Page 1

Diahuebs Februari 8

ARUBA MESTER EVITA PA BAY RIBA ‘BLACK LIST’ SINO NINGUN INVERSIONISTA TA BIN ARUBA

1

URATA CENTER Awe Diahuebs 8

Februari 8 2018

Mix Cutsmall, Fried Rice, Batata & Banana 585 5212

HUEZ A PARALIZA DEPORTE Y A LAGA MINISTER DANGUI ODUBER “LAM” Abogado Anthony Ruiz riba caso Lotto:

Gobierno ta prepara pa bay apela e caso Si bo cambia e statutonan na bo propio beneficio, bo ta actuando den violacion cu bo propio “code of conduct”

Musiconan di Corsou kier bula Buleria for di Festival di Tumba 2019

MINISTER PRESIDENT EVELYN WEVER-CROES TA CUMPLI CU SU PALABRA

BAHA GASTO TA CUMINSA CERCA E MINISTER MES!


2

Diahuebs Februari 8

Parlamentario Setty Christiaans-Yarzagaray:

Preocupacion pa loke ta e no-cumplimento cu normanan den nos pais

E situacion financier preocupante tabata e topico principal cu parlamentario Setty ChristiaansYarzagaray a amplia ribadje den e conferencia di prensa di fraccion di MEP ultimo, caminda el’a trecepadilanti su preocupacion pa loke ta e no-cumplimento cu normanan den nos pais. Sin duda cu semper normanan ta existi, si mira por ehempel den pasado con a stipula un norma di debe relata na GDP di 40%.

Jaarverslag 2013 Raad van Advies Sinembargo ta importante pa wak con den transcurso di tempo tabata tin cierto desaroyonan cu a bay contra norma, contra e mantenimento di un maneho financier sostenibel. Hecho ta cu desaroyo sostenibel ta cuminsa na desaroyo financiero, desaroyo economico y desaroyo social. Aki e parlamentario a referina e Jaarverslag 2013 di Raad van Advies cu a trata e presupuesto supletorio 2013. Raad van Advies no tabata di acuerdo cu entregamento di e presupuesto supletorio y a duna conseho pa no uni na contenido di e rapport aki y te hasta a conseha, debi na e hecho cu a

surpasa e presupuesto, cu esaki tabata contra ley ya cu e no ta cumpli cu art. 31 di ley di Comptabilidad. Te hasta Raad van Advies a conseha pa traha un ley di indemnizacion pa e minister y p’asina no persigui e minister aki civil- y penalmente. Parlamento di e tempo ey no a controla, pero a bay toch di acuerdo pa surpasa e presupuesto.

Nota Financiën 2014

Na 2014 e minister di Finanzas di e tempo eya saca un rapport “Nota Financiën 2014 behorende bij de landsbegroting 2014. Op weg naar een duuurzame houdbare overheidsfinanciën” Den e nota aki e minister ta papia con gobierno a dicidi di bay pa un begroting anti ciclico, caminda inversion lo stimula economia y stimulacion di economia lo trece mas entrada pa caha di gobierno. Sinembargo den e rapport e minister a bisa tambe cu nan no a logra realiza e meta aki y ta p’esey nan lo bay bek na e forma tradicional di presupuesto. E tempo ey na 2014 ya nan a yega na un debe cu ta 73.6% di nos GDP. Na e mesun aña 2014,Gobierno anterior a haya un Aanwijzing y esaki debi cu nan no a cumpli cu e norma den e presupuesto. Si na 2008 e debe

tabata 42% di nos GDP, na 2014 esaki a aumenta te na 73.6%. Resultado di tur esaki tabata cu e minister di Finanzas di e tempo ey mester a bay.

Rapport CAFT 2017

Siguiendo cu e topico di nocumplimento di normanan, sra. Christiaans-Yarzagaray a trece padilanti e rapport di CAFT di 30 November 2017 y cual ta basa riba e reportahe di e tercer kwartaal di 2017. Aki tambe a resulta cu e gobierno anterior no a cumpli cu e norma stipula: Tekort norm niet behaald! Hecho ta cu tur instancia ta papia e mesun idioma, tanto IMF, CAFT, Directie Financiën, Raad van Advies, CAD, ARA. Nan tur a duna toolsnan con pa yuda controla gobierno. Pero ta oposicion so no ta comprende e idioma di tur e instancianan aki. Tambe sra. Christiaans a trece padilanti cu durante e reunion di presupuesto supletorio na December ultimo, e ex-Minister Arends a usa e palabra ‘artificial’. Pero e normanan tambe ta artifical. Por mira den diferente documento cu no tabata tin solucionnan structural pa yega na e problematica financiero cu ta data for di 2013. Pregunta ta, di con e normanan no a wordo logra? Un ehempel ta e sumanan cu

a ser presupuesta pa loke ta entrada di belasting. Si bo no yega na e sumanan pasobra bo economia no ta draai of bo ta gasta mas placa, bo no ta yega bo normanan. Otro ehempel ta e gastonan di personal den e tercer kwartaal 2017 cu a hasta aumenta cu 9.9 miyon florin extra, esta den campaña, pasobra gobierno a tuma 187 personal extra den servicio. Aki pues no a cumpli tampoco cu e norma di CAFT.

Minister Otmar Oduber:

Cu tecnologia cu RFI ta brinda por mira si por soluciona e problema di desperdicio na Aruba : Cero na Parkietenbos ya ta yegando su 22 meter caba

Poco poco Gobierno ta pone e machine wordo zeta bek pa sigui bay padilanti, mientras tanto trabao ta sigui. Segun minister Otmar Oduber, tur hende cu a sigui noticianan di St. Maarten, a mira e desaster cu por wordo ocasiona aki na Aruba tambe y esey ta cu e situacion na Aruba ta hopi pior compara cu St. Maarten, pa loke ta trata nos dump. Por corda con na numeroso ocasion a priminti cu lo cera e dump. Aña pasa na Januari, promesanan a wordo haci cu lo a cere y nunca a cumpli cu esaki. Nunca a traha un plan structural manera cu ta tumando lugar awor aki.

Awe, dia 8 di Februari, ta dia cu e RFI ta sali pa mundo, pa companianan local y internacional. E ta bay ta na Europa, Merca y Latino America, caminda cu Aruba, mediante di un steering committee ta wordo lanta cu sosten di TNO y tambe WEB Aruba NV, ta join, cu ta mustra cu ta pone tur cabez hunto. Departamentonan, sector priva, ATIA, cu tin representacion. Esnan cu ta biba den e vecindario di Parkietenbos, como tambe casonan cu ta envolvi. Tur hende cu a sign off riba e rapport cu e minister a haya un siman y mey pasa, y pa cual e RFI aki ta sali pa mundo, por yuda Aruba, por duna nan

tecnologia cu nan ta mira cu lo por ta un solucion pa loke ta trata nos desperdicio na Aruba, con ta maneha esaki y tambe con nos ta sanea den e caso aki, Parkietenbos, cu ta yegando 22 meter di haltura. Ta un cero completo contra tur norma internacional, contra tur tratado cu tin cu no ta cumpliendo cu nan na e momentonan aki y cu simplemente a bisa como gobierno, como Gabinete Wever-Croes, cu esaki no por continua. E no ta aceptabel. Si mira kico tur ta sosode eyriba, cu e minister mes a keda asombra, babuca, con practicamente tur cos ta wordo tira riba e landfill

aki, incluyendo organonan humano, bestianan morto, desperdicio di hospital, hangua, remedi, tur cos ta wordo tira riba e dump aki, como si fuera nada no lo pasa. Naturalmente e peliger pa un outburst, pa malesa cu por wordo contagia pa e hendenan cu ta traha eyriba, no solamente di Serlimar, pero tur otro compania cu ta traha eyriba, por bira un epidemia na Aruba. Ta increibel cu no a actua prome, conforme loke nos ta haciendo awor aki. E ta iresponsabel y pesey ta pone atencion riba esaki. E minister ta contento cu e RFI aki ta sali awe, pa asina por haci un destaho publico

pa mira kico lo bira un solucion pa pais Aruba.


Diahuebs Februari 8

Huez a paraliza deporte y a laga Minister Dangui Oduber “lam”

Cu e decision di huez cu a bira conoci ayera, ta significa cu huez a paraliza e maneho nobo di deporte cu e gobierno actual kier a hiba. Minister Dangui Oduber a keda “lam” awor, pasobra e no tin control di e Fundacion pa asina por hiba un maneho pa deporte. Si a wordo haci varios promesa den campaña, cu lo bay bek na Canada pa kibra e contract, awor a bin sali na cla cu tanto Canada como Lotto a wordo protegi pa huez, unda practicamente Minister ta “lam lam” y no por haci mucho. Remarcabel ta cu tur e miembronan di bestuur actual,

3

a haya un “cabey boto” via e caminda politico. Sinembargo awe nan a haci Lotto “mep-proof”, mescos cu un holoshi “water –proof”. Claro, cu esaki no ta un comportacion normal! Sinembargo lo bira un lucha awor pa Gobierno por kibra e “monopolio” aki di AVP su bestuur den Lotto, unda cierto hendenan a kere cu nan a bira famia real di Lotto. Por lo pronto, Gobierno ta keda lam y no por haci net nada pa cu deporte.

Abogado Anthony Ruiz riba caso Lotto:

Gobierno ta prepara pa bay apela e caso Si bo cambia e statutonan na bo propio beneficio, bo ta actuando den violacion cu bo propio “code of conduct” E caso cu a tuma lugar ayera pa loke ta e directiva di Lotto pa Deporte, sigur tabata un sorpresa pa gobierno, mirando cu huez a sali na defensa di nan y a considera e caso aki nietig. Abogado Anthony Ruiz, kende ta representa Gobierno a comenta den un entrevista, cu si bo percura pa cambia e statutonan na bo propio beneficio y bo ta actuando actualmente den violacion cu bo propio code of conduct, door di alarga e tempo pa keda den bestuur y nada di esey ta wordo bisa, ta hopi lamentabel. Ta bay apela y tin tur confianza cu por trece e caso aki na un bon resultado. Segun abogado Anthony Ruiz, tin tres siman pa apela y por bisa cu ya ta trahando caba riba e apelacion, despues cu haya instruccion di minister. Claramente mester bay sinta cun’e ainda pa dun’e tur e consehonan relevante cu a pidi pa por dun’e y den transcurso di siman e lo haya esaki. Awor aki abogadonan ta analizando e sentencia y ta convenci cu por trece un bon resultado.

Revoca

E problema cu lo bay sinta ta cu mayoria biaha, huez di un kortgeding rechter, si e sa cu ta un bodemrechter, ta bezig cu e caso, e ta warda su decision un rato. Eigenlijk awor aki ta mara cu e bodemzaak cu tin cu cuminsa pa caba of mester cuminsa cu uno den un of otro manera, pasobra e huez di apelacion ta bay purba di wanta su sentencia, pasobra e kier pa un bodemrechter dicidi prome riba e sentencia. Ta den un situacion un tiki fastioso, pero no ta indefenso. Minis-

ter ta bay wordo avisa corectamente. Locual cu ta conseh’e y e strategia huridico cu minister lo haya pa e por ehecuta e vision riba deporte cu e tin den mente, lo ta algo entre nan como abogado y su persona. Esey no por wordo divulga den prensa.

Interes di e dos partidonan

Por a tuma nota cu huez a sali na fabor di interes di e fundacion, mientras cu di otro banda, tin un ministerio di deporte cu tin un compromiso, tin un obligacion cu pais Aruba, pa ehecuta proyectonan pa loke ta deporte. Awor te con leu hueznan lo kier obstaculiza y cual ta esun cu ta pisa mas ta e pregunta. Segun abogado Ruiz, e caso aki ta mir’e riba un parti huridico, si e ta obstaculiza e maneho di e minister. Loke si e abogado a bisa cu e statutonan ta duna e minister tur oportunidad pa nombra y kita un hende den e posicion aki y e minister, contrario na e minister anterior y e programa di partido anterior, tin un otro maneho y e miembronan di directiva a bisa, cu nan ta dispuesto pa bay ehecuta tur locual minister pidi nan. Asina e strategia ey a wordo usa, door di e miembronan actual di e fundacion. Nan no ta mira razon pakico kita nan. Minister tin un poco problema cu esey, pasobra e ta bisa cu loke e kier pa ehecuta ta asina contrario na locual cu nan a haci ultimo tempo y vooral riba e hecho cu den e regeer- akkoord ta para cu lo bay kibra e contract di Canadian Notebank y nan ta responsabel pa drenta den e contract ey, con por traha

cu hendenan cu ta asina un totalmente diferente pensamento riba e maneho di deporte, di locual cu e mes tin. E tin un contenido claramente. Pero e minister a basa su mes riba statuut y statuut ta bis’e cu e por nombra y kita un hende y awe huez a bis’e cu e ta kere cu e no por yega haci esey. E tin cu confia tur miembro di bestuur cu partido AVP a nombra y si acaso, den e bestuur ey, Henny Eman, Mike Eman y minister Dowers ta den dje, Minister Dangui Oduber mester traha cu nan, pasobra ta di interes di e stichting.

