Skip to main content

Diahuebs november 12 2026

Page 1

P1

DIAHUEBS 12 NOVEMBER 2026

12 NOVEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

DESPUES DI 10 RAPPEL, REUNION PA TRATA HOFA AINDA NO A WORDO YAMA. PARLAMENTO NO POR KEDA NA BANDA!


P2

DIAhuebs 12 november 2026

Minister di Husticia a Honra Marcel Maduro pa su 44 aña di servicio publico

Recientemente, Minister di Husticia, Integracion, Transporte Publico y Energia, mr. drs. Arthur Dowers, a ricibi Marcel Maduro, ex hefe di Landsrecherche, cu a baha cu pensioen dia 8 di september 2026, despues

di 44 aña di servicio publico. Marcel Maduro a dedica gran parti di su bida profesional na servicio di husticia y siguridad di Aruba. Na 1982 Maduro a inicia

su carera den Korps Politie Nederlandse Antillen como contractant. Na 1985, despues di termina su formacion policial na Aruba, el a cuminsa traha como aspirant agent na Oranjestad, ainda bao di Korps Politie Nederlandse Antillen. Na 1987 Maduro a pasa pa Sectie Justitiële Dienst Oranjestad como recherche y despues a traha den e seccion di Crimen Organisa. Na 1997 el a

caMbia perspectiva tocante obesidad: sa bo nuMber y Midi bo peso

incorpora den Recherche S a m e n w e r k i n g s -Te a m (RST), caminda el a traha te aña 2000. Na 2007 Marcel Maduro a asumi e funcion di hefe di Landsrecherche. Bao di su liderazgo, e entidad a crece di 7 empleado te 20 empleado, di cual 17 ta recherche. Durante e encuentro tabata un momento oportuno pa expresa aprecio pa su dedicacion

y compromiso durante su carera, y pa reconoce su contribucion na desaroyo di Landsrecherche y na servicio di husticia di Aruba. Como muestra di aprecio y reconocimento pa su dedicacion y contribucion na servicio publico, Minister Arthur Dowers a haci entrega di un plakaat di reconocimento na Marcel Maduro y a desea Maduro un pensioen bon mereci.


P3

DIAhuebs 12 november 2026

Parlamentario Shailiny Tromp-Lee:

DESPUES DI 10 RAPPEL, REUNION PA TRATA HOFA AINDA NO A WORDO YAMA. PARLAMENTO NO POR KEDA NA BANDA! “Un tema cu ta determina e futuro financiero y autonomia di Aruba no por keda sin wordo debati den e propio Parlamento.” Fraccion di MEP a manda awor 10 rappel oficial pa yama un reunion publico di Parlamento pa trata e proposicion di Rijkswet HOFA. Sinembargo, te awe, e reunion ainda no a wordo yama. Un rappel ta un recordatorio manda na presidente di Parlamento pa cord’e di e peticion original cu nos a haci na su persona 8 luna pasa y enfatisando cu ainda nos ta warda pa e keda yama Pa MEP, esaki ta mas cu un asunto di agenda. Ta trata di respeta e Reglement van Orde, e derecho di parlamentarionan y e responsabilidad di Parlamento pa controla y debati riba temanan di importancia fundamental pa Aruba.

E Reglement van Orde ta stipula cu ora por lo menos tres miembro di Parlamento pidi un reunion, e Presidente ta obliga pa yama e reunion. No ta un asunto di preferencia personal of politico, sino di cumpli cu e reglanan cu ta regula e funcionamento di Parlamento.

GOBIERNO A INDICA CU HOFA LO TA CLA DEN NOVEMBER Durante e tratamento di e Prome Presupuesto Supletorio, Gobierno a indica cu durante e luna di november e negociacionnan relaciona cu HOFA lo ta cla y cu lo presenta e reaccion riba e conseho di Raad van State y Raad van Advies na Parlamento.

Fraccion di MEP ta spera cu e compromiso aki, e biaha aki si lo wordo cumpli cu ne, y cu Parlamento no lo wordo confronta un biaha mas cu e echo cu ya decisionnan a wordo tuma y aprobacion a keda duna na Hulanda. Mester preveni cu un decision di tanto importancia pa Aruba ta wordo hiba dilanti sin un debate parlamentario amplio y na tempo. Pa Fraccion di MEP, no ta suficiente pa Gobierno anuncia cu lo presenta e tema na Parlamento. Parlamento mester tin e oportunidad real pa trata, cuestiona y debati e contenido, e implicacionnan y e consecuencianan di e proposicion aki prome cu cualke decision wordo

tuma. UN TEMA DI AUTONOMIA MESTER WORDO TRATA NA ARUBA Durante e bishita di e Comision Permanente di Parlamento Hulandes na Parlamento di Aruba na october 2026, e Comision a enfatisa cu e debate tocante HOFA mester wordo hiba na Aruba mes. Pa e Comision tabata hasta incomprendibel cu un tema di tal magnitud y importancia ainda no a wordo trata den Parlamento di Aruba.

MEP ta comparti e punto di bista aki. HOFA ta

directamente relaciona cu e autonomia financiero di Aruba y cu e futuro di nos pais. Ta precisamente pa e motibo aki Parlamento di Aruba mester tin un papel central den e debate.

Fraccion di MEP ta bolbe haci un yamada na e Presidente di Parlamento pa cumpli cu su responsabilidad y yama e reunion solicita sin mas tardansa. Un copia di e peticion a wordo dirigi tambe na Gobernador di Aruba.

Aruba no por papia di autonomia y na mes momento laga su propio

Parlamento sin e espacio pa un debate.

E futuro di Aruba merece un debate transparente, amplio y democratico. Y e debate aki mester tuma luga den Parlamento di Aruba.

Fraccion di MEP ta contra HOFA!


P4

DIAhuebs 12 november 2026

A compArti un mAintA speciAl cu residentenAn di sABA nA Huize mAris stellA cu e evento y e participacion di e residentenan. Segun Geerman, esaki ta e di dos biaha cu SABA ta organisa e actividad na un escala asina grandi, reuniendo residentenan di diferente facilidadnan di cuido.

Prome Minister Mike Eman, acompaña pa Minister Mervin Wyatt-Ras, a bishita awe mainta Huize Maris Stella na Savaneta, caminda Stichting Algemene Bejaardenzorg Aruba (SABA) a organisa un torneo di domino pa residentenan di diferente localidad. E bishita a transcuri den un ambiente alegre y agradabel, caminda ambos mandatario a comparti personalmente cu e adultonan durante e actividad recreativo.

