P1
DIAHUEBS 13 AUGUSTUS 2026
13 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
Parlamentario Eduard Pieters ta comparti vision di liderazgo cu e hobennan di ParlamentoHubenil:
“BO NORMA Y BALORNAN TA BO COMPAS MORAL.”
P2
DIAHUEBS 13 augustus 2026
Ministerio Publico ta finalisa caso contra pareha De Meza
despues cu nan a acepta transaccion Ministerio Pubico a finalisa e caso penal contra M.E. de Meza y su esposa. Ambos sospechoso a acepta y a paga un transaccion, cu ta evita cu nan ta wordo persigui penalmente. Cu e pago di e transaccion, e caso a keda cla definitivamente. De Meza y su esposa a wordo sospecha di violacion di articulo 68, prome parafo, apartado a, juncto segundo parafo di Algemene landsverordening belastingen. Segun Ministerio Publico, entre prome di januari 2009 y 31 di december 2021 nan a presenta varios biaha informacion incorecto y incompleto den nan declaracionnan di belasting riba entrada. Dia 10 di juni 2026 a tuma lugar e prome Cita cu Fiscal (TOMzitting) den e caso aki. Durante e Cita cu Fiscal, Ministerio Publico a ofrece na e sospechosonan, saliendo di e punto di vista cu ta trata di un caso cu por wordo comproba, e posibilidad pa evita persecucion penal mediante pago di un suma di placa. E sospechosonan no a accepta e oferta na tal momento. Siguientemente tur dos a wordo cita pa presenta dilanti Corte den Prome Instancia riba 24 di augustus
2026. Riba peticion di e sospechosonan a tuma lugar un di dos Cita cu Fiscal riba 7 di augustus 2026. Durante e Cita cu Fiscal aki, Ministerio Publico a fiha un suma menos grandi como condicion pa evita persecucion penal, tumando na cuenta e circunstancianan specifico di e caso y di e personanan en cuestion. E sospechoso a accepta e oferta aki y a cumpli cu e pago riba 11 di augustus 2026. Cu e pago di e transaccion, e caso a ser considera definitivamente conclui. Awe Fiscal a retira
DIAHUEBS 13 augustus 2026
KPA A PRESENTA E SITUACION ACTUAL HUSTICA A REUNI TOCANTE TENDENCIANAN DI CRIMINALIDAD MAS RECIEN Santa Cruz, ARUBA: Recientemente a tuma lugar un presentacion di vital importancia tocante e tendencianan di criminalidad (“criminele trends”) cu ta wordo registra na Aruba. E reunion aki tabatin como meta pa brinda un bista cla, detaya y profundo di e situacion actual di seguridad riba nos isla. E presentacion a wordo duna na Minister di Husticia mr.drs. sr Arthur Dowers. Entre e presentenan tabata tey Procurador General, Fiscal Mayor y representante di Veiligheidsdienst Aruba (VDA). Banda di esaki, e sesion a conta cu presencia di e altocomisario Interino di Polis, sra. Irma Gordon, hunto cu e alto mando (KMT) di Cuerpo Policial Aruba. Durante e presentacion aki a analisa e cifranan y e patronchi (modus operandi) di criminalidad di mas recien. E tipo di dialogo y coordinacion aki entre diferente organonan hudicial ta fundamental pa por desaroya strategianan di prevencion y investigacion mas efectivo pa asina garantisa e seguridad y trankilidad di nos comunidad.
Tuma accion pa Preveni, Proteha y Stop Dengue Con nos por stop Dengue?
P3
P4
DIAHUEBS 13 augustus 2026
Parlamentario Jennifer Arends-Reyes:
“Desperdicio organico por bira un recurso valioso pa Aruba”
di Parlamento, a participa hunto cu Minister di Turismo Wendrick Cicilia na un encuentro na Alto Vista Winery, den cuadro di e iniciativa ‘Compost Alliance.’ Compost Alliance ta un proyecto di Iberostar cu ta reuni diferente hotel y partner, entre otro Aruba Airport Authority (AAA), pa transforma resto di cuminda y otro desperdicio organico den compost. Di e manera aki, material cu, normalmente lo wordo benta afo, ta haya un segundo bida como un recurso util pa agricultura, naturalesa y mantencion di areanan berde. E iniciativa ta un ehempel concreto di economia circular: en bes di mira desperdicio como algo sin balor, e ta wordo procesa y converti den un producto cu por beneficia Aruba atrobe. ORANJESTAD (11 di augustus 2026) – Recientemente
Parlamentario Jennifer Arends-Reyes, Presidente di Comision di Turismo
“E iniciativa aki ta mustra cu mediante cooperacion y creatividad, loke
normalmente nos ta mira como desperdicio, por bira un recurso valioso cu ta beneficia henter nos isla. Esaki ta sostenibilidad den practica,” Arends-Reyes a declara. Segun e parlamentario, Aruba mester sigui stimula proyectonan cu ta promove menos desperdicio, mas reutilisacion di recurso y un industria turistico cu ta contribui activamente na sostenibilidad. Como isla turistico, diariamente nos ta produci un cantidad considerabel di desperdicio. P’esey, sector publico y priva mester uni forza pa busca solucionnan innovativo cu ta contribui na un medio ambiente mas limpi y saludabel. Arends-Reyes a enfatisa cu turismo sostenibel no ta trata solamente di proteccion di naturalesa, sino tambe di responsabilidad, educacion y cooperacion. Hotel, aeropuerto, empresa, productor local y gobierno tur por hunga
un rol importante den e transicion pa un economia mas circular. “Nos industria turistico ta un motor importante di nos economia, pero e por bira tambe un motor di cambio positivo. Iniciativanan manera Compost Alliance ta demostra cu crecemento economico y cuido di nos medio ambiente por bay man den man,” e parlamentario a expresa. Arends-Reyes a gradici General Manager di JOIA by Iberostar, Sr. Arnaud Le Lanchon, y ing. Jareth Vermeulen, Destination Steward Manager, pa e invitacion, e informacion comparti y nan caluroso acogida. “Mi ta kere den proyectonan cu ta uni hende y sectornan pa crea algo positivo pa Aruba. Paso pa paso, nos por reduci desperdicio, cuida nos naturalesa y construi un futuro mas sostenibel pa nos isla,” Arends-Reyes a finalisa.
