Diahuebs augustus 20 2026

P1

DIAHUEBS 20 AUGUSTUS 2026

20 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

INVESTIGACION ATROBE NA UN DEPARTAMENTO DI GOBIERNO:

LANDSRECHERCHE A DRENTA OFICINA DI DPL Y A CONFISCA MATERIALNAN

AWE TA SIGUI CU CASO PENAL CONTRA DAMA CU A HIT & RUN DOS HENDE CU JEEP Y CORE BAY

P2

DIAHUEBS 20 augustus 2026

Rondel Heyliger

E futuro di San Nicolas mester pertenece tambe na San Nicolas -1-

Revitalisacion no por ta solamente algo cu ta wordo haci pa nos comunidad. E mester ta algo cu nos ta construi hunto.

Pa hopi aña caba nos ta papia di revitalisacion di San Nicolas. Nos a mira diferente plan, estudio, inversion, proyecto y iniciativa pasa. Sinembargo, apesar di tur e esfuersonan aki, tin un pregunta cu ta sigui bolbe: Dicon San Nicolas ainda no a logra e revitalisacion economico y social duradero cu asina tanto di nos sa cu e districto tin potencial pa logra?

Recientemente, Economista Sra. Suzette Dumfries a presenta e resultadonan di cinco aña di investigacion durante e Forum on the Future of San Nicolas. Su trabou merece nos atencion, no pasobra e ta presenta otro solucion rapido, sino pasobra prome e la haci un pregunta mas fundamental: Dicon e esfuersonan anterior no a logra e transformacion duradero cu San Nicolas mester?

Su investigacion a combina historia di San Nicolas y plannan anterior cu un proceso amplio di dialogo cu comunidad. Durante su investigacion, e la conduci 153 entrevista y conversacion den comunidad cu habitantenan, empresarionan, doñonan di propiedad, iglesia, polis, personanan activo den cultura, hoben y adulto mayor y otro personanan conecta cu e districto.

Nos no tin falta di idea

Un di e conclusionnan importante cu nos por saca for di e investigacion ta cu e problema di San Nicolas no necesariamente ta falta di plan of idea.

Durante añanan, nos a acerca desaroyo di San Nicolas for di diferente direccion: infrastructura, turismo, desaroyo economico, social, cultura y industrial (refineria). Pero demasiado biaha nan a wordo trata como asunto separa, en bes di wak e como diferente parti di un solo economia regional.

Un acera nobo solamente no ta revitalisa un ciudad. Tampoco un festival, un edificio renoba, un proyecto turistico, un negoshi nobo of un programa di gobierno no por logra esey su so. Pero revitalisacion sostenibel ta pasa ora desaroyo economico, infrastructura, educacion, skills, desaroyo di propiedad, cultura, seguridad, comercio y inversion cuminsa fortalece otro.

Historia di San Nicolas ta yuda nos compronde esaki. Lago no tabata solamente un refineria cu tabata ofrece trabou. E la crea un ecosistema rond di su trahadornan, unda empleo y entrada tabata conecta cu programa di aprendis, desaroyo di carera, creacion di vivienda, cuido di salud, educacion, deporte y recreacion. E salarionan genera pa refineria tambe tabata sostene e tienda, dunadonan di servicio, doñonan di propiedad y otro actividad economico den henter e districto.

Esaki no kiermen cu nos mester recrea e era di Lago. E investigacion mes ta reconoce cu desigualdad, segregacion y dependencia tambe tabata parti di e sistema ey. E les no ta pa recrea pasado, sino pa compronde e les cu passado a siña nos, e importancia di integracion: conecta hende, oportunidad y inversion, sin bolbe ripiti e exclusionnan di e sistema anterior.

Ora Lago a cera na 1985, San Nicolas no a perde solamente un dunado grandi di trabou. Aproximadamente 1.300 empleo directo den refineria y entre 6.000 y 8.000 empleo indirecto a desaparece, mientras desempleo nacional a subi drasticamente. Cu tempo, diferente funcion a wordo reemplaza of absorba den otro caminda. Pero loke nunca a wordo reemplaza completamente tabata e mecanismo cu tabata conecta tereno, propiedad, capital, empleo, habilidad, negoshi y infrastructura den un solo economia regional cu ta funciona. E diferencia aki ta importante ora nos papia di loke mester sigui.

Kico e pueblo di San Nicolas ta bisa Kisas e parti mas valioso di e investigacion di Sra. Dumfries ta cu e no a studia solamente rapport y cifra.

E la scucha hende.

Den e entrevistana y conversacionnan, algun tema a sigui bolbe: reconocemento, sentido di pertenece, seguridad, oportunidad economico igual, autenticidad, participacion y confiansa.

Dos expresion especialmente a resalta: “No desaroya San Nicolas sin San Nicolas.” Y: “Nos a tende di e plan ey caba.”

E palabranan ey mester keda cu nos. Nan tin cu recorda gobierno y parlamento cu participacion di comunidad no por cuminsa solamente despues cu decisionnan importante a wordo tuma caba.

Pero mi ta kere cu e palabranan aki tambe ta presenta un reto pa nos como comunidad. Si nos kier pa San Nicolas tin un bos den su propio desaroyo, nos tambe mester ta cla pa participa. Si nos kier pa oportunidadnan economico bin San Nicolas, nos mester prepara nos mes pa probecha di e oportunidadnan ey. Y si nos kier pa e San Nicolas revitalisa sigui pertenece na nos, nos no por keda para na banda wak su transformacion pasa.

Revitalisacion no ta responsabilidad di gobierno solamente Gobierno tin un responsabilidad grandi. Gobierno mester bin cu e maneho corecto, inverti den infrastructura publico, atende cu seguridad y espacio publico mane debe ser, mehora coordinacion entre departamentonan y crea un ambiente den cual negoshi, inversion y comunidad por prospera. Pero gobierno no por, y tampoco mester, renoba tur edificio bashi, maneha tur atraccion cultural of crea tur negoshi nobo.