E directora a splica cu domino ta un wega familiar pa hopi Arubiano, pero cu e actividad tin un significado cu ta bay mas leu cu entretenimento. Un aspecto importante ta cu hasta residentenan cu ta enfrenta un of otro tipo di demencia den un fase avansa por participa den e wega. Segun Geerman, durante e torneo por a observa con e participantenan ta concentra y hunga cu hopi entusiasmo, demostrando e importancia di actividadnan adapta na nan capacidadnan.

E evento, conoci como Pega Piedra, a reuni residentenan di Huize Maris Stella, Oranjestad y San Nicolas pa participa den un torneo di domino, cu obhetivo principal di promove convivencia, actividad mental y interaccion social.

E directora a expresa tambe su aprecio pa e bishita di Prome Minister Eman y Minister Wyatt-Ras, destacando cu nan a tuma tempo pa comparti cu e residentenan y forma parti di e ambiente di e evento.

Durante e bishita, Prome Minister Eman y Minister Wyatt-Ras a haya un ricibimento caluroso di e residentenan y personal di SABA. Nan presencia a contribui na e ambiente special di e mainta, brindando e participantenan oportunidad pa comparti cu e mandatario y disfruta di e actividad hunto.

Alegria y convivencia entre e residentenan

Un actividad cu ta uni residentenan di diferente localidad Directora di SABA, Sulima Geerman, a expresa su satisfaccion

a splica cu e torneo ta organisa den colaboracion cu e ekipo di begeleiding di actividadnan. Segun e, e ambiente tabata masha ameno, cu residentenan cu ta participa principalmente pa disfruta, mientras cu otro ta demonstra nan espiritu competitivo y ta haci tur esfuerzo pa gana e torneo. E actividad a brinda oportunidad pa e residentenan socialisa, disfruta di acompañamento di otro y mantene nan mente activo den un ambiente positivo.

su satisfaccion cu e bishita, destacando e atencion personal cu el a ricibi durante e encuentro. E presencia di Prome Minister Eman y Minister Wyatt-Ras tabata aprecia pa e directiva y personal di SABA, cu ta considera e contacto cu e comunidad como un elemento importante den bienestar di e personanan di edad.

Atencion personal cu ta haci diferencia

E bishita na Huize Maris Stella ta resalta e importancia di actividadnan cu ta promove un envehecemento activo, convivencia y participacion social, sin importa edad of limitacion di salud.

El a enfatisa cu actividadnan manera esaki ta contribui pa e personanan di edad sinti cu nan ta parti di comunidad y cu nan no ta wordo lubida.

Un di e aspectonan mas special di e bishita tabata e contacto directo entre Prome Minister Eman y e residentenan. Durante e actividad, e mandatario a comparti cu diferente participante, creando momentonan di cercania y alegria.

E mainta a conclui den un ambiente di alegria y satisfaccion, demostrando cu, banda di cuido profesional, e atencion personal y e oportunidad pa comparti cu otro ta esencial pa calidad di bida di nos adultonan mayor.

E maatschappelijk werker di SABA

Un di e residentenan a expresa

Di su parti, e locatiemanager di Huize Maris Stella a califica e actividad como un exito, destacando e satisfaccion di e residentenan cu e bishita di e dos mandatario.


P5

DIAhuebs 12 november 2026

Shailiny Tromp-Lee:

Derecho Di mucha ta un compromiso cu no por keDa limita na un Dia of un luna Parlamentario ta haci un yamada pa mas atencion, proteccion participacion di nos muchanan.

Durante luna di november, atencion internacional ta bolbe concentra riba derecho di mucha. Dia 20 di november ta marca Dia Mundial di Mucha, un fecha cu ta conmemora e adopcion di e Convencion di Nacionnan Uni tocante Derecho di Mucha, na aña 1989. E fecha aki ta un oportunidad pa recorda nos mes cu cada mucha, sin importa su origen, situacion familiar, condicion economico of capacidad, tin derecho na proteccion, educacion, salud, desaroyo, recreacion y un bida digno. Pero, mas cu un conmemoracion, e fecha aki mester sirbi como un momento pa evalua cuanto nos ta haci realmente pa garantisa e derechonan aki den bida diario. Derecho di mucha ta mas cu un declaracion Parlamentario Shailiny Tromp-Lee ta enfatisa cu derecho di mucha no ta solamente responsabilidad di mayornan. Ta un responsabilidad comparti entre famia, scol, comunidad, organisacionnan y gobierno. “Nos muchanan no ta solamente e futuro di Aruba, nan ta parti di nos sociedad di awe. Nos tin e deber pa crea un ambiente unda nan por crece cu amor, proteccion, siguridad y oportunidad. No ta suficiente pa bisa cu nos ta stima nos muchanan. Nos mester mustra

esaki den nos decisionnan, nos actitud y nos accionnan.” Segun Tromp-Lee, tin varios aspecto di derecho di mucha cu merece atencion continuo. Entre nan ta e derecho pa crece den un ambiente liber di violencia, abuso, maltrato y negligencia, e derecho na educacion y cuido di salud, y e derecho pa wordo trata cu dignidad y sin discriminacion. E bos di un mucha: nos ta scucha nan? Un aspecto cu merece atencion special ta e derecho di mucha pa expresa nan opinion y pa wordo scucha. “Cuanto biaha nos ta bisa un mucha cu e ta chikito ainda, cu e no ta compronde, of cu e mester keda keto? Scucha un mucha no ta nifica cu nos mester duna nan tur loke nan pidi. Ta nifica cu nos ta duna nan espacio pa expresa nan mes, cu nos ta tuma nan sentimento na serio y cu nos ta considera nan opinion di acuerdo cu nan edad y madurez.”

Pa e Parlamentario, un sociedad cu ta proteha su muchanan mester por scucha nan tambe. Un mucha cu ta sinti cu su bos ta conta por desaroya mas confiansa pa expresa su preocupacion y busca yudansa ora e tin mester. Scucha pero percura pa reacciona y of actua, asina nos ta crea e confiansa.

Proteccion di mucha ta un responsabilidad di tur nos Tromp-Lee ta indica cu e proteccion di mucha no por keda solamente den palabranan of den actividadnan special. E mester bira parti di nos manera di actua tur dia. Esaki ta inclui reconoce señalnan di maltrato, abuso, intimidacion of negligencia. Tambe nos mester tuma preocupacionnan di mucha na serio y percura pa tin un persona of caminda sigur unda un mucha por pidi y haya yudansa.

