GANA!!! 500 florin
Lesa pag. 2 Diahuebs 3 Maart 2022
Solo di Pueblo
E-mail: solodipueblo@gmail.
Aña 16 - edicion 620
E caso ta sigui 16 Maart
Hues a ordena Gobierno pa presenta medida structural pa remplasa e 12.6 % Minister Endy Croes:
NOS LO SIGUI EXPLORA MAS COLABORACION RIBA TERENO DI ENSEÑANSA Y DEPORTE Pick-up procedente di ladronicia a ser encontra na Sero Janchi
Detencion den caso Flamingo
Prijs: Afl. 1.75
2
Diahuebs 3 Maart 2022
Bon coperacíon entre kamber di radar di Cuerpo Polis Aruba y Wardacosta di Caribe Húlandes Awe mainta, 2 di márt ront di 00:00 ora camber di radar di Cuerpo Polis Aruba (CPA) a meldu un contacto riba radar den area oeste di Aruba. Mesora a notificá Wardacosta, cu mesora a saca un Metal Shark pa bai interceptá e boto. Ront di 00.30 a interceptá un lancha cu 11 persona indocumentá abordo, di cual 10 persona masculino y 1 femenino. Wardacosta a trece e lancha padén, y a detené e capitán y su ayudante pa traficacíon di hende. E dos personanan aki a wòrdo pasá pa e Unidat di Traficacíon di Hende di CPA pa mas investigacíon. E dèmas 9 personanan a wòrdo trasladá pa Warda nos Costa. Mester remarcá cu e caso aki ta resultado di bon coperacíon entre cuerponan di Wardacosta, Cuerpo Polis di Aruba y Warda nos Costa.
3
Diahuebs 3 Maart 2022
DVG ta informa cambio den nan servicionan extraordinario relaciona cu COVID-19 - 02 di maart 2022. Pa medio di e comunicado aki Departamento di Salud Publico ta informa comunidad cu entrante dia 3 dia maart, nos departamento lo no print certificado di vacunacion mas. Tur persona ta dispone di nan certificado di vacunacion den nan Aruba Health App y si pa cualkier motibo mester print esaki, cada persona mes por
haci esaki den confortabilidad di nan hogar of por acudi na cualkier print of copi center pa haci esaki. Departamento di Salud lo sigui duna unicamente servicio tecnico relaciona cu Aruba Health App na personanan cu tin dificultad cu e App of cu falta registracion di vacuna den e Aruba Health App. Tambe call center 280.0101 lo stop di brinda
servicio den weekend, e weekend di 5 y 6 di maart lo ta e ultimo weekend cu call center lo traha den weekend. Pa mas informacion like nos Facebook page Directie Volksgezondheid DVG Aruba, subi nos website www.dvg.aw of yama nos na 5224200
E caso ta sigui 16 Maart
Hues a ordena Gobierno pa presenta medida structural pa remplasa e 12.6 % Awe mainta via mail Hues a tuma un decision temporal den e caso di Gobierno contra SIMAR y SEPPA pa para e accion. Telenoticia por a compronde cu Hues kier mas informacion promer cu e tuma un decision. Hues a instrui Gobierno pa presenta medida structural cu ta reemplaza e medida temporal di 12.6 %. Hues a bisa cu e caso ta sigui 16 Maart 2022. E dia ey Gobierno mester presenta e medida structural y SEPPA y SIMAR ta haya 2 siman pa reacciona. Despues Hues lo fiha un dia pa sentencia.
Accidente cu hende lemente herida cerca di e turbo rotonde na L.G. Smith blvd. Dialuna mainta a drenta informe di un accidente cu hende herida banda di e turbo rotonde na L.G. Smith blvd., mesora a dirigi tanto polis como ambulans na e sitio. Na yegada di e patruya a bin compronde unda cu un auto a haci un mal maniobra y a bay accidenta riba un otro auto. Un persona tabata keha di dolor pero na yegada di e ambulans nan a atende na e sitio mes.
4
Diahuebs 3 Maart 2022
Aruba lo haya su prome doctor medico forensico Diadomingo,dia 27 di februari 2022, dr. Vincent Latour, actualmente jeugd arts na Departamento Di Salud Publico (DVG), a bai Hulanda pa specialisa como medico forensico pa Aruba. E posibilidad pa e specialismo aki a wordo realisa dor di DVG den colaboracion cu Ministerio di Asuntonan General, Departamento di Recurso Humano, Family Justice Center (FJC) y NSPOH (Netherlands School of Public & Occupational Health). Depues di añanan sin un propio medico forensico porfin Aruba lo yega na su prome propio medico forensico. E medico forensico su tarea principal ta pa assisti mastanto den investigacion forensico di abuso sexual y violencia relacional severo. Esaki lo fortifica e parti di sporenonderzoek y lo fortifica tambe e colaboracion entre varios instancia, entre otro Jeugd- en Zedenpolitie (JZP) y Cuerpo Policial (KPA), Horacio Oduber Hospital, Directie Voogdijraad, Directie Sociale Zaken, Bureau Sostenemi, Openbare Ministerie, Veiligheidshuis y mas partners. Desde cuminsamento di aña, DVG y FJC a inicia e contacto cu NSPOH y a sondea e posibilidadnan pa un kandidato di Aruba por sigui e estudio pa medico forensico. Despues di a risibi un contesta positivo, DVG a publica un vacatura via diferente canal di media na Aruba y tambe via Arubahuis. E vacatura a indica
e tareanan di un medico forensico y tambe e condicionnan cu e kandidato lo mester cumpli cune. DVG a ricibi un total di 4 sollicitud ariba e vacatura, di cual solamente un kandidato por a cumpli cu e condicionnan stipula pa NSPOH. Despues di a ricibi e solicitud, NSPOH a tene un sollicitatiegesprek y despues a duna aprobación na e kandidato. Ora DVG a ricibi e aprobación di NSPOH,DVG na su turno a manda un peticion oficial na conseho di Minister, mirando cu e estudio lo tuma lugar den cuadro di un studieopdracht. Conseho di Minister a bai di acuerdo cu esaki, teniendo cuenta cu e richtlijnen di Departamento di Recurso Humano. Despues di e procedura aki por bisa oficialmente cu Dr. Vincent Latour ta e kandidato selecta pa sigui e specialismo di medico forensico. Na Hulanda, dr. Latour a traha den diferente area di expertisio, manera cuido multidisciplinario den hospital, den area di doctor di cas y tambe den area di verloskunde. Desde 2016 dr. Latour ta biba na Aruba y a cuminsa traha na JGZ como jeugdarts. Desde februari 2021, dr. Latour ta funcionando como doctor di confianza na Bureau Sostenemi. Prome cu su despedida diadomingo pasa, dr. Latour a gradici tur profesional cu a haci esaki
posibel y especialmente su casa, cu a sigui dune e motivacion pa haci esaki. Durante e siguiente dos ana y mei, dr. Latour lo volg e specialismo aki mastanto na Hulanda y lo sigur haya falta di su casa y 4 yiu na Aruba. E logro pa yega na un medico forensico ta un paso importante pa Aruba. Na e mesun momento DVG y FJC ta consiente cu mester busca otro solucion pa e siguiente temporada nos dilanti tanten cu nos no tin nos propio medico forensico na Aruba. Actualmente DVG y FJC ta trata di yega na un areglo cu NSPOH. E proyecto Family Justice Center ta un proyecto nobo na unda instancianan hudicial y instancianan di ayudo social lo traha mas hopi posibel bou di un solo dak y den algun caso hopi mas cerca di otro. Hunto lo duna servicio mas completo posibel na victimanan di abuso sexual y violencia relacional fisico severo. Un danki ta bay especialmente na e Ministerionan cu a hasi esaki posibel, cualnan ta Minister di Asuntonan General, Innovacion, Organisacion Gubernamental, Infraestructura y Planificacion Territorial, Sra. mr. Evelyna Wever- Croes, Minister di Husticia y Asuntonan Social, Sr. Rocco G. Tjon y Minister di Turismo y Salud Publico, Sr. Danguillaume P. Oduber.
Un ambulante drumi dilanti un negoshi
Diamars mainta a drenta informe di cu lo tini un ambulante drumi dilanti un negoshi den Weststraat
y e no kier move, mesora a dirigi patruya na e sitio. Na yegada di e patruya a topa cu e ambulant moviente di
e sitio y a avise pa no keda dilanti di negoshi nan.
5
Diahuebs 3 Maart 2022
HOH a gradici nan pa e ayudo durante temponan dificil
Encuentro positivo entre sector medico y embahadornan di Colombia Riba diahuebs 24 di februari 2022 Horacio Oduber Hospital tabatin un reunion fructifero cu sr. Fernando Rubiano, embahador di Colombia den Reino y sr. Ernst Noorman, embahador di Reino na Bogota. HOH a gradici di curason pa e sosten enorme cu Colombia a brinda durante e periodo cu no tabatin suficiente cama pa pashent na Cuido Intensivo na Aruba. Sin HOH su lasonan personal y diplomatico na Bogota y Bucaramanga e situacion den nos Hospital y pa nos pashentnan di Aruba lo por tabata uno hopi precario. Mas ainda door cu e hospitalnan di Caribe Hulandes no por a ofrece ni capacidad ni solucion na e momento ey. A traha un fundeshi solido di relacion duradero cu lo tin su fruto den futuro. Alabes lo start cu investigacion pa trece enfermeranan specialisa na Aruba. Tambe e importancia di cuminda saludable pa e situacion di salud di e comunidad na Aruba y e limitacionnan conecta
na esaki di importa y transporta esaki a wordo enfastisa como punto diplomatico desea y beneficio di ambos banda. Ta importante pa mantene un
bon relacion entre Colombia, Reino y isla Aruba. Y pa loke ta encera cuido medico e bo relacion akinan ta te hasta uno esencial. A palabra cu otro pa
regularmente keda den bon contacto pa asina ta na altura di tur posiblidad, deseonan y oportunidadnan.