P5
DIAHUEBS 13 augustus 2026
Minister Geoffrey Wever:
Ta haci ultimo yamada na companianan pa participa den destaho publico di Santa Rosa Oranjestad, 10 augustus 2026 - Minister di Finansa, Asunto Economico y Sector Primario, Geoffrey Wever ta haci un yamada na tur compania interesa, pa no laga e oportunidad pasa pa participa den e destaho publico pa cuatro contrato di servicio na Departamento di Agricultura, Cria y Pesca (DLVV) “Santa Rosa”. E fecha final pa entrega oferta ta diamars 18 di augustus 2026 pa 10:00 di mainta, y Minister Wever ta encurasha companianan cu tin e experiencia y capacidad necesario pa entrega nan oferta na tempo. E cuatro contratonan ta importante pa Santa Rosa por cumpli cu su capacidad di trabou y sigui brinda e servicionan cu agricultornan, criadonan di bestia y otro productornan di Sector Primario ta depende riba dje. Alabes, parti di e trabounan ta destina pa mantencion y mehoracion di e facilidadnan di Santa Rosa mes. Minister Geoffrey Wever ta encurasha especialmente empresanan cu ta activo den e diferente areanan di trabou pa studia e destaho y mira unda nan por participa. “E oportunidad ta habri y nos kier mira companianan participa. Si bo compania tin e experiencia, personal y ekipo pa haci un di e trabounan aki, no laga e fecha pasa. Participa y presenta bo miho oferta,” Minister Wever a indica. E destaho ta consisti di cuatro diferente tipo di trabou. E prome contrato ta pa mantencion y infrastructura, incluyendo trabou
di edificio, plomeria, electricidad basico, welding, irigacion y otro mantencion. E di dos ta pa cuido di bestianan, incluyendo alimentacion, duna awa y limpiesa di stal. E di tres ta pa trabou cu ekipo pisa y sosten agricola, manera prepara tera, excavacion, transporte di awa, mantencion di dam y otro trabou riba tereno. E di cuatro ta pa cultivo y produccion agricola, incluyendo preparacion di tera, control di plaga, cosecha y otro trabounan relaciona cu produccion. Companianan no mester participa den tur cuatro contrato. Nan por entrega oferta pa un solo contrato, varios contrato of tur cuatro, dependiendo di nan experiencia y capacidad. Esaki ta habri e oportunidad pa diferente tipo di empresa participa, incluyendo companianan cu ta specialisa den solamente un area di trabou. E contratistanan cu eventualmente sali ganador lo yuda Santa Rosa tanto cu trabounan na su propio tereno como tambe unda e servicionan cu Santa Rosa ta brinda na su clientenan. Por ehempel, un criado di bestia por ricibi yudansa pa drecha of weld un cura cu a kibra, pa limpia un stal of pa otro trabou necesario. Un agricultor por ricibi yudansa cu preparacion di tera, transporte di awa of uso di ekipo pisa. E ploegnan aki lo yuda Santa Rosa tin e capacidad necesario pa atende e tipo di peticionnan aki. Un punto importante ta cu hopi di e servicionan cu Santa Rosa
ta brinda na agricultornan y criadonan di bestia ta subsidia door di Gobierno. Esaki ta haci posibel pa productor local haci uzo di cierto servicionan na un prijs mas accesibel. P'esey, fortalece e capacidad di Santa Rosa ta beneficia directamente e hendenan cu ta traha diariamente den agricultura y cria di bestia. “Nos kier pa Santa Rosa por yuda mas agricultor y mas criado di bestia. Esey ta e meta. Gobierno ta sigui duna sosten pa mantene e servicionan accesibel, pero Santa Rosa tambe mester tin suficiente capacidad pa por haci e trabou. E cuatro contratonan aki lo yuda nos logra precisamente esey,” Minister Wever a subraya. E contratonan lo tin un duracion di 36 luna y e trabounan lo wordo
coordina y evalua regularmente pa sigura cu e servicio ta cumpli cu e calidad cu Santa Rosa y su clientenan mester. Ministerio ta pidi tur compania interesa pa no warda te ultimo momento. E documento completo cu tur condicionnan di participacion ta disponibel via https://bit.ly/4piVtco. E ofertanan mester wordo entrega no mas laat cu diamars 18 di augustus 2026 pa 10:00 di mainta na oficina di Santa Rosa, Piedra Plat 114-A. Cu e destaho aki, Gobierno ta sigui fortalece Santa Rosa pa e por brinda mas y miho servicio na e hendenan cu ta produci localmente. E oportunidad pa companianan participa ainda ta habri, pero e fecha final ta acercando.
DIAHUEBS 13 augustus 2026
ULTIMO ORA POR A GRITA “BRAND MEESTER”!