Contradictorio

Segun Ruiz, ora e lesa e sentencia, e ta

un tiki babuca. Como abogado, no tin abogado cu ta gana so. Den e trabao aki bo ta gana y perde y ora cu perde y ta haya un sentencia cu ta argumenta na tal manera cu bo ta sintibo comodo den dje y bo ta biba cun’e, bo ta sintibo mas mihor. Pero den e sentencia aki, manera cu e huez aki a considera y mirando su actuacion durante di corte, e abogado ta un tiki asombra na e manera cu el’a hink’e den dje, pero lo sa na un manera mas netjes di apela e caso aki y purba di sirbi e interes di e minister den e caso aki y pais Aruba naturalmente. Awor aki e caso ta wordo studia y lo purba di somete e apelacion mas rapido posibel, claramente tin cu mira tur e posibilidadnan cu tin den e caso aki.


4

Diahuebs Februari 8

Opinion Publico CAFT & ARA:

Aruba su situacion financiero ta desastroso ( Parti 1) Awor cu Aruba ta den gara di alegria cu Carnaval y mayoria hende no tin mucho atencion pa asuntonan menos agradabel, ata ARA/Controlaria General y CAFT ta bin conta pueblo con desastroso e situacion financiero di Aruba ta. Aunke esaki no ta un sorpresa pa hendenan cu durante varios aña a bin ta bisa con Mike Eman y AVP tabata derocha finanzas publico. Hopi no kier a kere y ciegamente tabata bay tras di e mentiranan di Mike Eman y su gang di bandido. Awor cu CAFT y ARA cu cifra a pusha e berdad amargo bao di nan nanishi, hopi hende ta den shock y no por kere. Mike Eman y AVP ta bay den historia como esnan responsabel pa a malogra nos pais y lo mester trecenan nan tur dilanti husticia. Un elogio grandi ta bay pa e personal di ARA cu a produci un rapport bon documenta na unda Aruba claramente por mira e desaster causa pa Mike Eman y su sequaces. Mike tabata gusta bisa: “Nos no ta papia, nos ta haci”! Ata aki e deterioro enorme cu el’a haci, na unda el’a haya debe di Aruba na 43% y den 6 aña a redobla esaki te na 87% y acerca el’a endueda nos tur cu mas di 1 BIYON florin (1.000.000.000)! ARA su rapport ta encera 2010 pa 2016 y ta tristo con AVP su miembronan den Parlamento ciegamente tabata vota PRO, sin cu nan tin informacion completo riba e proyectonan y varios a tuma lugar enpugna cu

Reglanan di Contabilidad ora minister riba su mes tabata duna proyecto na amigo y famia sin destaho publico. E pregunta crucial ta keda: Con por ta posibel cu ARA y CAFT no a bati alarma riba e desaster financiero di Mike? Na aña 2015 CFT a menciona e peliger di proyectonan PPP pa Aruba den nan concept-rapportage, pero esaki a keda afor den e rapport definitivo, na unda nan a laga sa cu Aruba ya a yega na su plafond di debe y cu por lo pronto NO mester sigui cu e Ringweg cu AVP a duna e nomber Watty Vos Blvd. Mike a core firma contract cu un compania pa traha e Ringweg cu awe ta un desaster y mester busca experto di Hulanda pa bin mira con por salba e proyecto. Despues CAFT no a bay mas den profundidad di e proyectonan PPP. Kico ta e motibo? AVP manera ta conoci ta liga na e partido CDA y hasta riba AVP su lista pa eleccion, nan ta menciona CDA. Den pasado a ser publica den prensa cu Mike tin su hendenan di CDA ta lobby pe na Den Haag y cu nan ta riba payroll. Nombernan di e.o. Balkenende. Brinckhorst, Hillen etc. a ser menciona. E actual presidente di CAFT, prof.dr. Raymond Gradus durante añanan 2008 te cu 2015

tabata director di e Instituto Cientifico di CDA, manera AVP su FESCA unda Richard Arends a haya su UNICO experiencia. Lo por ta posibel cu Mike su relacion cu CDA, por tabata tin cierto influencia pa CAFT no publica mucho badabada di Mike/ AVP? Aunke CAFT tabata duna su opinion critico, toch cada biaha nan tabata tin un elogio chikito pa Mike acerca! Si tuma e instancia importante manera ARA/Controlaria General, por a mira con durante e huelga bergonzoso di Mike dilanti Oficina di Gobernador, e homber importante di ARA tabata bishita Mike bao su tent casi tur dia y ta ser bisa cu ultimo añanan- despues di un desaster cu aviacione tabata coordinador di Mike cu un salario barbaro! Con un hende asina por tin curashi pa laga pueblo sa con Mike y su bandidonan tabata derocha placa di pueblo manera no tin un mañan! E tempo ey e tabata tin un conflicto di interes enorme! Ta bon cu Mike/AVP no tey mas, sino awe ainda kizas no a tende mucho cos ni di CAFT, ni di ARA! Parce a awor hopi ta sigui e lema di “SIN MIEDO”! Gobierno di Mike nunca a pone prioridad pa loke por y loke no por, tabata manera “the sky is the limit”!

Minister Otmar Oduber:

E situacion di desperdicio na Aruba ta uno mas peligroso cu esun di St. Maarten Environbales por yuda cu e solucion Poco poco ta yegando na un fase caminda cu kier para y stop pa un 90% e actividadnan cu tin riba Parkietenbos, cu ta mediante e Environbalesnan cu ta wordo produci pa Ecogas, caminda cu Serlimar ta sinta na mesa cu nan. Tin henter un proyecto cu si esaki duna resultado, e mesun stuurgroep aki ta percura pa e paketenan aki ta non-toxico, cu no ta causa ningun daño na subsuelo. Pesey a laga traha den e caso aki, DVG, hunto cu DNM, a haci un investigacion den exterior na laboratorionan experto, cu a constata esaki, pa cual motibo cu na Sero Tijshi a cuminsa cu e proceso a cuminsa yena e buraconan, segun minister di infrastructura y medio ambiente, Otmar Oduber. Tin 19 buraco cu tin rond di Aruba, di cual tereno cu no tin ningun balor. Ey

ta caminda cu nan tabata coba santo cu piedra den pasado, cu por ta parti di e solucion cual ta implimentando na e momentonan aki, pero semper y cuando cu ta wordo haci cu tur cautela necesario. Percura pa tin e linernan necesario pa no daña subsuelo. Ta tumando esaki hopi na serio, pasobra bo no kier yega na e punto di loke a pasa na St. Maarten. Ey nan a cera school, comercio ta perhudica. Peliger di gas cu ta tumando lugar y tambe explosionnan, cual ta cosnan cu kier evita na Aruba. E situacion na Aruba ta hopi peligroso, di loke tin na Parkietenbos.


Diahuebs Februari 8

5

MINISTER XIOMARA RUIZ-MADURO TA ACLAREA PUBLICACION TOCANTE CUERPO ESPECIAL ARUBANO! Den un publicacion den e edicion di Solo di Pueblo di ayera a sali e informe cu Minister Xiomara Ruiz-Maduro lo ta rabia cu esnan di Cuerpo Especial Arubano, ya cu segun a wordo treci dilanti den e publicacion cu aparentemente CEA lo a laga dos politico di opositor drenta oficina di e minister pa saca un potret y pa e motibo ey e mandatario lo ta rabia cu CEA. Minister Xiomara Ruiz-Maduro ta aclarea cu ningun mo-

mento su persona ta rabia y/o ta kere cu esnan di CEA na bestuurskantoor lo a permiti e dos politico di AVP drenta su oficina pa saca potret. Minister Xiomara Ruiz-Maduro tin pleno confianza cu esnan di CEA ta cumpli debidamente cu nan trabao y no tin ningun motibo pa duda den esaki. Cu esaki ta aclarea e publicacion eroneo cu a sali den Solo di Pueblo di ayera.

Di otro banda Minister Ruiz-Maduro un vez mas ta condena e hecho cu opositornan ta trece mentira dilanti di un documento cu apenas 22 di Januari ultimo el’a ricibi for di Departamento di Recurso Humano. E dos politiconan mester ta serio den nan trabao y stop cu wega den e caso aki, cual nan gobierno di AVP a neglisha pa 5 luna largo. Ta e gobierno aki a bin ta atende e caso aki cu e seriedad y deligencia necesario.

Documento ESTA ta haci e trabao mas facil pa migracion Aruba su yegada. Pa e aerolineanan e uso di ESTA ta bay haci nan trabao hopi mas facil pasobra nan lo tin cu solamente controla si e persona tin su ESTA. Si e no tin’e e no por subi

avion.

Segun sr. Vingal: “E parti di seguridad ta importante pasobra hopi biaha nos sa haya nos cu un persona na frontera di cual nos no tin informacion di polis cu por ehempel el’a yega di haci algo cu husticia. E persona aki por

purba drenta toch. E ESTA ta yuda nos pa nos tin un idea adelanta kende ta bin Aruba y nos por tuma e pasonan necesario den casonan di interes pa Aruba.

TA WAAK PA MUCHA DURANTE PARADA CARNAVAL SAN NICOLAS.. Sunnyside Daycare

Cu introduccion di e rekisito obligatorio un turista sin su ESTA no por drenta Aruba. Manera ta conoci ya pa basta tempo tin planea pa introduci ESTA na Aruba. Ta bezig cu ultimo detayenan cual ta entre otro e conexion cu banco pa wak con e pago lo tuma lugar. Tambe e parti huridico y e plan di comunicacion cu e turista por sa na tempo cu ESTA ta bira un rekisito obligatorio pa por drenta Aruba.

ESTA kier meen “Electronic System for Travel Authorization”. Esaki ya ta conoci na Merca caba. Segun director Gerald Vingal di IASA – Migracion Aruba, e

beneficionan pa nos aki na Aruba ta cu di antemano nos tin un idea kende tin pensa di drenta nos isla. Si un persona haya un NO pa e ESTA, nos tin un tempo di 48 ora pa analiza y investiga e motibo di e negacion, pa asina haya mas informacion. Si por ehempel e persona aki tin un alerta riba su nomber por medio di polis, Voogdijraad of cualkier otro instancia, nos por tuma e decision di laga e persona aki drenta toch pa motibo cu e ta di interes pa autoridadnan y na su lugar ta avisa esnan cu a pone e alerta. Nan lo sa ki dia y ora e persona ta drenta y por atende e persona aki na

Ta ofrece Cuido pa muchanan en conexion cu Parada Grandi na San Nicolas. Diasabra, 10 di Februari 2018 Orario: 10:00 am te cu 7:00 pm Ta inclui cuminda cayente. Sunnyside Daycare ta situa tegenover Video One na Santa Cruz #318

Pa mas Informacion por tuma contacto cu Juffr. Sue na 560-2851.

Cupo ta limita, asina ta yama awe mes pa reserva bo cupo!


6

Diahuebs Februari 8

Ta spera di haya contesta di Minister den corto tempo:

KVK A REUNI CU SINDICATO DI DOUANE PA COMPRONDE NAN BANDA DI E SITUACION

Diamars, 6 di Februari ultimo Camara di Comercio y Industria di Aruba (KvK) a tene un reunion cu sindicato di Douane SADA pa por scucha di nan banda encuanto e situacion pa cu e convenio di inschaling y salario nobo pa Douane. E reunion tabata uno fructifero caminda cu e sindicato a splica cu nan meta den tur esaki ta pa haya reaccion al caso di parti di Minister di Finanzas, Economia y Cultura riba e convenio y ta lamenta e falta di comunicacion cu tabata tin te awe. Douane ta na altura di nan contribucion na caha di Gobierno y influencia cu algun accion di nan banda tin pa na economia di Aruba. Nan a indica cu nan kier a haya oido cerca Minister sin tin mester di recuri na tuma accion extremo. E no ta e intencion pa organiza un huelga, cual impacto lo ta mucho grandi pa pais Aruba. Loke si a tuma lugar ta un reunion

cu tur e miembronan di e sindicato durante ora di trabao. Douane semper ta opta na otro formanan pa tuma accion prome cu considera pone trabao un banda. KvK a informa di su banda cu e accion di poco ora aki toch a haci un efecto di preocupacion den mundo comercial y a causa algun leve retraso den salida di carga e dia ey, Douane a splica cu a haci un accion di recupercacion di e retraso aki y tabata tin atencion pa carganan vital pa nos economia por drenta mercado durante di nan reunion. KvK di su parti ta haci un apelacion na Minister di Finanzas y Economia pa reacciona riba e peticion di Douane. Ta pidi pa trece dilanti claridad riba e conseho cu Minister tin encuanto e convenio y ki accion lo ser tuma mirando cu esaki lo mester a wordo implementa dia 1 di Januari

2018. KvK ta tuma nota di esaki y ta keda pendiente pa aclaracion di e Minister.

KvK kier gradici sindicato SADA pa acepta e invitacion pa reuni y ta hopi satisfecho cu e resultado.

KvK ta desea pa pronto bin cu un solucion pa e situacion aki.