Tambe ta importante pa gobierno y tur instancia responsabel sigui evalua si e maneho, servicio y recursonan disponibel ta cumpli cu e necesidadnan real di muchanan y nan famianan.

“Nos mester haci mas cu papia di derecho di mucha. Nos mester garantisa cu e derechonan aki ta wordo respeta y cu ora un mucha tin mester di proteccion, tin un sistema cu ta scucha, actua y duna atencion continuo.”

Durante luna di november, Tromp-Lee lo dedica atencion special na diferente aspecto di derecho di mucha, cu e obhetivo pa informa, crea consciencia y invita famia, docente, comunidad y autoridadnan pa reflexiona riba e responsabilidad comparti aki.

Pasobra cada mucha merece wordo scucha, proteha y duna oportunidad pa desaroya su potencial. Y e responsabilidad pa garantisa esaki ta di nos tur.


P6

DIAhuebs 12 november 2026

El Niño por trEcE calor ExtrEmo y sEcura, DVG ta coNsEha comuNiDaD pa ta prEpara

ORANJESTAD, Aruba 22 juni 2026 – Segun e ultimo informacion climatologico internacional, tin posibilidad cu e fenomeno natural El Niño lo sigui desaroya durante e proximo lunanan di aña 2026-2027 den un fenomeno extra ordinario cu por trece cu ne efectonan peligroso y asta devastador pa cierto region. Aunke El Niño ta forma den Oceano Pacifico, su efectonan por wordo sinti den diferente parti di mundo, incluyendo Caribe. P’esey Directie Volksgezondheid (DVG) ta informa comunidad cu Aruba por bay experiencia den e lunanan cu ta sigui temperaturanan mas halto cu normal, periodonan mas seco y mas riesgo pa problema di salud relaciona cu calor. Temperaturan halto por aumenta e riesgo di deshidratacion, desanimacion y cansancio door di calor y otro complicacionnan di salud, especialmente pa: • Muchanan chikito • Personanan di edad avansa • Hendenan cu condicionnan di salud cronico • Hende muher na estado • Personanan cu ta traha pafor den solo DVG ta encurasha comunidad den e siguiente lunanan pa: • Bebe awa frecuentemente durante dia apesar cu kisas bo no tin sed • Evita actividad fisico intenso durante oranan di mas calor (11or pa 2or pm ) • Usa paña color cla y di tela fini • Usa sunblock spf 30 of mas y reaplica durante dia • Tira vista riba familiar y

bisiñanan vulnerabel. • Sigui informacion oficial di DVG, servicio Meteorologico di Aruba pa informacion.

pa por sigui duna informacion, conseho, guia y atencion na e diferente grupo di risico den nos comunidad.

DVG hunto cu demas stakeholder lo sigui monitorea e posible efectonan di El Niño riba salud publico y salud di nos animalnan

Bo Salud, Nos Prioridad.

Pa

mas

informacion,

like

nos Facebook page Directie Volksgezondheid DVG Aruba, follow nos riba Instagram directie_volksgezondheid_aruba, sigui nos den WhatsApp Channel, ricibi tur informacion den Aruba Health App, bishita www.dvg.aw, yama 5224200 of manda email na servicio@dvg.aw


P7

DIAhuebs 12 november 2026

Horacio oduber Hospital of Hospital Horacio oduber?

ORANJESTAD, 11 di november 2026: Fundacion Lanta Papiamento (FLP) ta bin dilanti aki cu un keho concreto. For di aña 2003 Papiamento ta idioma oficial na Aruba, banda di Hulandes. Pero nos NO ta ripara esey den comunidad. Aplicacion di e ley aki te ainda ta manera algo boluntario. No tin control oficial riba e ley aki den nos comunidad, ni den gobierno, ni den comercio, ni den enseñansa, niun caminda den comunidad. Ora tin violacion contra e ley aki, ta poco hende

ta ripara esey. Durante sigur 17 aña Fundacion Lanta Papiamento (FLP) a publica hopi articulo y a organisa diferente actividad pa pone enfasis riba e balor di nos idioma Papiamento. Awe nos ta publica algun potret cu ta demostra e falta di respet y e falta di reconocemento di Aruba su cultura y tambe un falta grandi di orguyo. Nos Hospital Horacio Oduber ta manera un hospital na Merca. Pasobra ki mishi ta pone

Corte di Prome Instancia 19 november 2026 Horario Sospechoso Acto Castigabel 08.15

D.S.R.

Uitspraak

08.15

H.I.F.R.

Uitspraak

08.30

J.P.M.C.

C. ta wordo acusa di menaza y maltrato cu un arma riba 9 di juli 2025.

09.30

N.R.W.W.

W. ta wordo acusa di importacion di marihuana riba 22 di oktober 2025.

10.30

Y.S.S.B. O.A.U.T.

S.B. y U.T. ta wordo acusa di ladronicia y heling riba 19 di juni 2025

11.40

R.R.G.D.

D. ta wordo acusa di destruccion riba 18 di maart 2025.

13.30

B.T.C.

C. ta wordo acusa di abuso sexual na 2025.

14.10

N.C.S. I.J.Z.G.

S. y Z.G. ta wordo acusa di maltrato cu un arma y maltrato di un familiar desde december 2022.

na entrada MAIN ENTRANCE, solamente na Ingles? Y con ta posibel cu tur departamento den e hospital tin nomber na Ingles so? Mira algun potret cu ta ilustra e fenomeno aki. Ta pa ken e hospital ta na prome luga? FLP ta conseha cu enfasis pa coregi e pifia aki y pone e nombernan na Papiamento tambe y na prome luga. Por ehempel ENTRADA

PRINCIPAL y bou di esey MAIN ENTRANCE. Kisas mester di conseho? Tin diferente instancia cu por yuda haya e palabranan y formulacion corecto na Papiamento. Esey ta importante, entre otro pa

evita un vupa manera den e frase: Danki pa contribui na un Hospital liber di huma. Kico HOH kiermen cu ‘liber di huma’? Kico ta e mensahe cu HOH kier a duna? Djis pensa un rato!


P8

DIAhuebs 12 november 2026

Dialogo NacioNal PersPectiva Pa Futuro aruba

Con Aruba por involucra ciudadano, hubentud, or ga n i s ac iona n den sociedad civil, empresarionan y politica hunto structuralmente den e tomo di decision pa maneho pa e futuro di nos pais?