Kudawecha/Calabas – Shonnan, diasabra ultimo, esta 8 di augustus, n’e palacio di domino aya na Kudawecha, a sosode un berdadero sambombaso di partido di domino! Un bataya cu a cuminsa pa 8’or di anochi y pa 9’or y mey apenas tabata n’e score preta di 6-6! Un señal “loud & clear” cu aki ta “crème de la crème” den domino ta enfrentando otro! Tabata trata dje ekiponan di Brandweer DT y Sero Blanco DT. Ambos a bin decidido pa demostra ta ken ta e miho “mansado” di piedra e anochi ey! E gang di “White Hill” aparentemente a haci nan huiswerk como debe ser y por bien ta a bay un “herscholing” den tactica di domino, ya cu constantemente nan tabata pika tuma un bentaha di 2 punto! Brandweer constantemente tabata cay net 2 Bar atras den presion di awa, y leu leu por a ripara cu e slang ta dobla na caminda! Bou tension enorme, porfin por a drenta pauze despues di mas cu dos ora di wega cu score di 11-9 na fabor di Sero Blanco. Y manera di custumber shonnan, durante halftime e snacknan a skeiro a “pedir de boca”
completamente gratis cortesia di e mundialmente famoso Domino Square Garden! Despues di un bon descanso, e bataya a sigui den tur intensidad! Cada rato Sero Blanco tabata menasa c’un bentaha di dos punto y Brandweer tin cu grita auxilio pa haya mas awa pa basha domina e “forest fire at White Hill”! E trabuconan di Sero Blanco, bou liderazgo dje legendario “Nai” Rasmijn, yen di euforia total ta yega top dje “Colina Blanco” cu bentaha di 20-18! “Brandcommandant van de wacht” Tony Trimon ta duna ordo pa habri tur cranchi y stret tur dobla cu por tin den e slang pa scapa e anochi “cueste lo que cueste”! Cu hopi pusha y wanta, Brandweer ta corta bentaha te na 19-20! Poniendo mas presion, e score ta empata sensacionalmente na 2020! Despues di un rato di tension, e grito ta cay di “brand meester!” y e team di Brandweer ta logra un victoria na punta di ultimo druppel di awa cu score di 21-20! Un tremendo encuentro cu a caba cu “nablussen” na ordo! MVP p’e partido aki di parti di Brandweer a resulta den persona di Igor Kock y “Chino” Leest. Un pabien ta bay na ambos ekipo p’un tremendo wega!
P6
P7
DIAHUEBS 13 augustus 2026
Parlamentario Eduard Pieters ta comparti vision di liderazgo cu e hobennan di Parlamento Hubenil: “Bo norma y balornan ta bo compas moral.”
Liderazgo no ta solamente ocupa un cargo politico. Segun parlamentario Eduard Pieters, e berdadero liderazgo ta cuminsa cu e forma con un persona ta comunica, traha cu hende y mantene su balornan den e momentonan dificil. Cu e mensahe aki e lider di fraccion di Partido Patriotico Arubano (PPA) a participa den un encuentro cu e hobennan, caminda representante di diferente líder di fraccion parlamentario a comparti nan experiencia y vision tocante liderazgo y servicio publico. Nificacion liderazgo
concreto
di
Pieters a bisa cu e obhetivo principal tabata inspira e siguiente generacion di e lidernan, compartiendo algun di e principionan cu ta guia su trabou diario como lider. “Liderazgo ta hopi importante pa nos hobennan. Nan ta e futuro di Aruba y e decisionnan cu nan ta tuma mañan, lo determina con nos pais lo sigui desaroya.” Segun Pieters, liderazgo no ta defini solamente door di autoridad, sino principalmente door di responsabilidad. E parlamentario a enfatisa cu un lider mester sa comunica, crea relacion y ta dispuesto pa guia cambio positivo den
comunidad. “E lider no ta esun cu simpelmente ta manda. Un lider mester sa tende, comunica y conecta cu hende. Un lider mester por inspera hendenan tuma accion, no pasobra nan mester, sino pasobra nan kier”
integridad na tur momento di dia basa riba bo idealy creencianan. “Un lider mester ta flexibel,” el a bisa. “Bo ta traha cu hende y cada persona ta diferente. Si bo no por adapta sin perde bo principionan, lo ta dificil pa guia otro.”
E cualidadnan esencial di un lider Durante su presentacion, Pieters a destaca diferente cualidad/habilidad y responsabilidad cu, segun estudionan cientifico, ta esencial pa cualkier persona cu kier ocupa un rol di liderazgo. Entre esunnan cu el a menciona tabata e importancia di comunicacion efectivo, construccion di e relacionnan humano, ta un agente di cambio pa cambia e status quo, e capacidad pa adapta na e circunstancianan cambiante, pues flexibilidad y primordialmente mantene
Compas moral Sinembargo, segun Pieters, e fundeshi di tur liderazgo ta basa riba algo hopi mas profundo cu tecnica of experiencia. “Bo norma, bo balornan, bo idealnan y bo creencianan ta bo compas moral. Esey ta loke lo guia bo, ora bo mester tuma e decisionnan dificil.” Pa lider di fraccion di PPA, precisamente den un mundo cu ta cambia constantemente, e hobennan mester siña cu liderazgo no ta midi door di popularidad, sino door di e decisionnan cu un persona ta dispuesto pa tuma ora tin presion. Preparacion pa bida
“Bo caracter ta loke realmente determina ki tipo di lider bo lo bira.” Pieters a conclui na e encuentro cu Parlamento Hubenil y e no tabata referi solamente riba e area di politica, sino pa motiva e hobennan pa pensa riba nan propio futuro y e rol cu nan por hunga den sociedad y pa nan por ta agente di cambio. “Nos kier pa nan sali di akiden cu mas conocemento, pero tambe cu mas confiansa den nan mes pa realmente nan ta empodera y por ta di berdad un agente di cambio. Aruba tin mester di e lidernan cu tin preparacion, responsabilidad y amor pa pais.” Segun Pieters, inverti den liderazgo hubenil ta un di e mihor inversionnan cu un pais por haci, pasobra e lidernan di mañan ta forma cu e balornan cu nan ta siña awe.
