Issuu

DIAHUEBS 5 NOVEMBER 2026

5 NOVEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

MINISTERIO TA SUSPENDE USO DI APARATO DI POLIS PA MIDI ALCOHOL (SUPLA) PA INDICACION DI POSIBEL FOUT DEN RESULTADO Parlamentario Eduard Pieters:

“GOBIERNO TA BASA SU DECISION RIBA UN RAPPORT CU PARLAMENTO MES NO A MIRA UNDA E

TRANSPARENCIA TA?”

DIAhuebs 5 november 2026

Encuesta Forsa Laboral 2026 ORANJESTAD - Entrante 31 di oktober 2026 te cu 28 di november 2026, Departamento di Labor y Investigacion (DAO) conhuntamente cu Oficina Central di Estadistica (CBS) y Banco Central di Aruba (BCA) lo ehecuta e Encuesta di Forsa Laboral 2026 (LFS2026). E LFS2026 tin como meta principal pa haya un bista detaya y actual di e mercado laboral di Aruba. Tambe lo colecta informacion di e caracteristicanan di personanan cu ta participa y tambe di esnan cu no ta participa na e mercado laboral. Di e forma aki por haci un analisis profundo di e composicion di e mercado laboral di Aruba y tambe por compila indicadornan importante, manera e.o. e tasa di empleo y desempleo na Aruba, e grado di participacion di hende homber y hende muhe na e mercado laboral

y e nivel di educacion di esnan cu ta emplea y no ta emplea. E resultadonan di e encuesta por yuda nos comprende tambe por ehempel cua factornan por ta relaciona cu desempleo of participacion laboral, of den cua sector tin escasez/ abundancia di trahado. Lo bishita un total di 4.000 hogar Un team di 25 encuestador lo acerca un total di 4.000 hogar selecciona for di e base di datonan di adres di CBS. E hogarnan aki ta parti rond di Aruba. Encuestadornan lo acerca hogarnan individualmente durante di un periodo di 4 siman. Cuminsando for di 8’or di mainta encuestadornan lo ta haciendo encuesta te cu 8’or di anochi. Na momento di acerca un hogar, un encuestador mester identifica su mes cu un badge. Riba e badge aki tin

su nomber, e logo di DAO, CBS y BCA y e LFS2026. Tur encuestador lo haya tambe un shirt cu e logo di LFS2026. Si acaso un encuestador no tin e shirt di LFS2026 bisti, semper e por identifica su mes cu e badge. SI e encuestador no tin un badge, no lage haci entrevista.

E cuestionario LFS2026

Na comienso di e cuestionario lo haci algun pregunta basico na tur persona den e hogar. Despues, lo sigui cu preguntanan specifico tocante e forsa laboral. Ta bay haci e preguntanan aki solamente na personanan di 15 aña bay ariba. E motibo tras di esaki ta cu segun principionan di e Organisacion Internacional di Labor (ILO), ta considera tur persona 15 aña bay ariba como parti di e forsa laboral di un pais. Mester enfatisa cu e ta sumamente importante pa tur persona di 15 aña of mas participa na e encuesta, sea nan ta emplea, no emplea of nan no ta activo riba e mercado laboral (por ehempel pa

motibo cu nan ta bayendo scol of, den caso di adultonan mayor, ya nan ta pensiona). Di e forma aki por haya un bista completo di tur esnan cu ta forma parti di e forsa laboral di Aruba. E cuestionario ta contene preguntanan riba e temanan di importancia pa e mercado laboral, entre otro: educacion, funcion, sector na unda ta emplea, orarionan di trabou, etc. Un tema nobo cu ta inclui den e cuestionario di e LFS2026 ta e balansa entre trabou y tempo liber/tempo pa famia. Lo completa e cuestionario den forma digital (pa medio di un tablet).

Privacidad Mester enfatisa cu lo procesa tur informacion anonimamente y lo public’e solamente den forma agrega. E informacion colecta lo yuda esnan encarga cu stipulacion y ehecucion di maneho riba tereno laboral pa haci esaki cu mas efectividad y basa riba datonan actual di Aruba. E informacion colecta tambe lo sirbi pa informa esnan den sector

priva como tambe esnan den sector di enseñansa y investigacion, y e publico en general di e desaroyonan mas recien riba e mercado laboral di Aruba. E privacidad di cada hogar y cada persona cu ta participa na e LFS2026 ta garantisa pa e team di investigacion (DAO, CBS y BCA). E informacion colecta lo contribui na duna un bista completo di e desaroyonan actual riba e mercado laboral di Aruba. P’esey e participacion di cada hogar y cada persona cu wordo acerca pa nos team di encuestadornan ta esencial! Nos ta gradici tur hogar y tur persona di antemano pa nan participacion na e LFS2026. Pa mas informacion tocante e Encuesta di Forsa Laboral 2026 por tuma contacto libremente cu e team di DAO/CBS di dialuna pa diabierna durante ora di oficina (7:30 am - 4:30 pm), na number di telefoon 523-7720/524-7433 of por manda un e-mail na arbeidsmarkt@aruba.gov. aw, directiearbeid@aruba. gov.aw of secretariaat@ cbs.aw.

DIAhuebs 5 november 2026

Parlamentario Eduard Pieters:

“Gobierno ta basa su decision riba un rapport cu Parlamento mes no a mira. Unda e transparencia ta?” Ta remarcabel cu Gobierno ta keda referi na un rapport economico pa sostene su posicion tocante aumento di salario minimo. Pero segun parlamentario Eduard Pieters (PPA), Parlamento di Aruba ainda no a ricibi e famoso documento aki, cu mester permiti un evaluacion independiente di e decision. Durante conferencia di prensa, Pieters a cuestiona e falta di informacion y a pone enfasis riba responsabilidad di Gobierno pa rindi cuenta na Parlamento.

