Diahuebs october 22 2026 by Solo DI Pueblo

DIAHUEBS 22 OCTOBER 2026

22 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

VACATION RENTALS:

OPORTUNIDAD PA TUR HENDE OF SOLAMENTE PA ESNAN GRANDI?

Gobierno a anuncia un maneho nobo pa vacation rentals, incluyendo un stop riba desaroyo di proyectonan nobo.

MINISTER DOWERS TA ADVERTI MIGRANTENAN CU PERMISO DI DIMAS, CU NAN POR PERDE ESAKI SI NAN FACILITA ESTADIA ILEGAL DI FAMIANAN NA ARUBA

DIAhuebs 22 october 2026

Minister Dowers ta adverti migrantenan cu permiso di DIMAS, cu nan por perde esaki si nan facilita estadia ilegal di famianan na Aruba

Minister Dowers a splica cu DIMAS ta otorga permiso bao di condicionnan specifico, cual cada persona cu tin esaki, tin cu tene su mes na dje. E hecho cu un persona tin un permiso valido pa ta na Aruba no ta nifica cu e persona automaticamente tin derecho di trece miembronan di su famia pa establece nan mes na Aruba sin cumpli cu e proceduranan legal di admision.

temporal di un familiar y un situacion den cual un persona ta facilita entrada di un miembro di famia, sabiendo di antemano cu e intencion ta pa e famia keda na Aruba sin e permiso di estadia necesario. E minister a adverti cu esnan cu permiso di estadia/ trabao cu conscientemente ta facilita of contribui na un estadia ilegal di un familiar, ta core riesgo cu DIMAS por revoca e permiso, mirando cu e comportacion aki ta un violacion di e condicionnan bao di cual a duna e permiso. Minister Dowers a enfatisa cu cada persona cu desea establece su residencia na Aruba mester sigui e procedura regular di admision y cumpli cu e rekisitonan legal aplicabel. E existencia di un relacion familiar cu un residente legal no ta kita e obligacion aki. E mandatario a subraya cu e responsabilidad pa cumpli cu e leynan di admision no ta limita solamente na e persona cu ta drenta Aruba, pero ta inclui tambe esnan cu ta facilita of deliberadamente contribui na un situacion di estadia ilegal. Ademas tin cu tene cuenta cu mester haci peticion pa permiso den exterior y te ora ricibi e VTA, por biaha pa Aruba pa sigui e proceso pa permiso.

Segun Minister Dowers, ta importante haci un distincion entre un bishita

Minister Dowers ta haci un yamada na tur persona cu permiso di DIMAS pa actua

cu responsabilidad y informa nan mes debidamente tocante e condicionnan y proceduranan aplicabel prome cu invita of facilita entrada di un familiar cu intencion di establece residencia na Aruba. Pa cualkier pregunta of informacion adicional tocante e proceduranan di admision y reunificacion familiar, por comunica cu DIMAS via WhatsApp na +297 5698173 of pasa na servicio di recepcion di DIMAS.

en Aruba debe seguir el procedimiento ordinario de admisión y cumplir con los requisitos legales correspondientes. La existencia de un vínculo familiar con un residente legal no exime del cumplimiento de esta obligación. El titular de Justicia subrayó que la responsabilidad de cumplir con las leyes migratorias no recae únicamente en la persona que ingresa a Aruba, sino también en quienes facilitan o contribuyen deliberadamente a una situación de permanencia ilegal. Asimismo, recordó que las solicitudes de permisos de residencia deben presentarse desde el extranjero y que únicamente después de recibir la autorización de admisión temporal (VTA) se puede viajar a

Aruba para continuar con el procedimiento correspondiente.

que tenga la intención de establecer su residencia en Aruba.

El ministro Dowers hizo un llamado a todas las personas que cuentan con permisos otorgados por DIMAS para que actúen con responsabilidad y se informen debidamente sobre las condiciones y los procedimientos aplicables antes de invitar o facilitar la entrada de un familiar

Para cualquier consulta o información adicional sobre los procedimientos de admisión y reunificación familiar, las personas interesadas pueden comunicarse con DIMAS a través de WhatsApp al +297 5698173 o acudir al servicio de recepción de DIMAS.

DIAhuebs 22 october 2026

VACATION RENTALS:

OPORTUNIDAD PA TUR HENDE OF SOLAMENTE PA ESNAN GRANDI? Gobierno a anuncia un maneho nobo pa vacation rentals, incluyendo un stop riba desaroyo di proyectonan nobo.

ORANJESTAD — Parlamentario Dangui Oduber ta cuestiona seriamente e maneho nobo di gobierno AVP-Futuro pa e sector di vacation rentals. E medidanan di gobierno ta encera un stop inmediato riba desaroyo di vacation rentals nobo, mientras cu e operadornan existente lo haya e oportunidad pa registra y legalisa nan actividadnan. "Con por ta cu inversionistanan grandi cu ya tin 10 of 20 propiedad por sigui opera sin problema, mientras cu un local cu kier cumpra un tereno y construi dos of tres apartamento ta haya porta cera?", Oduber ta cuestiona. Proteccion pa esnan grandi vs Oportunidad pa e pueblo Segun Oduber, Aruba mester di regulacion, pero esaki no por bira un instrumento pa proteha posicion di e inversionistanan grandi y limita oportunidad di nos propio hendenan. P’esey, e parlamentario ta exigi di Minister Geoffrey Wever pa presenta: • E base legal y e estudio economico cu ta hustifica e stop aki. • Claridad tocante e futuro di e localnan cu ya a haci inversion den tereno, plan di construccion of cu tin compromisonan bancario caba. “Gobierno no por uza e problematica di vivienda como un hustificacion pa limita inversion local, sin demostra cu e medida aki realmente lo crea mas vivienda

pagabel pa nos hendenan,” Oduber ta enfatisa. Ademas, e parlamentario ta resalta cu e sector di vacation rentals ta genera actividad economico directo pa hopi famia Arubiano, incluyendo trabounan den construccion, limpiesa, mantencion y otro servicionan. "Nos kier un economia di oportunidad, no un economia di privilegio. Minister Wever mester garantisa cu e maneho nobo aki no ta crea un monopolio pa esnan grandi mientras nos localnan ta keda afo," e parlamentario a agrega. Un intencion difrente pa e sector E parlamentario a conclui marcando e diferencia entre e vision actual y e trabou cu a wordo haci den pasado. Oduber a recorda cu den e gobernacion anterior a laga un Proyecto di Ley cla pa regula e sector di vacation rentals y pa institui un autoridad nobo: e Aruba Quality Hospitality Authority. E meta di e entidad aki tabata pa controla e registracion, calidad y higiena di e propiedadnan. Segun Oduber, e intencion nunca tabata pa pone un stop pa nos propio hendenan inverti, sino pa eleva e standard di e sector. Sinembargo, e maneho di e Gobierno actual ta haci net lo contrario: cu ta kita e derecho di e Arubiano pa progresa y lo perhudica directamente tur e localnan cu tin e deseo y e ambicion di inverti den nan propio pais.