P8
DIAHUEBS 13 augustus 2026
10.481 contacto cu 131 den 2025
131 a ser funda ariba dia 26 di april 1999. Desde e tempo ey, 131 ta ofrece muchanan y hobennan na Aruba e oportunidad pa haci pregunta, ricibi informacion, y expresa nan ideanan y sintimento diariamente. Desde 2022 y 2023, e muchanan y hobenan di Boneiru, St. Eustatius y Saba tambe por tuma contacto cu e servicionan di 131 via telefon. Anonimo y confidencial, e grupo meta (di 8 pa 24 aña) ta comunica cu e servicionan di 131 via e number di telefon 131, via di 131Chat App, via email, y door di bishita 131.aw. Tambe 131 ta duna lectura, workshop y proyecto na scolnan y otro lugarnan caminda actividadnan di mucha y hoben ta tuma luga. 131 ta ofrece un total di 26 tema di lectura, workshop y/ of projecto preventivo. E obhetivo di 131 ta pa duna informacion, conseho, y ayudo dirigi riba prevencion via telefon, internet, y/of outreach, y pa reduci problemanan bao di mucha y hoben. Pa medio di e modelo di trabao aki, e mucha y hoben ta ricibi informacion preventivo, conseho y sosten emocional, tocante diferente tema relaciona cu mucha y hoben 24 ora pa dia. E maneho structura di 131 ta ser dirigi door di nos ‘Beleidsvisie 2021-2025, Investering in de Goedheid. Manera
tur
organisacion
profesional, 131 tambe ta opera basa ariba ‘organizational values’, cu pa nos organisacion ta e Tratado International di Derecho di Mucha. 131 ta un organisacion circular. Esaki ta encera cu, despues di scucha for di e mucha y hoben kiko ta tumando lugar bao di nan, ta desaroya y implementa lectura, workshop y/of proyecto, y ta evalua e efectividad di e lectura, workshop y/of proyecto. Na momento cu e lectura, workshop y/ of proyecto ta mustra efectividad, ta cuminsa cu implementacion pa ful Aruba, Boneiru, St. Eustatius y/ of Saba. Basa ariba e experiencia, habilidad y conocemento crea den e ultimo 26 aña, 131 ta ser reconoci como un ‘Kenniscentrum’ ariba e tereno di ‘jeugdzorg’, duna informacion, conseho, sosten y guia na mucha y hoben, trabao outreach na mucha y hoben, conocemento di efecto cultural y etnico ariba comportacion di mucha y hoben, y involucracion di mucha y hoben den nan desaroyo. No solamente 131 ta comparti conocemento, pero tambe ta crea conocemento. Den aña 2025 tambe 131 a exporta conocemento den regio.
Den aña 2025 pa medio di e instrumentonan (telefon, email, chat, lectura, workshop, proyecto y website) cu 131 ta uza pa duna servicio, tawatatin 10.481 contacto cu 131. E contactonan
tawata di mucha, hoben, mayor y profesionalnan. E lunanan cu tawatatin mas contacto cu e instrumentan di 131 ta juni (2.786), september (2.369 contacto), april (1.485 contacto), februari (952 contacto), januari (677 contacto) y october (533 contacto). E motibonan pa cual a tawatatin contacto cu e instrumentonan di 131 ta diferente. E top 5 di e motibonan pa kiko tawata den contacto cu 131 den aña 2025 ta: ‘Informacion’ (6.380 contacto), ‘Violencia’ (1.034 contacto), ‘Situacion na Cas’ (995 contacto), ‘Salud Mental’ (864 contacto), y ‘Droga” (484 contacto). Di e 10.481 contacto den 2025, 4.483 tawata hende homber, 4.630 tawata hende muher y di 1.368 e sexo no tawata indentifica. Den aña 2025 a sigui inverti den e team di mentor cu ta asisti e mucha y hoben pa medio di telefon, chat y email. Asina a duna e Basistraining mentor na 7 mentor nobo den luna di mei. Despues den luna di juni a organisa ‘D e sk u nd ig heid sb e vor der i ng Dag, What they Need’ cu a trata e temanan ‘sensitive responsiveness’, ‘social emotional learning’ y salud mental pa e team di mentor. Den luna di October a organisa ‘Reflectie weekend’, To the Root’, cu ta tres dia di training na unda a pone enfasis ariba e tema di violencia.
Tambe e director di 131 a participa na e ‘11th International Consultation of Child Helplines’ na Livingstone, Zambia for di 24 te cu 26 di juni 2025. Durante e consulta aki a ricibi hopi conocemento ariba por ehempel e temanan: inteligencia artificial y tecnologia digital den proteccion di mucha, e necesidad creciente pa sosten den cuadro di salud mental, uzo di data y estudio di efectividad pa mehora e calidad di servicio etc. E conocemento adkiri a ser incorpora den e maneho di nos organisacion durante aña 2025. Den aña 2025 131 a resulta den e ultimo 10 organisacionan di Reino Hulandes pa cu e premio ‘Appeltje van Oranje’ 2025 di Oranje Fonds. Hunto cu S.V. Dakota y N.V. ELMAR, 131 a lansa e campaña den 2025, Dakota in Blue, pa concientisa e comunidad di Aruba tocante buskeda pa sosten pa ta mentalmente saludabel. Tambe 131 a cuminsa cu implementacion di un workshop nobo cu a mustra efectividad, cu ta yama Ken mi ta?. Ken mi ta? ta un workshop cu ta wordo duna na mucha y hoben y ta stimula ‘groepsdynamiek’ den scol y ta siña alumnonan conoce otro y sostene otro. E proyecto ‘Best Dad Ever’ cu ta stimula tatanan y futuro tatanan pa ta involucra den educacion di nan yiunan a ser organisa na 5 ocasion den aña 2025.