E modelo presenta pa Sra. Dumfries ta reconoce diferente responsabilidad. Gobierno ta crea mandato, alineacion, data y sosten di beleid. Inversionista ta aporta capital. Comunidad ta yuda valida prioridadnan y proteha interes publico. Doñonan di propiedad ta tranforma propiedadnan bashi den uso productivo. Hobennan y empresarionan ta drenta den e cadenanan nobo di actividad economico. Continuacion pag.7

P3

DIAHUEBS 20 augustus 2026

INVESTIGACION ATROBE NA UN DEPARTAMENTO DI GOBIERNO:

Landsrecherche a drenta oficina di DPL y a confisca materialnan ORANJESTAD – Diaranson mainta, Landsrecherche a haci un entrada hudicial na e oficina di Departamento di Progreso Laboral (DPL). Segun informacion cu a drenta cerca nos redaccion di Solo di Pueblo, e investigadornan a confisca varios material, entre nan cahanan cu documento y probablemente tambe computernan di e departamento.

E desaroyo aki ta haci cla cu tin un investigacion penal andando relaciona cu e departamento di gobierno aki. Nos di Solo di Pueblo a tuma contacto mesora cu Ministerio Publico (OM) pa pidi aclariacion riba e asunto aki.

Ministerio Publico no ta nenga e entrada For di Ministerio Publico nos a ricibi como contesta cu, debi cu esaki ta toca investigacionnan cu ta andando, nan no por duna ningun tipo di informacion detaya na e momento aki. Maske nan no a duna detayes specifici, cu e contesta aki nan no a nenga cu e entrada a tuma luga, confirmando indirectamente cu enberdad tin un caso bou di lupa di husticia.

Kico ta e enfoke di e investigacion?

Te cu awor no ta conoci exactamente kico e recherche ta buscando ni kico ta e motibo specifico tras di e investigacion aki. Sinembargo, ta bon pa remarca cu DPL ta un

departamento cu ta maneha tareanan di suma importancia y sensibel pa nos pais, entre otro: Permiso pa stranheronan: DPL ta encarga pa duna conseho positivo o negativo tocante permisonan di trabou pa stranheronan cu kier traha na Aruba.

Retiro di empleadonan: Nan ta e

instancia cu tin cu emiti conseho ora un patron kier retira un empleado.

Debi na e tipo di tareanan aki, caminda hopi interes financiero y di permisonan ta hunga un rol, e departamento aki ta uno hopi vulnerabel pa iregularidadnan.

Preguntanan cu ta keda den aire Comunidad ta puntra su mes ta kico

exactamente a sosode den DPL? Ta trata di malversacion, corupcion, o iregularidad cu permisonan? Y mas aun: tin vinculacion o involucramento di ministernan den e caso aki?

Nos di Solo di Pueblo lo keda masha atento na e desaroyo nobo aki pa mantene nos pueblo informa di ken, cuanto, con y te unda e investigacion aki lo yega.

P4

DIAHUEBS 20 augustus 2026

Noticia di Corte

Mayan ta sigui cu caso penal contra dama cu a dal dos hende mata cu Jeep y core bay ORANJESTAD – Mayan mainta den Corte lo sigui cu e caso penal contra e dama Chania Chante Fernandes Pedra (24). E ta stipula cu pa 11’or lo sigui cu e caso cu a keda posponi dia 3 Juli 2026.

SOLO DI PUEBLO por a compronde cu mayan mainta e caso lo ta pro forma caminda Hues y Fiscal lo haya sa si Fernandes Pedra tin abogado.

HOF A RECHAZA ABOGADO DI HULANDA Ta asina cu dia 3 di Juli 2026, e abogado Hulandes, Moskowicz a presenta den Corte y tabata sinta serca di Fernandes Pedra. Fiscal a reclama na Hues cu Moskowicz no ta e abogado di Fernandes Pedra y no por tin toga bisti. Hues a bisa Moskowicz cu e no por tin toga bisti pasobra e no ta abogado di Fernandes Pedra.

Hues a mustra cu Hof a tuma decision cu Moskowicz no por defende e acusado Fernandes Pedra y esey ta punto final. E problema cu tin ta cu Moskowicz no ta registra como abogado na Aruba. Hues a puntra Fiscal si a check cu Orden di Abogado di Aruba, si lo por tin abogado cu kier defende Fernandes Pedra. Fiscal a bisa Hues cu a acerca Orden di Abogado y no a haya reaccion.

DAL PAREHA MATA CU JEEP Y CORE BAY Dia 3 di Juli 2026, Fiscal a presenta 5 acusacion contra Fernandes Pedra relaciona cu e lamentable accidente di 4 Januari 2026, caminda Fernandes Pedra a dal cu

e Jeep cu e tabata maneha, e dama Josely Paulina Vasquez Gonzalez (65) y Carlos David Vialez Valerio (54) mata y sigui core bay.

SOSPECHOSO KIER E ABOGADO HULANDES E sospechoso Fernandes Pedra a lesa un carta pa Hues. E tabata hopi emociona. El a bisa cu actual e no tin abogado. El a bisa cu e tin pleno confianza den Moszkowicz.

Hues a puntra Fernandes Pedra pakico e abogadonan mr. Illes y mr. Emerencia a retira. Fernandes Pedra a bisa cu e no por bisa. El a sigui bisa cu e ta haya cu awor cu e no tin abogado, e ta confia den Moszkowicz. El a pid Hues pa reconsidera Miszkowicz. Tambe el a pidi pa lag’e den libertad pa asina e por prepara pa e caso.

HUES NO A LAGA SOSPECHOSO BAY LIBER Fiscal a bisa cu e no por tuma decision riba e peticion pa laga Moszkowicz ta abogado. Fiscal ta haya cu lo mester mira con e sospechoso lo por haya un abogado. El a bisa cu loke si e por tuma decision ta riba e peticion di Fernandes Pedra pa lag’e liber.

Fiscal a reacciona cu no por laga Fernandes Pedra liber. Na opinion di Fiscal, e sopechoso a core hopi duro riba Boulevard caminda tin hotel y casino estableci. Fiscal ta haya cu ainda tin acusacionnan serio contra Fernandes Pedra caminda tin castigo di 8 aña di prison.

Fiscal a remarca cu e famia di Fernandes Pedra a bay media y Ministerio Publico mester a reacciona pa aclarea e expresionnan. Na opinion di Fiscal, ta obvio cu comunidad lo keda den shock si laga Fernandes Pedra liber. Fiscal ta haya cu tin motibo di peso y no tin chens cu Fernandes Pedra por bay liber.