Diahuebs Februari 8

7

Sindicato SADA kier reacciona riba e situacion rond di e convenant cu a wordo firma pa laga sikiera un miembro di bestuur ta presente. Pa sorpresa di president, e Minister a bira sarcastico y a burla di e posicion di sindicato despues di a lesa e carta cu SADA a bin entrega. El’a bisa, cu si kier bay corte por bay corte numa, pero lo perde. E arogancia y falta di respet aki nos no a conoce di e Minister anterior. Tabata tin desacuerdonan y a yega di bay den accion varios biaha, pero semper e trato tabata cu respet pa otro. Sindicato SADA kier reacciona riba e situacion rond di e convenant cu a wordo firma despues di un proceso largo na unda diferente departamento, e Minister di Finanzas, nos di SADA y tambe Landsbemiddelaar tabata envolvi. Laga no scuminsa na bisa cu nos di SADA no kier wordo envolvi den ningun wega politico y mucho menos wordo pinta como‘ muchanan manda’ di ningun partido politico. Nos ta para pa nos miembronan independiente e signatura di e gobierno. Esey nos a bin ta mustra bon cla den e manera cu SADA a opera e ultimo añanan. Un biaha mas, e convenant ta e resultado di e trabao extensivo di un comision consistidi DRH, leiding di Douane y SADA, cu a wordo instala por medio di un Ministeriële Beschikking na December 2016. E trabao di e comision a resulta den un acuerdo cu a wordo poni den convenant cu a wordo firma door di e Minister di Finanzas anterior, director di Aduana, Landsbemiddelaar y SADA despues di a wordo aproba den ministerraad. Nos ta corda cu durante e proceso aki SADA a bay den accion na varios ocasion, na unda

cu varios parlamentario di MEP, entrenan sra. RuizMaduro, a expresa nan sosten na nos e tempo ey. Pa bin bek riba e situacion actual, nos a manda un carta caba dia 5 di Januari 2018 na e Minister di Finanzas mr. Xiomara Ruiz-Maduro tocante e convenant. Lamentablemente nos no haya ningun contesta riba esey, locual nos ta haya un falta di respet na nos miembronan cu nos ta representa. Despues cu e luna di Januari a pasa, tabata claro cu Land Aruba no cumpli cu e convenant y e derechonan di nos miembronan a keda viola, a yama un reunion dia 1 di Februari 2018, cu nos miembronan. Ey a dicidi di bolbe manda un carta y entrega esey na Bestuurskantoor e mesun dia. Na Bestuurskantoor e Minister no kier a baha pa tuma e carta pero solamente kier a ricibi e president di sindicato y a nenga di laga otro miembro di bestuur drenta su oficina. E president di sindicato a informa e Minister cu asina p’e no ta un reunion oficial, debi cu no por sinta cu e Minister y su consehero sin bestuur di SADA. E Minister insisiti ya cu ta e ta dicidi y a ignora e peticion di e president di sindicato

Nos ta puntra nos mes ta con nos lo wordo trata den añanan v enidero cu un Minister cu ta mustra cu e no tin respet pa nos sindicato y asina pa e Cuerpo di Aduana en general. Mas nos ta lamenta locual ta e declaracion di e Minister durante su rueda di prensa tocante e situacion, cual pa SADA tabata completamente fo’I sla. Ta como sifuera e Minister ta kere cu ainda e ta den campaña y no kier atende asuntonan cu ta cay bao di responsabilidad di un minister.

Pa finaliza mester pone enfasis cu den e carta cu nos a entrega dia 1 Februari 2018, nos no a haci ningun tipo di peticion pa reunion cu dicho mandatario, pero mas bien den e carta nos a bisa e Minister ‘cla y raspa’ cu e deadline pa Land Aruba confirma cu nan lo cumpli cu e convenant ta vence 8 di Februari 2018. Dado caso no bin contesta por escrito, no lo keda nos otro opcion di busca locual ta e derechonan di nos miembronan dilanti mesa berde.


8

Diahuebs Februari 8

Musiconan di Corsou kier bula Buleria for di Festival di Tumba 2019 Willemstad- Algo cu a bin ta circulando ariba rednan social y cu lo a sali den un corant na Corsou, ta e noticia caminda cu ta bisa cu musiconan na Corsou lo a reuni den silencio pa bula Buleria for di Tumba 2019. Segun e noticia aki, dialuna ultimo den oranan laat, algun doño di agrupacionnan musical tabata tin un reunion extraordinario. Esaki tabata relaciona cu e participacion di e agrupacion musical di Aruba, Buleria den festival di Tumba na Corsou. E corant “E Mulina” ta sigui bisa cu nan a haya informacion cu no mas cu 6 lider of gerente di 6 agrupacion musical lo a tene nan reunion den bario di Koral Specht, pa ta mas exacto na Leo. Esaki ta e sitio popular caminda cu varios agrupacion musical ta ensaya. T’asina cu a compronde cu e topico di e reunion tabata pa evita cu e agrupacion Buleria lo por participa den festival di Tumba 2019 y den futuro. Kico precies ta e problema? Of ken precies ta e problema? E agrupacion Buleria of Luw Jano? For di momento cu un agrupacion di un otro pais haya e oportunidad pa por participa den un festival, sin importa cual festival, e tin mesun chance cu cualkier otro agrupacion pa gana e premio maximo. Ta mesun esfuerzo y preparacionnan ta wordo haci pa duna un bon presentacion. Dicon durante e aña anterior cu a agrupacion aki a participa, no tabata tin tur esaki? E aña aki cu suerte a toca nan, cu nan a com-

paña un yiu di Corsou cu a sa di bende su tumba completamente. Un tumba composita y aregla door di yiunan di Corsou. Banda di esaki e agrupacion a sa di compaña e tumbero aki 100%. E agrupacion Buleria a compaña un di e tumberonan di mas exitoso den historia di Festival di Tumba, cual ta Urwin ‘Luwi’ Jano. Esaki ta significa cu e lidernan di e agrupacionnan mester demostra un poco mas respet. Corda cu e festival di Tumba tin 48 aña ariba pia y den esnan cu a reuni dialuna, niun di nan agrupacion no tin ni 10 aña ta participando den Festival di Tumba. Te asina leu e relato den e corant ‘E

Mulina’. Den e programa ‘Aki Aya’ di Ruben ‘Scorpio’ Garcia, el’a conversa cu e vocero di e agrupacion Buleria, kende tambe a tuma nota di e noticia aki. Hasta tabata tin rumornan ta circula cu Buleria lo a haya 40 mil florin pa bin participa den Festival di Tumba na Corsou, mientras cu agrupacionnan di Corsou mes no ta haya niun cent. Sr. Evertsz a sigui bisa cu e agrupacion Buleria ta esun cu ta core cu tur e gastonan na Corsou. Esaki ta encera pasashi pa henter e agrupacion, in-

Happy Birthday, Jeandward! Dia 8 Februari 2018 ta cumpli aña

Jeandward Ras

Felicitacion di mama Madonna Hassell, tata Edwardo Ras, rumannan Giangelis Hassell, Nayxion y Maya Mia Ras, Welo y welanan Mirto, Stella y Ludwina. Tanta y omo, Sharisma Isabella Stacey y Gilbert. Tambe di Nadya y Angelis

strument, estadia, training, transporte, etc. Ta papiando di cifranan hopi halto. Hopi di e musiconan aki, ta forma parti di AMAK (Asociacion di Musico Korsou), pero nan no ta presenta na reunionnan di AMAK. Nan ta spera cu AMAK bin dilanti y duna nan punto di bista. Awor aki Buleria ta spera ariba decision di AMAK, kico ta nan postura pa cu esaki. The Soemanta Blo/Mas Noticia


Diahuebs Februari 8

9

Probecha di e ultimo dianan di e campaña di Nagico Insurances

Clientenan di Nagico tin chens di gana gasolin gratis pa 1 aña

E campaña di “Cambia, Spaar y Gana” di Nagico Insurances ta terminando y pa esaki tur hende tin e oportunidad ainda pa participa. E campaña aki ta pa tur cliente di Nagico Insurances cu a pasa renoba of a cambia di seguro pa Nagico Insurances. E campaña di Nagico lo ta terminando asina cu carnaval termina. Ta masha facil pa participa den e campaña di “Cambia, Spaar y Gana” cu Nagico. Pa por participa y bira cliente di Nagico Insurances, tur hende por manda nan copia di polisa actual, copia di rijbewijs na e Whatsapp di Nagico 5923378. Tambe e cliente por like e Facebook page di Nagico y ey riba por haya e link di

e website: cambiayspaar. nagico-abc.com/win. Cefrenne Koolman-Arends, Sales & Underwriting a expresa cu representantenan di Nagico Insurances di biaha lo tuma contact cu e potencial cliente pa un quotation. Asina aki bo por bira un cliente di Nagico y por participa y gana centenares di premio. Nagico Insurances ta corda tur su clientenan cu aki un paar di dia lo saca e premio di mas grandi, esta gasolin gratis pa henter un aña. Nagico Insurances ta orguyoso di por a aporta na e dushi carnaval di Aruba y ta conseha tur hende pa disfruta di e carnaval sanamente.


10

Diahuebs Februari 8

Despues di mas di un aña di boycot

‘Solar trees’ na Promenade San Nicolas ta den funcion y proyectonan ta continua

E Solar trees cu a wordo instala den caya na San Nicolas ta den function despues di tres luna di gobernacion, esaki despues cu e proyecto aki a wordo para mas di un aña pasa. E solar tree ta ricibi energia solar cual ta haci possible pa public por recarga telefon, laptop of otro articulo electronico na e sitio gratis. E intencion ta cu por medio di esaki ta contribui na creacion di e area di ‘lounge’ den Promenade San Nicolas. E Proyecto di Wi-fi gratis tambe ta na caminda y e ora

hunto asina ta haci’e mas atractivo pa hendenan pasa un rato ameno den un ambiente artistico, cultural y historico. Tin diferente motibo pa bin keiro na San Nicolas y Gobierno di Aruba den conhunto ta sostene e desaroyo di San Nicolas riba e aspecto cultural, turistico y infrastructural. E resultadonan ta posibel door di esfuerzonan/trabaonan haci conhuntamente cu diferente Ministerio. Curtis Fraser, coordinador di Minister encarga cu Infrastructura

ta splica cu banda di Uncle Louis Store ta clausurando proyecto di instalacion di parasol, pa crea mas sombre pa publico por sinta pafor. Di e forma aki hende cu pasa ta mira hende y ta sigui stimula fluho di mas hende cu kizas tambe ta haya gana pa disfruta di algo di come. Banda di esaki un persona cu bishita un di e restaurantnan den e area, ta mira e diferente artenan y diferente otro negoshinan cu por bishita. Tin diferente angulo cu ta wordo studia pa trece mas fluho di hende na San Nicolas y pa tuma ventaha di henter e area, sr. Fraser ta splica. Otro proyectonan cu tin na

caminda cu awor aki Gobierno a inicia bek cu nan ta encera e escultura di Lolita. Loli tabata ta un señora cu a bin Aruba y traha duro pa hiba su famia dilanti. E storia aki ta refleha storianan similar di e ser femenino humilde, trahador, fuerte y independiente cual ta wordo reconoci y cu kier desplega. ‘A conversa cu e artista durante di siman tocante e localidad cu lo kier ubica e escultura. E proyecto aki ta paga caba y awor aki lo percura pa cumpli cu su posicionamento. Changa tambe ta un proyecto grandi di domino cu lo bin banda di Ward’I Polis San Nicolas, cual tambe ta canando su caminda. A papia cu DOW

y e artistanan tambe pa loke ta e esfuerzonan cu mester wordo haci pa e realizacion. E tour busnan cu lo bin pariba tambe ta parti di henter e proyecto pa haya e fluho di bishitantenan/ turistanan pa bishita e museonan, Cosecha y sitionan pa come cu ta refleha locual cu nos localnan ta come, asina por mira cu proyectonan ta continuando’. Ta invita henter comunidad pa bin wak e diferente artenan cu tin rond na San Nicolas, bin experiencia Mundi’s Health Café cu a caba di habri, O’Neils Caribbean Kitchen y e museonan entre otro y mira cu ta trahando pa mira adelanto di San Nicolas y Aruba.


Diahuebs Februari 8

11

Parlamentario Edgard Vrolijk di MEP:

“Como parlamentario cu experencia, Mervin Wyatt-Ras nunca a siña nada y no conoce nos constitucion” Den e conferencia di prensa di diarazon ultimo, parlamentario EdgardVrolijk a elabora riba algun ponencia treci padilanti den un comunicado emiti pa parlamentario Mervin Wyatt-Ras, unda e señora aki a papia masha bunita di constitucion. Sin duda cu constitucion ta duna tur parlamentario e toolnan pa entre otro controla gobierno, caminda bo tin e derecho di haci pregunta y tambe controla y aproba presupuesto.

Berguenza

Sinembargo tabata un berguenza pa scucha den e reunionnan cu Algemene Rekenkamer, Raad van Advies y CAFT, con e instancianan aki a bati riba dede di e mayoria di parlamento di pasado, ya cu nan a permiti pa gobierno crea deficitnan financiero asina grandi. Hecho ta cu e mayoria den Parlamento mester a hunga un mihor rol, pero nan a deha di haci nan trabao, siendo cu nan tabata tin tur e toolnan den man pa haci esaki. E tempo ey tabata surpasa presupuesto y tabata falta di control di parti di parlamento y cual a conduci na curatel afinanciero na 2015. Tur e 3 instancianan menciona a trece bon cla padilanti cu parlamento di awor en adelante mester haci nan trabao drechi mediante e toolnan cu nan tin na nan disposicion.