P9
DIAHUEBS 13 augustus 2026
10.481 contacto cu 131 den 2025
Tur esaki 131 no por haci su so, 131 no ta para su so ariba un isla. Pa por duna e servicionan aki na Aruba, Boneiru, St. Eustatius y Saba, 131 ta traha cu un promedio di 45 partner. Di e 45 partnernan aki 131 tin 12 protocol di cooperacion firma. E protocol di cooperacionan aki ta zorg pa continuidad y calidad di servicio. Algun di e partnernan cu 131 ta traha cune ta: Child Helpline International, Central Bureau of Statistics Aruba, Ministerie van Volksgezondheid, Welzijn en Sport Nederland, Bureau Sostenemi, FADA, Tienda di Educacion, Famia Planea, Directie Sociale Zaken, Departamento di Enseñansa Aruba, SKOA, SPCOA, DPS, EPB, EPI, SMOA, Bureau Slachtofferhulp. Atrobe den aña 2025 131 a ser acerca door di UNICEF NL pa implementa ‘Focus group: The voice of the Children and young people of Aruba’ cu grupo di mucha y hoben. E obhetivo di e focus group tabata pa haya un mihor bista riba situacion di muchanan y hobenan na Aruba. Tambe 131 a organisa den 2025, Derecho na Papiamento. Den cuadro di creacion di un buki nobo di derecho di mucha na Papiamento, UNICEF NL tawata kier e siguransa cu ora e mucha/ hoben lesa e buki di derecho, e ta comprende kiko ta su derecho. Den cuadro di esaki 131 a diseña y implementa Derecho na Papiamento pa evacua esaki.
Tur e trabao aki no por tuma lugar sin sosten di partnernan financiero. Esaki ta e partnernan cu ta orguyoso di e trabao cu 131 ta implementa, y di cual 131 ta agradecido pa nan sosten. Un gradicimento ta bay na Setar N.V, Web Aruba N.V The Salamander Group, Aruba Airport Authority N.V., AHATA, Astec N.V. Y Meta Corp pa e sosten den aña 2025 na e vision, mision y e trabaonan di 131. Esakinan ta organisacionan cu ta tuma nan responsabilidad social na serio y ta inverti den creacion di ciudadano vital. Pa mas informacion tocante e trabao di 131 por tuma contacto cu 131 via nos website: 131.aw, facebook: https://www.facebook. com/aruba.131/, email: 131aruba@ gmail.com of telefon 5886138/ 5884011.
P 10
DIAHUEBS 13 augustus 2026
Aruba merece un standbeeld prominente di un indjan Caquetio Cronistanan a yama e Caquetionan hende bunita, tanto e muhernan como e hombernan Tin cronista ta hasta afirma cu nan tabata gigantesco. Y na tera firme, historiador, arkeologo y sociologonan ta elogia e Caquetionan cu tur sort’i adhetivo y sustantivo elocuente den nan articulo y documentarionan. Un colonisador Hulandes di siglo 19, cu awendia ta conoci como hende seco y cauteloso, ta uza palabranan despectivo ora skirbi di Guajironan, specificamente ora di describi nan fisico y nan apariencia.
más que las mujeres.” Y Juan de Castellanos (1522- 1606) ta skirbi di e Caquetionan di Corsou y Aruba den su Elegías de varones ilustres de indias:
“Las gentes que las tienen por asiento “Son mucho elegantes,
más
“Y tanto que nombramiento
que
otras
por
otro
“Las llamaban las islas de gigantes, Dominee Bosch ta skirbi cu no tin comparacion entre Caquetionan Arubiano (indjan cohoro) y e Guajironan (indjan brabo).
“Por ser en general de su cosecha “Gentes de grandes miembros y bien hecha.
Di e Guajironan e ta skirbi literalmente“ze vallen terstond in het oog, door het onaangename voorkomen, en langzamer lichaamsbewegingen dan de Indianen, welke op Aruba thuis behooren.” (hende su wowo ta cay riba nan di biaha door di nan aspecto desagradabel y nan forma lerdo di move mas pocopoco cu e indjannan nativo di Aruba).
“No tienen querellas
Galeotto Cei (1513-1579), comerciante florentino exiliado na Spaña, ta skirbi cu admiracion den su Viaggio e relazione delle Indie, tocante e Caquetionan cu el a topa na tera firme “en ninguna parte de las Indias he visto más bellas mujeres”, como esas del valle de Barquisimeto, “por eso lo nombrábamos el Valle de las Damas”. “Son estos indios caquetíos bellos hombres,
“De nobles, condiciones;
para
que
formar
“De natura por malas proporciones: “Son las mujeres en extremo bellas, “Gentiles varones;
hombres
todos
los
“Por consiguiente son ellos; y ellas y
apreciables
“Tienen para la guerra gentil brio, “Y su lenguaje es el Caquetío.
Y toch na Aruba solamente Banco Central a duna nos e honor di pone un statua di un Caquetio. Kico por a pasa cu nos identidad
indigena na caminda? A yega ora pa gobierno pone un standbeeld visible sea na Spaans Lagoen, Sta Cruz, Savaneta, Noord y/of Pos
Chiquito. Tcmhc Movemento Indigena Arubano
P 11
DIAHUEBS 13 augustus 2026
Specialmente pa aña escolar nobo, Centro di Bario Noord y Rode Kruis Aruba ta presenta:
Dos mainta di “reparticion di Paña re-uzabel” Noord, Aruba — Cu e inicio di un aña escolar nobo acercando, Centro di Bario Noord, den colaboracion cu Rode Kruis Aruba, ta prepara dos mainta special di “reparticion di Paña
den bon estado.
tin uniform di scolnan di Noord den bon estado
E iniciativa ta forma parti di e esfuerso pa brinda sosten y alivio na famianan di e comunidad di
E mercado lo tuma luga durante dos mainta, riba diahuebs 13 y diabierna 14 di augustus, for
cu nan no ta usa mas, por contribui na e iniciativa door di trece esakinan tambe. E uniformnan
di 10:00 di mainta te 3:00 di atardi, na Centro di Bario Noord.
por haya un segundo uso y yega na un otro alumno cu por tin necesidad di nan.