Minister Maduro di Finansa a reuni cu Fitch pa e evaluacion financiero y economico di Aruba Diamars Minister di Finansa a reuni cu e compania di rating Fitch cu den e dianan aki ta haci un evaluacion financiero y economico di Aruba pa por duna un bista na inversionista di e credibilidad financiero di nos Pais expresa den un rating. Durante e reunion a toca temanan manera supervicion financiero y e cambionan huridico cu lo tuma lugar pa e introduccion di RAFT y COHO, Presupuesto 2022 y con lo financia e deficit premira, e maneho di debe y e reforma fiscal. Mester remarca cu mescos cu otro compania di rating cu ta evalua Aruba, Fitch tambe ta dedica hopi atencion na e relacion di Aruba cu Hulanda. No solamente pa e reformanan cu mester tuma lugar, pero tambe si tin disponibilidad di Hulanda pa yuda cu sosten di likidez den futuro si esaki ta necesario. E ultimo aki ta hopi importante ya cu Aruba tin debenan cu mester wordo refinancia y pa cual mester yudansa financiero di Hulanda pa por cumpli debidamente. E resultado di e evaluacion di Fitch por wordo spera na comienso di april
6
Diahuebs 3 Maart 2022
Minister Endy Croes:
NOS LO SIGUI EXPLORA MAS COLABORACION RIBA TERENO DI ENSEÑANSA Y DEPORTE Siman pasa hunto cu Prome Minister di Aruba sra. Evelyn – Wever Croes nos a reuni cu Presidente Harris Pastides y representantenan di University of South Carolina (USC) riba e colaboracion entre Universidad di Aruba y USC. E ta un colaboracion riba tereno di turismo y hospitality pa nos studiantenan cu ta continua nan estudio na Merca. Minister Endy Croes a sigui bisa cu durante e reunion a elabora riba e estudio di ‘Sport Management’ cu University of South Carolina ta domina exitosamente pa asina sondea e posibilidad pa por cuminsa cu un estudio riba ‘sport management’ den un intercambio cu e Universidad. Den parti di organisa eventonan deportivo University of South Carolina tin un tremendo programa. A
intercambia idea pa mas memey di aña 2022 nan por manda algun di nan representantenan Aruba pa asina nos por duna
un seminario na nos hendenan con pa organisa eventonan deportivo na un manera mucho mas profesional. ‘Nos lo sigui
explora mas colaboracion riba e tereno di enseñansa y deporte’, e Mandatario a finalisa.
Accidente na Bubali
Diamars mainta a drenta informe di un. Mesora a dirigi un patruya na e sitio. Na yegada di e patruya a bin compronde cu un chauffeur di un Nissan
Tiida shinishi lo a subi asfalt na banda di caminda, perde control, bai otro banda di caminda y drenta mondi. Afortunadamente ningun persona a resulta herida.
7
Diahuebs 3 Maart 2022
… Buki Gedichten en Muziek van Simson … !!! Cruz. Lesadornan di Gedichten en Muziek van Simson lo por gosa tambe di e poema Meester Odor cu e artista a skirbi rond di experencianan balioso cu hopi hende y e tin cu Rufo Odor. Den e buki tambe lo tin e poema Tata Padu cu ta skirbi na Papiamento y ta dedica na e baranca tan balioso y internacional Juan Chabaya Lampe kende ta miho conoci como Padu Lampe y
Pronto lo parece e buki Gedichten en Muziek van Simson. Autor di e buki ta e artista polifacitico Waldy Simson kende a biba y traha binti aña na Aruba. Gedichten en Muziek van Simson lo wordo dedica na difunto yui di
tera grandi di Aruba y musico importante Rufo Odor kende como ser humano y como artista a inspira Waldy Simson na un manera unico. Lo tin den e buki un imagen di e retrato di papel di Rufo Odor cu Simson a traha ora e tabata biba na Santa
Detencion den caso Flamingo Ayera Landsrecherche a detene un sospechoso den e investigacion Flamingo. E muher E.F. ta wordo sospecha di envolvimiento den iregularidadnan den otorgamento di terenonan erfpacht. E investigacion continua. No ta exclui detencion.
ta mas
Padu del Caribe. Annie Ho A SjoeWijngaarde como juffrouw di skol unico tanto na Surnam y Aruba a inspira Simson pa skirbi e poema Juffrouw. E poema mes lo haya su lugar den buki nobo di Simson. Otro aña 18 di juli lo ta e di ciencinco dia di nacimento di luchador di libertad grandi Nelson Mandela. Waldy Simson den su funcion como
ambassador di Museo Nelson Mandela, cu ta situa na Sur Africa, lo duna un imagen di Portret di Nelson un lugar special den su buki nobo Gedichten en Muziek van Simson. Portret di Nelson tambe a wordo traha aki na Aruba den districto Santa Cruz. “Duna arte un lugar digno den bo bida.” Waldy Simson E-mail: waldy simson Website: artisit.webs.
8
Diahuebs 3 Maart 2022
Minister Rocco Tjon:
A RICIBI E PLAN MULTI-ANUAL PA 2022-2026 DI CEDE ARUBA
Durante un reunion ameno, Minister di Husticia y Asuntonan Social Sr. Rocco Tjon, a ricibi presentacion pa loke ta e plan multi-anual pa 2022-2026 di CEDE Aruba. Presente na e reunion aki tawata director di CEDE Aruba Sr. Daniel Tecklenborg, como tambe ex-Gobernador di Aruba Sr. Fredis Refunjol, kende actualmente ta forma parti di e hunta di maneho di CEDE Aruba. CEDE Aruba, a haci un estudio nacional, caminda a haci un encuesta di satisfaccion di cliente entre 69 diferente organisacion cu tin un relacion directo cu CEDE Aruba. Tambe a haci un consulta cu 78 stakeholders consistiendo di diferente NGO’s, socionan di financiamento como tambe un “sounding board”. A base di e estudio aki a logra deduci cuater punto di enfoke a largo plaso, cual a keda presenta den e plan multi-anual. Actualmente, CEDE Aruba ta wordo caracterisa como un di e organisacionnan di mas grandi na Aruba, trahando riba e bienestar social y socio-economico di nos comunidad. CEDE Aruba a sa di posiciona nan mes, como e organisacion di financiamento di mas grandi den nos comunidad pa proyectonan den diferente areanan manera: vecindarionan y comunidad, individuonan y famianan, muchanan y hobennan, adultonan mayor, personanan cu limitacion, gruponan vulnerabel y ta yuda reenforsa
diferente NGO’s. E mision di CEDE Aruba ta pa promove e union di personanan y recursonan pa un desaroyo sostenibel. Pa e motibo aki a restructura e strategianan pa traha na un manera mas eficiente y pa enfoca riba solucionnan duradero. Bisando esaki, for di e encuesta cu a wordo haci entre e diferente socionan y gruponan clave den comunidad, a saca afo cuater punto di atencion cu lo bay enfoca riba dje a largo plaso. Loke cu kier logra cu e resultado di e cuater puntonan aki ta pa crea igualdad den bienestar entre individuonan, famianan y comunidad. E prome punto ta enfoca riba crea organisacionnan mas fuerte, dedica, colaborativo y alinea cu e necesidadnan di nos comunidad. E di dos punto ta enfoca riba ciudadanonan mas involucra y podera, e tercer punto ta enfoca riba e aumento di programanan di prevencion pa nos comunidad y mehoracion di e bienestar di e gruponan vulnerabel. E di cuater punto ta enfoca riba aumentacion di e bienestar di famianan y di e sistema solidario. Bou di cada punto, tin un lista di accionnan cu mester wordo tuma pa yega e obhetivo, di cual CEDE Aruba lo sigui boga p’e y traha conhuntamente cu stakeholders y comunidad pa logra haci esaki. Por
ultimo,
e
Mandatario
a expresa di ta sumamente contento cu e resultadonan di e estudio cu a wordo haci pa CEDE Aruba y ta cla pa traha cu bista riba futuro a base di e plan multi-anual cu a keda
presenta, cual ta cuadra cu e obhetivonan di Ministerio di Husticia y Asuntonan Social. For di Ministerio, lo aloca fondonan pa yuda reenforsa esaki.
9
Diahuebs 3 Maart 2022
KIWANIS BUILDERS CLUB FILOMENA COLLEGE MAVO AWOR TA UN REALIDAD
Aruba awor tin un club di servicio nobo. Recientemente Prome Minister Evelyn Wever Croes tabatin e honor di por tabata presente na oficialisacion di Kiwanis Builders Club Filomena College MAVO. A anuncia 55 miembro nobo y a instala e Presidente Iriengelo Jamanika, conhuntamente cu demas miembronan di e directiva nobo. Prome Minister Wever - Croes hunto cu Minister Endy Croes y Parlamentario Alvin Molina, a mira e nacemento di e club nobo aki. E club a wordo lanta pa Kiwanis Club of San Nicolas, un club hopi activo specialmente na San Nicolas, den apenas dos aña di existencia. Hasta durante di pandemia, nunca Kiwanis a stop di duna bek na comunidad cual sigur ta di admira, Prome Minister a expresa. Ya pa 57 aña, Kiwanis Club ta activo sirbiendo henter Aruba su comunidad a traves di diferente proyecto, contribuyendo na exito y crecemento di nos muchanan. Awor cu realisacion di Kiwanis Builders Club Filomena College MAVO, ta inicia un trayecto nobo, hunto cu 55 miembronan nobo. Miembronan hoben yena
cu ideanan creativo y cu pasion pa haci un diferencia y duna bek na comunidad. Durante e ceremonia Prome Minister Wever - Croes a comparti un mensahe cu tur esnan presente, specialmente na e miembronan nobo. “In giving you can receive much more than you can ever give away”. Cu esaki Premier a splica cu e trabou como Prome Minister / Minister, ta uno hopi pisa. Ta haya poco ora di sosiego y ta rekeri casi 24 ora disponibilidad tur dia. Pa por cumpli cu e funcion, e ta hopi importante pa tin un bida balansa. Pa prome Minister e 4 areanan di
bida cu ta importante pa ta den balans ta: su famia, trabou, practica su fe/ meditacion y duna bek na comunidad. El a enfatisa cu sin e delaster punto, su bida no lo ta den balans y tampoco exitoso. Cu e mensahe aki Premier Wever - Croes ta desea cada miembro nobo hopi exito y cu e trayecto a traves di e club, por trece e balans cu ta necesario den bida pa ta exitoso y feliz. Por ultimo, Prome Minister Wever - Croes a desea Kiwanis Club of San Nicolas hopi pabien y tur clase di exito na e board di Kiwanis Builders Club Filomena College y tur e miebronan nobo!