Mentiranan di sra. Wyatt-Ras

Sr. Vrolijk a trece bon cla padilanti cu sra. Wyatt-Ras siendo den parlamento desde 2001 te ainda no ta comprende su rol como parlamentario. Su persona mester ta mas transparente posibel y papia berdad. Den su comunicado sra. Wyatt-Ras a declara cu na December ultimo e gobierno actual a fia 150 miyon florin, cual ta un mentira flagrante ya cu e presupuesto su deficit tabata 130 miyon florin. Pues diripiente el’a pone un cifra di fantasia di 20 miyon florin acerca! Tambe sra. Wyatt- Ras a bisa cu e deficit financiero na 2018 ta 275 miyon y esey ta inclui e 130 miyon di e aña anterior. Esaki tambe ta un mentira, ya cu segun e ley di LAFT, 275 miyon ta e deficit premira pa 2018, pero ainda bo tin cu inclui e 130 miyon di 2017 y p’asina cumpli cu e ley di LAFT. Pues den total un suma di riba 400 miyon florin! Esaki ta forma di Emanipulacion di sra. Ras, esta di purba gaña pueblo.

Emanipulacion ta sigui

E mesun señora aki ta papia di cu MEP ta yora na CAFT y cu mihor cos cu MEP haci ta pa bay entrega e presupuesto 2018. Hecho ta cu presupuesto 2018 mester a ser entrega caba dia 1 di September 2017 na Parlamento y un luna prome na Raad van Advies. E tempo ey e fraccion di MEP actual no tabata sinta ey ainda, pero ta te dia 16 November nan a drenta parlamento. Sra. Wyatt-Ras como un persona di parlamento cu experencia mester por sa mihor. Esaki un biaha mas ta muestra cu nunca el’a siña nada y cu e no conoce nos constitucion. Tambe den e reunion cu CAFT, sra. Wyatt-Ras a declara cu “tur gobierno ta mescos”. Si esaki ta e caso, anto su persona tambe a forma parti di tur gobernacion: Di 2001 pa 2009 como parlamentario y president yoron di parlamento, na 2010 e tabata e persona di versoberingswet y tambe e famoso ley cu a pasa den record di 6 minuut. Finalmente 2013-2017 caminda sra. Wyatt-Ras a yuda pa aumenta nos debe nacional for di 43% pa 87%. Pues otro muestra cu como parlamentario e no a haci su trabao drechi.

Pushi ta cuida pisca

Den e conferencia di prensa sr. Vrolijk a elabora tambe riba parlamentario Richard Arends kende a declara recientemente cu “IMF a pidi fraccion di AVP pa yuda traha un plan financiero”. Pero pa sr. Vrolijk, esaki

ta mescos cu bo ta laga pushi cuida pisca! Tambe sr. Arends cu semper ta papia di deficit y situacion financiero, tabatae prome cu na careda a bandona e reunion cu CAFT ora cu cos a bira cayente. Pues aki ta falta di seriedad y madurez politico. Sin duda cu sr.

Arends tambe ta parti di e desaster financiero cu a crea e deficit financier astronomico aki. Finalmente, sr. Vrolijk a anuncia cu pa otro siman e lo bay entrega dos ley na Parlamento, esta e ley di financiamento di partido politicio y ley di screening pa ministernan.


12

Diahuebs Februari 8

MINISTER PRESIDENT EVELYN WEVER-CROES TA CUMPLI CU SU PALABRA

BAHA GASTO TA CUMINSA CERCA E MINISTER MES!

Sentencia di Huez:

Gobierno a perde caso contra miembronan di bestuur di Fundacion Lotto pa Deporte: Miembronan di Raad TA KEDA ! Diarazon mainta e sentencia a cay den e caso cu miembronan di bestuur di Fundacion Lotto pa Deporte a entama contra di Gobierno, unda basicamente nan ta rechaza nan retiro y ta indica cu Gobierno no tin ningun motibo drechi pa kita nan di nan posicion. Despues di a trata e caso, cual sentencia ta riba pagina 24 y 25 di SOLO DI PUEBLO di awe, huez a tuma tres decision: Huez lo no bay trata e caso aki den un corte di Caso Sumario y pues a declara Fundacion Lotto pa Deporte como inadmisibel, esta “niet ontvankelijk”. Huez a sugeri cu e caso mester bay pa un caso civil, esta un bodem procedure. Riba e aspecto

E siman aki Minister Presidente Evelyn Wever-Croes a presenta su maneho pa 2018. Como e mandatario encarga cu asuntonan general, como tambe cu energia, integridad y innovacion, el’a splica e retonan cu tin pa 2018 y e metanan principal: un aparato gubernamental eficiente y integro; energia accesible pa tur hende; innovacion pa prepara nos pais pa economianan nobo. Mes momento e prome minister a mustra cu e situacion financiero dificil, ta pone cu e ta duna ehempel y ta cuminsa na su mesun ministerio. Pa di prome, Minister President actual a mustra con e por haci e mesun trabao cu e ex - Prome Minister y hasta mihor, cu menos hende. Su presupuesto ta basa riba un rebaho di mas di 100 persona, pa un total di 8 miyon florin. Pa di dos a corta den e gastonan di propaganda y promocion, demostrando cu e como Prome Minister no ta bay paga un compania di mercadeo pa haci propaganda, pero a corta cu 800 mil florin, pa asina inverti den BUVO, e departamento di Gobierno cu mester haci e trabao di informacion. Pa di tres a kibra contract di lease di 3 pick up cu sticker di AVP, cu e no tabata tin mester. Finalmente ainda ta den lucha pa kibra contract di huur di edificio cu e no tin mester, pero cu e ex - Prome Minister a mara e Gobierno aki cu no por termina. Asina mes Prome Minister Evelyn Wever-Croes a laga sa cu e si lo termina e contract y asina por aloca 100 mil florin mas na esnan mas den necesidad den nos comunidad. Cu esaki e mandatario ta mustra cu e a bisa loke e ta bay haci, y a haci loke el’a bisa. Cuminsa cerca bo mes! Esey ta su mensahe!

aki, e bestuur di Lotto a perde nan caso, pasobra huez no a trata e caso di nan ensi. 2. Sinembargo huez a suspende e decision di Minister Oduber di dia 3 di Januari 2018 unda Minister Dangui Oduber a nombra un bestuur nobo, haciendo asina cu e bestuur nobo aki a keda awor “pendiente” di e resultado di e caso di bodemprocedure y sin efecto. 3. E punto number tres ta cu huez a ordena Gobierno p’e laga e miembronan di bestuur actual keda den nan posicion y eherce nan trabao Kico esaki kier meen? E sentencia di huez ta significa cu por momento no tin un decision definitivo riba e retiro di e miembronan

di bestuur. Mester cuminza un caso civil pa asina nan atende riba nan retiro, esta si nan retiro ta legal of no. Un contesta definitivo lo bini na final di e caso civil, cu por dura entre 2 cu 3 aña. Esaki ta significa cu Huez a laga Minister Dangui Oduber “lam” riba deporte! Pasobra cu e directiva di AVP lo sigui na cabez di Fundacion Lotto pa Deporte pa hopi tempo mas, te ora cu termina e caso di bodem procedure. Lo mas probabel ta cu Minister Dangui Oduber lo no ta sinti’e comodo pa traha cu e directiva actual pa falta di confianza y como tal e maneho di deporte awor a wordo paraliza.

Na Bubali:

Pareha turista a bay laga yiu menor di edad atras na un supermercado Diarazon merdia a drenta informe di cu un pareha a lubida y a laga nan yiu menor di edad na un supermercado na Bubali. Mesora a dirigi un patruya pa e sitio. Na yegada di e patruya a bin encontra cu un mucha chikito na yoramento. E mucha di habla Spaño tabata tristo y spanta pasobra su mayornan a bay lague. Na momento cu polis tabata bay pa hiba e mucha warda di polis, e mayornan a presenta. Aunke cu nan tabata turista, polis a hala nan atencion pa cu e negligencia na nan yiu.


Diahuebs Februari 8

13

Minister Xiomara Ruiz-Maduro:

Opositornan mester stop cu mentira y e wega di potret

E GOBIERNO AKI TA HACI SU TRABAO NA SERIO Y DOCUMENTACION CU FECHA TA DEMOSTRA ESAKI! Aunke ta nan derecho pero e sindicato tabata hopi prematuro den subi caya. Na e momento aki Douane ta trahando riba nan functiehuis, nan salarishuis nobo y gobierno aki a pidi e Departamento di Legislacion tambe pa duna mas splicacion riba esaki. Minister ta traha su trabao na serio y no ta asina cu gobierno no a atende cu Douane. Sindicato y su miembronan tin tur libertad pa subi caya, pero si e ta surti un efecto, e minister no sa, pasobra e mandatario ta haci su trabao na serio y a mustre cu urgencia a pidi tur informacion pasobra ex minister Bermudez no a laga nada atras. Nan por bin cu un potret y haci wega.

Ata e fecha aki e carta tey y cu e fecha cu ta 22 di Januari y manera ya treci dilanti cu a menos cu nan a drenta manera ladron y saca potret y a saca potret robez pasobra esaki no tabata den e map sino riba e desk di minister. Mesun dia a mand’e ministerraad. E hecho cu nan bay protesta, e mandatario ta kere cu nan mester a bay na trabao di Bermudez aunke cu a wordo “weggepromoveerd” of mester a bay cerca e ex - coleganan di Bermudez na Parlamento. E sindicato tabata hopi prematuro. Lo reuni cu tur partido pa

yega na resolve e problema: Con ta resolve e problema aki, Minister Ruiz-Maduro a splica e presidente di SADA cu e siman aki no por mas pero otro siman lo yama SADA, director di Aduana, Departamento di Legislacion y Departamento di Recurso Humano pa hunto cu e minister sinta y asina por splica tur partido kico ta e conseho y kico lo bay ta e decision pa cu esaki, pa tur partido tin tur informacion. Gobierno di Aruba y Minister Ruiz-Maduro desde principio a bin ta atende e caso aki tambe cu tur cu e prioridad y por mira esaki tambe cu e stempel di SPOED con a atende e caso di SADA.

INGEZONDEN STUK VAN STICHTING NOS TA ARUBA 7 FEBRUARI 2018 Nederland meet met 2 maten? Het hoofdartikel van Amigoe van 5 februari 2018 luidt: ”Den Haag neemt bestuur over op St. Eustatius” met als boventitel: “Bestuur Statia heeft kenmerken dictatuur”. Een Commissie van Wijzen, bestaande uit de voormalige Arubaanse gouverneur Fredis Refunjol en Staatsraad Jan Franssen, schrijven in hun rapport “Nabijheid of Distantie, een wereld van verschil”: “De situatie heeft bijna trekken van een staatsgreep, waardoor het bestuur van St. Eustatius bewust heeft gekozen voor een grote afstandelijkheid tot Nederland en daarmee feitelijk de banden met Nederland heeft verbroken.” De Commissie van Wijzen schrijft in haar rapport: “Wetteloosheid, vriendjespolitiek in meer dan te verwachten zin, het negeren van andere gezagsstructuren, het min of meer monopoliseren van radio- en tv-zendtijd voor eigen politieke doeleinden, het willen controleren van de ambtelijke organisatie en overheids-nv’s, intimidatie, dreiging, pressie en belediging, het zijn alle eerder klassieke verschijningsvormen van een dictatuur en het streven naar persoonlijke macht dan van uitingen

van goed bestuur.” Deze bevindingen gelden zonder uitzondering ook voor het Arubaanse bestuur tijdens de kabinetten Mike Eman I en II. En meer dan dit; denk bijvoorbeeld aan misleiding van de publieke opinie, de ongecontroleerde groei van de overheidsschuld tot boven 80% van het Bruto Nationaal Product, enz. Ondanks de acties van de pressiegroepen, zoals Grupo 7 en Stichting Nos Ta Aruba, met onder andere een handtekeningenactie voor een Referendum Revocatorio, het indienen van corruptieve vermoedens aan het Openbaar Ministerie, het melden van onbehoorlijk bestuur aan de Koning, de Nederlandse regering en het Nederlandse parlement, heeft de Nederlandse minister van Koninkrijksrelaties het niet nodig geacht om in Aruba in te grijpen. Integendeel, kabinetten Mike Eman I en II kregen de volle steun van Nederland. Ten aanzien van St. Eustatius verklaarde de huidige Nederlandse staatssecretaris van Koninkrijsrelaties “dat Nederland inderdaad tekort is geschoten sinds de ontmanteling” van de Antillen van vijf in 2010 en

“dat komt deels door de houding van Nederland. We waren terughoudend, we hebben deels weggekeken, we gaven soms te weinig aandacht.” De huidige crises in Aruba, zowel in financieel, sociaal, economisch en maatschappelijk opzicht, zijn alle het gevolg van de terughoudendheid van Nederland om op tijd in te grijpen om de deugdelijkheid van bestuur te waarborgen, zoals verwoord in artikel 43 van het Statuut. Daarom is Nederland moreel verplicht om het bestuur in Aruba nu te helpen om uit de crises te komen. De schade die de kabinetten Mike Eman I en II in Aruba hebben aangericht is zo groot dat dat deze hulp, op verschillende vlakken, noodzakelijk en onvermijdelijk is. En niet te vergeten, juridische ondersteuning om diepgaande en onafhankelijke onderzoeken te doen met betrekking tot vermeende administratieve zaken, zowel constitutioneel als strafrechtelijk. Stichting Nos Ta Aruba


14

Diahuebs Februari 8

Minister President Evelyn Wever-Croes:

ARUBA MESTER EVITA PA BAY RIBA ‘BLACK LIST’ SINO NINGUN INVERSIONISTA TA BIN ARUBA Ultimo dianan ta den discusion e decision di Minister di Finanzas pa elimina e regimen fiscal pa San Nicolas. Esaki despues cu OECD a anuncia cu e regimen ey por pone Aruba riba un ‘black list’. Minister President Evelyn Wever-Croes ta splica esaki. Kico ta e consecuencia di un ‘black list’? E consecuencianan ta serio. Si Aruba bay riba un ‘black list’, esaki lo pone cu inversionistanan internacional serio no lo bin Aruba pa haci inversion. Un inversionista serio ta busca un pais serio pa inverti. Si e pais unda e kier inverti ta riba e ‘black list’ di OECD, e inversionista no ta haya proteccion contra cobranza dobbel di belasting. Tampoco e ta haya aceso den su pais na facilidadnan pa deduci e gastonan na Aruba. Un inversionista serio ta scoge e ora pa bay un otro pais cu su inversion. Mirando cu na Aruba no tin desaroyo economico, ta sumamente importante pa Aruba evita subi riba un ‘black list’. Na e momentonan aki nos mester percura pa atrae desaroyo economico y inversion directo di exterior (foreign direct investment). Sin esaki, nos no por desaroya nos economia. P’esey e decision aki mester a bin. Dicon Aruba tabata coriendo e riesgo di bayriba e ‘black list’? Prome Minister ta indica cu desde e momento cu ex - Minister Mike de Meza a anuncia e regimen especial pa San Nicolas, mi a avi’se cu e ta buscando problema cu OECD. Sr. De Meza a comete eror tras di eror. Su intencion tabata bon talvez, pa atrae inversionista inverti den San Nicolas, y asina haya un regimen di paga menos belasting. Sinembargo e forma con sr. De Meza a implementa e areglo internacionalmente ta conoci como competencia inhusto y dañino. Sr. De Mesa mester a scucha di consehonan y traha un areglo mas balancea, keto bay cu e enfasis riba inversionnan den San Nicolas. Lamentablemente e decision di ex - minister De Mesa a hala atencion internacional, y despues di algun aña OECD a hala atencion di e Minister di Finanzas anterior sr. Bermudez, ken a hay’e obliga di tuma e decision di elimina e regimen. Finalmente,

mirando cu e tambe a laga e trabao na mitar, ta Minister di Finanzas actual, sra. Xiomara Ruiz-Maduro a hay’e cu e tarea pa formaliza e eliminacion aki. Awor nos mester atende cu e casonan di inversionistanan cu si a aplica na tempo, pa asina respeta e palabracionnan haci cu nan pa un tempo ainda. Pues no ta asina cu ta elimina e areglo completo awor. Pa esnan cu a haya aprobacion, lo respeta e areglo aki pa algun aña ainda.

PLAN PA DESAROYO DI SAN NICOLAS Mientras tanto gobierno ta trahando riba alternativanan pa atrae inversion den San Nicolas, basa riba un plan integral pa desaroyo di San Nicolas; e main street y vecindario. Nos lo crea un lugar pa tiendanan chikito cu semper tabata na San Nicolas, y cu a haci San Nicolas grandi. E lugarnan rond di Zeewijk lo wordo destina pa area di industria liviano y lo crea empleo. Lo studia e posibilidad pa establece universidad y nan campus na San Nicolas, pa atrae un otro tipo di bishitante. Lo evalua establecimento di hotel na Seroe Colorado. E terenonan di refineria cu no ta wordo usa mas, lo bay bek pa pais Aruba. Momento cu elimina e muraya

di ‘LAGO’, lo crea aceso pa lama, pa henter comunidad. E intencion ta pa crea un area di ‘Waterfront’ pa haci San Nicolas atractivo pa negoshinan den horeca. Museonan lo wordo traha y finaliza, pa asina atrae e turista cu ta gusta arte, pa e bay San Nicolas. Pues: San Nicolas lo bira e ciudad cu e forza atractivo Caribense, cu ta atrae tur turista.

Gobierno ta lamenta cu mester a elimina e regimen fiscal favorabel pa San Nicolas, sinembargo e regimen aki no a trece desaroyo pa San Nicolas y ademas ta causando Aruba hopi problema. Un biaha mas e pueblo di San Nicolas a wordo engaña pa partido AVP. Pesey nos gobierno ta compromete su mes cu crea otro oportunidadnan pa realmente trece desaroyo den San Nicolas.


Diahuebs Februari 8

15

Printer di computer a pega cas na candela y a causa hopi daño

Diaranzon merdia a drenta informe di cu tin un cas na candela na Tanki Leendert, Mesora a dirigi tanto polis como bombero pa e sitio. Na yegada di e patruya a bin compronde cu e printer di e computer a pega na camdela y mesora a causa daño na e cas. E doñonan tabata pafor ora cu diripiente a nota huma saliendo for di e cas. Nan mes cu algun otro persona a pasa man pa slang y a cuminsa combati e candela. Na yegada di e bombero ya caba e candela tabata practicamente paga. E candela a causa hopi daño na e cas.

OIB ta ofrece hobennan di Aruba un bon oportunidad pa avanza profesionalmente E bon conoci Opleidings Instituut Bonaire (OIB) ta brinda un excelente oportunidad pa hoben- y adultonan den region sigui cu nan metanan pa avanZa profesionalmente. Si abo ta un hoben of adulto cu kier haci uSo di mas oportunidad den bida, esaki ta un bon momento pa dal e paso aki, cu ayudo di OIB. E Instituto aki ta ofrece diplomanan cu ta wordo reconoci den Reino

Hulandes, pa cual nan tin e certificacionnan necesario. E estudionan cu ta bay cuminsa cu nan ta: Paralegal; HRM (Human Resources Management y Toegepaste Psychologie. Tur e estudionan aki ta wordo duna na nivel di HBO y pa cual e ta un bon oportunidad pa dal un stap dilanti den bo carera profesional. Interesadonan por acudi diasabra awor na edificio di ATA na Dakota, entre 10’or di mainta y 12’or di

merdia pa inscripcion. Na e sitio ey tambe lo por haya mas informacion y conversa cu e organizadornan di e estudionan aki. Sinembargo si bo ta desea di haya informacion adicional prome cu e fecha di inscripcion, manda un email pa: fepa_aruba@gmail. com of info.oibonaire@ gmail.com Tambe por contact nan via di 733-2734.


16

Diahuebs Februari 8

Gobierno di Aruba ta anuncia peticion pa RFI (Request for Information) riba desaroyo sostenibel pa maneho di desperdicio a termino largo Gobierno di Aruba ta trahando riba solucionnan pa maneho di desperdicio sostenibel.

Considerando proteccion di salud publico, conservacion di medio ambiente y pa cumpli cu standardnan y mihor practicanan internacional, Gobierno di Aruba a establece e obhetivo pa trece cambio na e forma cu ta procesa desperdicio pa uno

sostenibel y sanitario. Den conexion cu esaki, Gobierno di Aruba ta buscando pa posibel solucionnan pa logra yega na un combinacion di metodonan usa pa procesa y deposita desperdicio, cu ta riba mesun liña cu un

economia circular y standardnan internacional. Esnan interesa, por subi riba e website di www. gobierno.aw pa mas informacion.


Pagina 17

Diahueb 8 Februari 2018

Minister di Finanzas, Asunto Economico y Cultura:

“PROMER PASO A CUMINSA PA AMPLIA PRODUCTONAN DI CANASTA BASICO!”.

Departamento di Asuntonan Economico cu Control y observacionnan di prijsnan na supermercadonan di e productonan cu wordo pidi, esaki segun “prijzenverordening”. Asina tambe por informa e pueblo unda nan por haya productonan e.o. fruta y berdura na miho prijs, stimula comerciantenan pa baha nan prijs pa asina ta competitivo. Esakinan tambe lo ta na beneficio di e pueblo.

Ayera tardi durante un Conferencia di Prensa di Gobierno di Aruba, Minister señora mr. Xiomara Ruiz-Maduro a anuncia na pueblo cu e prome paso a wordo tuma pa amplia e cantidad di productonan di Canasta Basico. Esaki ta den cuadro di e maneho cu e ser humano ta keda central.

ta conciente cu costo di bida ta halto y pa e motibo ey ta hibando un maneho di control y observacion di prijsnan di productonan den supermercado riba varios berdura manera cucumber, lechuga iceberg, tomato roma, brocoli, awacati, pampuna, carot, kool, cabbage, promenton berde y siboyo.

Tabata ayera mainta cu un team di Departamento di Asuntonan Economico, Comercio y Industria a cuminsa cu un control y observacion di prijsnan di productonan den 12 supermercado na e.o. Oranjestad, Noord y San Nicolaas.

Pa locual ta fruta tambe ta tuma nota y control di prijsnan di e.o. patia, apelsina, bacoba, banana, milon, papaya y appel. Ademas ta tuma nota di prijsnan pa algun producto di grano manera pasta, spaghetti, cereal yproductonan den bleki y frozen, juice y lechi.

E control aki lo sigui full siman di 5 pa 12 di februari. E mandatario a splica riba e trabaonan cu ta tumando luga pa asina cumpli cu e deseo di pueblo, Gobierno di Aruba

E informacionnan colecta for di e investigacion ta necesario pa calcula e margen di ganashi riba e productonan y evalua si esaki ta aceptabel. Tur comerciante ta obliga pa

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

duna na controladornan di departamento di asunto economico, e facturanan

Na final un raport lo wordo traha y lo wordo presenta na un grupo di trabao caminda mayorista- y detayistanan lo evalua hunto e resultado y hunto bini cu recomendacionnan na Minister di Finanzas,

Asuntonan Economico y Cultura pa por amplia e canasta basico cu mas producto. Ademas hunto lo sondea tur e posibilidadnan pa importa productonan di otro mercadonan cu ta ofrece e calidad cu Aruba su consumidor ta custumbra. E meta di Gobierno di Aruba ta pa por tin miho prijs di comestibles na alcance di pueblo di manera cu e comerciante tambe ta mantene un nivel rasonabel di ganashi. Pueblo por sinti e cambio, un gobierno cu ta bisa loke e ta haci y ta haci loke e ta bisa.


Pagina 18

Diahueb 8 Februari 2018

Minister Xiomara Ruiz-Maduro na gobierno anterior:

TA IMPOSIBEL CU A LAGA TUR COS CLA SI TA DIA 22 JANUARI E CONSEHO A DRENTA DI DEPARTAMENTO DI RECURSO HUMANO Pa 5 luna Minister Bermudez no a haci nada cu e protocol firma

Siman pasa Minister di Finanzas, Asuntonan Economico y Cultura a haya bishita di Presidente di SADA sr. Eduard Maduro caminda nan a bin entrega un carta di protesta pa motibo cu nan no a ricibi nan pago di locual a keda concorda den un protocol cu a keda firma cu ex minister Bermudez na juli 2017. Segun e protocol nan lo mester a haya nan pago fin di januari 2018 pero nan no a ricibi esaki. Durante un conferencia di prensa e mandatario ta trece dilanti cu e siman aki dos miembro di oposicion lo publica un potret den prensa di un kashi den oficina di e minister caminda tin un map skirbi douane riba dje. Segun e dos miembronan di AVP den e map aki lo tabata tin tur informacion pa e mandatario tocante e asunto di aduana. Minister Ruiz-Maduro ta trece dilanti cu den e reunion cu e tabata tin cu e presidente di SADA sr. Eduard Maduro, el

a mustra e presidente e carta cu ta fecha 22 di januari 2018, caminda por mira claramente cu tin un stempel di “spoed”, mirando cu esaki ta un asunto cu e gobierno aki no a laga sinta. E realidad ta cu Minister Bermudez a firma e protocol na juli 2017 pero no a manda esaki pa Departamento di Legislacion pa asina e landsbesluit, h.a.m., por wordo traha. Esaki mester pasa su proceso bay pa conseho na Raad van Advies. Segun e mandatario nos tur sa si bo ta entrega e peticion na 7 di november 2017, esaki nunca lo por keda cla pa 1 of 31 di januari siguiente, ya cu tin dianan di fiesta y e departamento aki tambe tin nan agenda di prioridad pa traha cu ne. Minister Bermudez a dega y a warda 5 luna pa manda e peticion pa Departamento di Legislacion y awor ta pretende cu e departamento ta core bay traha riba dje y keda cla di biaha.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500


Pagina 19

Diahueb 8 Februari 2018

Minister Otmar Oduber:

Nos tin cu cuminsa para e empeoramento cu ta tumando luga na Parkietenbos cu bo ta profesionalisa henter e experiencia y e negoshi, compania cu yama Serlimar, cu esey tabata e tarea tambe, cu e steering committee a haya.