Hues a dicidi e dia ey cu e ta pospone e caso pa 20 Augustus 2026, caminda lo bay evalua con leu ta y cu tratamento di e caso lo ta 2 October 2026.

SOSPECHOSO MESTER BUSCA UN ABOGADO

Hues a enfatisa cu ta importante cu pa dia 20 Augustus., Fernandes Pedra tin un abogado. Hues a bisa cu si Hof bolbe nenga e peticion di Fernandes Pedra pa e wordo asisti door di Miszkowicz, Fernandes Pedra mester busca un otro abogado, of di Aruba of den exterior pero cu ta registra na Aruba. Hues a sigui bisa cu 20 Augustus 2026 lo por tin resultado riba investigacion di computer di e Jeep cu Fernandes Pedra tabata core. Tambe lo por spera cu psycologo a keda cla cu e raport riba Fernandes Pedra.

Mayan mainta lo haya sa kende lo ta e abogado di Fernandes Pedra.

P5

DIAHUEBS 20 augustus 2026

Minister Arthur Dowers:

Expansion di RECIP-3 ta un paso importante pa siguridad energetico di Aruba Minister encarga cu Energia, mr. drs. Arthur Dowers, a califica finalisacion di expansion di planta RECIP-3 di WEB Aruba N.V. como un paso importante pa fortalece siguridad y confiabilidad di suministro di energia na Aruba.

Diaranson mainta Minister Dowers tabata presente na ceremonia oficial di entrega di e proyecto, cu a representa un inversion di AWG 115 miyon.

Hunto cu directiva di WEB Aruba y representante di Wärtsilä Finland Oy, Minister Dowers tabata un di esnan cu a primi e boton di start cu oficialmente a pone e dos motornan RECIP nobo den operacion.

Cu entrada den operacion di e dos motornan, capacidad di produccion di energia via RECIP ta aumenta di 194 MW pa 230 MW, brindando Aruba mas capacidad firme pa responde na e demanda creciente di energia.

Durante su discurso, Minister Dowers a expresa, na nomber di Gobierno di Aruba, agradecimento na Wärtsilä pa e cooperacion cu durante añanan a mantene cu WEB Aruba. El a reconoce tambe e directiva, empleadonan, ingenieronan y tur profesional cu a contribui na realisacion di un proyecto tecnico y logisticamente compleho.

Segun Minister Dowers, ora comunidad mira e instalacion final, no semper ta visibel tur e trabou cu tin tras di dje.

Transportacion di e ekiponan grandi pa Aruba, instalacion,

integracion tecnico y cumplimento cu diferente fecha limite a exigi un esfuerso considerabel di tur esnan involvi.

E mandatario a destaca p'esey cu ta particularmente positivo cu, apesar di e complehidad, e proyecto por ta completa un siman prome cu e fecha planifica.

Mas capacidad pa un Aruba cu ta sigui crece Minister Dowers a pone e expansion den contexto di e crecemento cu Aruba ta experimentando y e presion adicional cu esaki ta pone riba suministro di energia.

Aumento den actividad economico, turismo y consumo, combina cu periodonan di calor intenso, ta significa cu demanda di energia ta sigui presenta un reto. P'esey, segun Dowers, Aruba mester tin suficiente capacidad y, mas importante ainda, planifica na tempo pa evita cu crecemento supera e capacidad disponibel.

“Nos a duna un paso importante pa garantisa siguridad di energia den nos pais,” Minister Dowers a enfatisa.

El a indica cu e responsabilidad di Gobierno ta pa crea e direccion, supervisa y vigila e maneho general, mientras cu e profesionalnan y experticio tecnico dentro di WEB ta carga e responsabilidad importante di ehecucion.

Minister a expresa su aprecio pa e nivel di conocemento y profesionalismo cu tin dentro di WEB, remarcando cu un suministro confiabel no ta algo cu un pais por tuma pa concedi.

Na diferente parti di mundo, hasta paisnan cu tin mas recurso y escala, ta enfrenta reto pa satisface nan demanda energetico ora capacidad y planificacion no ta crece na e mesun ritmo.

Fundeshi pa siguiente paso den energia

Expansion di RECIP-3 ta brinda no solamente capacidad adicional, sino tambe un fundeshi mas fuerte pa e siguiente fase di maneho energetico di Aruba.

Cu e dos motornan nobo operacional, WEB ta den un posicion mas fuerte pa garantisa suministro mientras cu Aruba ta sigui prepara proyectonan relaciona cu energia renobabel y almacenahe, incluyendo mayor participacion di energia solar y di biento den e mix energetico.

Minister Dowers a felicita directiva y henter team di WEB, Wärtsilä y tur esnan cu a contribui na e proyecto.

Cu activacion oficial di RECIP-3, Aruba ta agrega capacidad nobo na su sistema energetico y, na mes momento, fortalece e base necesario pa un suministro mas confiabel y un futuro energetico mas sostenibel.

P6

DIAHUEBS 20 augustus 2026

Lider di Fraccion Jennifer Arends-Reyes:

“Maestronan ta e curason di nos enseñansa y merece reconocemento den palabra y accion” ORANJESTAD (19 di augustus 2026) – Na ocasion di inicio di aña escolar 2026-2027, Parlamentario Jennifer Arends-Reyes ta desea tur maestro, studiante, mayor, director y personal di scol un regreso exitoso.

E ta dedica un palabra special na maestronan, cu diariamente ta carga cu e responsabilidad grandi di educa, inspira y prepara nos muchanan pa e retonan di mañan.

“Sin maestro no tin enseñansa, y sin enseñansa no tin progreso. Tras di cada mucha cu logra avansa, tin un maestro cu a motiva, guia y kere den dje. E trabou di un maestro no ta termina ora bel ta bati. Hopi biaha nan ta sigui prepara les, corigi trabou y preocupa nan mes pa bienestar di nan studiantenan,” ArendsReyes a expresa.

E regreso na scol e aña aki ta tuma lugar den un periodo importante pa sector di enseñansa.

Despues di decadanan wardando, a logra duna un paso historico

den reconocemento di maestronan.

Bou di Gabinete AVP–Futuro, Fase 1 di e restructuracion salarial den enseñansa a drenta na vigor for di 1 di januari 2026.