DIAhuebs 22 october 2026

Minister Dowers ta adverti migrantenan cu permiso di DIMAS, cu nan por perde esaki si nan facilita estadia ilegal di famianan na Aruba-1-

Durante conferencia di prensa, Minister di Husticia, mr. drs. Arthur Dowers, a comparti un situacion preocupante relaciona cu personanan cu ta biba legalmente na Aruba y cu ta facilita entrada di miembronan di nan famia cu e intencion pa e personanan aki keda na Aruba mas largo cu e periodo di estadia ta permiti. Minister Dowers a splica cu DIMAS ta otorga permiso bao di condicionnan specifico, cual cada persona cu tin esaki, tin cu tene su mes na dje. E hecho cu un persona tin un permiso valido pa ta na Aruba no ta nifica cu e persona automaticamente tin derecho di trece miembronan di su famia pa establece nan mes na Aruba sin cumpli cu e proceduranan legal di admision. Segun Minister Dowers, ta importante haci un distincion entre un bishita temporal di un familiar y un situacion den cual un persona ta facilita entrada di un miembro di famia, sabiendo di antemano cu e intencion ta pa e famia keda na Aruba sin e permiso di estadia necesario. E minister a adverti cu esnan cu permiso di estadia/trabao cu conscientemente ta facilita of contribui na un estadia ilegal di un familiar, ta core riesgo cu DIMAS por revoca e permiso, mirando cu e comportacion aki ta un violacion di e condicionnan bao di cual a duna e permiso. Minister Dowers a enfatisa cu cada persona cu desea establece su residencia na Aruba mester sigui e procedura regular di admision y cumpli cu e rekisitonan legal aplicabel. E existencia di un relacion familiar cu un residente legal no ta kita e obligacion aki. E mandatario a subraya cu e responsabilidad

pa cumpli cu e leynan di admision no ta limita solamente na e persona cu ta drenta Aruba, pero ta inclui tambe esnan cu ta facilita of deliberadamente contribui na un situacion di estadia ilegal. Ademas tin cu tene cuenta cu mester haci peticion pa permiso den exterior y te ora ricibi e VTA, por biaha pa Aruba pa sigui e proceso pa permiso. Minister Dowers ta haci un yamada na tur persona cu permiso di DIMAS pa actua cu responsabilidad y informa nan mes debidamente tocante e condicionnan y proceduranan aplicabel prome cu invita of facilita entrada di un familiar cu intencion di establece residencia na Aruba. Pa cualkier pregunta of informacion adicional tocante e proceduranan di admision y reunificacion familiar, por comunica cu DIMAS via WhatsApp na +297 5698173 of pasa na servicio di recepcion di DIMAS. Minister Dowers waarschuwt migranten met een DIMAS-vergunning dat deze ingetrokken kunnen worden als zij illegaal verblijf van familieleden op Aruba faciliteren Tijdens een persconferentie heeft minister van Justitie, mr. drs. Arthur Dowers, aandacht gevraagd voor een zorgwekkende situatie waarbij personen die rechtmatig op Aruba verblijven, de komst van familieleden faciliteren met de bedoeling hen langer op het eiland te laten verblijven dan wettelijk is toegestaan. Minister Dowers legde uit dat DIMAS verblijfsvergunningen verleent onder specifieke voorwaarden, waaraan iedere vergunninghouder zich dient te houden. Het feit dat iemand over een geldige verblijfsvergunning voor Aruba beschikt, betekent niet automatisch dat deze persoon het recht heeft om familieleden naar Aruba te halen om zich daar te vestigen zonder de wettelijke toelatingsprocedures te doorlopen. Volgens minister Dowers is het belangrijk onderscheid te maken tussen een tijdelijk familiebezoek en een situatie waarin iemand de komst van een familielid faciliteert, terwijl

vooraf bekend is dat het de bedoeling is dat deze persoon zonder de vereiste verblijfsvergunning op Aruba blijft. De minister waarschuwde dat houders van een verblijfs- of werkvergunning die bewust het illegale verblijf van een familielid faciliteren of daaraan bijdragen, het risico lopen dat DIMAS hun vergunning intrekt, aangezien dergelijk gedrag in strijd is met de voorwaarden waaronder de vergunning is verleend. Minister Dowers benadrukte dat iedere persoon die zich op Aruba wil vestigen, de reguliere toelatingsprocedure moet volgen en aan de toepasselijke wettelijke vereisten moet voldoen. Het bestaan van een familieband met iemand die rechtmatig op Aruba verblijft, doet niets af aan deze verplichting. De bewindsman onderstreepte dat de verantwoordelijkheid voor de naleving van de toelatingswetgeving niet uitsluitend rust op degene die Aruba binnenkomt, maar ook op personen die bewust illegaal verblijf faciliteren of daaraan bijdragen. Daarnaast wees de minister erop dat een aanvraag voor een verblijfsvergunning vanuit het buitenland moet worden ingediend en dat pas na ontvangst van de voorlopige toelating tot Aruba (VTA) naar Aruba kan worden gereisd om de verdere vergunningsprocedure te doorlopen. Continuacion pag. 6

DIAhuebs 22 october 2026

Parlamentario Xiomara Maduro:

“Den pandemia nos a actua pa proteha pueblo” Cuenta Anual 2020 di Pais Aruba mester wordo evalua den e contexto di e crisis extraordinario cu e pais tabata enfrenta urante e tratamento di Cuenta Anual 2020 den Parlamento, Parlamentario Xiomara Maduro a recorda cu e aña ey tabata un di e periodonan mas dificil den historia reciente di Aruba. E pandemia di COVID-19 a causa un caida economico di aproximadamente 25%. E frontera a cera, turismo a para casi completamente y miles di trahado y famia tabata den riesgo di perde nan entrada. Mientrastanto, Gobierno tabata perde cien di miyones di florin na entrada di impuesto y e necesidad di yudansa social tabata aumenta. “Nos tabatin dos opcion: keda sinta wak con nos economia y nos pueblo ta cay, of actua pa evita un colapso social. Nos a scoge pa actua,” Maduro a declara. Yudansa pa trahado, famia y comercio Maduro a repasa e medidanan di emergencia cu Gobierno WeverCroes a tuma. Den luna di mei 2020, 1.647 compania a ricibi Subsidio di Salario pa contribui na salario di 27.180 trahado. Durante e aña, aproximadamente Afl. 275,5 miyon a wordo destina na e programa. Pa esnan cu a perde nan entrada, FASE a brinda yudansa financiero na 12.446 persona, cu un gasto di Afl. 42,8 miyon. Comercio chikito y mediano a ricibi aproximadamente Afl. 22,9 miyon via e programa MKB. Hunto, e tres programanan a representa mas cu Afl. 341 miyon na yudansa directo. Alivio Fiscal 1 y 2 a ofrece tambe facilidad di pago,

posponemento di obligacionnan fiscal y otro medida pa yuda contribuyentenan y comercio mantene nan likides. Ademas Gobierno a aporta aproximadamente Afl. 99,7 miyon na AZV durante 2020. Maduro a enfatisa cu e sosten aki tabata importante pa mantene cuido medico y siguridad social funcionando, na un momento cu entrada di contribucion tabata baha y necesidad di sosten tabata crece. Maduro a menciona cu IMF a reconoce e accion rapido di Aruba y e efecto di e medidanan di sosten pa limita daño economico y salba bida. “Nos no por a evita pandemia ni e caida drastico di turismo, pero nos por a actua pa evita cu e crisis economico bira un tragedia social ainda mas grandi,” e parlamentario a bisa. Observacionnan di ARA y control democratico Maduro a expresa respet pa e trabou di Algemene Rekenkamer Aruba (ARA) y a reconoce e importancia di su observacionnan. Tocante FASE, ARA a señala cu na momento di introduccion no tabatin un ley specifico como base legal. Maduro a recorda cu e concepto di ley a wordo manda na Raad van Advies na december 2020 y cu Parlamento a aproba Ley di FASE na 2022. El a asumi responsabilidad pa e tardansa legislativo, pero a defende e decision pa yuda e miles di persona cu tabatin necesidad urgente.

ARA a señala tambe un cuestion legal relaciona cu e lening internacional via Credit Suisse. Maduro a recorda cu e transaccion a tuma luga durante lockdown, ora Gobierno tabatin necesidad urgente di likides, y cu e a sigui un proceso formal via landsbesluit y presupuesto supletorio. Segun Maduro, ta importante pa haya claridad riba e interpretacion legal y pa considera si legislacion mester wordo adapta pa situacionnan similar den futuro. E parlamentario a enfatisa cu control democratico no a stop durante pandemia. Parlamento a sigui cu su funcion, CAft a sigui supervisa finansa publico y ARA a sigui controla maneho financiero. Gobierno a presenta presupuesto, presupuesto supletorio, rapportnan financiero y informacion tocante e medidanan di emergencia. El a señala tambe cu CAft a reconoce pasonan positivo pa mehora claridad di presupuesto di 2020, y cu e incumplimentonan presupuestario señala a baha di 90 pa 9. Recuperacion di cuentanan anual Maduro a splica cu retraso den e cuentanan anual tabata relaciona cu e impacto di lockdown riba e ceramento di administracion, raportahe adicional pa Hulanda, problema tecnico cu sistema GFS One y e salida di dos empleado clave na Directie Financiën. Segun Maduro, durante gobernacion di Gabinete Wever-Croes a traha riba un plan pa recupera e retraso, fortalece Directie Financiën y

mehora e sistema financiero. Central Accountantsdienst a identifica aproximadamente 320 recomendacion pa reforsa administracion, control interno y preparacion di cuentanan anual. Cuenta Anual 2019 a wordo presenta na Parlamento durante 2024, y Cuenta Anual 2020 a wordo entrega na ARA na december di e mesun aña. Despues di esaki e cuentanan anual di 2021, 2022 y 2023 por a keda cla den tempo record. Maduro a gradici e empleadonan di Directie Financiën, Departamento di Impuesto, Departamento Economico, Departamento di Legislacion y tur otro profesional cu a contribui na e trabou na bienestar di Aruba. “Bon gobernacion ta duna cuenta di bo decisionnan y proteha pueblo den momento di crisis. Den 2020 nos a actua pa salba trabou, proteha famia y evita un colapso social. Mi ta para tras di e decisionnan ey,” Maduro a conclui.

DIAhuebs 22 october 2026

Minister Dowers ta adverti migrantenan cu permiso di DIMAS, cu nan por perde esaki si nan facilita estadia ilegal di famianan na Aruba-2Minister Dowers roept alle houders van een door DIMAS verleende vergunning op om hun verantwoordelijkheid te nemen en zich vooraf goed te informeren over de geldende voorwaarden en procedures, alvorens familieleden uit te nodigen of hun komst te faciliteren met de bedoeling zich op Aruba te vestigen. Voor vragen of aanvullende informatie over de toelatingsprocedures en gezinshereniging kunnen betrokkenen contact opnemen met DIMAS via WhatsApp op +297 5698173 of zich wenden tot de receptie van DIMAS. Ministro Dowers advierte a los migrantes con permisos de DIMAS que podrían perderlos si facilitan la permanencia ilegal de familiares en Aruba Durante una conferencia de prensa, el ministro de Justicia, mr. drs. Arthur Dowers, informó de una situación preocupante relacionada con personas que residen legalmente en Aruba y que facilitan la entrada de familiares con la intención de que estos permanezcan en la isla más allá del período de estadía permitido. El ministro Dowers explicó que DIMAS otorga permisos bajo condiciones específicas, las cuales deben ser respetadas por cada titular. El hecho de que una persona cuente con un permiso válido para residir en Aruba no significa que tenga automáticamente el derecho de traer a familiares para que establezcan su residencia en la isla sin cumplir con los procedimientos legales de admisión. Según el ministro Dowers, es importante distinguir entre una

visita temporal de un familiar y una situación en la que una persona facilita la entrada de un miembro de su familia, sabiendo de antemano que la intención es que este permanezca en Aruba sin el permiso de residencia correspondiente. El ministro advirtió que las personas con permisos de residencia o trabajo que, de manera consciente, faciliten o contribuyan a la permanencia ilegal de un familiar corren el riesgo de que DIMAS revoque sus permisos, ya que este comportamiento constituye una violación de las condiciones bajo las cuales fueron otorgados. El ministro Dowers enfatizó que toda persona que desee establecer su residencia en Aruba debe seguir el procedimiento ordinario de admisión y cumplir con los requisitos legales correspondientes. La existencia de un vínculo familiar con un residente legal no exime del cumplimiento de esta obligación. El titular de Justicia subrayó que la responsabilidad de cumplir con las leyes migratorias no recae únicamente en la persona que ingresa a Aruba, sino también en quienes facilitan o contribuyen deliberadamente a una situación de permanencia ilegal. Asimismo, recordó que las solicitudes de permisos de residencia deben presentarse desde el extranjero y que únicamente después de recibir la autorización de admisión temporal (VTA) se puede viajar a Aruba para continuar con el procedimiento correspondiente. El ministro Dowers hizo un llamado a todas las personas que

cuentan con permisos otorgados por DIMAS para que actúen con responsabilidad y se informen debidamente sobre las condiciones y los procedimientos aplicables antes de invitar o facilitar la entrada de un familiar que tenga la intención de establecer su residencia en Aruba.