“Si tin un estudio, presenta e estudio” Pieters a menciona un rapport economico cu, segun su declaracion, Gobierno a encarga na Economisch Bureau van Amsterdam. E ta cuestiona pakico e documento ainda no a wordo comparti cu Parlamento, a pesar cu ta mencion’e den debate publico. “Con nos por evalua un plan, si nos no conoce e analisis, e recomendacionnan y e posibel consecuencianan?” Pa Pieters, un referencia general

na un estudio no ta suficiente pa uza como fundeshi pa un decision economico di tal magnitud.

Parlamento no por controla sin informacion Como miembro di Parlamento, Pieters ta considera esencial cu e representantenan di pueblo haya acceso na e documentacion relevante. E ta sostene cu Parlamento mester por examina e supuesto scenarionan alternativo y posibel efecto riba e trahadornan y e empresanan. “Gobierno no por pidi confiansa, mientras falta e informacion necesario pa controla su decision!”

“Unda ta e plan implementacion?”

Pa PPA, e existencia di un rapport no ta reemplaza e obligacion di Gobierno, pa splica su decisionnan.

Pieters ta cuestiona tambe si tin un plan suficientemente detaya pa implementa e aumento.

Transparencia no ta un fabor pa Parlamento

Segun Pieters, e debate mester inclui e forma di implementacion, consulta cu stakeholders y evaluacion di riesgo economico.

Pieters ta enfatisa cu PPA ta respalda aumento responsabel di salario minimo, pero ta exigi pa e proceso ta transparente y verificabel. “Nos no ta pidi

Tuma accion pa Preveni, Proteha y Stop Dengue Con nos por stop Dengue?

informacion pa atrasa un decision. Nos ta pidi informacion pa por cumpli cu nos responsabilidad como Parlamento.”

E pregunta cu Pieters ta pone ta simpel: si Gobierno ta convenci cu su decision tin base economico solido, pakico Parlamento ainda no tin e documentonan necesario pa evalua esey tambe?

DIAhuebs 5 november 2026

Miss Beauty Aruba 2026

Den ballroom di Hyatt Regency Aruba Resort & Casino a tuma lugar e final di e di 15 edicion di Cas Princesa Aruba su MISS BEAUTY ARUBA 2026. Un sala completamente yen a disfruta di e evento magno y luhoso pa 3 ora largo. E MC tawata Addonsito Croes, e grupo invita tawata Diamond Dancers y sound Koolbro’s company. E tema principal tawata e figuranan di pelicula di

Disney. E hurado Jayseline Navas, Zaira Hernandez, Dody Laclé, Giovanna Croes, Hilyann Croes y Zuleika Croes tawatin na final e siguiente resultado: Princess Beauty Aruba – Shydley Boekhoudt 1st Princess Beauty Aruba – Xenia Ruiz Little Beauty Aruba – Ceanne van der Linden

1st Little Beauty Aruba – Jahniya Patrick

1st Pre-teen Beauty Aruba – Jarzhienne Roos

Pre-teen Beauty Aruba – Elise Heronimo

Mas informacion: Cas Princesa Aruba riba FB of

Instagram. Potret cortesia Zoom Aruba y Addonsito Croes

DIAhuebs 5 november 2026

Minister Dowers ta sigui inverti den capacitacion y fortalecemento di institucionnan responsabel pa siguridad nacional

profesional di esnan cu diariamente ta encarga cu cumplimento di ley. Den cuadro di e esfuersonan continuo pa fortalece e diferente institucionnan responsabel pa siguridad di Aruba, dialuna atardi a duna inicio oficialmente na un formacion pa Buitengewoon O p s p or i n g s a mb t e n a a r (BOA). Un total di diestres duanero y 1 recherche di Landsrecherche a cuminsa cu e opleiding, cu lo tin un duracion di aproximadamente seis te shete luna. Minister di Husticia, Integracion, Transporte Publico y Energia, mr. drs. Arthur Dowers, ta considera e formacion aki un paso importante den e proceso di profesionalisacion y fortalecemento di e

capacidad operacional di institucionnan cu tin un rol esencial den cumplimento di ley y proteccion di nos estado di derecho. E opleiding BOA ta enfoca riba capacitacion di profesionalnan cu, den ehecucion di nan funcion, mester dispone di e conocemento huridico, abilidadnan practico y preparacion necesario pa eherce tareanan di investigacion y opsporing den e cuadro di nan competencia legal. Fortalecemento di siguridad no ta limita solamente na ampliacion di personal of adkisicion di material di trabao, sino tambe na capacitacion continuo y desaroyo

Gobierno mester sigura cu e profesionalnan den nos institucionnan ta dispone di e preparacion y hermentnan necesario pa eherce nan trabao. Capacitacion no ta un gasto, sino un inversion directo den calidad, integridad y efectividad di e institucionnan aki. Durante e siguiente lunanan, e 14 participantenan lo dedica nan mes na e proceso di formacion, cu e meta di adkiri e conocemento y competencianan necesario pa cualifica como BOA. Minister Dowers ta felicita e participantenan pa e paso importante aki den nan desaroyo profesional y ta desea nan hopi exito durante e formacion.