Aki na Aruba, nos tin cu cuminsa na para e empeoramento cu ta tumando luga na Parkietenbos. Segun Minister Otmar Oduber, ta trabaonan cu ta wordo haci y hunto cu esaki, un di e condicionnan cu a pone ta cu Serlimar ta

keda e compania nacional di pais Aruba, cu ta encarga cu recogemento di sushi y e maneho di desperdicio aki na Aruba. Ta buscando e partnership necesario, mira si cierto momento hasta porta cu Serlimar por bira parti di e mesun solucion aki,

Pero cada dia cu pasa, nos ta empeorando e situacion riba Serlimar. Pesey mas pronto cu ta posibel cu por declara y bisa cu Parkietenbos ta cera pa un 90%, pasobra lo keda cierto partinan cu ainda toch mester bay deposita na Parkietenbos. Pero si pa un 90% por para e actividadnan eynan, esey lo trece no un alivio, pasobra alivio e no ta. Alivio ta ora cu sanea henter Parkietenbos pa henter Aruba. Tanten cu tin desperdicio di hospital, organonan

humano di operacion, cacho morto, bestianan morto, tur cos cu ta wordo tira eynan, etc. e ta un peliger cu nos mes no a imagina cu si un dia un di e hendenan eyriba mester wordo contagia, e brote cu por tin na Aruba, no kier ni imagina e calamidad ey cu lo por tin na Aruba. Y nos ta na e punto ey. Ta contra tur norma. Ta den un posicion sumamente peligroso y keto bay nos ta keda produci sushi. Ta mas e lo bira y no menos. Mester yega definitivamente na un solucion, pa evita e tipo di situacionnan manera St. Maarten. Si kier pone mas siguridad eyriba. Loke ta pasa cu cierto momento el a bira iresponsabel loke ta tumando luga riba Parkietenbos, y cierto

momento e gasnan cu ta wordo produci den e cero eynan, no por evita ni cu security, ni cu camara, ni cu nada, pasobra ta hopi biaha ta e propio gas cu ta bin afo y por ta cualkier hende eyriba cu ta huma un sigaria, of kimamento di bestianan morto cu ta tuma luga, si e gas aki mester aparece cerca, di biaha ta haya un candela ta start. Hopi biaha no ta djis intencionalmente a cende e candelanan aki, pero gewoon e propio gas, e peliger, e desaster cu tin eybao, ta pone cu hopi biahe gasnan aki ta topa cu cualkier cos cu ta flamabel, ta haya cu un candela ta cende riba Parkietenbos. Cada dia cu pone laag di sushi eyriba, e peliger ta bira mas grandi.

Ladronnan awor kier hunga bingo tambe, nan a destrui bentana di auto pa horta 8 stempel pa bingo Diaranzon mainta a drenta informe di un caso di kiebro y ladronicia for di un auto na Tarabana, mesora a dirigi un patruya na e sitio. Na yegada di e patruya a bin compronde cu den oranan di madruga ladronnan a kibra 2 bentana di auto pa horta un tas riba e sienta di e auto. Pero den e tas mes tabata tin unicamente 8 stempel pa tapa carchinan di wega di bingo.

PUEBLO A HHAĂ‘A SU PEN BEK

Pa kualkier informacion solodipueblo@gmail.com of

☎ 585-9500


Pagina 20

Diahueb 8 Februari 2018

Cupido mes lo parti rosa y chuculati riba Dia di San Valentino:

‘Love is in the Air’ na Renaissance Mall Saca foto gratis den e ‘photo booth’ y participa den un raffle special! Entrante dia 9 di februari proximo Renaissance Mall lo tin un ‘photobooth’ na unda cu clientenan por saca un foto cu nan ser queri. Esaki ta gratis! Saca un potret y participa den un raffle na unda cu bo por gana un Renaissance Mall Gift Certificate. Tambe, riba diaranson dia 14 di februari Cupido lo reparti rosa y chuculati na tur cliente, mientras saxofonista El Prove ta deleita tur bishitante cu e cancionnan di amor di mas bunita y memorabel.

E regalo pa Dia di San Valentino bo ta haña serca Cupido mes na Renaissance Mall cu ta ofrece un sin fin di posibilidad pa cumpra un regalito riba dia di amor. Probecha e

diferente promocionnan cu establecimentonan den Renaissance Mall tin y haci Dia di San Valentino mas special. Ta recomenda e.o Kate Spade, Gucci, D&G, Micheal Kors,

Louis Vuitton, Aruba Aloe y mucho mas. Diferente regalo, na diferente prijs y cu ta ‘fit’ tur budget! Saca un potret gratis!

Scoge un bunita regalo for di un seleccion di 60 establecimento, disfruta di un cena of un cocktail na e diferente restaurantnan y café den Renaissance Mall y haci bo experencia di compras e Dia di San Valentino aki uno realmente excitante. Establecimentonan ta habri di dialuna pa diasabra for di 10’or di mainta pa 7’or di anochi.

ARUBA DOET ta ON pa Carnaval 64!

ARUBA DOET tambe lo forma parti di Carnaval 64. Hunto cu Unity Carnival Group y un grupo di persona cu limitacion ARUBA DOET lo participa den e paradanan grandi di Aruba su Carnaval, diasabra 10 y diadomingo 11 di februari 2018. Participantenan ta bini di diferente instancianan manera, Pasadia Briyo di Solo, Sonrisa, Trampolin pa Trabao, Cas Sjabiruri, Man na Obra, Biba Bao

Guia y Ambiente Feliz. E meta principal pa join Carnaval 64 ta pa intergra personanan cu tin cualkier tipo di limitacion den comunidad y pa duna nan oportunidad pa tambe forma parti di Aruba su Carnaval. Preparacionnan ta den full swing! E participantenan mes ta trahando riba nan trahe Carnavalesco. Banda, Hot Ones Band, ta bezig ta train di dia y anochi pa sigura bon

ambiente durante e paradanan. Un danki grandi ta bai na tur nos sponsornan cu a haci posibel cu e weekend benidero ARUBA DOET hunto cu Unity Carnival Group ta den e paradanan grandi di Aruba su Carnaval. Masha danki AHATA, Marriott Resort & Stellaris Casino, Refineria di Aruba, Setar N.V. , Arugas, Deloitte, Bright Bakery, Post Aruba N.V., Notariskantoor Taekma, GP Cargo Services N.V. , Print Media, EMCO,

Tropical Bottling Aruba, Manrique Capriles, Compra, Andina Ice, Don Pastechi, Ginger Aruba y Daltra Antilles N.V. ARUBA DOET 2018 210 Proyecto a wordo registra pa ARUBA DOET 2018, diabierna 9 y diasabra 10 di maart 2018. Pa por completa e proyectonan aki tin

mester di 4000 boluntario. Bishita nos website www. arubadoet.com y inscribi awor como boluntario na e trabou of actividad di bo gusto! Pa mas informacion por tuma contacto cu e team di ARUBA DOET na 5827666 of manda nos un e-mail na info.arubadoet@ gmail.com


Pagina 21

Diahueb 8 Februari 2018

Minister Xiomara Ruiz-Maduro a trece dilanti:

MINISTER BERMUDEZ NO A LAGA NADA REGLA ATRAS PA PAGA DOUANERONAN Ta gobierno actual a pidi conseho y a ricibi esaki dia 22 di januari ultimo a laga nan drenta? Cu cual jabi nan lo a drenta?

E gobierno di AVP a sabotea 8 aña di informacion digital, nan a delete tur informacion. E declaracion di e dos miembronan di AVP a trece dilanti den prensa cu gobierno di AVP a laga tur cos cla atras den un map.

Durante conferencia di prensa Minister Xiomara Ruiz-Maduro a trece dilanti cu den e map di douane no tin e conseho di e Departamento di Recurso Humano, pasobra ta apenas dia 22 di januari

ultimo e mandatario a ricibi esaki. Pesey e mandatario ta puntra con por ta posibel of lo ta cu e dos parlamentarionan di AVP lo mester a drenta anochi den oficina di e minister. Of lo ta cu esnan di CEA lo

Dienstauto para straño sin ningun hende aden a hala atencion te hasta di polis

Diaranzon mainta a drenta informe di cu tin un dienstwagen cu lo a ser laga atras na e exveld di little league na Dakota, mesora a dirigi un patruya na e sitio. Na yegada di e patruya a bin

encontra cu e auto di DLV kadaster ora cu a check mas informacion a bin haya sa cu e trahadornan ta haciendo medicion un poco mas paden den e mondi.

E mandatario no ta kere cu esaki lo ta e caso. Aki por mira cu un biaha mas cu opositornan ta scoge pa sembra mentira y declara cosnan cu no ta cuadra cu e berdad. E mandatario ta sigui trece dilanti cu gobierno aki manera cu a haya e informacion dia 22 di januari a manda e informacion aki pa wordo trata den Conseho di Minister. E dia ey no a keda cla cu e parti aki den e reunion y a sigui cu esaki den e siguiente Conseho di Minister di dia 27 di januari, caminda Conseho di Minister a dicidi di pidi conseho di Departamento di Legislacion pa pidi información con a para y kico a pasa den e caso aki. Ta bon pa splica cu den e caso aki tin dos componente, uno caminda nan a firma pa esnan cu tin rang den doaune pa nan por haya e periodiek

y esaki ta e parti di legislacion cu no tabata cla y no por tabata cla tampoco mirando cu Minister Bermudez a warda 5 luna y laga esaki riba su desk y ultimo siman den gobierno ta core manda esaki pa Departamento di Legislacion y dilanti dianan di fiesta y ta expect cu e LB, h.a.m, lo keda cla. Esaki no por. Otro parti ta caminda SADA ta pidi pa esnan cu no tin e rang den douane, esta e personal administrativo pa nan tambe haya cobra e dos periodieknan aki. Pero aki gobierno mester pone den balansa pasobra ta trata aki di 29 hende pero na momento cu duna e 29 hendenan aki, ta 2000 otro ambtenaar tambe lo por bay pidi esaki, cual lo ta un gasto cu lo core den 5.6 miyon florin extra pa aña extra, mas aun mirando e situación financiero di nos país.

TA BENDE

Yaris 2002 coriendo perfecto. 5500 fl negos hable. Call 5694343 for a road test.

Toyota Corolla 2007 Autm.den super bon condishon 10 mil fl negoshable. Call 5694343 for a road test. Colo blauw.


Pagina 22

Diahueb 8 Februari 2018

SOLO SALUD FEBR 82018

Salud Mental E TA ESUN ? algun desayuno facil, lihe y super saludabel pa traha.. come of bebe: 1.BATIDO DI CHUCULATI, MINT, HEMP Y PROTEINA Ingredientenan ta almond milk, cacao, hemp seeds, mint y 1 scoop di Whey protein. Hinka tur den un blender y agrega ijs si bo kier. 2.PANCAKE DI OATMEAL CU BLUE BERRIE E base ta oatmeal, cocoa powder, blue berries y chia seeds. Tin dos rason dikon un hende muher ta haci e pregunta aki. Depende e motibo tras di e pregunta aki bo por deduci basta cos. Ta normal di sinti manera un baranca den bo stoma ora di settle down of sera cabes manera ta ser bisa pa loke ta scohe e homber den bo bida. Desicionan grandi ta crea sentimentonan nervioso aunke bo ta na e punto di tuma e decision corecto. Di otro banda no mester ignora emocionan pasobra nan ta purbando di bisa bo algo.

tin miedo of ta bira un poko tristu, ora cu e intensidad di e prome lunanan baha y e muher ta puntra su mes si e partner no tin interes mas. En realidad, e fase na comienso….e fase romantico… realistacamente no por continua pa semper y semper.

Emocionan ta alerta nos di cosnan cu nos sabi y ta sinti pero cu nos no kier acepta como e berdad. Awor con bo sa kiko ta e diferencia? Con bo sa e diferencia entre e nervionan cu ta normal ora di tuma un decision grandi y cos den bo stoma ei cu ta bisa bo cu algo no ta bon ???

Boso dos mester tuma e responsabilidad y no purba impresinona otro mas sino move den e direcion di sinti sigur di otro. Esaki kemen cu e lo por bin bo cas, sende televicion y wak wega di bala cu su pianan riba b mesa caminda abo kier pa e duna abo atencion. Pero si e keda trata bo cu respet y ta mustra interes profundo den bo, bo por keda trankil y sabi cu ba scohe bon. Si boso a dicidi di inverti den otro..parti boso bida huntu, e mester bin di tur dos banda!

E mihor cos pa haci ta pa puntra bo mes si bo ta sinti bo bo so ora bo ta cu ne. Si bo contesta ta si ora ei e conecion profundo nunca a sosode of e la muri mientras boso a haya conoce otro mihor. Pues si bo ta sinti pa ta cu amigonan of cu otro hende mientras bo ta cu ne, e NO ta esun. Ban wak u otro motibo pakiko e pregunta aki por bin ariba. Hopi biaha hende muher ta puntra y bisa cu nan partner of casa a bira menos romantiko cu tempo. Un cambio pa loke ta e intensidad mientras e relacion ta madura ta algo normal. Hopi hende muher

Pa boso bira partner pa bida, e pacion mester keda pero e manera di expresa e pasion ei lo bira otro mientras anjanan ta pasa.

SUPER VEGAN

SALUDABEL

E ANJA AKI…… STOP DI HUMA Esaki vooral si bo ta un hart patient of ta core risico di haya malesanan di curason. Sigaria ta un di e faktornan mas grandi di malesanan di curason. Magina bo cu te despues di un anja cu ba stop di huma, bo risico nan pa cu malesanan di curason lo baha cu 50%.

4.VEGAN EGG SALAD No esun tradicional traha cu mayonaise sino SIN uza webo pero tofu, berduranan, guacamole y honey mustard.

