister Plenipotenciario di Aruba na Hulanda, Mildred Schwengle, y Minister di Turismo, Transporte y Labor, Wendrick Cicilia.

E lider di fraccion di VVD a indica cu Hulanda tambe ta wak con por fortalece sector turistico, mientras na mes momento percura cu henter poblacion por beneficia di e crecemento economico.

“Dat dat zo prominent op de agenda staat in Aruba, dat vind ik heel verstandig”, Brekelmans a declara, referiendo na e atencion cu Aruba ta dedica na e asunto aki.

E reunion ta forma parti di e contactonan entre Gobierno di Aruba y representantenan politico na Hulanda, cu e meta di fortalece cooperacion economico y social den Reino.

Banda di e tema social y economico, e reunion a enfoca riba e posibilidadnan pa amplia cooperacion entre Aruba y Hulanda den Reino Hulandes. Brekelmans a menciona particularmente Wageningen University & Research (WUR), e region di Brainport, innovacion, tecnologia y intercambio di conocemento. Tambe a trata e posibilidad pa Hulanda comparti conocemento cu Aruba den maneho di desperdicio y proteccion di medio ambiente.

P 11

DIAhuebs 29 october 2026

Minister Gerlien Croes y Alexandra van Huffelen di Radboud Universiteit a dialoga tocante cooperacion educativo, ‘brain gain’ y futuro di educacion den era digital ORANJESTAD, 28 di october 2026 – Fortalece educacion na Aruba, promove exito academico di nos studiantenan na Hulanda y explora oportunidadnan nobo pa cooperacion internacional. Esakinan tabata algun di e temanan central durante un encuentro entre Minister di Educacion, sra. mr. Gerlien Croes, y Sra. Alexandra van Huffelen, Presidente di Directiva di Radboud Universiteit na Hulanda. E reunion, cu a tuma luga diabierna ultimo, a brinda un oportunidad valioso pa intercambia pensamento y ideanan tocante e desafionan y oportunidadnan cu educacion ta enfrenta, tanto na Aruba como internacionalmente. Un enfasis particular a wordo poni riba e importancia di fortalece relacionnan cu institucionnan di enseñansa superior na Hulanda, cu por contribui na desaroyo academico y profesional di nos hobennan. Exito di estudio y ‘brain gain’ como prioridad Un di e temanan importante durante e encuentro tabata e exito di estudio di nos studiantenan arubano cu ta sigui nan formacion academico na Hulanda. Pa Minister Gerlien Croes, ta esencial pa sigui explora strategianan cu por contribui na un trayectoria educativo exitoso, teniendo cuenta cu e desafionan academico, social y personal cu nos studiantenan por enfrenta ora nan continua nan estudio den exterior. Na mes momento, a dialoga tocante e concepto di ‘brain gain’, cu ta enfoca riba con Aruba por beneficia di e conocemento, experencia y habilidadnan cu nos studiantenan y profesionalnan ta adkiri internacionalmente. “Cada hoben arubano cu ta sigui su estudio den exterior ta representa un inversion den futuro di nos pais.

Nos responsabilidad ta pa sigui crea conexionnan cu por contribui na nan exito academico y, na mes momento, explora con e conocemento y experencia cu nan ta adkiri por agrega balor na desaroyo di Aruba. Brain gain no ta solamente tocante regresa na Aruba, sino tambe tocante mantene e conexion cu nos talento, unda cu nan ta den mundo,” Minister Gerlien Croes a expresa. Segun Minister Gerlien Croes, cooperacion cu universidadnan manera Radboud Universiteit por brinda oportunidad pa intercambia experencia y explora acercamentonan cu por fortalece e sosten y preparacion di nos studiantenan. Educacion den era digital y e impacto di inteligencia artificial Otro tema central durante e reunion tabata e transformacion di educacion den e era digital, particularmente e rol creciente di inteligencia artificial (AI) den proceso di siñamento, investigacion y futuro di mercado laboral. E desaroyonan tecnologico ta cambia e manera cu conocemento ta wordo comparti, e habilidadnan cu futuro profesionalnan mester desaroya y e preparacion cu institucionnan educativo mester brinda na nan studiantenan. Minister Gerlien Croes a destaca cu Aruba mester sigui participa activamente den e dialogonan internacional aki, pa asina identifica oportunidadnan pa modernisa educacion y prepara nos hobennan pa un mundo caminda tecnologia y innovacion ta hunga un rol cada bes mas importante. “Inteligencia artificial y digitalisacion ta transforma e mundo rond di nos. E pregunta no ta solamente con nos ta incorpora tecnologia den educacion, sino con nos ta prepara nos studiantenan y educadornan pa uza e posibilidadnan aki di manera