DIAhuebs 5 november 2026

Diabierna awor na Mas FM tin AMBIENTE TOTAL

Apertura di Programa “ Fin di Aña Cumi” y celebracion di 35 aña den Mundo di Radio di George Winterdaal E popular locutor George Winterdaal mihor conoci como e Tio di Aruba “ Tio George” pa su sin fin di projectonan dedica na nos muchanan ta celebra diabierna awor dia 6 di November su di 35 aña den e mundo di Radio Difushon y tambe ta celebra apertura di su programa di fin di aña esta “Fin di Aña Cumi”.

George a cuminsa den e mundo di

Radio cu apenas 12 aña di edad y a traha cu EJ Croes Production pa casi 30 aña y 23 aña na Magic Fm y desde 1 April 2022 ta labora na MAS Fm den su programa di tur mainta di 8or pa 10or cu ta “ G ON AIR” y tambe durante fin di aña cu e programa navideño FIN DI AÑA CUMI cu tambe e aña ta celebra su prome lustro. Pa celebra e bunita occacion aki diabierna awor dia 6 di November na Plasa MAS dilanti radiostation di MAS FM lo tin un ambiente musical cu gruponan manera Melodia, Las Unicas y Muchanan di Mama Rosa. Tambe lo tin un tent di Ardi Snack cu Plato

Navideño, Ham di Pasco, Sopi Carni, Suls,Spam y Piska Tempera, Pan Yena, Arros con Pollo y tambe Maga’s Ponche y Fruit Punch. Boca Dushi tambe lo tey cu Bolo, Tert, Cosnan dushi manera Dulce de Leche, Dushi di Corn Flakes y mucho mas. Programa Radial ta start pa 6or pm y ambiente na Plaza Mas ta inicia pa 6.30 pm. Bo ta keda cordialmente invita pa e gran apertura diabierna awor di Fin di Aña Cumi y Celebra cu George su 35 aniversario den Radio Difushon .

Di nos banda nos ta felicita George pa e bunita milestone aki y desea hopi mas pa e sigui deleita su oyentenan cu e bon programacion y un di e mihor voznan di Aruba.

ATIA ta lamenta e proceso di dialogo tocante salario minimo y e declaracionnan publico di e Prome Minister Un representante di ATIA, hunto cu representantenan di dos otro organisacionnan empresarial, a ricibi un invitacion pa participa den un dialogo social riba 8 di april ultimo. Despues di e prome reunion, a keda acorda cu e sector empresarial, sindicatonan laboral y Gobierno di Aruba lo presenta cada un nan topiconan pa e agenda y lo establece protocolnan cla pa regula e proceso di dialogo. Esaki tabata un consideracion esencial pa facilita un discusion constructivo y traha hunto na posibel solucionnan.

empresarial ni tampoco e sindicatonan laboral.

Sinembargo, despues di e di dos reunion, a bira evidente cu ningun di e topiconan presenta pa e organisacionnan empresarial tabata wordo trata. Ademas, e Prome Minister no a acepta e protocolnan presenta door di e organisacionnan

Como resultado, ningun dialogo sustancial a tuma lugar cu e participantenan, ni tampoco a comparti estudionan, analisisnan of informacion di sosten cu ta forma e base pa e maneho di e propuesto. Pa e motibonan subraya, ATIA ta lamenta e declaracionnan

E establecimento di protocolnan cla ta particularmente importante, como cu anteriormente procesonan di consulta a demostra un tendencia di gobierno cu ta adopta selectivamente cierto resultadonan, mientras ta laga otronan afo. Durante e di dos reunion, e Prome Minister a indica cu e no lo acepta e protocolnan presenta y a declara cu e legislacion por wordo implementa sin e participacion ni aporte di e sector empresarial.

publico di e Prome Minister cu ta sugeri cu e asunto ya a wordo studia y debati ampliamente. ATIA semper a keda disponibel pa dialogonan constructivo. Sinembargo, un consulta significativo ta rekeri un participacion genuino di tur stakeholder, y no un proceso den cual e resultado practicamente ya a keda determina prome cu e discusionnan a cuminsa. ATIA ta apoya medidanan cu ta fortalece e poder di compra y mehora e bienestar di trahadornan. Na mes momento, decisionnan di e forma aki mester ta basa riba informacion transparente, completo y analisis profundo. Lamentablemente, durante tur e reunionnan aki, no a presenta ni un estudio, informe of informacion di sosten na e participantenan.

DIAhuebs 5 november 2026

Investigacion di aparatonan di analisis di rosea

Ministerio Publico y Cuerpo Policial di Aruba ta haciendo investigacion tocante e funcionamento di varios aparato di analisis di rosea (e asina yama “aparato di supla”) cu ta wordo usa durante controlnan policial di maneha bao influencia di alcohol. E motibo di e investigacion ta hayazgonan relaciona cu e forma con e aparatonan aki ta calcula e resultadonan di e midimento y si esaki ta conforme cu reglanan

legal vigente.

expertonan externo tambe involvi.

Ta realisando mas investigacion pa determina e naturalesa, e grandura y e posibel consecuencianan. Como medida di precaucion, e aparatonan di analisis di rosea en cuestion a ser saca temporalmente for di uso.

Te cu e investigacion no keda cla, no por saca ningun conclusion definitivo tocante consecuencianan pa e resultadonan di midimento of pa casonan penal individual.