10
Diahuebs 3 Maart 2022
Parlamentario Marco Berlis (MEP):
Solucionnan necesario pa violencia na scol y entre alumnonan Den e ultimo añanan nos por a wak cierto desaroyonan negativo cu ta tumando lugar bao di nos muchanan na nos scolnan. Tin mas bringamento, bullying, termento, y violencia ta tumando lugar. Hasta armanan blanco y revolver ta envolvi den algun caso reciente. Esaki no ta djis alarmante pa nos yiunan cu ta bayendo scol, pero sigur tambe pa e mayornan y maestronan. Pesey e ta importante pa nos como mayornan tuma tempo constantemente cu nos yiunan pa educanan y siñanan pa keda leu di violencia. Nos mester siñanan pa nunca intimida y abusa otro muchanan, bao di ningun circumstancia. Nos por a wak e trend di violencia aki manifesta hopi tempo caba na Merca, unda cu tin hopi problema cu bringamento y tiramento na scolnan y shopping malls. Mirando cu e desaroyo aki na Aruba a escala riba un nivel cu sigur no ta acceptabel, nos mester cuminsa actua prome cu ta laat y cosnan mas grave sosode na nos scolnan. Nos no por ta negligente y pensa cu nada no lo pasa. Mundo ta cambiando rapido y nos tur, como un comunidad chikito mester aporta nos granito di arena pa nos por wak un cambio radical den e comportacion di nos muchanan. Den cuadro di esaki, e ta importante pa wak e diferente recursonan y accionnan cu nos
por tuma pa cambia e rumbo di violencia cu kier apodera di nos scolnan. E problema no ta di awo, pero mi ta kere nos ta na tempo pa tuma accionan preventivo pa caba cu e circulo di violencia aki.
Solucion riba nivel di cas
Pesey, mayornan, ban educa nos yiunan pa nan ta muchanan responsabel, y siñanan e consecuencianan cu violencia por tin pa nan mesun bida y bida di otronan. Violencia por destrui nan educacion, bida y futuro. E ta imperativo pa siña nos muchanan etica y amor pa otronan. Sint ana mesa cu bo yiunan pa inculca principionan y balornan halto den e moral di nos yiunan, pa asina nan por lanta como ciudadanonan ehemplar y respetuoso. Esaki no ta e trabao di e maestronan so, sino primordialmente di nos como mayornan!
Solucion riba nivel di scol
Scolnan lo por invita fundacionan cu por educa nos muchanan na scol encontra di violencia y bullying, manera Telefon pa Hubentud cu ta basta activo den e area aki. Esaki lo trece conscientizacion na nos muchanan cu ta wordo exponi na asina hopi noticia, influencia violento riba internet, television y ehempel di mal amigonan.
Prevencion ta un gran parti di e solucion.
Solucion riba nivel di Gobierno
Por a wak un reduccion significativo di violencia, ora a presenta un programa antibullying na algun scolnan den pasado. Lo ta bon pa sigui envolve e fundacion aki pa ta parti di e programa di e scolnan pa asina yuda nos muchanan compronde e problema y efectonan di bullying. Mi a compronde tambe for di Minister di enseñansa Sr.Endy Croes, cu e ta preparando mas proyecto cu stakeholders pa duna mas atencion den scolnan riba e tema aki.
Adicionalmente, scolnan por wordo ekipa cu technologianan pa evita armanan drenta na scol. Detectornan di metal special por wordo instala na entrada di nos scolnan. Cu tur loke a sucede ultimamente, esaki sigur mester wordo considera como un opcion serio y realistico. Tin diferente opcionan y solucionan pa e problematica aki. Laga nos ta proactivo y protege nos muchanan y maestronan di un proximo episodio di violencia.
11
Diahuebs 3 Maart 2022
AVF cu eleccion bestuur na 2022
E luna benidero, esta 15 Maart 2022, Arubaanse Verening van Fysiotherapeuten (AVF) lo tene su eleccion di un Directiva nobo pa e siguiente 3 anja cu ta stipula den nan Statutanan. Na ultimo parti di aña 2021, AVF tabata hopi den noticia pa cu e cambionan cu AZV lo kier (a) hasi den su pakete Basico pa cu Fysiotherapie. En conection cu esaki, AVF ta hopi agradecido cu por a reuni cu Minister di Salubridad, sr. Dangui Oduber, prome cu tur e cambionan lo tuma lugar, den cual nan a splika nan rol importante pa nos communidad
cu emphasis ariba e movecion fysico y keda fit y saludabel, y alavez tambe pa forma di therapianan cu no solamente ta juda e pashent recupera di su dolor y inconvenencia muscular y of joint, pero pa na mes momento preveni cu un pashent lo mester opera por ehempel ariba un edad ‘jong’ y hopi biaha inecesariamente. En corto: Fysiotherapie ta ta juda e cliente den un forma curativo y tambe preventivo di cual AVF y Minister ta ariba un linea. Mirando cu e dianan ta asercando, e Directiva actual ta manda hopi
exito na cada miembro cu ta y of tin e deseo pa postula su mes pa un puesto den esaki. Finalisando,
Directiva
vigente ta gradici tur su miembronan pa e sosten cu nan a ricibi den e añanan cu a transcuri y ta spera cu e siguiente lo continua cu animo
y positivismo pa sigui logra su metanan stipula pa cu nan profession di Fysiotherapie
AUDIENCIA VICE-PRESIDENTE DI RAAD VAN STATE Vice-presidente di Raad van State, señor Thom de Graaf, actualmente ta na Aruba pa un bishita di trabao. Riba diamars 1 di maart 2022 Gobernador di Aruba, Su Excelencia Alfonso Boekhoudt, a ricibi’e pa un audiencia na Cas Ceremonial. Banda di e vice-presidente, señora Milly Schwengle (staatsraad), señora Marja Horstman (secretario) y señora Leontine Loeber (sectorhoofd advisering) tambe tawat’ey presente durante di e audiencia. Durante di e audiencia a papia entre otro tocante di e situacion politicoadministrativo na Aruba, problemanan di medio ambiente y ehecucion di e landspakket. Potret: © Kabinet Gouverneur Aruba
12
Diahuebs 3 Maart 2022
Minister Geoffrey Wever:
Proyecto pa apertura di cuenta bancario acelera y eficiente Mehoracion di transaccionnan financiero, manera entre otro habri un cuenta di banco particulier of un cuenta di banco priva, ta aporta positivamente na e “ease of doing business” na Aruba y asina ta aporta na e clima empresarial y clima di inversion na Aruba. Proceduranan mester ta transparente y menos complica posibel na servicio di e empresanan y tambe e cuidadanonan di Aruba. Den cuadro di inclusion financiero, habri un cuenta di pago basico, mester ta posibel pa tur hende. Den cuadro di e reformanan economico di Landspakket, un oficina consultativo independiente, Economisch Bureau Amsterdam (EBA), a haci un investigacion y a duna recomendacion na gobierno di Aruba. Den e rapport di EBA ta wordo indica cu e tardamento administrativo y e gastonan di e rekisitonan di “compliance” y e tempo largo cu mester warda pa habri un cuenta di banco, ta perhudica
e comunidad empresarial y ta causa daño na e bon nomber di Aruba como destinacion pa haci inversionnan. “Producto y servicio financiero mester ta acesibel pa tur hende” segun Minister Wever. EBA ta recomenda cuater proyecto di prioridad cu lo aporta di manera esencial na e clima empresarial y clima di inversion di Aruba. Un di e proyectonan ta proyecto #4: “Habri cuenta di banco di manera eficiente”. Minister Wever ta splica cu den e temponan moderno aki ta den interes di e comunidad empresarial y di e cuidadanonan pa por habri un cuenta bancario den tempo rapido pa asina haci transaccionnan financiero. EBA ta recomenda cu den e proyecto aki, stakeholders traha hunto na stipula reglanan y haci acuerdonan den termino di tempo rasonabel pa por habri un cuenta bancario na Aruba y cu e acuerdonan aki wordo formalisa por medio di un convenio. Banda
di esaki, EBA ta recomenda pa traha den e proyecto aki tambe na haci habrimento di un cuenta di pago basico acesibel pa tur hende. E Asociacion di Bankeronan di Aruba (ABA) y Banco Central di Aruba (CBA) lo haya un rol importante den e proceso aki. Minister Geoffrey Wever: “EBA
a haci recomendacionnan interesante na gobierno di Aruba, cual gobierno di Aruba a kies pa implementa. Pa cu esaki lo tene dentro di poco combersacionnan cu ABA y CBA pa realisa e ehecucion di e proyecto aki. Gobierno di Aruba ta brinda sosten completo na implementacion di e proyecto aki”.
Pick-up procedente di ladronicia a ser encontra na Sero Janchi Dialuna merdia a drenta informe di cu tin un pickup preto cu lo a ser laga atras na Sero Janchi, mesora a dirigi un patruya na e sitio. Na yegada di e patruya a bin topa cu e pick-up aki cual ta cuadra cu e descripcion di esun horta, polis a confisca e pick-up y a solicita un takelwagen pa hiba e pick-up aki na warda di Santa Cruz pa investigacion pa asina logra captura e ladronnan.