E restructuracion ta coregi desigualdadnan historico den e escalanan salarial y ta iguala e escala di maestronan di scol basico cu esun di docentenan den enseñansa secundario. Tambe e ta harmonisa e compensacion di directornan di scol na 25%, cual lo conta pa nan pension.

Como parti di e proceso, a crea un trayectoria acelera pa maestronan cu ta bay cu pension dentro di un periodo di tres aña, pa nan tambe por beneficia di e ahustacion salarial prome cu nan retiro.

“Esaki ta un logro concreto di Gabinete AVP–Futuro y resultado di dialogo cu sindicatonan. E ta un muestra cu reconocemento no por keda solamente na palabra; e mester traduci den accion y den un

compensacion mas husto,” Arends-Reyes a declara.

E parlamentario tambe a resalta e medidanan social cu Gabinete AVP–Futuro a anuncia pa sostene famianan cu menos recurso durante e periodo di regreso na scol. E aumentonan den diferente forma di asistencia, incluyendo aporte pa cuota y materialnan escolar, ta contribui na alivia e carga financiero di mayornan y ta duna mas mucha oportunidad pa cuminsa scol debidamente prepara.

Sinembargo, segun ArendsReyes, e trabou no ta termina cu e prome fase di restructuracion. Mester sigui implementa e siguiente fasenan y duna atencion na otro retonan cu ta influencia calidad di enseñansa, entre otro carga di trabou, cantidad di studiante den klas, disponibilidad di personal di sosten, formacion profesional, materialnan educativo y condicion di nos edificionan escolar.

“Nos maestronan mester

Tuma accion pa Preveni, Proteha y Stop Dengue Con nos por stop Dengue?

sa cu nan no ta para nan so. Parlamento y Gobierno mester sigui scucha nan y traha pa crea e condicionnan cu nan mester pa por duna enseñansa di calidad,” e parlamentario a enfatisa.

Arends-Reyes ta cera deseando cada maestro hopi sabiduria, pasenshi y satisfaccion durante e aña escolar nobo.

“Na tur maestro: masha

danki pa a scoge e profesion bunita aki.

Boso trabou ta laga un marca den bida di nos muchanan y den porvenir di Aruba. Na tur studiante, mi ta desea hopi exito. Siña cu entusiasmo, respeta bo maestro y nunca stop di kere den bo mes. Un feliz regreso na scol 2026-2027 pa nos comunidad escolar completo.”

P7

DIAHUEBS 20 augustus 2026

Partido Red Democratico a tuma nota di e declaracion di minister Gerlien Croes cu den e gobiernonan anterior nada no a wordo hasi pa mantención di scolnan.

Esaki ta un mentira. Nos ta publica parti di e overdrachtsdocument di ex minister Lampe, c uta mustra tur e trabaonan cu a wordo hasi pa infraestructura di nos scolnan, y a laga den e presupuesto di 2021 e suma cu a usa pa renoba Scol St. Aloysius na Noord. A scoge pa pasa Juliana y Beatrix school pa un universidad medico priva internacional cu lo a renoba tur dos scol sin cu lo a costa gobierno ni un sen y lo a trese studiantenan di afo pa biba den caya grandi. Mientras tanto ex minister Lampe a percura pa Beatrix school tin su mesun edificio banda di Postkantoor na Playa cu ta funcionando. Y e plan cu a laga tabata cu Juliana school lo a integra den Colegio Arubano y cu lo a bira un mavo-havo-vwo school,

mescos cu Mon Plaisir y de Schakel.

E cantidad di alumnonan na Colegio

Aruba a baha y tin espacio pa por a hasi e integración aki, sin cu a costa

gobierno ni un sen.

Rondel Heyliger

E futuro di San Nicolas mester pertenece tambe na San Nicolas -2Aki ta unda mi ta kere cu nos conversacion tocante San Nicolas mester evoluciona. Pa demasiado tempo, a wordo papia di revitalisacion como algo cu mester pasa na San Nicolas. E berdad ta cu e mester bira algo cu ta pasa hunto cu San Nicolas.

Laga nos haci algun pregunta practico. Si San Nicolas logra atrae mas bishitante, ken lo ofrece e experiencianan cu nan ta cumpra?

Si mas hende cuminsa cana den nos cayanan, ken lo maneha e restaurantnan, café, galeria, tienda, tour y experencianan cultural?

Si propiedadnan bashi bolbe bira valioso, nos doñonan di propiedad local lo activanan, of nan lo keda bashi

te ora un persona di afo mira nan potencial? Si industria y inversion nobo desaroya rond di e ex refineria, nos hobennan di San Nicolas lo tin e habilidadnan necesario pa participa? Si companianan mester suppliers, contratista, transporte, mantenemento, catering y otro servicio, nos empresarionan lo ta cla?

Esakinan ta preguntanan cu nos mester cuminsa haci prome cu e inversion yega, no despues.

E presentacion di Sra Dumfries ta haci e conexion aki claramente.

Inversion rond di e ex refineria mester ta conecta cu e economia mas amplio di San Nicolas via producto y servicio local, desaroyo di habilidad,

SME’s (small & meduim-sized enterprises), vivienda, transporte, espacio publico, turismo, energia, uso di tereno y oportunidad pa hoben.

Nos no mester repeti un situacion unda actividad economico grandi ta tuma lugar paden di e portanan di refineria mientras e comunidad pafor di e portanan ta keda structuralmente desconecta for di e oportunidadnan cu ta wordo crea.

E biaha aki, San Nicolas mester ta prepara. Revitalisacion ta exigi mas cu solamente e pregunta cuanto gobierno lo inverti. Nos tambe mester puntra kico nos lo construi, kico nos lo siña, den kico nos lo inverti y pa cua oportunidad nos ta preparando

nos mes.

Gobierno mester crea e condicionnan pa desaroyo. Pero ora e oportunidadnan presenta, nos empresarionan, hobennan, doñonan di propiedad, profesionalnan, artistanan y organisacionnan comunitario mester ta cla pa tuma e paso. Pasobra e futuro di San Nicolas no mester simplemente pasa den San Nicolas. E pueblo di San Nicolas mester tin un participacion real den dje.

Den parti 2 mi lo elabora mas riba e resultadonan di e investigacion.