E asunto aki a sali na cla durante un control interno. Investigacion adicional ta tumando lugar. Den e investigacion di e aparatonan tin

Ministerio Publico y Cuerpo Policial Aruba lo por brinda mas informacion na momento cu e resultadonan di e investigacion permiti. Apesar cu e aparatonan a ser saca

temporalmente for di uso, control riba maneha bao influencia di alcohol lo continua sin interrupcion. Cuerpo Policial Aruba ta sigui controla riba alcohol den trafico y lo haci uso di otro posibilidadnan di investigacion cu ta disponibel na Polis pa por efectua e trabao aki. Maneha bao influencia ta un peliger serio pa seguridad di trafico y ta sigui siendo castigabel pa ley.

Un alivio temporal, cu perspectiva pa yega na un solucion financiero structural

HOH ta ricibi 15 miyon como pago parcial pa cuido brinda na 2025 Horacio Oduber Hospital (HOH) a ricibi diamars un pago parcial di 15 miyon florin di AZV pa cuido cu hospital a brinda na aseguradonan di AZV durante 2025. E suma aki ta parti di e compensacion pendiente pa cuido ya brinda y no ta representa un aumento di e presupuesto anual di hospital. Pues te cu awor no tin un acuerdo financiero definitivo pa e cuido brinda na 2025.

ta brinda.

Cu e pago aki, HOH por sigui cubri su obligacionnan pa algun siman. Na e momento aki, no ta necesario pa aplica mas restriccion riba operacionnan y tratamentonan ya planea. Sinembargo, e alivio aki ta uno temporal y HOH ta na mesa cu AZV pa yega na un solucion a largo plaso.

AZV tin e intencion di cuminsa desconta adelantonan duna anteriormente for di e pagonan cu HOH ta ricibi, cuminsando na december. Esaki lo causa atrobe un falta considerabel di placa disponibel. AZV a splica den nan comunicado cu HOH a ricibi 31 miyon na adelanto adicional, sinembargo nos ta desea di aclarea cu e adelantonan aki no ta adicional, pero ta forma parti di e presupuesto actual. E investigacion realisa riba iniciativa di AZV ta indica cu e presupuesto 2025 y 2026 ainda no ta suficiente pa e expectativanan cu AZV y comunidad di Aruba ta spera.

HOH ta señalando ya pa algun tempo caba cu e compensacion (lumpsum) cu ta ricibi di AZV no ta cuadra cu e gastonan real di cuido. Resultadonan preliminar di un investigacion externo, realisa riba iniciativa di AZV, ta indica cu no a tene suficiente cuenta cu e gastonan real, entre otro cu inflacion, subida di prijs y tambe e aumento di volumen di cuido cu nos

E presupuesto anual cu ta fiho no ta suficiente pa cubri e cuido cu e comunidad di Aruba ta spera. Mester yega na solucion a largo plaso cu AZV y gobierno di Aruba pa nos tur por garantisa e accesibilidad y continuidad di cuido. Desconta adelantonan ya duna por causa un deficit na december

HOH a informa AZV y gobierno di Aruba cu e forma aki di desconta no ta factibel

sin consecuencia pa e continuidad di cuido. Hospital ta sigui den combersacion cu e partidonan envolvi pa evita cu na december ta necesario pa tuma medidanan drastico. Den un combersacion cu e minister di Salubridad, HOH a enfatisa un biaha mas e responsabilidad di gobierno pa e accesibilidad y continuidad di cuido na Aruba.

Pa 2027, HOH y AZV mester yega ainda na acuerdonan tocante prijs, e cantidad di cuido cu lo wordo brinda y tambe e calidad di cuido. E meta ta pa e cuido y e presupuesto acorda, cuadra cu otro, pa evita cu e mesun retonan financiero wordo ripiti. HOH ta compronde cu e incertidumbre aki ta trece preguntanan y preocupacion, tanto den comunidad como entre empleadonan. E prioridad ta keda pa comunidad di Aruba ricibi e cuido necesario na tempo, y pa e empleadonan tin un ambiente di trabou stabiel unda nan por sigui brinda cuido di un forma profesional y den un ambiente satisfactorio.

DIAhuebs 5 november 2026

Addonsito tawata mc na MallO-Ween na Paseo Herencia

Dilanti centenares di mucha den tur sorto di disfras, Addonsito Croes a presenta e show di halloween 2026 yama Mall-O-Ween. E tema tawata Mexican traditions y cu hopi animo cada mucha ganador di e weganan pa publico, entre otro turista, tawata

subi stage pa tuma esaki. P’e turistanan hoben esaki tawata un recuerdo inolvidabel di nan biahe na Aruba. E grupo di baile Gucci Dancers, den trahe dedica na e pelicula Coco, a duna 4 presentacion unico cu a ricibi hopi aplauso. Un momento bunita tawata ora cu Mariachi Los Reyes de Aruba bou guia di Ernan

Angela, a presenta live riba escenario. Aki e mariachi a compaña Addonsito

cu e clasico El Rey. E dj tawata Swing Masters! Potretnan ta cortesia di

Nanni Larmonie di Strena Creatives y di Companashi Creative di Roan Petronia.