Ayera, dialuna 9 november Promer Minister Mike Eman, Milton Ponson di Fundacion Rainbow Warriors Core y Mildred Hofkes, consultant independiente den gobernacion di e plataforma NieuwBestuur, specialisa den modelo resiliente pa gobernacion a largo plazo y dialogo cu stakeholders a papia tocante e tema con pa

envolvi ciudadano den tomo di decision y maneho pa futuro.

Promer Minister Mike Eman a expresa su apoyo pa e metodo pa dialogo democratico nobo desaroya pa Hofkes cual ta enfoca ariba maneho a largo plaza y den forma entusiasma a expresa cu "Como Aruba nos ta bay p'e!"

Milton Ponson y Mildred Hofkes den e proximo periodo lo traha hunto cu diferente grupo incluyendo sindicato, representante di hubentud, UNESCO, sector turistico, gremio comercial y organisacionan den sociedad civil- pa explora

con innovacion den gobernacion por contribui na fortalece sociedad y democracia na Aruba.

E meta ta pa vincula cuestionan clave, manera turismo, calidad di bida, husticia social, medio ambiente y desaroyo economico cu un participacion democratico a largo plazo na Aruba.

PA MEDIONAN DI PRENSA EN GENERAL Pa mas informacion, tuma contacto via telefon na 7478280 of via email press. rwicore@gmail.com.

aruba baNk ta habri temPoraDa Di carNaval 73 cu sosteN Na Dos gruPo Di carNaval Di mucha Oranjestad, 11 november 2026 – Cu hopi alegria y entusiasmo, Aruba Bank ta orguyoso di habri e temporada di Carnaval 73 apoyando dos grupo di carnaval di mucha, Unity Carnaval Group y Centro di Bario Noord, cu un contribucion di AWG 10.000 na cada grupo. Cu e sosten aki, Aruba Bank kier contribui na participacion di nos muchanan den un di e celebracionnan cultural mas importante di Aruba. Carnaval ta mas cu musica, baile y color; e ta un tradicion cu ta uni nos

comunidad, stimula creatividad y ta duna nos muchanan e oportunidad di forma parti di nos herencia cultural. E iniciativa aki ta forma parti di nos pilar strategico “We Care”, cu ta refleha e compromiso di Aruba Bank pa contribui positivamente na bienestar di nos comunidad. Door di sostene iniciativanan cultural y social, nos ta sigui inverti den oportunidadnan cu ta fortalece nos comunidad y promove participacion di nos generacionnan futuro.Aruba Bank ta felicita Unity Carnaval

Group y Centro di Bario Noord cu e trabou y dedicacion cu nan ta pone den organisacion di nan gruponan di mucha. Nos ta desea tur participante, organisador y boluntario un temporada di

Carnaval 73 exitoso, yen di alegria, creatividad y hopi ambiente. Hunto nos ta celebra nos cultura, nos tradicion y nos Carnaval 73.


P9

DIARANZON 11 DI NOVEMBER 2026

Duranta un ocasion special: entreGa Di Decreto GuBernaMental, proMocion Y HuBileo Den Kpa

Oranjestad, ARUBA: Diaranson 5 di November 2026. Den presencia di altocomisario di polis sr. Ramon Arnhem, mando policial, hefenan di diferente departamento policial y famianan. Diferente agentenan policial tambe personal administrativo a ricibi nan decreto gubernamental, cambio di rango y hubileo. Esaki a tuma lugar cu

un ceremonia special na J.F.Kennedy Education Center. Altocomisario Ramon Arnhem durante su discurso a felicita y gradici cada colega y nan famia. Agentenan cu a haya promocion di Brigadier pa Brigadier eerste classe: Lopez, Zoraima Z. Hart, Michael R. Bedoya Tovar Edgar A. Loopstok, Clifton C. Munoz, Derreck R. Martis, Ashwin J. A.

Pronk, Berend Lampe, Egimar F.L. Hoofdagent eerste klasse pa Onderinspecteur: Geerman, Alix Gonzalez, Mark A.G. Maduro, Rolando Webb, Rudolfo E. Hoofdklerk pa Adjunct Commies: Jansen, Gino R. Tambe na e ocasion aki nos ta honra personal cu a cumpli nan añanan di servicio na KPA. 25 aña di servicio :

Halley, Valentino R. Riley, Jason E. Kelly, Omar F. Geerman, George P. Figaroa, Shaluzdin J. Maduro, Renata M.M.W. Paesch, Helen S. Wix, Ludy June N. 30 aña di servicio: Richardson, Lizzette A. Carti, Sharine M.A. Bislip, Juan David Jacobs, Evon M. Jansen, Gino R. 35 aña di servicio: Rafhaela, Marlon P.N. Flounia, Rolf E. 40 aña di servicio: Velasquez, Clarisca N. Rojer, Soraya M. Kock, Mario D. Durante e mainta tambe a entrega certificado na diferente agentenan policial y personal administrativo. E cursonan a wordo duna door di Scol Idioma.E curso tabata di Executive English For Law Enforcement Leaders. Tur personal di KPA a termina esaki cu exito. E coleganan tabata: Nadal, Haydee A. Lacle, Alvin G.

Flounia, Rolf E. Wix, Ludy J. N. Tambe tabata tin Cursus Gesprekstechnieken & Burgercontact: Bislip, Juan David Mitchel, Zulaika E. Velasquez, Clarisca N. Ruiz, Jarryd J.L. Kock, Gwendoline C. Cursus Rapporteren in het Nederlands: Boekhoudt, Edjean M. Da Silva, Ender De Mey, Ilonka C. Garcia Melo, Cristian A. Rasmijn, Liliana A. Wernet, Alexander A. Pa curso duna pa Doc Opleiding ta sra.Glenda Ruiz cu a caba e cursonan di All round Administrative Assistant Module Conmunication & Personal Efficiency, Organizational Skills y All Around Administrative Assistant cu exito! Cuerpo Policial Aruba ta felicita cada un personal cu nan promocion, aña di servicio tambe certificacion di cursonan importante di idioma.