responsabel, critico y creativo. Nos kier un sistema educativo cu ta prepara nos hobennan no solamente pa e trabounan di awe, sino tambe pa e oportunidadnan di mañan,” Minister Gerlien Croes a enfatisa. E dialogo ta conecta cu e vision di Learning Cities Aruba, cu ta promove siñamento continuo, intercambio di conocemento y preparacion pa e cambionan social, tecnologico y economico cu ta influencia nos comunidad. Cooperacion internacional pa fortalece educacion na Aruba Durante e encuentro, Minister Gerlien Croes y Sra. Van Huffelen a intercambia ideanan tocante diferente posibilidadnan di cooperacion entre Aruba y Radboud Universiteit, cu por contribui na fortalecemento di educacion, desaroyo di talento y intercambio di conocemento. Pa Ministerio di Educacion, e relacionnan cu institucionnan academico internacional ta representa un oportunidad pa conecta Aruba cu experencia y conocemento specialisa, y pa explora strategianan cu por beneficia tanto nos studiantenan como nos sistema educativo. E reunion a crea un base positivo pa sigui profundisa e dialogo y evalua e posibilidadnan di cooperacion den e periodo venidero. Minister Gerlien Croes a destaca cu e intercambio

ta un paso inicial importante, caminda e ideanan comparti por wordo desaroya mas aleu den acercamentonan concreto. “Nos ta kere den e poder di cooperacion y intercambio di conocemento. Aruba tin hopi potencial, y door di construi relacionnan fuerte cu institucionnan academico internacional nos por sigui amplia e oportunidadnan pa nos studiantenan, nos educadornan y nos pais. E reunion aki a brinda diferente perspectiva y posibilidad cu nos lo sigui explora den e tempo venidero, cu e meta pa fortalece educacion y crea mas oportunidad pa nos talento arubano,” Minister Gerlien Croes a indica. Un vision comparti pa futuro di nos hobennan Minister Gerlien Croes a conclui enfatisa cu inversion den educacion no ta limita na infarstructura y programa educativo, sino ta inclui tambe construccion di relacionnan strategico, innovacion y e desaroyo di oportunidadnan cu ta conecta nos hobennan cu e mundo. Nos ambicion ta cla: mas oportunidad pa exito di estudio, mas conexion cu nos talento internacional y un educacion cu ta crece hunto cu e mundo. Pasobra ora nos hobennan crece, Aruba ta crece hunto cu nan,” Minister Gerlien Croes a conclui.

P 12

DIAhuebs 29 october 2026

E diesun candidatanan pa Miss Beauty 2026

Diadomingo 1 di november ta e final di Pre Teen Beauty ’26. E cinco candidatanan pa Princess Beauty ta: 1) Janifiel Amato 2) Cataleya Perez-Rodriguez 3) Emiliana Perna Vera 4) Xenia Ruiz 5) Shydley Boekhoudt E dos candidatanan pa Little Beauty ta: 1) Jahniya Patrick 2) Ceanne van der Linden

E cuater participantenan pa Pre Teen Beauty 2026 ta: 1) SaraiRuiz 2) Jarzhienne Roos 3) Tanya Chandwani 4) Elise Heronimo TA spera un y tur diadomingo awor 1 di november 2026 na e final den Regency Ballroom di Hyatt Resort. Show ta start 6:00 pm. Pa tickets por tuma contacto cu tur candidata, miembronan di Cas Princesa Aruba riba instagram of yamando 7419611 of 5620268.

pag. 14 pag. 14 29 Pagina 22OCTOBER 2026 DIAHUEBS

DIANAN DI PASCO DI SOPI DI LETRANAN

NACEMENTO DI CRISTOHESUS MESTER WORDO RESPETA Semper den e dianan di Pasco ta wordo prepara y celebra den luna di November y December y pa fin di anja ta celebra e Anja Nobo. Y pa dia 6 di Januari ta celebra e Dia di e Tres Reynan. Despues di 6 Januari ta cuminsa inicio di Carnaval. E dianan di preparacion, e Misa di Aurora cu ta e Nobena di Pasco y e Pasco di Nacemento di Cristo-Hesus, mester wordo respeta. Ta di unda ta bini, cu ta hinka

actividad di Carnaval den e temporadanan di Pasco. Tin hendenan cu no ta Cristian, cu kier cambia e temporada di Pasco den actividad di mundo. Ta ki ehempel esey ta pa e pueblo Cristian y pa nos hubentudnan? Esey ta un ofensa contra Dios mes. Ta pakiko bosonan ta cuminsa cu e actividad di Carnaval den luna di November y mientras cu e pueblo Cristian ta prepara nan mes spiritualmente pa e Pasco di Nacemento di