DIAhuebs 22 october 2026

Parlamentario Tromp-Lee:

Mocion di AVP-Futuro riba Jaarrekening 2020 ta un show politico di mal gusto pero na mes momento peligroso Durante e tratamento di e Jaarrekening 2020 den Parlamento, e fraccionnan di Futuro y AVP a presenta un mocion pa laga haci un investigacion "independiente". E obhetivo di e investigacion aki ta pa busca manera pa persigui civilmente y financieramente esnan cu a tuma decision den e aña di mas dificil di nos historia. Nos a vota contra e mocion aki, pasobra e ta un wega politico innecesario y peligroso. Nada mas y nada menos cu un show politico di malgusto. Un mocion pa tira placa afo y crea persecucion Loke fraccionnan di Futuro y AVP kier logra cu nan mocion, ta un gasto inutil di recurso di pais. E propio Algemene Rekenkamer Aruba (ARA) ya caba a haci investigacion detaya y a entrega su informe completo riba Jaarrekening 2020 y fondonan di FASE. E datonan, observacionnan y leccionnan pa futuro ya t’ey caba riba mesa y a wordo discuti abiertamente. Paga pa un "otro" investigacion pa haci e mesun trabou ta nada mas cu tira placa di pueblo afo.

Trabounan hopi grandi a keda realisa bou di presionnan enorme, unda gobernantenan y trahadonan di pais a duna cara pa salba nos comunidad. En bes di habri inhustamente caminda pa

persecucion politico, nos mester uza e recomendacionnan valioso di ARA pa mehora e sistema administrativo y asina nos ta miho prepara den futuro pa un posibel calamidad di e magnitud aki. Mas preocupante ta cu e mocion aki kier uza aparato di Gobierno pa inicia persecucion civil y daño patrimonial contra esnan cu a duna cara y a tuma decision dificil den tempo di crisis. E ta crea un mal precedente y, na mi opinion, completamente innecesario. Si den un futuro crisis un gobernante of funcionario sa cu e lo wordo persigui despues pa actua lihe pa salba bida, ningun hende lo kier asumi responsabilidad y pueblo lo ta esun cu lo sufri e consecuencianan. Un aña di crisis sin precedente E aña 2020 no tabata un aña administrativo comun y coriente; tabata e aña cu pandemia di COVID-19 a golpia Aruba y turismo a bay plat completamente di un dia pa otro. Den e caos ey, caminda nos pais tabata na candela, no haci nada no tabata un opcion. Boso por imagina kico lo a pasa si Gabinete Wever-Croes no a mustra determinacion y curashi? A duna mas di 341 miyon florin na sosten di emergencia, manera FASE y subsidio di salario, pa evita un catastrofe humanitario y pa garantisa cu miles di famia tabatin cuminda riba mesa. Nos no mester lubida cu nos mama y

tatanan di famia tabata man na cabes, companianan desespera y henter mundo sin sa, na prome instante, kico y con pa haci. Madurez politico y enfoke riba futuro En bes di haci fiesta politico cu dolor di pandemia, nos mester mustra madurez y enfoca riba

futuro. Nos a vota na fabor di Jaarrekening 2020 pa reconoce e realidad di e aña ey, m’a nos a vota y lo keda vota CONTRA show y oportunismo politico na tur momento. Mas cu tur cos, nos lo no ta di acuerdo cu e porta cu a keda habri pa posiblemente cobra bek e placa cu a keda duna na FASE y MKB-steun na nos hendenan y

DIAhuebs 22 october 2026

21 DI OCTOBER DIA MUNDIAL DI ETICA

KIBRA SILENCIO RONDO DI E CRISIS DI ABUSO Y EDADISMO DEN CUIDO DI ADULTO MAYOR Skirbi pa drs. Melva Croes-Yánez

E Coalicion Global pa Cuido Etico di Adulto Mayor: ta un red internacional di expertonan di derechonan humano, specialistanan den cuido geriatrico, y defensornan legal dedica na elimina edadismo y implementa politicanan publico structural cu ta pone dignidad di adultonan mayor na prome lugar rond mundo. ORANJESTAD, ARUBA — Riba e Dia Mundial di Etica di e aña aki, defensornan di derechonan humano y organisacionnan di salud rond mundo, incluyendo Fundacion Alzheimer Aruba, ta uni den un campaña urgente pa demanda un reforma structural den cuido di nos adultonan mayor. Cu e tema central riba con pa nabega un cuido etico, e iniciativa aki ta lanta un voz contra di e crisis social di edadismo (discriminacion a base di edad), negligencia structural, y abuso di adulto mayor, cualnan ta menasa directamente contra bida y dignidad di nos poblacion di edad avansa. Mientras cu Nacionnan Uni (UN) ta trahando activamente riba un Convenio historico pa e Derechonan di Personanan Mayor, bou di e lema “Because silence is never the solution” (Pasobra Silencio Nunca por ta e Solucion), gruponan di derecho ta enfatisa cu etica di cuido mester pasa di ta un ideal pasivo pa bira un standard legal y aplicabel. Segun datonan alarmante di Organisacion Mundial di Salud (WHO), 1 den cada 6 persona di 60 aña of mas ta sufri di algun forma di abuso—un cifra cu hopi biaha ta keda scondi debi na tabu social y isolacion. E “Reality Check”: Un Reto den Nos Propio Hogar Na Aruba, e situacion aki tin un peso special. Nos isla ta enfrentando un proceso structural di embiehesimento acelera di nos poblacion. Esaki, combina cu e costo di bida halto y e automatisacion di servicionan social, cu a