13
Diahuebs 3 Maart 2022
Parlamentario Darlaine Guedez-Erasmus (MEP):
Institucion “E defensor di Pueblo” pronto ta bira un realidad E palabra Ombudsman sigur pa hopi den nos comunidad no ta conoci ainda. Den otro palabra nos por bisa cu un Ombudsman ta conoci como e Defensor di Pueblo. Aruba ta e unico pais den Reino Hulandes cu no tin un Ombudsman ainda. Ta importante pa informa si cu desde 2006 a cuminsa traha riba e ley di initiactiva Ombudsman, pero a keda cu ne pendiente pa hopi tempo y pa un of otro motibo no a mira e importancia di dje. Pa mi persona sigur ombudsman ta un topico hopi importante y necesario pa salvaguardia derecho di nos ciudadanonan. Pa es motibo ey ora mi a drenta parlamento na 2020, mi a uni mi mes na e lucha pa trata e ley di ombudsman mas pronto posibel. Cu hopi orguyo a logra y na september 2020 den un reunion publico a trata e ley aki y esaki a wordo aproba. Pa duna e ley aki mas peso lo ancra Ombudsman den nos Constitucion. Actualmente tin un ley na Parlamento di Aruba pa trata diferente cambio den e Constitucion. Dia 24 di febuari 2021, a inicia cu e reunion aki caba, pero door di e shete amiendanan presenta a keda wanta te na segunda tanda. Esaki ta pa por brinda tur Fraccion e
oportunidad di pasa bon door di e amiendanan. Despues di eleccion a drenta Fraccionnan nobo den Parlamento di cual nan tambe mester e espacio pa por pasa door di e cambionan proponi como tambe e amienda. Awor porfin nos ta asina leu y pronto, den transcurso di luna di maart/april lo bay yama e reunion publico aki bek pa asina finalisa e proceso completo di ombudsman. Ombudsman na banda di brinda ayudo huridico, ta duna e ciudadano oido, balor, sosten
y atencion pa cualkier situacion inhusto cu e ta pasando aden. E ta importante pa menciona cu un ombudsman no ta pardiario y pues ta trata hechonan cu transparencia y husticia. Un ombudsman mester wordo mira manera e ultimo recurso di un ciudadano, y no por lubida cu ombudsman NO ta un hues. E ta un mediador cu lo por yuda haci e comunicacion mas eficiente y asina por evita bay dilanti hues. E servicio cu e Ombudsman brinda ta gratis y ta pone cu tur cuidadano tin acseso na dje.
Como parlamentario mi ta haya cu un Ombudsman na Aruba ta hopi importante. E pueblo por sinti su mes sigur cu e por acudi facil pa haya conseho, y asina evita di tuma ‘ley den mesun man’. Ademas di e forma aki e ciudadano ta siña un poco mas di su derechonan, camindanan cu e por cana y por brinda ciudadanonan maneranan nobo pa soluciona problema. Tur esaki ta na bienestar di ciudadanonan y ta positive pa nan desaroyo.
14
Diahuebs 3 Maart 2022
Chauffeur despues di a caba di traha yegando su cas a pega soño y accidenta na Hato
Dialuna madruga a drenta informe di un accidente na e rotonde Hato, mesora a dirigi un patruya na e sitio. Na yegada di e patruya a bin compronde cu aki ta trata di un accidente
unda cu un chauffeur despues di a caba di traha y duna un colega lift y despues regresando su cas a pega soño ne acercando e rotonde Hato a desvia dal un borchi trafico, pasa over di e “greppel” pero a bay
keda pega y e auto no por a move. Takelwagen a presenta na e sitio pa saca e auto. Afortunadamente ningun hende a resulta herida.
Diahuebs 3 Maart 2022
15
16
Diahuebs 3 Maart 2022
Bootcamp Mariniers Kazerne Savaneta pa hobennan di Gen297 Diabierna 4 di Februari, 23 hoben a presenta nan mes na e entrada di Mariniers Kazerne Savaneta. E meta principal di e bootcamp ta pa entre otro siña e hobennan e structura y disciplina di militar. Den 24 ora cu nan a keda den e base militar, e focus tabata den balornan fundamental cu cada militar ta uza den tur tarea cu nan ta ehecuta; solidaridad, forza y dedicacion. Desde 2021 Asociacion Trabao di Hubentud na Aruba (ATHA) a cuminsa cu Gen297 cu ta un programa despues di scol pa hoben di scol secundario. Pa e actividadnan atardi den Gen297 ATHA ta traha cu diferente partners e.o. Arubaanse Muziekschool, Ateliers 89 y KNVB cu ta ofrece e programa di World Coaches. Na final di e programa di Mariniers Kazerne e mayornan, Directora di ATHA Cyndi Kelly Mathilda, Regio Manager di Gen297 Franchesca Heinze, guia di grupo Reinhard Breinburg y boluntario Roberto Geerman tabata presente na e clausura hunto cu e hobennan. Durante e weekend representante di KNVB Johan van Geijn tabata na Aruba pa bishita di trabao y tambe a presencia e momento special aki. ATHA ta gradici Mariniers Kazerne Savaneta pa nan aporte na hubentud di Aruba y tambe na Stanley Menzo di KNVB pa a realisa esaki y ta sigui conta cu nan sosten.
Diahuebs 3 Maart 2022
Pagina 17
TENE NA CUENTA E USO DI TAPA BOCAS
Varios auto a wordo kibra y nan pertenecianan horta durante e Parada Nacional
homber pelon bisti na geel. Varios caso di destruccion a wordo raporta patras di Cas di Cultura, ariba caminda grandi pariba di rotonde Las Americas y tambe pariba di edificio di Dimp. Locual e homber aki tawa-
Camacuri - Diasabra den oranan laat di anochi pa diadomingo marduga, mientras e Parada Na-
cional tawata avansando, un antisocial tawata pasa y kibra den varios auto. E anti social lo tabata un
ta haci, tawata kibra e bentanan di e auto na banda drechi, esaki dependiendo con e auto tawata staciona y unda hende no por a mir'e. Polisnan tawata core den e area aki tira bista, pero no a logra topa cu e homber aki.
Varios persona, carnavalista y no carnavalista haya sorpresa na momento cu nan a yega bek na nan auto. Companianan di seguro a wordo pidi na e sitio pa asina tuma nota y saca potret di e autonan cu a sufri daño.
Diahuebs 3 Maart 2022
Pagina 18
BATAYA GRANDI ENTRE SUNNAMI vs SNOR! Calabas - All gloves are off! Asina Sunni, e famoso manager di Sam’s, a declara ora el a shake hands cu ‘Snor’ Perez pa asina nan seya nan encuentro epico cu lo tuma luga diasabra awor 5 di maart n’e unico y mundialmente famoso Domino Square Garden na Calabas! Mes ora amantenan di domino di caliber ‘world class’ a cuminsa lora e ‘odds’ pa e importante bataya aki caminda e pregunta grandi, mescos cu na tur encuentro cu ta tuma luga n’e Domino Square Garden, ta cua t’esun cu lo pasa anochi pega bou dje palo grandi di kwihi otro ban-
da di ‘Highway 69’ aya na Calabas! Nos mes ora a tira un duik y bisti goggle pa google e background di e team nobo aki di Sunni cu ta carga e nomber menasante di ‘TEAM SUNNAMI’! Investigacion a mustra cu desde su ‘home town’ aya na India caba e cabayero aki tabata conoci den idioma Hindu como un famoso ‘ston haindalar’! Nos experto linguistico a traduci esaki na Papiamento como ‘esun cu ta handle cu piedra’. Mas investigacion intenso a resulta den algun potret bieu caminda e cabayero aki en berdad tin piedra
den man, sinembargo e calidad dje potretnan tabata asina onduidelijk cu nos no por a determina cu 100% ki tipo di piedra nan tabata! Ban wak diasabra awo dus ta kico Team Sunnami tin den tapara! Di otro banda, tur amante di domino conoce e famoso team di Snor Perez caba, esta Team Snor, e unico team caminda cada integrante tin un uniform ‘custom made’ p’e so bisti! Snor tin un record impactante den historia di Domino Square Garden, pero pregunta clave ta keda si lo por wanta presion nobo, fresco fresco! Lo ta bay ta un berdadero placer pa
wak e dos toronan aki lock cacho cu otro! Shonnan pues, diasabra awor 5 di maart, cuminsando pa 7’or di anochi, bin presencia e bataya pa habri temporada di dom-
ino 2022 entre TEAM SUNNAMI y TEAM SNOR! Entrada manera semper ta completamente gratis y e ambiente lo ta de locura estilo ‘post-pandemic’! Yegaaa!
Fundashon Stimami Sterilisami Organisando Su Programa Pa 2022 Fundashon Stimami Sterilisami a lansa su campaña nacional di sterilisacion di cacho y pushi pa 2022. Danki na contribucionnan generoso di Bucuti & Tara Beach Resort, Aruba Tourism Authority, Aruba Bank, Setar N.V., Ewald Biemans, huespednan di Bucuti y residentenan local, e fundacion lo por cuminsa cu su campaña di sterilisacion pa 2022! E programa cu a wordo inicia y pa gran parti financia door di Bucuti & Tara Beach Resort y a wordo sosteni door di otro organisacionnan, a logra sterilisa aproximadamente 27,724 cacho y pushi entre 2016 - 2021. “Aunke esaki ta un logro grandi, nos ta hopi leu di logra nos mision pa resolve e problema di sufrimento di cacho y pushi riba caya,” Biemans ta splica. “Sin sterilisacion, un cacho of pushi ta reproduci exponencialmente. Awo cu nos mester a stop pa seis luna, nos ta wak e situacion cu nos a traha asina duro pa mitiga, birando pio atrobe. Tur
dia nos ta wak mas y mas cacho of pushi bandona. Pesey nos ta sumamente agradecido na tur organisacion y persona cu a contribui y nos ta cla pa cuminsa duro bek den 2022. Nos ta haci un yamada na e poblacion pa porfabor sterilisa boso mascota na tempo. Keda pendiente pa mas informa-
cion den un paar di dia.” Fundashon Stimami Sterilisami ta un non-profit organization cu ta uza 100% di tur donacion pa ofrece subsidio parcial pa e procedura di sterilisacion pa tanto publico en general, como tambe organisacionnan di boluntario cu ta cuida bestianan di cas of riba caya. E organisacion su
bukinan ta habri y ta wordo controla pa asina brinda transparencia total di e uzo di fondonan. Pa esnan cu kier aporta na e gran causa aki, por haci donacion directo na Fundashon Stimami Sterilisami, cuenta: Aruba Bank 6012630190.