Durante e dos dianan, lo tin un gran cantidad di paña den bon estado disponibel pa esnan
Centro di Bario Noord y Rode Kruis Aruba ta invita mayornan y famianan di Noord pa probecha
oportunidad pa haya paña di segunda man den bon condicion y, na mes momento promove
hopi famia. Tambe ta un oportunidad pa comunidad uni, comparti recurso y mustra solidaridad cu otro.
Nota: Disponibilidad ta riba un base di “First Come, First Serve”
Fecha: 13 y 14 di augustus 2026 reutilisacion y solidaridad dentro di comunidad.
materialnan escolar y paña por representa un reto pa algun famia, e mercado ta ofrece un
Luga: Centro di Bario Noord
Detaye di e evento:
re-uzabel”, unda mayornan y miembro di comunidad por haya paña y posibel uniform di scol
Noord, specialmente durante e periodo di preparacion pa e aña escolar nobo. Cu costo di
na un inicio di aña escolar mas facil pa
interesa. E paña lo wordo distribui riba un base di esnan cu yega prome lo tin prome oportunidad pa scoge entre e articulonan disponibel. Pa e motibo aki, mayornan y otro miembronan di comunidad ta wordo anima pa bini tempran. Ademas di e paña disponibel, mayornan cu
di e oportunidad y participa den e mercado. E iniciativa ta un bon ehempel di con colaboracion comunitario por yuda famianan, reduci desperdicio y promove un cultura di comparti y yuda otro. E organizadornan ta spera cu e mercado lo contribui
rario: 10:00 AM – 3:00 PM
Centro di Bario Noord y Rode Kruis Aruba ta invita tur esnan cu por beneficia di e iniciativa pa no perde e oportunidad.
Bini tempran y scoge entre e paña disponibel!
P 12
DIAHUEBS 13 augustus 2026
Fundacion Ban Uni Man pa Cria Nos Muchanan Sr. John Fun cu un presentacion na Aruba Lions Club Recientemente durante e ultimo Aruba Lions Club su club meeting di dia 29 juli e guest speaker tawata sr. John Fun representando e Fundacion Ban Uni Man pa Cria Nos Muchanan (FBCNM) E fundacion aki a ricibi un donacion for Aruba Lions Club pa nan trabao di yudansa pa studiantenan di scol basico. Esaki ta den cuadro di un di e Global causes di LCI cu ta Hunger Relief cause. Di e forma aki Aruba Lions Club tambe ta duna su aporte pa yuda 5 biaha pa siman cu desayuno pa mas di 750 mucha cu ta bayendo scol. Despues di e presentacion sr. Fun a ricibi e cheque simbolico for di man di e actual presidente Lion Gerardo Figaroa. Pa e siguiente club meeting dia 26 di Augustus e guest speaker lo ta un representante di Fundacion Pa Nos Comunidad cu lo duna un presentacion na miembronan di e club. Aruba Lions Club ta un club di servicio cu pa casi 80 aña caba ta trahando pa
e comunidad di Aruba y ta bao di auspicio di Lions Club Internacional cu ta consisti di mas cu 46 mil club den mas di 200 pais y ta conta cu mas di 1.4 miyon miembro rond mundo y a cumpli 109 aña di existencia cu ta hacie e organisacion di servicio mas bieuw y mas grandi mundialmente. Por ultimo Aruba Lions Club ta compromote su mes pa sigui traha hunto cu su partnernan pa yuda mehora e calidad di bida di e pueblo pa medio di su diferente programa di servicio manera esun di Hospital Bed y Wheel Chair, Smile Mobile, Feria di Salud, Back to School Food Bags. Ta pidi pa pueblo keda pendiente pa Aruba Lions Club siguiente actividad. “WE SERVE”
su
P 13
DIAHUEBS 13 AUGUSTUS 2026
Parlamentario Edgard Vrolijk:
MINISTER GERLIEN CROES TA IGNORA CONSEHO DI LAR: CUATER SIMAN DESPUES, AINDA SIN CONTESTA
ORANJESTAD – Dia 10 di juli 2026, e Comision di LAR a emiti un conseho formal instruyendo Minister Gerlien Croes pa entrega e pruebanan di pago relaciona cu e uzo di un jet priva. Cuater siman a pasa y e Minister ainda no a contesta. Esaki no ta solamente un falta di transparencia, sino un negacion directo di un obligacion legal.
Un promesa cu e Gobierno mes a haci Riba pagina 12, punto 8 di nan propio acuerdo di gobernacion, Gabinete AVP-Futuro a compromete su mes na reenforsa e funcionamento di e Comision di LAR pa asina garantisa cu consehonan ta wordo emiti y respeta dentro di e termino stipula pa ley. E meta tabata cla: evita perhuicio pa e ciudadano, impedi gasto innecesario di abogado, y evita cu Gobierno mes ta malgasta placa di contribuyente na abogadonan pa cubri su propio negligencia. Awe, e Gobierno ta haci exactamente loke el a priminti di evita. Kico a pasa? Minister Croes a declara inicialmente cu e mes a paga e buelo den e jet priva, pa
despues cambia su version y bisa cu el a comparti e gasto. Pa e motibo aki, dos parlamentario a pidi e pruebanan di pago conforme articulo 59 di e Reglamento di Ordo, pero e Minister no a contesta. Consecuentemente, a sigui un peticion via e Ley di Openbaarheid van Bestuur (LOB), cu ta obliga e Minister legalmente na duna un contesta, pero e a ignora esaki tambe. Despues di e silencio aki, e parlamentarionan a acudi na LAR. E Comision a evalua e caso y a emiti su conseho dia 10 di juli 2026: e Minister tin e deber di entrega e informacion. Cuater siman despues, e Minister ta sigui den silencio. Dos opcion ta keda Minister Croes tin dos caminda: Opcion 1: Entrega e pruebanan: clarifica si e mes a paga e buelo of cu ken e a comparti e gasto. Conforme un opinion legal di un consehero specialisa den aviacion, un share cost sin e permiso adecua por resulta den consecuencianan legal serio pa e compania di aviacion involucra. Y si resulta cu un agencia di e Minister su propio
oficina a regla of financia e buelo, e situacion ta bira significativamente mas serio, pasobra esaki lo nifica cu e Minister a gaña tanto Parlamento como e pueblo. Opcion 2: Keda sin contesta: si dentro di seis siman e Minister no responde, e parlamentarionan lo acudi na Corte di Husticia. E pregunta pa pueblo Ta lamentabel cu, despues di casi nuebe luna di espera, mester acudi na instancianan legal pa un peticion di rutina cu den e resto di Reino Hulandes
ta algo completamente normal. Sinembargo, e punto mas alarmante no ta e silencio mes, sino e placa. Placa di pueblo ta wordo gasta na abogadonan pa defende e falta di contesta aki, cu ta recursonan cu por a wordo uza pa deporte, enseñansa, y e necesidadnan real di nos comunidad. E Gabinete aki a gaba di transparencia y bon gobernacion den nan propio programa, y awo Minister Croes ta den e posicion pa demostra si esaki ta mas cu simplemente palabranan riba papel.