MEHORA BO NUTRICION Bo manera di come ta hunga un rol SUPER importante ora ta papia di malesanan di curason. Estudionan a demostra cu ni maske cu bo famia tin un historia geneticamente di malesanan di curason, bo por baha e risico drasticamente. Come hopi fruta, berdura, grano y cumindanan cu ta contene Omega 3 manera pisca, awakati..etc. Logicamente evita cuminda procesa, suku y consumo exesivo di alcohol.

5.QUINOA BOWL Aki quinoa, rasentji, cinnamon, bacoba y almond milk. E por mando bo banjo!

EHERCICIO Y BAHA PESO Ehercicio, nutricion combina cu mantencion di bo peso ta vital pa un curason sano. Por lo menos

3.BLACK BEAN WRAP Un whole grain wrap cu boontji pretu, tofu, pico de gallo, awakati, collard greens of spinazi y balsamic vinegar como e sauce.

30min di ehercicio pa dia y 5x siman. Bo meta ta pa mantene un peso y bodyfat saludabel door di balansa ehercicio y e cantidad/calidad di cuminda. MANEHA DIABETICI Diabetici ta un faktor serio ora ta trata malesanan di curason y ademas e tin un efekto danino riba hopi di e organonan. Un nutricion sano combina cu ehercicio y control continuo ta un mester…y tin biaha medicamento ta nesecario pa maneha diabetici. BAHA PRECION Precion halto por causa stress riba e sistema cardio vascular y asina contribui na malesanan di curason. Esaki tambe mester wordu controla constantemente. MANEHA STRESS Nos tur tin stress y aunke stress ta afekta cada ken diferente, tin un link entre ta bao stress pa un tempo largo y malesanan di curason. Stress cronico por pone e curason traha mas duru cu consequencia negativo pa e curason.

Engravings Elegance

Y

Manera nos a sinja di chikito cu desayuno ta e cuminda di mas importante di dia y cu nos mester desayuna mane un rey. Aki

All types of Cemetery works, Tumbstones, Awards, Glass, Mirrors, Champagne flutes, Marble & Granites and much more…. Hooiberg 81B, Tel: 586-1908/593-4757…Fb


Pagina 23

Diahueb 8 Februari 2018

Catalogo di material educativo local Departamento di Enseñansa ta informa:

Tin un catalogo di tur publicacion di material di Seccion Desaroyo di Curiculo y Proyecto di Idioma den Enseñansa Departamento di Enseñansa Aruba (DEA) ta desaroya material educativo ya pa mas cu 30 aña pa diferente tipo di scol na Aruba. Na 1986 a lanta Seccion Desaroyo di Curiculo cu e meta pa percura pa material educativo cu ta tene cuenta cu e mucha cu ta biba na Aruba. Cu tempo e seccion a crece y a percura tambe pa e metanan nucleo pa enseñansa primario y pa e terminonan final pa enseñansa avansa y profesional. Den curso di tempo a lanta tambe Proyecto di Idioma den Enseñansa cu e meta pa traha riba standarisacion y cultivacion di Papiamento pa sostene introduccion di Papiamento como idioma di instruccion y como materia den enseñansa. Como refleho di e esfuersonan cu a desplega den transcurso di e ultimo 30 añanan, a publica un catalogo cu ta contene un lista amplio di e edicionnan di tanto Seccion Desaroyo di Curiculo como di Proyecto di Idioma den Enseñansa. Nos gratitud ta grandi na

tur e directivanan di scol, scolnan, maestronan, docentenan y demas actornan den enseñansa pa nan bunita cooperacion; sin nan sosten publicacion di tur e materialnan no tabata posibel. Un palabra di gratitud ta bay tambe na tur e desaroyadornan, traductornan, y redactornan cu a forma parti di e famia grandi di Seccion Desaroyo di Curiculo como tambe di Proyecto di Idioma den Enseñansa. Ta trata aki di mas cu 400 persona cu a duna nan aporte pa produccion y publicacion di material educativo den transcurso di tempo. E catalogo ta un obsekio di sra. Wietske Dijkstra, director di Idee N.V. Hulanda, kende pa nos departamento, pa casi dos decada, a produci y publica un cantidad grandi di diferente material educativo. Un gran parti di e publicacionnan no ta obtenibel mas. Otro publicacionnan mas recien a ser reparti na tur

scol preparatorio y basico. E catalogo “Un bista di material, metodo y buki di lesa desaroya pa ensenansa di Aruba” ta obtenibel den forma digital via e website di Departamento di Enseñansa [www. ea.aw]. Ta e intencion pa den futuro publica e materialnan tambe den un forma digital. Ta e deseo pa e catalogo aki ta un fuente di informacion pero tambe un estimulo pa conhuntamente cu tur actor den enseñansa nos por sigui produci material na bienestar di enseñansa na Aruba. Pa mas informacion por manda un mail na info@ea.aw. Por acudi na website [www.ea.aw] y por sigui e desaroyonan a traves di facebook page @ educationaruba. Nota pa redaccion: Riba e potret: Minister di Enseñansa dr. Armando Lampe ta ricibi e prome Catalogo for di Gracy Garcia-Dijkhoff, Sharon Rodriguez y Carola Peeters di seccion Desaroyo di Curiculo (DEA).

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500


Pagina 24

Diahueb 8 Februari 2018


Diahueb 8 Februari 2018

Pagina 25


Pagina 26

Diahueb 8 Februari 2018

Stellaris Casino y Tropical Bottling Co. a uni pa parti premio na cantidad!

Slot Machine on Wheels cu premio den paradanan di carnaval

Stellaris Casino di Marriott Resort Aruba hunto cu Tropical Bottling Co. e aña aki p’e temporada di carnaval a uni, presentando e “Slot Machine on Wheels”. Mirones sinta na banda cu tin cualkier ‘gadget’ di Tropical Bottling Co. of di Stellaris Casino por hunga y purba nan suerte riba e slot machine. E campaña di “Slot Machine on Wheels” a cuminsa cu un invitacion di Stellaris Casino haci na Tropical Bottling Co., cu tabata masha agradecido di a team up cu e compania p’e productonan cu nan tin pa ofrece. Stellaris Casino a bin cu un concepto creativo y pa prome biaha den historia a bin cu e slot machine riba e ruta di carnaval. Durante e Lighting Parade di diasabra Stellaris Casino tabatin

promo girls y nan tabata spot esunnan cu tabatin productonan di Stellaris Casino of Tropical Bottling Co. y tabata hiba e mashin cerca nan. Nan tabatin chens pa spin e mashin. Pero pa diahuebs a cambia e concepto un poco, pa asina no pega e parada, nan ta pone e slot machine riba un roadpiece cu stoelnan manera un casino. Asina aki e persona ta sinta riba e stoel y purba su suerte riba e “Slot Machine on Wheels”, unda cu e hungado lo haya 3 chens pa spin e slot machine, asina Thaina Maduro, Marketing Manager di Stellaris Casino a expresa. Tropical Bottling Co. y Stellaris Casino a lansa e campaña aki y durante Carnaval 64 nan lo ta cu e “Slot Machine on Wheels” di mas grandi

den carnaval, asina Lizzi Arendsz, representante di mercadeo di Tropical Bottling Co., a expresa. Durante e parada si e promo team mira un persona cu un ‘gadget’ di Tropical Bottling Co., ta invita e persona pa purba nan suerte cu “Spin and win to the Infinity”. E campaña aki ta pa esunnan di 18 aña pariba, kendenan lo hunga e slot machine riba e ruta di carnaval. Stellaris Casino ta invita pueblo di Aruba pa bin e paradanan di diahuebs awo, diasabra y diadomingo pa mustra nan gadget di Stellaris Casino of Tropical Bottling Co. y nan tin chens di spin e “Slot Machine on Wheels”. E publico na banda cu tin cualkier ‘gadget’ di Stellaris Casino di Marriott Resort Aruba of Tropical Botting Co. tin e chens di spin riba e “Slot Machine on Wheels” y

tin chens di gana premio. E ‘gadget’ cu e publico na banda por tin di Tropical Bottling Co. ta Chill, Balashi, Dewars, T-shirt, banner of algo di Stellaris Casino manera e players card. E hungado tin chens di gana diferente premio hungando riba e “Slot Machine on Wheels”. Jerrino “Bass” Ridderstap di D’Licious y Infinity Carnival Group, a expresa di ta contento cu e grupo t’ey danki na Stellaris Casino y Dewars. Pa tin e “Slot Machine on Wheels” den e grupo, pa Jerrino Ridderstap ta contento cu esaki, unda cu e mes a test e slot machine den parada y a gana 2 biaha cual premio el a regala publico na banda. E experencia ta “unique”

y e ta masha dushi mes, pasobra a bin cu algo nobo den parada. “Mi ta sumamente agradecido, satisfecho y contento cu e idea aki cu Stellaris Casino a bin cun’e”, asina el a bisa. Jerrino Ridderstap ta contento cu e ideanan cu Stellaris Casino ta bin cu nan, ta pone nan den Infinity Carnival Group. Infinity Carnival Group ta invita tur hende pa purba nan suerte durante carnaval na momento cu nan mira e grupo yega cerca. Aruba Marriott Resort & Stellaris Casino a habri na aña 1995 y ta e casino mas grandi riba nos isla. E ta conta cu mas di 160 empleado, cu ta maneha 24 wega di mesa y mas di 400 slot machines.


Pagina 27

Diahueb 8 Februari 2018

Cooperacion entre VUmc y HOH

Exitoso “Management Development Program” pa ehecutivonan di Hospital

Hospital a organisa un “Management Development Program” pa Managernan di diferente departamento. E curso aki, facilita dor di VUmc Academie, a entusiasma hopi di esunnan cu a participa, unda cu a siña hopi cos cu por aplica den nan trabou diario. Na final di e curso aki di 1 aña, e participantenan a ricibi un certificado di VUmc Academie.

Academie riba diferente tipo di programanan”, asina Director Financiero di Hospital, sr. Theo de Kool, a duna di conoce. Un parti di dje cu nos ta hopi orguyoso di dje ta e “Management Development Program”, cual 1 aña pasa a start sali. E programa aki tabata pa yuda e Managernan di Hospital haci nan r e sp on sabi l id ad/t a r e a miho.

“Pa casi 10 aña, Hospital ta traha cu VUmc

“Nos ta spera managernan

cu

e por

cumpli cu nan mesun responsabilidad y nos a priminti nan cu lo duna nan e espacio pa por haci esaki na un manera profesional”, asina el a duna di conoce. Miembro di gerencia ta pensa cu esaki ta algo bon p’e organisacion completo y na final e ta alivia e trabou di directiva tambe. Aña pasa Hospital a cuminsa cu e programa di “Management

development”, di cual un grupo grandi di Managernan a participa na esaki. Charlaine Huntington, Manager Communicatie en Voorlichting, kende tambe tabata un participante, a duna di conoce cu e trayecto tabata interesante pa motibo cu a cuminsa cu e module pa por a conoce nan mes y ki estilo di maneho nan tin. Poco poco e participantenan a keda desaroya nan mes bayendo over pa e module con nan ta maneha nan team. Asina aki Manager por mira kico ya ta bon y bo kier mantene bon, kico falta pa drecha, y tambe ki direccion di maneho bo kier mantene. Por ultimo a trata e parti di e estilo di maneho conhuntamente cu e organisacion. E

Managernan cu sigui e trayecto a termina e curso cu un presentacion tocante kico a siña durante e aña cu a pasa y unda kier bay den futuro. Y siguramente no a keda sin menciona cu lo mester di nan ayudo pa cu esaki. Pasobra sin e ayudo di e hefenan, e Managernan no por bay dilanti. “E bunita di henter e trayecto aki tabata, cu a participa hefenan di ‘ondersteunende diensten’ y hefenan di cuido hunto cu normalmente no ta mira otro hopi y danki na e curso aki a cera mas como team cu finalmente e beneficiario di mas grandi ta Hospital mes y su pashentnan”, asina Charlaine Huntington a termina bisando.


Pagina 28

Diahueb 8 Februari 2018

Un dia bendiciona y cu SeĂąor drama su amor y paz riba boso Tata stima cu un curazon yen di gratitud mi kier drenta den Bo presencia pa bisa Bo danki pa mira luz di dia. Danki pa e rosea y pa e cuido di henter anochi. Danki pa Bo amor sincero, Bo misericordia y fieldad. Pordonmi pa tur momento cu mi por a haci Bo tristo cu mi actitud, mi palabranan y mi pensamentonan. Duna mi e forza pa ser awe

un mihor hende. Danki pa Bo paz den mi curazon. Den Bo Palabra Bo ta libera e yiu muhe di un seĂąora pagano di Fenisia cu tabata poseĂŠ pa mal spirito y a pone su confianza den Hesus.( Mc. 7,24-30 ) Mi bon Dios Abo no ta haci distincion di persona. Pa Bo nos tur ta igual sin importa ki rasa, nacion, religion of ki posishon nos tin. Nos tur ta Bo yiunan y Bo ta

stima nos tur igual. Tata yuda nos tambe stima Bo mas y mas. Aumenta nos fe pa nos kere y confia den Bo cu Abo tin poder pa haci tur cos. Lo imposibel Bo por haci posibel. Apesar cu hopi biaha nos ta laga Bo un banda pero toch Bo ta sigui ta fiel na nos. Danki mi bon Dios. Tur Honor y Gloria ta na Bo y pa Bo. Amen.