hinca e nucleo familiar tradicional Arubiano bou di un presion enorme. Loke antes tabata un orguyo cultural—e cuido di nos grandinan den seno familiar—a drenta den un crisis silencioso caminda hopi biaha e adultonan mayor vulnerabel den casnan di cuido y tambe vivienda, hopi biaha ta falta di proteccion y atencion debido. Desmantela e Crisis di Cuido: Tres Punto Fundamental E campaña di e aña aki ta enfoka riba tres punto di crisis cu mester wordo atendi inmediatamente: •Edadismo Sistematico: Cu mester combati e percepcion cultural (tanto den comunidad como den sector empresarial na Aruba) cu adultonan mayor ta un carga financiero/economico y/of logistico, locual ta hiba na un exclusion social y prehuicio institucional. •Abuso y Explotacion: Implementa miho monitorisacion pa para abuso fisico, emocional, y e tantisimo storianan di abuso financiero (scamming) caminda personanan vulnerabel ta wordo formalmente asalta y horta di nan cen di pensioen of pertenencia.Fayo den e Sosten pa Cuidadornan: aki ta urgi pa atende urgentemente cu e falta di recurso den e structura di cuido y e "burnout" (desgaste) di e cuidadornan, profesional nan y famia, locual hopi biaha ta resulta den negligencia institucional y/of abuso emocional.. "Cuido etico ta nifica proteha autonomia hunto cu siguridad," asina un representante di e Aliansa Global pa Derechonan di Adulto Mayor a declara. "Etica berdadero ta rekeri pa nos diseña sistemanan social unda no ta kita e libertad di nos grandinan, ni isola nan cu tecnologia, sino sostene nan pa nan biba cu dignidad absoluto."

Accion Urgente Rekeri: E coalicion ta urgi gobiernonan y proveedornan di cuido medico pa tuma medidanan etico inmediato: 1.Aproba Proteccion Legal Local: Exigi entrenamento standardisa pa cuidadornan profesional y aplica metodonan di screening valido (manera e “Elder Abuse Suspicion Index” - EASI) pa identifica negligencia y abuso scondi. 2.Sostene e Convencion di Nacionnan Uni: Presiona via diplomacia internacional pa finalisa e marconan legal cu ta proteha e poblacion di adulto mayor bou di ley internacional. 3.Sera e Brecha Digital na Aruba: Restructura e sistemanan automatisa di banco, transportacion, y salud digital (manera cita medico online) pa garantisa cu semper tin alternativanan humano, den e lenga di e adulto Mayor, Incluso den Papiamento di Aruba, y accesibel pa nos grandinan.

DIaHUEBS 22 DI OCTOBER 2026

ABBA y ASB hunto cu COA a reuni cu dirigentenan di WBSC

E curso di baseball5 ta den full swing, unda instructornan profesional di “World Baseball Softball Confederation” (WBSC) ta dunando un curso na 25 participante. Banda di e expertonan tecnico di e deporte, a ricibi dos otro profesional cu ta traha cu WBSC cu a bin cu e proposito pa reuni cu e federacionnan local pa trata e tema di maneho di deporte. COA a facilita e contactonan cu WBSC pa por a hasi posibel cu Amateur Baseball Bond Aruba (ABBA) y Aruba Softball Bond (ASB) por a reuni cu e federacion internacional pa asina trata diferente tema importante den cuadro di maneho.

E federacion Internacional WBSC a percura pa manda e personanan indica pa un tarea importante manera esaki, unda ta conta cu Victor Isola, cu ta e liaision pa e contintente Panamericano y ta traha cu tur federacion miembro. E ta percura pa e bon comunicacion y apoyo di entre WBSC y e federacionan nacional. Hunto cu Victor a bin Marco Ienna, cu ta e “Chief Operating Officer” (COO) di WBSC, cu ta hunga un rol clave den e areanan di gobernansa, integridad, anti-doping y responsabilidad social. Cu e 2 profesionalnan aki y nan experticio den e diferente areanan di importancia pa maneho

di un deporte na nivel nacional, a logra hiba un dialogo ameno pa asina duna informacion y mira con por aplica y ahusta esaki na Aruba. Durante e reunion a cuminsa na splica e situacion actual di Baseball y Softball na Aruba, dunando contexto na e situacion. Ademas di esaki a conta kico e plannan di futuro ta, e plan strategico cu ta desaroyando y kico kier logra a largo plaso,

pa asina yuda na mehora e structura di ambos deporte localmente. Victor y Marco a tuma bon nota di e situacion na Aruba, y a duna diferente recomendacion a base di e structura actual di WBSC, ademas di usa nan experiencia y conocemento di traha cu tur federacion miembro di region pa duna ehempelnan di con por haci cierto cambionan desea. Finalmente Victor y Marco a presenta diferente

projecto y documento cu ta duna bon informacion y conocemento practico pa yuda mehora e nivel di maneho. Un tema asina importante no ta logra wordo resolvi den un reunion, pues lo sigui cu mas reunion durante e proximo dianan pa logra intercambia mas tanto informacion y contenido posibel pa logra yega na eleva e nivel di baseball y softball na Aruba.

P 10

DIAHUEBS 22 DI OCTOBER 2026

Declaracion di Korpschef Ramon Arnhem

Incidente di tiro reciente na Aruba Den e ultimo dos simannan Aruba a keda sacudi pa varios incidente di tiro. E fin di siman aki un otro incidente teribel a tuma luga, caminda lamentablemente un mama di dos yiu chikito a perde su bida. Promer cu tur cos, na nomber di Cuerpo Policial Aruba, mi kier expresa mi mas sincero condolencia na e famia y tur e sernan keri di e victima, especialmente na e dos yiunan chikito cu a perde nan mama. Loke a sosode ta teribel, cobarde y inaceptabel. Esaki no ta cuadra cu e Aruba cu nos ta representa. Mi ta compronde e sintimentonan di tristeza, rabia y inseguridad cu e incidentenan aki ta causa den nos comunidad. Pero mi mensahe ta cla:

Esnan cu ta responsabel pa e acto di violencia aki, nos lo busca, localisa y detene nan. Esaki no ta conta solamente pa esun cu a hala gatillo, sino pa tur persona cu tabata involucra den e hecho aki. Niun hende lo sali liber di su responsabilidad. Den e periodo cu ta bin, nos lo aumenta nos presencia riba caya y nos lo haci uso dirigi di nos capacidad di inteligencia y investigacion pa identifica y detene e responsabelnan. Nos lo ta presente. Nos lo actua. Y nos lo haci ley prevalece. Mi ta compronde e preocupacion y e sintimento di incomprension den nos comunidad, y tambe cu hende ta wak na polis pa un solucion. Mi ta compronde esaki, pasobra hopi biaha polis ta wordo mira como e instancia cu mester bin na rescate di comunidad.