P 10

DIARANZON 11 DI NOVEMBER 2026

“Sportcentrum IBISA SAn nIcolAS tA InvItA e pueBlo dI AruBA pA un grAndIoSo IBISA BIke rIde 2026” SAN NICOLAS – Sportcentrum IBiSA San Nicolas ta cla pa haci un evento inolvidabel y ta extende un cordial invitacion pa e grandioso Bike Ride cu lo tuma luga diasabra 28 di november 2026 cuminsando for di 7:00 pm pa 9:00 pm. E ta Promove un bida activo y den comunidad, e IBiSA Bike Ride aki ta priminti di ta un anochi yena cu energia, ambiente y hopi diversion pa tur amante di bicicleta. IBiSA Sport Centrum San Nicolas ta haci un yamada special na tur hende, un boca bisa otro, cuminsa forma gruponan di amigo, colega y famia pa haci e anochi aki uno super especial. Pa participa bo mester tin 12 aña of mas, y e mihor parti di e evento aki ta cu

e ta completamente gratis. Unico requisito ta bo presencia yena di animo, gana di pasa bon y e deseo pa haci e anochi aki uno inolvidabel. Ta conseha tur participante pa cuminsa prepara nan bicicletanan for di awor, haci un bon check pa sigura cu tur cos ta na ordo, y pa duna e anochi un toke unico, ta invita tur hende pa decora nan bicicleta cu lusnan pa hacie mas excited y spectacular Pa cualkier informacion adicional of detayes di e ruta, por tuma contacto directo cu sr. Gerro Koolman na e number di telefon 584-8903 of via WhatsApp na 699-2900. Sportcentrum IBiSA Sport Centrum San Nicolas cu entusiasma warda bo pa e gran anochi aki.


P 11

DIARANZON 11 DI NOVEMBER 2026

Parlamentario di aVP, dennerich Kelly:

cu 15 miyon hoh a haya temPo, Pero cuido mester di un solucion duradero ORANJESTAD (10 di november 2026) — E pago di Afl. 15 miyon cu AZV a pone na disposicion di Hospital Dr. Horacio E. Oduber (HOH) ta duna hospital espacio pa cumpli cu su obligacionnan durante algun siman. Parlamentario Dennerich Kelly ta pidi pa uza e tempo aki pa garantisa continuidad di cuido y yega na un acuerdo di financiamento pa 2027. “Como enfermero y parlamentario, mi ta mira e situacion aki cu un prioridad cla: proteha e pashent. Ora un pashent ta den condicion critico, e prioridad ta evalua e riesgo, stabilisa e pashent y reuni e datonan necesario pa sigui cu tratamento. E situacion financiero di hospital ta pidi e mesun disciplina. Nos mester proteha cuido awe, aclara e causa di e problema y tuma decision pa mañan,” e parlamentario a expresa. Na september, Kelly a reuni cu directiva di HOH pa scucha su preocupacionnan y prepara preguntanan pa minister di salubridad. Durante añanan, demanda di cuido, gastonan y necesidad di personal a cambia, mientras HOH y AZV ainda ta discuti con mester financia e cuido cu hospital ta brinda. Claridad riba pago y su efecto Segun directiva di HOH, e pago ta permiti hospital cumpli cu su

obligacionnan durante algun siman sin introduci restriccion adicional riba operacion y tratamentonan planifica. AZV ta presenta e suma como un adelanto adicional, cu ta trece e total di adelantonan den 2026 na Afl. 31 miyon. HOH, di su banda, ta describi e pago como compensacion parcial pa cuido brinda na aseguradonan di AZV na 2025. E parlamentario ta pidi claridad riba con e pago ta wordo registra y contra cua obligacion e ta wordo conta, con lo desconta e adelantonan anterior y ki efecto esey por tin riba likides di hospital na december. Segun e director medico di HOH, cuido urgente mester sigui, pero tratamento planifica por haya retraso si e falta di recurso persisti. Pa un pashent, pospone un operacion por nifica

mas siman cu dolor of limitacion. Pashentnan cronico mester por conta cu continuidad di tratamento, y personal di cuido mester tin e medicamento y material necesario pa haci su trabou. Tres paso pa proteha cuido y acorda financiamento 1. P r o t e h a continuidad di cuido. HOH, AZV y minister mester acorda ki medidanan lo tuma pa evita interupcion di cuido si descuento di adelantonan pone presion riba likides di hospital. 2. Pone e cifranan completo riba mesa. Compara cantidad di cuido brinda, costo real, tarifanan, pagonan y adelantonan pa distingui un falta temporal di likides for di un problema structural di financiamento. 3. Yega na un acuerdo pa 2027. Fiha tarifa,

cantidad y calidad di cuido, cu responsabilidadnan cla y evaluacion periodico. Parlamentario Kelly lo pidi minister pa informa parlamento prome cu cuminsamento di december con lo desconta e adelantonan y ki medidanan ta prepara pa evita interupcion di cuido. Tambe lo pidi un fecha concreto pa presenta e acuerdo di 2027 y lo controla ehecucion di e

medidanan acorda. “Fondo publico mester wordo uza cu dunament’i cuenta. Mientras ta aclara e cifranan, mester tuma e decisionnan cu pashent y personal di cuido tin mester awor. E Afl. 15 miyon a duna nos tempo. Awor nos mester uza e tempo ey pa construi un solucion duradero pa cuido na Aruba,” e parlamentario a conclui.


P 12

DIARANZON 11 DI NOVEMBER 2026

Parlamentario Jennifer Arends-Reyes:

“Nos a discuti deN fraccioN keN tiN iNteres, No a tuma decisioN riba NiNguN heNde” Pone un nomber den publico como candidato por crea un impresion cu ya tin un proceso of un acuerdo, pero esey no ta e caso,” Jennifer ArendsReyes a declara. E ta enfatisa cu decisionnan tocante candidatura pa un puesto ministerial mester wordo trata cu seriedad y respet, y comunica na momento cu tin un decision formal. “Mi ta pidi pa no presenta speculacion como hecho. Ora tin un decision, e lo wordo comunica di forma cla,” Jennifer a agrega. Pa Jennifer, ta importante pa e publico ricibi informacion corecto y pa no crea incertidumbre rond di un tema cu ainda no a wordo trata ni dicidi. ORANJESTAD (10 di november 2026) - A raiz di e noticia cu ta menciona Marlon Sneek como candidato pa e cartera di Infrastructura y Telecomunicacion, parlamentario Jennifer Arends-Reyes kier aclarea cu e informacion aki no ta corecto. “Te awor a discuti den fraccion ken tin interes pa ocupa un cartera ministerial, no a tuma decision pa ningun hende.