DIAHUEBS 5 DI NOVEMBER 2026

Parlamentario Xiomara Maduro:

“Documenta nos herencia cultural ta preserva nos identidad pa futuro”

Parlamentario Xiomara Maduro

a presencia e presentacion di e buki Echoes of Africa, di autor Bob Harms, na Archivo Nacional Aruba. Un obra cu ta invita nos pa profundisa den e influencia di tradicionnan spiritual Afro-Crioyo riba identidad cultural di Aruba, Corsou y Boneiro. E investigacion di Bob Harms ta pone luz riba un parti di nos historia cu durante hopi aña no a haya suficiente atencion. Tradicionnan, creencianan y conocemento di nos antepasadonan cu a pasa di generacion pa generacion, pero cu frecuentemente

a wordo interpreta como supersticion of hasta practica negativo. E buki ta explora con herencia Indigena, Africano y Europeo a mescla y contribui na formacion di nos identidad cultural. Practicanan manera curacion tradicional, uzo di mata medicinal, ritualnan di despedida y e tradicion di Ocho Dia ta forma parti di e herencia aki. Pa Parlamentario Maduro, e balor di e investigacion ta bay mas leu cu solamente documenta custumbernan di pasado. “Nos cultura no ta solamente loke nos por mira den un museo of lesa den un buki di historia. E ta tambe e sabiduria di nos antepasadonan, nan creencianan, nan manera di biba y nan forma di enfrenta bida y morto. Si nos no documenta esakinan, nos ta core riesgo di perde un parti importante di nos identidad.” Maduro ta enfatisa cu investigacion y documentacion cultural ta esencial pa preserva nos memoria colectivo. E ta permiti generacionnan futuro compronde miho di unda nos ta bin y con diferente influencia cultural a forma e Aruba di awe.

E presentacion na Archivo Nacional Aruba ta subraya tambe e importancia di institucionnan cu ta conserva, investiga y haci nos patrimonio historico accesibel pa comunidad. “Un pueblo cu conoce su historia ta un pueblo cu por aprecia su identidad. P’esey nos mester sigui stimula investigacion, documentacion y publicacion di nos patrimonio cultural, specialmente e partinan di nos historia cu ainda no a haya e reconocemento cu nan merece.” Parlamentario Maduro ta felicita Bob Harms cu su contribucion na documentacion di nos herencia cultural y ta expresa su aprecio pa tur iniciativa cu ta yuda preserva e rikesa di nos historia. “Cultura bo tin cu bib’e, pero tambe document’e pa generacionnan cu ta bin.”

P 10

DIAHUEBS 5 DI NOVEMBER 2026

Parlamentario Eduard Pieters (PPA):

“Aruba no por sigui paga e prijs di un Gobierno cu no por goberna” Un coalicion por tin diferencia, por tin discusion, hasta por tin conflicto. Pero un pais no por ta goberna permanentemente for di conflicto. Pa parlamentario Eduard Pieters (PPA), loke Aruba ta mirando dentro di actual Gobierno, ta bay mas leu cu un desacuerdo ocasional. Segun Pieters, varios acontecimento ta lanta un pregunta hopi mas preocupante: “Tin suficiente comunicacion, coordinacion y liderazgo dentro di e Gobierno aki, pa tuma e decisionnan grandi pa Aruba? Pueblo no a vota pa partido forma un Gobierno y despues cada un ta hala na su propio banda. Ora

bo forma Gobierno, bo responsabilidad ta cu e pais.” PPA ta cuestiona fuertemente e falta di comunicacion y direccion den coalicion: “Ora e partnernan di Gobierno no por yega na mesa cu otro, ya no ta un problema interno. Ta un problema pa pais!” Eduard ta vocifera. Ken realmente ta dirigi? Pieters ta señala e reciente discusion rond di representacion di Aruba como Minister Plenipotenciario como un ehempel di tension interno. Pero pa PPA, e persona of posicion no ta e berdadero historia. E berdadero

historia ta funcionamiento di Gobierno. Segun Pieters: “Ora e partnernan di coalicion no ta suficientemente alinea, e reunionnan importante no ta conta cu representacion completo y diferencia interno ta bira publico, pueblo tin derecho di puntra: Ken ta coordina? Ken ta tuma liderazgo? Y ken ta garantisa cu interes di Aruba ta prevalece riba interes di partido?” Salario minimo a bolbe mustra e problema den coalicion E discusion tocante salario minimo, segun Pieters, a expone e mesun falta di coordinacion. Un decision asina tin consecuencia directo pa poder di compra, costo pa empresa, e prijsnan y economia. Esey ta exigi analisis, dialogo y preparacion. “No por ta na ultimo momento e partnernan di Gobierno ta descubri cu nan no ta riba e mesun pagina.” Pa Pieters, esey no ta gobernacion. Esey ta reaccion. Aruba no tin tempo pa un Gobierno ocupa cu su mes cada biaha y aki ta unda e problema ta bira serio. Mientras coalicion ta lucha cu comunicacion interno, Aruba tin decisionnan

pendiente riba costo di bida, HOFA, e camindanan, salud publico, hospital y futuro economico di pais. E ciudadano cu ta lucha pa paga supermercado no tin tempo pa conflicto interno di coalicion. E pashent cu ta depende di un sistema di salud cu mester mehora, tampoco. “Si Gobierno no por comunica riba e temanan cu ta dividi nan internamente, con pueblo por tin confiansa cu nan lo ta uni ora mester tuma e decisionnan dificil pa pais?” Pieters ta señala. Gobierno no ta un acuerdo pa mantene partido na poder y pa Pieters, aki ta e linea cu no por crusa. Un coalicion no ta existi solamente pa conserva mayoria den Parlamento. Su motibo di existi ta pa goberna Aruba den harmonia y union. Diferencia politico ta

democracia. Pero ora interes partidista, posicion y conflicto interno cuminsa domina, mientras problema di pueblo ta keda ‘on hold’, e coalicion ta perde su berdadero proposito. “Aruba no mester un Gobierno cu simplemente ta pusha pa keda hunto. Aruba mester un Gobierno cu ta logra goberna hunto”. Y pa Pieters, e pregunta politico awor ta inevitabel: “Si Gobierno mes no por pone su cas na orden, con e ta bay pone Aruba na orde?”