P8

DIAHUEBS 20 augustus 2026

Minister di Educacion, sra. mr. Gerlien Croes, hopi exito na tur cu e aña escolar 2026-2027: “Educacion, formando nos futuro generacion”

ORANJESTAD, 20 di augustus 2026 – Cu inicio di e aña escolar nobo 2026-2027, Ministerio di Educacion ta extende un caluroso saludo y e miho deseonan na tur alumno, studiante, maestro, docente, directiva di scol, personal administrativo y di apoyo, y mayornan rond di nos isla. Un aña escolar nobo ta representa un pagina blanco yen di oportunidad, reto y posibilidadnan nobo pa crece, siña y supera tur limite.

Na nos alumnoy studiantenan: boso ta e curason di nos scolnan y e speransa di nos pais.

Cuminsa e aña aki cu un mente habri, curiosidad y determinacion. Lo tin dianan yen di alegria y dianan cu ta exigi mas esfuerso, pero corda cu tur reto ta un oportunidad pa fortalece boso caracter. Cu

perseverancia, disciplina y fe den boso mes, no tin ningun meta cu boso no por alcansa. Cada les cu boso siña awe ta un paso mas serca di boso soñonan mañan.

Na nos educadornan y personal di scol: boso labor ta e motor cu ta impulsa nos sociedad.

Boso no solamente ta transmiti conocemento, sino cu boso ta forma e lidernan, innovadornan y ciudadanonan di mañan.

Boso pasion, pasenshi y dedicacion incondicional ta e fundeshi riba cua e futuro di Aruba ta wordo construi. Masha danki pa boso compromiso incansabel cu e formacion di nos hubentud.

Na e mayornan y famianan: boso apoyo na cas ta e pilar mas fuerte den e biahe aki.

E alianza entre cas y scol ta fundamental pa e exito y

bienestar emocional di nos muchanan y hobennan.

Sigui ta e prome fuente di animo, guia y amor pa boso yiunan.

Educacion ta e yabi mas poderoso pa habri e portanan di futuro y sigura e progreso di nos pais. Minister Gerlien Croes como Minister di

Educacion ta desea henter e comunidad educativo un aña escolar 2026-2027

yena cu sabiduria, salud, perseverancia y hopi exito

P9

DIAHUEBS 20 DI AUGUSTUS 2026

PPA ta duna Gobierno deadline:

“Mustra prueba di destaho publico, of drecha e situacion” Parlamentario Eduard Pieters ta sigui cuestiona contrato di aproximadamente Afl. 2.1 miyon pa aña y ta exigi claridad riba uzo di fondo publico di ATA Fraccion di Partido Patriotico di Aruba (PPA) ta aumenta presion riba Gobierno pa entrega documentacion cu, segun lider di fraccion Eduard Pieters, mester demostra cu a sigui ley den otorgamento di e contrato pa maneho di desperdicio financia via Aruba Tourism Authority (ATA).

Durante su rueda di prensa, Pieters a indica cu e asunto ya no ta solamente tocante maneho di desperdicio. Pa PPA, e pregunta central ta, si Gobierno ta respetando e marco legal cu ta regula uzo di fondo publico.

“Nos ta papiando di aproximadamente dos punto un miyon florin pa aña cu ta bay na un solo compania priva. Si a tene un destaho publico, mustra nos e prueba.” Segun Pieters, durante e reunion parlamentario dedica na e asunto, PPA no a haya evidencia cu ta comproba cu un procedimento di destaho publico a tuma lugar.

P’esey e fraccion a formalisa su exigencianan den un carta na Conseho di Minister.

Articulo 21: unda ta e prueba di destaho publico?

E punto principal ta articulo 21 di Landsverordening Instelling Aruba Tourism Authority. Segun Pieters, si Gobierno ta sostene cu a otorga e contrato corectamente, mester presenta e documentacion cu ta comproba e procedimento aki. “Nos no a haya ningun evidencia. Si minister tin e prueba, trece!” Pieters a enfatisa cu PPA no

ta contra e proyecto ni contra un compania particular. E cuestion ta, si e otro empresanan a haya oportunidad husto pa participa y si a sigui e procedimento legal.

Articulo 20: PPA kier wak e instruccion formal E di dos exigencia ta relaciona cu articulo 20. Si minister a duna ATA un instruccion formal pa sostene of financia e proyecto, Pieters ta exigi pa Parlamento haya acceso na e Ministeriële Beschikking corespondiente. “Nos kier wak por escrito kico minister a instrui ATA.” Ademas, PPA ta cuestiona, basa riba articulo 2, si e tipo di proyecto aki ta cay dentro di e meta original di ATA. Pieters a bolbe enfatisa, cu un Aruba limpi ta un meta cu tur hende por sostene, pero cu esey no por bira un argumento pa pasa banda di procedimento legal.

“E fin no ta hustifica e medio.”

Carta di 5 di augustus y deadline adicional PPA a manda su carta na Conseho di Minister dia 5 di augustus, solicitando tres cos concreto: prueba di e procedimento di destaho publico, e Ministeriële Beschikking relaciona cu e instruccion na ATA y, si Gobierno no por presenta e documentonan, splicacion di kico lo haci pa remedia e situacion. Segun Pieters, PPA inicialmente a duna Gobierno shete dia laboral pa contesta.

Despues cu e termino a pasa sin

ningun reaccion, fraccion a manda un recordatorio y a concede un termino adicional di 48 ora, ekivalente na dos dia laboral.

“Dicon Serlimar oportunidad?”

no

a

haya

Pieters tambe a pone Serlimar den centro di e debate. Segun Pieters, e compania local a indica cu dentro di aproximadamente cuater siman lo por dispone di e containernan necesario pa brinda e servicio.

“Serlimar ta di Aruba. Gobierno ta su doño. Si nos tin un compania local cu por brinda e servicio, dicon no duna e Serlimar e oportunidad pa duna e servicio?”

“Nos no por normalisa algo cu ta contra ley” Pa Pieters, aki ta e punto politico mas grandi: Aruba no por permiti cu posibel desviacion di ley bira practica normal. “Nos no por normalisa e accionnan di gobernante cu ta contra ley. Esey

ta unda confianza di pueblo den politica ta cuminsa kibra.”

E lider di fraccion a laga sa cla, cu PPA lo sigui eherce su funcion di control, mientras Gobierno no presenta e documentacion solicita.