Cristo-Hesus? Hendenan Cristian di berdad, no ta hinka e actividad di Carnaval den temporada di Pasco, pero ta esnan den scuridad kier hinkele, pa stroba loke ta di Dios. Bijbel Mateo 15: 3; “Y bosonan Hesus ta bisa: Pakiko boso ta kibra un Mandamento di Dios, den nomber di boso tradicionnan?” Bijbel Hacobo 4: 4-5; “Hendenan infiel! Boso no sa cu amistad cu mundo ta significa, enemigo di Dios? Esun cu kier bira amigo di mundo, ta bira enemigo di Dios!

Paardenbaaistraat 10, Oranjestad, Aruba Tel.: (297) 525 - 7555 www.lottoaruba.com

Boso ta kere cu ta pornada bisa: Dios kier Un feliz comienso di weekendScritura colmata cu hopi e spirito cu El a pone den amor y Letter bendicion diboso, Dios.p’E so.” Bijbel 2 Joker Sorteo # 0 x Jackpot Proximo Jackpot 0 x Match 4+ Corinthionan 6: 14-18; “No 0 xStima Match 4 Señor, bo Dios, di henter bo curason, cu henter bo alma, cu sera amistad cu hendenan 0 x Afl.henter 12,00 bo mente, y cu tur bo forsa. E di dos mandamento mes importante: ”Stima bo prohimo manera cu bocu ta stima bo mes. No tin Kiko no ta creyente. ningun otro mandamento cu ta mas importante cu esakinan.” (Marco Santidad tin di haci cu 12, 01-04-15-16-18 maldad? Kiko lus tin di 30-31) haci cu scuridad? No por Sorteo # 7345 Proximo Jackpot 0 x Jackpot Dios a crea bo segun su imagen, a duna bo e mesun capacidadentre pa stima, tin harmonia Cristo y 11 x Match 4 den bo e mesun rosea di amor. Si bosatanas? ta cristian, bo tin cu 184 x a Aflsupla 8,00 Kiko un creyente tuma e antorcha di amor for di Cristo, carge cendi durante henter bo tin di haci cu un incredulo? bida, y pase despues na bo yiunan, na bo amigonan y coleganan. E Bijbel Hebreeuwnan antorcha di amor aki tin cu pasa di man pa man, tin cu cende cas pa 10: 07-14-18-30 cas, ilumina curason pa curason y mente pa mente. Scuridad tin miedo 26-27; “Si nos a sinja Sorteo # 1917 Mega Ballaki. 07 di e antorcha di amor Unda e antorcha aki ta cendi scuridad ta conoce e berdad di Dios 0 x Jackpot Proximo Jackpot 1 xdirti match 4bira nada, manera pida ijs. T’esaki ta amor: no ta nos a stima y deliberadamente nos a 4 x Afl. 500,00 Dios prome, sino t'E a stima nos y a manda su Yiu pa E bira sacrificio 30 x Afl 50.00 kedaora haci anto 73 xpordon Afl.15,00 pa di nos picanan. (1Huan 4,10) Solamente bo tapika, descubri e no tesoro cu ta den bo paden cu yama amor y solamente ora bosacrificio ta entrege mas tin ningun na otro, lo bo ta feliz. pa kita nos pikanan. Sino Sorteo # solamente un teribel huicio Oracion: Señor guia mi y proteha mi den Bo cosnan di haci di tur dia. y un candela ardientekicu lo #VALUE! hunto cu mi. Bo promesa Pa bo Amor ta semper ta real! No obstante Sorteo # esnan rebelde.” tribulacion mi haya mi aden, mi sa cu Dios no devora ta laga mi bandona, den nomber di Hesus di Nazaret.Un Amen. mensahero di Dios. Seferino Tromp Koyari 13D Id. 57.11.22.40 Resultado: Sorteo di Anochi ☽ - October 28, 2026

Sorteo # 8988

8508 6393 3822 FP

Sorteo # 8032

8564 FP

Sorteo # 2737

2195

475.000,-

74.000,-

260.000,-

Sorteo # 6791

7544

Acuario

Sorteo # 1721

053 FP

Afl. 360.000,-

DIasabra 6 september 2025 P 13 DIamars 14 aprIl2024 2026 Diasabra 18 November

SUDOKU

P 14

DIAhuebs 29 october 2026

Parlamentario Eduard Pieters:

Gobierno a pidi hende pa inverti den Oranjestad y awor Gobierno mes tin nan wanta

Gobierno ta bisa: inverti den Oranjestad. Revitalisa centro. Trece hende bek. Crea actividad economico. E inversionistanan local a kere e mensahe. Nan a cumpra propiedad, renoba edificio y pone nan propio capital riba mesa. Pero awor cu nan kier p’e inversion produci, segun parlamentario Eduard Pieters (PPA), algun ta confronta un Gobierno cu no ta tuma e decisionnan necesario pa nan por opera adecuadamente. “Bo no por invita hende pa inverti, laga nan uza nan placa y despues laga nan na caya, pasobra Gobierno mes no ta cla,” Eduard Pieters a expresa.

E problema di Oranjestad no ta falta di inversion Pieters anteriormente a pasa den centro di ciudad pa mustra dos imagen cu ta simbolisa e mesun problema. Na un banda, un edificio den decadencia. Y na otro banda, un edificio renoba cu capital priva, pero cu inversionista cu ta enfrenta limitacion, pa explota completamente nan propiedad. Pa PPA, e contraste ta contundente. Oranjestad no ta falta hende dispuesto pa inverti. E ta falta decision di Gobierno. Y cada luna cu pasa, e capital ta keda para, ta perde oportunidad economico y e confianza den Gobierno ta sigui deteriora.

ROPV no por bira un excusa pa para desaroyo Pieters ta conecta e problema

directamente cu ROPV, vigente desde 2021. PPA ta sostene cu despues di varios aña, ta tempo pa revisa e planificacion espacial di Aruba. Entre otro, e partido kier mira aumento di densidad den centro di Oranjestad y San Nicolas y mas posibilidad pa construccion vertical. E motibo ta practico: Aruba su superficie no ta crece, pero nos poblacion y necesidad di vivienda si.

Un hoben cu termina estudio, un profesional cu kier forma famia y un emprendedor cu kier inverti, tambe mester tin espacio pa construi futuro na Aruba. P’esey Pieters ta cuestiona pakico Gobierno ta papia di revitalisacion, pero ta tarda pa adapta e instrumentonan cu mester haci e revitalisacion posibel.

“Minister tin opcion. Pakico e no ta tuma decision?” Pieters ta reta minister Geoffrey Wever y Rene Herde pa no warda mas aña riba un revision completo, si tin proyectonan cu por cuadra cu direccion cu Gobierno mes ta bisa cu e kier bay. Segun Pieters, Gobierno por analisa uzo di un ‘wijzigingsbesluit’, pa crea claridad pa e proyectonan elegibel, mientras ta prepara e cambio mas amplio di ROPV. Su punto politico ta simpel: Si Gobierno ya sa kico e kier cambia mañan, pakico castiga e inversionista cu a kere den su palabra awe?

Revitalisacion no ta klinker ni slogan Pa Pieters, revitalisa Oranjestad ta hopi mas cu djis drecha un 20 meter di caya, pone klinker of anuncia otro plan sin pia y cabes. Mester crea vivienda. Trece actividad economico den centro di ciudad. Duna siguridad huridico. Y mas ainda, cumpli cu inversionista cu Gobierno mes a invita pa forma parti di e cambio. Pasobra cada biaha cu Gobierno priminti pero no tuma accion of decision, e mensahe pa e proximo inversionista ta bira mas peligroso: “No inverti ainda, pasobra bo no sa si Gobierno lo cumpli cu su palabra”. Y esey, segun Pieters, ta exactamente loke Oranjestad

no por permiti. “Gobierno kier revitalisa Oranjestad? E inversionista ya a haci su parti. Awor ta turno di Gobierno pa haci su trabou: tuma decision y accion!”

P 15

DIAhuebs 29 october 2026

P 16

FORTALESA PA FAMIA

DIAHUEBS 29 OCTOBER 2026

Scirbi pa Pastor Marcel Balootje.