P 11

DIAHUEBS 5 DI NOVEMBER 2026

Lider di Partido PPA Otmar Oduber:

“Un Gobierno sin vision ta termina goberna di crisis pa crisis” solamente entrega un papel di permiso. Ta prepara hende pa forma parti di nos sociedad y contribui na economia y harmonia di bo comunidad.”

Kico ta mas peligroso pa un pais: un Gobierno cu tin problema pa resolve, of un Gobierno cu no tin un direccion comparti pa resolve nan? Pa lider di PPA, Otmar Oduber, Aruba ta confrontando precisamente e di dos riesgo. Durante conferencia di prensa, Oduber a critica loke e ta considera como falta di vision, coordinacion y liderazgo dentro di actual coalicion, mientras e decisionnan importante pa economia y futuro di pais ta exigi planificacion. “Nos a prepara prome cu eleccion” Oduber a recorda cu PPA, despues di aproximadamente 20 aña pafor di Parlamento, a reuni un grupo amplio di profesional, pa prepara su programa electoral di 2024, cu un vision pa desaroyo di Aruba te 2050. Segun Oduber un partido serio no por spera te despues di gana eleccion pa cuminsa pensa con e lo goberna. “Bo mester sa unda bo kier hiba bo pais, prome cu bo pidi pueblo su confianza.

P’esey nos si a prepara un programa pa goberna y no djis un lista di promesa pa gana eleccion” el a expresa. Di promesa pa politica concreto Oduber a menciona aumento gradual di salario minimo como un ehempel, mirando cu esey ta e tema cu mas ta reina den comunidad. PPA a sa di propone un trayectoria di dies aña, combina cu productividad laboral, consulta economico y e medidanan pa evita presion di inflacion. Un otro ehempel ta regularisacion di e trahadornan indocumenta. Segun Oduber, PPA a propone pa aborda e tema mediante un estudio di necesidad laboral, preparacion civico, idioma y conocemento di cultura Arubiano, pa facilita integracion den economia formal. “Regularisa no ta

Gobernacion no por depende di improvisacion Oduber ta sostene cu e diferencia actual entre e partnernan di coalicion riba salario minimo, ta demostra e riesgo di forma Gobierno sin tin suficiente acuerdo riba direccion economico. Segun Oduber, un coalicion mester tin mas cu un acuerdo pa comparti poder. E mester tin un programa comun cu ta guia e decisionnan y no manera e ta awor, cu ta parce mas di ta un matrimonio forsa. “Un pais no por depende di ken tin mas influencia of ken ta gana un

discusion interno,” el a señala. “Pueblo mester sa unda Gobierno ta hiba Aruba” Pa Oduber, e berdadero prueba di un programa electoral ta su implementacion. Salario, empleo, productividad, costo di bida y integracion laboral mester forma parti di un strategia coherente. “Gobernacion no ta simplemente ocupa un posicion. Bo mester sa, kico bo kier logra, con bo lo logra esey y con bo ta responsabilisa bo mes pa resultado. Pasobra un Gobierno cu no tin direccion comparti por sigui tuma decision. Pero esey no ta garantisa cu e pais ta progresando den un direccion cla” Otmar Oduber a indica.

P 12

DIAHUEBS 5 DI NOVEMBER 2026

SETAR: Cumpra bo Pay-Per-View di SMAC y Stichting Musica facil y rapido awo via WhatsApp SETAR ta anuncia cu e Pay-Per-View (PPV) pa disfruta di e actividadnan di Carnaval 73 y Caiso & Soca Monarch ya ta disponibel na benta. E aña aki, SETAR ta introduci e opcion di cumpra bo PPV via SETAR su WhatsApp Self-Service na cualkier momento di un manera hopi facil y lihe. Manda un mensahe di WhatsApp na 525-1002 y sigui e instruccionnan di e sistema automatisa pa selecciona y cumpra e pakete cu bo ta desea. E servicio aki ta brinda bo mas facilidad y flexibilidad pa cumpra bo PVV, sin necesidad di yama SETAR of warda riba un agente disponibel. Pa e temporada di Carnaval

73, SETAR ta ofrece dos pakete di PPV, cada un cu su propio actividadnan. E pakete di Caiso & Soca in Yuh Back Yard ta inclui Prefinals di Soca, Final di Soca y Final di Caiso, y e pakete di Ambiente den 73 ta inclui e actividadnan di Carnaval 73 manera Eleccionnan di Reina, Tumba Aruba, Calypso & Roadmarch y Tumba Infantil y Hubenil. E dos paketenan di PPV ta disponibel via Cable TV of streaming. Clientenan cu ta desea di disfruta di e actividadnan via television mester tin un pakete di Cable TV activo, esta Digital Cable, IPTV of SETAR Complete. Clientenan cu tin solamente Analog Cable no por wak e PPV via Cable

TV. Pakete: Ambiente den 73 Digital Cable Canal 124 SD y 125 HD IPTV y SETAR Complete Canal 125 HD Pakete: Caiso & Soca un Yuh Back Yard Digital Cable Canal 126 SD y 127 HD IPTV y SETAR Complete Canal 127 HD Ademas, clientenan cu ta prefera streaming por cumpra nan pakete di PPV directamente riba nos website di PPV, cu e opcion pa paga cu credit card of via Pay.aw. Pa pago cu Pay.aw, ta importante pa verifica cu bo tin suficiente saldo disponibel den bo wallet di Pay.aw. Haci uzo di nos WhatsApp Self-Service via 525-

Cambia perspectiva tocante obesidad: Sa bo number y midi bo peso

1002 pa cumpra bo PPV y disfruta di e emocion, talento y ambiente di

Carnaval 73, unda cu bo por ta y for di e comodidad di bo cas.