P 13

DIARANZON 11 DI NOVEMBER 2026

Parlamentario John hart ta boga Pa miho suPervision riba ley di Pension general Pa trahadonan den sector Priva

ORANJESTAD (10 di november 2026) Parlamentario di AVP, John Hart, ta boga pa un supervision efectivo riba e cumplimento cu Landsverordening Algemeen Pensioen (LAP), pa garantisa cu trahadonan den sector priva por conta riba e pension pa cual nan a contribui durante nan añanan di trabou. Segun Hart, e proteccion cu e ley ta ofrece mester ta compaña pa control, ehecucion y consecuencia ora no ta cumpli cu e obligacionnan. Hart a recorda cu e ley a wordo introduci na 2011, bou di Gabinete Mike Eman I, pa brinda trahadonan den sector priva mas siguridad financiero ora nan yega edad di pension. Sinembargo, e ta señala cu e falta di supervision efectivo ta pone e proposito di e ley na riesgo. “Un trahado cu ta contribui tur luna mester por tin confiansa cu, ora e yega edad di pension, e

lo ricibi loke e tin derecho riba dje. Un descuento riba payslip mester ta compaña pa e pago di premie y e acumulacion di pension corespondiente,” Hart a expresa. Preocupacion treci dilanti pa SER Segun e parlamentario, den un evaluacion di e ley na 2017, Conseho Economico Social (SER) a trece atencion riba e necesidad di organisa e supervision di LAP. Hart ta lamenta cu e asunto aki a sigui sin e debido solucion durante e añanan siguiente, durante periodonan di Gabinete Wever-Croes I y II. P’esey, un di e prome mocionnan cu el a presenta den nomber di fraccion AVP tabata dirigi na urgi gobierno pa establece supervision riba e cumplimento cu LAP. Tambe el a dirigi preguntanan na MinisterPresident pa obtene claridad tocante e paso cu ta wordo tuma. Hart a indica cu e

tema a forma parti di e combersacionnan den Dialogo Social cu diferente instancia, companianan di seguro y representantenan di comercio. Segun informacion cu el a ricibi, tin desaroyonan positivo pa SVB asumi e funcion di supervision, compaña pa ahustenan den e ley cu lo mester wordo presenta na parlamento. Consecuencia real pa trahadonan Hart a subraya cu su preocupacion ta basa tambe riba combersacionnan cu trahadonan cu a presenta nan payslip y carta di seguro, buscando claridad tocante nan pension. E ta referi, entre otro, na personanan cu a traha diez of diescinco aña den housekeeping y otro funcionnan, pero cu na momento di prepara pa pension ta enfrenta incertidumbre tocante e entrada cu nan tabata spera. “Nos ta papia di hende cu a traha duro y cu kier disfruta di un descanso mereci. Ora e pension cu nan tabata conta riba dje no ta disponibel, e perdida di entrada por ta inmediato y drastico. Hopi di e personanan aki tampoco tin e medio financiero pa contrata un abogado y enfrenta un compania grandi,” Hart a señala. Segun e cifranan cu Hart a menciona, e cantidad di personanan cubri bou di LAP a crece di alrededor di 36 mil pa mas di 40 mil.

Pa e parlamentario, esaki ta subraya e importancia di atende e asunto cu urgencia. Responsabilidad comparti y cumplimento Hart ta haci un yamada na dononan di trabou pa verifica cu nan ta cumpli cu tur obligacion bou di LAP y pa corigi cualkier incumplimento sin demora. Segun su comprondemento di e ahustenan den preparacion, e marco legal lo contempla multa pa incumplimento. E ta considera esencial cu e autoridad encarga cu supervision tin e instrumento y capacidad necesario pa actua. “Responsabilidad comparti ta nifica cu gobierno ta percura pa control efectivo, e doño di trabou ta cumpli cu su deber y e trahado ta aporta su contribucion. No ta aceptabel pa un hende yega edad di pension y descubri

cu e premienan descon di su salario no a yega na nan destino,” Hart a enfatisa. E parlamentario a agrega cu e necesidad di ehecucion y control ta conta pa diferente area di gobernacion. Ora un ley ta existi sin supervision efectivo, su credibilidad y e proteccion cu e mester ofrece ta wordo debilita. Hart ta spera cu e propuesta di ahuste di LAP por yega Parlamento pronto y cu su tratamento por wordo conclui ainda den 2026. “Como parlamentario, nos tin e responsabilidad di controla gobierno y tambe di legisla. Nos mester percura cu e leynan cu nos pais ta necesita ta wordo trata y cu e derechonan cu nan ta establece ta wordo proteha den practica. Nos trahadonan no por sigui warda pa e siguridad cu nan a traha pa dje,” Hart a conclui.


P 14

DIARANZON 11 DI NOVEMBER 2026

Kiwanis Club of Palm beaCh a instala su direCtiva nobo Pa aña 2026-2027 Oranjestad – Diasabra ultimo, Kiwanis Club of Palm Beach Aruba a instala su directiva nobo pa e aña 2026-2027. E instalacion a wordo conduci door di Lieutenant Governor (LG) Fellow Kiwanian (FK) Endrah Richardson Gumbs, cu por cierto ta un miembro di Kiwanis Club of San Nicolas, cu a haci e anochi ainda mas special. Durante e anochi aki, club a duna un reconocemento na FK Egbert Frigerio pa su lealtad y dedicacion, siendo miembro di e club for di su fundacion, 42 aña pasa. Fellow Kiwanian (FK) Evan Giel, tawata e miembro encarga cu e tarea importante di maestro di ceremonia pa e anochi special aki. E directiva nobo di Kiwanis Club of Palm Beach pa e aña 2026-2027 ta consisti di e siguiente boluntarionan: Funcion den Board President Secretary Treasurer President Elect (PE) Vice President (VP) Boluntario FK Christopher “Chris” Robles FK Rodney Kock FK Joshua Arrindell FK Roël Gomez FK Glennrick Ridderstap Immediate Past President (IPP) FK Michel Frank Director FK Giandric Tromp

Director Director Director Director Director Director FK Dennis Evers FK Rothmar Coenraad FK Jomar Benschop FK Navin Gangaram Panday FK Randolph Ruiz FK Paul Seute 1 Past LG FK Rothmar Coenraad tawata encarga cu e tradicional “Salute to the the Ladies”, caminda a enfoca riba e rol y importancia di e hende muhe den nos bida y trabou boluntario. “Destitucion” di directiva 2024-2025 y instalacion di directiva 2025-2026 Tawata un honor pa tin un LG, cu alabes ta un miembro activo di Kiwanis Club of San Nicolas, dirigi e

aspecto ceremonial di “Destitucion” di e directiva saliente, pa despues instala e directiva nobo pa 2026-2027. Discurso di Presidente Christopher “Chris” Robles Como Presidente nobo pa e aña 2026-2027 a keda instala FK Christopher “Chris” Robles, conoci como escritor di e buki di mucha “Cabri e Cabrito”y empleado di Setar N.V.. E palabra central di e Presidente nobo pa e aña aki ta “IMPACT”. E enfasis lo ta no solamente riba cantidad di proyecto cu club ta realisa, sino specialmente riba cuanto mucha nos ta logra impacta positivamente den nos comunidad. Como parti di su vision, Presidente a introduci su projecto nobo “Lesa cu Mi”, den colaboracion cu