P 14
DIAHUEBS 13 augustus 2026
Gobierno pendiente riba decision di Mike de Meza
Minister-president mr. Mike Eman a expresa su satisfaccion cu despues di un proceso largo y compleho, finalmente a yega claridad den e caso cu durante casi dos aña a mantene ing. Mike de Meza y su famia den un periodo di incertidumbre. Segun Prome Minister Eman, e resultado a marca e conclusion di un capitulo dificil, tanto pa e persona envolvi pero tambe pa Gobierno y nos pais. “Esaki ta un momento importante. Finalmente tin claridad den un proceso cu a dura hopi tempo y cu a crea hopi incertidumbre. Como Gobierno, nos ta alivia cu e capitulo aki por cera,” Prome Minister Mike Eman a declara durante un momento di prensa extraordinario diamars anochi. Prome Minister a expresa su reconocemento pa e manera cu Mike de Meza a enfrenta e proceso cu dignidad, perseverancia y respet pa e institucionnan di estado. El a destaca cu
e impacto di e situacion no a limita su mes solamente na colega de Meza, sino cu su famia tambe a carga e peso di e proceso durante e ultimo casi dos aña. “Cu un persona su bon nomber ta poni na duda, esey tin un impacto profundo, no solamente riba e persona mes, pero tambe riba su famia. Merece reconocemento pa e forma cu el a enfrenta tur e situacion aki,” Prome Minister a indica. Na e momento aki, Mike de Meza a comunica cu e kier tuma algun dia adicional pa reflexiona prome cu tuma un decision definitivo tocante un posibel nombramento como mandatario. Gobierno ta respeta completamente e decision di duna e espacio necesario pa reflexion y lo sigui e proceso institucional una bes cu e comunica su posicion. Prome Minister a enfatisa cu e situacion actual no ta cambia e compromiso di Gobierno cu continuidad administrativo ni cu e ehecucion di su programa di gobernacion. Gabinete ta sigui cumpli cu su responsabilidadnan y e prioridadnan di Gobierno ta keda enfoca riba bienestar di pueblo di Aruba. Durante su declaracion, Prome Minister a indica cu Gobierno ta mira e
conclusion di e proceso tambe como un momento di reflexion pa e pais. Segun Premier Eman, e caso a pone na prueba diferente mecanismo institucional, incluyendo e proceso di screening y evaluacion cu ta forma parti di e procedimento pa nombramento di funcionarionan publico. Como pais nos por saca enseñansa di e proceso aki. El a pone nos institucionnan na prueba y ta importante cu nos sigui fortalece e procedimentonan institucional, semper cu respet pa estado di derecho y pa e garantianan cu nos sistema legal ta brinda na tur ciudadano. Mike Eman a destaca cu colega Meza ta un persona cu durante hopi aña a prepara su mes pa carga responsabilidad gubernamental y cu, durante e periodo pasa, a sigui dedica su atencion na diferente tema di importancia nacional, incluyendo desaroyo di infrastructura, energia y otro prioridadnan strategico pa Aruba. “Loke ta importante awe ta cu finalmente tin claridad. Gobierno ta mira padilanti y lo sigui e proceso cu responsabilidad y respet pa e decision personal cu Mike de Meza mester tuma,” Prome Minister a afirma.
BIG MAMA NA BABY BEACH ARUBA Unico den su estilo Original y bibo Bunita decoracion di nos banderin blauw di Aruba Un dushi toke cultural sin duda! Ora turistanan ta elogia Ora turistanan ta gab'e Cu no tin dos manera e Nan platonan di cuminda sabroso Ay e dushi pan bati cayente dorna cu keeshi E Dino y e auto di Picapiedras fantastico Of e Big Mama mes gigantesco impresionante pa saca potret cu ne Bo tin cu bay bishite!
E stoel y mesanan firme duro y robusto refina Den bo badpak mes bo ta sinta y acomoda Un staf y personal balente, amabel y servicial Cu nan atencion carinoso atento punctual y special Nos tawata turista riba nos mesun isla Mi nietonan a drenta laman Pa despues nos saborea un di nan super dushi sandwichnan Un coca cola bon frieuw Sirbi pa un di nan talentoso waiternan Aruba danki y pabien cu un lugar di come asina original dushi y famoso Nos bishita serca boso un zjeito y un gozo ! Bendicion pa famia Raven di Aruba Bendicion y mas exito pa boso sin duda ! Ruthy Lady Ruth
P 15
DIAHUEBS 13 augustus 2026
FORTALEZA PA FAMIA Scirbi pa Pastor Marcel Balootje.