“Mi no ta wordo paga pa bira cara.

Mi ta wordo paga pa controla Gobierno.” Su mensahe final na Gobierno ta directo: mustra e prueba, mustra e base legal y, si no a sigui e procedimento, drecha e situacion.

P 10

DIAHUEBS 20 DI AUGUSTUS 2026

POV: MEGA 2026 no warda te 29 di augustus pa busca bo auto nobo y clientenan a cuminsa bishita nan car dealers caba, incluyendo diasabra, pa mira e vehiculonan, compara modelonan y prijsnan, selecta nan auto y cuminsa e proceso pa beneficia di e Aruba Bank MEGA deal.

Asina, clientenan no tin cu warda te 29 di augustus pa selecta y cumpra nan auto nobo. Nan por cuminsa busca nan MEGA deal desde awor y despues disfruta tambe di e experiencia completo di POV: MEGA 2026 riba MEGA Day. Un di e beneficionan principal di POV: MEGA 2026 ta cu clientenan cu cumpra durante e promocion por cumpra awor y cu opcion di cuminsa paga despues di 6 luna, na februari 2027.

Beneficionan di POV: MEGA 2026 ta inclui: 0% down payment Cumpra awor y cuminsa paga despues di 6 luna Oranjestad, Aruba – Aruba Bank a anuncia recientemente POV: MEGA 2026, e evento unda clientenan por explora un variedad amplio di auto y motorcycle, compara opcionnan y beneficia di opcionnan atractivo.

E evento principal lo tuma luga diasabra, 29 di augustus 2026, di 5:00 p.m. pa 9:00 p.m., na Aruba Bank Camacuri, unda

mayoria dealer di auto y motorcycle lo ta presente cu nan modelonan mas reciente, ofertanan y opcionnan hopi atractivo.

Pero no warda te “MEGA Day” pa cuminsa busca bo auto nobo. E 10 “car dealers” cu ta participa ta “MEGA ready” caba!

Aplicacion pa e Aruba Bank MEGA deal ta habri desde 14 di augustus,

Termino di pago te cu 7 aña* Seguro cu descuentonan special Aprobacion on-the-spot durante e evento Oportunidad pa gana AWG 10.000,Interes 5% – 5.25% (efectivo 6.70%–10.83%) Durante e evento, clientenan por conta cu

asistencia personalisa di representantenan di Aruba Bank, kende lo yuda nan y prepara nan aplicacion.

Un experiencia completo na un solo luga POV: MEGA 2026 ta reuni mayoria dealer di auto y motorcycle na Aruba Bank Camacuri, creando un experiencia conveniente unda bishitantenan por descubri diferente marca y modelo, haci pregunta directamente na e dealernan. Ademas di esaki manera ta un custumber lo tin un Kids Corner, DJ pa anima tur presente y bar y cushina bon surti den bon man di Rotaract Club of Aruba.

Pa mas informacion, bishita www.arubabank. com/mega y sigui Aruba Bank riba Facebook y

Instagram arubabank.

via

@

Campaña valido pa tur cliente existente y nobo di Aruba Bank, di 14 te 29 di augustus 2026. Aruba Bank ta reserva e derecho di prolonga, reduci of termina e campaña na cualkier momento.

Despues di e campaña, interes lo ta 6.25% pa aña pa vehiculonan regular (interes efectivo ta varia entre 8.08% y 10.00%) y 6.00% pa aña pa vehiculonan hybrid y electrico (interes efectivo ta varia entre 7.80% y 9.70%). E vehiculo financia ta garantia di e prestamo.

Pago adelanta tin un multa di 5% riba e balansa pendiente, cu un minimo di AWG 535. Terminonan y Condicionnan General di Aruba Bank ta aplicabel.

P 11

DIAHUEBS 20 DI AUGUSTUS 2026

Centro di Bario Noord:

Ta continua cu accionnan di bon comun pa “Dia Mundial di Asistencia Humanitario”

NOORD—Despues di e acto comunitario di diahuebs y diabierna, en conhunto cu Rode Kruis,

comunidad, specialmente ora ta trata di mucha y nan educacion. Pa CBN, e iniciativa aki ta

donando tasnan di scol cu contenido pa 30 mucha. E donacion aki no solamente ta brinda e

di reparticion di paña reuzabel, na unda tabata tin hopi asistencia, CBN ta continua cu un otro

representa mas cu solamente un donacion: ta un expresion di compromiso pa contribui na

muchanan cu e materialnan necesario pa nan dia di scol, pero tambe ta demostra e impacto

acto di bon comun pa 54 muchanan di scol primario y basico na Noord.

Den ocasion di Dia Mundial di Asistencia Humanitario, cu ta wordo celebra mundialmente riba 19 di augustus, Centro di Bario Noord (CBN) a haci entrega di uniform y tas di scol na e scolnan

bienestar y desaroyo di e muchanan di Noord.

E donacion di uniform por a bira realidad danki na un gesto generoso di Hilton, cu a haci un donacion di corchonnan.

Cu e fondo obteni for di e donacion aki, CBN por a cumpra e

di Noord, beneficiando un total di 54 mucha.

uniformnan di scol necesario pa e mucha beneficiadonan.

E accion ta enfoca riba e importancia di solidaridad, cooperacion y apoyo mutuo dentro di nos

Banda di esaki, un ciudadano cu kier keda anonimo a haci un gesto especial di generosidad,

positivo cu un acto di solidaridad por tin den bida di un mucha y su famia.

“Dia Mundial di Asistencia Humanitario” ta un momento pa recorda nos cu solidaridad y

CBN ta sigui kere den e poder di colaboracion comunitario y ta anima mas persona y

E entrega a beneficia 5 scolnan basico y 4 scolnan primario di Noord, alcansando un total di

humanidad ta cuminsa den nos mes comunidad.

Cu e iniciativa aki, nos kier mustra cu ora

organisacion pa sigui contribui na iniciativa cu ta fortalece nos comunidad y crea un miho futuro

54 mucha. CBN ta expresa su profundo gradecimento na tur esnan cu a contribui pa e iniciativa

hende, organisacionnan y sector priva uni forsa, nos por crea oportunidadnan y brinda apoyo

pa nos hobennan.

aki bira realidad. Cada aporte, grandi of chikito, por haci un diferencia significativo ora nos uni

concreto na nos muchanan,” Ligia Croes Roza, Lider di Programa di Centro di Bario Noord, a

como comunidad.

expresa.