Diahuebs 3 Maart 2022
Pagina 19
SABIDURIA DEN NOS ALEGRIA Skirbi pa Ruthy”Lady Ruth”Vrieswijk-Bergen
Lady Ruth no sa con pa cuminsa nos relato di e siman aki. Asina hopi cos pasando pareu. Mundo cu ta tur preocpa pa locual ta e guera den Ukraine. Y mientras leu aya tin hende ta bira victimanan di guera cu e invasion di Russia den Ukraine, nos isla chikito tawata den pleno celebracion di un parada nacional di lus cu carnavalistanan celebrando nan carnaval di lus. Kico tin na cabes di cada gobierno of cada persona , nos no sa, pero, si bo tambe ta kere den e Supremo Dios, anto, lo yuda si bo tambe reza den e precioso nomber di Jesus pa e banda ey di mundo. Ta tur dos partido mester di oracion. Pa e hendenan di Ukraine surpasa e mal tempo di e guera aki, pa nan bida, salud, pa nan yuda otro . Pa e hendenan di Russia, specialmente pa e militarnan y tankinan di guera stop di funciona, pa e lider Putin stop di hasi maldad y cu Dios por pordone tambe y lagele stop e guera. E ta un hende mescos cu tur hende, pero
tin hendenan malo su tras ? Ta e so ta e monster ? Ora bo wak su cara riba pantaya di television bo ta wak un cara inocente di un mucha malmucha cu kier su kier ? Su wowonan ta mustra tristo of ta asina un cara di un monster ta mustra ? Nos tur cu a bai scol a sinja di e prome y di dos guera mundial, y awor parse cu un di tres ta na caminda of ya a cuminsa caba. Ki ta e motibonan su tras ? Destrui un pais y mata personanan inocente, foei !. Esaki ta un karma scondi ? Unda e “karma” ta keda ? Unda e contesta di e dicho “Bo ta cosecha locual bo ta sembra” ta keda ? Kiko tur e bululu aki ta, “unfinished busines”? Pakico asina tanto rabia, orguyo, discriminacion y hamber pa mas poder y material ? Mientras nan ta sigui bringa , paisnan na banda ta paralisa. Parse nan niun kier mete cu e gigante Russia. Esaki lo ta parti den e buki mas lesa, e bijbel, cu, mundo ta bay caba ? Ta regla Russia ta reglando
cuenta for di den pasado ? Un herida habri di nobo ? Ta mustra cu ela prepara su mes bon, bon cu tur e tankinan di guera ta ser maneha pa esnan cu ta den su gara, esnan cu ta obedece ? Lady Ruth ta spera cu tur misa, iglesia y catedralnan rond mundo ta reza pa tur dos e lidernan, pa nan sera paz y stop cu e guera. Ta rabia den mente putri di e militarnan cu ta “protegando ambos pais todo por todo “? Y mas noticia nos wak y tende , mas e russonan ta gana terreno ? Ta manera nan sa e siguiente “move” di media internacional cu ta duna nan mas forsa ? Aunke nos tambe a participa na e curso di skirbi poema pa Poeta Patria di dia 15 di Maart duna pa Mirto Lacle, nos curason no ta di fiesta totalmente , aunke nos ta leu for di e paisnan den guera. Nos tambe ta sinti pa e famianan cu ta den e gara di guera. Ki les bon Dios kier sinja nos tur , di nobo, of atrobe ? Nos tur ta hambra pa mas negoshi, mas placa, mas propiedad, mas material ? Ta ser bisa, cu , semper tawatatin guerra na diferente partinan di mundo, cu esaki ta simplemente uno mas ? Ohala nan keda leu anto, y cu pronto e solucionnan presenta na horizonte. Lady Ruth, kier a desea tur Poeta participante di Poeta Patria 2022 hopi exito for di awe caba, y
cu nos por sigui demostra nos amor y passion pa nos pida barranca, nos dushi Aruba, cu na cabes nos Madre Patria Hulanda. Nos ta sigui duna danki pa e regalo Bida, e bendicionnan dia pa dia y e amor di Dios cu nos por comparti y expresa den famia, den nos comunidad y riba Aruba. Aunke nos a “purba” di duna un crenchi di nos pensamentonan di e guera, nos ta comparti bunita potretnan di e workshop di Poesia cu a tuma lugar na Biblioteca Nacional Aruba, recientemente, pa inspira participantenan den nan skirbimento pa
competencia Poeta Patria, aunke cada escritor cada poeta tin su mesun estilo liber den skirbimento y expression. Danki pa lesa nos relato, sigui cuida curpa, stay safe y love you too !! Cu Dios toka e mente, alma y curason di cada soldaat bringando un guerra carga pa mentenan caprichoso y maligno. Pordona nan Tata Dios, nan no sa kico nan ta hasi. Duna nan bo Paz Oh Senor, duna nan bo Lus. Pone un fin na e guera aki, nos ta pidibo den e precioso nomber di Jesus. Den Bo mannan di bondad nos ta entrega nan tur. Amen.
Diahuebs 3 Maart 2022
Pagina 20
Preparacion di ginger y azeta di oleifi pa calma dolor
E preparacion di ginger y azeta di oleifi pa calma dolor ta un di e miho remedinan casero pa nos por haya, danki na e cualidadnan di su ingredientenan. E ta un poderoso antiinflamatorio, analgesico y diuretico. Entre otro hopi beneficio, ta yuda na mehora e circulacion sanguineo y e problemanan digestivo. Ginger ta wordo caracterisa tambe pa su propiedadnan regenerador y afrodisiaco. E raiz aki por us'e riba algun cuminda pa su sabor picante, ademas, pa su exkisito holo, a wordo usa como aromatisante.
Mineral, vitamina, gingerol Ginger ta fuente di calcium, azetanan esencial, aminoacido, fosforus y vitaminanan B y C, pa cual ta reforsa e sistema inmunitario. Su gingerolnan ta haci'e di gran utilidad den e combate di cancer di ovario y di colon. Tambe ta un poderoso expectorante pa casonan di bronkitis, asma, griep y otro enfermedadnan di e sistema respiratorio. Si nos kier reemplasa pildo, e preparacion di ginger y azeta di oleifi ta un opcion ideal pa calma e dolor. Pa su propiedadnan diuretico, elimina e exceso di likido den e articulacionnan, loke ta reduci e inflamacion. Ideal pa e stoma y tripanan Ginger ta yuda den e tratamento di e dispepsia, flatulencia, spasmonan stomacal y e indigestion. Den intoxicacionnan pa alimento, infeccion di e intestinonan y hasta dis-
enteria bacteriano, e preparacion di ginger y azeta di oleifi ta e remedi indica. Di forma simultaneo, e ta lanta e apetit.
Preparacion di ginger y azeta di olijfi Ingrediente ● Un cup di ginger hopi fresco (150 g) ● Un cup di azeta di oleifi (250 ml) Instruccion 1. Nos ta laga e ginger bon y nos ta lag'e seca durante dos ora. 2. Nos ta pone e azeta di oleifi den un recipiente pa horna. 3. Nos ta corta e ginger, sin kita e cuero y nos ta rasp'e. 4. Nos ta añadi'e na e recipiente cu azeta di oleifi y mescl'e bon. 5. E mescla aki ta pone den horno, na un temperatura di 150 grado. Lag'e herbe durante dos ora. 6. Ora cu e mescla fria, nos ta bash'e den un colado di tela pa elimina e restonan di ginger. Nos ta primi'e bon te ora cu no keda mas azeta den e tela. 7. Nos ta ward'e den boter, den un luga fresco y seco. E azeta por dura te cu seis luna. Usonan distinto Ta importante midi e dosis. E cantidad necesario di e preparacion di ginger y azeta di oleifi pa calma dolor ta depende di e dolencia. Ora cu experimenta e sintomanan di distinto enfermedad, e azeta di ginger ta cobra un importancia special. Ademas su holor ta core cu sangura y otro insectonan propagador di enfermedadnan.
Contra artritis y dolornan muscular Pa revitalisa e mente y tambe e curpa, ta pidi pa consumi di dos pa tres gota diario. Si kier alivia artritis of dolornan muscular y di lomba, ta usa e mesun dosis, pero den massage na e zona afecta. Tambe ta recomenda ingeri tres gota diario. For di gas pa bronkitis Ora ta trata di diarea of di gas, un gota aplica na e abdomen cu massagenan suave lo ta un bon solucion. Si e malestar ta di garganta of di sinusitis, ta recomendabel 3 gota inhala mediante un difusor. E harabe aki ta yud ana combati brokitis, asma, tos, disnea y griep; tambe por elimina e flema den e pumonnan y garganta. Pa loke ta estetica, e aplicacion di 3 gota den e zonanan afecta, lo yuda pa lachi y estrianan disparce. E propiedadnan regenerador di ginger ta repara e piel daña.
Aliado den combati contra colesterol y hipertension Consumo di e preparacion di ginger y azeta di oleifi ta minimalisa e riesgo di hipertension. Tambe ta yuda contra colesterol malo (LDL) den sanger y ta disminui riesgo di coagulo den sanger y anteriosclerosis; e ta ideal pa trata enfermedadnan di curason. No obstante, ainda tin mas beneficio. E habito di tuma tur dia entre 2 pa 4 gota di azeta di ginger ta yuda na preveni enfermedadnan cronico.
Beneficionan incalculabel Manera nos por mira, hopi ta e beneficionan di ginger. Un importante cantidad di dolencia tin den dje un poderoso medicamento natural. E antioxidante, vitamina y mineral di e rais aki ta convirti'e den un aliado ideal pa salud. E hecho di tin e preparacion di ginger y azeta di oleifi pa calma dolor na cas, ta un decision inteligente. Por elabora den e comodidad di cas, cu utensilionan di uso frecuente y ingredientenan facil pa haya.
Diahuebs 3 Maart 2022
Pagina 21
FOR SALE
Commemorative coins for collection 75 anniversay Aruba Bank Silver 75 anniversay CMB Bank Silver 50 anniversary Lago 1924-1974 copper Best offers
Cel 5972155
OPORTUNIDAD PA TRABAO Tin oportunidad pa trabao pa un kokki/cocinera y helper di cumindanan crioyo pa un Take Away.
PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500
FOR SALE - FOR SALE - FOR SALE Pa informacion por wasap 746-3571
Ford Shuttle Bus 2006 ~ E450 diesel Prijs reduci: Afl. 15.000 Perfecto pa snack truck
739-0101
Diahuebs 3 Maart 2022
Pagina 22
PRONOSTICO DI TEMPO VALIDO TE DIAHUEBS 03 DI MAART 2022, 18:00 ORA. TEMPO: AWE ANOCHI: PARCIALMENTE NUBLA Y GENERALMENTE SECO DEN MARDUGA I MAYAN: PARCIALMENTE TE TEMPORALMENTE HOPI NUBLA CU UN AWACERO PASAJERO TEMPERATURA MAXIMO 31 GRADO CELSIUS TEMPERATURA MINIMO 26 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 32 PA 35 GRADO CELSIUS UV INDEX: 10 BAHADA DI SOLO : 6:49 PM SUBIDA DI SOLO : 6:55 AM BIENTO: MODERA FOR DI OOST; FORSA 3 TE 4 (12 TE 30 KM/ORA, 7 TE 16 NUDO). DEN DIA BASTA FUERTE TE POSIBLEMENTE FUERTE DEN RAFAGA; FORSA 5 TE 6 (31 TE 50 KM/ORA, 17 TE 27 NUDO). SITUACION GENERAL DI TEMPO PA PROXIMO 24 ORA: HUMEDAD DEN REGION LO POR BIRA SUFICIENTE DEN ORANAN DI MARDUGA I MAINTA DI DIAHUEBS PA CAUSA LOCALMENTE UN AWACERO PASAJERO. SOBRA DI DIA LO KEDA GENERALMENTE SECO. CONDICIONAN MARITIMO/ ESTADO DI LAMA: NA PARTINAN PROTEJE DI COSTA: LEVE NA PARTINAN ZUID: TRANKIL TE MODERA NA PARTINAN OOST TE NOORDWEST DI COSTA: GENERALMENTE MODERA OLANAN LO TA ENTRE 2 PA 4, LOCALMENTE 5 PIA AVISO/ ALERTA: NINGUN FENOMENONAN SPECIAL NINGUN POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 31 / MIN 26 / 0.0 MM WESTPUNT: MAX 31 / MIN 25 / 0.0 MM STA ROSA: MAX 31 / MIN 26 / 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI OOST- NOORDOOST Y MODERA; BASTA FUERTE TE FUERTE DEN RAFAGA; TEMPERATURA (GRADO CELSIUS) MAX / MIN LO TA: 31 / 26
Pagina 23
Diahuebs 3 Maart 2022
obituario
CHAPI, VERF, CORIENTE Ta hasi trabao di corriente verf
Publica serka nos anuncio di fayecimento di bo ser keri. Nos tin 2 pakete pa ofrece Pakete 1: Anuncio di fayecimento te dia cu e defunto ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia Na Canal 22 1x prome cu Noticiero 22 Afl 400,00 Pa mas informashon por tuma contacto cu oficina na 585-9500 of na 741-4554 puntra pa Jamila Henriquez
TA HUUR den CENTRO COMERCIAL NOORD un localidad di 120M Bon situa, pa mas info yama:
592-3327
welder plumbing metsla carpinte drecha dak hasi cura limpi y kap mata
yama: 5608568
Diahuebs 3 Maart 2022
Pagina 24
Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn
911 100 102 104 105 107 11141
Ambulance San Nicolas Ambulance Sasaki Ambulance Wayaca
584-5050 582-5573 582-1234
Horacio Oduber Hospital Centro Medico San Nic. SVB AO Ziekmelding
527-4000 524-8833 527-2782
Servicio nan
Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa
523-7147 525-4600 117 145 524-2424 584-5080 585-1198 913
Aurora Funeral Home Royal Funeral Home Ad Patres Funeral Home The Olive trees Funeral Home
588-6699 586-4444 584-2299 582-0000
Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Koningin Wilhelmina Fonds Fundacion pa nos mucha nan
582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247
PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500
Diasabra 6 November 2021
Pagina 25
CENDE CANDELA - CARNAVAL
Diahuebs 3 Maart 2022
Pagina 26
Lotto MERDIA MAART 1
Lotto ANOCHI MAART 1
Lotto MERDIA MAART 2
Pa abona na SOLO DI PUEBLO
Yama 585 9500
of manda nos un e-mail na solodipueblo@gmail.com
n e d e t a i d r a tu cas g e r t t’i En r o p bo
Pagina 27
Diahuebs 3 Maart 2022
Invasion di Russia ta violacion di e soberania di Ucraina pero ban waak e motibunan Ta bon pa nos repasa historia y cuminsa for di 2014 cu e golpi di estado nazista y sangriente na Kiev, Ucraina. Otro asunto cual ta esencial e importante pa Russia ta nan seguridad. Un asunto importante pa tur hende sa ta, cu e prome cu ta muri den guera ta “E BERDAD” Maidan revolution. Despues di simannan di disturbionan, yama Maiden revolution. Un acuerdo di presidente Janukovic cu paisnan di EU a ser kibra dor di manifestantenan domina pa e nazistanan di e batayon Azov y di e siguidornan di Bandera. Tur dos organisacion cu simpatia grandi pa Hitler y nazismo a percura pa matansa di hopi hende, entrenan hopi polis. Presidente Janukovic eligi den eleccion liber a haye obliga di huy pa Russia, unda e a ricibi asilo politico. E maidan revolution a cuminsa 18 februari 2014 y a termina 23 di februari di 2014. Sigur e tabata un golpi di estado apoya pa USA y tambe pa paisnan di EU. E subsecretario di estado pa asuntonan di Europa, Victoria Nuland a bisa, ora politiconan di EU kier a pone condicionnan kendenan ta forma e gobierno nobo despues di e golpi di estado, F..ck EU, ta USA a hinca banda di $5.000.000.000= den NGO-nan na Ucraina pa traha ariba e golpi di estado. Pues ta USA ta bisa kendenan ta bay forma e gobierno nobo. Persecucion di Ruso-Parlantenan E gobierno apunta pa USA a sinta y a cuminsa cu e persecusion di e minorianan na Ucraina. E minoria mas afecta tabata esnan cu ta papia Ruso solamente, e Ruso-parlantenan. E idioma Ruso di cual banda di 30% di Ucrainonan ta papie, a ser prohibi, cu sancionnan fuerte pa esnan cu ta papia Ruso. Schoolnan di Ruso-Parlantenan a ser sera of nan mester a pasa den cambionan drastico. E persecucion tabata y te ainda fuerte. Hopi Ucraino(a), Ruso-parlante a ser mata. E simpatisantenan di e batayon di Azov y di e siguidornan di Bandera kendenan a ser hinca den e Guardia Nacional a percura pa e matansanan.
Despues a tene eleccion general y Poroshenco a bira presidente na juni 2014siguiendo cu e mesun politica anti-minorianan. E golpi di estado nazista, consecuentemente e persecusion di e Ruso-parlantenan na Ucraina tabata grandi. Crimea, cu prome cu 1954 tabata parti di Russia, casi tur hende ta Ruso-Parlante, despues di a lucha contra persecusionnan di e neo-nazistanan a tene un referendum, dia 16 maart 2014, pa e poblacion dicidi si nan ta keda cu Ucraina of nan ta bay cay bek bao Russia. 95,5% Di tur habitante a vota masalmente pa join e Federacion Ruso y Russia a percura pa concretisa e decisión final di e referendum cu medidanan apropia, entrenan cu mandamento di militarnan Ruso. Poblacionnan di e dos provincianan Lugansk y Donetsk ambos Ruso-parlante a fada di e persecucionnan y nan a dicidi di los for e pais Ucraina y bay ariba nan mes. Sindicalistanan kima bibo Conoci ta e matansa di banda di 50 persona, na Odessa dia 2 mei 2014, entre nan hopi lidernan sindical, kendenan a busca refugio den e sede sindical di Odessa. Neo-nazistanan a sende e edificio na candela y blokkia e portanan. Hopi hende a kima bibo, otronan a bula for di 2 y 3 piso na candela y cay muri. Videonan cu a circula na mundo completo a mustra con varios lidernan sindical, a keda tira abao kima y morto. Na hopi ciudadnan na sur-oriente di Ucraina habita pa Ruso-Parlantenan e persecucion contra e habitantenan aki tabata severo. Donetsk y Lugansk a los di Ucraina. Na april 2014 a inicia un lucha formal entre rebeldenan na Donbas na e provincianan Lugansk y Donetsk. Dor di persecusion y matansa di hopi hende Ruso-parlante na e dos provincianan aki, e habitantenan no kier keda bao di Ucraina mas, pero nan kier ta provincianan independiente. Criticonan di Russia tabata bisa cu Russia tabata duna nan tur sorto di apoyo, mientras Rusia mes ta desmenti esaki. Na final di April, Presidente In-
terino di Ucraina Turchinov a bisa cu Ucraina a perde control na Donbas. 11 mei 2014 a tene Referendum na e provincianan aki y mayoria di pueblo na un forma aplastante a vota pa independencia di e dos provincianan aki. Acuerdo di Minsk Na 2015 a bini e acuerdo Minsk, cual tin e siguiente stipulacionnan: -Reforma constitucional na Ucraina pa autonomia na e 2 provincianan Lugansk y Donetsk; -Ucraina ta mantene e control ariba e fronteranan; -Tur prisoneronan di guera ta ser laga den libertad; -Ta bini un paz entre partidonan; -Ta move tur armanan pisa y un prohibicion pa uza nan despues; -Ta cuminsa cu ayudonan humano na e poblacionnan; -Alemania, Francia y Russia ta e paisnan cu ta para garante pa e acuerdonan di Minsk wordo poni den practica; -E acuerdo a ser aproba dor di Conseho di Siguridad di UNO, pues e a bira un ley internacional. Despues di e firmamento di e acuerdo, toch miles di habitante di Lugansk y Donetsk a ser mata dor di atakenan di e nazistanan, kendenan no ta di acuerdo cu e Acuerdo di Minsk. E pais unda historia a muri Despues di hopi enfrentamentonan y matamento di hende, e gobierno di Ucraina a duna e provincianan autonomia y tambe amnestia na e rebeldenan. Maske pa e separatistanan e no ta bastante. Bringamento ta sigui, maske cada biaha ta nace un Cease-fire, pero cual ta ser kibra
atrobe. Na momento cu partinan di bo pais, Crimea, Donbas y minorianan no kier ta parti mas di e pais, por bisa cu Ucraina a bira a Failed State, un Estado Fayido. Despues di e Maidan revolution na 2014, dirigi pa nazistanan, sigui despues dor di persecusion den extremo di minorianan di Polonia, di Rumania, di Hungria, pero mas bien di Ruso-Parlantenan. Tambe tin e intentonan pa legalisa discriminacion. E ultimo 4 dianan, hendenan color scur, kendenan tambe kier bandona Ucraina den busnan of treinnan, ta ser wanta dor di guardia Nacional pa Ucrainanan pasa nan dilanti. Ta ser bisa cu Ucraina a bira, “e pais unda historia a muri”. Pakico? E neo-nazistanan, contra kendenan mundo a bringa den II guera mundial, na Ucraina nan a bira poderoso y hinca den e guardia nacional pa sofestica e persecusion di minorianan. Medionan di info di occidente sa esaki, despues di revolucion Maidan, pero nan a keda ketu. Seguridad di Russia Russia na hopi ocacion e ultimo 20 anjanan pa medio di e presidente Putin a pidi e paisnan di Nato pa tene cuenta cu e seguridad di Russia. Russia no kier ningun pais cu ta frontera cu Russia pa ta miembro di Nato. E motibo ta cu Nato ta bay construi basenan militar cu bomnan nuclear ariba frontera cu Russia, ta pone e siguridad di Russia na Peliger. E bomnan, awendia dor di misilContinua pag 28