SENJOR, SINJA NOS; STIMA, EDIFICA Y SIRBI OTRO Palabra di Dios ta manda nos stima Dios riba tur cos, y stima nos prohimo manera nos mes. Na prome lugar ora nos ta stima di curason, pasobra stimacion ta bini di curason, nos no ta pensa pa haci malo na otro, ni tampoco stroba otro, ni pone otro su bida na peliger Hende ta stima otro, pero diabel no ta stima, pasobra e no por stima, den dje no tin stimacion, e ta e fuente di maldad, orguyo, odio, envidia, egoismo, division, inmoralidad, pasobra e a bini solamente pa horta mata y destrui.( Juan 10:10). Como yiunan di Dios nos mester stima otro, pasobra amor ta bini di Dios, aunke nos ta mira con leu e sistema di mundo ta bay contra palabra di Dios, nos mester keda den boluntad di Dios cu nos amor un pa otro. Nos ta bibando den un tempo cu bida di hende a perde balor, respet pa hende a bay for di moda, balornan di famia, y balornan di comunidad a cay abao, e cooperacion di antes , e bista cu un tabata tira pa otro, no tey mas , pasobra awor placa tin hende ciego, y hende no kier ta responsabel mas.
Palabra di Dios ta bisa nos lo siguiente: Pasobra boso a wordo yama pa libertad,rumannan solamente no usa boso libertad, como un oportunidad pa e carni,ma laga un sirbi otro pa medio di amor.( Galationan 5:13). No laga ningun palabra danino sali for di boso boca,sino solamente palabra cu ta bon pa edificacion, conforme e necesidad di e momento, pa esaki por duna gracia na esnan cu ta tende. ( Efesionan 4:29), Riba tur cos keda ferviente den boso amor pa otro, pasobra amor ta cubri multitud di pica. Duna posada na otro sin murmura. Como cu cada un a ricibi un don special, huse pa sirbi otro como bon mayordomo di e gracia multiforme di Dios.( 1 Pedro 4:8-10). Pasobra e Yiu di hende no a bin pa wordo sirbi,ma pa sirbi, y pa duna Su bida como preis di rescate pa hopi.( Marco 10:45).
Ta deber di cada mayor di sinja nan yiu con e tin di trata cu hende, pasobra locual e no sinja na chikito, e ta bay trompica na grandi, y e falta di comunicacion, y mal actitud ta haciendo
danjo na matrimonio y famia. Un homber of muher cu no a hanja instruccion den amor di famia for di chiki, na grandi su matrimonio ta corre peliger, pasobra e no sa con pa trata esun cu e ta biba cune. Ora mayor no ta duna bon ehempel den cas e yiu ta bandona cas, bay casa cu su esposa, pero pa motibo di mal formacion di karakter y actitud violento, cu e a mira for di chiki con su mayornan ta trata cu otro, e ta bay tin hopi sufrimento den su matrimonio,pasobra
Oracion Di Dia
matrimonio ta algo nobo y e no por draai riba experiencia bieu.( Genesis 2:24). Laga tur loke boso haci wordo haci cu amor( 1 Corintionan 16:14). Pesey encurasha otro y edifica otro, mescos cu boso ta haciendo tambe. ( 1 Thesalonisensenan 5:11). Apresio pa bo prohimo, no solamente ta demostra cu bo tin bon manera y ta respeta,
pero e ta demostra cu e amor di Dios ta biba den bo curason, y locual bo curason ta yen di dje, esey ta sali for di bo boca. No tin nada mas bunita, cu stima, edifica y sirbi otro, musta otro e caminda pa berdad y bida, mustra e caminda di Cristo Hesus cual ta hiba na salbacion y bida eterrna. Sinceramente, Marcel Balootje.
Pastor
Un feliz dia yena di bendicion y misericordia di Dios. E ora ey Pedro a acerca Hesus y puntr’E:”Señor, cuanto biaha mi mester laga mi ruman peca contra mi y toch pordon’e? Te shete biaha?” (Mateo 18, 21) Hesus a bisa no shete biaha, pero setentishete biaha shete, mester pordona otro tur dia di nos bida. Si un hende no ta dispuesto na haci bon cu su prohimo, e no por ta un Cristian berdadero, e no ta digno pa tuma parti na e mesa na cua Hesus ta combida siguidonan. Solamente esnan cu a trata na pordona otro ta capaz na ofrece Dios un sacrificio den su bista. Dios no lo mustra misericordia ora e husga esun cu no tawatin misericordia cu otro hende, pero esun cu si tawatin misericordia lo sali victorioso na momento di huicio.(Hacobo 2, 12-13) Misericordia mi kier y no sacrificio. Mi no a bini pa yama hende husto, ma pa yama pecado.( Mateo 9,13) Oracion: Señor Hesus Abo cu ta misericordioso y cu ta cla pa pordona nos y cu ta bisa nos cu boso mentalidad mester cambia henteramente y boso mester bisti e bisti di un hende nobo, siña nos con pa pordona y pa ta misericordioso cu nos prohimo pa medio di Cristo nos Señor. Amen.
P 16
DIAHUEBS 13 AUGUSTUS 2026
QUIZNIGHT PA SUDOKU JESSICA MADURO SU BIRTHDAY ‘26
Total a participa 6 grupo n’e celebracion 48 di Jessica Maduro (psicologo) su cumpleaño na Papilon. E organisador y MC tawata Addonsito Croes. E gruponan cu a participa tawata “Streanan di Papilon, 6/7, The Cheaters, IT, Chispa y Purba pa sa”. E categorianan tawata: Aruba, Berdad of Falso, E Caha Magico, Get the picture y Noticia di siman of luna.
Na final a saca e dos personanan MVP pa nan animo di e anochi. E grupo ganador a resulta: “Purba pa sa”.
Cu musica di Disco y dj Puchi Puchi, tur presente a gosa di un anochi di celebracion bunita y bon hinca den otro. E catering tawata di Benny’s grill.