Pagina 29

Diahueb 8 Februari 2018

TRES SIMAN PASA A PASA UN WARWARU DEN VECINDARIO DI BUBALI HENDE NAN A SALI CORE TUR SPANTA FOR DI BSC SNOR DOMINO TEAM A MANDA UN MENSAGE KLA Y RASPA!!!

Noord – Aruba: Diahuebs ultimo dia di Betico 25 januari, pa banda di 1:00pm personanan cu ta biba den e bario di Bubali a tuma contacto cu Meteorologishe Dienst pa busca mas informacion di e tempo mirando cu e tempo a sera mahos den parti pabou hasta un hose a wordo registra den e parti zuid-west di Aruba cu tawata riba lama cu ta bin den e direccion di Noord – Oost. Meteo a informa e personan pa keda trankilo cu ta un tempo pasahero pero si mester ta pendiente riba e rafaganan cu a wordo registra den mes un rosea a bisa den vos halto cu ta wegi DOMINO ta bai tin pa 2:00pm inpunto. Despues di e informe Bubali Sport Club a cuminsa jena cu fanaticonan di domino. Bubali HULK Domino

Team a wordo bautisa den persona di Sra. Mena Emerenciana Erasmus, Sra. Jeta De Cuba Tromp, Sr. Tico Tromp, Sr. Jack Tromp den precencia President S.V. Bubali Sr. Ryan Figaroa a bautisa e uniform berde y blanco un manera simbolico cu AWA asina tambe e nomber ta bira official bou di Bubali HULK Domino Team cu a wordo Sponser door di EMCO. Directiva S.V. Bubali ta gradisi Propetarionan di EMCO printing cu a juda disgn y print e uniformnan di Bubali Domino Team. Den Bubali Sport Club cu basta fanatico di ambos equipo, E dos Capitain nan a tose Sr. Nelson SNOR Perez y Sr. Tico Tromp di Bubali. Asina tambe e partido di domino a start 2:26pm den un bon ambiente, BUBALI HULK DOMINO TEAM vs

SNOR DOMINO TEAM. SNOR DOMINO TEAM a sinti nan na cas y Bubali HULK Domino Team tawata tin sintimiento mixto pero hopi contento di wak basta hende den bario bin forma parti den e team di Bubali Domino Team. Mirando cu basta tempo Bubali Sport Club no tawata tin un team di domino di persona nan den bario. Importante ta cu tur hende a pasa un rato agradabel na BSC. E wega a cuminsa cu SNOR Domino Team a bai ariba 1-0 e prome parti a bai basta pareuw hasta nos a conpronde cu tawata tin momento cu e SNOR nan a cuminsa trose y hasta soda frieuw paso cos nan no tawata cana manera SNOR tawata kier. Asina nos a wordo informa pero SNOR cu amplio experencia ta bai aden halftime 11-5 pa team SNOR. Abin un break pa e hungadornan por a los nan pia y refrescarga e garganta despues di un mei ora Segundo tempo a start y team SNOR a start brabo y a sigui bai pica padilanti un 5:30pm e ultimo grito a dal duro SNORRRRR asina tambe e wega ta termina 21-09. Despues di wega a bai over na entregamiento di premio na e team ganador cual porcierto ta SNOR DOMINO TEAM.

Directiva ta gradici Sr. Nelson Perez “alias SNOR” cu a brinda Bubali e cooperacion di a hunga e promer wega cu Bubali Domino Team cu a bira un wega historico. Directiva ta informa tur e team nan di Domino commercial momento cu tin actividad Bubali semper ta kla pa coopera semper acuando cu e team por participa. Si bo persona tawata hunga

den un otro team y kier busca un otro team esaki ta e momento sinti bo liber door di yega Bubali Sport Club y participa na e training di domino tur dialuna y diauebs di 7:30pm – 9:30pm bou di afdak. Recordando tur persona cu 16,17 y 18 maart 2018 ta bai tin wega di domino y futbol weganan di bario 8x8.Un boca bisa otro Bubali Yeg@!!!

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500


Pagina 30

LOTTO ANOCHI 07 DI FEBRUARI

Diahueb 8 Februari 2018

LOTTO MERDIA 07 DI FEBRUARI

HOUSE FOR SALE

HOUSE FOR SALE Hoekhuis na

Hoekhuis na Venezuelastraat Eigendom 411 m2 den bon condicion y bon prijs. Pa mas info yama

5972155

TA BENDE KIA Sportage 2011 Oportunidad pa trabao Ta busca urgente Cooks/line cooks m/f Dishwasher Room attendants Preferibel cu experiencia den lunch y breakfast Mester ta local of permiso valido/ Gezondheidsverklaring valido/ por papia,skirbi y lesa Papiamento y Ingles

pa mas info Yama 587 - 9992 entre 9am cu 3pm

TA BUSCA un bon auto di mas o menos 7 mil 8 mil fls

Good afordable price Call 5694343 for more information SUV in good condi-

Pro Catedral San Francisco Orario cu lo parti shinishi

Diaranson di Shinishi dia 14 di februari, dia di ayuno y abstinencia. S.S. di Misa cu partimento di shinishi 6:30 A.M. Celebracion di palabra di Dios, cu partimento di shinishi 8:00 A.M.-9:00 A.M.-10:00 A.M. S.S. di Misa na Paviljoen cu partimento di shinishi 10:00 A.M. Ultimo oportunidad pa ricibi shinishi ta 7:00 P.M. durante di misa. Rumannan esakinan ta e unico ora cu lo por ricibi shinishi.

SERVICIO SEPTIC Servicio di Septic Tank – Chica Pos

Yos Septic Tank

Tel: 566-6144 / 748-2689 Yos ta yega mesora y sigur!

tion

Ta busca Toyota Yaris pa cumpra 2010 of 2012 Yama na 569434 Ta busca tereno unda cu ta pa cumpra ,Yama na 5694343

TRAINING TAAL&REKENEN WORKSHOP “BEGRIJPEND LEZEN & TOETSTRAINING” (pa: alumnonan di 6de klas di school basico) Dianan di training: feb. 16,17,23,24;maart 2,3 Ora: 3:00-6:00 (feb. 16,23; maart 2) 1:00-4:00 (feb. 17,24; maart 3) Lugar: Club Don Bosco Docente : drs. Rudolf R. Kelly

Informacion: 562-2119/ 594-9771/ 585-9774. Email: rr_kelly@yahoo.com

VERF DAK Painting Welder Roofing Carpentry All in one bon prijs pa mas info yama

6309246

TA BUSCA Security guard masculino, edad 25-45 aña Mester tin MAVO diploma of equivalente Mester por papia y scirbi papiamento hulandes ingles y spaño. Mester tin propio transporte

Pa mas info por yama entre 8am cu 4 pm pa un cita na 5883677

JAZZ JAZZ Piano School 21 Buki tur informashon pa bira Jazz Piano Player pa afl 460,00. Tin cupo pa piano les. Pa INFO yama 5608629


Pagina 31

Diahueb 8 Februari 2018

Parlamentario Robert Candelaria: Criminalidad ta keda un problema den temporada di carnaval

Cuida tur locual ta di Bo den ultimo fin di siman di Carnaval Bo famia, Bo salud, Bo pertenencianan y Bo propiedad criminalidad ta birando algo cu ta keda un problema den carnaval. Gobierno y Minister ta cambia pero criminalidad ta keda mescos den e periodo aki. Despues di tur e añanan trahando como Polis, Parlamentario di AVP Robert Candelaria ta pidi pa tur hende tene cuenta cun’e.

E fin di siman aki lo ta e ultimo siman di carnaval y ainda por mira cu

TA BENDE Store display table For sale! 700,- florin Si bo ta interesa pa cumpra, por yama na 748- 8280

Den e temporada di e carnaval aki, specialmente e ultimo siman, pa cuida bo famia, cuida loke ta di bo, cuida bo propiedad. E ta un responsabilidad di cada un di nos, asina Robert Candelaria a expresa. Un ehempel ta pa cuida e yiunan, pasobra si bo ta bay parada cu nan, zorg pa nan oido ta proteha. Tambe pa tin sunblock, tin suficiente awa y esunnan cu kier consumi alcohol pa wanta esaki mas limita si ta posibel, asina aki bo ta keda responsabel y consciente. Tambe pa mira e cosnan cu bo ta trece hunto y cuida esakinan, mira pa esunnan cu ta rond di otro. Ta importante pa corda cu e publico tambe ta e horea y wowo di polis, di cual comparti kico bo mira cu nan. Pa loke ta cas di cada uno, ta importante pa cuida esaki. Ta preferibel pa laga un persona na cas pa asina cuida e cas y vecindario. Polis ta patruya pero tur hende ta responsabel pa nan cas.

Durante e parada tene Aruba limpi y esaki ta responsabilidad di cada uno di nos, asina Parlamentario Candelaria a expresa. E fin di siman aki, manera AVP ta haciendo casi 30 aña caba, lo parti cahanan pa pone sushi aden. Lo parti saco di sushi, pero tur hende ta responsabel pa laga Aruba limpi y bunita manera mester ta. “Esnan cu ta scoge pa keda cas, famia- y iglesianan, goza boso weekend y pasa un dushi tempo cu otro. Corda cu e tempo familiar ta hopi importante”, asina Parlamentario Candelaria a expresa. Ta keda urgi tur hende pa corda cu nos mes ta responsabel pa nos pais p’e ta safe y bunita. Un Aruba mas safe y mas sigur, ta den man di nos tur. Parlamentario Candelaria a expresa cu pa otro fin di siman nos tur por mira bek riba un fin di siman cu tabata safe y safe. Tur hende mester coopera cu Polis, Brandweer, Rode Kruis, Ambulance y tur esnan cu ta traha e fin di siman aki, pa asina por tin un fin di siman trankilo y dushi. “Mi kier a gradici cada un di boso pa boso esfuerzo, pa boso yudanza y cu nos por mira bek riba un fin di siman trankilo, safe y dushi”, asina Robert Candelaria a termina bisando.

PRONOSTICO DI TEMPO VALIDO TE DIAHUEBS 08 DI FEBRUARI 2018 COMPILA: DIARANSON 07 DI FEBRUARI 2018 17:00 (21:00 UTC) TEMPO: DIARANSON ANOCHI: LEVEMENTE TE PARCIALMENTE NUBLA SIN AWACERO DI IMPORTANCIA DEN MARDUGA I DIAHUEBS: PARCIALMENTE NUBLA CU LOCALMENTE UN AWACERO PASAJERO. TEMPERATURA MAXIMO 31 GRADO CELSIUS Y TEMPERATURA MINIMO 25 GRADO CELSIUS. SOLO LO BAHA AWE NOCHI 06:44 PM Y LO SALI MAYAN MAINTA 07:04 AM. BIENTO: MODERA TE BASTA FUERTE FOR DI GENERALMENTE DIRECCION OOST; FORSA 4 TE 5 (20 TE 39 KM/ORA, 11 TE 21 NUDO) DEN DIA BASTA FUERTE TE FUERTE DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO: ATMOSFERA REGIONAL TA KETU BAI HUMEDO I ESAKI LO OCASIONA CU DE BES EN CUANDO LO BAI PASA MAS NUBIA RIBA E ISLA. DEN PROXIMO 24 ORA POR SPERA PRINCIPALMENTE DEN ORANAN DI MARDUGA I MAINTA UN AWACERO PASAJERO. CONDICION DI LAMA: OLANAN DI LAMA LO TA FOR DI DIRECCION OOST- NOORDOOST CU HALTURA DI 5 TE 8 PIA; E OLANAN DI MAS HALTO LO TA NA COSTA NOORD TE NOORDWEST DI E ISLA CAMINDA ESAKINAN POR JEGA TE 9 PIA. TA PIDI OCUPANTENAN DI BOTO CHIKITO PA PROCEDE CU CAUTELA RIBA LAMA GRANDI. TEMPERATURA DI SUPERFICIE DI LAMA: 25 GRADO CELSIUS. FENOMENONAN SPECIAL: NINGUN REGISTRACION DI TEMPERATURA (CELSIUS) Y AWACERO (MM) DEN ULTIMO 24 ORA: AIRPORT

TA BENDE Pa mata nan fuerte y berde Gordura di bon calidad Afl 8,00 pa saco grandi. Nos ta deliver riba 10 saco

Pa mas info yama 592-6209

TA HUUR Cas na Pos Chiquito 4 kamber/baño cura sera cu hopi lugar pa parkeer. Bon pa oficina of residencia. Serka di caminda Afl 2500,00 pa luna

Pa mas info yama 733-1201

SERO BLANCO

MAX 31 / MIN 25 / 0.2 MAX 30 / MIN 25 / 0.0

PRONOSTICO DI TEMPO PA PROXIMO DIANAN DI SIMAN: LEVEMENTE TE PARCIALMENTE NUBLA CU UN AWACERO PASAJERO. BIENTO LO TA FOR DI DIRECCION GENERALMENTE OOST I MODERA TE BASTA FUERTE; DEN DIA FUERTE TE POSIBLEMENTE DURO DEN RAFAGA; TEMPERATURA MAX / MIN LO TA: 31/26 E PROXIMO BULLETIN LO WORDO PUBLICA DIAHUEBS 08 DI FEBRUARI 2018 17:00 (21:00 UTC)


Pagina 32

Diahueb 8 Februari 2018

Diahuebs 8 februari 2018  
Diahuebs 8 februari 2018  
Advertisement