P 13

DIAHUEBS 5 DI NOVEMBER 2026

Nos ta sigui honra nos personal: AGENTE POLICIAL ANNETTE PATTERSON TA EMPLEADO DI LUNA DI AUGUSTUS 2026

Augustus 2026. Sra. Patterson semper ta dispuesto pa duna un man den su tempo liber y di forma boluntario sin pidi nada a cambio. Trahando duro pa nos cuerpo pero cu un sonrisa y un actitud servicial na tur momento. Sra. Patterson ta conoci pa su decoracionnan y durante celebracion di siman di polis e sa di traha diferente obranan bunita cu e mes gusta haci y cu su creatividad e ta brinda su conocimento pa dorna cada evento special pa

Oranjestad, ARUBA: Cuerpo Policial Aruba ta balora y reconoce su trahadonan pa nan dedicacion y servicio pa cu nos Cuerpo y como tambe nos comunidad. Desde 2026 Cuerpo Policial Aruba cada luna ta eligi un

empleado di luna. E biaha aki e empleado di luna di Augustus a wordo sorprendi den oficina di Altocomisario Ramon Arnhem na unda e la ricibi un plakkaat y un regalo. Altocomisario Arnhem den presencia di alto mando

a duna un discurso y a comparti con a selecciona e empleado di luna di Augustus 2026. Cu grato placer sra. Annette Patterson a wordo sorprendi cu su persona ta e empleado di luna di

KPA. Bo por wak den diferente warda di polis un toke di su creacionnan. Band’i esaki sra.Patterson ta prefera di no ta den spotlight y semper ela sigui di ta un persona humilde y stima den KPA. Cuerpo Policial Aruba ta gradici sra. Patterson pa su esfuerso y ta desea su persona tur clase exito cu su reconocimento y disfruta di su regalo bon mereci. Masha pabien nos ta orguyoso di bo!

P 14

DIAHUEBS 5 DI NOVEMBER 2026

Jennifer Arends-Reyes ta lamenta ausencia di MEP y PPA na bishita di Comision di Turismo na AAA

A haya presentacion di avancenan den Gateway 2030

ORANJESTAD (3 di november 2026) — Parlamentario Jennifer Arends-Reyes, presidente di Comision di Turismo di Parlamento, a lamenta cu representantenan di MEP y PPA no a participa den e bishita di awe na Aruba Airport Authority (AAA). Segun Arends-Reyes, niun di e dos fraccionnan a avisa cu nan no lo por a asisti. E bishita tabatin como meta pa e comision conoce e progreso di e proyecto Gateway 2030 y e preparacionnan pa futuro di e aeropuerto. Durante e encuentro, CEO y ehecutivonan di AAA a presenta e proyecto na e parlamentarionan presente. Despues, e delegacion a bishita e sitio pa mira e trabounan mas di cerca. “Un aeropuerto moderno y prepara pa futuro ta un parti importante di nos infrastructura. E desaroyonan aki tin impacto riba nos conectividad, turismo

y economia. P’esey, Parlamento mester sigui di cerca con e proyecto ta progresa,” Arends-Reyes a declara. E presidente di e comision a señala cu MEP a pidi cu urgencia pa reuni cu representantenan di sector turistico. Mester tene na cuenta agenda di cada representante y di Parlamento y den e caso aki, AAA a aparta tempo y a prepara un presentacion pa e encuentro. “Ta lamentabel cu e representantenan di MEP,

cu a pidi e encuentronan cu urgencia, no a presenta ni a avisa cu nan no lo por a asisti. E bishita tabata un oportunidad pa haci pregunta directamente na ehecutivonan di AAA tocante e proyecto, nan vision pa futuro di e aeropuerto y su importancia pa turismo di Aruba. Nos mester trata e dialogo cu seriedad y cu respet pa e tempo di tur hende,” Arends-Reyes a expresa. Arends-Reyes a gradici AAA pa e presentacion y pa duna e comision e oportunidad di mira e avance di Gateway 2030 na e sitio. E Comision di Turismo lo sigui di cerca e progreso di e proyecto y otro desaroyonan di infrastructura cu tin impacto riba turismo na Aruba.

P 15

DIAHUEBS 5 DI NOVEMBER 2026

Prome Minister Mike Eman a ricibi dos publicacion tocante pasado di sclavitud y historia di Aruba

Prome Minister Mike Eman a asisti diamars anochi na Universidad di Aruba na presentacion di dos publicacion importante tocante e pasado di sclavitud y historia di resistencia

contra colonialismo den Caribe. Durante e actividad, historiador Luc Alofs a entrega Prome Minister un ehempel di e di tres edicion di su buki Slaven zonder Plantage, mientras cu rector di