E RESPONSABILIDAD DI UN TATA Y UN MAMA E por ta zona stranjo, hopi stranjo, pero a yega e momento pa recorda tur hende, cu asina cu un homber y un muher tene relacion sexual cu otro y e muher sali na estado, nan status ta cambia; E homber ta bira tata, y e muher ta bira mama. Awendia tin e wega grandi cu ta tumando lugar di tata soltero y mama soltero. Y hopi biaha esey ta nifica cu nan no ta tuma nan responsabilidad na serio manera ora nan ta casa cu otro bibando bao di mes un dak, y bao di e palabra manera ta para scirbi den Genesis 2:24, cu nan dos lo ta uno. Anto e tipo di negosacion aki, ta causante di hopi dolor den nos comunidad. Pero nos tin cu corda hopi hende, cu asina cu bo drenta de relacion cu un muher cu tin yiu, automaticamente bo a bira tata di criansa di e yiu of yiunan, y bo tin cu carga e responsabilidad. Pasobra tin hopi ta drenta cu un mama soltera, djis pa relacion sexual y un caminda di biba, pero di responsabilidad como tata, nan no tin nada, nan ta mescos cu hende cu kier corre auto pero nan no kier pone gasoline. Mescos esaki ta conta pa hende muher, nan kier drenta cu un tata soltero, pa placa, pero nan no no kier tin responsablidad cu e yiu of yiunan cu e homber tin, Ta masha facil pa bo tende awendia un homber of un muher bisa awel, ami ta cu e tata of cu e mama, pero e yiu ey no ta dimi y ami no ta mete cu e mucha ey. Con por ta posibel, cu un mucha por bisa cu e tin 10 anja of mas sin mira su tata, miemtras cu e tata ta na bida, y ta bibando riba nos isla.

Con por ta posibel cu un mucha ta bisa cu e tin 17 anja , y e tin 17 anja sin mira su tata, pasobra su tata a corre bay lage e mama prome cu e a nace. E responsabilidad di un tata of mama no ta negociabel, e ta un responsabilidad cu Dios a duna, y cu semper Dios lo yama bo pa duna cuenta di acuerdo cu Salmo 127: 3. Ta tristo ora bo tende un mama ta bisa cu e mes ta mama y e mes ta tata, pasobra esey ta nifica cu financieramente e ta take care di su yiu, pero den bista di Dios, e prensencia di un tata den cas, of den bida di un yiu ta mas cu importante. Pasobra den bida di un mucha, e guia di su tata original ta importante, si e tata a muri, esey ta comprendibel, pero hasta ora un tata ta na cama, e por guia y bendiciona su yiu. Cada ken tin su responsabilidad dilanti di Dios den un cas, e mama ta cuida, pero e tata mester tey pa guia, y pa motibo, cu tin asina tanto manipulacion,malicia y maldad, negligencia y falta di interes pa famia, nos ta cosechando dolor awendia. E mucha cu bo ta mira polis ta aresta, e mucha cu bo ta mira ta wordo bati, pa otro muchanan, e mucha cu bo ta mira , ta wordo tira, e mucha cu ta muri na edad hoben, sin disfruta di bida, tin mayor su tras cu ta falta responsabilidad. No ta existi integridad pa un hende cu no kier tuma su responsabilidad como mama of tata. Ta tempo pa tur esnan cu a traha yiu, sea nan ta casa of soltero, bira responsabel. Sinceramente, Pastor Marcel Balootje.

Un dia fructifero colma cu hopi gracia y misericordia di Dios Na e momentonan ey algun Fariseo a bini cerca djE. Nan a bis’E: ”Miho bo bay for di aki; Herodes ta busca bo pa mata!” (Lucas 13,31) Advertencia: Lucas 13,31. Den e mesun momentonan ey algun Fariseo a acerca Hesus y a bis’E:”Bay for di aki, paso Herodes kier mata Bo.” E tempo ey e poder di e rey tawata absoluto. Nan no tawata duna cuenta na ningun hende di nan manera di goberna. Respuesta: Lucas 13,32-33. E respuesta di Hesus: ”Bay y bisa e zoro ey : Ami ta expulsa demonionan y ta cura hende awe y mañan. Hesus ta yama Herodes zoro, pa anuncia cu e Reino di Dios no ta depende di permiso di autoridadnan politico. Esun cu ta determina e plazo y tempo ta Dios, no Herodes! Destino y lamento: Lucas 13, 34-35. Lamento di Hesus riba Herusalem. Herusalem, Herusalem y Esun cu ta mata e profetanan y piedra esunnan cu a ser manda pe. Cuanto biaha Mi tawata kier a trece bo yiunan hunto, manera un galiña ta proteha su puyitonan bao di su hala y bo no tawata kier. Otro caminda Hesus ta papia di e profetanan cu a wordo persigui y mata for di Abel te cu Zacarias. (Lucas 11,51) Oracion: Puntra pa SEÑOR, acudi na su poder, busca su cara tur ora bay. Recorda e cosnan milagroso c’El a haci, su señalnan, e ordonan saliendo fo’i su boca. (Salmo 105,4-5)