Y nos lo ta ey ora cu ta necesario. Nos comunidad por conta cu nos. Mi por asegura boso cu polis na Aruba ta dedica su mes cada dia, tanto visibel como tras di cortina, cu tur conviccion na seguridad di nos comunidad. Nos resultadonan di

investigacion di e ultimo añanan ta mustra cu nos ta logra identifica, localisa y detene responsabelnan di delitonan grave. Tambe den e casonan di tiro aki, nos ta pone tur nos esfuerzo pa logra detene esnan responsabel. Mensahe final Nos lo traha duramente

Cambia perspectiva tocante obesidad: Sa bo number y midi bo peso

pa localisa y detene e responsabelnan di e delitonan aki. Esun cu ta pensa cu cu e tipo di violencia aki e por perturba nos comunidad y despues sigui su caminda sin consecuencia, ta completamente robes. Polis lo actua y lo haci ley prevalece.

P 11

DIAHUEBS 22 DI OCTOBER 2026

Shailiny Tromp-Lee:

“Dia 16 di november 2026 ta un fecha clave pa e siguiente paso den e Geschillenregeling” cu por surgi entre e paisnan den Reino Hulandes. Tromp-Lee a expresa su gradicimento na e Petit Comité, encabesa pa colega Vrolijk, pa e trabou realisa riba e concepto. E ta di opinion cu e deliberacionnan interno di cada pais mester tuma luga na su propio pais, pa despues cada un por determina y comunica formalmente su posicion.

Durante e reunion Tripartiet di Parlamento di Aruba, Corsou y Sint Maarten, cu a tuma luga dia 15 di october na Corsou, Parlamentario Shailiny Tromp-Lee a enfatisa

e importancia di sigui avansa cu e proceso di e Geschillenregeling. E mecanismo aki ta destina pa atende y soluciona e diferencianan di opinion y disputa

Durante e reunion, e delegacionnan a yega na un acuerdo concreto: no mas tarda cu dia 16 di november 2026, cada pais mester trata e concepto di Geschillenregeling den su forma actual. Si un

pais ta di acuerdo cu e concepto, e mester manda un carta formal di sosten (steunbrief). Pa Tromp-Lee, e acuerdo aki ta un paso concreto den e proceso, pasobra e ta duna cada pais e oportunidad pa delibera internamente y formalisa su posicion, cu un fecha cla pa e siguiente paso. Un Geschillenregeling ta fortalece e posicion di Aruba Un Geschillenregeling ta importante pasobra e paisnan den Reino lo tin un mecanismo formal pa trata diferencianan di opinion, en bes di laga un conflicto sin un ruta cla pa busca solucion. Un mecanismo asina

por contribui na mas claridad legal, mas siguridad den e relacion entre e paisnan y un proceso mas structura pa trata diferencianan, basa riba dialogo y procedemento acorda. “Pa Aruba, un G e s c h i l le n r e ge l i ng ta importante pasobra nos mester tin un manera cla y transparente pa trata diferencianan dentro di Reino, unda nos posicion y nos interesnan ta wordo tuma na cuenta.” Tromp-Lee a subraya cu e siguiente paso ta den man di cada pais: evalua e concepto y formalisa su posicion dentro di e fecha acorda, pa e proceso por sigui avansa.

P 12

DIAHUEBS 22 DI OCTOBER 2026

Parlamentario Eduard Pieters (PPA):

“Consensus cu presion no ta consensus!” Despues di Tripartite na Corsou, PPA pone HOFA nuevamente bao lupa: “Gobierno solamente no por declara cu Aruba a duna consenso; Parlamento tambe mester tin un palabra” Den reciente Tripartite na Corsou, caminda e Parlamentonan di Aruba, Corsou y Sint Maarten a delibera riba varios tema constitucional, cu ta toca nan posicion dentro di Reino, un palabra a bolbe keda central: consensus. Pero pa parlamentario Eduard Pieters (PPA), precisamente ey Aruba mester haci un pregunta incomodo: Consensus di ken? Pasobra ora ta trata di Rijkswet Houdbare Overheidsfinanciën Aruba (HOFA), PPA ta cuestiona si Gobierno solamente por compromete Aruba riba un materia autonomo y despues presenta e resultado como “consensus”, mientras Parlamento ta drenta ora e trayecto ya ta hopi avansa. Pa Pieters, HOFA no ta solamente un debate financiero, sino un debate tocante poder, autonomia y ken tin autoridad pa compromete Aruba. Articulo 38: acuerdo mester ta realmente mutuo HOFA ta basa riba articulo 38, inciso 2, di Statuto, cu ta permiti e paisnan dentro di Reino regla asunto entre nan mediante acuerdo mutuo, incluso via un consensus Rijkswet. Pa Pieters, palabra clave ta “in onderling overleg.” Raad van State van het Koninkrijk tambe a señala den su conseho riba HOFA, cu finansa publico ta un asunto autonomo di Aruba y cu participacion den un ‘regeling’

basa riba articulo 38, mester sosode libremente. P’esey Pieters ta pone e principio central: “Onderling overleg mester ta liber. No por ta basa riba un chantahe.” “Cu lomba contra muraya, con liber bo ta?” Pieters ta conecta e debate directamente cu pandemia. Aruba tabata den un crisis economico profundo y tabatin mester di sosten financiero. Segun Pieters, Hulanda a condiciona su sosten financiero na e reforma- y construccionnan cu despues a conduci na mas control. Su pregunta politico ta contundente: “Si un pais mester di placa urgentemente y e otro parti ta pone e condicionnan pa haya e placa ey, con liber e consenso realmente ta? Con por yega na un areglo cu otro cu condicion riba mesa?” Pieters ta califica e situacion como uno bou di presion y hasta “chantahe”. Esey ta su interpretacion politico di e relacion durante crisis, pero e principio tras di su critica ta mas amplio: consentimento solamente tin balor, si un pais realmente tin espacio pa bisa no. Gobierno no ta Parlamento Pa PPA tin un di dos problema. E gobiernonan di Aruba y Hulanda por yega na acuerdo, pero Pieters ta cuestiona si Gobierno por, riba su mes, conclui cu Aruba a duna consenso, ora e acuerdo toca autoridad autonomo di pais. “Un Gobierno riba su mes no por conclui: nos tin consenso.” Pa Pieters, Parlamento no por