Universidad di Aruba, Sue-Ann Lee, a entrega e rapport di investigacion Vergeten verhalen, verzwegen verleden. E actividad a wordo organisa pa Center for Lifelong Learning di Universidad di Aruba, cu participacion di un cantidad grandi di invitado. E buki Slaven zonder Plantage ta enfoca riba un parti importante di historia di Aruba cu durante hopi tempo no a ricibi suficiente atencion. Aunke Aruba no tabatin plantacion grandi manera otro isla den Caribe, sclavitud tabata un realidad den sociedad Arubano. Segun e introduccion di e buki, na 1849, 21% di poblacion di Aruba tabata sclavisa, mientras cu riba 1 di juli 1863 casi 500 habitante di Aruba a haya nan libertad como resultado di abolicion di sclavitud. E di tres edicion di e buki ta incorpora

investigacion historico nobo y informacion obteni for di e archivonan digitalisa. E publicacion ta profundisa den e circunstancianan di bida di hendenan sclavisa, nan venta y e diferente maneranan cu nan por a ricibi nan libertad. E edicion nobo a wordo realisa den cuadro di e disculpanan oficial cu Hulanda a presenta pa su rol den e pasado di sclavitud. E otro publicacion, Vergeten verhalen, verzwegen verleden, ta un rapport di investigacion cu ta examina con e historia di resistencia contra sclavitud y colonialismo, y e personahenan cu a lucha pa libertad, ta haya atencion den enseñansa den parti Caribense di Reino Hulandes. E investigacion, realisa na peticion di Tweede Kamer, ta mustra cu historia di diferente personahe cu a lucha contra colonialismo

y sclavitud no ta ricibi suficiente atencion den enseñansa. E rapport ta destaca e necesidad di fortalece e material educativo y duna mas espacio na historia local. E dos publicacion ta representa un contribucion importante na investigacion y preservacion di historia di Aruba. Nan ta yuda amplia conocemento di nos pasado y ta destaca e importancia di transmiti e historia aki na futuro generacion.

P 16

SUDOKU

DIAHUEBS 5 DI NOVEMBER 2026

FORTALEZA PA FAMIA Scirbi pa Pastor Marcel Balootje.

HACI TUR BO ESFUERSO HEBREONAN 12 VERSICULO 14

Hopi hende ta kere ta wega, tin hopi grupo anticristo cu ta lanta contra Dios y Su palabra. Tin hopi pais caminda hende ta ninga di reconoce Cristo Hesus como Senjor y Salbador. Tin hende ta tuma esnan cu ta predica e evangelio di Dios, e conocido hendenan di misa como enemigo, pasobra nan no kier arepenti y sali for di scuridad, y entrega nan bida na Cristo Hesus. Si nos kier papia di persigicion, awor esey a cuminsa hopi tempo pasa, pasobra Cristian ta wordo mata tur dia pa motibo di nan Fe y e palabra cu nan ta predica, pasobra hende no kier scucha e berdad. E situacion ta tenso pasobra manera Juan Bautista a reprende Herodes,pa motibo di su inmoralidad cual e tabata biba den dje, asina tambe awendia, nos no por sconde pica bao di protocol pa complace cu hende y mantene amistad cu mundo , y a causa di esey nos ta bira enemigo di Dios.(Santiago 4:4). Pica ta pica, no tin otro manera pa bisa, si pica ta wordo haci door di un rico of un pober, door di un mandatario of un cria di cas, door di un rey of un esclavo, e ta keda mesun pica, y si no bini arepentimento e alma ey lo bay perdi. Serca Dios no tin hende

favorito. Si un mentira wordo papia den reunion di mas alto nivel , of e wordo papia riba caya, e ta keda un mentira, y e persona cu a papia e mentira , ta un mentiroso, no ta importa ken e ta. Si falta di pordon, ta wordo practica door di mayor, nan sa cu nan yiunan tambe lo bin haci mesun cos, pasobra ta esey nan a mira y sinja serca nan mayor. Pero Hebreonan 12:14 ta bisa algo cu nos tin di tene bon cuenta cune pa nos no cay den trampa di diabel: Aspira pa tin pas cu tur hende,y santificacion, sin cual ningun hende lo mira Senjor. Haci tur bo esfuerso, pa bo biba na pas cu tur hende, sin pleito,sin rencor, sin tene hende na curason, Esey ta exigencia di Dios, un exigencia cu ta pone nos tur na prueba, pasobra hasta esnan cu no kier tende di bo, bo mester biba na pas cu nan. Manera e palabra ta bisa: Stima bo enemigonan y haci oracion pa nan.( Mateo 5:44). Caminda nan no kier tende e evangelio, no tuma nan na malo, haci oracion pa nan, ora bo topa cu hende cu no kier reconoce Dios, sigi haci oracion pa nan, ora bo topa cu hende cu kier haci cambio den nan

naturalesa, y ta resisti e Spirito di Dios, haci hopi oracion pa nan. Pasobra e plan di e diabel ta pa trece pleito y confusion, lanta grupo contra otro,pa haci tur locual ta posibel pa hende no tin pas cu otro. Y ta dificil pa bo bisa bo ta den santidad, si bo tin hende wanta na curason, of bo sa cu nan no kier mirabo, pero toch bo tin cu samina bo mes y obedece Dios. Santidad ta un evidencia di Salbacion. Pas ta un evidencia cu nos ta disipulo di Cristo Hesus. Pas ta un fruta di Spirito Santo. Senjor su Palabra no ta cambia,corda bon kico Cristo Hesus a bisa: Ami ta e caminda e berdad y e bida,ni un hende no por yega serca e Tata sino ta pa medio di Mi. Awor e palabra di Dios ta bolbe mustra cu sin pas y sin santidad ningun hende lo mira Senjor.

Tene bon cuenta. Sinceramente, Pastor Marcel Balootje.