Diahuebs 3 Maart 2022
Pagina 28
Invasion di Russia ta violacion di e soberania di Ucraina pero ban waak e motibunan Continuacion pag 27 nan poderoso den 7 pa 8 minut, ta yega nan capital Moscu. Un exigencia di Russia semper tabata cu Ucraina no ta bira miembro di Nato. Nos ta tende y lesa hopi comentario, hopi cu un contenido emocional, sin e conocimento profundo di e problema. Un medaya tin dos banda. Tur hende mester por haya sa y comprende e posicion di e dos paisnan den guera, esta Ucraina y Russia. Semper lo tin hende cu nan preferencia sin sa nada di e problema. Ta e dos bandanan di e problema mi ta splica den e comunicado aki. E guera na Lugansk y Donetsk, intervencion militar di Russia y negociacion di paz E guera na Donbas ya ta andando pa como 7 anja caba. Siman pasa e a culmina despues cu presidente Macron di Francia un di e garantenan di e acuerdo di Minsk a declara cu Ucraina mester bay mesa cu e provincianan rebelde pa yega na un acuerdo. Gobierno di Zelenski un biaha mas a nenga di bay mesa di negociacion y Russia a dicidi cu ta basta despues di 7 anja a reconoce e independencia di e dos regionnan, Donetsk y Lugansk dia 21 di februari 2022. Conflicto a cuminsa. E poblacionnan di e regionnan aki a cuminsa celebra cu fiestanan, pero for di Ucraina ta raket cu bala a cuminsa drenta e dos regionnan. Tres dia despues, diahuebs Russia a cuminsa cu su accion militar na Ucraina y nan mision ta pa desmilitarisacion y desnazificacion=elimina neo-nazistanan na Ucraina. Russia cu accionnan di guera a viola e soberania di Ucraina. Russia a cuminsa destrui y pacifica tur e centronan militar di Ucraina, según calculo casi mil. E guera na e dos regionnan di Donbas a intensifica, unda un parti grandi di e ehercito Ucraino ta ser forma pa e nacionalistanan Nazi, kendenan fervientemente a sali na defensa di nan pais. Otro soldanan Ucraina a entrega nan arma y a uza e coridornan cu Russia a traha pa e desertornan por bay bek Ucraina. Russia a declara cu nan no kier ningun centimetro di teritorio di
Ucraina, pues nan no ta bay mantene Ucraina ocupa y nan lo bay Russia bek despues cu nan cumpli cu nan mision. Diabierna despues cu Zelenski a pidi e paisnan di Europa y di Nato ayudo militar pa bringa Russia, tur pais a keda ketu y Zelenski a declara cu e ta para su so. Diabierna presidente di Ucraina Zelenski publicamente via un mensahe di video a saca un declaracion cu Ucraina kier negocia un final di e guera cu Russia. Russia a bay di acuerdo y Russia, igualmente Ucraina a traha nan team pa negocia. Russia a stop su accionnan militar. Oficina di Zelenski a bisa tambe cu nan ta cla pa negocia un status neutral pa Ucraina, locual semper tabata posicion di Russia. Despues di esaki a bini un silencia di parti di Ucraina y Russia, pero dialuna mainta durante 5 ora partidonan a negocia y tur dos parti ta duna resultado positiva. Cada team di negociacion ta bay bek na nan base. E negociacion ta ser reanuda den e proximo dianan. Neo-nazistanan cu accionnan peligroso. Mientras tanto e intervencion militar di Russia ta sigui. Russia a bisa cu nan no ta bay ocupa Ucraina pero lo Sali for di Ucraina ora nan mision ser cumpli. Mientras tanto e neo-nazistanan na Kiev y otro ciudadnan grandi nan mes a cuminsa tira ariba edificionan cu e lanzador multiple di misilnan, BM-21 GRAD, cual ta na gran cantidad na Ucraina, e ta un arma peligroso, fabrica na 1960 na Union Sovietica. E danjonan causa ta pa culpa militarnan Ruso. Un tactica mediatica pa culpa Russia y cual ta conoci serca teroristanan y nazistanan. Tambe na Donbas ainda tin fuerte enfrentamento entre soldanan di e 2 republicanan nobo y e ehercito di Ucraina. Laga nos spera cu negociacion lo trece paz. Sancionnan For di diabierna di dos dia di Intervencion militar di Russia, e paisnan di Nato y di EU a cuminsa discusion tocante sancionnan contra Russia. Prome cu a haya sancion ta e 300 y pico parlamentarionan di Duma kendenan a vota pa reconoce Donetsk y Lugansk
como paisnan liber. Un decisión stranjo ya cu reconocimento ta algo normal pa parlamentonan di paisnan na mundo. A sigui hala di otro sancionnan contra Russia. Algun fuerte, otro contradictorio, otronan cu sigur lo bay corta y haci danjo den e propio paisnan pro. Dos sigur cu ta fuerte y por haci hopi danjo na Russia, pero tambe por bounce bek of ta haya otro destino. Prome ta desconecta banconan Ruso di e systema Swift, cual ta un systema cu ta regla pagonan financiero internacional y casi tur banco na mundo ta haci uzo di dje. US y EU a dicidi cu varios banconan di Russia ta ser desconecta di Swift. A peticion di Alemania cu ta hopi dependiente di energia Ruso, e banconan grandi sanciona algun dia prome so ta ser desconecta di Swift. Maske ta bon pa menciona cu Russia tin su sistema a la Swift, SPFS (System for Transfer of financial Messages). China tin su systema CIPS (Cross-Border Interbank Payment), cu Russia por uza. Por ta esaki ta e momento cu Russia lo uza pa deshaci di e dollar. Di dos ta e reservanan di banco central di Russia, tambe awor ta bao sancion di US y EU. Tin diferente calculonan di e total suma, pasobra un parti grandi ta na Russia mes, tin un parti cu bon contratonan cu no por mishi cu nan, otronan ta na paisnan cu no ta respeta e desicionnan di US y EU.
Pa Russia aprobacion di su reservanan den banconan pafor di Russia ta igual na Ladronicia. Advertencia a bay na e paisnan cu cumpli cu e sancionnan aki lo sufri consecuencianan. Conclusionnan Prome e sancionnan lo bay causa danjo na Russia y tambe na otro paisnan. Di dos, e posicion di Zelensky cu Ucraina ta para su so militarmente ta mustra e debilidad militar di Nato. Den 2 publicacion ariba mi FB na cuminsamento di febr, di e experto militar di USA, Scott Ritter. Den detayenan sr Ritter ta splica pakico militarmente USA ta debil y bataya contra e ehercito Rusiano lo resulta den derota pa USA. Según Ritter e militar Ruso ta mihor entrena y su equiponan di guera ta hopi mas sofestica cu esunnan di e militar di USA. Di tres, e ultimo 50 anjanan ta e paisnan di Nato ta ataca y ocupa militarmente hopi otro paisnan, violando nan soberania, sin ricibi sancion, cualnan ta igual na e violacion di soberania di Ucraina dor di Russia. E paisnan di Nato a ricibi 0 (cero) sancion y Russia a ricibi tantisimo sancion. Gregorio Wolff 1 maart 2022
PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500
Diahuebs 3 Maart 2022
Pagina 29
E BON NOTICIA
E 7 Sacramentonan di Salbacion segun e Bijbel BAUTISMO Mateo 28: 19-20, Cristo Hesus ta bisa Su Apostelnan: “Bai pues y haci tur pueblo bira Mi discipelnan y bautisanan den nomber di Tata y di Yiu y di Spirito Santo y sinja nan warda tur loke Mi a manda boso. Mira, Mi ta cu bosonan tur dia te na cabamento di mundo”. Huan 3: 5-6; “Hesus a responde: Enberdad, enberdad Mi ta bisa boso, si hende no nace di awa y spirito, e no por drenta den Reino di Dios. Loke a nace di carni, ta carni y loke a nace di Spirito ta Spirito.” Pa medio di Bautismo den Misa, e pika original di Adam y Eva ta wordo kita y e baby ta bira yiu di Dios Tata y tempel di Spirito Santo y su bida eterna a cuminsa. CONFIRMACION Echonan 2: 1-4,e Apostelnan di Hesus tabata reuni: “Ora cu dia di Pentecoste a jega, nan tur tabata hunto na e mesun lugar. Diripiente a bini di cielo un ruido manera un biento fuerte a lanta y a yena henter e cas caminda nan tabata sinta. Algo manera candela aparece y a parti Su mes na lenganan y a bai para riba cada un di nan. Nan tur a jena cu Spirito Santo y a cuminsa ta papia den lenganan stranhero, segun Spirito tabata duna nan pa expresa.” Echonan 19: 6; “Despues cu Pablo
a pone man riba nan, Spirito Santo a bin riba nan; nan tabata papia den lenganan y tabata profetisa.” Esaki ta sosode ora cu Obispo pone man riba e hobennan, pa nan ricibi Donnan Spiritual. CONFESION DI E PIKANAN Huan 20: 23; Hesus a bisa na Su Apostelnan: “Na esnan kende su pikanan boso ta pordona, nan ta keda pordona y na esnan kende su pikanan boso no ta pordona, nan no ta keda pordona.” Akinan Hesus ta duna Su prome Obisponan, e autoridad pa pordona pika. E EUCARISTIA Lucas 22: 19-20; “Despues Hesus a cohe e pan, a gradici Dios, a kibr'e, a duna nan y a bisa: Esaki ta Mi Curpa cu ta entrega pa boso. Haci'e pa boso corda riba Mi. Di e mesun forma, E'l a cohe e copa despues di cena y a bisa: Esaki ta e Copa di Aliansa Nobo confirma cu Mi Sange, cu lo ta derama pa boso.” Huan 6: 53-54; “Hesus a responde nan: Mi ta sigura boso, si boso no come Carni di Yiu di hende y no bebe Su Sanger, boso lo no tin bida den boso. Esun cu come Mi Carni y bebe Mi Sanger tin bida eterna y Ami lo lante for di morto riba e ultimo dia.”