Biblioteca Nacional Aruba. Cu e proyecto aki, Kiwanis Club of Palm Beach lo bishita diferente Centro di Barionan pa lesa hunto cu muchanan y instala biblioteca chikito, completamente patrocina pa e club, pa stimula lesamento, educacion y imaginacion. “No ta solamente kico nos ta haci, sino cuanto mucha nos ta impacta.” E gran evento aki a tuma lugar na ballroom di Embassy Suites by Hilton

durante un cena ameno cu presencia di varios otro organisacion di servicio na Aruba y colaboradonan y socionan importante di y pa Kiwanis Club of Palm Beach. Kiwanis International ta un organizacion caritativo mundial, dedica na haci nos mundo mihor door di cambia un comunidad of un mucha cada bes. Mas informacion por haya riba: www.facebook.com/ kiwanispalm beacharuba


P 15

DIARANZON 11 DI NOVEMBER 2026

TA LANSA UNDA PA CONSUMIDORNAN NA ARUBA: SCAN, COMPARA PRIJS Y DESCUBRI NA UNDA BO COMPRAS TA MAS BARATA! Un app nobo desaroya pa Aruba ta duna consumidor mas informacion, mas opcion y mas control riba nan gastonan di supermercado. Oranjestad, 10 november 2026 – Bo sa na unda e productonan cu bo ta cumpra tur siman ta mas barata? Cu e pregunta aki, Unda ta introduci un manera nobo y inteligente pa consumidor na Aruba haci nan compras. Unda ta un aplicacion nobo cu ta permiti usuarionan scan un producto cu nan telefon y compara e ultimo prijsnan conoci di e mesun producto na diferente supermercado na Aruba. Den un temporada cu costo di bida ta un preocupacion importante pa hopi famia, Unda ta introduci un herment practico cu ta pone informacion di prijs directamente den man di consumidor. E idea ta simpel: prome cu bo cumpra, bo por check na unda e producto ta registra pa un prijs mas abou. Cada siman, miles di consumidor ta haci compras na supermercado, pero hopi biaha sin sa si e productonan cu nan ta cumpra ta disponibel pa un prijs mas abou na otro establecimento. Pa compara prijs, normalmente bo mester bishita diferente supermercado, wak oferta of depende di informacion cu bo a haya di otro persona. Unda kier cambia esaki. Cu e aplicacion, consumidor por scan e barcode di un producto of busca e producto directamente den e app.

Den algun seconde, Unda ta mustra e ultimo prijsnan registra pa e producto na diferente supermercado, permitiendo e usuario compara y haci un decision mas informa. “Nos tur ta haci compras y nos tur kier uza nos placa di e manera mas inteligente posibel. Pero con bo por sa na unda un producto ta mas barata si bo no tin e informacion? Cu Unda nos kier cambia esaki. Nos kier haci comparacion di prijs algo simpel, accesibel y practico pa tur hende na Aruba,” e ekipo tras di Unda ta splica. Un producto por ta mas barata na un supermercado, mientras otro producto ta mas barata na otro. Esey ta precisamente unda Unda por haci diferencia. Un supermercado por tin un bon prijs pa lechi, mientras otro por ta mas barata pa aros, koffie of azeta. Cu Unda, consumidor por compara e productonan cu nan ta cumpra regularmente, en bes di asumi cu un solo supermercado semper tin e prijs mas barata. Tambe oor añadi productonan na bo “ Shopping list”, y wak na cua supermercado bo “ Shopping list” completo lo costa menos. E diferencia di prijs di un solo producto kisas por parce chikito, pero ora bo ta cumpra varios producto tur siman, e posibilidad pa haci decisionnan mas inteligente por bira importante pa bo presupuesto familiar. Un app cu comunidad di

Aruba mes ta yuda construi Unda no ta solamente un aplicacion pa consulta prijs. E ta tambe un plataforma cu ta invita comunidad pa participa activamente den mantene e informacion di prijsnan mas completo y actualisa. Usuarionan por yuda agrega productonan cu ainda no ta den e sistema, registra prijsnan nobo y verifica of actualisa prijsnan existente. Di e manera aki, cada contribucion ta yuda haci Unda mas util pa tur otro consumidor. “E forsa di Unda ta den participacion di comunidad. Imagina bo cu miles di hende na Aruba ta yuda registra y actualisa prijsnan di e productonan cu nan ta cumpra. Cada contribucion ta yuda otro persona haci un decision mas informa. Nos kier crea un comunidad cu ta yuda otro, cu cada scan,” e ekipo tras di Unda ta agrega. Como cu prijsnan den supermercado por cambia, Unda ta presenta e ultimo informacion conoci y no ta garantiza cu e prijs registra ta mescos cu e prijs actual na momento di compra. P'esey, participacion di usuarionan y actualisacion continuo ta un parti esencial di e desarroyo di e plataforma. Mas transparencia, mas informacion y mas posibilidad pa scoge Unda su obhetivo no ta pa pone supermercadonan contra otro, sino pa contribui na un mercado unda informacion di prijs ta mas accesibel pa e consumidor. E

iniciativa ta mira cooperacion cu supermercadonan como un oportunidad importante pa amplia e cantidad di productonan disponibel y mehora e calidad di informacion. Alabes, Unda ta un ehempel di con tecnologia y innovacion local por ofrece solucionnan practico pa necesidadnan di cada dia pa e comunidad di Aruba. E ambicion ta pa Unda sigui crece, amplia su cobertura di supermercado, agrega mas producto y bira un herment cu consumidor por consulta regularmente prome cu nan haci compras. Aruba, ta tempo pa cuminsa scan! Cu e lansamento di Unda, e ekipo ta invita tur consumidor na Aruba pa download e aplicacion, explora su funcionnan y haci nan prome comparacion di prijs. Scan bo lechi, bo aros, bo koffie, bo azeta of cualkier otro producto cu bo ta

cumpra regularmente. Mira e prijsnan disponibel, compara e diferente supermercadonan y descubri unda bo por haya e producto pa un prijs mas abou segun e informacion registra. Y si bo mira cu un prijs a cambia, yuda actualisa e informacion. Asina bo no ta solamente yudando bo mes, sino tambe otro famianan na Aruba. “Nos kier pa Unda bira un parti natural di e manera cu hende na Aruba ta haci compras. Mescos cu bo ta check bo lista di compras prome cu bo sali di cas, nos kier pa bo costumbra check Unda. Pasobra un consumidor cu tin mas informacion, tin e posibilidad pa haci bon decision di compra,” e ekipo ta conclui. Download Unda awe riba www.unda.cheap y descubri na unda bo compras por ta mas barata. UNDA – Prome cu bo cumpra, check Unda!