E accion di CBN riba “Dia Mundial di Asistencia Humanitario” ta un recordatorio cu solidaridad no tin frontera, y un gesto di generosidad por haci un diferencia grandi.

P 12

DIAHUEBS 20 DI AUGUSTUS 2026

Red Cross y Kiwanis yudando 100 mucha prepara pa aña escolar

Diadomingo a tuma lugar nos Back to School project hunto cu 3 Clubnan di Kiwanis, asina dunando 100 mucha material pa skol, pero tambe un dia cu varios actividad.

Nos ta spera di conta cu boso sosten!

CONTINUA PAG. 13

DIAHUEBS 20 DI AUGUSTUS 2026

Red Cross y Kiwanis

CONTINUACION PAG. 12

P 13

P 14

DIAHUEBS 20 DI AUGUSTUS 2026

SER brengt bijstandsadvies uit

RENAISSANCE MARKETPLACE Despues di casi un anja Lady Ruth ta bishita e lugar bunita aki atrobe

Willemstad, 18 augustus 2026 – De Sociaal-Economische Raad (SER) heeft op maandag 17 augustus jongstleden zijn advies over de voorgenomen wijziging van de bijstandsverordening uitgebracht aan de minister van Sociale Ontwikkeling, Arbeid en Welzijn (SOAW) mevrouw Charetti AmericaFrancisca.

Het advies heeft betrekking op twee onderling samenhangende ontwerpregelingen: de ontwerplandsverordening tot wijziging van de Eilandsverordening

verlening bijstand Curaçao 2008 en het conceptlandsbesluit, houdende algemene maatregelen, ter uitvoering van artikel 14, derde lid, van deze eilandsverordening.

De SER on tving de beide adviesverzoeken op 23 juni 2026. Vervolgens heeft de raad de ontwerpregelingen b e o o r d e e l d vanuit juridisch, sociaaleconomisch, financieel en uit voeringstechnisch perspectief. Als onderdeel van het adviestraject

heeft de minister van SOAW op 7 augustus tijdens een buitengewone voorbereidende vergadering van de SER een mondelinge toelichting gegeven en vragen van de raadsleden beantwoord.

De SER heeft het advies op 14 augustus 2026 tijdens een buitengewone plenaire vergadering vastgesteld.

Met de uitbrenging ervan op 18 augustus 2026 is het formele SER-adviestraject afgerond. De verdere behandeling en besluitvorming over de ontwerpregelingen

Nos a scoge pa bay wak e bunita pelicula Spiderman Como Poeta di Protestacontra e hefboom na nan parkinglot nos tambe como adulto mayor pensionado a keda cas goza di bon pelicula riba netflix y no paga despues di e 3 oranan di parkeo gratis.

Lady Ruth tawata gusta wak 2 pelicula tray otro y a spanta tende cu despues di 3 ora tin cu paga 12 florin.

Esey ta prijs di un popcorn.?

Pues nos a keda sin bay The cinemas y Plaza Cafe desde cu nan a pone e hefboom.

Suerte cu a hanya un lugar di parkeer dilanti y asina a bay wak pelicula un uitje cu nos nietonan.

Ach, ta hopi cos ta wordo cambia adapta of kita for di adultonan mayor.

No por kita nan amor pa nan isla ,ki mi bisa, Ta limita nan di sali na nan lugarnan tradishonal di custumber, lubida cu ta nos tur ta bira mas y mas grandi den edad.

Esaki ta e realidad.

Colecta firma y cambia nomber di Cas di cultura numa, no ta importa, Just corda cu locual ta sembra ta cosecha.

Si colecta mil firma mes, corda cu e poblacion di Aruba ta mucho mas cu esey. Cuanto ? Mas di 130 mil ? Tin cu echt ta kere den webi gai ?

Un grupito na mando di berdad por, pasobra aki na Aruba so ta tuma pueblo hasi chombom.

Ruthy Lady Ruth

P 15

DIAHUEBS 20 DI AUGUSTUS 2026

FORTALEZA PA FAMIA Scirbi pa Pastor Marcel Balootje.

CRISTO HESUS TA E LUS PA NOS BIDA Y NOS CAMINDA Bo palabra ta e lampi pa mi pia y e lus pa mi caminda (Salmo 119:105).

Esaki ta nifica: E ta mustra e caminda.

E ta kita confusion.

E ta preveni caida.

E ta expone realidad.

E ta derota scuridad.

E ta duna comprendemento.

E ta duna bida spititual.

E ta ofrece bida nobo.

E ta yena nos cu speransa.

E ta hiba nos na bida eterna.

Sin Su lus bida no por wordo sostene riba e mundu.

Hesus a bisa: Ami ta e lus di mundo,esun cu sigi Mi lo no cana den scuridad, ma tin e lus di bida.

Tambe e palabra di Dios ta sinja nos bisando den Juan 3; 19-21.

Esaki ta e condenacion,cu e lus a bin den mundo, y hende tabata stima e scuridad mas cu e lus,pasobra nan hechonan tabata malo.

Pasobra esun cu ta haci maldad ta odia lus,y no ta bin na e lus, pa su hechonan no wordo exponi.

Ma esun cu ta practica berdad ta bin na e lus, pa por wordo manifesta, cu su hechonan ta wordo haci den lus.

Hesus a lanta su disipelnan cu un disipulado fuerte, pa asina nan ta fuerte, pasobra nan tin cu guia otro nan pa nan tambe fuerte.

Den e tempo cu nos ta bibando awor aki e palabra scirbi den 2 Timoteo4:3 ta bira realidad bisando: Pasobra tempo lo bin, cu nan lo no soporta doctrina sano mas, ma alcontrario,pa satisface nan mes deseonan, nan lo acumula pa nan mes sinjadornan pa bisa nan loke nan horea cu ta kishiki kier tende, y lo bira nan horea pa e berdad y bolbe na fabula.

Hende kier tende di prosperidad, di crecemento, hopi profecia, hopi palabra hopi estudio, pero hopi no kier tende di bandona e caminda di pica, arepenti, pone Cristo na prome lugar, pordona di curason, stima di berdad, y mas cu tur cos biba den temor di Dios.