Den e Santa Eucaristia den Misa, nos ta sigi recorda Cristo Hesus Su Sacrificio y Morto na Crus y den e Santo Comunion, nos ta sigi ricibi e Curpa y e Sanger di Cristo Hesus pa bida eterna. MATRIMONIO Mateo 19: 4-6; “Hesus a duna pa contesta: Boso no a lesa, cu na principio Dios Creador a traha hende homber y muher y a bisa: Pa esey e homber lo laga su tata y mama pa e mara su mes na su muher y e dosnan aki lo bira un curpa. Asina pues ya mas nan no ta dos, siendo cu nan a bira un solo curpa. Pa esey loke Dios a uni, hende no ta permiti di separa di otro.” E union matrimonial aki, ta sosode den Misa pa medio di un sacerdote y Dios no ta reconoce divorcio. E union di curpa, ta pa e pareha haci relacion sexual pa forma famia. ORDEN SACERDOTAL Marco 3: 13-15 ;”Hesus a subi riba sero y a jama esnan cu E tabata kier y nan a bin cerca dj'E. Asina E'l a forma un grupo di 12 cu E'l a jama Apostel. E'l a scohe nan, pa nan companj'E y a mandanan
predika, cu poder pa saca demonio.” Mateo 16: 18-19 ; “Ami awor ta bisa bo: Bo ta Pedro y riba es baranka di piedra aki, lo Mi traha Mi Iglesia y e forsanan di fierno lo no podera di dje. Lo Mi duna bo yabinan di Reino di Cielo y tur loke bo mara na tera, lo ta mara den cielo y loke bo los na tera, lo ta los den cielo tambe.” Echonan 20: 28; “Cuida bosonan tur y tur e rebanjonan di carne cu Spirito Santo a pone na boso encargo, manera Obisponan pa cuida e Iglesia di Senjor. E Iglesia cu E'l a gana cu Su mesun Sanger.” E Apostelnan ta e prome Obisponan y San Pedro ta e prome Vicario di Cristo Hesus, cu ta e prome Papa di Iglesia. UNCION DI ENFERMONAN. Hacobo 5: 14-15 ; Esnan cu ta enfermo, lag'e jama e ancianonan di Iglesia, pa nan resa p'e y hunt'e cu azeta den Nomber di Senjor. Y e oracion haci cu fe, lo salba e enfermo, Senjor lo lant'e y si e'l a haci pikanan, Senjor lo pordon'e.” E Ancianonan di Iglesia ta e Sacerdotenan.
Pagina 30
Diahuebs 3 Maart 2022
Un pelea di pareha a bay completamente for di man, homber a dal su pareha cu un stul na su cabes Bushistraat: Diadomingo algo pasa di mey anochi, mientras cu polis tabata man yen cu problemanan y mantene ordo riba e ruta di Parada Nacional, presencia di polis a wordo pidi cu ur-
gencia na un compleho di apartamento den Bushistraat pa un problema di pareha cu a bay completamente for di man. Na yegada polis a topa cu e homber cu tabata tin un baby carga.
E origen di e problema no ta conoci, pero si durante e pelea a comete varios destrucion den e apartamento. E homber a bira asina razo, cu e la dal e muher cu un stul na su cabes. Polis a intermedia y a
Invitacion:
Diasabra 5 di maart 2022, pa 7 or di mainta tin Santa Misa na Kapel di Alto Vista
Pa personan di Savaneta y San Nicolas: Den Kapel di Cas Curason di Maria na San Nicolaas. (Blue Army Center) Maart ta luna pa recorda San José, cu su caracter di e Ser sumamente humilde, poco ves ta papia di su hecho, y su silencio ta vigente den santa scritura tin suficiente información riba dje, pa comprende cu Dios a eligie y no otro homber pa ta Tata adoptivo di su jiu Hesus. Prome cu Santo Misa ta resa Santo Rosario pa 6.15 “Misterio Gososo”, despues ta sigi cu Salve Regina. Ta invita e pueblo di Aruba, deboto y fielnan pa asisti na e Santa Rosario prome cu Santo Misa. Cu Mama Maria entersede pa nos na nos Tata Celestial. Tur fielnan di Mama Maria ta bin resa e Santo Rosario pa bienestar di henter comunidad di Aruba. Papa Francisco ta haci un suplica na mundo pa resa e Santo Rosario, nos ta den un tempo di crisis grandi. Noticianan for di Ukrain ta di lamenta, spantoso pa mundo henter. Hesus tene piedad pa henter mundo.
papia cu ambos separa, despues di un rato nan a calma y e dama a bisa po-
lis cu e no ta desea di entrega keho oficial contra su pareha cu a agredi'e.
Ban haci un curashi diasabra mainta trempan pa ofrece nos ora, nos oracion y asisti na Santa Misa y resa pa tur esnan cu ta leu di nan Creador. Laga nos ta resa pa necesidad di Iglesia Universal, pa Papa Francisco, Obispo Luis Secco, tur sacerdote, Diacono y laiconan cu ta hiba e bon noticia pa e pueblo di Dios. Pa nos Gobernantenan y tur cu ta carga responsabilidad pa nos pais Aruba. Pa tur nos enfermonan den exterior cu a bay busca nan salud. Cu pronto nan regresa na Aruba y gosa di un bon salud.
Bida di Jose di Nazaret José di Nazaret ta un homber humilde cu a dedica su oficio di carpintería. Sin embargo, e mesun evangelio di Mateo 1:1-17 y di Lucas 3:23-38 ta afirma cu Jose ta yiu di Eli, sali di e desendiente di rey David. No tin mucho dato di su bida, sin embargo e beibel ta menciona den Mateo 1:1824, unda cu José a mustra gran predicamento pa e embaraso di María. Sorprendente, anke cu den e época ey ta costumber cu Maria tawata compromete cu Hose, ma a resulta cu Maria a sali na estado prome cu nan a casa. Como Hose tawata un homber husto i e no kier a pone cara di Maria na berguensa, e kier a lage. Un angel di Señor a parace na Hose y a bise: “Hose, no tene miedo, pa tuma Maria como bo casa, pasobra e yiu cu e ta spera ta di Spirito Santo. Lo e duna luz na un yiu homber y lo bo yama e yiu “Hesus”. Aceptacion di Hose tawata salbacion di mundo.
Orario corecto Misa Diarason di Shinishi na Parokia “Inmaculada Concepcion” Santa Cruz Apertura di temporada di Cuaresma ta cuminsa cu Diarason di Shinishi, dia 2 di maart 2022. Lo tin dos oportunidad pa tuma shinishi e dia aki na Misa “Inmaculada Concepcion”, esta pa 5:00or mainta y 7or anochi. Pastor Jairo Maduro hunto cu Pader Jose Miguel Nava ta invita tur parokiano pa bin celebra apertura di e temporada di Cuaresma. Laga nos demostra e berdadero sentido di Sinodo den e temporada special aki di oracion, ayuno y caridad. Ban cana hunto pa un miho bida Cristian y pa un miho Aruba. Keda cu e paz y bendicion di Dios.
Pagina 31
Diahuebs 3 Maart 2022
Mira con Dios a salba mi, Tur mi confiansa ta den djE,Mi n’ tin miedo: Señor Dios ta mi forsa, mi refugio. E mes t’Esun cu a salba mi. Isaías 12:2 Cu dolor na nos curason, nos ta participa fayecimento di nos ser stima:
Reinita A. Jacobs *30-05-1934 - †26-02-2022
Acto di entiero lo wordo anuncia despues
Un feliz dia bendiciona y cu Dios brasa boso cu Su amor. …”Sigui Mi y Mi ta haci boso piscado di hende” Mt 4, 19 Mescos cu Simon, Pedro y su ruman Andreas, awe Hesus ta yama nos pa sigui’E. Ta Hesus mes ta yama nos y no ta nos ta scohe e caminda pa sigui Hesus. Dios ta planta e simia di amor den nos curason pa nos sigui’E y pa nos por stima Hesus tur dia un tiki mas. Ta e amor aki ta yuda nos comparti den caridad cu nos prohimo y tur esnan menosprecia. Ora cu nos acepta e invitacion pa sigui Hesus, nos lo compronde cu Dios no tin un orario. Nos entrega tambe mester ta uno total sin orario pa Dios y tampoco sin orario pa nos prohimo. Oracion: Señor, nos ta yama Bo danki pa Bo yamada pa nos sigui Bo. Anima nos hobennan pa nan tambe por acepta Bo invitacion pa sigui Bo y crea un comunidad di rumannan den Cristo, un famia grandi di yiunan di Dios compartiendo amor cu otro. Tur esaki nos ta pidi Bo pa intercesion di San Andres Apostel. Amen.
Pagina 32
Sopi di Letranan
Diahuebs 3 Maart 2022