ta invita solamente despues cu ya a determina un direccion. Gobierno ta goberna y Parlamento ta representa pueblo y controla Gobierno. Y mas ainda ora un Rijkswet ta mishi cu poder presupuestario y autonomia di Aruba, mas peso Parlamento su palabra mester tin. HOFA ta e prueba HOFA ta precisamente unda e principio aki ta poni na prueba. E propuesta ta establece supervision financiero mediante Rijkswet y ta duna un rol importante na CAft y Rijksministerraad. Raad van State a señala, entre otro, cu limitacion di autoridad di Gobierno y Staten di Aruba no mester bay mas leu cu loke ta necesario, pa logra e

metanan acorda. PPA ta bay mas leu y ta mantene su oposicion politico-constitucional na HOFA. Pieters a cuestiona si e construccion ta respeta suficientemente autonomia di Aruba. Pero su advertencia final ta bay mas leu cu HOFA. Finalmente Eduard Pieters a conclui cu loke Aruba acepta awe, por bira precedente pa mañan. Pasobra un ley por carga palabra consensus. Dos gobierno por firma, pero pa Pieters, esey solamente no ta suficiente. “Consensus mester ta liber, democratico y cu Parlamento di Aruba tin un palabra real. Sino, nos mester puntra: Consenso di ken?”

P 13

DIaHUEBS 22 DI OCTOBER 2026

HALLOWEEN TA UN TRADICION DIABOLICO

E actividadnan di Halloween a origina for di hopi siglonan pasa, for di Inglatera na e islanan Britanico. Den realidad den e tempo ey, Halloween ta un ceremonia satanico di e druidesnan, nan ta satanistanan y awendia nan ta wordo yama celticsnan y ariba 31 di oktober nan ta haci nan ceremonianan di “human sacrifice”. Nan ta scohe nan victimanan den rapto, den secuestro etc.. E tradicion satanico aki di Halloween a wordo pasa pa Merca y Europa pa medio di imigrantenan. Halloween ta un festival di e celticsnan tambe yama samhein y awendia e ta wordo organisa pa esnan cu ta miembronan den ocultismo y esnan den organisacionnan satanico, esnan den illuminatienan, esnan den New Age etc. Tur e gruponan aki, tin

nan simbolonan y nan pentagramnan diabolico y bo por reconoce nan awendia. Den luna di oktober na Merca, na Europa y na otro paisnan, hende y muchanan ta desaparece of secuestra y nunca mas nan ta aparece. Halloween ta dianan di fiesta pagano.

No participa na ningun eventonan di Halloween, pa bo no ta complice y culpabel di loke ta pasando na mundo y pa bo no apoya nan actividadnan di fiestanan di disfras. Pasobra na Aruba tambe tin diferente di esnan cu ta den organisacionnan diabolico bao di un capa,

pa nan no wordo descubri cu nan ta satanista y den nan asamblea nan ta adora diferente diosnan pagano y satanas “himself”. No participa na ningun eventonan di Halloween, pa cu inocentemente bo ta bira complice di nan actividadnan, pasobra bo ta gusta nan ambiente, nan “trick and treat bags”, nan fiestanan, nan disfrasnan etc.y asina bo ta bira simpatisante di e demonionan. Hendenan ta tuma un cultura y tradicionnan diabolico pagano di otro paisnan y sin pensa ta kiko e ta significa? Hendenan desvia, nan no ta obedece e prome Mandamento di Dios Tata cu ta bisa: “Di stima bo Senjor y bo Dios di henter bo curason, di henter bo alma, di henter bo ser y di henter bo sintir y mas cu tur cos den mundo.” Stima Dios ta significa, di aleha bo mes di tur actividadnan y di fiestanan pagano. Den Bijbel Efesionan 5: 7 – 14; Dios Tata ta bisa:“No

mete boso cu hendenan den scuridad. Bosonan ta lus den Senjor. Comporta boso manera yiunan di lus. E frutanan di lus ta, bondad, husticia y berdad di tur forma. Busca di haci loke ta gustoso na Senjor y no participa den actonan inutil di hendenan cu ta biba den scuridad, pero trece nan na claridad. Loke e hendenan aki ta haci den scuridad, ta hopi berguensa di menciona. Ma tur esnan cu ta den scuridad, nan lo wordo aclaria pa medio di esnan cu ta den claridad di lus.” Corda bon, cu nos tur ta tempel di Dios Spirito Santo cu ta biba den cada un di nos. P’esey no ofende bo Senjor y bo Dios, cu bo pikanan di ignorancia. Den Bijbel 2 Tessalonicensenan 1: 8-9; “Den vlamnan di candela pa castiga esnan cu no ta reconoce Dios y na esnan cu no ta obedece na Evangelio di nos Senjor. Nan lo paga pa esey cu perdicion eterno lew for di presencia di Senjor y for di Su poder glorioso.” Scirbi pa Seferino Tromp Koyari 13-d Tel. 5931157 / 5870048 ID. 57.11.22.40 E-mail: etajuni@yahoo. com

P 14

DIAHUEBS 22 DI OCTOBER 2026

Centro di Bario Noord kier expresa su sincero gradicimento na:

Fundacion Alimentashon Escuela Kohehe y Sr. Hensley Martina pa workshop di agricultura

NOORD — Centro di Bario Noord a conmemora Dia Mundial di Agricultura y Alimentacion riba diabierna, 16 di oktober 2026, cu un dia yen di enseñansa, participacion y concientisacion pa muchanan, mayornan y adulto, cu enfasis riba e importancia di agricultura, alimentacion saludabel y siguridad di alimento. E workshop a keda facilita pa Fundacion Alimentashon Escuela Kohehe y Sr. Hensley Martina for di nos hermana isla Corsou. Durante mainta,

muchanan a participa den un workshop interactivo di agricultura, unda nan a haya oportunidad pa siña con pa planta, con mata ta crece y con pa cuida diferente tipo di mata. E muchanan tabata sumamente entusiasma pa siña, y nan a mustra hopi interes durante e demostracionnan y mientras nan tabata descubri e nombernan di e diferente matanan. Atardi, e actividadnan a sigui cu un workshop y dialogo pa mayornan y adulto. Sra. Jessica Piña tambe a bin hunto cu un par di su clientenan di