Un hende cu no kier tende e berdad, ta manera un cas sin fundeshi.

Awendia hende no kier tende e berdad , pasobra

berdad ta zona manera bo ta husga hende, pero un cos mester wordo bisa cu berdad ta lus, y esun cu sa e berdad, y no ta bisa e berdad manera e ta na su amigo, no ta amigo, e ta un compinche den maldad, cu ta hiba hende den scuridad.

Laga boso lus briya dilanti di hende, di tal manera cu nan por mira boso obranan, y glorifica boso Tata cu ta den cielo.

E lus ta nifica , cana den obedencia na Dios.

Di tur manera Dios kier trece hende su lus bisando: Si nos confesa nos pica, E ta fiel y husto di pordona y

Oracion Di Dia

libra nos di tur inhusticia.( 1 Juan 1:9).

Esaki ta nifica cu door di confesion di pica na Dios, nos ta bini na e lus, pero tambe ta nifica cu si nos keda den scuridad, nos no por culpa ningun hende, pasobra e porta ta habri pa tur arepenti.

Por fabor no lubida esaki: Si nos bisa cu nos tin comunion cun’E,y sinembargo , nos ta cana den scuridad, nos ta ganja y no ta practica e berdad,ma

si nos ta cana den e lus, mescos cu E ta den lus,nos tin comunion cu otro,y e sanger di Hesus, su Yiu ta limpia nos di tur pica.

Cana den lus ta nifica, cana leu for di redo, egoismo, jaloersheid, falta di pordon, acepta coreccion, pa asina hende por sinja,no sconde nada, pasobra dilanti di Dios, no tin bida priva, ta tur cos ta sali na cla.

Sinceramente, Marcel Balootje.

Pastor

Un feliz dia y cu Dios bendiciona boso ricamente

”P’esey obedece y sigui tur cos cu nan bisa, ma no haci manera nan ta haci si! Pasobra nan mes no ta haci loke nan ta bisa. Mateo 23,1 Rumannan e Palabra di Dios ta siña nos cu nos mester ta atento, hopi hende ta papia bunita pero nan bida ta mustra e contrario.Nos mester purba sigui e bida di Hesus.

E no ta facil pero e recompensa ta Bida Eterno. Awo cu ta tempo di Cuaresma ban pidi Hesus laga nos cana hunto cu nE. Si nos conoce su Palabra ban bibe. Ban cana cu Hesus, ora nos trompeca pidi’E lanta nos bek. Bunita ta cay y lanta bek y reconoce cu nos a comete un eror y pidi pordon. Sea humilde.

Oracion: Dushi Hesus nos kier ta humilde, cana den Bo pasonan. Guia nos y mustra nos cua ta e obra cu Bo kier nos haci den e Cuaresma aki. Laga nos papia y ta un ehempel di Bo den obra y nos bida diario.

Amen.

P 16

DIAHUEBS 20 DI AUGUSTUS 2026

UN TEXTO NOBO TRATA E SUBIDA DI AGENTE DI INTELIGENCIA ARTIFICIAL (IA) COMO UN REDISEÑO DI MARKETING MES NO COMO UN KAPITULO AÑADÍ NA UN BIEU Algorithmic Marketing ta construí un solo framework pa estrategia, confianza i agencia humano den un mercado unda busqueda ta debolbe respuesta na lugá di link, i un cantidad creciente di kliente ta agent di IA, no hende ORANJESTAD --- Buskeda ya no ta debolbe un lista di link --- e ta debolbe un respuesta, sintetisá pa IA, hopi biaha promé cu un ser humano click riba un website. Anuncio ta coloca nan mes cada vez mas. I un partido creciente di e klientenan evaluando un compra no ta hende na tur, sino agent di IA comparando, dicidiendo i cumpra riba nomber di otro. Viamoon Press a anuncia e lansamento di Algorithmic Marketing: Strategy, Trust, and Human Agency in Automated Markets di Dr. Earney F. Lasten, e prome texto cu ta trata e cambio aki como un rediseño completo di marketing en vez di un kapitulo nobo pega na un framework bieu.

Na través di 14 capitulo, Dr. Lasten ta construí un solo framework di trabou --- estrategia, confianza i agencia humano, diseñá hunto for di e prome decision di un sistema en vez di reconciliá despues cu algu ta rompe --- i e ta carga esaki pa análisis predictivo, contenido generativo, agent di marketing autónomo, i e klientenan maquiná cu awor ta cumpra hunto cu e klientenan humano. E libro ta cera cu un playbook diagnostico di djes preguntanan, probá contra un caso di estudio completo, diseñá pa keda útil asta ora e hermentanan i plataformanan específico cu e ta describi cambia inevitablemente.

"Cada biaha cu un capacidad nobo di IA ta lansa, marketers ta haña un guia di herramienta of un advertencia," Dr. Lasten a bisa. "Casi ningun hende ta haña un framework pa dicidi, promé cu e sistema sali, unda un ser humano ainda mester ta esun cu ta dicidi. E falta ei ta pakiko e libro aki ta pa."

Organisá den cuater partido --Fundacion, Dinamica di Comportamiento, Inteligencia di Máquina, i Diferenciacion Centrá riba Hende --- e libro ta diseñá tantu pa e salon di clase como pa e sala di reunion: cada kapitulo ta incluí obhetivo di aprendizaje, termino clave, preguntanan di discusion na varios nivel di dificultad, i ehersicio calificá cu rúbrica.

Algorithmic Marketing ta disponibel awor den edicion paperback i hardcover a través di Viamoon Press i e negociantenan principal. Check na LULU.COM (busca Earney Lasten na bookstore).

Nota pa Editornan: Algorithmic Marketing ta publicá simultáneamente den un edicion completo na Spaño, Marketing Algorítmico: Estrategia, Confianza y Agencia Humana en Mercados Automatizados, disponibel awor a través di e mismo canalenan.

Acerca di AutorDr. Earney F. Lasten ta un investigadó i praktikante trahando na e interseccion di estrategia di marketing, sistema computacional, i confianza di consumidor. Su trabou anterior riba diseño di experiencia auténtico por etapa a gana un reputacion pa framework probá contra proyecto real promé cu nan wordo publicá como principio --- un disciplina cu e ta trece na marketing algorítmico den e libro aki.

SUDOKU