P 16

DIAHUEBS 12 NOVEMBER 2026

ACTIVIDADNAN DI CARNAVAL TA UN TRADICION PAGANO Y DI LOKE BIJBEL TA BISA Carnaval a origina na Europa, Italia, Roma durante “Middle Age” den anja 500 pa anja 1500, como parti di un ritual. E Lupercalia tabata un festival pagano den e tempo ey na Roma y nan tabata dedica e festival na honor di e dios falso, Lupercus, cu tabata e “Roman god of fertility”, tambe jama, “She-wolf, who nured the twins Romulus and Rumus”. Den e festival aki, e Romanonan tabata bisti, mascara, bistimento di trahenan, nan ta baila den cayanan, nan tabata come y bebe binja y den nan deseonan di curpa den sexualidad etc. Lupercalia ta e festival di fertilidad y tabata wordo celebra den Februari na Roma y Europa y e paranda ta dura 40 dia. Den e anjanan 1800, ora cu e Francesnan y e Spanjonan a bin colonisa e Islanan di Caribe, nan a trece tambe e tradicion pagano aki den e Islanan den Caribe. Den Caribe, e tradicion di festival di Europa, a mescla cu e tradicion cultural musica di Caribe. Nan a cambia e ritmo di tocamento cu diferente instrumentonan. Tambe e bailamento riba caya, e mascaradanan y e kostuumnan y bistimento inmoral a bin na moda etc. Den hopi temponan pasa, Iglesia a cambia e dianan

di e festival mundano aki mas cortico. Y Iglesia a bin cu e temporadanan di Cuaresma pa stop cu e actividadnan aki y pa tur hende por arepenti di tur nan actonan cu no ta bon den bista di Dios. Pesey den Caribe, nan a bin cu e nomber, Carnaval, cu ta significa, “Farewell to the flesh”. Den Latin, Carnisvale, cu ta sigmifica, “FleshFarewell”. Na Merca New Orleans, nan ta celebra e Carnaval, cu jama, MardiGras. Na unda nan ta baila den cayanan, bebemento di alcohol, usamento di droga, bistimento inmoral, comemento, libertinahe sexual, abuso sexual, crimen, inmoralidad etc. Na Brasil tambe tin Carnaval, cu tur su actividadnan den libertinahe sexual, crimen, droga, alcohol, inmoral y deshonesto den Samba etc. y cuanto baby di Carnaval no ta nace despues di 9 luna? Compronde bon, cu tur e actividadnan di Carnaval aki, ta bini di e raisnan antiguo, di festivalnan pagano na e dios falso di fertilidad. Awor, kiko Bijbel ta bisa tocante e tradicion paganonan aki? Bijbel Yeremias 10: 1-2 : “Scucha loke Senjor ta bisa na e pueblo di Israel. No sigi e custumbernan di e paganonan y no tene miedo

di e senjalnan di Cielo, cu nan ta spanta boso.” Bijbel Mateo 15: 3: “Y bosonan Hesus ta bisa: Pakiko boso ta kibra un Mandamento di Dios, den nomber di boso tradicionnan?” Bijbel Mateo 15: 8-9: “E pueblo aki ta honra Mi cu nan boca, pero nan curason ta lew di Mi. E adoracion cu nan ta haci pa Mi, no ta sirbi pa nada.

Y nan ensenjansa no ta nada mas cu tradicion di hende.” Bijbel Hacobo 4: 4-5: “Hendenan infiel! Boso no sa cu amistad cu mundo ta significa, enemigo cu Dios? Esun cu kier bira amigo di mundo, ta bira enemigo di Dios! Boso ta kere cu ta pornada Scritura ta bisa: Dios kier e spirito cu E’l a pone den boso, p’E so.” Bijbel Hebreonan 10: 26-

27: “Si nos a haci pikanan boluntariamente despues di a conoce e berdad di Dios, anto no tin ningun sacrificio mas pa kita nos pikanan. Sino solamente un teribel huicio y un candela ardiente cu lo devora esnan rebelde.” Bijbel 2 Corinthionan 6: 14-18: “No sera amistad cu hende cu no ta creyente. Kiko santidad tin di haci cu maldad? Kiko lus tin di haci cu scuridad? No por tin harmonia entre Cristo y satanas. Kiko un creyente tin di comun cu un incredulo? E tempel di Dios no tin nada di haci cu diosnan falso y anos ta e Tempel di Dios bibo. Escritura ta bisa: Lo Mi biba den nan y lo Mi anda mei mei di nan. Lo Mi ta nan Dios y nan lo ta Mi pueblo. Pesey, sali for di mei mei di nan y tene boso lew for di nan, Senjor ta bisa”. Seferino Tromp Mensahero di Dios. Koyari 13-D tel. 5931157 / 5870048

GRENSOVERSCHRIJDENDE FUSIE In verband met een voorgenomen grensoverschrijdende fusie heeft de in Aruba vennootschap, Mondis Manufacturers Insurance Company N.V., Caya Dr. J.E.M. (Loy) Arends 18-A, H29853.0, ten kantore van het Handelsregister, alsmede op haar voormeld adres, de wettelijke voorgeschreven stukken ter inzage nedergelegd. Een ieder die meent door deze fusie in zijn positie als crediteur, contractspartij of bijzondere rechthebbende te worden geschaad, kan hiertegen in verzet komen bij het Gerecht in Eerste Aanleg, binnen één (1) maand na deze aankondiging.

Namens het bestuur van Mondis Manufacturers Insurance Company N.V.


Turn static files into dynamic content formats.

Create a flipbook
Diahuebs november 12 2026 by Solo DI Pueblo - Issuu