Stichting Ambiente Nobo pa participa den e actividadnan. E presencia y participacion tabata demostra cu tin un interes creciente pa compronde e importancia di agricultura y pa explora con nos por cuminsa planta nos propio fruta y berdura na cas y den nos comunidad. Un di e puntonan importante cu a sali dilanti tabata e necesidad pa Aruba bira mas consciente y prepara pa e futuro. Den un mundo cu ta cambia constantemente, nos no por tuma pa garantisa cu e paisnan cu actualmente ta suministra nos cu fruta y berdura lo semper tin suficiente pa cubri nan propio demanda y, ademas, continua exporta pa paisnan manera Aruba. P’esey, ta importante pa nos busca manera pa fortalece nos propio produccion local y reduci, na unda ta posibel, nos dependencia di alimento importa. E actividad aki a pone enfasis riba e importancia di educa nos muchanan desde un edad tempran, mientras ta stimula mayornan y adulto pa tuma accion y reconoce cu cada hende por contribui na un futuro

mas sostenibel. Door di siña planta y produci nos propio alimento, nos por promove un estilo di bida mas saludabel y fortalece e conciencia tocante siguridad di alimento den nos comunidad. Centro di Bario Noord kier expresa su sincero gradicimento na Fundacion Alimentashon Escuela Kohehe y Sr. Hensley Martina pa nan contribucion y cooperacion den e iniciativa importante aki. Nan

aporte a yuda amplia e conocimento y conciencia di nos muchanan y comunidad tocante e importancia di alimento, agricultura y siguridad di alimento. Centro ta kere firmemente cu educacion y colaboracion comunitario ta esencial pa construi un futuro mas fuerte. E simianan di conocimento cu nos planta awe por bira e cambio positivo cu nos comunidad mester di dje mañan.

P 15

DIAHUEBS 22 DI OCTOBER 2026

Biblioteca Nacional Aruba ta continua cu programanan valioso pa promove Cultura di Aruba Diaranson, 21 di October 2026, di 6.30 pa 9.00 p.m. lo tin un programa dedica na Uitgeverij in de Knipscheer na Biblioteca Nacional Aruba, George Madurostraat 13, Oranjestad. Astrid Britten y team di Biblioteca Nacional Aruba, Depertamento di Cultura Aruba y Gestor Cultural drs. Mirto Laclé ta orguyoso di por comparti actividadnan multicultural y multifacetico integra na e

pueblo di Aruba. E editor Franc Knipscheer di Uitgeverij in de Knipscheer di Huland a duna autornan di Aruba un realse y a crea oportunidad y a publica obranan literario di diferente autor di Caribe, particularmente di autornan di Aruba, Boneiro y Corsou. For di Hulanda lo ta presente drs. Ken Mangroelal cu a nace na Aruba. Ken Mangroela a skirbi

diferente obra literario; prosa, poesia, ensayo y obra di teatro. Lo duna reconocemento na Ken Mangroelal cu ta e persona clave cu a habri caminda pa publicacion di obranan literario di autoran di Caribe na Uitgeverij in de Knipscheer. Lo duna reconocemento na Munye Oduber-Winklaar, autor di Aruba di cual su obra “Ta asina y awor mi ta regla cuenta cu bo” a keda

publica na hulandes y na Papiamento pa Uitgeverij in de Knipscheer y Unoca. Lo presenta un documental dedica na Franc Knipscheer produci pa Hester Jonkhout den cual autornan di Corsou ta expresa nan gratitude na Franc Knipscheer. Lo tin charlanan cortico di dr. Wim Rutgers, dr. Michiel van Kempen y drs. Mirto Laclé. Grupo musical y Coro La Escala bou guia di Chichi Perez lo deleita publico presente cu nan canto. Nos tin amor pa nos Lenga Materno Papiamento y nos ta sigui duna Papiamento un lugar prominente den

Sociedad di Aruba y den exterior pa Papiamento por sigui existi pa semper den e siguiente generacionnan. Entrada pa e anochi aki ta gratis. Pa mas informacion Mirto Laclé cellular: 7426274

P 16

SUDOKU

DIAHUEBS 22 DI OCTOBER 2026

Minister Wever:

Invercion den integridad financiero ta invercion den futuro economico di Aruba Oranjestad, 19 october 2026 - Minister di Finansa, Asunto Economico y Sector Primario, Geoffrey Wever, a habri oficialmente e Seminario di FIU di Reino 2026 dialuna mainta na Hilton Aruba Caribbean Resort. E seminario di tres dia, organisa pa FIUAruba den colaboracion cu e Financial Intelligence Units di Hulanda, Corsou y Sint Maarten, ta enfoca riba fortalecemento di e lucha conhunto contra labamento di placa, financiamento di terrorismo y otro formanan di criminalidad financiero. Durante su discurso di apertura, minister Wever a enfatisa cu innovacion economico y integridad financiero ta bay man den man. “Aruba ta enfoca riba un sector financiero moderno y innovativo, den cual digitalisacion, FinTech y tecnologia nobo ta contribui na crecemento economico. Pero innovacion mester bay man den man cu seguridad, confiabilidad y integridad. Un sector financiero solido ta un condicion importante pa desaroyo economico sostenibel,” segun minister Wever. E minister a destaca tambe e compromiso concreto di su ministerio pa fortalece FIU-Aruba. Den e ultimo periodo a pone mas di

Afl. 4 miyon disponibel pa modernisacion di e sistemanan di tecnologia di informacion di FIU-Aruba. E inversion aki lo permiti e organisacion pa procesa informacion financiero na manera mas sigur, analisa fluho di placa compleho y intercambia informacion di manera mas efectivo cu su socionan nacional y internacional. Minister Wever a enfatisa cu tecnologia so no ta suficiente. Pa combati criminalidad financiero di manera efectivo, colaboracion estrecho entre FIU-nan, autoridadnan supervisorio, institucionnan financiero, instancianan di investigacion y Ministerio Publico ta indispensabel. “Criminalidad financiero no conoce frontera. Pesey nos colaboracion, nos conocemento y intercambio di informacion mester traspasa frontera tambe. Den Reino nos tin conocemento y experiencia valioso cu nos por comparti pa fortalece otro,” minister

Wever a comenta. E seminario ta reuni profesionalnan di diferente parti di Reino. Banda di discusionnan strategico tocante efectividad di e lucha contra criminalidad financiero, e programa ta inclui un masterclass internacional tocante metodonan moderno di labamento di placa y investigacion financiero. Cu e apertura oficial di e seminario aki, minister Wever ta reafirma e importancia cu Gobierno di Aruba ta duna na un sector financiero innovativo, confiabel y resistente, como fundamento pa desaroyo economico y pa mantene confiansa den Aruba como un hurisdiccion financiero internacional.